Asante 3

  • ㆍISBN : 9788928230792
  • ㆍPages : 382

Honhom Kronkron a Ɔte Me Mu No - Ɛkwan Pa a Wobɛfa So Anya Honhom Kronkron

Paul C. Jong

Wɔ nnɛ mmerɛ yi Kristosom mu no, adeɛ a wɔtaa ka ho asɛm a ɛhia paa no yɛ “nkwagyeɛ a yɛnya firi bɔne mu” ne “Honhom Kronkron a ɔba bɛtena yɛn mu no” ho. Nanso nnipa kakraa bi na ɛwɔ nokorɛ no mu nimdeɛ fa nnoɔma mmienu yi ho wɔ berɛ mpo a abɛyɛ asɛm hia kɛseɛ wɔ Kristosom mu no. Deɛ ɛnyɛ koraa wɔ yei ho ne sɛ, yɛntumi nhunu nwoma biara a wɔnam Twerɛ Kronkron no so na atwerɛ a ɛkyerɛ yɛn nsɛm a ɛwɔ soro ha yi no pefee. Yɛwɔ Akristofoɔ mu atwerɛfoɔ bebree a wɔde animuonyamhyɛ ma Honhom Kronkron akyɛdeɛ no anaa wɔkyerɛkyerɛ ɔbra a Honhom no ahyɛ no ma mu. Nanso wɔn mu biara nni hɔ a ɔyɛ n’adwene mpo sɛ ɔbɛkyerɛ asɛmmisa yi a ɛhia paa no ase, a ɛne sɛ, "Ɛkwan bɛn so na ogyidini bɛtumi anya Honhom Kronkron no wɔ nokorɛm?" Adɛn ntira? Nokorɛ a ɛyɛ nwanwa wɔ mu ne sɛ, wɔantumi anya deɛ ɛhia nyinaa a na ɛsɛ sɛ wɔde twerɛ no, ɛfiri sɛ wɔnni nimdeɛ pɔtee a ɛfa ho no. Sɛdeɛ Odiyifoɔ Hosea team sɛ, "Nimdeɛ a me man nnie nti, wɔbɛtwa wɔn agu," wɔ nnɛ mmerɛ yi mu no nso, Akristofoɔ pii na wɔde wɔn ho ahyɛ gyidie mu atenka wɔ anidasoɔ mu sɛ wɔbɛnya Honhom Kronkron. Wɔgye di yie sɛ, sɛ wɔn atenka mu yɛ den na wɔnya duru mpɛnpɛnsoɔ sɛ a wɔn wɔntumi nyɛ wɔn ho hwee no a, wɔbɛnya Honhom Kronkron. Nanso ɛnyɛ adeɛ ɛboro kyɛne soɔ sɛ wobɛka sɛ gyidie a wɔkura no ma Kristosom dane Shaman abosonsom bi kɛkɛ, na afei nso nneyɔeɛ a ɛte saa no firi Ɔbonsam. Nokorɛ no nkotoo na Ɔsɔfoɔ Paul C. Jong afa ato ne ho so wɔ namyɛ mu sɛ ɔbɛka. Ɔkyerɛkyerɛ atifi nsɛm a ɛhia paa no mu nyinaa yie, a wɔ mfirinhyia bebree mu no, honhom mo atwerɛfoɔ mpɛ sɛ wɔbɛbɔ so koraa no. Deɛ ɛdi kan no ɔkyerɛkyerɛ “awo foforɔ” asekyerɛ ne “Honhom Kronkron a ɔba bɛtena yɛn mu” no ase, na ɔkyerɛkyerɛ ayɔnkofa a ɛhia paa a ɛwɔ nnoɔma mmienu yi no ntam. Afei biribiara a ɛfa Honhom Kronkron ho no, ɔkyerɛkyerɛ ne nyinaa mu, ɛfiri “ɛkwan a yɛbɛtumi ahunu ahonhom no” so kɔsi “ɛkwan a Honhom no hyɛ yɛn ma wɔ yɛn bra mu no” so. Sɛ wopɛ sɛ wohunu nsɛm pii a ɛfa yei ho a, nwomatwerɛfoɔ no retu wo fo sɛ wobɛhwehwɛ nsɛm a ɛwɔ nwoma yi mu a wɔde agu abɛɛfo kwantenpɔn fidie computa so wɔ ha no.
AUDIOBOOK
undefined
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.