Search
پنجابی
پنجابی
کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔

خطبے

مضمون 10: مُکاشفہ(مُکاشفہ دی کتاب اُتے تفسیر)

[17-2باب] اپنا دھیان اوہدی مرضی اُتے لاوو (مُکاشفہ ۱۷:۱۔۱۸)

اپنا دھیان اوہدی مرضی اُتے لاوو
)مُکاشفہ ۱۷:۱۔۱۸)
 
مُکاشفہ ۱۷:۱۔ ۵ دسدا اے ، ” تے اوہناں ستّاں فرِشتیاں وِچوں جِنہاں کول سَتّ پیالے سن اِک آ کے مَینُوں ایہہ آکھیا۔ پئی ایدھر آ مَیں تینُوں اوس وڈّی کنَجری دی سزا وکھاواں جیہڑی وڈّے پانیاں اُتّے بَیٹھی ہوئی اے۔تے جِہدے نال دھرتی دیاں بادشاہاں حرامکاری کِیتی تے دھرتی دے رہن والے اوہدی حرامکاری دی مَے پی کے مست ہوگئے سن۔سو اوہ مَینُوں رُوح وِچ بیابان ولّ لے گیا۔ تے مَیں سُوہے رنگ دے پشُو اُتّے جیہڑا کُفر دے نانواں نال بھریا ہویا سی تے جِہدے سَتّ سِر تے دَس سِنگ سن۔ اِک زنانی نُوں بَیٹھے ہویاں ویکھیا۔تے ایس زنانی جامنو تے سُوہے رنگ دے کپڑے پائے ہوئے سن تے سونے تے جواہر تے موتِیاں نال سَجی ہوئی سی۔ تے اِک سونے دا پیالہ مکرُوہات یعنی اوہدی حرامکاری دِیاں پلِیتیاں نال بھریا ہویا اوہدے ہتّھ وِچ سی۔تے اوہدے مَتّھے اُتّے ایہہ ناں لِکھیا ہویا سی۔ بھیت۔ وَڈا بابل۔ کسبیاں تے دھرتی دِیاں پلِیتیاں دی ماں۔ “
اُتلا حوالے وچ کنجری ایس دنیا دے دیناں بارے دسدی اے ، تے ایہہ سانوں دسدا اے پئی اوہ دنیا دیاں شیواں تے خُداوند ولوں دتی گئےبوہت پیسے دھیلے نال فضول عیش و عشرت وچ پے گئے نیں۔ اوہناں نیں اپنے آپ نوں ہر طرح دی سہولتاں نال ، یعنی سونے دے ہاراں تے ہیرے دیاں والیاں ، تے ہر طرح دے خوشبودار تیل مل کے تیار کیتا ۔ ایہہ حوالہ سانوں دسدا اے پئی اوہدے ہتھاں وچ ا ک سونے دا پیالہ سی ، تے یعنی ایہہ اوہدی حرامکاری دی پلیتیاں تے ناپاکیاں نال بھریا ہویا سی ۔ ایہہ خُدا نے یوحنا نوں وکھایا سی ۔
ایہہ حوالہ سانوں کیہ دسدااے ایہہ پئی شیطان لوکاں دیاں زندگیاں وچ چالاں چلدا اے تے
اوہناں نوں جگ دیاں شیواں نال متوالہ کر کے اوہدے اگے جھکن لئی لبھدا اے ۔ دنیا دے سارے بادشاہ ، وی ، شیطان دے سببوں دنیا دیاں شیواں نال متوالے ہو گئے نیں ۔ ایسے طرح ،ایس زمین اُتے ہر کوئی دنیا دی حرامکاری دی مَے نال متوالہ ہو گیا اے ۔
شیطان اپنے مقصد حاصل کر دا اے جد لوک ایس دنیا دی لہر ، ایہدی خوشیاں ،تے ایہدے پیسے دھیلے دے نال متوالے ہو جاندے نیں ۔ سچیائی ایہہ ہیگی اے پئی اوہدا مقصد لوکاں نوں خُدا ول ویکھن توں روکنا اے ۔ اِنج کرن لئی ، شیطان اوہناں دیاں زندگیاں نوں دنیا دے پیسے دھیلے نال متوالہ کردا اے ۔ سانوں لازمی ایس سچیائی دا احساس کرنا چاہی دا اے ۔
ایس دنیا وچ کوئی بندہ نئیں ہیگا جیہڑا پیسے دھیلے دے جال وچ نئیں پھسے گا ۔ ہر کوئی پیسے دھیلے دے جال وچ پھس جاندا اے ۔ ایس دنیا دے فیشن کرن دے نویں نویں طریقے سارے شیطان دے چال چلے ہوئے تے قیادتی چالاں نیں ۔ ہر کوئی سوچدااے پئی اوہ اپنا ذاتی بوہت چنگا انداز رکھدا اے ۔ پر ایہدے پچھے اک چالباز اے ،تے ایہہ چالباز شیطان توں علاوہ کوئی دوجا نئیں ہیگا ۔ ایس لئی سانوں لازمی پیسے دھیلے وچ نکا نک نئیں رہنا چاہی دا اے سگوں ایہدی بجائے اوہدے کلام نال تر ہو کے خُدا دے کم کردے ہویاں زندہ رہنا چاہی دا اے ۔
مُکاشفہ دا کلام جیہڑا خُدا ساڈےاُتے یعنی یوحنا رسول دے سبب ظاہر کردا اے سچ اے ۔ فیر ، خُدا سانوں ایس کلام دے نال کیہ دسن دی کوشش کردا پیا اے ؟ ساڈا خُداوند سانوں دسدا پیا اے پئی سانوں ایس دنیا وانگر بھرنا نئیں چاہی دا اے ، سگوں ایہدی بجائے ایہدے خلاف کھلونا چاہی دا اے ۔ دوجے اکھراں وچ ، اوہ سانوں پاک لوکاں نوں اپنے سچے دلاں نال سوچن تے خُدا اُتے ایمان رکھن دے بارے وچ دسدا پیا اے ۔
۱۔یوحنا ۲:۱۵ فرماندااے ، ”نا دُنیا نال مُحبت رکھو ۔نا اوہناں شیواں نال جیہڑیاں دُنیا وِچ نیں ۔جیہڑا دُنیا نال محبت رکھدا اے ۔اوہدے وِچ باپ دی محبت نئیں ۔ “جد ساڈے دل دنیا دے پیسے دھیلے نال محبت کردے نیں ، خُدا ساڈے دلاں وچ رہ نئیں سکدا ۔ پر جد ساڈے دل دنیا دیاں شیواں نوں دُور سُٹ دیندے نیں ، فیر خُدا ساڈے دلاں وچ وسے گا ۔ سانوں لازمی دنیا دے پیسے دھیلے نال بھر کے اپنی زندگیاں نئیں بسر کرنیاں چاہی دیاں ۔ صرف جد اسیں اپنے خُداوند دے کلام تے صرف تے صرف اوہدے ارادیاں اُتے دھیان کردے آں اسیں اوہدی اگوائی دے سببوں راہ پا سکدے آں ۔
اسیں کسے وی ویلے اپنے دل بدل سکدے آں ۔ جد دنیا دیاں شیواں ساڈے دلاں وچ وڑن دی کوشش کردیاں نیں ، سانوں اوہناں نوں ہمیشہ ردّ کرنا چاہی دا اے ۔ فیر اسیں اپنے دلاں وچوں دنیا دیاں ساریاں گندیاں شیواں نوں دُور سُٹ سکدے آں ، تے ساڈے دل چھیتی نال خُداوند دے اپنے دل وچ بدل سکدے نیں ۔ساڈا خُداوند ساڈے توں کیہ چاؤہندا اے ؟ تے اوہ سانوں کیہ کرن لئی آکھدا اے ؟ پکا یقین کرن لئی ایہو جیہے دینی خیال ساڈے دلاں وچ پیدا ہون گے ، سانوں لازمی اپنے دلاں وچوں دنیاوی شیواں مکاؤنیاں چاہی دیاں نیں ۔
خُدانے سانوں بوہت ساریاں برکتاں دتیاں نیں ، تے ہُن اسیں سوچدے آں پئی سانوں اپنی زندگی دے باقی دناں لئی ساری دنیا دے لوکاں تیکر پانی تے رُوح دی خوشخبری دی منادی کرنی چاہی دی اے ۔ ایس لئی اسیں اپنے راکھیاں نوں ہرن نئیں دیندے ، تے اپنے دھیان نوں اوہدی مرضی مطابق کرن لئی آؤندے آں ۔ رُوحانی کماں نوں سوچن دے سبب ، اسیں دنیا دیاں شیواں نوں جیہڑیاں ساڈے دلاں وچ ہیگیاں نیں کڈھ سکدے آں ۔
اسیں پاک لوکاں نوں لازمی دنیا دیاں شیواں نوں کڈھنا چاہی دا اے ۔ جد تیکر خُداوند دوبارہ نئیں آ جاندا ، سانوں لازمی اپنی مسیحی زندگیاں ایمان وچ بسرکرنیاں چاہی دیاں نیں ۔ اپنی زندگیاں دے باقی دناں وچ ، سانوں لازمی اوہو ای کرنا چاہی دا اے، خُداوند ساڈے حوالے کیہ کر چُکیا اے جد تیکراسیں اوہدے اگے کھلو نئیں جاندے ۔ تے سانوں لازمی خُداوند نال محبت کرنی چاہی دی اے تے ایمان دے سبب زندہ رہنا چاہی دا اے ، اوہ کردے ہویاں جیہڑاوی کم اوہ سانوں کرن دی اجازت دیندا اے ۔