佈道

مضمون 8: پاک رُوح

[8-3] <اعمال ۱۹: ۱ ۔ ۳> کیہ تسیں پاک رُوح پایا جدوں تسیں یسوع اُتے ایمان لیانداسی ؟

>اعمال ۱۹: ۱ ۔ ۳>
” تے جدوں پولُس کرنتھس وچ سی تے اِنج ہویا پئی پولُس اُتلے علاقیوں لنگھ کے افسس وچ آیا تے کئی چیلیاں نوں ویکھ کے ۔اوہناں نوں آکھیا پئی کیہ تسیں ایمان لیاؤن دے ویلے پا ک رُوح پایا ؟ اوہناں نیں اینوں آکھیا پئی اسیں تے سُنیا وی نئیں پئی پاک رُوح اُتریا اے ۔ اوہنے آکھیا فیرتسیں کیہہدا بپتسمہ لیا ؟ اوہناں نے آکھیا یوحنادا بپتسمہ  ۔  “
 
 
کیوں پاک کتاب آکھدی اے ،”تے یوحنا بپتسمہ دین والے
دے دناں توں لے کے ہُن  تیک اسمان دی بادشاہی اُتے
دھکا ہوندارہیااے تے تگڑے اوہنوں کھوہ لیندے نیں ؟ “
ایس لئی پئی لوک سوہنی خوشخبری اُتے ایمان لیاؤن نال اسمان دی بادشاہی لے
سکدے نیں جیہڑی آکھدی اےپئی یسوع نے یوحنا کولوں بپتسمہ  لے کے تے
سولی اُتے اپنا لہو روڑھن نال جگ دے سارے پاپاں نوں مکا دِتا  اے ۔
 
پولُس نےکس طرحاں د ی خوشخبری دی منادی کیتی؟ اوہنے یسوع دے بپتسمہ   تے اوہدے لہو دی خوشخبری دی منادی کیتی ۔اعمال ۱۹ : ۱ ۔۲ آکھدااے ،   ”تےجدوں اپلوس کرنتھس وچ سی تے اِنج ہویا پئی پولُس اُتلے علاقیوں لنگھ کے افسس وچ آیا تے کئی چیلیاں نوں ویکھ کے ۔اوہناں نوں آکھیا پئی کیہ تسیں ایمان لیاؤن دے ویلے پا ک رُوح پایا ؟  “  فیر وی ، ایہہ لوک یسوع اُتے جد پئی یسوع دےبپتسمہ دا مطلب چھڈدیاں ہویاں ایمان لیاؤندےسَن ۔اوہ سوہنی خوشخبری نوں جان دے نئیں سَن جیہڑی پاک رُوح دی بھرپوری لئی اَگوائی کردی اے ۔ایس لئی پولُس دا سوال سی ،” کیہ تسیں ایمان لیاؤن دے ویلے پا ک رُوح پایا ؟ “ افسس دے کئی چیلیاں لئی ایہہ بڑا اوپراسوال سی ۔ دوجیاں لوکاں نے اوہناں کولوں پُچھیا ہووےگا ،  ” کیہ تسیں یسوع اُتے ایمان رکھیا ؟ “پر پولُس نے ایس خاص طریقے نال ایہہ سوال پُچھیا تاں پئی اوہ سوہنی خوشخبری اُتے اپنے ایمان نوں نرویا کرکے پاک رُوح پا سکن ۔ پولُس دی خدمت یسوع دے بپتسمہ تے اوہدے لہو دی سوہنی خوشخبری دی منادی کرنی سی ۔ پولُس ، پطرس تے یوحنا نے وی یوحنا اصطباغی کولوں یسوع دے بپتسمہ دی گواہی دِتی ۔
آؤ اسیں بپتسمہ دی خوشخبری لئی رسولاں دی گواہی وَل دھیان کریے۔ پہلوں پولُس نے گواہی دتی ،  ” بالکل نئیں اسیں جیہڑے پاپ ولوں مرگئے کاہدے لئی ایہدے وچ آؤن والی حیاتی بسر کریے؟   کیہ  تہانوں نئیں پتہ پئی اسیں جنیاں نے مسیح یسوع وچ اکٹھیان ہون دا بپتسمہ  لیا تے اوہدی موت وچ اکٹھیاں ہون دا بپتسمہ لیا۔“ (رومیوں ۶: ۲ ۔ ۳)تے ، ”تے تُسیں سارے جنیاں نے مسیح  وچ اکٹھیان ہون دا بپتسمہ  لیا مسیح نوں (لیڑیاں وانگر )پا لیا۔“ (گلتیوں ۳ : ۲۷)۔
پطرس رسول نے وی ۱ ۔ پطرس ۳ : ۲۱ ۔ ۲۲ وچ ایہہ آکھدیاں ہویاں ،یسوع دے بپتسمہ دی خوشخبری دی گواہی دتی ،   ” تے اوسے پانی ورگاوی مطلب اے ، بپتسمہ یسوع مسیح  دے جی اُٹھن نال ہُن تہانوں بچاؤندااے (اوہدا مطلب بدن دی ناپاکی مکاؤنا نئیں سگوں کھری نیت نال خُدا دی طلب کرنا اے ) اوہ اسمان اُتے جا کے خُدا دے سجے پاسے بیٹھا اے تے فرشتے تے حکم تے طاقتاں اوہدا آکھا من دیاں نیں ۔ “
یوحنا رسول نے وی ۱ ۔ یوحنا ۵ : ۵ ۔۸ وچ ایس  سوہنی خوشخبری دی گواہی دتی اے ۔ ” جگ دی کنڈ لاؤن والا کہیڑا اے ،صرف اوہ بندہ اے جیہدا ایہہ ایمان ہیگا اے پئی یسوع خُدا دا پُتر اے ؟ ایہو ای اے اوہ جیہڑا پانی تے لہو نال آیا سی مطلب اے — یسوع مسیح  ؛اوہ نہ تے پانی نال سگوں پانی تے لہو دونواں نال آیا سی ۔ تے جیہڑا گواہی دیندااے اوہ رُوح اے ایس لئی پئی رُوح سچیائی اے ۔تے گواہی دین والے تِن نیں: رُوح تے پانی تے لہوتے ایہہ تِنوں اکو ا ی گل اُتے راضی نیں۔ “
یوحنا اصطباغی نے سوہنی خوشخبری نوں پوریاں کرن لئی اک بڑا خاص کم کیتا ۔پاک کتاب  یوحنا اصطباغی دے بارے وچ ملاکی  ۳ : ۱ ۔ ۳  تے متی ۱۱ : ۱۰ ۔ ۱۱ وچ  ہیٹھاں درج کیتی گئی گل آکھدی اے ۔ یوحنا اصطباغی انسانی پیڑھی دا آگُو سی تے آؤن والا ، نبوتی ایلیاہ سی ، جویں ایہہ پُرانے عہد نامے وچ لکھیا گیا سی ۔ پُرانے عہد نامے وچ پاپ اوہدے ہتھ رکھے جان نال اک بندے دے پاپ چُکن دے بعد ایہدا لہو وگاؤن لئی چڑھائی جاندی سی ۔فیر وی ، نویں عہد نامے وچ پاپ دی قربانی سی جنہے بپتسمہ لے کے جگ دے سارے پاپاں نوں چُک لیا تے پاپ دا مُل تارن لئی سولی اُتے مرگیا  ۔ یسوع نے انسانی پیڑھی نوں بچالیا ۔ ایس لئی پئی یوحنا اصطباغی نے دریائے یردن وچ بپتسمے نال اوہدے اُتے سارے جگ دے پاپاں نوں لد دِتا سی ۔
خدا نے انسانی پیڑھی نوں اوہناں دے پاپاں تو ں بچاؤن لئی دو طرحاں دے وڈے کماں دا ارادہ بنایا تے اوہنے اوہنا ں ساریاں نوں پورا کیتا ۔پہلا: یسوع نوں کواری مریم دے بدن وچوں ایس جگ وچ آؤناسی تے اوہنوں بپتسمہ دِلواؤناتے جگ دے سارے پاپاں لئی سولی اُتے مرنا سی ۔ دوجا: یوحنا اصطباغی نوں الیشبع وچوں پیدا کرنا سی ۔ خُدا نے ایناں دو کماں نوں انسانی پیڑھی نوں اوہناں دے پاپاں توں بچاؤن لئی کیتا ۔ ایہہ تثلیث وچ خُدا ولوں ارادہ کیتا گیا کم سی ۔ خُدا نے ایس جگ وچ یوحنا اصطباغی نوں یسوع توں ۶ مہینے پہلاں گھلیا ۔ فیر یسوع مسیح نوں ، انسانی پیڑھی دے مکتی داتا نوں ، ایس جگ وچ انسانی پیڑھی نوں اوہناں دے پاپاں دی سزا توں چھڈاؤن لئی گھلیا ۔
 یسوع نے متی ۱۱:۹  وچ یوحنا اصطباغی دی گواہی دتی ۔ ” تے فیر کیوں گئے سو؟ کیہ اک نبی نوں ویکھن لئی ؟ آہو میَں تہانوں آکھداہاں سگوں نبی توں وڈے نوں ۔  “ اگانہہ ہور ،جدوں یوحنا اصطباغی نے ،جنہے جگ دے سارے پاپاں نوں یسوع اُتے لددتا ،اوہنوں دوجے دن ویکھیا ،اوہنے ایہہ آکھدیاں ہویاں گواہی دتی ،” ویکھو!ایہہ خُدا دا میمنا اے جیہڑا جگ دا پاپ چُک کے لَے جاندااے ۔  “ (یوحنا ۱ : ۲۹)۔
پاک کتاب یوحنا دے بارے وچ ،جنہے یسوع نوں بپتسمہ دتا بوہتے سارے بیان رکھدی اے ۔ تے سانوں اوہدے بارے وچ چنگی تعلیم سکھن لئی ہمت کرنی چاہی دی اے ۔ یوحنا اصطباغی یسوع توں پہلاں جگ وچ آیا ۔ اوہداکم سوہنی خوشخبری نوں پورا کرنا سی ، جیہڑا خُدا دا ارادہ سی ۔ پاک کتاب آکھدی اے پئی یسوع نے یوحنا ولوں جگ دے سارے پاپاں نوں قبول کیتا تے فیر یوحنا نے خُدا دی مرضی پوری کرن لئی اوہدے اُتے اوہناں نوں لد دتا ۔
اسیں اوہنوں یوحنا اصطباغی آکھدے آں ایس لئی پئی اوہنے یسوع نوں بپتسمہ دتا ۔ یوحنا ولوں یسوع دےبپتسمے دا اصل مطلب کیہ ہیگااے ؟ اَکھر ” بپتسمہ  “  ” دھوئے جان “ اُتے پورا ہوندااے ۔ ایس لئی پئی اوہدے بپتسمے نال یسوع اُتے جگ دے سارے پاپ رکھے گئے سَن ،اوہ دھوتے جاچُکےنیں ۔ یسوع دےبپتسمے دا اوہو ای مطلب سی جویں  ”  ہتھ رکھنا “ جیہڑا پرانے عہد نامے وچ پاپ دی قربانی ویلے ہونداسی ۔ بپتسمے دا رُوحانی مطلب ،  ”  کسے اُتے اُتارنا   “   ” دھوتا جانا   “ یاں   ”  مٹی پاؤنا  “ اے۔یوحنا
ولوں یسوع دا بپتسمہ جگ دے سارے لوکاں دےپاپاں نوں چُکن لئی مکتی دا اک کم ہیگا سی ۔
یسوع دا بپتسمہ اوہو خاص رتبہ رکھدااے ،جیہڑا ہتھ رکھے جان دا سی ،جیہڑا پُرانے عہد نامے وچ پاپ دی قربانی اُتے پاپاں نوں لدن دا طریقہ سی ۔ دوجے اَکھراں وچ اِسرائیل دے لوک وڈے کاہن دے ہتھ رکھے جان نال فدیہ دیہاڑے اُتے ،پاپ دی قربانی اُتے اپنے ورہے دے پاپ لد دے سَن ۔ پُرانے عہد نامے وچ ایس قربانی دا اوہو ای مطلب سی جویں یسوع دا بپتسمہ تے سولی اُتے اوہدی موت نیں ۔
خُدا نے فدیہ دیہاڑے نوں اسرائیلیاں دے پاپاں نوں چُکن لئی خاص ویلے وانگر مقرر کیتا ۔ ستویں مہینے دی دسویں تاریخ اُتے ، وڈاکاہن لوکاں دے پاپاں لئی فدیہ دین واسطے قربانی اُتے اپنے ہتھ رکھ کے پاپ دی قربانی دے سر اُتے لوکاں دے سارے ورہے دے پاپ لدداسی ۔ایہہ قربانی دا طریقہ سی جیہڑا خُدا نے بنایا ۔ ایہہ پاپ دی قربانی اُتے لوکاں دے پاپاں نوں لدن لئی اکوطریقہ سی ۔ تے ہتھ رکھے جان نال پاپاں نوں اُتارنا ہمیش دا قانون سی جیہڑا خُدا نے بنایا سی ۔
”تے ہارون اپنے دونویں ہتھ اوس جیوندے بکرے دے سر اُتے رکھ کے اوہدے اُتے بنی اِسرائیل دیاں ساریاں بھیڑیاں کرتوتاں تے اوہناں دے سارے پاپ تے غلطیاں نوں منَے تے اوہناں نوں او س بکرے دے سر اُتے رکھ کے اوہنوں کسے بندے دے ہتھ ،جیہڑا ایس کم لئی راضی ہووے ،جنگل وچ گھل دیوے ۔ تے اوہ بکرا اوہناں دیاں ساریاں بھیڑیاں کرتوتاں اپنے اُتے لدیاں ہویاں کسے اُجاڑ تھاں اُتے لے جاوےگا ۔ایس لئی اوہ اوس بکرے نوں جنگل وچ چھڈ دیوے ۔ “ (احبار ۱۶ : ۲۱ ۔ ۲۲)۔
پُرانے عہد نامے وچ ،اک پاپی پاپ دی قربانی اُتے اپنے ہتھ رکھداسی تے معافی پاؤن لئی اوہدے اُتے اپنے پاپاں نوں لدداسی ۔تے فدیہ دیہاڑے اُتے ہارون وڈا کاہن ،سارے اِسرائیلیاں دے آگُو وانگر ،اِسرائیل دے پاپاں نوں ،قربانی دے سر اُتے لدن لئی اپنے ہتھ رکھدا سی ۔ فیر اوہ قربانی اوہناں دے پاپ چُکن دے بعد قربان کیتی جاندی سی ۔
ایہدا اوہو ای رُوحانی مطلب اے ،جویں بپتسمہ ہیگا اے (یونانی وچ بپتسمے دا مطلب ، ” دھویاجانا ،مٹی پاؤنا ،لدنا   “ہیگا اے )جیہڑا یسوع نے نویں عہد نامے وچ یوحنا کولوں لیا ۔ بالکل جویں وڈا کاہن پُرانے عہد نامے وچ اِسرائیل دے لوکاں دے پاپاں نوں پاپ دی قربانی اُتے لدن لئی اپنے ہتھ رکھداسی ،ایس لئی بندیاں دے پاپ یوحنا اصطباغی ولوں اوہدے بپتسمے نال یسوع اُتے لدے گئے سَن ۔فیر یسوع ساڈے
پاپاں لئی فدیہ دین واسطے سولی اُتے مرگیا ۔ایہہ سچیائی دی سوہنی خوشخبری اے ۔
بالکل جویں ہارون وڈا کاہن اِسرائیل دے لوکاں دی تھا ں اُتے فدیہ دین لئی قربانی چڑھاؤنداسی ،یوحنا اصطباغی ، جیہڑا ہارون دی نسل وچوں سی ، اوہنے ،یسوع نوں بپتسمہ دے کے انسانی پیڑھی دے آگُو وانگر کم پورا کیتا ۔ تے ایس طرحاں اوہدے اُتے انسانی پیڑھی دے سارے پاپاں نوں لد دِتا ۔خُدا نے اپنی محبت دا اک حیران کرن والاارادہ پاک کتاب وچ ہیٹھاں درج کیتے گئے زبور ۵۰ : ۴۔۵ وچ بیان کیتا اے،  ” اپنی قوم دا انصاف کرن لئی ۔اوہ اسمان تے دھرتی نوں سَدے گا ۔پئی میرے پاک بندیاں نوں میرے اگے اکٹھے کرو۔ جنہاں نے قربانی کر کے میرے نال قانون بَنھیا اے۔ “ آمین ،  ہیلیلویا ہ ۔
کلیسیا دی تاریخ دَسدی اے پئی مُڈھلی کلیسیا وچ پہلیاں دو صدیاں لئی کوئی وڈا دن نئیں ہیگا سی ۔ یسوع دے رسولا ں دے نال نال مُڈھلی کلیسیادے مسیحی صرف ۶ جنوری نوں یوحنا اصطباغی ولوں یردن اُتے ، ”یسوع دے بپتسمہ دے دیہاڑے“وانگر مناؤندے سَن اوہناں نیں کاہدے لئی اپنے عقیدیاں وچ یسوع دے بپتسمہ ول اینا ں دھیان دتا ؟ جواب رسمی رسولاں دی محبت وچوں بڑا خاص نکتہ ہیگا اے ۔ پر میَں تہاڈے توں ایمانداراں دے پانی دے بپتسمے تے یسوع دے بپتسمے ولوں پریشان نہ ہون دی آس رکھداہاں ۔
ایمانداراں دا بپتسمہ جویں ایہہ اج ہیگا اے ،یسوع دے بپتسمے نالوں جیہڑا اوہنے یوحنا کولوں لیا بالکل وکھرا ہیگااے ۔ایس لئی سانوں ساریاں نوں اوہو ای ایمان رکھنا چاہی دااے ،جویں یسوع دے چیلے رکھدے سَن ۔ جے اسیں پاک رُوح دی بھرپوری پاؤنا چاؤہندے آں ۔سانوں ساریاں نوں یسوع مسیح دے بپتسمہ اُتے ایمان رکھن نال ،جیہڑا اوہنے یوحنا کولوں لیا تے اوہدے صلیبی لہو توں پاک رُوح دی بھرپوری پاؤنی چاہی دی اے ۔
جے مُڈھلی کلیسیا نے بپتسمے نوں اک بڑی خاص رسم وانگر سمجھیا ،ایہہ اوہناں دے یسوع دے بپتسمے اُتے خاص ایمان دے سببوں سی ،تے اج کل سانوں وی یوحنا کولوں یسوع دے بپتسمے نوں ساڈی مکتی لئی بوہت لوڑی دی شے وانگر سمجھنا چاہی دااے ۔ اگانہہ ہور سانوں بڑے یقین نال پوری تعلیم دے ٹھیک ایمان تیک پوہنچنا تے اینوں یاد رکھنا چاہی دااے ،جیہڑا آکھدااے یسوع نوں یوحنا کولوں اپنے بپتسمے دے سبب سولی اُتے مرنا پیا سی  ۔ سانوں چیتا رکھنا چاہی دااے پئی پاک رُوح ساڈے وچ رہنا شروع کردااے جدوں اسیں ایمان رکھدے آں پئی یسوع نے بپتسمہ  لیا ،سولی اُتے مرگیا تے ساڈا مکتی داتا بنن لئی جی اُٹھیا ۔ یوحنا ولوں یسوع دا بپتسمہ تے سولی اُتے اوہدا لہو ،سوہنی خوشخبری وچ ایہدا بڑا خاص مطلب ہیگا اے ۔
ساڈے لئی پاک رُوح پاؤن دا کلا  حفاظتی طریقہ یسوع دے بپتسمے تے اوہدے لہو دی سوہنی خوش  خبری  اُتے ایمان رکھنا اے ۔ یسوع دے بپتسمے نے اکو ای وار انسانی پیڑھی دے سارے پاپاں نوں دھودتا ۔ ایہہ مکتی دا بپتسمہ سی جیہڑا ساڈی پاک رُوح پاؤن وچ اَگوائی کردااے ۔ ایس لئی پئی کئی لوک یسوع دے بپتسمے دی طاقت دا اندازہ نئیں لاؤندے ہیگے نیں ،اوہ اینوں صرف رسم پوری کرنا سمجھدے نیں ۔
یسوع دا بپتسمہ سوہنی خوشخبری دے حصے دی اک شکل بناؤندااے ، جیہڑی دَسدی اے ،پئی کویں اوہنے جگ دے سارے پاپاں نوں چُک لیا تے سولی اُتے لہو وگا کے اوہناں دی سزا جھلی ۔ کوئی وی جیہڑا سوہنی خوشخبری دے اَکھرا ں اُتے ایمان رکھدااے ، کلیسیا دا حصہ بن جاندااے ،جیہڑا پئی خُداوند دی مالکی اے ،تے پاک رُوح دیاں برکتاں توں مزے لیندااے ۔پاک رُوح اوہناں لئی خُدا ولوں اک تحفہ اے ،جیہڑے اپنے پاپاں توں معاف کیتے گئے نیں ۔
اپنے بپتسمےنال ،یسوع بالکل ،   ”  ویکھو ایہہ خُدا دا میمنا اے جیہڑا جگ دا پاپ چُک کے لَے جاندا اے ۔  “ بن گیا (یوحنا ۱ : ۲۹)۔یوحنا ۱ : ۶ ۔ ۷  وچ اوہ آکھدااے ،  ” اک بندہ یوحنا ناں دا آن حاضر ہویا جیہڑا خُدا ولوں گھلیا گیا سی ۔ایہہ گواہی  لئی آیا پئی نُوردی گواہی دیوے تاں پئی سارے اوہدے راہیں ایمان لیاؤن ۔ “ ساڈے مکتی داتا وانگر یسوع اُتے ایمان رکھن دے بارے وچ ، جنہے ساڈے سارے پاپاں نوں چُک لیا ،سانوں بڑے یقین نال یوحنا دی خدمت تے گواہی نوں سمجھنا چاہی دااے جویں ایہہ پاک کتاب وچ لکھی ہوئی اے ۔فیر اسیں یسوع اُتے اپنے مکتی داتا وانگر ایمان لیاؤن لائق ہوواں گے ۔ پاک رُوح پاؤن دے بارے وچ ،سانوں اوہدی گواہی دے سبب توں دل رکھدے ہویاں پکا ایمان لیاؤن دی وی لوڑ ہیگی اے ۔ایس لئی ، سچیائی دی سوہنی خوشخبری نوں پوریاں کرن لئی ،سانوں بڑے یقین نال یوحنا ولوں یسوع دے بپتسمے اُتے تے اوہدے صلیبی لہو اُتے ایمان لیاؤنا چاہی دااے ۔
متی ۱۱ : ۱۲  وچ اِنج لکھیا ہویا اے پئی ، ” تے یوحنا بپتسمہ دین والے دے دناں توں لے کے ہُن  تیک اسمان دی بادشاہی اُتے دھکا ہوندارہیااے تے تگڑے اوہنوں کھوہ لیندے نیں ۔ “  پاک کتاب وچ ایس حوالے نوں اوکھیاں حوالیاں وچوں اک وانگر جانیا جاندااے ۔ فیر وی سانوں ایس جملے،  ” یوحنا بپتسمہ دین والے دے دناں توں  “ول دھیان دینا اے۔ ایہہ بڑے یقین نال دعویٰ کردااے پئی یوحنا دی خدمت ساڈی مکتی لئی ،یسوع دی خدمت نال بڑا خاص  تعلق رکھدی سی ۔
یسوع چاؤہندااے پئی اسیں تگڑے ایمان نال بادشاہی  وچ  جائیے ، ایناں  دلیر  جِناں تگڑا بند ہ
ہوندا اے ۔اسیں ہر دیہاڑے پاپ کردے آں ، اسیں ماڑے آں پر اوہ سانوں ساڈے بدکار ہوندیاں ہویاں دلیری والے ایمان نال اپنی بادشاہی وچ جان دی اجازت دیندااے ۔ایس لئی ایس حوالےدا مطلب اے پئی لوک سوہنی خوشخبری اُتے ایمان لیاؤن نال اسمان دی بادشاہی لَے سکدے نیں جیہڑی آکھدی اے پئی یسوع نے یوحنا کولوں اپنے بپتسمے تے سولی اُتے اپنے لہو نال جگ دے سارے پاپاں نوں مکا دتا اے ۔ دوجے اَکھراں وچ ،ایہدا مطلب ہیگا اے پئی اسمانی بادشاہی یسوع دے بپتسمے تے لہو دی ایس سوہنی خوشخبری  اُتے تگڑے ایمان نال مل سکدی اے
یسوع دے بپتسمے نے ساڈے سارے پاپاں نوں چُک لیا ،تے اوہدے اُتے ساڈا ایمان ایس گل دی ضمانت دیندااے پئی اسیں پاک رُوح دی بھرپوری پاواں گے ۔ سانوں بڑے یقین نال اپنے گواہنڈیاں ، رشتے داراں ، جانن والیاں تے جگ وچ ہر کسے تیک ایس خوشخبری دی منادی کرنی چاہی دی اے ۔سانوں بڑے یقین نال سوہنی خوشخبری اُتے ایمان لیاؤنا چاہی دااے ،جیہڑی آکھدی اے جگ دے پاپ اوہدے بپتسمے نال یسوع اُتے چلے گئے سَن ۔اسیں اپنے ایمان نال مکتی دا فضل تے پاک رُوح دی بھرپوری پاواں گے ۔
یسوع دے بپتسمےنے ساڈے سارے پاپاں نوں چُک لیا تے اوہدا لہو پاپ دی سزا سی  ۔ سانوں بڑے یقین نال بے ایماناں دے اگے پانی تے رُوح دی سوہنی خوشخبری نوں کھولنا چاہی دااے ۔ صرف اِنج کرن نال ، اوہ خوشخبری اُتے ایمان لیاؤن تے پاک رُوح پاؤن لئی آؤن گے ۔ میَں چاؤہندا ہاں پئی تسیں ایہدے اُتے ایمان لیاوو ۔صرف یوحنا ولوں یسوع دے بپتسمے اُتے تے سولی اُتے اوہدے لہو اُتے ایمان رکھن نال بندے دےسارے پاپ  معاف ہو سکدےنیں تے اوہ پاک رُوح دی بھرپوری پا سکدااے۔
ہر کوئی خُداوند دا پُتر بن سکدااے ، جیہدے وچ پاک روح رہندااے ،تے پانی تے رُوح دی سوہنی خوشخبری اُتے ایمان رکھن  نال ساڈے بھرا تے بھین بن سکدے نیں ۔تہانوں سوہنی خوشخبری اُتے اوسے طرحاں ایمان رکھنا چاہی دااے جویں پولُس رکھداسی ۔ سانوں ایہہ سوہنی خوشخبری دین لئی ، میَں خُداوند دا شکر اداکرداہاں تے اوہدی وڈیائی کرداہاں ۔ آمین ۔