布道

مضمون 9: رومیوں (رومیوں دی کتاب اُتے تفسیر)

[3-1 باب] رومیوں ۳باب دا تعارف

پولُس نے فرمایا پئی لوکاں دی بے وفائی خُدا دی وفاداری نوں جھوٹیاں نئیں کرسکدی ۔ باب ۲توں ایسے ای گل اُتے اپنی بحث نوں چالو رکھدیاں ہوئیاں، پولُس ایس باب وچ وی ایس ای گل اُتے  بحث کردا اے پئی یہودی ،اوپریاں قوماں نالوں اُچے نئیں ہیگے ۔ ایس باب وچ، پولُس شریعت تے خُدا دی راستبازی دے او س قانون دا مقابلہ کرداتے جیہڑا پاپیاں نوں ایہدی راستبازی پاؤن دے لائق بناؤندا تے اوہناں نوں اصل جنڈری ول لَے ٹُردااے ،دے بارے گل کردااے ۔ ایس باب وچ اوہ ایس گل اُتے وی دھیان دیندا اے پئی پاپاں توں مکتی ساڈے کماں دے راہیں نئیں ،سگوں خُدا دی راستبازی اُتے ایمان لیاؤن دے راہیں اے ۔
پولُس رسول نے فرمایا پئی بھاویں یہودی تے دوجے لوک خُدا دی راستبازی اُتے یقین نئیں رکھدے ،تاں وی اوہناں دی بے یقینی خُدا دی راستبازی نوں جھوٹیاں نئیں کر سکدی ۔خُدا جھوٹ نئیں بول سکدا ، تے اوہدی راستبازی دی وفاداری کدی جھوٹی ناں ہووے گی ۔ ایہدا اثر ایس لئی دبایا نئیں جاسکدا ،ایس لئی پئی یہودی اوہدی راستبازی اُتے ایمان نئیں لیائے ۔
خُدا دی جیس راستبازی دے بارے پولُس نے منادی کیتی اوہ لوکاں دی بے یقینی دے سبب کدی دبائی ناں جاوےگی ۔ جیہڑا وی بندہ خُدا دی  اوس مکتی اُتے جیہڑی پاپیاں نوں دتی گئی ، اوہدے اُتے ایمان لیاؤندا اے ،اوہ خُدا دی راستبازی نوں پا لیندا اے ۔تے ایہہ راستبازی کامل ہیگی اے تے بندیاں دے اصولاں تے خیالاں توں اُچی ہیگی اے۔
پولُس اوہناں اُتے خُدا نوں جھوٹا بناؤن دی توہمت لاؤندااے ،جنہاں نیں اوہدی راستبازی اُتے یقین ناں کیتا ۔خُدا نے آکھیا پئی اوہنے کامل طور اُتے لوکاں نوں اوہناں دے پاپاں توں اپنی راستبازی دے راہیں مکتی دتی اے ،پر اوہناں نیں اوہدا یقین ناں کیتا ۔ایس لئی، اوہ اوہنوں جھوٹا بناؤندے سَن۔ پر،اوہناں دی بے یقینی خُدا دی راستبازی نوں جھوٹیاں نئیں بنا سکدی ۔
 
 
خُدا دی راستبازی کویں ظاہر ہوئی ؟
 
اوہ جیہڑے خُدا دی راستبازی اُتے ایمان نئیں لیاؤندے ،اوہناں نوں اوہناں دے پاپاں دی سزا ملے گی ۔اسیں سارے خُدا دی راستبازی ولوں دتی گئی اوس مکتی وچ پکے ہوسکدے آں ۔ اوہ جیہڑے اوہدی راستبازی اُتے ایمان لیاؤندے نیں ،پاپاں توں معافی تے ہمیش دی حیاتی پاؤندے نیں ۔ ایس لئی ، ہر بندہ خُدا دی راستبازی دی وفاداری اُتے ایمان لیاکے برکت پاسکدا اے ۔
خُدا دی راستبازی جھوٹی نئیں ، سگوں سچی ہیگی اے ۔ خُدا دے اگے سارے جھوٹے ہیگے نیں ۔ پر خُدا اپنے وعدیاں مطابق کم کردا تے وعدیاں نوں پوریاں کردااے ۔ ایس لئی ، خُدا دی وفاداری بندیاں دی بے وفائی اُتے فتح پاؤندی اے ۔ انسانی پیڑھی نوں خُدا دی راستبازی اُتے یقین رکھنا چاہی دااے ۔ خُدا اپنے کلام نوں کدی نئیں بدل دا ، بھاویں بندے بوہتی وار اپنے رویاں نوں اپنی سزا ودھن مطابق بدل لیندے نیں ۔ خُدا نے جو کُجھ بندے نوں دسیا اوہ سدا اوہنوں سچا کر کے وکھاؤندااے ۔
رومیوں ۳ : ۵ وچ دسدااے ، ” جے ساڈی بدی خُدا دی راستبازی  دی چنگیائی  وکھاؤندی اے،تاں اسیں کیہ آکھیے؟ “ بندیاں دی بدی خُدا دی راستبازی دی چنگیائی وکھاؤندی اے ۔
خُدا دی راستبازی ساڈیاں کمزوریاں توں ہور نظر آؤندی اے ۔جویں پئی لکھیا اے پئی ، یسوع نے پاپیاں نوں اوہناں دے پاپاں توں مکتی دین لئی اپنے آپ نال چنگے کم کیتے ۔ ایس لئی ، خُدا دی راستبازی لوکاں دیاں کمزوریاں دے سبب ہور ودھیری ہوکے چمکدی اے ۔ ایہہ سچیائی  پانی تے رُوح دی خوشخبری وچ جیہڑی پئی  خُدا دی راستبازی نال بھری ہوئی اے ، مل سکدی اے ۔ایہدا سبب ایہہ ہیگا اے ، پئی ساریاں لوکاں توں مرن دیہاڑے تیک جان دیاں ہوئیاں یاں ناں جان دیاں ہوئیاں پا پ ہو جاندااے ،تے خُدا دی محبت اوہناں سارے پاپاں توں وڈی ہیگی اے ۔ خُدا دی محبت اوہناں ماڑیاں پاپیاں نوں اوہناں دے پاپاں توں بچاؤندی اے ۔
ساڈا خُداوندنے جگ دے سارے پاپاں اُتے  فتح پائی اے تے پاپاں توں معافی دے راہیں اپنی مکتی نوں کامل کیتا اے ۔کوئی وی بندہ پاک حیاتی بسرنئیں کر سکدا ۔جدوں توں لوک دوزخ وچ جاندے سَن ، اوس ویلے توں لَے کے خُدا اپنی محبت توں مجبور ہو کے اوہناں دی فکر کردااے ،تے ایہو ای اوہدی راستبازی ہیگی اے ۔
اسیں لوک اپنے جمن دیہاڑے توں  لَے  کے ای جھوٹے تے  خُدا  دے  کلام  اُتے  ایمان ناں
لیاؤن دے سبب اوہدی راستبازی نوں رد کردیندے ساں ۔ ایس سبب توں بندے خُدا دے اگے بربادی دے ٹوئے اُتے ای سَن ،ایس لئی پئی اوہناں دے کم خُدا دے اگے گندے سَن ۔ پر خُدا نے سانوں اپنی محبت دے سبب  ساڈے پاپاں توں بچایا ،ایس لئی پئی اوہنے ساڈے اُتے رحم آیا سی ۔ سارے لوکاں نیں دوزخ وچ جانا سی ایس لئی پئی شیطان دے دھوکے نال دغاباز ہو گئے سَن تے اوہنا ں ساریاں نیں پاپ کیتا سی ۔ پر، خُدا نے لوکاں نو ں شیطان دے ہتھ تے ہنیرے دی طاقت توں بچاؤن لئی اپنے اِکلے پُتر نوں گھلیا سی ۔
پولُس رسول نے آکھیا پئی اک بندہ ہر روز چنگے رویے دی ہمت کر سکدااے ،پر اوہ اپنی ساری جندڑی پاپ نوں ڈک نئیں سکدا ۔پر، اوس بندے دی بدی خُدا دی راستبازی تے محبت نوں ہور وکھاوے گی ۔ اصل وچ ، بندے کول راستبازی نئیں ہیگی اے تے اوہنوں پولُس رسول وانگر اک پیغام سناؤن والے دی لوڑہیگی اے ۔ اوہ خُدا دی راستبازی کو جان دا تے ایہنوں پا چُکیا سی ،تے ایس طرحاں پاک رُوح اوہدے اندر وسیا ہویا سی ۔ ایہو ای سبب ہیگاسی پئی اوہ اوہدی راستبازی دی منادی کر سکدا سی ۔
 
 
پولُس جیہڑی خوشخبری دی منادی کرداسی اوہ خُدا دی  راستبازی نال بھری سی
 
پولُس جیہڑی خوشخبری دی منادی کردا سی اوہدا بھروسہ خُدا دی راستبازی اُتے سی ۔ پولُس نے خوشخبری دی منادی کیتی ایس لئی پئی خُدا نے پاپیاں نال محبت کیتی تے اوہناں نوں اوہناں دے پاپاں توں مکتی دتی ۔ خُدا دی مکتی دین والی محبت پانی تے رُوح دی خوشخبری وچ ہیگی اے ۔ ایس لئی ، پاپاں دی معافی خُدا اُتے ساڈے ایمان لیاؤن اُتے مکدی اے ۔ پر ،اوکھا کم ایہہ ہیگااے پئی لوک بوہتا ایہہ خیال کردے نیں پئی اوہناں نوں خُدا دے اگے مکتی پاؤن لئی نیک بن کے حیاتی بسر کرنی چاہی دی اے ۔ انسان اپنی بندیاں والی طبیعت اُتے بھروسہ رکھ کے نیک نئیں بن سکدا: سگوں بدنی چنگیائی خُدا دی راستبازی نوں قبول کرن دی راہ وچ صرف اک روڑا بن دی اے ۔ لوکاں نوں اپنے نال جُڑے ہوئے اپنی نیک بن کے جیون دے خیالاں نوں چھڈنا پوے گا تاں پئی اوہ رُوحانی ختنے دی خوشخبری نوں جیہڑی خُدا نے دتی اے ، قبول کر سکن ۔
کوئی بندہ دھرتی اُتے اصل وچ پاک نئیں بن سکدا ۔ فیر کویں پاپی اپنے  سارے  پاپاں  توں مکتی  پا
سکدے نیں ؟ اوہناں نوں ایس خیال نوں پئی اوہناں نوں مکتی پاؤن لئی چنگیاں جندڑیاں بسر کرنیاں چاہی دیاں نیں ،نوں اک پاسے سُٹ دینا چاہی دااے ۔ بوہتے لوک اپنے خیال تے اپنی عزت نوں چھڈن توں مُکر جاندے نیں : ایس لئی اوہ مکمل طوراُتے اپنے پاپاں توں مکتی نئیں پا سکدے ۔ خُدا دی راستبازی،جیہڑی رُوحانی ختنے دی خوشخبری وچ  ظاہر ہوئی اے ،سانوں خبرداری کردی اے پئی کویں ساڈی بدی خُدا دی محبت دی چنگیائی نوں وکھاؤندی اے تے اوہدی محبت بوہت کنی وڈی سی ۔ ایسے سبب توں اوہ جیہڑے خُدا دی راستبازی اُتے ایمان رکھدے نیں اوہ اپنی راستبازی اُتے گھمنڈ نئیں کردے سگوں اوہدی راستبازی اُتے فخر کردے نیں ۔راستباز صرف خُدا دی راستبازی اُتے فخر کردے نیں تے اوہدی راستباز ی نوں اَسمان وانگر اُچا کردے نیں ،ایس لئی پئی ایہہ خُدا نال میل رکھدی اے ۔
پولُس رسول شریعت دے منن والیاں نوں شریعت دے کماں دی تعلیم دیندااے تے جیہڑے ایمان رکھدے نیں پئی جے اوہ صرف چنگے کم کرن تاں اوہ اَسمان وچ جان گے ، پر جے اوہ یسوع اُتے ایمان لیاؤن دے بعد نیکی دی حیاتی بسر نہ کرن ، تاں اوہ خُدا دی راستبازی تیک کدی نئیں اپڑ سکدے۔شریعت اک شیشے وانگر ہیگی اے ،جیہڑی بندے دے پاپاں نوں وکھاؤندی اے ۔ پولُس سکھاؤندااے پئی لوک اُچا ایمان رکھدے نیں تے دسدااے پئی اوہناں دے ایمان غلط ہیگے نیں ۔ ایہہ پولُس دی تعلیم ہیگی اے ،جیہڑی خُدا دی راستبازی ول اَگوائی کردی اے ۔
پولُس اوہناں نال گل کردااے جیہڑے جھوٹے اُستاداں پِچھے چلدے نیں تے جیہڑے ایہہ نئیں سوچدے پئی اوہ یسوع اُتےایمان لیاؤن دے سبب راستباز تے پاک بن سکدے نیں ۔ اوہ ایہو جیہے بے ایماناں نوں تعلیم دیندااے پئی خُدا دی راستبازی اُتے ایمان لیاوو تے سزا پاؤن توں بچ جاوو۔ پولُس فرماؤندااے پئی اوہ جیہڑے یسوع دے پانی تے لہو دی  مکتی اُتے ایمان نئیں لیاؤندے اوہ سزا پاؤن والے نیں تے کیوں جے اوہ خُدا اُتے ایمان نئیں لیاؤندے ، ایس لئی اوہناں لئی سزا پاؤنا ای چنگا اے ۔ا وہ فرماؤندااے پئی پاپیاں نوں خُدا دی راستبازی ول جھکنا چاہی دا اے تے ڈراؤنی سزا توں بچن لئی اوہدی راستبازی نوں پاؤنا چاہی دااے ۔
 
 
ایس لئی پئی اسیں خُدا دی راستبازی اُتے ایمان لیاندااے تاں  کیہ ایس سبب توں اسیں ہور پاپ کر سکدے آں ؟
 
ستویں آیت اِنج دسدی اے ،  ” جےمیرے  جھوٹ بولن دے سبب نال خُدا دی سچیائی اوہدے جلال لئی  بوہتی ظاہر ہوئی تاں فیر کیوں پاپی وانگر مینوں حکم دتا جاندااے ؟  “جے اسیں پاک اکھواؤندے آں تاں فیر کیہ سانوں پاپ کرن دی آزادی ہیگی اے ؟ پولُس ایس نقطے بارے گل کردااے ۔  جدوں توں خُدا نے تہانوں اپنی راستبازی دے راہیں مکتی دتی اے ، اوس ویلے توں کیہ تہانوں ہور بوہتے جھوٹ بولن دی آزادی ملی اے ؟ جے تسیں اِنج کردے او ،تاں فیر تہانوں پتہ ہونا چاہی دااے پئی تسیں خُدا دی راستبازی نوں  نئیں جان دے تے ایہہ پئی تسیں اوہدی راست بازی اُتے توہمت لاؤندے پئے او ۔
ایتھوں تیک پئی اج کل بوہتے لوک ہیگے نیں جیہڑے اپنے دلاں وچ خُدا دی راستبازی اُتے توہمت لاؤندے نیں : ایہہ پُرانے ویلیاں توں بوہت وکھری نئیں ہیگی اے ۔پولُس نے گھٹوگھٹ ۲۰۰۰ ورہے پہلاں ایس پاک کتاب نوں لکھیا تے ایتھوں تیک پئی ایس توں پچھوں ، ایتھے لوک ہیگے سَن جیہڑے اپنے خیالاں وچ پھسے ہوئے سَن ۔   
اج تیک ،بوہتے مسیحی ،جیہڑے حالےتیک نویں سریوں نئیں جمے ،ایہنوں غلط سمجھدے نیں پئی جے کوئی پاک بن دا اے ،تاں اوہ جان  بُجھ کے پاپ کر سکدا اے ۔ اوہ جیہڑے نویں سریوں نئیں جمے،اوہناں راستبازاں اُتے جیہڑے پانی تے رُوح دے راہیں جمے نیں ، اپنے بدنی خیالاں مطابق توہمت لاؤندے نیں تے نویں سریوں جمن والے پاک لوکاں بارے وچ گھٹیا گلاں کردے نیں ۔ صرف ناں دے مسیحی اصل وچ نویں سریوں جمن والے مسیحیاں اُتے اپنے بے ایمان خیالاں نال توہمت لاؤندے نیں ۔ اصل ایمان انسانی بدن نال نئیں سمجھیا جاسکدا ۔ پاپ ایہو جیہا کم ہیگا اے جیہڑا تہاڈے کولوں ساری جندڑی ہوندارہندااے ۔ راستبازاں  تے ناراستاں دونواں کولوں  لازمی طور اُتے پا پ ہو جاندااے ۔پر اوہ جیہڑے خُدا دی راستبازی نوں رد کردے نیں ،پاپ نال چمبڑے ہوئے نیں ،جد پئی اوہ جیہڑے ایس راستبازی اُتے ایمان رکھدےنیں ،اوہ پاک ہیگے نیں ۔
پولُس نے بے ایماناں نوں آکھیا ،   ”جے کئی بے وفا نکلے تاں کیہ ہویا ؟ کیہ اوہناں دی بے وفائی خُدا دی وفاداری نوں جھوٹیاں کر سکدی اے ؟ بالکل نئیں۔“ (رومیوں ۳:۳ ۔ ۴)۔
بندے دی بے یقینی صرف ایس لئی خُدا دی راستبازی نوں جھوٹیاں نئیں کرسکدی ایس لئی پئی اوہ اوہدے اُتے ایمان نئیں لیاؤندے ۔جے کوئی بندہ خُدا دی راستبازی اُتے ایمان لیاؤندااے ،تاں اوہ مکتی یافتہ ہیگااے ۔ پر ،جے کوئی بندہ ایمان نئیں لیاؤندا ، تاں اوہ اوہدی راستبازی تیک اپڑ نئیں سکدا ۔آہو اِنج ای اے ۔ خُدا دی محبت سدا لئی قائم تے دائم تے پکی رہوے گی ۔ اوہ جیہڑے یسوع دے بپتسمے تے لہو اُتے ایمان نئیں لیاؤندے اوہ کدی وی اپنے پاپاں توں مکتی نئیں پا سکدے تے دوزخ وچ جان گے ۔ خُدا دی راستبازی ،جیہڑی ایمانداراں نوں نویں سریوں جمن ول لَے جاندی اے ،ایہہ صرف ایس سبب توں جھوٹی نئیں ہووے گی پئی لوک ایہدے اُتے ایمان نئیں لیاؤندے ۔
 
 
خُدا دی راستبازی نوں پاؤنا بندے دی ہمت توں بوہت اُچا ہیگااے
 
ساڈے  خُدا ونددی راستبازی دابندیاں دی  ہمتاں نال کوئی تعلق نئیں ہیگااے ۔ ایہہ صرف ساڈے ایمان دے سچے ہون نال تعلق رکھدی اے ،پئی خُدا دی راستبازی ساڈے پاپاں دی معافی ہیگی اے ۔ اک بندہ جیہڑا پانی تے رُوح دی سچیائی اُتے یقین کردا اے اوہ ایمان دے راہیں خُدا دی راستبازی پا لیندااے ، پر جیہڑا بندہ خُدا دی راستبازی اُتے ایمان نئیں لیاؤندا ،اوہ خُدا دے کلام دی سچیائی مطابق سزا پاوے گا ۔
ایس لئی ، خُدا نے یسوع نوں ایس جگ وچ گھلیا تے جنہاں نیں خُدا دی راستبازی نوں ناں منیا ،اوہناں لئی اوہنوں اک ٹھُڈا لگن دا پتھر تےٹھیڈے کھان دا  وڈا پتھر بنایا ۔ بوہتے لوک ہیگے نیں جیہڑے خوشی نال دوزخ نوں بلاؤندے نیں ،ایس لئی پئی اوہ خُدا دی راستبازی اُتے ایمان  لیاؤنا ای نئیں چاؤہندے ، بھاویں یسوع ، ٹھُڈا لگن دا پتھرتے ٹھیڈا کھان داوڈا پتھر ،اوہناں دا مکتی داتا جیہڑا پئی خُدا دی راستبازی ہیگااے ،اوہناں نوں دتا گیا اے تاں وی اوہ اوہدے اُتے ایمان نئیں لیاؤندے ۔ایتھوں تیک پئی سب توں بھیڑے بندے نوں وی راستباز بنن تے ہمیش دی حیاتی پاؤن دا راہ دسیا گیا اے ۔ایتھوں تیک پئی اک بندہ جیہڑا بوہت نیکی دے کم کردااے جے اوہ خُدا دی راستبازی اُتے ایمان نئیں رکھدا جیہڑی اوہنوں پاپاں توں معافی دیندی اے تے نویں سریوں جواؤندی اے ۔ تاں ایہو جیہا بے ایمان بندہ برباد ہون توں بچ نئیں سکدا ۔
ایس لئی پئی پاپ دا پھل موتی ہیگی اے ، ہر بندہ جیہڑا پاپاں بھریا اے اوہ سزا پاوے گا ۔ یسوع اوہناں ساریاں لئی ٹھُڈا لگن دا پتھرتے ٹھیڈا کھان داوڈا پتھرہیگا اے ۔جیہڑے اپنی راستبازی نوں قائم کرن دی ہمت کردے تے خُدا دی راستبازی اُتے ایمان لیاؤن توں اَڈ اَسمان وچ جان دی ہمت کردے نیں ۔ ایس لئی ،لوکاں دے مندے حال دا سبب ایہہ ہیگا اے پئی اوہ کسے ناں کسے طرحاں یسوع اُتے ایمان تاں رکھدے نیں ، پر اوہ اوہدی راستبازی دا یقین نئیں کردے ۔
کئی لوک آکھدے نیں پئی اوہ ایہو جیہے پاپی ہیگے نیں جنہاں دے پاپ معاف نئیں ہوئے ،پر ایتھے  ایس طرحاں دی کوئی شے نئیں ہیگی اے جیہڑی ایہو جیہے پاپیاں نوں مکتی دے سکے ۔ کویں کوئی پاپاں توں مکتی پاؤن دے بعد فیر دوبارہ پاپی بن سکدا اے ؟ جے کسے نوں پاپ  توں مکتی ملی اے تاں اوہ پاک ہیگا اے ، تے جے کسے نے پاپاں توں مکتی نوں حالے تیک پایاای  نئیں،تاں اوہ حالے تیک پاپ وچ ای ہیگااے ۔ اَسمانی بادشاہی وچ اک وی پاپی جانئیں سکے گا ۔ خُدافرماؤندا اے ،  ” ایس لئی شرارتی انصاف اگے کھلو نہ سکن گے ناں خطاواں کرن والے راستبازاں دی ٹولی وچ ۔“(زبور ۱:۵)۔
لوک اپنے آپ نوں ایس مشکل سوال وچ پھسا لیندے نیں پئی اوہ کویں راستباز بن سکدے نیں ،ایتھوں تیک پئی اسیں ہر دیہاڑے پاپ کردے رہندے آں۔ پر اوہناں نوں ایس بارے فکر کرن دی کوئی لوڑ نئیں ہیگی اے ۔ خُدا دی راستبازی دے راہیں راستباز بننا صرف ایس سبب توں سوکھا ہویا ، کیوں جے خُدا نے شروع توں ای ساڈے پاپاں نوں آؤن والے ویلے دے پاپاں نال ،یردن دے دریا اُتے اپنے بپتسمے دے راہیں چُک کے سولی اُتے اوہناں نوں مکا کے خُدا دی راستبازی نوں پوریاں کیتا ۔ پاپی صرف خُدا دی راستبازی اُتے ایمان لیاؤن دے راہیں راستباز بن سکدے نیں ۔ کیہ تہا ڈے اُتے حالے تیک قرض ہیگا اے،بھاویں تہاڈے سارے قرض  لاہ دتے گئے نیں ؟
ساڈے خداوند نے ساڈے سارے پاپاں نوں اپنی راستبازی نال باہر سُٹ دتا اے ۔ ایس گل توں ہٹ کہ پئی  اسیں کنے ماڑے ہیگے آں ،خُداوند نے اوہناں نوں جیہڑے پانی تے رُوح دی خوش خبری اُتے کامل ایمان رکھدے نیں ،کامل مکتی دتی اے ،ایس لئی اوہناں اُتے سزا دا حکم نئیں ہیگا اے ۔ اسیں سارے خُدا دی راستبازی اُتے ایمان لیاؤن دے راہیں راستباز بن سکدے آں ۔
 
 
بدنی سوچ سانوں موت ول لَے جاندی اے
 
 بدنی خیال سانوں موت ول لَے جاندے اے تے ایہہ بندیا ں والی عقل  وچوں آؤندے نیں ۔ رُوحانی خیال خُدا دی راستبازی اُتے ایمان لیان نال آؤندے نیں ۔ شیطان لئی ایہہ سوکھا ہیگا اے پئی اوہ بندیاں دے خیالاں اُتے حکم چلائے ۔انسانی پیڑھی کول بدن نال پاپ کرن توں ہٹ کے ہور کوئی گل نئیں ہیگی اے ۔ پر اک بندہ جیہڑا خُدا دی راستبازی اُتے ایمان رکھدااے اوہ یسوع دے بپتسمہ تے لہو اُتے ایمان دے راہیں راستباز بنایا جاندااے ۔ کوئی وی بندہ پاپ نوں چھڈ دین نال راستباز نئیں بن سکدا ۔کوئی وی مکمل طور اُتے بدنی تبدیلی دے راہیں پاک بن کے کسے پاک تھاں تیک نئیں اپڑ سکدا ۔ اک مسیحی لئی ایہہ سوچنا پئی اوہ اک ایہو جیہا پاک بندہ ہون دے راہیں ،جیہڑا خُدا دے اگے کدی پاپ نئیں کردا ،اَسمان وچ جا سکدااے ،ا یہہ خیال اک عقل دا گھاٹا اے ۔
اسیں خُدا دی راستبازی اُتے ایمان لیاؤن دے راہیں جھٹ پٹ اپنے پاپاں توں مکتی پا سکدے آں ۔ اگانہہ ہور ، ہر اک پاپی جے اوہ پانی تے رُوح دی خوشخبری دے فضل اُتے ایمان رکھدا اے ، جیہڑا ایمانداراں نوں نویں سریوں جمن وچ اَگوائی کردا اے ، تاں اوہ مکمل طور اُتے اپنے پاپاں توں مکتی پا سکدا اے ۔ پاک بننا بندیاں دی سوچ توں اوکھا کم ہیگا اے ۔ پر ایہہ خُدا دے کلام اُتے ایمان لیاؤن دے سبب سوکھا ہیگااے ۔انسانی بدن دے راہیں کوئی وی پاک نئیں ہو سکدا ،پر جے کوئی خُدا دی راستبازی اُتے سچے دلوں ایمان لیاؤندااے تاں اوہ اپنے دل وچ پاک بن سکدا ۔انسانی بدناں نوں اپنی آساں نوں پورا کرن دی لوڑ ہوندی اےتے پاپ توں بچنا  بدن لئی اوکھا کم ہیگااے ،ایس لئی اوہ ہمیش لئی خوشی دی تمنا کردے نیں ۔ خُداوند نے سچ آکھیا اے : پئی ہر کوئی پانی تے رُوح دی خوشخبری اُتے ایمان لیا کے ،جیہڑی ساڈے خُداوندنےسانوں دتی اے راستباز بن سکدا اے ۔ اسیں اَسمانی بادشاہی وچ صرف اپنے بدنی کماں دے راہیں جا نئیں سکدے ۔ سگوں اسیں صرف خُدا دی راستبازی اُتے ایمان لیا کے اَسمان وچ جا سکدے آں ۔
 
 
اک رُوحانی سوچ تے اک بدنی سوچ دے وچکار فرق ہیگااے
 
انسانی ذہن ایس سچ نوں سمجھ نئیں سکدے پئی اوہ  صرف ایمان  دے  راہیں  پاک  بن  سکدے
تے ایہہ پئی اوہ نویں سریوں جمن دے راہیں راستباز مسیحی بنن دے لائق ہیگے نیں ۔ ایس لئی پئی اوہ سوچ نیں پئی جے اک بندہ اپنی بدی توں توبہ کردااے ، تاں وی آؤن والے دناں وچ اوہ فیر پاپ کرے گا ۔
پر، اک بندے لئی اپنے کماں دے راہیں راستباز بننا سوکھا کم نئیں ہیگا ،ایہہ خُدا دی راستبازی دے راہیں کامل طور اُتے سوکھا کم ہیگااے ۔ ایہدا سبب ایہہ ہیگا اے پئی کوئی وی یسوع دے بپتسمہ تے اوہدے لہو اُتے ایمان لیاؤن دے راہیں ای خُدا دی راستبازی پا سکدا اے ۔ خُدا دی راستبازی سارے لوکاں دے پاپاں نوں جھوٹے کردین دی  طاقت رکھدی اے ۔ ایہہ سانوں راستباز بنن تے خُدا نوں باپ آکھ  کے بلاؤن دے لائق بناؤندی اے ۔ ایس لئی ،تہانوں  ایہہ جانن دی لوڑ ہیگی اے پئی سچا ایمان خُدا دی راستبازی توں شروع ہوندا اے ۔ سچا ایمان بندے دے عقل توں نئیں ،سگوں سچیائی دے  کلام اُتے ایمان لیا ؤن نال شروع ہوندااے ۔
بوہتے لوک جیہڑے نویں سریوں نئیں جمے اوہ اپنے خیالاں نوں ناں چھڈن دے سبب مکتی نئیں پا سکن گے ،ایس لئی پئی اوہناں نیں سدا ایہناں نکمیاں خیالاں  نوں اپنے دل وچ وسایا ہویا اے ۔ ایہو جیہے لوک کدی نئیں آکھ سکدے پئی اوہ راستباز ہیگے نیں ، ایس لئی پئی اوہ یسوع اُتے ایمان تاں رکھدے نیں تاں وی اوہ اپنی بدنی عقل نال ای سوچدےتے خیال کرسکدے نیں ۔ کوئی وی بندہ یسوع دے اگے اپنے آپ نوں صرف او س ویلے راستباز آکھ سکدا اے ،جدوں اوہ رُوحانی ختنے دے کلام اُتے جیہدے وچ خُدا دی راستبازی پائی  جاندی اے ، ایمان لیاؤندااے ۔
ایس لئی ، جے کوئی بندہ خُدا دی راستبازی نوں پاؤنا چاؤہندااے ،تاں اوہنوں سچے اصل کلام دی سچیائی نوں نویں سریوں جمن والے لوکاں کولوں سننا چاہی دااے تے سچے دلوں ایہدے اُتے ایمان لیاؤنا چاہی دااے ۔ پاک رُوح ہر اک مقدس وچ جیہڑا خُدا دی راستبازی اُتے ایمان لیاؤندااے ، وسیا ہویا اے ۔ بھراوو میَں آس رکھدا ہاں پئی تسیں ایس سچیائی نوں اپنے دل وچ تھاں دیووگے ۔ جے تسیں سچ مُچ نویں سریوں جمن دی برکتاں نوں پاؤن دی آس رکھدے او ،تاں خُدا تہانوں اک نویں سریوں جمے ہوئے بندے نال ملن دی اجازت دیوے گا ،جیہڑا اوہدی راستبازی اُتے ایمان رکھدا ہووے ۔
 
 
کلام کیہ آکھدا اے پئی کوئی راستباز نئیں ہیگا ؟
 
آیت ۹ تے ۱۰ دسدیاں نیں ، ” ایس لئی کیہ ہویا ؟ کیہ  اسیں کُجھ وڈیائی رکھدے آں ؟ بالکل نئیں ایس  لئی پئی اسیں یہودیاں تے یونانیاں دونواں اُتے پہلوں ای ایہہ توہمت لا چُکے آں پئی اوہ سارے دے سارے پاپ ہیٹھاں ہیگے نیں ۔ایس لئی لکھیا اے پئی کوئی راستباز نئیں ۔اک وی نئیں ۔ “ ایہہ لکھیا اے پئی کوئی راستباز نئیں ، نئیں ،اک وی نئیں ۔
ایہدا کیہ مطلب ہیگااے ؟ کیہ ایہہ اکھر ساڈے نویں سریوں جمن توں پہلاں دی یاں بعددی حالت بارے دسدے نیں ؟ اسیں سارے نویں سریوں جمن توں پہلاں پاپی ساں ۔ ایہہ اکھر ،  ” کوئی راستباز نئیں “ یسوع مسیح دے ،سارے جگ دے پاپاں نوں مکاؤن توں پہلاں دی حالت ول اشارہ کردے نیں ۔ یسوع اُتے ایمان لیان توں اَڈ کوئی وی راستباز نئیں بن سکدا ۔
ایس لئی ،  ’ ہر ورہے ودھ دی ہوئی پاکیزگی ‘  دے اکھر اوہناں لوکاں دے راہیں بنے نیں ،جیہڑےچنگی راہوں بھٹکے ہوئے دیناں دی خدمت کردے نیں ۔ ” کوئی راستباز نئیں ۔اک وی نئیں ۔ “ کیہ تہاڈے خیال وچ اِنج ہو سکدا اے پئی اک پاپی اپنے رہن سہن دے راہیں اپنے آپ نوں سوار کے راستباز بن سکے ؟ کوئی وی اپنے آپ توں راستباز نئیں بن سکدا ۔
” کوئی راستباز نئیں ۔اک وی نئیں ۔ “ کوئی نئیں  جیہڑا اپنی چنگی حیاتی راہیں راستباز بنایا جاوے گا ۔ کوئی اک بندہ وی نئیں جیہڑا اپنے آپ دیاں ہمتاں نال  پاک کیتا گیا ہووے ۔ ایہہ صرف رُوحانی ختنے اُتے ایمان لیاؤن دے راہیں ای ہو سکدااے جیہڑا خُدا دی راستبازی  نال ہیگا اے ۔
آیت ۱۱ وی  دسدی اے پئی ، ” کوئی سمجھدا ر نئیں ۔ کوئی خُدا دا طالب نئیں۔“ کوئی نئیں ہیگا جیہڑا اپنی بدی نوں سمجھدا ہووے ۔ دوجے اکھراں وچ ،کوئی نئیں جیہڑا سمجھدا ہووے پئی اوہنوں دوزخ وچ جانا پوےگا ۔ایتھوں تیک پئی اک پاپی دی سمجھوں باہر ہیگا اے پئی اوہ اک پاپی ہیگااے ۔ اک پاپی جیونداتاں ہیگااے پر اوہنوں ایہہ سمجھ نئیں ہیگی پئی اوہ اپنے پاپاں دے سبب لازمی طور اُتے دوزخ وچ جاوےگا ۔ پر،ایتھے اک وی نئیں ہیگا جیہڑا خُدا دے اگے اپنی پاپ نال بھری  عادت نوں یاں ایہہ سمجھ چُکیا ہووے پئی دوزخ وچ جانا اوہدے ورگے لوکاں دا نصیب ہیگا اے ۔
کیہ اسیں خُدا دے اگے نکمے یاں کسے کم آؤن والے بندے آں۔ سارے لوک جدوں تیک اوہ نویں سریوں نہ جمن اوہ سارے دے سارے نکمے ہیگے نیں ۔ اسیں سارے جیہڑے راستباز بنائے گئے آں اسیں اوس اک خُدا دا شکریہ اداکردے آں ، پر ایس توں پہلاں ،کیہ اسیں وی ایہو جیہے لوک نئیں ساں جیہڑے خُدا نال جنگ کردے ساں ،ایتھوں تیک پئی اسیں اوہدے اُتے توہمت لاؤندے تے اوہدی سچیائی نوں منن توں مکردے ساں ؟
فیر، کویں اک پاپی خُدا دے ناں نوں جلال دے سکدا اے ؟اک پاپی جیہڑ ا اپنے پاپ دے مسئلے نوں حل ای نئیں کر سکیا ، کویں خُدا دی وڈیائی کرسکدااے ؟ اک پاپی حالت وچ خُدا دی وڈیائی کرنا تاں سچی بندگی نئیں ہو سکدی ؟ کویں اک پاپی خُدا دی وڈیائی کرسکدااے ؟ اک پاپی کدی خُدا نوں جلال نئیں دے سکدا ،تے خُدا ایہو جیہے بندے دے ہدیے نوں قبول نئیں کردا ۔
اج کل ، گیت گاؤن والیاں منسٹریاں سارے جگ وچ ودھ گئیاں نیں ۔ پر ،صرف اوہوای لوک خُدا دی وڈیائی کر سکدے نیں جیہڑے خُدا دی راستبازی اُتے ایمان رکھدے نیں ۔کیہ تہاڈے خیال وچ خُدا پاپی دے گیت گاؤن نال خوش ہووےگا ؟ اک پاپی دی وڈیائی قائن دے  ہدیے وانگر ہیگی اے ۔ کیوں خُدا پاپیاں دابے مقصد گیت گاؤناتے پاپاں بھرے دلاں نوں قبول کرے گا ؟
آیت ۱۲ دسدی اے ، ” سارے راہوں بھٹکے نیں ،سارے دے سارے نکمے بن گئے نیں ۔ کوئی بھلیائی کرن والا نئیں ۔اک وی نئیں ۔“ اوہ پاپی جیہڑے    ” راہوں بھٹکے  نیں “  خُدا دے اوہناں وڈیاں کماں نوں نئیں جان دے جیہڑے اوہنے اوہناں لئی کیتے ، تے اوہ ایس سچیائی دے کلام اُتے ایمان نئیں لیائے ۔ اگانہہ ہور ، پاپی ناں صرف خُدادے کلام اُتے ایمان لیاؤن توں مکر دے نیں ،سگوں اوہ ہمیشہ بدنی بنیاد اُتے بنے اپنے خیالاں دے مطابق سوچدے نیں ۔ ایس لئی ، اوہ کدی وی خُدا دے اگے ، کیہ ٹھیک تے غلط ہیگا اے ،دے وچکار فرق نئیں کر سکدے ۔
ٹھیک انصاف کرنا ، صرف سچیائی دے اوس کلام دے راہیں ای ہوسکدااے ، جیہڑا خُدا دی راستبازی نال بھریا ہویا اے ۔ ٹھیک فیصلہ تے ٹھیک انصاف صرف خُدا دی راستبازی دے راہیں ای ہو سکدااے ۔ لازمی ہیگا اے پئی تسیں جانو پئی شرعی انصاف بندے اُتے نئیں سگوں خُدا اُتے بھروسہ کردااے ۔ بندیاں دے خیال خُدا دی راستبازی نوں رد کردے تے راہوں بھٹک گئے نیں ۔ لوک آکھدے نئیں ، ”ایس توں ہٹ پئی بائبل کیہ آکھدی اے ،میَں ایس طرحاں سوچداہاں تے میَں اپنے خیالاں مطابق ایمان رکھدا ہاں ۔“ پر میَں آس رکھدا ہاں پئی تسیں سمجھ گئے او پئی جیہڑا اپنے جھوٹے خیالاں نوں نئیں چھڈدا ،اوہ اوہدے وانگر ہیگا اے جیہڑا اپنی میَں پرستی  دے سبب خُدا دی راستبازی نوں رد کردااے ۔ ایس لئی، ایہہ سوچ  کسے نوں وی خُدا دی راستبازی ول جھکن دی اجازت نئیں دیندی ۔
 
 
انسانی سوچ رُوحانی موت ول لےَ جاندی اے   
 
جیہڑا وی نویں سریوں نئیں جمیا اوہ اپنے انصاف آپ کردااے ۔ایس طرحاں دے لوک ایس گل دی بالکل فکر نئیں کردے پئی خُدا دے کلام وچ کیہ لکھیا ہویا اے ،سگوں ایہدی تھاں اُتے ،اوہناں دے خیالاں توں جے کُجھ فرق ہووے تاں،اوہ ایہہ آکھدے نیں پئی ایہہ غلط ہیگا اے تے اوہ صرف کلام دے اوس حصے نال اتفاق کردے نیں جیہڑا اوہناں دے اپنے خیالاں نال جُڑیا ہوندا اے ۔بائبل دسدی اے پئی بندے دے جھکا سدا اپنے خیالاں تے دل ول ہوندااے ۔ جے کوئی چنگے طریقے نال اپنے  پاپا ں توں معافی دی  آس رکھدااے ،تاں اوہنوں خُدا دی راستبازی تے انصاف دی لوڑہیگی اے ۔ فیر اوہدا انصاف کیہ ہیگااے ۔
خُدا دا انصاف خُدا دی راستبازی ہیگی اے تے تہانوں پتہ ہونا چاہی دااے پئی خُدا دا کلام اوہدے لئی اوہدےٹھیک انصاف دی تکڑی ہیگااے ۔ ”  شروع وچ کلام سی تے  کلام خُدا دے نال سی تے ایہہ کلام خُدا سی ۔“ (یوحنا  ۱:۱)۔کیہڑا ہیگا اے ایہہ بندہ جنہوں  ” کلام“ سدیا گیا اے ؟ اوہ بندہ کیہڑا سی جیہڑا خُدا باپ تے پاک رُوح دے نال سی ؟ اوہ ساڈا مکتی داتا ، یسوع مسیح ہیگااے ۔ یسوع مسیح ساڈا مکتی داتا تے بادشاہواں دا بادشاہ بن گیا اے ۔ یسوع خُدا ہیگااے ۔
یوحنا دی انجیل وچ ایہہ لکھیا ہویا اے پئی شروع وچ کلام سی تے  کلام خُدا دے نال سی ۔آہو ، خُداوند یسوع المسیح ساڈا مکتی داتا ہیگا ۔ کلام خُدا ہیگا اے  تے اوہ اوہدی ذات دا نقش ہیگااے ۔ (عبرانیوں ۱:  ۳)۔خُدا ای مکتی داتا ہیگا اے ۔ ایس لئی پئی کلام آپ خُدا ہیگا اے ، ایس لئی اوہدی راستبازی دا کلام ساڈے بندیاں دے خیالاں توں وکھرا تے اُچا اُچیرا ہیگااے ۔ جدوں پاپی اوہدی راستبازی نوں نئیں جان دے تاں تہانوں ایہہ سمجھن دی لوڑ ہیگی اے پئی پاپیاں نوں اپنی عقل دے راہیں خُدا دی راستبازی نوں سمجھن دی ہمت کرنی چاہی دی اے ۔ اک بندہ جیہڑا اپنے ایمان دے راہیں خُدا دی راستبازی اُتے پکا ہوکے قائم رہندااے ،ایہوجیہا بندہ خدا دے اگے کدی نکما نئیں سگوں خُدا ایہو جیہے بندے نوں بھلیائی لئی ورتے گا ۔ جیہڑا بندہ پکا ہوکے قائم رہندااے تے خُدا دے کلام نوں اپنے دل وچ پکیا ں ہو کے قائم رکھدا اے ،اوہ ایمان والا بندہ اکھواندااے تے ایہو جیہا ایماندار خُدا دے اگے کدی نکما نئیں ہیگا اے ۔ ایس طرحاں دا بندہ مبارک وی ہوندا اے ۔
سارے لوک اپنی سوچا ں تے پاپاں نال خُدا دے خلاف جنگ کردے نیں ۔ تہانوں پتہ ہونا چاہی
دااے پاک بنن تے نیک کماں دا دعویٰ یا دوجیاں اُتے رحم کر کے رحیم ہون دا دعویٰ کرنا تے فیر ایہدی مشہوری کرنا ،ایہہ سارے ایہو جیہے کافراں والے کم ہیگے نیں جیہڑے بندے دے ذہن وچوں نکلدے تے خُدا نوں دھوکہ دیندے نیں۔ نیک بنن دا دعویٰ کرنا خُدا دی مخالفت  ہیگی اے ۔ اوہدے توں ہٹ کے کوئی نیک نئیں ہیگااے ۔ جے اک مسیحی اوہدی کامل محبت نوں نئیں من دا تے اوہدی مکتی دی راستبازی نوں نویں سریوں جمن توں اَڈ پاؤندا اے ، ایہہ خُدا دی مخالفت تے حق دا آکھا ناں منناایں ۔
کیہ تہاڈے خیال وچ صرف وڈے پاپ کرن والے ای خُدا کولوں سزا پاؤن دےحقدار  ہیگے نیں ؟ اوہ سارے جیہڑے خُدا دی راستبازی اُتے ایمان نئیں رکھدے اوہ وی خُدا دے برباد کرن والےعذاب توں نئیں بچن گے ۔
اوہ جیہڑا یسوع اُتے اصل وچ ایمان نئیں رکھدا اوہ نیک کماں والی جندڑی دےخیال نال بھریا ہویا اے ۔ کیہڑا ایہو خیا ل سکھاؤندااے ؟ایہہ شیطان ای اے جیہڑا اِنج کرداسی ۔ پر، بندے اپنی جمن دیہاڑے توں ای نیکیاں کرن والی جندڑی بسر کرن دے لائق نئیں ہیگے ۔ایس لئی، خُداوند سانوں دسدا اے پئی ضرور ہیگااے پئی اسیں پاپاں توں مکتی پائیے  ۔ کیہ ایہدا ایہہ مطلب ہیگااے پئی سانوں جاندیاں پچھاندیاں ہویاں بدی کرنی چاہی دی اے ،ایس لئی پئی فضل بوہتا ہووے ؟ بالکل نئیں ۔ جدوں توں بندے دی نسل بنی ایں ،اوس دن توں پاپ اوہناں دے دل وچ  چلا گیا سی ۔ تے پاپ دی پلیتی  دے سبب دوزخ وچ جانا اوہناں دا نصیب بن گیا سی ۔ ایس لئی ، خُدا نے اوہناں نوں دسیا پاپاں دی اوس مکتی  نوں پاؤن جیہڑی یسوع نے شروع تو ں ای اوہناں لئی بنائی سی ۔ اوہ مکتی دا خُدا ہیگااے تے سانوں ساریاں نوں ہدایت دیندا اے پئی اوہدی راستبازی دے کلام نوں منن دے راہیں مکتی پائیے ،جیہڑی ساڈے دلاں وچ پائی جان والی سچیائی ہیگی اے ۔
 
 
بندے دی عادت کیہ ہیگی اے ؟
 
 ۱۳ ۔ ۱۸ آیتاں دسدیاں نیں ،  ” اوہناں دا سنگھ کھلی ہوئی قبر وانگر اے ۔اوہناں نیں اپنیاں جیبھاں نال فریب دتا ۔ اوہناں دے بُلا ں وچ سپاں دا زہر ہیگااے ۔ اوہناں دا مونہہ پھٹکار تے کوڑ بھریا اے ۔ اوہناں دے پیر قتل کرن لئی چھیتی ٹُردے نیں ۔ اوہناں دے  راہواں
وچ بربادی تے مندے حال نیں تے اوہناں نیں  سلامتی دی راہ  نوں ناں جانیاں، اوہناں دیاں اکھاں وچ خُدا دا خوف نئیں ہیگا اے ۔ “
”اوہناں نیں اپنیاں جیبھاں نال فریب دتا ۔“ سارے فریب دین والے لوک بوہت ڈاہڈے ہیگے نیں! یوحنا دی انجیل وچ ایہہ لکھیا ہویا اے ، ” جدوں اوہ جھوٹ بولدااے تاں اپنی ای بکدااے ۔“(یوحنا ۸:۴۴)۔ ”  میَں سچیاں گلاں بولدا پیا ہاں ،پئی سچیائی ایہہ ہیگی اے ۔کیہ تہانوں میری سمجھ آؤندی اے ؟   “  اک بندہ جیہڑا نویں سریوں نئیں جمیا ،اوہدے بول جنہاں اُتے اوہ قائم رہ کے بوہت یقین نال آکھدااے اوہ سارے جھوٹے ہیگے نیں ۔
اک بندہ جیہڑا نویں سریوں نئیں جمیا جدوں وی اوہ لوکاں نال گل بات کردااے ،اوہ جھوٹ بولن توں علاوہ ہور کُجھ کر ای نئیں سکدا ۔ اوہ ایس گل اُتے اڑیا رہندااے پئی جو کُجھ اوہنے آکھیا اے اوہ اکھرو اکھر سچ ہیگااے ، پر ایہہ اک کچا ثبوت ہیگا اے جیہڑا ثابت کردااے پئی اوہ ہر ویلے جھوٹ بولدا اے ،اوہ ایہہ آکھ کے لوکاں نوں فریب دیندااے پئی ایہو ای سچ ہیگا اے ۔ اک بندہ جیہڑا حالے تیک نویں سریوں نئیں جمیا ،ساریاں گلاں وچ جھوٹا ہیگااے ایس لئی پئی اوہ خُدا دی راستباز ی اُتے ایمان نئیں رکھدا ۔
اک فریبی کدی وی لوکاں نوں پتہ لگن دے بعد فریب نئیں دے سکدا پئی اوہ حالے تیک اوہناں نوں فریب دینداپیا اے ۔اوہ لوکاں نوں سچ پسندی وچ ،مٹھیاں مٹھیاں گل کر کے اوہناں دا اعتبار جت دے نیں ۔ اوہ آکھدے نیں ۔ ”  میَں تہانوں بالکل سچ آکھدا ہاں ۔جے تسیں ایس وچ چار پیسے لاوو ،تاں تسیں ایہدے بدلے وچ بوہت پیسے کما لوو گے ۔ صرف ۱۰ لکھ ڈالر لاوو ،تے اک سال دے اندر،تسیں جنہے پیسے لائے ہون گے ،اوہدے توں دونے پیسے مطلب اے ۲۰ لکھ کماوو گے ۔ تے آؤن والیاں ورہیاں وچ ، تسیں اک  وڈی رقم کماووگے ۔ ایہہ اک نویں قسم دا بزنس ہیگااے ،تے ایہہ مکمل حفاظت وچ ہیگااے ۔ تسیں ترقیاں کروں گے ،تہانوں دیر نئیں  کرنی چاہی دی ، اپنے ذہن نوں تیار کروایس لئی پئی بوہتے دوجے لوک ایس کم دی اُڈیک وچ ہیگے نیں ۔ “  ایہہ اوہ کُجھ ہیگااے جیہڑا اک فریبی لوکاں نوں دسدااے ۔تہانوں ایہہ گل یاد رکھنی چاہی دی اے پئی اک بندہ جنہیں پاپاں توں معافی نئیں پائی ،اوہ اپنی  جیبھ نال فریب دیندااے ۔
بائبل فرماؤندی اے پئی جدوں شیطان جھوٹ بولدااے ، تاں اوہ اپنی ورگی ای بولدا اے ۔ ہر اک گل جیہڑی نویں سریوں نہ جمن والا بندہ پاپ وچ ہوندیاں کردااے ،اوہ جھوٹی گل ہیگی اے ۔ ایہہ حیرانی دی گل نئیں ہیگی اے پئی اک خادم جیہڑا نویں سریوں نئیں جمیا ،اوہ اپنی کلیسیا دے لوکاں نوں ایہہ آکھ کے فریب دیندے نیں پئی جے اوہ گرجے نوں اک بوہت وڈی دہ یکی دی رقم ہدیے دی تھاں اُتے دین تاں اوہ امیر ہو جان گے ۔ اگانہہ ہور ، خورے اوہ آکھدااے پئی جویں ای اک بندہ کلیسیا دا ایلڈر بن دااے ،تاں اوہ بندہ خُدا دیاں ، ’ بوہتیاں برکتاں‘ دے راہیں امیرہوجاوے گا ۔ کیوں لوک  ایلڈربنن لئی اینی بوہتی ہمت کردے نیں؟ ایہہ جھوٹے خادماں دے جھوٹ دے سبب ہیگااے جیہڑے دعویٰ کردے نیں پئی جویں ای اوہ اک ایلڈر بن دااے خُدا اوہنوں دنیا دے مال نال مالا مال کر دیندا اے۔ ایتھے بوہتے مسیحی ہیگے نیں جیہڑے ایلڈر بنن دی کوشش دے بعد اپنےبھوئیں بھانڈے  مکا لیندے نیں ۔ایس لئی پئی ایلڈر بنن دی  آس وچ اپنے فریبی خادماں نوں بوہتے سارے انعام دیندے نیں ۔
آؤ فیر رومیوں ۳ :۱۰ ول دھیان کریے ۔ ایہہ عبارت، ” ایس لئی لکھیا اےپئی “ سانوں نشانی دیندااے پئی ہیٹھاں لکھیاں ہوئیاں آیتاں پُرانے عہدنامے وچوں دہرائیاں جاندیاں نئیں۔ پولُس بوہتی گل کھول دے دسن دی تھاں اُتے ،پاک کتاب وچوں بالکل اصل عبارت دہراؤندا اے: ” ایس لئی پئی اوہناں دے مونہہ وچ بھورا سچیائی نئیں ۔ اوہناں دا دل صرف شرارتی ہیگا اے ۔ اوہناں دا سنگھ کھلی ہوئی قبر وانگر اے ۔اوہ  اپنی جیبھ نال فریب دیندے نیں “(زبور ۵:۹)۔” اوہناں دے پیر بدی ول نسدے نیں تے اوہ اوپرے دا قتل کرن لئی چھیتی ٹُردے نیں۔ اوہناں دے خیال بھیڑیاں کماں دے نیں ۔ بربادی تےموت  اوہناں دیاں راہواں وچ ہیگی اے “(یسعیاہ ۵۹:۷)۔اوہ لوک جیہڑے خُدا دی راستبازی  نوں ناں جانن دے سبب دوزخ وچ جاندے نیں ،اوہناں اُتے بوہت ترس آؤندااے ۔
۱۹ آیت دسدی اے ، ” ہن سانوں پتہ ہیگا اے پئی شریعت  جو کُجھ آکھدی اے اوہناں نوں آکھدی اے جیہڑے شریعت  ہیٹھاں ہیگے نیں تاں پئی ساریاں دا مونہہ بند ہوجاوے تے سارا جگ خُدا دے اگے سزا پاؤن دے لائق بنے ۔ “
” شریعت  نال خُدا دا عذاب آؤندااے  “(رومیوں ۴:۱۵)۔خُدا اوہناں نوں جیہڑے نویں سریوں نئیں جمے ، شریعت دیندااے ،تاں پئی اوہ اپنے آپ نوں پاپی ہون  بارے جان سکن ۔ شریعت ہر اک پاپی نوں تعلیم سکھاؤندی اے پئی اوہ اوہدی شریعت مطابق حیاتی بسر کرن دے لائق نئیں ہیگااے ۔ ایہہ بوہت کھول کے دسیا گیا اے پئی خُدا نے شریعت ایس لئی نئیں دتی پئی اسیں اوہدے راہیں جیوندے رہیے ۔ تاں فیر کیہ خُدا شریعت نوں جھوٹیاں کردااے ؟ نئیں ۔ اوہ اِنج نئیں کردا ۔ خُدا فرماؤندااے پئی اوہنے موسیٰ دے راہیں ساڈے تیک شریعت نوں ایس لئی پوہنچایا پئی سانوں ایہہ تعلیم سکھائے پئی اسیں پاپی ہیگے آں ۔ اوہ چاؤہندااے پئی اسیں شریعت دے راہیں اپنی پاپی عادت نوں پچھان سکیے تے ایہہ ایس لئی نئیں دتی گئی پئی اسیں ایہدے اُتے عمل کرئیے ۔  شریعت دا کم سانوں بندیاں نوں ایہہ پچھان کراؤنا اے پئی اسیں کنے نکے تے ماڑے ہیگے آں۔
ایس لئی ، ۲۰آیت دسدی اے ،  ” ایس لئی پئی شریعت  دے کماں نال کوئی بندہ اوہدے اگے راستباز نئیں بنے گا ۔ ایس لئی پئی شریعت  کے راہیں تاں پاپ دی پچھان ای ہوندی اے ۔ “ کوئی بندہ وی شریعت دے کماں نال اوہدے اگے راستباز نئیں بنے گا ۔ ناں صرف پولُس آپ ،سگوں خُدا دے دوجے خادم وی،  ” شریعت  دے کماں نال کوئی بندہ راستباز نئیں بنے گا ۔“ کوئی وی  شریعت اُتے عمل نئیں کرسکدا تے نہ ای کوئی ایہدے اُتے عمل کرن دے لائق ہووے گا تے نہ کسے نے ایہدے اُتے عمل کیتا اے ۔ ایس لئی ، کلام دا پھل ایہہ ہیگااے پئی کوئی وی شریعت دے کماں نال راستباز نئیں بن  سکدا ۔
کیہ اسیں شریعت اُتے عمل کرکے راستباز بن جاندے آں ؟ جدوں اسیں ایہناں حوالیاں نوں ویکھدے آں ،تاں اسیں آسانی نال ایہہ سوچ سکدے آں پئی اسیں یسوع اُتے ایمان لیاؤن دے بعد اپنے نیکی دے کماں نال تے نیک حیاتی بسرکرن دے راہیں اخیریں ہولی ہولی پاکیزگی تیک اپڑن دے راہیں پاک بن سکدے آں ۔ پر بالکل سچ نئیں ہیگا ۔ایہہ آکھنا پئی کوئی اَسمانی بادشاہی وچ ہولی ہولی پاکیزگی وچ ودھن دے راہیں جا سکدااے ، ایہہ بالکل جھوٹ ہیگااے ۔
اوہ سارے جیہڑے حالے تیک نویں سریوں نئیں جمے خُدا دی شریعت ، پاپ دی شریعت تے موت ہیٹھاں ہیگے نیں ۔ (رومیوں ۸:۲)۔ایس لئی پئی جویں ای کوئی بندہ مسیحی بن دااے ،اوہ سوچدا اے پئی ،لازمی ہیگااے پئی اوہ خُدا دےکلام دے راہیں جیوندا رہوے ۔ مسیحی محسوس کردے نیں پئی اوہ اپنے شرعی کماں دی ذمے داری نوں پورا کردے نیں ،پر اصل وچ ، اوہ کدی شریعت دے راہیں جیوندے نئیں رہ سکدے ۔ایس لئی، اوہ ہر دیہاڑے توبہ دیاں دعاواں نوں گھڑی مُڑی پڑھدے نیں ۔ اوہ سمجھدے ای نئیں پئی اوہ صرف ناں دی مسیحیت دی اک دینی بے آسی دی دلدل وچ ڈِگدے جاندےنیں ۔ ایہدے توں ثابت ہوجاندااے پئی ایس طرحاں دی دینی حیاتی سرے توں ای غلط ہیگی اے ۔ شریعت دے مطلب نوں غلط سمجھن دے بعد شریعت اُتے عمل کرن دی کوشش کرنا دینی مسیحیاں نوں خُدا دی خوشخبری دا مقابلہ کرن ول لَے جاندی اے ، ایتھوں تیک پئی شریعت تاں لوکوں نوں صرف ایہہ سکھاؤندی اے پئی اوہ پاپی ہیگے نیں ۔
مسیحیت وچ ودھ دی ہوئی دینی پاکیزگی دی تعلیم بالکل ایہو جیہی ہیگی اے ، جیہو جیہی جگ دے بُت پرست دیناں دی اے ۔ بالکل اسے طرحاں جویں پئی بُدھا دی تعلیم وچ نرواناوچ جان دی تعلیم ہیگی اے ، اوسے طرحاں مسیحیت وچ ، ودھدی ہوئی دینی پاکیزگی دی تعلیم ہیگی اے جیہڑی دسدی اےپئی اک بندے دے یسوع اُتے ایمان شروع ہون دے بعد اوس بندے دا بدن تے روح ہو لی ہولی پاک توں بوہتا پاک ہونداجاندااے، تے اخیریں اوہ بندہ ایناں پاک ہو جاندااے پئی اوہ اَسمانی بادشاہی وچ جا سکدااے ۔
ہر بندہ جیہڑا پاپ دی اُڈ کے لگن والی بیماری توں جمیا اے اپنی حیاتی دے سارے ویلے و چ صرف پاپ نوں ودھاؤن دا کم ای کر سکدااے ۔ایہدا سبب ایہہ ہیگا اے پئی ہر کوئی شروع توں ای پاپ دی بیماری وچ ہیگااے ۔ جے کسےدا مطلب  پاپ نوں ودھاؤنا نئیں تاں وی ایہہ ایہو جیہا وائرس ہیگااے جیہڑا بندے دے بدن وچوں اپنے آپ باہر آجاندااے ۔ایس روگ دا صرف اِکو ای علاج ہیگااے ۔ تے اوہ ایہہ ہیگااے پئی سچی خوشخبری دے کلام نوں جیہڑا خُدا دی راستبازی وچ ہیگااے نوں سُننا تے ایس کلام اُتے ایمان لیاؤنا اے ۔ جے کوئی پاپاں دی مکتی دے اصل کلام نوں  سُن کے ایمان لیاؤندا اے تاں اوہ اپنے پاپاں توں مکتی پاسکدااے ،جیہدے توں اسیں رُوحانی ختنہ پاؤن دے لائق ہو جاندے آں ۔
کویں اک بندہ ایس جگ وچ نویں سریوں جمن دے بعد کامل طور اُتے شریعت دے مطابق حیاتی بسرکر سکدا اے؟ کوئی نئیں ۔بائبل دسدی اے ، ” ایس لئی پئی شریعت دے راہیں تاں پاپ دی پچھان ای ہوندی اے ۔“ (رومیوں ۳:۲۰)۔کیہ ایہہ سچیائی سدھی تے کھلی ہوئی نئیں ہیگی ؟ آدم تے حوا اپنی سادہ حیاتی وچ ،شیطان دے چکر وچ آکے پاپ وچ ڈگ پئے سن تےخُدا دے کلام نوں چھڈ دتا تے ایس واقعے دے بعد پاپ اوہناں دی ساری اولاد وچ پیڑھیوں پیڑھی چلا گیا ۔پر ،بھاویں سارے لوک اپنے باپ آدم توں پاپ دے وارث بنےسن ۔ تاں وی اوہناں نوں ایہہ سمجھ نئیں آؤندی پئی اصل وچ اوہ اک پاپی وانگر جمے سَن ۔
ابرہام دے ویلے توں ،خُدا نے بندےنوں اپنی راستبازی دا پکا علم دتا تاں پئی سارے لوک خُدا دے کلام اُتے ایمان لیاؤن دے راہیں پاپاں توں مکتی پاؤن ۔
 
 
پولُس شریعت دے اڈ خُدا دی راستبازی دے بارے گل کردااے
 
۲۱ ۔ ۲۲ آیتاں دسدیاں نیں ، ” پر ہُن شریعت توں اَڈ خُدا دی اک راستبازی ظاہرہوئی اے جیہدی گواہی شریعت تے نبیاں توں ہوندی اے ۔ مطلب اے خُدا دی اوہ راستبازی جیہڑی یسوع اُتے ایمان لیاؤن نال سارے ایمان لیاؤن والیاں نوں ملدی اے ،ایس لئی کُجھ فرق نئیں ۔“
ایہہ فرمایا گیا اے پئی خُدا دی راستبازی ظاہر ہوئی اے ، ” جیہدی گواہی شریعت تے نبیاں توں ہوندی اے ۔“ ”شریعت تے نبیاں توں “ دا مطلب پُرانا عہد نامہ اے  ۔ہُن، پولُس  خُدا دی راستبازی دی اوس خوشخبری دے بارے گل کردااے جیہڑی تنبو والی تھاں دے قربانی دے طریقے راہیں ظاہر ہوئی سی ۔ پاک کتاب کھول کے خُدا دی راستبازی نوں ساڈے اُتے ظاہر کردی اے جیہدے نال ہر کوئی پاپ دے قربانی راہیں پاپاں توں معافی پا سکدااے ، تے پولُس دا ایمان وی خُدا دی راستبازی اُتے بنیاد رکھداسی جیہڑی پاک کتاب وچ ظاہر ہوئی اے ۔
پولُس منادی کردااے پئی ہر کوئی جنہے یسوع اُتے ایمان لیاندااے ،کسے فرق توں اَڈ خُدا دی راستبازی پا سکدااے ۔ کسے دا مکتی پاؤنا یاں نہ پاؤنا ایہہ سارے داسار ا اوہدے اپنے یقین یاں بے یقینی اُتے ہیگا اے۔ایس لئی اوہنے آکھیا ، خُدا دی راستبازی ظاہر ہوئی اے ،  ” جیہڑی یسوع مسیح  اُتے ایمان لیاؤن نال سارے ایمان لیاؤن والیاں نوں ملدی اے ،ایس لئی کُجھ فرق نئیں ۔“
اصل ایمان کیہ ہیگا اے ؟ جیہدے وچوں ایمان آؤندااے ؟ ایہہ یسوع مسیح ہیگااے ۔ عبرانیوں ۱۲:۲وچ لکھیا اے ،  ” ایمان نوں بناؤن والے تے کامل کرن والے یسوع نوں ویکھدے رہوو۔ “ سانوں نویں سریوں جمن والے پاک لوکاں کولوں خُدا دی راستبازی دے بارے سکھنا چاہی دا اے تے ایس سچیائی اُتے ایمان لیاکے یسوع مسیح دی دتی ہوئی مکتی پاؤنی ایں تے فیر خُدا دے کلام اُتے ایمان لیا کے جیوندے رہنا چاہی دااے ۔ خُدا ونددی راستبازی اُتے ایمان لیاؤنا ای اصل ایمان  ہیگااے ۔
رومیوں ۱۰:۱۰وچ لکھیا اے ، ” ایس لئی پئی راستبازی لئی ایمان لیاؤنا دلوں ہوندااے تے مکتی لئی اقرار مونہوں کیتا جاندااے ۔ “ اسیں یسوع دے بپتسمے تے لہو اُتے اپنے دلاں ولوں ایمان لیاؤن دے راہیں راستباز بن سکدے آں تے ایمان نال اپنے مونہہ نال مکتی دا اقرار کرکے اسیں اپنی مکتی نوں پکیاں کر سکدے آں ۔ اسیں پاپاں توں مکتی نوں اپنے کماں دے راہیں   پا   نئیں   سکدے سگوں صرف
خُدا دی راستبازی اُتے ایمان لیا کے ۔
۲۳ ۔۲۵ آیتاں دسدیاں نیں ،  ” ایس لئی پئی ساریاں نیں پاپ کیتا تے خُدا دے جلال توں سکھنے نیں ۔ پر اوہدے فضل دے سبب اوس مکتی دے راہیں جیہڑی یسوع مسیح وچ ہیگی اے ،مفت راستباز بنائے جاندے آں ۔ اوس خُدا نے اوہدے لہو دے سبب اک ایہو جیہا فدیہ بنایا جیہڑا ایمان لیاؤن نال فائدہ مند ہووے ،ایس لئی پئی جیہڑے پاپ پہلوں ای ہو گئے سن تے جنہاں توں خُدا نے صبر کرکے  درگزرکیتا سی اوہناں دے بارے وچ اوہ اپنی راستبازی وکھاوے ۔ “
بائبل دسدی اے ایس لئی پئی ساریاں نیں پاپ کیتا تے خُدا دے جلال توں سکھنے نیں ۔پاپیاں دے کول دوزخ وچ جان توں ہٹ کے کوئی ہور وسیلہ نئیں سی ۔ پر،مکتی دے راہیں جیہڑی مسیح یسوع تے خُدا دی راستبازی وچ ہیگی اے ، لوک مفت پاپاں توں مکتی پاؤندے نیں۔ لوک ایس لئی پاک بنائے گئے ایس لئی پئی اوہناں نیں خُدا دی راستبازی دا یقین کیتا ۔ اوہنوں خُدا نے اوہدے لہو دے سبب اک ایہو جیہا فدیہ بنایا جیہڑا ایمان لیان نال فائدہ مند ہووے ۔
جدوں اسیں ۲۵ ۔ ۲۶ آیتاں اُتے دھیان کردے آں تاں اِنج لکھیا اے ،  ” اوہنوں  خُدا نے اوہدے لہو دے سبب اک ایہو جیہا فدیہ بنایا جیہڑا ایمان لیاؤن نال فائدہ مند ہووے ،ایس لئی پئی جیہڑے پاپ پہلوں ای ہو گئے سن تے جنہاں توں خُدا نے صبر کرکے  درگزر کیتا سی اوہناں دے بارے وچ اوہ اپنی راستبازی وکھاوے ۔سگوں ایسے ویلے اوہدی راستبازی ظاہر ہووے ایس لئی پئی اوہ آپ وی انصاف کرے تے جیہڑا یسوع اُتے ایمان لیائے اوہنوں وی راستباز بناؤن والا ہووے  ۔“
ایتھے ایہہ عبارت ،   ” اپنی راستبازی وکھاوے “ خُدا دی اوس راستبازی بارے دسدی اے ، جیہڑی یسوع مسیح دے چنگے عمل راہیں قائم ہوئی سی ۔ یسوع دے سولی اُتے لہو روڑھن توں پہلاں تے اوہد ی موت توں پہلاں اوہدا یردن دے دریا اُتے یوحنا بپتسمہ  دین والےکولوں بپتسمہ لین دا ایہہ سبب ہیگاسی ، اوہنے خُدا دی ساری راستبازی نوں پورا کیتا سی (متی ۳ :۱۳ ۔ ۱۷ داحوالہ ویکھو)۔خُدا باپ نے یسوع نوں ایس جگ دے پاپاں دی قربانی لئی اپنے تے انسانی پیڑھی دے وچکار اک ہمیش دا فدیہ بنایا اے ۔ یسوع خُدادی  راستبازی  دا بدن لَے کے آیا سی ۔
یسو ع نے ایس جگ دے پاپاں نوں یوحنا کولوں بپتسمہ لین دے راہیں مکا دتااے ۔  یسوع  جگ
توں پہلاں تے جگ توں بعد ہیگااے ۔ ایہدا مطلب ہیگااے پئی ہر کوئی جے ایس کلام اُتے ایمان لیائے جیہڑا دسدااے پئی خداوند نے ایس جگ دے شروع توں لَے کے اخیر تیک دے سارے پاپاں نوں مکادتا اے، اوہ مکتی پا سکدااے ۔
خُدادی  راستبازی   جیہڑی یسوع مسیح نے پوری کیتی سانوں اجازت دیندی اے پئی خُدا نال سلامتی وچ رہیے۔ ایہہ ایس لئی مقرر ہوئی تاں پئی صرف اوہو ای بندہ جیہڑا خُدا نال آرام کردااے ،اَسمان وچ جان دے لائق ہو جاوے ۔صرف سچیائی دی خوشخبری اُتے ایمان لیاؤن دے بعد ای میَں ایس آیت نوں سمجھ سکیا ہاں ۔ ” اوہنوں خُدا نے اوہدے لہو دے سبب اک ایہو جیہا فدیہ بنایا جیہڑا ایمان لیاؤن نال فائدہ مند ہووے ،ایس لئی پئی جیہڑے پاپ پہلوں ای ہو گئے سن تے جنہاں توں خُدا نے صبر کرکے  درگزر کیتا سی اوہناں دے بارے وچ اوہ اپنی راستبازی وکھاوے ۔ “اوہدے صبر دے ویلے میَں خُدا دی راستبازی نوں یسوع دے راہیں سمجھ سکیا تے ایمان لیایا ہاں ۔
خُدا دی راستبازی گزرے ہوئے ویلے وچ مکمل ہوئی جیہڑی ایہہ اشارہ کردی اے پئی ایہہ پہلوں ای پوری ہوگئی سی ۔اسیں اصل کلام اُتے ایمان لیاؤن دےراہیں پاپاں توں مکتی پائی جیہڑا ایہہ آکھدا اے پئی یسوع نے اپنے بپتسمے تے لہو دے راہیں ساڈے سارے پاپاں نوں ساڈے توں دُور سُٹ دتا اے ۔ ایتھوں تیک پئی ،بھاویں اسیں اپنے بدناں نوں پاپ توں مکمل طور اُتے حالے تیک نئیں روک سکے تاں وی ساڈیاں رُوحاں نوں اوہناں پاپاں توں اِکو ای واری معافی مل گئی اے ۔ خُدا ساڈے ایس موجودہ جگ دے پاپاں نوں جیہڑے اسیں کردے آں ، ” پہلوں توں کیتے گئے پاپاں “ وانگر اشارہ دیندااے ۔
کاہدے لئی؟ خُدا نے یسوع دے بپتسمے نوں مکتی دا  شروع مقرر کیتا ؟ ایس لئی ، خُدا دی راستبازی دے راہیں پاپاں توں مکتی اِکو ای وار پوری ہوئی ،جنہوں یسوع نے مکمل کیتا ۔خُدا دے اگے اوہ سارے پاپ جیہڑے اسیں ہُن بدن وچ رہندیاں ہویاں کردے آں اوہ سارے پہلوں توں ای یسوع دے بپتسمے راہیں مکا دتے گئے نیں ۔ خُدا دے اگے ایس جگ دے پاپ تاں پہلوں ای معاف کردتے گئے نیں ۔ ’ جیہڑ ے پاپ پہلوں ای ہوگئے سن ‘ دا مطلب ہیگااے پئی ،   ’پاپاں دے او س مُل نوں دھیان وچ لیاؤنا اےجیہڑا پہلوں ای اداکردتا گیا اے ۔‘ ایس جگ دے سارے پاپ ایہو جیہے ہیگے نیں جیہڑے خُداوند دے بپتسمہ لین تے اوہدے صلیبی لہو نال پہلوں ای دھودتے گئے نیں ۔
ایس لئی ، جگ دے شروع توں لَے کے اخیر تیک ، آدم توں لَے کے دھرتی دے اخیری دیہاڑے
تیک ایتھوں تیک پئی اوہ پاپ جیہڑے ہُن دے ویلے تیک لوکاں توں ہوندے پئے نیں ،ایہو جیہے پاپ ہیگے نیں جنہاں نوں یسوع نے شروع توں ای مکا دتا اے ۔جیہڑے خُدا دی راستبازی اُتے ایمان لیاؤندے نیں اوہ پاپاں توں اَڈ ہیگے نیں ۔ایہہ سچ ہیگااے پئی جیہڑے پاپ پہلوں کیتے گئے سن تے جنہاں نوں خُدا نے اَڈ کیتا سی پہلوں ای مکا دتے گئے سَن ۔ایتھوں تیک پئی اوہ پاپ وی جیہڑے اسیں ہُن کردے پئےآں  اوہ وی خُدا دی نظر وچ اوہناں پاپاں دے نال دے نیں جیہڑے پہلوں کیتے گئے سَن تے جیہڑے معاف ہو گئے نیں ۔ ایس جگ دے لوک اوہو ای پاپ کردے پئے نیں جیہڑے خُدا دے پُتر راہیں پہلوں ای مکادتے گئے سَن ،جیہڑا ایس جگ وچ ایس لئی گھلیا گیا پئی جگ دے پاپاں نوں مکاد یوے ۔ اوہ پاپ جیہڑے اسیں ہُن کردے پئے آں اوہ ایہو جیہے پاپ ہیگے نیں جنہاں نوں ساڈے خُداوند نے پہلوں ای مکا دتا سی ۔کیہ تہاڈی سمجھ وچ آؤندا اے پئی ایہدا کیہ مطلب ہیگااے ؟
یسوع نے فرمایا پئی اوہنے پہلوں ای خُدا دی راستبازی دے راہیں ایس جگ دے پاپاں نوں مکا دتا سی ۔ جے کوئی ایس عبارت نوں ٹھیک طرحاں نئیں سمجھدا تاں خورے اوہ ایہدا غلط مطلب سمجھ سکدااے ۔ خُدا دی نگاہ ،پاپ جیہڑے اسیں کردے پئے آں ،ایہو جیہے پاپ ہیگے نیں جنہاں دی پہلوں ای جدوں اوہنے یردن دے دریا اُتے بپتسمہ لیا تے سولی اُتے سزا پاؤن دے راہیں اوہناں دا انصاف ہو گیا سی ۔ ایہو ای سبب ہیگااےپئی خُدا سانوں آکھدااے پئی پاپاں دے بارے فکر نہ کرو ایس لئی یسوع مسیح ایس جگ وچ آیا تے لوکاں نوں اِکو ای وار مکمل طور اُتے پاک کیتا ۔
ایس عبارت وچ پولُس ایس سچ دی لوڑ بارے گل کردااے جنہے ایمان نال خُدا دی راستبازی دے سبب مکتی دتی اے ۔ پر، اوہ لوک جیہڑے نویں سریوں نئیں جمے خُدا دی راستبازی توں نظراں چراؤندے نیں تے ایہو جیہے لوک دوزخ وچ جان گے ۔بھراوو، تہانوں سُننا چاہی دااے تے مکمل طور اُتے خُدا دے کلام نوں سمجھنا چاہی دااے ۔ صرف فیر ای ایہہ تہاڈے ایمان نوں بناؤن وچ تے دوجے بندے تیک خوشخبری دی منادی کرن وچ چنگا ہووے گا ۔ کیہ تہانوں پتہ ہیگااے پئی خُدا نے ایس پاپی جگ اُتے ،راستبازی ،نوں ثابت کیتا تے اخیر وچ اپنی راستبازی وکھاؤن لئی اوہنوں سزا ہوئی ؟ (یوحنا ۱۶ : ۸)۔
خُدا نے یسوع نوں اوہدے لہو دے سبب ،اک ایہو جیہا فدیہ بنایا جیہڑا ایمان لیاؤن نال فائدہ مند ہووے ایس لئی پئی جیہڑے پاپ پہلوں کیتے گئے سن تے جنہاں توں خُدا نے صبر کرکے درگزر کیتا سی اوہناں دے بارے وچ اوہ اپنی راستبازی وکھائے ۔جدوں توں خُدا نے یسوع نوں اک فدیہ بنایا ، اوس ویلے توں اوہ سانوں سکھاؤندا اے پئی جیہڑے پاپ پہلوں توں ہوئے سن اوہ مکا دتے گئے سن ۔ ایس لئی ،
اسیں خُدا دی راستبازی اُتے ایمان لیاؤن دے راہیں راستباز بنے آں ۔
آیت ۲۶ وچ لکھیا اے ، ” ایس لئی ایسے ویلے  اوہدی راستبازی ظاہر ہووے ایس لئی پئی اوہ آپ وی انصاف کرے تے جیہڑا یسوع اُتے ایمان لیاوے اوہنوں وہ راستباز بناؤن والا ہووے ۔ “  ’ ایس ویلے ‘  خُدا سانوں اجازت دیندااے پئی ہمیش دی حیاتی پائیے تے اوہ جگ نوں رد کرنا نئیں چاؤہندا ۔ ’ اوسے ویلے ‘  جدوں خُدا نے یسوع مسیح نوں گھلیا پئی ،   ’اوہدی راستبازی وکھاوے ‘ خُداوند نے اپنے بپتسمہ تے لہو نال خُدا دی راستبازی وکھائی ۔ خُدا نے اپنے اکلے پُتر نوں ایس جگ وچ گھلیا پئی بپتسمہ لوے تے سولی اُتے مرے تے اِنج ساڈے اُتے اپنی راستبازی تے محبت نوں وکھاوے ۔
خُدا نے اپنی ساری راستبازی نوں یسوع دے راہیں پورا کیتا ، خُدا دی راستبازی اُتے ایمان لیاؤن والا ہر اک ایماندار راستباز ہیگااے ۔ ساڈا خداوند اِکو ای وار ہمیشہ لئی ایس جگ دے پاپاں نوں مکاؤن لئی چنگا کم کر چُکیا اے ۔ کیہ فیر اسیں خُدا دی راستبازی اُتے دلوں ایمان لیا سکدےآں؟ خُدا فرماؤندااے پئی جدوں اسیں اوہدی راستبازی اُتے ایمان رکھدے آں تاں اسیں راستباز تے بےپاپ ہیگےآں ۔کاہدے لئی؟ یسوع اُتے ایمان لیاؤن والا اک بندہ پاک نئیں جد پئی اوہ شروع توں ای اپنے چنگے کم دے راہیں سارے جگ دے پاپاں نوں دھو کے اوہناں توں دُور کرچُکیا اے ؟ خُدا دی راستبازی اُتے ایمان لیاؤن والا بندہ راستباز ہیگااے ایس لئی پئی اوہدے وچ کوئی پاپ نئیں ہیگا اے ۔ ایس لئی ساڈا خُداوند شروع توں ای ساڈے سارے پاپاں نوں جیہڑے اسیں اپنی ساری جندڑی وچ کیتے مکا چُکیا سی ،ایس لئی اسیں خُدا دی راستبازی دے راہیں ایمان لیاؤن دے لائق ہیگے آں ۔ نئیں تے ،اسیں کدی وی خُدا دی راستبازی پاؤن دے لائق نہ ہو سکاں گے ۔
 
 
صرف خُدا دی راستبازی ای فخر کرن دے لائق ہیگی اے
 
۲۷ ۔ ۳۱ آیتاں دسدیاں نیں ، ” ایس لئی فخر کتھے گیا ؟ ایہدی تھاں ای نئیں ۔ کیہڑی شریعت دے سبب ؟ کیہ کماں دے شریعت نال ؟ نئیں سگوں ایمان دی شریعت نال ۔ ایس لئی ، اسیں ایس نتیجے اُتےپوہنچدے آں پئی بندہ شریعت دے کماں دے اَڈ ایمان دے راہیں راستباز بن دا اے ۔کیہ خُدا صرف یہودیاں دا خُدا دا ای ہیگااے اوپریاں قوماں دا نئیں ؟ بے شک اوپریاں قوماں دا وی ہیگااے ۔ایس لئی پئی خُدا اِکو ای ہیگااے جیہڑا ختنے والیاں نوں وی ایمان نال تے بےختنے لوکاں نوں وی ایمان دے ای راہیں راستباز بناوے گا ۔ ایس لئی کیہ اسیں شریعت  نوں ایمان نال جھوٹیاں کردے آں ؟ بالکل نئیں سگوں شریعت  نوں قائم رکھدے آں۔“
شریعت نوں قائم کرن دا مطلب ایہہ ہیگااے پئی اسیں اپنے کماں نال مکتی نئیں پا سکدے ۔ اسیں ماڑے تے مکن والے لوک ہیگے آں۔پر خُدا دی راستبازی اوہدے کلام دے راہیں سانوں کامل کردی اے ۔ خُدا دی راستبازی دے کلام اُتے ایمان لیاؤنا سانوں مکتی دے چُکیا اے ۔ایتھوں تیک پئی ساڈے پاپاں توں مکتی پاؤن دے بعد ، ساڈا خُداوند ساڈے نال گلاں کردا رہندا اے ،اِنج آکھدیاں  ہوئیاں ، ” تسیں کُجھ نئیں ہیگے او ، پر میَں تہانوں پاک بنایا اے ۔ ایس لئی ، تہانوں خُدا دی راستبازی  نال اوہدے اگے جانا چاہی دا اے ۔ “
۲۷ آیت وچ ایہہ لکھیا اے ، ” ایس لئی فخر کتھے گیا ؟ ایہدی تھاں ای نئیں ۔ کیہڑی شریعت دے سبب ؟ کیہ کماں دے شریعت نال ؟ نئیں سگوں ایمان دی شریعت نال ۔ “ ہر اک نوں چاہی دا اے پئی خُدا دی راستبازی دی شریعت نوں جانے جیہڑی خُدا نے بنائی تے اوہدی راستبازی دی شریعت اُتے ایمان لیاوے ۔ ”کیہڑی شریعت دے سبب ؟ کیہ کماں دے شریعت نال ؟ نئیں سگوں ایمان دی شریعت نال ۔ “
تہانوں پتہ ہونا چاہی دا اے پئی اسیں صرف اوس ویلے اپنے پاپاں توں مکتی پاؤندےآں جدوں اسیں خُدا دی راستبازی اُتے ایمان لیاؤندے آں تے اپنے کماں دے سبب اسیں مکتی نئیں پا سکدے ۔ رومیوں ۳ باب پولُس رسول دے راہیں ایس حصے بارے گل بات کردا اے۔” کیہ اوہناں دی بے وفائی خُدا دی وفاداری نوں جھوٹا کر سکدی اے ؟ بالکل نئیں ! “ خُدا دی راستبازی اُتے ایمان لیاؤن والا قائم رہوے گا ،پر جیہڑا خُدا دی راستبازی اُتے ایمان نئیں لیاؤندا اوہ ڈِگ پوے گا ۔
رومیوں ۳ باب وچ خُدا دی راستبازی کھل کے ظاہر ہوئی اے ۔ تہانوں ایہہ گل ذہن وچ رکھنی چاہی دی اے پئی خُدا دنےاپنی راستبازی اوہناں نوں ڈیگن لئی بنائی اے جیہڑے اپنے خیالاں اُتے یقین رکھدے نیں ۔ خُدا نے مکمل طور اُتے سانوں پاپ توں مکتی دتی اے ۔ ایس لئی ، اسیں خُدا دے کلام اُتے جیہڑا اوہدی راستبازی وچ ظاہر ہویا ،ایمان لیا کے مکتی پا سکدے آں ۔ اسیں خُدا دی راستبازی اُتے ایمان لیاؤن دے سبب اوہدے نال میل رکھدے تے اوہدی بادشاہی دے مالک بنائے جاندے آں ۔
جیہڑے خُدا دی راستبازی اُتے ایمان نئیں رکھدے اوہ اپنے دلاں وچ تسلی نئیں پا سکدے ۔ کسے دے مبارک یاں لعنتی ہون دے سوال دا مکا ایہدے اُتے ہیگا اے پئی کیہ اوہ خُدا دی راستبازی اُتے ایمان رکھدا اے یاں نئیں ۔ جے کوئی خُدا دی راستبازی دے کلام نوں قبول نئیں کردا ،تاں اوہدا انصاف بالکل خُدا دے کلام دی سزا مطابق ہووے گا ۔ مکتی خُدا دی محبت نال پیدا ہوندی اے تے فیر اسیں اوہدی راستبازی اُتے ایمان لیاؤن دے راہیں اپنے پاپاں توں مکتی پاؤندے آں۔ اسیں خُداوند دی وڈیائی کردے آں جنہیں سانوں خُدا دی راستبازی اُتے ایمان رکھن دا نعام دتا ۔ آؤ ایس  سچیائی لئی اوہدا شکر ادا کردے آں پئی ساڈا ایمان بالکل اوہو جیہا ای اے جویں پئی پولُس رسول دا سی !اسیں خُداوند دی وڈیائی کردے آں ۔
اسیں اوہدی تعریف تے شکریہ ایس لئی وی ادا کردے آں پئی اسیں یسوع دے بپتسمے تے اوہدے صلیبی لہو اُتے ایمان لیاؤن دے راہیں سارے پاپاں توں چھڈائے گئے آں ۔ جے اسیں ایس ایمان نوں خُدا دی کلیسیا دی مکتی اُتے نئیں رکھیا ، تاں اسیں کدی وی پاپاں توں مکتی نئیں پا سکاں گے ۔ اسیں سچ مُچ خُدا دی راستبازی اُتے ایمان رکھدے آں تے مکتی لئی اقرار اسیں مونہوں  کیتا سی ۔ اسیں خُدا دا شکر ادا کردے آں جنہیں اپنی راستبازی نال سانوں سارے پاپاں توں مکتی دتی اے ۔