Predigten

مضمون 3: پانی تے رُوح دی خوشخبری

[3-1] <یوحنا۸ :۱۔ ۱۲> سَدادی مکتی

<یوحنا۸ :۱۔ ۱۲>
” فیریسوُع زیتون دے پہاڑ وَل گیا ۔تے ٹرکے ای ہیکل وچ آیا تے سارے لوک اوہدے کول آئےتے اوہ بہہ کے اوہناں نُوں تعلیم دین لگ پیا۔تےفقیہ تے فریسی اِک زنانی نُوں لیائےجیہڑی زناوِچ پھڑی گئی سی تے اوہنوں وِچکار کھلارکے یسوُع نُوں آکھیا۔اَے اُستاد ! ایہہ زنانی زنا وِچ بالکل کم دےویلے پھڑی گئی اے ۔توریت وِچ مُوسیٰ نے سانوں حکم دِتا اے پئی اجیہی زنانیاں نُوں سنگسارکردیوو۔پرتُوں ایس زنانی بارے کیہ کہنداایں؟ اوہناں نے اوہنوں اَزماؤن لئی آکھیاسی پئی اوہدے اُتے اِلزام لان داکوئی بہانہ لبھن پر یسوُع جُھک کےاَپنی اُنگل نال زمین اُتے لکھن لگ پیا۔جدوں اوہدے کولوں پُچھدے ای رہے تے اوہنے سدھےہوکے اوہناں نُوں آکھیا تُہاڈے وِچوں جیہڑابےپاپ اے اوہ پہلے ایہدے پتھر مارےتے فیرجُھک کےزمین اُتے اَپنی اُنگل نال لکھن لگ پیا۔تےاوہ ایہہ سُن کے وڈیاں توں لے کےچھوٹیاں تیکر اِک اِک کرکےکھِسک گئے تے یسوُع کَلّا رہ گیا تے اوہ زنانی وِچ رہ گئی ۔یسوُع نے سدھے ہوکے اوس نُوں آکھیا اَے زنانی ایہہ لوک کِتھے چلے گئے تے کیہ کِسےنے تیرے اُتے حکم نئیں لایا؟اوہنے آکھیااَے خُداوند کِسے نے نہیں۔ یسوُع نے آکھیا میَں وی تیرےاُتے حکم نئیں لاندا۔جا۔فیرپاپ نہ کریں۔ فیریسوُع نے اوہناں نال مخاطب ہوکے آکھیاپئی دُنیادانُورمیَں آں۔جیہڑامیرے پِچھے چلے گا اوہ ہنیرے وچ نہ چلےگا سگوں حیاتی دانُورپاوےگا۔“
 
 
یسوُع نے کِنّے سارے پاپ مٹادِتے؟
دُنیادےسارےپاپ
 
یسوُع نے سانوں سَدادی خلاصی دِتی ۔ایس دُنیا وِچ کوئی اجیہاشخص نئیں جیہڑایسوُع اُتے شخصی مکتی داتادے طورتےایمان لیاکےمخلصی حاصل نئیں کرسکدا ۔سانوں ساریاں نُوں اوس نے مخلصی بخش دِتی ۔جےکوئی پاپی اَپنے پاپاں وِچ تڑپدااے تے ایس دی وجہ اوس شخص دے کچے خیال نیں، پئی یسوُع مسیِح نے اَپنے بپتسمہ تے مصلُوبیّت دے راہیں کس طرحاں ہر مرد تے عورت نُوں اوہنوں دے  سارے پاپاں توں رہائی بخشی ۔
سانوں ساریاں نُوں چاہی دااے پئی مکتی دے بھیت نُو ں جانیےتے اوس تے ایمان رکھیے۔یسوُع نے اَپنے بپتسمے دے راہیں پوری دُنیا دے پاپ چُک لئے تے ساڈے پاپاں لئی تے ساڈی خاطر صلیب اُتے مرن دے راہیں سزابرداشت کیتی ۔
تُہانوں پانی تے رُوح دی مکتی اُتے ؛یعنی سارے پاپاں د ی سَدادی خلاصی اُتےایمان رکھنا چاہی دااے۔ تُہانوں اوس دی اُچیری محبت اُتےایمان رکھنا چاہی دااے جِنہے تُہانوں پہلاں ای راستباز شخص بنا دِتا۔ تےجوکجھ اوس نے تہاڈی مکتی لئی دریائے یردن تے صلیب اُتے کیتا اوہدےاُتے ایمان رکھو۔
یسوُع ساڈےسارے لُکے پاپاں نُوں وی جان دا سی ۔کُجھ لوک پاپ دے بارے غلط سوچ رکھ دےنیں ۔ اوہ سوچ دے نیں پئی کُجھ پاپاں دی معافی نہیں مل سکدی ۔یسوُع نے سارے پاپاں نُوں معاف کیتایعنی ہراِک پاپ نُوں۔
ایس دُنیا وِچ کوئی اجیہا پاپ نئیں جیہڑا اوس نے معاف  نہ  کیتا ہو وے ۔ کیوں جے اوس نے سب دے پاپ معاف کیتے ،سچیائی ایہہ ہے پئی ہورکوئی پاپ موجودنئیں۔ کیہ تُسیں احساس کردے او پئی خُوشخبری تُہانوں سارے پاپاں توں رہائی دے چُکی اے ،ایتھوں تیک پئی تُہاڈے مستقبل دےپاپاں دا وی مُل تار چُکی اے ؟ ایس گل اُتے ایمان لیاؤ تے مکتی پاؤتےساراجلال خُداوند خُدانُوں دیوو۔
 
 
اوہ زنانی جیہڑی زناکاری وچ پھڑی گئی سی
 
دُنیا وچ کِنّے لوک زناکردےنیں؟
سارےلوک
 
یوحنا ۸باب وچ اِک عورت دی کہانی موجود اے جیہڑی زناکاری دے کم وچ  پھڑی  گئی  سی اَسیں ویکھ دے آں پئی یسوُع نے اوہنوں کس طرحاں بچالیا ۔اَسیں ایس فضل دا جَپ کرناچاہندےآں جیہڑا اوس نے اوس زنانی اُتے کیتا ۔ایہہ کہنا  کافی نئیں پئی سارے اِنسان اَپنی حیاتی وچ کِسے نہ کِسے نکتے تے زناکاری کردے نیں ۔ہربندہ زناکاری کردااے ۔
جے اِنج نظر نئیں آؤنداتے ایہہ ایس لئی ہے پئی اَسیں سارے عادت نال اِنج کردے آں تے سانوں اِنج جاپدااے پئی اَسیں ایہہ نئیں کردے!کیوں؟ایس لئی پئی ساڈی حیاتی وچ بوہت زیادہ زناکاری پائی جاندی اے ۔
یوحنا ۸ وچ میَں ایس زنانی تے نظرکرکے خیال کیتا،پئی کیہ ساڈے وچکار اِک وی ایہوجیہاشخص نئیں جنہےزناکاری نہ کیتی ہووے ۔اجیہا کوئی وی نئیں،جس نے اوس عورت دی طرحاں زناکاری نہ کیتی ہووےجیہڑی زناکاری دے فعل وِچ پھڑی گئی سی ۔اَسیں ساریاں نے اِنج کیتااے ،پراَسیں جھوٹے دعوے کردےآں پئی اَسیں اِنج نئیں کیتا۔
تُہاڈے خیال وچ کیہ میَں غلط آکھ رہیاواں؟جی نئیں ،میَں غلط نئیں آکھ رہیا۔اَپنے اندر غور نال ویکھو ۔رُوئے زمین اُ تے ہرشخص نے اِنج کیتا۔اوہ گلیاں  وِچ نظرٹکاکے ،زنانی نُوں ویکھن دے سبب اَپنے خیالاں وِچ تے اَپنے عملاں وِچ ،  کِسے وی ویلے، کِسے وی تھاں تےزناکاری کردےنیں۔
 ایہناں نُوں ایہہ نئیں جاپداپئی اوہ اِنج  کر رہے  نیں ۔ اجیہے  بوہت  سارے  لوک  نیں
جنہاں نوں مرن دے دِن تیک احساس نہیں ہونداپئی اوہ اَپنی ساری حیاتی وچ اَن گِنت واری زناکاری کرچُکےنیں ۔ صرف پھڑے جان والے لوک ای نئیں سگوں ساڈے وِچوں سارے ،جیہڑے کدی پھڑے نئیں گئے ،اِنج کردے نیں ۔ سارے لوک اَپنے خیالاں وِچ یاں عملی طورتے اِنج کردےنیں ۔کیہ ایہہ ساڈی حیاتیاں داحصہ نئیں؟
کیہ تُسیں پریشان ہوگئے او؟ایہہ سچ اے ۔اَسیں ایہدے بارے بالکل  چوکنا آں کیوں جے اَسیں پریشان آں ۔سچیائی ایہہ ہے پئی ایس زمانے وِچ لوک ہرویلے زناکاری کردے نیں ،پراوہناں نُوں ایہہ اِحساس نئیں ہونداپئی اوہ اِنج کر رہے نیں۔
لوک اَپنی جان دے وچ وی زناکاری کردےنیں ۔اَسیں ،جنہاں نُوں خُداوند خُدا نے پیداکیتا،ایس زمین اُتے ایہہ سمجھے اَڈ حیاتی بسرکردے آں پئی اَسیں رُوحانی طورتے  وی   زناکاری کر
دےآں ۔ دُوجے دیوتیاں دی پوجاکرنا،رُوحانی زناکاری دی طرحاں ایں  ایس لئی پئی خُداوندکریم ساری اِنسانی پیڑھی دااِکوشوہر اے ۔
جیہڑی زنانی زنادے کم وچ پھڑی گئی سی اوہ وی ساڈی طرحاں اِک عام اِنسان سی ، تے اوس نے وی خُدادا فضل بالکل ساڈی طرحاں حاصل کیتا،جنہاں نُوں مکتی مِلی اے ۔ پر ریاکار فریسیاں نیں اوس نُوں اَپنے وِچکار کھڑاکیتا تے اوس اُتے اِنج اُنگلاں چُکیاں ،جِویں اوہ مُنصِف سَن ، تے اوہنوں سنگسارکرن والے سَن ۔اوہنوں پھٹکارن تے اوہنوں سزا دین  لئی تیار سَن،جِویں پئی اوہ آپ پاک سَن تے کدی وی زناکاری نئیں کر چُکے سَن ۔
بیلی مسیحیو،جیہڑےلوک اَپنے آپ نُوں پاپ دابھنڈارسمجھدے نیں اوہ کدی خُدادے حضور دُوجیاں تے اِلزام نئیں لاؤندے۔ سگوں اوہناں نُوں وی  پتہ اے پئی اوہ اپنی ساری حیاتی زناکاری کرن وِچ ای لنگھاؤندے نیں، اوہ خُدا دے ایس فضل نُوں حاصل کردےنیں جس دے سبب اَسیں ساریاں نیں  مکتی حاصل کیتی ۔صرف جیہڑے لوک من دے نیں پئی اوہ پاپی نیں، جِنہاں ہمیش زناکاری کیتی اے اوہ ای خُدادے حضورمکتی حاصل کرن دے لائق نیں ۔
 
 
کیہڑاخُدادافضل حاصل کردااے؟
                                          
کیہڑاخُدادافضل حاصل کردااے؟
نماناں شخص
                         
کیہ اوہ آدمی جیہڑاپاکیزگی دے نال زناکاری دے اَڈ حیاتی بسرکردااے،اوہدے  فضل نُوں حاصل کردا اے،یاں اوہ ناچیز شخص جیہڑا اَپنے آپ نُوں پاپی من دا اے اوہو ای اوہدے فضل نُوں حاصل کردا اے؟ اوہ شخص جیہڑا اوہدافضل حاصل کردااے اجیہا شخص اے جیہڑا اَپنی مکتی دابڑا قیمتی فضل حاصل کردااے۔اوہ لوک جیہڑے اَپنی مدد آپ نئیں کرسکدے ،کمزورتے مددوں اَڈنیں،اوہ ای مکتی حاصل کردےنیں۔ ایہہ اوہ لوک نیں جیہڑے ایس فضل دے تھلے نیں ۔
جیہڑے لوک خُود نُوں بے پاپ سمجھ دے نیں اوہ مکتی حاصل  نئیں  کر سکدے۔  اوہ کس
طرحاں اوہدی مکتی دے فضل نُوں حاصل کرسکدے نیں جدوں پئی اوہناں دے اندر کوئی ایہوجیہی گل نہیں ہوندی جنہوں معاف کیتاجاسکے؟
فقیہ تے فریسی زناکاری وچ بالکل کم دے ویلے پھڑی جان والی زنانی نُوں گھسیٹ کے یسوُع دے سامنے لے آئے تےاَپنے وِچکارکھلارکے یسوُع نُوں پُچھیا  ” اَے اُستاد !ایہہ زنانی زنا وِچ بالکل کم دے ویلے پھڑی گئی اے۔پرتُوں ایس زنانی دے بارے کیہ آکھداایں  ۔ “ اوہ کیوں ایس زنانی نُوں یسوُع دے سامنے لیائے تے اوہدی اَزمائش کیتی ؟
اوہنا ں نیں خُود کئی واری زناکاری کیتی سی ۔ پراوہ چاہندے سَن پئی یسوُع دے راہیں ایس دا فیصلہ کرکےایس زنانی نُوں ماردین، نالے اِلزام یسوُع اُتے لا دین ۔
یسوُع جان داسی پئی اوہناں دے دِلاں وِچ کیہ اے تے اوہنوں زنانی دے بارے و ی سارا کُجھ پتہ سی ۔ایس لئی اوہنے آکھیا ، ” تُہاڈے وِچوں جیہڑابےپاپ اے اوہ پہلے ایہدے پتھرمارے۔“
فیرفقیہ تے فریسی وڈیا ں تو ں چھوٹیاں تیکر اِک اِک کرکےکھِسک گئے ، تے صرف یسوُع تے عورت دونویں کَلّے رہ گئے ۔
اوتھوں نسن والے فقیہ تے فریسی،یعنی دھرمی آگُوسن ۔اوہ زنا وِچ بالکل کم دے ویلے پھڑی جان والی زنانی دااِنصاف کرن والے سَن ،جِویں پئی اوہ خُود پاپی نئیں سَن۔
یسوُع نے ایس دُنیا وِچ اَپنی محبت دا بڑا کھُل کھُلا کےاعلان کیتا۔ اوہ محبت داسب توں وڈا نمونہ سی۔یسوُع نے لوکاں نُوں کھاناکھوایا ،مویاں نُوں زندہ کیتا،بیوہ دے پُترنُوں فیر حیاتی بخشی ،بیت عنیاہ دے لعزرنُوں زندہ کیتا ،کوڑھیاں نُوں چنگیاں کیتاتے غریباں دے لئی معجزے کیتے ۔اوہنے سارے پاپیاں دے پاپ چُک لئے تے اوہناں نُوں مکتی دِتی ۔
یسوع سانوں پیارکردااے ۔اوہ کُل اختیاررکھن والااے جیہڑاسب کُجھ کرسکدااے ،پر فقیہ تے فریسیاں نیں اوہنوں اَپناوَیری سمجھیا ۔جس دی وجہ تو اوس زنانی نُوں اوہدے کول لیائے تے اوہدی اَزمائش کیتی ۔
اوہناں نیں پُچھیا ، ” اَے اُستاد! ایہہ عورت زنا وِچ عین فعل دے وقت پھڑی گئی اے۔ توریت وچ موسیٰ نے سانوں حکم دِتا اے پئی  اجیہی  زنانیاں نُوں سنگسار کردیوو۔پرتُوں ایس زنانی دے بارے کیہ آکھ داایں ؟ “ اوہناں داخیال سی پئی اوہ اوہناں نُوں اوس زنانی نُوں سنگسار کرن لئی کہوےگا ۔کیوں ؟جےاَسیں پرکھے جایے،جوکجھ خُدا دی شریعت وچ لکھیااے تے سارے لوک ،زناکاری دے مجرم نیں کسے وی بہانے دے اَڈ سنگسار کر دِتےجان گے۔
سب نُوں سنگسارکرنا ایں تے سارے جہنم وچ جان لئی مقررہوچُکےنیں۔ پاپ دی مزدُوری موت اے۔فیروی ،یسوع نے اوس زنانی نُوں سنگسارکرن لئی اوہناں نُوں نئیں آکھیا۔سگوں ایہدی بجائے ایہہ آکھیا، ” تہاڈے وِچوں جیہڑا بے پاپ اے اوہ پہلے ایہنوں  پتھرمارے ۔“
 
کیوں خُدا نے سانوں شریعت دیاں
 ۶۱۳شِقاں دِتیاں؟
سانوں احساس کروان لئی پئی
 اَسیں پاپی آں
 
شریعت قہرپیداکردی اے ۔خُداپاک اے تے اوہدی شریعت وی پاک اے ۔ایہہ پاک  شریعت ۶۱۳ شِقاں دی صورت وچ ساڈے کول آئی ۔خُدا داسانوں۶۱۳ شِقاں تے مشتمل  شریعت دین دا مقصد سانوں ایہہ سمجھاناسی پئی اَسیں جانیے پئی اَسیں پاپی آں ؛ یعنی اَسیں اَدھ  پچدے لوک آں ۔ایہہ سانوں تعلیم دیندی اے پئی مکتی حاصل کرن لئی سانوں خُدا دے فضل اُتے نظر رکھنی چاہیدی اے۔جے اَسیں ایس گل نُوں جانے اَڈ صرف لکھے ہوئے دے بارے سوچ دے آں تےسانوں ساریاں نُوں وی ایسے طرحاں مرن لئی سنگسارہوناپووےگا ، جِویں اوس زنانی نُوں ہوناپیاجیہڑی زنادے بالکل کم دے ویلے پھڑی گئی سی ۔
خورے فقیہ تے فریسیاں جیہڑے اوہدی شریعت دی سچیائی توں ناواقف سن ،اوہ ایہہ سوچ دے سَن پئی اوس زنانی تے خورے ساڈے اُتے وی پتھر سُٹ سکدے سَن۔کون اوس مددوں اَڈ زنانی اُتے پتھر سُٹ سکداسی جیہڑی اوہناں وانگر ای پاپی سی،جِویں پئی اوہ سَن؟بھانویں اوہ ایس بُرےکم وِچ پھڑی گئی سی تے فیروی ایس دُنیا دا کوئی بشراوہنوں سنگسار نئیں کرسکداسی ۔
مثال  طورتےجے ایس زنانی تے ساڈا ساریاں دا اِنصاف شریعت دے مطابق ہووے  تے
سانوں وی ، خوفناک سزا مِلدی ۔پریسوع نے سانوں چُھڈایا ،اَسیں جیہڑے پاپی آں، سانوں پاپاں دی واجبی سزا توں بچایا۔ساڈے سارے پاپاں دا ،جےخُدادی شریعت دے لکھے ہوئےدے مطابق سختی نال انصاف کیتاجاندا، تے ساڈے وِچوں کیہڑا زندہ رہ سکداسی ؟ ساڈے وچوں ہرکوئی جہنم وچ چلاجاندا۔
پرفقیہ تے فریسی صرف لکھی شریعت دے جانُوں سَن ۔جےاوس دی شریعت دی اُچیچ پکیائی کیتی ہوندی ، ایہہ اوہناں نوں ماردیوےگی بالکل ہرکوئی لازمی طورتےجیہدا اوہدے  راہیں انصاف کیتاجاندااے ۔سچیائی وچ ،خُدادی شریعت اِنساناں نُوں ایس لئی بخشی گئی سی پئی اوہ اَپنے پاپاں دےچنگی طرحاں جانُوں  ہوسکن،پراوہناں نیں مصیبت جھَلّی کیوں جے اوہناں نیں ایس نُوں غلط سمجھیاتے ایس دا غلط اِطلاق کیتا ۔
اَج دے فریسی وی،بالکل جِویں بائبل وِچ موجود نیں ،شریعت نُوں ایویں سمجھ دے نیں جِویں  لکھی ہوئی اے ۔ ایہناں نُوں خُدادے فضل ،اوہدے اِنصاف تے خُداوندخُدادی سچیائی نُوں سجھناچاہی دااے ۔ اوہناں نُوں مکتی یافتہ ہون لئی مکتی دی خوشخبری دی تعلیم حاصل کرنی چاہی دی اے۔
فریسیاں نےآکھیا ، ” توریت وِچ موسیٰ نے سانوں حکم دِتا اےپئی اجیہی زنانیاں نُوں سنگسار کردیوو۔پرتُوں ایس زنانی دے بارے کیہ آکھ دا ایں ؟ “ اوہناں نیں پتھر پھڑکے بڑے یقین نال ایہہ پُچھیا ۔اوہناں نُوں پورا پک سی پئی یسوُع دے کول ایہدے بارے آکھن لئی  کُجھ نہیں ہووےگا۔اوہ ایس اُڈیک وِ  چ سَن پئی یسوُع اوہناں دے جال وِچ پھَس جاوے ۔
جے یسوُع نے شریعت دے مطابق اِنصاف کیتا ہونداتے اوہ خُود وی اوہناں دے ہتھوں سنگسار ہوجاندا ۔اوہناں دا مقصد اوہناں دونواں یعنی زنانی تے یسوُع نُوں سنگسارکرنا سی ۔ جےیسوُع نے آکھیاہونداپئی زنانی نُوں سنگسارنہ کیتا جاوے تے اوہ فتویٰ لاؤندے پئی یسوُع نے خُدادی شریعت دی حقارت کیتی ،تےاِنج اوہ اوہنوں کفربولن دی وجی توں سنگسارکردیندے ۔ ایہہ بڑاخطرناک منصوبہ سی !
پریسوُع جُھک کےاَپنی اُنگل نال زمین اُتے لکھن لگ پیا،تے اوہ اوہدے کولوں سوال کردے ای رہے ،” تُوں ایہدے بارے کیہ آکھداایں ؟ تُوں زمین اُتے کیہ لکھ رہیاایں ؟ صرف ساڈے سوال داجواب دے،تُوں  کیہ آکھداایں ؟ “ اوہ  یسوُ ع وَل  اُنگلاں چُک کے اوہنوں تنگ کر
دےرہے ۔
تے فیر،یسوُع نے اُٹھ کے اوہناں نُوں آکھیا،جیہڑاتُہاڈے وِچوں بے پاپ ہووے اوہو ای
ایہنوں پہلا پتھرمارے ۔فیر اوس نے جُھک کے زمین اُتے لکھنا شروع کردِتا ۔جِنہاں لوکاں نیں ایہہ سُنیا ،اَپنےضمیراں توں مجرم ٹھہرکے،اوہ سارے وڈیاں توں چھوٹیاں تیکر اِک اِک کرکے ،آخری شخص تیکر کھِسک گئے ۔یسوُع اوس زنانی دے نال اوتھے کَلّارہ گیا جیہڑی اوہدے اَگے کھڑی سی ۔
 
 
” تہاڈے وِچوں جیہڑابے پاپ اے اوہ پہلےایہدے پتھرمارے“
                                      
پاپ کِتھے محفوظ ہوندے نیں؟
ساڈے دِلاں دِیاں تختیاں اُتے تے
 عملاں دی کتاب وِچ
 
یسوُع نے اوہناں نُوں آکھیا، ” تُہاڈے وِچوں جیہڑا بے پاپ اے اوہ  پہلےایہدے پتھرمارے۔“تےزمین اُتے جھک کے لکھ دا  رہیا ۔فیروڈیا ں وِچوں تھوڑے جیہے بندے جانے شروع ہوئے ۔بڈھے فریسی جیہڑے بوہتے پاپ کرچُکے سَن ،خورے سب توں پہلے گئے ہون ۔ایسے طرحاں گھبرُوجوان وی نَس گئے ۔فرض کرویسوع ساڈے وِچکار کھڑاسی تے اَسیں زنانی دے آلے دوالے کھڑے ساں ۔جے یسوُع نے سانوں آکھیاہونداپئی ساڈے وِچوں کوئی وی پہلاپتھر مارے تے تُسیں کیہ کرچُکے ہوندے ؟
یسوع زمین اُتے کیہ لکھ رہیاسی ؟خُدا جِنھے سانوں پیداکیتا،ساڈے پاپاں نُوں دومختلف تھاواں اُتے لکھ دا اے۔
پہلا ں ،اوہ ساڈے پاپاں نُوں ساڈے دِل دِیاں تختیاں اُتے لکھدا اے ، ” یہوداہ داپاپ لوہےدے قلم تےہیرے دی چُنج نال لکھیا گیا اے۔اوہناں دے دِل دی تختی اُتے تے اوہناں دے مذبحیاں دے سنِگاں اُتے کنندہ کیتاگیا اے۔“ (یرمیاہ ۱۷: ۱)۔  
خُدایہوداہ دے راہیں ساڈے نال کلام کردااے جیہڑاساڈاای نمائندہ اے ۔ اِنسانی  پیڑھی
دےپاپ لوہےدے قلم تےہیرے دی چُنج نال کنندہ کیتے گئے نیں۔ اوہ  ساڈے  دِل  دِیاں تختیاں اُتے لکھے گئے نیں۔یسوُع جھکیا تے اوہنے زمین اُتے لکھیا پئی سارے لوک پاپی نیں ۔
خُداجان دااے پئی اَسیں پاپ کردے آں تے اوہ ساڈےدِلاں دی تختیاں اُتے پاپاں نُوں کنندہ کردااے ۔ پہلا اوہ ساڈیاں کرتُوتاں یعنی پاپ لکھدااے جیہڑے اَسیں کر دے آں کیوں جے اَسیں شریعت دے اَگے ماڑے آں ۔جِویں پاپ ساڈے دِل اُتے لکھے جاندے نیں ایس لئی جدوں اَسیں شریعت اُتے نظر کردےآں تے سانو ں اپنے پاپی ہون دااحساس ہوندااے ۔کیوں جے اوہنے اوہناں نُوں ساڈے دِلاں تے ضمیراں وِچ محفوظ کیتا ،تےاَسیں جان دے آں پئی اَسیں اوہدےحضُور پاپی آں ۔
تے یسوُع زمین تے لِکھن لئی دُوجی واری جُھکیا ۔صحیفہ ایہہ وی فرماؤندااے پئی ساڈے سارے پاپ خُدادے حضُور ساڈی عملاں دی کتاب وِچ لکھے ہوئے نیں (مکاشفہ ۲۰:۱۲)۔ ہر بندے داناں تے اوہدے کم اوس کتاب وِچ درج نیں ۔اوہ اِنسان دے دل دی تختی اُتے وی لکھے نیں ۔ساڈے پاپ دوتھاواں ، عملاں دی کتاب تےساڈے  دِل دی تختی اُتے لکھے ہوئے نیں ۔
پاپ ہربندے ، یعنی وڈے چھوٹے دے دِل دی تختی اُتے لکھے ہوئے نیں ۔ ایس لئی اوہناں  کول اپنے پاپ دے بارے یسوُع دے سامنے کہن نُوں کُجھ وی نئیں سی ۔اوہ لوک  جیہڑے زنانی نُوں سنگسارکرن دی کوشش وچ سَن،سب اوہدے کلام دے سامنے بےوس ہوگئے سن ۔
 
کدوں ساڈے پاپ جیہڑےدو تھاواں تے محفوظ نیں
مٹائےجاندے نیں؟
جدوں اَسیں اپنے دِلاں وِچ یسوع دی پانی تے خون دی مکتی نُوں
قبول کردے آں
 
پرجدوں تُسیں اوہدی مکتی حاصل کردے او،تے تُہاڈے سارے  پاپ  عملاں  دی  کتاب وِچوں مٹا دِتے جاندے نیں تے تُہاڈا ناں حیاتی دی کتاب وچ درج کردِتا جاندااے۔ اوہ   لوک
جِنہاں دے ناں حیاتی دی کتاب وِچ لکھے مِلن گےاوہ اَسمان اُتے جان گے ۔اوہناں  دے نیک کم یعنی اجیہے کم جیہڑے اوہناں نے دُنیا وِچ خُدا دی بادشاہی تے اوہدی راستبازی واسطے کیتے اوہ وی حیاتی دی کتاب وِچ درج نیں ۔اوہ اَسمان اُتے داخل ہون لئی قبول کیتے جاندے نیں ۔اوہ لوک جیہڑے اپنےپاپاں توں چھُڈائے گئے نیں ہمیشہ  دی سرزمین وِچ داخل ہون گے  ۔
یادرکھوہرشخص دے پاپ دوتھاواں اُتے لکھے ہوئے نیں ،ایس لئی کوئی شخص خُدانُوں دھوکہ نہیں دے سکدا ۔کوئی ایہوجیہاشخص نہیں جِنھے اپنے دِل وِچ پاپ تے زناکاری نئیں کیتی ۔خُدا دے سارے لوک پاپی تےاَدھُورے نیں ۔
جنہاں لوکاں نے اَپنے دِلاں وِچ یسوُع دی مکتی نُوں قبول نئیں کیتا اوہ اپنے پاپاں اُتے ماتم کرن تواَڈکُجھ نہیں کرسکدے ۔اوہ پُراعتماد نئیں۔اوہ اَپنے پاپاں دی وجہ تو ں تےخُداتوں ڈردے رہندےنیں ۔پراوسے ویلے جدوں  اوہ اپنے دِل وِچ پانی تے رُوح دی خوشخبری دی مکتی نُوں قبول کردےنیں ،تےاوہ سارے پاپ جیہڑے اوہناں دے دِل دی تختی تے عملاں دی کتاب  وِچ درج نیں مٹ جاندےنیں ۔اوہناں نُوں اوہناں دےسارے پاپاں توں رہائی مِل جاندی اے۔
اَسمان اُتے اِک حیاتی دی کتاب اے۔ایس کتاب وِچ اوہناں لوکاں دے ناں درج نیں جیہڑے پانی تے رُوح دی مکتی اُتے ایمان رکھ دے نیں ،ایس لئی  اوہو ای اَسمان اُتے جان گے ۔ اوہ ایس لئی اَسمان اُتے نئیں جان گئے پئی اوہناں نےفنا ہون والی ایس دُنیاوِچ پاپ نئیں کیتے سگوں ایس لئی پئی اوہناں نُوں پانی تے رُوح دی راستبازی اُتے ایمان لیاؤن دے سبب اپنے سارے پاپاں توں مکتی مل گئی اے ۔ ایہہ  ’ ایمان دی شریعت ‘ (رومیوں ۳ : ۲۷) اے۔
بیلی مسیحیو،فقیہ تے فریسی وی ایس زنانی دی طرحاں جیہڑی زناکاری دے کم وچ پھڑی گئی سی پاپی سَن۔
سچیائی وچ ،شایداوہناں نے بوہتے پاپ کیتےایس لئی پئی اوہناں نے خُود نُوں تے دُوجے لوکاں نُوں ایہہ جھوٹادِلاسہ دے کے دھوکے  وِچ رکھیا پئی اوہ پاپی نئیں سَن ۔دھرمی آگُو اِنج دے چورسَن جنہاں کول تکلفاتی پروانے سَن ۔دُوجے لفظاں وِچ ،اوہ رُوحاں دے یعنی حیاتیاں دے چورسَن ۔ اوہناں نے اِختیار نال دُوجیاں نُوں تعلیم دین دی جُرات کیتی ایتھوں تیک پئی اوہناں نےخُودہُن تیک مکتی حاصل نئیں کیتی سی ۔
شریعت دے مطابق کوئی شخص بے پاپ نئیں ۔پرکوئی اِنسان   راستباز  بن سکدا  اے،ایس
وجہ توں نئیں پئی نرو ناری ہوندیاں اوہنے کوئی پاپ نئیں کیتا،سگوں ایس لئی پئی اوہنوں اوہدے سارے پاپاں توں مکتی بخشی گئی اے۔ ایہو جیہے شخص داناں حیاتی دی کتاب وِچ لکھیاہویا اے۔ضروری گل ایہہ ہےپئی کیہ کسے شخص داناں حیاتی دی کتاب وِچ لکھیاہویا اےیاں نئیں۔ کیوں جے لوک پاپ توں خالی  ہوکے حیاتی بسرنئیں کرسکدے اوہناں نُوں  لازمی طورتے حیاتی دی کتاب وِچ درج ہون دے سلسلے وِچ ابدی طورتے معاف ہونا چاہی دااے ۔
کیہ تُسیں اَسمان اُتے جاؤ گےپر ایہدا مُک مُکاایس گل تے ہے پئی کیہ تُسیں سچی خوشخبری اُتے ایمان رکھ دے او  یا ں نہیں ۔تُہاڈا خُدادافضل حاصل کرن یاں نہ کرن دا دارومدار ایس گل تے ہے پئی تُسیں یسوُع دی مکتی قبول کردے او یاں نئیں ۔ اوس زنانی نال کیہ ہویا جیہڑی پھڑی گئی سی ؟اوہ خورے خُودنُوں اپنے گوڈیاں اُتے جُھکاچُکی سی تے اپنیاں اَکھاں بندکرکے کھڑی سی ،ایس لئی پئی اوہ جان دی سی پئی اوہدامرناپکاہوچُکیااے ۔ خورے اوہ خوف تے پچھتاوے دی حالت وِچ روندی پئی سی ۔ موت نُوں سامنے ویکھ کےلوک اپنے آپ نال بڑے ایماندارہوجاندے نیں ۔
” اَے خُدا،میرامرناجائزاے۔منت نال میری رُوح نُوں اپنے ہتھاں وِچ قبول کر،تے میرے اُتےرحم کر ۔اَے یسوُع ،منت نال میرے اُتے ترس کھا ۔“ اوہنے مکتی دی محبت لئی یسوُع دی منت کیتی ۔ ” اَے خُدا،جے تُوں میرا انصاف کریں تے میرا انصاف ہووے گا ، جےتُوں آکھیں پئی میَں بے پاپ آں تے فیر میرے پاپ مٹ جان گے ۔ایہہ سب کُجھ تیرے ہتھ وَس اے ۔“ خورے اوہ ایہہ ساریاں گلاں آکھ رہی سی ۔خورے اوہنے اِقرار کیتاپئی اوہدے سارے پاپ دا فیصلہ یسوُع اُتے چھڈ دِتاگیا سی ۔
ایس زنانی نے ،جِنہوں لوک یسوُع کول لیائے، ایہہ  نئیں  آکھیا ،” میَں   غلط  کم  کیتا  اے،
منت نال میری زناکاری نُوں معاف کردے۔“ اوہنے آکھیا ، ” منت نال مینوں میرے پاپاں توں مکتی بخش دے ۔جے تُوں میرے پاپ معاف کریں گا تے میَں مکتی حاصل کراں گی ۔جے نئیں تے میَں جہنم وچ چلی جاواں گی ۔مینوں تیری مکتی دی لوڑ اے ۔مینوں خُدا دی محبت دی لوڑ اے ۔تے نالے مینوں اوہدے ترس دی لوڑ اے ۔“ اوہنے اپنیاں اَکھاں بند کیتیاں تے اپنے پاپ دا اِقرارکیتا ۔
تے یسوُع نے اوہنوں پُچھیا ، ” اَے زنانی ، ایہہ لوک کِتھے گئے کیہ کِسے نے تیرے اُتے حکم نئیں لایا ؟ “ اوہنے جواب دِتا ، ” اَےخُداوند کسے نے نئیں ۔“
تے یسو ع نے اوہنوں آکھیا، ” میَں وی تیرے  اُتے  حکم  نئیں  لاندا۔ “ یسوع  نے
اوہدے اُتے حکم نئیں لایا ایس لئی پئی اوہ دریائے یردن اُتے بپتسمہ لین دی وجہ توں پہلاں ای اوہدے پاپ دُور کرچُکیا سی تے اوہنوں پہلے ای مکتی مل چُکی سی ۔ ہُن اوس زنانی نُوں نئیں سگوں یسوع نُوں اوہدے پاپاں دی سزابرداشت کرنی پینی سی ۔
 
 
اوہنے آکھیا، ” میَں وی تیرے اُتے حکم نئیں لاندا “
 
کیہ اوہ یسوُع وَلوں لعنتی ٹھہری ؟
نئیں
 
ایس زنانی نُوں یسوُع وِچ مکتی دی برکت بخشی گئی ۔اوہنوں اوہدے سارے پاپاں تو ں مکتی مل گئی ۔ساڈا خداوند یسوُع کرم کرن والا ، سانوں دَسدااے پئی اوہنے ساڈے سارے پاپ معاف کر دِتےنیں تے اَسیں راستباز آں۔
اوہ بائبل مقدّس وِچ سانوں اِنج ا ی دَسدااے ۔اوہ صلیب اُتے  ساڈے   ایہناں  پاپاں  دی
قیمت اداکرن لئی مرگیا،جِنہاں نُوں اوہنے دریائے یردن اُتے بپتسمہ لین دے ویلے اپنے اُتے چُک لیاسی ۔ اوہ واضح طورتےدَسدااے پئی اوہنے اوہناں ساریاں نُوں مکتی بخشی جیہڑے اوہدےخلاصی دے بپتسمے تے صلیب دی عدالت اُتے ایمان رکھ دے نیں۔  سانوں ساریاں نُوں یسوُع دے تحریری کلام دی لوڑ اےتے نالے ایس اُتے عمل کرن دی  وی لوڑ اے ۔فیرسانوں ساریاں نُوں مکتی دی برکت ملے گی ۔
” اَے خُدا،تیرے حضُو روِچ میری کوئی چنگیائی نئیں۔میرے اندر کوئی نیکی نئیں۔ میرے کول تینوں وکھان لئی ،میرے پاپاں توں سِوا کُجھ نیں ۔پرمیَں ایمان رکھ دا آں پئی یسوُع میری مکتی داخُداونداے ۔اوہنے دریائے یردن اُتے میرے سارے پاپ چُک لئے تے صلیب اُتے اوہناں دا کفارہ دِتا۔ اوہنے بپتسمہ تے خون دے سبب میرے سارے پاپ چُک لئے۔اَے خُداوند میَں تیرے اُتے ای ایمان رکھ دا آں۔“
ایویں تُسیں مکتی حاصل کردے او ۔یسوُع  ’ساڈےاُتے حکم‘   نئیں  لاندا۔ اوہنے  سانوں
خُدادے پُتربنن داحق دِتا:اوہ لوک جیہڑے پانی تے رُوح دی مکتی اُتے ایمان رکھ دے نیں ،اوہ اوہناں دے سارے پاپ اُٹھاچُکیا اے تے اوہناں نُوں راستباز ٹھہراچُکیااے ۔
سوہنے بیلیو!اوس زنانی نُوں مکتی مل گئی ۔جیہڑی زنانی زناکاری وچ پھڑی گئی سی اوہنوں ساڈے خُداوندیسوُع دے حضُورمکتی دی برکت مل گئی ۔اَسیں وی ایسےطرحاں برکت حاصل کر سکدے آں۔ اوہ جیہڑاپنےپاپاں نُوں جان داتےخُدادے رحم دی درخواست کردااے تے جیہڑاوی یسوُع وِچ پانی تے رُوح دی مکتی اُتے ایمان لیاؤندااے،اوہنوں خُداوَلوں مکتی  دی برکت حاصل ہوندی اے ۔اوہ لوک جیہڑے خُدادےسامنے اَپنے پاپ من دے نیں ،رہاہوسکدے نیں ،پراوہ لوک جیہڑے اپنے ای پاپ نُوں قبول نئیں کردے اوہناں نُوں مکتی دی برکت حاصل نہیں ہوسکدی ۔
یسوُع نے دُنیا دے پاپ چُک لئے (یوحنا ۱ :٢۹)۔دُنیاداہراِک پاپی یسوُع اُتے ایمان لیا کے مکتی حاصل کرسکدااے ۔یسوُع نے زنانی نُوں آکھیا ، ” میَں وی تیرے اُتےحکم نئیں لاندا “اوہنے آکھیا پئی اوہ اوہدےاُتے حکم نئیں لانداکیوں جے ایس زنانی دےسارے پاپ پہلاں ای اوہنے بپتسمہ راہیں اپنے اُتےچُک لئے سَن ۔اوہنے ساڈے سارے پاپ اپنے اُتے چُک لئے تے ساڈے سببوں اوہدے اُتے سزاداحُکم ہویا ۔
 
 
سانوں یسوُع دے حضوُر رہا ئی پاؤنی چاہی دی اے
 
کیہڑی شے وڈی اے ،خُدادی محبت
یاں خُدادی عدالت؟
خُدادی محبت
 
فریسی ،جِنہاں دے ہتھاں وِچ پتھرسَن، ایسے طرحاں حاضرویلے دےدھرمی آگُووی شریعت دی اِک اِک حرف کرکےتشریح کردےنیں۔اوہناں دا ایمان اے کیوں جے شریعت سانوں زناکاری نہ کرن داحکم دیندی اےتے جیہڑاوی ایہہ پاپ کرےگا اوہنوں موت تیک سنگسارکیتاجاوےگا۔اوہ شہوانی نظراں نال چوری چوری زنانیاں اُتے اَکھاں لاندے نیں تے جد پئی زناکاری نہ کرن دا بہانہ کردے نیں ۔اوہ نہ معاف  ہوسکدے نہ ای مکتی پا سکدے نیں ۔ فقیہ تے فریسی ایس دُنیا وِچ اَدب دے بڑے وڈے اُستاد سَن ۔ ایہو جیہے لوکاں نُوں یسوع بُلاؤندا نئیںسی۔ایہناں لوکاں نے کدی یسوُع نُوں ایہہ کہندیاں نہیں سُنیا، ” میَں تُہاڈے اُتےحکم نئیں لاواں گا ۔“
جیہڑی زنانی زناکاری وِچ پھڑی گئی سی صرف اوہنے ایہہ خوشی بھرےاَکھرسُنے ۔ جے تُسیں اوہدے حضُور وِچ ایماندار اوتےفیرتُسیں وی اوہدی طرحاں برکت حاصل کر سکدےاو۔  ”اَےخُدا،میَں بچ نئیں سکداسگوں میَں اپنی ساری حیاتی وچ زناکاری کیتی ۔ یعنی میَں ایس توں آگاہ نئیں ایہہ ایس وجہ توں اے کیوں جے میَں ایہنوں بوہت واراں کردا واں۔ میَں ہر روز کئی  واری
اجیہےپاپ کرداواں ۔“
جدوں اَسیں شریعت دے مطابق ایس سچیائی نُوں قبول کردے آں پئی اَسیں پاپی آں جِنہاں دامرناپکا اے تے ایمانداری نال خُدا داسامنا ایہہ کہندے ہویاں کریے ، ” اَے خُدا میَں کیہ آں ۔منت نال مینوں بچا۔“تے خُدا سانوں مکتی دے نال برکت دیوے گا ۔
یسوُع دی محبت،یعنی پانی تے رُوح دی خوشخبری خُدادی سچی عدالت نُوں جِت چُکی اے۔  ” میَں وی تیرے اُتےحکم نئیں لاندا ۔“ اوہ ساڈےاُ تے حکم نئیں لاندا۔اوہ فرماؤندا اے ، ” تُسیں مکتی پا لئی  اے۔“ساڈاخُداوندیسوُع مسیِح ترس داخُدا اے ۔اوہ سانوں دُنیا دے سارے پاپاں توں مکتی  دےچُکیااے ۔
ساڈاخُداانصاف تے محبت داخُدا اے۔پانی تے رُوح دی محبت بے شک اوہدی عدالت نالوں بوہت وڈی اے ۔
 
 
اوہدی محبت اوہدے انصاف توں بوہت وڈی اے
 
اوہنے سانوں ساریاں نُوں کیوں چھڈایا؟
کیوں جے اوہدی محبت اوہدے انصاف
 نالوں بوہت وڈی اے
 
جےخُدا نےاپنی عدالت نُوں پورا کرن لئی اپنے انصاف اُتے زوردِتاہوندا،تےاوہ سارے پاپیاں دی عدالت کرکے  اوہناں نُوں جہنم وچ گھل دیندا۔پرکیوں جے یسوُع دی محبت ،جیہڑی سانُوں عدالت توں بچاندی اے،بڑی وڈی اے ،خُدا نے اپنے کَلے پُتریسوُع نُوں گھلیا۔یسوع نے ساڈے سارے پاپ اپنے  اُتے لے لئےتے ساڈے ساریاں دی سزا خُودبرداشت کیتی ۔ہُن جیہڑاوی یسوُع نُوں اپنےمکتی داتادے طورتے قبول کردااے اوہ اوہداپُتر تے راستباز شخص بن جاندااے ۔کیوں جے اوہدی محبت اوہدے انصاف توں وڈی اے ایسی لئی اوہنے سانُوں ساریاں نُوں مکتی بخشی ۔
سانُوں خُداداشکراداکرناچاہی دااے پئی اوہ صرف اپنے انصاف دی بنیادتے ساڈی عدالت نہیں کردا ۔جس طرحاں یسوُع نے فقیہ ،فریسی ،تے اوہناں دے چیلیا ں نُوں دَسیا، ” پرجاؤتے ایہدے معنے دریافت کرو: ’ میَں قربانی نہیں سگوں رحم پسند کرداآں‘  میَں راستبازاں نُوں نئیں سگوں پاپیاں نُوں توبہ لئی بلاؤن آیاآں ۔“ (متی ۹:۱۳)۔ کُجھ لوک ہر روز گاں یا بکری نُوں ذبح کرسکدے نیں تے اوہنُوں خُدادے حضُورچڑھاکے ، دُعا منگ سکدےنیں ، ” اَے خُدا،ہرروز میرے پاپ معاف کر۔“ خُدانُوں ساڈے ہدیاں دی لوڑ نئیں،سگوں اوہ چاہندااے پئی اَسیں پانی تے رُوح دی مکتی اُتے ایمان رکھیے ۔اوہ چاہندااے پئی اَسیں مکتی تے چھٹکارہ حاصل کریے ۔ اوہ سانُوں اپنی محبت بخشناتے ساڈے ایمان نُوں قبول کرناچاہندااے ۔کیہ تُسیں سارے ایہہ سمجھ چُکے او؟یسوُع سانُوں اپنی کامل مکتی بخش چُکیااے۔
یسوُ ع پاپ توں نفرت کردااے ،پراوہدے اندراِنساناں لئی شعلہ زن محبت پائی جاندی اے جیہڑے خُدادی شکل تے پیدا ہوئےسَن ۔ ایتھوں تیک پئی اوہنے جہان توں پہلاں سانُوں خُدادے پُتر بنان دا فیصلہ کیتا تے ساڈے پاپاں نُوں اپنے بپتسمہ تے خون دے نال مٹایا۔اوہنے آخرکار سانُوں مکتی بخشن ، یسوع وچ ویس پوان تے اپنے پُتربنان لئی پیداکیتا  ۔ ایہہ اوہ محبت اے جیہڑی خُداساڈے لئی یعنی اپنی خلقت لئی رکھ دااے ۔
جے خُداوند نےصرف اپنی سچی شریعت دے مطابق ساڈاانصاف کیتاہونداتے سانُوں پاپیاں نُوں مرنا پیندا۔پراوہنے سانُوں اپنے پُتردے بپتسمہ تے صلیب اُتےاوہدی عدالت کرن دے راہیں مکتی بخشی ۔ کیہ تُسیں ایمان رکھ دے او؟آؤپُرانے عہد نامہ تو ں ایہدا پک کریے ۔
 
 
ہارون بکرے اُتے اپنے ہتھ رکھ دا سی
 
کِنے اِسرائیل دے نمائندےدے طور تے
زندہ بکرے اُتے اوہناں دے پاپ لدے؟
سردارکاہن نے
 
ایس دُنیا د ے سارے پاپاں دا کفارہ پُرانے عہدنامہ دی تخصیص تے نویں عہدنامہ دے بپتسمہ اُتے ایمان راہیں دِتا گیا اے۔ پُرانے عہد نامہ وچ اِسرائیل دے سارے سالانہ پاپاں داکفارہ سردارکاہن دینداسی ، جیہڑابے عیب زندہ بکرے دے سراُتے اَپنے ہتھ رکھ دا سی ۔
”تے ہارون اَپنے دونویں ہتھ اوس زندہ بکرے دے سر تے رکھ کے اوہدے اُتے بنی اِسرائیل دِیاں ساریاں بدکاریاں تے اوہناں دے سارےپاپاں تے خطاواں دا اِقرار کرے۔تےاوہناں نُوں اوس بکرے دے سراُتے دھرکے اوہنوں کِسے شخص دے ہتھ جیہڑااوس کم لئی تیارہووےبیابان وچ بھیج دیوے۔“ (احبار۱۶:۲۱)۔
اِنج اوہ پُرانے عہد نامہ وِچ کفارہ دیندے سن۔روز مرّہ دے پاپاں توں رہائی پاؤن لئی ، اِک شخص بے عیب بَرّہ یاکوئی بکراخیمہ ٴ اِجتماع وِچ لیاؤنداتے اوہنوں مذبح اُتے قربان کرداسی ۔ اوہ قربانی دے ڈنگردےسراُتے اَپنے ہتھ رکھ دا،تے فیر اوہدے پاپ اوس قربانی دے ڈنگر اُتے لد دِتےجاندے سَن۔فیر ، قربانی دے ڈنگرنُوں ذِبح کیتاجانداتے سردارکاہن اوہدے  خون نُوں  مذبح
دے سِنگاں اُتے لاؤنداسی ۔
مذبح دے چونہہ کونیاں اُتے سِنگ سَن ۔ایہہ سِنگ مکاشفہ ۲۰ : ۱٢  وِچ لِکھی ہوئی عملاں دی کتاب نُوں ظاہر کردے نیں۔قربانی داباقی خون زمین اُتےڈوہلیاجانداسی ۔زمین بندے دے دِل نُوں پیش کردی اے ،ایس لئی پئی اِنسان مٹی توں بنایا گیا سی ، اِنج   لوک  اَپنے   روز مرّہ   دے  پاپاں  دا
کفارہ دیندےسَن ۔ فیروی،اوہ ہرروز پاپ دی قربانی نئیں چاڑھ سکدے سَن۔
ایس لئی ،خُدا نے ایہناں نُوں پورے ورہے دے پاپاں دا اِکوواری کفارہ دین دی اِجازت دِتی ۔ یہ رسم ستویں مہینے دی دسویں تاریخ نُوں یعنی یومِ کفارہ اُتےاداہوندی سی ۔ اوس دِن سارے اِسرائیلی لوکاں دا نمائندہ ،سردار کاہن،دوبکرے لینداتے اوہناں اُتے ہتھ رکھ کےلوکاں دے سارےپاپ اوہناں اُتے لددینداسی ۔ تے ایہناں نُوں بنی اِسرائیل دے کفارہ لئی خُدادے حضُورپیش کرداسی ۔
”تے ہارون اَپنے دونویں ہتھ اوس زندہ بکرے دے سر اُتے رکھ کے اوہدے اُتے بنی اِسرائیل دِیاں ساریاں بدکاریاں تے اوہناں دے سب پاپاں تے خطاواں دا اقرار کرے۔ایہناں نُوں ایس بکرے دے سراُتے دھرے۔“
خُدانے ،اِسرائیل دے سردارکاہن ،ہارون نُوں نمائندہ دے طورتے مقررکیتا۔قربانیاں اُتے وَکھووَکھ ہتھ رکھن دی بجائے ،سردارکاہن ،سارے لوکاں دے نمائندہ دے طور تے سالانہ پاپاں دی معافی لئی زندہ بکرے دے سر اُتے ہتھ رکھداسی ۔
تے اوہ اِسرائیل دے سارے پاپ خُدادے حضُور بیان کرداسی۔” اَے خُدا ،تیرے اِسرائیلی بالاں نیں پاپ کیتا ۔اَسیں بُت پرستی کیتی ،تیری شریعت دِیاں ساریاں گلاں دی خلاف ورزی کیتی،تیراناں بے فائدہ لیا،تے بُت بنائے جِنہاں نال تیرے توں بوہتی محبت کیتی،اَسیں سبت نُوں پاک نئیں منیا،اپنے ماں پیو دی عزت نئیں کیتی،خون ،زناکاری تے چوری کیتی۔ ۔ ۔ ۔اَسیں حسد تے جھگڑیاں وِچ رُجھے رہے۔“
اوہ سارے پاپاں داجَپ کردا ۔ ” اَے خُدا،بنی اِسرائیل تے میَں تیری شریعت دی کِسے گل اُتے عمل کرن دے لائق نئیں ۔ایہناں ساریاں پاپاں توں رہائی حاصل کرن لئی ، میَں اپنے ہتھ ایس بکرے دے سر اُتے رکھ داواں تے ایہدے اُتے سارے پاپ وار و واری  لددواں۔ “  سردارکاہن قربانی دے ڈنگراُتے سارےلوکاں لئی ہتھ رکھ دا تے سارے پاپ قربانی دے ڈنگردے سر اُتے اِک اِک کرکے لددیندا ۔تخصیص یاں ہتھ رکھن دامطلب ،’  واری واری لدنا ‘ ایں (احبار۱:۱ ۔ ۴،۱۶ :۲۰۔ ٢۱)۔
 
پُرانے عہد نامہ وِچ کِویں کفارہ مکمل ہونداسی؟
پاپ دی قربانی دےڈنگر دے سراُتےہتھ
رکھن دےر اہیں
 
خُدا نے بنی اِسرائیل نُوں پاپ دی قربانی دا نظام ایس لئی بخشیاتاں پئی اوہ اَپنےسارے پاپ واری واری منتقل کرکے مخلصی حاصل کر سکن ۔ اوہنےخاص طورتےایہہ گل واضح کیتی پئی ہر آدمی دے پاپ دی قربانی داڈنگربےعیب ہوناچاہی دایعنی پاپ د ی قربانی دے ڈنگرنُوں بندے دی تھاں اُ تےمرناچاہی دااے۔ہرپاپی دی مکتی اِنج ای ہُندی سی ۔
فیروی ،یومِ کفارہ اُتے پاپ دی قربانی دے ڈنگرنُوں ذِبح کیتاجانداتے ایہداخون پاک مقام وچ لے جایا جانداسی تے رحم گاہ اُتے ست واری چھڑکیا جانداسی ۔اِنج ای بنی اِسرائیل ستویں مہینے دی دسویں تاریخ نُوں سالا نہ پاپ داکفارہ دیندےسَن۔
سردار کاہن قربانی چڑھان کلّاای پاک مقام وچ داخل ہوندا،پرلوک باہراکٹھے ہوندےسَن تے  سردارکاہن دے کپڑیاں دی جھالراُتے لگیاں ہوئیاں سونےدِیاں گھنٹیاں  دی آواز سُن دے سَن،سونےدِیاں گھنٹیاں  رحم گاہ اُتے خون چھڑکن دے ویلے ست واری وَج دیاں سَن ۔تے فیر ،لوک خوشی مناؤندےپئی اوہناں دےسارےپاپاں داکفارہ ہوگیا ۔ سونےدِیاں گھنٹیاں دی آوازخوشی دی بشارت نُوں عائدکردی اے۔
ایہہ سچ نئیں اے پئی یسوُع خاص چُنے ہوئے لوکاں نال محبت رکھداسی تے اوہنے صرف ایہناں نُو ں مکتی بخشی اے۔ یسوُع نیں بپتسمہ دے راہیں ساری دُنیا دے سارےپاپاں نُوں اِکو واری دُورکردِتا ۔ اوہ اِکوواری تے ہمیش لئی سانُوں سبھناں نُوں رہائی بخشناچاہندا سی ۔ساڈے پاپ ہرروز معاف نہیں ہوسکدے سَن ،پراوہ اِکوواری معاف ہوگئے ۔
پُرانے عہدنامہ وچ کفارہ تخصیص تے پاپ دی قربانی دے خون دےراہیں دِتا  جاندا  سی ۔ ہارون سارے لوکاں دے سامنے زندہ بکرے دے سر اُتے  اَپنے  ہتھ  رکھدا تے  سارے  پاپاں  دا
اِقرارکرداجیہڑے لوک پورے ورہےدےوِچ کرچُکے سَن ۔اوہ سارے اِسرائیلیاں دے سامنے پاپاں نُوں بکرے اُتے منتقل کرداسی ۔فیر ،بکرےاُتے سردار کاہن دے ہتھ رکھن توں بعدلوکاں دے پاپ کِتھے چلےجاندےسَن؟اوہ سارے ایس بکرے اُتے لددِتے جاندےسَن ۔
فیر ، کسے ’ مناسب بندے‘ دےراہیں ایس بکرے نُوں دُور گھل دِتاجانداسی ۔اوہ بکرا، اَپنے اُتےاسرائیل دے سارے پاپاں دے نال ،بیابان وِچ گھلیاجانداسی،جِتھے نہ کوئی پانی تے گھاہ ہونداسی ،فیراوہ بکراسڑدی دُھپ وِچ بیابان وِچ بھٹکدا رہندا تے آخرکارمرجاندا سی۔ایہہ بکرااسرائیل دے پاپاں دےسببوں مرجانداسی ۔
ایہہ خُدادی محبت یعنی مخلصی دی محبت اے ۔اِنج اوہ ایہناں سالانہ پاپاں داکفارہ دیندے سَن ۔پراَسیں نویں عہدنامہ وِچ حیاتی گزاررہے آں ۔تقریباً۲۰۰۰ ورہے پہلاں یسوُع  ساڈی خاطر ایس دُنیا وِچ آیا۔اوہنےآکےوعدےنُوں پوراکیتاجیہڑاوعدہ اوہنےپُرانے عہدنامہ وِچ کیتاسی ۔اوہ آیا تے اوس نیں آکےساڈے سارے پاپاں نُوں معاف کیتا۔
 
 
سانُوں ساریاں نُوں چھُڈان لئی
 
یسوع داکیہ مطلب اے؟
مکتی داتا جیہڑااَپنے لوکاں نُوں اوہناں دے
پاپاں توں بچاوےگا
 
آؤمتی ۱ : ۲۰ ۔ ٢۱پڑھیے۔ ” اوہ ایہناں گلاں نُوں سوچ ای رہیاسی پئی خُدادے فرشتے نیں سُفنےوِچ وکھالی دے کے آکھیا !اَے یوسف داؤددے پُتراَپنی بیوی مریم نُوں اَپنے کول لیان توں نہ ڈرکیوں جےجیہڑااوہدے ٹِڈھ وِچ اے اوہ پاک رُوح دی قُدرت نال اے ۔ اوہدے مُنڈاہووےگاتےتُوں اوہداناں یسوُع رکھیں کیوں جے اوہ ای اَپنے لوکاں نُوں اوہناں دے پاپاں تو ں مکتی دیوےگا ۔“ (متی ۱:۲۰ ۔ ۲۱)۔
ساڈے اَسمانی پیونیں اَپنے پُترنُوں ایس دُنیاوِچ اِنسان دے سارے پاپ دھون لئی گھلنے دے واسطے کواری مریم دابدن اُدھارلیا ۔اوہنے مریم دے کول اِک فرشتہ نُوں بھیج کے اوہنوں دَسیا ۔ ” ویکھ تُوں حاملہ ہوویں گی تے تیرے پُترہووےگا۔اوہداناں یسوُع رکھیں ۔“ ایہدامطلب سی پئی مریم دےراہیں آن والا پُترمکتی داتابنےگا۔ یسوُع مسیِح دا مطلب اَپنےلوکاں نُوں مکتی دین والا،یاں دُوجے لفظاں وِچ ، مکتی داتااے ۔
فیر،سانُوں ساریاں نُوں کِویں یسوع نیں پاپ توں بچایا؟اوہ طریقہ پئی یسوُع نےدُنیادے سارےپاپ چُک لئے،دریائے یردن وِچ اوہدےبپتسمہ دےراہیں سی ۔جدوں یوحنا اصطباغی نیں یسوُع نُوں بپتسمہ دِتا،دُنیادے سارےپاپ اوہدےاُتےمنتقل ہوگئے ۔ آؤ متی ۳ : ۱۳ ۔ ۱۷ پڑھیے۔
” اوس ویلے گلیل توں یردن دے کنارے یوحناکول بپتسمہ  لین لئی آیا۔پریوحناایہہ آکھ کے اوہنوں منع کرن لگاپئی میَں آپ تیرے کولوں بپتسمہ لین دا محتاج آں تے تُوں میرے  کول آیا ایں ؟یسوع نیں جواب وِچ اوہنوں آکھیا ،ہُن تُوں ہون ای دےکیوں جے سانوں ایسے طرحاں ساری راستبازی پوری کرنامناسب اے۔ایہدےتےاوہنے ہون دِتا ۔تے یسوُع بپتسمہ لےکےاوسےویلےپانی دے اُتےآیاتےویکھواوہدےلئی اَسمان کھُل گیاتےاوہنے خُدادےرُوح نُوں کبوتردی شکل وِچ اُتردیاں تے اَپنے اُتے آندیاں ویکھیا۔تے ویکھواَسمان توں ایہہ آواز آئی پئی ایہہ میراسوہناپُتراےجہدےتوں  میَں خُوش آں۔“
یسوُع سانُوں ساریاں نُوں ساڈے پاپاں توں مکتی دین لئی یوحنااصطباغی کول گیا۔اوہ پانی وِچ گیا تے یوحنا دے سامنے سرنُوں جُھکادِتا، ” یوحنا،مینوں ہُنے بپتسمہ دے۔سانوں ایسے طرحاں ساری راستبازی نُوں پوراکرنا ایں۔جِویں پئی میَں دُنیادےسارےپاپ چُکن تے سارےپاپیاں نُوں اوہناں دے پاپاں تو ں مکتی بخشن لئی آیاواں،مینوں بپتسمہ دے راہیں ایہناں دے پاپاں نُوں چُکناایں ۔ہُنےمینوں بپتسمہ دے !ہُن اِنج ای ہون دے! “
فیروی،سانوں ایسے طرحاں ساری راستبازی نُوں پورا کرنامناسب سی ۔یسوع نیں یوحنا اصطباغی کولوں دریائے یردن وِچ بپتسمہ لیاتےٹھیک اوسےویلے،خُدادی اوہ ساری راستبازی جیہڑی سانُوں پاپاں توں مکتی بخش دی اے،پوری ہوگئی ۔
ایہہ اوہ   وجہ ہےپئی  کِویں اوہنے ساڈےسارےپاپ چُک لئے۔تُہاڈےسارے پاپ  وی
،یسوُع اُتے لددِتےگئےسَن۔کیہ تُسیں ایس گل نُوں سمجھ دے او؟
یسوع دے بپتسمہ تے رُوح دی خلاصی اُتے ایمان رکھوتے  مکتی یافتہ ہووو۔
                          
کِویں ساری راستبازی پوری ہوئی سی؟
یسوع دے بپتسمہ دے راہیں
 
خُدانیں پہلاں اِسرائیل نال عہدکیتاپئی بندےدےسارے پاپ ہتھاں دے رکھےجان تےسوختنی قربانی دےڈنگرنال دُھل جان گے۔پرجِویں ہراِک بندےداشخصی طور تےبکرےدےسراُتےہتھ رکھناناممکن سی ،ایس لئی ہارون نُوں سردارکاہن مخصُوص کیتاگیاتاں پئی اوہ ساری لوکاں لئی قربانی دےسکے۔ایویں،اوہ جُرم دی قربانی دے ڈنگر دے سراُتے ہتھ رکھن دے راہیں اوہنا ں دےسارے سالانہ پاپ اِکوواری ایہدے اُتے لددینداسی ۔ایہہ خُدادی حکمت تے مخلصی دی قدرت سی ۔ خُدادانش مند تےعجیب اے۔
اوہنے ساری دُنیا نُوں بچان لئی اَپنے پُتریسوُع نُوں گھلیا۔ایویں،ہُن ساری اِنسان ذات نُوں نمائندہ دی لوڑسی ،یعنی اجیہے شخص دی جیہڑایسوُع دے سر اُتے ہتھ رکھےتے دُنیادے پاپ اوہدے اُتے لددیوے۔ایہہ نمائندہ یوحنااصطباغی سی ۔بائبل وِچ لکِھیا ہویااے پئی خُدانیں یسوُع توں پہلاساری اِنسان ذات دے نمائندہ نُوں گھلیا۔
ایہہ یوحنا اصطباغی سی جیہڑااِنسانی پیڑھی داآخری سردار کاہن  سی ۔جِویں  پئی  متی ۱۱:۱۱ وچ
   لکِھیاہویااے، ” جِنہے زنانیاں وِچوں پیداہوئے نیں اوہناں وِچوں یوحنا بپتسمہ دین والے توں وڈاکوئی وی نئیں ہویا ۔ “ اوہ اِنساناں داکَلّا نمائندہ اے۔اوہنے یوحنا اصطباغی نُوں ساری اِنسان ذات دے نمائندہ دے طورتےگھلیاتاں پئی اوہ یسوُع نُوں بپتسمہ دے سکے تےاِنساناں  دے سارےپاپاں نُوں اوہدے اُتےلدسکے ۔
جے ایس دھرتی تےہُن ۶ اَرب لوک یسوع دے کول جاندےتے ہراِک نُوں اَپنے  پاپاں
نُوں یسوُع تے لدن لئی اوہدے سراُتےہتھ رکھنے پیندے ،تے یسوع دے سردا کیہ حال ہووےگا؟جےایس دُنیاوِچ موجودہ چھ اَرب توں بوہتے لوکاں نُوں یسوُع دے سر اُتےاَپنے ہتھ رکھنے پین ،تے ایہہ کوئی سوہنانظارہ نئیں ہووےگا ۔کُجھ جوشیلےلوک خورے اوہدے سرنُوں ایہناں زوردی دبان گے پئی اوہدےسارےوال ڈِگ پین گے۔ایس لئی خُدانے،اَپنی حکمت دے راہیں یوحنا نُوں ساڈے نمائندہ دے طورتے مقررکیتاتے دُنیا دےسارےپاپ اِکوواری تے ہمیش لئی ، یسوع اُتے لددِتے۔
متی ۳ : ۱۳ وچ ایہہ لِکھیا اے ، ” اوس ویلے یسوع گلیل توں یردن دے کنارے یوحنا کول اوہدے کولوں بپتسمہ لین لئی آیا۔“ ایہہ اوس ویلے ہویاسی جدوں یسوُع دی عمر۳۰ ورہےہوئی ۔یسوع دی پیدائش دے اَٹھ دِن بعد اوہداختنہ ہویا ،تے اوہدے ۳۰ ورہے دی عمرتیک اَپڑن توں پہلا ں اوہدے بارے بھوراجیہی گلاں داای جَپ  ملدااے۔
اَسمانی شرعی سردارکاہن بنن لئی،۳۰ورہے تیک یسوُع دےاُڈیکن دی وجہ پُرانے عہدنامہ نُوں پوراکرناسی ۔استثنادی کتاب وِچ ،خُدانیں موسیٰ نُوں حکم دِتاپئی سردارکاہن نُوں کہانت دی اُچی خدمت انجام دین توں پہلاں گھٹو گھٹ۳۰ورہےداہوناچاہی دااے۔ یسوُع اَسمانی سردارکاہن سی ۔ کیہ تُسیں ایس گل اُتے ایمان رکھدے او؟
نویں عہدنامہ وچ ،متی ۳ : ۱۳۔۱۴ وِچ ایہہ لِکھیا اے ، ” اوس ویلے یسوع گلیل توں یردن دے کنارے یوحنا کول اوہدے کولوں بپتسمہ لین لئی آیا۔پریوحنا ایہہ آکھ کے اوہنوںمنع کرن لگاپئی میَں آپ تیرے کولوں بپتسمہ لین دا محتاج آں تےتُوں میرے  کول آیا ایں ؟ “ بندیاں دانمائندہ کون سی ؟یوحنا اصطباغی ۔ تے فیر اَسمانی نمائندہ کون سی ؟ یسوُع مسیِح ۔دونویں نمائندے آپس وِچ ملے ۔فیردونواں وِچوں وڈاکیہڑاسی ؟بے شک اَسمانی نمائندہ وڈااے۔
لہٰذا،یوحنا اصطباغی جیہڑادلیری نال اَپنے دَوردے دھرمی آگُواں نُوں ایہہ کہن والا سی ،  ” اَے سَپ دے بچیو!توبہ کرو۔ “ اچانک یسوع اَگے حلیم بن گیا۔ ”  میَں آپ تیرے کولوں بپتسمہ لین دا محتاج آں تےتُوں میرے  کول آیا ایں ؟ “
اوس موقعے تے یسوُع نیں آکھیا ، ” ہن تُوں ہون ای دےکیوں جے سانُوں ایسے طرحاں ساری راستبازی پوری کرنامناسب اے۔“ یسوُع ایس دُنیا وِچ خُدادی راستبازی پوری کرن لئی آیا تے ایہہ اوس ویلے پوری ہوئی جدوں اوہنے یوحنا اصطباغی کولوں بپتسمہ لیا ۔
”  ایہدے تے اوہنےہون دِتا۔تے یسوُع بپتسمہ لےکےاوسےویلے پانی  دے اُتے آیا
تےویکھو اوہدے لئی اَسمان کھُل گیاتے اوہنے خُدادے رُوح نُوں کبوتردی شکل وِچ اُتر دیاں تے اَپنےاُتے آندیاں ویکھیا۔تےویکھواَسمان توں ایہہ آواز آئی پئی ایہہ میراسوہنا پُتر اے جیہدےتوں میَں خوش آں ۔“
جدوں اوہنے بپتسمہ لیاتےایہہ واقعہ رُونماہویا۔جدوں اوہنے یوحنا اصطباغی کولوں بپتسمہ لیا تے اَسمان دابوہاکھُل گیاتے اوہنےدُنیادےسارے پاپ چُک لئے ۔
”تےیوحنا بپتسمہ دین والے دے دِناں توں لےکےہن تیکراَسمان دی بادشاہی اُتے زور ہوندارہیااے تےزورآورایہنوں کھوہ لیندےنیں ۔“ (متی۱۱:۱۲)۔
سارےنبیاں تے توریت نیں یوحنا اصطباغی تیک نبُوّت کیتی ۔ ” تےیوحنا بپتسمہ دین والے دے دِناں توں لےکےہُن تیکراَسمان دی بادشاہی اُتے زور ہوندارہیااے تےزورآور ایہنوں کھوہ لیندےنیں ۔“ جیہڑاوی اوہدے بپتسمہ اُتے ایمان رکھدااے اوہ بغیرکِسےرُکاوٹ دےخُدادی بادشاہی وِچ داخل ہوسکدااے ۔
 
 
” میَں وی تیرےاُتےحکم نئیں لاندا“
                           
کیوں یسوُع دی صلیب اُتے عدالت ہوئی؟
کیوں جے اوہنے ساڈے سارے
 پاپ چُک لئےسَن
 
یسوُع نیں یوحنابپتسمہ دین والے کولوں بپتسمہ لیاتےدُنیادےسارے پاپاں نُوں اَپنے اُتے لے لیا ۔بعد وچ ،اوہنے زنانی نُوں جیہڑی زناوِچ پھڑی گئی سی آکھیا ،” میَں وی تیرے اُتےحکم نئیں لاندا “اوہنے زنانی اُتے ایس لئی حکم نئیں لایا کیو ں جے اوہنے یردن اُتےدُنیا دے پاپ اَپنے اُتے چُک لئےسَن تےایہناں ساریاں پاپاں دی سزایسوُع نوُں ملی سی ،نہ پئی اوس زنانی نُوں ۔
یسوُع نیں دُنیا د ے سارے پاپ مٹادِتے۔اَسیں ویکھ سکدے آں پئی اوہ ایس تکلیف دے
سبب کِنّاں خوف کھانداسی جیہڑی اوہنوں صلیب اُتے برداشت کرنی سی ایس لئی پئی ’پاپ دی مزدوری موت اے‘ اوہنے زیتون دےپہاڑاُتےخُدادے اَگے تِن واری دُعاکیتی پئی ایس سزانُوں اوہدےتوں دُورکردے۔یسوُع خون تے گوشت وچ سی ، بالکل دُوجے اِساناں دی طرحاں ،ایس لئی ایہہ گل پّکی اے پئی اوہ دردتوں خوفزدہ سی ۔ یسوُع نُوں عدالت دا تقاضہ پوراکرن لئی خون وگاناسی ۔
جس طرحاں پُرانے عہدنامہ وِچ پاپ دی قربانی دے ڈنگرنُوں پاپاں دی قیمت اداکرن لئی خون وگاناپینداسی ،بالکل ایسے طرحاں اوہنے صلیب اُتے قربان ہوناسی ۔ اوہ پہلاں ای دُنیا داپاپ لے چُکیاسی تے ہُن اوہنوں ساڈی مخلصی لئی اَپنی جان قربان کرنی سی ۔اوہنوں پتہ سی پئی خُدادے حضُوراوہدی عدالت ہونی سی۔
یسوُع دے دِل وچ کوئی پاپ نئیں سی پرکیوں جےاوہدے بپتسمہ دے راہیں سارے پاپ  اوہدے اُتے لددِتےگئے ،تےہُن خُدانُوں اپنے پُتردی عدالت کرنی سی ۔ اِنج ،پہلاں ،خُدا دااِنصاف پوراہویاتے دُوجا،اوہنے ساڈی مکتی لئی اَپنی محبت نُوں ساڈے اُتے ڈوہلیا ۔ایویں ، یسوُع نُوں صلیب اُتے سزا جھلنی پئی۔
” میَں نہ تُہاڈےاُ تے حکم لانداواں تے نہ ای تُہاڈی عدالت کرداواں ۔“ ساڈے سارے جانوں تے اَن جانوں ،ظاہر یاں لُکےپاپاں دی ،خُدانُوں عدالت کرنی سی ۔
فیر وی،خُدانیں سانُوں سزانہیں دِتی ۔خُدانیں یسوُع دی عدالت کیتی ،جِنہے اَپنے بپتسمہ دے راہیں ساڈے سارے پاپ اَپنے اُتے لے لئےسَن ۔خُدااَپنی محبت تے ترس دے سبب پاپیاں نُوں سزانہیں دینا چاہندا۔بپتسمہ تے صلیب اُتے وگن والا خون ساڈے لئی اوہدی مکتی بخش محبت سی ۔” کیوں جے خُدانیں دُنیانال اجیہی محبت رکھی پئی اوہنے اَپنا اِکو اِک پُتردےدِتاتاں پئی جیہڑاوی اوہدےاُتےایمان لیاوے مرنہ جاوے سگوں ہمیش دی حیاتی پاوے۔“ (یوحنا ۳: ۱۶)۔
اِنج اَسیں اوہدی محبت توں واقف ہوندے آں ۔یسوُع نے ایس زنانی اُتے حکم نئیں لایا جیہڑی زناکاری وِچ پھڑی گئی سی ۔
اونوں پتہ سی پئی اوہ پاپی اے ایس لئی پئی اوہ زناکاری دے بالکل کم وِچ پھڑی گئی سی ۔  پاپ
نہ صرف اوہدے دِل وچ پایاجانداسی ،سگوں اوہ اوہنوں اَپنے جِسم وِچ وی لئی پھر دی  سی ۔کوئی ایسی صورت نئیں سی پئی  اوہ اَپنے پاپی ہون دااِنکارکرسکدی ۔ پر،کیوں جے اوہ ایمان لیائی پئی یسوُع نیں اوہدے سارے پاپ چُک لئے ،ایس لئی اوہ بچ گئی ۔جے اَسیں یسوُع دی مکتی اُتے ایمان رکھیے ،تے اَسیں وی بچ جاواں گے ۔ایہدےاُتےایمان رکھو! ایہدے وچ ساڈافائدہ اے۔
 
کیہڑے سب توں بوہتے برکت والے نیں؟
اوہ جیہڑے کوئی پاپ نئیں رکھدے
 
سارےلوک پاپ کردےنیں ۔سارے لوک زناکاری کردےنیں ۔ پرسارے لوک اَپنے پاپاں لئی پرکھے نئیں جاندے۔اَسیں ساریاں نیں پاپ کیتااے،پرجیہڑے یسوُع مسیِح دی مکتی اُتے ایمان رکھدے نیں ،اوہناں دے دِلاں وِچ پاپ نہیں پایاجاندا۔جیہڑا یسوُع دی مکتی اُتے ایمان رکھدااے اوہ ساریاں توں بوہتا بھاگاںوالابندہ اے ۔ ساریاں توں بوہتا مبارک اوہ شخص اے جنہوں اوہدے سارے پاپاں تو مکتی بخش دِتی گئی اے۔ دُوجے لفظاں وِچ، اوہ ہُن یسوُع وِچ راستبازنیں۔ 
رومیوں ۴ : ۷ وِچ خُداتعالیٰ سانُوں خوشی دے بارے دَسدااے، ” مبارک اوہ نیں جِنہاں دِیاں بدکاریاں معاف ہوئیاں تے جِنہاں دے پاپ ڈھک دِتے گئے۔“ اَسیں سارے مردے دم تیک پاپ کردے آں ۔ اَسیں خُدادے حضُورنافرمان تے نامکمل آں۔اَسیں بےشک اوہدی شریعت توں اَگاہی حاصل کرن توں بعد وی پاپ کردے رہندےآں ۔ اَسیں بوہت نمانے آں۔
پرخُدانیں سانُوں اَپنے اِکواِک پُتردے بپتسمہ تے خون دے سبب مکتی بخشی تے سانُوں دَسدا اے ،میَں تے تُسیں یعنی اگانہہ توں پاپ نہیں ،یعنی  ہُن اَسیں اوہدے حضُور راستباز آں ۔اوہ سانُوں دَسدااے پئی اَسیں اوہدے پُترآں ۔
پانی تے خون دی خوشخبری سَدادی مکتی دی خوشخبری اے ۔کیہ تُسیں ایس  اُتے  ایمان رکھ
دے او ؟اوہ لوک جیہڑے ایمان لیاؤندے نیں ،خُدااوہناں نُوں راستباز ،چُھڈائے ہوئے،تے اَپنے پُترآکھدااے ۔ایس فنا ہونے والی دُنیا  وِچ سب توں بوہتا خوش نصیب شخص کون اے؟اوہ شخص جیہڑاایمان رکھداتے سچی خوشخبری اُتے ایمان رکھن دے راہیں رہاہوچُکیااے ۔کیہ تُسیں مکتی  حاصل
کرچُکے او؟
کیہ یسوُع تُہاڈے پاپ چُکنےبھُل گیااے؟بالکل نہیں ۔اوہنےبپتسمہ دے راہیں تُہاڈے سارے پاپ چُک لئےنیں۔ایس گل اُتے ایمان لیاؤ تے اَپنےسارے پاپاں توں مکتی حاصل کرو۔آؤیوحنا۱ : ٢۹ پڑھیے۔
 
 
بالکل ایویں جِویں وڈےجھاڑوُنال صاف کیتےگئےہون
 
کِنّے پاپ یسوُع نیں چُک لئے؟
دُنیا دے سارے پاپ
 
” دُوجےدِن اوہنے یسوُع نُوں اَپنے وَل آؤندیاں ویکھ کے آکھیاویکھوایہہ خُدادابَرّہ اے جیہڑادُنیادا پاپ چُکی لےجاندااے ۔“ (یوحنا۱:۲۹)۔
” ویکھو!ایہہ خُدادابَرّہ اے جیہڑادُنیادا پاپ چُکی لےجاندااے! ۔“
یوحنا اصطباغی نیں دریائے یردن اُتے دُنیادےسارے پاپ یسوُع اُتے لد دِتے۔اَگلے ای دِن ،اوہنے گواہی دِتی پئی یسوُع خُدادابَرّہ سی جِنہے دُنیادےسارےپاپ چُک لئے ۔اوہنے اَپنےموہڈیاں اُتےدُنیادےسارےپاپ چُک لئے۔
دُنیادے سارے پاپاں دامطلب اے ،اوہ سارے پاپ جیہڑے اِنسانی پیڑھی کائنات دی پیدائش توں لے کے ایہدے اختتام تیک دُنیاوِچ کرےگی ۔گھٹوگھٹ ۲۰۰۰ ورہے پہلاں  یسوُع نیں ساری دُنیا دے پاپ چُک لئے تےسانُوں خلاصی بخش دِتی ۔خُدادے بَرّے دےطورتے ،اوہنے
ساڈےسارےپاپ چُک لئے تےساڈی تھاں اُتے سزانُوں جھلیا۔
ہرپاپ جیہڑااِنسان ذات کردااے یسوُع اُتے منتقل ہوگیا سی ۔اوہ خُدادابَرّہ بن گیاجِنہےدُنیا دے سارے پاپ چُک لئے ۔
یسوُع اِک حلیم بندےدےطورتےدُنیا وچ آیا ،اِک ایہو جیہے شخص وانگرجِنہےفناہ ہون والی
دُنیا دے سارے پاپیاں نُوں مکتی بخش دِتی ۔اَسیں ایس لئی پاپ کردےآں ،کیوں جے اَسیں کمزور،بدکار،جاہل آں،کیوں جے اَسیں بیوقوف تے نکمّے آں۔دُوجے لفظاں وچ ،اَسیں پاپ کردےآں ،کیوں جے اَسیں اَپنے اِکو پیو،آدم تو ں پاپ وِرثہ وِچ لیا اے ۔ایہہ سارے پاپ صاف کیتے گئےتےدریائے یردن اُتے یسوُع دے بپتسمہ دے راہیں اوہناں نُوں یسوُع دےسراُتےلددِتاگیا۔اوہنے صلیب اُتے اَپنی جسمانی موت دےنال ایہناں داخاتمہ کردِتا۔اوہ دفن کیتاگیا،پرخُدانیں اوہنوں تِن دِن بعد مُردیاں وِچوں زندہ کیتا۔
ساریاں پاپیاں دےمکتی داتا،فاتح،منصف دےطورتے،ہُن اوہ پیودےسجےّپاسے بیٹھا ہویا اے۔اوہنوں گھڑی مُڑی سانُوں خلاصی بخشن دی لوڑ نئیں ۔ایس لئی سانُوں مکتی حاصل کرن لئی صرف ایمان لیان دی لوڑ اے ۔ سَدادی حیاتی اوہناں لوکاں دی راہ ویکھ دی اے جیہڑے ایمان لیاؤندےنیں ، تے سدادی تباہی اوہناں دی ،جیہڑے ایمان نئیں لیاؤندے۔ ایہدے علاوہ ہورکوئی وی دُوجا طریقہ نئیں ۔
یسوُع نیں تُہانوں ساریاں نُوں مکتی بخشی ۔تُسیں دھرتی اُتے سب توں بوہتے بھاگاں والے  لوک او۔تُسیں اَپنی کمزوری دے سبب لازمی طورتے آؤن والے زمانےوِچ پاپ کروگے ،پریسوُع نیں اوہناں نُوں وی چُک لیااے۔
کیہ تُہاڈے دِل وِچ کوئی پاپ پِچھے رہ گیا اے؟— نئیں —
کیہ یسوُع نیں ایہنوں پورے طورتےچُک لیااے؟—جی ہاں !اوہنے اِنج ای کیتا —
سارے اِنسان اِکو جیہے نیں ۔کوئی بندہ اَپنے گوانڈھی توں بوہتا پاک نئیں ۔پرکیوں جے  بوہت سارےلوک ریاکار نیں ایس لئی اوہ سوچ دے نیں پئی اوہ پاپی نئیں ،پربےشک ، اوہ وی پاپی نیں ۔ایہہ دُنیاہرابھراکھیت اے جیہڑاپاپ دی پرورش کردااے ۔
جدوں زنانیاں اَپنےگھراں وِچوں باہر نکلدیاں نیں تے اوہ سُرخی ،تے مونہہ اُتے پاؤڈر لاندیاں نیں ، اَپنے والاں نُوں کُنڈلے بناؤندیاں نیں ،سوہنے لِیڑے  پاؤندیاں نیں ،تے اُچی اَڈی والی جُتی پاؤندیاں نیں۔ ۔ ۔ ۔مردوی نائی کول جاکےاَپنےوال کٹواؤندےنیں ،اَپنے آ پ نُوں بناؤندے تے سنواردے نیں ،صاف چہگاپاؤندے،فیشنی ٹائی لاؤندے ، تے اَپنیاں جُتیاں بوہت چمکاؤندےنیں ۔
ایہدےباجود جے اوہ باہروں شہزادے تے  شہزادیاں  وانگر نظر  آ سکدے  نیں ،  پر  اوہ
اندروں بالکل گندے نیں ۔
کیہ دولت اِنسان نُوں خوش کردی اے ؟کیہ چنگی صحت  اِنسان نُوں خوش کردی اے ؟ بالکل نئیں ۔صرف مخلصی ،یعنی سارے پاپاں دی معافی، اِنسان نُوں سچی خوشی بخش دی اے ۔کوئی معنے نئیں رکھداجے کوئی شخص وکھالےطورتے کِنّا خوش نظرآؤندااے ،جےاوہدے دِل وِچ پاپ پایاجانداے تے اوہ بدحال اے ۔اوہ عدالت دے خوف وِچ حیاتی بسرکردااے ۔
مکتی یافتہ شخص ،لیِراں وِچ وی ببّر شیروانگر بہادراے ۔اوہدے دِل وچ کوئی پاپ نئیں ۔  ” اَے خُداوند ،تیراشکرہووے ۔تُوں میرے جیہے پاپی نُوں بچایا ۔تُوں میرے سارے پاپ دُورکردِتے ۔میَں جان داواں پئی میَں تیری محبت دے لائق نئیں ،پرمیَں اَپنے بچائے جان لئی تیرا شکراَداکرداواں۔میَں اَبدتیکراَپنےپاپاں توں مکتی حاصل کر چُکیا واں۔خُدانُوں جلال ملے!“
مکتی حاصل کرن والا بندہ سچ مُچ خوش نصیب بندہ اے ۔جیہڑے بندے نُوں خُدادی مکتی دے فضل دی برکت حاصل ہوئی اےاوہ واقعی مبارک شخص اے۔
جِویں پئی یسوُع، ’ خُدادابَرّہ اے جیہڑادُنیاداپاپ چُکی لے جاندااے۔ ‘ اوہنےساڈے سارے پاپاں نُوں چُک لیا اے،ایس لئی اَسیں بےپاپ آں ۔اوہنے ساڈی خاطر مکتی دے کم نُوں صلیب اُتے ’پوراکیتا ‘۔ ساڈے سارے پاپ ،جِنہاں وِچ میرے تے تُہاڈے پاپ وی شامل نیں ، ’ دُنیا دے پاپ ‘ نیں ،ایس لئی اَسیں سارے مکتی حاصل کرچُکے آں ۔
 
 
خُدادی مرضی دے مطابق
                   
کیہ ساڈے دِلاں وِچ پاپ موجود اےجدوں
اَسیں یسوُع مسیِح وِچ آں؟
نئیں، اَسیں پاپ نئیں رکھدے
 
سوہنے بیلیو!زنادے کم وِچ پھڑی جان والی زنانی نیں یسوُع دےکلام اُتے ایمان لیاکے مکتی 
پائی ۔اوہدی کہانی ایس لئی بائبل مقدّس وِچ درج کیتی گئی کیوں جےاوہنوں سَدادی مکتی دی برکت بخشی گئی سی ۔پرریاکارفقیہ تے فریسی،یسوُع دے اَگو وں نَس گئے۔
جے تُسیں یسوُع اُتے ایمان لیاؤتے اَسمان تُہانُوں اُڈیک دااے،پرجے تُسیں یسوع نُوں چھڈ دیووگے تے جہنم وچ جاووگے ۔جے تُسیں اوہدےراست کماں اُتے ایمان رکھدے او تے ایہہ اَسمان وانگ اے ،جےتُسیں اوہدے کماں اُتے ایمان نئیں رکھدے تے ایہہ جہنم وانگ اے ۔مخلصی دا انحصار اِک بندے دی دوڑ بھج اُتے نئیں ،سگوں یسوُع دی مکتی اُتے منحصر اے ۔
آؤ اَسیں عبرانیوں ۱۰ پڑھیے۔ ” کیوں جے شریعت جیہدے وچ آن والیاں چنگیاں شیواں دا پرچھانواں ایں تے ایہناں شیواں دی اَصلی صورت نئیں تے ایہہ اِکو ای طرحاں دِیاں قربانیاں جیہڑیاں ہرورہے بلاناغہ چڑھائیاں جاندیاں نیں کول آن والیاں نُوں بالکل کامل نئیں کرسکدیاں۔ ورنہ ایہناں دا چڑھانا مک نہ جاندا؟کیوں جے جدوں عبادت کرن والے اِکوواری پاک ہوجاندے نیں تے فیر ایہناں دادِل ایہناں نُوں پاپی نہ ٹھہراندا۔ سگوں اوہ قربانیاں سال بہ سال پاپاں دی یاد دِلاندیا ں نیں ۔کیوں جے ممکن نئیں پئی ٹہگیاں تے بکریاں دا خون پاپاں نُوں دُور کرے۔ایس لئی اوہ دُنیا وِچ آن ویلے کہندااے پئی تُوں قربانی تے نذرنُوں پسند نہ کیتا ۔سگوں میرےلئی اِک بدن تیار کیتا ۔ پوری سوختنی قربانیاں تے پاپاں دی قربانیاں توں تُوں خوش نہ ہویا ۔اوس ویلے میَں آکھیاپئی ویکھ میَں آیا واں۔(کتاب دے ورقیاں وِچ میری نسبت لکھیاہویااے)تاں پئی اَے خُدا!تیری مرضی پوری کراں ۔اُتےتے اوہ آکھدااے پئی تُوں قربانیاں تے نذراں تےپوری سوختنی قربانیاں تے پاپ دی قربانیاں نُوں پسند نہ کیتا تے نہ ایہناں نال خوش ہویا حالاں پئی اوہ قربانیاں بالکل شریعت دے مطابق چڑھائیاں جاندیاں نیں ۔ اوہ فیر آکھدا اے ویکھ میَں آیا واں تاں پئی تیری مرضی پوری کراں ۔مطلب اوہ پہلے نُوں ختم کردااےتاں پئی دُوجے نُوں قائم کرے۔ اوسے مرضی دے سبب اَسیں یسوُع مسیِح دے بدن دے اِکو واری قربان ہون دے راہیں پاک کیتے گئے آں ۔“ (عبرانیوں ۱۰:۱ ۔ ۱۰)۔ 
” اوسے مرضی دے سبب “ یسوُع نے ساڈے پاپا ں دی خاطر اَپنی جان اِکوواری قربان کر دِتی تے اِکو ای وار ساریاں دی سزابرداشت کیتی تےدوبارہ جی اُٹھیا۔
ایس لئی ،اَسیں پاک ٹھہرائے گئے آں ۔ ’ پاک کیتے گئے آں ۔‘ (عبرانیوں ۱۰:۱۰)،   
ایہہ فقرہ فعل حال مکمل وِچ لکھیاہویااے ۔ایہدامطلب ایہہ ہےپئی ساڈی مخلصی بالکل مکمل ہوگئی سی ،تے دوبارہ ایہنوں جَپن دی  لوڑنہیں ۔ایس لئی تُسیں پاک ٹھہرائے گئے او۔
”تے ہراِک کاہن کھلوکےہرروز عبادت کردااے تے اِکو طرحاں دیاں قربانیں گھڑی مُڑی چڑھاندااے جیہڑیاں بالکل پاپاں نُوں دُور نئیں کرسکدیاں ۔پرایہہ شخص ہمیش لئی پاپاں دے واسطے اِکوای قربانی چڑھاکے خُدادے سجےّ پاسےجابیٹھا ۔تےاوس ویلے توں اُڈیک وِچ اے پئی اوہدے وَیری  اوہدے پیَراں ہیٹھاں دی چوکی بنن۔کیوں جے اوہنے اِکوقربانی چڑھان نال ایہناں نُوں ہمیش لئی کامل کردِتااے جیہڑےپاک کیتے گئے نیں۔“ (عبرانیوں ۱۰ : ۱۱ ۔ ۱۴)۔
تُسیں سارے ہمیش لئی کامل کردِتے گئے او۔جے تُسیں کل پاپ کروگے ،تے کیہ  تُسیں فیر پاپی بن جاووگے؟کیہ یسوُع نیں اوہ پاپ وی اَپنے اُتے نہیں لئے؟اوہنے اِنج کیتا۔ اوہنے آؤن والے زمانے دے پاپ ،وی، چُک لئے ۔
”تے رُوح القدّس وی سانُوں ایہو ای دَسدااے کیوں جے ایہہ آکھن توں بعد پئی ۔خُدا فرماؤندااے جیہڑا عہد میَں اوہناں دِناں دے بعد اوہناں نال بنھاں گا اوہ ایہہ ہے پئی میَں اپنے قانون اوہناں دے دِلاں اُتے لِکھاں گا تےاوہناں دے  ذہن وِچ پاواں گا ۔فیراوہ ایہہ آکھدااے پئی اوہناں دے پاپاں تے بے دینیاں نُوں فیر کدی یادنہ کراں گا۔تے جدوں اوہناں دی معافی ہوگئی اے تے فیرپاپ دی قربانی ہورنئیں رہی ۔“ ( عبرانیوں۱۰ :۱۵ ۔۱۸)۔
’تے جدوں اوہناں دی معافی ہوگئی اے ۔ ‘ ایس جملے دا مطلب ایہہ ہے پئی دُنیا دے سارے پاپاں دا کفارہ دے دِتاگیا اے ۔یسوُع ساڈا مکتی داتا اے ،دونواں یعنی میرا تے تُہاڈا مکتی داتا اے ۔یسوُع اُتے ایمان رکھنا سانُوں بچا چُکیااے ۔ایہہ یسوع وِچ ساڈی مکتی تے سب توں اُچیرا فضل تے خُدا وَلوں تحفہ اے ۔تُسیں تے میَں جِنہاں نُوں سارے پاپاں توں مکتی بخشی گئی اے ،یعنی سب توں بوہتے مبارک لوک  آں!