Search
پنجابی
پنجابی
کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔

خطبے

مضمون 11: خیمۂ اِجتماع

[11-20] بخُور دی قربانگاہ <خروج ۳۰:۱۔۱۰>

بخُور دی قربانگاہ
> خروج ۳۰:۱۔۱۰ <
”تے تُوں بخُور ساڑن لئی کِکر دی لکڑدی اِک قُربان گاہ بناویں۔اوہدی لمان اِک ہتھ تے چَوڑائی اِک ہتھ ہوئے۔ اوہ چَوکھونٹی رہوےتےاوہدی اُچیائی دو ہتھ ہوئےتےاوہدے سِنگ اوسے ٹُوٹے نال بنائے جان۔ تے تُوں اوہدے اُتلےپاسےتے چونہہ حصیاں نُوں جو اوہدے آلے دوالے نیں تے اوہدیاں  سِنگاں نُوں کھرے سونے نال مَڑھیں تےاوہدے لئی آلےدوالے اِک سونےداتاج بناویں۔ تےتُو ں اوہدےتاج دے ہیٹھاں اوہدے دوآں حصیاں وچ سونے دے دو کڑے اوہدے دونویں پاسےبناویں۔ اوہ اوہنوں چُکن دیاں چوباں لئی خانیاں دا کام دین گے۔ تےچوباں کِکر دی لکڑدیاں  بنا کے اوہناں نُوں سونے نال مَڑھیں۔ تے تُوں اوہنوں اوہدےپڑدے اگے رکھیں جیہڑا شہادت دے صندُوق اگے ہیگااے۔ اوہ سرپوش دے اگے رہوے جیہڑا شہادت دے صندُوق دے اُتےاے جِتھے مَیں تینوںمِلیا کراں گا۔ایسے اُتے ہارُون خُوشبُودار بخُورساڑیا کرے۔ہر صُبح دِیویاں نُوں ٹھیک کرن ویلے بخُورساڑے۔ تےسورج  ڈُبن ویلےوی جدہارُون چراغاں نُوں بالے فیربخُور ساڑے۔ ایہہ بخُور خُداوند دے اگے تُہاڈی پِیڑھیوپِیڑھی  سداساڑیا جائے۔تے تُسی اوس اُتےہور طرح دا بخُور نا ساڑنا نا اوس اُتے سوختنی قُربانی تےچڑھاوےدی قُربانی چڑھانا تے کوئی چُلہاوی اوس اُتے نابالنا۔ تےہارُون ورہےوچ اِک واری اوہدیاں سِنگاں  اُتے کفّارہ دیوے۔ تُہاڈی پِیڑھیوپِیڑھی ورہےوِچ اِک وار ی ایس خطا دی قُربانی دے لہونال جو کفّارے لئی ہوئے اوہدے واسطے کفّارہ دِتّا جائے۔ایہہ خُداوند  لئی سب توں بوہتا پاک اے۔“
 
 
بخور دی قربان گاہ 

بخوردی قربانگاہ دُعا والی تھاں سی

 
بخوردی قربانگاہ کِکر دی لکڑ نال بنائی گئی سی ،تے ایہہ چورس شکل ، دونویں  اپنی  لمان  تے  چوڑائی
وچ اِک ہتھ (۴۵ سینٹی میٹر: ۵.۱فٹ)،تے اُچیائی وچ دو ہتھ دی کاچھ دی سی ۔ پاک  تھاں دے وچ رکھی ہوئی ، بخوردی قربانگاہ ساری دی ساری سونے نال  مَڑھی ہوئی سی ، تے آلے دوالے اِک سونے دا تاج رکھدی سی ۔ ایہدے تاج دے ہیٹھاں سونے دے چار کڑے ایہنوں چُکن لئی ورتیاں جان والیاں چوباں نوں پھڑن لئی  پائے گئے سن ۔ ایس بخوردی قربانگاہ اُتے ، کُجھ وی نئیں سگوں صرف مسح والا پاک  تیل تے خوشبودار بخور ورتیا جاندا سی (خروج ۳۰:۲۲۔۲۵)۔
بخوردی قربانگاہ اوہ تھاں سی جتھے دُعا دا بخور خُدا دے اگے پیش کیتا جاندا سی ۔ پربخوردی قربانگاہ اُتے دعامنگن توں پہلاں ، سانوں ایہہ پتہ کرنا چاہی دا اے پئی کیہ اسی قربانگاہ اُتے خُدا اگے دعا منگن دے لائق ہیگے آں یا نئیں ۔ جیہڑا وی پاک خُدا اگے دعا منگن دے لائق ہونا چاؤہندا اے اوہنوں پہلاں  لازمی ایمان رکھ کے اپنیاں پاپاں نوں دھو کے بے پاپ بننا چاہی دا اے ۔ اِنج کرن لئی ، ہر کسے نوں لازمی سوختنی قربانی تے حوض اُتے ایمان رکھ کے اپنیاں ساریاں پاپاں توں پاک ہونا چاہی دا اے ۔
خُدا پاپیاں دیاں دعاواں نئیں سُن دا (یسعیاہ ۵۹:۱۔۳)۔کیوں ؟ ایس لئی پئی خُدا صرف  اوہناں نوں قبول کردا اے جیہڑے پانی تے رُوح دی خوشخبری اُتے ایمان رکھ کے  اپنیاں ساریاں پاپاں توں دُھل گئے نیں ۔ ایس لئی پئی خُدا اسمانی، ارغوانی، تےسُرخ دھا گے تےمہین وٹے ہوئے کتان وچ ظاہر کیتی گئی سچیائی دے راہیں ساڈیاں  ساریاں پاپاں نوں دھو چُکیا  اے ۔ دوجیاں اکھراں وچ  ، خُدا صرف راستبازاں دیاں دعاواں  سُن کے خوش ہوندا اے  (زبور ۳۴:۱۵،  ۱۔پطرس ۳:۱۲)۔
 
 
ساریاں لوکاں دی فطرت تے حقیقت
 
جد اسی نیڑیوں ویکھدے آں ، تاں اسی ویکھدے آں پئی سارے لوک تہانوں تے مینوں رَلا کے ، اصل وچ اِک پاپی بیج دے نال پیدا ہوئے ساں ، تے ایس لئی اوہ سارے پاپ کردے نیں ۔ ہر اِک تے ہر کوئی بدکار دی نسل اے ۔ ایس لئی پئی لوک  نسلی طریقے نال پاپ نال جم دے سن ، اوہ بچ نئیں سکدے سگوں بھیڑے کم کردیاں ہویاں اپنیاں زندگیاں  گزاردے نیں ۔ اپنے آپ بارے سوچو ، تُسی جیہڑے وی ہوو۔ اسی خُدا دے اگے من سکدے آں پئی  اسی بھیڑے لوک ساں جیہڑے بچ نئیں  سکدے ساں سگوں دوزخ وچ سُٹے جاندے ۔ سب تو ں ودھ کے ، جد اسی خُدا دے اگے اپنیاں کماں نوں جانچدے آں ، تاں اسی ایہہ من دے آں پئی خُدا دی شریعت مطابق جیہڑی پاپ دی مزدوری موت دسدی اے ، اسی سوکھے جیہے اوہدی پاپ دی راست عدالت توں بچ نئیں سکدے ۔
ایس لئی پئی جیہڑا کُجھ لوکاں دیاں دلاں وچوں نکلدا اے اوہ صرف بھیڑے خیال ، قتل کرنا ، زناکاریاں ،گھمنڈ تے عقل دا گھاٹا تے وغیرہ وغیرہ نیں ، جد وی اوہناں نوں ویلا مِلدا اے اوہ ایہہ کم کردے نیں (مرقس ۷:۲۱۔۲۷)۔لوکاں دے دل ، جیہڑے اصل وچ بدکاراں دی نسل وانگر جمے سن ، جد کدی حالات اجازت دین تے موقعے ملن ےتاں پاپ توں علاوہ  کُجھ نئیں کر سکدے، کویں اوہ کدی خُدا دے اگے بے شرم ہو سکدے نیں ؟ ایہہ بندے دیاں اپنیاں کوششاں نال اوکھا اے ۔ پر اِک ہو ر اِکو ایمان اے جیہڑا سانوں خُدا دے اگے کوئی شرم نا رکھن دی اجازت دیندا اے ، تے ایہہ ایتھے اے ۔ سانوں ساریاں نوں لازمی جاننا تے اسمانی، ارغوانی، تےسُرخ دھا گے تےمہین وٹے ہوئے کتان والی سچیائی اُتے ایمان رکھنا چاہی دا اے، سچیائی جیہڑی سانوں ساڈیاں ساریاں پاپاں توں  دُھلن تے ایس طرح  کسے شرم توں اَڈ خُدا دے اگے کھلون دے لائق بناؤندی اے۔ ایس طرح ، ساڈے وچوں ساریاں نوں پانی تے رُوح دی خوشخبری دی بوہت لوڑ اے ۔
ساڈے وچوں کوئی وی ایس سچیائی توں مکر نئیں سکدا پئی اسی سارے اپنیاں پاپاں دے سببوں دوزخ جان دے لائق ساں سگوں صرف ایس مقدر نوں  من سکدے آں ۔  تے اوہناں لئی جیہڑے خُدا دے اگے پچھان دے نیں پئی اوہ دوزخ دے قیدی نیں ، ایس طرح اپنے دل وچ مکتی اُتے  ایمان رکھنا اوکھا نئیں ہیگا جیہڑا خُدا اوہناں نوں دے چُکیا اے ۔ جد اسی خُدا دے اگے ایمانداری تے سچے دلوں جاندے آں ، تاں اسی اپنیاں دلاں نوں دھوکے نال اوہدے توں لُکا نئیں سکدے ،تے ایس طرح اسی خُدا دی راستبازی دے انصاف نوں من دے آں ۔ہر کسے نوں ایہو جیہی تھاں اُتے رکھیا گیا اے پئی اوہ بچ نئیں سکدے سگوں خُدا دی راست عدالت دے راہیں  اپنیاں پاپاں دی سزا پاؤندے نیں ۔
خُدا دی راست شریعت جیہڑی پاپ دی مزدوری نوں موت قرار دیندی اے ایہو جیہی شریعت نئیں ہیگی پئی سارے پاپی اپنیاں دلی خیالاں یا دینی ایمان نال  بچ سکدے نیں۔ ایس لئی پئی خُدا دی شریعت تفصیل نال ، ٹھیک تے سچی اے ،ایہہ ہر کسے نوں جیہڑا ایہدے اگے کھلوندا اے منن تے مجبور کردی اے پئی  اوہ اپنیاں پاپاں دے سببوں دوزخ جان دے لائق اے ۔ سارے  پاپی  احساس کر دے نیں  پئی اوہ اپنیاں
بوہت نِکیاں پاپاں لئی  وی خُدا دی سزا توں بچ نئیں سکدے ۔
ایس لئی ،سانوں مکتی داتا دی  لوڑ اے جیہڑا سانوں ساریاں نوں پاپ توں چھڈاؤندا اے تے سانو ں ایہہ جاننا اے پئی ایہہ مکتی داتاکون اے ۔ ایہہ یِسُوعؔ مسیح ، ساریاں لوکاں دا مکتی داتا اے ۔ اوہ مکتی داتااے جیہڑا ایس زمین اُتے آیا ، جنہے جگ دیاں پاپاں نوں  چُکن لئی یوحنا کولوں بپتسمہ لیا ، جنہے سولی اُتے چڑھن تے اپنا لہووگا کے ساریاں پاپیاں دیاں بدکاریاں دی سزا جری ، تے جیہڑا اِنج سانوں ساڈیاں ساریاں پاپاں توں  بچا چُکیا اے ۔
اسی سارے ایہہ غلط سوچدے ساں پئی پاپ توں معافی پاؤنا بوہت اوکھا ہوئے گا ۔ اصل وچ ، اسی سوچیا سی پئی اسی مکتی یافتہ ہوسکدے آں صرف جے اسی ساری دانائی نال پاک  کلام نوں جان دے آں ، یا ایہہ پئی ساڈی مکتی لئی کسے طرح دیاں چنگیاں کماں دی  لوڑ اے ۔ پرخُدا ولوں دتی گئی مکتی دی سچیائی فرق سی ۔ مکتی دی ایس سچیائی نے ساڈے لئی خُدا دی شریعت اگے اپنیاں  دلاں دا حساب لا کے ،ساریاں پاپاں نوں پچھاندیاں ہویاں جیہڑے ساڈیاں دلاں وچ ہیگے نیں تے پانی تے رُوح دی خوشخبری اُتے ایمان رکھدیاں ہویاں ، اپنیاں ساریاں پاپاں توں مکتی یافتہ ہون دی ساڈے لئی راہ کھولی تے سانوں راہ وکھائی ۔ ایہہ سچیائی خیمۂ اِجتماع دے پھاٹک وچ پہلاں توں  روپ وکھاؤندی سی ۔
لوکاں دی پاپ دی معافی اسمانی، ارغوانی، تےلال دھا گے تےمہین وٹے ہوئے کتان دے راہیں پوری ہوئی مہنگی مکتی دی سچیائی توں  ملدی اے ۔ ایس سچیائی اُتے ایمان رکھ کے ای اسی سارے اِکو ای واری سدا لئی پاپ دی سدا دی معافی پا سکدے نیں ۔ اِنج کرن لئی، ہر کسے نوں لازمی مننا چاہی دا اے پئی اوہ سارے  اپنیاں پاپاں دے سببوں دوزخ جان دے لائق نیں تےاسمانی، ارغوانی، تےلال دھا گے وچ ظاہر کیتی گئی  خوشخبری اُتے ، اِنج اِکو ای واری  اپنیاں پاپاں دی معافی  پاؤندیاں ہویاں ایمان رکھنا چاہی دا اے ۔ خوشخبری جیہڑی خُدا سانوں دے چُکیا اے اوہ خوشخبری اے جیہڑی اسمانی، ارغوانی، تےلال دھا گے تےمہین وٹے ہوئے کتان وچ موجود سچی خوشخبری وچ  ہیگی اے ۔
ساریاں نوں لازمی سچیائی دی ایس خوشخبری اُتے ایمان رکھنا چاہی دا اے ، ایس لئی پئی جے اوہ ایس خوش خبری وچ موجود سچیائی اُتے ایمان نئیں رکھدے ، تاں اوہ اپنیاں پاپاں توں چھُٹ نئیں سکدے ۔ پر اوہ جیہڑے مکتی دی ایس سچیائی اُتےایمان رکھدے نیں جیہڑ ی خُدا پانی تے رُوح دی خوشخبری نال  پوری کر چُکیا اے اوہ اپنیاں ساریاں پاپاں توں مکتی یافتہ ہون تے خُدا دے اپنے پُتر بنن لئی بوہت لائق نیں۔ ایس طرح اوہ لوک بنن لئی جیہڑے خُدا اگے جا سکدے نیں تے اوس توں دعا منگ سکدے نیں ، سانوں لازمی پہلاں پانی تے رُوح دی خوشخبری دی سچیائی اُُتے ، یعنی  پاپ دی معافی د ی خوشخبری اُتے ایمان رکھنا چاہی دا اے ۔جد اسی سچی خوشخبری نوں جانن تے اپنے سچیاں دلاں  نال ایس اُتے ایمان رکھ کے ساریاں پاپاں توں مکتی یافتہ ہوندے آں ، فیر اسی خُدا اگے دعا منگن دے لائق ہو جاندے آں ۔ ایمان جیہڑا سانوں خُدا اگے دعا منگن دے  لائق کردا اے اپنیاں دلاں وچ پانی تے رُوح دی خوشخبری،  یعنی خُدا ولوں خوشخبری اُتے ایمان رکھن نال ملدا اے ۔
خیمۂ اِجتماع دے پڑدے دے پھاٹک وچ ظاہر ہون والے اسمانی، ارغوانی، تےلال دھا گے دی سچیائی نوں جانن تے ایس اُتے بھروسہ رکھن والے ایمان توں بغیر خُدا اگے دعا منگنا غلط اے ۔ ایہو جیہا ایمان کفربکن دا پاپ کرن تے خُدا نوں مذاق کرن وانگر اے ۔ کویں اسی اپنیاں دلا ں وچ خیمۂ اِجتماع وچ ظاہر کیتی گئی سچیائی اُتے ایمان رکھن توں مکر کے خُدا دے ویری بن سکدے آں؟
جد تُسی یِسُوعؔ مسیح اُتے ایمان رکھن توں مکر دے او جیہڑا اسمانی، ارغوانی، تےلال دھا گے دی سچیائی دے راہیں  آیا ، تاں ایہہ تہاڈے لئی خُدانال  وَیر لین دا اِک سوکھا راہ اے  ۔ ایہہ ڈاہڈی بے یقینی دا کم اے جیہڑی خُدا دے خلاف کھلوندی اے ۔اوہ لوک جیہڑے خُدا دی پاکیزگی نوں گئی گواتی سمجھن دا پاپ  کردے رہندے نیں اوہ لوک نیں جیہڑےمکتی اُتے ایمان نئیں رکھدے جیہڑی خُدا اوہناں لئی  پوری کر چُکیااےسگوں اپنیاں دلی خیالاں تے اپنی مَن مرضی مطابق ایمان رکھدے نیں۔ ایہوجیہے بندے اوہ لوک نیں جیہڑے اپنے آپ نوں انجیر دیاں پتیاں دےبانے نال یعنی جیہدا ناں ”دھوکہ بازی “نال کجدیاں ہویا ں ، خُدا دی محبت تے فضل نوں ردّ کردے نیں ۔
پر تہانوں لازمی احساس کرنا چاہی دا اے پئی بھاویں ایہہ لوک اپنیاں دلاں نوں دھوکہ دین دے لائق ہو سکدے نیں، اوہ خُدا دی عدالت توں بچ نئیں سکدے ۔ اوہ جیہڑے اینے بے یقینےلوک نیں  خُدا دی سچی شریعت مطابق پاپ دی ڈاہڈی سزا پاؤن لئی لعنتی ٹھہرن گے ۔ کیوں ؟ ایس لئی پئی اوہناں نیں پانی تے رُوح دی خوشخبری نوں جاننا نا چاہیا جیہدے نال خُداوند اوہناں دیاں پاپاں نوں مُکا چُکیا اے، نا ای ایس خوشخبری اُتے ایمان رکھنا چاہیا ۔
جد ساڈی نگاہ وچ وی ساڈے دل گندے نیں ، تاں اسی اپنیاں پاپاں نوں کویں پاک خُدا کولوں لُکا سکدے آں؟ ایہہ صرف اوکھا کم اے ! جیہڑ ا کوئی وی اپنیاں پاپاں نوں لُکاؤنا چاؤہندا اے اوہ خُدا دی محبت تے فضل توں سکھنا رہ جائے گا ۔ اوہ جیہڑے اپنیاں دلاں نوں دھوکہ دیندے نیں اوہ شیطان دیاں بدکار خادماں وانگر مُک جان گے جیہڑے خُدا تے اپنے  نال دیاں لوکاں نوں دھوکہ دیندے نیں ۔ ایہہ خیال پئی اوہ کسےطرح اپنیاں اکھاں اُتے پٹی بنھ کے خُدا نوں دھوکہ دے سکدے نیں ، ایہہ اوہناں دے گھمنڈ دا روپ اے جیہڑا اوہناں دیاں گھمنڈی سوچاں وچوں نکلدا اے ۔ اصل وچ ، اپنیاں دلی خیالاں اُتے بھروسہ کرن والے اوہو لوک نیں جیہڑے پانی تے رُوح دی خوشخبری نوں للکاردے نیں ، تے جیہڑے اپنی مرضی نال شیطان دے نوکر بنن دی کوشش کردے نیں ۔
لوکاں نوں ایہہ پتہ ہونا چاہی دا اے بھاویں اوہ اپنیاں دلاں نوں دھوکہ دین دے لائق ہو سکدے نیں ، پر اوہ خُدا نوں کدی دھوکہ نئیں  دےسکدے ۔ تے اوہناں نوں لازمی خُدا دے کلام دے مطابق ایمان رکھن لئی اپنیاں دلاں نوں بدلنا چاہی دا اے ۔ پانی تے رُوح دی خوشخبری اُتے ایمان رکھیوں بغیر کویں کوئی اپنیاں پاپاں نوں  دھو سکدا اے ؟ جویں پئی ایہہ لکھیا ہویااے پئی پاپ دی مزدوری موت اے ، کوئی وی پاپی جیہڑا خُدا دے اگے اپنے دل نوں دھوکہ دیندا اے خُدا دی سزا توں کدی نئیں بچ سکدا ۔  جے اسی خُدا دی شریعت نوں مَن دے آں ، فیر ایہہ واضح اے پئی اسی سارے اپنیاں پاپاں دے سببوں دوزخ دے لائق آں۔ ایس طرح، اوہناں ساریاں نوں جیہڑے خُدا کول  آؤنا چاؤہندے نیں  لازمی خیمۂ اِجتماع دے پھاٹک وچ ظاہر کیتی گئی خوشخبری دی سچیائی اُتے ایمان رکھ کے مکتی یافتہ ہونا چاہی دا اے ۔
پر ایس لئی پئی بوہت سارے لوک سچیائی دا احساس کرن وچ ناکام ہوگئے نیں پئی اوہناں نیں اپنیاں پاپاں دے سببوں لعنتی ٹھہرنا اے ، اوہ اپنیاں دلاں وچ مکتی دی خوشخبری قبول کرن وچ وی ناکام ہو گئے نیں جیہڑی اسمانی، ارغوانی، تےلال دھا گے دی سچیائی دےراہیں مل گئی اے ، تے نتیجے طور اُتے ، اوہ سارے دوزخ ول جاندے پئے نیں ۔ ایس توں ہٹ کے پئی بھاویں اوہ پہلاں ای  مسیحی نیں یا نئیں ، اوہ جیہڑے پانی تے رُوح دی خوشخبری اُتے ایمان نئیں رکھدے اوسے ای سزا نوں جرن گے ۔ ایس طرح ، سانوں لازمی اپنے خُدا اگے اپنیاں دلاں نوں دھوکہ نئیں دینا چاہی دا ، سگوں اپنیاں دلاں وچ پانی تے رُوح دی خوشخبری نوں قبول کرنا چاہی  دا اے ،تے مننا تے ایس سچی خوشخبری اُتے ایمان رکھنا چاہی دا اے ۔
 
 

سانوں سچیائی دے کلام اُتے ایمان رکھ کے اپنیاں پاپاں توں پاک ہونا چاہی دا اے

 
لوک دو ضمیر رکھدے نیں: اِک بدن داضمیر اے ،تے دوجا سچیائی دی خوشخبر ی دے بارے ایمان داضمیر اے ۔ سانوں ایہناں دوآں، دائریاں نال ایماندار ہونا چاہی دا اے ، پر ایہناں دوآں وچوں ، اسی خاص کر کے ، ایمان داضمیر رکھن بارے ناکام نئیں ہوسکدے جیہڑا سچیائی دی خوشخبری نوں پچھاندا اے ۔ سانوں لازمی خُدا دے کلام دے اگے اپنے ایمان دےضمیر دا حساب لاؤنا چاہی دا اے ؛ ایمان رکھنا چاہی دا اے پئی یِسُوعؔ نے بپتسمہ لے کے ساڈیاں پاپاں نوں قبول کیتا ، سولی اُتے لعنتی ٹھہریا تے اِنج سانوں بچا چُکیا اے ؛ تے ایس ایمان دے راہیں ، ساڈیاں ضمیردیاں پاپاں نوں دھو چُکیا اے ۔ مینوں ایس اُتے غصہ آؤندا اے پئی بھاویں جد ایہہ سچ ہیگا اے جیہڑا سوکھے طریقے نال ہور گھٹ نئیں ہو سکدا ، فیروی ایہو جیہے لوک  ہیگے نیں جیہڑے سچی خوشخبری اُتے ایمان نئیں رکھدے ۔
ساڈیاں دلاں نوں پاک کرن لئی ایمان دی اک ترتیب ہیگی اے ۔ پہلی ، سانوں ایس سچیائی نوں پچھاننا چاہی دا اے تے ایہدی تصدیق کرنی چاہی دی اے پئی اسی دوزخ دے لائق آں، تے دوجی، سانوں لازمی اپنیاں دلاں وچ ایمان رکھنا چاہی دا اے پئی ساڈا مکتی داتا ایس زمین اُتے آیا ، تے ساڈیاں پاپاں لئی یوحنا کولوں بپتسمہ لیا ،سولی اُتے مرگیا ، مویاں وچوں جی اُٹھیا ، تے اِنج سانوں ساریاں پاپاں توں بچا چُکیا اے۔ پاپیاں نوں لازمی اپنیاں بدکاریاں توں مکتی یافتہ ہونا چاہی دا اے تے پانی تے رُوح دی خوشخبری اُتے اپنے ایمان دےراہیں سدا دی زندگی پاؤنی چاہی دی اے جیہڑی اِنج اسمانی، ارغوانی، تےلال دھا گےوچ ظاہر ہوئی اے ۔
ایس سچیائی دے ہوندیاں ہویاں پئی سانوں لازمی اپنیاں پاپاں توں مکتی یافتہ ہونا چاہی دا اے ، کئی لوک حالے وی ایمان نئیں رکھدے، بھاویں اوہ اسمانی، ارغوانی، تےلال دھا گےدے راہیں پوری ہوئی پاپ دی معافی دے بارے جان دے نیں ۔ اوہ اِنج کویں کر سکدے نیں ؟ لازمی اوہ اپنی بے یقینی دیاں ساریاں نتیجیاں دے ذمہ دار ہون گے۔ جے اسی اسمانی، ارغوانی، تےلال دھا گےوچ ظاہر کیتی گئی سچیائی نوں جان لیندے آں پر ایمان نئیں رکھدے ، فیر اسی بعدوں وی پاپی ہوواں گے، تے جے اسی ہُن وی پاپی آں، تاں کیہ اسی خُدا دی شریعت دے بالکل مطابق اپنیاں پاپاں دی سزا نئیں جراں گے؟ ساڈے وچوں  ہر اِک نوں تے ہر کسے نوں ،بندہ ہوئے یا زنانی ، ساریاں نوں مکتی دی ایس سچیائی اُتے دلوں ایمان رکھ کےپاپ توں مکتی یافتہ ہونا سی جیہڑی خُدا اسمانی، ارغوانی، تےلال دھا گے نال پوری کر چُکیا اے ۔
لوکاں نوں لازمی ایس طرح دا ایمان رکھنا چاہی دا اے جیہڑا اوہناں نوں اوہناں دیاں پاپاں توں بچاؤندا اے ۔ اوہناں نوں لازمی ایمان رکھنا چاہی دا اے جیہڑا صرف پانی تے رُوح دی خوشخبری اُتے ایمان رکھدا اے ۔کیہ تُسی اسمانی، ارغوانی، تےلال دھا گے وچ ظاہر کیتی گئی خوشخبری اُتے ایمان رکھدے او۔ یعنی خُداوند نے بپتسمہ لے کے ساڈیاں ساریاں پاپاں نوں چُک لیا تے سولی اُتے اپنا لہو وگا  کے سانوں بچا چُکیا اے ؟  جد تُسی سب توں پہلاں اپنے بارے سوچدے او، تاں کیہ تُسی ایس سچیائی نو ں مَن دے دو پئی سچ مُچ تہاڈا نصیب دوزخ سی ؟ کیہ تُسی احساس کردے او پئی جد اسی دوزخ جان دے لائق ساں، تاں خُداوند سانوں اسمانی، ارغوانی، تےلال دھا گے وچ ظاہر کیتی گئی سچیائی نال ساڈیاں پاپاں توں بچا چُکیا اے؟
تہانوں لازمی احساس کرنا چاہی دا اے پئی ایہہ ساڈیاں ساریاں پاپاں دی فکر کرنا سی پئی خُداوندایس زمین اُتے آیا ، بپتسمہ لیاتے اپنا لہو وگایا ۔ تہاڈیاں تے میریاں پاپاں نوں مکاؤن لئی ساڈا خُداوند بندے دا بدن لے کے جم کے ایس جگ وچ آیا ، تی(۳۰) ورہیاں دی عمر وچ یردن دے دریا اُتے یوحنا کولوں بپتسمہ لے کے اپنے آپ اُتے ساری انسانی پیِڑھی دیاں پاپاں نوں اِکو ای واری قبول کیتا ، تے اِکو ای واری سدا لئی سولی اُتے چڑھ کے تے اپنا لہو وگاکے پاپ دی لعنت  جری ۔ خُدا ایمان رکھن والیاں دے ساریاں پاپاں نوں معاف کر چُکیا اے ۔
اسی اسمانی، ارغوانی، تےلال دھا گے وچ ظاہر ہون والی سچیائی اُتے ایمان رکھ کے اپنیاں ساریاں پاپاں توں مکتی یافتہ ہو سکدے آں ۔ سانوں لازمی پُچھ گِچھ تے تصدیق کرنی چاہی دے پئی کیہ اسی سچ مُچ ایس سچیائی دے راہیں اپنیاں ساریاں پاپاں توں مکتی یافتہ ہوگئے آں یا نئیں ۔ سانوں لازمی ایمان رکھنا چاہی دا اے جیہڑا یِسُوعؔ مسیح اُتے ایمان رکھدا اے جیہڑا اسمانی، ارغوانی، تےلال دھا گے وچ مکتی داتا وانگر آیا ۔ جویں پاک کلام فرماؤندا اے ، ” کیوں جو راست بازی  لئی دِلوں اِیمان لیاوی دااے۔ تے نجات لئی مُنھ توں اِقرار کری دااے“(رومیوں ۱۰:۱۰)۔ رومیوں ۱۰: ۱۷ ایہہ وی اعلان کردا اے،   ”سو اِیمان سُنن توں ۔تےسُننا مسیح دے کلام دی راہیں آؤندااے۔“
مسیح دا ایہہ کلام سانوں دسدا اے پئی اسی اسمانی، ارغوانی، تےلال دھا گےنال پوری ہون والی مکتی اُتے ایمان رکھ کے مکتی یافتہ ہوندے آں ۔ پاپ دی معافی ایہو جیہی شے نئیں ہیگی جیہڑے اپنیاں دلی سوچاں نال  ایمان رکھ کے ملدی اے ، سگوں ایہہ ایہو جیہی شے اے جیہڑی مکتی اُتے اپنیاں دلاں وچ ایمان رکھ کے لئی جاندی اے جیہڑی اسمانی، ارغوانی، تےلال دھا گے توں ملدی اے ۔ ایمان جیہڑا سچ مُچ سانوں پاپ توں  چھڈاؤندا اے اوہ ایمان اے جیہڑا پانی تے رُوح دی خوشخبری اُتے بھروسہ رکھدا اے ۔
کیہ فیر سانوں ایس سچیائی اُتے اپنا ایمان رکھ کے خُدا اگے دعا منگنی چاہی دی اے ؟ آہو! سانوں سچیائی نال اپنا لَک بنھ کے ، سدا رُوح وچ ساریاں دعاواں تے منتاں منگنیاں چاہی دیاں نیں (افسیوں ۶:۱۴، ۱۸)۔پر فیر ، ایہہ سچیائی کیہ اے ؟
ایہہ اوہ خوشخبری اے جیہڑی سانوں دسدی اے پئی ساڈا خُداوندسانوں بچاؤن لئی  ایس زمین اُتے آیا ، تی (۳۰)ورہیاں دی عمر وچ یوحنا بپتسمہ دین والے کولوں بپتسمہ لیا ، جگ دیاں ساریاں پاپاں نوں چُک لیا ، دوآں اپنیاں ہتھاں تے پیراں اُتے دُکھ جرے ، اوہدے اُتے تُھکیا گیا ، اپنا لہو وگایا ، تے اِنج ساڈیاں پاپاں نوں دھو چُکیا اے ۔سانوں لازمی اقرار کرنا چاہی دا اے پئی ایہہ ایس سچیائی اُتے ساڈے ایمان رکھن نال ہیگا اے پئی ساڈی پاپ دی معافی پوری ہوگئی اے ۔ ساڈا خُداوندسانوں اپنے بپتسمے تے صلیبی لہو نال جگ دیاں پاپاں بدلے لعنتی ٹھہر کے سانوں ساڈیاں پاپاں توں مکتی دے چُکیا اے ۔
”اے خُداوند، تُوں میرے نال ایناں پیار کیتا پئی تُوں مینوں خُدا دا اپنا پُتر بنا چُکیا ایں۔ “ ایس لئی سانوں لازمی اپنے ایمان دا اقرار کرنا چاہی دا اے ۔ جد سارا جیہڑا اسی رکھدےساں صرف پاپ سی ، ساڈا خُداوند فیر وی سانوں اپنے بپتسمے تے سولی اُتے چڑھن نال ساڈیاں ساریاں پاپاں نوں مکا کے سانوں اسمانی بادشاہی وچ جان دی اجازت دے چُکیا اے ۔ سانوں ساریاں نو ں لازمی ایس سچیائی اُتے  ایمان رکھنا چاہی دا اے تے سدا دی زندگی پاؤنی چاہی دی اے ۔
تہاڈے کول  ایس سچیائی اُتے ایمان نا رکھن داکیہ سبب ہیگا اے ؟ جتھوں تیکر میرا تعلق اے ، میرے کول آکھن لئی کُجھ وی نئیں ہوندا ،جے خُداوند نے اِنج مینوں میریاں پاپاں توں بچاؤن لئی بپتسمہ نا لیا ہوندا تے فیر وی میرے بدلے ، اوہنے اصل وچ بپتسمہ لیا ، اپنا لہو وگایا تے اِنج مینوں میریاں پاپاں توں  بچا چُکیا اے۔ تے ایسے طرح مَیں ایمان رکھدا آں ! کوئی سبب نئیں ہیگا پئی سانوں ساریاں نوں ایس خوشخبری اُتے کیوں ایمان نئیں رکھناچاہی دا اے ۔ ایہہ واضح ہیگا اے پئی جے پاپی پانی تے رُوح دی خوشخبری دی سچیائی اُتےایمان نئیں رکھدے ، تاں اوہ لازمی دوزخ وچ سُٹے جان گے ۔ پر مَیں چاؤہندا آں پئی تہاڈے وچوں ہر کوئی ہُن اسمانی، ارغوانی، تےلال دھا گے دی خوشخبری اُتے ایمان رکھ کےپاپ توں
مکتی یافتہ ہو جائے ۔
اِک ویلا سی جد مَیں آپ وی پاپی ای ساں بھاویں جے مَیں یِسُوعؔ اُتے ایمان رکھن دا اقرار کردا ساں ۔ اِک چنگا مسیحی بنن دی تمنا کردیاں ہویاں ، مَیں اسمان ہیٹھاں کوئی شرم نا کرن دی بوہت کوشش کیتی ۔ پر میریاں تمناواں دے اُلٹ ، مَیں ویلے کویلے پاپ کردا رہیا ؛ اکو تسلی ایہہ سی پئی جد مَیں دوجیاں نال اپنے آپ نوں  جانچیا ، مَیں سوچیا مَیں گھٹوگھٹ کسے طرح اوہناں توں چنگا ساں ۔ پر، میرا دل  مینوں دسدیا رہیا پئی مَیں فیر وی پاپ رکھدا ساں ، تے کیوں جو خُدا دی شریعت دے مطابق پاپ دی مزدوری موت اے ، مَیں ایہو جیہا بندہ ساں جیہڑا اپنیاں بدکاریاں دے سببوں دوزخ دے لائق ساں ۔
اپنی تھکی ہوئی تے شرعی زندگی دے دساں ورہیاں بعدوں ،مَیں رُوحانی طریقے نال مرن دےنیڑے ساں ۔ پر، خُدا نے مینوں فضل نال جگایا پئی یِسُوعؔ مسیح نے میرے لئی بپتسمہ لیا تے میریاں ساریاں پاپاں نوں چُک  لیا۔ اوہنے نا صرف میریاں  پاپاں نوں، سگوں سارے جگ وچوں ہر کسے دل ساریاں پاپاں نوں وی چُک لیا ۔ فیر اوہنے ایہناں پاپاں نوں سولی اُتے لے جان تے سولی اُتے چڑھن تے ایس اُتے مرکے ایہناں پاپاں دی لعنت جری ، فیر مویاں وچوں جی اُٹھیا ، تے اِنج میرا اصلی مکتی داتا بن گیا اے جیہڑا ہُن وی زندہ اے ۔ جد مینوں سچیا ئی دی ایس خوشخبری دا پتہ لگیا تاں ، مَیں رہ نا سکیا سگوں ایس اُتے ایمان رکھیا ۔  تے ایمان رکھ کے پئی یِسُوعؔ مسیح اپنے بپتسمے تے سولی اُتے اپنالہو  وگا کے میرا مکتی دا خُدا بن گیا اے ، میرے سارے پاپ دُھل گئے نیں ۔ مَیں ایمان رکھ کے اپنے دل وچ پاپ دی معافی پا چُکیا  آں ۔
ایہہ ایس لئی نئیں اے پئی مَیں خُدا دے سارے کلام دے بارے چنگی طرح جان دا ساں یعنی مَیں اپنیاں پاپاں دی معافی پائی ،سگوں مَیں اپنیاں پاپاں توں معافی پائی ایس لئی پئی مَیں اپنے دلی پاپاں نوں جان دا ساں ، ایہناں پاپاں نوں اوہدے بپتسمے دے سببوں یِسُوعؔ مسیح اُتے لدیا ، تے اپنے دل وچ ایمان رکھیا پئی یِسُوعؔ  میریاں پاپاں دا مُل اُتارن لئی سولی اُتے لعنتی ٹھہریا سی ۔ ایہہ ایس لئی ہیگا اے پئی مَیں پاپ دی ایہہ معافی  پا چُکیا آں یعنی ہُن مَیں خوشخبری دی منادی کرن والی زندگی گزاردا پیاآں ۔ تُسی تے مَیں اِکو جیہے آں؛ اصل وچ ساڈے وچکار کوئی فرق نئیں ہیگا ۔
تہاڈے وانگر ، مَیں وی دوزخ ول  مُنھ کیتا ہویا سی تے تہاڈے وانگر ، مَیں وی اوسےپانی تے رُوح دی خوشخبری اُتے ایمان رکھ کے پاپ دی معافی پا چُکیا آں ۔ خوشخبری اُتے ایمان رکھ کے جیہدے نال خُداوند ساڈیاں پاپاں نوں مکا چُکیا اے ، تُسی تے مَیں دونویں اِکو جیہے ایمان رکھ کے مکتی یافتہ ہو گئے آں ۔ ایس لئی مَیں اپنی شکرگزاری خُداونداگے پیش کردا آں ۔ ایہہ ایس لئی ہیگا اے پئی ہُن اسی پانی تے رُوح دے سببوں پاپ دی پوری معافی پا کے ایمان والا دل رکھدے آں یعنی ہُن اسی خُدا کول جان دے لائق آں تے اوہد ے اپنیاں نیانیاں وانگر دعا منگن دے  لائق آں جیہڑے پاپ دی معافی پا چُکے آں ۔
جویں پاک کلام سانوں دسدا اے پئی بخوردی قربانگاہ دی خوشبو مسح دے پاک تیل نال تے خوشبودار بخور نال بنی ہوئی سی ، یِسُوعؔ سانوں سچیائی دی پاک خوشخبری نال ساڈیاں ساریاں پاپاں نوں دھو کے سانوں پاک کر چُکیا اے ۔ پُرانے عہدنامے دے پُرانے زمانے وچ ، اسرائیلیاں نوں ایہہ بخور بناؤنا پیندا تے ایہنوں قربانگاہ  اُتے بالکل جویں خُدا نے حکم دتاسی ساڑنا پیندا سی ۔ سوپاک تھاں دے اندر ، بخورساڑیا جاندا سی تے ایہدی خوشبو ہر دن اُٹھدی سی ۔ ایس بخوردا مطلب خُدا اگے دعا منگنا اے ۔
نویں عہد نامے دے زمانے وچ ، تہانوں پاک تھاں اُتے ایہہ بخورساڑن لئی ، لازمی سچی خوشخبری اُتے ایمان رکھنا چاہی دا اے تے اپنیاں دلاں وچ پاپ دی معافی پاؤنی چاہی دی اے ۔ دوجیاں اکھراں وچ ، ایہہ سچی خوشخبری اُتے ایمان رکھن نال اے پئی کوئی دعا دا بخور ساڑ سکدا اے ۔ کویں اسی اوسے طریقے نال بخور ساڑ سکدے آں جویں ایہہ پُرانے عہد نامے  دے زمانے وچ ساڑیا جاندا سی ؟ جد خیمۂ اِجتماع دیاں ایہو جیہاں شیواں مثال طور اُتے سوختنی قربانی دی قربانگاہ تےبخوردی قربانگاہ ساڈے کول نئیں ہیگیاں ، تاں کیویں تُسی تے مَیں بخور بنا سکدے آں تے ایہنوں قربانگاہ اُتے سا ڑ سکدے آں ؟ اسی ایمان نال دعا دا بخورساڑ سکدے آں ، ایس لئی پئی یِسُوعؔ مسیح ساڈیاں پاپاں نوں مُکا چُکیا اے تے سانوں بچا چُکیا اے ۔ ایس لئی پئی ساڈے دل  ایمان رکھن نال  پاک ہو گئے نیں جد اسی پاپ دی معافی پائی ، ہُن اسی اپنیاں دلی دعاواں نال  خُدا دے اگے اُٹھن والا بخور ساڑ سکدے آں ۔
اسی ایمان رکھدے آں پئی پانی تے رُوح دی خوشخبری اُتے ساڈے سچے دل دے ایمان نال ساڈے سارے پاپ یِسُوعؔ مسیح اُتے لدے گئے سن، تے یعنی یِسُوعؔ مسیح نے بے ترسی نال ساڈے بدلے ساڈیاں پاپاں دی لعنت جری ۔ تہاڈے تے میرے دل اِنج سارے پاک ہو گئے نیں ۔ ایس  لئی پئی ساڈیاں دلاں دے سارے پاپ یِسُوعؔ اُتے لدے گئے سن، ساڈے دل ، ایمان رکھن نال سارے دے سارے اِکو ای واری سدا لئی پاک بن گئے نیں ۔  جے ساڈے سارے پاپ بپتسمہ دے راہیں یِسُوعؔ اُتے لدے گئے سن جیہڑا اوہنے یوحنا کولوں لیا ، فیر تہاڈے سارے پاپ دُھل گئے سن تے اِکو ای واری سدا لئی مُک گئے سن یعنی تہاڈیاں دلاں وچ ہورکوئی پاپ باقی نئیں ہیگا ۔ ایس لئی پئی ساڈے پاپ مُک گئے سن تے خوشخبری اُتے ایمان رکھن نال پاک ہوگئے سن ، ہُن اسی پاک خُدا اگے جا سکدے آں تے اوس توں مدد منگ سکدے آں ۔ یعنی اسی خُدا اگے دعا منگن دے لائق آں ساڈے ایمان اُتے بھروسہ رکھدا اے ، یعنی اسی خوشخبری اُتے سچے دلوں ایمان رکھ کے پاپ دی معافی پا چُکے آں ، جیہڑی ہُن  ساڈیاں سچیاں دلاں وچ ہیگی اے ۔
بھراؤتے بھینو، بخوردی قربانگاہ کول جاؤ تے دعا منگدے رہوو۔ ”اَے باپ، مہربانی کر کے میری مدد کر۔ ایہہ اوہ حالات نیں جنہاں وچ ، مَیں ہیگاآں ، تے ایہہ پئی مینوں کیہ لوڑاے۔اَے باپ، مَیں سچی خوشخبری ودھاؤنا تے ایمان داری وچ زندہ رہنا چاؤہنداآں ۔مَیں نیک زندگی گزارنا چاؤہنداآں جیہڑی ایسے لئی جائز اے جیہڑا سچ مُچ پاپ دی معافی پا چُکیا اے ۔تے مَیں راستبازی دے پھل پیدا کرنا چاؤہنداآں ۔ مینوں اپنے اُتے ایمان دئیو۔مَیں تہاڈی مرضی مطابق اپنی زندگی گزارنا چاؤہنداآں۔“ ایس طرح ، کسے لوڑ نوں منگنا ایہہ اے پئی دعا منگنا کیہ اے ۔ ایہہ خُدا اگے اوہدی راستبازی  دےمطابق مدد منگن بارے اے ۔
تُسی خورے وکھ وکھ جذبے تے تمناواں وی  رکھدے او ۔ ایس لئی پئی اسی پانی تے رُوح دی خوشخبری اُتے اپنے ایمان رکھ کے راستباز بنائے گئے آں جیہڑا سانوں راستباز ٹھہرا چُکیا اے ، تاں ایہہ ہُن ساڈے لئی اپنی دعا نال خُدا توں ساریاں شیواں منگنا سوکھا بن گیا اے ۔ اوہ جیہڑے اوہدی مدد لئی خُدا اگے دعا منگن دے لائق نیں مبارک لوک نیں ۔ ہُن یعنی اسی سارے پانی تے رُوح دی خوشخبری اُتے ایمان رکھ کے اپنیاں پاپاں دی معافی پا چُکے آں ، ایس وچ کوئی شک نئیں ہیگا پئی اسی سارے خُدا اگے دعا منگ سکدے  آں ۔
اوہ جیہڑے ،خُدا تے پانی تے رُوح دی خوشخبری اُتے اپنے ایمان رکھ کے ، اپنیاں دلاں وچ پاپ دی معافی پا چُکے نیں اوہ گھٹوگھٹ پاک خُدا دے اگے جان تے اوہدے اگے مدد منگن دے لائق ہوگئے نیں ۔ تے سارے نویں سریوں جمے ہوئے ایماندار ناگزیر تے فطری طور اُتے اپنیاں زندگیاں وچ باپ کولوں مدد لئی دعامنگن آؤندے نیں ،جویں نیانا اپنیاں ماپیاں کولوں مدد لئی پکاردا اے جد اوہ پریشانی وچ ہوندا اے ۔ اوہناں دا ایمان جیہڑا اوہناں نوں پاپ دی معافی دے چُکیا اے صرف اوہ ایمان نئیں ہیگا جیہڑا اوہناں نوں خُدا نوں اپنے باپ وانگر بلاؤن دے لائق  کردا اے ، سگوں ایہہ ایہو جیہا ایمان وی اے جیہڑا اوہناں نوں ہر ویلے اوہدے اپنے پُتراں تے دھیئاں وانگر باپ کولوں مدد لئی دعا منگن دے لائق کردا اے ۔ ایس لئی پئی خُدا سچ مُچ ساڈے ایمان رکھن نال ساڈا اپنا باپ بن گیا اے ، ہُن اسی اپنیاں لوڑاں مطابق اپنی دعا
دے راہیں اوہدی مدد منگن لئی جائز آں ۔
بِناشک ،مَیں نئیں جان دا ، تہاڈیاں اپنیاں دعاواں کیہ رہیاں نیں یا اوہ تہاڈے پاپ دی معافی پاؤن دے بعدوں خُدا ولوں کویں پوریاں ہویاں نیں ۔ پر جیہڑا مَیں جاندا ہاں اوہ ایہہ ہیگا اے پئی جد اسی خُدا اگے دعا منگدے آں پئی اوہ سانوں اوہدی کلیسیا نال اکٹھیاں ہون تے خوشخبری ودھاؤن دے لائق بنائے ، تاں اوہ لازمی ساڈی دعا دا جواب دیندا اے ۔ ایہہ ایس چنگے کم وچ ہیگا اے پئی اسی دوجیاں لئی دعا منگدے آں۔ سب توں پہلاں ، ہر کوئی صرف اپنیاں بدنی لوڑاں لئی دعا منگدا اے ۔ پر پاک رُوح  دیاں کماں دے راہیں ، اسی احساس کردے آں پئی اسی دوجیاں لئی دعاواں دی بوہت لوڑ رکھدے آں ، تے ایس طرح اسی دوجیاں لوکاں دی مکتی لئی دعا منگن واسطے تے سارے جگ وچ پانی تے رُوح دی خوشخبری نوں ودھاؤن لئی اپنے آپ نوں حاضر رکھدے آں ۔ کیوں؟ ایس لئی پئی نویں سریوں جمے ہوئے پاک لوکاں دیاں دعاواں پاک رُوح دے راہیں اگوائی پاؤندیاں نیں ۔ خُداوندسانوں دسیا اے ، ”پر تُسی پہلاں اوہدی بادشاہی تےسچیائی نُوں لَبھّو“(متی ۶:۳۳)۔
پر نویں سریوں جمن والیان وچوں ، اوہ جیہڑے حالے تیکر رُوحانی طریقے نال کچے نیں اوہ ٹھیک شیواں لئی دعا منگنا نئیں جان دے ، ایس لئی پئی اوہناں اپنیاں دعاواں لئی خُدا دے جواب داحالے تیکر تجربہ نئیں کیتا۔ ایہدا سبب ایہہ ہیگا اے پئی ایس لئی پئی اوہ حالے تیکر نئیں جان دے پئی خُدا دی راستبازی  اُتے ایمان کناں طاقت والا اے ۔ گھٹ  ایمان والے نا صرف ایہہ نئیں جان دے پئی اوہناں دیاں دعاواں قبول ہون گئیاں یا نئیں ، سگوں ہور بتھیرے اوہ شک شُبہیاں وچ پیندے نیں ۔
ایس طرح ، اوہناں نوں لازمی اوہناں نال رَل کے دعا منگنی چاہی دی اے جنہاں نیں اوہناں توں پہلاں ایمان رکھیا۔ اوہ جنہاں دا  ایمان نِکا اے اوہ خُدا اگے دعا منگن توں جھہکدے نیں۔ تے جد اوہ دعا منگدے نیں ، تاں اوہ صرف اوہو ای منگدے نیں جیہدی اوہناں نوں لوڑ اے — ”مینوں دے،مینوں دے،مینوں دے۔“ پر جے نِکے ایمان والے کلیسیا نال بھاویں خُدا اُتے کسے وڈےایمان توں بغیر اکٹھے ہوندے نیں ، اوہ حالے وی سِکھ سکدے نیں پئی سچی دُعا کیہڑی اے ، ایس لئی پئی کلیسیا وچ اوہناں دے ایمان دے آگُو خُدا دی راستبازی لئی دُعامنگدے پئے نیں۔ ایس توں علاوہ ، ایس لئی پئی پاک رُوح اوہناں نوں دعادا ایمان دیندا اے جیہڑے کلیسیا نال اکٹھے نیں ، اوہ ہولی ہولی خُدا دی راستبازی لئی دعا منگدے نیں ۔ ”راست باز بندےدی دُعا نال  بڑااثر  ہوندااے“(یعقوب ۵:۱۶)۔
نویں سریوں جمن والیاں دیاں سچیاں دعاواں جیہڑے خُدا دے اگے دعا منگن دا حق رکھد ے نیں بوہت چوکھا فائدہ دیندیاں نیں ۔ خُدا اُتے ایمان رکھن والیاں دیاں دعاواں اصل وچ اوہدے ولوں قبول ہوندیاں نیں ۔ جد لوک خُدا اگے دعا منگدے نیں ، پئی اوہنان دیاں دعاواں دا باپ ولوں جواب ملے ، اوہناں نوں لازمی پہلاں ایمان رکھنا چاہی دا اے پئی خُدا اوہناں دا اپنا باپ اے ، تے ایہہ پئی اوہ اوہناں دے ایمان مطابق  اوہناں دیاں دعاواں دا جواب دیندا اے ۔ ایس طرح ، جد ایمان دے آگُو سارے اکٹھے ہوندے نیں تے اوہناں لئی دعا منگدے نیں جیہڑے اوہناں پِچھے چلدے پئے نیں تے خوشخبری ودھاؤن دے سچے کم لئی اوہ وڈیاں کماں دا تجربہ کرن تیکر اَپڑدے نیں ۔ جے تُسی اپنے ایمان دیاں آگُوآں دے نال کھلوتے او جیہڑے خُدا اُتے  ایمان رکھدے نیں ،تاں تُسی اپنے ایمان وچ بوہت مدد پاؤ گے ۔ ایس لئی پئی خُدا جان دا اے پئی سانوں بوہت مدد دی لوڑ اے ناصرف مکتی دے فضل لئی سگوں زندگیاں دیاں دوجیاں حصیاں وچ وی، اوہ ساڈیاں دعاواں دا جواب دیندا اے۔ ایس لئی سانوں ساریاں نوں اوس ایمان دی لوڑ اےجیہڑا خُدا دی کلیسیا نال اکٹھا ہوئے ۔
جد اسی اوہناں شیواں لئی دعا منگدے آں جیہڑیاں خُدا نوں خوش کردیاں نیں ، ساڈا ایمان خوشی نال بہادر ہو جاندا اے ۔ جویں رُوحانی نیانے دعا دی نقل کردیاں ہویاں اخیریں  ایہوجیہیاں دعاواں نوں اپنی دلی پکیائی لئی کردےنیں ، اسی وی خُدا باپ اگے بعد وچ اپنے ذاتی مسئلیاں لئی دعا منگ سکدے آں ۔ اوہ جیہڑے اِنج کر کے سچ مُچ خُدا اُتے ایمان رکھدے نیں فیر اصل سچیائی نوں منن والے راہ اُتے ایمان رکھ کے چلدے نیں ۔ جویں پاک کلام فرماؤندا اے پئی راستباز صرف ایمان رکھ کے زندہ رہن گے ، اوہ صرف  اپنے آپ دے زندہ رہن لئی نئیں ، سگوں دوجیاں لوکاں دی مکتی لئی زندہ رہندے نیں ۔
کویں اسی خُدا اگےدعا منگن دےاہل ہوسکدے آں ؟ اسی ایہنوں خُدا ولوں دتی گئی پانی تے رُوح دی خوشخبری اُتے ایمان رکھ کے نویں سریوں جم کے لیا ۔ ایہہ صرف اوہناں لئی اے جیہڑے پانی تے رُوح دی خوشخبری اُتےایمان رکھ کے پاپ دی معافی پا چُکے نیں پئی ایمان دی  دلیری بندے نوں خُدا باپ اگے دعا منگن دے لائق کردیاں ہویاں ملدی اے ۔ ایمان خُدا ولوں انعام اے ۔ دعامنگن دا گُن پاؤنا خُدا ولوں ایمان دی وڈی برکت پاؤنا اے ۔
ایس دھرتی اُتے بوہت سارے مسیحی ایمانداراں وچکار ، تہاڈے خیال وچ اوہناں وچوں کِنے ایہو جیہے ایمان نال دعا منگن دے لائق نیں ؟ بوہت سارے نئیں ! خُدا ولوں بوہت مبارک انعاماں وچوں اِک ، سب توں پہلاں ، ایہہ ہیگا اے پئی اسی ایمان رکھن لئی آگئے آں جیہڑا سانوں ساڈیاں پاپاں توں اسمانی، ارغوانی، تےلال دھا گے وچ ظاہر کیتی گئی سچیائی نال بچاچُکیا اے ۔ تے دوجی ایہہ ہیگی اے پئی اسی اوہدے اپنیاں نیانیاں وانگر خُدا اگے دعا منگن دی طاقت تے اجازت لے چُکے آں ؛ تے تریجی ،ایہہ پئی ساڈے کول اوہ ایمان اے جیہڑا سانوں خُدا دے کم کرن والیاں وانگر زندہ رہن دی اجازت  دیندا اے ۔
 
 

خُدا پاپیاں دیاں دعاواں دا جواب نئیں دیندا

 
کُجھ پاپی ، بھاویں اوہ یِسُوعؔ اُتے ایمان رکھن دا اقرار کردے نیں ، کئی پہاڑاں اُتے چڑھن تے خُداوند دا ناں لگاتار پُکار کے اپنیاں پاپاں نوں مکاؤن لئی خُدا اگے دعا منگدے نیں ۔ ایتھوں تیکر پئی ٹھنڈ تے ٹھنڈیاں وَاواں دیاں راتاں وچ ، اوہ فیر وی ، اپنیاں بدناں اُتے پلاسٹک دیاں چادراں لپیٹ کے ، پہاڑ اُتے چڑھدے نیں تے بھاویں اوہ لوک بوہت ڈردے نیں ، فیر وی اوہ اپنے سارےدل نال چوکھی دعا منگدے نیں ۔ پر اوہناں دیاں دعاواں صرف وَا  وِچ خالی دائرے بناؤندیاں نیں ۔
بھاویں اوہ ساری رات دعاواں کردے نیں ، پر اوہ کوئی ایمان نئیں رکھدے پئی خُدا سچ مُچ اوہناں دیاں دعاواں دا جواب دیوے گا ۔ سبب کیہ اے اوہ ایمان دی ایس کمی دے ہوندیاں ہویاں اینے دل نال دعا منگدے نیں ایہہ ہیگا اے ایس لئی پئی اوہ دوجیاں نوں وکھاؤن لئی ، صرف اِک وکھالے وانگر دعامنگدے نیں۔اوہناں دیاں دعاواں نا منیاں جان والیاں دعاواں نیں ۔ اصل وچ ،اوہ اپنے دل وچ جان دے نیں پئی اوہناں دیاں دعاواں خُدا تیکر نئیں اَپڑدیاں پئیاں ، ایس لئی پئی اوہ حالے تیکر  اپنیاں دلاں وچ پاپ رکھدے نیں ۔ ایس لئی پئی اوہناں نیں حالے تیکر اپنیاں پاپاں دی معافی پاؤنی اے ، اوہناں دیاں بوہتیاں دعاواں دا کوئی جواب نئیں مِلدا ، بھاویں اوہ کنیاں ای دعاواں کردے ، رولا پاؤندے تے فریاد کردے ، تے اپنیاں سینیاں دی ساری طاقت نال ہاڑا پاؤندے نیں ، تےخُدا توں منگن لئی ہر طرح دے کم کردے نیں پئی اوہ کیہ چاؤہندے نیں ۔
اوہناں نوں جیہڑی شے دا احساس کرن دی لوڑ اے اوہ ایہہ ہیگی اے پئی خُدا اگے دعا منگن دی شرط صرف اوس ویلے پوری ہوندی اے جد اوہ پہلاں پاپ دی معافی پاؤندے نیں ۔ پر ایس  لئی پئی بوہتے پاپی کوئی دوجا راہ نئیں جان دے جد تیکر اوہ پانی تے رُوح دی خوشخبری نوں نئیں جان دے ، اوہ بچ نئیں سکدے سگوں اپنیاں ایمان والیاں زندگیاں پاپیاں وانگر بسر کردے رہندے نیں ۔ جد لوک اپنیاں دلاں وچ خُداوندولوں دتی گئی پانی تے رُوح دی خوشخبری اُتے ایمان رکھ کے اِکو ای واری سدا لئی پاک نئیں  ہوندے، تاں اصل وچ اوہناں دیاں دعاواں ساریاں فضول نیں ۔ جد کدی پاپی خُدا اگے دعا منگن دی کوشش کردے نیں ، اوہناں دے دل روندے نیں ، ”تُسی سوچدے او تہاڈیاں دعا واں خُدا تیکر اَپڑن گئیاں ؟ سُفنے ویکھو ! اوہ ساریاں فضول نیں !“سو بھاویں جویں اوہ خُدا اگے دعامنگدے رہندے نیں ، ”مینوں ایہہ دے ، مینوں اوہ دے “اوہناں دیاں دعاواں اصل وچ فضول نیں ۔
”میرے اگے دعامنگن توں پہلاں ، تُسی پہلاں اپنیاں پاپاں دی معافی پاؤ۔“ایہہ خُدا دی مرضی اے ۔ جد اوہ جیہڑے پاپ دی معافی پا نئیں چُکے خُدا اگے دعامنگدے نیں ، اوہ اپنے تجربے نال احساس کردے نیں پئی اوہناں دے دل اوہناں دے سببوں راضی نئیں ہیگے ۔ جد پاپی دعامنگدے نیں ، تاں اوہ آکھدے رہندے نیں ، ”یا خُداوندا، مینوں ایہہ دے ، تے مینوں اوہ وی دے۔“پر اوہنان دیاں دعاواں دا کوئی جواب نئیں ملدا ۔ ایس توں بوہت دُریڈے ،اوہناں دے دل صرف اوہناں نوں دسدے نیں ۔ ”کوئی راہ نئیں ہیگا !تہاڈیاں دعا واں ردّ ہوجان گئیاں ، ایس لئی پئی تُسی پاپی او!“جد پاپی بھاویں اوہناں دے اپنے دل وچ وی اپنے ایمان توں خوش  نئیں ہو سکدے ، تاں کویں اوہ سوکھے طریقے نال خُدا نوں دھوکہ دے سکدے نیں ، کویں اوہ اوہدے ولوں منظور ہو سکدے  نیں ، کویں اوہناں دیاں دعاواں دا جواب مل سکدا اے ؟ پاپی سوکھے جیہے خُدا اگے دعامنگن دے لائق نئیں ہیگے ۔ ایس توں کِدھرے دُریڈے ، ایتھوں تیکرپئی اوہناں دے اپنے دل اوہناں دیاں دعاواں اُتے یقین نئیں کردے ۔
 
 

ساڈیاں دعاواں دا جواب ملنا شروع ہوجاندا اے جد اسی ایمان رکھ کے راستباز بن جاندے آں

 
پر بوہت ساریاں لوکاں دیاں دعاواں دا جیہڑے پہلاں پاپی رہیے سن چھیتی نال جواب ملنا شروع ہوندا اے جد اوہ  خیمۂ اِجتماع دے اسمانی، ارغوانی، تےلال دھا گےوچ ظاہر ہون والی پانی تے رُوح دی خوشخبری اُتے ایمان رکھ کے اپنیاں پاپاں دی معافی پاؤندے نیں ۔ اوہ جیہڑے اپنیاں دلاں دیاں خانیاں وچ پانی تے رُوح دی خوشخبری اُتے ایمان رکھد ےنیں اپنے آپ وچ ادھورے ہوسکدے نیں ، پر اوہ ایمان رکھ کے خُدا کول جا سکدے نیں تے ایمان رکھ کے اوہ بہادری نال ،اوس توں اپنیاں لوڑاں پوریاں کر ن لئی دعا منگ سکدے نیں ۔ جد اوہ جیہڑے ایمان رکھ کے پاپ دی معافی پا چُکے نیں اوہدی مرضی دے  مطابق خُدا اگے دعا منگدے نیں ، تاں اوہ بہادری نال دعا منگن لئی آؤندے نیں ۔
پرجد اوہ اپنے بدن لئی دعا منگدے ہوندے نیں ، تاں اوہ کئی واری اپنے آپ نوں فضول محسوس کردے نیں ۔ اسی راستباز لوک سب توں لیکھاں والے آں جد ااسی دوجیاں واسطے ،پانی تے رُوح دی خوشخبری نوں ودھاؤن لئی دعامنگدے آں۔ جد اسی خوشخبری دی بوہت چوکھی منادی لئی دعامنگدے آں ۔ بدنی کسے اَڑاؤنی وچ نئیں پھس دے ، فیر اسی ایمان دیاں دعاواں نال اپنیاں کُجھ اَڑاؤنیاں اُتے فتح پا سکدے آں ۔ پر کئی واری ، اسی پریشان ہو جاندے آں جد اسی ایمان رکھ کے ایہو جیہیاں اَڑاؤنیاں اُتے فتح پاؤن دے لائق نئیں ہیگے ۔ ایس طرح دیاں ویلیاں وچ، جو اسی سارے کر سکدے آں  اوہ دعا اے ، تے ایمان رکھیے پئی خُدا اخیریں جواب دیوے گا۔  تے پک نال ، ویلے دے نال اسی گواہی دیندے آں پئی ایس دعا دا جواب سچ مُچ خُدا نے دتا اے ۔
سانوں لازمی ایہہ کرنا اے دعا تے فیر اُڈیکنا اے ، بے صبرے ہو کے حیران نا ہووو پئی ساڈیاں دعاواں  چھیتی قبول کیوں نئیں ہوندیاں ۔ خُدا چاؤہندا اے پئی اسی ایمان رکھ کے دعا کرئیے تے اسی ایمان رکھدے آں پئی جے ساڈیاں دعاواں خُدا دی مرضی مطابق  نیں، تاں اوہ ویلا آؤن اُتے اوہناں دا جواب دیوے گا ۔ تے جد اسی ایمان رکھ کے پاپ دی معافی پاؤندے آں ، تے جد اسی اپنیاں زندگیاں وچ ایمان رکھ کے دعا منگدے آں تاں اسی پہلاں ای تجربے وچ ویکھاں گے پئی ساڈیاں بوہتیاں دعاواں سچ مُچ قبول ہو گئیاں نیں ۔
پر کیہ تُسی ایس طرح ایمان رکھ کے زندگی گزاری اے ؟ جے اِنج اے ، تاں تُسی سچ مُچ خُدا اگے دعا منگ سکدے او ۔ جد اسی اِک واری فیر اپنے آپ دا حساب لاؤندے آں ، تاں اسی احساس کردے آں پئی اسی  دوزخ جان دے لائق آں ، تے اسی اِک واری فیر ایہہ وی احساس کردے آں پئی اسی پانی تے رُوح دی خوشخبری اُتے ایمان رکھ کے پا پ دی معافی پا کے ای دعا منگن دے  لائق ہوسکدے آں ۔ ایس طرح سانوں یقین کرکے یاد رکھنا چاہی دا اے پئی اوہ لوک جیہڑے دعا منگ سکدے نیں اوہ نیں جیہڑے ایمان رکھ کےپاپ دی معافی پا چُکے نیں پئی خُداونداوہناں دی ساری زندگی دے سارے پاپ پانی تے رُوح دی خوشخبری نال مکا چُکیا اے ۔
اوہناں وچکار جیہڑے حالے تیکر نویں سریوں نئیں جمے ، بوہت سارے لوک نیں جیہڑے اپنے آپ اُتے بوہت گھمنڈ کردے نیں ۔ تہاڈے بارے وچ کیہ خیال اے ؟ کیہ تہاڈے کول گھمنڈ  کرن لئی  کُجھ ہیگا اے؟ کیہ تہاڈیاں بانہواں تگڑیاں نیں ؟ کیہ تہاڈیاں لتاں تگڑیاں نیں ؟ ساڈے پِنڈے بھاویں کِنے ای  تگڑے کیوں نا ہون ، اوہ ٹھنڈ دے عام وائرس دا مقابلہ وی نئیں کرسکدے ، تے نا ای اوہ اپنی اصل کمزوری نوں ردّ کردیاں ہویاں کسے وی معمولی تگڑے بندے دی طاقت دا بوہت چر تیکر مقابلہ کر سکدے نیں ۔ کیہ تہانوں احساس ہیگا اےپئی لوک کِنے ماڑے نیں ؟ اسی اِک مچھر دے ڈنگ نال مر سکدے آں ، یا ٹُردیاں ٹُردیاں ڈِگدیاں ہویاں پتھرنال ٹھیڈا کھا کے مر سکدے آں ۔ اسی کُجھ وی نئیں ہیگے ۔ جے کوئی بندہ اِک بول وی آکھ دیوے جیہدے نال ساڈے گھمنڈ نوں ٹھیڈا لگدا اے ، تاں ساڈیاں دلاں نوں   اینی تکلیف ہوندی اے پئی اسی ادھ موئے ہو جاندے آں ۔ کیہ اِنج ای نئیں ہیگا ؟ لازمی اِنج ای اے!
کِنےلوک  ۶۰ورہیاں دے ہون توں پہلاں ای  مرجاندے نیں ؟ ایہو جیہے بے گنت لوک نیں جیہڑے  ۳۰ ورہیاں تیکر اَپڑن توں پہلاں ای مر جاندے نیں ۔ ایہو جیہے ماڑے بندےساریاں لوکاں توں علاوہ کوئی دوجے نئیں ہیگے ۔ لوکاں دی سدا دی طاقت کِدھرے نئیں ملدی ۔ تاں کیہ ایہو جیہے ماڑیاں بندیاں نوں ، اودوں ، صرف اپنیاں دلاں وچ سخت ہونا تے اپنیاں دلاں دیاں خانیاں وچ  خُدا دے کلام اُتے ایمان نئیں رکھنا چاہی دا ؟ جیہدے اُتے گھمنڈ کرن لئی کُجھ نئیں ہیگا تے نا ای تگڑے ہون دا وکھالا کرنا اے — ایہہ اوہو ای اے جیہڑے بندے نیں ۔
ایسے طرح ، سانوں لازمی اپنیاں دلی کمیاں دا احساس کرنا چاہی دا اے ، اپنیاں غلطیاں تے پاپاں نوں پچھاننا چاہی دا اے ، اپنیاں دلاں وچ اسمانی، ارغوانی، تےلال دھا گےدے راہیں پوری ہوئی سچی خوشخبری اُتے ایمان رکھناچاہی دا اے تے اِنج خُدا اگے دعا منگن دی ہمت کرنی چاہی دی اے ۔ سانوں لازمی خُدا اتے ایمان رکھنا چاہی دا اے ۔ اپنے دل دے خانے وچ ایہو جیہا ایمان رکھن لئی جیہڑا خُدا نوں خوش کردا اے ، لوکاں نوں لازمی پانی تے رُوح دی خوشخبری اُتے ایمان رکھنا چاہی دا اے پر بوہتے لوک ہیگے نیں جیہڑے حالے تیکر ایس اُتے ایمان نئیں رکھدے ۔ کیہ تُسی ایس پانی تے رُوح دی خوشخبری توں علاوہ کسے دوجی خوشخبری نال خُدا اگے دعا منگن دا حق پاچُکے او ؟ کیہ تہاڈے پاپ دُھل سکدے سن ، جے یِسُوعؔ نے ایس زمین اُتے آؤن ، تے تہاڈے بدلے بپتسمہ لے کے تہاڈیاں پاپاں نوں  نئیں چُکیا ؟ کیہ تُسی اپنے دل دیاں پاپاں نوں یِسُوعؔ اُتے لد سکدے سو تے بپتسمہ جیہڑا یِسُوعؔ نے لیا اُتے ایمان رکھیوں بغیر اوہناں نوں دھو سکدے سو ؟
جواب ہیگے نیں نئیں، نئیں، تے بالکل نئیں !ایہہ ایس لئی ہیگا اے پئی یِسُوعؔ نے یوحنا کولوں لَئے گئے بپتسمے نال جگ دیاں پاپاں نوں موہڈا دتا پئی اوہ سولی اُتے چڑھیا تے اپنے لہو نال ساریاں پاپاں دی سزا جری ۔ کیہ تُسی فیر یِسُوعؔ دے بپتسمے تے سولی توں بغیر مکتی یافتہ ہوسکدے سو ؟ بالکل نئیں، یِسُوعؔ دا بپتسمہ اِکو ای واری تے سدا لئی ساڈیاں پاپاں نوں چُکن تے اوہناں نوں دھون لئی ، ساڈیاں پاپاں نوں  ستھریاں کرن لئی سی ۔ تے ایہہ پئی اوہ ساڈیاں پاپاں دی سزا جرن لئی سولی چڑھیا سی ۔ ایہہ پانی تے رُوح دی خوشخبری دی سچیائی اُتے ایمان رکھن نال ای اے پئی اسی اپنیاں ساریاں پاپاں توں معاف  ہوگئے آں ۔
ایس طرح ، اسی کسے وی ویلے خُدا اگے جا سکدے آں تے دلیری نال اقرار کر سکدے آں ، ”یاخُداوندا ، مَیں ایناں ادھورا ہاں ، پر ایس لئی پئی تُوں مینوں اپنے پانی تے لہو نال مکتی دے چُکیا ا یں، ہُن مَیں بے پاپ آں ۔ تُوں ایس زمین اُتے آیا ، اِکو ای واری بپتسمہ لے کے ساریاں پاپاں نوں چُک لیا ، جگ دیاں ایہناں پاپاں نوں سولی اُتے لے گیا ،اوہناں لئی سزا جری تے،تے فیر مویاں وچوں جی اُٹھیا ۔ تے اِنج کرکے ، یا خُداوندا تُوں سچ مُچ میری مکتی دا خُدا  بن گیا ایں ۔ایہہ ایس سچیائی اُتے میرے ایمان رکھن نال ای اے پئی مَیں تیرے اُتے ایمان رکھدا آں ۔“دوجیاں اکھراں وچ ، جد اسی اپنا ایمان قیم رکھدے آں ،اسی اپنیاں کمیاں دے باوجود خُدا کول سدا جا سکدے آں تے اوہدے اگے دعا منگ سکدے آں ۔ اسی اوہدی بادشاہی دے ودھن لئی دعا منگ سکدے آں ۔ اسی اپنے بھراواں تے بھیناں لئی دعا منگ سکدے آں،تے اسی اوہناں  دوجیاں لوکاں لئی دعا منگ سکدے آں جنہاں نیں حالے پاپ دی معافی پاؤنی اے ۔
ایہہ اودوں ای اے جد لوک پانی تے رُوح دی خوشخبری اُتے ایمان رکھدے نیں پئی اوہ سدا اسمان ہیٹھاں کسے شرم تو ں ہٹ کے زندہ رہ سکدے نیں ۔ پر پانی تے رُوح دی خوشخبری اُتے ایہہ ایمان نا رکھدیاں ہویاں ، کئی لوک کسے دوجی شے نال خالی تھاں نوں بھرن دی کوشش کرسکدے نیں — تہانوں ایہہ سمجھ لینا چاہی دا اے پئی ایہو جیہیاں کوششاں ساریاں دیاں ساریاں فضول نیں ۔ ایہو سبب اے پئی اوہناں دے دل ، اوہناں دیاں زندگیاں نوں اوکھیاں بناؤندیاں ہویاں پریشان ہوندےتےدکھی ہوندے نیں ۔ کیہ سچیائی اُتے یا جھوٹ اُتے ، ہر بندہ کسے نا کسے شے اُتے ایمان رکھنا چاؤہندا اے ۔  اپنے آپ  اُتے
دھیان کرو۔
اپنے آپ نوں پرکھو پئی کیہ تُسی سچ مُچ ایس ایمان نال خُداونداُتے بھروسہ رکھدے اوجیہڑاپانی تے رُوح دی خوشخبری اُتے ایمان رکھدا اے ، یا کیہ تُسی پانی تے رُوح دی ایس  خوشخبری اُتے ایمان نئیں رکھدے ۔ خُداوندتہاڈیاں پاپاں نوں پانی تے لہونال مکا چُکیا اے — جے تُسی ایس اُتے ایمان رکھدے او ، تاں کیہ تہاڈیاں دلاں وچ حالے وی پاپ باقی رہن گے ؟ جے تُسی سچ مُچ اپنیاں دلاں تے رُوحاں دی ڈونگھیائیاں وچ ، پانی تے رُوح دی  ایس خوشخبری اُتے ایمان رکھدے او ، تاں لازمی اوتھے بالکل کوئی پاپ نئیں ہیگا ۔ ایس سچیائی اُتے اپنے سچے دلوں ایمان رکھ کے ،ہُنے اپنیاں پاپاں دی اصل معافی پاؤ۔
ایس لئی پئی خُدا سانوں اسمانی، ارغوانی، تےلال دھا گے تےمہین وٹے ہوئے کتان وچ ظاہر کیتی گئی سچیائی نال پاپ دی معافی دے چُکیا اے ، ہُن اسی پاپ دی ایس سدا دی معافی نوں پا چُکے آں ۔ تے ایس سببوں پئی ، اوہ جیہڑے ایس سچیائی اُتے ایمان رکھدے نیں خُدا دے اپنے نیانے بن گئے نیں، اوس فضل دے کپڑے پا چُکے نیں جیہڑا اوہناں نوں اوہدے اگے آؤن دے لائق بناؤندا اے ۔ ایس لئی ، سانوں اِک دوجے نال محبت کرنی اے ، اِک دوجے دیاں کمیاں نوں سمجھنا اے ،  اخیر تیکر خُدا دیاں کماں دی خدمت کرنی اے، تے فیر اوہدے کول جانا تے اوہدے اگے کھلونا اے ۔
اوہ جیہڑے پاپ دی معافی پا چُکے نیں ساریاں پاپیاں نال محبت کردے نیں ۔ راستبازاں دے دل ہر پاپی لئی اسمانی، ارغوانی، تےلال دھا گےوچ ظاہر کیتی گئی سچیائی نوں جانن تے نویں سریوں جمن دی تمنا کردے نیں ۔ پر لوکاں دی اک خاص قِسم ہیگی اے جیہڑے اصل وچ لوکاں نال  محبت نئیں کرسکدے ۔ ایہہ اَڑیل پاپی نیں — مسیحی جیہڑے ایمان دیاں اپنیاں دلاں نوں دھوکہ  دیندے نیں تے اپنے آپ نوں ایہہ سوچ  کے فریب دیندے نیں پئی اوہ خُدا اُتے ایمان رکھدے نیں بھاویں اوہ حالے وی پاپی ای نیں ۔
پانی تے رُوح دی خوشخبری اُتے ایمان رکھن تے اپنیاں دلاں وچ پاپ دی معافی پا کے ، سانوں ساریاں نوں لازمی اپنیاں ایمان والیاں دلاں دی راکھی کرنی چاہی دی اے ۔ آؤ اسی اپنے نسن نوں اخیرتیکر چنگی طرح نسائیے ، اپنیاں ایمان والیاں دلاں نوں قیم رکھیے تے اپنے ایمان نوں گوا نا  لئیے ۔  تے جد کوئی رُوحانی طریقے نال کسے اوکھے ویلے وچوں لنگھدا ہویا وکھالی دیندا اے ، فیر اک دوجے دی مدد کرئیے تے اِک دوجے دا ہتھ پکے ہتھیں پھڑئیے  ۔ ایس توں کوئی فرق نئیں پیندا پئی کُجھ وی ہوئے ، راستبازاں نوں کلیسیا نوں نئیں چھڈنا چاہی دا اے ۔ جے راستباز خُد ادی کلیسیانوں چھڈ دے نیں تاں اوہ چھیتی نال مرجان گے ۔ خُد ادی کلیسیا نوں چھڈنا اپنا ذاتی گھر گواؤن وانگر اے ۔ اپنا گھر گواؤنا اپنے لُکن دی تھاں نوں گواؤنا اے ، تے اِنج تہاڈے دل نا ارام پاؤن گے نا ای کِدھرے سکون پاؤن گے ، تےتُسی اخیریں مرجان گے ۔
خُد ادی کلیسیا اِک ایہو جیہی تھاں اے جِتھے اوہدیاں بھیڈاں کھانا کھاندیاں تے ارام تے سکون پاؤندیاں نیں ۔ ایس طرح، جد بھیڈاں اپنی طاقت نوں گوالیندیاں تے بوہت تھک  جاندیاں نیں ، تاں خُد ادی کلیسیا اوہناں دیاں دلاں دی کلام سُنن دے راہیں پکیاں ہون وچ  مدد کردی اے ۔ جد تُسی اپنیاں دلاں وچ ایمان رکھ کے کلام نوں قبول کردے او ، فیر تہاڈے وچ پاک رُوح خوشی منائے گا ، تہاڈے دل وی تگڑے ہو جان گے تے حتمی نتیجے لئی ، تُسی سدا دی زندگی  پاؤگے ۔
اسی سارے راستباز خُدا نوں اپنی شکر گزاری پیش کردے آں ، اسی خُداونددا ، سانوں دعا منگن دے لائق بناؤن لئی ، شکر ادا کردے آں ، یعنی اوہ سانوں پانی تے رُوح دی خوشخبری دے چُکیا اے ۔ ہیلیلویاہ! مَیں زندہ خُدااگے دُعا منگداہاں پئی ا وہ سانوں اوس اُتے بھروسہ کرن تے ایمان نال زندگی بسرکرن دے لائق بنائے۔