Search
پنجابی
پنجابی
کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔

خطبے

مضمون 11: خیمۂ اِجتماع

[11-23] خیمۂ اِجتماع دے برانڈے دےستون <خروج ۲۷:۹-۱۹>

خیمۂ اِجتماع دے برانڈے دےستون
>خروج ۲۷:۹-۱۹>
” فیر تُوں مسکن لئی برانڈہ بناویں۔اوس برانڈے دے جنوبی پاسے لئی مہین اُنے ہوئے کتان دے پڑدے ہون جیہڑے رَلا کے سو ہتھ لمے ہون ۔ایہہ سارے اِکو ای پاسے وِچ ہون ۔تے اوہناں لئی وِیہہ ستون بنن تے ستوناں لئی پِتل دے وِیہہ ای خانے بنن تے ایہناں ستوناں دے کُنڈے تے پٹیاں چاندی دیاں ہون ۔ ایسے طرح شمالی پاسے لئی پڑدے سارے رَلا کے لمان وِچ سو ہتھ ہون ۔ اوہناں لئی وی وِیہہ ای ستون تے ستوناں  لئی وِیہہ ای پِتل دے خانے بنن تے ستوناں دے کُنڈے تے پٹیاں چاندی دِیاں ہون۔تے برانڈےدے لہندے پاسے دی چوڑائی وچ پنجاہ ہتھ دے پڑدے ہون ۔ اوہناں لئی دس ستُون تے ستُوناں لئی دس ای خانے بنن ۔تے چڑھدے پاسے وِچ برانڈہ ہوئے ۔ تےبرانڈے دےپھاٹک دے اِک پاسے لئی پندراں ہتھ دے پڑدے ہون جنہاں لئی تَرے ستُون تے ستُوناں لئی  تَرے ای خانے بنن ۔ تے دوجے پاسے لئی وی پندراں ہتھ دے پڑدے تے تَرے ستون تے تَرے ای خانے بنن ۔ تے برانڈے دے پھاٹک لئی وِیہہ ہتھ دا اِک پڑداہوئے جیہڑا اسمانی ۔ ارغوانی تے لال رنگ دیاں کپڑیاں تے مہین وٹے ہوئے کتان دا بنیا ہوئے تے اوس اُتے ول بوٹیاں دی کڈھائی  ہوئے ۔ اوہدے ستُون چار تے ستُوناں دے خانے وی چار ای ہون ۔ تےبرانڈےدے آلے دوالے سارے ستُون چاندی دِیاں پٹیاں نال جوڑے گئے ہون تےاوہناں دے کُنڈے چاندی دے تے اوہناں دے خانے پِتل دے ہون ۔برانڈےدی لمان  سو ہتھ تے چوڑائی ہر تھاں پنجاہ ہتھ تے قنات دی اُچیائی پنج ہتھ ہوئے ۔ پڑدے مہین وٹے ہوئے  کتان دے تے ستُوناں دے خانے پِتل دے ہون ۔ مسکن دے طرح طرح دے کم دے سارے سامان تے اوتھوں دیاں میخاں تے برانڈے دِیاں میخاں ایہہ سارے پِتل دے ہون ۔ “
 
 
ایہہ  لکھائی خیمۂ اِجتماع دیاں ستوناں ، پڑدے دے پھاٹک ،مہین چٹے کتان دے پڑدے ، پٹّیاں ، کُنڈیاں، پِتل دیاں خانیاں تے پِتل دیاں میخاں دی وضاحت کردی اے ۔ خیمۂ اِجتماع اِک ایہو جیہی تھاں سی جتھے خُدا رہندا سی ۔ مستطیل برانڈے دی کاچھ تقریباً۴۵ میٹر (ایہدے شمال تے جنوب ول) ۵.۲۲ میٹر (ایہدے چڑھدے تے لہندےول)سی ۔خیمۂ اِجتماع آپ اِک نِکا جیہا ڈھانچہ سی جیہدی چھت تہاں والا چھاڑسی ۔ ایس توں ہٹ کے خیمۂ اِجتماع دا برانڈہ اِک وڈے کھُلےبرانڈے وانگر چوڑاسی ۔
برانڈے دیاں ستوناں دی اُچیائی ۲۵.۲میٹر سی، تےایہدی چاردیواری دی واڑ کُل ۶۰لکڑدیاں ستوناں نوں رکھ کے بنائی گئی سی تے پھاٹک توں علاوہ ہر پاسے چٹے کتان دے پڑدے سن ۔ واڑ ایہناں لکڑ دیاں ستوناں ، چاندی دیاں سِریاں جیہڑے اوتھے اُتوں کجے ہوئے سن ، تے پِتل دیاں خانیاں نال بنی ہوئی سی ۔ چاندی دیاں سِریاں اُتے چاندی دے دو کُنڈے لائے گئے سن،تے چاندی دیاں لمیاں پٹّیاں ایہناں کُنڈیاں نال جڑیاں ہویاں سن تاں پئی ستون اِک دوجے نوں سہارا دین ۔ زمین اُتے چاندی دیاں ایہہ پٹّیاں فیر پِتل دیاں میخاں نال جڑیاں گئیاں سن، ایس طرح  ستوناں نوں محفوظ طریقے نال لایا گیا سی ۔
 
 

خیمۂ اِجتماع دیاں ستوناں وچ  کیہڑے رُوحانی مطلب ظاہر ہوندے نیں ؟

 
 خیمۂ اِجتماع دے برانڈے دے ستون سانوں کیہ دسدے نیں ؟ اوہ سانوں صاف طریقے نال دسدے نیں پئی کویں یِسُوعؔ مسیح نے ساڈے وچوں ہر اِک نو ں جگ دیاں پاپاں توں بچایا اے۔ خیمۂ اِجتماع دے برانڈے دے لکڑ دے ستون تہاڈے تے میرے ول اشارہ کردے نیں — یعنی ،ہر نویں سریوں جمن والے پاک لوک ۔ فیر برانڈے دے ایہناں لکڑ دیاں ستوناں ہیٹھاں پِتل دے خانے سانوں کیہ دسدے نیں ؟ اوہ سانوں دسدے نیں پئی ایس سچیائی دے باوجود پئی اسی اپنیاں پاپاں دے سببوں اپنی سزا توں بچ نئیں سکدے ، پر ایہدےباوجود خُدا نے سانوں ساڈیاں ساریاں پاپاں توں بچایا اے  ۔
دوجے پاسے ، ایہہ پئی لکڑ دے ستون چاندی دیاں سِریاں نال کجے ہوئے سن ، سانوں دسدا اے پئی خُدا نے اسمانی، ارغوانی، تےلال رنگ دے دھا گےدی خوشخبری دے راہیں ساریاں پاپیاں نوں اوہناں دیاں پاپاں توں تے غلطیاں توں بچا کے سانوں مکتی دا انعام دِتا اے ۔پئی چاندی دیاں ایہناں سِریاں اُتے چاندی دے کُنڈے لائے گئے سن، تے ایہناں کُنڈیاں نال چاندی دیاں پٹّیاں جڑیاں ہویاں سن تے زمین اُتے پِتل دیاں میخاں ، ایہہ وی دسدے نیں پئی بھاویں اسی اپنیاں پاپاں دے سببوں اپنی لازمی موت نوں جردے پئےساں پر ساڈے خُداوند نے سانوں اسمانی، ارغوانی، تےلال رنگ دیاں دھا گیاں تے مہین وٹے ہوئے کتا ن دی سچیائی دے راہیں پاپ دی معافی دا انعام دِتا اے— یعنی ، مکتی دی خوشخبری دے راہیں ۔
ایس طرح ، خیمۂ اِجتماع دے برانڈے دے ستون سانوں سچیائی وکھاؤندے نیں پئی خُداوند نے ایس زمین اُتے آکے ، یوحنا بپتسمہ دین والے کولوں بپتسمہ لَے کے ،تے پاپ دی ساری سزا نوں جر کے ، تے اپنے آپ نوں سولی اُتے اپنے مہنگے لہو دے نال قربان کر کے ، سانوں ساڈیاں ساریاں پاپاں توں بچایا اے ۔ اوہ سانوں ، دوجیاں اکھراں وچ، پاپ دی معافی دا انعام وکھاؤندے نیں ، پئی خُدا وند نے سانوں ساڈیاں ساریاں پاپاں توں کامل طریقے نال بچایا اے تےسانوں خُدا دے لوک بنایا اے ۔ ایہہ لکڑدےستون جیہڑے خیمۂ اِجتماع دے برانڈے دے دوالے واڑ بناؤندے پئے نیں سانوں دسدے نیں پئی ساڈے خُداوند نے اسمانی، ارغوانی، تےلال رنگ دیاں دھا گے  دیاں خدمتاں نال ، یعنی بپتسمہ لَے کے تے سولی اُتے اپنا لہو وگا کے ساریان پاپیاں نوں جگ دیاں پاپاں توں کامل طریقے نال سدا لئی بچایا اے ۔کیونکہ ایہہ سچیائی بوہت لازمی اے ، مَیں ایس لئی شکر گزار ہوئیوں بغیر نئیں رہ سکدا تے ایہنوں ساری دی ساری دُنیا وچ ودھا سکدا ہاں ۔
 
 
ستوناں دے ہیٹھاں پِتل دے خانے
 
ایس واڑ اُتے کھلوتے ستوناں دے خانے پِتل دے بنے ہوئے سن ، جد پئی ستوناں دے اُتلے سِرے، اوہناں دے کُنڈے تے اوہناں دیاں پٹّیاں ساریاں چاندی دیاں سن ۔
مرقس ۷:۲۱-۲۲ فرماؤندااے، ” کیوں جو اندروں یعنی بندیاں دے مُنھوں ای بُرے خیال نِکلدے نیں۔ حرامکاریاں چوریاں۔ خُون۔ زناکارِیاں۔ لالچ۔ شرارتاں۔  فریب۔ مسَتی ۔ بُری
نظر۔ کُفر۔ شیخی۔ بے عقلی۔  ‘‘ ساڈے وچوں ہر اِک اپنے دل وچ ایہناں ساریاں بھیڑیاں پاپاں نال جمیا سی۔ ایہو ای سبب ہیگا اے  پئی خُدا سانوں دسدا اے پئی اسی اپنی باقی دی زندگی ایہناں پاپاں وچ گزارن دے حقدار آں جد تیکرپئی ساڈی اپنی موت نا ہوجائے ، تے ایہہ پئی اسی صرف بچ نئیں سکدے سگوں ایس پاپ دے طریقے نال جیوندے آں۔ تے جے اسی ایس کلام نوں بالکل ایسے طرح  من دے آں جویں پئی ایہہ ہیگا اے ، تاں اسی بچ نئیں سکدےسگوں ایہہ اقرار کردے آں پئی ساڈی مُڈھلی عادت اینی پاپی اے پئی اسی اصل وچ اپنیاں پاپاں دی سزا توں بچ نئیں سکدے ۔
فیر وی اسمانی ،ارغوانی تےلال رنگ دے دھا گے نال، ساڈے خُداوند نے ساڈے ورگیاں نمانیاں بندیاں نوں ساڈیاں ساریاں پاپاں توں بچایا اے ۔ ایس لئی پئی ساڈے خُداوند نے ساڈیاں ساریاں پاپاں نوں اوس بپتسمے دے راہیں اپنے پِنڈے اُتے قبول کر کے چُک لیا جیہڑا اوہنے یوحنا بپتسمہ دین والے کولوں لیا سی ، اوہ جگ دیاں پاپاں نوں سولی تیکر لَےجا سکدا سی تے اوہناں ساریاں پاپاں دی سزا نوں جر سکدا سی ۔ ایس طرح یِسُوعؔ نے سانوں ساڈیاں ساریاں  پاپاں توں بچایا اے ۔
اسی ایس لئی خُدا دا اینا شکر ادا نئیں کر سکدے ! ایس توں علاوہ ہورکوئی مکتی نئیں ہیگی پئی خُدا نے سانوں ساڈیاں ساریاں پاپاں توں مکتی دتی ایتھوں تیکر پئی اسی سارے دوزخ وچ جان دے حقدار ساں ، ایہہ ایس سارے جگ وچ سب توں مہنگا ، سب توں برکت والا تے ساریاں توں قدر دے لائق انعام اے ۔ایس توں علاوہ ہورکُجھ نئیں ہیگا جیہڑا اسی صرف خُداوند دے اگے سر نواؤن توں علاوہ کر سکدے آں ، ایس خوشخبری  اُتے ایمان رکھو جنہے سانوں اسمانی، ارغوانی، تےلال رنگ دے دھا گے دی سچیائی نال بچایا اے ، تے  ایس لئی اپنے خُداونددا شکر ادا کرو ۔ خیمۂ اِجتماع دے برانڈے دیاں ستوناں لئی ورتے جان والے  سامان دے راہیں ، خُدا سانوں وکھاؤندا پیا اے پئی ساڈے خُداوند دی مکتی اِک کامل سچیائی اے جیہدے وچ کسے طرح دے وی ضمیمے یا تکمیل دی کمی نئیں ہیگی ۔
خیمۂ اِجتماع دے بناؤ ن والے سامان دے سارے بھیت اسمانی ارغوانی، تےلال رنگ دے دھا گے تے مہین وٹے ہوئے کتان دیاں بھیتاں نال حل ہوندے نیں۔ مکتی  دا بھیت اوہ سچیائی اے جیہڑی اسمانی، ارغوانی، تےلال رنگ دے دھا گےتے مہین وٹے ہوئے کتان دے بغیر کدی حل نئیں ہوسکدا ۔ خیمۂ اِجتماع دے نظام دیاں ساریاں بھیتاں تے ایہدے قربانی دے نظام دے بھیت ایہناں اسمانی ارغوانی، تےلال رنگ دے دھا گےتے مہین وٹے ہوئے کتان وچ  لُکے نیں۔
مُڈھلےطورتے، اصل وچ ، تُسی تے مَیں خُدا دے اگے ایہو جیہے لوک ساں جیہڑے اپنیاں پاپاں دے سببوں دوزخ دے حقدار ہون توں بچ نئیں سکدے ساں ۔ سچ پُچھو تاں اسی ہُن وی پاپ کردے رہندے آں ، پر خُداوندنے ایہدے باوجود سانوں اپنےاسمانی ارغوانی، تےلال رنگ دے دھا گے نال پاپاں د ی کامل معافی دتی اے ، تے مکتی دے ایس انعام اُتے  ایمان رکھ کے ، اسی پاپا ں دی ایہہ معافی پائی اے ۔ ایہدا سبب ایہہ ہیگا اے پئی خُدا نے سانوں ساڈیاں ساریاں پاپاں توں کامل طریقے نال بچا یا اے تے سانوں اپنی اولاد بنایا اے تاں پئی اسی اوہدے وارث بن سکیے جیہڑے اوہدی بادشاہی دے جلال تے شان دا سواد لواں گے ۔ایس مکتی توں اڈ جیہڑی خُدا نے سانوں دتی اے ، اوہدے نویں سریوں جمن والے نیانے بنن دا کوئی دوجا راہ نئیں ہیگا ۔ ایہہ ایس لئی ہیگا اے پئی ساڈے خُداوند نے سانوں ساڈیاں ساریاں پاپاں توں بچایا اے پئی اسی  اوہدا شکر ادا کردے آں ۔
اسی ہر ویلے ایس گل بارے نئیں جان دے ساں پئی اسی اپنے آپ وچ سچ مُچ کون آں ، تے صرف اپنیاں پاپاں دی کھِچ پین نوں اپنے معیار دے مطابق کچھدے رہے ۔ پر ایہہ خاص نئیں ہیگا پئی اسی کسے طرح دے پاپ کیتے نیں یا نئیں ، ایس لئی پئی اسی اصل وچ اینے وڈے پاپی آں جیہڑے اپنیاں چنگیاں کماں توں ہٹ کے اپنے جمن ویلے توں ای دوزخ دے حقدار آں ۔ ایہدے باوجود اسمانی ارغوانی، تےلال رنگ دے دھا گےتے مہین وٹے ہوئے کتان نال ساڈے خُداوند نے ساڈے ورگیاں لوکاں نوں ساڈیاں ساریاں پاپاں توں بچایا اے ۔ جویں پئی پُرانے عہد نامے وچ خُداوند نے وعدہ کیتا سی ، اوہ اصل وچ نویں عہد نامے دے زمانے وچ ساڈے کول آیا ، ایس وعدے دے کلام دے مطابق ساڈے سارے پاپ  اپنے اُتے چُک لَے ، ایہناں پاپاں نوں سولی اُتے لَے گیا ، سولی اُتے اپنا لہو وگا کے اپنی قربانی نال ساڈیاں ساریاں پاپاں دا مُل اُتاریا، تے ایس طرح اوہنے سانوں ساڈیاں ساریاں پاپاں توں بچایا تے مکتی دا ایہہ انعام دِتا ۔ ایس لئی تُسی تے مَیں یِسُوعؔ مسیح اُتے ایمان لیا کے اپنیاں ساریاں پاپاں توں مکتی دا انعام  پا چُکے آں۔
 
 

خیمۂ اِجتماع دے برانڈے دے ستون اُتے چٹے کتان دے پڑدے کیوں لائے سن؟

 
 خیمۂ اِجتماع  دے برانڈے دے آلے دوالے کُل   ۶۰ ستون لا ئے گئے سن ، تے اوہ سارے دے سارے  مہین وٹے ہوئے کتان دیاں پڑدیاں نال کجے ہوئے سن ۔ ایہہ پڑدے سانوں دسدے نیں پئی بھاویں اسی سارے اپنیاں پاپاں توں داغی ہوئے پلیت لوک ساں ، تے ایس سچیائی دے باوجود  پئی اسی اپنیاں پاپاں دی سزا پاؤن تے دوزخ وچ سُٹے جان دے حقدار ساں ، ایہدے باوجود ساڈے خُداوند نے سانوں  خیمۂ اِجتماع خیمۂ اِجتماع اسمانی ارغوانی، تےلال رنگ دے دھا گےتے مہین وٹے ہوئے کتان نال پاک کیتا اے ۔ دوجیاں اکھراں وچ، پڑدے سانوں سچیائی دسدے نیں پئی یِسُوعؔ مسیح نے یوحنا بپتسمہ دین والے دے راہیں بپتسمہ لَے کے سانوں ساڈیاں ساریاں پاپاں تو ں کامل طریقے نال سدا لئی دھو دِتا اے ۔
جد یِسُوعؔ ایس زمین اُتے آیا تے ساریاں لوکاں دے نمائندے یوحنا بپتسمہ دین والے کولوں بپتسمہ لیا تاں جگ دے سارے پاپ یِسُوعؔ اُتے لدے گئے سن ۔ ایس طرح جگ دیاں ساریاں پاپاں نوں قبول کرن دے بعدوں ، یِسُوعؔ فیر سولی اُتے چڑھیا تے پاپاں دی سزا نوں جرن لئی اپنا لہو وگایا ،تے فیر اوہ مویاں وچوں جیوں اُٹھیا ۔ تے مویاں وچوں جیوں اُٹھن دے بعدوں ، اوہ ہُن ساڈا زندہ مکتی داتا بن گیا اے ۔ ایہہ مکتی دا انعام اے جنہوں ساڈے خُداوند نے اسمانی ارغوانی، تےلال رنگ دے دھا گےتے مہین وٹے ہوئے کتان دی اپنی خدمت دے راہیں پورا کیتا اے ؛ تے ایہہ ساڈے خُداونددی محبت اے جنہے سانوں ساڈیاں ساریاں پاپاں توں پا ک کیتا تے سانوں بے پاپ تے بغیر کسے غلطی دے خُدا دے لوک بنایا اے ۔ سانوں مکتی دا ایہہ انعام دے کے، ساڈے خُداوندنے ساڈے وچوں اوہنان لوکاں نوں جیہڑے ایس سچیائی اُتے ایمان رکھدے نیں خُدا دے اپنے  لوک بنا لیا اے ۔
 خیمۂ اِجتماع  دیاں ستوناں دے چٹے کتان دے پڑدے سانوں خُدا دی پاکیزگی دے بارے دسدے نیں، پر ایہہ ساڈی  پاکیزگی، سچیاں ایمانداراں دی  پاکیزگی دے بارے وچ وی دسدا اے۔ ایس لئی ،جے اسی خُدا دے نیانے بننا چاؤہندے آں ، تاں سانوں وی اپنیاں ساریاں پاپاں توں پاک  ہوناچاہی دا اے تے اسمانی، ارغوانی، تےلال رنگ دےدھا گے دی یِسُوعؔ دی خدمت اُتے ایمان لیا کے مقدس بننا چاہی دا اے ۔ خُدا سانوں دسدا اے ، ’’ایس لئی تُسی پاک ہونا کیوں جے  مَیں پاک  ہیگاواں‘‘(احبار ۱۱ :۴۵)،پر اسی اپنیاں چنگیاں کماں دے راہیں کدی وی پاک کویں ہو سکدے آں؟ ایس لئی پئی اسی پاپ کرن توں بچ نئیں سکدے بھاویں اسی کنی ای کوشش کرئیے، اسی اپنیاں کوششاں نال کدی وی پاک نئیں ہو سکدے ۔ پر اسمانی ، ارغوانی، تےلال رنگ دے  دھا گےنال، ساڈے خُداوند نے تہاڈے تے میرے ورگیاں لوکاں نوں وی کامل طریقے نال پاک کر دتا اے ۔ ایس طرح تُسی تے مَیں کامل طریقے نال  خُدا دے اپنے لوک بن گئے آں ۔ خُدا دی راستبازی دی خوشخبری اُتے ایمان رکھن تے اپنیاں ساریاں پاپاں توں صاف ہوکےپاک بنن توں علاوہ کوئی دوجا راہ نئیں ہیگا اے۔
 
 
پِتل دے خانے تے پِتل دیاں میخاں
 
ستوناں دے اُتے چاندی دے سِرے مڑھے گئے سن۔ تے چاندی دے کُنڈے تے چاندی دیاں پٹّیاں وی آپو وچ جڑن تے ستوناں نوں اِک دوجے نال کھڑیاں کرن لئی بنائیاں گئیاں سن ۔ ہر ستون نوں پِتل دیاں خانیاں وچ لایاگیاسی ۔ تے پِتل دیاں میخاں  دے اِک جوڑے نےخیمۂ اِجتماع دے آلے دوالے دی واڑ دے ہر ستون نوں ایہدے اُتوں زمین تیکر بنھیا ہویا سی ۔
ایہہ سانوں ظاہر کردا اے پئی بھاویں اسی اپنیاں پاپاں دے سببوں قصوروار ٹھہرائے جان تے دوزخ وچ سُٹے جان دے حقدار ساں ، پر فیروی خُدا نے سانوں مکتی دا انعام دے کے اپنے پاک لوک بنایا اے جنہے سانوں ساڈیاں ساریاں پاپاں توں مکتی دتی اے ۔ ایس لئی پئی خُدا نے مکتی دے ایس فضل دے راہیں سانوں اپنے پاک لوک بنایااے ، اسی اوہدے فضل لئی خُدا دی وڈیائی تے شکر اداکرن توں علاوہ کُجھ نئیں کر سکدے ۔ اسمانی، ارغوانی، تےلال  رنگ دےدھا گے تےمہین وٹے ہوئے کتان دی ایس سچیائی دے کلام دے راہیں خُدا اُتے ایمان رکھن دے بعدوں ، اسی نا صرف خُدا دی وڈیائی کردے آں ، سگوں اسی بچ نئیں سکدے سگوں ایس کلام نوں ودھاؤندے آں ۔
کیہ  سچ مُچ کوئی دِن اِنج دا ہوندا اے جد اسی کدی پاپ نا کردے ہوئیے؟ کوئی نئیں ہیگا ! ایتھوں تیکر پئی ساڈے وچوں جیہڑے خُدا دے کلام اُتے ایمان رکھدے نیں تے اوہدے فضل نال نویں سریوں جم پئے نیں اوہ وی ہر دن پاپ کردے نیں ۔ جے کوئی ساڈے نال نِکی جیہا وی وَیر رکھدا اے یا پکی یاری نئیں ہیگی ، تاں اسی اوس بندے نوں چھیتی بھیڑا چنگا آکھدے آں تے اوس اُتے لعنت گھلدے آں ۔ دسو پئی جے کوئی بندہ اِیہو جیہا سی جنہے تہانوں کٹ ماری جد تُسی بوہت سکون نال گڈی چلاؤندے پئے سو ،تے تقریبا ً اِک خطرناک حادثے دا سبب بنن والا سی ،تاں کیہ تُسی ایس بےپرواہ ڈرائیور اُتے غصے ہوکے کُجھ نئیں کیتا ؟ او ہاں ! مَیں  ایس بے پرواہ ڈرائیور اُتے اپنے رولا پاؤن والے ہار ن نال اُچی اواز نال لعنت گھلی ہوئے گی ۔ پر کیہ ایہہ سچ مُچ ٹھیک کم اے ؟اِنج کرنا بالکل ٹھیک نئیں ہیگا ، پر مسئلہ ایہہ ہیگا اے پئی اسی ایہو جیہے بندے آں جیہڑے کسے وی ویلے پاپ کیتیوں بغیر نئیں رہ سکدے ۔
اسی اپنیاں کمیاں دے سببوں دوزخ وچ جان والے لوک آں۔ پر ، خُدا نے سانوں ، ’’ اوس نَوِیں تے جِیوندے راہ پاک مکان وِچ وڑن دی دلیری ‘‘ (عبرانیوں ۱۰:۱۹) دتی اے۔ ایہہ کامل طریقے نال خُدادا انعام اے جیہڑ ا خُدا باپ دی مرضی مطابق یِسُوعؔ مسیح نے مکمل کیتا اے ۔
خُدا نے سانوں مکتی دا کیہ انعام دِتا اے ؟ اوہنے سانوں پاپاں توں ساڈ ی مکتی دا انعام دتا اے ، جیہڑا خیمۂ اِجتماع دے چونہہ دھاگیاں ―اسمانی، ارغوانی، تےلال رنگ دےدھاگے تےمہین وٹے ہوئے کتان دے راہیں پورا ہویا سی ۔ فیر اسی خُدا دی وڈیائی کویں نئیں کر سکدے ؟جد اسی سچ مُچ ایہہ سچی مکتی پا لئی اے تاں ساڈیاں دلاں وچ سچا سکون کویں نئیں ہو سکدا ؟ ساڈ ی مکتی سونے یا چاندی دین نال کدی نئیں مل سکدی تے نا ای  ایہہ دُھند یا سویرے دی تریل وانگر اے جیہڑی ظاہر ہون دے فوری بعدوں غائب ہو جاندی اے ، سگوں اسی سدا لئی تے کامل طریقے نال مکتی پا چُکے آں ۔ خُدا نے پاپیاں نال اینی چوکھی محبت کیتی پئی اوہنے اوہناں نوں اپنی مکتی دا فضل مفت انعام وانگر دتا ،تے ایس انعام وچ اوہنے سانوں ایمان والیاں نوں اپنی راستبازی دے کپڑے پوائے ۔
خیمۂ اِجتماع دی واڑ دیاں شیواں وچوں ، زمین نال لگن والے سارے خانے تے میخاں پِتل دے بنے ہوئے سن ۔پر ستوناں دے اُتلے سِرے چاندی دے بنے ہوئےسن ۔ ایہہ سارے واقعے سانوں ظاہر کردے نیں پئی ایس سچیائی دے باوجود پئی اسی سارے مُڈھوں ای دوزخ دے حقدار ساں، اسی اپنے خُداوند ولوں دتی گئی مکتی دا انعام پاکے خُدا دے پُتر بن گئے آں ۔ ساڈے وچوں ہر اِک نے اوہدے کلام اُتے ایمان رکھ کے ایہہ انعام لیا اے ۔ ایہدے مطابق، ساڈیاں  پاپاں توں ایہہ مکتی کنی یقینی اے جیہڑی سانوں ملی ؟ ایہہ اوہ انعام اے جیہڑا خُدا نے سانوں دِتا اے ،تے ایہہ ساڈی لازمی مکتی تے نعمت اے جیہڑی کدی بدل نئیں سکدی ۔ ایہدا سبب ایہہ ہیگا اے پئی اسی ایہہ جان  دے آں پئی اسی  اپنے سارے
وجود نال خُدا دا اینا شکر ادا نئیں کر سکدے ۔
ایہہ پئی تُسی تے مَیں ساڈیاں ساریاں پاپاں توں بچ گئے آں  لازمی خُدا دا انعام اے ۔ ساڈی مکتی کوئی ادھوری نئیں ہیگی جیہڑی ساڈیاں کمیاں دے ظاہر ہون اُتے ای مُک جاندی اے ۔ تہاڈے تے میرے ورگے بدکار پاپیاں لئی ، ساڈا خُداوند ایس زمین اُتے آیا تے سانوں اسمانی، ارغوانی، تےلال  رنگ دے دھاگے تےمہین وٹے ہوئے کتان نال مکتی دا انعام دِتا ۔ ایس طرح  ، ایس سچیائی اُتے ایمان رکھن والے اپنیاں ساریاں پاپاں توں سدا لئی بچ جاندے نیں ۔ ایس لئی پئی ساڈے خُداوند دی پاپیا ں دی مکتی بوہت کامل اے ، تے ایس لئی پئی اوہنے ساڈے بدن دیاں ساریاں کمیاں ، کمزوریاں ، تے غلطیاں دی وی فکر کیتی، ایس لئی اوہنے سانوں کامل کر دتا اے تاں پئی ساڈا پاپ نال کوئی میل جول نا ہوئے ۔ جیہڑے لوک صاف جان دے نیں تے اسمانی، ارغوانی، تےلال رنگ دے  دھا گے تےمہین وٹے ہوئے کتان اُتے ایمان رکھدے نیں اوہ سارے سدا لئی کامل طریقے نال مکتی یافتہ نیں ۔
ایہدے مطابق ، ایہہ مکتی دا انعام کناں مہنگا تے انمول اے جیہڑا خُدا نے سانوں دتا اے ؟ مَیں مکتی دے ایس انعام لئی سچ مُچ شکر گزار ہاں ، ایس لئی پئی ایہنے ساڈیاں دلاں نوں بوہت سکون دتا اے تے سانوں بوہت تسلی تے برکت دتی اے ۔ ساڈاخُداوند ساڈیاں دلاں نوں سکون دیندا اے ۔ ایس لئی اوہنے فرمایا، ’’ اَے سارے لوکو جیہڑے محنت کر دے تے بھار ہیٹھ دبّے پئے ہو۔ میرے کول آؤ تے مَیں تُہانوں آرام دیاں گا ‘‘(متی ۱۱:۲۸)۔مَیں خُدا دا بوہت شکر گزار ہاں  پئی اوہنے مینوں میریاں ساریاں پاپاں توں مکتی دا ایہہ انعام دتا ۔
میرا ایمان ہیگا اے پئی نا صرف مَیں سگوں تُسی سارے وی خُدا دے اگے بوہت مہنگے او ۔ خُدا نے تہانوں تے مینوں اسمانی، ارغوانی، تےلال رنگ دے دھا گے تےمہین وٹے ہوئے کتان د ی خوشخبری نال بچایا اے ۔ خُدا فرماؤندا اے پئی اوہنے مکتی دا ایہہ انعام اوہناں ساریاں لوکا ں نوں دتا اے جیہڑے ایس کلام اُتے ایمان رکھدے نیں ، تے تاں پئی مَیں اوہدیاں گلاں اُتے ایمان رکھدا ہاں ، مَیں سمجھدا ہاں تے ایمان رکھدا ہاں پئی تُسی سارے وی خُدا لئی بوہت مہنگے جے ۔
بوہت چر توں، جویں پئی اسی اپنی طاقت توں بوہتی خُدا دے کلام لئی چوکھی محنت کردے پئے آں ، ایہو جیہے زمانے وی آئے نیں جد اسی بوہت تھکاوٹ محسوس کیتی ۔ ایس لئی مَیں اپنے نال رَل کے کم کرن والیاں نوں  بدن دیاں ایہو جیہاں وسیلیاں نال تسلی تے حوصلہ دینا چاہواں گا جویں رَل کے روٹی توڑنا ۔ پر مینوں چنگی طرح پتہ اے پئی اسی سچ مُچ بدنی تسلی توں سکون نئیں لَے سکدے ۔ ایہدی بجائے اسی اپنی خاص مکتی دے انعام نوں یاد کر کے حوصلہ افزائی پاؤندے آں جیہڑاخُداوندنے سانوں دتا سی ، ساڈی اصلی تسلی ،تے ایہدا امن جیہدا جگ نو ں نئیں پتہ اے ۔ اسی اوہناں رُوحانی برکتاں توں تسلی پاؤندے تے سکون وچ آں جیہڑیاں خُدا نے ساڈیاں دلاں نوں پہلوں ای دتیاں نیں ۔ ایس لئی پئی سانوں ایس مکتی دے انعام وچ اینے وڈے انعام تے برکتاں ملن والیاں نیں جیہڑیاں خُدا نے سانوں دتیاں نیں ، ساڈیاں دلاں نوں سکون تے برکت ملی اے ، جنہاں دی پسند ایس جگ وچ گواچی اے ۔
خُدا نےتہاڈے وچوں ہر کسے نوں مکتی دا کامل انعام دتا اے ، جیہڑا ایس جگ وچ سب توں وڈا انعام اے۔ کُجھ لوک ایہو جیہے وی نیں جیہڑے صرف اپنی دینی عقیدت نال بے پاپ ہون دا دعویٰ کردے نیں ، بھاویں اوہ اسمانی، ارغوانی، تےلال رنگ دے دھا گے تےمہین وٹے ہوئے کتان  دی سچیائی اُتے ایمان نئیں رکھدے، پر اوہناں دے عقیدتی جذبیاں دا بھرنا چھیتی نال مُک جائے گا ۔ اوہ سکون جیہڑا اوہ اپنیاں خیالاں نال پاؤندے نیں  اوہ سویرے دی دُھند وانگر غائب ہو جاندا اے جد وی اوہ نِکا جیہا پاپ کردے نیں یا تھوڑی جیہی وی تنگی ویکھدے نیں ۔
پر جیہڑے لوک اسمانی، ارغوانی، تےلال رنگ دے دھا گے تےمہین وٹے ہوئے کتان دی خُداوند ولوں دتی گئی مکتی اُتے ایمان رکھدے نیں ، اوہناں نوں جنیاں بوہتیاں تنگیاں جرنیاں پیندیا ں نیں ، اوہناں ای اوہناں دا دلی سکون چمکدااے۔ بھاویں اسی لتاڑے جاندے آں ، سٹاں جردے آں ،تے دُکھی ہوندے آں ، ساڈیاں دلاں وچ خُداوندولوں دتی گئی مکتی دے انعام نال کاملیت تے شکر گزاری ساڈیاں دلاں وچوں وگدی اے۔ اسی اوہ ہاں جیہڑے کامل طریقے نال بچائے گئے آں، جیہڑے کدی وی مصر واپس نئیں آسکدے ،تے نا ای دوبارہ کدی ساڈیاں پاپاں تے سزا نوں جردے آں۔ خُدا نے سانوں برکت دتی اے جیہڑے مکتی دی ایس سچیائی نوں جان دے نیں تےایس اُتے ایمان رکھدے نیں جیہڑی اوہنے سانوں دتی اے تاں پئی اسی سدا اپنے ایمان نال اوہدا شکریہ ادا کر سکیے ۔ ایس لئی اسی اپنے ایمان نال خُداوند دا شکر ادا کردے آں ۔
مَیں خُدا دا اینا شکریہ ادا نئیں کرسکدا ، ایس لئی پئی مَیں اوہدے ولوں اسمانی، ارغوانی، تےلال رنگ دے دھا گے دی ایہہ پکی مکتی لَے سکدا ساں ، تے  ایس لئی خُدا نے میرے نال محبت رکھی ، مینوں بوہت برکت دتی ،تے مینوں ایہہ مہنگی خوشخبری دی منادی  کرن دتی،  ایس لئی پئی  مینوں پتہ اے پئی مَیں ایہناں دا حقدار نئیں ہیگا ایتھوں تیکر پئی جے مَیں ہر دن خُداوند دا شکریہ ادا کراں ، مَیں اوہدا ایناں شکریہ ادا نئیں کر سکدا پئی اوہنے مینوں صرف خوشخبری لئی زندہ رکھیا ۔ مَیں سدا لئی اوہدا شکریہ ادا کر ن توں علاوہ کُجھ نئیں کر سکدا ۔ جد مَیں مکتی دے ایس وڈے انعام لئی خُدا دا شکر ادا کردا ہاں جیہڑا اوہنے مینوں دتا اے ، تے جد مَیں اپنے شکرگزار دل دا اظہار کرن دی کوشش کردا ہاں ، تاں مینوں احساس ہوندا اے پئی میرے اکھر تے خیال کنے ادھورے نیں ۔
اسی اوہ آں جیہڑے ایس مکتی اُتے ایمان رکھدے آں جیہڑی اسمانی، ارغوانی، تےلال رنگ دے دھا گے تےمہین وٹے ہوئے کتان دی خوشخبری وانگر ظاہر ہوئی سی ۔ تہاڈے بدلے ، یِسُوعؔ ایس زمین اُتے جمیا،  ۳۰ ورہیاں دی عمر وچ یوحنا  بپتسمہ دین والے کولوں بپتسمہ لَے کے تہاڈے سارے پاپ اپنے اُتے چُکے لَئے ،ایہناں پاپاں نوں سولی اُتے لَے گیا ، اپنالہو وگایا تے ایس اُتے مرگیا ، مویاں وچوں جیوں پیا ، تے ہُن خُدا باپ دے تخت دے سجے ہتھ اُتے بیٹھا اے ۔ ایس یِسُوعؔ مسیح نے مکتی دا کامل انعام اوہناں لوکاں نوں دتا اے جنہاں نیں ایہنوں ایمان نال لیا۔ جد تیکر  اسی ایس ایمان نال غداری نئیں کردے ، ایہہ مکتی جیہڑی اسی اِکو ای واری پائی سی کدی وی بے اثر نئیں ہوئےگی۔ ایس  گل نال کوئی فرق نئیں پیندا پئی ساڈے وچ کیہڑیاں کمیاں نیں ، تے ایس نال کوئی فرق نئیں پیندا پئی اسی کیہ غلطیاں کر سکدے آں ، اسی سارے مکتی دے کامل انعام دے کپڑے پا کے اوہدے اپنے لوک بن گئے آں ۔
 
 

خیمۂ اِجتماع دے برانڈے دیاں ستوناں اُتے لمکیا ہویا مہین چٹا کتان

 
تھوڑے چر لئی  مہین چٹے کتان دیاں پڑدیاں نوں ویکھن دا خیال کرو۔ مہین چٹے کتان دے ایہہ پڑدے نائلون دے نئیں سن سگوں چٹے کتان دے دھاگے نال اُنے ہوئے سن ۔ جے تُسی ریتلی تھاں اُتے چٹے کتان دے ایہو جیہے پڑدے لاؤ گے تاں اوہ چھیتی نال گندے ہو جان گے ۔ تاں کیہ خُدا ایہناں چٹیاں پڑدیاں نوں بغیر کسے سبب دے لا سکدا اے ، ایہہ جانیوں بغیر پئی ایہہ چھیتی نال ای گندے ہوجان گے ؟ اوہنے مکتی دا انعام ظاہر کرن لئی اسرائیلیاں نوں آکھیا پئی اوہ چٹے کتان دے ایہہ پڑدے لاؤن، جیہڑااوہنے سانوں دتا اے ، جیہڑے ایس انعام نوں ایمان دے راہیں قبول کردےآں۔ ایہہ سانوں صاف طریقے نال جاننا تے ساڈیاں دلاں وچ نشاں لاؤنا سی پئی اوہنے سانوں ساڈیاں ساریاں گندیاں پاپاں توں کامل طریقے نال تے صاف طریقے نال بچایااے ۔
خُدا نے اسرائیلیاں کولوں مہین چٹے کتان دے ایہہ پڑدے لوائے ۔ ایہدا مطلب ایہہ ہیگا اے پئی سانوں سدا اوہدی وڈیائی کرنی چاہی دی اے تے اوہدی کامل مکتی نوں ویکھ کےتے اوس اُتے ایمان رکھدیاں ہویاں جیہڑی چٹیاں پڑدیاں وچ ظاہر ہوندی اے اوہدا شکر ادا کرنا چاہی دا اے ۔  ایس مہین چٹے کتان دیاں پڑدیاں دے راہیں ، خُدا نے سانوں کامل طریقے نال مکتی دا انعام دتا اے ۔ ساڈی مکتی جیہڑی اوہدے ولوں دتی گئی اے اوس مہین چٹے کتان وانگر اے ۔
اسی سچ  مُچ گندے تے مند ے حال بندےآں جیہڑے بچ نئیں سکدے سگوں پاپ دے سببوں دوزخ وچ جا سکدے آں ۔ سانوں اپنے دماغ دے کپڑے صرف اِک دن وچ کئی واری دھوندے پیندے نیں ۔ فیر وی خُدانےساڈیاں ایہو جیہاں دلاں نوں بالکل چٹا کر دتا اے ۔ ساڈے خُداوند نے ، دوجیاں اکھراں وچ ، ساڈے ورگیاں لوکاں نوں کامل بنایا اے ۔ خُدا دی قدرت اینی اُچیری تے وڈی ا ے پئی اوہنے کامل طریقے نال سانوں ، جیہڑے نفرت کرن دے لائق ،بھیڑےتے سوکھے جیہے گندے ہون والے آں ، اپنے پاک لوک بنایا اے ۔
اَج تُسی تے مَیں جیہڑے پانی تے رُوح دی خوشخبری اُتے ایمان رکھدے آں اوہو آں  جنہاں نوں خُدا ولوں مکتی دا ایہہ کامل انعام ملیا اے ۔اسی اوہ آں جنہاں دے دلی سارے پاپ بالکل دُھل گئے تے اسی برف وانگر چٹے ہو گئے آں ۔
کیہ  تہاڈیاں دلاں وچ ہُن وی پاپ اے ؟ بالکل نئیں! تہاڈیاں اپنیاں دلاں توں علاوہ کوئی وی ایس چٹے ، صاف کتان وانگر نئیں ہویا جیہڑا خیمۂ اِجتماع دے برانڈے دی واڑ اُتے لمکایا گیا سی ۔ ایس طرح تُسی تے مَیں بالکل صاف ہو گئے آں ۔ ایس سچائی دے باوجود پئی اسی اپنیاں پاپاں دے سببوں مُڈھوں ای سزا دے حقدارساں ، ایہدے باوجود اسی بچ گئے آں۔ ایہہ مکتی ساڈیاں اپنیاں نیکیاں یا وفاداری نال نئیں ، سگوں خُدا دے فضل  نال ملی اے جنہے سانوں اپنی قدرت دا بانا پوایا اے ، جویں خیمۂ اِجتماع دیاں ستوناں دیاں پِتل دیاں میخاں چاندی دیاں پٹّیاں نال جوڑ کے ایہناں دیاں چاندی دیاں سِریاں نال  جوڑیاں گئیاں سن ۔ بھاویں اسی سچ مُچ دوزخ دے سزا دے حقدار ساں ، ایہہ ایمان رکھ کے پئی خُدانے سانوں اپنی مکتی دے انعام دے کپڑے پوائے نیں ، اسی سارے اوہدے مکتی یافتہ لوک بن گئے آں ۔ ایہہ سچیائی ہیگی اے جیہڑی خیمۂ اِجتماع دے برانڈے دی واڑ وچ ظاہر ہوندی اے ۔
خیمۂ اِجتماع دے ۶۰  ستون ساڈے اصلی ایمانداراں ، ول اشارہ کردے نیں ۔ ایہناں ستوناں وچوں ہر اِک ،دوجیاں اکھراں وچ ، ساڈے وچوں ہر اِک ول اشارہ کردا اے ۔ اسی ایہو جیہے بندے ساں جیہڑے نا تاں خُدا دے لوک بن سکدے ساں تے نا ای اوہدے گھر وچ جا سکدے ساں ، فیر وی خُدا ساڈے ورگیاں نکمیاں لوکاں نوں اپنی مکتی دا انعام دتا ۔ اوہ ایس زمین اُتے آیا ، مکتی دا انعام  پورا کیتا ، تے سانوں سچیائی دا ایہہ  انعام دتا ، تے جویں پئی اسی  ایس سچیائی نوں  جان لیا تے ایس اُتے ایمان رکھیا، اوہنے سانوں اپنے ای لوک بنا لیا جیہڑے کامل طریقے نال  بچا گئے نیں تے فیر کدی وی لعنتی نئیں بنن گے۔
ایہہ کیہو جیہی حیران کرن والی نعمت اے ؟ خیمۂ اِجتماع دے برانڈے دیاں ستوناں وانگر ، اسی آپ اِکلے کھلو نئیں سکدے سگوں ڈِگ سکدے آں۔ فیر وی اسی اپنیاں ساریاں پاپاں توں مکتی پاؤن دے بعدوں کیوں ڈِگ نئیں پیندے ایہدا سبب ایہہ ہیگا اےپئی اسی کامل اسمانی، ارغوانی، تےلال رنگ دے دھا گے تےمہین وٹے ہوئے کتان اُتے ایمان رکھن والے آں ۔ اسی سارے ایمان رکھدے آں تے اوہدے فضل دے ہیٹھاں اِکٹھے ہوندے آں۔ سانوں سب توں پہلوں ایہہ ایمان رکھنا چاہی دا اے پئی بھاویں اسی نکمے بندے ساں جیہڑے بچ نئیں سکدے ساں سگوں دوزخ وچ پھسے ہوئے ساں ، پراسمانی، ارغوانی، تےلال رنگ دے دھا گے تےمہین وٹے ہوئے کتان دے کلام دے راہیں ، خُداوند نے سانوں ساڈیاں ساریاں پاپاں توں پاک کر دتا تے ایس طرح ساڈیاں ساریاں پاپ دیاں لعنتاں نوں اپنے اُتے جر کے سانوں ساریاں نوں کامل طریقے  نال مکتی دتی اے ۔ تے ایہہ ایمان ای ہیگا اے پئی اسی کسے وی ویلے خُدا اگے کھلو سکدے آں ، اوہدی وڈیائی کر سکدے آں ، اوہدیاں کماں دی خدمت کر سکدے آں تے مکتی دے ایس انعام لئی سدا اوہداشکریہ ادا کر سکدے آں ۔
کئی واری اسی اپنی بدنی کمی دے سبب ٹھیڈا کھاندے آں ۔ بھاویں اسی ایمان رکھدے آں پئی اسی اپنیاں ساریاں پاپاں تے سزاواں توں بچ گئے آں ، پر ساڈی مکتی دے بعدوں ایہو جیہے زمانے آؤند ے نیں جد اسی تھک جاندے آں تے اَک جاندے آں ، ایہہ سوچدیاں ہویاں پئی سانوں ایہو زندگی کیوں گزارنی اے ۔ بھاویں اسی کئی واری ایہو جیہے بدنی خیالاں وچ پھس جاندے آں ، پر ایہدا سبب پئی اسی کیوں خُدا توں وَکھ نئیں ہوندے تے اپنی مکتی دے بعد اپنے ایمان نوں بغیر ڈکو ڈولے کھاندیاں زندہ رکھدے آں ، ایس لئی پئی جد اسی پِچھاں مُڑ کے ویکھدے آں پئی اسی سچ مُچ کون ساں، تاں اسی ایس مکتی دے انعام تے چھٹکارے  دے فضل  لئی ہور شکرگزاری محسوس کردے آں جیہڑا خُدا نے سانوں دتا اے ۔
ایس لئی اسی سارے اپنے ایمان اُتے بوہت پکے ہوکے کھلو سکدے آں ۔ اسی سچی خوشخبری  دے راہیں اپنیاں ساریاں مایوسیاں توں دوبارہ ایمان نال کھلو سکدے آں ۔ بھاویں اسی سدا غلطیاں نال بھرے رہندے آں ، پر اسی اوہدی کامل مکتی لئی  صرف خُدا دا شکر ادا کر سکدے آں ۔ اسی کدی وی گھمنڈ نئیں کر سکدے ، تھوڑا وی نئیں ، سگوں اسی اوہدا شکریہ ادا کردے آں پئی اوہنے سانوں مکتی دے ایس انعام دے راہیں اپنے نیانے بنایا ، اوہدے اَگے ڈٹ کے رہندے ،تے کاہناں دیاں فرضاں نوں سچے دلوں پوراکردےآں۔ جیہڑی شے سانوں ڈٹ کے تے اپنے ایمان اُتے پکیاں کر کے کھلاردی اے اوہ ایس سچیائی دے علاوہ کوئی نئیں ہیگا پئی سانوں مکتی تے فضل دا وڈا انعام ملیا اے جیہڑاخُدا نے سانوں دتا اے ۔ جے اسی اپنی مُڈھلی عادت نوں جان دے آں جویں پئی ایہہ ہیگی اے تاں اسی بچ نئیں سکدے سگوں ایس پاپ دی معافی نوں قبول کردے آں جیہڑی خُدا نے سانوں اسمانی، ارغوانی، تےلال رنگ دے دھا گے تےمہین وٹے ہوئے کتان دے کلام دے راہیں دتی اے ، تے خُداوند دی خدمت کردے آں ۔
جد اسی ایہہ جاندیاں ہویاں تے ایہہ احساس کردیاں ہویاں اپنیاں دلاں وچ قبول کردے آں پئی ایہہ کناں شکرگزار اے ، تاں ساڈا ایمان ہور ڈکو ڈولے نئیں کھا سکدا ۔ ایہہ ڈٹ کے رہندا اے ۔ ایس توں کوئی فرق نئیں پیندا پئی لوک سانوں کیہڑی قسم دے فریب دیندے نیں ، ایس توں کوئی فرق نئیں پیندا اے پئی اوہ ایہہ آکھ کے کس طرح دی بکواس کردے نیں پئی اوہ ہُن کامل نیں ایس لئی پئی اوہ آپ ای صرف سولی دے مہنگے لہو اُتے ایمان رکھ کے مرگئے سن ، ساڈے ایمان نوں ہلایا نئیں جا سکدا ۔ بھاویں ساڈی مُڈھلی عادت بوہت بھیڑی سی پر ایس کامل سچیائی اُتے ایمان رکھ کے پئی خُداوند نے سانوں اسمانی، ارغوانی، تےلال رنگ دے دھاگے تےمہین وٹے ہوئے کتان دے راہیں بچایااے ، اسی ساریاں جھوٹھاں دا نڈر ہوکے مقابلہ کر سکدے آں تے اپنے پکے ایمان اُتے قیم رہ سکدے آں ۔
ایس طرح ، اسی ایہناں جھوٹھیاں دا مقابلہ کر سکدے آں ، ایہہ آکھدیاں ہویاں ، ”کیہ؟ کیہ اسی صرف سولی دے مہنگے لہو نال بچائے گئے ساں؟ جے اسی اسمانی، ارغوانی، تےلال رنگ دے دھا گے دے راہیں مکمل ہون والی مکتی دیاں شیواں وچوں کسے اِک نو وی چھڈ دئیے، تاں ایہو جیہی کوئی شے نئیں ہیگی جیہدے اُتے اسی گھمنڈ کر سکیے۔ ایہہ کیہو جیہی بکواس اے؟“
پر جے اسی مکتی دے ایس فضل توں ہٹ جاندے آں جیہڑی خُدا نے سانوں دتی اے ، تاں اسی اپنے آپ نوں اوہو جیہا نئیں ویکھ سکاں گے جیہو جیہے اسی آں ، تے نتیجے اُتے ، اسی  اپنے آپ اُتے اعتماد تے گھمنڈ وچ پھس جاواں گے تے اخیریں بدی ول ودھاں گے ۔ ایہہ اپنے آپ نوں ویکھن  نال ای اے جویں پئی اسی آں پئی اسی خُدا ولوں مکتی دے انعام نوں ہور وی بوہت حد تیکر پاؤندے آں ۔ ایس طرح اسی اوہدے مشورے اُتے عمل کرن لئی آؤندے آں جیہڑا پئی آکھدا اے، ” ہر ویلے خُوش رہو۔ ہر ویلے دُعا منگو۔ سبھناں گلّاں وِچ شُکر گُزاری کرو۔ کیوں جو مسِیح یِسُوع وِچ تُہاڈے واسطے خُدا دی ایہو مرضی اے۔‘‘(۱ -تھِسّلُنیکیوں ۵:۱۶-۱۸)۔
ساڈے سچ مُچ خُدا دے اگے ڈٹ کے رہن دا سبب ایہہ ہیگا اے پئی اسی ایمان رکھدے آں پئی خُداوند نے ساڈیاں ساریاں لعنتاں چُکیاں نیں ، جویں پئی ہر ستون نوں چاندی دیاں  پٹّیاں نال سہارا دتا گیا سی تے پِتل دیاں میخاں نال بنھ دتا گیا سی ۔ ایس طرح ، جد اسی ٹھیڈا کھاندے آں ، فیر وی اسی چاندی دی پٹّی دے راہیں اپنا توازن دوبارہ بحال کر سکدے آں جیہڑی سانوں پکیاں ہو کے پھڑی رکھدی اے ۔ جویں پئی چاندی دی ہرپٹّی کُنڈیاں نال جڑی ہوئی اے تے میخاں ستوناں نوں پکے ہتھیں پھڑ ی رکھدیاں نیں ، ایس لئی پئی ساڈے دل پچھان دےنیں پئی اسی اصل وچ کون آں ، تے ایس لئی پئی ایہہ خُدا دا فضل اے جنہے سانوں    اسمانی، ارغوانی، تےلال رنگ دے دھا گے تےمہین وٹے ہوئے کتان دے راہیں بچایا اے ، اسی ڈِگدے نئیں آں ۔ ایہدے سببوں، اِسی سِدھے کھلوندے آں ، نا سجے تے نا کھبے پاسے ڈکو ڈولے کھاندے آں ۔
مکتی دا کامل انعام جیہڑا خُدا نے سانوں دتا اے ، تے خُدا دی راستبازی دے سببوں ، اسی نا اپنے مُنھ دے بھار ڈِگاں گے ، نا پَچھے تے نا ای سجھے کھبے، سگوں پِتل دیاں خانیاں اُتے پکے ہوکے کھلوواں گے ۔ پِتل دیاں خانیاں دا مطلب ایہہ ہیگا اے پئی سانوں اصل وچ دوزخ وچ فناہوناسی ۔ سانوں چیتا کر اکے پئی اسی لازمی سزا دی تھاں توں بچ گئے آں ، اسی سدا خُدا دا شکر ادا کر سکدے آں تے ایمان رکھ کے پکے تے محفوظ طریقے نال کھلو سکدے آں ۔
پانی تے رُوح دی خوشخبری مکتی دی وڈی سچیائی اے ۔ ایہہ ایس جگ دیاں بے گنت  دینی مدرسیاں تے گریجویٹ سکولاں وچوں کسے توں وی پائی نئیں جا سکدی ، تے ایس لئی پئی ایہہ ایمان دی نِیہ تے جڑ اے ؛ سو کوئی وی خُدائی تعلیم جیہڑی اسمانی، ارغوانی، تےلال رنگ دے دھا گے تےمہین وٹے ہوئے کتان  دی سچیائی نوں نئیں جان دی تے نئیں سِکھدی اوہ بالکل ریت اُتے بنے ہوئے گھر وانگر اے جیہڑا اخیریں ٹُٹ کے ڈِگ جائے گا ۔ تہاڈے سچے ایمان دی نِیہ سنگِ مرمر دی اِ ک وڈی چٹان وانگر پکی ہونی چاہی دی اے ۔
 
 
تھیالوجی کیہ اے ؟
 
کھُلےطریقےنال گل کردیاں ہویاں ، دو خاص دھاراں نیں جیہڑیاں تھیالوجی نوں ونڈدیاں نیں :تھیو سینٹرک تھیالوجی تے اینتھروپو سینٹرک تھیالوجی، جنہاں وچوں کسے اِک یا دوآں نوں ہر سیمنری وچ پڑھایا جاندا اے ۔سِدھیاں اکھراں وچ ، عقیدہ جیہڑا سختی نال کلام والا اے اوہ تھیو سینٹر اِزم اے،جد پئی اوہ عقیدہ جیہڑا بندے دیاں خیالاں نوں کلام وچ من دا اے اوہ اینتھروپو سینٹرازم اے ۔ اینتھروپو سینٹرک ماہرِ خُدائیات خاص کر کے ایس گل وچ دِلچسپی نئیں رکھدے پئی بائبل اصل وچ کیہ آکھدی اے ، سگوں ایہناں دےتعلیمی موقف نوں تگڑیاں کیتا یا توہمت دا نشانہ بنایا جاندا اے ایس اُتے منحصر ہیگا اے پئی کیہڑے منے ہوئے اُستاد کیہ دسدے نیں تے کیہڑا ایہناں پِچھے ٹُردا اے ۔ ایس لئی ، اینتھروپو سینٹرک نوں کدی وی ٹھیک تھیالوجی نئیں سمجھیا جا سکدا ۔
بوہتی واری ، جیہڑے لوک خُدائی تعلیم نوں پڑھدے نیں اوہ دلیل دیندے نیں پئی صرف ایہناں دے دینی  خیال ٹھیک نیں۔ مثال طور اُتے ، ہُن وی بوہت سارے لوک نیں جیہڑے سیونتھ ڈے ایڈونٹسٹ چرچ وچ جاندے نیں جیہڑا صرف سبت دے دِن نوں خاص سمجھدا اے ۔ دوجے پاسے پریسبیٹیرین چرچ، کیلون اِزم دے صرف ”ناں دے“ پنج نکاتاں دی حمایت کردا اے ۔ آرمینی اِزم ، اِک ہور مثال وچ ، دلیل دیندی اے پئی بھاویں خُدا نے سانوں بچایا اے ،پر ساریاں لوکاں نوں وی اپنی مرضی نال ایس سچیائی اُتے رکھنا چاہی دا اے ۔ کئی حوالیاں وچوں ، آرمینی اِزم نو اِک دینی نقطۂ نظر وانگر سمجھیا جا سکدا اے  جیہڑا بندیاں دے نقطۂ نظر نال بائبل تیکر اَپڑدا اے تے ایہدی تشریح کردا اے ۔
ایہدے اُلٹ ، جد اسی کیلون اِزم دیاں پنج نکاتاں اُتے دھیان کردے آں ، تاں اسی ایہہ جان سکدے آں  پئی ایہدا عقیدہ کسے حد تیکر تھیوسینٹرک اے پر بوہت چوکھا ظلم والا اے ۔  کیوں؟  ایس  لئی
پئی کیلون اِزم نوں منن والے اپنے تقدیر تے چناؤ دیاں نظریاں نوں سچیائی وانگر پیش کردے نیں ، ایہہ اَڑی کردیاں ہویاں ، تہاڈے جمن تو ں پہلو ں ، تہاڈے وچوں کئیاں نوں پہلوں توں ای خُدا نے اپنیاں لوکاں وانگر چن لیا سی ، جد پئی دوجیاں نوں اوہدے چناؤ توں باہر رکھیا گیا سی ۔ ایہہ صرف خُدا دی من مرضی دی پسند اے ۔“ایہو جیہے گھاٹے دین والے دعوے خُدا دے کلام وچوں منظور کیتے ہوئے نئیں ہوسکدے ۔
ایس لئی جد اسی ایہناں صرف ناں دیاں آرتھوڈوکس مسیحی عقیدیاں دی خُدا دے کلام نال برابری کردے آں ،تاں سانوں ایہہ پتہ لگدا اے پئی اوہ سچیائی توں بوہت وکھرے نیں ۔بِنا شک ، کئی مسئلیاں اُتے ،اوہ سچیائی دے نیڑے اَپڑ جاندے نیں ،پر اَج کل بوہتیاں فرقیاں دے مسیحی نظریے بائبل دیاں سچیائیاں توں بوہت وکھرے نیں ۔ لازمی ،کُجھ حصے ایہو جیہے نیں جیہڑے ایہناں دیاں عقیدیاں وچ بائبل دیاں سچیائیاں نال مِلدے نیں ، پر اوہناں دیاں مُڈھلیاں تعلیماں خُدا دے کلام دے نیڑے آؤن لئی بوہت غلط نیں ۔ تے ایس لئی سانوں ایہو جیہے غلط عقیدیاں نوں سِکھنا چھڈ دینا چاہی دااے ۔
 
 

ساڈے پاپ دی معافی مکمل طور اُتے خُدا ولوں اِک انعام اے

 
جیہڑے لوک سچ مُچ خُدا دے کلام اُتے ایمان رکھدے نیں ، خُدا نےاوہناں نوں اپنے انعام وانگر مکتی دتی اے ۔
خیمۂ اِجتماع دی واڑ  لکڑ دیاں ۶۰ ستوناں نال بنائی گئی سی ۔ ایہناں ستوناں دے اُتے چاندی دے سِرے لائےگئے سن تے ایہناں دے ہیٹھلے حصے اُتے پِتل دے خانے وچھائے گئے سن ۔ ہر اِک ستون نوں اِک دوجے اُتے چاندیاں دیاں پٹّیاں نال چموڑیا گیا سی تے پِتل دیان میخاں نال بنھیا گیا سی جیہڑیاں زمین وچ ٹھوکیاں گئیاں سن ۔ لکڑدے ستون ہر  ۵ ہتھ یا ۲۵.۲میٹر دی وِتھ اُتے لائے گئے سن ، تے ایہناں ستوناں اُتے مہین چٹے کتان لمکائے گئے سن ۔
ایس لئی پئی ستوناں نوں اِیہناں پِتل دیاں میخاں نال پکیاں کر کے بنھیا گیا سی ، تے  چاندی  دیاں
پٹّیاں  نال اِک دوجے نال پکیاں کر کے جوڑیا گیا سی ، مہین چٹے کتان دے پڑدے اپنی تھاں توں ہٹ نئیں سکدے سن ۔ ایس لئی پئی ایہناں پکیاں کر کے لائے گئیاں لکڑ دیاں ستوناں اُتے  چٹے کتان دے پڑدے لائے گئے سن، ایہہ پڑدے ہر پاسیوں اپنے آپ نوں کھِچدیاں ہویاں پکے تے ڈٹے رہندے  ۔
چٹے کتان دے پڑدے خُدا دی پاکیزگی تے راستبازی ول اشارہ کردے نیں ۔ دوجیاں اکھراں وچ، خُدا دی راستبازی نے سانوں پکے ایمان والے لوک بنا دتا اے جیہڑے دوجی واری کدی ڈول نئیں سکدے ،  ایس لئی پئی اوہدی مکتی اُتے ساڈا ایمان خُدا دےحدوں ودھ فضل نال قیم اے ۔ خُدا نے سانوں ایہہ کامل مکتی ساڈے لئی اوہدے انعام دے وانگر دتی اے ۔ اسی کنے شکرگزار ہاں ! ایس لئی تُسی تے مَیں ایمان نال مکتی پاؤن والے بن گئے ۔
ایہدے اُلٹ ، جد مَیں سارے جگ وچ اَج دیاں مسیحیاں نوں ویکھدا ہاں ، تاں مینوں اوہ اِکو ای  ویلے مخولیے ، ہساؤن والے تے دُکھی لگدے نیں ۔مَیں اوہناں توں دُکھی تے پریشان دونویں آں ایس لئی پئی مَیں ویکھدا ہاں پئی اوہناں کول سچی مسیحیت دے مُڈھلیاں مسئلیاں دے بارےوچ وی ٹھیک تعلیم نئیں ہیگی ، ایتھوں تیکر پئی اوہ خُدا اُتے ایمان لیاؤن تے اوہدے کلام نوں ودھاؤن دا دعویٰ کردے نیں ۔
اَج کل، بوہت سارے لوک ایس گل توں پریشان نیں پئی ساڈے ہائی سکول دے بوہت سارے پڑھن والے  اپنی پڑھائی دے  مُڈھلیاں اصولاں دے حوالےتوں بوہتے ماڑے ہوگئے نیں ۔ اصل وچ ، جیہڑے پڑھن والے  مُڈھلی گلاں نوں ردّ کرن وچ پھسے نیں ، اوہناں توں ایہہ آس نئیں رکھی جا سکدی پئی اوہ  اپنیاں تعلیمی کامیابیاں نوں اگیترے پیش کر دین گے ۔ ایس لئی کالج دیاں پڑھن والیاں نوں اوہناں دی متعلقہ پیشہ ورانہ  پڑھائی وچ تربیت دین تے اوہناں نوں کم دی تھاں لئی تیار کرن لئی ، یونیورسٹیاں نوں ایس گل نوں لازمی بناؤن دی لوڑ ہیگی اے پئی اوہ چوکھی جدید تعلیم نال سکھن توں پہلوں مُڈھلیاں مضموناں دے مُڈھلیاں اصولاں اُتے ٹھیک طریقے نال ڈٹ کے رہندے ہون ۔ وکھالے طور اُتے ، ایہہ کوششاں ہر ویلے کامیاب ہوندیاں نظر نئیں آؤندیاں۔
مَیں ایس کہانی نوں جیہڑےسببوں پیش کیتااے ایہداسبب ایہہ دسنا اے پئی جویں ایس جگ  دی تعلیم وچ ایہدیاں مُڈھلیاں اصولاں دی ٹھیک پکڑ دے بغیر کوئی ترقی نئیں ہو سکدی، ایسے طرح خُدا اُتے ایمان وی بغیر کسے پکی نِیہ دے ڈولے کھان دے حقدار اے ۔ سچا ایمان اوہ ہیگا اے جیہڑا اسمانی، ارغوانی، تےلال رنگ دے دھا گے تےمہین وٹے ہوئے کتان اُتے ایمان رکھدا اے ۔ ایس مُڈھلے عقیدے دے بغیر ، باقی  ہر شے دا کوئی مطلب نئیں ہیگا ۔ بھاویں پہلوں تاں لوک خوش ہو سکدے نیں تے خُدا لئی بوہت عقیدت مند ہو سکدے نیں ، ایہہ آکھدیاں ہویاں پئی اوہ یِسُوعؔ اُتےایمان لیا کے بے پاپ ہو گئے نیں ، پر جد تھوڑا جیہا ویلا لنگھدا اے، تاں چھیتی نال اوہناں دی اپنی راستبازی مُک جاندی اے ، اوہناں دی خوشی مَٹھی وَا  وِچ اُڈ جاندی اے ۔ اوہناں دی ساری طاقت مُک جاندی اے ، تے اوہ اخیریں اپنیاں پاپاں دے سببوں جیہڑے اوہناں دیاں دلاں وچ ہیگے نیں خُدا اُتے اپنا ایمان ردّ کر دیندے نیں ۔ ایہہ سارے وکھالے  مسیحی عقیدے دے بارے مُڈھلی تعلیم دے گھاٹےدے سببوں پیش آؤندےنیں ۔
کیہ تہاڈے وچوں کوئی معذور اے ؟ جیہڑیاں لوکاں دیاں لتاں وچ  پیِڑ ہوندی اے اوہناں لئی سب توں اوکھاویلا اوس ویلے ہوندا اے جد اوہ پوڑیاں چڑھن دی کوشش کردے نیں۔ جد اوہ پوڑیاں چڑھن بارے ہتھ پیَر ماردے ہون تاں کوئی اوہناں دی مدد کرے تے سہارا دیوے تاں کیہ ایہہ احسان مندانہ تے شکرگزارکم نئیں ہوئے گا؟ ایہدے باوجود کُجھ معذور ایہو جیہے ہوندے نیں جیہڑے ایس سب دی بجائے غصے وچ آجاندے نیں ، تے آکھدے نیں ، ”مینوں اِکلا چھڈ دیوو۔ مَیں ایہہ کم آپ کر سکدا ہاں ۔“عام طور اُتے، معذور بندیاں وچ بوہت عزت نفس ہوندی اے تے کئی واری اوہ بوہت اَڑیل وی ہو سکدے نیں ۔ جد ایہناں دے بدن دے کُجھ حصے نکمے ہو جاندے نیں تاں ایہناں دا دماغ وی نکما ہو سکدا اے ۔ نتیجے طور اُتے  ، ایہناں دے دل کئی واری ایہناں دا اپنے آپ نوں گیاگواتا سمجھن ، ہار جان دے احساس تے سکھنےپن دے احساس دے سببوں سخت ہو سکدے نیں ۔ ایہو ای سبب ہیگا اے پئی ایہناں وچوں کئیاں دا ایہہ دھیان ہیگا اے پئی اوہ دوجیاں دی مہربانی نوں جویں پئی ایہہ ہیگی اے ایہنوں نئیں سمجھدے سگوں ایہدی اصل نیت نوں وگاڑ دیندے نیں ۔
اصل وچ ایہنان لئی اپنی معذوری دے سبب اپنے آپ نوں گھٹ سمجھن دی لوڑ نئیں ہیگی ۔ اوہناں نوں ایہناں دے سبب تکلیف ہو سکدی اے ، پر ایہناں دا معذور ہونا لازمی کوئی پاپ نئیں ہیگا ۔ پر جے اوہ اپنی معذوری  وچوں اُٹھن والے ہر طرح دے لتاڑے ہوئے خیالاں وچ اپنے آپ  نوں رہن دیندے نیں تے ایہناں بھیڑیاں جذبیاں نوں بے گنت اپنےگھٹ ہون دےاحساس وچ  بدلن  دیندے نیں ، تاں اوہ اپنیاں دلاں وچ وی اصل وچ معذورہوجان گے۔ جے تُسی اِک معذوربندے او ، تاں تہانوں صرف ایناں کرنا اے پئی تُسی اپنے آپ نوں جویں تُسی ہیگے او پچھانو، جد تہانوں مدد دی لوڑ ہوئے تاں مدد منگ لووو، تے جد تُسی کر سکدے او تاں اپنی تھاں اُتے ڈٹ کے رہوو۔
جد وی کوئی ایہو جیہا کم ہوندا اے جیہدے بارے وچ مَیں نئیں جان دا یا کسے مدد دی  لوڑ ہوندی اے تاں مَیں دوجیاں توں پُچھدا ہاں تے اوہناں توں مدد دی مِنت کردا ہاں ۔ مَیں اپنی کمی دے سبب دوجیاں توں مدد منگن تے لبھن توں علاوہ نئیں رہ سکدا ۔ تے جد کوئی ہور جیہڑا ایہدے بارے جان دا اے ایہدی وضاحت کردا اے تے میری مدد کردا اے ، تاں مَیں اوس بندے دا شکریہ ادا کردا  ہاں ۔ بھاویں ساڈے بدن وچ کمیاں ہوسکدیاں نیں، پر ایہنان لئی ساڈیاں دلاں وچ وی سانوں  معذور سمجھن دا کوئی سبب نئیں ہیگا ۔ ایس لئی سانوں صرف اپنیاں کمیاں نوں جاننا اے ، اپنے خُداوند دی پانی تے رُوح دی خوشخبری اُتے ایمان رکھنا اے ، یعنی اسمانی، ارغوانی، تےلال رنگ دے دھا گے تےمہین وٹے ہوئے کتان دی مکتی جنہے ساڈیاں ایہناں کمیاں نوں پورا کیتا اے تےسچے دلوں ایس خوشخبری دی خدمت کرنی اے ۔ تے ایہہ ساڈے خُداوند دی خوشخبری دے اندر اے پئی اسی فخر کر سکدے آں تے شکر ادا کر سکدے آں ۔ ایس لئی پئی اسی اپنے ایمان دے راہیں خُدا ولوں دتا ہویا مکتی دا انعام پایا اے ، سانوں جیہڑا کُجھ کرنا اے صرف اوہدا شکریہ ادا کرنا اے  ۔ مکتی دے ایس انعام وچ اسی ارام کر سکدے آں ، اِک دوجے نال محبت کر سکدے آں ، تے اِک جان اِکٹھے ہو سکدے آں ۔
ایہدا سبب ایہہ ہیگا اے پئی اَج دے بوہت سارے مسیحی اپنے عقیدے دیاں مُڈھلیاں گلاں وچ ماڑے نیں  پئی اوہناں دا ایمان ہر پاسے ڈولے کھاندا پیا اے ۔ ساڈے خُداوند نے تہانوں تے مینوں اپنے اسمانی، ارغوانی، تےلال رنگ دے دھا گے تےمہین وٹے ہوئے کتان نال بچایا اے ۔ صرف ایہنوں جانن تے ایس اُتے ایمان رکھ کے ای اسی مکتی دا انعام  پایا اے تے کامل ہوگئے آں ۔ اسی سارے پہلوں دوزخ دے حقدار ساں ، فیر وی تاں پئی خُدا نے سانوں  کامل مکتی دا انعام دے کے کامل طریقے نال بچایا اے ، اسی اوہدے کامل نیانے بن گئے آں ۔ ایس لئی پئی ہُن سانوں اپنے ایمان دے راہیں مکتی دا انعام مل گیا اے ، جے اسی اپنی زندگی ایس ایمان نال بسر کرئیے پئی اسی خُدا دے لوک آں ، تے ایس ایمان دیاں حداں دے اندر رہندیاں ہویاں ، فیر اسی خُداوند وچ  اپنے ایمان نوں کامیابی نال بسر کر سکدے آں ۔
میرے اصل وچ نویں سریوں جمن دے بعدوں ، میرے دل وچ دو نویاں  تبدیلیاں آئیاں ، جنہاں وچوں کوئی وی پہلوں کدی نئیں آئی سی ۔ ایس  توں پہلوں ، دوجیاں لئی میری محبت فریبی سی ، اوہناں نال شرطوں اَڈ محبت کرن دا فریب کردی سی جد پئی مَیں اصل وچ اپنے دل وچ اوہناں توں نفرت کردا ساں ۔ پر ہُن، مَیں سچے دلوں دوجیاں نال محبت کرن آیا ہاں ۔ ایس لئی پئی خُدا نے سانوں کامل مکتی دا انعام دتا اے ، تے تاں پئی ایہہ خوشخبری بوہت مہنگی اے ، ایس لئی جیہڑے لوک ایس اُتے  ایمان رکھدے نیں اوہ میریاں اکھاں اگے بوہت ای ودھیا تے سوہنے وکھالی دیندے نیں ۔مَیں بچ نئیں سکدا سگوں اوہناں نال محبت کردا ہاں، بھاویں مَیں اِنج کرن دی کوشش نا کیتی ہوئے ۔
دوجی تبدیلی ایہہ ہیگی اے پئی لنگھے ہوئے ویلے دے اُلٹ ، مَیں دوجیاں دیاں جذبیاں دے بارےحساس ہوگیا واں ، ایس توں پہلوں جد وی کسے نے کوئی ایہو جیہا کم کیتا جنہوں مَیں جر نئیں سکدا ساں ، بھاویں ایہہ بندہ کوئی وی ہوئے ، مَیں اپنی دابے وچ بالکل دو ٹوک ہوندا ساں ۔ پر ہُن مینوں احساس ہویااے پئی مینوں ہر کسے دیاں کمیاں نوں ویکھن دی لوڑ اے ، تے ایہناں نال اپنیاں معاملیاں وچ بوہت سنبھل کے رہن دی لوڑ اے ، جد اوہناں نوں ڈھال دی لوڑ ہوئے تاں اوہناں دی ڈھال بننا چاہی دا اے تے جد اوہناں نوں  جھڑکن دی لوڑ ہوئے تاں اوہناں نوں جھڑکنا چاہی دا اے ، ایہہ سارا ٹھیک طریقے نال ہونا چاہی دا اے۔ جنہاں لوکاں وچ کمیاں یا غلطیاں ہوندیاں نیں اوہناں دے دل وی سوکھے جیہے بے حس ہو سکدے نیں ، تے ایس لئی مَیں اوہناں دیاں کمیاں دے بارے بوہتا سیانا ہویا، جویں پئی کئی واری اِنج وی ہوندا اے جد مینوں لُک کے اوہناں دی مدد کرن دی لوڑ ہوندی اے تے اِنج وی ہوندا اے پئی مینوں اوہناں دی مدد نئیں کرنی چاہی دی ایتھوں تیکر پئی مَیں جان دا ہاں پئی اوہناں نوں میری مدد  دی بوہت لوڑ اے ۔مَیں ایہناں شیواں دے بارے ہوش وچ آیا ایس لئی پئی لوک اینے ماڑے نیں ، پر ہر ویلے ، مَیں اپنے ایمان وچ بوہت پکا تے نڈر ہاں ۔
کئی ویلے اِنج دے ہوندے نیں جد سانوں دوجیاں نوں  جھڑکنا نئیں چاہی دا ایس لئی پئی اوہ بوہت ماڑے نیں ، پر ایہو جیہے ویلے وی آؤندے نیں جد سانوں اوہناں نوں جرن دی بجائے سختی نال جھڑکن دی لوڑ ہوندی اے ۔ ایس لئی اسی اوہناں دیاں لوڑاں دے بارے بوہتے سیانے آں، پر جد ایمان نال ویکھیا جائے تاں ؛ اوہناں لئی ساڈی محبت لازمی ، کامل ، ٹھیک تے پکی اے ۔ جے اسی اپنیاں حالاں نوں بندیاں والی اکھ نال ویکھدے آں ، تاں اسی جیہڑا کُجھ ویکھ سکدے آں اوہ صرف  فکر کر ن والیاں شیواں نیں ۔ ایس لئی پئی اسی پہلوں تاں بوہت ماڑے تے ادھورے آں ، جے اسی اپنے ماڑے بدن دے بارے فکر کرن لگیے تاں کوئی دن وی بغیر فکراں تے پریشانیاں دے نئیں لنگھے گا ۔ پر جد اسی اوس کامل ایمان اُتے کھلوندے آں جیہڑا خُدا نے سانوں دتا اے ، تاں ساڈیاں ساریاں پریشانیاں تے فکراں مُک جاندیاں نیں ، تے جویں پئی یِسُوعؔ نے اپنے اسمانی، ارغوانی، تےلال رنگ دے دھا گے تےمہین وٹے ہوئے کتان نال ساڈے ورگیاں ادھورے تے داغی لوکاں نوں بچایا اے تے سانوں اپنیاں چنگیاں کماں دے بھانڈیاں وانگربنایا ، ایمان دی ایہہ حوصلہ افزائی  ، سانوں کسے وی شے توں بوہتی پکی بناؤنی چاہی دی اے ۔
ساڈیاں دلاں نوں حوصلہ افزائی خُداوند ولوں ساڈیاں دلاں وچ دتی گئی کامل مکتی دے انعام توں  مِلدی اے ؛ دوجیاں ساریاں حوصلہ افزائیاں جیہڑیاں ساڈیاں بدنی گُناں توں مِلدیاں نیں اوہ صرف کچیاں نیں ۔ لازمی ایہدا مطلب ایہہ نئیں ہیگا پئی بدنی تسلی  کسے کم دی نئیں ہیگی ، سانوں اپنیاں بھراواں تے بھیناں نوں  کئی واری بدن ولوں وی تسلی دین دی لوڑ ہوندی اے  ۔
پر، جیہڑی گل صاف اے، اوہ ایہہ ہیگی اے پئی جویں پئی اسی آپ ماڑے آں، یِسُوعؔ مسیح ایس جگ وچ آیا تے سانوں کامل طریقے نال بچایا ۔ پاک کلام سانوں دسدا اے پئی جد لعزر مرگیا ،تاں اوہدیاں بھیناں ، مریم تے مارتھا تے ایہناں دیاں گوانڈھیاں نوں روندیاں ہویاں ویکھ کے ، یِسُوعؔ وی دُکھی ہویا ۔ دوجیاں اکھراں وچ ، یِسُوعؔ نوں اوہناں اُتے ترس آیا ایس لئی پئی اوہنےویکھیا پئی لوکاں دا اوہناں دیاں پاپاں دے سببوں مرنا کناں دُکھ دے لائق سی ۔ پر تاں پئی ساڈا خُداوند باپ دی مرضی  دے مطابق آیا ، اوہنے آکھیا ، ’’ قیامت تے زِندگی مَیں آں‘‘(یوحنا ۱۱:۲۵)،تے اوہناں لوکاں نوں بچایا جیہڑے اپنیاں پاپاں دے سبب مرن والے سن ۔اوہنے سانوں رُوح تے بدن دوآں وچ تسلی دتی اے ۔
تُہاڈے تے میرے کول رُوح تے بدن دے ایہہ دونویں  حصے وی نیں ۔ ایس لئی جد اسی بدنی طریقے نال  اِک اوکھے ویلے وچوں لنگھ دے پئے ہوندے آں ، سانوں بدنی طریقے نال وی ،تے رُوحانی طریقے نال وی تسلی پاؤن دی لوڑ ہوندی اے ، تے سانوں اسمانی، ارغوانی، تےلال رنگ دے دھا گے تےمہین وٹے ہوئے کتان دا ایہہ ایمان وی پاؤن دی لوڑ اے ۔ ایسے طرح ، خُدا نے سانوں جیہڑا مکتی دا انعام دتا اے ، ایہنوں جاننا تے ایمان وچ خوش ہونا ، مکتی دا ایہہ انعام قیم رکھنا ، تے اپنے آپ نوں اِک واری فیر یاد دلاؤنا پئی اسی اوہ لوک آں جنہاں نوں ایہہ انعام مِلیا اے ۔ ساڈے دل سچ مُچ مسیح وچ خوش ہو سکدے نیں ۔ ایس طرح اسی خُدا نوں جلال دین لئی آؤندے آں ۔
خُدا نےساڈے وچوں ہر اِک نوں خیمۂ اِجتماع دیاں ستوناں وانگر  پکیائی نال  ایمان وچ  لایا اے ، تے سانوں ایمان نال زندگی گزارن نوں وی آکھیا۔ ایس لئی جویں ساڈی بدنی کمیاں ہر دن ودھدیاں نیں ، اسی اپنے سچے دلوں ایہہ محسوس کر سکدے آں پئی خُدا دی مکتی کنی مہنگی اے ،ایہہ سمجھدیاں ہویاں پئی اسی سزا دے حقدار ساں ۔ ہُن تُسی وی مکتی دی ایس سچیائی  نوں سمجھ  سکدے او  جیہڑی  خیمۂ اِجتماع دے
برانڈے دی واڑ وچ ظاہر ہوندی اے۔
ہُن تُسی چڑھدے پاسے واقع خیمۂ اِجتماع دے برانڈے دے پھاٹک نوں وی کھول کے اندر جا سکدے او ۔ جد تُسی خیمۂ اِجتماع دے ایس پھاٹک نوں کھول کے اندر جاندے او ، تاں اوتھے کُجھ ہیگا جیہڑا تہانوں سب توں پہلوں وکھالی دیوے گا ۔ ایہہ کیہ ہوئے گا ؟ ایہہ سوختنی قربانی دی قربانگاہ دے علاوہ کُجھ ہور نئیں ہیگا۔
جد تُسی ایمان رکھ کے سوختنی قربانی دی قربانگاہ دے کولوں لنگھو گے ، تاں  اوتھے پِتل دا حوض ہوئے گا ، تے جد تُسی ایس حوض کولوں لنگھوگے ، تاں تُسی اخیریں خُدا دے گھر ، آپ ای  خیمۂ اِجتماع وچ  داخل ہوو گے۔ جد ایہنوں ایمان نال ویکھیا جائے تا ں ایہہ ساریاں شیواں سوکھے جیہے پوریاں ہوجاندیاں نیں ۔ بھاویں  خیمۂ اِجتماع دا کلام شروع وچ بوہت اوکھا لگ سکدا اے ، پر ایہہ تہاڈے تے میرے لئی سمجھنا اصل وچ بوہت سوکھا اے ایس لئی  پئی اسی ، جنہاں دے ایمان دی نِیہ پکی اے ، ایہنوں ایمان دےٹھیک اصول دے مطابق ویکھدے آں جیہڑا ساڈے کول پہلوں توں ہیگا اے ۔ ایس لئی پئی خُدا دی مکتی بوہت مہنگی اے ، اوہنے  خیمۂ اِجتماع دے نظام دے راہیں ہرکسے لئی ایہنوں سمجھنا سوکھا بنا دِتا ۔ پر صرف کسے نوں وی ایہدے اپنیاں خیالاں مطابق خیمۂ اِجتماع دے ایس  کلام دی غلط  تشریح کرن توں روکن لئی ،  خُدا نے ایہنوں اوہناں لوکاں دیاں اکھیوں اوہلے کر دتا اے جیہڑے حالی نویں سریوں نئیں جمے ۔ ایس لئی ، خُدائی تعلیماں دیاں ماہراں لئی وی، جے اوہ ٹھیک مُڈھلا عقیدہ نئیں رکھدے ، تاں اوہناں وچوں کوئی  وی ٹھیک طریقے نال  کدی نئیں آکھ سکدا پئی  خیمۂ اِجتماع  دے پھاٹک نوں اسمانی، ارغوانی، تےلال رنگ دے دھاگےتےمہین وٹے ہوئے کتان نال کیوں اُنیا گیا سی ، ایس لئی پئی خُدا نے ایس سچیائی نوں ایہو جیہاں جھوٹھیاں توں لُکا کے رکھیا اے ۔
اسمانی دھاگے دا مطلب بپتسمہ اے جیہڑا یِسُوعؔ نے یوحنا بپتسمہ دین والے کولوں  لیا سی ۔ اپنے بپتسمے دے نال جیہڑا ہتھاں دے رکھن جان دی شکل وچ لیا ، اوہنے ساڈے  سارے پاپ اپنے اُتے چُک لَے۔لال رنگ دادھا گہ اوہدی موت دی قربانی بارے گل کردا اے جنہوں یِسُوعؔ مسیح نے ساڈیاں ساریاں  پاپاں لئی  سولی اُتےمرن تیکر وگایا ۔ارغوانی دھاگہ ظاہر کردا اے پئی یِسُوعؔ آپ خُدااے ۔  مہین وٹیا ہویا کتان مکتی دا کلام اے جیہدے راہیں اوس ، آ پ خُدا نے ساڈیاں ساریاں لوکاں نال  وعدہ کیتا سی ۔ اوہ لوک جیہڑے پانی تے رُوح دی خوشخبری اُتے ایمان لیا کے نویں سریوں نئیں جمے اوہ ایس سچیائی دے
بارے گل نئیں کر سکدے  جیہڑی خُدا نے خیمۂ اِجتماع دے پھاٹک اُتے بالکل ایسے طرح ظاہر کیتی سی ۔
خُدا نے لوکاں دے مُڈھ توں ، یعنی ، آدم تے حوا نال تے اپنیاں ساریاں بندیاں نال وعدہ کیتا سی ، ”تہانوں بچاؤن لئی ، مَیں پانی ، لہو تے رُوح دے راہیں تہاڈے  کول آواں گا ، تے مَیں سچ مُچ تہانوں بچاواں گا ۔“ ایس  کلام دے مطابق ، یِسُوعؔ مسیح ایس زمین اُتے آیا، بپتسمہ لیا ، اپنا لہو وگایا تے مرگیا ، مویاں وچوں جیوں پیا ، تےاِنج سانوں بچا چُکیا اے ۔ مہین وٹیا ہویا کتان خُدا دا وعدے دا کلام اے ، تے ایہہ  کلام دا پورا ہونا وی اے ۔ اسمانی، ارغوانی تے لال رنگ دے دھاگے سانوں یِسُوعؔ مسیح دے بپتسمے دے بارے دسدے نیں ، پئی اوہ ساڈا خُدا اے ، تے اوہنے جگ دیاں پاپاں نوں چُک کے تے سولی اُتے اپنا لہو وگا کے ساڈے پاپ دی ساری سزا جری۔ تے اوہ سانوں دسدے نیں پئی یِسُوعؔ مسیح نے سانوں فیر مویاں وچوں جوا کے بچایا اے ۔ اسمانی، ارغوانی، تےلال رنگ دیاں دھا گیاں دی ایہہ سچیائی مکتی دی اوہ سدا دی سچیائی اے جیہدے بارے کسے ہور اختلاف رائے دی اجازت نئیں دِتی جاسکدی ۔
تہانوں تے مینوں ،خُدا نے سانوں مکتی دا ایہہ انعام دتا اے ۔ ستوناں دے اُتے چاندی  دے سِرے مَڑھے گئے سن ۔ سانوں سدا چیتا رکھنا چاہی دا اے پئی اسی اوہ  آں جنہاں نوں  خُدا ولوں مکتی دا انعام مِلیا اے ۔ ایس لئی پئی ایہہ انعام پا کے ای اسی راستباز، بے پاپ تے خُدا دے لوک بن گئے آں ، ساڈے کول خُدا دے ایس انعام توں علاوہ بالکل کوئی ایہو جیہی شے نئیں ہیگی جیہدے اُتے اسی فخر کر سکیے۔ جے اِک شے ہیگی اے جیہدے اُتے اسی  فخر کر سکدے آں تاں اوہ صرف  ایہہ ہیگا اے پئی اسی خُدا دے نیانے بن گئے آں جیہڑے اسمانی، ارغوانی، تےلال رنگ دے دھا گےتےمہین وٹے ہوئے کتان  اُتے ایمان رکھدے آں ۔ ایہہ صرف ایس لئی ہو سکدا اے پئی یِسُوعؔ مسیح  نے پانی تے رُوح دی اِکو چنگی تے مہنگی  خوشخبری دے راہیں سانوں ساڈیاں ساریاں پاپاں توں بچایا اے ۔ ایس لئی ، سانوں ایس عقیدے نال  زندگی بسر کرنی چاہی دی اے،ایہہ ایمان رکھدیاں ہویاں پئی اسی صرف ایس لئی کامل ہوئے آں کیوں جے خُدانے سانوں مکتی دا انعام دتا اے تے ایہہ پئی ایس انعام دے راہیں اسی خُدا دے اپنے لوک بن گئے آں ۔ اَج تے کل، سانوں سدا ایس  ایمان نال جیونا چاہی دا اے ۔
مَیں ایمان رکھدا ہاں پئی خیمۂ اِجتماع دے بارے ایس کلام نوں ودھاؤن دا ہُن سب توں ٹھیک ویلا اے ۔ ایس توں پہلوں وی ایہو جیہے ویلے سن جد بوہت سارے  لوک دُکھاں نوں جرن توں پہلوں چُکے جان دے نظریے دے سبب اَڑاؤنی وچ پھسے سن جیہدا بالکل کوئی مطلب نئیں سی ، پر خُدا نے سانوں ایہناں زمانیاں لئی جائز بنایا ،مُکاشفہ دی کتاب دے کلام دی منادی کرن تے ایس طرح بوہت سارے لوکاں نوں ایہناں دے غلط ایمان وچوں کڈھن تے سچے ایمان نوں پاؤن دے لائق بنایا۔ ایس طرح اَج دے زمانے وچ ایہہ بوہت ٹھیک ہیگا اے پئی اسی اسمانی، ارغوانی، تےلال رنگ دے دھا گےتےمہین وٹے ہوئے کتان دے ایمان دی منادی کرئیے ۔
ایس لئی پئی سانوں خُدا ولوں مکتی دا انعام مِلیا اے ، میرا ایمان ہیگا اے پئی مکتی دے ایس  خاص انعام نوں ودھاؤنا سب توں خوشی دی گل اے ۔
مَیں خُداداسچےدلوں  شکر ادا کردا ہاں۔