کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
مضمون 3: پانی تے رُوح دی خوشخبری
[3-3] یسوُع مسیِح پانی ،خون ،تے رُوح دے راہیں آیا <١۔یوحنا٥:١۔١۲>
<١۔یوحنا٥:١۔١۲>
”جیہداا یہہ ایمان اے پئی یسوُع ای مسیِح اے ۔اوہ خُداتوں پیدا ہویااے تے جیہڑا وی پیو نال محبت رکھدا اے اوہ اوہدی اولاد نال وی محبت رکھدا اے۔ جدوں اَسیں خُدانال محبت رکھدے آں تے اوہدے حکماں اُتے عمل کردے آں تے ایہدے توں پتہ لگ جاندا اے پئی خُدادےپُتراں نال وی محبت رکھدے آں۔ تے خُدادی محبت ایہہ ہے پئی اَسیں اوہدے حکماں اُتے عمل کریےتےاوہدے حکم سخت نئیں ۔جیہڑا وی خُداتوں پیدا ہویا اے اوہ دُنیا اُتے غالب آؤندااے تے اوہ غلبہ جیہدے نال دُنیا مغلوب ہوئی اے ساڈا ایمان اے ۔دُنیا نُوں مغلوب کرن والا کون اےسوااوس شخص دے جیہداایہہ ایمان ہے پئی یسوُع خُداداپُتراے۔ایہو ای اے جیہڑا پانی تے خون دے راہیں آیاسی یعنی یسوُع مسیِح ۔اوہ ناں صرف پانی دے راہیں سگوں پانی تے خون دونواں دے راہیں آیا سی ۔ تے جیہڑا گواہی دیندااے اوہ رُوح اے کیوں جے رُوح سچیائی اے۔ تے گواہی دین والے تِن نیں۔ رُوح تے پانی تے خون تے ایہہ تِنوں اِکوای گل اُتے متفق نیں ۔جدوں اَسیں بندیاں دی گواہی قبول کرلیندے آں تے خُدادی گواہی ایس توں وَدھ کے ہے تے خُدا دی گواہی ایہہ ہے پئی اوہنے اَپنے پُتردے حق وِچ گواہی دِتی اے۔جیہڑا خُددےپُتراُتے ایمان رکھدااے اوہ اَپنےآپ وِچ گواہی رکھدااے ۔ جِنہے خدادایقین نئیں کیتا اوہنے اوہنوں جھوٹا ٹھہرایاکیوں جےاوہ اوس گواہی اُتے ایمان نئیں لیایا جیہڑی خُدانیں اَپنے پُتر دے حق وچ دِتی اے۔ تے اوہ گواہی ایہہ ہے پئی خُدانیں سانُوں ہمیشہ دی حیاتی بخشی تے ایہہ اوہدے پُتروِچ اے۔ جیہدے کول پُتر اے اوہدے کول حیاتی اے تے جیہدے کول خُداداپُتر نئیں اوہدے کول حیاتی وی نئیں۔“
یسوُع کِیہدے راہیں آیا؟
پانی ،خون تے رُوح دے راہیں
کیہ یسوُع پانی دے راہیں آیا ؟آہواوہ پانی دے راہیں آیا ۔اوہ اپنے بپتسمہ دے راہیں آیا ۔پانی یسوُع دا بپتسمہ اے جیہڑا اوہنے دریائے یردن اُ تے یوحنااصطباغی کولوں لیا۔ ایہہ مکتی دا بپتسمہ سی جیہدے سبب اوہنے ایس دُنیا دےسارے پاپ چُک لئے۔
کیہ یسوُع خون دے راہیں آیا؟ آہواوہ خون دے راہیں آیا ۔ اوہ اِنسانی جِسم وِچ آیاتے دُنیا دےسارے پاپ دُورکرن لئی اوہنوں بپتسمہ دِتا گیا فیر، صلیب اُتے خون وگان دے راہیں پاپ دی قیمت اَداکیتی گئی ۔یسوُع لہو دے راہیں آیا۔
کیہ یسوُع رُوح دے راہیں آیا؟ آہواوہ رُوح دے راہیں آیا ۔یسوُع خُداسی پراوہ رُوح دے طورتےبدن وِچ آیا تاں پئی پاپیاں دا مکتی داتا بن سکے ۔
بوہت سارے لوکاں داایہہ ایمان نئیں پئی یسوُع پانی ،خون تے رُوح دے راہیں آیا۔ صرف چند لوک ای ایہہ ایمان رکھدے نیں پئی یسوُع سچی مُچی بادشاہواں دا بادشاہ تے خُداونداں دا خُداوند اے۔بوہت سارے لوک حالےتیک ایس شک وِچ پئے نیں، ’ کیہ یسوُع سچ مُچ خُداداپُتر یاں آدم داپُتراے؟ ‘ تے بوہت سارے لوک ،جِنہاں وِچ اِلٰہی عِلم دے دَھنی تے خادم وی شامل نیں، یسوُع مسیِح اُتے مکتی داتا ،خُداتے کامل ہستی دے طورتےایمان رکھن دی بجائے صرف اِک اِنسان دےطورتےایمان رکھدے نیں ۔
پر خُدا نے فرمایا پئی جیہڑا وی ایمان رکھدا اےپئی یسوُع بادشاہواں دا بادشاہ،سچا خُدا تے سچامکتی داتا اے، اوہ اوس توں پیدا ہووےگا ۔جیہڑے خُدانال محبت رکھدے نیں اوہ یسوُع نال محبت رکھدے نیں تے جیہڑے سچی مُچی خدااُتے ایمان رکھدے نیں اوہ اوسے طرحاں یسوع اُتےوی ایمان رکھدے نیں ۔
لوک دُنیا اُتے غالب نئیں آسکدے جدوں تیکر اوہ نویں سِرے توں پیدا نئیں ہوندے ۔ ایسے طرحاں ،یوحنا رسُول نیں سانُوں دَسیا پئی صرف سچے مسیحی دُنیا اُتےغالب آسکدے نیں ۔ تے ایمانداراں دی دُنیا اُتے غالب آؤن دی وجہ ایہہ ہے پئی اوہ پانی ،خون تے رُوح اُتے ایمان رکھدے نیں ۔دُنیا اُتے غالب آؤن دی قدرت اِنسان دے اِرادہ ،کوشش، تے بڑی کھِچ پین نال پیدا نئیں ہوسکدی ۔
”جے میَں بندیاں تے فرشتیاں دیاں بولیاں بولاں تے محبت نہ رکھاں تے میَں ٹھنٹھناندا پِتل تے جھنجھناؤندی جھانجھ آں۔ تے جے مینوں نبُوّت ملے تے سارے بھیتاں تے کُل عِلم دی واقفیت ہووے تے میراایمان ایتھوں تیکرپکا ہووے پئی پہاڑاں نُوں ہٹادیواں تے محبت نہ رکھا ں تے میَں کُجھ وی نئیں۔ تےجےاَپناسارامال غریباں نُوں کھوا دیواں تے اپنا بدن جِلان واسطے دے دیواں پر محبت نہ رکھا ں تے مینوں کُجھ وی فائدہ نئیں۔“(۱۔کرنتھیوں۱۳:۱۔۳)
ایتھےدَسی گئی ’ محبت‘ دا مطلب ایہہ ہے پئی یسوع پانی ، خون تے رُوح دے راہیں آیا۔ کتابِ مقدّس وِچ لفظ ’ محبت‘ ہمیشہ ’حق دی محبت‘ نُوں بیان کردااے (۲۔تھسلنیکیوں ۲:١۰) سچے طورتے خدادی محبت اوہدے اِکو اِک پُتر دے راہیں ظاہر ہوئی سی (١۔یوحنا ۴:۹)۔
صرف اوہ جیہڑا پانی تے خون اُتے ایمان رکھدااے دُنیا اُتے غالب آسکدااے
کیہڑے لوک دُنیا اُتے غالب آسکدے نیں؟
اوہ جیہڑے یسوُع دے بپتسمہ ،اوہدے خون تے رُوح دی مکتی اُتے ایمان رکھدے نیں
۱۔یوحنا ٥: ٥۔۶وِچ لِکھیا اے ، ” دُنیا نُوں مغلوب کرن والا کون اے سوا اوس شخص دے جیہدا ایہہ ایمان اےپئی یسوُع خُدا داپُتراے؟ایہو ای اے جیہڑا پانی تے خون دے راہیں آیا سی یعنی یسوُع مسیِح ۔“
بیلی مسیِحیو،جیہڑا دُنیا تے ابلیس اُتے غالب آیاصرف سچا یسوُع مسیِح سی ۔ جیہڑے یسوُع دے پانی دے کلام ،خون تے اوہدی رُوح اُتے ایمان رکھدے نیں اوہو ای دُنیا اُتے غالب آسکدے نیں ۔ یسوُع کِویں دُنیا اُتے غالب آیا؟پانی ،خون تے رُوح دی مکتی دے سبب۔
بائبل مقدّس وِچ ، ’پانی‘ دا مطلب ’یسوُع دا بپتسمہ‘ اے۔ (١۔پطرس ٣:۲١) ۔یسوُع بدن وِچ ایس دُنیا دی خاطرآیا ۔ اوہ دُنیا دے پاپیاں نُوں بچان لئی آیا ۔اوہنوں بپتسمہ دِتا گیا تاں پئی اوہ دُنیا دے سارے پاپیاں دے پاپ اپنے اُتے لے لئے تے اوہناں دے پاپاں دے کفارہ دی خاطر صلیب اُتے مرجاوے۔
صلیب اُتے وگن والے خون ایس گل نُوں بیان کرداا ےپئی اوہ بدن وِچ ایس دُنیا وِچ اِنسان
دے طورتےآیا ۔اوہ اِنسانی بدن وِچ پاپی جِسم وانگر آیا؛تے اوہنوں پانی وِچ بپتسمہ دِتاگیا ۔ اِنج ،یسوُع دونویں پانی تے خون دے راہیں آیا ۔دُوجے لفظاں وِچ،اوہنے دونویں بپتسمہ دے پانی تے اپنی موت دے خون دے سبب دُنیا دے سارے پاپاں نُوں چُک لیا۔
اِبلیس نیں کِویں دُنیا اُتے حکمرانی کیتی ؟اِبلیس نیں اِنساناں دے اندر کلامِ خُدالئی شک پیدا کیتا تے نافرمانی دے بی ایہناں دے دِلاں وچ بودِتے۔اِبلیس اِنساناں نُوں خُدا دے کلام دی نافرمانی کرن لئی دھوکہ دین دے راہیں اوہناں نُوں اپنے تھلے خادم بنان دی کوشش کردااے۔
پر،یسوُع ایس دُنیا وِچ آیا تے اوہنے اپنے بپتسمہ دے پانی تے صلیب اُتے اپنا خون ڈوہلن دے راہیں دُنیا دےسارے پاپاں نُوں دُور کردِتا:اوہ ابلیس اُتے غالب آیا تے اوہنے دُنیا دے سارے پاپاں نُوں مٹادِتا۔
ایہہ ایس لئی ہویا کیوں جے یسوُع مسیِح پاپیاں دا مکتی داتا سی ۔اوہ پانی تے رُوح دے راہیں آیا،ایس لئی اوہ ساڈامکتی داتا بن گیا ۔
یسوُع نیں اپنے مکتی دے بپتسمہ دے راہیں دُنیا دے سارے پاپ چُک لئے
یسوع دے دُنیااُتے غالب آؤن دا کیہ مطلب اے؟
ایہدامطلب اے پئی اوہنے دُنیا دے سارے پاپ چُک لئے
کیوں جے یسوُع نُوں ایس لئی بپتسمہ دِتا گیا پئی اوہ دُنیا دے سارے پاپ چُک لئے تے جِسم وچ اِنسان دے طورتے مرن دے سبب سارے پاپ مٹادیوے ، ایس لئی اوہ ای سانُوں سارے پاپاں توں رہائی بخشن دی قدرت رکھداسی ۔ کیوں جے یوحنا اصطباغی نیں جیہڑا ، اِنسانی نسل دانمائندہ سی ، دریائے یردن وِچ یسوُع نُوں بپتسمہ دِتا، ایس لئی دُنیا دے سارے پاپ اوہدے اُتے لد دِتے گئے ۔ اوہنے اپنی جان صلیب اُتے پاپ دی قیمت دےطور تے قربان کردِتی ۔ اوہ مویا تے مُردیاں وِچوں جی اُٹھیاایس لئی اوہ ابلیس دی قوت اُتے غالب آیا ۔اوہنے اپنی موت دےسبب ساڈے سارے پاپاں دی قیمت ادا کر دِتی ۔
یسوُع اپنے بپتسمہ دے پانی تے صلیبی خون دے راہیں پاپیاں کول آیا
کِویں اوہ شیطان دی قوت اُتے غالب آیا؟
اپنے بپتسمہ ،خون تے رُوح دے راہیں
یوحنا رسوُل نیں فرمایا پئی مکتی نِری پانی دےراہیں نئیں،سگوں پانی تے خون دے راہیں ہے ۔ جِویں یسوُع نیں ساڈے سارے پاپ چُک لئے تے اوہناں نُوں ہمیشہ لئی مٹادِتا، سارے پاپی ایہدے اُتے
ایمان لیان،تے اوہدے کلام نال وفاداررہن دے راہیں مکتی پاؤن گے ۔
جدوں یسوُع ایس دُنیا وِچ آیا ،تے اوہنے نہ صرف ساڈے پاپاں نُوں چُکیاسگوں اوہنے صلیب اُتے خون روڑن دے راہیں اپنی موت سمیت اوہناں دی قیمت وی ادا کیتی ۔ اوہنے دریائے یردن وِچ بپتسمہ لین دے سبب ساڈے سارےپاپاں نُوں چُک لیا تے صلیب اُتے اوہناں دی قیمت اداکیتی ؛ اوہنے اپنی موت دے راہیں ساڈے پاپاں دی قیمت اداکیتی ۔ خدادی سچی شریعت جِنہیں فرمایا پئی ’پاپ دی مزدوری موت اے‘ (رومیوں۶:۲۳) اِنج پوراہوگیا۔
ایس لئی یسوُع دے دُنیا اُتے غالب آن داکیہ مطلب اے؟جیہڑ ا ایمان دُنیا اُتے غالب آؤندا اے ،اوہ مکتی دی خوشخبری اُتے ایمان اے، جیہڑا یسوُع نیں پانی تے خون دے راہیں ساڈے اُتے نازل کیتا۔اوہ جِسمانی شکل وِچ آیا تے اوہنے اپنے پانی دے بپتسمہ تے صلیبی موت دے راہیں مکتی دی گواہی دِتی ۔
یسوُع دُنیا،جیہداناں ابلیس اے، اوہدے تے غالب آیا۔ پہلی کلیسیا دے چیلے رومی سلطنت یاں دنیادی کِسے وی اَزمائش دے اَگے جُھکیوں اَڈ شہید ہون تیکر مضبوطی نال قائم رہے ۔
ایہہ سب اوہناں دے ایس ایمان دا نتیجہ سی پئی یسوع پانی (ساڈے سارے پاپ چُکن لئی اوہنوں بپتسمہ دِتاگیا ) تے اپنے صلیبی خون وگاؤن دے راہیں آیا ( یعنی اوہنے اپنی موت دے راہیں
ساڈے سارے پاپاں دی قیمت اداکردِتی )۔
یسوُع رُوح وِچ آیا (اوہ انسانی جِسم وِچ آیا) ،تے اوہنے اپنے بپتسمہ تے صلیب اُتے روڑے جان والے خون دے راہیں پاپیاں دے سارے پاپ چُک لئے تاں پئی اسیں جِنہاں نُوں رہائی بخشی گئی اے،
دُنیا اُتے غالب آسکیے۔
اوسے پانی دا مشابہ وی یعنی بپتسمہ یسو ُع مسیِح دے جی اُٹھن دے راہیں ہُن تُہانوں بچاؤندا اے۔<١۔پطرس ٣:۲١>
مکتی دا مشابہ کیہ اے؟
یسوع دا بپتسمہ
١۔پطرس ٣:۲١ وِچ فرمایاگیا اے ، ”تےاوسے پانی دا مشابہ وی یعنی بپتسمہ یسوُ ع مسیِح دے جی اُٹھن دے راہیں ہُن تُہانوں بچاؤندااے۔اوہدے توں جِسم دی ناپاکی دُورکرن دا مطلب نئیں سگوں خالص نیت نال خُدادےطالب ہونا مطلب اے۔“ پطرس رسوُل نے گواہی دِتی پئی یسوُع مکتی داتا سی تے اوہ بپتسمہ دے پانی تے خون دے راہیں آیا۔
نتیجہ دے طوراُتے ،سانُوں یسوُع اُتے ایمان رکھنا چاہیدا اے،جیہڑاپانی تے خون دے راہیں آیا۔سانُوں ایہہ وی جاننا چاہیدا اے پئی یسوُع دا پانی دا بپتسمہ ساڈی مکتی دا مشابہ اے ۔ پطرس رسوُل سانُوں دسدااے پئی بپتسمہ دا ’پانی ‘ ، ’ خون‘ تے ’ رُوح ‘ مکتی دے پکے ثبوت نیں ۔
یسوُع دے چیلے یسوُع دے بپتسمہ دے راہیں صلیبی خون اُتے ایمان رکھدےسَن۔ صرف خون اُتے ایمان سچے ایمان دا اَدھا حصہ اے ۔اَدھایاں نامکمل حق اُتے ایمان ویلے دے نال پھیکا پے جاندااے ۔پر ،جیہڑے لوک پانی ،خون تے رُوح دی خوشخبری اُتے ایمان رکھدے نیں اوہناں دا ایمان ویلے دے نال نال مضبوط ہوجاوےگا۔
پر اَج کل دُنیا وِچ خون دی خوشخبری دی آواز اُچی ہوندی جارہی اے۔ اِنج کیوں اے؟ لوک سچیائی دے کلام یعنی پانی تے رُوح دی مکتی توں ناواقف نیں،ایس لئی اوہ نویں پیدائش حاصل نئیں کرسکدے ۔
اِک دَور وِچ ،مغربی کلیسیاواں توہم پرستی وِچ پئے گئیاں ۔ اوہ کُجھ دیر لئی خوشحال نظر
آؤندیاں سَن ،پرابلیس دے خادماں نیں اوہناں دے ایمان نُوں وہم پرستی وِچ بدل دِتا۔
توہم پرستی اِنج ایمان رکھدا اے پئی ابلیس نس جائے گا۔فرض کروجے کوئی کاغذ دے ٹوٹے یاں لکڑی اُتےصلیب دا نشان بنا لوے تے ابلیس نس جائے گا ،تےجےکوئی شخص یسوُع دے خون اُتے ایمان رکھن دا اِقرار کردا اے تے ابلیس دُور ہوجاوےگا ۔ابلیس ایہہ آکھن سے سبب خون توں ڈرن دے بہانے کردااے پئی واحد کم جیہڑا یسوع نیں پاپیاں لئی کیتا خون وگاناسی ۔
پر،پطرس تے دُوجے سارے چیلیاں نیں یسوُع دے بپتسمہ تے خون دی سچی خوشخبری دی گواہی دِتی ۔پر اَج کل دے مسیِحی کیہ گواہی دیندے نیں؟اوہ صرف یسوُع دے خون دی گواہی دیندے نیں۔
سانُوں کتابِ مقدّس وِچ لِکھے ہوئے لفظاں اُتے ایمان رکھنا چاہیدا اےتے رُوح دی مکتی ، یسوُع دے بپتسمہ ،تے اوہدے خون اُتے ایمان رکھنا چاہی دا اے۔جے اَسیں یسوُع دے بپتسمہ نُوں پِچھا ں سُٹدے آں تے صرف ایس سچیائی دی گواہی دیندے آں پئی یسوُع صلیب اُتے ساڈی خاطر مویا،تےساڈی مکتی مکمل نئیں ہو سکدی ۔
خُدا دا پانی دی مکتی لئی ’ گواہی داکلام‘
کیہ ثبوت اے پئی خُدانیں سانُوں چھُڈایا؟
پانی ،خون تے رُوح
١۔یوحنا٥:٨ وِچ خُدا نیں فرمایااے، ”تے گواہی دین والے تِن نیں ۔“ پہلا رُوح، دُوجا یسوُع دے بپتسمہ دا پانی ،تے تیجا خون جیہڑا صلیب اُتے روڑیاگیا۔تِنوں شیواں اِکو کُجھ نیں۔یسوُع ایس دُنیا وِچ سانُوں ساڈے پاپاں توں رہائی بخشن لئی آیا ۔ اوہنے کلیاں ایہناں تِناں یعنی بپتسمہ ،خون تے رُوح دے راہیں
اِنج کیتا ۔
’ تے گواہی دین والے تِن نیں ۔‘تِنے شیواں ثابت کردیاں نیں پئی خُدا نیں سانُوں چھُڈایا ۔ ایہہ تِنے ثبوت یسوُع دےبپتسمہ دا پانی ،اوہداخون تے رُوح نیں ۔ ایہہ تِن کم نیں جیہڑے یسوُع نیں ساڈے لئی ایس دُنیا وِچ کیتے ۔
جے ایہناں تِناں وچوں اِک وی شے نُوں کڈھ دِتا ہوندا ،تے مکتی مکمل نہ ہوندی ۔ تِن نیں جیہڑے ایس زمین اُتے گواہی دیندے نیں: یعنی رُوح ، پانی تے خون ۔
یسوُع مسیِح جیہڑا بدن وِچ ساڈے کول آیا،خُدا اے، رُوح اے ، تے پُتر اے ۔ اوہ ایس دُنیا وِچ اِنسانی بدن وِچ رُوح دے طورتےآیا تے دنیادے سارے پاپ اپنے اُتے لین لئی اوہنے بپتسمہ لیا ۔ اوہنے سارے پاپ اپنے بدن اُتے چُک لئے تےصلیب اُتے خون روڑن دے راہیں سانُوں پاپیاں نُوں بچالیا ۔ اوہنے ساڈے سارے پاپاں دی پوری قیمت ادا کر دِتی ۔ایہہ پانی تے خون تے رُوح دے راہیں مکتی دی پوری خوشخبری اے۔
ایتھوں تیک پئی ایہناں وِچوں صرف اِک نُوں کڈھ دِتاجاندا،تے خُداد ی مکتی توں انکار ہو جاندا،جِنہے سانُوں سارے پاپاں توں رہائی بخشی اے ۔جے اج اَسیں ایمانداراں دی اکثریت نال متفق ہوناچاہندے آں،تے سانُوں ایہہ آکھنا پوے گا۔ ’ دونیں جیہڑے زمین اُتے گواہی دیندےنیں : یعنی خون تے رُوح نیں۔‘
پریوحنا رسوُل نے آکھیا پئی تِن شیواں سَن جِنہاں نیں گواہی دِتی :یسوُع دے بپتسمہ دا پانی ، صلیب اُتےوگن والا خون تے رُوح ۔یوحنا رسوُل اپنی گواہی وِچ بوہت واضح سی ۔
جس ایمان دے سبب پاپی نُوں رہائی ملدی اےاوہ رُوح ،پانی تے خون اُتے ایمان اے۔اوہ ایمان کِنج دا اے جیہڑا اِنسان نُوں ایس دنیااُتے غالب آن دے لائق بناندااے ؟ ایہہ ایمان اَسیں کِتھوں لبھ سکدے آں ؟ ایہہ بالکل ایتھے بائبل مقدّس وِچ موجود اے ۔ ایہہ یسوُع اُتے ایمان رکھنا اے،جیہڑا پانی ، خون تے رُوح دے راہیں آیا ۔ ایہناں اُتے ایمان رکھوتے مکتی تے اَبدی جندڑی پاوو۔
کیہ خُدادی مکتی یسوُع دے بپتسمہ توں اَڈ کامل اے؟
جی نئیں
بوہت عرصہ پہلے ،پیشترایس توں پئی میَں مکتی حاصل کیتی ، میَں وی ایہو جیہامسیِحی ساں جیہڑا
بوہت عرصہ پہلے ،پیشترایس توں پئی میَں مکتی حاصل کیتی ، میَں وی ایہو جیہامسیِحی ساں جیہڑا صرف صلیبی خون تے رُوح اُتے ایمان رکھداسی ۔میرا ایمان سی پئی یسوُع رُوح دے طور تے اَسمان توں آیا تے صلیب اُتے میری خاطر مرگیا تے مینوں میرے سارے پاپاں توں رہائی بخش دِتی ۔ میَں صرف ایہناں دو شیواں اُتے ایمان رکھداساں تے سارے لوکاں وِچ ایہناں دی منادی کرن لئی ضرورت مطابق غلط ساں۔
مَیں مشنری بنن لئی علمِ اِلٰہیات دا مطالعہ کرن دا منصوبہ بنایا تاں پئی لوکاں دی خدمت کرسکاں تے یسوُع دی طرحاں اوہناں لئی اپنی جان دے سکاں ۔میَں ساریاں چنگیاں قِسم دیاں گلاں دا منصوبہ بنایا۔
پر،جدوں تیک میَں دوشیواں اُتے ایمان رکھیااوہدوں تیکر پاپ ہمیش میرے دِل وچ موجود رہیا ۔ایویں ، میَں دُنیا اُتے غالب نہیں آسکداسی ۔ میَں پاپ توں رہانئیں ہوسکداسی ۔ جدوں میَں صرف خون تے رُوح اُتے ایمان رکھیا، تے فیروی پاپ میرے دل وِچ موجود رہیا۔
یسوُع اُتے ایمان رکھن دے باوجود ، میرے دِل وِچ پاپ دی موجودگی دی وجہ ایہہ سی پئی میَں پانی یعنی یسوُع دے بپتسمہ توں ناواقف ساں ۔ میری رہائی اوس ویلے تیک مکمل نئیں سی جدوں تیکر میَں بپتسمہ دے پانی ، خون تے رُوح اُتے مکمل ایمان رکھن دے سبب چھُٹکارہ حاصل نہ کردا ۔
میرے جِسم دے پاپاں اُتے غالب نہ آن دی وجہ ایہہ سی پئی میَں یسوُع دے بپتسمہ دے مطلب نُوں نہیں جان داسی ۔ بے شک ہُن وی ،بوہت سارے لوک یسوُع اُ تے ایمان رکھدے نیں ۔ پرحالے تیکراوہ بدن وِچ پاپ کردے نیں۔اوہناں دے دِلاں وِچ پاپ ہُن وی موجوداے تے اوہ ایس پہلی محبت نُوں زندہ رکھن دی ہرممکن کوشش کردے نیں جیہڑی اوہ یسوُع نال رکھدے سَن۔
اوہ اوس پہلے جوش دی سرگرمی نُوں زندہ نہیں رکھ سکدے ، ایس لئی پئی اوہناں نُوں اوہناں
دے پاپاں توں مکمل طورتے پانی دے نال دھوتا نئیں گیا ۔ اوہ ایہہ ایس گل نُوں نئیں من دے پئی جدوں یسوُع نُوں بپتسمہ دِتاگیا تے ساڈے سارے پاپ اوہدے اُتے لددِتے گئے ،تے اوہ دوبارہ ڈِگن توں بعدوں اپنے ایمان نُوں بحال نہیں کرسکدے ۔
میَں تُہاڈے سبھناں اُتے ایہہ واضح کرداآں ۔جدوں اَسیں یسوُع تے ایمان لیاؤندے آں ،تے اَسیں ایمان دی حیاتی بسرکرسکدے تے دنیااُتے غالب آسکدے آں۔ فیر وی ، اسیں کِنّے ای نالائق ہوئیے،اسیں ایس دُنیا وِچ کِنّے ای پاپ کریےجِویں ای اسیں یسوُع اُتےاپنے مکتی داتادےطورتے ایمان رکھدے آں جِنہے سانُوں مکمل طورتےاپنے بپتسمہ تے خون وگن دے سبب پاپ توں رہاکردِتا،اسیں فتح
نال کھڑے ہوسکدے آں۔
پر،جے اسیں پانی دے بپتسمہ دے اَڈ یسوُع اُتےایمان رکھیے،تےاَسیں مکمل طورتے رہائی حاصل نہیں کرسکدے۔ یوحنارسوُل نیں دسیا پئی جیہڑے ایمان نال اَسیں دُنیا اُتے غالب آؤندے آں،اوہ یسوُع مسیِح اُتے ایمان رکھنا اےجیہڑا پانی دے بپتسمہ ، خون تے رُوح دے راہیں آیا۔
خُدانیں اپنے اِکواِک پُترنُوں ساڈے کول گھلیا تاں پئی جیہڑے اوہدے بپتسمہ تے خون اُتے ایمان رکھدے نیں اوہناں نُوں رہائی بخشے۔ یسوُع نیں بپتسمہ دے راہیں سارے پاپ اپنے اُتے لے لئے ۔ یسوُع،خُدا کَلّا پُتر ، رُوح (اِنسانی بدن وِچ)ساڈے کول آیا۔ تےفیر، اوہنے پاپاں دی قیمت ادا کرن لئی اپنا خون صلیب اُتے وگادِتا۔ایویں،یسوُع نیں سارے اِنساناں نُوں پاپ توں رہا کردِتا ۔
دنیا اُتے غلبہ بخشن والا ایمان ایس سچیائی اُتے ایمان لیان نال حاصل ہوندااےپئی یسوُع ساڈے کول پانی،خون،تے رُوح دے سبب آیا تے سانُوں مکمل طورتےسارے پاپاں توں رہاکردِتا ۔
جے پانی دا بپتسمہ تے صلیب اُتے خون دا وگایا جانانہ ہوندا ،تےکوئی سچی مکتی نہ ہوندی ۔ تِنّان شیواں وِچوں کِسے اِک دے اَڈ ،اَسیں سچی مکتی حاصل نہیں کرسکدے ساں ۔ سچی مکتی پانی ،خون تے رُوح دے اَڈ حاصل نئیں کیتی جاسکدی ۔ ایس لئی سانُوں پانی ،خون تے رُوح اُ تے ایمان رکھنا ایں۔ ایس گل نُوں جانوں تے تُسیں سچاایمان حاصل کروگے۔
میَں تُہانوں دَسداآں کہ پانی ، خون تے رُوح دی گواہی دے اَڈ سچی مکتی نئیں
تِن بڑیاں خاص شیواں کیہ نیں جیہڑیاں مکتی دی گواہی دیندیاں نیں؟
پانی ،خون تے رُوح
کوئی شخص اُتلے سوال اُتے اِنج سوچ سکدا اے۔” یسوُع میرامکتی داتا اے۔میَں صلیب اُتے وگائے جان والے خون اُتے ایمان رکھداآں تے شہید دی موت مرنا چاہنداآں۔ بھانویں میرے دِل وِچ پاپ پایا جاندا اےفیروی میَں یسوُع اُتے ایمان رکھداآں ۔میَں دِلوں توبہ کیتی تے ہرروز نیک ،سچے ،تے خیراتی طریقیاں تے عمل کرن دی کوشش کیتی ۔ میَں اپنی حیاتی تے دنیاوی دولت تیرے لئی دِتی ۔ایتھوں تیک پئی میَں ویاہ نہ کرن نُوں چُنیا۔خُدا کس طرحاں مینوں نئیں جان سکدا؟ یسوُع میری خاطر صلیب اُتے مویا۔ ساڈاپاک خُدااِنسانی شکل وِچ دُنیا وِچ آیا تے ساڈی خاطر صلیب اُتے مرگیا ۔میَں تیرے تے ایمان رکھیا،تیری خاطر قربانی دِتی تے اپنے کم نُوں تیری خاطر ایمانداری نال کیتا ۔ بھانویں میَں نالائق ہوسکداآں تے تھوڑا بوہت پاپ میرے دِل وِچ موجود ہوسکدااے ،تے کیہ ایس لئی یسوُع مینوں جہنم وچ سُٹ دیوے گا؟ نئیں، اوہ اِنج نئیں کرے گا۔“
ایس شخص دے وانگر بوہت سارے لوک نیں ۔ایہہ اوہ لوک نیں جیہڑے ایہہ ایمان نئیں رکھ سکدے پئی یسوُع نُوں ایس لئی بپتسمہ دِتا گیا تاں پئی اوہ دُنیا دے سارے پاپ چُک لئے۔ جدوں یسوُع اُتے ایمان رکھن والے برائے نام لوکاں دے اندر وی پاپ موجود ہوندااے،مرن اُتے اوہ کِتھے جان گے؟اوہ جہنم وِچ جان گے۔اوہ نِرےپاپی نیں!
جیہڑے لوک اپنی مرضی دی سوچ رکھدے تے خیال کردے نیں خُدانُوں وی ایہو جیہی سوچ رکھنی چاہیدی اے،اوہ جہنم وچ جان گے۔ایدھے توں وَدھ کے، کُجھ لوک کہندے نیں کیوں جے یسوُع صلیب اُتے مویاتے اوہنے دُنیادےسارےپاپ چُک لئے ،ایس لئی دُنیاوِچ کوئی پاپ پِچھے نہیں ہے ۔ پر ایہہ صرف خون،تے رُوح دے بارے گل کرنا ایں ۔ اوہ ایہہ ایمان نئیں رکھدے جیہڑا لوکاں دی مکتی تیک اَگوائی کردااے۔
سانُوں ایمان رکھنا چاہی دا اے پئی یسوُع نیں اپنے بپتسمہ دے راہیں ساڈے سارے پاپ چُک لئے،سزاجھلی ،ساڈی خاطر صلیب اُتے مرگیا ،تے اپنی موت دے تِن دِن بعد مویاں وِچوں جی اُٹھیا ۔
ایس ایمان دے اَڈ،مکمل مکتی ممکن نئیں ہووےگی ۔ یسوُع مسیِح نُوں بپتسمہ دِتا گیا،اوہ صلیب اُتے مرگیا ،تے مویاں وِچوں جی اُٹھیا ۔یسوُع مسیِح ساڈے کول پانی ، خون تے رُوح دے راہیں آیا۔ اوہنے دُنیا دےسارےپاپ چُک لئے۔
تِن خاص شیواں نیں جیہڑیا ں زمین اُتے اوہدی مکتی دی گواہی دیندیاں نیں :یعنی رُوح،پانی تےخون۔
اَوّل ،رُوح القدّس گواہی دیندااے پئی یسوُع خدا اے تے اوہ اِنسانی بدن وِچ زمین اُتے آیا۔
دُوجا عنصر ’ پانی‘ دی گواہی اے ۔پانی یوحنا اصطباغی دے راہیں یردن وِچ یسوُع دا بپتسمہ اے،
جیہدے سبب ساڈے پاپ یسوُع اُتے لددِتے گئے۔جدوں یسوُع نُوں بپتسمہ دِتا گیا تے ساڈے سارے پاپ یسوُع اُتے لددِتےگئے (متی ٣:١٥)۔
تیجا گواہ ’ خون‘ اے جیہڑا ظاہرکردااے پئی یسوُع نیں ساڈی خاطر سزانُوں برداشت کرن دی ذمہ داری نُوں قبول کیتا۔ یسوُع مرگیا،ساڈی خاطراَپنے پیو دافیصلہ قبول کیتاتے تِن دِن بعد سانوں نویں حیاتی دین لئی مویاں وِچوں جی اُٹھیا ۔
خُداباپ اوہناں لوکاں دے دِلاں وِچ رُوح نُو ں گھل دا اےجیہڑے اوہدے پُتر دے بپتسمہ تے خون اُتے ایمان رکھدے نیں تاں پئی ساڈی مکتی دی گواہی دین ۔
نویں پیدائش دا تجربہ رکھن والیاں دے کول کلام اے،جیہدے سبب اوہ دُنیا اُتے غالب آؤندے نیں ۔ مکتی یافتہ لوک ،ابلیس ،جھوٹے نبیاں دے جھوٹ،ایہناں رکاوٹاں یاں دُنیا دے دباؤ اُتے غالب آؤندے نیں ، جیہڑے مسلسل اوہناں اُتے حملہ آور ہوندے نیں ۔ ساڈے کول ایس قُوّت دی وجہ
ایہہ ہے پئی ساڈے دِلاں وچ تِن گواہ :نیں یسوُع داپانی،اوہدا خون تے رُوح۔
اَسیں کِویں دُنیا تے شیطان اُتے غالب آؤندے آں؟
تِن گواہاں اُتے ایمان رکھن دے راہیں
اَسیں ابلیس تے دنیا اُتے ایس لئی غالب آسکدے آں کیوں جے اَسیں رُوح،پانی تے خون اُتے ایمان رکھدے آں۔ جیہڑے لوک یسوُع دے بپتسمہ تے خون اُتے ایمان رکھدے نیں اوہ جھوٹے نبیاں دے سارےدھوکیاں اُتے غالب آؤن دے لائق نیں ۔ ساڈا ایمان ، غالب آن والی قُوّت نال ،پانی ،خون تے رُوح وِچ پایا جاندااے۔کیہ تُسیں ایس گل اُتے ایمان رکھدے او؟
تُسیں نہ تے نویں سِرے توں پیدا ہو سکدے او تے نہ ای دُنیا اُتے غالب آسکدے او جے تُسیں یسوُع دے بپتسمہ ،اوہدے خون تےاوس عقیدے راہیں مکتی اُتے ایمان نئیں رکھدےپئی یسوُع خُدادا پُتر تے ساڈامکتی داتااے ۔کیہ ایہو جیہا ایمان تُہاڈے دِل وچ ہے؟
کیہ رُوح تے پانی تُہاڈے دِل وِچ ہے ؟ کیہ تُسیں ایمان رکھدے او پئی تُہاڈے سارے پاپ
یسوُع اُتے لددِتےگئے؟کیہ صلیب اُتے وگن والا خون تُہاڈے دِل وِچ ہے ؟
تُسیں دُنیا اُتے غالب آؤگے جے تُسیں اپنے دِل وِچ یسوُع دے پانی تے خون اُتے ایمان رکھدے او۔ جے تُسیں ایمان رکھد ے اوپئی یسوُع تُہاڈی خاطر صلیب اُتے مویاتے اوہنے تُہاڈی خاطر سزانُوں چُک لیا تے تُسیں دُنیا اُتے غالب آؤگے۔
یوحنا رسوُل دُنیا اُتے غالب آیا ایس لئی پئی ایہہ تِنوں ضروری گواہ اوہدے دِل وِچ موجود سَن۔ اوہنے اپنے ایہناں سبھے اِکو ایمان والے بھائیاں دے بارے گل کیتی جیہڑے مصیبتاں تے دھمکیاں جھل رہے سَن۔ اوہنے گواہی دِتی ، ” ایہہ ہے پئی تُسیں وی ایسے طرحاں دُنیا اُتے غالب آسکدے او۔ یسوُع رُوح ،پانی تے خون دے راہیں آیا ۔جس طرحاں اوہ دُنیا اُتےغالب آیا ،اوسے طرحاں ایمانداروی دُنیا اُتےغالب آؤن گے۔ ایہہ ایمانداراں دادُنیا اُتے غالب آؤن دااِک طریقہ اے۔“
۱۔یوحنا ٥:٨ وِچ بیان کیتا گیا اے ، ”تے گواہی دین والے تِن نیں۔رُوح تے پانی تے خون تے ایہہ تِنوں اِکو ای گل اُتے متفق نیں ۔“ بوہت سارے لوک ہُن تیک صرف خون تے رُوح دے بارے گل کردے نیں پر اوسے ویلےاوہ یسوُع دے بپتسمہ دے پانی نُوں کڈھ دیندے نیں ۔ جے اوہ ’پانی ‘ نُوں کڈھ دیندے نیں تے ہُن وی اوہ ابلیس دے دھوکے وِچ نیں ، اوہناں نُوں آپ ای ایہناں خُود فریبیاں وِچوں باہرنکل کے توبہ کرن دی لوڑ اے ؛ایہناں نُوں یسوُع دے بپتسمہ دے ’پانی ‘ اُتے ایمان لیا کے نویں سرے توں پیداہونا چاہیدا اے۔
کوئی شخص یسوُع دے پانی تے خون اُتے ایمان لیائے اَڈ دُنیااُتےغالب نئیں آسکدا۔ میَں تُہانوں ایہو گل فیر آکھاں گا، کوئی شخص وی نئیں !سانُوں یسوع دے پانی تے خون نُوں اپنے طاقتور ہتھیاراں دےطورتے ورتدے ہوئیاں جنگ لڑنی ایں ۔ اوہدا کلام رُوح دی تلوار ،یعنی نُور اے۔
دنیاوِچ ہُن وی بوہت سارے لوک نیں جیہڑے یسوُع دے بپتسمہ اُتے ایمان نہیں رکھدے،جیہڑاساڈے سارے پاپاں نُوں دھوندا اے ۔ ہُن وی بوہت سارے لوک نیں جیہڑے صرف دو شیواں اُتے ایمان رکھدےنیں ۔ایس لئی جدوں یسوُع ایہناں نُوں ’ اُٹھ تے مُنّور ہو ‘ آکھدا اے تے اوہ بالکل چمک نئیں سکدے۔ اوہناں دے دِلاں وِچ ہُن وی پاپ موجود اے ۔بھانویں اوہ یسوُع اُتے ایمان رکھدے نیں ، فیر وی اوہناں دا خاتمہ دوزخ وِچ ہووے گا۔
یسوُع دے بپتسمہ تےخون دی خوشخبری دی پکے طورتے گواہی دینی چاہی دی اے تاں پئی لوک سُن سکن ، ایمان لیا سکن تے مکتی پاسکن
کیہ اوہدے بپتسمہ اُتے ایمان ، صرف اِک اِلٰہی عقیدے دی قِسم اے؟
نئیں، ایہہ کوئی اِلٰہی عقیدہ نئیں اے سگوں ایہہ سچیائی اے
جدوں اَسیں خوشخبری دی گواہی دیندے آں،تے اوہداصحیح ہونابوہت ضروری اے۔یسوُع رُوح ،بپتسمہ (جِنہیں ساڈےسارے پاپ چُک لئے)تے خون(جیہدے نال ساڈےپاپاں دی قیمت ادا کیتی )دے راہیں آیا۔ سانُوں ایہناں تِنّاں اُتے ایمان لیاؤنا چاہی دااے ۔
جےاِنج نہیں کردے ،تے اَسیں خوشخبری دی نئیں ، سگوں ایہدی بجائے مذہب دی منادی کردے آں ۔ ایس دُنیا دے اَج دے بوہتے مسیِحی مسیِحیت نُوں اِک مذہب خیال کردے نیں ،پر مسیِحیت نُوں مذہب دے طورتے بیان نیں کیتا جا سکدا۔ ایہہ مکتی دا ایمان جیہدی بنیاد سچیائی اُتے رکھی گئی اے،ایہہ خُدادے وَل ویکھن داایمان اے ۔ ایہہ کوئی مذہب نئیں ہو سکدا۔
مذہب اِنسانی تخلیق اے، جد کہ ایمان ایس مکتی وَل نظراں لانا ایں جیہڑی خُدا نیں سانُوں بخشی ۔ ایہہ واضح فرق اے۔ جے تُسیں ایس سچیائی نُوں پراں سُٹو گےتے تُہاڈے لئی مسیِحیت کِسے وی دُوجے مذہب وانگرویکھدے او،جیہدے وِچ اَدباں تے اَدبی قدراں دی تعلیم دِتی جاندی اے ۔
یسوُع مسیِح ایس دُنیا وِچ اِک مذہب قائم کرن لئی نئیں آیا سی ۔اوہنے کوئی ایہوجیہا مذہب قائم نہیں کیتا جیہدا ناں مسیحیت سی ۔ تُسیں کیوں ایمان رکھدے اوپئی ایہہ اِک مذہب ہے ؟جے ایہہ مذہب دی طرحاں اے تے اَسیں بُدھ مت مذہب اُتے ایمان کیوں نہ رکھیے ؟کیہ تُہاڈے خیال وِچ ،میَں ایہہ غلط آکھ رہیاآں؟
کُجھ لوک مذہب دےطورتےیسوُع اُتے ایمان رکھدے نیں تے ایہہ آکھ کے گل ختم کر دیندے نیں، ” کیہ فرق اے ؟ اَسمان،جنت،فردوس۔ ۔ ۔ ۔ ایہہ سب اِک ای تھاں دے مختلف ناں نیں
۔ ایویں ساڈا سب دا انجام اِکوتھاں تے ہووےگا۔“
بیلی مسیِحیو،سانُوں سچیائی اُتے پکیاں ہوکے قائم رہناچاہیدااے ۔سانُوں اَگے ’ اُٹھنا تے مُنّورہونا ‘ چاہیدا اے ۔سانُوں سنگیوں اَڈ سچیائی نُوں بیان کرن دے قابل ہوناچاہیدااے۔
جدوں کوئی ایہہ آکھدااے ” ایہہ اَسمان اُتے جان دی واحد راہ نئیں ہوسکدی،“تے تُہانوں اُچی آواز نال ایہہ آکھنا چاہیدااے ، ” آہو!ایہوای واحد راہ اے۔ تُسیں صرف اوسے ویلے اَسمان اُتے جا سکدے او جدوں یسوُع مسیِح اُتے ایمان رکھدے او،جیہڑا پانی ، خون تے رُوح دے راہیں آیا ۔“ تُہانوں ایس قدرجگ مگ چمکناچاہیدااےپئی دوجیاں رُوحاں مکتی دے کلام نُوں سُن کے نویں پیدائش حاصل کرن، اَسمان اُ تے داخل ہون دی سدھر کرن ۔
ٹھیک ایمان رکھو: یسوُع دے بے رُخے عاشق جیہڑے یسوُع دے بپتسمہ تے اوہدے خون دی مکتی نُوں نہیں جان دے ہلاک ہون گے
کیہڑےہلاک ہون گے ایتھوں تائیں پئی اوہ یسوُع اُتے ایمان رکھدے نیں؟
اوہ جیہڑےیسوُع دے بپتسمہ اُتے ایمان نئیں رکھدے
صرف یسوُع اُتے اَنہا ایمان رکھن دا دعویٰ کرنا یسوُع لئی اَن چاہی محبت رکھنا ایں ، تے مسیِحی مذہب پرست بنن دی نِکی جیہی راہ اے ۔
بحرالکاہل نُوں پارکرن والا اِک بحری بیڑہ غرق ہوگیاتے تھوڑے جیہے زندہ بچن والے ربڑ دے بیڑے اُتے بے ٹھکانا تیر دے رہے ۔اوہناں نیں ایس او ایس یعنی مدد منگن دا اشارہ گھلیا،پر مچھرےہوئے سمندر نیں دوجے جہازاں نُوں اوہناں دی مدد لئی آؤن توں روک دِتا ۔فیراِک ہیلی کاپٹر آیا تے اوہنے تھلے رسا لمکایا۔جے اوہناں وِچوں کوئی شخص رسے نُوں اپنے آلے دوالے لویٹن دی بجائے اپنے ہتھاں دے نال پھڑن دی کوشش کرے،تےاوہ اوس شخص دے وانگر ہووےگا،جیہڑا یسوُع نال بے چجی محبت وِ چ ڈِگن والے ورگاہوجاوےگا :اوہ اپنی مرضی نال خُدااُتے ایمان رکھدا اے ۔ اوہ حالے تیک محفوظ نئیں ،پراوہ ایہہ آکھدااے، ” میَں ایمان رکھدا آں ۔مینوں بچالوو۔میَں ایمان رکھدا آں۔میراخیال اے پئی میَں بچ جاواں گا۔“
جیہڑا شخص یسوُع دے بپتسمہ تے اوہدے خون دی سچیائی نُوں نئیں سمجھدا اوہ ایہہ ایمان رکھدااےپئی اوہ صرف ایس لئی بچ جاوےگا پئی اوہنے رسےنُوں پھڑیاہویا اے۔
پرجدوں اوہنوں اُتے چُک لیاجاندااے ،تے اوہدے ہتھ رسے نالوں اپنی پکڑچھڈدین گے ۔ اوہ اپنی قوت نال رسےنُوں پھڑی رکھے گا ۔ اخیر تیک رسے نُوں پھڑنا تے اوہدے لئی ساحل تیکر اَپڑنا بوہت ضروری اے ۔جدوں اوہدی قوت ختم ہوجاوےگی تے اوہ اپنی پکڑ چھڈ دیوے گا تے فیر سمندروِچ ڈِگ جاوےگا۔
یسوُع دے نال بے چجی محبت رکھنا وی ایسے طرحاں اے ۔ بوہت سارے لوک آکھن گے پئی اوہ خُدا تے یسوُع اُتے ایمان رکھدے نیں ، یعنی اوہ یسوُع اُتے ایمان رکھدے نیں جیہڑارُوح دے راہیں آیا،پر ایہہ مساوات دا اِک حصہ اے۔ اوہ نہ تے سچا ایمان رکھ سکدے نیں تے نہ کامل خوشخبر ی وِچ حیاتی بسرکر سکدے نیں، ایویں اوہ گھڑی مُڑی خُود نُوں ایہہ آکھن تے مجبور کردےنیں پئی اوہ اوس اُتے ’ ایمان ‘ رکھدے نیں۔
ایمان رکھنا تے ایمان رکھن دی کوشش کرنا دو مختلف گلاں نیں ۔اوہ آکھدے نیں پئی اوہ اخیر تیک یسوُع د ی پیروی کرن گے ،پر اخیر لےدِن اوہناں نُوں سُٹ دِتا جاوےگا ،ایس لئی پئی پاپ ہُن وی اوہناں دے دِلاں وِچ موجود اے ۔ اوہ ایہہ جانے اَڈ یسوُع نال محبت رکھدے نیں پئی یسوُع پانی ، خون تے رُوح دے راہیں آیا ۔جے اوہ یسوُع نال صرف اوہدے خون لئی محبت رکھدے نیں تے اوہ دوزخ وِچ جان گے ۔
اپنی رُوح نُوں سچی خوشخبری ،پانی تے خون دی خوشخبری دی رسی نال بن لوو۔جدوں یسوُع مکتی دی رسی تھلے سُٹ دااے ،تے جیہڑے خُود نُوں پانی ،خون تے رُوح نال بنھ لیندے نیں اوہ بچ جان گے۔
ہیلی کاپٹر وِچوں بچان والا ؤڈاسپیکر اُچی آواز نال چیک کردااے ، ” منت نال میری گل غور نال سُنو۔جدوں میَں رسی نُوں تھلے سُٹاں گا تے ایہنوں اپنے آلے دوالے تے اپنیاں بانواں دے نال بنھ لینا ۔ فیر جیہڑی حالت وِچ تُسیں او،اوسے حالت وِچ کھلوتے رہوو۔ رسی نُوں سِرے توں نہ پھڑو۔ صرف ایس رسی نُوں اپنی چھاتی دوالے بنھ لینا تے آرام نال کھلوتے رہوو۔ تے فیر،تُسیں بچ جاووگے۔“
پہلے شخص نیں حکماں دی پیروی کیتی تے اپنے آپ نُوں رسی دے نال بنھ لیا،تے بچ گیا ۔ پردوجے شخص نیں آکھیا ، ” فکرنہ کرو۔میَں بوہت مضبوط آں ۔میَں ہیلتھ کلب وِچ ورزش کردارہیا واں ۔ ویکھو!کیہ تُسیں میرے ڈَولے ویکھ سکدے او؟میَں میِلاں تیک رسی نُوں پھڑکے لمک سکداواں ۔“ فیر ، جدوں رسی نُوں اُتے کھِچ دِتاگیاتے اوہنے اپنے ہتھاں نال رسی نُوں پھڑلیا۔
شروع وِچ دونواں بندیاں نُوں اُتے کھِچیا گیا ۔ پردونواں دے کھِچے جان وِچ ایہہ فرق سی ، جِنہے حکماں نُوں سُن کے رسی نُوں اپنے دوالے بنھ لیااوہ اَڈ کسے اوکھل دے اُتے کھِچ لیاگیا ۔ بھاویں راہ وِچ اوہ اپنا ہوش کھو بیٹھا ،ایہدے باوجود اوہ کھِچ لیا گیا ۔
جس شخص دے دِل وِچ اپنی قوت لئی مغروری پائی جاندی اے اوہنے آخر اپنی پکڑ کھوہ دِتی ،ایس لئی پئی اوہدی قوت مک گئی ۔ اوہ ایس لئی مرجاندااے کیوں جے اوہنے سُنن توں اِنکار کر دِتا تے حکماں نُوں پراں سُٹ دِتا ۔
مکمل مکتی حاصل کرن لئی ،اِک شخص نُوں بڑے یقین نال اوہدے بپتسمہ دے پانی تے خون دی مکتی اُتے ایمان رکھناچاہیدااےجِنہے ساریاں رُوحاں نُوں پاپ توں چھُڈایا ۔مکتی اوہناں لوکاں نُوں ملدی اے جیہڑے پورے دِل نال کلام اُتے ایمان رکھدے نیں : ” میَں یوحنا اصطباغی دے راہیں بپتسمہ لین تے صلیب اُتے خون وگاکے جان دین دے سبب تینوں مکمل مکتی بخشی۔“
جیہڑے لوک صرف خون اُتے ایمان رکھدے نیں ایہہ آکھدے نیں،” فکر نہ کرو،میَں ایمان رکھدا آں ،میَں یسوُع دے خون لئی آخری دم تیکر شکرگزاررہواں گا ۔ میَں آخری دم تیک یسوُع دی پیروی کراں گاتے خون اُتے میرا ایمان دُنیا تے باقی حیاتی دے پاپاں اُتے غالب آؤن لئی کافی اے۔“
پر ، ایہہ کافی نہیں ۔ جِنہاں لوکاں نُوں خُدا اپنے لوکاں دے طور قبول کردا اے اوہ تِن گواہاں اُتے ایمان رکھن والے لوک نیں :پئی یسوُع رُوح دے راہیں آیا یعنی اوہنوں بپتسمہ دِتا گیا (یسوُع نیں یردن وِچ بپتسمہ لین دے سبب سارے پاپ چُک لئے)،یعنی اوہ سارے پاپاں دی قیمت اداکرن لئی صلیب اُتے مرگیا تے اوہ مویاں وِچوں تیجے دِن جی اُٹھیا۔
رُوح صرف اوہناں کول آؤندا اے جیہڑے ایہناں تِنّا ں اُتے ایمان رکھدے تے ایہناں دی گواہی دیندے نیں ۔”ہاں،میَں تُہاڈامکتی داتا آں۔میَں تُہانوں پانی تے خون دے راہیں چھُڈایا۔ میَں
تہاڈاخُدا آں۔“
پرجیہڑے لوک ایہناں تِنّاں اُتے ایمان نئیں رکھدے،خُدااوہناں نُوں مکتی نئیں بخشدا۔ بھانویں اِک نُوں وی گھٹ کرلیا جائے،خُداایہہ آکھدااے،” نئیں تُوں مکتی یافتہ نئیں ایں ۔“اوہدے سارے چیلے ایہناں تِنّاں اُتے ایمان رکھدے سَن۔ یسوُع نیں فرمایاپئی اوہدا بپتسمہ مکتی دامشابہ اے، تے اوہدا خون عدالت اے۔
پولُس تے پطرس رسوُل نیں وی دونواں یسوُع دے بپتسمہ تے خون دی گواہی دِتی
یسوُع دے چیلیاں نیں کیہدی گواہی دِتی؟
یسوُع دے بپتسمہ تےاوہدے خون دی
کیہ پولُس رسول نیں یسوُع دے بپتسمہ دے بارے گل کیتی ؟آؤ غورکریے،اوہنے کِنّی واری یسوُع دے بپتسمہ دے بارے گل کیتی ۔ اوہنے رومیوں ٦:٣ وِچ آکھیا ، ”کیہ تُسیں نئیں جان دے پئی اَسیں جِنہاں نیں یسوُع مسیِح وِچ شامل ہون دا بپتسمہ لیا تے اوہدی موت وِچ شامل ہون دا بپتسمہ لیا ؟ “تے رومیوں ٦:٥ وچ اوہ بیان کردا اے ، ” کیوں جے جدوں اَسیں اوہدی موت دی شکل وِچ اوہدے نال جُڑ گئے تے بے شک اوہدے جی اُٹھن دی شکل وِچ وی اوہدے نال جُڑاں گے۔“
اوہنے گلتیوں ٣:۲۷ وِچ ایہہ وی آکھیا، ”تے تُسیں سب جِنہاں نیں مسیِح وِچ شامل ہون دابپتسمہ لیا مسیِح نوں پالیا۔“ یسوُع دےسارےرسولاں نیں’ پانی ‘ یعنی یسوُع دے بپتسمہ دی گواہی دِتی ۔”تے اوسے پانی دا مشابہ وی یعنی بپتسمہ (یسوُع مسیِح دے جی اُٹھن دے راہیں )ہُن تُہانوں بچاؤندااے۔“ (۱۔پطرس۳:۲۱)۔
خُداوند دی خلاصی دی مکتی یسوُع دے پانی تے خون دے راہیں حاصل ہوئی
خُداکِنّاں نُوں راستباز آکھدااے؟
اوہ جیہڑے اپنے دِلاں وِچ کوئی پاپ
نئیں رکھدے
یسوُع اِنسان نُوں جیہڑی مکتی دیندااے اوہ اوہدے پانی دے بپتسمہ تے صلیبی خون نال اے ۔ایس مکتی دے سبب اَسیں اُٹھ تے چمک سکدے آں۔کِویں ؟ایہناں تِنّاں شیواں دی گواہی دین دے راہیں۔
” اُٹھ مُنّور ہوکیوں جے تیرا نُور آگیا تے خداوند دا جلال تیرے اُتے ظاہرہویا۔“ (یسعیاہ۶۰:۱)۔خُدا نیں ساڈے اُ تے نور چمکایا تے سانُوں وی چمکن دی ہدایت کیتی اے۔ سانُوں ایس حکم دی فرمانبرداری کرنی چاہیدی اے۔
اَسیں پوری قوت نال خوشخبری دی منادی کر رہے آں ۔فیروی بوہت سارے لوک ہُن تیک نہیں سُن دے۔ یسوُع اُتے ایمان رکھو تے تُسیں مکتی حاصل کروگے۔ تُسیں راستباز ہوووگے ۔جے ہُن تیک پاپ تُہاڈے دِل وِچ اے،تے حالے تیک تُسیں راستباز نئیں او۔ تُسیں ہُن تیک دُنیا دے پاپاں اُتے غالب نہیں آئے۔
جے تُسیں یسوُع دےپانی (یسوُع دے بپتسمہ )اُتے ایمان نئیں رکھدے تے تُسیں اپنے دِل وِچ پاپ توں چھُٹکارہ نئیں پاسکدے ۔جے تُسیں یسوُع دے خون اُتے ایمان نئیں رکھدے تے تُسیں عدالت توں نئیں بچ سکدے ۔جے تُسیں یسوُع مسیِح اُتے ایمان نئیں لیاؤندے جیہڑا رُوح دے راہیں آیا۔ جدوں تیک تُسیں ایہناں تِنّاں گواہاں اُتے ایمان نئیں لیاؤندے تد تیک تُسیں مکمل طورتےراستباز نئیں ٹھہرسکدے۔
اَدھ پچدی راستبازی صرف ، ’ برائےناں راستبازی ‘ تیک اَگوائی کردی اے ۔جے اِک شخص آکھدااے پئی اوہدی حیاتی وِچ ہُن و ی پاپ پایاجاندااے ،پراوہ خُود نُوں راستباز سمجھدا اے تے حالے وی اوہ یسوُع وِچ نئیں ۔ اَج کل کُجھ لوک مکتی نُوں ’ برائےناں راستبازی ‘ نال پھڑن دی کوشش کردے نیں ۔ اوہناں نیں ایس مضمون دے بارے کئی ٹن بےکار مضمون لکھ چھڈے نیں۔
جدوں اِک شخص دے دِل وِچ پاپ موجود ہوندااے تے کیہ خُدااوہنوں بے پاپ آکھ کے پکاردااے؟اوہ اِنج نئیں کردا ۔ اوہ ایس طرحاں آکھدااے جِویں ویکھ دا اے ۔اوہ اختیار والا اے پر اوہ کدی جھوٹ نئیں بول سکدا۔ لوک راستبازی دے سچے معنے نئیں سمجھدے ۔اَسیں اِک شَے نُوں صرف اوس ویلے ’ پاک‘ آکھدے آں جدوں اوہ پا ک ہوندی اے۔اَسیں اوس ویلے’ راستباز ‘ نئیں آکھدے جدوں پاپ موجود ہوندااے۔
تُسیں سوچ سکدے او پئی دِل وِچ پاپ ہون دے باوجود یسوُع تُہانوں راستباز آکھدا اے،پر ایہہ غلط سوچ اے۔
یسوُع سانُوں صرف اوس ویلے راستباز آکھدا اے جدوں اَسیں یسوُع اُتے ایس طورتے ایمان رکھدے آں پئی اوہ رُوح دے راہیں آیا ،اوہ پانی (اوہنے بپتسمہ لین دے ویلے ساڈےسارے پاپ چُک
لئے)دے راہیں آیا ،اوہ خون دے راہیں آیا(اوہ جِسم وِچ آیا تے ساڈی خاطر مویا)۔
بیلی مسیِحیو، ’ برائے ناں راستبازی ‘ داپانی تے خون دی خوشخبری نال کوئی واسطہ نئیں ۔ ’ برائے ناں راستبازی ‘ یاں ’ راستباز اََکھوانا ‘ اِک عقیدہ اے ،جیہڑا انسان دے اندروں نکل دا اے ۔کیہ خُدا تُہانوں راستباز آکھدا اے جدوں تُہاڈے دِل وِچ پاپ پایاجاندا اے؟ خُدا کِسے نُوں اوس ویلے راستباز نئیں آکھدا جدوں اوہدے دِل وِچ پاپ ہووے ، بھانویں اوہ کِنّاں ای گرم جوشی نال یسوُع اُتے ایمان رکھے۔یسوُع کدی جھوٹ نئیں بول سکدا ۔
ایہدے باوجود تُسیں ہُن وی ،سوچ دے او پئی اِک شخص دے دِل وِچ پاپ دی موجودگی تے اوہ کِسے نُوں راستبازآکھدا اے؟ ایہہ انسان دی سوچ اے نہ پئی خدا دی ۔ خُدانُوں جھوٹ توں نفرت اے ۔ کیہ اوہ تُہانوں راستبازآکھے گا جدوں تُسیں صرف ’ رُوح ‘تے ’ خون‘ اُتے ایمان رکھدے او؟ بالکل نئیں ۔
خدا صرف اِک قِسم دے شخص نُوں راستبازآکھدا اے ۔ایہہ ایہو جیہاشخص اے جیہدے دِل وِچ کوئی پاپ نئیں ۔ اوہ صرف اوہناں نُوں پچھان دااے جیہڑےایناں تِنّاں شیواں اُتے ایمان رکھدے نیں :پئی یسوُع جیہڑا خُدا اے،بدن وِچ ایس دُنیا وِچ آیا ، اوہنے یردن اُتے بپتسمہ لیا،تے ساڈے سارے پاپاں نُوں دُورکرن لئی صلیب اُتے اپنا خون وگادِتا ۔
خُدا صرف اوہناں لوکاں نُوں راستباز دے طورتے پچھا ن دا اے جیہڑے مکتی دی خوشخبری اُتے ایمان رکھدے نیں ۔ایہہ اوہ لوک نیں جیہڑے صحیح ایمان رکھدے نیں۔ اوہ مکمل طورتے اوناں ساریا ں گلاں اُتے ایمان رکھدے نیں جیہڑیاں اوہنے ساڈی خاطر کیتیاں ۔اوہ ایمان رکھدے نیں پئی یسوُع آیا تے اوہناں دے پاپاں نُوں دُورکرن لئی اوہنے بپتسمہ لیا ،تےصلیب اُتے مرن دے سبب اوہنے اوہناں دی سزانُوں چُک لیا ،تے مویاں وِچوں جی اُٹھیا ۔
ایہہ ساریاں گلاں خُدا دی محبت دے سبب پوریاں ہو گئیاں ۔ یسوُع اَسمان تو ں آیا تے اوہنے فرمایا ، ” اَے محنت اُٹھان والے تے بوجھ تھلے دبے ہوئے لوکو میرے کول آؤ ۔میَں تُہانوں آرام دیواں گا ۔ “ (متی۱۱:۲۸)۔اوہنے ساڈے پاپ دُور کرن دے سبب اِنج کیتا ۔
خُدااوہناں لوکاں نُوں نہیں پچھان دا جیہڑے صرف یسوُع دے خون اُتے ایمان رکھدے نیں ۔ اوہ جیہڑے صرف یسوُع دے خون اُتے ایمان رکھدے نیں اوہناں دے دِلاں وچ ہُن وی پاپ پایا جاندا اے ۔یسوُع کِنہاں نُوں مکتی یافتہ من دا اے؟
یسوُع دے بپتسمہ ، اوہدے خون ،تے ایس سچیائی اُتے ایمان پئی او ہ خدا اے ، ایہہ ساریاں گلاں مکتی لئی ضروری نیں ۔ ”جدوں مَیں ایس دُنیا وِچ آیا تے میَں یوحنا اصطباغی کولوں بپتسمہ لیا تے تُہاڈے سارے پاپ اپنے اُتے چُک لئے ۔میَں گواہی دینداآں پئی دنیا دے سارے پاپ میرے تے لد دِتے گئے ۔ میَں صلیب اُتے پاپاں دی قیمت ادا کر دِتی ۔اِنج میَں تہانوں چھُڈالیا۔“
جیہڑے ایہناں تِنّاں اُتے ایمان رکھدے نیں، یسوُع اوہناں نُوں آکھدا اے ،”ہاں ، تُسیں مکتی یافتہ او۔ تُسیں راستبازتے خُدادے پُتراو۔“جے تُسیں یسوُع دے بپتسمہ ،اوہدے خون تے رُوح اُتے اِکٹھا ایمان رکھدےاو تے تُسیں، وی مکتی یافتہ ہو سکدے او۔جیہڑے لوک صرف خون تے رُوح اُتے ایمان رکھدے نیں اوہناں دے دِلاں وِچ پاپ ہُن وی موجود اے۔
خدا دی بادشاہی وِچ ،صرف اِکوسچائی اے ۔ اوہدے وِچ انصاف ، ایمانداری ،محبت تے مہربانی پائی جاندی اے۔ اوتھے جھوٹ دا ناں تھیہ تیک نئیں پایاجاندا۔ اَسمان اُتے جھوٹ تے دھوکے دا کوئی وجود نہیں۔
کیہڑا آدمی ایں،جیہڑا بدکاری اُتے عمل کردااے؟
اوہ جیہڑا یسوُع دے بپتسمہ اُتے ایمان نئیں رکھدا
” اوس دن بتھیرے مینوں آکھن گے اَے خُداوند !اَے خُداوند!کیہ اَسیں تیرے ناں اُتے نبُوّت نئیں کیتی تے تیرے ناں توں بدرُوحاں نُوں نہیں کڈھیا تے تیرے ناں توں بوہت سارے معجزے نہیں وکھائے؟ “ (متی ۷:۲۲)۔
خُدا اِنسان دے کماں نُوں اوہدی بادشاہی وِچ داخل ہون دے قابل ہون لئی کدی خاطر وِچ
نئیں لیاندا۔ ” اوس ویلے میَں اوہناں نُوں صاف آکھ دیواں گا پئی میری کدی تُہاڈے نال یاری نئیں سی ۔اَے بدکارو میرے کولوں دفع ہوجاوو۔“ (متی ۷:۲۳)۔
” میَں تُہاڈے لئی اپنے دو مکان قربان کر دتے ۔ میَں ایتھوں تائیں پئی اپنی جان تُہاڈی خاطردے دِتی ۔کیہ تُسیں مینوں نئیں ویکھیا ؟ میَں آخری ساہ تیک تُہاڈا انکار نئیں کیتا۔کیہ تُسیں مینوں نئیں ویکھیا ؟ “
” ہُن کیہ تُہاڈے دِل وِچ پاپ پایا جاندااے؟“
” جی ہاں خُداوند میَں ،بھوراجیہاپاپ کرداآں۔“
” فیر،تُہاڈے نال میرا کوئی تعلق نئیں!کِسےپاپی نُوں ایتھے آؤن دی اجازت نئیں ۔“
” پر اَے خداوند میَں تے تیرے اُتے ایمان دی وجہ توں شہید ہویا ساں!“
” ایہدے توں تیرا کیہ مطلب اے پئی میَں شہید ہویا ساں؟ تُسیں صرف اپنی ہٹ دھرمی دی وجہ توں مرے گئے سی۔ کیہ تُسیں میرے بپتسمہ تے خون نُوں من دے او؟کیہ میَں کدی گواہی دِتی سی پئی تُسیں میرے لوک او؟ تُسیں میرے بپتسمہ اُتے ایمان نئیں رکھدے تے مَیں کدی ایہہ گواہی نئیں دِتی پئی تُسیں میرے لوک او، ایہدے باوجود تُسیں اَپنے عقیدہ اُتے ڈٹے رہے تے اوہدے لئی مر گئے ۔ میَں کدوں تُہاڈے لئی گواہی دِتی سی ؟ تُسیں محبت کیتی تے تُسیں خُود ایس مصیبت نُوں اپنے اُتے لیائے۔کیہ تُسیں ایس گل نُوں سمجھدے او؟ہُن اپنےراہ پوو۔“
یسوُع سانُوں اُٹھن تے چمکن لئی آکھدا اے ۔مکتی یافتہ لوک بوہت سارے جعلی مسیِحیاں تےجھوٹے نبیاں دے سامنے شرم یاں خوف محسوس کردے نیں ،تے جگ مگ چمکن وِچ ناکام ہوسکدے نیں!پر اک جھوٹی جیہی چنگیاری بوہت وڈی اَگ بھڑکا سکدی اے ۔ جے کوئی بہادری نال کھلونداتے گواہی دیندااے،تے ساری دُنیا جگمگا جاوےگی ۔
یسعیاہ ٦۰:١۔۲ وِچ اوہ فرماؤندا اے، ” اُٹھ منور ہوکیوں جے تیرا نور آگیا تے خُداوند دا جلال تیرے اُتے ظاہرہویا کیوں جے ویکھ ہنیرازمین تے چھا جاوے گاتے تاریکی قوماں
اُتے پر خُداوند تیرے اُتے طلوع ہووے گا تے اوہدا جلال تیرے اُتے واضح ہووےگا ۔“
خُداسانُوں اُٹھن تے منور ہون دا حکم دیندااے ، ایس لئی جھوٹ دا ہنیرا ،یعنی ، جھوٹی خوشخبری ساری زمین نُوں گھیر چُکی اے ۔صرف یسوُع اُتے ایمان رکھن والے اوہدے نال محبت کر سکدے نیں۔غیر مکتی یافتہ لوک یسوُع نال کدی محبت نئیں کر سکدے ۔ اوہ کِویں محبت کرسکدے نیں ؟اوہ صرف محبت دیاں گلاں کرسکدے نیں پر اوہ کدی سچ مُچ اوہدے نال محبت نئیں کر سکدے جدوں تیکر اوہ پوری سچیائی اُتے ایمان نئیں لیاؤندے۔
تِن شیواں نیں جیہڑیاں پاپیاں دی مکتی دی گواہی دیندیاں نیں
ساڈے دِل وِچ مکتی دی گواہی کیہ اے؟
یسوع دا بپتسمہ
”تےگواہی دین والے تِن نیں۔رُوح تے پانی تے خون تے ایہہ تِنّوں اِکو گل اُتے متفق نیں“ یسوُع ایس زمین اُتے آیا تے اوہنے پانی تے خون دے سبب اپنا کم کیتا ۔ اوہنے اِنج کیتا تے سانُوں مکتی بخشی۔
” جدوں اسیں بندیاں دی گواہی قبول کر لیندے آں تے خُدا دی گواہی ایس توں وَدھ کے ہے تے خُدا دی گواہی ایہہ ہےپئی اوس نیں اپنے پُتر دے حق وِچ گواہی دِتی ۔ جیہڑا خُدادے پُتر اُتے ایمان رکھدا اے اوہ اَپنےآپ وِچ گواہی رکھدا اے ۔ جِنہے خُدادا یقین نئیں کیتا اوہنے اوہنوں جھوٹا ٹھہرایا کیوں جے اوہ ایس گواہی اُتے ایمان نئیں لیایا جیہڑی خُدا نیں اپنے پُتر دے حق وِچ دِتی اے۔ تے اوہ گواہی ایہہ ہے پئی خُدا نیں سانُوں ہمیشہ دی حیاتی بخشی تے ایہہ حیاتی اوہدے پُتر وِچ اے ۔جیہدے کول پُتر اے اوہدے کول حیاتی اے تے جیہدے کول خُداداپُتر نئیں اوہدے کول حیاتی وی نئیں ۔“ (۱۔یوحنا۵:۹۔۱۲)۔
نویں پیدائش حاصل کرن والا شخص بندیاں دی گواہی حاصل کر دا اے ۔ سانُوں راستبازاں دےطورتےپچھانیاجاندا اے ۔ جدوں نویں پیدائش حاصل کرن والے ،مکتی یافتہ لوک ، مکتی دے بارے
سچیائی نُوں بیان کردے نیں ،تے لوک ایس اُتے بحث نئیں کرسکدے ۔ اوہ ایہنوں قبول کر لیندے نیں ۔ اوہ آکھدے نیں پئی اسیں ٹھیک طورتے ایمان لیائے آں یعنی اَسیں اپنے عقیدیاں وِچ ٹھیک آں۔جے اسیں اوہناں نُوں دسیے پئی اسیں کس طرحاں نویں سرے توں پیدا ہوئے تے کوئی آدمی سچی خوشخبری دے خلاف کھلو نئیں سکدا جیہدی اَسیں گواہی دیندے آں ۔ اوہ آکھدے نیں پئی اَسیں ٹھیک آں ۔ اَسیں بندیاں دی گواہی حاصل کردے آں ۔
پرایہہ حوالہ ایس گل نُوں وی بیان کردااے ، ” خدادی گواہی ایس توں ودھ کے ہے ۔ ایس لئی پئی ایہہ خُدادی گواہی اے۔“ ایہہ صحیفہ دَسدااے پئی خدا دی گواہی اوہدے پُتر دی گواہی اے ۔ٹھیک؟ اوہدے پُتردی کیہ گواہی اے؟ خداداسانُوں بچان دا ثبوت ایہہ ہے پئی یسوُع رُوح دے راہیں آیا ، اوہ مکتی دے پانی دے راہیں آیا ، تے اوہ صلیب اُتے خون وگان دے راہیں آیا ۔ خدا گواہی دیندااے پئی اوہنے سانُوں ایس طرحاں چھُڈایا تے اَسیں ایس گل اُتے ایمان لیان دے سبب اوہدے لوک آں ۔
” جیہڑا خدا دے پُتر اُتےایمان رکھدا اے او ہ اَپنےآپ وِچ گواہی رکھدا اے ۔جِنہے خُدادا یقین نہیں کیتا اوہنے اوہنوں جھوٹا ٹھہرایا کیوں جے اوہ اوس دی گواہی اُتے ایمان نئیں لیایا جیہڑی خُدا نے اپنے پُتر دے حق وِچ دِتی اے ۔ “
ایہہ حوالہ تھوڑے لفظاں وِچ بیان کردااے پئی کیہڑے چھُڈائے ہوئے لوک نیں ۔ ایہدے وِچ بیان کیتا گیا اےپئی جیہڑا خُدا دے پُتر اُتے ایمان لیاؤندااے اوہ اپنے آپ وِچ گواہی رکھدااے ۔ کیہ تُسیں اپنے دل وِچ گواہی رکھدے او؟ایہہ تُہاڈے تے میرے اندر ہے ۔ یسوُع ساڈی خاطرزمین اُتے آیا ۔ (اوہ رُوح القدّس دے راہیں مریم دے بدن راہیں جِسم وِچ آیا)۔جدوں اوہ ٣۰وَرہے داہویا ، اوہنوں بپتسمہ دِتاگیا تاں پئی اوہ ساڈے سارے پاپ اپنے اُتے چُک لوے۔تے ساڈے سارے پاپاں دے نال ، صلیب اُتے اوہدی عدالت کیتی گئی ۔ تِن دن بعد سانُوں اَبدی حیاتی بخشن لئی اوہ مویاں وِچوں جی اُٹھیا۔اِنج یسوع نیں سانُوں چھڈایا۔
جےاوہ مُردیاں وِچوں نہ جی اُٹھیا ہوندا تے کیہ ہوندا ؟ اوہنے قبر وِچ کس طرحاں میرے لئی
گواہی دِتی ہوندی ؟ایس لئی اوہ میرا مکتی داتا اے ۔ ایہہ اوہ گل اے جیہدے اُتے اَسیں ایمان رکھدے آں۔
تے اوہدے آکھن دے مطابق ،اوہنے اپنے خون تے بپتسمہ دے سبب سانُوں چھُڈایا ۔ کیوں
جے اَسیں ایمان لیائے آں ایس لئی میَں تے تُسیں بچ گئے آں ۔ایہہ گواہی میرے اندر اے تے ایہہ گواہی تُہاڈے اندر وی اے۔ چھُڈائے ہوئے کدی اوہدے بپتسمہ دے ’ پانی ‘ نُوں پراں نئیں کرسکدے۔اَسیں کدی ایہناں شیواں نُوں بھُلا نئیں سکدے جیہڑیاں اوہنے سانُوں بچان لئی ورتیاں۔
” کیوں جے سانُوں ایسے طرحاں ساری راستبازی پوری کرنا مناسب اے۔“ (متی۳:۱۵) اَسیں کدی ایس گل توں اِنکار نہیں کردے پئی جدوں یسوُع نے دریائے یردن اُتے یوحنا اصطباغی کولوں بپتسمہ لیا تے اوہنے ساڈے سارے پاپ اپنے اُتے چُک لئے ۔ چھُڈائے ہوئے لوک کدی یسوُع دے بپتسمہ دے ’ پانی ‘ دا اِنکارنئیں کرسکدے ۔
اوہ جیہڑے ایمان رکھدےنیں ، پرچھُڈائے ہوئے نئیں ،اخیر تیک
یسوُع دے بپتسمہ دا اِنکا رکردےنیں
کیہڑا خُدانُوں جھوٹا ٹھہراندااے؟
اوہ آدمی جیہڑا یسوُع دے بپتسمہ اُتے ایمان
نئیں رکھدا
اوہ کِنّاں مختصر سی جدو ں یوحنا رسوُل نیں فرمایا ، ” جِنہے یقین نئیں کیتا اوہنے اوہنوں جھوٹا ٹھہرایا ۔“جے یوحنا ایتھے ایس دَور وِچ جیونداہوندا ،تے اوہ سانُوں، اَج دے مسیِحیاں نُوں کیہ دَسے گا ؟ اوہ ایہہ پُچھدا پئی کیہ یسوُع نیں بپتسمہ لین دے ویلے ساڈے سارے پاپ چُکےیاں نئیں ؟
کیہ یوحنا نیں ایس خوشخبری دی وی منادی نہ کیتی پئی یسوُع نیں اپنا بپتسمہ لین دے سبب سانُوں
مکتی بخشی ؟ ” کیہ تُہاڈے پاپ یسوُع دے سِر اُتے منتقل نہیں ہوئے تے کیہ جدوں اوہنےمیرے کولوں بپتسمہ لیا تے اوہدی کنڈ اُتے نئیں لدے گئے؟ “ اِنج ،اوہنے اَن جھک ہوکےگواہی دِتی ، یسوُع سانُوں سب نُوں چھُڈان لئی بپتسمہ لے چُکیاسی ۔ (یوحنا ١:۲۹، ١۔یوحنا ٥:۴۔٨)۔
دُوجے لفظاں وِچ ، جیہڑے لوک خُدا اُتے ایمان نہیں رکھدے،جیہڑے اوہدے ہرکم اُتے ایمان نہیں رکھدے جیہڑے اوہنے سانُوں چھُڈان لئی کیتے،اوہ اوہنوں جھوٹا ٹھہراؤندے نیں ۔ جدوں اَسیں ایہہ آکھدے آں پئی یسوُع نیں بپتسمہ دے ویلے ساڈے سارے پاپ چُک لئے،تے اوہ آکھدے نیں،” او سوہنے بھائی !اوہنے ساڈے سارےپاپاں نُوں نئیں چُکیا!اوہنے صرف مورُوثی پاپاں نُوں چُکیا،ایویں ساڈے روز مرّہ دےسارےپاپ قائم نیں۔“
ایویں،اوہ ایس گل اُتے زور دیندے نیں پئی اوہناں نُوں ہرروز توبہ کرن تے مکتی حاصل کرن لئی سارےموجودہ پاپاں دااِقرارکرن دی لوڑ اے۔ ایہہ اوہناں دا ایمان اے۔کیہ تُسیں سارے وی ایہوجیہا ایمان او؟جیہڑے ایہہ ایمان نئیں رکھدے پئی ساڈےسارے پاپ یسوُع دے بپتسمہ دے راہیں دھودتے گئے ، اوہ خُدانُوں جھوٹا ٹھہراؤندے نیں ۔
یسوع نیں سانوں اِکو واری تے ہمیش لئی چھُڈالیا جدوں اوہنے بپتسمہ لیا تے صلیب اُتے خون وگایا
کیہڑاجھوٹ بول رہیا اے؟
اوہ شخص جیہڑا یسوُع دے بپتسمہ اُتے ایمان نئیں رکھدا
یسوُع نیں بپتسمہ لیا تے ساڈے سارے پاپ اِکووارتے ہمیش لئی دُور کر دِتے۔ خُدا اوہناں
لوکاں نُوں مکتی بخش دااےجیہڑےیسوُع دے بپتسمہ تے خون اُتے ایمان رکھدے نیں ،تے اوہناں لوکاں نُوں چھڈ دیندااے جیہڑے ایمان نئیں رکھدے۔ اوہ دوزخ وِچ جاندےنیں۔ایویں ،ساڈے مکتی یافتہ ہون یاں نہ ہون دی گل ایتھے آن مکدی اےپئی اَسیں کیہ ایمان رکھدے آں۔یسوُع نیں پاپ بھری دُنیا نُوں رہا کردِتا ۔جیہڑے ایمان لیاؤندے نیں مکتی یافتہ نیں ،تے جیہڑے نئیں لیاؤندے ہُن تیک مکتی یافتہ نئیں ، ایس لئی پئی اوہناں نیں خُدانُوں جھوٹاٹھہرایا ۔
لوک اپنی کمزوریا ں دی وجہ تو ں جہنم وِچ نئیں جاندے ،پر اَپنے تھوڑے ایمان دے سبب جہنم وِچ جاندے نیں ۔ ” جِنہےخُدادایقین نئیں کیتا اوہنے اوہنوں جھوٹا ٹھہرایا۔“ (۱۔یوحنا۵:۱۰)۔ جیہڑے لوک ایمان نئیں رکھدےپئی اوہناں دے سارے پاپ یسوُع نیں چُک لئے اَپنے دِلاں وِچ ہُن وی پاپ رکھدے۔ اوہ ایہہ نہیں آکھ سکدےپئی اوہ اَپنے اندر پاپ نئیں رکھدے۔
اِک واری میری اِک ڈیکن نال ملاقات ہوئی تے میَں اوہدے کولوں پُچھیا، ” ڈیکن صاحب ،کیہ تیرے سارے پاپ دُور ہوگئے جدوں تُوں یسوُع تے ایمان رکھیا؟ “
”بے شک دُور ہوگئے سَن۔“
” فیر جدوں یسوُع نیں دُنیا دے سارے پاپ چُک لئے تے آکھیا پئی ’ تمام ہویا ‘ تُہانوں چھُڈالیا گیا اے ۔
” کیہ ایہہ گل ٹھیک نئیں ؟“
” آہو میَں بچ گیا آں۔“
” اِنج تُہانوں لازمی طورتے بےپاپ ہوناچاہیدااے۔“
” جی ہاں ،میَں بے پاپ آں۔“
” کیہ ہووےگا جے تُسیں فیر پاپ کرو؟“
” اَسیں صرف اِنسان آں۔ اَسیں کس طرحاں دوبارہ پاپ نئیں کر سکدے؟ایس لئی سانُوں توبہ کرنی تے ہرروز اپنے پاپ دھونے نیں۔“
ایس ڈیکن دے دِل وِچ ہُن تک پاپ موجود اےایس لئی پئی او حالے تیک مکتی دی پوری سچیائی توں واقف نئیں ۔
ایہدے وانگر اوہ لوک نیں جیہڑے خُدادامذاق اُڑاندے تے اوہنوں جھوٹا ٹھہراؤندے نیں ۔ کیہ یسوُع ، جیہڑا خُدا اے ،دُنیا نُوں اوہناں دے سارے پاپاں توں چھُٹکارا دین وِچ ناکام ہویا ؟ایہہ بڑی ہلادین والی گل اے ۔ جے یسوُع نیں سانُوں سارے پاپاں تو ں رہائی نہیں دِتی ،تے اوہ کِویں مکتی دا خُداہو سکداسی ؟اوہ کس طرحاں سانُوں خُو داُتے ایمان لیان کئی آکھ سکداسی ؟کیہ تُسیں اوہنوں جھوٹا ٹھہراؤگے؟میرا مشورہ اے پئی تُسیں اِنج نہ کرنا !
بائبل مقدّس سانُوں حکم دیندی اے پئی اَسیں اوہنوں ٹھٹھےوِچ نہ اُڈائیے ۔ ایہداایہہ مطلب ہے پئی اَسیں اوہنوں جھوٹا نہ ٹھہرائیے تے اوہنوں دھوکہ دین دی کوشش نہ کرئیے۔ اوہ ساڈے وانگر
نئیں۔
یوحنا رسوُل ساڈی مکتی دی خوشخبری دے بارے بڑاکھول کےبیان کردااے۔ بوہت سارے
لوک ایہناں گلاں اُتے ایمان لیانا نہیں چاہندے جیہڑیاں خُدا نے ساڈے لئی کیتیاں — ایس سچیائی اُتے پئی یسوُع مسیِح پانی ، خون تے رُوح دے سبب آیا ۔
مسیِحیا ں دے دو گروپ نیں: اوہ جیہڑے ایمان نہیں رکھدےجس طرحاں بائبل مقدّس آکھدی اے تے اِقرار کردے نیں ، ” میَں پاپی آں“تے اوہ جیہڑے ساریاں گلاں اُتے ایمان رکھدے نیں جیہڑیاں خُدا نیں اوہناں لئی پوریاں کیتیاں تے ایمان دے نال اوہ جیہڑے خدادے حضُور آکھدے نیں،”میَں راستباز آں“ایہناں دونواں گروپاںوِچوں کیہڑا تہاڈے خیال وِچ سچیائی نُوں بیان کردااے؟
دُوجے لفظاں وِچ، جیہڑے لوک ایہناں گلاں اُ تے ایمان نئیں رکھدے جیہڑیاں خُدا نیں پوریاں کیتیاں ،یعنی پانی ،خون تے رُوح دی گواہی نُوں نئیں من دے،جھوٹ بول رہے نیں۔ اوہناں دا ایمان جھوٹا اے۔ جیہڑے ایمان نہیں لیاؤندے خُدا نُوں جھوٹا ٹھہراؤندے نیں ۔
اوہنوں جھوٹا نہ ٹھہراؤ ۔یسوُع دریائے یردن اُتے آیا تے ایسے طرحاں (بپتسمہ لین دے راہیں ) ساری راستبازی نُوں پورا کیتا(دنیا دے سارے پاپ چُک لئے)۔
ایمان نہ رکھن والے یسوُع دے بپتسمہ تے اوہدی پاکیزگی دا اِنکار کردے نیں
شیطان تے ابِلیس کیہدا اِنکارکردے نیں؟
یسوُع دے بپتسمہ دا
اوہدے پُتر اُ تے ایمان رکھن والا اپنے اندر گواہی رکھدااے ۔مکتی یافتہ شخص ایمان رکھدا اے پئی اوہدے پاپ اوس ویلے یسوُع اُتے لد دِتے گئے جدوں اوہنوں بپتسمہ دِتا گیا ،تے اوہنوں پانی تے یسوُع دے خون دے سبب رہا کیتا گیا ۔ نویں سرے توں پیدا ہونا ایمان رکھنا ایں پئی یسوُع ایس دُنیا وِچ کواری مریم دے بدن توں پیدا ہویا ،اوہنے صلیب اُ تے جان قربان کرن توں پہلاں یردن وِچ بپتسمہ لیا اوہ مرگیا
تے مُردیاں وِچوں جی اُٹھیا ۔
راستباز شخص دے دِل وِچ گواہی اے ۔ ساڈی مکتی دا ثبوت ساڈے یسوُع اُتے ایمان رکھن وچ
پایا جاندااے، جیہڑا پانی ، خون تے رُوح دے راہیں آیا ۔گواہی تُہاڈے اندر پائی جاندی اے ۔ میَں تُہانوں اپنے اندر گواہی رکھن دی نصیحت کرداآں ۔میَں تُہانوں آکھدا آں جے تُہاڈے اندر گواہی یعنی مکتی دا ثبوت نئیں ، تے ایہہ مکتی نئیں ۔
یوحنا رسوُل نیں آکھیا، ” جیہڑا خُدا دے پُتر اُتے ایمان رکھدا اے اوہ اَپنےآپ وِچ گواہی رکھدا اے۔“ (۱۔یوحنا۵:۱۰)۔کیہ ایہہ صرف صلیب اُتے وگائے جان والے خون اُ تے ایما ن رکھن دی گواہی اے ؟ یاں پانی اُتے ایمان رکھن دی نہ پئی خون اُتے ؟ خُدادی نظراں وِچ تُہانوں مقبول ہون لئی ایہناں تِنّاں گلاں اُتے ایمان رکھنا چاہیدااے۔
تے فیر یسوُع تُہاڈے لئی گواہی دیوےگا پئی ’ تُسیں مکتی یافتہ او۔ ‘ بھلا تُسیں ایہہ آکھ رہے او پئی جے تُسیں تِنّاں وِچوں صرف دوشیواں اُتے ایمان رکھدے او تے تُہاڈے اندرگواہی موجود ہووے گی ؟
ایہہ اپنے طورتے خُدااُتے ایمان رکھنا اے ۔ایہہ ’ اپنے لئی گواہی دینا ‘ ہووے گا۔
ایہوجیہے بوہت سارے لوک نیں ۔ دُنیا وِچ بوہت سارے ایہو جیہے لوک نیں جیہڑے صرف تِنّاں وِچوں دو گلاں اُتے ایمان رکھدے نیں ۔اوہ گواہی دیندے نیں پئی اوہناں نیں مکتی حاصل کیتی اے تے اوہدے بارے کتاباں لکھدے نیں، اوہ کِنّے مونہہ پھٹ نیں !ایہہ بڑی مایوسی والی گل اے ۔اوہ خُود نُوں ’ بشارت کرن والے مسیحی ‘ آکھدے نیں ۔ اوہ محسوس کردے نیں اوہ نہ صرف’ بشارت کرن والے مسیحی ‘ سگوں ’ مذہبی‘ وی نیں ۔ اوہ ’پانی‘ اُتے ایمان نئیں رکھدے پر ایہدے باجود مکتی یافتہ ہون دی پھُنڈ مار دےنیں !اوہ کس قدر سیویکار ہون دے لائق سنائی دیندے نیں، پراوہناں کول اپنے ذہن وِچ خُدا دی گواہی نہیں ۔ایس لئی ایہہ صرف اِک خیالی پلاؤاے۔
تُسیں کس طرحاں ایہنوں مکتی آکھ سکدے او؟ صرف جیہڑے یسوُع اُتے ایمان رکھدے نیں پئی اوہ رُوح ،پانی تےخون دے راہیں آیا، اوہو ای خُدادے بندیاں دی گواہی رکھدے نیں۔
پولُس رسوُل نے آکھیا، ” ایس لئی ساڈی خوشخبری تُہاڈے کول نہ صرف اَکھری طورتے اَپڑی سگوں قدرت تے رُوح القدّس تے پورے اعتقاد نال وی ۔ “ (۱۔تھسلنیکیوں۱:۵) جدوں لوک صرف یسوُع دے خون اُتے ایمان رکھدے نیں تے ابلیس بوہت خوش ہوندااے۔ ” اوہ بیوقوفو، تُسیں میرے دھوکے وِچ پھس گئے او،ہاہاہا! “ بوہت سارے ایہوجیہے لوک نیں جیہڑے ایمان رکھدے نیں پئی لوک جدوں یسوُع دے خون دی تعریف کردے نیں تے ابلیس یاں شیطان نَس جاندااے۔اوہناں داخیال اے پئی ابلیس صلیب توں ڈردااے ۔ پرتُہانوں ذہن وِچ رکھنا چاہیدا اے پئی ابلیس صرف ڈرامہ کردا اے ۔ سانُوں اوہدے ہتھوں بیوقوف نئیں بننا چاہیدا۔
جدوں کِسے شخص دے اندر بدرُوح وڑ جاندی اے تے اوہ شاید کملا بن جانداتے اوہدے مونہہ وچوں چہِگ نکل دی اے ۔ ایہہ ابلیس لئی اوکھا کم نئیں کیوں جے ابلیس کول اِنسان دے نال گھٹوگھٹ سب کُجھ کروان دی طاقت اے ۔ صرف ابلیس نُوں بھورا جیہا دماغ ورتن دی لوڑ اے ۔خُدا نیں ابلیس نُوں جان لین دے اختیار تو اَڈ ہر طرحاں دی قوت دِتی ہوئی اے۔ ابلیس اِک بندے نُوں سفیدے دے پتے دی طرحاں ہلا سکدااے ، اوہدے مونہہ چوں چیکاں کڈھواتے اوہدے مونہہ چوں چہِگ کڈھوا
سکدااے ۔
جدوں اِنج ہوندااے ، تے ایماندار چیک اُٹھ دے نیں ، ” یسوُع دے ناں توں نس جا!نس جا! “ تے جدوں انسان دے ہوش بحال ہوندے نیں تے اوہ اپنی اصل حالت وِچ آؤندا اے ،تے اوہ آکھدے نیں پئی یسوُع دا خون سی جیہدے وِچ قدرت پائی جاندی اے۔ پر ایہہ اوہدے خون دی قدرت نئیں سی ۔ ایہہ صرف ابلیس سی جیہڑا ’ ڈرامہ ‘ کررہیا سی ۔
ابلیس تے بدرُوحاں سب توں بوہتا اوہناں لوکاں توں ڈردیاں نیں جیہڑے یسوُع اُتے ایمان رکھدے نیں ، جِنہے اپنے بپتسمہ دے نال سانُوں دھوتا ،جِنہے اپنے خون دے راہیں ساڈی سزانُوں چُکیا تے تِن دِن بعد مُردیاں وچوں جی اُٹھیا ۔ابلیس یسوُع دے بپتسمہ تے مکتی دے خون دی گواہی دین والے کول کھلو نہیں سکدا ۔
جِویں پئی تُسیں جان دے او، کیتھولک راہب بوہت واراں ابلیس نُوں جھاڑ پھونک دے راہیں کڈھ دے نیں۔اَسیں فلماں وِچ ایسے طرحاں ویکھیا اے۔ ’دی اومین‘ (The omen )فلم وِچ اِک فادر لکڑی دی صلیب پھڑدا تے اوہنوں ہلاندااے ،فادر مرجاندااے ۔نویں پیدائش دا تجربہ رکھن والا شخص ایس طرحاں شکست نئیں کھاوے گا ۔
نویں سرے توں پیدا ہویا ایمانداراعتمادنال یسوُع دے پانی تے خون دے بارے گل کرے گا ۔جدوں ابلیس اوہنوں اذیت دین دی کوشش کردااے،تے اوہ ابلیس نُوں آکھے گا، ” کیہ تُوں جان دا ایں پئی یسوُع میرے سارے پاپاں نُوں چُک کے لیا گیا؟ “ فیر ابلیس نس جاوے گا ۔ ابلیس نُوں ’ نویں پیدائش ‘ حاصل کرن والے لوکاں دے دوالے ٹھہرن توں نفرت اے ۔ جے’ نویں سرے‘ تو ں پیدا ہویا شخص اوتھے بیٹھا ہووے تے ابلیس اوتھوں نسن دی کوشش کرے گا۔ ایہہ آکھیا گیا اے پئی جیہڑے خُدا اُتے ایمان نئیں رکھدے اوہ اوہنوں جھوٹا ٹھہراؤندے نیں ۔ اوہ اوہدے پُتر دی گواہی یعنی پانی تے خون دی گواہی اُتے ایمان نئیں رکھدے ۔
خُدا دے پُتر دی گواہی کیہ اے؟
اوہدابپتسمہ ،اوہداخون تے رُوح
خُدا دے پُتر دی گواہی کیہ اے؟اوہ ایہہ ہے پئی اوہ رُوح دے راہیں آیا تے اوہنے پانی دے راہیں ساڈے پاپ چُک لئے ۔ اوہنے دے سارے پاپ اپنے اُتے لے لئے تے ساڈے سب لئی صلیب اُتے اپنا خون وگا دِتا۔کیہ ایہہ پانی ،خون تے رُوح دی مکتی نئیں ؟
لوک خُدادے حضُور جھوٹ بول دے نیں ایس لئی پئی اوہ پانی تے خون دی سچی خوشخبری یعنی مکتی دی خوشخبری اُتے ایمان نہیں لیاؤندے ۔ دُوجیاں ساریاں خوشخبریاں جھوٹیاں نیں ۔ اوہناں دے عقیدے جھوٹے نیں ، تے اوہ فضول ایہناں جھوٹیاں خوشخبریاں نُوں پھیلاؤندے نیں ۔
آؤ اَسیں ١۔یوحنا ٥ باب اُتے غور کرئیے ۔١١ آیت وِچ آکھیا گیا اے، ”تے اوہ گواہی ایہہ ہے پئی خُدانیں سانُوں ہمیشہ دی حیاتی بخشی تے ایہہ حیاتی اوہدے پُتر وچ اے۔“ ایہہ آیت سانُوں دَسدی اے پئی خُدانیں سانُوں ابدی حیاتی بخشی ،تے اوہ حیاتی اوس شخص دے اندر اے جیہڑا اوہنوں قبول کردااے ۔ اوہدے نال ایہہ حیاتی اوہدے پُتر وِچ پائی جاندی اے۔
ابدی حیاتی حاصل کرن والے اوہ لوک نیں جِنہاں نیں یسوُع دے بپتسمہ تے خون اُتے ایمان لیاؤن دے راہیں مکتی حاصل کیتی اے۔ مکتی یافتہ لوک ابدی حیاتی حاصل کردے تے ابد تیک زندہ رہندے نیں۔ کیہ تُسیں ابدی حیاتی حاصل کیتی اے ؟
١۲آیت وِچ آکھیا اے، ” جیہدے کول پُتر اے اوہدے کول حیاتی اے تے جیہدے کول خُدا دا پُتر نئیں اوہدے کول حیاتی وی نئیں۔“ دُوجے لفظاں وِچ ،جیہڑا شخص ایہناں کماں اُتے جیہڑے پُتر نیں ایس زمین اُتے کیتے یعنی اوہدے بپتسمہ لین ،صلیب اُتے مرن تے مویاں وِچوں جی اُٹھن اُتے ایمان رکھدااے ،اوہ ابدی حیاتی رکھدا اے ۔پرجے کوئی شخص ایہناں وِچوں کِسے اِک گل نُوں کڈھ دیوے گا
تے نہ اوہ ابدی حیاتی پاوے گا تے نہ اوہنوں مکتی ملے گی ۔
یوحنا رسوُل نیں خدا دے لوکاں وِچ یسوُع دیاں ایہناں گلاں اُتے اوہناں دےایمان لیان دی بنیاد اُتے فرق کیتاجِنہاں نُوں یسوُع نیں پوراکیتا:یعنی پانی ، خون تے رُوح ۔ ایہہ گلاں سانُوں ایہناں لوکاں وِچ کلام دی موجودگی ہے یاں نئیں ایہدے بارے دَسدیاں نیں ۔ ایہہ مکتی یافتہ لوکاں دی یسوع دے پانی دے بپتسمہ ،اوہدے خون ،تے رُوح اُتےاعتقاد رکھن دے سبب ایہناں دی پچھان کرنا ایں ۔
اوہ جیہڑے نویں سرے توں پیدا نئیں ہوئے بھیڈ تے بکری وِچ فرق نئیں کر سکدے
کیہڑا چھُڈائے ہوئے دا ،نہ چھُڈائے ہوئے توں فرق کرسکدااے؟
اوہ جیہڑا نویں سِرے توں پیدا ہویا اے
یوحنا رسوُل نیں واضح طورتے راستبازاں دی پچھان کیتی یعنی اوہناں د ی جیہڑے مکتی یافتہ سَن۔ پولُس رسوُل نیں وی اِنج ای کیتا ۔ کِویں خُدا دے خادم بھیڈتے بکری وِچ چنگی طرح فرق کرسکدے نیں؟اوہ کس طرحاں خُدادے سچے خادماں تے حیلے بازاں وِچ فرق کردے نیں؟جِنہاں لوکاں نیں یسوُع دے پانی تے خون اُتے ایمان لیا ن دے راہیں مکتی حاصل کیتی اے اوہناں نوں فرق کرن دی قوت حاصل ہوندی اے۔
بھانویں اِک شخص پادری ،مبشر یاں ایلڈر ہووے جےاوہ مکتی یافتہ لوکاں دی پچھان نئیں کر سکدا، یاں جے اوہ بھیڈ تے بکری دی پچھان نئیں کرسکدا ،تے اوہ حالے تیکےنویں سِریوں پیدا نئیں ہویا،تے اوہدے وِچ حیاتی نئیں پائی جاندی ۔پر جیہڑے سچے طورتے مکتی یافتہ نیں اوہ واضح طورتے فرق ویکھ سکدے نیں ۔ جیہڑے اپنے آپ وِچ حیاتی نئیں رکھدے، اوہ نہ تے فرق ویکھ سکدے نیں تے نہ ای پچھان کرسکدے نیں ۔
بھانویں اسیں ہنرے وِچ مختلف رنگاں وِچ فرق نئیں کرسکدے۔پرفیروی ہر ا رنگ ہرا اے،
تے چٹا رنگ چٹا اے۔پرجے تُسیں اَپنیا ں اکھاں بند کرلووتے تُسیں نہ تے ویکھ سکدے او تے نہ ای رنگاں دی پچھان کرسکدے او۔
پر جِنہاں دیاں اَکھاں کھُلیاں نیں اوہ رنگ وِچ معمولی جیہے فرق نُوں وی پچھان سکدے نیں ۔ اوہ دَسّ سکدے نیں پئی کیہڑا رنگ ہرااے تے کیہڑا چٹااے۔ بالکل ایسے طرحاں ، مکتی یافتہ تے غیر مکتی یافتہ لوکاں وِچ اِک صاف فرق اے۔
سانُوں مکتی دی خوشخبری ،یعنی پانی ،خون تے رُوح دی خوشخبری دی منادی کرنی چاہیدی اے ۔ سانُوں بیدار تے منور ہونا چاہیدی اے ۔ جدوں اَسیں اپنے آلے دوالے لوکاں نُوں سچے ایمان دے بارے گل بات کرن لئی جمع کرد ے آں، تےاَسیں اِنسانی گلاں نال اپنا مونہہ نہیں کھولدے ۔ بائبل مقدّس وِچ ١۔یوحنا ٥باب،ایہدے مطلب نُوں بیان کردا اے ۔ سانُوں ترتیب نال ایہدی وضاحت کرنی چاہیدی اے تاں پئی کِسے طرحاں دی اُلجھن پیدانہ ہووے۔
اوہ کلام جیہدی اَسیں منادی کررہے آں یعنی یسوع دے پانی ،خون ، رُوح دا کلام اے جیہڑامکتی دی روشنی اے۔ لوکاںوِچ یسوُع دے ’ پانی ‘ نُوں مشہور کرن لئی ،سانوں لازمی طورتے منورہوناچاہیدااے ۔ یسوُع دے ’ خون‘ نُوں مشہور کرنا ،منورہونا ایں ۔ سانُوں ایہنوں بوہت زیادہ واضح کرنا چاہی دااے، تاں پئی زمین اُتے کوئی ایہوجیہا شخص نہ ہووے جیہڑا ایس توں ناواقف ہووے ۔
جے مکتی یافتہ شخص اُٹھداتے منور نہیں ہونداتے بوہت سارے لوک مکتی دے اَڈ ہلاک ہوجان گے تے خُداخوش نہیں ہووے گا ۔ اوہ سانُوں سُست نوکر آکھےگا ۔سانُوں یسوُع دے پانی تے خون دی خوشخبری دی ضرُورمنادی کرنی چاہیدی اے ۔
میرے گھڑ ی مُڑی دُہران دی وجہ ایہہ ہے پئی مکتی حاصل کرن لئی یسوع دا بپتسمہ بوہت اہمیت رکھدا اے ۔ جدوں اَسیں نیانیاں نال گل کردے آں تے اَسیں گھڑی مُڑی گلاں نُوں دُہراندے آں،ہر
اِک نقطے دی وضاحت کرنی ایں تاں پئی سانُوں یقین ہو جاوے پئی اوہ ایہناں گلاں نُوں سمجھ گئے نیں ۔
جے اَسیں کِسے اَن پڑھ شخص نُوں سکھان دی کوشش کرئیے تے سانُوں پہلا قدم لازمی طورتے الف بے پےتوں چُکنا پیندااے ۔فیر،اَسیں ترتیب نال اوہنوں حروُف تہجی توں کِویں لفظ لکھنے نیں ،سکھاؤندے آں۔ فیر جدوں اوہ لفظاں نُوں جوڑ کے لکھن دے قابل ہوجاندا اے جِویں ’ سزا ‘ تے فیر اَسیں اوہنوں ایس اَکھر دے معنے دے بارے کھول کے دَسنا شروع کراں گے ۔اَسیں وی بالکل ایسے طرحاں لوکاں دے نال یسوُع دے بارے ایس یقین نال گل بات کرنی ایں پئی اوہ سچی مُچی ایہناں گلاں
نُوں سمجھ گئے نیں ۔
سانُوں بیان کرکے یسوُع دے بپتسمہ دی وضاحت کرنی چاہی دی اے۔ اوہ ایس دُنیا وِچ پانی ، خون تے رُوح دے راہیں آیا ۔ میَں دُعاکرداآں پئی تُسیں یسوُع اُتے مکتی داتا دے طورتے ایمان لیاؤ گےتے مکتی حاصل کرو گے۔
پانی تے رُوح دی مکتی ، یسوُع دے بپتسمہ ،خون تے رُوح اُتے ایمان دی مکتی، ایس اعتقاد توں پھُٹ پیندی اے پئی یسوُع خُدا تےساڈا مکتی داتا اے
Copyright © 2021 by The New Life Mission