کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
مضمون 11: خیمۂ اِجتماع
[11-33] وڈےکاہن دےبانےلئی ورتیاں جان والیاں شیواں <خروج ۲۸:۱-۱۴>
>خروج ۲۸:۱-۱۴>
” تے تُوں بنی اِسرائیل وِچوں ہارُونؔ نُوں جیہڑا تیرا بھرااے تے اوہدےنال اوہدے پُتراں نُوں اپنے نیڑے کر لویں تاں پئی ہارُونؔ تے اوہدے پُتر۔ ندبؔ تے اَبیہوؔ تےالعیزرؔ تے اِتمرؔ کہانت دے کم اُتےہو کے میری خِدمت کرن۔ تے تُوں اپنے بھرا ہارُونؔ لئی عِزّت تےسِنگھارلئی پاک بانا بنا دیویں۔ تےتُوں اوہناں ساریاں صاف دل لوکاں نوں جِنہاں نُوں مَیں سیانے بنایااے آکھ پئی اوہ ہارُونؔ لئی بانے بناؤن تاں پئی اوہ پاک ہو کے میرے لئی کاہِن دی خِدمت نُوں پُورا کرے۔تے جیہڑابانےاوہ بناؤن گے ایہہ نیں یعنی سِینہ بند تےافُودتےجُبّہ تے چونہہ خانیاں دا کُرتاتےپگ تےلک بنھ۔ اوہ تیرے بھرا ہارُونؔ تے اوہدیاں پُتراں لئی ایہہ پاک بانے بناؤن تاں پئی ا وہ میرے لئی کاہِن دی خِدمت نُوں پورا کرن۔تےاوہ سونا تےاسمانی تے ارغوانی تےلال رنگ دے کپڑےتےمہین کتان لین۔تےا وہ افُود سونے تے آسمانی تےارغوانی تےلال رنگ دیاں کپڑیاں تےمہین وٹے ہُوئے کتان دا بناؤن جیہڑا کِسے کاری گراُستاد دے ہتھ دا کم ہوئے۔تےا وہ ایس طرح جوڑیا جائے پئی اوہدے دونویں موہڈیاں دے سِرے آپووِچ مِلا دِتے جان۔تے اوہدے اُتے جیہڑا کارِیگری نال اُنیا ہویا پٹکا اوہنوں بنھن لئی ہو ئےگا اوس اُتے افُود وانگر کم ہوئےتےا وہ اوسے کپڑے دا ہوئےتے سونے تےاسمانی تے ارغوانی تے لال رنگ دیاں کپڑیاں تےمہین وٹے ہوئے کتان دا اُنیا ہویا ہوئے۔تے تُوں دو سُلیمانی پتّھر لے کے اوہناں اُتے اِسرائیلؔ دیاں پُتراں دے ناں چھاپیں۔اوہناں وِچوں چھےدے ناں تاں اِک پتّھر اُتےتے باقیاں دے چھےناں دُوجے پتّھر اُتے اوہناں دےجمن دی ترتِیب مُطابِق ہون۔تُوں پتّھراُتے لکھائی کرن والےنُوں لا کےانگشتری دی شکل وانگر اِسرائیلؔ دیاں پُتراں دے ناں اوہناں دونواں پتّھراں اُتےچھپوا کے اوہناں نُوں سونے دیاں خانیاں وِچ جڑاویں۔تے دونواں پتّھراں نُوں افُود دیاں دونواں موہڈیاں اُتے لاویں تاں پئی ایہہ پتّھر اِسرائیلؔ دیاں پُتراں دی یادگاری لئی ہون تے ہارُونؔ اوہناں دے ناں خُداوند دےاَگے اپنیاں دونوآں موہڈیاں اُتے یادگاری لئی لائی رکھے۔تے تُوں سونے دے خانے بناویں۔تےکھرے سونے دیاں دو سنگلیاں ڈوری وانگرگُندیاں ہوئیاں بناویں تے ایہناں گُندیاں ہوئیاں سنگلیاں نُوں خانیاں وِچ جڑ دیویں۔“
آؤہُن اسی اپنا دھیان وڈےکاہن دے بانے لئی ورتیاں جان والیاں شیواں ول کرئیے۔وڈےکاہن دے پائے جان والے بانے وچ افُوداِک انوکھی شے سی ۔ ایہہ افُودسونے،اسمانی، ارغوانی تےلال رنگ دے دھاگےتےمہین کتان نال اُنیا گیا سی ۔ وڈے کاہن دا ایہہ پاک بانا اِک ماہر اُستاد نے ایہناں پنج دھاگیاں دی فنکاراں وانگر کشیدہ کاری کر کے بنایاسی ۔
پاک کلام وچ ایتھے لکھیا سونے دا دھاگہ کھرے ایمان دی گل کردا اے ۔ وڈے کاہن دے بانے لئی ورتیا جان والا اسمانی دھاگہ بپتسمےول اشارہ کردا اے جیہڑا یِسُوعؔ مسیح نوں ساریاں لوکاں دیاں پاپاں نوں چُکن لئی یوحنا بپتسمہ دین والے کولوں لینا پیا سی (متی ۳:۱۵)۔ارغوانی رنگ دادھاگہ بادشاہواں دے بادشاہ دی گل کردا اے ، تے لال رنگ دا دھاگہ قربانی دی گل کردا اے جیہڑی یِسُوعؔ مسیح نے اوس ویلے دِتی سی جد اوہنے ساریاں لوکاں دیاں پاپاں دی سزا جری سی ۔ وڈےکاہن دے بانے لئی ورتیا جان والا چٹا کتان خُدا دی راستبازی نوں ظاہر کردا اے جنہے اسمانی، ارغوانی تےلال رنگ دے دھاگے نال ہر کسے دیاں پاپاں نوں مکا دِتا اے ۔
وڈے کاہناں دیاں کرن والیا ں کماں وچ سب توں خاص کم خُدا اگے قربانی پیش کرنا سی ۔ قربانی دے نظام دے مطابق خُدا اگے قربانیاں پیش کرن دے ایس فرض نوں پورا کر کے ، وڈے کاہن نے نا صرف خُدا دی خدمت کیتی سگوں ایہدا مطلب ایہہ وی سی پئی اوہنے اسرائیلیاں نوں اوہناں دیاں پاپاں توں مکتی دین وچ مدد کیتی ۔ سانوں یاد رکھنا چاہی دا اے پئی وڈے کاہن دیاں ساریاں فرضاں وچوں سب توں پہلا تے سب توں خاص کم خُدا دی خدمت تے عبادت لئی قربانیاں دینا سی ۔
ایس نکتے نوں ثابت کرن لئی ،مَیں تہانوں اِک واقعے دا حوالہ دیندا ہاں جویں پئی خروج ۳۲ باب وچ دسیا گیا اے ۔ تے جد مُوسیٰ دس حکم لین لئی سیِنا دے پہاڑ اُتے گیا تے اسرائیلیاں نیں ویکھیا پئی مُوسیٰ نے پہاڑ توں اُترن وچ چر لایا تاں اوہ ہارون نوں آکھن لگے،”اُٹھ ساڈے لئی دیوتابنا دے جیہڑاساڈے اَگے اَگے چلےایس لئی پئی سانوں نئیں پتہ پئی ایس بندےمُوسیٰ نُوں جیہڑاسانوں مِصرؔ دے مُلک وچوں کڈھ کے لیایا کیہ ہو گیااے ۔ (خروج ۳۲:۱)“ فیر ہارون نے اسرائیلیاں دے سونے دے کنگن ،والیاں تے مُندریاں لے کے ڈھالیا ہویا اِک وچھا بنایا ۔ فیراسرائیلیاں نیں آکھیا ، ” اَے اِسرائیلؔ ا یہوای تیرا اوہ دیوتا اے جیہڑا تینوں مِصرؔ دے مُلک وچوں کڈھ کے لیایا۔ (خروج ۳۲:۴)“ایہہ ویکھ کے ، ہارون نے وچھے دے اگے اِک قربان گاہ بنائی تے اگلے دن یہوواؔؔؔہ خُدا لئی عید کرن دا اعلان کیتا ۔
جددوجا دن آیا تاں اسرائیلیاں نیں سوختنی قربانیاں چڑھائیاں تے سلامتی دیاں قربانیاں پیش کیتیاں ۔ فیر اوہ کھان پین لئی بہہ گئے ، تے کھیڈن بھُڑکن لگ پئے ۔ ایہہ خُدا دے اگے اِک بوہت وڈا پاپ بن گیا ، جیہدے توں اسرائیلیاں نوں اوہدی سخت سزا ملی ۔ سانوں لازمی ایس واقعے نوں ذہن وچ رکھنا چاہی دا اے ۔ لازمی ، وڈے کاہن ہارون دا وی ایہدے لئی اِک ماڑا حصہ سی ، پر ایہدے باوجود اوہنے خُدا دی مرضی نوں مننا سی ، ایہہ نئیں بھُلنا سی پئی اوہدے لئی خُدا دی خدمت کرنا اوہداوڈے کاہن وانگر سب توں خاص فرض سی ۔ پر ہارون وڈے کاہن وانگر اپنیاں فرضاں نال وفادار ہون وچ ناکام رہیا سی ۔ وڈے کاہن دیاں فرضاں نوں پوراکرن لئی ، اوہنوں سوختنی قربانیاں دینیاں پیندیاں سن تے اوس قربانی دے نظام مطابق سلامتی دیاں قربانیاں لیاؤنیاں پیندیاں سن جیہڑا خُدا ولوں قیم کیتا گیا سی ، بھاویں اوہدے لوک اوہدے پِچھے چلن یا نا چلن ۔
مختصر ایہہ پئی ، ہارون وڈے کاہن نوں صرف خُدا دی خدمت کرنی چاہی دی سی ۔ ایس طرح ، اَج کل وی کاہن بوہتے صرف لوکاں لئی کم کردے نیں ، نا پئی خُدا لئی ۔ مینوں ایہہ سوچ کے بوہت دُکھ ہوندا اے پئی اَج دے بوہت سارے نویں کاہن ایہو جیہے راہوں بھٹکاؤن والے خیالاں پِچھے چلدے پئے نیں ۔ پر مَیں حالے تیکر ایناں بوہتا پریشان نئیں ہیگا ، ایس لئی پئی ٹھیک کاہن ہُن وی اوہناں وچوں مل سکدے نیں ۔ لوکاں دیاں پاپاں دا فدیہ دین لئی ، کاہناں نوں قربانی دے نظام مطابق خُدا اگے قربانیاں دین دی اپنی ذمہ داری پوری کرنی چاہی دی اے ۔
سانوں ایس حوالے اُتے خاص دھیان دینا چاہی دا اے جتھے خُدا مُوسیٰ نوں آکھدا اے ،” تے تُوں بنی اِسرائیل وِچوں ہارُونؔ نُوں جیہڑا تیرا بھرااے تے اوہدےنال اوہدے پُتراں نُوں اپنے نیڑے کر لویں تاں پئی ہارُونؔ تے اوہدے پُتر۔ ۔ ۔کہانت دے کم اُتےہو کے میری خِدمت کرن “ (خروج ۲۸:۱)۔ خُدا نے ہارون نوں وڈے کاہن دا بانا پوایا جیہڑا خاص کر کے اوہدے لئی بنایاگیا سی تاں پئی اوہ سب توں پہلوں خُد ا دی خدمت کرے ۔ اَج جیہڑا وی کاہن خدمت کردا پیا اوہنوں ایہہ نئیں بھُلنا چاہی دا اے : وڈے کاہن دے بانےسونے ، اسمانی، ارغوانی تےلال رنگ دے دھاگےتےمہین وٹے ہوئے کتان نال بنے ہوئے سن ۔
وڈے کاہن دیاں فرضاں نوں پورا کرنا
فدیہ دیہاڑے ،تے ورہے وچ اِک واری اسرائیلیاں دیاں پاپاں نوں معاف کرن لئی وڈے کاہن نوں اوہناں دیاں ساریاں پاپاں نوں قربانی دے پشُو اُتے اپنیاں ہتھاں دے رکھے جان نال ایہدے سر اُتے لدنا پیندا سی ، فیر اوہ ایہدا لہو کڈھدا، تے ایہنوں سوختنی قربانی دی قربان گاہ اُتے لاؤندا تے ایہنوں سرپوش دے اگے تراؤنکدا سی ۔ ایسے طرح ، یِسُوعؔ ، ساڈا اسمانی سچا وڈا کاہن، ایس زمین اُتے آیا ، بپتسمہ لیا جیہدے راہیں اوہنے ساریاں لوکاں دیاں پاپاں نوں قبول کیتا ، اپنا لہو وگایا تے سولی اُتے مر گیا ، مویاں وچوں دوجی واری جیوں پیا ، تے ایس طرح ایمان رکھن والیاں لئی مکتی دی فتح لے کے آیا ۔
وڈے کاہن وانگر خُدا دی خدمت کرن دے ویلے ، ہارون نوں اِک مخصوص بانا پاؤنا پیندا سی جنہوں ”افُود“ آکھیاجاندا سی ، جیہڑا سونے، اسمانی، ارغوانی تےلال رنگ دے دھاگےتےمہین وٹے ہوئے کتان نال بنیا ہویا سی ۔ وڈے کاہن دے ایس بانے نال ، خُدا سانوں سکھاؤندا پیا اے پئی پاپ دی معافی پاؤن لئی سانوں اپنیاں قربانیاں کویں چڑھاؤنیاں چاہی دیاں نیں ۔ ایس اوکھے مطلب نوں سمجھن لئی جیہڑا وڈے کاہن دے بانے لئی ورتے جان والے سونے،اسمانی، ارغوانی تےلال رنگ دے دھاگےتےمہین وٹے ہوئے کتان وچ رکھیا اے ، سانوں لازمی پاپاں دی معافی نوں جاننا چاہی دا اے جیہڑی خُدا دی راستبازی تے محبت نال پوری ہوئی سی ۔
وڈے کاہن دے بانے لئی ورتے جان والے پنجاں دھاگیاں دے راہیں ، خُدا نے سانوں وکھایا اے پئی اوہنے یِسُوعؔ مسیح وچ پاپ دی سدا دی معافی نوں جگ بناؤن توں پہلوں ای قیم کر دتا سی (افسیوں ۱:۴)۔ سو، سانوں کاہناں دیاں فرضاں نوں چنگی طرح نبھاؤن لئی ، سانوں پہلوں پانی تے رُوح دی خوشخبری وچ موجود پاپ دے دھون دے بھیت نوں سمجھنا چاہی دا تے ایس اُتے ایمان رکھناچاہی دا اے ۔
ایہہ مکتی دی پہلوں توں بنائی گئی لمی سوچ اے جیہڑی خُدا باپ نے ساڈے لئی یِسُوعؔ مسیح وچ قیم کیتی اے ۔
وڈے کاہن نوں اپنے کہانت دیاں فرضاں نوں چنگی طرح نبھاؤن لئی اوہنوں خُدا لئی چنگے طریقے نال قربانیاں چڑھاؤنیاں پیندیاں سن — یعنی ، اپنیاں لوکاں دیاں پاپاں دی معافی لئی ، اوہنوں قربانی دے نظام مطابق قربانی دے پشُو دے سر اُتے اپنے ہتھ کے اپنیاں پاپاں نوں ٹھیک طریقے نال ایس اُتے لدنا پیندا سی ۔ فدیے دے دن ، وڈا کاہن قربانی دے پشُودےسر اُتے اپنے ہتھ رکھدا تے ایہدا لہو کڈھن لئی ایہدا گل وڈھ دیندا ۔ ایس ہتھاں دے رکھے جان نال ، اسرائیلیاں دے سارے پورے ورہے دے پاپ قربانی دے پشُواُتے لدے جاندے سن ۔ تے ایہدا لہو وگاؤن نال ، اوہناں دیاں ساریاں پاپاں دا فدیہ دتا جاندا سی ۔ فیر اوہ ایس قربانی نوں پورا کرن لئی ایہدا لہو تراؤنکدا تے ایہدا گوشت ساڑ دیندا ۔ ایس طرح اوہ ایہہ قربانی اپنیاں لوکاں دیاں پاپاں دی معافی لئی چڑھاؤندا سی ۔
ایتھے سانوں ایس گل اُتے بوہت چوکھا دھیان دینا اے : وڈے کاہن نے اپنیاں لوکاں نوں ایہہ سکھاؤنا سی پئی اوہناں دے پاپ اگ وچ سڑن توں پہلوں ای قربانی دے پشُو اُتے لدے گئے سن ، تے ایہہ پئی اوہناں دیاں پاپاں دی معافی ہتھاں دے رکھے جان ، تے قربانی دا لہو وگاؤن نال پوری ہوئی سی ۔ ایہہ ہر وڈے کاہن دا سب توں وڈا فرض سی ۔ وڈا کاہن اوہ بندہ سی جنہے سچیائی دی راکھی کرنی سی ۔ دوجیاں اکھراں وچ ، اوہنے پانی تے رُوح دی خوشخبری دا وفادار راکھا بننا سی ۔ بھاویں وڈا کاہن وی اسرائیلیاں دیاں عام لوکاں وانگر اِک ماڑا بند ہ سی ، پر قربانی دے نظام وچ ظاہر ہون والی سچیائی اُتے ایمان رکھن تے اوہناں لئی خُدا اگے قربانیاں چڑھاؤن نال ، ایہدے باوجود اوہنے اپنیاں لوکاں نوں اوہناں دیاں پاپاں دی معافی پاؤن دے لائق بنایا ۔ ایسے طرح ، بھاویں اسی ادھورے لوک آں ، پر اسمانی وڈے کاہن یِسُوعؔ مسیح نے ساڈے لئی جو کُجھ کیتا اے ایس اُتے ایمان رکھن تے اپنیاں پاپاں دی معافی پاؤن نال ، اسی خُدا نال چلن دے لائق آں ۔
ایہہ قربانی دا نظام جیہڑا خیمۂ اِجتماع دے نظام وچ نازل ہویا اے مکتی دی سیانف اے جیہڑی خُدا ولوں آئی اے ۔ خُدا دا سیانف جنہے سانوں پاپ توں بچایا اے اوہ وڈے کاہن دے بانے لئی ورتے جان والے سونے، اسمانی، ارغوانی تےلال رنگ دے دھاگےتےمہین وٹے ہوئے کتان وچ بند اے ۔ وڈے کاہن لئی اپنیاں فرضاں نوں کامیابی نال نبھاؤن لئی ، اوہنوں ایہہ سکھاؤنا چاہی دا اے پئی ساریاں لوکاں نوں بے پاپ بناؤن دا اِکو ودھیا طریقہ قربانی دے نظام تیکر اَپڑدا اے جیہڑا خُدا نے مقرر کیتا سی ۔ سانوں، اَج دیاں شاہی کاہناں (۱- پطرس۲:۹) وانگر ، سدا ایس سچیائی دی گواہی دینی چاہی دی اے پئی یِسُوعؔ ایس زمین اُتے آیا ، اوہنے بپتسمہ لے کے سدا لئی جگ دیاں پاپاں نوں چُک لیا ، اپنا لہو وگایا تے ساڈے بدلے مویا ، دفن ہویا ، تے ساڈے لئی مویاں وچوں جیوں پیا ۔
کیہ انسان اپنیاں پاپاں نوں مکا سکدا اے ؟ کیہ جگ دے دین لوکاں دیاں پاپاں نوں مکا سکدے نیں ؟ ساڈیاں پاپاں دا مکنا صرف یِسُوعؔ دے بپتسمے تے اوہدے لہو دے راہیں قیم کیتی ہوئی مکتی دی سچیائی نال سوکھا ہویا اے جیہڑی وڈا کاہن سانوں سکھاؤندا اے ۔ ایہہ صرف مکتی دی خوشخبری دے راہیں اے جیہڑی خُدا ولوں قیم کیتی گئی سی پئی اسی اپنیاں ساریاں پاپاں دی معافی پا سکدے آں ۔ ساریاں لوکاں دیاں پاپاں نوں معاف کرنا اِک ایہو جیہا کم اے جیہڑا صرف یِسُوعؔ مسیح ای کر سکدا اے ، جیہڑا اسمانی سدا دا وڈا کاہن اے ۔ دوجیاں اکھراں وچ ،ایس لئی پئی یِسُوعؔ مسیح جیہڑا آپ خُدا اے اِک بندے دے بدن وچ ایس زمین اُتے آیا تے یوحنا بپتسمہ دین والے دے راہیں بپتسمہ لے کےساڈیاں ساریاں پاپاں نوں اپنے اُتے چُک لیا ، ایس لئی اوہ سولی اُتے اپنا لہو وگا سکدا سی تاں پئی ساڈیاں پاپیاں دیاں ساریاں بدکاریاں نوں دھو سکے۔ ایس لئی پئی خُداوند نے اپنے بپتسمےنال ساڈیاں ساریاں پاپاں نوں موہڈا دتا سی ایس لئی اوہنے ساڈیاں ساریاں پاپاں دی سز اسولی چڑھن ، اپنا لہو وگاؤن ، تے سولی اُتے مر کے چُکی ۔ تے اوہنے ایس بھلیائی دے کم راہیں ساریاں لوکاں دی پاپ توں مکتی نوں پورا کردتا اے (رومیوں ۵:۱۸)۔جے ایہہ نا ہوندا جیہڑا یِسُوعؔ نے ساڈے لئی کیتا سی ، تاں اسی کدی نئیں بچ سکدے ساں ۔ اسمانی ایہہ وڈاکاہن جنہےپانی تے رُوح دی سچیائی نال ساڈیاں ساریاں پاپاں نوں کامل طریقے نال مکا کے سانوں پاک خُدا دا پُتر بنایا اوہ کوئی ہور نئیں سگوں یِسُوعؔ مسیح اے ۔
اسمانی رُوحانی وڈا کاہن باپ دے مکتی دے منصوبے بارے سارا کُجھ جان دا سی جیہڑا ساڈیاں پاپاں دی معافی لئی پہلوں توں تیار سی ۔ ایسے لئی خُداوند نے آکھیا ،’’مَیں الفاتےاومیگا۔ اَوّل واخیر۔شروع تےچھیکڑ آں۔‘‘(مکاشفہ ۲۲:۱۳)اَوّل واخیردے اپنے کامل علم نال ، خُداوند قربانی دے نظام وچ وکھا ئے گئے اپنیاں وعدیاں دے مطابق ساڈی مکتی نوں پورا کر چُکیا اے ۔ اوہنے ساڈے لئی ایہہ سوکھا بنایا اے پئی ساڈیاں پاپاں تے کمیاں دے سبب سانوں کدی جھِڑکاں نئیں پین تے فنا نا ہوئیے ۔ اسمانی وڈے کاہن نے ساڈے لئی کیہ کیتا اے — یعنی ، بپتسمہ لے کے ساریاں لوکاں دیاں پاپاں نوں چُک کے تے اپنا لہو وگا کے اوہناں نوں مکا دِتا ، ایس طرح اوہنے ساڈے لئی کامل مکتی پوری کر دِتی اے ۔ خُدا د ی سیانف ساریاں لوکاں نوں اوہناں دیاں توں مکتی دیندی اے ۔ ایہہ اسمانی، ارغوانی تےلال رنگ دے دھاگےتےمہین وٹے ہوئے کتان نال پوری ہوئی سی ۔ یِسُوعؔ مسیح وچ ، خُدا باپ نے اسمانی،ارغوانی تےلال رنگ دے دھاگے وچ لُکی ہوئی سچیائی نال پاپاں دی سدا دی معافی دا منصوبہ بنایا ،تے ایس سچیائی دیاں ساریاں ایمانداراں لئی ، اوہنے ایس کامل مکتی دی اجازت دِتی اے ۔
وڈے کاہن لئی افُود دا پٹکا
وڈے کاہن دے بانے وچ افُود لئی اِک پٹکا سی ۔ ایہہ پٹکا ، اِک کمر بنھ جیہڑا وڈا کاہن اپنے افُو د لئی پاؤندا سی ، سونے،اسمانی، ارغوانی تےلال رنگ دے دھاگےتےمہین وٹے ہوئے کتان نال بنیا ہویا سی ۔ اِک پٹکا عام طریقے نال ، ”زور“ نوں ظاہر کردا اے ۔ ایہہ سانوں دسدا اے ، دوجیاں اکھراں وچ، اوہ ایمان جیہڑا اسمانی، ارغوانی تےلال رنگ دے دھاگےتےمہین وٹے ہوئے کتان نال ملن والی مکتی اُتے ایمان رکھدا اے ، سانوں ساڈیاں ساریاں پاپاں توں بچاؤن دا زور رکھدا اے ۔ صرف پانی تے رُوح دی ایس سچی خوشخبری وچ خُدا دا زور اے جیہڑا ہر اوس بندے نوں بچاؤندا اے جیہڑا ایمان لیاؤندا اے۔ (رومیوں ۱:۱۶)۔ تے ایس طرح ، ایتھے اسمانی، ارغوانی تےلال رنگ دے دھاگےتےمہین وٹے ہوئے کتان توں علاوہ ظاہر ہون والی کسے وی دوجی نقلی خوشخبری اُتے یقین کرنا اِک نکما کم اے ۔
اوہ جیہڑے بوہت ساریاں کمیاں رکھدے نیں اوہ وی پانی تے رُوح دی ایس خُداوند دی دِتی ہوئی خوشخبری اُتے ایمان رکھ کے اپنیاں ساریاں پاپاں توں سارے دے سارے دُھل سکدے نیں ، ایس لئی پئی جگ دے سارے پاپ پاپاں دی معافی دی ایس سچیائی دے راہیں یِسُوعؔ مسیح اُتے لدے گئے سن جیہڑی خُدا ولوں پوری ہوئی سی (متی ۳:۱۵-۱۷؛ احبار ۱۶:۱-۲۲)۔سو ، جیہڑ ے لوک ایہہ من دے نیں پئی یِسُوعؔ دے ایہہ راستباز کم جیہڑے اسمانی، ارغوانی تےلال رنگ دے دھاگے وچ ظاہر ہوئے نیں اوہناں نوں مکتی دے چُکے نیں اوہ تسلی پا سکدے نیں بھاویں اوہناں دے بدن دے ارادے دا زور بوہت ماڑا ہوئے ۔ جد اسی پانی تےرُوح دی خوشخبری وچ رہندے آں جیہڑا یِسُوعؔ مسیح اسمانی وڈا کاہن سانوں دے چُکیا اے ، تاں کیہڑی شےسانوں خُدا دی محبت توں وکھ کر سکدی اے ؟ خُدا دی مکتی اُتے ساڈا ایمان ساڈے ایمان نال کامل ہو گیا اے جیہڑا اسمانی، ارغوانی تےلال رنگ دے دھاگےتےمہین وٹے ہوئے کتان وچ ظاہر ہون والی سچیائی اُتے یقین رکھدا اے ۔
کاہناں لئی اپنی کہانت دیاں فرضاں نوں پورا کرن لئی ، اوہ کسے وی جھوٹھی خوشخبری نوں جر نئیں سکدے سن جیہڑی قربانی دے نظام پِچھے نئیں چلدی سی جیہڑا خیمۂ اِجتماع وچ صاف طریقے نال وکھا گیا سی ۔ اوہ لوک جیہڑے ایس طرح دیاں نقلی خوشخبریاں دی منادی کردے نیں ، بھاویں اوہ اپنے پیغام کِنے ای صاف طریقے نال دیندے ہون ،اوہ کسے دی کوئی مدد نئیں کر سکدے ایس لئی پئی اوہ خیمۂ اِجتماع وچ ظاہر ہون والی پانی تے رُوح دی خُدا دی سچی خوشخبری دی گواہی نئیں دیندے پئے ۔ ایس لئی اوہ صرف فریبی تے دیہاڑی لاؤن والے نیں ۔ جد یِسُوعؔ مسیح نوں اسمانی وڈے کاہن نوں ساڈے مکتی وانگر منن دی گل ہوندی اے ، تاں اسی ہتھاں دے رکھے جان تے لہو وگاؤن دے قربانی دے نظام نوں منن وچ ناکام نئیں ہو سکدے جیہڑا خیمۂ اِجتماع وچ ظاہر ہویا سی ۔ سانوں لازمی ایہہ سمجھنا چاہی دا اے پئی ایس جگ وچ بوہت ساریاں نقلی خوشخبریاں نیں ۔ ایہدے علاوہ ، ایس توں کوئی فرق نئیں پیندا پئی منادکیہڑا اے ، جے مناد پانی تے رُوح دی خوشخبری دی سچیائی دی منادی کرداپیا اے ، تاں سانوں ایہدیاں ساریاں تعلیماں نوں سُننا تے قبول کرنا چاہی دا اے ۔
افُود تے ایہدے پٹکے لئی ورتیاں جان والیاں پنج شیواں ساڈی اصل مکتی نوں ظاہر کردے نیں ۔ ایہہ اوہ شیواں سن جیہڑیاں قربانی دے چڑھاوے نوں ظاہر کردیاں سن جیہدے نال پاپیاں نوں پاپاں توں معافی اوس ویلے ملی جد ایہنوں پرانے عہد نامے وچ خُدا دے دتے ہوئے قربانی دے نظام دے بالکل مطابق چاھڑیا جاندا سی ۔ تے ایہہ خاص کر کے ہتھاں دے رکھے جان تے لہو وگاؤں اُتے ہیگا اے ۔ ایہہ شیواں اخیریں نویں عہد نامے وچ ، یِسُوعؔ دے بپتسمے تے اوہدے لہو وگاؤن نال ظاہر ہوئیاں ؛ یِسُوعؔ ایس طرح اوہناں لوکاں لئی جیہڑے ایمان لیاؤندے نیں پاپاں دی معافی دی مکتی لَے کے آیا ۔ جیہڑا وی پانی تے رُوح دی خوشخبری اُتے سچے دلوں ایمان رکھدا اے اوہ پاپاں دی معافی تے سدا دی زندگی پاؤندا اے ۔ ایہہ سچیائی اصل وچ نویں سریوں جمن والیاں ساریاں لوکاں نوں سُنائی گئی سی جنہاں نوں اَج دے وڈے کاہن دے کم دِتے گئے نیں۔
زمینی وڈے کاہن اپنیاں لوکاں دےپاپ قربانی دے پشُودے سر اُتے اپنے ہتھ رکھ کے لد دیندے ؛ ایہدے بعدوں اوہ ایہدا گل وڈھدے تے ایہدا لہو کڈھدے ، لہو نوں سرپوش اُتے تراؤنکدے ، تے ایس طرح خُدا دے اگے سچی خوشخبری دی راکھی کرن دے اپنے کہانت دیاں فرضاں نوں پورا کردے سن ۔ پر اسمانی وڈا کاہن اوہ اے جنہے جگ دیاں پاپاں نوں اپنے بدن اُتے لین لئی بپتسمہ لیا سی؛ اوہنے اپنے بدن نوں دے کے ، سولی اُتے اپنا لہو وگا کے ، تے دوجی واری مویاں وچوں جیوں کے اپنیاں لوکاں دیاں ساریاں پاپاں نوں کامل طریقے مکا دِتا اے ۔ اِنج کر کے ، اوہنے اپنیاں لوکاں نوں اوہناں دیاں پاپاں توں معافی پاؤن دے لائق بنایا اے تے خُدا دی لمی سوچ نوں ایہدے پورے ہون تیکر پوہنچایااے ۔ اَج ، ایہہ ہیگا اے جد یِسُوعؔ دے چیلے ایہہ خوشخبری ودھاؤندے نیں یِسُوعؔ مسیح نے ساریاں لوکاں دیاں ساریاں پاپاں نوں مکا دِتا اے تےاوہ کامیابی نال اپنے کہانت دے فرض پورے کردے پئے نیں ۔
اَج مسیحیت دیاں بوہت ساریاں مسئلیاں دا اِک سبب ایہہ ہیگا اے پئی ایس معاشرے وچ بوہت سارے رُوحانی فریبی نیں جیہڑے دعویٰ کردے نیں پئی اوہ پانی تے رُوح دی خوشخبری نوں نا جاندیاں ہویاں وی اپنے کہانت دیاں فرضاں نوں چنگے طریقے نال نبھاؤندے پئے نیں ۔ خُدا دے اگے سچا کاہن بنن دا طریقہ پانی تے رُوح دی خوشخبری اُتے ایمان رکھنا اے ۔ صرف اوہو ای لوک جیہڑے ایہہ ایمان رکھدے نیں خُدا اگے ٹھیک غلطیاں دیاں قربانیاں دے سکدے نیں تے دوجیاں لوکاں نال سچی محبت کردے نیں ۔ تہاڈے خیال وچ خُدا دی کلیسیا کاہدے لئی موجود اے ؟ مَیں تہانوں ایہہ آکھ سکدا ہاں پئی خُدا دی کلیسیاپانی تے رُوح دی خوشخبری پاپیاں تیکر ودھاؤن لئی ہیگی اے ۔ تے ایہہ ہیگا اےکویں خُدا دی خدمت کیتی جائے تے اوہناں ساریاں رُوحاں نال محبت کیتی جائے جیہڑیاں اوہدی شبیہ اُتے بنائیاں گئیاں سن ۔
جگ وچ ہر کسے نوں لازمی پانی تےرُوح دی خوشخبری دا پتہ ہونا چاہی دا اے
سارے جگ وچ اَج دی مسیحیت نوں پانی تے رُوح دی خوشخبری نوں جاننا چاہی دا اے ۔ ساڈے خُداوند نے آکھیا،”تُسی زمِین دالُون اوہ . . . تُسی دُنیاداچانن اوہ(متی ۵:۱۳-۱۴)“اسی جیہڑے پانی تے رُوح دی خوشخبری اُتے ایمان رکھدے آں سچاچانن تے جگ دا رُوحانی لون آں ۔ اوہ لوک جیہڑے پانی تے رُوح دی خوشخبری نوں جان دے نیں تے ایس اُتے ایمان رکھدے نیں اوہ رُوحانی کاہن نیں جیہڑے لوکاں نوں فائدہ پوہنچاؤندے نیں تے اوہناں نوں اوہناں دیاں پاپاں دی معافی پاؤن دے لائق بناؤندے نیں ۔ پر ، دوجے پاسے ، اوہ کاہن جیہڑے پانی تے رُوح دی ایس خوشخبری نوں نا جاندیاں ہویاں وی اپنے کہانت دے فرض ادا کرن دا دعویٰ کردے نیں ، اوہ صرف دیہاڑی کماؤن والیاں توں بوہتے نئیں ہیگے ۔ جیہڑے لوک اپنے کہانت دےفرض صرف دیہاڑی کماؤن والیاں وانگر پورے کردے نیں اوہ لوکاں نوں صرف ناں دے مسیحی بناؤن دے لائق تاں ہو سکدے نیں ، پر اوہ اوہناں دیاں پاپاں توں دھونئیں سکدے جیہڑے اوہناں دیاں ساریاں پِچھے چلن والیاں وچ ہوندے نیں ۔
اصلی کاہن اوہ نیں جنہاں دیاں پاپاں دا فدیہ دِتا گیا اے ، اوہ جیہڑے پانی تے رُوح دی خوشخبری اُتے ایمان رکھ کے خُدا دے اگے بے پاپ کھلوتے نیں ۔ ایہہ اوہناں نوں اوہناں دے کہانت دے کم کرن تے اوہناں دے شریعی قربانی دے پشُو چڑھاؤن نال اے جیہڑے اوہدیاں لوکاں دیاں ساریاں پاپاں نوں صاف کردے نیں پئی خُدا ہر کسے نوں اوہناں دیاں ساریاں پاپاں توں دُھلن دے لائق بناؤندا اے ۔ ایہو جیہے کاہناں دے راہیں ای خُدا نے ساریاں لوکاں نوں ایس لائق بنایا اے پئی اوہ اپنی مکتی دیاں کماں نوں جان سکن ، ایہناں اُتے ایمان رکھن سکن ، تے ایس طرح اوہدے پاسے پرت کے راستباز زندگیاں گزار سکن ۔ کاہن اوہ نیں جنہاں دی ذمہ داری تے فرض ہیگا اے پئی ہر کسے نوں اسمانی، ارغوانی تےلال رنگ دے دھاگےدے بھیت بارے دسن تے ایس سچیائی نوں ودھا دین ۔ سو، رُوحانی کہانت اینی ای خاص اے جنی پئی پانی تے رُوح دی خوشخبری ۔
خُدا سانوں پانی تے رُوح دی خوشخبری دا کلام دے چُکیا اے تاں پئی اسی اپنی رُوحانی کہانت نوں سارے زور نال پورا کر سکیے ۔ سانوں اوہدا شکریہ ادا کرنا چاہی دا اے پئی سانوں ایہہ ایمان(سونے دا دھاگہ )دِتا جیہڑا اوس سچی خوشخبری اُتے ایمان رکھدا اے جیہڑی اسمانی، ارغوانی تےلال رنگ دے دھاگےتےمہین وٹے ہوئے کتان توں ظاہر ہوندی اے ۔ جداسی وڈے کاہن دے پائے جان والے بانے بارے پڑھدے آں ، تاں سانوں پتہ لگدا اے پئی لوکاں دے پاپ دی معافی کویں پوری ہوئی اے ۔ وڈے کاہن دے بانے ول نیڑے ہو کے دھیان کرن نال ، پانی تے رُوح دی خوشخبری بالکل صاف ہو جاندی اے ۔ ایہہ جھوٹھیاں لوکاں ولوں ودھائی جان والیاں نقلی خوشخبریاں دے راہیں نئیں ہیگا پئی خُدا نے ساریاں لوکاں نوں جگ دیاں پاپاں توں بچایا اے ۔ سگوں ، خُدا نے جگ نوں بناؤن توں پہلوں یِسُوعؔ مسیح وچ پاپ توں ساڈی مکتی دا منصوبہ بنایا ، تے اوہنے ایہہ منصوبہ بالکل بپتسمے تے یِسُوعؔ مسیح دے لہو وگاؤن دے راہیں پورا کیتا اے ۔
وڈیاں کاہناں دے بانے وچ ، کاریگری نال بنے ہوئے کُرتے تے کتان دے پاجامے سن ۔ اسی وی ہیٹھاں کپڑے پاؤندے آں ، پروڈے کاہن دے ایہہ بانے ایہناں ہیٹھاں پاؤن والیاں کپڑیاں توں فرق سن جیہڑے اسی پاؤندے آں ۔ وڈے کاہن دا کُرتا اِک لما بانا سی جیہڑا ہیٹھاں نوں گوڈیاں تیکرودھیا ہویا سی ۔ کیوں جو ایہہ مہین کتان دے دھاگے نال اُنیا گیا سی ، ایس لئی وَا اَزادی نال پھِر سکدی سی ۔جد کاہن سوختنی قربانیاں چڑھاؤندے سن تاں اوہناں نوں قربانی دیاں ٹوٹیاں نوں سوختنی قربانی دی قربان گاہ اُتے ساڑن لئی لیاؤنا پیندا سی ۔ایہہ قربان گاہ کُجھ اُچی رکھی گئی سی ، تے ایس لئی وڈے کاہن دےبدن دا ہیٹھلا حصہ اوس ویلے ظاہر ہوسکدا سی جد اوہ سوختنی قربانی دی قربان گاہ دے نیڑے آؤندے سن ۔ سو ، خُدا نے مُوسیٰ نوں حکم دتا پئی اوہ وڈے کاہن دے بدن دے ہیٹھلے حصے نوں چنگی طرح کجن لئی اِک کُرتا تے کتان دا پجاما بنائے کِدھرے اِنج نا ہوئے پئی او ہ بدکاری کر کے مرجائے ۔
وڈے کاہن دے بانے کِنے ودھیا نیں ؟ ایہدے سینے اُتے جیہڑا سینہ بنھ بنھیاہویا سی اوہ باراں مہنگیاں پتھراں نال لشکارے ماردا پیا سی جیہڑے ایس اُتے جڑے ہوئے سن تے دوآں موہڈیاں اُتے وی مہنگے پتھر سن۔ سینہ بنھ نوں ڈوری وانگر گُندیاں ہویاں کھرے سونے دیاں دو سنگلیاں نال موہڈیاں نال لایا گیا سی ، تے ایہنوں افُود دے پٹکے نال بنھیا گیا سی تاں پئی ایہہ افُود نال ڈِھلا نا ہوئے ۔ ایس لئی جد وڈاکاہن ٹُردا سی تاں ڈوری وانگر گُندیاں ہویاں کھرے سونے دیاں سنگلیاں اَگے پِچھے ہلدیاں سن تے چمکدیاں سن ۔ ایس توں علاوہ ، انصاف دے سینہ بنھ اُتے باراں مہنگے پتھر وی چمک پیندے ، دوآں موہڈیاں اُتے جڑے گئے وڈے مہنگے پتھر وی چمک پیندے ،تے متھا وی سونے دے پتّر نال سونے نال چمک جاندا سی جیہڑامہین کتان دی بنی ہوئی پگ اُتے لمکیا ہویا سی ۔
خیمۂ اِجتماع وچ صرف کِنا سونا سی ؟ ایہدے سارے تختے سونے نال مڑھے ہوئے سن ، تے سرپوش ، دِیوادان ، چڑھاوے دیاں روٹیاں دی میز تے پاک تھاں دے ایہو جیہے بوہت سارے بھانڈے سارے سونے دے بنے ہوئے سن ۔ خیمۂ اِجتماع بوہت ای ودھیا سی ۔ ایسے طرح ، جد اسی یِسُوعؔ مسیح دی بادشاہی وچ جاندے آں ، تاں اسی محسوس کر سکدے آں پئی ایہہ بادشاہی صرف کِنی ودھیا اے ۔ باہروں ویکھیے تاں خورے ایہہ خیمۂ اِجتماع ایناں متاثر کرن والا نا لگے ، پر جیہڑا وی ایہدے لئی ورتے جان والے سونے دی مقدار بارے جان دا اے ، اوہ جان دا اے پئی ایس سونے دا سارا تول اِک ٹن (اِک ہزار کلو گرام)توں بوہتا سی ۔ خیمۂ اِجتماع لئی ورتیا جان والا سارا سونا اُنتی قنطار تے ست سو تری مثقال سی (خروج ۳۸:۲۴) تے جد اسی اَج دی کاچھ مطابق ایہدا حساب لاواں گے تاں ایہہ اِک ٹن توں بوہتا یا ایہدے نیڑے ہوئے گا ، ایس لئی پئی اِک قنطار یا ککر(= ۳۰۰۰ مِثقال)دا تول۴۲کلو گرام سی ۔
کیہ تُسی حالے تیکر ایمان دے بانے نوں سونے ، اسمانی، ارغوانی تےلال رنگ دے دھاگے تےمہین وٹے ہوئے کتان نال بنایا اے ؟ایتھے سونے دے دھاگے دا مطلب ایمان اے ؛ اسمانی دھاگے دا مطلب بپتسمہ جیہڑا یِسُوعؔ نے لیا سی ؛ ارغوانی رنگ دے دھاگے دا مطلب یِسُوعؔ دا خُدا ہونا اے جیہڑا آپ خُدا اے ؛ لال رنگ دا دھاگہ سانوں دسدا اے پئی ایس لئی پئی یِسُوعؔ مسیح نے اپنے بپتسمے نال ساڈیاں ساریاں پاپاں نوں اپنے اُتے چُک لیا سی ، ایس لئی اوہنوں سولی اُتے اپنا مہنگا لہو وگاؤنا پیا ؛ تے مہین وٹیا ہویا کتان خُدادے کلام دی گل کردااے جیہڑا خُدادی راستبازی نوں ظاہر کردا اے ۔ ایسے طرح ، خیمۂ اِجتماع دے پھاٹک تے وڈے کاہن دے بانے لئی ورتے جان والے اسمانی، ارغوانی تےلال رنگ دے دھاگے سانوں دسدے نیں پئی خُدا نے ساڈے سارے پاپ مکا دِتے نیں ۔
جد اسی ایس سچیائی اُتے ایمان نال خُدا دے اگے آؤندے آں ، تاں اسی اپنیاں ساریاں پاپاں دی معافی پا سکدے آں
جد اسی خُدا دے اگے آؤندے آں ، تاں سانوں لازمی اوہ ایمان رکھنا چاہی دا اے جیہڑا مکتی دی سچیائی اُتے یقین رکھدا اے جیہڑی اسمانی، ارغوانی تےلال رنگ دے دھاگےتےمہین وٹے ہوئے کتان وچ بند اے جیہڑی پئی وڈے کاہن دے بانے وچ تے نال ای خیمۂ اِجتماع دے پھاٹک وچ ظاہر ہوندی اے ۔ جد وڈا کاہن فدیہ دیہاڑے دی قربانی چڑھاؤندا سی ، تاں اوہنوں قربانی دےپشُودے سِر اُتے اپنے ہتھ رکھنے پیندے سن تے فیر ایہدا لہو کڈھن لئی ایہدا گل وڈھنا پیندا سی ۔ ایس ہتھاں دے رکھے جان نال ، اوہدیاں ساریاں لوکاں دے پاپ ایس قربانی دےپشُواُتے لدے جاندے سن تے ایہدا لہووگاؤن نال ، اوہناں دے سارے پاپ معاف ہو جاندےسن ۔ جیہڑا کوئی ایہہ ایمان نئیں رکھدا اوہ خُدا کول نئیں جا سکدا ۔ ایس عقیدے بِنا خُدا اگے قربانیاں چڑھاؤن دی کوشش کرنا بالکل فضول اے ۔ قربانی دے نظام تے خیمۂ اِجتماع دے سامان ساریاں دا تعلق ایس ایمان نال اے جیہڑا پانی تے رُوح دی خوشخبری اُتے یقین رکھدا اے ۔ ایہہ خُدا ولوں بولے گئے کلام اُتے اوہدے ایمان دے سببوں سی پئی وڈا کاہن خُدا دے اگے آسکدا سی تے اپنیاں لوکاں لئی ایہناں دیاں ساریاں پاپاں نوں مکاؤن والیا ں قربانیاں چڑھا کے اپنے کہانت دیاں فرضاں نوں پورا کر سکدا سی ۔
تاں ، فیر ، ساڈا ایمان کیہو جیہا اے ؟ ایس موجودہ زمانے وچ ، تُسی تے مَیں جیہڑے ایسے سچیائی نوں جان دے آں تے ایس اُتے ایمان رکھدے آں تے ایمان نال خُدا دے اگے رہندے آں اوہ وی اوہدے شاہی کاہن نیں(۱- پطرس ۲:۹)۔ کیہ تہاڈاایمان اوہو ای ایمان اے جیہڑا پرانے عہد نامے وچ نازل کیتے ہوئے قربانی دے نظام اُتے یقین رکھدا اے ؟ سچا ایمان اوہ ایمان ہونا چاہی دا اے جیہڑا پرانے تے نویں عہد نامے دے راہیں آکھی گئی سچی خوشخبری اُتےیقین رکھدا ہوئے ۔ ایمان دیاں نظر آؤن والیاں شکلاں ویلے کویلے وکھ وکھ ہوسکدیاں نیں ، پر سچےایمان دا سامان لازمی اِکو ای ہونا چاہی دا اے ۔ وڈے کاہن جیہڑے خُدا ولوں منظور کیتے گئے نیں اوہو ای نیں جیہڑے قربانی دے نظام مطابق اپنیاں قربانیاں چڑھاؤندے نیں ۔
جد خُدا دا کلا م آکھدا اے پئی افُود ”کسے کاری گر اُستاد دے ہتھ دا کم ہوئے، “تاں ایہدا مطلب ہیگا اے پئی ایس اُتے مہین طریقے نال کشیدہ کاری کیتی گئی سی ۔ وڈے کاہن نوں اوہ افُود پاؤنا پیندا سی جیہڑا سارے دا سارا اُنیا ہویا سی ، جیہدے وچ پنج مخصوص دھاگیاں وچوں کوئی دھاگہ غائب نئیں سی ۔ ایسے طرح ، ایہہ ایمان نال ای اے جیہڑا اسمانی، ارغوانی تےلال رنگ دےدھاگے تےمہین وٹے ہوئے کتان اُتے سچا یقین رکھدا اے پئی جیہڑے لوک کاہن بن گئے نیں اوہ سب توں پہلوں پاکیزگی دا بانا پا سکدے نیں ، تے صرف فیر خُدا دے اگے حاضر ہو سکدے نیں، تے دوجیاں دیاں پاپاں دی معافی لئی قربانیاں چڑھا سکدے نیں ۔
فیر تہاڈا ایمان کیہو جیہا اے ؟ کیہ تُسی پانی تے رُوح دی خوشخبری نوں ٹھیک طریقے نال جان دے تے من دے او ؟ پرانے عہد نامے دیاں کاہناں دا ایمان جیہڑا سچیائی اُتے یقین رکھدا سی جیہڑی اسمانی، ارغوانی تےلال رنگ دے دھاگے تےمہین وٹے ہوئے کتان وچ ظاہر ہوند ی اے اوہو ای ایمان اے جیہڑا نویں عہدنامے دے زمانے دی پانی تے رُوح دی خوشخبری اُتے یقین رکھدا اے ۔ ایہہ ایمان مکتی دی اَزاد سچیائی اے جنہوں کوئی نئیں بدل سکدا ۔ ایس ایمان دے بِنا ،کوئی وی خُدا دے اگے نئیں آسکدا ، تے نا ای اوہدی پاک خوشخبری نوں ودھا سکدا اے ۔ اخیریں ، ایہدا مطلب ایہہ ہیگا اے پئی جیہڑے لوک ایس سچی خوش خبری دے راہیں اپنیاں پاپاں دی معافی پا نئیں چُکے اوہ دوجیاں لئی اپنے کہانت دے فرض نوں پورا نئیں کر سکدے ۔
اپنے ہوم پیج دے راہیں،اسی بوہت ساریاں دوجیاں مُلکاں دیاں خبراں سُند ے آں ۔ اسی سارے جگ دیاں سُن دے آں ،پیرو توں لے کے چین تیکر تے یوگنڈا توں لے کے ہالینڈ تیکر ، پئی لوک ساڈیاں مفت مسیحی کتاباں دے راہیں پاپ دی معافی پاؤندے پئے نیں ۔ پانی تےرُوح دی خوشخبری رکھن والیاں ایہناں کتاباں دے راہیں ، جنہاں لوکاں نوں ایتھوں تیکر پئی اسی حالے تیکر نئیں ملے اوہ اپنیاں پاپاں دی معافی پاؤندے پئے نیں ۔ جے ہر ملک وچ لوک پاپاں دی معافی پاؤندے نیں تے اوہ بدلے وچ ساڈے نال رَل کے کم کرن والیاں وانگر خوشخبری ودھاؤندے نیں ، تاں صرف کِنے وڈے کم مکمل ہون گے ؟ جے ساڈیاں مفت مسیحی کتاباں صرف ہر ملک وچ اپنا راہ بنا سکدیاں نیں ، تاں سارے جگ وچ بوہت سارے لوکاں لئی اصل وچ نویں سریوں جمنا بوہتا اوکھا نئیں ہوئے گا ۔ سارے جگ وچ بے گنت لوک ہُن ساڈیاں کتاباں پڑھ کے پاپاں دی معافی پاؤندے پئے نیں ۔ ایس لئی سانوں اپنیاں کہانت دیاں فرضاں نال وفادار رہنا چاہی دااے تے ایمان نال مکتی دی ایس سچیائی نوں ودھاؤنا چاہی دا اے جیہڑی خیمۂ اِجتماع دے نظام وچ ظاہر ہوندی اے ۔
سوہنے بیلی ایماندارو ، ایہہ اودوں ای اے جد تُسی بےپاپ تے پاک بن جاندے او پئی تُسی سچی خوشخبری جگ دیاں لوکاں تیکر ودھا سکدے او ، نا پئی پہلوں ۔ساڈے کاہن بنن لئی ، ساڈے کول اوہ ایمان ہونا چاہی دا اے تے ایہنوں ودھاؤنا چاہی دا اےجیہڑا ایہناں چونہہ سچیائیاں اُتے یقین رکھدا اے جیہڑیاں خیمۂ اِجتماع وچ ظاہر ہوندیاں نیں ۔ ساڈا خُداوند ، جیہڑا آپ سچا خُدا اے ۔ اسمانی، ارغوانی تےلال رنگ دے دھاگےنال ساڈیاں ساریاں پاپاں نوں معا ف کر چُکیا اے ۔ ایس زمین اُتے آکے ، بپتسمہ لے کے ، تے اپنا لہو وگا کے ساڈا خُداوند ساڈیاں ساریاں پاپاں نوں دھو چُکیا اے ، تے ساڈے بدلے ایہناں ساریاں پاپاں دی سزا جر کے ، اوہ ایمان رکھن والیاں نوں اوہناں دیاں ساریاں پاپاں توں بچا چُکیا اے ۔ کوئی وی جیہڑا پانی تےرُوح دی خوشخبری اُتے یقین رکھدا اے جیہڑی سانوں راستباز تے بےپاپ بناؤندی اے اوہ ایہہ پاک بانا پا سکدا اے ۔ جداسی ایہہ بانا پاؤندےآں ، خُدا دے اگے آؤندےآں ، اوہدے اگے دُعا کردے آں ، اوس توں مدد منگدے آں ،تے اوہدی خدمت کردے آں ، فیر اسی ایس خوشخبری نوں ودھا کے اپنے کہانت دیاں فرضاں نوں پورا کر سکدے آں ۔
کیہ تُسی پانی تے رُوح دی ایس خوشخبری اُتے ایمان رکھ کے حالے تیکر اپنیاں پاپاں دی معافی پائی اے ؟کیہ تہاڈیاں دلاں وچ ایس سونے دے دھاگے وانگر ایمان ہیگا اے ؟ صرف ساڈے لئی ایس خوشخبری دی سچیائی نوں جان لینا بوہت نئیں ہیگا ، سگوں سانوں ایس اُتے سچے دلوں ایمان وی رکھنا چاہی دا اے ۔ سانوں وڈے کاہن دے بانے تے خیمۂ اِجتماع دے پھاٹک لئی ورتے گئے چونہہ دھاگیاں وچ موجود ایہناں سچیائیاں وچوں کسے اِک نوں وی نئیں چھڈنا چاہی دا ؛ ایہناں وچوں ہرکسے نوں لازمی ساڈے ایمان وچ ہونا چاہی دا اے ۔ اَج کل نقلی ایماندار کون نیں ؟ جد کوئی شے رَلدی مِلدی نظرآؤندی اے پر نیڑے جا کے پرکھ کے ایہدا سامان بوہت فرق ہوندا اے تاں اسی ایہنوں نقلی آکھدے آں ۔ کیہ ایہہ اوہو ای نئیں اے جیہڑا جعلی خوشخبریاں بارے ہیگا اے ؟ جیہڑے لوک پانی تے رُوح دی خوشخبری اُتے ایمان نئیں رکھدے سگوں ایہدی بجائے کُجھ دوجیاں جعلی خوشخبریاں اُتے ایمان رکھدے نیں اوہ سارے صرف نقلی ایمان والے لوک نیں ۔
رُوحانی سپاہیاں وانگر اپنے ایمان دی راکھی کرو تے اپنی جنگ لڑو
تھوڑے چر لئی ، بوہت سارے جھوٹھیاں لکھاریاں نیں سچے لکھاری ہون دا فریب کیتا تے لوکاں نوں پیسیاں دا دھوکہ دیندے سن۔ ایہہ نقلی لکھاری جعلی سنداں لین والے سن تے اصلی لکھاری ہون دا فریب کرن وچ بوہت کاری گر سن، بوہت سارے لوک ایہناں دیاں فریبی چالاں وچ پھسے سن ۔ اَج ، اصل وچ بوہت سارے لوک نیں جیہڑے ہور جعلی خوشخبریاں ودھاؤندے پئے نیں جیہڑیاں اصل خوشخبری وانگر نیں ، پر سچ ایہہ ہیگا اے پئی ،اوہ اصل وچ پانی تے رُوح دی خوشخبری توں فرق نیں ۔ سو، کسے وی خوشخبری اُتے ایمان رکھن توں پہلوں ، سانوں ایہنوں پُنن چھانن نا ل پرکھنا چاہی دا اے پئی کیہ ایس وچ اسمانی، ارغوانی تےلال رنگ تےمہین وٹے ہوئے کتان دا اِک اِک دھاگہ ہیگا یا نئیں، تے کیہ اوہناں وچوں کسے نوں وی چھڈیا گیا اے یا نئیں ۔ خُدا نے مُوسیٰ نوں کسے اِک دھاگے نوں وی چھڈیوں بِنا ایہناں ساریاں نوں کسے کاری گر اُستاد دے ہتھوں اُنن دے راہیں وڈے کاہن دے بانے بناؤن دا حکم دِتا ؛ ایہدا مطلب ایہہ ہیگا اے پئی اَج دیاں کاہناں نوں جد ایہناں دے ایمان دی گل ہوندی اے ، تاں پانی تے رُوح دی خوش خبری وچوں کوئی وی شےنئیں چھڈنی چاہی دی ۔ جے اسی ایہہ ایمان نئیں رکھدے پئی خُدا نے ساڈی مکتی نوں ایہناں چونہہ دھاگیاں —اسمانی، ارغوانی تےلال رنگ دے دھاگے تےمہین وٹے ہوئے کتان— دے نال پورا کیتا اے ، تاں فیر اسی خُدا نوں منظور نئیں ہو سکدے ۔
اسی ایہہ کویں پچھان سکدے آں پئی کیہ کسے دا ایمان نقلی اے یا نئیں ؟ جد اسی وڈے کاہن دے پائے ہوئے بانے دیاں رنگاں نوں ویکھدے آں ، تاں اسی سمجھ سکدے آں پئی اَج صرف پانی تے رُوح دی خوشخبری اُتے ایمان رکھن والیاں دا ایمان کامل اے ۔ جے کوئی ایہناں لوکاں وانگر سچی خوشخبری اُتے ایمان رکھدا اے ، تاں تُسی ایس بندے نوں کسے ایہو جیہے بندے وانگر سمجھ سکدے او جیہڑا اپنیاں پاپاں توں سارے دا سارا معا ف ہو گیا اے ۔ بوہت سارے لوک جیہڑے سوچدے نیں پئی اوہناں دا ایمان کامل اے ، ایتھوں تیکر پئی اوہ اسمانی دھاگے دی سچیائی ، یِسُوعؔ دے بپتسمے اُتے ایمان نئیں رکھدے تے صرف سولی دے لہو اُتے ایما ن رکھدے نیں ۔ ایہو جیہے لوک اوہ نئیں ہیگے جیہڑے کامل خوشخبری اُتے ایمان رکھدے نیں ۔ ایس لئی پئی ایہہ لوک خُدا دے اگے سچی خوشخبری نئیں جان دے ، اوہ پاپاں دی رُوحانی معافی دے بارے منادی نئیں کر سکدے ۔
سوہنے بیلی ایماندارو، تہانوں لازمی اوہناں لوکاں دے ایمان نوں پچھانن دے لائق ہونا چاہی دا اے جیہڑا جعلی خوشخبریاں اُتے یقین رکھدا اے تے اوہناں لوکاں دے ایمان نوں جیہڑا سچی خوشخبری اُتے یقین رکھدا اے ۔ ایس زمین اُتے بوہت سارے کاہن نیں جیہڑے ایس طرح دیاں جعلی خوشخبریاں اُتے ایمان رکھدے نیں ۔ پرانے عہد نامے وچ ، وڈے کاہن دے بانے پنج شیواں نال بنائے گئے سن، تے ایہو ای ایمان رکھن نال اسی پاپاں دی معافی پا چُکے آں ۔ ایہو ای سبب ہیگا اے پئی اسی شیطان دے خلاف اپنی رُوحانی جنگ لڑدے پئے آں ۔
پَولُس رسول اِس مسئلے نُوں افسیوں دی کتاب وچ دسدا اے ۔ آؤاسی افسیوں ۶: ۱۰-۱۸ کی طرف رجوع کرتے ہیں: ”باقی خُداوندتے اوہدی بڑی قُوت دی طاقت وِچ تگڑےرہو۔خُداونددے سارے ہتھیارلا لوؤ۔پئی تُسی اِبلِیس دیاں چالاکیاں اَگے کھلون جوگےہوؤ۔کیوں جواساں لہوتےجسم نال نئیں سگوں اساں حکوُمت تےاِختیاروالیاں تے ایس دُنیا دے ہنیرےدِیاں حاکماں تے شرارت دِیاں رُوحانی فَوجاں نال گھُلنا اے۔ جیہڑیاں اسمانی تھانواں وِچ نیں۔ایس واسطے تُسی خُدادےسارےہتّھیار بَنّھ لو۔تاں جوبھَیڑے دِن وِچ تُسی مُقابلہ کرن جوگے ہوؤ۔ تےسارے کماں نُوں مکاکےقیم رَیہہ سکو۔سو سچیائی دی پیٹی لّک بَنّھ کےتےراست بازی دا بکتر پاکے۔تے پیراں وِچ تسلّی دی خُوشخبری دی تیاری دی جُتی پا کے اوہناں ساریاں اُتے اِیمان دی سِپر لا کے کھلے رہو۔ جِہدے نال تُسی اوس شرِیردے بَلدے ہوئے تِیراں نُوں بُجھا سکو۔تےنجات دا خَودپاؤتےرُوح دی تلوار جیہڑی خُدا دا کلام اے ۔لے لوؤ۔تے ہر ویلےتےسبھنیں گلّیں رُوح وچ دُعاتے مِنّت کردے رہو۔ تے ایسےمطلب واسطےجاگدے رہو پئی تُسی سارےپا ک لوکاں لئی دُعا منگدے رہو۔“
پَولُس رسول سانوں’’خُداوندتے اوہدی بڑی قُوت دی طاقت وِچ تگڑے‘‘بنن تے’’ خُدا دے سارے ہتھیار بنھ‘‘ لین لئی آکھداپیااے تاں پئی’’شیطان دیاں منصُوبیاں دے مُقابلےوچ قیم رَہ ‘‘ سکیے۔خُدا دےایہہ سارے ہتھیار کیہ نیں؟ایہہ خُدا دا کلام اے۔ پَولُس سانوں دسداپیا اے، دوجیاں اکھراں وچ، خُدا دے کلام اُتے ایمان رکھ کے، ایہنوں پا کےتے اِس اُتے قیم رہ کے ایہناں جعلی عقیدیاں دے خلاف لڑیے ۔ ایسے لئی اوہ آ کھدا اے، ” کیوں جواساں لہوتےجسم نال نئیں سگوں اساں حکوُمت تےاِختیاروالیاں تے ایس دُنیا دے ہنیرےدِیاں حاکماں تے شرارت دِیاں رُوحانی فَوجاں نال گھُلنا اے۔ جیہڑیاں اسمانی تھانواں وِچ نیں۔“اوہ سانوں ایس زمانےدیاں حکمراناں دے خلاف،تے شیطان دیاں بد رُوحوں دے خلاف لڑن دی نصیحت کرداپیا اے، اوہناں لوکاں دے خلاف جیہڑے ایس دُنیا ول نیں۔
پَولُس سانوں دسداپیا اے، ” خُداونددے سارے ہتھیارلا لوؤ۔پئی تُسی اِبلِیس دیاں چالاکیاں اَگے کھلون جوگےہوؤ۔کیوں جواساں لہوتےجسم نال نئیں سگوں اساں حکوُمت تےاِختیاروالیاں تے ایس دُنیا دے ہنیرےدِیاں حاکماں تے شرارت دِیاں رُوحانی فَوجاں نال گھُلنا اے۔ جیہڑیاں اسمانی تھانواں وِچ نیں۔ایس واسطے تُسی خُدادےسارےہتّھیار بَنّھ لو۔تاں جوبھَیڑے دِن وِچ تُسی مُقابلہ کرن جوگے ہوؤ۔ تےسارے کماں نُوں مکاکےقیم رَیہہ سکو۔سو سچیائی دی پیٹی لّک بَنّھ کےتےراست بازی دا بکتر پاکے۔تے پیراں وِچ تسلّی دی خُوشخبری دی تیاری دی جُتی پا کے اوہناں ساریاں اُتے اِیمان دی سِپر لا کے کھلے رہو۔ جِہدے نال تُسی اوس شرِیردے بَلدے ہوئے تِیراں نُوں بُجھا سکو۔تےنجات دا خَودپاؤتےرُوح دی تلوار جیہڑی خُدا دا کلام اے ۔لے لوؤ۔ “پَولُس سانوں ایہہ دسدا اے پئی تاں پئی اسی ایہہ سارا کُجھ کر کے خُدا دے اگے کھلوئیے ۔ایس لئی پئی اسی خُدا دے اگے پانی تے رُوح دی خوشخبری اُتے ایمان رکھدے آں ، اسی پاپاں دی معافی پا سکدے آں تے اوہدے نال سدا دی زندگی دا سواد لین لئی خُدا دے اگے کھلوندے آں ۔
اسی سارے اپنے بدن وچ ماڑے آں ۔ ایس لئی سانوں لازمی ایمان نال لک بنھنا چاہی دا اے ۔ سانوں راستبازی دا سینہ بنھ بنھن دا آکھ کے ، پَولُس سانوں دسدا پیا اے پئی سانوں لازمی ایس خوشخبری اُتے سچے دلوں ایمان رکھنا چاہی دا اے ۔ جویں پئی وڈے کاہن نے اپنے سینے اُتے سینہ بنھ اُتے باراں مہنگے پتھر جڑے ہوئے سن تے ہر پتھر اُتے اسرائیل دیاں باراں قبیلیاں وچوں ہر قبیلے داناں چھاپیا سی ۔ اوہ آکھدا پیا اے پئی سانوں اپنیاں دلاں وچ ساریاں لوکاں نال ملنا چاہی دا تے اوہناں نوں مسیح ول لے جانا چاہی دا اے ۔ ایہہ پئی وڈے کاہن نے ایہناں باراں مہنگیاں پتھراں نوں جیہڑے سینے اُتے لگے ہوئے سن تے اپنے سینے اُتے چُکے ہوئے سن ایہدا مطلب ایہہ ہیگا اے پئی ایہنے ساریاں اسرائیلیاں نوں اپنے دل وچ لیا ہویا سی ۔
جویں پئی پَولُس رسول نے ایتھے آکھیا ، ” سچیائی دی پیٹی لّک بَنّھ کے، “سانوں یقین رکھ کے تے فیصلہ کر کے ایہو جیہا ایمان رکھنا چاہی دا اے جیہڑااسمانی، ارغوانی تےلال رنگ دے دھاگےتےمہین وٹے ہوئے کتان اُتے یقین رکھدا ہوئے ۔ جد اسی اپنیاں کمیاں توں نئیں ڈردے سگوں اپنیاں دلاں وچ اسمانی، ارغوانی تےلال رنگ دے دھاگے اُتے اپنے ایمان نوں پھڑی رکھدے آں ، فیر ساڈے دل تگڑے ہوندے نیں ۔ ایسے ایما ن نال ای اسی اپنے پکے ایمان اُتے ڈٹ کے قیم رہ سکدے آں ۔ سو سانوں راستبازی دا بکتر لاؤنا چاہی دا تے اپنیاں ذہناں تے دلاں وچ وی ایس اُتے ایمان رکھنا چاہی دا اے ۔ ساڈے لئی صرف ایس سچی خوشخبری نوں اپنیاں ذہناں وچ جان لینا بوہت نئیں ہیگا ، سگوں سانوں اپنیاں دلاں وچ وی ایس اُتے ایمان رکھنا چاہی دا اے ۔
فیر سانوں صُلح دی خُوشخبری دی تیاری نال خُوشخبری نوں ودھاؤن دیاں جُتیاں پاؤنیاں چاہی دیاں نیں ۔ پانی تے رُوح دی خوشخبری دے نال ، خُدا سانوں صُلح دے چُکیا اے ۔ خُدا نے سانوں پانی تے رُوح دی ایس خوشخبری اُتے ایمان رکھن لئی آکھیا اے جنہے سانوں سکون دِتا اے تے خُوشخبری دی خدمت کر
کے اپنیاں زندگیاں گزارئیے۔
خُدا نے سانوں ، ”ایمان دی سِپر “لاؤن تے ”شریر دیاں ساریاں بلدیاں ہویاں تیراں “ نوں بُجھاؤن لئی وی آکھیا اے ۔ پرانے زمانے وچ ، بلدے ہوئے تیر بوہتی واری جنگ وچ کم وچ لیائے جان والے انتخاب دا پہلاہتھیار ہوندے سن ۔ پَولُس سانوں دسدا پیا اے پئی شیطان ساڈے اُتے کس طرح وارکردا اے ۔ شیطان ساڈیاں کمیاں تے غلطیاں اُتے اپنے واردی نشاندہی کردا اے تے آکھدا اے ، ”تہاڈے خیال وچ تُسی کون او؟ تہاڈے خیال تے کم جیہڑے تہاڈیاں دلاں وچوں نکلدے نیں سارے گندے نیں ، تے فیر وی تُسی خُوشخبری ودھاؤن دی حمایت کردے او ؟ ایہہ کِنج دی بکواس اے ؟ کیہ تہانوں نئیں لگدا پئی تُسی بوہت اپنے آپ نوں پسند کرن والے او ؟ تُسی پہلوں اپنے آپ نوں سِدھا کیوں نئیں کر لیندے ؟“جے تُسی ایہناں بَلدیاں ہویاں تیراں وچ پھس جاندے او تے فیر ایہناں دے سببوں ایہہ آکھدیاں ہویاں آکھا من لیندے او ، ”تُسی ٹھیک آکھدے پئے او ،“تا ں تہانوں اپنے آپ توں پُچھنا چاہی دا اے ،”مَیں سچ مُچ کیہو جیہا کاہن آں جد مَیں اپنے آپ نوں ٹھیک طریقے نال سنبھالن دے لائق وی نئیں ہیگا ؟“جے اِنج ہوندا تاں تہاڈیاں رُوحاں مرجان گئیاں تے تُسی رُوحانی طریقے نال مُردہ ہو جاؤ گے ۔ ایہو ای سبب ہیگا اے پئی پَو لُس رسول نے سانوں دسیا ،”تے اوہناں ساریاں نال ایمان دی سِپر لا کے قیم رہوو۔“کیہ شے سانوں ایہناں بدنی خیالاں توں بچاؤندی اے جنہاں نوں شیطان ساڈیاں دلاں وچ پاؤن دی کوشش کردا اے تے سانوں ساڈیاں کمیاں وچ پھسا دیندا اے ؟ ایہہ پکا ایمان اے جیہڑا اسمانی، ارغوانی تےلال رنگ دے دھاگےتےمہین وٹے ہوئے کتان اُتے یقین رکھدا اے ۔ ایہہ ایمان دی سِپر اے ۔
جد بلدے ہوئے تیر ساڈے اُتے انھے وا ورسدے نیں ، تاں ساڈے خُداوند نے سانوں ایس ایمان نال ایہناں توں بچن لئی آکھیا اے : ”خُداوند نے مینوں اسمانی، ارغوانی تےلال رنگ دے دھاگے نال راستباز بنایا اے ۔ مَیں ایس اُتے سچے دلوں ایمان رکھدا ہاں ۔“ایہہ ایہو جیہے ایمان نال ای اے پئی اسی ایہناں بلدیاں ہویاں تیراں تےشیطان ولوں بنائے گئے ساریاں منصوبیاں تے واراں نوں ہرا سکدے آں ۔
کیہ تُسی ادھورے او ؟ تہاڈا بدن لازمی ادھورااے ۔ ایہنوں ویکھدے ہویاں ، تہانوں لازمی ساریاں شیواں نال ایس ایمان نال نِبڑنا چاہی دا اے جیہڑا خُدا دی لمی سوچ تے پانی تے رُوح دی خوشخبری اُتے یقین رکھدا اے ۔ پاپاں دی معافی پاؤن دے بعد ، پہلوں تاں تُسی ایمان دے راہیں نِکے نِکے مسئلیاں نال نِبڑ سکدے او ، پر بعد وچ ، ہور وی بوہت ساریاں مشکلاں جنہاں دا مقابلہ کسے ہور طریقے نال نئیں کیتاجا سکدا ، سگوں صرف ایمان نال ای کیتا جا سکدا اے تہاڈے بوہے نوں کھڑکاؤن گئیاں ۔شروع وچ تاں تہاڈیاں کمیاں صرف تھوڑیاں جیہاں نظر آسکدیاں نیں ، پر ویلا لنگھن دے نال نا ل ایہو جیہاں کمیاں ایس توں وی بوہتی حد تیکر تے کدِھرے بوہت دوٹوک طریقے نال ظاہر ہوندیاں رہن گئیاں ۔ اخیریں ، تُسی اینیاں کمیاں نال بھر جاؤ گے پئی اوہ تہانوں اپنے آپ توں پِچھاں ہٹن بارے مجبور کر دین گئیاں ۔
ایہہ ایس طرح دیاں حالاں وچ اے ، جد تہانوں شک تے شُبہے ہون لگدے نیں پئی کیہ تہانوں سچ مُچ اپنیاں پاپاں دی معافی مل گئی اے یا نئیں ، پئی شیطان تہاڈے خلاف اپنے ڈاہڈے وار شروع کر دیندا اے ۔ اپنے ایمان نال ، سو، تہانوں اپنیاں کمیاں دا وی خیال رکھن دے لائق ہونا چاہی دا اے ۔ دوجیاں اکھراں وچ ، تہانوں اپنے آپ نوں ایہو جیہے بدنی خیال رکھن توں روکنا چاہی دا اے جیہڑے تہاڈیاں کمیاں دے سبب تہانوں آپ اپنی بربادی ول لے جان ۔ ایمان دی سِپر نال ، تہانوں شیطان دیاں واراں نوں ہراؤنا چاہی دا اے تے رولاپاؤنا چاہی دا اے ، ”اَے شیطان میرے اگوں نس جا جویں پئی رومیوں ۱:۱۷ آکھدا اے ، ’ راست باز اِیمان توں جِیوے گا،‘ مَیں ہُن وی خُدا دی راستبازی اُتے اپنے ایمان نال راستبازہاں بھاویں میرے وچ بوہت ساریاں کمیاں نیں۔ “راستبازنوں لازمی ایمان نال جینا چاہی دا اے ۔
کیہ ساڈے کول کوئی ایہو جیہی شے ہیگی اے جیہڑی ایس جگ وچ اپنے آپ اُتے فخر کر سکے ؟ جگ دے مطلب وچ ساڈے کول فخر کرن لئی کُجھ نئیں ہیگا ، پر اسی فیر وی ایس جگ دیاں لوکاں اگے اعتماد نال گل کر سکدے آں ۔ ہوسکدا اے پئی جگ دے لوک تہانوں آکھن ،”جے تُسی راستبازاو تاں مَیں وی راستبازہاں ۔ “فیر تہانوں اوہناں نوں جواب دینا چاہی دا اے ، ”سنو، جے تُسی راستباز او تاں مَیں ساریاں راستبازاں دی ماں ہاں۔“بوہت سارے لوک ایہو جیہے نیں جیہڑے بے سمجھ نیں تے ساڈیاں کمیاں نوں گھسیٹ کے ساڈے اُتے وار کرد ے نیں ۔ ”تُسی چنگے تعلیم پاؤن والے نئیں ہیگے ۔ تُسی ایہہ نئیں کر سکدے ،تے تُسی ایہہ وی نئیں کر سکدے۔“ایتھوں تیکر پئی جے اوہ ساڈے اُتے ایس طرح وار کردے نیں ، تاں ساڈے لئی فکرمند ہون دا بالکل کوئی سبب نئیں ہیگا ۔ تُسی جواب دے سکدے او ، ”تُسی ٹھیک آکھدے او ۔ مَیں ایس وچ ایناں چنگا نئیں ہیگا ۔پر ایہدے باوجود ، مَیں ایس سچی خوشخبری اُتے ایمان رکھدا ہاں ۔ کیہ تہانوں پتہ اے پئی ایہہ خوشخبری کیہ اے ؟کیہ تہانوں پتہ اے پئی اسمانی دھاگہ کیہ اے؟ ارغوانی رنگ دا دھاگہ کیہ اے ؟ لال رنگ داد ھاگہ کیہ اے؟مہین وٹیا ہویا کتان کیہ اے؟ اصل لکھائی اُتے دھیان کرو۔ایس توں پہلوں پئی تُسی ایہناں دے مطلب لبھ سکو خورے تہانوں بوہت لما چر لگے گا ۔ نئیں ، اصل وچ ، تُسی خوش نصیب ہوووگے جے تُسی اِک ورہے دے بعدوں وی ایہدے بھیت نوں سمجھ سکو۔ ایس توں پہلوں پئی تُسی ایہناں دا احساس کرنا شروع کرو خورے تہانوں ۵۰۰ نسلاں لگن گئیاں ۔ کیہ تہانوں پتہ اے پئی سونے دا دھاگہ کیہ اے ؟ ٹھیک اے ، تہاڈے اُلٹ،مَیں ایہناں ساریاں شیواں نوں جان دا ہاں تے ایہناں اُتے ایمان رکھدا ہاں ۔ “تہانوں اپنے ایمان نال شیطان دیاں ساریاں واراں نوں بہادر بن کے روکنا چاہی دا اے ۔ تہانوں لازمی پکا ایمان رکھنا چاہی دا اے ، تے ایس ایمان نال تہانوں اوہنوں ڈھاؤنا چاہی دا اے ۔
”بھاویں مَیں ادھورا ہاں ، مَیں فیر وی خُدا دی خوشخبری دی خدمت کردا ہاں ۔ پانی تے رُوح دی خوشخبری دی خدمت کرنا خُدا دی خدمت اے ۔ بھاویں میرے وچ کمیاں نیں ، مَیں فیر وی خُدا دی بادشاہی وچ بادشاہ ہاں ۔ مَیں اِک شاہی کاہن آں جیہڑا بادشاہ وانگر اے ۔ جے مَیں خوشخبری نئیں ودھاؤندا تاں فیر تُسی سارے دوزخ وچ جاؤگے۔“ بھراؤتے بھینو، تہاڈا ساریاں دا ایہو جیہا دلیر ایمان ہونا چاہی دا اے ۔ ایہہ ایمان ایہو جیہی شے نئیں ہیگا جنہوں تُسی زور نال حاصل کر سکدے او ، سگوں ایہہ اوہ شے اے جیہڑی خُدا نے سانوں دتی اے ، تے ایس لئی سارا جو تُسی کرنا اے صرف ایمان دے راہیں ایہنوں حاصل کرنا اے ۔ کیہ تُسی ایہہ ایمان ایمان نال حاصل کیتا اے ؟
افسیوں ۶: ۱۷ وچ پَولُس سانوں ” تےنجات دا خَود “ لین دی نصیحت کردا اے ۔ تہانوں پتہ اے پئی مکتی دا خَود کیہ اے ، ٹھیک اے ؟ قرون وسطی دیاں سورمیاں نوں یاد کرو ؟ اوہ دھات دے بنے خَودپاؤندے سن تے گھوڑے دی کنڈ اُتے بہہ کے لمیاں نیزیاں نال اِک دوجے دا مقابلہ کردے سن۔ جد اوہ ایہہ خَود پاؤندے سن جیہڑےاوہناں دیاں چہریاں نوں کجدے سن ، تاں اوہناں دے پھٹ کدی کدائیں ای اینے خراب ہوندے سن پئی اوہ ایہناں نال مر سکدے جد تیکر پئی نیزااوہناں دیاں اکھاں وچ ناکھبویا جاندا ۔ جیہڑی شے نے ایس طرح دیاں نیزیاں دیاں واراں نوں روکیا تے اوہناں دی راکھی کیتی اوہ خاص طریقے نال بنائے گئے خَود سن ۔ ایسے طرح مکتی دا خَود وی اِنج ای کم کردا اے ۔
ایسے طرح ، ساڈیاں ذہناں وچ وی ، سچیائی دا ساڈا علم کامل ہونا چاہی دا اے ۔ خوشخبری دی سچیائی
نوں ساڈے علم وچ وی عقلی طریقے نال چنگی طرح ترتیب ہونا چاہی دا اے ۔ ”کیہ ایہہ سچ اے یا نئیں ؟ کیہ ایہہ ٹھیک اے یا غلط؟“—ایسے طرح دی اپنی بے یقینی صورتِ حال وچ اُلجھن دی بجائے ، سانوں اپنی سمجھ نوں اپنیاں ذہناں وچ صاف طریقے نال حل کرنا چاہی دا اے : خُداوند مینوں اسمانی، ارغوانی تےلال رنگ دے دھاگے نال بالکل راستباز بنا چُکیا اے ۔مَیں ایس گل اُتے ایمان رکھدا ہاں ۔“صرف ایس صورت وچ جد اسی ایہہ کراں گے تاں کوئی تریڑ نئیں رہے گی جیہدے راہیں شیطان اندر جان دی کوشش کر سکے ۔ ایہہ اپنے آپ نوں مکتی دا خَود پواؤنا اے ۔ سانوں لازمی سچیائی دے ٹھیک علم نال ایمان رکھنا چاہی دا اے ۔
تے پَولُس نے سانوں رُوح دی تلوار رکھن لئی وی آکھیا ۔ رُوح دی ایہہ تلوار خُدا دا کلام اے ، تےایس لئی جد اسی کلام نوں سِکھدے،جان دے تے ایس اُتے ایمان رکھدے آں ، تاں ایہہ اِک وڈا ہتھیار رکھن دے برابر اے ۔ شیطان دوجیاں لوکاں دے راہیں ،پیسیاں دے راہیں ، مخالف جنس دے راہیں، تے تہاڈیاں کمیاں دے راہیں وی چالاکی نال وار کردا اے ، پر اسی خُدا دے کلام اُتے اپنے ایمان نال ایہناں ساریاں نوں ہرا سکدے آں ۔
افسیوں دی کتاب وچ ، وڈے کاہن دے بانے نال ایس مشابہت نوں ورتدیاں ہویاں ، پَولُس رسول سانوں ایس طرح وضاحت کردا اے پئی کھراایمان کیہ ہے: ”راست بازی دا بکتر پاکے “او ہ دوجیاں اکھراں وچ سانوں آکھدا پیا اے پئی سچیائی دا بکترپا لووو پئی خُدا نے سانوں راستباز بنایا اے ۔ پَولُس نے سانوں ایہہ وی آکھیا پئی ”مکتی دا خَود تے رُوح د ی تلوار لَے لئیے۔“ایس مثال نوں ورتدیاں ہویاں ، اوہ سانوں سچیائی دا کامل علم رکھن تے خُدا دے کلام اُتے ایمان رکھدیاں ہویاں شیطان نال لڑن ، اوہنو ں مارن تے ہراؤن لئی آکھدا پیا اے ۔ اوہ سانوں بِنا کسے جھاکے دے ایہناں ساریاں بھیڑیاں رکاوٹاں نوں مکاؤن دا آکھدا پیا اے جیہڑیاں ساڈے ایمان نوں پریشان کردیاں نیں ۔اوہ جیہڑے جعلی خوشخبریاں رکھدے نیں اوہ نیں جیہڑے اپنیاں ساریاں پاپاں نوں دھو دین دا دعویٰ کردے نیں بھاویں اوہ صرف اِک حصے اُتے ایمان رکھدے نیں، یعنی، یِسُوعؔ دے سولی والے لہو اُتے تے خُدا پُتر وانگر اوہدیاں خُدائی صفتاں اُتے ۔ جیہڑی شے نوں سانوں لازمی رَدّ کرنا چاہی دا اے تے اِک پاسے رکھنا چاہی دا اے اوہ بالکل ایہو ای جھوٹھا ایمان اے ۔
اوہ ایمان جیہڑا یِسُوعؔ اُتے اوہدے اسمانی دھاگے دی خدمت توں بِنا ایمان رکھدا اے اِس طرح
اے جویں وڈا کاہن جعلی بانا پائے ہوئے اے ۔ فیر وی ایس جگ وچ ایہو جیہے بوہت سارے جھوٹھے مسیحی نیں جیہڑے اپنے ایمان توں اسمانی دھاگے نوں چھڈ دیندے نیں پئی اسی اوہناں ساریاں نوں گِن وی نئیں سکدے ۔ پر ، اسی پانی تے رُوح دی خوشخبری نوں اپنیاں کتاباں وچ پاؤندے آں تے ایس خوشخبری دی گواہی دیندے آں جیہڑی اسمانی، ارغوانی تےلال رنگ دے دھاگےتےمہین وٹے ہوئے کتان توں آئی اے ، اوہ خوشخبری جیہدے اُتے اسی ایمان رکھدے آں ۔ ایس توں ہٹ کے پئی لوک ایس اُتے ایمان رکھن یا نا رکھن ، ایہہ اوہناں نوں گھٹوگھٹ ایس سچیائی نوں پڑھن ، جانن تے ایس اُتے ایمان رکھن دا ویلا دینا اے پئی اسی اپنیاں کتاباں نوں خُدا دے بالکل کلام دے مطابق بناؤندے آں ۔ اوہ لوک جیہڑے صرف ایس گل اُتے ایمان رکھدے نیں پئی یِسُوعؔ خُدا اے تے اوہنے سولی اُتے اپنا لہو وگا کے اوہناں دیاں پاپاں نوں دھو دِتا اے اوہ دوجیاں نوں تے ایتھوں تیکر پئی اپنے آپ نوں وی دھوکہ دے کے اپنے ایمان دی نِیہ اپنیاں جذبیاں اُتے رکھن وچ پھسے ہوئے نیں ۔ پر اسی جیہڑے سچائی اُتے ایمان رکھدے آں جان دے ، یقین کردے تے منادی کردے آں پئی ایہہ بپتسمہ لین تے سولی اُتے مرن تیکر لہو وگاؤن نال اے پئی یِسُوعؔ ، جیہڑا آپ خُدا اے ، نے سانوں کامل طریقے نال بچایا اے ۔
کیہ ہُن تُسی ایمان رکھدے او پئی وڈے کاہن دے بانے سونے ،اسمانی، ارغوانی تےلال رنگ دے دھاگے تےمہین وٹے ہوئے کتان نال بنے ہوئے سن؟ اوہ جیہڑے کامل طریقے نال پاکیزگی دے کپڑے پا چُکے نیں اوہو ای نیں جیہڑے ایہناں پنجاں دھاگیاں نال بنے ہوئے بانے نوں پاؤندے پئے نیں ۔ اوہ لوک جیہڑے اپنیاں دلاں وچ پاپ دی معافی اُتے ایمان رکھدے نیں جیہڑی سونے،اسمانی، ارغوانی تےلال رنگ دے دھاگےتےمہین وٹے ہوئے کتان نال آئی اے ، اوہ ایمان دے سچے لوک تے رُوحانی کاہن نیں جیہڑے ایمان رکھدے نیں پئی اوہ سچ مُچ اپنیاں ساریاں پاپاں توں مکتی پا چُکے نیں ۔
کُجھ ایہو جیہا اے جیہڑے ہُن رُوحانی کاہن بن گئے نیں اوہ کدی نئیں بھُل سکدے ۔ ایہہ اسمانی، ارغوانی تےلال رنگ دے دھاگےتےمہین وٹے ہوئے کتان دےبھیت نیں ، جیہڑے سچی خوشخبری دا پرچھاواں نیں ۔ ایہہ ایہناں پنجاں عقیدیاں نال اے پئی اسی پاپ دی معافی دے پاک بانے بناؤندے آں ، اوہناں نوں ایمان نال پاؤندے آں ، تے خُدا دے اگے حاضر ہوندے آں ۔ ایہہ ساڈے سچے ایمان دی گل کردا اے ۔ ساڈے ایمان لئی جیہڑےایس سچیائی اُتے یقین رکھدے آں ، خُدا نے ساڈیاں دلاں نوں پاک بنایا اے ، جوں پئی اوہنے پرانے عہد نامے دے وڈے کاہن لئی کیتا سی ۔ ایس سچیائی اُتے ایمان رکھن نال ، اسی سارے خُدا دے اگے کاہن بن گئے آں ۔ اسی شاہی کاہن آں جیہڑے خُدا دی خدمت کردے نیں ۔
بھراؤ تے بھینو، مَیں تہاڈی منت کردا ہاں پئی اوہ ایمان رکھو جیہڑا ایس سچیائی اُتے یقین رکھدا اے ، تے ایس ایمان نال شیطان دے خلاف لڑو تے کہانت دیاں کماں نوں پورا کرو۔ تے اِنج کرن وچ ، مَیں آس رکھدا ہاں تے دُعا کردا ہاں پئی تُسی سارے اپنے کہانت دیاں کماں نوں سدا وفاداری نال پورا کروگے ۔ مَیں ایہہ ایس لئی آکھدا ہاں پئی تاں پئی جے تُسی ایہہ اسمانی، ارغوانی تےلال رنگ دے دھاگےتےمہین وٹے ہوئے کتان دی خوشخبری اُتے ایمان رکھنا چھڈ دیووگے تاں تہاڈی کہانت تہاڈے توں کھوہ لئی جائے گی ۔ مَیں دُعا کردا ہاں پئی تُسی سارے ایتھوں تیکر پئی ہوروی بوہتے وفادار کاہن بنا جاؤ جیہڑے سچی خوشخبری اُتے تہاڈے پکے ایمان نال خُدا نوں خوش کرن ۔ ایہہ میری تمنا اے پئی تُسی سارے سچی خوشخبری اُتے اخیر تیکر ایمان رکھو گے، تاں پئی تُسی سدا دی زندگی دی خوشخبری توں پِچھے نا رہوو، اپنے ایمان دی راکھی کرو ، تے سدا لئی اپنے کہانت دیاں کماں نوں پورا کرو ۔
Copyright © 2021 by The New Life Mission