کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
خیمۂ اِجتماع دے ویہڑےدابوھا
خیمۂ اِجتماع دے ویہڑے دے بوھے لئی ورتیاں گئیاں شیواں ، اسمانی تےارغوانی تے لال دھاگا تے باریک وٹیا ھویا کتان سی ۔ بوھے دی اونچائی 25.2 میٹر (4.7فٹ) سی، تے ایہدی چوڑائی گھٹوگھٹ 9 میٹر(30فٹ) سی ۔ ایہہ اسمانی ،ارغوانی تے لال دھاگے تے باریک کتان دا وٹیا ھویا اک پردہ سی، جیہڑا چار ستوناں اُتے لمک دا سی ۔ ایسے طرحاں ، جدوں کدی کوئی خیمۂ اِجتماع دے ویہڑے وچ جان دی کوشش کردا سی ، اوہ بوھت سوکھا ایہدا بوھا لبھ سکدا سی ۔
خیمۂ اِجتماع دے بوھے لئی ورتے گئے اسمانی ،ارغوانی تے لال دھاگے تے باریک وٹے ھوئے کتان دیاں شیواں ظاھر کردیاں نیں پئی خُدا سانوں اپنے پُتر یسوع دے چار کماں دے راھیں ساڈے سارے پاپاں توں بچاوے گا ۔
پہلا، اسمانی دھاگہ سانوں کیہ وکھاؤندااے ؟ ایہہ یسوع اُتے سانوں اک سچیائی دے حصے نوں وکھاؤندااے، جیہڑا ایس دھرتی اُتے آکے تے یوحنا کولوں اپنےبپتسمے پاؤن دے راھیں جگ دے پاپاں نوں چُک کے پاپیاں دا اصلی مسیحا بن گیا ۔ اصل وچ، ایہہ بپتسمہ جیہڑا یسوع نے یردن دے دریا اُتے یوحنا کولوں لیا ہمیش لئی اِکو ای وار جگ دے سارے پاپاں نوں چُکن دا یسوع دی سچیائی اے ۔ یسوع نے اصل وچ یوحنا بپتسمہ دین والے ، سارے جگ دے نمائندے کولوں بپتسمہ لین دے راھیں اپنے موھڈے اُتے جگ دے سارے پاپاں نوں چُک لیا ۔ ایس لئی پئی ایس طرحاں سارے لوکاں دے پاپ مسیح دے اپنے سر اُتےدھر دتے گئے سَن ، اوہ جیہڑے ایس سچیائی اُتے ایمان رکھدے نیں اپنے دلاں وچ کوئی پاپ نئیں رکھدے ۔
دوجا، خیمۂ اِجتماع دے ویہڑے دے بوھے وچ اُنے ھوئے ارغوانی دھاگے دا کیہ اصل مطلب اے؟ ایہہ سانوں دسدا اے پئی یسوع اصل وچ بادشاھواں دا بادشاہ اے۔ اصل وچ، یسوع نے جگ نوں بنایا ، اوہ آپ بناؤن والا اے ، اک بندہ نئیں اے، تے اصلی مسیحا جیہڑا ایس دھرتی اُتے آیا ۔اوہ مسیحا ، اصل وچ اک بندے دے بدن وانگر پہلوں ای ایس دھرتی اُتے آیا۔ تے بپتسمے دے راھیں جیہڑا اوھنے یوحنا کولوں لیا تے اپنے مرن تیک قربانی تے جیوں اُٹھن نال اپنے آپ دے بدن اُتے جگ دے سارے پاپاں نوں چُکن دے راھیں ، یسوع نے اپنے سارے لوکاں نوں ، جنہاں نیں پچھان لیا اے، ڈردے نیں ، تے اپنے مسیحا اُتے ایمان رکھدے نیں ، اوھناں دے سارے پاپاں تے اوھناں دے پاپ دی عدالت توں بچا چُکیا اے ۔
یسوع اصل وچ ساڈا کھرا خُدا تے کھرا مسیحا اے ۔ اوہ کھرا مکتی داتا اے ۔ ایس لئی پئی یسوع نے جگ دے ، ساڈے سارے پاپاں نوں اپنے آپ اپنے بپتسمے نال چُک لیا،لہو وگاؤن تے سولی اُتے مرن تے اپنے مرن توں جی اُٹھن دے راھیں اوھنے نہ صرف ساڈے سارے پاپاں نوں دھو دتا، سگوں اوہ ساڈی تھاں اُتے کفارے دے طور اُتے پاپ دی سزا وی پا چُکیا اے ۔
تیجا، لال دھاگہ ، لہو بارے دسدا اے جیہڑا یسوع نے سولی اُتے وگایا، تے ایہدا مطلب اے پئی مسیح ساڈے وچوں اوھناں نوں نویں حیاتی دے چُکیا اے جیہڑے ایمان رکھدے نیں۔ لال دھاگے دا ایہہ سچ سانوں دسدا اے پئی یسوع مسیح نے نہ صرف یوحنا کولوں لئے گئے اپنے بپتسمے نال اپنے آپ اُتے جگ دے پاپاں نوں چُکن دے راھیں ساڈے اپنے پاپاں دی سزا پائی ، سگوں اوھنے اوھناں نوں حیاتی دین والا ایمان دین دے راھیں ایمان داراں نوں اک نویں حیاتی وی دتی جیہڑے پاپ ولوں مر گئے سَن ۔ تے اوھناں لئی جیہڑے اوھدے بپتسمے اُتے تے لہو اُتے جیہڑا اوھنے وگایا ایمان رکھدے نیں ، یسوع بناں شک نویں حیاتی دے چُکیا اے ۔
فیر ، بارِیک وٹے ہُوئے کتان دا کیہ مطلب اے ؟ ایہہ ظاھر کردا اے پئی نویں عہد نامے نال ، خُدا نے پُرانے عہد نامے وچ لکھیا ھویا اپنی مکتی دا وعدہ پورا کیتا۔ تے ایہہ سانوں دسدا اے پئی جدوں یسوع نے اپنے بپتسمے نال اپنے آپ اُتے جگ دے سارے پاپاں نوں چُک لیا تے نویں عہد نامے وچ سولی اُتے ساڈے پاپاں لئی اوھنے سزا جری ، اوھنے مکتی پوری کیتی جیہدا خُدا اسرائلیاں نال تے ساڈے نال اپنے عہد دے کلام نال وعدہ کر چُکیا سی ۔
یہوواہ خُدا نے یسعیاہ 1: 18 وچ آکھیا ، ” ھُن خُداوند فرماؤندا اے آؤ اسیں رَل کے بحث کرئیے۔ بھاویں تہاڈے پاپ قرمزی ھون اوہ برف وانگر چٹے ھوجان گے تے بھاویں اوہ ارغوانی ھون تاں وی اُنّ وانگر نکھر جان گے۔ “ پُرانے عہد نامے دا قربانی دا نظام حکم وی دیندا پیا اے خیمۂ اِجتماع وچ کویں قربانیاں دتیاں جاندیاں نیں ، جنہاں مطابق اسرائیل دے لوکاں دے پاپ ہتھاں دے رکھے جان نال قربانی دے میمنے اُتے لدے جاندے سَن، ایہہ وعدہ سی جیہڑا خُدا نے اسرائیلیاں تے ساڈے نال کیتا ۔ ایہہ خُدا دے وعدے دا بھیت سی پئی اوہ جگ دے سارے لوکاں نوں اوھناں دے ھر دیہاڑے دے پاپاں تے سارے سال دے پاپاں توں آؤن والے دناں وچ خُدا دے میمنے دے راھیں بچاوے گا۔
ایہہ مسیحا دے آؤن دے وعدے دی نشانی وی سی ۔ ایس لئی نویں عہد نامے دے دناں وچ ، جدوں یسوع مسیح نے پُرانے عہد نامے دے طریقے مطابق اپنا بپتسمہ پاؤن دے راھیں ہمیش لئی اِکو ای وار اپنے آپ اُتے جگ دے سارے پاپاں نوں چُک لیا ، ایہہ خُدا دے وعدے دا پورا ھونا سی ۔ سانوں اپنے وعدے دا سارا کلام دین دے بعدوں ، خُدا نے سانوں وکھایا اے پئی اوہ اوھناں ساریاں وعدیاں نوں اصل وچ پورا کر چُکیا اے ، بالکل جویں اوھنے وعدہ کیتا سی ۔ بپتسمہ جیہڑا یسوع نے لیا ایس سچیائی نوں ظاھر کردا اے ، پئی وعدے دا پکا خُدا اپنے سارے وعدیاں نوں پورا کر چُکیا اے ۔
ملدے جُلدے خطبے
Copyright © 2021 by The New Life Mission