کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
سونے دا شمع دان
ملدے جُلدے خطبے
· سونے دا شمعدان <خروج ۲۵:۳۱۔۴۰>
> خروج ۲۵:۳۱۔۴۰ <
” تےتُوں کھرے سونے دا اِک شمعدان بناویں۔ اوہ شمعدان تے اوہدا پاواتے ڈنڈی سارے گھڑ کے بنائے جان تےاوہدیاں پیالیاں تے لاٹُو تے اوہدے پُھل سارے اِک ای ٹوٹےدے بنے ہون۔تے اوہدے دوآں پاسیاں توں چھ ٹہنیاں باہرنُوں نِکلدیاں ہون۔ تِن ٹہنیاں شمعدان دے اِک پاسیوں نِکلن تے تِن دُوجے پا سیوں۔اِک ٹہنی وچ بادام دے پُھل دی شکل دِیاں تِن پِیالیاں۔ اِک لاٹُو تے اِک پُھل ہوئےتے دُوجی ٹہنی وچ وی بادام دے پُھل دی شکل دیاں تِن پِیالیاں اِک لاٹُو تے اِک پُھل ہوئے۔ ایسے طرح شمعدان دِیاں چھیاں ٹہنیاں وِچ ایہہ سارا لگیا ہوئے۔تےآپ شمعدان وِچ بادام دے پُھل دی شکل دیاں چار پیالیاں اپنے اپنے لاٹُو تے پُھل سمیت ہون۔تے دو ٹہنیاں دے ہیٹھ اِک لاٹُو ۔سارےاِک ای ٹوٹےدےہون تے فیر دو ٹہنیاں دے ہیٹھ اِک لاٹُو ۔سارےاِک ای ٹوٹےدےہون تے فیر دو ٹہنیاں دے ہیٹھ اِک لاٹُو ۔سارےاِک ای ٹوٹےدےہون ۔شمعدان دیاں چھیاں باہر نُوں نِکلیاں ہوئیاں ٹہنیاں ایہوجِیہاں ای ہون۔یعنی لاٹُو تےٹہنیاں تےشمعدان سارےاِک ای ٹوٹےدےبنےہون ۔ایہہ سارےدا سارا کھرے سونے دے اِک ای ٹوٹے نال گھڑ کے بنایا جائے۔تے تُو ں اوہدے لئی ست دِیوے بناویں۔ ایہوای دِیوےبالے جان تاں پئی شمعدان دے اَگے لو ہوئے۔ تے اوہدے گُلگِیر تے گُلدان کھرے سونے دے ہون۔شمعدان تےا یہہ سارے بھانڈے اِک قنطار کھرے سونے دے بنے ہوئے ہون۔ تےویکھ تُوں ایہناں نُوں بالکل ایہناں دے نمُونےدے مُطابِق جیہڑا تینوں پہاڑ اُتےوکھایا گیا اے بناویں۔“
سونےدا شمعدان کھرےسونے دے جوہرنال بنیا ہویا سی ۔ ایہدی ڈنڈی کھرے سونے دےجوہر دے اِکو اِک ٹوٹے نوں کُٹ کے ،ایہدیاں دوآں پاسیاں وچوں ہر اِک وچوں نکلدیاں ہویاں تِن تِن ٹہنیاں نال بنائی گئی سی ، تے ست دِیوے ڈنڈی دے سِرے تے ایہدیاں چھے ٹہنیاں اُتے رکھے ہوئے سن ۔ کیوں جوسونے دا شمعدان کھرے سونے دےجوہر نال بنایاگیا سی ، ایس لئی ایہہ اِک دِل موہنا تے ویکھن لئی سوہنا نظارہ سی ۔
سونےدے شمعدان اُتے ، تیل پاؤن لئی ست دیوے سن ، جیہڑے ہر ویلےپا ک تھاں نوں روشن رکھن لئی بالے جاندے سن ۔ کوئی بندہ صرف اسمانی، ارغوانی، تےسُرخ دھا گے تےمہین وٹے ہوئے کتان دا اُنیا ہویا خیمۂ اِجتماع داپھاٹک چُکن تے کھولن نال پاک تھاں اُتے جا سکدا اے ۔ اوہ جیہڑے ایس تھاں اُتے جا سکدے نیں صرف اوہ لوک نیں جیہڑے اسمانی، ارغوانی، تےسُرخ دھا گے وچ ظاہر کیتی گئی مکتی دیاں کماں اُتے ایمان رکھدے نیں ۔ا یس طرح، کوئی وی بندہ ایس ایمان توں بغیر پاک تھاں اُتے جا نئیں سکدا ، ایس لئی پئی ایہہ اِک ایہو جیہی تھاں اے جیہدے وچ صرف اوہناں نون اجازت مِلدی اے جیہڑےخیمۂ اِجتماع دے پھاٹک دے پڑدے وچ ظاہر کیتے گئےاسمانی، ارغوانی، تےسُرخ دھا گے تےمہین وٹے ہوئے کتان دے بھیت نوں جان دے نیں ۔
ایس لئی ، صرف اوہ جیہڑےاسمانی، ارغوانی، تےسُرخ دھا گے تےمہین وٹےہوئے کتان نال بنی ہوئی ودھیا مکتی اُتے ایمان رکھدے نیں خُدادی کلیسیا دے کم کرن والے بن سکدے نیں ۔ خیمۂ اِجتماع دے پڑدے دے پھاٹک دے چار رنگ پانی تے رُوح دی خوشخبری دے پرچھاویں نیں ،جیہڑے یِسُوعؔ دے آؤن دی پیش گوئی کردے پئے نیں ، جنہے بپتسمہ لے کے ساڈیاں جگ دیاں پاپاں نوں چُک لیا تے سولی اُتے چڑھن تے اپنا لہو وگا کے ساڈیاں پاپاں دی سزا جری ۔
پانی تے رُوح دی ایس اصل خوشخبری توں علاوہ کوئی دوجی خوشخبری پاپ دی اصل معافی دی خوشخبری نئیں ہیگی جیہڑی خُداوند سانوں دے چُکیا اے ۔ پانی تے رُوح دی خوشخبری، بپتسمے نال جیہڑا یِسُوعؔ مسیح نے لیا تے سولی دی عدالت نال جیہڑی اوہنے سانوں پاپ توں معافی دی برکت دین لئی جری بنی اے ۔ ایس طرح ، صرف اوہ ای جیہڑے ایس سچیائی اُتے سچے دلوں ایمان رکھدے نیں اپنیاں ساریاں پاپاں توں معاف ہو سکدے نیں ۔ دوجیاں اکھراں وچ ، خُدا صرف اوہناں نوں پاک تھاں اُتے جان دی اجازت دیندا اے جیہڑے اسمانی، ارغوانی، تےسُرخ دھا گے تےمہین وٹےہوئے کتان دی ایس سچیائی اُتے ایمان رکھدے نیں ۔
جویں پئی پاک تھاں وچ سونے دا شمعدان سدا اپنی چمکیلی روشنی چمکاؤندا سی ، ایسے طرح اوہ وی جیہڑے پانی تے رُوح دی خوشخبری اُتے ایمان رکھ کے خُدا دے پُتر بن جاندے نیں مکتی دے نُور نال ایس جگ نوں روشن کر سکدے نیں جیہڑا لوکاں نوں اوہناں دیاں پاپاں توں بچاؤندا اے ۔ دوجیاں اکھراں وچ ، صرف اوہو ای جیہڑے پانی تے رُوح دی خوشخبری دے راہیں پاپ دی معافی پا چُکے نیں شمعدان دا کم پورا کر سکدے نیں جیہڑا مکتی دا چانن دیندا اے ، تاں پئی دوجے وی ایس سچیائی نوں جان سکن تے اپنیاں پاپاں دی معافی پا سکن ۔
سونے دا شمعدان پُھل، لاٹُو تے پیالیاں رکھدا سی ۔ جویں پئی خُدا نے حکم دتا پئی شمعدان اُتے ست دیوے رکھے جانے چاہی دے سن ، جد شمعدان بلدا سی ، تاں ہر ویلے ہنیرا پاک تھاں توں نسداسی ۔ ایہدا مطلب ایہہ ہیگا اے پئی راستباز جیہڑے پانی تے رُوح دی خوشخبری اُتے ایمان رکھ کے اپنیاں پاپاں توں پاک ہو گئے نیں سارے اکٹھے ہون گے ،خُدا دی کلیسیا بناؤن گے ، تے ایس جگ نوں روشن کرن گے ۔ شمعدان دا چانن جیہڑا پاک تھاں اُتے چمکدا سی پانی تے رُوح دی خوشخبری اے ، جیہڑی ایس جگ دے ہنیرے نوں مکاؤندی اے ۔
سانوں پاپ توں بچاؤن لئی ،یِسُوعؔ مسیح ایس زمین اُتے آیا ، اِک بندے دے بدن وچ بدن لیا ۔ تےساڈیاں پاپاں نوں لین لئی ، اوہنے یوحنا کولوں بپتسمہ لیا ،تے ساڈیان پاپاں دی سزا جرن لئی ، اوہ سولی اُتے چڑھ گیا ۔اِنج یِسُوعؔ مکتی دا چانن بن گیا اے ۔ خیمۂ اِجتماع دے برانڈے وچ ، پاپی ایہدے سر اُتے اپنے ہتھ رکھن تے ایس قربانی نوں ذبح کر کے اپنیاں پاپاں دی سزا اوہدے اُتے سُٹ کے قربانی دے پشُو اُتے اپنیاں پاپاں نوں لددے سن ۔
ایسے طرح ، یِسُوعؔ مسیح خُدا دی شریعت دے مطابق بپتسمہ لین تے سولی اُتے مر کے ساڈی مکتی نوں پورا کر چُکیا اے ، تے اوہ ساریاں لوکاں لئی مکتی دا چانن بن گیا اے ۔اسمانی، ارغوانی، تےسُرخ دھا گے تےمہین وٹےہوئے کتان وچ ظاہر کیتیاں گئیاں خدمتاں نال ، یِسُوعؔ مسیح ساریاں لوکاں دی مکتی نوں پوراکرچُکیا اے ۔ اِنج اسی بپتسمہ تے لہو دی خوشخبری اُتے جیہڑی یِسُوعؔ مسیح سانوں دے چُکیا اے ایمان رکھ کے اپنیاں پاپاں توں مکتی یافتہ ہوگئے آں ۔ اوہناں ساریاں نوں جیہڑے یِسُوعؔ اُتے ایمان رکھدے نیں لازمی سچیائی دے ایس چانن نوں لبھنا چاہی دا اے ۔
یِسُوعؔ مسیح ایس جگ اُتے مکتی دا چانن چمکا چُکیا اے تاں پئی صرف اوہ جیہڑے پانی تے رُوح نال نویں سریوں جم دے نیں خُدا دی بادشاہی وچ جا سکن ۔ ایس طرح ، صرف اوہو ای جیہڑےپانی تے رُوح نال نویں سِریوں جمدے نیں خُدا دی کلیسیا دا حصہ بن سکدے نیں تے سارے جگ وچ پانی تے رُوح داچانن چمکاؤن تے ودھاؤن دے لائق ہو سکدے نیں ۔ ایس لئی پئی صرف اوہ پانی تے رُوح دی خوشخبری اُتے ایمان رکھدے نیں تے ایہنوں ودھاؤندے نیں ، خُدا خاص کر کےپانی تے رُوح دی ایہہ خوشخبری اوہناں دے حوالے کر چُکیا اے تے اوہناں نوں سچی خوشخبری دا چانن چمکاؤن دی اجازت دے چُکیا اے ۔
ایسے طرح ، سانوں ایہہ سمجھنا چاہی دا اے پئی سارے جگ وچ خوشخبری دے چانن نوں ودھاؤن دا ایہہ کم صرف اوہناں دے راہیں ہو سکدا اے جیہڑے اصل سچیائی وانگر پانی تے رُوح دی خوشخبری اُتے ایمان رکھدے نیں ۔ پاپی پاک تھاں اُتے نئیں جا سکدے ۔ صرف اوہو ای جیہڑے خیمۂ اِجتماع دے پھاٹک دے اسمانی، ارغوانی، تےسُرخ دھا گے وچ ظاہر کیتی گئی خوشخبری اُتے ایمان رکھدے نیں اندر جا سکدے نیں ۔ ایس لئی ، اوہ جیہڑے اسمانی، ارغوانی، تےسُرخ دھا گے دی سچیائی نوں جان دے تے اپنے دل وچ ایس اُتے ایمان رکھدے نیں خیمۂ اِجتماع دے اند ر آسکدے نیں تے مکتی دا چمکیلا چانن چمکاؤن دا کم پورا کر سکدے نیں ۔
خیمۂ اِجتماع دے برانڈے دے پھاٹک اُتے وی ،اسمانی، ارغوانی، تےسُرخ دھا گے نال اُنے ہوئے پڑدے نے راہ نوں روشن کیتا ۔ اوہناں واسطے جیہڑے خیمۂ اِجتماع نوں ایس وچ اپنیاں قربانیاں چڑھاؤن لئی لبھدے پئے نیں ، خُدا نے ایہدے برانڈے دا پھاٹک اوہناں چونہہ رنگاں نال بنایا ۔ پر پُرانے عہد نامے دے زمانے دے لوک اپنیاں ہر دن دیاں قربانیاں دے کے سدا تیکر کامل نا بن سکے ۔ ایس لئی اوہناں نوں مسیحا نوں اُڈیکنا پیا ۔ پر ، جد یِسُوعؔ مسیح مسیحا اصل وچ آیا ، تاں اوہ ایہہ سمجھن وچ ناکام ہو گئے پئی اوہ خیمۂ اِجتماع دے پڑدے دے پھاٹک دیاں رنگاں نال بنے ہوئے مکاشفے دے مطابق اِک سدا دی قربانی چڑھا کے اصلی مسیحا بن گیا ۔
ایہہ بالکل اج دیاں اوہناں مسیحیاں وانگر اے جیہڑے ، یِسُوعؔ دے ناں نوں لیندیاں ہویاں وی نئیں جان دے ، پئی اوہ اسمانی، ارغوانی، تےسُرخ دھا گے تےمہین وٹےہوئے کتان دے مطابق آیا تے سانوں کامل طریقے نال مکتی دے چُکیا اے ۔ جد پُرانے عہد نامے دے لوک ہتھاں دے رکھے جان تے قربانیاں دے لہو نال ہر دن اپنی قربانی دے پشُو چڑھاؤندے سن ، تاں اوہناں نوں ایمان رکھنا سی پئی مکتی داتا ایس طریقے نال ، بالکل اوہناں دےقربانی دے پشُووانگر ظاہر ہوئے گا ۔
ایسے طرح ، ایس جگ دیاں لوکاں نوں لازمی ایہہ وی ایمان رکھنا چاہی دا اے پئی یِسُوعؔ مسیح مکتی داتا ایس زمین اُتے آیا، پُرانے عہد نامے دی قربانی اُتے ہتھاں دے رکھے جان تے لہو دے بالکل مطابق بپتسمہ لے کے جگ دیاں پاپاں نوں چُک لیا ، سولی اُتے چڑھیا تے اپنا لہو وگایا ، تے اِنج اپنیاں لوکاں نوں پاپ توں بچا چُکیا اے ۔ پر ایس لئی پئی اوہ پُرانے عہد نامے دے قربانی دے طریقے نوں وی نئیں جان دے ، ایس لئی اوہناں نوں ایس گل دا کوئی حساب نئیں ہیگا پئی کیہ یِسُوعؔ اپنے بپتسمے تے لہو دے راہیں آیا ، یا اِکوصلیبی لہو دے راہیں آیا ، یا صرف اِ ک نِرے مکتی داتا وانگر آیا ۔
خُدا دی نگاہ وچ ، ایمان جیہڑا اَج دے مسیحی پُرانے عہد نامے دے قربانی دے طریقے اُتے رکھدے نیں اوہ اوناں ای کچا اے جناں پئی اسرائیلیاں دا ایمان کچا سی ۔ ایس لئی پئی اوہ مسیحا اُتے سچا ایمان نئیں رکھدے جیہڑا قربانی دے طریقے وچ ظاہر کیتا گیا اے ، اوہ ایمان نئیں رکھ سکدے پئی مسیحا آیا ، بپتسمہ لیا ، تے اپنا لہو وگایا ۔پرایس جگ دیاں ساریاں لوکاں نوں ،اسرائیلیاں نوں وی ، لازمی پانی تے رُوح دی خوشخبری اُتے ایمان رکھنا چاہی دااے ، یعنی یِسُوعؔ اوہناں نوں اپنے بپتسمے تےاپنیاں سولی اُتے مرن دیاں خدمتاں نال اوہناں دیاں پاپاں توں بچا چُکیا اے ۔
تہانوں تے مینوں ساریاں پاپاں تے لعنت توں بچاؤن لئی ، یِسُوعؔ مسیح نے بپتسمہ لیا تے اپنا لہو وگایا ۔ خیمۂ اِجتماع دے پھاٹک وچ ظاہر کیتی گئی اسمانی، ارغوانی، تےسُرخ دھا گے وچ قیم سچیائی نال ، جیہڑی پانی تے رُوح دی خوشخبری دا پرچھانواں اے ، ایس لئی اسی یِسُوعؔ مسیح نوں جانن دے لائق آں ۔ مکتی دی ایہہ سچیائی ایہہ ہیگی اے پئی لوک اپنیاں دلاں وچ سچی خوشخبری اُتے ایمان رکھ کے اپنیاں پاپاں دی معافی پا سکدے نیں ۔ پانی تے رُوح دی خوشخبری اُتے ایمان رکھ کے جیہڑی یِسُوعؔ مسیح سچ مُچ ایس جگ وچ آؤن ، بپتسمہ لین تے سولی اُتےمرکے سانوں دے چُکیا اے ، تہانوں لازمی اپنیاں دلاں وچ ایمان رکھنا چاہی دا اے جیہڑا تہانوں بچاؤندااے ۔ ایہہ سچیائی تہانوں تہاڈیاں ساریاں پاپاں توں بچا چُکی اے ۔
خُدا دے پاک گھر وچ ، تِناں پڑدیاں والے پھاٹک سن ۔ ایہہ سارے پھاٹک اسمانی، ارغوانی، تےسُرخ دھاگےتےمہین وٹےہوئے کتان نال اُنے ہوئے سن ۔ جویں پئی مَیں تہانوں بوہت واری دس چُکیا آں ایہہ چار رنگ بالکل خُدا دی مکتی نوں ظاہر کردے نیں :سانوں ساڈیاں پاپاں توں بچاؤن لئی ، خُدااسمانی، ارغوانی، تےسُرخ دھا گے تےمہین وٹےہوئے کتان نال مکمل ہوئی پاپ دی معافی دی شریعت نوں مقرر کر چُکیا اے ۔ ایس لئی ، جے اسی پاپ دی معافی دی ایس شریعت دے مطابق ایمان رکھدے آں ، تاں خُدا ساڈےایمان نوں قبول کرے گا تے سانوں سدا تیکر ساڈیاں پاپاں توں بچا ئے گا ۔
ایہہ اسمانی، ارغوانی، تےسُرخ دھا گے وچ ظاہر ہون والی پانی تے رُوح دی خوشخبری اُتے ایمان رکھن نال اے پئی ساڈے وچوں کوئی وی سدا تیکر ساریاں پاپاں توں مکتی یافتہ ہو سکدا اے۔ خُدا ولوں دتے گئے قربانی دے طریقے دی اصل لوڑ نوں جانن تے ایمان رکھن نال ، کوئی وی اوہدے کول جا سکدا اے ۔ پاک تھاں اُتے ، خُدا دے گھر اندر جان والی تھاں اُتے ، پنج ستون سن ،تےاسمانی، ارغوانی، تےسُرخ دھا گے تے مہین وٹے ہوئے کتان نال بنیا ہویا اِک پڑدا ایہناں ستوناں دے اُتوں لمکیا ہویا سی ۔ ساڈے لئی خُدا کول جان لئی ، لازمی چونہہ رنگاں دے پڑدے دے پھاٹک وچ ظاہر کیتے گئے چار ایمان رکھنے چاہی دے نیں ۔
اسمانی دھاگے وچ ظاہر کیتا گیا ایمان ایہہ ہیگا اے پئی یِسُوعؔ مسیح نے بپتسمہ لے کے ساڈیاں پاپاں نوں قبول کیتا تےسُرخ دھا گےوچ ظاہر کیتا گیا ایمان ایہہ ہیگا اے پئی یِسُوعؔ مسیح نے سولی اُتےچڑھن تے اپنا لہو وگا کے پاپ دی سزا جری ۔ارغوانی رنگ وچ ظاہر کیتا گیا ایمان ایہہ ایمان اے پئی یِسُوعؔ آپ ای خُدا اے تےمہین وٹے ہوئے کتان وچ ظاہر کیتا گیا ایمان ، اوہدےوڈے کلام اُتے ایمان رکھنا اے پئی خُدا سانوں اُتلے دسیاں ہویاں دھاگیاں —یعنی ، اسمانی، ارغوانی، تےسُرخ دھا گے نال ساڈیاں پاپاں نوں مکا کےسانوں بے پاپ بنا چُکیا اے ۔ ایہہ سچیائی پانی تے رُوح دی خوشخبری اکھواؤندی اے ۔ ایس طرح ، ایمان رکھ کے پئی یِسُوعؔ سانوں پانی تے رُوح نال بچا چُکیا اے ، اسی خُدا دی بادشاہی وچ جا سکدے آں ۔ ایہہ اوہناں لوکاں دا ایمان اے جیہڑے خیمۂ اِجتماع دا پھاٹک کھول سکدے نیں تے پاک تھاں اُتے جا سکدے نیں ۔
اسمانی، ارغوانی، تےسُرخ دھا گے نال اُنیا ہویا خیمۂ اِجتماع دے برانڈے دا پھاٹک سانوں خُدا دے منصوبے نوں سمجھن دے لائق بناؤندا اے پئی اوہ سانوں کویں بچائے گا ، سانوں وکھاؤندیاں ہویاں پئی ساڈی مکتی ، خُدا ولوں مقرر کیتی گئی پاپ دی معافی توں ملن والی اے ، ایہہ ساڈیاں اپنیاں بندیاں دیاں کوششاں نال نئیں ملدی اے ۔ جے اسی ہردن اپنیاں پاپاں دی ، پاپ دے فدیے دی قربانی دے پشُو دے بغیر ، یعنی ہتھاں دے رکھے جان ، تے لہو وگا کے پاپ نوں لدیوں بغیر معافی منگدے آں، اسی کدی اپنے نسلی پاپاں توں مکتی یافتہ نئیں ہو سکدے ۔صرف جد قربانی دا پشُو جیہڑا سانوں ساڈیاں پاپاں توں بچاؤن لئی آیا جگ دیاں ساڈیاں نسلی پاپاں نوں لیندا اے اسی ایس سچیائی اُتے ایمان رکھ کے تے اِنج پاپ دی معافی پا کے کامل طریقے نال مکتی یافتہ ہوسکدے آں ۔
جے اسی اپنیاں دلاں وچ ایمان رکھدے آں جیہڑا ایس سچی خوشخبری اُتے ایمان رکھدا اے ، تاں اسی مکتی دی خوشخبری ودھاؤن دے لائق ہوواں گے جیہڑی ہر گواچے بندے نوں سدا دی زندگی دیندی اے ۔اسمانی، ارغوانی، تےسُرخ دھا گے وچ ظاہر کیتیاں گئیاں یِسُوعؔ دیاں خدمتاں اُتے ایمان رکھ کے، اسی ایس جگ نوں پاپ دی معافی دے سچ نال روشن کر سکدے آں ۔ پاک تھاں وچ شمعدان ست دیوے رکھدا سی ۔ تے ایس طرح جد ایہہ دیوے بلدے سن تاں اوہناں دا چانن سونے نال مڑھے ہویاں تختیاں نال بنیاں ہوئیاں خیمۂ اِجتماع دیاں کندھاں نال ٹکراؤندا سی ، اِنج اوہ پاک تھاں دے سارے اندر نوں چمک دمک نا ل روشن کردے سن ۔ جے پاک تھاں وچ کوئی شمعدان نا ہوندا ، تاں اوتھے صرف ہنیرا ای ہوندا۔ایہو ای سبب اے پئی خُدا نے ایتھے ایس ہنیرے جگ وچ ، پاک لوکاں تے اپنیاں خادماں نوں رکھیا اے جیہڑے پانی تے رُوح دی خوشخبری اُتے ایمان رکھدے نیں ۔
سونے دے شمعدان دا کیہ کم اے ؟
سونے دا شمعدان سانوں وکھاؤندا اے پئی خُدا سانوں اوہ ایمان دے چُکیا اے جیہڑا سچیائی اُتے بھروسہ رکھدا اے تے جگ دا چانن بن جاندا اے ۔ ساڈا ایمان ایہہ ایمان رکھنا اے پئی یِسُوعؔ مسیح ایس زمین اُتے جمیا، بپتسمہ لیا تے سولی اُتے اپنا لہو وگایا ۔ دوجیاں اکھراں وچ ، خُدا سانوں ایس ایمان نال مکتی دا چانن چمکاؤن لئی فرماؤندا پیا اے ۔ جد اسی اپنے دل وچ مکتی دی خوشخبری نوں پھڑدے تے ایس ایمان نوں ودھاؤندے آں ، ایہو ای اوہ خاص ویلا اے جد اصلی چانن چمکدا اے ۔ لوک فیر ویکھن گے تے ایس چمکدے چانن کول آؤن گے ، ایہہ سمجھدیاں ہویاں پئی خُداوند اوہناں نوں اسمانی، ارغوانی، تےسُرخ دھاگےتےمہین وٹے ہوئے کتان نال بچا چُکیا اے ، تے اوہ خُدا دے اپنے لوک بن گئے نیں ۔ سچیائی دا ایہہ چانن خُداباپ ، پُتر تے پاک رُوح دے راہیں تیارکیتی گئی تے پوری کیتی گئی پانی تے رُوح دی خوشخبری اے ۔
ایس سچیائی اُتے اپنے ایمان رکھ کے پئی یِسُوعؔ ایس زمین اُتے آیا ، بپتسمہ لیا تے سولی اُتے چڑھیا ، اپنا لہو وگایا تے مرگیا ،تے فیر سانوں ساریاں پاپاں توں معافی دین لئی مویاں وچوں جی اُٹھیا ، اسی اوہناں تیکر خوشخبری نوں ودھاؤندے پئے آں جیہڑے مکتی یافتہ ہون دی تمنا رکھدے نیں ۔ جے یِسُوعؔ مسیح نے بپتسمہ نالیا ہونداتے ساڈے لئی قربان نا ہوندا تاں تُسی تے مَیں کدی وی اپنیاں پاپاں توں مکتی یافتہ نئیں ہوسکدے ساں ۔
کیوں جو یِسُوعؔ نے بپتسمہ لیا ،اپنا لہو وگایا تےساڈے لئی قربان ہو گیا ۔ اوہ ساریاں پاپاں نوں اوہ ایمان دے سکدا اے جیہڑا اوہناں نوں بچاؤندا اے ۔ اسی ایتھے صرف کوئی دھوکہ دین والی خُدائی تعلیم نئیں ودھاندے پئے ۔ سارے جگ وچ ، اسی اسمانی، ارغوانی، تےسُرخ دھا گے تےمہین وٹے ہوئے کتان وچ ظاہر کیتا گیا مکتی داچانن ودھاندے پئے آں ۔ ایس لئی پئی اسی ایمان رکھدے آں جیہڑا یِسُوعؔ دے بپتسمے تے اوہدی سولی اُتے قربانی نوں جان دا تے اوس اُتے بھروسہ رکھدا اے ، اسی اوہناں تیکر زندگی دا چانن ودھاؤندے پئے آں جنہاں دے دل ہنیرے وچ نیں ۔ اوہ سارے جیہڑے اِنج ایس چانن نال چمک پئے نیں فیر اپنیاں دلاں وچوں اپنیاں ساریاں پاپاں دے مُک جان دی حیران کرن والی حیرانی دی گواہی دیندے نیں ۔ جگ دے سارے لوک بپتسمے نوں جیہڑا یِسُوعؔ نے لیا تے سولی والی قربانی نوں جیہڑی اوہنے جگ دیاں ساریاں پاپاں نوں مکاؤن لئی پیش کیتی جانن تیکر اَپڑن گے ،تے ایمان رکھ کے پئی ایہہ اوہناں دی اپنی پاپ دی معافی اے ، اوہ سچیائی دے چانن نوں لبھن لئی آؤن گے ۔
یِسُوعؔ مسیح نوں ایس جگ وچ کیوں آؤنا پیا؟ کیوں اوہنوں بپتسمہ لینا پیا ؟ کیوں اوہنوں سولی اُتے مرنا پیا؟ کیوں اوہنوں فیر تِناں دناں بعدوں مویاں وچوں جی اُٹھنا پیا؟ ایہناں ساریاں داسبب ایہہ ہیگا اے پئی یِسُوعؔ مسیح مسیحا اے ۔ مسیحا وانگر مکتی دیاں ساریاں کماں نوں پورا کرن لئی یِسُوعؔ نے بپتسمہ لیا تے اپنا لہو وگایا ،تے اِنج اوہ پاپیاں اُتے مکتی دا چانن چمکا چُکیا اے ۔ایس لئی ، سارے جگ وچ مکتی دا چانن ودھا کے ، اسی بوہت چوکھیاں نوں ایس سچیائی نوں جانن ، ایس اُتے ایمان رکھن تے اِنج سدا دی زندگی پاؤن دے لائق بنا سکدے آں ۔
تُسی تے مَیں اوہ شمعدان آں جیہڑےپانی تے رُوح دی خوشخبری دے چانن نال ایس جگ نوں چمکاؤندے آں ۔ خوشخبری دے راہیں جنہوں اسی ودھاؤندے پئے آں ، لوک سچیائی دے چانن نوں جانن لئی آؤن گے جیہڑا اوہناں نوں بچاؤندا اے ۔ اوہ جیہڑے ایس ہنیرے جگ وچ چانن نوں لبھدے پئے نیں اوہ ایس چمکیلے چانن نوں ویکھن گے جیہڑ ا اسی ودھاؤندے پئے آں ، سچیائی دے چانن کول آؤن گے،تے اپنیاں ساریاں پاپاں توں مکتی یافتہ ہون گے ۔ ایس سچیائی اُتے بھروسہ رکھن والے ایمان ول آؤن دے سبب ، سارے لوک مکتی یافتہ ہو سکدے نیں۔
ایہہ خوشخبری نظریاتی گل نئیں ہیگی ۔ ایس طرح ، سانوں لازمی اپنے سچے دلوں ایما ن رکھنا چاہی دا اے ۔ اسی خوشخبری ودھاؤن لئی کم کر سکدے آں جد اسی سچ مُچ اسمانی، ارغوانی، تےسُرخ دھا گے تےمہین وٹے ہوئے کتان وچ ظاہر کیتیاں گئیاں یِسُوعؔ دیاں خدمتاں اُتے ایمان رکھدے آں ۔ پربھاویں جے اسی پاپ دی معافی پاچُکے آں ، دیوے دے بغیر جتھے تیل پایا جا سکدا اے ، اسی سدا تیکر چانن نئیں دے سکدے، تے ایس لئی خُدا سانوں خُدا دی کلیسیا ، یعنی ساڈا اپنا شمعدان دے چُکیا اے ۔شمعدان دی ہر ٹہنی اُتے پیالیاں سن ، تے ایہناں پیالیاں ہیٹھاں لاٹُو سن ۔ ایہدا مطلب کُجھ ہور نئیں سگوں ایمان دے راہیں بنی ہوئی کلیسیا اے۔
تھاں جتھے صرف او جیہڑے سچ مُچ اپنیاں دلاں وچ ایمان رکھ کے پاپ دی معافی پا چُکے نیں اکٹھے ہوند ے نیں خُدا دی سچی کلیسیااے ۔ کلیسیاداسِر یِسُوعؔ مسیح اے تے کلیسیااوہدا بدن اے ۔ جویں بدن اُنج ای ہِلدا جُلدا اے جویں سِر حکم دیندا اے ، ایسے طرح کلیسیااپنیاں بانہواں تے لتاں نوں جویں یِسُوعؔ مسیح حکم کردا اے حرکت دیندی اے۔ ایس طرح خوشخبری دی خدمت ہوندی اے ۔ فیر ، خُدا دی کلیسیاکیہ لبھدی اے ؟ کالیاں پاپاں وچ لپیٹی ہوئی ، ساری دنیا مردی پئی اے تے کلیسیاایہدے وچکار اوہناں لوکاں نوں لبھدی اے جیہڑے بچ نئیں سکدے سگوں دوزخ جان دے لائق نیں ۔ خُدا دی کلیسیااوہناں نوں مکتی دے چانن نال روشن کردی پئی اے ۔ ایہہ ہیگا اے جیہڑا تُسی تے مَیں اوہدی کلیسیاوچ خوشخبری اُتے اپنے ایمان نال کردے پئے آں ۔
جیہڑیاں مُلکاں وچ مسیحیت دی اِک وڈی تاریخ اے ، اوتھے بوہت سارے لوک نیں جیہڑے بوہتی تعلیم والے تے پاک کلام دے اُستاد نیں ۔ مَیں آس رکھدا ہاں پئی جد ایہو جیہے لوکاں وچکار جیہڑے لگاتار کھری سچیائی نوں لبھ چُکے نیں اوہ ایس سچیائی نال ملدے نیں ، تاں اوہ چھیتی نال اپنیاں پاپاں دی معافی پاؤن گے ۔ سو ایہو جیہےلوکاں تیکر پانی تے رُوح دی خوشخبری ودھاؤن لئی ، مَیں سارے نویں سِریوں جمے ہوئے پاک لوکاں نال ایمان وچ رَل کے کم کردا آں ۔
کیوں جو مسیحیت ، دوجیاں دیناں دے اُلٹ ، اپنی ایمان دی نیہ کلام اُتے رکھ چُکی اے ، ایس لئی لوک پاپ توں معافی پاؤن گے جے اسی صرف ٹھیک طریقے نال کلام نوں ودھاواں گے ۔ پر ایہو جیہے وی نیں جیہڑے ایس سچیائی دے خلاف ڈٹ کے کھلوتے نیں ، صرف ایہنوں مذاق کردے نیں تے ایس اُتے ایمان نئیں رکھدے ، بھاویں کنی بوہتی ایہدی اوہناں اگے منادی کیتی جائے ۔ خاص کر کے ، کئی ڈھیٹ دین پرست نیں جیہڑے خُدا دے کلام اُتے ایمان نئیں رکھدے ، تے ایہو جیہے لوک کدی پانی تے رُوح دی ایس سچیائی اُتے ایمان نئیں رکھن گے ۔ پر اوہناں دے بارے کیہ خیال اےجیہڑے پاک کلام نوں خُدا دے کلام وانگر قبول کردے نیں ؟ اوہناں وچوں بوہت سارے لوک ایس خوشخبری نوں سُن کےتے ایمان رکھ کے پاپ توں معافی پاؤن گے ۔
ایہہ ایس لئی ہیگا پئی مَیں ایہو جیہا ایمان رکھدا آں یعنی مَیں تہاڈے نال رَل کے ، اَج تیکر ، خُدا دی خدمت کردا کردا پیاں آں ۔ آؤن والیاں دناں وچ ، ایہہ خوشخبری بوہت چوکھیاں لوکاں تیکر ودھے گی تے خوشخبری دے وڈے کم ہون گے ۔ اِنج وی ہو سکدا اے پئی خُدا اوتھے کم کردا پیا اے جتھے اسی نئیں ویکھ سکدے تے ہزاراں لوک اصل وچ ہر دن اپنے پاپ توں معافی پاؤندے پئے نیں ۔ تے تُہاڈےتے میرے وانگر لوکاں دی اِک بھیِڑ دِیوا بن جائے گا تے اپنیاں دلاں دا ایمان سارے جگ دیاں لوکاں تیکر ودھائے گی جیہڑا اسمانی، ارغوانی، تےسُرخ دھا گے تےمہین وٹے ہوئے کتان وچ ظاہر کیتی گئی مکتی اُتے ایمان رکھدا اے ۔مَیں ایمان رکھدا ہاں پئی جویں ای اوہ سارے جگ اُتے چمکدے نیں ، نویں ایماندار نکلدے رہن گے تے اوہ وی ودھن گے تے بدلے وچ ایس خوشخبری نوں ودھاؤن گے ۔
اسی جیہڑے ہُن خُدا دے دِیوے بن گئے آں اپنے ایمان نال مکتی دا چانن چمکاؤندے پئے آں جیہڑا اسمانی، ارغوانی، تےسُرخ دھا گے تےمہین وٹے ہوئے کتان وچ ظاہر کیتی گئی سچیائی اُتے ایمان رکھدا اے ۔ اسمانی دھاگہ یِسُوعؔ دے بپتسمے دی سچیائی دا چانن دیندا پیا اے —یعنی ، یِسُوعؔ نے یوحنا کولوں بپتسمہ لے کے سارے جگ دیاں پاپاں نوں چُک لیا ؛ ارغوانی دھاگہ سچیائی دا چانن چمکاؤندا پیا اے پئی یِسُوعؔ مسیح بادشاہواں دا بادشاہ اے ؛ سُرخ دھا گہ سچیائی دا چانن چمکاؤندا پیا اے پئی یِسُوعؔ جگ دیاں پاپاں نوں سولی اُتے لے گیا تے اوس اُتے اپنا لہو وگایا ؛تے مہین وٹیا ہویا کتان سچیائی دےچانن نال لشکارے ماردا پیا اے پئی خُدا داکلام پاپیاں نوں راستباز بنا چُکیا اے ۔ خُدا ولوں دتی گئی پانی تے رُوح دی خوشخبری دا کلام اسمانی، ارغوانی، تےسُرخ دھا گے تےمہین وٹے ہوئے کتان وچ ظاہر ہوئی سچیائی دا چانن اے ۔
ایہہ خوشخبری سانوں ایہہ وی دسدی اے پئی اوہ دوبارہ آؤن والے خُداوند وانگر ،ایس زمین اُتے واپس آئے گا ، سانوں فیر زندہ کرے گا ۔ اپنے نال ہزارورہیاں دی بادشاہی وچ اِک ہزار ورہیاں تیکر بادشاہی کرن دے لائق بنائے گا ، تے سانوں خُدا دی سدا دی بادشاہی وچ جان تے سدا تیکر زندہ رہن دے لائق کرے گا ۔ کیہ تُسی سوچ سکدے او پئی سدا دی زندگی کیہ اے ؟
ایہہ جہان ایناں کھلریا ہویا تے وڈا اے پئی سائنسدان کہندے نیں پئی سورج دے نظام تے اسمان گنگاتوں باہر دوجیاں بے گنت کہکشاواں وچ تاریاں دے نظام دے اُتے تاریاں دے نظام نیں ۔ جہان دے حصے جیہڑے خُدا نے بنائےنیں اوہ حیران کردیاں ہویاں وڈے تے چوڑے نیں ۔ ساڈے کھوجے ہوئے جہان توں ودھیر، بے گنت بادشاہیاں جنہاں نوں اسی بھاویں نئیں جان دے ساریاں کہکشاواں وچ پئیاں ہویاں نیں ۔ شہاب ِ ثاقب جیہڑے ہُن ڈِگدے نیں اصل وچ سیاریاں دے ٹوٹے نیں جیہڑے ارباں ورہے پہلاں ڈوہنگھیاں کہکشاواں وچ بوہت دُریڈے ڈِگے سن، تے ہُن صرف دھرتی دی حد تیکر اَپڑدے پئے نیں تے سڑدے پئے نیں ۔
دوجیاں اکھراں وچ ، اسی صرف ایس گل دی تصدیق کردے پئے آں پئی ارباں ورہے پہلاں کیہ واقع ہویا سی ۔ ایس طرح ، خُدا ولوں بنائے گئے جہان دیاں وڈیاں بادشاہیاں داحالے تیکر سانوں نئیں پتہ۔ پر ایتھوں تیکر پئی جویں اسی سارے جہان نوں نئیں جانیا ، خُدا لئی ، ایہہ ہتھ دی تَلی جِنی نِکی اے ۔خُدا ہر تھاں موجود تے اپنی مرضی دا مالک اِکو اے جنہے ساریاں شیواں بنائیاں تے جہان دی ترتیب نوں قیم رکھیا ۔
اسی جگ نوں سچیائی دے چانن نال روشن کردے آں ، یعنی پانی تے رُوح دی خوشخبری اُتے ایمان رکھ کے سارے پاپ دی سدا دی معافی پا سکدے نیں تے سدا دی زندگی دا سواد لے سکدے نیں ۔ خُدا دے نیانے زندگی دا چمکیلا چانن رکھدے نیں جیہڑا اوہناں نوں یِسُوعؔ مسیح نا ل سدا تیکر زندہ رہن دی اجازت دیندا اے ۔ خُدا سدا ساڈے نال رہندا اے ، سانوں اوہدیاں خوشیاں دا سواد لین تے اپنے جلال دے کپڑے پاؤن دی اجازت دیندا اے ۔ کیوں ؟ ایس لئی پئی اسی اوہدی قدرت دی خوشخبری دے چانن اُتے ایمان رکھدےآں ۔ اِک واری اسی ایس چانن نوں کھوجیا جنہے سانوں سچیائی نوں جانن دے لائق کیتا ، تاں اسی بچ نئیں سکے سگوں دوجیاں تیکر ایس چانن نوں ودھاؤندے آں ۔
تے جدوں اسی خُدا دی لمی سوچ ویکھی جیہڑی سارے جہان وچ کم کردی اے ، تاں اوہدیاں کماں اُتے ساڈا ایمان ودھن توں علاوہ کُجھ نا کر سکیا ۔ کئی تارے ارباں ورہے پہلاں غائب ہو گئے سن ،تے فیر وی ساڈیاں اکھاں اوہناں نوں ویکھدیاں پئیاں نیں ایس لئی پئی اوہ ایس سیارے توں ارباں نوری سال دُور سن! اسی صرف ” ہمیشگی“دے نظریے دی سوچ رکھ سکدےآں جد اسی جہان دے لمے چوڑے ہون بارے سوچدے آں ۔
اسی جیہڑے خُدا دی کلیسیا دا حصہ بن گئے آں ہُن اپنیاں زندگیاں اصلی خوشخبری دا چانن ودھا کے گزاردے آں ، ایس لئی پئی اسی اسمانی، ارغوانی، تےسُرخ دھا گے وچ ظاہر کیتی گئی سچیائی اُتے ایمان رکھدے آں ۔ اسی ایمان رکھدے آں پئی ایہہ مکتی سانوں اپنے باپ دی بادشاہی وچ سدا دی تے برکت والی زندگی دی ضمانت دیندی اے ۔ تے اسی جان دے آں پئی خُدا ساریاں لوکا ں دے مکتی یافتہ ہون تے سچیائی دی تعلیم تیکر اَپڑن دی تمنا کردا اے (۱۔تیمتھیس ۲:۴)۔ ایس لئی ، اوہناں نوں جیہڑے مکتی دے چانن نوں جان دے نیں اوہناں نوں لازمی پانی تے رُوح دی خوشخبری نوں ودھاؤن دا ، ایہو جیہا کم جیہڑا خُدا اوہناں دے حوالے کر چُکیا اے کردیاں رہنا چاہی دا اے ۔
خُدا سانوں برکت دے چُکیا اے تاں پئی اسی ایس کم نوں پورا کر سکیے ۔ ایہہ سمجھدیاں ہویاں پئی ایہہ سچیائی کِنی وڈی برکت اے ، ساڈا عملی حق ایمان رکھ کے ساڈے حوالے کیتے گئے کماں نوں کردیاں رہنا اے ۔ مَیں آس رکھدا ہاں تُسی سارے اپنے دل چانن نال بھروگے جیہڑا خُدا دی سچیائی نوں جان دا اے ۔ خُدا دے فضل نال ، تُسی تے مَیں اسمانی، ارغوانی، تےسُرخ دھا گے تےمہین وٹے ہوئے کتان وچ ظاہر کیتیاں گئیاں مکتی دیاں خدمتاں اُتے ایمان رکھن تیکر اَپڑ گئے آں، تے اسی سارے جگ لئی مکتی دا چانن بن گئے آں ، یعنی اوہ لوک جیہڑے سارے جگ نوں روشن کردے نیں ۔ ہیلیلویاہ! مَیں خُدا دا بوہت سارا شکراداکرداآں۔
Copyright © 2021 by The New Life Mission