کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
چڑھاوے دیاں روٹیاں لئی میز
خیمۂ اِجتماع وچ پئیاں شیواں وچوں اک ، چڑھاوے دیاں روٹیاں دی میز ۔ کیکر دی لکڑ نال بنائی گئی سی ، تے کھرے سونے نال مڑھیاں گئیاں سَن ۔ ایہدی پیمائش لمبائی وچ دو ھتھ (90 سینٹی میٹر: 3فٹ)، اُچیائی وچ ڈیڑھ ھتھ (5.67 سینٹی میٹر : 2.2فٹ)، تے چوڑائی وچ اک ھتھ (45سینٹی میٹر : 5.1فٹ) سی ۔ چڑھاوے دیاں روٹیاں دی میز اُتے ہمیش روٹیاں دیاں بارہ چپاتیاں پئیاں رھندیاں سَن ۔ تے ایہہ روٹی صرف کاھن کھا سکدے سَن (احبار 24: 5۔ 9) ۔
چڑھاوے دیاں روٹیاں دیاں چنگیائیاں وچکار ایہہ چنگیائیاں کھُلیاں ھوئیاں نیں : ایہہ اپنے چارے پاسے کنگنی دا فریم رکھدیاں سَن ؛ سونے دا اک تاج ایس فریم دے آلے دوالے رکھیا گیا سی: سونے دے چار کڑے چارے کونیاں اُتے رکھے گئے سَن؛ تے کڑیاں نے سونے نال مڑھی کیکر دی لکڑ دیاں چوباں نوں سنبھالیا جیہڑیاں میز نوں چُکن لئی ورتیاں جاندیاں سن ۔ میز دے سارے ظروف - ایس دے طباق ، چمچے، پیالے تے پاؤن والے آفتابے - وی سونے دے بنے ھوئے سَن ۔
خروج 37 : 11۔ 12 لکھدا اے ، ” تے اوھنے اوھنوں کھرے سونے نال مڑھیا تے اوھدے لئی آلے دوالے سونے دا اک تاج بنایا ۔ تے اوھنے اک کنگنی چار اُنگل چوڑائی دے چارے پاسے رکھی تے اوس کنگنی اُتے آلے دوالے سونے دا اک تاج بنایا۔ “ خُدا دے گھر وچ پاک جگہ دے اندر چڑھاوے دی روٹی دی میز اک فریم رکھدی سی جیہڑا اینا اُچا سی جنی اُچی کنگنی ھوندی اے ، تے ایہہ فریم آلے دوالے سونے دا تاج رکھدا سی ۔ خُدا نے کیوں موسیٰ نوں ایہو جیہا فریم رکھن دا حکم دتا سی ؟ ایہہ گنگنی دا فریم ، گھٹوگھٹ 10 سینٹی میٹر (9.3 اِنچ ) باھر نوں نکلیا ھویا ،میز توں روٹی نوں ڈگن توں بچاؤن لئی سی ۔
جویں صرف کاھن ای ایہہ روٹی کھا سکدے سَن جیہڑی چڑھاوے دی میز اُتے رکھی جاندی سی ، ایسے طرحاں سانوں وی لازمی طور اُتے ایہو جیہے لوک بننا چاھی دا اے جیہڑے ایس روٹی نوں رُوحانی طور اُتے کھا سکدے نیں ۔ صرف اوھو ای جیہڑے پاپ توں بچ گئے نیں تے یسوع مسیح دے بپتسمے تے صلیبی لہو اُتے ایمان رکھن دے راھیں ہمیش دی حیاتی پاؤندے نیں- دوجے اکھراں وچ ، صرف اوہ جیہڑے اپنی مکتی وانگر پانی تے رُوح دی خوشخبری اُتے ایمان رکھدے نیں ۔ ایس روٹی نوں کھا سکدے نیں ۔
ملدے جُلدے خطبے
Copyright © 2021 by The New Life Mission