Sermões

مضمون 8: پاک رُوح

[8-4] <اعما ل ۳: ۱۹> اوہ جیہڑے یسوع دے چیلیاں وانگر اوہو ای ایمان رکھدے نیں

>اعما ل ۳: ۱۹>
” ایس لئی توبہ کرو تے پرت جاؤ تاں پئی تہاڈے پاپ مکائے جان تے ایس طرحاں خُداوند ولوں تازے دیہاڑے آؤن ۔ “
 
 
رسول کویں دا ایمان رکھدے سَن؟
اوہ یسوع دے بپتسمے تے اوہدے صلیبی لہو
دونواں اُتے ایمان رکھدے سَن
 
یسوع مسیح دے چیلیاں ول ویکھدیاں ہویاں ،اوہناں دے ایمان دی حد جدوں اوہناں اُتے رُوح پاک دی بھرپوری سی کُھلے طور اُتے اوہناں دے ایمان توں وکھ سی  جدوں اوہ نئیں رکھدے سَن ۔ اوہناں دے بد ن وچ کوئی فرق وکھالی نئیں دینداسی ،پر پاک رُوح پاؤن دے بعد ، اوہناں دیاں حیاتیاں یسوع مسیح دی لو نال ساری دی ساریاں بدل گئیاں سَن  ۔
وستی جتھے میَں رہنداہاں ،اوتھے سوہنے پہاڑ تے ندیاں نیں ، ایہہ سوہنیاں تھاواں ویکھ کے ، مینوں سکون تے حیرانی ہوندی اے پئی میَں کیہ کراں سگوں ایہہ ساریاں شیواں بناؤن لئی خُداوند دا شکر ادا کرداہاں ۔ شیشے وانگر نتھرے پانی دی چمک دُھپ وچ چمکدی ہوئی میرے دل نوں بھردی اے تے میرے آلے دوالے جگ سونے وانگر وکھالی دیندااے ۔
پر کئی ایہو جیہیاں تھانواں ہیگیاں نیں جتھے ایہو جیہیاں  سوہنیاں  شیواں وکھالی نئیں دیندیاں۔ ایہو جیہیاں تھانواں ہیگیاں نیں جتھےاسمان شیشے وانگر ستھرا ہیگااے ، پر دُھپ دے تھلے پانی اک دلدل وانگر بوہتا وکھالی دیندااے ۔ ایہو جیہے نظارے وچ کوئی چمک نئیں ہیگی ۔ایس طرحاں دی ندی نوں ویکھ کے ،میَں خُداوند دا اوہدی سوہنی خوشخبری لئی شکرادا کرداہاں جنہے میرے پاپ دھو تے ، تے میرے لئی پاک رُوح دی بھرپوری نوں گھلیا۔
جویں دلدل والی ندی دی اُتلی تہہ لو دا لشکارا نئیں دیندی ، ایس لئی اسیں وی خُدا دی لو ولوں دُور ہو سکدے آں تے ساڈی پاپاں دی عادت دے سبب اک خاص منزل ول بے وقوفاں وانگر پاسا موڑ سکدے آں ۔ پر جے پاک رُوح ساڈے دلاں وچ رہندااے ،اسیں خُدا دے پُتر ہوواں گے تے دوجیاں لوکاں تیک خوشخبری دی منادی کرن لئی اَگوائی پاواں گے ۔ ایس لئی پئی اسیں اوہدے نُور نوں منیا اے ،اسیں نُوروانگر چمکن لئی آواں گے ۔
ایسے طرحاں ، یسوع دے جی اُٹھن دے بعد ،اوہدے چیلیاں نیں پاک رُوح پایا تے نُور دے پُتر تے رسول بن گئے ۔ پاک رُوح دا نُور ساریاں لئی اک وڈی برکت اے تے ایس لئی بوہتے لوک پاک رُوح پاؤن دی آس رکھدے نیں ۔
 
 
پولُس رسول دا ایمان
 
پولُس رسول کویں دا ایمان دارسی ؟ پولُس نے اپنے ایمان دے اقرار وچ ،آکھیا پئی اوہنے تعلیم تے ساری تربیت ساری دی ساری گملی ایل ،جیہڑا اوہناں دناں وچ بوہت وڈا شریعت داا ُستاد  سی ،اوہدے کولوں سکھی ،مطلب اے بوہت سختی نال اوہدے پیو دادیاں دی شریعت مطابق ۔ پر اوہنے منیا پئی ایتھوں تیک پئی شریعت نال اوہ اپنے پاپاں توں بچ نئیں سکداسی تے اوہ اصل وچ ،یسوع ، ساڈے مکتی داتا نوں ستاؤن والا سی۔ اک دیہاڑے اوہ دمشق دی راہ اُتے یسوع نال ملیا تے اوہدی خوشخبری دا مناد بن گیا ۔ اوہ یسوع مسیح اُتے خُدادے پُتر وانگر ایمان رکھداسی ، جیہڑا ایس جگ وچ آیا ،جگ دے سارے پاپاں نوں دھون لئی یوحنا کولوں بپتسمہ لیاتے سولی اُتے اوہناں پاپاں لئی ساری سزا اپنے اُتے لین لئی دے بارے لہو وگایا ۔ دوجے اَکھراں وچ ، پولُس اپنے وچ پاپ دی معافی اُتے ایمان رکھداسی ۔
یسوع دے چیلے ایمان رکھدے سَن پئی یوحنا دے راہیں یسوع دا بپتسمہ تے سولی اُتے اوہدا لہو اوہناں نوں اوہناں دے سارے پاپاں توں معاف کردااے  ۔ پولُس نے ایہو ای ایمان چیلیاں وچ کھلاریا ایسے لئی اپنے سارے پاپاں توں مکتی پائی ۔
پولُس نے گلتیوں ۳ : ۲۷ وچ آکھیا ، ” تے  تسیں سارے جنیاں نے مسیح وچ اکٹھیاں ہون دا بپتسمہ لیا مسیح نو ں (لیڑیاں وانگر)پا لیا۔ “ تے اپنی مکتی وانگر یسوع دے بپتسمے اُتے اپنے ایمان دا اقرار کیتا۔ پطرس نے وی ،۱ ۔پطرس ۳ : ۲۱ وچ آکھیا ،  ”  تے اوسے پانی ورگا وی مطلب اے ، بپتسمہ  یسوع مسیح دے جی اُٹھن نال ہن تہانوں بچاؤندااے ۔ ایہدا مطلب (بدن دی ناپاکی دُور کرنا نئیں سگوں کھری نیت نال خُدا دی طلب کرنا اے ) “ تےاوہنے ایس آیت نال یسوع دے بپتسمے دی سوہنی خوشخبری نوں ثابت کیتا ۔ یسوع دے چیلے ایمان رکھدے سَن پئی یوحنا ولوں اوہدے بپتسمہ نے جگ دے سارے پاپاں نوں دھو دِتا سی ۔ اوہ اپنے پاپاں توں معاف کیتے گئے سَن ،تے ایس طرحاں ایس سچیائی اُتے ایمان رکھن نال اگانہہ توں اوہ  شریعت دی لعنت دے تھلے نئیں سَن ۔
اوہناں نیں یسوع دے بپتسمے تے اوہدے صلیبی لہو دونواں اُتے ایمان رکھیا ۔ ایہہ ثبوت ہیگا اےپئی ایہہ ایمان  لئی بوہت لوڑی داسی ۔اعمال ۱:۲۱۔۲۲  وچ ایہہ آکھدااے ، ” ایس لئی جنے چِر تیک خُداوند یسوع ساڈے نال آؤندا جاندا رہیا مطلب اے یوحنا دے بپتسمے توں لَے کے خُداوند دے ساڈے کولوں اُٹھا ئے جان تیک جیہڑے لگاتار ساڈے نال رہے ، چاہی دااے پئی اوہناں وچوں اک بندہ ساڈے نال اوہدے جی اُٹھن دا گواہ بنے۔ “   یسوع دا چیلا بننا یوحنا ولوں یسوع دے بپتسمے اُتے ایمان نال شروع ہویا ۔
سچیائی جیہدی اسیں اپنے پاپاں دے معاف ہون بارے لوڑ رکھدے ہاں ، یسوع دے بپتسمےتے اوہدے صلیبی لہو اُتے ایمان اے ۔   ” تے تسیں سارے جنیاں نے مسیح وچ اکٹھیاں ہون دا بپتسمہ لیا مسیح نو ں (لیڑیاں وانگر)پا لیا۔ “(گلتیوں ۳ : ۲۷ )۔ایس طرحاں پولُس نےوی یوحنا ولوں یسوع دے بپتسمے تے اوہدے صلیبی لہو اُتے ایمان رکھیا ۔
آؤ اسیں طِطُس ۳: ۵ نوں ویکھیے ۔  ” تے اوہنے سانوں مکتی دتی پر راستبازی دے کماں نال نئیں جیہڑے اسیں آپ کیتے سگوں اپنی رحمت دے مطابق نویں پیدائش نال نہاؤن تے پاک رُوح دے سانوں نویں بناؤن نال ۔ “  ایتھے جملہ   ” نویں پیدائش نال نہاؤن  “ دا مطلب ایہہ ہیگا اے پئی جگ دے سارے پاپ دھودِتے گئے جدوں یوحنا نے یسوع نوں بپتسمہ دتا ۔ ایسے طرحاں ،جے تسیں اپنے پاپاں توں معافی پاؤنا چاؤہندے او، فیر تہانوں سوہنی خوشخبری اُتے ایمان لیاؤن دی لوڑ ہیگی اے ،جیہڑی آکھدی اے پئی تہاڈے پاپ  یوحنا ولوں اوہدے بپتسمہ دین نال ،یسوع اُتے لد دتے گئے سَن ۔سبب ایہہ ہیگااے پئی یسوع سولی اُتے مرگیا تے موت تیک لہو وگایا تے ایس طرحاں اوہ بپتسمے نال جیہڑا اوہنے یوحنا کولوں لیا ،ساڈے سارے پاپاں نوں اوہنے چُک لیا سی ۔ ایس سچ اُتے ایمان لیاؤنا پاک رُوح دی بھرپوری پاؤن لئی بوہت ہیگا اے ۔ پولُس نے منیا پئی اوہ وی یوحنا ولوں یسوع دے بپتسمے تے اوہدے صلیبی لہو اُتے ایمان رکھداسی ۔
آؤ اسیں عبرانیوں ۱۰ : ۲۱ ۔ ۲۲ نوں ویکھیے ،ایہہ آکھدااے ،   ” تے ایس لئی پئی ساڈا ایناں وڈا کاہن ہیگااے جیہڑا خُدا دے گھر اُتے اختیار رکھدااے ۔ تے آؤ اسیں کھرے دل تے پکے ایمان نال تے دل دی تہمت دُور کرن لئی دلاں اُتے چھِٹاں لے کے تے بدن نوں صاف پانی نال دھو ا کے خُدا کو ل چلیے ۔“ ایتھے ،  ” صاف پانی نال دھو ا کے  “ یوحنا ولوں یسوع دے بپتسمے نوں دَسدا اے ، جنہے انسانی پیڑھی دے سارے پاپاں نوں دھو دِتا  ۔
ایس لئی ، دونویں پُرانے تے نویں عہد نامیاں وچ ، اسیں کھوجدے آں پئی سوہنی خوشخبری دیاں خاص شیواں ،اوہدا بپتسمہ تے اوہدی سولی اُتے موت ہیگیاں نیں ۔ تہانوں وی ، بڑے یقین نال پولُس وانگر اوہو جیہا ایمان ونڈنا چاہی دااے ۔
اج ،بوہتے مسیحی اوہنوں جانیوں اَڈ نکمہ ایمان رکھدے نیں پئی جدوں یوحنا نے یسوع نوں بپتسمہ دتا ، جگ دے سارے پاپ دھوتے گئے سَن ۔کئی خُدائی تعلیم دے سیانے بحث کردے نیں پئی لوکاں نوں بڑے یقین نال اپنے پاپاں توں معافی پاؤن دے بارے وچ آپ پانی وچ بپتسمہ لینا چاہی دااے ۔ ایہہ دعویٰ لگدااے پانی تے رُوح دی کھری خوشخبری نوں جانیوں اَڈ کھڑا کیتا گیا اے ، جویں ایہہ پاک کتاب وچ لکھیا ہویا اے ۔ ساڈے پاپ صرف ایس رسم نوں پوریاں کیتاں معاف نئیں ہوسکدے جدوں اسیں پانی وچ بپتسمہ لیندے آں ۔ یسوع دے بپتسمے تے اوہدے لہو اُتے ایمان ، ساڈے سارےپاپ دھوندااے ۔ صرف اوہ جیہڑے سوہنی خوشخبری اُتے ایمان رکھدے نیں ، اپنے پاپاں توں معافی پاؤندے نیں ۔تے اوہدے لہو اُتے ایمان رکھن نال ، اوہ اپنی ساری سزا دا مُل اُتار چُکے نیں ۔ صرف اوہ جیہڑے ایہہ ایمان رکھدے نیں پاک رُوح پا  سکدے نیں ۔
”تے آؤ اسیں کھرے دل تے پکے ایمان نال تے دل دی تہمت دُور کرن لئی دلاں اُتے چھِٹاں لے کے تے بدن نوں صاف پانی نال دھو ا کے خُدا کو ل چلیے ۔“(عبرانیوں ۱۰ : ۲۲)۔عبرانیوں دا لکھاری سانوں اک کھرے دل نال ایمان دے پکے ہون دے یقین وچ خُدا کو ل جان لئی  آکھدا اے ۔ تہانوں وی سوہنی خوشخبری  اُتے ایمان دے پکے ہون دے یقین نال اک کھرے دل نال اوہدے نیڑے جانا چاہی دااے ۔
اج ، مسیحی سُتھرے دل نال پاک رُوح دی بھرپوری نوں پاؤن دی آس رکھدے نیں ۔پر پاک رُوح صرف اوہناں وچ رہندااے جنہاں دے پاپ معاف ہو گئے نیں ۔ بوہتے اینوں نئیں جان دے تے ایس لئی یسوع دے بپتسمے تے اوہدے لہو دی سوہنی خوشخبری اُتے ایمان رکھیوں اَڈ پاک رُوح  نوں پاؤن دی آس رکھدے نیں ۔ اوہ جیہڑےیسوع اُتے ایمان رکھدے نیں پر اوہدے بپتسمے تے اوہدے صلیبی لہو اُتے ایمان نئیں رکھدے پاک رُوح پا نئیں سکدے ۔سبب ایہہ ہیگا اوہناں دا دل کھرا نئیں ہیگا۔
پولُس نے یسوع دے بپتسمے تے اوہدے صلیبی لہو اُتے ایمان رکھیا تے ایس لئی پاک رُوح پایا ۔ اگانہہ ہور ،اوہنے ایس ایمان نوں ودھایا تے اک پٹھی راہ دا ،راہی اکھواندیاں ہویاں ستا یا گیا ۔ پر ایس لئی پئی پاک رُوح اوہدے دل وچ رہنداسی ،اوہ اپنے مرن تیک پانی تے رُوح دی خوشخبری دی منادی کر سکداسی ۔ ” جیہڑا مینوں طاقت دیندااے اوہدے وچ میَں سب کُجھ کر سکدا ہاں ۔“ (فلپیوں ۴ : ۱۳)۔ پاک رُوح دی بھرپوری دا شکر ہووے ،اوہنے خُدا دی سیواکیتی تے پاک رُوح دی حفاظت دے ہیٹھاں جدوں تیک اوہ خُدا کول نئیں گیا ،جیوندا رہیا ۔صرف اوہو جیہڑے پولُس وانگر اُنج دا ای ایمان رکھدے نیں پاک رُوح  پاؤندے نیں ۔
آؤ اسیں پولُس دے ایمان ول دھیان کرئیے ۔کلسیوں ۲ : ۱۲ وچ اِنج آکھدا اے ،” تے اوسے دے نال بپتسمےوچ دفن ہوئے تے ایس وچ خُدا دی طاقت اُتے ایمان لیا کے جنہے اوہنوں مویاں وچوں جوایا ،اوہدے نال جیوں وی پئے ۔ “اوہ یسوع اُتے ایمان رکھن نال اپنے سارے پاپاں توں معاف ہو گیا سی ،جنہے یوحنا کولوں بپتسمہ لیا سی ۔  
 
 
کویں مسیحیت پُرانے دیہاڑیاں توں بدل گئی اے ؟
 
ہُن ،آؤاسیں اک بھین دے ایمان ول دھیان کریے جیہڑی یسوع دی پاک رُوح پاؤن دے بعد چیلی بن گئی سی  ۔
”  میَں وڈیری ہوندی پئی ساں پر اک بچے نوں جم نئیں سکدی ساں ، ایس لئی دعا نال اوہدی برکت پاؤن دے بارے وچ میَں اک گرجے وچوں دوجے گرجے وچ گئی ۔ایتھوں تیک پئی جدوں میَں گھر وچ کلی ساں ،میَں بچے لئی گھٹو گھٹ اک یاں دو  گھنٹیاں  تیک  دعا  منگی  تے  ایہہ  دینی  نمونہ  میری ہر
دیہاڑے دی حیاتی دا اک حصہ بن گیا سی ۔
جد پئی اپنے آپ وچ ایس طرحاں دی دینی حیاتی بسرکردیاں ہویاں ،میَں اک وڈیری زنانی نال ملی ۔اوہنے مینوں آکھیا پئی جے میَں خُدا کولوں اک بچہ منگنا چاؤہندی ساں ،مینوں اوہدے توں ہتھ رکھواکے دعاکراؤن دی ہمت کرنی چاہی دی اے ۔ میَں کسے توں سُنیا پئی ایہہ زنانی خُدا نوں پیغام گھلن والی سی تے ایس طرحاں میَں اوہنوں اپنے سِر اُتے اوہدے ہتھ رکھن دی اجازت دتی ۔اوسے ویلے ،میَں اک تجربہ کیتا جیہڑا میَں پہلوں کدی جانیاں نئیں سی ۔ میری جیبھ گھُمن لگ پئی تے میَں اک وکھری بولی وچ بولدی پئی ساں تے میَں اپنے آپ نوں کھچن والی کُجھ اوّلی تے گرم طاقت نوں جانیا۔
میَں ایس تجربے دا مطلب جانیا پئی میَں پاک رُوح پا لیا سی تے ایہہ میری دعاواں لئی اوہداجواب سی ۔ جیہڑی زنانی نے میرے سِراُتے اپنے ہتھ رکھے سَن  پاک رُوح ولوں تحفہ رکھن والی دِسدی سی تے نبوت کر سکدی تے چنگیاں کرسکدی سی ۔اوہنے کدی خُدا دے کلام ولوں تعلیم نئیں پائی سی ،پر پاک رُوح دی طاقت ورتدیاں ہویاں ،اوہ بڑے پادریاں تے پڑھے لکھے لوکاں نوں ہتھ رکھ کے پاک رُوح پاؤن وچ مدد کردی سی ۔ 
فیر اگانہہ توں ، میَں ایہو جیہاں عبادتاں وچ جانا شروع کیتا،اوہناں وچوں اک مطلب اے جیہڑی 3”ری نیول /ریوائیول موومنٹ“  اکھواؤندی اے ۔ اوس عبادت وچ میریاں دعاواں وچوں  اک دے وچکار ،میَں اپنے سارے پِنڈے وچ کمبنی نوں جانیاتے میرادل خُدا تے میرے گواہنڈیاں لئی محبت نال سڑ گیا ۔ تے ایہو ای شے دوجیاں نال ہوئی تے لوک بےہوش ہوندے پئے سَن تے اوپریاں بولیاں بولدے پئے سن ۔اوتھے بدرُوحاں بھرے لوک ہیگے سَن تے ایس عبادت دے آگُو نے بدرُوحاں نوں کڈھیا ۔ایس ری نیول /ریوائیول موومنٹ دا مطلب لوکاں نوں پاک رُوح دا تجربہ دین وچ ہتھ ونڈاؤناسی مثال طور اُتے کمبنا ،نبوت کرنا، بدرُوحاں کڈھنا تے اوپریاں بولیاں وچ بولن والیاں شیواں نال  ۔ پر ایناں ساریاں تجربیاں دے ہوندیاں ہویاں ،میَں ہُن وی پاپ رکھدی ساں تے میرے دل وچ پاپ نے مینوں ڈر تے شرم محسوس کروائی ۔
 
 3اصل تازگی یاں نوے ہونا مسیحی حیاتی دا اک خُدائی تے ضروری انگ ہیگااے ، تے ایہہ رُوح وچ اگانہہ وددھاؤندی اے ،جیہڑی پئی مسیحی حیاتی وچ پاک رُوح دے پھلاں  وچ دِسدی  اے ۔ پر ہُن دے ورہیاں وچ ، کُجھ تحریکاں نے اَکھر ”  نویں ہونا “ یاں تازہ ہون دی تعریف اِنج کیتی اے پئی ایہہ کسے طرحاں وی رُوحانی طور اُتے ودھن دے طریقے نال تعلق نئیں رکھدی جویں پئی پاک بائبل وچ دَسیا گیا اے ۔ اوہناں دا   ”  نویں ہونا “ ارادے توں اَڈ احساس پیدا کردااے ،تے ہر طرحاں دیاں شک پیداکرن والیاں حرکتاں تے بائبل توں ہٹ دے تعلیماں تے رسماں نال جوڑی جاندی اے ۔
ایہہ ایناں وچوں کُجھ غلط تعلیماں تے مشقاں ہیگیاں نیں جیہڑیاں وکھ نویں ہونا تے جگراتے دیاں تحریکاں وچ ودھیاں: پاک کتاب تو ں ہٹ کے کیرزمیٹک تجربیاں اُتے زوردینا ، نقلی وضاحت، جھوٹیاں تعلیماں ،جھوٹی نبوت ،جھوٹے نشان تے معجزے وغیرہ ۔فیر وی ایناں تحریکاں دا سب توں بوہتا خطرناک انگ  ایہہ ہیگا اے پئی اوہناں نے پاک رُوح نوں پاؤن دے سچ نوں سمجھن وچ لوکاں وچ  پُٹھی سوچ پیدا کیتی اے تے پانی تے رُوح دی خوشخبری نوں اک پاسے سُٹ دِتا اے ۔
 
ایس لئی جدوں وی میَں دعا منگی ،میَں دلوں منگی پئی میَں پاپ دے مسئلے نوں حل کرن دے لائق ہوجاواں گی ۔ میَں اقرار کیتا پئی میَں پاپ کیتا سی پر لوک مینوں حالے تیک اک فرشتے وانگر سمجھدے سَن ۔ میَں سوچیا پئی میَں چنگا ایمان رکھدی ساں ، پر میَں غلط ساں ۔ جے میَں اپنی غلطی نہ پچھان دی ، میَں پاک رُوح پا نئیں سکدی ساں ۔
ایہدے بعدوں ، میَں اوہناں نال ملی جیہڑے پانی تے رُوح دی خوشخبری دی منادی کردے نیں تے خُدا دے کلام اُتے ایمان لیا کے اپنے سارے پاپاں توں معافی پائی ۔ہُن میَں سچ مُچ خوش آں ۔ میَں پانی تے رُوح د ی خوشخبری اُتے ایمان رکھدی ہاں تے پاک رُوح پا چکی آں۔ میَں خُداوند دا شکر ادا کردی ہاں ۔ مینوں امید ہیگی اے آلے دوالے جگ دے سارے مسیحی سوہنی خوشخبری اُتے ایمان رکھن گے تے پا ک رُوح د ی بھرپوی پاؤن گے ۔ میَں اپنے خُداوند دا شکر ادا کردی ہاں ۔ “
اسیں ایتھے سکھیا  پئی پا ک رُوح پاؤن دے بارے وچ ،سانوں پانی تے رُوح د ی خوشخبری دی لوڑ ہیگی اے ۔ جے تسیں اپنے سارے پاپاں دی معافی پاؤنا چاؤہندے جے ،تہانوں یقین نال یوحنا کولوں یسوع دے بپتسمے اُتے ایمان لیاؤناچاہی دااے ۔آؤ اسیں افسیوں ۴ : ۵  نوں ویکھیے ۔   ” اکو ای خُداوند اے ، اکو ای ایمان ، اکو ای بپتسمہ ۔ “ ایتھے ایہہ آکھدااے پئی صرف اکو ای خُداوند اے تے اکو ای بپتسمہ ، جیہدے اُتے اسیں ایمان رکھدے آں ۔سانوں ساریاں نوں یقین نال پاک رُوح دی بھرپوری پاؤن دے بارے وچ یوحنا ولوں یسوع دے بپتسمے تے اوہدے صلیبی لہو اُتے ایمان رکھنا چاہی دااے۔ جے اسیں نئیں رکھدے ، فیر پاک رُوح کدی ساڈے وچ نئیں رہوے گا ۔
اک وار لوک ہیگے سَن جیہڑے سکھاؤندے تے ایمان رکھدے سَن صفائی تے ستھرائی دی تحریک اوہناں نوں پاک رُوح پاون وچ مدد دیوے گی  ۔ فیر وی ، کیہ تسیں سوچدے او پئی پاک رُوح تہاڈے وچ رہندااے ۔جے اسیں ایہو جیہاں تحریکاں وچ رَلدے آں ؟ کیہ تسیں صفائی تے ستھرائی دی تحریک دے سبب پاک رُوح پا لیا اے ؟جے ایہہ سوکھا سی ، فیر تسیں ایہو جیہاایمان رکھن لئی سیانے ہووو گے ۔ پر جے پاک رُوح ایس سبب توں تہاڈے اُتے اُتریا ،فیر  یسوع   ہیٹھاں  نہ آؤندا ، تے  سانوں پاپاں
توں نہ چھُڈاؤندا تے نہ یوحنا ولوں اوہنوں بپتسمہ لین دی لوڑ ہوندی نہ ای سولی اُتے مردا۔
پاک رُوح دی بھرپوری پاؤنا یسوع دے بپتسمے تے اوہدے لہو د ی خوشخبری اُتے ایمان رکھن دی اک نعمت اے ، جیہڑی تہاڈے کول تہاڈے پاپاں دی معافی لیائی ۔ پاک رُوح دی بھرپوری اوہناں لئی اک چالو کیتی گئی نعمت اے ،جنہاں دے پاپ دھوتے گئے نیں تے کھری خوشخبری نال معاف ہو گئے نیں ۔
اَج کل ،اوہناں دے وچکار جیہڑے ری نیول/ریوائیول موومنٹ دا حصہ بن دے نیں ،کئی ہیگے نیں جیہڑے ایمان رکھدے نیں پئی توبہ دیاں تھکاؤن والیاں دعاواں پاک رُوح پاؤن وچ اوہناں دی مدد کرسکدیاں نیں ۔اوہ آکھدے نیں پئی بھاویں کوئی بندہ اپنے دل وچ پاپ رکھدااے ،جے اوہ توبہ لئی دعا منگدااے ،فیر اوہ پاک رُوح پاوے گا ۔
پینتیکاسٹل ۔کیرزمیٹک موومنٹ ،جیہڑے سارے جگ وچ ودھ گئی اے  ، ۱۸۰۰؁ وچ  امریکہ وچ شروع ہوئی ۔ ایہہ تحریک مشینی انقلاب دے بعد وں آئی ،جدوں لوکاں دے دید لحاظ تے مونہہ پیار مک گئےسَن ۔ تحریک اپنے زور شور اُتے اپڑی ،جدوں بوہتے لوکاں دے دل وڈے بھار نال پریشان ہو گئے سَن ۔اوس ویلے توں ،خُدا دے کلام اُتے بنیا ایمان ڈھے گیا تے اک نویں دینی تحریک نے سِر چُکنا شروع کیتا ۔ ایہہ پینتیکاسٹل – کیرزمیٹک موومنٹ سی جیہڑی پاک رُوح (خُدا )— دے بدنی تجربیاں دا نشانہ رکھدی سی مطلب اے اکھاں نال خُدا دے کما ں نوں ویکھنا تے بدن تے ذہن نال خُدا دے کلام دی طاقت دا تجربہ کرنا ۔
پر ایس تحریک وچ اک مار دین والا گھاٹا ایہہ ہیگا اے پئی ایہہ ایمانداراں نوں خُدا دے کلام توں بوہت دُور کر دیندی اے تے اک دین وانگر ہیگی اے جیہڑا بدنی برکتاں لئی ہتھ پیر ماردااے ۔ نتیجے اُتے ،ایس نویں تحریک دے پچھے چلن والے ڈنگردین دے وکیل بن گئے نیں ۔ ایتھوں تیک پئی اَج ،اوہ جیہڑے پینتیکاسٹل –کیرزمیٹک موومنٹ وچ آپ حصہ لیندے نیں ایمان رکھدے نیں پئی جے کوئی یسوع اُتے ایمان رکھدااے ،اوہ امیر ہو جاوے گا ،اوہ روگاں توں چنگا ہوجاوے گا ،تے اوہ ہر شے وچ دولت مند ہوجاوے گا ،اوہ پاک رُوح پاوے گا تے اوپریاں بولیاں بولے گا تے دوجیاں نوں چنگیاں کرن دی طاقت رکھے گا – پینتیکاسٹل –کیرزمیٹک موومنٹ سارے جگ وچ ودھ گئی اے ۔ایہہ تحریک لوکاں دے سوہنی خوشخبر ی اُتے ایمان تے پاک رُوح پاؤن لئی اوہناں دے کم وچ اک روڑا بن گئی اے ۔
نویں مسیحیت گھٹوگھٹ ۵۰۰ ورہے پہلاں لوتھر تے کیلون دے عقیدیاں توں شروع ہوئی ۔ پر مسیحیت دیاں حداں وچ ،پاک رُوح دی بھرپوری دی تعلیم پاک کتاب دے مطابق بڑے پک نال قائم نئیں ہوئی ۔مسئلہ ایہہ ہیگا اے پئی نویں مسیحیت دے شروع توں ، بوہتے مسیحی یسوع اُتے اوہدے بپتسمے تے صلیبی موت دی لوڑ نوں پچھانیوں اَڈ ایمان لیا چُکے نیں ۔ گلاں نوں وگاڑن لئی ،لوکاں نے مسیحیت دے پُٹھے خُدائی خیالاں اُتے زور دینا شروع کیتا تے صرف بدنی تجربیاں اُتے زور دیندے نیں ۔سارے مسیحیاں نوں یقین نال سوہنی خوشخبری اُتے ایمان رکھنا چاہی دا اے ،جیہڑی آکھدی اے یسوع نے جگ دے سارے پاپاں نوں چکن لئی یوحنا کولوں بپتسمہ لیا تے اوہ اوہناں دے پاپاں دی  سزا پاؤن  لئی  سولی اُتے مرگیا سی ۔ ایہہ ایمان تہاڈے لئی پاک رُوح پاؤن دا سبب بنے گا ۔
اَج مسیحیت اینی برباد ہوگئی اے جیہدا سبب ایہہ ہیگا اے پئی لوک یوحنا کولوں لَے گئے یسوع دے بپتسمے تے سولی اُتے اوہدے لہو دے سچ نوں اکھاں توں اک پاسے رکھن ول دھیان کردے نیں ۔ یسوع سانوں سچ نوں جانن بارے آکھدااے ۔یوحنا کولوں یسوع دے بپتسمے تے اوہدے صلیبی لہو اُتے ایمان رکھن دا مطلب ہیگا اے ،پانی تے رُوح دی خوشخبری اُتے ایمان لیاؤنا ۔ جے تسیں پاک رُوح پاؤنا چاؤہندے او فیر ایمان رکھو پئی جدوں یوحنا نے یسوع نوں بپتسمہ دِتا ،تہاڈے پاپ اوہدے اُتے چلے گئے سَن تے اوہدا لہو تہاڈے سارے پاپاں دی سزا تے معافی سی ۔ فیر تسیں پاک رُوح پاوو گے ۔
بوہتے مسیحی مکتی دی خوشخبری لئی صرف یسوع دے لہو اُتے ایمان رکھدے نیں۔ پر تہاڈے وچوں اوہ جیہڑے صرف اوہدے لہو اُتے ایمان رکھدے نیں پاپ توں چھُڈائے جا سکدے  نیں ؟کیہ تسیں چھُڈائے جاسکدے او ؟ جے تسیں سوچدے او  اِنج ہو سکدااے ،تے خورے تسیں یسوع دے بپتسمے دے کھرے مطلب دا صرف رلیا ملیا علم رکھدے ہووو۔ ایس طرحاں حالے تیک تہاڈے دل وچ پاپ ہیگااے ۔صرف جدوں تسیں یسوع دے بپتسمےتے لہو نوں اکٹھے اک ایمان وانگر جوڑدے او تسیں اپنے پاپاں توں مکتی پا سکدے او تے پاک رُوح پا سکدے او ۔ پاک کتاب آکھدی اے پئی ایہہ کلی کھری خوشخبری اے جیہڑی سانوں جگ اُتے حاوی ہون وچ مدد کردی اے ۔ ” تے گواہی دین والے تِن نیں ۔ رُوح تے پانی تے لہو تے ایہہ تِنے اکو ای گل اُتے راضی نیں ۔  “ (۱ ۔ یوحنا ۵ : ۸)۔ایس لئی سانوں یقین نال جاننا چاہی دااے پئی ایہہ سانوں ساڈے پاپاں توں بچاؤن لئی اوہدی مرضی نال ،خُدا نے یسوع نوں یوحنا کولوں بپتسمہ دوایا تے فیر اوہنوں سولی اُتے مرن دِتا ۔
کاہدے لئی بوہتے مسیحی یسوع اُتے اپنا ایمان رکھدیاں ہویاں پاپاں توں معافی نئیں پاؤندے ، ایس لئی پئی اوہ سوہنی خوشخبری اُتے ایمان نئیں رکھدے جیہڑی یوحنا ولوں یسوع دےبپتسمے تے سولی اُتے اوہدے لہو نال پوری ہوئی سی ۔ اوہ جیہڑے ایناں دونواں شیواں اُتے ایمان رکھدے نیں اپنے پاپاں
توں معافی پاؤن گے تے پاک رُوح اوہناں دے دلاں وچ رہوے گا ۔
جدوں لوک سوچدے نیں پئی اوہناں دے پاپ دھوتے گئے نیں ،اوہناں دے دل کھلوتے پانی وانگر سکون بھرے تے نکونک (کناریاں تیک بھرے)بھر جاندے نیں ۔ اوہ ویلا جدوں پاک رُوح کسے دے دل وچ رہندااے ، اوہدا دل دااندروں تے باہروں اک سکون نال وگدے دریا وانگر ہیگا اے ۔ ایس سچ اُتے ایمان رکھن تے پاک رُوح نال چلن نال ،جویں جویں اسیں پاک رُوح نوں پاؤن دی خوشخبری ودھاؤندے آں ،اسیں اپنے خُداوند نال مِلدے آں۔ ساڈے دلاں وچ کدی ایس طرحاں دا سکون پہلوں نئیں ہیگا سی ۔ اوس ویلے توں جدوں توں اسیں پانی تے رُوح دی خوشخبری اُتے ایمان رکھنا شروع کیتا اے ، ساڈی  حیاتیاں سکون نال بھرگئیاں نیں تے ساڈے دل سارے دے سارے خوشیاں نال بھر جاندے نیں ۔ اسیں ایس سوہنی خوشخبری توں پِچھاں نئیں ہٹ سکدے ۔پاک رُوح سدا ساڈے دلاں وچ ،سانوں اوہدا کم ودھاؤن لئی تیار کردیاں ہویاں تے لوکاں نوں راضی کردیاں ہویاں موجود ہیگا اے جیہڑے پاک رُوح پاؤن لئی ایہدے اُتے ایمان رکھدے نیں ۔
ایس لئی پئی اسیں یسوع دے بپتسمے تے اوہدے  صلیبی لہو دی سوہنی خوشخبری اُتے ایمان رکھدے ہاں ،سانوں پاک رُوح دی برکت مِلی ۔ہُن تہانوں یقین نال پاک رُوح نوں پاؤن دے بارے وچ یسوع دے بپتسمے تے اوہدے  صلیبی لہواُتے ایمان رکھنا چاہی دااے ۔ ایہدی لوڑ  اے پئی جگ دے آلے دوالےلوک خُدا دے کلا م اُتے ایمان رکھنا شروع کردے نیں پئی یسوع نے جگ دے سارے پاپاں نوں چُکن لئی یوحنا کولوں بپتسمہ لیا تے اوہ اوہناں دے پاپاں دی سزا پاؤن لئی سولی اُتے مرگیا ۔جدوں اوہ اِنج کرن گے  ، اوہ اخیر یں پاک رُوح پاؤن گے ۔