کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
مضمون 11: خیمۂ اِجتماع
[11-17] سرپوش اُتےدِتی گئی پاپ دی معافی دی قربانی <خروج ۲۵:۱۰۔۲۲>
> خروج ۲۵:۱۰۔۲۲ <
” تےاوہ کِکردی لکڑادا اِک صندُوق بناؤن جِہدی لمان ڈھائی ہتھ تے چَوڑائی ڈیڑھ ہتھ تے اُوچیائی ڈیڑھ ہتھ ہوئے۔تے تُوں اوہدے اندر تے باہر کھراسونا مَڑھیں تے اوہدے اُتےآلے دوالے اِک سونےداتاج بناویں ۔تے اوہدے لئی سونے دے چار کڑے ڈھال کے اوہدیاں چونہہ پاویاں وِچ لاویں۔ دو کڑے اِک پاسے ہون تے دو ای دُوجےپاسے۔تے کِکر دی لکڑدیاں چوباں بنا کے اوہناں اُتے سونا مَڑھیں۔تے ایہناں چوباں نُوں صندُوق دیاں پاسیاں دےکڑیاں وِچ پاویں پئی اوہناں دے سہارے صندُوق اُٹھ جان۔چوباں صندُوق دیاں کڑیاں دے اندر لگیاں رہن تے اوس توں وَکھ نا کیتیاں جان۔تے تُو ں اوس شہادت نامے نُوں جیہڑا مَیں تینوں دیواں گا اوسے صندُوق وِچ رکھیں۔تے تُوں کفّارے دا سرپوش کھرے سونے دا بناویں جِہدی لمان ڈھائی ہتھ تےچَورائی ڈیڑھ ہتھ ہوئے۔تےسونے دے دو کرُّوبی سرپوش دیاں دوآں سریاں اُتے گھڑ کے بناویں۔اِک کرُّوبی نُوں اِک سرے اُتےتے دُوجے کرُّوبی نُوں دُوجے سِرے اُتے لاویں تےتُسی سرپوش نُوں تے دوآں سِریاں دے کرُّوبیاں نُوں اِکوای ٹوٹے نال بناویں۔تےا وہ کرُّوبی ایس طرح اُتاں نُوں اپنے پَر کھلارے ہوئے ہون پئی سرپوش نُوں اپنیاں پَراں نال کج لین تے اوہناں دے مُنھ آمنے ساہمنے سرپوش وَل ہون۔تے تُوں اوس سرپوش نُوں اوس صندُوق دے اُتے لاویں تےاوہ عہد نامہ جیہڑا مَیں تینوں دیواں گا اوہنوں اوس صندُوق دے اندر رکھیں۔ اوتھےمَیں تیرے نال مِلایا کراں گا تے اوس سرپوش دے اُتے تے کرُّوبیوں دے وِچوں جیہڑے عہد نامےدے صندُوق دے اُتے ہون گے اوہناں ساریاں حکُماں دے بارے جیہڑے مَیں بنی اِسرائیل لئی تینوں دیاں گا تیرے نال گل بات کریا کراں گا۔“
سرپوش
اِک ہتھ،اُنگل توں لےکے اَرک تیکرودھی ہوئی لمان اے ۔ پاک کلام وچ، اِک ہتھ ، اج دی کاچھ مطابق اندازے وچ ۴۵ سینٹی میٹر اے ۔ سرپوش دی لمان ڈھائی ہتھ سی ، تے ایس طرح جد ایہنوں حسابی طریقے وِچ بدلیا جائے تاں ایہہ لمان تقریباً۱۱۳سینٹی میٹر(۷.۳فٹ) بن دی اے۔ تے ایہدی چوڑائی ڈیڑھ ہتھ، کاچھ وِچ لگ بھگ ۵.۶۷ سینٹی میٹر(۲.۲فٹ) سی ۔ ایہہ سانوں سرپوش دی کاچھ دا عام احساس دسدااے ۔
عہد دا صندوق پہلاں کِکر دی لکڑ نال بنیا ہویا سی تے اندروں تے باہروں سونے نال مَڑھیا ہویا سی۔ پر سرپوش، جیہڑاصندوق اُتے رکھیا گیا سی ،پورے طوراُتے کھرے سونے نال بنیا ہویا سی ۔ تے ایہدے دوآں سِریاں اُتے ، ایہدے اُتے اپنیاں پَراں نوں کھلاریاں ہویاں ،یعنی صندوق دے ڈھکن نوں کجن والے کروبی سن—یعنی ، سرپوش سی — تے کروبیاں دا پاسا سرپوش ول سی ۔ سرپوش اوہ تھاں اے جتھے خُدا اوہناں اُتے اپنا فضل ورساؤندا اے جیہڑے اوہدے کول ایمان رکھ کے آؤندے نیں ۔
صندوق دے ہر پاسے اُتے سونے دے چار کڑے پائے گئے سن ۔ سونے دے دو کڑے ہر پاسے لئی لائے گئے سن ، تے چوباں کڑیاں وچوں لنگھائیاں گئیاں سن تاں پئی صندوق چُکیاجا سکے ۔ ایہہ چوباں کِکر دی لکڑ دیاں بنیاں ہویاں تے سونے نال مَڑھیاں ہویاں سن ۔ اِک پاسیوں دوکڑیاں وچوں چوباں پاؤن تے دوجے پاسیوں دوجے دو کڑے پا کے ، خُدا نے ایس گل نوں لازمی بنایا پئی دو لوک ایہنوں چُک کے لے جا سکن۔ تے ساڈے خُداوند نے آکھیا ، ”اوتھے مَیں تینوں ملیا کراں گا تےاوس سرپوش دے اُتوں۔“
خُدا نے اسرائیلیاں نوں صندوق وچوں چوباں لنگھاؤن نال سرپوش دے نال نال ، عہد دے صندوق نوں چُکن دے لائق کیتا ۔ ایہدا مطلب ایہہ ہیگا اے پئی خُدا ساڈے کولوں ساری جگ وچ خوشخبری دی منادی کرواناچاہندا اے ۔ ایہو ای بخور دی قربانگاہ دی سچیائی اے—یعنی ،ایہدیاں دوآں پاسے وچ کڑے پائے گئے سن ، ایہناں کڑیاں وچوں چوباں لنگھائیاں گئیاں سن تے دو لوک قربانگاہ نوں چُکن لائق سن ۔ ایہدا ، وی ، مطلب ایہہ ہیگا اے پئی سانوں خُدا کولوں مدد منگنی چاہی دی اے جد کدی اسی مشکلاں نوں جردے آں ،تے ایہہ پئی اسی جتھے کدھرے وی جائیے سانوں جگ وچ خوشخبری نوں ودھاؤن لئی دعا وی منگنی چاہی دی اے ۔
عہد دے صندوق دے وچ تِن شیواں رکھیاں گئیاں سن: مَنّ نال بھریا سونے دا مرتبان ، ہارون دی سوٹی جیہڑی پھُٹ پئی سی ، تے عہد دیاں پتھر دیاں تختیاں ۔ ایہناں دا کیہ مطلب اے ؟ پہلا، مَنّ نال بھرے سونے دے مرتبان دا مطلب ہیگا اے پئی یِسُوعؔ مسیح ایمانداراں نوں نویں زندگی دیندا اے ۔ اوہنے اِک واری اعلان کیتا ،” زِندگی دی روٹی مَیں آں جیہڑا میرے کول آؤندا اے بُھکھا نا ہوئے گا۔ تے جیہڑا میرے اُتّے اِیمان لیاؤندا اے کدی وی تریہایا نا ہوئے گا“(یوحنا ۶:۳۵)۔
ہارون دی سوٹی جیہڑی پُھٹ پئی سی سانوں دسدی اے پئی یِسُوعؔ مسیح جی اُٹھن والا خُداوند اے تے اوہ سانوں سدادی زندگی دیندااے۔ عہد دیاں پتھر دیاں تختیاں سانوں دسدیاں نیں پئی اسی شریعت دے اگے موت دی سزا پاؤن توں بچن دےلائق نئیں ہیگے۔ پر، خُدادا فضل ایناں وڈا اے پئی ایہہ ساڈیاں پاپاں دی ساری سزا نُوں کج دااے جنہاں اُتے شریعت لعنت کر چُکی اے۔سرپوش کامل طریقےنال صندوق دے نور وانگر لگیا ہویا سی کدھرے شریعت دی لعنت باہر نا نکل پوے۔ خُدا اپنے پُتر یِسُوعؔ دی کامل قربانی نال سرپوش نُوں کامل کرچکیااے۔ پانی تے رُوح دی خوشخبری اُتے ایمان رکھن والا ہر ایماندار ایس لئی فضل دے ہیٹھ،یعنی سرپوش کول دلیری نال آسکدا اے۔
مہنگا لہو جیہڑا سرپوش اُتے تراؤنکیا گیا !
سانوں پہلاں ایہہ پتہ کرنا چاہی داے پئی سرپوش وچ لُکیا بھیت کیہ اے ۔ ورہے وچ اِک واری، وڈاکاہن قربانی دے پشُو دا لہو لیندا سی تے بوہتی پاک تھاں اُتے جاندا سی ۔ فیر اوہ ٹھیک ست واری سرپوش اُتے قربانی دے پشُو دا ایہہ لہو تراؤنکدا سی ۔ خُدا نے آکھیاپئی اوہ فیر ایس سرپوش اُتے اسرائیلیاں نوں ملے گا ۔ خُدا ہر کسے نال ملدا اے جیہڑا وڈے کاہن وانگر اوہو ای ایمان ، یعنی قربانی دے نظام وچ ظاہر کیتی گئی اوہدی پاپ دی معافی اُتے ایمان رکھدا اے ۔
سرپوش اُتے تراؤنکیا گیا قربانی دا لہو خُدا دی پاپ دی راست عدالت تے لوکاں اُتے اوہدے رحم نوں ظاہرکردا اے ۔ فدیہ دِہاڑے اُتے ، یعنی ستویں مہینے دی دسویں تاریخ نوں، ہارون وڈا کاہن ، قربانی دے پشُواُتے اسرائیلیاں دے پورے ورہے دے ساریاں پاپاں نوں لد ن لئی اپنے ہتھ رکھدا سی ۔ فیر اوہ ایہدی گردن اوہد ا لہو کڈھن لئی ذبح کردا تے فیر اوہ پڑدے دے اندر ایہدا لہو لے جاندا تے ایہنوں سرپوش اُتے تراؤنکدا سی (احبار ۱۶ : ۱۱ ۔ ۱۶)۔
ایس لہو نال جیہڑا اِنج تراؤنکیا جاندا سی ، خُدا اسرائیلیاں نال مِلدا تے اوہناں نوں پاپ دی معافی دی برکت دیندا سی ۔ ایہہ اسرائیلیاں اُتے خُدا دا فضل سی پئی اوہ قربانی دے طریقے نوں قیم کرچُکیا سی ۔ قربانی دے پشُو اُتے ہتھاں دے رکھے جان تے ایہدے لہو نال ،خُدا ٹھیک طریقے نال اوہناں دیاں پاپاں نوں مُکا چُکیا سی تے اوہناں اُتے اپنا ترس ، یعنی فضل نال اوہناں نوں پاپاں دی معافی دے چُکیا سی ۔
فیر ، کویں اسی ایہہ فضل پا سکدے آں ؟ کیہڑے کلام نال اِکو ای واری سدا لئی خُدا ساڈیاں ساریاں پاپاں نوں مُکا چُکیا اے ؟ خُدا سانوں ایہہ احساس کرن دے لائق کر چُکیا اے پئی ساڈے کول اوہ ایمان ہونا چاہی دا اے جیہڑا قربانی دے نظام وچ ظاہر ہون والی سچیائی نوں جان دا تے ایس اُتے ایمان رکھدا ہوئے تاں پئی اسی ایس انعام نوں پا سکیے ،جیہڑا اوہ سانوں دے چُکیا اے ۔ خُدا نے اپنی راستبازی نوں ایہناں دو کماں نال پورا کرنا سوکھا بنایا ؛ قربانی دے سِر اُتے ہتھاں دا رکھیا جانا تے اوہدے لہو ۔ پُرانے عہد نامے دی ایس قربانی دا مطلب ایس بپتسمے توں علاوہ کجھ نئیں ہیگا جیہڑا یِسُوعؔ مسیح نے لیا تے لہو جیہڑا اوہنے سولی اُتے وگایا ۔
ساڈیاں اپنیاں پاپاں لئی ، یِسُوعؔ مسیح خُدا دے پُتر نے جگ دیاں پاپاں نوں چُکن لئی یوحنا کولوں بپتسمہ لیا ، ایہناں پاپاں دا مُل اُتارن لئی سولی اُتے قربانی دا لیلا بن گیا ، ساڈے لئی مرگیا ، تے سانوں زندگی دین لئی فیر مویاں وچوں جی اُٹھیا ۔ بپتسمہ جیہڑا یِسُوعؔ مسیح نے لیا تے سولی اُتے اوہدا لہو وگاؤنا سانوں پاپ توں معافی دین لئی سی ، تے اوہ اصل برکتاں دا فضل نیں جیہڑا اوہناں نوں خُدا نال ملن دے لائق کردا اےجیہڑے اِنج دا ایمان رکھدے نیں ۔ ایہہ سچیائی پانی تے رُوح دی خوشخبری دا پرچھاواں اے ۔ پانی تے رُوح دی خوشخبری اوہ سچیائی اے جیہڑی اصل ایمان دی نیہ بنا چُکی اے جیہڑی پاپیاں نوں خُدا کولوں پاپ دی معافی پاؤن دے لائق کردی اے ۔ یِسُوعؔ مسیح ساڈیاں پاپاں لئی قربانی دا پشُو بن گیا ۔ اوہ سچیائی دا ایہو جیہا پُل بن گیا جیہڑا سانوں پاک خُدا باپ کول جان دی اجازت دیندا اے ۔
اِک واری فیر ، اسی چونہہ دھاگیاں دے رنگاں وچ :اسمانی، ارغوانی،تے لال دھاگہ، تے مہین وٹے ہوئے کتان وچ ایس سچیائی دا پکاثبوت لبھ سکدے آں جیہڑے خیمۂ اِجتماع دے پھاٹک لئی ورتے گئے سن ۔ دوجیاں اکھراں وچ ، خیمۂ اِجتماع دے پھاٹک دے چار دھاگے سانوں اصلی خوشخبری دے بھیت دسدے نیں ۔
پہلااشارہ خیمۂ اِجتماع دے پھاٹک وچ ظاہر ہون والا اسمانی دھاگے دا بھیت اے ۔ ایہہ بھیت ایہہ ہیگااے پئی یِسُوعؔ مسیح نے یوحنا کولوں بپتسمہ لیا ، مطلب ایہہ ہیگا اے پئی اوہنے جگ دیاں ساڈیاں پاپاں نوں چُک لیا ۔ دوجیاں اکھراں وچ ، ساڈے خُداوند نے ساڈیاں پاپاں نوں قبول کیتا جیہڑے یوحنا نے اوہدے حوالے کیتے سن ۔ ایہو ای سبب ہیگا اے پئی اوہنے ایہہ آکھدیاں ہویاں اپنے آپ نوں بپتسمہ دین لئی یوحنا نوں زور دتا ، ” حالی تے ہون دے کیوں جو سانُوں چاہیدا ایہہ پئی ایسے طرح ساری راست بازی نُوں پُورا کریئے “(متی ۳:۱۵)۔
دوجااشارہ خیمۂ اِجتماع وِچ ظاہر کیتا گیا ارغوانی دھاگہ اے ۔ ”ارغوانی “ رنگ بادشاہواں دا رنگ اے ۔ یِسُوعؔ مسیح بادشاہواں دا بادشاہ اے جیہڑا ایس زمین اُتے لوکاں دے مکتی داتا وانگر اوہناں نوں پاپ توں چھڈاؤن لئی آیا ۔ اوہنے اسمان دا جلال چھڈ دتا تے ساڈیاں پاپاں نوں مکاؤن لئی ایس زمین اُتے آیا ۔ یِسُوعؔ مسیح اپنی قدرت وچ آپ ای خُدا اے ،پر سانوں ساڈیاں ساریاں پاپاں توں بچاؤن لئی ،اوہ ایس زمین اُتے آیا ، تے باپ دی مرضی نوں من کے بپتسمہ لیا تے سولی اُتے چڑھ گیا ۔ دوجیاں اکھراں وچ ، ساڈے سارے پاپ مکاؤن لئی ، خُدا نے اسمانی جلال دا تخت چھڈ دتا تے پاپیاں نوں بچاؤن لئی ایس زمین اُتے کواری مریم دے ٹِہڈوں جم پیا ۔ ایس لئی سانوں لازمی ایمان رکھنا چاہی دا اے پئی خُدا نوں اپنے آپ اک کواری دے ٹِہڈوں جمنا پیا ، بپتسمہ لینا پیا تے سولی اُتے اپنا لہو وگاؤنا پیا ، ایہہ سارا اوس وعدے دے مطابق سی جیہڑا اوہنے یسعیاہ نبی نال لگ بھگ ست سو ورہے پہلاں کیتا سی ۔
تریجا اشارہ لال دھاگہ اے ۔ ایہہ یِسُوعؔ دے لہو بارے دسدااے ۔ایہہ سچیائی ظاہر کردی اے پئی یِسُوعؔ نے سولی اُتے اپنا لہو وگا کے خُدا دی مکتی دا مقصد پورا کیتا ۔ سولی اُتے اوہدا لہو وگاؤنا ایہو جیہی سزا سی جیہڑی بوہت بھیڑیاں قصورواراں نوں دتی جاندی سی ۔ پاپا ں دی سزا نال جیہڑی یِسُوعؔ نے اپنا بپتسمہ لے کے جری ،لوکاں دیاں ساریاں پاپاں دی عدالت ہوئی ۔ سولی اُتے چڑھن تے اپنا لہو وگا کے ،اوہنے جگ دیاں ساریاں پاپاں دی سزا جری تے اِنج سانوں پاپ توں چھڈا چُکیااے ۔ اپنے بپتسمہ لے کے ساڈیاں پاپاں نوں قبول کرن تے مرن تیکر باپ دا آکھامن کے ، خُدا نے ساریاں پاپیاں نوں اوہناں دیاں بدکاریاں توں بچایا اے ۔
کیہ تہانوں احساس ہیگا اے پئی یِسُوعؔ نے پاپ دی ساری سزا مکا دتی تے اپنے سولی اُتے چڑھن
دی سزا نال ، ساڈی اپنی موت نوں بے ترسی نال جر کے ایمانداراں نوں خُدا دے نیانے بنا چُکیا اے ۔ خُدا نے ایہہ سارا کُجھ ایس لئی کیتا تاں پئی اسی ایس سچیائی اُتے ایمان رکھیے تے سدا دی زندگی پائیے ۔ ایہہ پئی یِسُوعؔ نے بپتسمہ لیا تے فیر سولی اُتے لعنتی ٹھہریا ایہدا ایہہ مطلب ہیگا اے پئی اوہ سانوں پاپ توں بچا چُکیا اے ۔ ایہو ای سبب اے پئی اوہنے اپنا اخیری ساہ مُکن ویلے اُچی اواز وچ آکھیا ، ”پُوراہویا “(یوحنا ۱۹ : ۳۰)۔ یِسُوعؔ نےبوہت خوشی تے سکون نال اعلان کیتا پئی اوہ خُداباپ د ی مرضی دے مطابق پاپ توں ساڈی مکتی نوں پورا کر چُکیا سی ۔
اخیریں ،مہین وٹیا ہویاں کتان لاگُو کردا اے پئی یِسُوعؔ خُدا دا کلام اے ۔ اوہ خُدا دی مرضی اپنے وڈے تے راست کلام نال ظاہر کردا اے ۔ پُرانے عہد نامے وچکار اوہ پہلاں کہہ چُکیا سی پئی اوہ ایس جگ وچ آئے گا تے اپنے بپتسمے تے سولی اُتے چڑھن نال ساریاں لوکاں نوں بچائے گا ۔ فیر اوہنے نویں عہدنامے وچ اپنیاں ساریاں وعدیاں نوں کامل طریقے نال پورا کیتا ۔ ایسے لئی پاک کلام دسدا اے ، ” مُڈھوں کلام سی تے کلام خُدا دے نال سی تے کلام خُدا سی… تے جِسم لیا تے فضل تے سچیائی نال بھرپُور ہو کے ساڈے کول ڈیرہ کِیتا۔ تے اساں اُسدا اجیہا جلال ویکھیا جیویں باپ دے اِکلَوتے دا جلال۔ “(یوحنا ۱:۱، ۱۴)۔
ایہہ سچیائی سانوں اپنیاں ساریاں پاپاں توں برف وانگر چٹے ہون دے لائق کر چُکی اے ۔ بپتسمہ جیہڑا یِسُوعؔ نے لیا تے اوہدا لہو وگاؤنا ہتھاں دے رکھے جان تے قربانی دے نظام وچ عدالت دے فدیہ توں علاوہ کوئی دوجے نئیں ہیگے ۔ ایہہ ایس لئی ہیگا اے پئی یِسُوعؔ نے اپنے پاک بدن اُتے جگ دیاں ساریاں پاپاں نوں چُک لیا یعنی اوہنے سولی اُتے اپنا لہو وگایا ۔ جویں پئی یِسُوعؔ نے ساڈے بدلے ساڈیاں پاپاں نوں چُکن لئی بپتسمہ لیا ،تے سولی اُتے چڑھ گیا تے ایس اُتے اپنا لہو وگایا ، ایہہ سچیائی اوہو ای اے جیہڑی فدیہ بن گئی اے جیہڑا ساڈیاں پاپاں نوں دھوچُکیا اے ۔
بپتسمہ جیہڑے ساڈے خُداوند نے لیا جد اوہ ایس زمین اُتے اِک بندے وانگر آیا تے لہو جیہڑا اوہنے سولی اُتے وگایااسمانی ، ارغوانی تے لال دھاگے وچ ظاہر ہون والی سچیائی اے ۔ یِسُوعؔ ایس زمین اُتے دوہزار ورہے پہلاں جمیا سی ، بپتسمہ لے کے جگ دیاں پاپاں نوں چُک لیا ، سولی اُتے مرگیا، تِناں دناں مگروں فیر مویاں وچوں جی اُٹھیا ، ایہدے بعدوں چالیاں دِناں تیکر گواہی دیندا رہیا ، تے فیر خُدا دے تخت دے سجے پاسے بہہ گیا — ایہہ اسمانی ، ارغوانی تے لال دھاگے وچ ظاہر کیتی گئی سچیائی اے۔ خُدا سانوں ایس سچیائی اُتے ایمان رکھن لئی کہندا پیا اے ، یعنی اوہ سانوں ساڈیاں پاپاں نوں مکا کے ساریاں پاپاں توں مکتی دے چُکیا اے ۔
جدوں اسی ایس سچیائی اُتے ایمان رکھدے آں ، تاں خُدا سانوں دسدا اے ، ”ہُن ، تُسی میرے نیانے بن گئے او ، تُسی پاپی نئیں او ۔ تُسی میرے لوک او تے ہُن پاپی نئیں او ۔ مَیں تہانوں تہاڈیاں ساریاں پاپاں ، سز اتے لعنتاں توں بچا چُکیاآں ۔ مَیں تہانوں اپنی شرطوں اَڈ محبت نال بچا چُکیا آں ۔ ایس لئی پئی تُسی مینوں بوہت پیارے او ، مَیں تہانوں کسے شرطوں اَڈبچا چُکیاآں ۔ ایس لئی پئی مَیں تہانوں محبت کردا آں ، مَیں تہانوں اپنے آپ راہیں بچا چُکیا آں ۔ نا صرف مَیں تہانوں محبت کر چُکیا آں ، سگوں مَیں ایس طریقے نال تہاڈے لئی اپنی محبت نوں سچ مُچ ثابت کیتا اے ۔ میری قربانی دا لہو ویکھو ۔ ایہہ تہاڈے لئی میری محبت دا ثبوت اے ۔ مَیں تہانوں ایہہ ثبوت وکھا چُکیا آں ۔ “
جد اسی رُوح وچ غریب وانگر خُداوند کول آئے ، تاں اوہنے سانوں وکھایا پئی اوہ سانوں اسمانی، ارغوانی، لال دھاگے نال بچا چکیااے۔خُداوند ایس زمین اُتے آیا ، بپتسمہ لیا ، نِکا بنیا تے سولی اُتے موت دی لعنت چُکی ، فیر مویاں وچوں جی اُٹھیا تے اسمان اُتے چڑھ گیا ۔ خُدا اوس نال ملدا اے جیہڑا اوہدی مکتی دی محبت اُتے ایمان رکھدا اے ۔
خُدا اوہناں اُتے مکتی دا فضل گھلدا اے جیہڑے ایمان رکھدے نیں ۔ اوہدی مکتی صرف مخلو ق نوں خُدا دے اپنے نیانے بنا چُکی اے ۔ خُدا سانوں آکھدا پیا اے، ”ہُن تُسی میرےنیانے او ۔ تُسی میرے پُتر تے دِھیئاں او ۔ ہُن تُسی شیطان دے نیانے نئیں رہے، سگوں میرے اپنے نیانے او ۔ہُن تُسی مخلوق نئیں، سگوں میرے اپنے لوک او ۔ مَیں تہاڈیاں ساریاں پاپاں دا اپنے پُتر یِسُوعؔ دے راہیں فدیہ دے چُکیا آں ۔ ہُن مَیں تہانوں اپنے لوک بنا چُکیا آں ،تے تُسی ایمان رکھ کے میرے لوک بن گئے او ۔ “ خُدا نا صرف پاپیاں نوں بچا چُکیا اے ، سگوں اوہ اوہناں اُتے اوہناں نوں اپنے سکے نیانے بناؤن دا فضل وی گھل چُکیااے ۔
خُدا نے خیمۂ اِجتماع وچ عہد دے صندوق دے ڈھکن نوں سرپوش آکھیا ۔ دوکروبی ایس اُتے ہیٹھاں نوں پاسا کیتے ہوئے رکھے گئے سن ۔ خُدا نے ایہہ کیوں آکھیا پئی اوہ اسرائیلیاں نال سرپوش دے اُتے ملے گا ؟ ایہدا سبب ایہہ سی پئی خُدا نے قربانی دے پشُو دا لہو قبول کر کے اسرائیلیاں دے پاپاں نوں مکایا جیہدے اُتےاوہناں دے سارے پاپ ہتھاں دے رکھے جان نال لدے جاندے سن ۔
دوجیاں اکھراں وچ ، خُدا نے اِنج فرمایا ایس لئی پئی اوہ اسرائیلیاں نوں اوہناں دے قربانی دے پشُو اُتے ایہدے سِر اُتے ایہناں دے ہتھ رکھے جان نال ایہناں دیاں پاپاں نوں لدن دے راہیں اِک انعام وانگر اوہناں نوں پاپاں دی معافی ،تے اوہناں بدلے بے ترسی نال ایہناں پاپاں دا مُل ایس قربانی دے پشُوکولوں دلوا کے دینا چاؤہنداسی ، ایہہ سارا کُجھ اپنیاں لوکاں دی بدکاریاں نوں مکاؤن دے سلسلے وچ سی ۔ ایس لئی پئی خُدا فدیہ دی قربانی دے بغیر پاپیاں نال مِل نئیں سکدا سی ، ایہہ ایس قربانی دے پشُو دے راہیں سی پئی اوہنے اوہناں دیاں پاپاں نوں مکایا تے اوہناں نال میل جول رکھیا ۔
ہر کوئی آدم دی اولاد وانگر ایس جگ وچ پاپ نال جم دا اے ۔ ایس لئی ہر کوئی پاپ رکھدا اے ،تے کوئی وی قربانی دے پشُو دے بغیر خُدا نال مِل نئیں سکدا ۔ ایہو سبب اے پئی خُدا نے فرمایا پئی اوہ اوس قربانی دے پشوُ نوں قبول کرے گا جیہڑا اسرائیلیاں دیاں پاپاں دا فدیہ دیندا سی تے اوہناں نال سرپوش دے اُتے ملے گا ۔
خُدا نے اسرائیلیاں لئی ستویں مہینے دی دسویں تاریخ نوں فدیہ دِہاڑے لئی مقرر کیتا ۔ اوہنے وڈے کاہن نوں قربانی دے پشُو اُتے اسرائیلیاں دے سارے ورہے دے ساریاں پاپاں نوں لدن تے اوہناں نوں قربانی داایہہ لہو پیش کرن دا حکم دِتا ۔ اوسے دن ، اسرائیلیاں دے پورے ورہےدے پاپ مک جاندے سن ، تے ایہہ ایس لئی سی پئی ایس دن وڈا کاہن اوہنے بدلے پاپ دی قربانی چڑھاؤندا سی ۔
اوہناں دیاں بدکاریاں توں پاپیاں دی مکتی لئی پُرانے عہد نامے دا قربانی دا نظام
جویں پئی احبار ۱:۴ فرماؤندااے، ”تےاوہ سوختنی قُربانی دے پشُودےسِر اُتے اپنا ہتھ رکھّے فیراوہ اوہدے ولوں پسند ہو ئےگا تاں پئی اوہدے لئی فدیہ ہوئے۔“ اک پاپی دے سارے پاپ اصل وچ پشُو دے سِر اُتے اپنے ہتھ رکھن نال بکرے اُتے لدے جاندے سن ۔ خُدا ایس طرح دیاں قربانیاں نوں خوشی نال پسند کردا اے جیہڑیاں اوس ایمان نال چڑھائیاں جاندیاں نیں جیہڑا اوہدے اُتے سچ مُچ بھروسہ رکھدا اے ۔ ایہہ قربانی دے نظام دا ضروری تے پہلا قدم سی جیہڑا خُدا اپنیاں لوکاں یعنی اسرائیلیاں لئی قیم کر چُکیا سی ۔
فیر اوہ بندہ اوہدی گردن وڈدا تے اوہدا لہو کڈھدا ، تے ایہہ لہو کاہناں نوں دے دیندا سی ۔ فیر کاہن ایس لہو نوں سوختنی قربانی دی قربانگاہ دیاں سِنگاں اُتے لاؤندے، اوہد ا گوشت قربانگاہ اُتے رکھدے تے ایہنوں ساڑدیندے ، تے اِنج ایہنوں پاپی دیاں پاپاں لئی قربانی دے پشُو وانگر خُدا اگے چاھڑدے سن ۔ ایہہ مکتی دی شریعت سی جیہڑی خُدا نے اصل وچ ہر پاپی دیاں پاپاں نوں مکاؤن لئی مقرر کیتی ۔
پر، فدیہ دِہاڑہ ، ستویں مہینے دی دسویں تاریخ نوں ، خُدا نےاپنیاں لوکاں نوں اِک قربانی چاھڑن دی اجازت دتی جیہڑی اوہناں دے پورے ورہے دیاں پاپاں نوں مکا سکدی سی ۔ اوس دِن ، وڈے کاہن ، ساریاں اسرائیلیاں دے نمائندے نوں ،دوبکرے تیار کرنے پیندے سن ۔ ”تے ہارُون اوہناں دوآں بکریاں بارے پرچیاں پائے۔ اِک پرچی خُداوندلئی تے دُوجی عزازیل لئی ہوئے۔تے جیہڑےبکرے اُتے خُداوند دے ناں دی پرچی نِکلے اوہنوں ہارُون لے کے خطا دی قُربانی لئی چاڑھے“(احبار ۱۶:۸۔۹)۔اوہنوں پہلے بکرے دے سِر اُتے اپنے ہتھ رکھنے پیندے سن تاں پئی ساریاں اسرائیلیاں دے پورے ورہے دے پاپ قربانی اُتے لدے جا سکن۔ فیر اوہ ایہنوں سچ مُچ وڈھ کے ایہدا لہو کڈھدا ، بوہتی پاک تھاں اُتے جاندا ، تے چڑھدے پاسے سرپوش اُتے اپنی اُنگل نال لہو تراؤنکدا سی ، تے سرپوش دے اگے اوہ ایہنوں ست واری تراؤنکدا سی ۔ قربانی دے پشُو دا ایہہ لہو قبول کر کے خُدا نے اوہناں دیاں پاپاں نوں دھو دِتا تے اوہنان نوں اپنے سکیاں لوکاں وانگر منظور کیتا ۔
ایہدے بعد، فیر وڈا کاہن خیمۂ اِجتماع توں باہر آؤندا تے اسرائیلیاں دے ہوندیاں ہویاں دوجا بکرا چڑھاؤندا ۔ اصل وچ اپنیاں لوکاں دے پاپ لدن لئی ، اوہ اِک واری فیر قربانی دے پشُو دے سِر اُتے اپنے ہتھ رکھدا سی ۔ فیر اوہ اقرار کردا ، ”مَیں اوہناں ساریاں پاپاں نوں جیہڑے پِچھلے اِک ورہے وچ میریاں لوکاں کیتے نیں ایس پشُو اُتے لددا ہاں ۔ “ ایہدے بعدوں ، اوہ ایس پشُو نوں اِک مناسب بندے دے ہتھوں جنگل وچ گھل دیندا سی ۔
ایہہ بکرا اُجڑے جنگل وچ مرن لئی گھلیا جاندا سی (احبار ۱۶:۲۰۔۲۲)۔ایہہ سانوں دسدا اے پئی اسرائیلیاں دے پاپ سارے دے سارے پاپ دی قربانی نال اِکو ای واری سدا لئی مکائے گئے سن جیہڑی فِدیہ دِہاڑے اُتے چاھڑی جاندی سی ۔
ایہناں قربانی دیاں بکریاں نےیِسُوعؔ توں علاوہ کسے ہور دی پیش گوئی نئیں کیتی ۔ ایہہ پاپ دی قربانی مکتی دی سچیائی نوں ظاہر کردی اے جیہڑی یِسُوعؔ مسیح نے یوحنا کولوں بپتسمہ لین تےایس جگ وچ ہر کسے دیاں پاپاں نوں مکاؤن لئی سولی اُتے چڑھ کے پوری کیتی ۔ خُدا نے سرپوش دے اُتے اسرائیلیاں نال ملن دا وعدہ کیتا جد اوہ وڈے کاہن ہتھوں شرعی قربانی چڑھاؤندے سن۔ اسرائیلی وڈے کاہن تے سرپوش نوں خاص سمجھدے سن ، ایس لئی پئی ایہہ وڈا کاہن سی جیہڑا ہر ورہے اوہناں بدلے پاپ دی قربانی چڑھاؤندا سی ، تے ایہہ سرپوش سی جتھے اوہناں دیاں بدکاریاں معاف ہوندیاں سن ۔
ایسے طرح ، یِسُوعؔ نے اپنے بپتسمے تے لہو وگا ن نال سدا لئی ساڈیاں پاپاں بدلے اپنےبدن نال اِک قربانی چاھڑ کے، سانوں خُدا نال ملا دِتا ۔ ایہو ای سبب اے پئی اسی خُداوند یِسُوعؔ دا اوہدی مرضی مطابق شکرادا نئیں کرسکدے ، تے اِنج سانوں اوہدے سولی اُتے چڑھن دے نال نال اوہدے بپتسمے اُتے ایمان رکھنا اے ۔
سرپوش نے دساں حُکماں دیاں پتھر دیاں دو تختیاں اُتے مہر لادِتی جیہڑیاں عہد دے صندوق وچ رکھیاں گئیاں سن
سیِناپہاڑ اُتے، خُدانے موسیٰ نوں دس حکماں نا ل چھاپیاں ہویاں پتھر دیاں دو تختیاں عہد دے صندوق وِچ رکھن تے سرپوش نال صندوق اُتے مہر لاؤن دا حکم دِتا ۔خُدا نے اِنج کیتا ایس لئی پئی اوہ اسرائیلیاں اُتے اپنے فضل دی محبت گھلنا چاؤہندا سی ، ایس لئی پئی اوہ شریعت اُتے عمل نئیں کر سکدے سن ۔ دوجیاں اکھراں وِچ ، ایہد ا سبب ایہہ سی پئی ایس لئی پئی خُدا اسرائیلیاں نال یعنی اپنی سچی شریعت نال جیہڑی پاپ دی مزدُوری موت دا اعلان کردی سی ، رویہ نئیں رکھ سکدا سی جیہڑے ہر دن پاپ کردے سن ۔ ایہہ، وی اسرائیلیاں نوں پاپ دی معافی دینا سی ۔
دوجیاں اکھراں وچ ، اسرائیلی خُدا دے اگے اپنیاں چنگیاں کماں نال اوہدی شریعت نوں قیم رکھن لئی بوہت ادھورے سن ۔ ایس لئی خُدا نے اوہناں نوں شریعت نال قربانی دا نظام دِتا ۔ ایہہ اوہناں نوں قربانی دے پشُو دے راہیں اوہناں دیاں ساریاں پاپاں توں پاک کرنا سی ۔ ایہہ سانوں وکھاؤندا اے پئی اسرائیلیاں دیاں پاپاں نوں مکاؤن لئی ، خُدا نے اوہناں توں ایہدے سِر اُتے اوہناں دے ہتھ رکھا کے قربانی دے پشُواُتے اوہناں دے پاپ لدن ،تے اوہدا گلا وہڈ کے اوہناں دے بدلے ایہنوں مارن بارے آکھیا۔ خُدا نے اسرائیلیاں نوں اپنی مکتی دی محبت دی شریعت نال نال اپنے راست غضب دی شریعت وی دتی ۔ ایس طرح ، سانوں خُدا دی مکتی دیاں دو خاص سچیائیاں اُتے وی ایمان رکھن دی لوڑ اے ؛ بپتسمہ جیہڑ ا مسیحا نے یوحنا کولوں لیاتے لہو اُتے جیہڑا اوہنے سولی اُتے وگایا ۔
پُرانے عہد نامے وچ پاپ دی قربانی لئی قربانی داپشُو،نویں عہد نامے وچ مسیحا دا بدن سی ۔ قربانی دے پشُو جیہڑے پاک کتاب وچ ساڈے لئی قربان کیتے جاندے سن خُدا دی فضل دی محبت سن جیہڑا ساڈیاں ساریاں پاپاں نوں مکاؤندا اے ۔ ہُن پہلاں وانگر ، اپنیاں پاپاں توں معاف ہون لئی ، سانوں فدیے دی قربانی دے پشُو دی خا ص لوڑ اے ۔ بوہت پہلاں توں ، لوکاں دے پاپ مکاؤن لئی ، لازمی خُدا دا انصاف تے اوہدے فضل دی محبت ہونے چاہی دے نیں ۔
ایس لئی پئی خُدا دا انصاف لازمی ساڈی عدالت کر دا اے جے اسی پاپ رکھدے آں ، سانوں پاپ دی قربانی اُتے اوہناں نوں لد کے اپنیاں پاپاں توں دُھلنا سی ۔جویں پئی کوریا وچ اِک گل مشہور اے ، ”پاپ توں نفرت کرو ، پر پاپیاں توں نفرت نا کرو“ خُدا نے ساڈے پاپاں توں نفرت کیتی پر اوہنے ساڈے توں نفرت نئیں کیتی ۔ خُدا لئی ساڈیاں دلی پاپاں نوں مکاؤن لئی ، سانوں قربانی دے پشُواُتے اپنے ہتھ رکھن ، اوہدا لہو کڈھن تے ایہنوں اوہدے اگے چڑھاؤن دی لوڑسی ۔ پُرانے عہد نامے وچ ، یعنی خُدا نے اسرائیلیاں دے پاپاں دا فدیہ دتا ایہدا مطلب ہیگا اے پئی خُدا نے اوہنا ں دےقربانی دے پشُونوں قبول کیتا تے اِنج اوہناں دیاں پاپاں نوں معاف کیتا ۔
اسرائیلیاں لئی ، شریعت نوں بناؤن والا اِک خُدا سی ۔ یہوواہ ، جنہے اپنے آپ نوں اسرائیلیاں اگے ظاہر کیتا ، اوہو ای اے جیہڑا آپ اپنا وجود رکھدا اے ۔ بالکل جویں اسی خُدا نوں اِکو شریعت بناؤن والے وانگر من دے آں ، سانوں ایہہ پچھاننا چاہی دا اے پئی اوہ ساڈیاں ساریاں دا خُدا اے تے قربانی دے ایس طریقے نوں قبول کرنا چاہی دا اے جیہڑا اوہنے ساڈیاں پاپاں نوں مکاؤن لئی مقرر کیتا ۔ قربانی دے طریقے نال جیہڑا خُدا نے قیم کیتا ، اسی ایہہ سمجھن دےلائق آں پئی خُدا ساڈے نال کنی محبت کر چُکیا اے تے کنی راستبازی نال اوہ سانوں پاپ توں چھڈا چُکیا اے ۔ تے خُدا دی شریعت دے راہیں ،اسی ایہہ وی سمجھن دے لائق ہوندے آں پئی اسی اوہدیاں حکماں اُتے عمل نئیں کر سکدے ۔ اپنیاں مُڈھلیاں گلاں وچ ، اسی خُدا دے اگے بُتاں دے پُجاری ساں، ہر طرح دیاں بدکاریاں تے غلطیاں کردے ساں ۔ ایس لئی ، اسی بچ نئیں سکدے سگوں ایہہ من دے آں پئی اسی کسے وی ویلے اپنیاں پاپاں دے سببوں دوزخ جان دے لائق ساں ۔ ایس لئی خُدا نوں آپ ای ساڈے کول مکتی داتا وانگر آؤنا پیا ۔
یِسُوعؔ مسیح نے اپنا بدن جگ دیاں پاپاں لئی سدا تیکر قربان کرن لئی پیش کیتا ۔ اوہنے اپنے آپ نوں بالکل اوسے طرح پیش کیتا جویں پُرانے عہد نامے دی پاپ دی قربانی چڑھائی جاندی سی ، خاص کر کے حوالے وچ وکھائی گئی فِدیہ دِہاڑے دی قربانی وانگر :قربانی دے سِر اُتے ہتھاں دے رکھے جان تے ایہدا لہو وگا کے پیش کیتا ۔ عہد دے صندوق وچ پتھر دیاں دو تختیاں تے سرپوش اسرائیلیاں بدلے اوہناں دیاں پاپاں دی معافی پاؤن لئی بوہت ضروری سن، ایس لئی پئی خُدا نے اوہناں نوں نویں زندگی پاؤن دے لائق کیتا جیہڑے خُدا دی سچی شریعت تے اوہدے زندگی دے وعدے اُتے ایمان رکھدے سن۔ اَج ، شریعت جیہڑی خُدا دے انصاف تے سچیائی دے کلام نوں ظاہر کردی کردی اے ، پاپ توں سدا دی مکتی لیاؤندی اے نا صرف اسرائیلیاں نوں سگوں ساڈے وچوں ساریاں نوں وی خُدا نال ملن تے سدا دی زندگی پاؤن دے لائق کردی اے ۔
تہانوں تے مینوں جیہڑے ایس زمانے وچ زندگی گزاردے پئے آں ، لازمی ایہہ جاننا تے ایمان رکھنا چاہی دا اے پئی ساڈا خُدا کون اے ، اوہ سانوں کیہ فرماؤندا اے ،تے کیہدے راہیں اوہ سانوں ساڈیاں پاپاں توں معافی پاؤن دے لائق کر چُکیا اے ۔ پُرانے عہد نامے وچ خیمۂ اِجتماع دے پھاٹک وچ وکھائی گئی اسمانی، ارغوانی،تےسُرخ دھاگےتےباریک وٹے ہوئے کتان دی سچیائی نال ، خُدا تہانوں تے مینوں بُلا چُکیا اے ، سانوں قبول کر چُکیا اے تے سانوں اوہ ایمان دے چُکیا اے جیہڑا ایس اُتے بھروسہ رکھدا اے ۔
اسمانی دھاگہ بالکل بپتسمے نُوں لاگُو کردا اے جیہڑا یِسُوعؔ نے لیا
آؤ اسی متی ۳:۱۳۔۱۷ وَل دھیان کرئیے: ” تَدیِسُوعؔ گلِیل توں یَردن دے کنڈھے یُوحنّا کول آیاپئی اوہدےہتھوں بپتِسمہ لَئے۔پریُوحنّااوہنوں ایہہ آ کھ کےرو کیاپئی مینوں تَیتھوں بپتِسمہ لین دی لوڑ اے تے تُوں میرے کول آیا ایں؟تےیِسُوعؔ اوہنوں جواب دِتا۔حالی تے ہون دے کیوں جوسانوں چاہی دا اے پئی ایسے طرح ساری راست بازی نوں پُوراکرئیے۔تَداوس ہون دِتا۔تےیِسُوعؔ بپتِسمہ لے کےجھٹ پانیوں باہرنِکل آیا ۔ تےویکھواسمان اوہدے لئی کُھل گیا تے اوس خُدا دے رُوح نُوں کبُوتر وانگوں اُتردیاں تے اپنے اُتےآؤندیاں ویکھیا۔ تےویکھواسماناں توں اِک اواز آئی پئی ایہہ میرا پیارا پُتراے جِس توں مَیں بڑاخُوش آں۔“
پُرانے عہد نامے دے قربانی دے طریقے مطابق چاھڑیاں گئیاں قربانیاں نال ، خُدا باپ نے سچ مُچ وکھایا پئی اوہ جگ دیاں ساریاں پاپاں نوں اپنے اِکو اِک پُتر یِسُوعؔ مسیح اُتے لدے گا ۔ یوحنا بپتسمہ دین والے نے اصل وچ یِسُوعؔ نوں خُدا دی ساری راستبازی پوری کرن لئی بپتسمہ دتا ۔ ایس لئی پئی جگ دے پاپ سچ مُچ یِسُوعؔ اُتے لدے گئے سن جویں ای اوہنے یوحنا کولوں بپتسمہ لیا ، اوہ جیہڑے ایس اُتے ایمان رکھدے نیں اپنے دل دیاں ساریاں پاپاں توں معاف ہو سکدے نیں ۔
ایہہ بپتسمہ جیہڑا یِسُوعؔ نے لیا سی پانی دے بپتسمے توں بالکل وکھرے مطلب دا اے جیہڑے لوک عام طور اُتے مسیحی بنن لئی اِک ریِت وانگر لیندے نیں ۔ دوجیاں اکھراں وچ پانی دا بپتسمہ جیہڑے اج دے لوک لیندے نیں صرف اوہناں دے مسیحی دین وچ آؤن دی ظاہری علامت اے ۔ یِسُوعؔ نےیردن دے دریا اُتے یوحنا بپتسمہ دین والے کولوں بپتسمہ، لوکاں دے نمائندے دے ہتھاں دے رکھے جان نال جگ دیاں ساریاں پاپاں نوں چُکن لئی لیا سی ۔ بپتسمہ جیہڑا یِسُوعؔ نےلیا اوہ بپتسمہ سی جنہے خُدا دی سدا دی مکتی دے وعدے نوں پورا کیتا ، پاپ دی معافی جیہڑی خُدا نے احبار وچ قربانی دے طریقے نال قیم کیتی سی ۔ ایہہ پئی یِسُوعؔ نے بندیاں وانگر بپتسمہ لے کے جگ دیاں پاپاں نوں چُک لیا تے ایہناں پاپاں دا مُل اُتارن لئی سولی اُتے مرن تیکر لہو وگا یا لوکاں لئی خُدا دی محبت تے پاپ دی کامل معافی اے ۔
ایہہ سانوں جگ دیاں ساریاں پاپاں توں بچاؤن لئی سی پئی خُدا باپ نے اپنے پُتر نُوں یوحنا کولوں بپتسمہ دِلوایا۔ ” حالی تے ہون دے کیوں جوسانوں چاہی دا اے پئی ایسے طرح ساری راست بازی نوں پُورا کرئیے “(متی ۳: ۱۵)۔ ”ایسے طرح“ دا ایتھے مطلب ہیگا اے پئی یِسُوعؔ بپتسمہ لےکے جگ دیاں ساریاں لوکاں دیاں پاپاں نوں چُک لوے گا ۔ ایس لئی پئی یوحنا نے یِسُوعؔ مسیح نوں بپتسمہ دتا ، ساڈے پاپ اوس اُتے لدے گئے سن ۔ ایہہ ایس لئی سی پئی یِسُوعؔ مسیح نے اپنے بپتسمے نال ساڈیاں پاپاں نوں چُک لیا سی یعنی اوہنے اپنا لہو وگایا تے ساڈے بدلے مر گیا ۔ بپتسمہ جیہڑ ا یِسُوعؔ نے لیا اوہ خُدا دی قربانی نال محبت تے پاپ دی معافی اے ۔ اوس اُتے لدے گئے ساڈیاں ساریاں پاپاں نوں اصل وچ قبول کرن دے بعد ،اوہنے پانی وچ غوطہ لیا ۔ ایہہ غوطہ اوہدی موت بارے دسدا اے ۔ تے ایہہ پئی اوہ پانیوں باہر آیا اوہدے پہلاں جی اُٹھن دی گواہی دیندا اے ۔
یِسُوعؔ سانوں بناؤن والا تے مکتی داتا اے
ایہہ سچ ہیگا اےپئی یِسُوعؔ مسیح جیہڑا ساڈے کول آیا اوہ آپ ای خُدا اے جنہے سارا جگ تے ایس وچ موجود ساریاں شیواں نوں بنایا۔ پیدائش ۱:۱ فرماؤندی اے، ” خُدا نے شروع وچ زمِین تے اسمان نوں بنایا۔ “ تے پیدائش ۱:۳ فرماؤندی اے، ”تے خُدا نے آکھیا پئی رَوشنی ہو جائےتےرَوشنی ہو گئی۔“ یوحنا ۱:۳ وی دسدااے، ”ساریاں شیواں اوہدی راہیں پَیدا ہویاں۔ تےبِناں اوہدے اِک شے وی پَیدا نا ہوئی جیہڑی پَیدا ہوئی اے۔“ یِسُوعؔ مسیح نے اصل وچ باپ تے پاک رُوح نال سارے جگ نوں پیدا کیتا ۔
فلپیوں ۲:۵۔۸ دسدااے، ”سواوہوجیہاای سبھارکھو جیہا یِسُوعؔ مسیح دا سی ۔اوہ بھا نویں خُدا دی صُورت وِچ سی ۔پر اوہنے خُدادےبرابرہون نُوں اپنےقبضےوِچ رکھن دی شے ناجانیا۔سگوں اپنے آپ نُوں خالی کر دِتّا ۔ تےٹہلئےدی صُورت مَل لئی ۔تےبندیاں وانگر ہو گیا ۔ تے اِنسانی شکل وِچ ظاہر ہوکےاپنے آپ نُوں نیِویاں کر دِتّاتےایتھوں تیکرتابعدارہویا پئی مَوت سگوں صلِیب دی مَوت جھَل لئی۔“ اوہ اصل خالق اے جنہےایس جگ نوں بنایا تے سانوں لوکاں نوں پیدا کیتا ۔ سانوں پاپ توں چھڈاؤن لئی ، ایہہ خُداوند آپ ای اِک بندے وانگر ساڈے کول آیا ،یوحنا کولوں بپتسمہ لے کے جگ دیاں پاپاں نوں چُک لیا ، ایس بپتسمے دے سبب اپنا لہو وگایا، تے اِنج سانوں ساریاں پاپاں توں بچا چُکیا اے ۔
مسیحا نے اصل وچ اسرائیلیاں نُوں خیمۂ اِجتماع دے سارے پھاٹک اسمانی ، ارغوانی تے لال دھاگے، چٹے مہین وٹے ہوئے کتان وچ اُن کے بناؤن دا حکم دتا ۔ ایہہ پئی اوہنے اوہناں نوں خیمۂ اِجتماع دیاں پھاٹکاں لئی اسمانی ، ارغوانی تے لال دھاگےورتن دا حکم دِتّا اوہدے ساریاں لوکاں نُوں اوہناں دیاں پاپاں توں بچاؤن دے ارادے نُوں ظاہر کردا اے : یعنی بپتسمے نال جیہڑا یِسُوعؔ یوحنا کولوں لوے گا جگ
دیاں پاپاں نُوں چُکنا ،تے اپنے صلیبی لہو نال اوہناں دا مُل اُتارنا ۔
پُرانے عہد نامے وچ ، پاپی خیمۂ اِجتماع لئی اپنے قربانی دے پشُو لیاؤندے سن تےسوختنی قربانی دی قربانگاہ دے اگے ایہدے سِر اُتے اپنے ہتھ رکھ کے ایس اُتے اپنے پاپ لددے سن ۔ فیر اوہ ایہدا گَل وڈھ کے ایہدا لہو کڈھدے ،تے ایہہ لہو کاہناں نوں دیندے سن ۔ فیر کاہن سوختنی قربانی دی قربانگاہ دیاں چاراں سِنگاں اُتے لہو لا کے ، ایسے طرح باقی لہو زمین اُتے ڈوہل کے خُدا نوں ایہہ قربانی پیش کردے سن ۔
فدیہ دِہاڑے اُتے ، جد وڈا کاہن قربانی دے پشُو دا لہو لیندا سی جیہدے سِر اُتے اوہ اپنے ہتھ رکھ چُکیا سی تے ایہنوں بوہتی پاک تھاں تےسرپوش اُتے تراؤنکداسی، تاں خُدا اپنیاں لوکاں توں بے ترس عدالت وانگر قربانی دے پشُو دا ایہہ لہو قبول کردا سی ۔ کیوں قربانی دے پشُونُوں مرنا پیندا سی ؟ ایس لئی پئی ایہہ اپنے سِر اُتے وڈے کاہن دیاں ہتھاں دے رکھے جان نال اسرائیلیاں دے سارے پاپ اُٹھا چُکیا سی ۔ دوجیاں اکھراں وچ، اوہد ا لہو اوس اُتے ہتھاں دے رکھے جان دا نتیجہ سی ۔ اِنج، خُدا قربانی دے پشُو دالہو قبول کردا تے قربانگاہ اُتے ایہدے سڑے گوشت دی اَگ والی خوشبو لیندا سی، تے اِنج اسرائیلیاں دے سارے پاپ معاف کردا سی ۔
نویں عہد نامے دے زمانے وچ وی ، یِسُوعؔ بالکل اِنج ای کرن لئی آیا سی ۔ ساڈیاں پاپاں نوں لین تے پاپ دی سزا جرن لئی ، ساڈے خُداوند نوں کواری مریم دے بدن وچوں ایس زمین اُتے آؤنا پیا ، تے اوہنے یوحنا کولوں بپتسمہ لین تے سولی اُتے اپنا لہو وگا کے مکتی نُوں پورا کر دِتا ۔اسمانی ، ارغوانی تے لال دھاگہ اصل وِچ خوشخبری اے جیہڑی ایس سچیائی نُوں ظاہرکردی اے پئی یِسُوعؔ ، آپ ای خُدا نے بپتسمہ لیا تے سولی اُتے چڑھ گیا ۔
ایہہ ایس لئی اے پئی یِسُوعؔ نے اپنے بپتسمے نال ساڈیاں پاپاں نوں چُک لیا یعنی اوہ سولی اُتے چڑھیا ، اپنا سارا لہو وگا دتا ، مر گیا ، تِناں دناں پِچھوں مویاں وچوں جی اُٹھیا ، تے اِنج ، خُدا دے تخت دے سجے پاسے بہہ کے ساڈا مکتی داتا بن گیا اے جیہڑے ایمان رکھدے نیں ۔ یِسُوعؔ مسیح اوہناں نُوں جیہڑے اصل وچ اوس اُتے اپنے مکتی داتا وانگر ایمان رکھدے نیں خُدا یعنی ، اَبّا، باپ آکھن دے لائق کر چُکیا اے ، یعنی خُدا باپ دے اگے اِکو ای واری سدا لئی ساڈیاں ساریاں پاپاں توں معاف کر کے ایس لائق کر چُکیا اے ۔ایہہ اسمانی، ارغوانی، تے سُرخ دھاگے وچ لُکیا ہویا سچیائی دا بھیت اے ۔
اپنے بپتسمے تے صلیبی لہو نال ، مسیحا نے ساڈیاں پاپاں دی صفائی نُوں پورا کیِتا تے ساڈے بدلے ساڈیاں پاپاں دی سزا جری ۔ ہُن ، اوہ جگ دا مکتی داتا بن گیا اے ۔ ایسے طرح ، سانوں لازمی ایمان رکھنا چاہی دا اے پئی پُرانے عہد نامے دے خیمۂ اِجتماع دا پھاٹک مہین وٹے ہوئے کتان اُتے اسمانی، ارغوانی، تے سُرخ دھاگے اُنن نال بناگیا سی ، تے سانوں ایہہ وی ایمان رکھنا چاہی دا اے پئی نویں عہد نامے وچ مسیحا ساڈا مکتی داتا سچ مُچ ایس زمین اُتے آیا سی ،اپنے بپتسمے نال جگ دیاں پاپاں نُوں چُک لیا تے سولی اُتے ساریاں پاپاں دی سزا جری — ایس طرح ، سانوں لازمی اپنیاں پاپاں دی معافی پاؤنی چاہی دی اے ۔
مسیحی وانگر ، تُسی اوہدے کلام اُتے کِناں دھیان دیندے پئے او ؟
خروج ۲۵:۲۲ دسداا ے، ”اوتھےمَیں تیرے نال مِلایا کراں گا تے اوس سرپوش دے اُتے تے کرُّوبیوں دے وِچوں جیہڑے عہد نامےدے صندُوق دے اُتے ہون گے اوہناں ساریاں حکُماں دے بارے جیہڑے مَیں بنی اِسرائیل لئی تینوں دیاں گا تیرے نال گل بات کریا کراں گا۔“ فیر، تُسی پانی تے رُوح دی خوشخبری، یعنی فدیے دی خوشخبری دے کِنے نیڑے او ؟ کتھوں خُداوند نے فرمایا پئی اوہ تہاڈے وچوں اوہناں لوکاں نال گل بات کرے گا جیہڑے یِسُوعؔ اُتے مکتی داتا وانگر ایمان رکھدے نیں ؟ خروج ۲۵:۲۲ وِچ ، اوہنے فرمایا پئی اوہ عہد نامے دے صندوق دے اُتوں اپنیاں ساریاں حکماں نوں گھلے گا ۔ پُرانے عہد نامے وچ اسرائیلیاں لئی ، خُدا نے فرمایا پئی اوہ سرپوش اُتے ہر شے دے بارے اوہناں نال کلام کرے گا ۔
تہانوں ایہہ سمجھنا چاہی دا اے پئی ایہہ خُدا دا وعدہ ہیگا اے پئی اوہ شریعت دے مطابق قربانی دے پشُو نال تے تہانوں اپنے لوک بنا کے تہانوں پاپ دی معافی دین دے بعدوں تہاڈیاں زندگیاں دی اگوائی کرے گا ۔ خُدا سانوں دسدا پیا اے کوئی معنی نئیں رکھدا کِنے بوہتے ساڈے وچوں جیہڑے مسیحیت اُتے ایمان رکھدے نیں خُداوند توں اگوائی پاؤن دی کوشش کردے نیں ، جے تُسی یِسُوعؔ اُتے ایمان رکھدے او جد پئی پانی تے رُوح دی خوشخبری دی سچیائی نوں نئیں جان دے ، فیر اوہ تہاڈی اگوائی نئیں کر سکدا ، ایسے طرح ، جے تُسی سچ مُچ خُداوند توں اگوائی پاؤنا چاؤہندے او ، تاں تہانوں لازمی پہلاں پاپ دی معافی دی سچیائی نوں جاننا تے قبول کرنا چاہی دا اے جیہڑی اِکو ای واری تہاڈیاں ساریاں پاپاں نوں مکا چُکی اے تے فیر اوہدی اگوائی نُوں اڈیکو ۔
اِک گل جیہڑی مَیں تہانوں دسنا چاؤہندا آں ، تے اوہ ایہہ ہیگی اے پئی جے تُسی خُدا دے پُتر بننا چاؤہندے او ، تے جے تُسی اوہدی کلیسیا دا حصہ بننا چاؤہندے او ، تاں تہانوں لازمی پانی تےرُوح دی خوشخبری،یعنی اسمانی، ارغوانی، تے سُرخ دھاگےدے بھیت اُتے ایمان رکھ کے اپنیاں پاپاں توں معاف ہونا چاہی دا اے ۔ ایہدے بعدوں ای تُسی نویں عہد نامے دے صندوق دے اُتوں تہانوں دسے گئے خُداوند دیاں حکماں نوں وی پاسکدے او ۔
سانوں لازمی یاد رکھناتے ایمان رکھنا چاہی دا اے پئی خُداوند سدا حکم دے چُکیا اے تے ساڈیاں زندگیاں دی اگوائی کر چُکیا اے جد اسی پانی تے رُوح دی خوشخبری اُتے ایمان رکھدے آں جیہڑی سانوں پاپ دی معافی پاؤن دے لائق کر چُکی اے ۔ کیہ ہُن تُسی سرپوش دے اُتوں تہانوں دتے گئے خُداوند دے حکم پاؤندے پئے او ؟ یا کیہ تُسی اپنے ذاتی جذبیاں دے مطابق خُداوند پِچھے چلدے پئے او ؟
تہاڈے اپنے احساس تے جذبے تہاڈا ایمان ودھا نئیں سکدے ، سگوں تہانوں صرف گُنجلاں ول لے جاندے نیں ۔ جے تُسی عہد دےصندوق دے اُتوں تہانوں دسے گئے خُدا دیاں حکماں پِچھے چلنا چاؤہندے او ، فیر تہانوں لازمی اسمانی، ارغوانی، تے سُرخ دھاگےتے مہین وٹے ہوئے کتان دا احساس کرنا چاہی دا اے تے ایمان رکھناچاہی دا اےجیہڑی خیمۂ اِجتماع وِچ فرمائی گئی پاپ دی معافی اے جیہڑی خُدا سانوں دے چُکیا اے ۔
ہیلیلویاہ! مَیں خُداوند دے بپتسمے، صلیبی لہو،تےاوہدی قُدرت تےمحبت لئی خُدادا شکر ادا کرداآں جیہڑےسانوں جگ دیاں ساریاں پاپاں توں بچا چُکےنیں۔
- ایس توں پہلاں
- ایس توں بعدوں
Copyright © 2021 by The New Life Mission