کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
عہد دا صندوق
شہادت دا صندوق ، اپنی لمبائی وچ 113سینٹی میٹر(7.3فٹ)، اپنی چوڑائی وچ 68 سینٹی میٹر(2.2فٹ)، تے اپنی اُچیائی وچ 68 سینٹی میٹر(2.2فٹ) دی پیمائش رکھدا سی ، اوہ کیکر دی لکڑ دا بنیا ھویا سی تے کھرے سونے نال مڑھیا ھویا سی ، ایس صندوق دے اندر ، پتھر دیاں دو تختیاں سَن جنہاں اُتے دس حکم کڈھے گئے سَن تے مَن دا سونے دا مرتبان ، تے بعد وچ ، ھارون دی پُھٹی ھوئی سوٹی اوھناں وچ رکھی گئی سی ۔
سرپوش ، جیہڑا صندوق اُتے رکھیا گیا سی ، سارے دا سارا کھرے سونے دا بنیا ھویا سی ۔ تے ایہدے دونواں سریاں اُتے ، کروبی ایہدے اُتے اپنے پراں نوں کھلارے ھوئیاں ، مطلب اے صندوق دے ڈھکن نوں ، کجن لئی سرپوش سی ۔ تے کروبیاں دا مونہہ سرپوش ول سی ۔ سرپوش اوہ تھاں اے جتھے خُدا اوھناں اُتے اپنا فضل برساؤندا اے جیہڑے اوھدے کول ایمان دے راھیں آؤندے نیں۔
صندوق دے ھر سرے اُتے سونے دے چار کڑے پائے گئے سَن ۔ سونے دے دو کڑے ھر پاسے لئی لائے گئے سَن ، تے چوباں کڑیاں وچوں لنگھائیاں گئیاں سَن تاں پئی صندوق چُکیا جا سکے ۔ایہہ چوباں کیکر دی لکڑ دیاں بنیاں ھوئیاں تے سونے نال مڑھیاں ھوئیاں سَن ۔ اک پاسیوں دو کڑیاں وچوں چوباں پاؤن تے دوجے پاسیوں دوجے دو کڑیاں وچوں پاؤن دے راھیں ، خُدا نے ایس گل نوں پکیاں کیتا پئی دو بندے اینوں چُک کے لے جا سکدے سَن ۔ تے ساڈے خُداوند نے فرمایا، ”میَں ایس سرپوش اُتے تہاڈے نال ملیا کراں گا ۔ “
خُدا نے اسرائیلیاں نوں صندوق وچوں چوباں لنگھاؤن دے راھیں سرپوش دے نال نال ، عہد دے صندوق نوں چُکن دے لائق بنایا۔ ایہدا مطلب ھیگا اے پئی خُدا ساڈے توں سارے جگ وچ خوشخبری دی منادی کراؤنا چاؤھندااے ۔ ایہو ای بخور دی قربان گاہ دی سچیائی سی ۔ مطلب اے ، ایہدے دونویں پاسے وی کڑے پائے گئے سَن ، ایناں کڑیاں وچوں چوباں لنگھیائیاں گئیاں سَن ، تے دو بندے قربان گاہ نوں چُکن دے لائق سَن۔
سال وچ اک واری، وڈا کاھن قربانی دے پسو دا لہو لیندا سی تے بوھت پاک جگہ وچ جاندا سی ۔ اودوں اوہ ٹھیک ست واری سرپوش اُتے قربانی دے پسو دا ایہہ لہو تراؤنکدا سی ۔ خُدا نے فرمایا پئی اوہ اودوں ایس سرپوش اُتے اسرائیلیاں نوں ملے گا ۔ خُدا ھر کسے نوں ملدا اے جیہڑا وڈے کاھن وانگر اوھو ای ایمان ، مطلب اے ، قربانی دے بندوبست وچ ظاھر کیتی گئی اپنے پاپ دی معافی اُتے ایمان رکھدا اے ۔
سرپوش اُتے تراؤنکیا گیا قربانی دا لہو خُدا دی پاپ دی ٹھیک سزا تے لوکاں اُتے اوھدے رحم نوں ظاھر کردا اے ۔ فدیہ دیہاڑے اُتے ، مطلب اے ستویں مہینے دی دسویں تاریخ نوں ، ھارون وڈا کاھن ، قربانی دے پسو اُتے اسرائیلیاں دے لوکاں دے سارے ورھے دے سارے پاپاں نوں لدن لئی اپنے ھتھ رکھدا سی ۔ فیر اوہ ایہدی گردن اوھدا لہو کڈھن لئی ذبح کردا ، تے فیر اوہ پردے دے اندر ایہدا لہو لے جاندا تے ایہنوں سرپوش اُتے تراؤنکدا سی (احبار 16 : 11 ۔ 16)۔
لہو دے سبب جیہڑا اِنج تراؤنکیا جاندا سی ، خُدا سرائیلیاں نوں ملدا تے اوھناں نوں پاپ دی معافی دی برکت دیندا سی ۔ ایہہ اسرائیلیاں اُتے خُدا دا فضل سی پئی اوہ قربانی دے بندوبست نوں قیم کر چُکیا سی ۔ قربانی دے پسو اُتے ہتھاں دے رکھے جان تے ایہدے لہو نال ، خُدا سچیائی نال اوھناں دے پاپاں نوں مکا چُکیا سی تے اوھناں نوں اپنا رحم ، مطلب اے فضل دے سبب اوھناں نوں پاپاں دی معافی دے چُکیا سی ۔
Copyright © 2021 by The New Life Mission