خطبے

مضمون 8: پاک رُوح

[8-1] <اعمال ۱:۴ ۔ ۸> پاک رُوح خُدا دے وعدے دے کلام دے اندر کم کردااے

>اعمال ۱:۴ ۔ ۸>
” تے اوہناں نوں مل کے اوہناں نوں حکم دِتا پئی یروشلیم توں باہر نہ جاووسگوں پیو د ے اوس وعدے دے پورے ہون نُوں اُڈیکو،جیہداذکر تسیں میرے کولوں سُنیا اے ۔ کیوں جے یوحنا نے تاں پانی نال بپتسمہ دِتا پر تسیں تھوڑے دِناں بعد پاک رُوح توں بپتسمہ  پاوو گے ۔ ایس لئی اوہناں نے اکٹھیاں ہوکے اوہدے کولوں پُچھیا پئی یا خُداوندا! کیہ توں ایسے ویلے اسرائیل نوں بادشاہی فیر دیویں گا ؟ اوہنے اوہناں نوں آکھیا اوہناں ویلیاں تے چِراں نوں جاننا جنہاں نوں پیو نے اپنےای ہتھ وِچ رکھیا اے تہاڈا کم نئیں ۔پرجدوں پاک رُوح تہاڈےاُتے اُترےگا تے تہانوں طاقت ملے گی تے یروشلیم تے سارے یہودیہ تے سامریہ وچ سگوں دھرتی دی آخری حد تیک میرے گواہ ہوووگے ۔ “
 
 
کیہ پاک رُوح دا بسیرا خُدا دی نعمت اے یاں کیہ
ایہہ کسے نوں اپنے ہتھ پیرمارن نال دتی جاندی اے ؟
ایہہ اوس بندے نوں دتی گئی ایک نعمت اے جیہڑا اپنے
پاپاں توں مکتی پاؤندااے ،تے خُدا دے کیتے ہوئے
وعدے دا پورا ہونا ایہدا مطلب اے ۔
 
اک واری میَں دعا دے راہیں پاک رُوح  وانگر کسے شے دے انگاریاں نوں پاؤن دا تجربہ کیتا ۔ پر ایہہ انگارے بوہتی دیر تیک باقی نہ رہے تے بوہت چھیتی پاپ دے ڈھیر دے اگے بُجھ گئے ۔ فیر وی، ہُن میَں تہانوں پاک رُوح دے بارے وچ سچ وکھاؤنا چاؤہنداہاں جیہڑا ساڈے اندر ہمیش لئی بسیرا کرےگا ۔ نقلی رُوح دے راہیں نئیں جیہڑا آسانی نال پاپ دے سبب بُجھ جاندااے ، سگوں کھری خوشخبری دے راہیں۔ پاک رُوح جیہدا میَں ایس پیغام دے راہیں ہُن تہاڈے نال تعارف کراواں گا کوئی ایہو جیہی شے نہیں ہیگی ا ے جیہڑی تسیں دعاواں دے راہیں نئیں ،سگوں صرف پانی تے رُوح دی خوشخبری اُتے ایمان دے راہیں حاصل کر سکدے جے ۔
 میَں ایس کتاب دے راہیں تہاڈی  1پاک رُوح نال بھرن لئی اَگوائی کرنا چاؤہنداہاں ۔تسیں احساس کروگے پئی پاک رُوح ایس پیغام دا حوصلہ ودھاؤندااے جیہڑا میَں تہاڈے تیک پوہنچا رہیا ہاں ۔ ایس ویلے ساڈے لئی پاک رُوح نال بھرنا ،ایہہ خُدا دی آخری خواہش ہیگی اے ۔ تسیں پاک رُوح دے وسن بارے سِکھ سکدے او  تے ایس کلی کتاب دے راہیں اینوں حاصل کر سکدے او۔ جے ایہہ کتاب تہاڈے لئی کافی نئیں ہیگی ،میَں تہانوں میریاں چھاپیاں ہوئیاں پچھلیاں دو کتاباں نوں پڑھن دی نصیحت کرداہاں ۔ تسیں اینا ں کتاباں دے راہیں خُدا دے اگے پکاایمان حاصل کر و گے ۔ 
 
1پاک رُوح نویں سریوں جمن والیاں دے دلاں وچ رہندااے ،اوہ جیہڑے پانی تے رُوح دی خوش  خبری اُتے ایمان رکھن دے راہیں اپنے سارے پاپاں توں چھُڈائے گئے نیں ۔اوہ اکو ای وار راستباز دے اندر آؤندااے ، اوہ اوہناں وچ ہمیشہ رہندااے ،تے جدوں تیک اوہ خوشخبری اُتے ایمان رکھدے نیں ، اوہناں نوں کدی نئیں چھڈدا ۔ اوہ راستباز نوں سزا دیندااے ،اوہناں نوں بائبل وچ خُدا دی مرضی جانن لئی ، ایس جگ وچ ایس ویلے دیاں مشکلاں ،ازمائشاں نوں قابو کرن لئی تگڑے بناؤندااے تے اوہناں نوں رُوح دے پھل ،بو ہت سارے ،سہن دی اجازت دیندااے ۔ خُدا راستباز دے بدن دی تعریف کردااے ،خُدا دے مندر وانگر جیہدے وچ پاک رُوح رہندااے ۔(اعمال ۲ : ۳۸ ۔ ۳۹ ، یوحنا ۱۴ : ۱۶ ،۱۶ : ۸۔ ۱۰،  ۱ ۔ کرنتھیوں ۳ : ۱۶ ،۶ : ۱۹ ، گلتیوں ۵ : ۲۲۔ ۲۳)۔
 
بوہتے مسیحی پاک رُوح نوں پاؤن لئی ہتھ پیرماردے پئے نیں ،جویں پئی اوہ پینتی کوست دے دن اُتے یسوع دے چیلیاں اُتے اُتریا سی ۔ کئی لوک ایس طریقے نوں پورا کرن د ے راہیں روپیاں دے وڈے وڈے ڈھیر کما چُکے نیں ۔ اوہ فریب کردے نیں پئی پاک رُوح کوئی ایہو جیہی شے ہیگی اے جیہڑی بندے دی ہمت نال مِل سکدی اے ۔اوہ رویا ، معجزے کرن ،یسوع دی آواز نوں سُنن ، اوپریاں بولیاں وچ بولن،روگیاں نوں چنگاکرنا تے بدروحاں نوں کڈھنا چاؤہندے نیں ۔ فیر وی،اوہ اپنے دلاں وچ پاپ رکھدے نیں تے بھیڑیاں رُوحاں دے اثر تھلے نیں (افسیوں ۲: ۱ ۔ ۲)۔ ایتھوں تیک پئی ہُن بوہت سارے لوک ایہہ جانیوں اَڈ جیوندے رہندے نیں پئی اوہ بھیڑیاں رُوحاں دی طاقت دے تھلے ہیگے نیں ۔ ایہو ای سبب اے ،شیطان سارے طریقے ورت کے مثال اے ، کرشمےتے معجزے جیہڑے سچ مُچ صرف فریب ہیگے نیں لوکاں نوں دل لاؤندا تے دھوکہ دیندااے ۔
یسوع نےاپنے چیلیاں  نوں حکم دتا ، ” یروشلیم توں باہر نہ جاوو،سگوں پیو د ے اوس وعدے دے پورے ہون نُوں اُڈیکو  “ (اعمال ۱:۴)۔اعمال وچ وکھائے گئے پاک رُوح نوں پاؤنا ” تجربے“ ” خلوص “ یا  ں ”  توبہ دیاں دعاواں “ دے راہیں نئیں ہیگا سگوں اوہناں نوں پاک رُوح دینا  ”  خُدا دے وعدے دی اُڈیک رکھن   “  دے راہیں ہیگااے ۔ سانوں ایس حوالے توں سکھنا چاہی دااے پئی پاک رُوح دا بسیرا بندیاں دیاں بدوبدی دیاں دعاواں دے راہیں نئیں ہوندا۔ ایہہ خُدادی دین اے ، جیہڑی صرف پانی تے رُوح دی خوشخبری اُتے پکےایمان دے راہیں مل سکدی اے ، جیہڑی خُدا پیو تے یسوع مسیح نے انسانی پیڑھی نوں دتی ۔ پاک رُوح دا کھرابسیرا خوشخبری اُتے ایمان دے راہیں واقع ہوندااے جیہڑی یسوع مسیح نے سانوں دِتی۔ خُدا نے سانوں پانی تے رُوح دی سچیائی دتی تاں پئی اسیں پاک رُوح دے وسن نوں پا سکیے ۔ (۱ ۔ یوحنا ۳ :۳ ۔ ۵)۔
نویں عہد نامے وچ ایہہ جملہ  ” پاک رُوح  دا وعدہ  “ بوہت واری دِسدااے ۔پطرس پینتی کوست دے دیہاڑے پاک رُوح دے بپتسمے اُتے کلام وِچ (اعمال  ۲ : ۳۸ ۔ ۳۹)آکھدااے ، ”  ایہہ خُدا دا وعدہ اے پئی اوہناں نوں پاک رُوح دیوے جیہڑے سوہنی خوشخبری اُتے ایمان دے پھل وانگر پاپاں دی معافی پاؤندے نیں۔ “
پاک رُوح نال بھرنا اوہناں نوں دتی گئی اک دین اے جیہڑے  اپنےپاپاں دی معافی پاؤندے نیں تے خُد ادے وعدے دے پورے ہون دا مطلب اے ۔ نویں عہد نامے وچ پاک رُوح کوئی ایہو جیہی شے نئیں ہیگی اے جیہڑی خُدا تے بندیاں دے وچکار لین دین دے راہیں مل سکدی اے ۔ سگوں خُدا ولوں اک وعدے دی نعمت اے ۔ ایس لئی ، پاک رُوح دی وسوں ، جویں اعمال وچ وکھائی گئی ،کوئی ایہو جیہی شے نئیں ہیگی اے جیہڑی دُعا دے راہیں مل سکدی اے ۔(اعمال ۸: ۱۹ ۔ ۲۰)۔
پاک رُوح صرف اوہناں اُتے آؤندااے جیہڑے پانی تے رُوح دی خوشخبری اُتے ایمان رکھدے نیں جیہڑی یسوع نے سانوں دتی ۔ یسوع نے اپنے چیلیاں نال پاک رُوح نوں گھلن دا وعدہ کیتا تاں پئی اوہ پاک رُوح نال بھرن نوں پا سکن ۔  ”  کیوں جے یوحنا نے پانی نال بپتسمہ دتا پر تسیں تھوڑے دناں بعد پاک رُوح  نال بپتسمہ لوووگے۔     “  (اعمال۱:۵)۔ ایس لئی اوہدے چیلیاں نیں خُدا دے وعدے دے پورے ہون نوں اڈیکیا ۔
پاک کتاب وچ اوہناں دے عقیدیاں اُتے دھیان کرن دے راہیں جنہاں نیں پاک رُوح نال بھرنا پاپا ، اسیں احساس کر سکدے آں پئی ایہہ اوہناں دے ہتھ پیر مارن دے راہیں نئیں سگوں خُدا دی مرضی دے راہیں ہویا سی۔ پاک رُوح نال بھرنا جیہڑا اعمال وچ چیلیاں اُتے اُتریا انسانی ہمت یاں رُوحانی حاصل دی بنیاد اُتے واقع نئیں ہویا سی ۔
اوہدے چیلیاں اُتے پاک رُوح دا آؤنا ، جویں ایہہ اعمال وچ لکھیا ہویاسی ،بوہت چھیتی سچ ہوگیا ۔ ایہہ بالکل اوسے طرحاں سی جویں یسوع نے آکھیا سی ،  ”  تھوڑے دناں بعد ۔ “ ایہہ مُڈھلی کلیسیا دے ویلے سب توں پہلی برکت سی ۔ پاک کتاباں اُتے دھیان کرن دے راہیں ، اسیں ویکھ سکدے آں پئی خُدا دا وعدہ روزہ ، دعا یاں قربانی دے راہیں نئیں ،سگوں یسوع اُتے ایمان دے راہیں پورا ہویا سی ۔یسوع دے اَسمان اُتے جان دے بعد ،ایمانداراں نے پاپاں دی معافی تے اوسے وچکار پاک رُوح نال بھرنا حاصل کیتا ۔
 
 
پاک رُوح یسوع دے چیلیاں اُتے اَسمان اُتوں یکد م اُتریا !
 
” جدوں عیدِ پینتی کوست دیہاڑا آیا تے اوہ سارے اکو تھاں اکٹھے سن ۔ “ (اعمال۲:۱)۔یسوع دے چیلے سارے اکٹھے ہوئے ،جویں ای اوہناں نیں اپنے اُتے پاک رُوح نوں گھلن لئی خُدا دے وعدے دے پورے ہون نوں اُڈیکیا ۔تے پاک رُوح اخیر وچ اوہناں اُتے  اُتریا ۔
” پئی یکدم اَسمان اُتوں ایہو جیہی آواز آئی جویں بڑے زور دی ہنیری دا سناٹا ہوندااے تے اوہدے نال سارا گھر جتھے اوہ بیٹھے سن کُوک اُٹھیا ۔تے اوہناں نیں اگ دے  انگاریاں دیاں پاٹیاں ہوئیاں جیباں ویکھیاں تے اوہناں ساریاں اُتے آن کھلوتیاں ۔ تے اوہ سارے پاک رُوح  نال بھر گئے تے اوپریاں بولیاں بولن لگے جویں رُوح نیں اوہناں نوں بولن دی طاقت دِتی ۔ “  (اعمال ۲:۲ ۔ ۴)۔ 
پاک رُوح اوہناں اُتے ،  ”   اَسمان اُُتوں یکدم  “  اُتریا  ۔  ایتھے اَکھر   ”  یکدم “ دا مطلب اے پئی ایہہ انسانی مرضی نال نئیں کیتا گیا سی ۔ اگانہہ ہور ، محاورہ ،”  اَسمان اُُتوں “ ایہہ کھولدااے پاک رُوح کِتھوں اُتریا سی ، تے ایس خیال نوں وی دسدااے پئی  پاک رُوح نال بھرنا انسانی مرضی یاں ہتھ پیر مارن نال نئیں مل سکدا ۔ محاورہ ، ”  اَسمان اُُتوں “ ایہہ کھولدااےپئی ایہہ آکھنا  پاک رُوح دعاواں نال مل سکدااے ، اک فریبی دعویٰ اے ۔
دوجے اَکھراں وچ ،ایہہ آکھنا پئی پاک رُوح یکدم اسمان اُتوں اُتریا ،مطلب اے پئی پاک رُوح نال بھرنا انسانی طریقیاں نال ،مثال طور ،اوپریاں بولیاں بولن یاں قربانی دتیاں واقع نئیں ہوندا۔ یسوع دے چیلے پہلاں ہر قوم دے لوکاں دے اگے سوہنی خوشخبری دی منادی کرن لئی اوپریاں بولیاں وچ بولے ۔ ایہدی وجہ پاک رُوح دی مدد دے راہیں اوپرے ملک دی بولی بولن والے یہودیاں دے اگے اوہناں دی اپنی بولی وچ خوشخبری دی منادی کرن لئی اوہناں نوں اجازت دینی سی ۔ ہر قوم دے لوکاں نے چیلیاں دی بولن والی بولی نوں اپنی بولی وچ سُنیا ۔ ایتھوں تیک پئی بھانویں بوہتے چیلے گلیلی سن ۔
” تے اوہناں نیں اگ دے  انگاریاں دیاں پاٹیاں ہوئیاں جیباں ویکھیاں تے اوہناں ساریاں اُتے آن کھلوتیاں ۔ تے اوہ سارے پاک رُوح  نال بھر گئے تے اوپریاں بولیاں بولن لگے جویں رُوح نیں اوہناں نوں بولن دی طاقت دِتی ۔  “ (اعمال ۲:۳ ۔ ۴)۔ایتھے سانوں محاورہ ،پاک رُوح  ”  اوہناں ساریاں اُتے    اُتریا   “  اُتے خاص دھیان دینا چاہی دااے ۔ چیلے ، جیہڑے پاک رُوح دے اُترن لئی اک تھاں اُتے اڈیکدے پئے سن ، پہلاں ای پانی تے رُوح دی نویں سریوں جمن دی خوشخبری اُتے ایمان رکھدے سن ۔
اج کل بوہتے مسیحی ایس حوالے دا ایہہ حصہ ، ایہہ ایمان رکھدیاں ہویاں ،غلط سمجھدے نیں پئی جدوں اوہ دعا منگدے پئے نیں پاک رُوح دا اُترنا ہنیری دے چلن وانگر اک آواز نال واقع ہوندا اے ۔ فیر وی ، ایہہ پاک رُوح دے بارے وچ اک غلط فہمی اے جیہڑی عقل دے گھاٹے تے پریشانی نال پیداہوندی اے ۔ کیہ پاک رُوح ایہو جیہاں آوازاں کڈھدااے جدوں اوہ لوکاں اُتے اُتردااے ؟ نئیں ، اوہ اِنج نئیں کردا۔
اپنے کناں نال لوک جوکُجھ سن دے نیں ،ایہہ اوہ آوازاں نیں جیہڑیاں شیطان کڈھدااے ۔ جدوں اوہ لوکاں دیاں جاناں نوں نگل جاندااے ۔اوہ ایہہ آوازاں کڈھدااے جدوں اوہ فریبیاں ،نقلی آوازاں تے جھوٹیاں معجزیاں نال پاک رُوح ہون دا فریب کرکے لوکاں نوں پریشانی وچ سُٹن لئی ہتھ پیر ماردااے ۔ لوک ایناں شیواں نوں پاک رُوح دے اُترن دا غلط ثبوت سمجھدے نیں ۔ لوک ایہہ وی سوچدے نیں پئی پاک رُوح  ” سُوہا ~ “ دی آواز نال یعنی تیز ہنیری وانگر اُتردااے ۔ اوہ بدروحاں  توں دھوکہ کھاندے پئے نیں ۔ پاک رُوح دا اُترنا جویں اعمال وچ دسیا گیا اے ،صرف سوہنی خوشخبری اُتے ایمان رکھن دے راہیں ملیا سی ۔
 
 
پطرس دا ایمان (۱ ۔ پطرس ۳ : ۲۱)اوہنوں پاک رُوح نال بھرن دی اجازت دین لئی بالکل پورا سی
 
اعمال ۲ وچ پہلی پینتی کوست دے ویلیاں نوں اُبھارن دے راہیں ،خُدا سچیائی اُتے زور دینا چاؤہندا اے پئی پاک رُوح اوہناں اُتے اُتریا ،کیوں جے اوہ پہلاں ای پانی تے رُوح دی خوشخبری اُتے ایمان رکھدے سن ۔ پر عام لوک  ”  پینتی کوست “ نوں اوس ویلے دے وانگر خیال کردے نیں جدوں پاک رُوح اسمان اُتوں عجیب قدرتی نشاناں تے شور شرابے نال اُتردااے ۔
ایہو ای وجہ اے ،اج کل بیداری دیاں عبادتاں وچ ، ایہہ ایمان رکھیا جاندااے پئی کوئی بندہ دعاواں ،روزیاں یاں ہتھاں دے رکھے جان دے راہیں پاک رُوح پا سکدااے ۔ واقعات مثال طوراُتے بدروحاں نال بنھیاں جانا، بےہوش ہوکے ڈِگنا ، کُجھ دیہاڑیاں لئی سروُر وچ آؤنا ، یاں بے قابو ہوکے کمبنا پاک رُوح دے کم نئیں ہیگے ۔
پاک رُوح اک سیانی ہستی اے تے انسانی دی ہستی نوں بے عزت نئیں کردا۔ اوہ بندے نال بد تمیزی نال پیش نئیں آؤندا کیوں جے اوہ خُدا دی ہستی اے جیہڑی سیانف ،جذبہ تے اپنی  مرضی رکھدی اے ۔ اوہ لوکاں اُتے اُتردااے ،صرف جدوں اوہ پانی تے رُوح دی خوشخبری دے کلام اُتے ایمان رکھدے نیں (اعمال ۲: ۳۸)۔ 
پطرس نے گواہی دِتی پئی پاک رُوح چیلیاں اُتے اُتریا ،جویں یوایل نبی دی پیشن گوئی سی ۔ ایہہ خُدا دے کیتے ہوئے وعدے دا پورا ہونا سی ۔ جنہے آکھیا پئی پاک رُوح صرف اوہناں اُتے اُترے گا جیہڑےاپنے پاپاں توں معافی پاؤندے نیں ۔دوجے اَکھراں وچ ، پاک رُوح نال بھرنا اوہناں نوں دتا جاندااے جیہڑے سچیائی اُتے ایمان رکھدے نیں پئی یسوع نے یوحنا دے راہیں بپتسمہ لیا تے ساری انسانی پیڑھی نوں اوہناں دے پاپاں توں بچاؤن لئی سولی اُتے مریا ۔ پطرس دا کلام ، یوایل نبی دی پیشن گوئی دے نال نال سانوں وکھاؤندااے پئی سانوں جانن دی لوڑی ہیگی اے پئی کاہدے لئی یسوع نے بپتسمہ لیا تے کیوں سانوں ایہدے اُتے ایمان لیاؤنا ایں ۔ ایس سچیائی نوں جاننا پاک رُوح پاؤن لئی مسیحیاں دی اَگوائی کردااے ۔
کیہ تسیں سوہنی خوشخبری اُتے ایمان رکھدے او ،جیہدی پطرس گواہی دیندااے؟ (۱ ۔ پطرس۳ : ۲۱ )یاں کیہ تسیں حالے تیک سوہنی خوشخبری لئی غیر ضروری ، نکمے تے شکی عقیدےرکھدے او ؟ کیہ تسیں خُدا دے منصوبیاں توں اَڈ اپنے دلی طریقے نال پاک رُوح پاؤن لئی ہتھ پیر ماردے او ؟ ایتھوں تیک پئی جے کوئی خُدا اُتے ایمان رکھدااے تےاپنے پاپاں د ے دھوئے جان دی آس اُتے توبہ دیا ں دعاواں کردااے ،پاک رُوح نال بھرن لئی پانی تے رُوح دی خوشخبری اُتے ایمان رکھن دے اَڈ کوئی دوجا طریقہ نئیں ہیگا اے ۔
 کیہ تسیں حالے تیک پانی تے رُوح دی کوئی تعلیم نہ  سکھن دے اَڈ ، پاک رُوح نال بھرن دی اُڈیک رکھدے او ؟ کیہ تسیں یسوع دے بپتسمہ تے سولی اُتےاوہدے  لہو دے کھرے مطلب نوں جان دے او ،جیہڑا تہاڈے دل وچ پاک رُوح دی وسوں دا سبب بن دااے ؟ تہانوں جاننا چاہی دااے پئی پاک رُوح نال بھرنا سوکھا اے ،صرف جدوں تسیں پانی تے رُوح دی خوشخبری اُتے ایمان رکھدے او ۔ پاک رُوح دی  کھری معموری دی صرف اوہناں نوں اجازت دتی جا سکدی اے جیہڑے پانی تے رُوح دی سوہنی خوشخبری اُتے ایمان رکھدے نیں ۔ اسیں خُدا دا سانوں پانی تے رُوح دی خوشخبری دین لئی شکر ادا کردے آں ، جیہڑی سانوں پاک رُوح نال بھرن دی اجازت دیندی اے ۔