خطبے

مضمون 8: پاک رُوح

[8-8] <یوحنا ۷: ۳۷ ۔ ۳۸> کاہدے وسیلے نال پاک رُوح دا حیاتی دا پانی وگدااے ؟

>یوحنا ۷: ۳۷ ۔ ۳۸>
” فیر عید دے اخیری دیہاڑے جیہڑا خاص دن ہیگااے ، یسوع کھلوتا تے آکھیا جے کوئی ترہایا ہووے تے میرے کول آکے پیوے ۔جیہڑا میرے اُتے ایمان لیاوے گا اوہدے اندروں جویں پئی پاک کتاب وچ لکھیا اے حیاتی دے پانی دیاں ندیاں وگن گئیاں ۔ “
 
 
کیہڑے پاک رُوح دا حیاتی دا پانی پی سکدے نیں ؟
اوہ جیہڑے یسوع دے بپتسمے تے اوہدے صلیبی لہو
دی سوہنی خوشخبری اُتے ایمان رکھدے نیں
 
پاک رُوح دا حیاتی دا پانی اوہناں دےدلاں اندر وگدااے جیہڑے سوہنی خوشخبری اُتے ایمان رکھدے نیں ۔یوحنا  ۷ : ۳۸ آکھدااے ، ” جیہڑا میرے اُتے ایمان لیاوے گا اوہدے اندروں جویں پئی پاک کتاب وچ لکھیا اے حیاتی دے پانی دیاں ندیاں وگن گئیاں ۔ “ ایہدا مطلب ہیگا اے پئی اوہناں لئی جیہڑے سوہنی خوشخبری اُتے ایمان رکھدے نیں جیہڑی خُدا نے سانوں دتی سی اصل مکتی تے پاپاں دی معافی اوس وچ ہیگی اے ۔
پاک رُوح دی بھرپوری کدوں ملدی اے ؟ پاک رُوح دی بھرپوری اوس ویلے مل سکدی اے جدوں کوئی اصل خوشخبری نوں سُن دا تے ایمان رکھدااے ، جیہڑی آکھدی اے پئی یسوع مسیح نے یوحنا کولوں بپتسمہ لَے کے جگ دے سارے پاپاں نوں چُک لیا ۔ فیر کوئی بندہ پاک رُوح دا حیاتی داپانی پی سکدااے ۔ اوہ جیہڑے سوہنی خوشخبری اُتے ایمان رکھدے نیں پاک رُوح دی بھرپوری پاؤندے نیں تے رُوحانی حیاتی د ے پانی دا ،اوہناں دے سُکیاں دلاں وچ تازگی نال وگدیاں ہویاں  تے  ہریالی دا  پتہ  ہر
ویلے جدوں اوہ منادی کردے نیں یاں خُدا دا کلام سُن دیاں ہویاں ،تجربہ کر سکدے نیں ۔
پاک رُوح دا حیاتی دا پانی اوہناں دےدلاں اندر وگدااے،جیہڑے پانی تے رُوح دی خوشخبری اُتے ایمان رکھدے نیں ،جیہڑی آکھدی اے پئی خُدا وند سارے پاپیاں نوں اوہناں دےپاپاں توں بچاؤں لئی ایس جگ وچ آیا سی ۔ پاک رُوح سچیائی اے جیہڑی پانی تے رُوح دی خوشخبری توں  اَڈ نئیں کیتی جاسکدی ،تے لوکاں وچ وسدی اے ،جیہڑے خُدا دےکلا م اُتے ایمان رکھدے نیں ۔
جیہڑا کوئی وی پاک رُوح دا حیاتی دا پانی پینا چاؤہندااے ،اوہنوں لازمی طور اُتے یسوع دے بپتسمہ تے اوہدے صلیبی لہو دی سوہنی خوشخبری اُتے ایمان رکھن نال اپنے سارے پاپاں دی معافی پاؤنی چاہی دی اے ۔ پاک رُوح داایہہ  حیاتی دا پانی اوہناں دے دلاں وچ رہندااے جیہڑے خُدا دے کلام اُتے ایمان رکھدے نیں ۔ اوہ لوک جیہڑے پانی تے رُوح دی خوشخبری اُتے ایمان رکھدے نیں پاک رُوح دا حیاتی دا پانی پیندے نیں ،جیہڑا دریا وانگر ،مطلب اے ، اوہناں دے دلاں دے راہیں ندی وانگر وگدااے ۔ ایتھوں تیکر پئی اوسے ویلے ، پاک رُوح دا حیاتی دا پانی اوہناں دے دلاں وچوں چشمے دے پانی وانگر وگداپیا اے جیہڑے یسوع مسیح دے بپتسمے تے اوہدی صلیبی لہو دی سوہنی خوشخبری اُتے ایمان رکھن نال اپنے  پاپاں دی  معافی پا چُکے نیں ۔
فیر وی اوہناں دے دلاں وچوں وگدا ہویا پاک رُوح دی حیاتی دےپانی دی اک چھِٹ وی نئیں ہیگی اے ،جیہڑے ایس سوہنی خوشخبری دی سچیائی  اُتے ایمان نئیں  رکھدے ۔ جدوں تیک میَں ایمان نہ رکھیا تے پانی تے رُوح دی خوشخبری نوں نہ منیا ، میرے دل وچوں وگدے ہوئے روحانی حیاتی دے پانی دی اک وی چھِٹ نئیں ہیگی سی ۔اوس ویلے ، میَں بھانویں بڑے جوش خروش نال یسوع مسیح اُتے ایمان رکھدا ساں ،میَں ایتھوں تیک پئی  پاک رُوح دے حیاتی دے پانی دی لوڑ نئیں جان دا ساں ،ایس لئی پئی میَں اپنے دل وچ پاک رُوح نئیں رکھدا ساں ۔ فیر وی ، ہُن میَں پانی تے رُوح دی خوشخبری ، تے اپنے دلوں کھُل کھلا کے وگدا ہویا پاک رُوح  دا حیاتی دا پانی رکھدا ہاں ۔
ہُن پاک رُوح دا حیاتی دا پانی میرے دل وچ وگدااے ،نالے اوہناں دے دلاں وچوں جیہڑے سُن دے تے خُدا دے کلام اُتے ایمان رکھدے نیں ۔بالکل جویں یسوع نے آکھیا ،  ” جے کوئی تراہایا ہووے تے میرے کول آ کے پیوے ۔“ پاک رُوح دا حیاتی دا پانی نویں سریوں جمے ہوئے مسیحیاں ولوں دوجیاں نوں تازہ کردااے جیہڑے پانی تے رُوح دی سوہنی  خوشخبری اُتے ایمان رکھدےنیں ۔ ایہہ حیاتی دا پانی میرے دلوں ،ایتھوں تیک پئی ایسے ویلے پانی تے رُوح دی خوش خبری اُتے میرے ایمان دے نال نال ،دوجیاں نوں ایہدے وچوں پین لئی وگدااے۔ خُدا میرے دلوں پاک رُوح دےحیاتی دےپانی نوں اک ندی وانگر وگن دیندااے ۔ ایہہ صرف اوہناں لئی جانی پچھانی شے ہیگی اے ،جیہڑے پاک رُوح دی بھرپوری رکھدے نیں ۔
بالکل جویں ایہہ مکاشفہ وچ لکھیا ہویا اے، پئی اینوں پاؤن والیاں توں اَڈ کوئی نئیں جان دا ۔ پاک رُوح دی بھرپوری تے حیاتی دا پانی مطلب اے ، صرف اوہناں راہیں جانیا گیا اک بھیت ہیگا اے ،جنہاں نوں پتہ ہیگا اے تے پانی تے رُوح دی سوہنی خوشخبری اُتے ایمان رکھدے نیں ۔ ایس لئی ، تہانوں پتہ ہونا چاہی دااے پئی کہیدے وچ پاک رُوح رہندااے ۔ تہانوں پتہ ہونا چاہی دا اے پئی پاک رُوح دی بھرپوری صرف اوہناں  نوں ملدی اے جیہڑے یسوع دی خوشخبری اُتے ایمان رکھدے نیں ۔
 
 
میَں صرف صلیبی لہو اُتے ایمان رکھداہونداساں
 
بھانویں میَں ۱۰ ورہیاں تیک یسوع دے صلیبی لہو اُتے ایمان رکھدا ہوندا ساں ،پاپ فیر وی میرے دل وچ ہوندا سی ۔ اوس ویلے میرا ایمان سی پئی میرے پاپ صرف یسوع دے لہو دے راہیں معاف ہو گئے سَن ۔ فیر وی ، میَں نہ پاپ دی کامل معافی پا سکیا تے نہ ای ایس طرحاں دے ایمان نال پاک رُوح دی بھرپوری پا سکیا تے صرف پریشانی تے میری جندڑی وچ سکھنا پن ہیگا سی ۔ اوہ اک شے جنہے یسوع اُتے میرے ایمان نوں ظاہر کیتا ، ایہہ سچ ہیگا سی پئی میَں گرجے جاندا ساں ۔
تے اِنج جدوں میَں اپنے ایمان اُتے دوبارہ غور کرنا شروع کیتا ۔ ’  کیہ میَں سچ مُچ پاک رُوح پا لیا سی ؟‘ جدوں میَں پہلی وار یسوع اُتے ایمان رکھن لئی آیا ، میرا دل اوہدی محبت وچ جذباتی ہیگا سی تے ایتھوں تیک پئی مینوں اوپریاں بولیاں دا انعام ملیا سی ۔پر مینوں کیہ ہو گیا سی ؟ مینوں پتہ لگا پئی آساں دے سڑن دا ایہہ تجربہ  پاک رُوح دی بھرپوری دی نشانی نئیں ہیگی سی تے میَں بالکل وی پاک رُوح نئیں پایا سی ۔ میَں یسوع اُتے ایمان رکھیا پر پاک رُوح تے  پاک رُوح دا حیاتی دا پانی میرے اندر نئیں ہیگا سی ۔   
 ایہہ اصل وچ خاص نئیں ہیگا سی میرا دل گرم یا ں ٹھنڈا ہیگا سی ، ایس لئی پئی میرا ایمان 4کیلون اِزم اُتے ہیگا سی ۔ اوہ سارے سوال جنہاں دا اصل وچ مینوں جواب چاہی داسی ،تھلے درج کیتے گئے نیں :
 
4 جون کیلون نے مسیحیت بارے اک طریقہ شروع کیتا ۔اوہنے انسانی مقدر تے مکتی بارے گل کیتی سی ۔ کیلون پن دے ۵ نقطے جیہڑے آرمینیادی کلیسیا دے عقیدیاں دے جواب ہیگے سَن ۔کیلون پن سکھاؤندااے : (۱) مکمل اخلاقی بربادی / وگاڑ: (بندے دا ترقی توں ناکام ہونا )مطلب اے پئی ،بندہ اپنے سارے ہڈ پیر ،اپنی رُوح ،بدن ذہن تے جذبیاں توں پاپ کردااے ۔(۲)ناحقی مہربانی : (مطلب اے مکتی اُتے ساڈا حق نئیں ہیگااے تے نہ ایہہ ساڈے کماں تے ایمان نال ملدی اے )پئی خُدا دی مہربانی /مکتی خُدا دی کامل من مرضی نال ملدی اے تے بندے دے وسوں باہر ہیگی اے ۔(دعا /روزہ /پرہیز گاری/چنگے کم)وغیرہ ۔ (۳)حد بندی دی مکتی: (مطلب اے، مسیح خُداوند ولوں سانوں حدوں دُونی مکتی نئیں مل سکدی ،ایہہ حد بندی وچ ہیگی اے (اک حد تیک )پئی مسیح یسوع نے ہر زمانے وچ رہن والے سارے بندیاں دے پاپاں دا بھار نئیں چُکیا (فدیہ نئیں دتا)سگوں ایس توں ہٹ کے صرف اوہناں دے پاپاں دا (فدیہ دتا)بھار چُکیا ، جیہڑے پہلاں توں خُدا دی من مرضی نال (جگ بناؤن توں پہلاں )مکتی لئی چُنے گئے سَن ۔ (۴)نہ مُکرن والا فضل :  (مطلب اے ، خُدا دی ایہوجیہی بندیاں دی مکتی جیہدے توں کوئی مُکر نہ سکے )پئی جدوں خُدا کسے نوں وی مکتی دین لئی بلاوے تے کوئی وی دوجا(تہمت)مُکر نہ سکے ۔ (۵)پاک لوکاں دا پکیا ں ہو کے کھلونا:پئی ایہہ کدی نئیں ہو سکدا پئی کسے دی مکتی تباہ ہو جاوے ۔ پر تسیں پانی تے رُوح دے خوشخبری دی تعلیم نال اینوں بوہت کھُل کھلا کے پچھان سکدے او ،خاص کر، ایہدے حد بندی دے فدیے دی تعلیماں نوں ۔
 
(۱)  کیہ پاک رُوح میرے اندر رہندااے ؟ نئیں ۔ مینوں پکا یقین نئیں پئی اوہ میرے اندر ہیگا اے  —
(۲)  کیا پاپ میرے اندر رہندااے ؟— آہو ، رہندا اے ۔ فیر لازمی میرے اندر پاپ ہیگااے ۔
ایتھوں تیک پئی میَں یسوع دے صلیبی لہو اُتے ایمان رکھداساں ۔میَں فیر و ی اپنے دل وچ پاپ رکھداساں ،بھانویں میں یسوع اُتے ایمان رکھداساں تے ہر دیہاڑے توبہ دیاں دعاواں منگدا ساں ۔ میرے دلوں سارے دا سارا پاپ کدی وی  مکیا نئیں سی ،میِں بھانویں بڑے ہتھ پیر مارے ،اوہ سارا کھوہ کھاتے ہیگا سی ۔
’  میَں کویں  پاک رُوح دی بھرپوری پا سکدا ہاں ؟ ‘ ’  میَں کویں اپنے اندروں پاپ دھو سکدا ہاں َ؟ ‘ ایہہ دو مسئلے ہر ویلے میرے پِچھے پئےرہندے سَن ،جیہڑے میَں اپنے ذہن وچ ،یسوع اُتے ایمان  رکھن دے بعدوں وی رکھدا ساں ۔ یسوع اُتے ایمان رکھن دے بعدوں میَں اوپریاں بولیاں ، بولیاں سَن تے ایمان وی رکھدا ساں پئی میرے پاپ صاف ہو گئے سَن ،یسوع دے لہو اُتے میرےایمان لیاؤن دا شکر ہووے ۔
فیر وی ،جویں جویں ویلا لنگھدا گیا ،میرے اندر بوہتے بوہتے پاپ اکٹھے ہوندے گئے ۔میَں پاپاں نال بھریا ہویا ساں ۔توبہ دیاں دعاواں یاں روزے میرے دل دے پاپاں  نوں دھو نہ سکے ۔ میَں صرف  یسوع دے لہو دی آس لائی سی ۔میَں بڑے چِر توں اپنے ہر دیہاڑے دے  پاپاں توں پریشان ہیگا ساں ۔ جِناں بوہتا میَں پریشان ہویا ، اونا ای بوہتےزورشور نال میَں دوجیاں تیک یسوع دی تعلیم دی منادی کیتی ۔ میَں ایتھوں تیک بوہت باقاعدگی نال گرجے وی گیا تے اپنے آپ نوں یسوع دی خدمت لئی ،یسوع دے لہو وچ رہندیاں ہویاں، حاضر کیتا۔
فیر جویں جویں ویلا لنگھداگیا ،  میرے دل وچ ہر دیہاڑے دے پاپ مینوں کھرا ایمان رکھن توں روکدے سَن ۔ا یہہ پہلاں توں واوابوہتا یسوع اُتے ایمان لیاؤنا بوہتا اوکھا سی ۔ میَں یسوع دے لہو وچ رہن دی بوہت ہمت کیتی تے اپنی بوہتی ہمت نوں اَگے رکھیا تے خُدا لئی اپنی قدرودھائی ۔فیر، میرے اندر سکھنا پن بوہت وڈا بن گیا ۔ ایس طرحاں دے ایمان نےمینوں سکھنا، تے سُستی وچ چھڈ دِتا ،تے مینوں اک فریبی مسیحی بنا دِتا جیہڑا صرف وکھالیاں دی پرواہ کردااے ۔تسیں اپنے لئی سوچدیاں ہویاں پئی ’ یسوع اُتے ایمان لیاؤنا ہر کسے لئی اِنج ہی ہیگااے ،ایہہ صرف میَں نئیں ہیگا واں ! ‘ میَں مکرن دی ہمت کیتی پئی میراایمان غلط ہیگا سی ۔یسوع دا لہو تے توبہ دیاں دعاواں حالے تیک میرے ہر دیہاڑے دے پاپاں نوں فیر وی دھونہ سکے۔
فیر کیہڑے ایمان نال میرے ہر دیہاڑےدے پاپ دھوئے جا سکدے سَن ؟ میرے ہر دیہاڑے  دےپاپ صرف عقیدے نال دھوئے جاسکدے سَن پئی میرے سارے پاپ یسوع اُتے لدے گئے سَن ،جدوں اوہنے یردن دے دریااُتے بپتسمہ لیا سی ۔ جویں متی ۳ : ۱۳ ۔ ۱۷  وچ  لکھیا ہویا اے ،فیر کیوں میرے ہر دیہاڑے دےپاپ یسوع دے لہو نال دھوئے نئیں گئے سَن ؟ مینوں پتہ نئیں ہیگا سی تے سوہنی خوشخبری اُتے ایمان نئیں رکھدا ساں ،جیہدامطلب  یسوع دا یوحنا کولوں بپتسمہ لینا اے ۔
کیہ ایہدا مطلب ہیگااے پئی جگ دے سارے پاپ یسوع دے بپتسمے نال دھوئے گئے سَن ؟ آہو، ایہہ ٹھیک ہیگااے ۔ پاک کتاب ایہہ آکھدیاں ہویا ں ایہدی گواہی دیندی اے ، ” جدوں تیک کوئی بندہ پانی تے رُوح نال نہ جمے اوہ خُدا دی بادشاہی وچ جا نئیں سکدا ۔“(یوحنا ۳ : ۳ ۔ ۵)۔ یسوع ایس جگ وچ آیا تے یوحنا کولوں اپنے بپتسمہ نال جگ دے سارے پاپاں نوں چُکیا۔
مینوں ایس بارے وچ فیروی شک ہیگا سی تے اینوں ثابت کرن لئی پُرانے تے نویں عہد نامے وچوں ویکھیاسی ۔ نتیجہ ایہہ نکلیا سی پئی مینوں پتہ لگیا ایہہ بِناشک سچ ہیگا اے ۔جگ دے سارے پاپ یسوع اُتے لد دِتے گئے سَن جدوں اوہنے بپتسمہ لیا تے میرے سارے پاپا وی  اوسے ویلے اوہدے اُتے لد دتے گئے سَن ۔ میَں ایس کلام اُتے  اپنے ایمان لیاؤن نال پاک بن گیا ۔ مینوں پتہ لگیا پئی ایہہ سچا کلام ہیگا سی ،جویں ایہہ پاک کلام  وچ لکھیا ہویا اے تے ایہہ جگ وچ بوہت سوہنی خوشخبری ہیگی اے ۔
ایس توں علاوہ ، مینوں پتہ لگیا پئی کیوں میرے پاپ صرف یسوع دے لہو اُتے میرے ایمان نال مکائے نئیں گئے سَن ۔ اوہدا سبب ایہہ ہیگا سی پئی میَں اپنے ہر دیہاڑے دے پاپاں نوں یسوع اُتے لد نہ سکیا ، جدوں میَں یردن دے دریااُتے اوہدے بپتسمے دے سچ نوں نئیں جان دا ساں ۔ میَں سکھیا پئی یسوع میرے لئی ایس جگ وچ آیا تے اوہنے اپنے بپتسمے نال جگ دے سارے پاپاں نوں چُک لیا تے بعد وچ سانوں جگ دے سارے پاپاں توں بچاؤن لئی سولی اُتے مر گیا ۔ میَں ایس سچ نوں وی سکھیا تے ایمان رکھیا پئی یسوع دے بپتسمہ تے اوہدے صلیبی لہو دا مقصد جگ دے سارے پاپاں نوں چُکنا سی ۔ ہُن میَں راستباز  ہیگا واں سوہنی خوشخبری اُتے میرے ایمان دا شکر ہووے جیہڑی یسوع نے سانوں دتی ،تے ایس لئی ساڈے سارے پاپ معاف ہوگئے سَن ۔
ایہہ کلیسیا دی خُدائی  تعلیم نئیں ہیگی سی جنہے میرے پاپاں نوں مکایا سی ، ایہہ یسوع دا بپتسمہ تے اوہدا صلیبی خون ہیگا سی جنہے اِنج کیتا سی ۔ ایہہ سچ سوہنی خوشخبروچ ہیگا سی ۔ میَں اپنے سارے پاپاں توں مکتی پائی تے راستباز بن گیا صرف یسوع دے لہو اُتے میرے ایمان رکھن نال نئیں ہیگا سی ،سگوں میرے ایمان نال پئی یسوع دابپتسمہ تے اوہدا صلیبی لہو میری مکتی ہیگے نیں ۔
اک ہو رشے جیہدا مینوں شکریہ اداکرن دی لوڑ ہیگی اے ،ایہہ ہے  پئی خدادا پاک رُوح سوہنی خوشخبری اُتے میرے ایمان رکھن نوں  شروع کرن دے بعد میرے اُتے اُتریا ۔ ہن پاک رُوح یوحنادے راہیں یسوع دےبپتسمے تے اوہدے صلیبی لہو دے کلام دے نال نال میرے اندر رہندا اے ۔
میَں خُدا وند دا شکر ادا کردا ہاں جنہے مینوں ایہہ سوہنی خوشخبری دتی تے جنہے مینوں یسوع دے اوہناں رسولاں وانگر اوہو ای عقیدیاں دی منادی کرن دی اجازت دتی ۔ خُدا نے مینوں پاک رُوح دی نعمت دتی ، بھانویں اِکو کم جیہڑا میَں  کیتا ،سوہنی خوشخبری اُتے ایمان رکھیا سی ۔ ہُن میَں ایہہ پیغام جگ دے سارے لوکاں تیک بڑی عزت تے پکے یقین نال دے سکدا ہاں ۔ بوہت پک نال میَں اوہناں نوں دَس سکدا ہاں پئی صرف یسوع دے لہو اُتے ایمان رکھنا اوہناں دے سارے پاپاں نوں نئیں مکائے گا !
پر میَں اوہناں نوں دس سکدا ہاں پئی اوہناں دے سارے پاپ لازمی طور اُتے دھوئے جان گے ، صرف جے اوہ سوہنی خوشخبری اُتے ایمان رکھدے نیں ،جیہڑی یوحنا ولوں یسوع دےبپتسمہ تے  اوہدے صلیبی لہو بارے دَسدی اے ۔ ایتھوں تیک پئی میَنوں خُدا دے اَگے  ماسہ شرم نئیں آؤندی ،جدو ں میَں ایس سوہنی خوشخبری دی منادی کردا ہاں ۔ ہُن میَں عزت نال پانی تے رُوح نال ،نویں سریوں جمن دی ایس سوہنی خوشخبری دی جگ دے سارے لوکاں تیک منادی کر سکدا ہاں ۔ میَں خُداوند دا شکر ادا کردا ہاں ۔میَں خُداوند دا شکر ادا کردا ہاں جنہے مینوں پانی تے رُوح دی خوشخبری دین نال پاک رُوح دے حیاتی دے پانی نوں پین دی اجازت دِتی ۔
 
 
ڈاکٹری معائنے دسدے نیں پئی سچی  خوشخبری  پانی تے رُوح دی خوشخبری ہیگی اے
 
کیہ تسیں سچ مُچ اپنے پاپاں دی معافی تے  پاک رُوح دی بھرپوری پا لئی اے ؟ تسیں کیویں دس سکدے او تہاڈی خوشخبری سچ مُچ سچی ہیگی اے ؟ اک واری میَں لوکاں دے ٹیسٹ کیتے ،جیہڑے یسوع ولوں سانوں ملی سوہنی خوشخبری اُتے ایمان رکھن والے ہیگے سَن ۔ اک بندے اَگے میَں صرف یسوع مسیح دے صلیبی لہو دے پیغام دی منادی کیتی ۔ میَں اوہنوں ایہہ وی دسیا پئی یسوع مسیح وچ کوئی پاپ نئیں ہونا چاہی دا سی ۔اک دوجے بندے اَگے یوحنا ولوں یسوع دے بپتسمے تے اوہدے صلیبی لہو دی سوہنی خوشخبری دی منادی کیتی ۔ جیہدا ایہہ نتیجہ نکلیا پئی اوہ جنہے صرف یسوع دے لہو اُتے ایمان رکھن نال اپنے پاپاں دی معافی پائی ،اوہنے آکھیا پئی اوہنوں اپنے ہر دیہاڑے دے پاپاں دی لگاتار معافی چاہی دی سی ۔ پردوجی گل ، اوس بندے نیں جنہے یسوع دے بپتسمےتے لہو دی سوہنی خوشخبری اُتے ایمان رکھیا سی ، آکھیا پئی ہن اوہ اک کامل بے پاپ بندہ بن گیا سی۔
اوہنے آکھیا اوہ اپنے دل وچ کوئی پاپ نئیں رکھدا سی ،ایس لئی پئی اوہنے سچیائی اُتے ایمان رکھیا سی پئی یسوع نے اوہدے سارے پاپاں نوں چُک لیا تے اوہناں لئی دُکھڑے جرے ۔ اوہ خُدا ولوں پاک رُوح پاؤن دے لائق ہیگا سی ، ایس لئی پئی سوہنی خوشخبری اُتے ایمان رکھدا سی ، جیہڑی آکھدی اے پئی یوحنا ولوں یسوع دے بپتسمےنے جگ دے سارے پاپاں نوں دھو دتا سی ۔
جیہڑی وجہ توں ایس بندے نے آکھیا پئی اوہ اگانہہ توں اپنے دل وچ پاپ نئیں رکھدا سی ،اوہ ایہہ ہیگی سی پئی اوہ سوہنی خوشخبری اُتے اپنے عقیدے نال اپنے دل وچ  پاک رُوح پا چُکیا سی ۔ پاک رُوح نے اوہنوں اِنج آکھن لئی کامل یقین دتا پئی اوہ اپنے دل وچ کوئی پاپ نئیں رکھداسی ۔خُدا اوہناں ساریاں نوں پاک رُوح دی بھرپوری دیندااے جیہڑے یوحنا ولوں یسوع دے بپتسمے تے اوہدے صلیبی لہو اُتے ایمان رکھدے نیں ۔ کیہڑیاں لوکاںوچ پاک رُوح رہندااے ؟ پاک رُوح دا انعام  اوہناں نوں ملدااے جیہڑے یوحنا ولوں یسوع دے بپتسمےتے اوہدے صلیبی لہودی  سوہنی خوشخبری اُتے ایمان رکھدے نیں۔
صرف عیدِ پنتی دے دیہاڑے رب دی ودھیا قدرت دے کماں نوں ویکھنا بوہتیاں لوکاں لئی پاک رُوح پاؤن دے بارے وچ سچیائی نوں غلط سمجھ لین دا سبب بن گیا اے اوہ سوہنی خوشخبری نوں اک پاسے رکھدے نیں ۔ لوک سوچدے نیں پئی جے اوہ زبردستی دعا منگدے تے پاک رُوح نوں لبھدے نیں ،اوہ پاک رُوح دی بھرپوری پاؤن دے لائق ہون دے ۔ بڑے لمے چِر توں ، کُل جگ دے مسیحیاں وچ بھورا سچیائی نئیں ہیگی سی،پئی کسے نے آکھیا ہووے پئی کوئی بندہ صرف یسوع دے بپتسمےتے لہو دی سوہنی خوشخبری اُتے ایمان رکھن نال پاک رُوح پاسکدا سی ۔ فیر ، ہُن خُدا دے بوہتے خادم ،جیہڑے پانی تے رُوح دی خوشخبری اُتے  اپنے ایمان نال پاک رُوح دی بھرپوری پا چُکے نیں، پاک رُوح دی مدد نال خوشخبری دی منادی کر چُکے نیں ۔ نتیجے طور اُتے ، سارے جگ وچ بوہتے لوکاں نے ایس سوہنی خوشخبری نوں قبول کرن تے پاک رُوح دی بھرپوری پاؤن نوں سکھیا اے ۔
خُدا لوکاں نوں جیہڑے ایس سوہنی خوشخبری اُتے ایمان رکھدے نیں پاک رُوح دی بھرپوری دا تجربہ کرن دی اجازت دیندااے ۔پاک کتاب وچ ، اِنج آکھدااے ، ” خُدا فرماؤندااے پئی اخیری دناں وچ اِنج ہووے گا پئی میَں اپنے رُوح وچوں ہر بندے اُتے اُتاراں گا ۔نالے تہاڈے پُتر تے تہاڈیاں دھیئاں نبُوّت کرن گئیاں تے تہاڈے گھبرُو رویا تے تہاڈے بُڈھے سُفنے ویکھن گے ۔ “ (اعمال ۲:۱۷)۔فیر ، ہر بندے نوں جانن دی لوڑ ہیگی اے پئی سوہنی خوشخبری نوں جانیوں اَڈ پاک رُوح دی بھرپوری پاؤنا اک غلطی وانگر اے ۔ یوحنا ولوں یسوع دے بپتسمے تے اوہدے صلیبی لہو اُتے ایمان رکھن توں اَڈ پاک رُوح دی بھرپوری پاؤن دا کوئی ہورطریقہ  نئیں ہیگا اے ۔
کیوں جے خُدا آکھدااے پئی کوئی بندہ خُدا دی بادشاہی وچ جا نئیں سکدا ،پرصرف  اوہ جیہڑا پانی تے رُوح نال نویں سریوں جمیا ایں تے صرف نویں سریوں جمن والا پاک رُوح دا انعام پاؤندا اے ،ایس وچ کوئی شک نئیں ہیگااے ،مطلب اے ہر کسے نوں اَسمان دے بادشاہی وچ جان لئی پاک رُوح دی بھرپوری دی لوڑ ہیگی اے ۔ تسیں کویں پانی تے رُوح دی خوشخبری اُتے ایمان رکھیوں اَڈ پاک رُوح پاؤن یاں بہشت وچ جان بارے سوچ سکدے او ؟ سوہنی خوشخبری اُتے ایمان رکھن توں اَڈ بہشت وچ جان دا کوئی دوجا رستہ نئیں ہیگا اے ۔ تسیں صرف یسوع دے بپتسمے تے اوہدے لہو دی خوشخبری اُتے ایمان رکھن نال پاک رُوح پا سکدے او ۔ بالکل جویں اسیں پیسے دیندے آں ،جدوں اسیں شیواں خریددے آں،اسیں پاک رُوح دی بھرپوری پاؤندے آں جدوں اسیں سوہنی خوشخبری اُتے ایمان رکھدے آں ۔
میَں تہانوں دسنا چاؤہندا ہاں پئی جے تسیں سچ مُچ پاک رُوح دی بھرپوری پاؤنا چاؤہندے او، تہانوں لازمی طور اُتے پہلے ای جاننا چاہی دااے ،تے  پانی تے رُوح دی خوشخبری اُتے ایمان رکھناچاہی دااے۔ فیر تسیں پاک رُوح پاؤن دا تجربہ کروگے ۔تسیں صرف پانی تے رُوح دی خوشخبری اُتے ایمان رکھن نال پاک رُوح دی بھرپوری پا سکدے او ۔خُدا تہانوں پاک رُوح دی بھرپوری دینا چاؤہندااے ۔
میَں سوہنی خوشخبری  اُتے ایمان رکھداہاں تے جویں جویں ویلا لنگھدا جاندااے ،میَں ایتھوں تیک پئی بوہت پک نال محسوس کرداہاں پئی ایہہ سوہنی خوشخبری جیہڑی خُدا نے مینوں دتی سارے جگ توں بوہتی سوہنی تے بڑی خاص شے ہیگی اے ۔ میَں خُدا دی شکر گزاری محسوس کردا ہاں ۔کیہ تسیں وی اِنج ای محسوس کردے او ؟ سانوں احساس ہیگا اے پئی ساڈے وچوں جیہڑے پاک رُوح پا چکےنیں،خُدا ولوں وڈی برکت پا چُکے نیں ۔
میَں تہانوں کلام دیندا ہاں پئی کویں تسیں سوہنی خوشخبری اُتے ایمان رکھ کے پاک رُوح دی بھرپوری پا سکدے او۔لوک اپنے آپ نوں پاک رُوح دی بھرپوری پاؤن لئی صرف پانی تے رُوح نال نویں سریوں جمن دی ایس برکت بھری سوہنی خوشخبری اُتے ایمان لیا کے لائق بنا سکدے نیں ۔
یوحنا۷ : ۳۸ وچ یسوع آکھدااے ،  ”  جیہڑے میرے اُتے ایمان لیائے گا اوہدے اندروں جویں پئی پاک کتاب وچ لکھیا اے حیاتی دے پانی دیاں ندیاں وگن گئیاں ۔ “ ایہدا مطلب ہیگااے پئی اوہ لوک جیہڑے  سوہنی خوشخبری اُتے ایمان لیا کے اپنے پاپاں دی معافی پاؤندے نیں جیہڑی یسوع مسیح نے اوہناں نوں دتی پاک رُوح دی بھرپوری پاؤندے نیں ۔پاک رُوح دا حیاتی دا پانی اوہناں دے اندروں اک ندی وانگر وگے گا ۔اوہ لوک جیہڑے سوہنی خوشخبری اُتےایمان رکھدے  نیں اوہ رُوحانی جیوندے پانی دی ندیاں دے وگن دا تجربہ کرن گے ۔
بھانویں میَں پانی تے رُوح دی خوشخبری دے راہیں نویں سریوں جمن توں پہلاں یسو ع اُتے اک جوش بھریا ایمان رکھن والا بندہ ساں ،میرے اندروں وگن والا پاک رُوح دا حیاتی دا پانی نئیں ہیگا سی ۔فیر ،میراپانی تے رُوح دی سوہنی خوشخبری اُتے ایمان دا حیاتی دا پانی بڑی آزادی نال میرے اندروں وگن لگ پیا ،بالکل جویں ایہہ پاک کتاب وچ لکھیا ہویا اے ۔ تے اوسے ویلے ، پاک رُوح دا حیاتی دا پانی،پانی تے رُوح دی خوشخبری دے نال نال وگدااے ،جیہڑی خُدا نے مینوں دتی سی ۔پاک رُوح دا حیاتی دا پانی پورے ورہے میرے اندروں بوہتا سارا وگدااے ۔ میَں پاک رُوح دی بھرپوری پاؤن دے بعد اک مناد وانگر کم کرنا ،مطلب اے ، سوہنی خوشخبری دی منادی کرنی شروع  کیتی ۔
 
 
سوہنی خوشخبری اُتے ایمان رکھن تے پاک رُوح دی بھرپوری  پاؤن دے بعد میرے ایمان دا اقرار
 
ایہہ میرے پہلے (۲۰)ویویں ورہے وچ اُجاڑ دے مکن توں صرف پہلوں دی گل سی ،مطلب اے ،اُجاڑ خاص کر مینوں میری ماردین والی موت بارے سوچن دا سبب بن دا سی ۔ اوس ورہے میری جندڑی میرے دل دے پاپاں دے سبب پریشانی ، سکھنا پن تے ہنیرے دی نشانی بنی ہوئی سی ۔ میَں پُٹھے پاسے جانداپیاساں ،بِناں سوچے سمجھے کیہڑے پاسے مُڑنا سی ۔میرا بدن بیمار ہونداپیا سی ،تے میرے دل  اندرسکھنا پن ودھداپیا سی ۔
میَں اپنے پاپاں دے سبب ، بڑا پریشان ہیگا ساں ،تے مینوں وجہ بارے کوئی پتہ نئیں سی ۔ مینوں ہور کوئی راہ نئیں دِسداسی سگوں میَں اپنی جندڑی دے اچانک مکن اُتے ، خُدا دی سزا نوں اڈیکیا تے اپنے پاپاں دی معافی دی بھیک منگی ، ” یا خُداوندا ،میَں مرن توں پہلاں تیرے اُتے ایمان رکھ کے اپنے پاپاں توں معافی پاؤنا چاؤہنداہاں ۔مہربانی کر کے میرے بدن دی بیماری نوں وی چنگیاں کردے ! “ میَں دعاتے دعا منگی ۔
صرف فیر  ،میرے پریشان دل دی ڈونگھیائی وچوں نویں آس سر چُکن لگ پئی ۔میرا دل خُدا دی آس نال بھرگیا ،تے اَگ دے بھانبڑ وانگر بھک پیا ۔ ایہہ پریشانی نئیں ہیگی سی ،ایہہ نویں آس ہیگی سی جیہڑی میرے دل وچ اَگ دے بھمبھوکے وانگر بلدی پئی سی ۔اوس دیہاڑے توں میَں ایمان رکھدیاں ہویاں پئی یسوع مینوں میرےپاپاں توں بچاؤن لئی سولی اُتے  مرگیا ،اک نویں دینی حیاتی شروع کیتی ۔
ایہدے تھوڑے چِر پچھوں ای ، میَں اوپریاں بولیاں بولن دا تجربہ پایا۔ ایہدے بعدوں میَں روندا رہیا ،جویں ای میَں یسوع دے لہو بارے سوچیا جیہڑاسولی اُتے وگیا سی ۔میَں شکر گزار ساں پئی اوہنے میرے لئی سولی اُتے اپنا لہو روڑھیا سی ۔ 
اوس حادثے بعد میَں اپنی پرانی جندڑی چھڈی دتی تے نویں نوکری کر لئی جنہے مینوں اتوار نوں پاک منن دی اجازت دتی ۔ اوس ویلے میرا دل یسوع دی محبت نال بھریا ہویا سی تے نہ مکن والی شکرگزاری نال وگیا جدوں کدی میَں محسوس کیتا پئی یسوع نےمینوں میرے پاپاں توں بچاؤن لئی سولی اُتے اپنا لہو روڑھیا سی ۔میری دینی رُوح نے ودھنا شروع کیتا ، پر ایہہ صرف یسوع دے صلیبی لہو دے کلام نال سی ۔
فیر ، جویں جویں ویلالنگھداگیا ،میری دینی جندڑی میرے گھاٹیاں تے ہر دیہاڑے دے پاپاں دےسبب دُکھ اُٹھان دے راہیں ماڑی ہون لگ پئی ۔میرے سارے ہر دیہاڑے دے پاپ سارے دے سارے دھوتے نئیں گئے سَن ،ایس لئی پئی میرا ایمان صرف یسوع دے صلیبی لہو اُتے سی ۔ میَں توبہ دیاں دعاواں نال اپنے ہر دیہاڑے دے پاپاں نوں دھون دی ہمت کیتی ۔ فیر وی ، دعاواں جیہڑیاں میَں خُدا توں معافی پاؤن دی آس نال کیتیاں ، کامل طور اُتے میرے ہر دیہاڑے دے پاپاں  نوں دھو نہ سکیاں ۔ایہہ سب کُجھ ایس لئی سی پئی میَں خُدا دی شریعت اُتے قائم نہ رہ سکیا ساں ۔ میرے ہر دیہاڑے دے پاپ اکٹھے ہون لگ پئے ۔
بھانویں میرے پاپ میری توبہ دیاں دعاواں نال سارے دے سارے دھوتے نئیں گئے سَن، میرے کول کوئی دوجا رستہ نئیں ہیگا سی سگوں اوہ دعاواں کردارہیا ۔ میَں ایمان  رکھیا پئی ہر ویلے جدوں میَں پاپ کیتا ،میَں اپنے پاپاں نوں توبہ دیاں دُعاواں نال تے سولی اُتے یسوع دے لہو بارے سوچن نال دھو سکداساں ۔جناں بوہتا میَں اپنی دینی جندڑی نوں جاری رکھیا ، اونے بوہتے میرے ہر دیہاڑے دے پاپ میرے ماڑے ہون دے سبب اکٹھے ہوندے پئے  سَن ،میرا دُکھ صرف اوہناں پاپاں دے سبب ودھداپیا سی ۔
میَں اک فریسی مسیحی بن دا پیاساں ،تے مینوں اک ڈیکن تےبعد وچ میرے پاپاں دے بھار دے ہوندیاں ہویاں اک مناد بنایا گیا ۔میَں خوشخبری دی منادی کرن لئی گیا ،جدوں کدی میَں اپنے ہر دیہاڑے دے پاپاں دے دُکھ نوں جانیاں ،ایہہ سوچدیاں ہویاں پئی میری جندڑی صاف کرن دا صرف ایہو اکلّا رستہ ہیگا سی ۔ پر میرے ہر دیہاڑے دے پاپ ایس طرحاں دے ایمان نال بنی  خُدائی تعلیم تے کسے قربانی نال نئیں دھوتے جا ندے سَن ۔
میَں بھاویں شیطان ولوں پھس جان دا تجربہ کیتا تے میَں اپنے  ہر دیہاڑے دے پاپاں دے سبب ڈانٹ پھٹکار وچ ڈگ پیا تے بھاویں میَں اپنیاں قصوراں بدلے مرن نوں محسوس کیتا ،  ” تُوں پاپ کیتے نیں ، کیہ تُوں نئیں کیتے ؟ “ شیطان مینوں میرے پاپاں دے سبب ڈانٹ پھٹکار کردا  رہیا  تے مینوں  دُکھ
دیندا رہیا ۔
میراایمان مکن دے نیڑے ہیگاسی ۔مینوں اِنج لگیا پئی میَں یسوع دے لہو اُتے ایمان تے صرف توبہ دیاں دعاواں نال میرے ہر دیہاڑے دے پاپ نئیں دُھل سکدے سَن ، تے اخیریں میں پریشان ہویا ۔
ایک خُدا ئی تعلیم دے سکول وچ،کیلون پن پڑھن دے بعد، میَں یوحنا ولوں یسوع دے بپتسمےدے سبب وچ دل لاؤن لگ پیا ۔ میَں بڑے پروفیسراں نوں پُچھیا پئی یسوع مسیح نے یردن وچ یوحنا کولوں کیوں بپتسمہ لیا سی ؟ پر اوہناں دے جواب کتاباں دی  چھپائی وانگر ہوندے سَن ،مثال طور اُتے پئی اوہنے اپنے آپ نوں بڑا پاک صاف وکھاؤن لئی بپتسمہ لیا سی یاں منادی کر لئی پئی اوہ خُدا دا پُتر ہیگا سی ۔ فیر وی ،ایہناں جواباں نال میری پریشانی نہ مکی سی ۔
 
 
یوحنا ولوں یسوع دے بپتسمےدا سچ میرے لئی سوہنی خوشخبری  نوں پچھانن دا سبب بنیا سی
 
خُدا ئی تعلیم دے سکول وچ ،میرے اوتھے پڑھن دے بعد وی ، میرے پاپ حالے تیک دُھلے نئیں تے میَں اوہناں دے بھار تھلے پہلاں توں بوہتے دُکھ جرے ۔ فیر اک دیہاڑے مینوں سمجھ آئی پئی کاہدے لئی یسوع نے بپتسمہ لیا سی تے کاہدے لئی اوہنے آکھیا ساری راستبازی اِنج کیتیاں پوری ہووےگی ۔ ایہہ سوہنی خوشخبری ہیگی سی ،جنہے آکھیا پئی میرے سارے پاپ یسوع اُتے یردن دے دریا اُتے اوہدے بپتسمے نال لد دتے گئے سَن ۔خُدا نے مینوں اپنے لکھے ہوئے کلام نال ایس سچ نوں پچھانن وچ مدد دتی ۔
خُدا دا کلام پڑھن تے ہر ویلے پڑھن دے بعد ، جیہدے وچ  سوہنی خوشخبری لکھی ہوئی اے ۔ میَں اخیریں سچ نوں جانیاپئی میرے سارے پاپ ،یوحنا ولوں ، اوہدے بپتسمے نال یسوع اُتے لدے گئے سَن تے مطلب اے او ہنے سولی اُتے اوہناں دے دُکھڑے جرےسی ۔
ایہہ اوہ ویلا سی جدوں مینوں پتہ لگیا پئی پاک رُوح دی بھرپوری سچ مُچ میرے اُتے اُتری سی ۔ میرے دل وچ سارے پاپ ایس سوہنی خوشخبری نوں سمجھن تے ایمان رکھن دے بعد سارے دے سارے معاف ہو گئے سَن۔اوہ پاپ جنہاں نے مینوں بے دلی تے پریشانی وچ سُٹیا سوہنی خوشخبری دی قدرت نال سارے دے سارے دھوتے گئے سَن ۔ اوہ پاپ جیہڑے کدی میری نہ مکن والیاں قربانیاں تے توبہ دیاں دعاواں دے نال وی نئیں مکے سَن ،سارے دے سارے اوسے ویلے مک گئے ۔ میَں سچے دل نال خُدا دا شکر ادا کردا ہاں ۔
 میَں سچ بولدا ہاں جدوں میَں آکھدا ہاں پئی جگ دے سارے پاپ  صرف یسوع دے صلیبی لہو نال دھوئے نئیں جا سکدے سَن ۔یوحنا ولوں  یسوع دے بپتسمے نے وی پاپ دی معافی لئی اَگوائی کیتی سی ۔ ہُن ہر کسے نوں سمجھنا تے ایمان لیاؤنا چاہی دا اے پئی اوہدے سارے پاپ دھوتے گئے سَن۔پانی تے رُوح دی سوہنی خوشخبری داشکر ہووے ۔ میَں اپنے دل دی ڈونگھیائی نال پاک رُوح دی بھرپوری رکھدا ہاں ،ایس لئی پئی میَں پانی تے رُوح دی سوہنی خوشخبری اُتے تے خُدا دے کلام دی گواہی اُتے ایمان رکھداہاں  ،جیہدے وچ اوہنے اپنے پُتر دی گواہی دتی اے ،ایہہ میرے دل وچوں سارے پاپاں نوں کڈھن لئی بوہتے ہیگے سَن ۔ میَں سوہنی خوشخبری اُتے ایمان رکھ کے پاک رُوح نوں اک کبوتر دی شکل وچ پایا اے ۔
اوس دیہاڑے دے بعد، پاک رُوح نے مینوں میرا رُوحانی کم کرن دے لائق بنا کے ،میرے دل وچ ،دوجے اَکھراں وچ ، سوہنی خوشخبری دی منادی کرن لئی کم کیتا ۔ ہُن میرے دل وچ کوئی پاپ نئیں ہیگااے ۔یوحنا ولوں یسوع دے بپتسمےتے اوہدے صلیبی لہو نے  میرے پاپاں دی معافی لئی گواہی دتی سی تے مینوں پاک رُوح دی بھرپوری پاؤن وچ اَگوائی کیتی سی ۔ ہیلیلویاہ ! میَں خُداوند دی وڈیائی کرداہاں۔پاک رُوح چپ کر کے میرے اُتے اک کبوتر دی شکل وچ اُتریا تے میرے اندر اوس دیہاڑے توں رہن لگ پیا ،جدوں توں میَں پانی تے رُوح دی خوشخبری اُتے  ایمان رکھن لئی آیا ۔ اوہنے میرے دل وچ کئی واری اک کبوتر وانگر ، دوجے ویلیاں اک بلدی ہوئی بھٹی وانگر کم کرنا شروع کیتاسی ۔
ہُن تسیں وی پاک رُوح دی بھرپوری پا سکدے او،جے تسیں پانی تے رُوح دی سوہنی خوشخبری نوں من دے تے ایمان رکھدے او۔ کیہ تسیں میرے نال رل کے پانی تے رُوح دی سوہنی خوشخبری اُتے ایمان رکھ کے پاک رُوح پاؤنا تے خُداوند دی وڈیائی کرنا نئیں چاوہندے او؟ کیہ تسیں میرے نال سارے جگ تیک پانی تے رُوح دی سوہنی خوشخبری دی منادی کرن دا کم کرنا نئیں چاؤہندے ؟ پانی تے رُوح دی سوہنی خوشخبری تہانوں پاک کرے گی تے تہانوں پاک رُوح دی بھرپوری دیوے گی ۔خُدا دی راستبازی ایمان دے لئی ،ایمان نال خوشخبری وچ وکھالی دیندی اے ۔ایہو ای سبب ہیگااے پاک رُوح دی بھرپوری صرف پانی تے رُوح دی سوہنی خوشخبری اُتے ایمان لیاؤن نال مِلدی اے۔
 
 
پاک رُوح نے میرے لئی حیران کرن والے کم کیتے نیں
 
میرے پاک رُوح دی بھرپوری پاؤن دے بعد ، میَں سوہنی خوشخبری دی منادی کرن دے سلسلے وچ  اک نویں گرجے وچ کم کرنا شروع کردتا ۔پاک رُوح نے مینوں سوہنی خوشخبری دی منادی کرن دے لائق بنایا ۔
ایہہ او س ویلے دی گل ہیگی اے ،جدوں ہیٹھاں درج کیتا گیا حادثہ ہویا سی ۔شہر وچ جتھے میَں رہندا ساں ،اک درزی ہونداسی جیہڑ ا باہر دے ملکاں دے گاہکاں نال کم کار کرداسی ۔ ایہہ بندہ اک ڈیکن ہیگا سی ۔اوہ اک واری کسے کم کار دے سلسلے وچ اک علاقے دے ہوٹل وچ رہ پیا تے اوہنے اوتھے ساڈا اشتہار ویکھیا ،دعوت نامے دا اوہدے اُتے اثر ہویا ،تےاوہنے مینوں ملن دی ہمت کیتی ۔ اوہ  مینوں ملیا تے آکھیا ،اوہ بڑے چِراں توں پاپ وچ رہندا سی ۔  پانی تے رُوح دی  خوشخبری اُتے۵ گھنٹیاں دی گل بات دے بعداوہنے اخیریں پاپاں دی معافی دے سچ نوں پچھان لیا ۔اوہ نویں سریوں جمیا تے اوسے ویلے پاک رُوح دی بھرپوری وی پائی ۔
اک دوجی کہانی ایں جیہڑی ہوئی ،جدوں میَں گرجےلئی تھاں لبھن گیا ۔میَں اک ودھیا تے بوہتے مُل دی عمارت ویکھی ۔پر اوس ویلے میرے کول اینوں اپنے گرجے دے عمارت وانگر کرائے تے لین لئی پیسے بوہت تھوڑے ہیگے سَن۔میرے اندازے مطابق بوہت گھٹ رقم دے سبب اوس عمارت نوں کرائے اُتے لینا اوکھا سی ۔ فیر وی ، پاک رُوح نے مینوں آکھیا ، ”  تگڑا ہو تے پکا یقین رکھ ۔“ بڑی حیرانی ایں ، میَں اوس گرجے دے عمارت لین تے اوہدا کم کرن  دے لائق ہویا ، پاک رُوح دی مدد دا شکر ہووے ۔ پاک رُوح نے مینوں او س ویلے توں پانی تے رُوح دی سوہنی خوشخبری دی منادی کرن دے لائق بنایا ۔ میرے دل وچ رہن والا پاک رُوح ،ایتھوں تیک پئی ایس ویلے وی ،سارے لوکاں لئی سوہنی خوشخبری دی منادی کرنے لئی مینوں تیار کردیاں ہویاں ،میرے نال ہیگااے ۔ تےمیَں ویکھدا ہاں ،اوہ جیہڑے ایس سوہنی خوشخبری نوں سُن دے تے ایمان رکھدے نیں ، پاک رُوح  دی بھرپوری پاؤندے نیں ۔
میَں پاک رُوح  دا شکراداکرداہاں جنہے مینوں ایس سوہنی خوشخبری  دی منادی کرن دا فن دتا ۔ میَں جان دا ہاں ایتھوں تیک پئی میری حیاتی سارے کماں دے بارے لکھن لئی گھٹ ہووے گی جیہڑے پاک رُوح نے میرے لئی کیتے  نیں ۔ پاک رُوح میرے اندروں آزادی نال وگدے ہوئے  حیاتی دے پانی
نوں رہن دیندااے ،میَں اوہدا شکر ادا کرداہاں جیہڑامیرے اندر رہندااے ۔
 
 
پاک رُوح نے کلیسیا بنا ئی جیہڑا اوہدے نال پانی تے رُوح  دی خوشخبری راہیں چلدا اے
 
اک واری میَں جنگل وچ سوہنی خوشخبری دی منادی کرن لئی گیا ۔ اوس ویلے ،خُدا نے میری اک نکی جیہی وستی تیک اَگوائی کیتی تے میَں لوکاں دے اک نکے جیہے ٹولے نال ملیا جیہڑے خُدا نوں لبھدے پئے سَن ۔خُدا نے اوہناں نوں سوہنی خوشخبری دی منادی کرن وچ میری اَگوائی کیتی ،جیہڑی اوہناں لئی پاک رُوح دی بھرپوری پاؤن دا سبب بنی ۔ اوہناں نیں سوہنی خوشخبری نوں سُنن تے ایمان لیاؤن نال پاک رُوح وی پایا ۔ رُوح پاک نے اوہناں دی میرے نال تعاون کرن والے بندے بنن وچ اَگوائی کیتی ۔تے اوس دے بعدوں میَں اوہناں نال رَل کے سارے جگ تیک ایس سوہنی خوشخبری دی منادی کرن لئی آیا ۔
اوس ویلے اوہ بندیاں دا، کسے دینی فِرقے نال میل جول نہ رکھن والا ،اک نکا جیہا صرف ٹولا سی ۔ اوہ خُدا دے کلام وچ رہندیاں ہویاں حیاتیاں بسر کرنا چاؤہندے سَن ،پر پاپ دے نوکر ہون دے سبب ، اپنے پاپاں دی معافی لئی ،خُدا دے اَگے بے دلی نال روندے ہوندے سَن ۔ پاک رُوح نے میری لوکاں دے ایس ٹولے تیک اَگوائی کیتی تے مینوں ایس سوہنی خوشخبری دی منادی کرن لئی تیار کیتا ۔ مینوں دِسداسی پئی پاک رُوح نےدونواں، اوہناں نوں تے مینوں اک دوجے نال ملن لئی تیار کیتا سی ۔ خُدا نے میری ،قربانی دے طریقے نال شروع کردے ہویاں پانی تے رُوح دی سوہنی خوشخبری دی منادی کرن وچ اَگوائی کیتی ،جویں ایہہ احبار دی کتاب وچ لکھی ہوئی اے ،تے لوکاں نے سوہنی خوشخبری دے کلام نال پاک  رُوح پایا اے ۔
خُدا نے سوہنی خوشخبری اُتے ایمان رکھن والے اوہناں لوکاں نال رَل کے پاک رُوح دی کلیسیا بنائی ۔ پاک رُوح نے اوہناں نوں سوہنی خوشخبری نال یسوع دے چیلے بنایا ۔ ہُن بوہتیاں بوہتیاں بھیڈاں پاک رُوح پاؤن لئی تے کلیسیا وچ آؤن لگ پیاں نیں ۔
پاک رُوح نے میری اک مشن اسکول شروع کرن تے چیلیاں نوں ودھاؤن وچ اَگوائی کیتی ۔ اوہنے میری  لوکاں نوں خُدا دا کلام سکھان وچ مدد کیتی تے ایمان نال اوہناں نوں فرمانبرداری سِکھن تے خُدا دے کامیاں وانگر خدمت کرن وچ مدد کیتی ۔ اوہنے سوہنی خوشخبری دے کماں نوں جتھے وی اوہ گئے ، اوہناں کیتے تے خُدا نے اوہناں دے راہیں اپنی کلیسیاواں بنائیاں ۔ پاک رُوح اپنے خادماں دی پانی تے رُوح دی سوہنی خوشخبری دی منادی کرن وچ اَگوائی کردا پیا سی ۔ پاک رُوح نے راستبازاں دی ،جنہاں نے پاپاں توں معافی پائی ،ایس جگ وچ کلیسیا نال رَل مل جان تے اک راستباز حیاتی گزارن لئی ، برکت پاؤن لئی اَگوائی کیتی ۔
شیطان مُڈھلے دناں توں لوکاں نوں دھوکہ دینداپیا اے تے اوہ اِنج ای کردارہوےگا ۔ شیطان لوکاں نوں دَسدااے پئی اوہ توبہ دیاں دعاواں ، روزیاں یاں ہتھ رکھے جان نال  پاک رُوح  پا سکدے نیں ۔ ایہہ بالکل جھوٹ ہیگا اے ۔ لوک توبہ دیاں دعاواں یاں ہتھ رکھے جان نال پاک رُوح نئیں پا سکدے  ۔ اوہ پاک رُوح پا سکدے نیں ،صرف جدوں اوہ پانی تے رُوح دی خوشخبری اُتے ایمان رکھن نال اپنے پاپاں توں معافی پاؤندے نیں ،جیہڑی خُدا نے سانوں دِتی اے ۔ ایہہ پاک رُوح دی بھرپوری دا سچا مطلب ہیگااے ۔ پاک رُوح لگاتار یسوع مسیح دے چیلیاں دی پانی تے رُوح دی سوہنی خوشخبری دی منادی کرن مطلب اے لوکاں دی پاک رُوح دی بھرپوری پاؤن وچ مدد دین لئی اَگوائی کرچُکیا اے ۔
 
 
پاک رُوح ساڈی پوری دنیاوچ کتاباں لکھن  دی خدمت وچ اَگوائی کر چُکیااے
 
بالکل جویں پولُس رسول نے اپنے  خطاں وچ سوہنی خوشخبری بارے لکھیا سی  ۔ میرے دل وچ رہن والا پاک رُوح میرے لئی پانی تے رُوح دی سوہنی خوشخبری دی کتاباں دی شکل وچ منادی کرن تے ودھاؤن لئی اک وڈا کم کر چُکیا اے ۔ایہو ای سبب ہیگااے پئی اسیں سوہنی خوشخبری اُتے لکھیاں ہوئیاں مسیحی کتاباں چھاپ دے آں ،جیہڑیاں ایمانداراں دی پاک رُوح پاؤن وچ اَگوائی کردیاں نیں ۔ پہلاں اسیں صرف گھٹ ورقیاں دے نکے ٹریکٹس نال شروع کیتا سی ، پر بڑی چھیتی سوہنی خوشخبری اُتے لکھیاں ساڈیاں کتاباں کُل جگ وچ ودھ گئیاں ۔
میرے اندر رہن والے پاک رُوح نے بوہتی بوہتی لوکاں دی کتاباں پڑھن تے سوہنی خوشخبری اُتے ایمان رکھ کے اپنے پاپاں توں معافی پاؤن دے بعد کلیسیاوچ آؤن بارے اَگوائی کیتی اے ۔ تے نالے  ، اوہنے وکھ وکھ اوپرے ملکاں دیاں بولیاں وچ سوہنی خوشخبری دی منادی کرن بارے ساڈی اَگوائی کیتی اے ۔ اوہنے ساڈی سوہنی خوشخبری دی منادی کرن لئی جگ دے گھٹوگھٹ ۱۵۰ ملکاں وچ ، امریکہ سمیت اَگوائی کیتی اے ۔
پاک رُوح نے کلیسیا نوں دنیاوی مشن لئی دعامنگن لئی تیار کیتا اے تے وکھ وکھ بولیاں وچ سوہنی خوشخبری دا ترجمہ کرن تے کتاباں راہیں منادی کرن وچ اَگوائی کیتی اے ،تاں پئی بڑیاں وکھ وکھ قوماں ایہنوں سُن سکن تے ایہدے اُتے ایمان رکھ سکن ۔ پاک رُوح نے میری دوجے ملکاں وچ نویں چیلیاں نال رَل کے کم کرن تے اوتھے اوہناں نال مل کے سوہنی خوشخبری دی منادی کرن وچ  اَگوائی کیتی اے ۔ میَں پاک رُوح دا شکر ادا کرداہاں ۔
پاک رُوح نے مینوں روس وچ  خوشخبری دی منادی کرن لئی بڑےجوش نال بھردتا اے ۔ رُوح پاک نے دعا کرن وچ ساڈی اَگوائی کیتی تے سانوں سچ دے کھوجی روسی مناداں نال ملن دا تے اوہناں اَگے سوہنی خوشخبری دی منادی کرن دا ویلا دتا ۔ ایہہ اوہ ویلا ہیگا سی جدوں اوہناں نیں پہلی واری سوہنی خوشخبری نوں سُنیا ۔ فیر اوہناں نیں بالکل ساڈے وانگر ،پانی تے رُوح دی سوہنی خوشخبری نوں سُنن تے ایمان رکھن دے بعد ، پاک رُوح پایا ۔
اوہناں وچوں اک نے ، ماسکو وچ اک قومی یونیورسٹی دے اک پروفیسر نے ،مینوں پانی تے رُوح دی سوہنی خوشخبری نوں سُنن دے بعد ایہہ اِقرار کیتا ۔
” میَں۶ ورہیاں توں خُدا اُتے ایمان رکھیا سی ، پر میَں اوہنوں سچ مُچ سمجھیوں اَڈ ایمان رکھیا ۔فیر وی ، پانی تے رُوح دی سوہنی خوشخبری دے بارے وچ  سُنن دے بعد ، میَں اک پکا ایمان تے اپنے دل وچ سکون بھری تسلی پائی ۔ میَں سچ مُچ خُداوند دا شکر ادا کردا ہاں ۔میَں حالے تیک سوچیا سی پئی میَں ٹھیک طرحاں دے ایمان نال اک دینی حیاتی گزاری سی ۔میری دینی حیاتی صرف یسوع دے لہو اُتے ایمان رکھن اُتے  ہیگی سی ،جیہڑا ساڈے پاپاں لئی مر گیا ۔ فیر وی ، میرے ذہن وچ نئیں ہیگا سی پئی خُدا نے میرے سارے پاپاں نوں دھو دتا سی ۔
فیر میَں نویں سریوں جمے ہوئے پادریاں نوں ملیا تے سوہنی خوشخبری بارے سُنیا جیہڑی خُدا نے سانوں دتی اے ،تے مینوں پتہ لگیا پئی میَں حالے تیک پاپی ہیگاساں۔ میَں سوہنی خوشخبری  بارے بوہتا کھوجن تے راستباز ہون دے مطلب بارے جانن دی وی ہمت کیتی ۔ مینوَں پتہ لگیا پئی میرے سارے پاپ یسوع اُتے لدے گئے سَن ،جدوں اوہنے بپتسمہ لیا سی ۔ ایہہ سوہنی خوشخبری  ہیگی سی ۔ مینوں پتہ لگیا پئی نسلی پاپ ای نئیں ،سگوں میرے ہر دیہاڑے دے پاپ وی تے میرے آؤن والے دناں دے سارے پاپ اوہدے اُتے اوہدے بپتسمے نال اوہدے اُتے لدے گئے سَن ۔ مینوں سچیائی  دی ایس خوشخبری نوں سُنن تے ایہدے اُتے ایمان رکھن نال نویں سریوں جمن دی وڈی  خوشی ملی ۔“
بوہتے روسیاں نیں،ایس پروفیسر نوں نال ملاؤندیاں ہویاں ، پانی تے رُوح دی سوہنی خوشخبری نوں سُنن تے ایمان رکھن نال پاک رُوح پایا ۔ہُن پاک رُوح دی کلیسیا اوتھے بن گئی اے ،تے بوہتے بوہتے لوک پاک رُوح دےکماں راہیں سوہنی خوشخبری اُتے ایمان رکھن لئی آگئے نیں ۔ خُدا نے ایہہ سارے کم کیتے ،تے ایس لئی میَں پاک رُوح دا خاص شکر ادا کرداہاں ۔
میرے اندر رہن والے پاک رُوح نے مینوں اک  نویں سریوں جمیا ہویا مسیحی بنایا،بالکل اوہناں ساریاں وانگر جیہڑے پانی تے رُوح دی سوہنی خوشخبری اُتے ایمان رکھدے نیں ،تے ہُن میَں جگ وچ سوہنی خوشخبری دی منادی کرداہاں ۔ اوہنے سوہنی خوشخبری اُتے لکھیا ں ہوئیاں ساڈیاں کتاباں دا ،نہ صرف انگریزی وچ ،سگوں جگ دیاں بڑیاں ساریاں دوجیاں بولیاں وچ لگاتا ر ترجمہ ہون دِتا ۔ اوہنے سانوں سارے جگ وچ ایس سوہنی خوشخبری دی منادی کرن دے لائق بنایا ۔ میَں پاک رُوح  دا شکر ادا کردا ہاں ۔ تسیں وی پاک رُوح دی بھرپوری پا سکدے او ۔ خُدا چاؤہندا اے  تسیں پاک رُوح دی بھرپوری پاوو۔
 بوہتے لوک اوہداناں پکارن تے خُدا دے اَگے بدوبدی دیاں دعاواں کر کے پاک رُوح پاؤن دی ہمت کردے نیں ۔فیر وی ، پانی تے رُوح دی سوہنی خوشخبری دے اَڈ پاک رُوح پاؤن دی ہمت کرنا ، جیہڑی یسوع نے سانوں دتی ،اک غلطی ہیگی اے ۔ جےکوئی آکھدااے پئی یسوع دی پانی تے رُوح دی سوہنی خوشخبری دے اَڈ پاک رُوح  مل سکدا اے ، تے ایہہ جھوٹی تعلیم ہیگی اے ۔
کیہ یسوع دے چیلیاں نیں سوہنی خوشخبری اُتے ایمان رکھن دے اَڈ جیہڑی یسوع نے اوہناں نوں دتی ، پاک رُوح پایا سی ؟ نئیں، کدی وی نئیں ۔ تہانوں پتہ ہونا چاہی دا اے پئی اَج کل پاک رُوح اوہناں وچ رہندااے جیہڑے  پانی تے رُوح دی سوہنی خوشخبری اُتے ایمان رکھدے نیں ،تے پاک رُوح دا حیاتی دا پانی اوہناں دے دلاں وچوں وگدااے ۔ایتھوں تیک پئی ہُنے ایسے ویلے ،میرے دلوں پاک رُوح دا حیاتی دا پانی سوہنی خوشخبر ی نال مل کے وگدااے ۔ ہیلیلویاہ ،میَں خُداوند دا شکر اداکرداہاں ۔