Search
پنجابی
پنجابی
کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔

خطبے

مضمون 8: پاک رُوح

[8-17] سانوں لازمی طور اُتے پاک رُوح اُتے ایمان تے اُمیدرکھنی چاہی دی اے <رومیوں۸: ۱۶ ۔ ۲۵>

سانوں لازمی طور اُتے پاک رُوح اُتے ایمان تے اُمیدرکھنی چاہی دی اے
>رومیوں۸: ۱۶ ۔ ۲۵>
” رُوح  آپ ساڈی رُوح نال رَل کے گواہی دیندااے پئی اسیں خُدا دے پُتر ہیگے آں ۔ تے جے پُتر ہیگے آں تاں وارث وی ہیگےآں مطلب اے ،خُدا دے وارث تے مسیح نال مالک ، پر شرط ایہہ ہیگی اے ،اسیں اوہدے نال دُکھڑے جریے سگوں اوہدے نال جلال وی پایے ۔ کیوں جے میری عقل مطابق ایس جگ دے دُکھ پیڑ ایس لائق نئیں ہیگے پئی اوہدے جلال دے برابر ہو سکن جیہڑا ساڈے اُتے ظاہر ہون والا اے ۔ کیوں جے سارا جگ بڑی آس رکھدیاں ہویاں خُدا دے پُتراں دے ظاہرہون دی راہ ویکھدا اے ۔ ایس لئی پئی سارا جگ جھوٹ دے ہتھ ہیٹھاں کر دتا گیا اے ۔نہ اپنی خوشی نال سگوں اوہدے سبب توں جنہے اوہنوں ، ایس امیداُتے جھوٹ دے ہتھ ہیٹھاں کر دتا پئی ساراجگ وی برباد ہون توں بچ کے خُدا دے پُتراں دے جلال دی رہائی وچ رِل جائے گا۔ کیوں جے سانوں پتہ ہیگا اے پئی سارا جگ رَک کے حالے تیک ہونکے بھردااے تے جمن والی زنانیاں والیاں پیڑاں وچ پیا تڑپدااے تے نہ صرف اوہو ای سگوں اسیں وی جنہاں نوں رُوح دے پہلے پھل ملے نیں ،آپ اپنے دل وچ ہونکے بھردے آں تے لَے کے پالے ہون، مطلب اے اپنے بدن دی مکتی دی راہ ویکھدے آں ۔ ایس لئی سانوں آس دے راہیں مکتی ملی ،پر جیہڑی شے دی آس ہیگی اے ، جدوں اوہ دِس پوے تاں فیر کاہدی آس ؟ کیوں جے جیہڑی شے نظر آؤندی اے ،اوہدی آس کیہ رکھے گا ؟ پر جیہڑی شے نظر نئیں آؤندی ،جے اسیں اوہدی آس رکھیے تاں صبر نال اوہدا راہ ویکھدے آں۔  “
 
 

ہُن بےآسا ویلا ہیگااے

 
کیوں راستباز پاک رُوح دی آس رکھدے نیں ؟
کیوں جے اسیں نویں سریوں جمے ہوئے مسیحی نویں اَسمان دے وارث ہوواں گے بھاویں اوہ جیہڑے نویں سریوں نئیں جمے ہوئے ایس جگ دے مُکن نال مر جان گے ۔
 
 
کیہ ہُن سچ مُچ جگ وچ آس ہیگی اے ؟ نئیں ،اوہ نئیں ہیگی اے ۔ ایہہ صرف یسوع نال ہوندی اے ۔ہُن بےیقینی تے بے آسی داویلا اے ۔ ہر شے ہر دیہاڑے تے بڑی چھیتی بدل دی اے تے لوک ایناں چھیتی دیاں تبدیلیاں نال قائم رہن لئی بوہت ڈاہڈی ہمت کردے پئے نیں ۔اوہ نہ ای رُوحانی سچیائی لبھدے نیں ،نہ ای رُوحانی خوشی دی کوئی ریجھ رکھدے نیں ۔ ایہدی تھاں اُتےاوہ ناکامی توں بچن لئی ہتھ پیر ماردے نیں تے ایس جگ دے خادماں وانگر جیوندے نیں ۔
نویاں نوکریاں نکلدیاں نیں تے پُرانیاں نوکریاں مُک جاندیاں نیں ۔ ایسے طرحاں، لوک ڈرامے والیاں تبدیلیاں وی کردے پئے نیں ۔ ایس لئی اوہ بوہت کامیاں تے بے سکون حیاتیاں بسرکردے نیں ۔ تے ہولی ہولی ، اہناں دی ایس جگ توں آس مُک جاندی اے ۔ ایہدے سبباں وچوں اک ایہہ ہیگا اے ، کیوں جے اوہ آن والے دناں دی کسے پکی ضمانت دے اَڈ حیاتیاں بسرکردے پئے نیں۔  اسیں ایہو جیہے نہ قائم رہن والے جگ وچ  جیوندے پئے آں۔
 
 

سانوں لازمی طور اُتے  پاک رُوح توں ہمیش دی حیاتی  دی آس رکھنی چاہی دی اے

 
کویں اسیں اصل آس پا سکدے آں ؟ اسیں اینوں پانی تے رُوح  دی  خوشخبری  اُتے  ایمان رکھ
کے پاسکدے آں ۔ اوہناں دی آس جنہاں نے پاک رُوح پایا اے دھرتی دیاں شیواں لئی نئیں سگوں اَسمانی شیواں لئی اُتے ہیگی اے ۔ پولُس رسول نے اَسمانی  شیواں دی سچی آس بارے دَسیا اے ۔ اسیں جیہڑے پہلوں ای پاک رُوح دی بھرپوری پا چُکے آں ،اَسمانی شیواں دی آس  رکھدے آں ۔ اسیں ایس لئی اِنج کردے آں ،کیوں جے ساڈا ایمان ہیگا اے پئی یسوع مسیح ساڈے سارے پاپ چُکن تے سانوں پاپیاں نوں یوحنا کولوں اپنے بپتسمے تے اپنے صلیبی لہو نال بچاؤن لئی آیا سی ۔ خُداوند نے اوہناں نوں اَسمانی آس دی ضمانت دتی جیہڑے پاپ دی معافی دی خوشخبری اُتے ایمان رکھدے نیں ۔
رومیوں ۸:۱۹ ۔ ۲۱   آکھدااے ، ” کیوں جے سارا جگ بڑی آس رکھدیاں ہویاں خُدا دے پُتراں دے ظاہرہون دی راہ ویکھدا اے ۔ ایس لئی پئی سارا جگ جھوٹ دے ہتھ ہیٹھاں کر دتا گیا اے ۔نہ اپنی خوشی نال سگوں اوہدے سبب توں جنہے اوہنوں ، ایس امیداُتے جھوٹ دے ہتھ ہیٹھاں کر دتا پئی ساراجگ وی برباد ہون توں بچ کے خُدا دے پُتراں دے جلال دی رہائی وچ رِل جائے گا ۔ “ سارا جگ بدی تے موت دی قید توں رہائی پاؤن دی آس رکھدااے ۔
ایس جگ دیاں ساریاں شیواں ادھوریاں ہیگیاں نیں ۔ سو اوہ ہاڑے پاؤندیاں نیں تے خُدا دے پُتراں دے آؤن دی اُڈیک وچ نیں ۔ اگانہہ ہور ، اوہ بدی دی قید توں رہائی پاؤن تے ہمیش لئی جیون دی آس وی رکھدیاں نیں ۔ سارا جگ اوس دیہاڑے نوں اُڈیکداپیا اے ،جدوں اوہ کدی برباد نہ ہووے گا ،نہ ای مُکے گا سگوں ایہدی تھاں اُتے سداجیوندارہوےگا ۔
کسے دیہاڑے خُدا ولوں بنایا گیا سارا جگ دوجی واری نواں ہووے گا ۔ بھاویں ایس جگ وچ پُھل کملاؤندا تے برباد ہوجاندااے ،ایہہ سدا لئی کھِڑیا رہوے گا تے نویں جگ وچ ہمیش تیک جیوندا رہوےگا ۔ اسیں جنہاں نیں پاک رُوح دی بھرپوری پائی اے ، اسیں وی ایس نویں جگ نوں ویکھاں گے ۔
یسوع مسیح نے وعدہ کیتا سی پئی اوہ فیر آوےگا ، اوہناں نوں چُک لوے گا ،جنہاں پاک رُوح دی بھرپوری پائی اے ۔ اک نواں بدن دیوےگا جیہڑا اوہناں ساریاں لئی دونویں(نہ برباد ہون والا تے سدا قائم رہن والا اے )،اوہنےاوہناں نال ایہہ وعدہ وی کیتا پئی اوہ خُدا نال رَل کے بہشت وچ سدالئی جیوندے رہن گے ۔ ایس جگ وچ سارا سنسار اوس دیہاڑے نوں اُڈیکداپیا اے ۔اوہ ساڈے نال ،خُدا دے پُتراں نال سدا تیک جیوندارہوےگا ،جدوں اوہ دیہاڑا آوےگا ۔
 
 
ایہہ جگ آس رکھدیاں ہویاں ویکھیا جاندااے
 
کدوں راستباز لئی ایہہ سُفنا پورا ہووےگا ؟ایہہ اوس ویلے پوراہووے گا جدوں ساڈا خداوند واپس آوےگا ۔ سانوں بڑے یقین نال آس رکھنی چاہی دی اے ،ایس جگ نوں ویکھن دی ۔ یسوع آکھدااے ، کال ، روگ ،بھونچال تے وکھ وکھ تھاواں اُتے جنگ لگےگی (متی ۲۴:۷)۔پر سب کُجھ مکن دا ویلا حالے تیک نئیں آؤنا ۔ایس جگ دے اخیری دیہاڑے اُتے ،ساڈا خُداوند فیر واپس آوے گا ،سارے جگ دیاں شیواں نویاں کرےگا تے سانوں رُوحانی سداقائم رہن والا بدن دیوےگا ۔ ایہدا مطلب ہیگااے ،رُکھ تے پسُو وی سداقائم رہن گے ۔ ایہدے اُتے ایمان رکھن دے راہیں ،سانوں پکے یقین نال جگ نوں آس رکھدیاں ہویاں ویکھنا چاہی دا اے ۔
ایس جگ وچ ، ایتھوں تیک پئی اوہ جنہاں نیں پاک رُوح دی بھرپوری پائی اے ، سارے جگ نال اپنے دل وچ ہاڑے پاؤندے نیں ،بے سکونی نال اوہدے پُتراں وانگر اپنے بدناں دی مکتی دے جلال لئی اُڈیکدے پئے آں۔ اسیں آس رکھدیاں ہویاں جگ نوں ویکھدے آں کیوں جے خُداوند سانوں اپنے پُتر بناوےگا ، جیہڑے کدی برباد نہ ہون گے ،نہ ای مرن گے ،جدوں اوہ واپس آوےگا ۔
 ایتھوں تیک پئی کسے دیہاڑے جگ برباد ہوجاوے گا ، ساریاں شیواں نویاں ہو جان گئیاں جدوں خُداوند دوبارہ آوے گا ۔ سانوں ایس گل اُتے پکے یقین نال ایمان رکھ کے آس رکھدیاں ہویاں جیوندے رہنا چاہی دااے ۔ نواں جگ ایناں خوش تے حیران کرن والا ہووےگا جویں قصیاں والا جگ ، جنہوں تسیں پریاں والی کتاباں وچ  پڑھیا اے ۔ ایہو جیہے جگ وچ اک ہزار ورہےتیک جیوندے رہن بارے سوچو۔ تے اسیں اوہدے پُتراں وانگر ہمیش دی حیاتی وی پائی اے ،جدوں اسیں اَسمانی بادشاہی وچ جاواں گے ۔ سانوں بڑے یقین نال ایہو جیہی آس رکھدیاں ہویاں جیونا چاہی دااے ۔
کیہ تہانوں ایس جگ وچ کوئی آس دِسدی اے ؟ نئیں ۔ لوک  خوش نصیبی نال اگانہہ جان دے طریقے نال جیوندے نیں ،کیوں جے اوہناں نوں ایس جگ اُتے کوئی آس نئیں ہیگی اے ۔پر ساڈےخُداوند  نے اوہناں نوں بہشت دی آس دتی اے جنہاں معافی پائی اے تے راستباز بنائے گئے نیں ۔ ” ایس لئی سانوں آس دے راہیں مکتی ملی ،پر جیہڑی شے دی آس ہیگی اے ، جدوں اوہ دِس پوے تاں فیر کاہدی آس ؟ کیوں جے جیہڑی شے نظر آؤندی اے ،اوہدی آس کیہ رکھے گا ؟ پر جیہڑی شے نظر نئیں آؤندی ،جے اسیں اوہدی آس رکھیے تاں صبر نال اوہدا راہ ویکھدے آں۔  “ ایہدا مطلب ایہہ ہیگااے ، سانوں یقین رکھدیاں ہویاں یسوع دے واپس آؤن  دی اُڈیک بڑے صبر نال کرنی چاہی دی اے،کیوں جے اسیں خُدا دے کلام اُتے ایمان رکھن دے سبب بچائے گئے ساں ۔
اسیں اپنے اندر پاک رُوح دی بھرپوری پائی اے ،کیوں جے اسیں اپنے پاپاں توں بچائے گئے ساں ۔ایہہ اوہ ہیگے نیں جنہاں نیں یسوع دے راہیں معافی پائی اے ، پاپاں دی تھاں اُتے اپنے دلاں وچ پاک رُوح رکھدے نیں۔ فیر ساڈے بدناں بارے کیہ خیال اے ؟ ساڈے ماڑے بدن وی جی اُٹھن گے ، نویں حیاتی تے ہمیشگی  پاؤن گے ۔ اسیں سدا خُدا نال جیوندے رہواں گے جدوں یسوع واپس آوےگا ۔ صرف اوہ جیہڑے نویں سریوں جمے نیں آس رکھدیاں ہویاں ،ایہہ سہولت پا سکدے نیں تے ایس لئی ساڈی رُوح تے بدن کامل ہو جان گے ۔ ساڈا بدن ہمیشگی والا بن جاوےگاتے اسیں  کدی بیمار نہ ہوواں گے ۔ ساڈے دھرتی والے بدن ماڑے ہیگے نیں ،ایس لئی ساڈے لئی کامل حیاتی بسر کرنا اوکھا ہیگااے ۔ پرفیر اسیں اک کامل حیاتی بسرکراں گے ۔آؤ اسیں خُداوند دے دوجی واری واپس آؤن دی راہ ویکھیے ۔صرف اوہ جنہاں نیں پاک رُوح دی بھرپوری پائی اے ،ایس طرحاں دی آس تے حیاتی پا سکدے نیں ۔
راستباز دی آس صرف بہشت بارے نئیں سگوں ایس جگ وچ وی سچ ثابت ہوندی اے ۔پاک کتاب دَسدی اے ،ساڈاخُداوند فیر واپس آوے گا ، جدوں ایہہ جگ وڈیاں دُکھاں دے بعد برباد ہو جاوے گا ۔اوہ لازمی طور اُتے آوے گا ۔ جدوں اوہ پہلی واری آیاسی  ، اوہنے پاپیاں لئی بپتسمہ لیاسی  ،اوہناں نوں راستباز بناؤن لئی سولی اُتے مرگیا سی تے اخیریں اَسمان اُتے چڑھ گیا سی ۔ ہُن خُداوند دے دوجی واری آؤن دا ویلا آگیا اے ۔
اوس ویلے او ہ  سارےسُتے ہوئے  پاک لوکاں نوں جگاوے گا جیہڑے یسوع اُتے ایمان رکھدے سَن تے اوہناں پاک رُوح دی بھرپوری پائی سی تے اوہناں نوں برباد ہون دی قید توں چھڈاوے گا ۔ اوہ اوہناں نوں نویں اَسمانی بدن دیوے گا ،جیہڑے کدی برباد نئیں ہوندے ،نہ ای بیمار ہوندے نیں  ۔ اگانہہ ہور ، اوہ ہواو چ اوہنوں ملن لئی بدلاں اُتے چُک لَے جان گے تے اوہ ساریاں شیواں نوییاں بنادیوےگا ۔
ایہدے بعدوں ، اسیں یسوع اپنے خُداوند نال مل کے جیوندے رہواں گے تے اوہدے نال نویں دنیا وچ خوشخبری دی خدمت کرن لئی اک ہزار ورہیاں تیک بادشاہی کراں گے ۔ ایہہ اوہناں لئی اک مشق ہیگی اے جنہاں نے اَسمان اُتے جانا اے ۔ایہہ اَسمان دی آس تے سچ ہیگا اے ۔ اوس ویلے ساریاں ادھوریاں شیواں مکمل ہو جان گئیاں ۔ تے شیواں جیہڑیاں برباد ہون والیاں نیں کدی برباد نہ ہون گئیاں ۔کلام، پئی  ” بدن فنا دی حالت وچ بیجیاجاندااے تے باقی رہن  والی  حالت وچ 
جیوں پیندااے  ۔  “ (۱ ۔ کرنتھیوں ۱۵:۴۲)۔یسوع مسیح دے راہیں اوس ویلے پورا ہو جاوےگا ۔
آؤ اسیں جنہاں پاک رُوح دی بھرپوری پائی اے ،آس رکھیے !تہانوں یاد ہونا چاہی دااے پئی بھاویں ساریاں شیواں ماڑیاں ہیگیاں نیں تے مرجاندیاں نیں ، ایہہ خاتمہ نئیں ہیگااے ۔ سانوں لازمی طور اُتے آس دا عقیدہ رکھنا چاہی دااے پئی ساڈا خُداوند سارے جگ نوں فیر نواں بنا دیوے گا ۔سانوں لازمی طور اُتے نویں اَسمان تے نویں زمین دی آس رکھ کے جیونا چاہی دااے ۔ایہہ آس رکھن دےبعد اسیں خوشخبری دی منادی کرن دے لائق ہیگے آں ۔
اسیں پاک رُوح دی بھرپوری پاؤندے آں کیوں جے اسیں جگ دے پاپاں توں بچائے گئے ساں ۔ایسے طرحاں، ساڈے اندر پاک رُوح اَگے خُداوند دی واپس آؤن دی راہ ویکھداپیا اے ۔اوہ خُدا باپ دے اَگے ساڈی تھاں اُتے ساڈے دلاں وچ پریشان توں اَڈ آس تے ایمان نال جیوندے رہن لئی شفاعت کردااے ۔
 
 
سانوں پاک رُوح اُتے آس رکھدے ہویاں جیوندے رہنا چاہی دااے
  
راستباز دی تھاں کِتھے ہیگی اے ؟ ایہہ 5ہزار ورہیاں دی بادشاہی وچ تے اَسمان دی بادشاہی وچ وی ہووے گی جیہڑی خداوند ایس دھرتی نوں نواں بناؤن دے راہیں بناوے گا ۔ مطلب اے جدوں اوہ دوجی واری واپس آوے گا ۔ ایس لئی سانوں اوس دیہاڑے دے آؤن دی اُڈیک  صبر  نال  رکھنی چاہی دی اے ۔ سانوں لازمی طور اُتے ایمان رکھنا چاہی دااے پئی ساڈاخُداوند ساڈے بدناں نوں کامل بناوے گا جدوں ایہہ جگ برباد ہوجاوے گا ۔ سانوں لازمی طور اُتے اک جلال بھری کل دی آس رکھنی چاہی دی اے ۔
 
5جدوں خُداوند یسوع اپنے وعدے دے مطابق ایس جگ اُتے دوجی واری آؤن گے ،تاں اَسمان توں اُترن گے ، پہلاں اوہ جیہڑے مسیح وچ مرے زندہ کیتے جان گے ۔اوہ سارے جیوندے تے جی اُٹھن والے پاک لوکاں نوں ہمیشگی ،سدارہن والے تے برباد نہ ہون والے بدناں وچ بدل دیوے گا ۔تے اوہ سارے پاک لوکاں نوں بدلاں اُتے چُک لوے گا ، تاں پئی اوہ ہَوا وچ اُڈ کے اوہدا استقبال کرن (۱ ۔ تھسلنیکیوں ۴ :۱۶۔۱۷، ۱ ۔کرنتھیوں ۱۵ :۵۱ ۔ ۵۳)۔    
اوہ باقی بچ جان والے شریراں اُتے غصے دے ست (۷) پیالیاں نوں ڈوہلن دے بعد باقی ساریاں شیوا ں نوں نویاں بنا دیوےگا ۔ تے اوہ دوجی واری نویں بنن و الی زمین اُتے اپنی بادشاہی بناوے گا ۔ تے اک ہزار ورہیاں تیک پہلی قیامت وچ ملن والیاں نال حکومت کرے گا (مکاشفہ ۲۰ :۴ ۔ ۵)۔ ہزار ورہیاں دی بادشاہی دے بعدوں ، اوہ ساریاں مُردیاں دی عدالت  کرے گا،تے اوہناں نوں اَگ دے دریا وچ سُٹے گا (مکاشفہ ۲۰ : ۱۱ ۔ ۱۵)۔ فیر اوہ نویں اَسمانی یروشلیم شہر وچ  اپنے لوکاں دی اَگوائی کرے گا تے اوہناں نال ہمیشہ تیک رہوے گا (مکاشفہ  ۲۱ :۱ ۔ ۴)۔
 
پاک رُوح دی بھرپوری پاؤن دے بعد ،پولُس اوہو ای آس رکھدا سی جیہڑی اسیں رکھدےآں ۔ اسیں اپنے دلاں وچ  اوہو آس رکھدیاں ہویاں ،ہزار ورہیاں دی بادشاہی تے اَسمان دی بادشاہی دی اُڈیک رکھدے ہویاں جیوندے آں ۔ اوہ جیہڑے نویں سریوں نئیں جمے ،ایس جگ دے برباد ہون نال مرجان گے ،پر اسیں نویں سریوں  جمے ہوئے مسیحی نویں اَسمان تے زمین دے وارث ہوواں گے ۔ ایہہ آس  سچ مُچ پوری ہو جاوےگی ۔ ساڈے بدن کامل بن جان گے تے اسیں یسوع نال نویں دنیا وچ اک ہزار ورہیاں تیک جیوندے رہواں گے تےبادشاہی کراں گے ۔ اوس دیہاڑے نوں ویکھن دی اسیں آس رکھ سکدے آں تے جگ وچ بے خوف جیوندے رہ سکدے آں ۔
آؤ اسیں صبرکریے تے اُڈیک رکھیے ۔ بھاویں ساڈی حیاتی سانوں تھکا دیندی اے ،ساڈیاں آساں پوریاں ہوجان گئیاں کیوں جے اسیں خُدا اُتے ایمان رکھدے آں ۔ اوہ جیہڑے بے آس ہیگے نیں ،پہلوں ای مویاں لوکاں وانگر ہیگے نیں ۔مہربانی کرکے خُدادے کلام اُتے ایمان رکھن دے راہیں آساں تے اپنے سُفنے  قائم رکھیا کروں ۔
بالکل جویں ساڈی معافی سچی ہیگی سی ، ساڈے بدناں وچ تبدیلیاں اصلی ہون گئیاں تے سارے جگ لئی ہمیشہ دی حیاتی پاؤنا سچی گل ہیگی اے ۔ ساڈی آس وی اصلی ہیگی اے ۔ ایمان رکھو ، تسیں کیہ ایمان رکھدے او ۔اوہ جیہڑے آس رکھدے نیں چنگے تے  خوش ہو سکدے نیں ۔ لوک دکھی ہو جاندے نیں جدوں اوہ بے آس ہوندے نیں ۔ اوہ جیہڑے سُفنے نئیں ویکھدے کدی خوش نئیں ہوندے ۔ اسیں خوش حیاتیاں بسرکرسکدے آں کیوں جے اسیں ہزار ورہیاں دی بادشاہی تے اَسمان دی بادشاہی ،نویں اَسمان تے نویں زمین دی آس رکھدے آں ۔
راستباز نوں لازمی طور اُتے آس رکھنی چاہی دی اے تےپاک رُوح وچ ایس آس دی منادی کرنی چاہی دی اے ۔ سانوں لازمی طوراُتے آس رکھنی چاہی دی اے پئی ساڈی خوشخبری سارے جگ وچ  ودھ جاوے گی ۔ جے تہاڈ ا ایمان پکا ہیگااے ، تہانوں پتہ لگے گا پئی جگ اینا ں وڈا نئیں ہیگااے ۔بھاویں ساڈی شروع ایویں ای سی ۔ اسیں سارے جگ وچ خوشخبری دی منادی کرن دے لائق ہوواں گے جے اسیں آس  تے منت کردے آں ۔ بالکل جویں پولُس نے کیتا سی ،سانوں  لازمی طور اُتے  ایمان رکھن دی
لوڑ ہیگی اے ۔
اوہ آس رکھ کے ایس سوہنی خوشخبری دی منادی دے کم وچ وفادار ہیگے نیں ۔ سانوں لازمی طوراُتے  ایناں بے آس دناں وچ خوشخبری ودھاؤن دی  آس رکھنی چاہی دی اے ۔ سانوں لازمی طور اُتے سوہنی خوشخبری  دی منادی تھکے لوکاں ، بے آسیاں ،غریباں تے حلیماں وچ کرن دی لوڑ ہیگی اے ۔ سانوں لازمی طور اُتے اَسمان دی بادشاہی دے بارے وچ  آس رکھن دے منادی کر ن دے راہیں اوہناں نوں ہنریاں توں چھڈاؤنا چاہی دااے ، جتھے صرف اوہ جیہڑے پانی تے رُوح دی خوشخبری  اُتے ایمان رکھن دے راہیں اپنے پاپاں توں معاف ہو گئے نیں ،جا سکدے نیں ۔ سانوں لازمی طور اُتے اوہناں نوں آس رکھن لئی زور لاؤنا چاہی دا اےپئی خُدا دی بادشاہی دکھاں دے ایس ویلے توں بعد اچانک چور وانگر آجاوے گی ۔
خادم تے پاک لوک جیہڑے نویں سریوں  جمےنیں ،مہربانی کرکے ، بہشت لئی اپنی آس نوں پکیاں کردیاں ہویاں ایس خوشخبری دی منادی جگ دے کونے کونے اُتے کرن ۔ کوئی فرق نئیں پیندا ، ایہہ جگ بوہت چھیتی مُک دا جاندا اے ،اوہ جیہڑے  آس رکھدے نیں کدی برباد نئیں ہون گے کیوں جے اوہ ایس زمینی جندڑی توں اَگے کئی ہمشگی دیاں شیواں پاؤن گے  ۔ اوہ لازمی طور اُتے خُداوند ولوں دتی گئی اک دوجی حیاتی پاؤن گے ۔