خطبے

مضمون 1: پاپ

[1-1] >مرقس۷:۸۔۹> سانُوں رہائی پاؤن لئی پہلوں ضروُر اپنےپاپاں نُوں جانناچاہی دا اے

>مرقس۷:۸۔۹>
” تُسیں خُدا دے حکم نُوں اِ ک پاسےکرکے بندیاں دی رِیت نُوں قائم رکھدے او۔ جِویں پیالیاں تے لوٹیاں تے تانبے دے بھانڈیاں نُوں دھونا۔تے  اوہنےاوہناں نُوں آکھیا تُسیں اپنی رِیت نُوں منن لئی خدادے حکم نُوں بالکل رَدّ کردیندےاو۔ “
 
>مرقس۷: ۲۰۔۲۳>
” فیر اوہنے آکھیا ،جو کُجھ بندے وِچوں نکلدااے،اوہو ای اوہنوں ناپاک کردا اے ۔کیوں جے اندروں  یعنی بندےدےدِل وِچوں بھیڑے خیال نکلدے نیں۔ حرامکاریاں ۔ چوریاں۔خونریزیاں ۔زناکاریاں ۔لالچ۔بدیاں۔مکر۔گندی چاء ۔بھیڑیاں اکھاں۔ چُغلی۔شیخی ۔ بیوقوفی۔ ایہہ ساریاں بھیڑیاں گلاں اندروں نکل کے  بندے نُوں ناپاک کردیاں نیں۔ “
 
 
سب توں پہلاں، میَں گل نوں کھولنا چاہواں گا پئی پاپ کیہ اے ۔ خُدادے ولوں بیان کیتے گئے پاپ تے اِنسان دےولوں بیان کیتے گئے پاپ موجود نیں ۔ قدیم یونانی زبان وِچ لفظ پاپ،     αμαρτία (hamartia)’ دا مطلب ْ نشان توں ہٹ جانا   ٗ اے۔دُوجے لفظاں وِچ ،ایہدامطلب کُجھ غلط کم کرنا اے۔ خُدا دے حکماں  نوں نہ مننا پاپ اے ۔ آؤاَسیں مڈھلی طَور تے پاپ   دے   بارے  وچ  اِنسان   دے سوچ وَچارنوں  ویکھیے ۔
 
 
پاپ کیہ اے؟
پاپ خُداوندخُدا دے حکماں
 نوں نہ مننا اے
 
اَسیں اپنےضمیر دے راہیں پاپ نُوں پچھان دے آں۔ تے فیر،ہراِنسان دا قاعدہ   کسے شخص دارہن سہن نظر آؤنا، ذہنی حالت ،موجودہ حالات تے ضمیر(اندر) دے مطابق فرق  اے۔
ایس طرحاں ، وکھ وکھ بندیاں دے وِچکار پاپ نُوں کھول کے بیان کرنافرق  اے۔ ہرشخص دے اپنے آپ دے قاعدےاُتے  بھروسہ کردیاں ہوئیاں اِکو ای عمل  پاپ سمجھیا جاسکدااے،یاں نہیں وی سمجھیاجا سکدااے ۔ ایہدی وجہ ایہہ ہے پئی کیوں خُداوند خُدا سانوں پاپ دے آخری قاعدے دے طور تے وَرتی جان والیاں  شریعت دِیاں۶۱۳شِقاں دےچُکیااے۔
ہیٹھاں نظر آؤندا خاکہ اِنسانی پیڑھی دے پاپاں نُوں ظاہرکردا اے ۔
 
خُدا دی شریعت
اِنسان دا ضمیر،اخلاق تے رہن سہن
 دے قاعدے
قومی قانون ،رہن سہن دا قانون
 
سانوں کدی اپنے رہن سہن دے قاعدےاُتے  قائم یعنی اپنے آپ دے ضمیراں(اندر دیاں آوازاں) دے اُتے پاپ دا قاعدہ مقرر نہیں کرنا چاہی دا۔
ساڈےضمیراں (اندر دیاں آوازاں)دے پاپ اوہناں  نال میل  نئیں  رکھدے ،  جنہوں   خُدا وندخُداپاپ دے طَور تے بیان کرچُکیا اے۔ ایس لئی ،سانُوں کدی اپنے ضمیر(اندر دی گل ) نئیں سُننی چاہی دی،سگوں پاپ دے قاعدے دی بنیاد خُداوندخُدا دے حکماں اُتے رکھنی چاہی دی اے۔
ساڈے وچوں ہر شخص دے کول اپنے آپ دا خیال اےپئی پاپ کیہ اے۔کُجھ لوک ایہنوں اپنیاں کمزوریاں سمجھدے نیں جدپئی دوجے لوک ایہنوں وِگڑےہوئے سلوک دی نیو(نیہ) سمجھدے نیں ۔
مثال دے طور تے ،کوریاوِچ ،لوک اپنے ماپیاں دِیاں قبراں اُتے گھاہ اُگاندے نیں تے اپنے آپ دے مرن تیک  ایہدی ویکھ بھال دی ذمہ داری چُک لیندے نیں ۔پر،پاپیو نیو گنی (تھاں دا ناں)دے پُرانے قبیلیاں وِچوں اِک قبیلہ ۔ اپنے مُردہ ماپیاں دااحترام اپنے خاندان دے لوکاں دے نال  لاش دی دعوت کرن دے راہیں کردےنیں ۔ (مینوں پک نئیں پئی کیہ اوہ لاش نُوں کھان توں پہلا ں پکاؤندے نیں یاں نئیں )۔مینوں یقین  اےپئی اوہ لاش نُوں کیڑیاں دی خوراک بنن توں روک دے نیں ۔ ایہو جیہاں رسماں تے رِیتاں ثابت   کردیاں نیں پئی پاپ دے بارے اِنسانی خیال وڈے پیمانے اُتے فرق فرق نیں۔        
کسے اِک وسیب وِچ کوئی نیک عمل کسے دُوجے وسیب وِچ جاہل کم سمجھیاجاسکدااے۔ پرفیر وی ،بائبل مُقدّس سانُوں دَسدی اے پئی خُداوندخُدا دے حکماں دی نافرمانی کرنا پاپ اے۔ ” تُسیں  خُدا دے حکم نُوں چھڈکے  بندیاں دی رِیت نُوں قائم رکھدے او۔ جِویں پیالیاں تے لوٹیاں تے تانبے دے بھانڈیاں نُوں دھونا۔تےاوہنے اوہناں نُوں آکھیا تُسیں اپنی رِیت نُوں منن لئی خُدا دے حکم نُوں بالکل رَدّکردیندےاو۔“ (مرقس ۷:۸۔۹)۔خُداوندخُدا دے اَگے ساڈا جسمانی مونہہ متھا کُجھ قدر نہیں رکھدا کیوں جے اوہ ساڈے دِل دی ڈُونگھائی تےنظررکھدااے۔
 
 
خُداوندخُدا دے اَگے کِسے بندے دا اَپنا قاعدہ ،پاپ اے
 
سب توں وڈا بھیڑا پاپ کیہ اے ؟
ایہہ خُداوند خُدا دے کلام دی
 بےعزتی اے
 
خُداوندخُدا دے اَگےاوہدی مرضی دے مطابق  حیاتی لنگھاؤن وِچ نا کام  ہونا  پاپ  اے ۔  اِنج
 کرنا اوہدے کلام  اُتے ایمان نہ لیاؤن دےبرابراے۔ خُداوندخُدا نے آکھیاپئی فریسیاں وانگر جندڑی لنگھانا پاپ اے جِنھاں نےخُداوند خُدا دے حکماں نُوں رَدّکردِتا تےاپنی  روایتی تعلیماں نُوں بوہت ضروری سمجھیا  ۔یسوُع نے فریسیاں نُوں ریاکار آکھیا اے۔
”تُسیں کیہڑےخُدا اُتے ایمان رکھدے او؟کیہ تُسیں سچی مُچی میری عزت تے مہیما کردے او ؟ تُسیں میرے نال تے مان تران تےکردے او،پرکیہ تُسیں دل نال مینوں  وڈیاندےاو؟۔“ لوک صرف وکھالے دی صورت رکھدےنیں تے اوہدے کلام دی بے عزتی کردے نیں۔ سب توں وڈا پاپ اوہدے کلام دی بے عزتی کرنااے۔کیہ تُسیں ایس گل نُوں جان دےاو؟
ساڈیاں تقصیراں جیہڑیاں صرف ساڈیاں کمزوریاں توں پیدا ہوندیاں نیں، اوہ خطاواں نیں۔  اوہ غلطیاں جیہڑیاں اَسیں کر لیندے آں تے اوہ خطاواں جیہڑیاں اَسیں اپنے کامل نہ  ہون  دی وجہ توں کردے آں کوئی بنیادی پاپ نہیں ،سگوں غلطیاں نیں۔خُداوندخُدا پاپاں تے غلطیاں وِچ وَنڈ کردا اے۔اوہ لوک جیہڑے اوہدے کلام دی بے عزتی کردے نیں پاپی  لوک نیں،بھانویں اوہ کوئی غلطی نہیں کردے۔اوہ خُداوندخُدا دے اَگے بوہت وڈے پاپی نیں۔ ایہو ای وجہ اے پئی کیوں یسوُع  فریسیاں نُوں جھڑکداسی۔
توریت وِچ ،پیدائش توں لے کےاِستثنادی کتاب تیکر،ایہو جیہے حکم موجودنیں جیہڑے سانُوں دَسدے نیں پئی سانُوں کیہ کرنا چاہی دا اے تےکیہ نئیں کرنا چاہی دا۔اوہ خُداوند خُدا دا کلام یعنی اوہدے حکم نیں۔شایداَسیں اوہناں تے سوفیصد عمل کرن دے قابل نہ ہوئیے،پر سانُوں اوہناں نُوں اوہدے حکماں دے طورتےقبول کرناچاہی دااے ۔اوہ سانُوں مُڈھ توں ای سارےحکم دے چُکیا اے تے سانُوں لازمی اوہنا ں نُوں خُداوندخُدا دے کلام دے طور تےمننا چاہی دااے۔
” شروع وچ کلام سی تےکلام خُدا دے نال سی تے ایہو کلام خُدا سی۔“ (یوحناا:۱) اوس ویلے اوہنے آکھیا ،” چانن ہوجاوےتے چانن ہوگیا۔“(پیدائش ۱:۳) اوہنے سب کُجھ جمایا۔ایس تو ں پِچھوں،اوس نے شریعت نُوں قائم کیتا۔
”تےکلام جسم لیاتے ساڈے وچکار رہیا ،تے کلام خُداسی“ (یوحنا ۱:۱،۱۴) ۔ فیر خُداوندخُدانےاپنے آپ نُوں کس طرحاں ساڈے اُتے ظاہر کیتا؟اوہنے اپنے حکماں دے راہیں اپنے آپ نُوں ساڈے اُتے ظاہر کیتاکیوں جےخُدا،کلام تے رُوح اے۔ ایس لئی بھلا اَسیں بائبل مُقدّس نُوں کیہ کہندے آں ؟سانُوں اوہنوں خُداوند خُدا دا کلام کہند ے آں ۔
 ایتھے اِنج حکم دِتاگیا اے ، ” تُسیں خُداوند خُدا  دے حکم  نُوں  چھڈ کے بندیاں  دی  رِیت  نُوں قائم رکھدے او۔“ اوہدی شریعت وِچ۶۱۳شقاں موجودنیں ۔مثال طورتےایہہ کرو تے اوہ نہ کرو ،اپنے ماں پئو دی عزت کرو۔ ۔ ۔وغیرہ وغیرہ ۔احبار دی کتاب وِچ، دَسیا گیا اے پئی زنانیاں تے مرداں نُوں کِویں رہنا چاہی دااےتےجے  کوئی گھر دا پالیا  ڈَنگرکھڈےوِچ ڈِگ جاوے تے کیہ کرنا چاہی دااے۔ ۔ ۔ایس طرحاں اوہدی شریعت وِچ اِنج دیاں۶۱۳شِقاں موجودنیں۔
کیوں جے اوہ بندیاں دے اَکھرنہیں ہیگے،سانُوں گھڑی مُڑی اوہناں دے بارے سوچنا چاہی دااے۔بھانویں اَسیں اوہدی ساری شریعت اُتے عمل کرن دے قابل نہیں ہیگے ،پر سانُوں گھٹوگھٹ اوہناں نوں مننا چاہی دااے تےخُداوندخُدا دی گل مننی چاہی دی اے۔
کیہ خُداوندخُدا دے کلام وِچ اِک وی حوالہ ہے جیہڑا ٹھیک نہیں؟فریسی نے خُداوندخُدا دے حکماں نُوں کنڈ پِچھے سُٹ دِتاتے اوہدے حکماں توں اُچیر ا،بندیاں دی رِیت نوں  قائم رکھیا ۔اوہناں دے وڈیریاں دیاں گلّاں خُداوند خُدا دے کلام توں بوہتا وزن رکھدیاں سن۔جدوں یسوُع زمین اُتے سی تےایہو ای حالت سی جیہڑی اوہنے  ویکھی ، تے جیہڑی گل نےاوہنوں سب توں بوہتی تکلیف دِتی اوہ ایہہ سی پئی  لوک خُداوندخُدا دے کلام نُوں اَکھاں توں پراں سُٹ دے سن۔
خُداوندخُدا سانُوں شریعت دیاں چھ سو تیرہ شِقاں اپنے پاپاں نُوں پچھانن تے  ایہہ وکھان لئی دے چُکیااے پئی اوہ سچا،یعنی ساڈاپاک خُدا اے ۔ کیوں جے اَسیں اوہدے اَگے پاپی آں،سانُوں ایمان دے راہیں  جیوندیاں رہنا چاہی دااےتے یسوُع اُتےایمان لیاؤنا  چاہی دا اے،جیہڑاخُداوند خُداولوں  ساڈے کول ساڈی خاطر اوہدی  محبت دی وجہ توں گھلیاگیا۔
ایہوجہہے  لوک جیہڑے اوہدے کلام نُوں کنڈپِچھے سُٹ دے نیں تے ایہدے اُتے  ایمان نہیں لیاؤندے پاپی لوک نیں۔اوہ لوک جیہڑے اوہدے کلام اُتے عمل کرن دے قابل نہیں ہیگےاوہ وی پاپی نیں،پراوہدے کلام نُوں کنڈ پِچھے سُٹنا بوہت وڈاپاپ اے ۔ اوہ لوک جیہڑے ایہو جیہا بدبُو والا  پاپ کردےنیں اوہ جہنم وِچ جان گے ۔ اوہدے کلام اُتے ایمان نہ لیاؤنا، اوہدی حضوری وِچ سب توں وڈاپاپ اے۔
 
 
خُدا دا سانُوں شریعت دین دا سبب
 
کیہ وجہ اے پئی کیوں خُدا نے سانُوں
 شریعت دِتی؟
ایس لئی پئی  اَسیں اپنے پاپاں تے اوہناں دی
سزانُوں چنگی  طرحاں جان لِیّے
 
ایس لئی کیہ وجہ سی پئی خُداوند خُدا نے سانوں شریعت عطا فرمائی ؟ایس پئی سانوں اپنے پاپاں نوں چنگی طرح جاننا تے شریعت وَل دھیان لیاؤناسی ۔اوہنے سانُوں شریعت دِیاں چھ  سو تیرہ  شِقاں   دِتیاں  تاں پئی اَسیں اپنے پاپاں نُوں جان سکیےتےیسوُع مسیح دے راہیں مکتی پاسکیے۔ایہوای وجہ اے پئی خُداوندخُدا نے سانُوں شریعت دِتی۔
رومیوں ٣:٢٠وِچ آکھیا گیا اے۔ ” شریعت دے راہیں تے پاپ دی پچھان ای ہوندی اے۔ “ ایس لئی اَسیں جان دے آں پئی خُداوند خُدا نے سانُوں شریعت ایسی مقصد لئی نہیں دِتی پئی اَسیں ایہدے مطابق حیاتی بسرکرن تے مجبورہوجایے۔
فیر،اوہ کیہڑا علم اے جیہڑا اَسیں شریعت توں حاصل کردے آں؟اسیں ایہد ے توں سِکھدے آں پئی اَسیں شریعت دی پوری پیروی کرن واسطےپورے دے پورے کمزور آں تے اَسیں خُداوند خُدادے حضوربڑے وڈے پاپی آں۔ایس وجہ توں اَسیں اوہدی شریعت دِیاں چھ سوتیرہ شِقاں توں کیہ محسوس کردے آں؟اَسیں اپنی کمزوریاں تے اوہدی شریعت دے مطابق حیاتی لنگھاؤن چ اپنی نالائقی نُوں چنگی طرحاں  جان دے آں ۔ اَسیں ڈاہڈی طرحاں جان دے آں پئی اَسیں ،خُداوند خُدا دے بنائے ہوئے، یعنی بوہت کمزورلوک آں ایسے ای طرحاں اَسیں اوہدے اَگے وڈےپاپی وی آں۔ساڈے سبھناں دااَنت شریعت دے  ٹھیک مطابق جہنم ختم ہوناچاہی دا اے۔
جدوں اَسیں اپنے پاپاں تے اوہدی شریعت دے مطابق زندہ رہن لئی اپنی نالائقی  نُوں  سیہان دے آں،تے فیر اَسیں کیہ کردے آں ؟کیہ اَسیں پورے اِنسان بنن دی کوشش کردے  آں ؟ جی نئیں ۔ سانُوں ضرورمنن  لینا چاہی دااےپئی اَسیں پاپی آں ،یسوُع اُتے ایمان لیاناچاہی دااے،اوہدی پانی تے رُوح
دے چھُٹکارا دین دے  راہیں مکتی پاؤنی چاہی دی  اے،تےاوہداشُکراداکرناچاہی دا اے۔
خُداداسانُوں شریعت دین دا سبب ایہہ سی پئی اَسیں اپنے پاپاں نُوں جانیے تے اوہناں پاپاں  دی سز اتوں واقف ہوجایے۔ ایویں،اَسیں جان  دے آں پئی یسوُع دے اَڈ جہنم توں بچنا ناممکن سی۔جے اَسیں یسوُع اُتے مکتی داتا دے طورتےایمان رکھدے آں ، تے اَسیں مکتی پاواں گے ۔اوہنے سانوں  مکتی داتا یسوُع کول لے جان لئی شریعت دِتی۔
خُداوند خُدا نےسانُوں ایہہ احساس دوان لئی پئی کِنّے بوہتےپاپی آں ساڈیاں جاناں نوں ایہوجیہےپاپاں توں بچان دی خاطرشریعت بنائی ۔اوہنے سانُوں شریعت دِتی تے سانُوں چھڈان لئی ،اوہنےاپنے کَلّے پُتر ،یسوُع نُوں گھلیاپئی اپنےبپتسمہ دے راہیں ساڈے پاپاں نُوں اپنے اُتے چُک لوے۔ اَسیں اُوہدے تے ایمان رکھن دی وجہ تو ں مکتی حاصل کرسکدے آں۔
اَسیں بے آس پاپی آں جنہاں نُوں پاپ تو ں رہا ہون لئی اوہدے اولاد بنن تے خُدا وند خُدا نوں جلال دین لئی یسوُع اُتے ایمان رکھنا چاہی دااے۔
سانُوں اوہدے کلام دے راہیں سمجھنا،سوچناتےپرکھناچاہی دااےکیوں جےہرشے دا شروع اوسے توں اے۔سانُوں لازمی طورتے اوہدےکلام دے راہیں کفارےدی سچیائی نُوں سمجھنا چاہی دااے۔ ایہو ای  ٹھیک تے سچاایمان اے۔
 
 
اِنسان ذات دے دل وِچ کیہ اے؟
 
سانُوں خُداوندخُدادےسامنےکیہ
 کرنا چاہی دااے؟
سانُوں اپنے پاپاں دا اقرارتےخُداوندخُداکولوں
سانُوں مکتی دین دی دُعامنگنی چاہی دی اے
 
ایمان دا شروع خُداوندخُدادےکلام توں ہونا چاہی دا اےتے سانُوں خُدادےکلام  دے  راہیں
اوہدے اُتے ایمان لیاناچاہی دااے۔جےاِنج نئیں ہووےگا،تےاَسیں دھوکے دا شکار ہوجاواں گے۔یعنی ایہوجیہا غلط تے جھوٹا ایمان ہووےگا ۔
جدوں فقیہاں تے فریسیاں نے ، یسوُع دے چیلیاں نُوں ہتھ دھوتیاں اَڈ کھاناکھاندیاں ویکھیا،تےاوہ بالکل اوہناں تے اُنگلی نہ چُکدے جیکر اوہ  خُداوندخُدا دے کلام دے نظریے نال اوہناں اُ تے نظرکرچُکےہوندے۔ کلام سانُوں دسدااے پئی کوئی وی شے جیہڑی بندے وِچ باہروں اندر جاندی اے اوہنوں ناپاک نئیں کرسکدی ایس لئی پئی اوہ دل وِچ نئیں سگوں ٹِڈھ وِچ جاندی اے تےگنددےراہیں نکل جاندی اے۔
جِویں پئی مرقس۷:٢٠۔٢٣وِچ فرمایاگیااے، ” فیر اوس نے آکھیا جوکُجھ بندے وِچوں نکلدااےاوہوای اوہنوں ناپاک کردا اے۔کیوں جے اندروں ای یعنی بندےدےدِل وِچوں بھیڑےخیال نکلدےنیں ۔حرامکاریاں۔چوریاں۔خونریزیاں ۔زناکاریاں۔ لالچ  ۔  بدیاں۔مکر۔گندے چاء۔بھیڑیاں اکھاں۔چُغلی۔شیخی۔بیوقوفی۔ایہہ ساریاں بھیڑیاں گلاں اندروں نکل کےبندےنُو ں ناپاک کردیاں نیں۔“ یسوُع نے آکھیاپئی سارے لوک پاپی نیں کیوں جے اوہ پاپ دےنال جم دے نیں۔     
کیہ تُسیں سمجھدے او پئی ایہدامطلب کیہ اے؟اَسیں سارے پاپیاں دے طور تے پیداہوندےآں کیوں جےاَسیں سارےآدم دی پیڑھی آں۔پراَسیں سچیائی نُوں جان  نہیں سکدے ایس لئی پئی اَسیں نہ تے اوہدےپورےکلام نُوں قبول کیتا اے تےناں ای اوس اُتے ایمان لیاندااے۔فیر،اِنسان دے دل وِچ کیہ اے؟
اُتلاحوالہ بیان کردا اے، ” کیوں جے اندروں ای یعنی بندےدےدِل وِچوں بھیڑے خیال نکلدےنیں ۔حرامکاریاں۔چوریاں۔خونریزیاں ۔زناکاریاں۔ لالچ  ۔  بدیاں۔ مکر۔ گندے چاء۔بھیڑیاں اکھاں۔چُغلی۔شیخی ۔بیوقوفی۔ایہہ ساریاں بھیڑیاں گلاں اندروں نکل کےبندےنُو ں ناپاک کردیاں نیں۔“ سبھے قِسم دیاں بدیاں لوکاں دے دل وِچوں نکلدیاں نیں تےاوہناں نُوں ناپاک کردیاں نیں۔
زبوردےوِچ ایہہ گل لکھی اے، ” جدمیَں تیرے اَسمان اُتےجیہڑاتیرےہتھاں نے بنایاتے چن تے تاریاں اُتے جنھاں نُوں تُوں مقررکیتا غورکرداآں تدفیرآدم کیہ اے  پئی تُوں  اوہنوں یادرکھیں تےآدم زاد کیہ اے پئی تُوں اوہدی خبرلویں؟   (زبور۸:۳۔۴)۔
خُداوندخُداکیوں آپ سا نوں ملدااے؟اوہ ساڈےنال ایس لئی ملدا اےکیوں جے اوہ سانُوں محبت کردا اے۔اوس نے سانُوں پیدا کیتا، تے ساڈے پاپیاں تے ترس کھاہدا۔ اوس نے ساڈےسارے پاپ دھوتے تےسانُوں اپنے لوک بنایا۔ ” اے خُداوند ساڈے خُدا!تیراناں ساری دھرتی تے اَسماناں اُتےکس قدراُچا اے! “  داؤدبادشاہ نے پُرانے عہدنامہ وِچ ایہہ زبوراوس ویلے گایاجدوں اوہنوں چنگی طرحاں ایہہ پتہ لگاپئی خُداوند خُداپاپیاں دامکتی داتا بنن والا اے ۔
تے نویں عہدنامہ وِچ پولُس رسُول نے وی ایہو ای زبوردُہرایا۔ایہہ کنی اَچرج گل اے پئی اَسیں  خُداوند خُدا دی مخلوق،اصلی خالق دے پُتربن سکدے آں۔ایہہ صرف اوہدے اوس ترس دی وجہ توں ہویا جیہڑااوہ ساڈے لئی رکھدا اے ۔ایہو ای خُدا دی محبت اے۔
سانوں ایہہ احساس کرنا چاہی دا اے پئی خُداوندخُدادی شریعت دے مطابق مکمل طور تے حیاتی لنگھاؤن دی کوشش کرنا ای اوہنُوں للکارن دے وانگراے۔ ایہہ اِک گھمنڈی خیا ل وی  اےجیہڑا ساڈی جاہل ہون  دی وجہ توں پیدا ہوندااے۔اوہدی محبت توں باہر حیاتی لنگھاؤنا جدپئی کوئی اپنے آپ لئی  آپ ای شریعت اُتے عمل کرن دی کوشش کرنا تے ایہو جیہی حیاتی لئی صبح شام دُعا منگدےرہنا ٹھیک نہیں اے ۔ایہہ خُداوند خُدا دی مرضی اے پئی اَسیں شریعت دے تھلے پاپیاں دے طورتے اپنےآپ نُوں پچھانیےتےیسُوع دی پانی تے خون دی مکتی اُتے ایمان رکھیے۔
اوہداکلام مرقس۷:٢٠۔٢٣وِچ فرماؤندااے، ” فیر اوس نے آکھیا جوکُجھ بندے وِچوں نکلدااےاوہوای اوہنوں ناپاک کردا اے۔کیوں جے اندروں ای یعنی بندےدےدِل وِچوں بھیڑےخیال نکلدےنیں ۔حرامکاریاں۔چوریاں۔خونریزیاں ۔زناکاریاں۔ لالچ  ۔  بدیاں۔مکر۔گندے چاء۔بھیڑیاں اکھاں۔چُغلی۔شیخی۔ بیوقوفی۔ایہہ ساریاں بھیڑیاں گلاں اندروں نکل کےبندےنُو ں ناپاک کردیاں نیں۔“
یسوُع نے آکھیاجوکُجھ بندےدے وِچوں نکلدااے،یعنی پاپ جیہڑے اوہدے اندرنیں ،اوہنوں ناپاک کردےنیں ۔ بے شک   گندی روٹی جیہڑی خُداوند خُدا سانُوں دیندااے، سانُوں ناپاک نئیں کر سکدی ۔ سبھے مخلوقاں پاک نیں،پرصرف اوہوشیواں جیہڑیاں بندےدےوِچوں نکلدیاں نیں ،یعنی ساڈےپاپ ای سانُوں ناپاک کردےنیں۔ اَسیں سارے آدم دی پیڑھی دے طورتےپیداہوئےآں۔فیراَسیں کیہدےنال پیدا ہوندے آں ؟اَسیں بارہ قِسماں دے  پاپاں دے  نال پیدا ہوندے آں ۔ کیہ ایہہ گل ٹھیک نئیں اے؟
فیر،کیہ اَسیں پاپ کرن توں اَڈ حیاتی لنگھاسکدے آں؟اَسیں پاپ کرنے جار ی رکھاں گے ایس لئی پئی اَسیں پاپ دے وِچ پیداہوئے آں۔ کیہ اَسیں پاپ نوں روک سکدے آں تاں پئی اَسیں شریعت توں واقف آں؟ کیہ اَسیں حکماں دے مطابق حیاتی لنگھاسکدے آں ؟بالکل نئیں ۔
جس قدر اَسیں بوہتی  کوشش کردے آں اوسے ای قدر ایہہ ساڈے لئی اوکھاہوندا جاندااے۔سانوں چاہی دااےپئی اَسیں اپنیاں حداں نوں جانیےتے اپنےپُرانے روّیے نُوں چھڈ دینا چاہی دااے ۔فیر ،نمانے ذہن دےنال ،اَسیں یسُوع دے بپتسمہ تے خون نُوں قبول کرسکدےآں،جیہڑاسانوں بچاندااے۔
شریعت دیاں ساریاں چھ سو تیرہ شِقاں ٹھیک تے سچیاں نیں ۔ پرلوک اپنی ماں دی کُکھ وِچ پین دے ویلے توں ای پاپی نیں۔جداَسیں جان دے پئی خُداوند خُدا دی شریعت سچی اے پر اَسیں پیدائشی طورتےپاپی آں جیہڑے کدی وی اپنی آپ دی ہمت نال راستباز نئیں بن سکدے تےاَسیں ایہہ جان دے آں پئی سانوں خُداوندخُدا دے رحم ترس  تے پانی ،لہُو تے رُوح دی خُوشخبری دےاندر یسوُع دی مکتی دی لوڑاے۔جدوں اَسیں اپنی حداں نوں جاناں گے— یعنی پئی اَسیں اپنے آپ دی ہمت نال راستباز نئیں بن سکدے تے اَسیں اپنے پاپاں دی وجہ توں جہنم وچ جانواں گے— تےاَسیں بچ نئیں سکاں سگوں یسوُع دی مکتی اُتے بھروسہ کراں گے۔
اَسیں رہاہوسکدے آں ۔سانوں جاننا چاہی دا اےپئی اَسیں خُداوند خُدادے اَگےاَپنے آپ دی ہمت نال ٹھیک یا نیک ہون دے قابل نئیں آں ۔ ایس لئی ، سانوں خُداوندخُدا دے سامنے مننا چاہی دااے پئی اَسیں پاپی آں جیہڑے جہنم دے لائق نیں تے اَسیں اوہدے فضل لئی دُعامنگ سکدے آں ، ” اَے خُدایا مینوں مہربانی کرکے میرے پاپاں توں بچا تے میرے اُتے ترس کھا ۔“تےفیرسانوں خُداوندخُدا لازمی طورتے اپنے کلام دے وچوں  ہوکے سانوں ملے گا۔ صرف ایس ای  طریقے نال  اَسیں رہا ہوسکدے آں۔
آؤاَسیں داؤددی دُعانُوں ویکھیے۔ ” تاں پئی تُوں اَپنیاں گلاں وچ سچاہوویں  تے اَپنی   عدالت
وچ بے داغ رہویں۔“ (زبور۵۱:۴)۔
داؤدنوں پتہ سی پئی اوہ پاپ داڈھیر سی جیہڑاایناں بوہتابدکارسی پئی اوہنوں جہنم وچ سُٹ دِتاجاندا،پراوہنے خُداوندخُدا دے اَگے اِقرار کیتا، ” اَےخُداوند،جےتُوں مینوں پاپی آکھیں تےمیَں پاپی ای آں۔جے تُوں مینوں راستباز آکھیں تےمیَں راستبازآں۔جےتُوں مینوں بچاویں  تے مَیں  بچاں
گا؛تے جے تُوں مینوں جہنم وچ گھلیں تے میَں جہنم وچ مرجاواں گا۔“
 ایہو ای  ٹھیک ایمان تے مکتی پاؤن دا ٹھیک طریقہ کاراے۔ جےاَسیں یسُوع دے کفارے اُتے ایمان رکھن دی اُمید کردے آں تے فیر ایہو ای طریقہ اے پئی سانوں کِنج دے ہونا چاہی دا اے۔
 
 
سانوں چنگی طرحاں جاننا چاہی دا اے پئی ساڈے پاپ کیہ نیں
 
جدپئی اَسیں سارے آدم دی پیڑھی آں،ایس لئی ساڈےساریاں دے دِلاں وچ گندیاں سدّھراں پائیاں جاندیاں نیں۔فیروی ،خُداوندخُدا سانوں کیہ دَسدااے؟اوہ  سانوں دَسدااے پئی اَسیں زِناکاری نہ کریے ایتھوں تائیں پئی  اَسیں اَپنے دِلاں وچ زِناکاری رکھدے آں۔ اَسیں اَپنے دِلاں دے وچ خون رکھدے آں ،پرخُداوندخُدا سانوں کیہ دَسدا اے؟اوہ سانوں حُکم دیندااے پئی اَسیں خون نہ کریے۔اَسیں سارے اپنے دِلاں وچ اپنے ماں پئودی بے عزتی کردے آں،پراوہ سانوں حُکم دیندا اے پئی اَسیں اپنے ماں پئودی عزت کریے۔ سانوں جاننا چاہی دااے پئی اوہدا کلام ٹھیک تے چنگا اے ،پرساڈےساریاں دے دِلاں وچ پاپ پائےجاندےنیں۔
کیہ ایہہ گل ٹھیک اے یاں نیں ؟ایہہ گل بالکل ٹھیک اے ۔ایسی لئی ،سانوں خُداوند خُدا دے حضورلازمی طورتے کیہ کرناپوےگا؟سانوں مننا پوےگاپئی اَسیں سارے پاپاں دا ڈھیرتے بے آسراپاپی آں۔ اِنج سوچنا ٹھیک نئیں پئی کل تے اَسیں راستباز ساں ایس لئی پئی کل اَسیں کوئی پاپ نئیں کیتاسی،پراَج اَسیں پاپی آں ،کیوں جے اَج اَسیں پاپ کرلیااے۔ اَسیں پیدائشی پاپی آں ۔بھاویں اَسیں کُجھ وی کرلئیے، اَسیں فیروی پاپی ای رہواں گے۔ایہوای وجہ اے پئی سانوں یسوُع دے بپتسمہ اُتے ایمان لیاؤن  دی وجہ توں مکتی پاؤنی چاہی دی اے۔
اَسیں اپنے عملاں دی وجہ توں پاپی نئیں آں،مثلاًزِناکاری ،خون ،چوری چکاری ، حرامکاری۔ ۔ ۔ سگوں اَسیں لئی پاپی آں کیوں جے اَسیں پاپی ای جمے ساں ۔ اَسیں بارہ قِسم دےپاپاں دے نال جمے ساں تےکیوں جے اَسیں خُداوند خُدا دی نگاہ وچ پاپی جم دے آں ، ۔ ایس لئی  اَسیں اَپنیاں کوششاں دی وجہ توں کدی نیک نئیں بن سکدے۔ اَسیں صرف وکھالے طورتے نیک بن سکدے آں۔
اَسیں پاپی ذہناں نال پیدا ہوندے آں،اَسیں کِویں نیک بندے بن سکدے آں ایتھوں تائیں پئی
اَسیں اصل وچ ایہہ پاپ نئیں کردے؟ اَسیں کدی اپنے آپ دی ہمت نال خُداوند خُدا دے اَگے نیک نہیں بن سکدے۔جے اَسیں راستباز ہون دادعویٰ کردے آں،تے ایہہ ریاکاری اے۔یسوُع نے فقیہاں تے فریسیاں نُوں  ’ اَے ریاکارفقیہوتے فریسیو ‘ (متی ۲۳:۲۳) آکھیا۔اِنسان ذات  پیدائشی پاپی ہوندے  نیں تے اوہ اپنی ساری حیاتی خُداوند  خُدا دے اَگے پاپ کردے نیں۔
جےکوئی ایہہ دعویٰ کردااے پئی اوہنے کدی لڑائی نہیں کیتی تے نہ ای اپنی ساری جندڑی کسے نوں ماریا،یاں ایتھوں تائیں پئی اپنی ساری جندڑی چ کسے دی سُوئی تیکر نہیں چوری چُکی ،جھوٹ بول رہیا اے۔ایس لئی پئی اِنسان ذات  پاپیاں  دے طورتے پیدا ہوندے نیں۔ایہو جیہا بندہ جھوٹا ،پاپی تے ریاکار اے۔ایہدی ایہہ وجہ اے پئی خُداوند خُدااوہنوں کِنج ویکھدا اے ۔
 ہرکوئی اپنے جمن ویلے توں ای پاپی اے۔ایتھوں تائیں پئی جے تسیں اک وی پاپ نال بھریاہویاکم نہیں کردے ،تے فیر وی تُسیں دوزخ دے لائق جے ۔ ایتھوں تائیں پئی جے تُسیں شریعت تے اوہدے بوہت سارے حُکماں اُتے عمل چُکے او،تے فیروی تسیں جہنم جان دے لائق پاپی او۔
فیر،سانوں ایہو جیہی منازل دے سامنے کیہ کرنا چاہی دااے؟سانوں لازمی طورتے خُداوند خُدا دا فضل منگنا چاہی دااے۔ تےاپنے پاپاں توں رہائی پاؤن لئی اوہدے اُتے بھروسہ کرناچاہی دااے ۔جے اوہ سانوں نہ بچاوے تے اَسیں جہنم وچ جاواں گے۔ ایہو ساڈی منزل اے۔
صرف اوہ لوک جیہڑے اوہداکلام قبول کردے نیں ایہہ اقرارکر دے نیں   پئی   اوہ  بے   شک
پاپی سن ۔ اوہناں نوُں ایہہ وی پتہ اے پئی اوہ ایمان دے راہیں راستباز بن جاندے نیں۔ ایویں، اوہ  ایس  گل توں واقف نیں پئی اوہدےکلام نوں پچھانن توں اَڈ اکھاں توں دُور کرنا تے تے کنڈ پِچھےسُٹنا سب توں وڈاپاپ اے۔اوہ لوک جیہڑے اوہداکلام قبول کردےنیں، راستباز لوک نیں ۔ بھاویں پہلاں اوہ پاپی سن ۔اوہ اوہدےفضل دے اندراوہدےکلام دی وجہ توں نویں سرے توں پیداہوئےنیں تے سب توں بوہتے برکت والے لوک نیں۔
 
 
اوہ لوک جیہڑے اپنے عملاں نال مکتی پاؤن دی کوشش کردےنیں  حالے تیکرپاپی نیں
 
کون لوک نیں جیہڑےایتھوں تائیں پئی یسُوع اُتے
 ایمان رکھن توں بعد وی ہُن تک پاپی نیں؟
اوہ لوک جیہڑے اپنے عملاں نال مکتی پاؤن دی
کوشش کردےنیں
 
آؤاَسیں گلتیوں٣ : ١٠تے۱۱آیت پڑھیے۔” کیوں جے جنے شریعت دے عملاں اَگے متھاٹیک دے نیں اوہ سارے لعنت دے تھلے نیں ۔ایس لئی  لکھیااےپئی جیہڑاوی ایہناں ساریاں گلاں دے  کرن تے قائم نہیں رہنداجیہڑیاں شریعت دی کتاب وچ لکھیاں نیں اوہ لعنتی اے۔ تے ایہہ گل وی ظاہر اے پئی شریعت دے راہیں کوئی بشرخُدا دے نیڑے راستباز نئیں ٹھہردا کیوں جےلکھیااےپئی راستبازایمان دے نال جیوندا رہوےگا۔“
ایتھے ایہہ حُکم دِتا گیااے، ”۔ ۔ ۔ جیہڑاوی ایہناں ساریاں گلاں دےکرن تے قائم نئیں رہندا جیہڑیاں شریعت دی کتاب وچ لکھیاں نیں اوہ لعنتی اے۔“ اوہ لوک جیہڑے سوچ دے نیں پئی اوہ یسوع اُتے ایمان رکھدے نیں ،پر اپنے عملاں دےنال راستباز ٹھہرن دی کوشش کردےنیں لعنتی لوک نیں ۔اوہ لوک کِتھے نیں جیہڑے اپنےعملاں نال راستبازٹھہرن دی کوشش کردےنیں؟اوہ خُداوند خُدا دی لعنت دے تھلے نیں۔
کیوں خُداوندخُدا نے سانوں شریعت دِتی ؟اوہنے سانوں شریعت ایس لئی دِتی تاں پئی اَسیں اپنے پاپاں نوں پچھان سکیے(رومیوں ٣ : ٢٠)۔اوہ ساڈے کولوں ایہہ وی چاہندا سی پئی اَسیں جانیے پئی اَسیں مکمل طورتےپاپی آں جیہڑے جہنم جان دے لائق نیں۔
یسوُع خُدا دے پُتردے بپتسمہ اُتےایمان رکھو،تے پانی تے رُوح نال نویں پیدائش حاصل کرو۔فیرتُسیں اپنے پاپاں توں مکتی پاووگے،راستبازبن جاووگے،ابدی حیاتی پاووگے۔تے آسمانی بادشاہی وچ
چلے جاوو گے۔اپنے دِلاں وچ ایس گل تے ایمان رکھو۔
 
 
دُنیاوچ سب توں بوہتا وڈاپاپ کیہ اے؟
 
دُنیاوچ سب توں بوہتا وڈاپاپ
 کیہ اے؟
شریعت دے مطابق زندہ رہن دی
 کوشش کرنا
 
اَسیں اوہدی برکت اُتے ایمان رکھن دی وجہ توں مبارک لوک آں ۔ خُداوندخُدا اوہناں لوکاں نوں مکتی دیندااےجیہڑے اوہدےکلام اُتے ایمان رکھدے نیں ۔
 پراَج، ایمانداراں دے وچکار،ایہوجیہےبوہت سارےمسیحی  لوک نیں جیہڑےخُداوند خُدا دی شریعت دے مطابق حیاتی لنگھاؤن دی کوشش کردےنیں ۔ ایہہ تعریف دے  لائق  گل  اے  پئی  اوہ شریعت دے مطابق حیاتی لنگھاؤن دی کوشش کردے نیں، پر بھلاایہہ کِویں ممکن اے؟
سانوں لازمی طورتےجانناچاہی دااے پئی خُدا دی شریعت دے مطابق حیاتی لنگھاؤن دی کوشش کرناکس قدربیوقوفی دی گل اے ۔ جنی بوہتی اَسیں  کوشش کردےآں اوسے ای قدر ایہہ کوشش اوکھی ہوندی جاندی اے۔ اوہنے فرمایا، ” ایمان سُنن نال پیدا ہوندااےتے سُننا مسیح دے کلام وچوں۔“ سانوں مکتی پاؤن دے سلسلے وچ اپنےگھمنڈنوں دُور کرن دی لوڑاے۔
 
 
 مکتی پاؤن لئی سانوں اَپنے آپ دےقاعدے چھڈنےپین گے
 
سانوں مکتی پاؤن لئی کیہ کرن چاہی دا اے؟
سانوں لازمی طورتےاَپنےآپ دے قاعدے
چھڈدینےچاہی دےنیں
 
کس طرحاں کوئی اِنسان مکتی حاصل کرسکدااے؟ایہہ صرف فیر ممکن اے جدوں اوہ اپنے آپ نُوں پاپی انسان  دے طورتےپچھان دا اے ۔بوہت سارے لوک نیں جنہاں نے حالے تیکر مکتی حاصل نہیں کیتی کیوں جے اوہ اَپنےغلط عقیدیاں تے کوششاں نوں چھڈ نئیں سکدے۔
خداوندخُدافرماؤندااےپئی جیہڑے لوک شریعت  نال چمڑے رہندےنیں اوہ لعنتی نیں۔ اوہ لوک جیہڑے اعتقاد رکھدے نیں پئی اوہ یسُوع اُتے ایمان رکھن توں بعد ہولی ہولی شریعت دےمطابق حیاتی لنگھاؤن دے راہیں راستباز بن سکدے نیں لعنتی لوک نیں ۔ اوہ لوک خُداوندخُدا اُتے ایمان تےرکھدے نیں پر فیر وی سوچدے نیں پئی اوہناں نوں مکتی پاؤن لئی شریعت دے ٹھیک مطابق حیاتی لنگھاؤنی پوے گی ۔
سوہنے مِترو،کیہ اَسیں اپنے عملاں دی وجہ توں راستباز بن  سکدے  آں؟ اَسیں   صرف   یسُوع
دے کلام اُتے ایمان لیان نال راستباز بن دے آں؛تے صرف فیرای اَسیں مکتی یافتہ ہوندے آں۔ صرف یسوُع دے بپتسمہ ، اوہدے خون تے اوہدے خُداہون اُتے ایمان رکھن دی وجہ توں،اَسیں مکتی حاصل کرسکدے آں۔
ایہوای وجہ اے پئی خُداوندخُدا نے ساڈے لئی ایمان دی شریعت نُوں راستباز بنن دے طریقے دے طور تے تیارکیتا۔پانی تے رُوح دی مکتی لوکاں دے عملاں وچ  نئیں پائی جاندی  ، سگوں خُداوند خُدادے کلام اُتے ایمان رکھن دے اندرپائی جاندی اے ۔ خُداوندخُدا نے سانوں ایمان دی وجہ توں چھڈایا،تے ایہوای وجہ اے پئی کِویں خُداوند خُدا نےساڈی رہائی دا منصوبہ بنایا تےایہنوں مکمل کیتا ۔
اوہ لوک جیہڑے یسوُع تے ایمان لیائےسن اوہناں نے مکتی حاصل کیوں نہ کیتی ؟کیوں جے اوہناں نے پانی تے رُوح دی مکتی دے کلام نُوں قبول نہ کیتا ۔پراَسیں جیہڑے  ایہنے  ای  کمزورآں  جنھے  اوہ
لوک سن،خُداوندخُدا دے کلام اُتے اپنےایمان رکھن دی وجہ توں چھڈائےجاچُکے آں ۔
جےدوبندے چکی تے کم کردےہون گے،تےایتھوں تیک پئی دوجے بندے دے اُٹھائے جان دے بعد وی پچھے رہ جان  والابندہ کم کردارہوےگا۔پچھے رہ جان والا بندہ اوس بندے دی رہنمائی کردااے جنھے حالے تیک مکتی حاصل نہیں کیتی ۔کیوں اِک بندہ چُک لیاگیا تے دوجے نُوں پچھے چھڈ دتاگیا؟
ایہدی وجہ ایہہ ہے پئی کیوں جے اِک بندےنے خُداوندخُدا دا کلام سُنیا تے ایہنوں قبول کیتا ، پردُوجے شخص نے شریعت تے عمل کرن لئی سخت محنت کیتی  تے آخرکار جہنم دے وِچ سُٹ دِتاگیا ۔ اوہ شخص خُداوند  خُدا تیک اَپڑن دی کوشش کر رہیاسی ، پر خُداوندخُدا نے اوہنوں ایویں چھنڈ دِتا ، جِویں کجااوہ اوہدی لت تے چڑھن والا کیڑاسی ۔ جےکوئی بشرشریعت اُتے عمل کرن دی کوشش دے نال خُداوندخُدا تیک اَپڑن دی کوشش کردا اے،تےلازمی طورتےاوہ جہنم وِچ سُٹ دِتا جاوےگا ۔
ایہو ای وجہ اے پئی سانوں پانی تے رُوح اُتے ایمان رکھن دے راہیں مکتی حاصل کرنی  چاہی دی اے۔
” کیوں جے جنھے شریعت دے عملاں اَگے متھاٹیک دےنیں اوہ  سارے  لعنت  دے تھلے نیں ۔ ایس لئی  لکھیا اے پئی جیہڑا  وی  ایہناں  ساریاں  گلاں  اُ تے  عمل  کرن  اُ تے  قائم  نئیں رہندا جیہڑیاں شریعت دی کتاب وچ لکھیاں نیں اوہ لعنتی اے۔ایس واسطے پئی ایہدےوچ خُدادی راستبازی ایمان توں تے ایمان دے  لئی ظاہرہوندی اے۔ جِویں لکھیا اے پئی راستبازایمان نال جیوندارہوےگا۔ “ (گلتیوں۳ :۱۰ ۔۱۱،رومیوں ۱ : ۱۷)۔
خُداوندخُدا دے کلام اُتے ایمان نہ لیاؤنا اوہدے اَگے پاپ اے ۔ہورایس توں علاوہ ، کسےشخص دے اَپنےقاعدے دی وجہ توں خُداوند خُدا دے کلام نوں اِک پاسے سُٹنا وی پاپ اے۔ اَسیں اِنسان ذات اوہدی شریعت دے مطابق حیاتی نہیں لنگھاسکدےکیوں جے اَسیں سارے پیدائشی پاپی آں تے اپنی پوری جندڑی وچ پاپ بغیر رُکے جاری رکھدے آں ۔ تےاَسیں جتھےکِتے وی جاندے آں،اَسیں تھوڑا جیہا ایتھے ، تھوڑا جیہا اوتھے پاپ کردےآں۔ سانوں ا یہہ احساس کرنا چاہی دااےپئی اَسیں بدن دی پیداوارآں تے پاپ کرن توں اَڈ نہیں رہ سکدے ۔
اِنسان  ذات پھل دی اِک وڈی بالٹی دےوانگرنیں۔جے اَسیں ایہنوں چُکن دی کوشش کریے،تے اوہ سارے راہ وچ کھلرجاوےگی ۔اَسیں وی اِنج دےای آں ۔ اَسیں جِتھے کِتے وی جاندےآں اَسیں پاپ کھلاردے آں۔ کیہ تُسیں ایس گل داوچارکر سکدےاو؟
کیہ تُسیں  ہُن وی اپنے پاک ہون دا وکھالا کروگے؟جےتسی اپنے آپ نُوں چنگی طرحاں جان  دےاو،تے تُسیں فضول وچ پاک بنن دی کوشش چھڈدیووگے تےیسُوع دے پانی تے خون اُتے ایمان لیاووگے۔
اوہ لوک جیہڑے حالے تیک نویں سرے تو ں پیدا نئیں ہوئےاوہ اپنی اَڑی  چھڈدین تے ایہہ اقرار کرن پئی اوہ خُداوندخُدا دے اَگے ڈاہڈے پاپی نیں۔فیر،اوہناں نوں لازمی طورتےاوہدےکلام وَل پرتناچاہی دااے تے کھوج لاؤنی چاہی دی اے پئی اوہنے کِویں اوہناں نُوں پانی تے رُوح دے نال مکتی بخش دِتی اے۔