خطبے

مضمون 9: رومیوں (رومیوں دی کتاب اُتے تفسیر)

[7-2 باب] <رومیوں ۷:۱ ۔۴> پولُس دے ایمان دا خلاصہ: پاپ ولوں مرن دے بعد مسیح نال میل جول

>رومیوں ۷:۱ ۔۴<
” اے بھراوو! کیہ تہانوں نئیں پتہ(میَں اوہناں نوں آکھدا ہاں جیہڑے شریعت نوں جان دے نیں )پئی جدوں تیک بندہ جیوندااے اوس ویلے تیک  شریعت اوہدے اُتے حکم چلاؤندی اے ؟ایس لئی جیہڑی زنانی دا گھروالا ہیگا اے اوہ شریعت دے مطابق اپنے گھروالے دی حیاتی تیک اوہدے حکم ہیٹھاں ہیگی اے پر جے بندہ مرگیا تاں اوہ گھروالے دی شریعت توں چھُٹ گئی ۔ ایس لئی جے گھروالے دے جیوندیاں ہوئیاں دوجے بندے دی ہوجاوے تاں زانیہ اکھواوے گی پر جے گھروالا مر جاوے تاں اوہ  اوس شریعت توں چھُٹ گئی اے ۔ ایتھوں تیک پئی جے دوجے بندے دی ہو وی جاوے تاں زانیہ نہ ثابت ہووے گی ۔ ایس لئی اے میرے بھراوو !تسیں وی مسیح دے بدن دے راہیں شریعت ولوں ایس لئی مردے بن گئے پئی اوس دوجے دے ہوجاووجیہڑا مویاں وچوں جوایا گیا تاں پئی اسیں سارے خُدا لئی پھل پیدا کرئیے ۔ “
 
 
کیہ تسیں کدی  سوتر دی بنھی ہوئی  گنڈھ ویکھی اے ؟ جے تسیں یسوع دے بپتسمے دی سچیائی نوں جانیوں اَڈ ایس باب نوں سمجھن دی ہمت کردے او، جیہدے اُتے پولُس رسول ایمان رکھدا سی ،تاں تہاڈا ایمان صرف پہلاں توں بوہت چوکھا پریشانی دی حالت وچ پَے جاوے گا ۔
پولُس ایس باب وچ آکھدا اے پئی ایس لئی پئی ہر کوئی خُدا دی شریعت دے اگے اخیریں پاپی ہیگا اے ، ایس لئی کوئی بندہ یسوع مسیح کول جا سکدااے تے صرف رُوحانی موت مرن  دے  بعد نویں سریوں
جم سکدا اے ۔
 
 
سچ جیہدا پولُس نے احساس کیتا
 
رومیوں ۷ : ۷ دسدااے ، ” ایس لئی اسیں کیہ آکھیے ؟ کیہ شریعت پاپ ہیگی اے ؟ بالکل نئیں سگوں شریعت دے اَڈ میَں پاپ نوں نئیں پچھان دا ۔“ پولُس جاری رکھدا اے ،  ” مثال طور اُتے جے شریعت  ایہہ نہ آکھدی پئی تُوں لالچ نہ کریں تاں میَں لالچ نوں نہ جان دا ۔ “ ہور اگے ، اوہ ودھاؤندااے ،  ” پر پاپ نے موقع پاکے حکم دے راہیں میرے اندر ہر طرحاں دا لالچ پیدا کر دتا۔  “ پولُس نے احساس کیتا پئی اوہ خُدا  دے سارے ۶۱۳ حکماں دے خلاف رہیا سی ۔ دوجے اکھراں وچ، اوہ پاپ دے ڈھیر تو ں بوہتا کُجھ نئیں سی جیہڑا کُجھ نئیں کر سکدا سی سگوں پاپ کرنا، ایس لئی پئی اوہ پہلے بندے آدم دی نسل وچوں ہیگا سی ، کمزوری وچ پلیا ودھیا تے اپنے ماں دے راہیں  پاپ وچ جمیا سی ۔
ہر کوئی جیہڑا ایس جگ وچ جم دا اے ، اپنی جمن توں بالکل شروع تُوں اپنے مرن تیک پاپ کردااے ۔ ایس طرحاں اوہ خُدا دے حکماں نوں قائم رکھن دے لائق نئیں ہیگے ۔ کویں ایہہ پاپ دے ڈھیر سارے ۶۱۳ حکماں نوں تے خُدا دی شریعت نوں قائم  رکھ سکدے سَن؟ صرف جدوں اسیں احساس کردے آں پئی اسیں خُدا دی شریعت دے اگے پاپی ہیگے آں ،اسیں یسوع مسیح ، خُدا دی راستبازی کول جا سکدے آں تے احساس کر سکدے آں پئی اسیں اخیریں یسوع مسیح دے راہیں پاپ توں چھُٹ سکدے آں ۔ یسوع مسیح خُدا دی راستبازی بن گیا ۔ اوہ ساڈے کول خُدا دی راستبازی،یوحنا کولوں اپنے بپتسمے تے سولی اُتے اپنے لہو دےراہیں لیایا ۔ ایس لئی سانوں ساریاں نوں لازمی طوراُتے خُدا دی راستبازی نوں جاننا تے ایمان رکھنا چاہی دا اے ۔ کیہڑے سبب توں سانوں لازمی طور اُتے یسوع اُتے ایمان رکھنا چاہی دا اے ایس لئی پئی خُدا دی ایہہ راست بازی اوہدے وچ ہیگی اے ۔
کیہ تسیں خُدا دی راستبازی نوں جان دے تے ایمان رکھدے او؟ خُدا دی راستبازی اک بھیت ہیگا اے جیہڑا پانی تے رُوح دی خوشخبری وچ لُکیا ہویا اے ۔ ایہہ بھیت پورے بپتسمے وچ ہیگا اے جیہڑا یسوع نے یردن دے دریاوچ یوحنا کولوں لیا سی ۔ کیہ تسیں ایس بھیت نوں جاننا چاؤہندے او؟ جے تسیں ایس سچیائی اُتے ایمان رکھنا چاؤہندے او ، تسیں اپنے ایمان دے راہیں خُدا دی راستبازی نوں پاووگے  ۔
خُدادی شریعت تے اوہدے حکماں دے بارے وچ سانوں جانن توں پہلاں ، اِنج لگداسی جویں اسیں پاپی نئیں ہیگے ساں ، ایتھوں تیک پئی اسیں ہر دیہاڑے پاپ کیتے سَن ۔ پر گرجے جان دے بعد ،اسیں محسوس کیتا پئی اسیں بے شک وڈے پاپی ہیگے ساں مطلب اسیں اپنے نظر آؤن والے پاپاں دے سبب رُوحانی موت تیک اپڑ جاواں گے ۔ ایس طرحاں ، لوکاں نوں یسوع مسیح تیک لَے جان دے بارے وچ ، پولُس رسول نے اپنے لنگھے ہوئے دناں نوں دوبارہ یا د کیتا جدوں اوہنے خُدا دی شریعت تے حکماں نوں غلط سمجھن دے بعد نقلی ایمان رکھیا سی۔
ایتھے اک مثال ہیگی اے جیہڑی تہاڈی خُدا دی شریعت دا کردار سمجھن وچ مدد کرے گی ۔ ہُن میَں پاک کتاب پھڑی ہوئی اے ۔ جے میَں ایس پاک کتاب دے ورقیاں دے وچکار کوئی بوہت خاص شے ایہہ آکھدیاں ہوئیاں لُکانداہاں ،  ” کدی جانن لئی ،ایس کتاب دے اندر ویکھن دی ہمت نہ کریا جے ، ایہدے وچ کیہ لُکیا ہویااے ۔“تے فیر اوہنوں ایتھے میز اُتے تھوڑے چِر لئی تہاڈے کول چھڈ جانداہاں، تسیں کیہ کروگے ؟ جیہڑے ویلے تسیں میری گل سُن دے او ، تسیں لبھن دی آس محسوس کرو، ایس پاک کتاب وچ کیا لُکیا ہویا اے تے ایس بے چینی وچ ، تسیں میری ہدایت دی خلاف ورزی کروگے ۔ اوسے ویلے جدوں تسیں اپنے آپ وچ ایس پاک کتاب وچ کیہ لُکیا ہو سکدااے ،دے بارے وچ حیران ہوندے او، تہاڈے کول کوئی راہ نئیں ہیگا سگوں لبھنا اے۔ پر میَں تہانوں کیہ کدی پاک کتاب وچ نہ ویکھن دا حکم نئیں دتا سی ، تسیں کدی گل وچ آؤنا محسوس نئیں کیتا ہووے گا ؟ ایسے طرحاں ، جدوں خُدا سانوں حکم دیندا اے ، تاں پاپ جیہڑا ساڈے وچ لُکیا سی اپنے آپ نوں حالات مطابق ظاہر کرے گا ۔
شریعت جیہڑی خُدا نے لوکاں نوں دتی اے لوکاں دے دلاں وچ پاپ نوں ظاہر کرن دا کم کردی اے ۔ایہہ اوہنے سانوں ایس لئی نئیں دتی تاں پئی اسیں ایہنوں قائم رکھیے تے ایہدے پچھے چلیے، سگوں ، ساڈے پاپاں نوں ظاہر کرن دے بارے وچ تے اِنج سانوں پاپی بناؤن لئی  سانوں شریعت دتی سی ۔ اسیں سارے مر مُک جاواں گے جے اسیں یسوع مسیح دے کول نئیں جاندے تے خُدا دی راستبازی اُتے ایمان نئیں رکھدے جیہڑی بپتسمے وچ ہیگی اے جیہڑا یسوع نے یوحنا کولوں لیا سی تے لہو وچ جیہڑا سولی اُتے وگایا گیا سی ۔ سانوں ذہن وچ رکھنا چاہی دا اے پئی شریعت دا کم سانوں مسیح دے  کول  لیانا  تے اوہدے  راہیں
خُدا دی راستبازی اُتے ساڈی ایمان رکھن وچ مدد کرنا اے ۔
ایس لئی پولُس نے گواہی دتی ، ” پر پاپ نے موقع پاکے حکم دے راہیں میرے اندر ہر طرحاں دا لالچ پیدا کر دتا۔  “(رومیوں ۷ : ۸)۔خُدا دی شریعت دے راہیں پولُس رسول نے سانوں وکھایا پئی پاپ وچ کیہ کُجھ ہوندااے ۔ اوہنے اقرار کیتا پئی اپنی حیاتی وچ اوہ اک پاپی رہ چُکیا سی ،پر اوہ یسوع مسیح دے راہیں دتی گئی خُدا دی راستبازی اُتے ایمان رکھن دے راہیں ہمیشہ دی حیاتی پاؤن تیک اپڑیا ۔  
 
 
پولُس دا رونا تے ایمان
 
ایس طرحاں پولُس نے آکھیا ،”ہائے میَں بوہت  لیکھاں دا ماریا ہویا واں! ایس موت دے بدن توں مینوں کون چھڈاوے گا ؟اپنے خُداوند یسوع مسیح دے راہیں خُدا دا شکر کرداہاں۔  “ (رومیوں ۷ : ۲۴۔۲۵)۔
پولُس نے سچیائی دا اقرار کیتا پئی ایتھوں تیک پئی اوہنے ، جیہڑا خُدا دی راستبازی رکھدا سی ، فیر وی پاپ کیتا ، مطلب اے ایس طرحاں ، خُدا دی راستبازی ایتھوں تیک پئی بوہت چھیتی کرکے نہ صرف اوہدے لئی سگوں سارے لوکاں لئی وی ضروری ہیگی سی ۔
سانوں خُدا دی راستبازی ،بپتسمے وچ لُکے ہوئے بھیتاں نوں چنگی طرحاں جانن دے راہیں پاؤنی چاہی دی اے جیہڑا  یسوع نے لیا تے ایہدے اُتے ایمان لیاؤنا چاہی دا اے ۔ تہانوں تے مینوں جاننا چاہی دا اے تے خُدا دی راستبازی اُتے ایمان رکھنا چاہی دا اے جیہڑی مسیح دے بپتسمے تے اوہدے صلیبی لہو وچ مِلدی اے ۔ صرف فیر ساڈیاں رُوحاں تے بدن ،جنہاں کول کوئی دوجا راہ نئیں ہیگا اے سگوں پاپ کرنااے ، اپنے پاپاں توں چھُٹ جان گئیاں ۔ سانوں لازمی طوراُتے سچیائی نوں نئیں بھُلنا چاہی دا پئی مسیح دے بپتسمے تے سولی اُتے اوہدے لہو نے خُدا دی راستبازی نوں پورا کیتا اے ۔
اوہ جیہڑے خُدا دی راستبازی نوں نئیں جان دے ،اخیر وچ صرف پاپیاں وانگر قائم رہ سکدے نیں ۔پر اوہ خورے اوہدی شریعت اُتے عمل کرن دی بوہت ہمت کر سکدے نیں ۔سانوں لازمی طور اُتے احساس کرنا چاہی دا اے پئی خُدا دی شریعت ساڈے لئی اوہناں نوں قائم رکھن واسطے نئیں دتی گئی سی ۔پر شرع نوں پسند کرنے والے احساس نئیں کردے پئی مکتی دا بھیت ،  ” بپتسمے“ وچ ہیگا اے جیہڑا یسوع نے سولی اُتے اپنا لہو وگاؤن دے نال نال پایا سی ۔ ایہدے نتیجے وچ ،اوہ خُدا دی شریعت نوں اِنج سوچ کے غلط سمجھدے نیں پئی ایہہ اوہناں نوں منن لئی دتی گئی سی ،تے اوہ پریشانی وچ جیوندے رہندے نیں ۔ پر سانوں لازمی طور اُتے شریعت دے راہیں اپنےپاپاں نوں پچھاننا چاہی دا اے تے خُدا دی راستبازی اُتے اپنے ایمان دے راہیں جیوندے رہنا چاہی دا اے ۔ سانوں لازمی طور اُتے اپنی دلی راستبازی دے پچھے چل کے خُدا دی ایس راستبازی دے خلاف  نئیں ہونا چاہی دا اے ۔ سگوں سانوں لازمی طور اُتے خُدا دی راستبازی اُتے ایمان رکھنا چاہی دا اے جیہڑی یسوع دے بپتسمے تے اوہدے صلیبی لہو نال پوری ہوئی اے ۔ دوجے اکھراں وچ ، سانوں اپنے خُداوند دا شکر اداکرنا سکھنا چاہی دا اے ، جنہے خُدا دی راستبازی پوری کیتی اے ۔
ایس سبب توں پولُس اپنے بدن ول ویکھدیاں ہویاں رویا سی ،  ” ہائے میَں بوہت لیکھا ں دا ماریاں ہویا بندہ ہیگاواں! “پر فیر وی یسوع مسیح دے راہیں خُدا دا شکر ادا کیتا۔ پولُس نے ایہہ اقرار کیتا پئی ایہہ اوہ سبب ہیگا سی ،ایس لئی پئی جنہے بوہتے اوہنے پاپ کیتے سَن ،اونے بوہتے کامل طریقے نال یسوع دےبپتسمے تے اوہدے صلیبی لہو نے خُدا دی راستبازی نو ں پورا کیتا اے ۔ اسیں وی دل دی خوشی تے فتح نال رولا پاؤن دے لائق ہیگے آں ،ایس لئی پئی اسیں یسوع مسیح اُتے اپنے ایمان دے راہیں مکتی یافتہ ہو گئے آں ، بھاویں جویں اسیں بدن دی شریعت تے خُدا دی راستبازی وچکار اوکھیاں حیاتیاں بسر کردےآں ۔اکلاایمان جیہڑا پولُس رکھدا سی اوہ یسوع مسیح دے بپتسمے  تے اوہدے صلیبی لہو اُتے ایمان ہیگا سی ۔ ایس طرحاں پولُس خُدا دی راستبازی اُتے اپنے ایمان نال  رہن لئی آیا تے خُدا دی راستبازی اُتے ایمان رکھن دے راہیں ،اوہ اِنج دا بندہ بن سکیا جنہے خُدا دی وڈیائی کیتی ۔
رومیوں باب ۷ وچ ،پولُس خُدا دی راستبازی وچ اپنے اخیریں دسے ہوئےفتح والے ایمان  دے مقابلے وچ پرانے ویلے دی بے نصیبی دی حالت بارے گل کر دا اے ۔ پولُس دے ایمان دی فتح خُدا دی راستبازی اُتے اوہدے ایمان دے سبب ہیگی سی ۔
” اے بھراوو! کیہ تہانوں نئیں پتہ(میَں اوہناں نوں آکھدا ہاں جیہڑے شریعت نوں جان دے نیں )پئی جدوں تیک بندہ جیوندااے اوس ویلے تیک  شریعت اوہدے اُتے حکم چلاؤندی اے؟ “(رومیوں ۷ : ۱)۔
باب ۷ دا چڑھا آیتاں ۲۴ تے ۲۵ وچ ہیگا اے ۔پولُس نے لکھیا،”ہائے میَں بوہت  لیکھاں دا ماریا بندہ ہیگا واں! ایس موت دے بدن توں مینوں کون چھڈاوے گا ؟اپنے خُداوند یسوع مسیح دے راہیں خُدا دا شکر کرداہاں۔ایس لئی میَں آپ  اپنی عقل نال تاں خُدا دی شریعت دا پر بدن ولوں پاپ دی شریعت داقیدی ہیگا واں ۔ “
رومیوں باب ۶ وچ پولُس نے ایمان دے بارے وچ گل کیتی جیہڑا ساڈی مسیح نال رَل کے دفن ہون تے جیوں اُٹھن ول اَگوائی کردااے ۔ اوہدے بپتسمے تے سولی اُتے اوہدی موت نال اپنے آپ نوں جوڑن دے راہیں ، اسیں ایس ایمان نوں پا سکدے آں ۔
پولُس نے احساس کیتا پئی اوہ اک لیکھاں ماریاں بندہ ہیگا سی ،جیہدا بدن ایناں ادھورا ہیگا سی پئی اوہنے خُدا دی شریعت نوں یسوع نال ملن توں پہلاں نہ صرف توڑیا سگوں اوہنوں یسوع نال اپنے میل جول دے بعد وی توڑدارہیا ۔ اِنج اوہ پچھتایا سی ، ” ایس موت دے بدن توں مینوں کون چھڈاوے گا ؟ “ فیر اوہنے ایہہ آکھدے ہوئیاں ، نتیجہ کڈھیا پئی اوہ خُدا دی راستبازی اُتے ایمان رکھن دے سبب مرن والے بدن توں چھُٹ سکدا سی ۔” اپنے خُداوند یسوع مسیح دے راہیں خُدا دا شکر کرداہاں۔“پولُس مسیح دے راہیں خُدا دی راستبازی اُتے ایمان رکھن تے اوہدے نال رَلن دے راہیں بدن تے ذہن دے پاپاں توں چھُٹیا سی ۔
پولُس دا اخیریں اقرار ایہہ ہیگا سی ، ” ایس لئی میَں آپ  اپنی عقل نال تاں خُدا دی شریعت دا پر بدن ولوں پاپ دی شریعت دا قیدی ہیگا واں ۔ “ (رومیوں ۷ : ۲۵)۔تے باب ۸ دے شروع وچ ، اوہنے اقرار کیتا ، ” ایس لئی ہُن جیہڑے مسیح یسوع وچ ہیگے نیں اوہناں اُتے سزا دا حکم نئیں ہیگا اے ۔ایس لئی پئی زندگی دی رُوح دی شریعت نے مسیح یسوع وچ مینوں پاپ تےموت دی شریعت  توں چھڈایا اے ۔ “ (رومیوں ۸ : ۱ ۔۲)۔
اصل وچ خُدا ولوں دتے گئے دو قانون ہیگے سَن :پاپ تے موت دی شریعت تے حیاتی دی رُوح ۔ حیاتی دی رُوح دی شریعت نے پولُس نوں پاپ تے موت دی شریعت توں مکتی دتی ۔ اوہدا مطلب ایہہ ہیگا سی پئی یسوع دے بپتسمے تے سولی اُتے اوہدی موت اُتے ایمان رکھن دے راہیں جنہے اوہدے سارے پاپاں نوں چُک لیا، اوہنے اپنے آپ نوں مسیح نال جوڑ لیا تے اپنے سارے پاپاں توں مکتی یافتہ ہویا ۔ سانوں ساریاں نوں لازمی طور اُتے ایمان رکھنا چاہی دا اے جیہڑا سانوں خُداوند دے بپتسمے تے سولی اُتے  اوہدی
موت نال جوڑدا اے ۔
پولُس نے رومیوں باب ۷ وچ اقرار کیتا پئی اوہ پہلوں شریعت دے ہیٹھاں لعنتی ہون لئی مقرر ہیگا سی ،پر یسوع مسیح دے راہیں اوہ اوس لعنت توں چھُٹن لئی آیا ۔ ایسے طرحاں، اوہ پاک رُوح دے راہیں خُدا دی خدمت کر سکدا سی ،جیہڑا اوہدے وچ رہندا سی ۔
 
 
سچیائی جیہدا پولُس نے احساس کیتا
 
پولُس نے اقرار کیتا ،  ”ایس لئی اسیں کیہ آکھیے؟ کیہ شریعت پاپ ہیگی اے ؟ بالکل نئیں سگوں شریعت دے بغیر میَں پاپ نوں نئیں پچھان دا ۔ “(رومیوں ۷ : ۷)۔اوہ پاپی نئیں ہو سکدا سی جدوں تیک شریعت نے نئیں آکھیا ، ” تُوں پاپ نہ کریں ۔“ پولُس نے شریعت تے پاپ وچکار تعلق دی وضاحت کیتی ، ایہہ آکھدے ہوئیاں ،  ” پرپا پ نے موقع ملدیا ں ای حکم دے  راہیں میرے اندر ہر طرحاں دا لالچ پیدا کر دتا ۔ “ ایہدا مطلب ہیگا اے پئی بندیاں دے دل اصل وچ پاپ نال بھرے ہوئے نیں ۔اوسے ویلے توں جدوں لوک اپنی ماں دے ٹہِڈھ وچ پیندے نیں ،اوہ پاپ وچ جم دے نیں تے پاپ دیاں ۱۲ قِسماں نال جمن گے ۔
ایہہ ۱۲ قِسماں دے پاپ زناکاری ، حرامکاری ، قتل کرنا ، لالچ، بدکاری ، دھوکہ ، شہوت پرستی ، بھیڑی نظر ،مکر،کفربکنا ، غرور تے عقل دا گھاٹا ہیگے نیں۔ ہر کوئی ایہہ پاپ کردااے جدوں تیک اوہ مر نئیں جاندا ۔کویں کوئی جگ وچ خُدا دی شریعت تے حکماں مطابق چل سکدا اے جدوں اوہ ایس جگ وچ ایناں ۱۲ قِسماں دے پاپاں نال جمیا اے ؟ اوسے ویلے جدوں اسیں شریعت تے حکماں دے بول سُن دے آں جیہڑے سانوں دسدے نیں پئی سانوں کیہ ، ” کرنا چاہی دا اے “ یاں  ”  نئیں کرنا چاہی دا اے  “پاپ ساڈے وچ کم کرنا شروع کردیندا اے ۔
جدوں اسیں خُدا دی شریعت تے حکماں نوں نئیں جان دے ساں ، ساڈے اندر پاپ بالکل سُتے ہوئے سَن ۔پر حکماں نوں سُنن دے بعد ،جنہاں نیں سانوں دسیا پئی کیہ کرنا اے تے کیہ نئیں کرنا اے، ایہہ پاپ باہر آئے تے سانوں بوہتے پاپی بنا دتا ۔
جیہڑا کوئی نویں سریوں نئیں جمیا اے یاں پانی تے رُوح دی سچیائی اُتے ایمان تے سمجھ نئیں  رکھدااوہدے اندر پاپ ہیگا اے ۔ ایہہ پاپ ، حکماں دے اکھراں دے راہیں کم کرن دے بعد ،فیر بوہتے پاپ پیدا کردے نیں ۔ شریعت جیہڑی لوکاں نوں دسدی اے پئی کیہ کرنا چاہی دا اے تے کیہ نئیں کرنا چاہی دا ، اک تربیت دین والے وانگراے جیہڑی پاپ دی تربیت دین دی ہمت کردی اے ۔ پر پاپ خُدا دے حکماں دے خلاف جاندااے تے اوہناں دی نافرمانی کردااے ۔ جدوں اک پاپی حکماں نوں سُن دا اے ، پاپ اوہدے دل وچ کم کرن لگ پیندے نیں ، اوہدی بوہتے پاپ کرن ول اَگوائی کردے نیں ۔
اسیں دس حکماں دے راہیں احساس کردے آں پئی ساڈے اندر پاپ ہیگے نیں ۔ایس طرحاں شریعت دا کردار ساڈے دلاں وچ پاپاں نوں ظاہر کرنا اے ۔ سانوں احساس کراؤنا اے پئی خُدا دے حکم پاک ہیگے نیں تے سانوں ساڈےپاپاں توں جگاؤنا اے ۔ اصل وچ، اسیں ہر شے دا لالچ کرن لئی لوبھ دے نال جمے ساں جیہڑی خُدا نے بنایاسی ۔اثاثے یاں شراکت داراں نوں نال رلاؤندے ہوئیاں جیہڑے ساڈے نئیں ہیگے ۔ ایس لئی حکم جیہڑا دسدااے ،  ” لالچ نہ کریں “ سانوں دسدااے پئی اسیں پاپی جمے ساں ۔تے اپنے جمن دیہاڑے توں دوزخ وچ جان دا نصیب رکھدے ساں ۔ ایہہ مکتی داتا دے لئی ساڈی بوہت لوڑ نوں وی ظاہر کردااے ، جنہے خُدا دی راستبازی پوری کیتی ۔
ایس لئی پولُس نے اقرار کیتا پئی پاپ نے حکم دے راہیں اوہدے اندر بھیڑی آس دے سارے کماں نوں پیدا کرن دا موقع پایا ۔ پولُس نے احسا س کیتا پئی اوہ اک بوہت وڈا  پاپی رہیا سی ۔ جنہے خُدا دے چنگے حکماں نوں توڑیا ، ایس لئی پئی اوہ خاندانی طور اُتے پاپی جمیا سی تےخُدا دی راستبازی اُتے ایمان رکھن توں پہلاں پاپ نال ہیگا سی ۔
جدوں اسیں باب ۷ نوں ویکھدے آں، سانوں پتہ لگدااے پئی پولُس رسول بوہت رُوحانی ہیگا سی ۔ پاک کتاب دی بوہت چوکھی تعلیم سکھیا سی تے وڈی رُوحانی دانائی تے تجربے رکھدا سی ۔ اوہ شریعت دے راہیں صاف طور اُتے جان دا سی پئی پاپ اوہدے اندر ہیگا سی ،جنہے حکماں دے نال بھیڑی آس دے سارے کم پیدا کیتے سَن ۔ اوہنوں پتہ لگیا پئی خُدا دی شریعت اوہدے اندر پاپاں نوں ظاہر کرن دا  کم کردی سی ۔ جیہڑے ویلے ای ایہہ پاپ فیر یاد آوے ، اوہنے ایہہ وی منیا پئی حکم ، جنہے حیاتی  دینی سی ،اوہدے لئی موت لیایا ۔
تہاڈا ایمان کس طرحاں دا ہیگا اے ؟ کیہ ایہہ پولُس وانگر ہیگا اے ؟ کیہ تہاڈے دل وچ  پاپ نئیں
ہیگا اے بھاویں تسیں یسوع اُتے ایمان رکھدے او یا ں نئیں ؟ جے اِنج ہیگا اے ، تاں ایہدا مطلب ہیگا اے پئی تسیں حالے تیک خُدا دی راستبازی نوں نئیں جان دے ، پاک رُوح نون نئیں پایا اے تے پاپی ہیگے او جیہڑے اپنے دلی پاپاں دی سزاپاؤن لئی دوزخ وچ جان دا نصیب رکھدے نیں ۔ کیہ تسیں ایہناں سچیائیاں نوں من دے او ؟ جے تہانوں پتہ ہیگا اے ،فیر پانی تے رُوح دی خوشخبری اُتے ایمان رکھو ،جیہدے وچ خُدا دی راستبازی وکھائی گئی اے ۔ تسیں اپنے سارے پاپاں توں مکتی یافتہ ہوووگے ، خُدا دی راستبازی پاووگے تے تہاڈے اُتے پاک رُوح اُترے گا ۔ سانوں لازمی طور اُتے پانی تے رُوح دی خوشخبری اُتے ایمان رکھنا چاہی دا اے ۔
 
 
پاپ نے حکم دے راہیں موقع ملدیاں ای پولُس نوں دھوکہ دتا
 
پولُس رسول نے آکھیا،  ” تے جیہڑے حکم دی مرضی حیاتی ہیگی سی اوہو ای میرے حق وچ موت دا سبب بن گئی ۔ ایس لئی پاپ نے موقع ملدیا ں ای حکم دے راہیں مینوں گلاں وچ لایا تے اوسے دے راہیں مینوں ماروی دتا ۔ “(رومیوں ۷ : ۱۰ ۔ ۱۱)۔ دوجے اکھراں وچ ،پاپ نے حکم توں فائدہ چُکن دے راہیں پولُس نوں دھوکہ دتا ۔پولُس نے حکم اُتے ایمان رکھیا جیہڑا سچ مُچ چنگا تے ٹھیک ہیگا سی ، پر فیر وی ۱۲ قسماں دے پاپ جیوندے سَن تے اوہدے دل وچ پُرانے پھٹ بن دے پئے سَن ۔ ایہدا مطلب ہیگا سی پئی اوہنے پاپ توں دھوکہ کھاہداسی ،ایس لئی پئی اوہنے خُدا دے حکماں دے مقصد نوں نئیں سمجھیا سی ۔
شروع وچ پولُس نے سوچیا پئی خُدا نے اوہنوں شریعت منن لئی دتی سی ۔پر بعد وچ ،اوہنے احساس کیتا پئی شریعت منن لئی نئیں دتی گئی سی ، سگوں لوکاں دے دلاں وچ پاپ وکھاؤن لئی ، خُدا دی پاکیزگی دے نال نا ل ، تے بے ایماناں نوں خُدا دےولوں پرکھے جان دے لائق بناؤن لئی دتی گئی سی ۔ایس لئی پولُس نے سوچیا پئی اوہ پاپ ہتھوں دھوکہ کھا چُکیا سی ، ایس لئی پئی اوہ خُدا دے حکماں تے شریعت نوں چنگی طرحاں نہ سمجھیا سی ۔بوہتے لوک اج وی ایسے طریقے نال دھوکہ کھاندے نیں ۔
سانوں احساس کرنا چاہی دا اے پئی جس سبب توں خُدا نے سانوں حکم تے  شریعت  دتی  سی  تے
ساڈا شریعت نوں مننا مقصد نئیں ہیگا سی ، سگوں ساڈے لئی اپنے دلی پاپاں دا احساس کرنا تے پانی تے رُوح دی خوشخبری اُتے ایمان رکھن دے راہیں خُدا دی راستبازی تیک اپڑنا اے ۔ پرکیوں جے اسیں اپنے پاپاں دے نال شریعت دے مطابق جیوندے رہن دی ہمت کردے آں ، اسیں اپنی پاپی فطرت نوں وکھاؤندے ہوئیاں مک جاندے آں ۔
ایس لئی اک پاپی شریعت دے راہیں جان دا اے پئی بھاویں شریعت پاک ہیگی اے ،اوہ پاک حیاتی بسر کرن لئی کوئی طاقت یاں گنجائش نئیں رکھدے ۔ اوسے ویلے اوہ پاپی بن جاندا اے جیہدے کول کئی راہ نہیں ہیگا سگوں شریعت دے راہیں دوزخ گھلیا جانااے۔ پرپاپی جیہڑے  پانی تے رُوح دی خوشخبری  اُتے ایمان نئیں رکھدے ، سوچدے رہندے نیں پئی خُدا نے اوہناں نوں اوہناں دے عمل کرن واسطے شریعت دتی اے ۔ اوہ شریعت اُتے عمل کرن دی ہمت کردے رہندے نیں ،پر اوہ اپنے آپ نوں دھوکہ دین گے تے اخیریں برباد ہو جان گے ۔
اوہ جیہڑے  خُدا دی راستبازی نوں نہ جانن دے راہیں نویں سریوں نئیں جمے پاپ کردے نیں تے فیر توبہ دیاں دعاواں دے راہیں معافی پاؤن دی ہمت کردے نیں ۔پر ،اخیریں اوہ احساس کردے نیں پئی اوہناں نیں خُدا دی شریعت دے مقصد نوں غلط سمجھیا تے اپنے آپ نوں دھوکہ دتا اے ۔ پاپ حکم دے راہیں ویلا ملدیاں ای اوہنا ں نوں دھوکہ دے چُکیا اے ۔ خُدا دی شریعت پاک ہیگی اے ،پر ایہدی تھاں اُتے اوہناں دے اندراوہناں دے پاپاں نیں اوہناں دی موت ول اَگوائی کیتی اے ۔
پولُس نے آکھیا ، ” ایس لئی شریعت پاک ہیگی اے تے حکم وی پاک تے سچا تے چنگا ہیگا اے ۔ ایس لئی جیہڑی شے چنگی ہیگی اے کیہ اوہ میرے لئی موت ثابت ہوئی ؟ بالکل نئیں سگوں پاپ نے چنگی شے دے راہیں میرے لئی موت پیدا کر کے مینوں ماردتا تاں  پئی اوہدا پاپ ہونا ظاہر ہووے تے حکم دے راہیں پاپ حدوں بوہتا پلید لگے۔ “(رومیوں ۷ : ۱۲ ۔ ۱۳)۔اوہ جیہڑے سچیائی نوں پچھان دے نیں خُدا دی راستبازی اپنے لئی ضروری سمجھدے نیں، تے ایس طرحاں ایمان رکھدے نیں پئی پانی تے رُوح دی خوشخبری اصلی سچ ہیگا اے ۔ اوہ جیہڑا پانی تے رُوح دی خوشخبری اُتے ایمان رکھدا اے ،اوہنوں خُدا دی راستبازی اُتے وی ایمان لیاؤنا چاہی دا اے ۔ آؤ اسیں اپنے سارے پاپاں تو ں چھُٹ جائیے تے اوہدی راستبازی اُتے ایمان رکھن دے راہیں خُدا دی پاکیزگی تیک اپڑئیے ۔ میَں تہاڈے ساریاں لئی اوس خوشخبری دے راہیں برکت
پاؤن د آس رکھدا ہاں ۔
 
 
پولُس دا بدن تے دماغ کس طرحاں دا سی ؟
 
پولُس رُوح نال بھریا ہویا سی تے اوہ خُدا دے کلام دی بوہت دانائی رکھدا سی ، ایس لئی اوہ ہیٹھاں لکھے ہوئے  اکھراں وچ اپنے بدن بارے بولیا  ” ایس لئی پئی سانوں پتہ ہیگا اے پئی شریعت تاں رُوحانی  ہیگی اے پر میَں بدنی تے پاپ دے ہتھ وکیا ہویاواں ۔تے جو میَں کردا ہاں اوہنوں نئیں جان دا ،ایس لئی پئی جیہدا میَں ارادہ کردا ہاں اوہ نئیں کردا سگوں جنہوں میَں چنگیاں نئیں سمجھدا  اوہو ای کردا ہاں ۔تے جے میَں اوہدے اُتے عمل کردا ہاں جیہدا ارادہ نئیں کردا تاں میَں من دا ہاں پئی شریعت چنگی ہیگی اے ۔ ایس لئی اِنج ،ایہہ کرن والا میَں نہ رہیا سگوں پاپ ہیگا اے جیہڑا میرے اندر وسیا ہویا اے ۔ “  (رومیوں ۷ : ۱۴ ۔ ۱۷)۔اوہنے آکھیا پئی اوہنے پاپ کیتا سی ایس لئی پئی اوہ پیدائشی طورتے بدنی ہیگا سی ۔ ایس لئی پئی اوہ بدنی ہیگا سی ،اوہنے اپنے آپ نوں بدنی آساں لبھدیاں ہوئیاں جانیا ، ایتھوں پئی ،بھاویں اوہ نیکی دے کم کرنا چاؤہنداسی ۔
ایس طرحاں پولُس نوں پتہ لگیا پئی ، ” ایس لئی پئی بدن ولوں ہوندیاں ہوئیاں تاں میَں خُدا دی شریعت نوں بوہت چنگیاں جان دا ہاں ۔پر مینوں اپنے ہڈاں پیراں وچ اک ہور طرحاں دی شریعت نظر آؤندی اے جیہڑی میری عقل دی شریعت نال لڑ کے مینوں اوس پاپ دی  شریعت دی قید وچ لَے آؤندی اے جیہڑی میرے ہڈاں پیراں وچ ہیگی اے ۔ “ (رومیوں ۷ : ۲۲ ۔ ۲۳)۔ایس لئی اوہنے اپنے بدن بارے روندیاں ہوئیاں ہاڑے پائے ، ” ہائے میَں بوہت لیکھاں ماریا بندہ ہیگا واں “ (رومیوں ۷ : ۲۴)۔ایتھوں تیک پئی پولُس دے نویں سریوں جمن دے بعد ،اوہ فیر وی پریشان ہیگا سی ایس لئی پئی پاپ اوہدے اندر ہیگا سی ، بھاویں اوہ نیکی کرنا چاؤہندا سی ۔جدوں پولُس نے آکھیا پئی بدی اوہدے اندر ہیگی سی ،اوہ اپنے ذاتی بدن بارے گل کرداپیاسی ۔ اوہنے اپنے ہڈاں پیرا ں وچ اک دوجی شریعت،رُوح دی شریعت دے خلاف جھگڑاکردی ہوئی ،بدن نوں ماڑیاں کردیاں ہوئیاں تے اوہدی پاپ  کرن وچ اَگوائی کردےہوئیاں ویکھی ۔ اوہنے صرف اقرار کیتا پئی اوہ کوئی ہور راہ نئیں رکھدا سی ، سگوں سزا پاؤن لئی نشانے اُتے ہیگا سی ،جیہڑے ویلے اوہنے اپنے بدن نوں پاپ کرن لئی اوہدے اُتے فتح پاؤندے ہوئیاں ویکھیا ۔ ایس لئی پئی پولُس وی بدن رکھدا سی ، اوہ پاپاں بارے پچھتایا جیہڑے اوہدے بدن نے کیتے سَن ۔
ایس سبب توں پولُس  منادی کیتی ، ” ہائے میَں بوہت لیکھاں ماریا بندہ ہیگا واں “ پر اوہنے یسوع مسیح دا خُدا دی راستبازی نوں پوراکرن لئی شکریہ وی ادا کیتا ۔  ایس لئی پئی اوہ ایمان رکھدا سی پئی یسوع دھرتی اُتے آیا ، بپتسمہ لیا، تے سارے لوکاں نوں پاپاں توں معافی دین لئی سولی اُتے مر گیا سی ۔ اوہ دلوں خُدا دا شکر ادا کرسکیا ،ایس لئی پئی اوہ ایہو جیہا ایمان رکھدا سی جنہے اوہنوں یسوع مسیح دے بپتسمے تے لہو نال جوڑیا سی ۔
پولُس نوں پتہ ہیگا سی پئی جدوں یوحنا نے یسوع نوں بپتسمہ دتا ، اوہدے سارے پاپ  ،ایسے طرحاں جگ دے پاپ ، اِکو ای وار تےہمیش لئی  یسوع اُتے لدے گئے سَن ۔ اوہنوں ایہہ وی پتہ ہیگا سی پئی جدوں یسوع سولی اُتے مر گیا ، اسیں سارے وی ایسے طرحاں پاپ ولوں مر گئے ۔ ایس لئی سانوں لازمی طور اُتے پانی تے رُوح دی سچیائی نال اکٹھیاں جُڑ کے ایمان رکھنا چاہی دا اے ۔ کیہ تہاڈا دل یسوع دے بپتسمے تے لہو نال جُڑیا اے ؟ کیہ تسیں ، دوجے اکھراں وچ ، پانی تے رُوح دی خوشخبری نال جُڑگئے او ، جنہے خُدا دی راستبازی پوری کیتی ؟ سانوں لازمی طور اُتے اپنے ایمان نوں بپتسمے نال جوڑنا چاہی دا اے جیہڑا ساڈے خُداوند نے یوحنا کولوں لیا سی تے لہو نال جیہڑا اوہنے سولی اُتے وگایا سی ۔ ساڈے لئی اکٹھاایما ن رکھنا بوہت خاص ہیگا اے ایس لئی پئی پانی تے رُوح دی خوشخبری نال جُڑنا خُدا دی راستبازی نال جُڑنا ہیگا اے ۔
رومیوں ۶ : ۳ دسدااے ، ”  کیہ تہانوں نئیں پتہ پئی تسیں جنیاں نیں مسیح یسوع وچ رَلن دا بپتسمہ لیا تاں اوہدی موت وچ رَلن دا بپتسمہ لیا؟  “ ایہدا مطلب ہیگا اے پئی یسوع دے بپتسمے اُتے ایمان رکھن دے راہیں ،اسیں وی اوہدے نال بپتسمہ لیا اے ، مطلب اے پئی اسیں اپنے خُداونددی موت وچ رَل گئے آں ۔ ایمان دے راہیں اکٹھیاں ہو کے بپتسمہ لین دے راہیں اسیں رُوحانی طور اُتے اوہدی موت وچ بپتسمہ لیا سی ۔ خُدا وند دے نال اک ہون لئی اوہدے بپتسمے وچ اک ہونا چاہی دا اے تے اوہدی موت وچ اکھٹیاں ہوکے مرنا چاہی دا اے ۔
ایس لئی سانوں لازمی طور اُتے یسوع دے بپتسمے تے اوہدی موت نال جُڑنا تے ایمان رکھنا  چاہی
دا اے جنہے خُدا دی راستبازی پوری کیتی اے ۔جے تسیں حالے تیک پانی تے رُوح دی خوشخبری  اُتے ایمان نئیں رکھدے او ،جیہڑی خُدا دی راستبازی قائم کردی اے ، تا ں تسیں یسوع دے بپتسمے تے اوہدی موت وچ اکٹھے نئیں ہیگے او ۔ تے  ایہہ ایس خوشخبری وچ ہیگی اے پئی خُدا دی راست بازی ظاہر کیتی گئی اے ۔ 
جے ساڈے دل یسوع دے بپتسمے تےسولی اُتے  اوہدی موت نال نئیں رَلدے ، ساڈا ایمان صرف خیالی تے بے فائدہ ہیگا اے ۔ اپنے آپ نوں یسوع دے بپتسمے تے سولی اُتے اوہدے لہو نال اکٹھے کرو تے ایناں اُتے ایمان رکھو۔ سانوں ایس طرحاں ایمان رکھنا چاہی دا اے ۔ خیالی ایمان بے فائدہ ہیگا اے ۔ مثال دے طور اُتے ، اک ستھرا گھرکیہ  چنگا ہیگااے ، جےایہہ تہاڈا اپنا نئیں ہیگا اے؟ خُدا دی راستبازی نوں اپنا بناؤن لئی ، سانوں لازمی طور اُتے جاننا چاہی دا اے پئی یسوع دے بپتسمے دا مقصد ساڈے پاپاں نوں دھونا سی ، مطلب اے سولی اُتے اوہدی موت ساڈے بدن دی موت ہیگی سی ،ساڈے خُداوند دے راہیں پوری کیتی گئی خُدا دی راستبازی اُتے اپنے ایمان دے راہیں ،سانوں لازمی طور اُتے اِکو ای وار تے ہمیش لئی چھُٹ جانا چاہی دا اے تے نویں نکور حیاتی وچ چلنا چاہی دا اے ۔
ایس طرحاں یسوع دے بپتسمے تےسولی اُتے اوہدے لہو نال اکٹھیاں ہو کے تہاڈے ایمان دے راہیں ، خُدا دی راستبازی اصل وچ تہاڈی اپنی بن جاوے گی ۔سانوں لازمی طور اُتے یسوع دے بپتسمے تے موت نال اکٹھیاں ہونا چاہی دا اے ، ایس لئی پئی جے اسیں اِنج نئیں کردے تاں ساڈے ایمان دا کوئی مطلب نئیں ہووےگا۔
” ہائے میَں بوہت لیکھاں ماریا بندہ ہیگا واں!ایس موت دے بدن توں مینوں کیہڑا چھڈاوے گا  “(رومیوں ۷ : ۲۴)۔ایہہ صرف پولُس دا رونا نئیں ہیگا اے ،سگوں تہاڈا تے میرا وی ہیگااے ، تے ایسے طرحاں اوہناں ساریاں داجیہڑے حالے تیک مسیح توں وکھرے ہیگے نیں ۔اوہ جیہڑا سانوں ایس غم توں چھڈاوے گا ، یسوع ہیگا اے ۔تے ایہہ صرف خُداوند اُتے ایمان رکھن دے راہیں حل ہو سکدا اے، جنہے ساڈے لئی بپتسمہ لیا ، سولی اُتے مویا تے جی اُٹھیا سی ۔
پولُس نے آکھیا ،  ” اپنے خُداوند یسو ع مسیح دے راہیں خُدا دا شکر کردا ہاں ۔ “ایہہ ظاہر کردا اے پئی پولُس نے اپنے آپ نوں خُداوند دے نال جوڑیا ۔ سانوں لازمی طور اُتے ایمان رکھنا چاہی دا اے پئی جے اسیں اکٹھے ہوندے تے ایمان رکھدے آں پئی خُداوند نے سانوں اپنے بپتسمے تے لہو دے راہیں مکتی دتی اے ، اسیں معاف ہوجاواں گے تے ہمیش دی حیاتی پاواں گے ۔ تہاڈے سارے پاپ یسوع اُتے لدے جان گے جدوں تسیں اک رَلن والے دل نال یسوع دے بپتسمے  اُتے ایمان رکھو گے ۔ تسیں سولی اُتے اوہدی موت دے نال جُڑ کے ایمان رکھن دے بعدوں اوہدے نال مر جاووگے تے جیوں اُٹھو گے ۔ 
یسوع نے تی (۳۰) ورہے دی عمروچ دھرتی اُتے اپنی خدمت شروع کیتی ۔ بالکل پہلی شے جیہڑی اوہنے اپنے مقصد وچ کیتی یوحنا بپتسمہ دین والے توں بپتسمہ لین دے راہیں ساڈے پاپاں نوں دھونا سی ۔ اوہنے کیوں بپتسمہ لیا سی ؟ ایہہ اوہدے لئی سارے لوکاں دے پاپاں نوں چُکنا سی۔ایس لئی جدوں اسیں خُدا دی راستبازی نال اپنے دل جوڑ لیندے آں ،جیہڑی یسوع دے راہیں پوری ہوئی سی ساڈے سارے پاپ اصل وچ اوہدے بپتسمے دے راہیں یسوع اُتے لدے گئے سَن ۔ ساڈے سارے پاپ یسوع اُتے لدے گئے سَن تے اِکو ای وار تے ہمیش لئی دھوتے گئے سَن ۔
ساڈاخُداوند اصل وچ جگ وچ آیا تے ساڈے پاپ چُکن لئی بپتسمہ لیا تے اوہناں دا مُل اُتارن لئی مرگیا ۔ یسوع نے بپتسمہ لین توں پہلاں یوحنا نوں آکھیا ،  ” ایس لئی پئی ساڈے لئی ایسے طرحاں ساری راستبازی پوری کرنا چنگا اے ۔“ (متی ۳ : ۱۵)۔” ساری راستبازی  “ یسوع دے بپتسمہ لین نوں ، جنہے سارے لوکاں دے سارے پاپاں نوں دھو دتا ،جیہڑے دوزخ جان لئی  پکے ہیگے سَن تے اوہدی موت تے جیوں اُٹھن نوں دسدی اے ۔ خُدا دی راستبازی کیہ ہیگی اے ؟ پُرانے عہد نامے وچ خُدا دے وعدیاں دے مطابق، یسوع دا بپتسمہ تے سولی اُتے اوہدی موت ، جنہے سارے پاپیاں نوں بچایا ،اوہدی راستبازی ہیگی اے ۔ وجہ کیوں یسوع بندے دی شکل وچ  دھرتی اُتے آیا سی تے بپتسمہ لیا سی ، اپنے اُتے سارے لوکاں دے پاپاں نوں چُکنا تے اوہناں نوں دھونا سی ۔
کیوں یوحنا نے یسوع نوں بپتسمہ دتا سی ؟ ایہہ سارے لوکاں دے سارے پاپاں نوں چُکن دے راہیں خُدا دی راستبازی نوں پورا کرنا سی ۔ اسیں، جنہاں نیں یسوع مسیح وچ بپتسمہ لیا ، تاں اوہدی موت وچ وی بپتسمہ لیا تے ہُن نویں نکور حیاتی وچ چلدے آں ،ایس لئی پئی اوہ مویاں وچوں جیوں اُٹھیا اے ۔خُدا دی راستبازی اُتے ایمان رکھنا یسوع دے بپتسمے ،اوہدی صلیبی موت، تے اوہدے جیوں اُٹھن اُتے اپنے دلوں ایمان رکھنا تے رَلنا اے ۔ ساڈے لئی ایہہ ایمان رکھنا بوہت خاص ہیگا اے پئی یسوع نے اپنے آپ اُتے ساڈے سارے پاپاں نوں چُک لیاجدوں اوہنے بپتسمہ لیا سی ۔ اسیں اوہدے نال دفن ہوگئے جدوں اوہ سولی اُتے مر گیا سی ایس لئی پئی اسیں اوہدے بپتسمے دے راہیں اوہدے نال جُڑے ہوئےساں ۔ خُدا دی راستبازی اُتے ایمان رکھن دے راہیں ، خُداوند دے نال اپنے دلاں نوں جوڑنا ساڈے لئی ایہہ ایتھوں تیک پئی اپنے سارے پاپاں توں چھُٹ جان دے بعد وی بوہت خاص اے ۔ اسیں خُدا دا شکر ادا کر سکدے آں ایس لئی پئی اسیں سارے مسیح نال مر گئے آں جدوں اوہ سولی اُتے  مر گیا سی ، ایس لئی پئی اوہنے پہلوں ای اپنے بپتسمے دے راہیں ساڈے سارے پاپاں نوں چُک لیا سی ۔
ایمان دے راہیں یسوع نال رَلنا ایتھوں تیک پئی اپنی مکتی دے راہیں خُدا دی راستبازی پاؤن دے بعدوں ضروری اے ۔مکتی دا انعام پاؤن دے بعدوں ساڈا ایمان صرف بوہتے لوکاں وچ ہیٹھاں ڈگ سکدا اے ۔پر جے اسیں اپنے دلاں نوں خُدا دی راستبازی نال جوڑدے آں تاں ساڈے دل خُدا دے نال جیوندے رہن گے ۔ جے اسیں خُدا دی راستبازی نال جُڑ جاندے آں ، اسیں اوہدے نال جیوندے رہواں گے ، پر جے اسیں نئیں جُڑدے ، فیر اسیں بچ نئیں سکدے سگوں اوہدے لئی فضول بن جاواں گے ۔ جے اسیں خُداوند خُدا نال اکٹھے نئیں ہوندے تے اوہدے لئی صرف تماشہ ویکھن والے بن دے آں، جویں پئی اسیں اپنے گوانڈھی دے باغ دی صفت کردے پئے ساں ۔ اسیں اوس توں وکھرے ہون نال خُدا لئی فضول بن جاواں گے ۔ ایس لئی سانوں لازمی طور اُتے خُداوند دے کلام نال تے ایمان وچ  خُدا دی راستبازی نال  اکٹھے ہونا چاہی دا اے ۔
 
 
جے اسیں  یسوع دے بپتسمے تے سولی اُتے اوہدی موت نال اکٹھے ہون اُتے ایمان  رکھدے آں ، اسیں مسیحی ہیگے آں جیہڑے خُداوندنال جُڑے ہوئے آں
 
خُدا دی راستبازی اُتے ایمان رکھنا خُداوند نال اکٹھے ہونا تے اوہدی راستبازی نوں منن دا ایمان رکھنا اے ۔ ساڈیاں حیاتیاں دا ہرپاسا  خُدا دی راستبازی نال جُڑیا ہونا چاہی دا اے ۔ سانوں ایسے طرحاں جیونا چاہی دا اے ۔ جےاسیں اوہدی راستبازی وچ اکٹھے نئیں ہوندے ،اسیں اپنے بدن دے نوکر ہو جاواں گے تے مرجاواں گے ، پر اوسے ویلے جویں ای اسیں اپنے آپ نوں خُدا دی راستبازی نال اکٹھیاں کردے آں ، ساڈے سارے پاپ معاف ہوجان گے ۔ صرف جدوں اسیں اپنے دلاں نوں خُدا دی راستبازی نال جوڑ دے آں ، اسیں خُدا دے خادم بن جاند ے آں ۔ فیر خُدا دے سارے کم ساڈے لئی  نال دے بن جاندے نیں ،تے ایس طرحاں، اوہدے سارے کم تے  طاقت  ساڈے  بن  جان گے ۔ پر ،
جے اسیں اوہدے نال اکٹھے نئیں ہوندے ، اسیں اوہدی راستبازی لئی فضول رہواں گے ۔ 
اسیں بدن وچ گئے گواتے تے ماڑے ہیگے آں ،بالکل جویں پولُس ہیگا سی ،ایس لئی سانوں لازمی طور اُتے خُدا دی راستبازی نال اپنے دلاں نوں جوڑنا چاہی دا اے ۔سانوں  لازمی طور اُتے اکٹھیاں ہونا چاہی دا اے تے ایمان رکھنا چاہی دااے پئی یسوع نے یوحنا کولوں بپتسمہ لیا تے سانوں ساڈے سارے پاپاں توں بچاؤن لئی سولی اُتے مرگیا سی ۔ ایہہ اوس طرحاں دا ایمان ہیگا اے جیہڑاخُدا نوں خوش کردااے تے ساڈے بدناں تے جاناں لئی برکت لیاؤندااے ۔ جے اسیں ایمان وچ رَل کے  اپنے دلاں نال خُداوند دے کماں اُتے ایمان رکھدے آں ، اَسمان دیاں ساریاں وعدہ کیتیاں ہوئیاں برکتاں وی ساڈیاں ہون گئیاں ۔ ایس لئی سانوں لازمی طور اُتےاوہدےنال رَلنا چاہی دا اے ۔
دوجے پاسے ، جے اسیں خُدا دی راستبازی نال اپنے دلاں نوں نئیں جوڑدے ، اسیں اوہدی خدمت نئیں کردے ہوواں گے ۔اوہ مسیحی جیہڑے خُدا دی راستبازی نال اپنے دلاں نوں نئیں جوڑدے کسے وی شے توں ودھیری دنیاوی عزتاں نال محبت کردے نیں ۔ اوہ جگ وچ بے ایماناں وانگر ہیگے نیں ۔ اوہ خُدا دی راستبازی دی قدر جان دے نیں صرف جدوں اوہ دولت ،جیہدے نال اوہ بوہت محبت کردے نیں  ،جنی بوہتی اپنیاں حیاتیاں نال ، اوہناں کولوں کھو ہ لئی جاندی اے ۔شیواں کوئی قدر ،یاں لوکاں دیاں حیاتیاں اُتے حکم چلاؤن دی طاقت نئیں رکھدیاں ۔ صرف خُدا دی راستبازی سانوں پاپاں توں معافی ،ہمیشہ دی حیاتی تے برکتاں دے سکدی اے ۔شیواں ساڈی حیاتی توں بوہتیاں مہنگیاں نئیں ہیگیاں ۔ سانوں لازمی طور اُتے جاننا چاہی دا اے پئی جے اسیں خُدا دی راستبازی دے نال اکٹھے ہوندے آں ،اسیں ، تےایسے طرحاں ساڈے گوانڈھی ، جیوندے رہن گے ۔
ساڈے دل لازمی طور اُتے خُدا دی راستبازی وچ اکٹھے ہونے چاہی دے نیں ۔ سانوں لازمی طور اُتے ایمان دے راہیں جیوندے رہن چاہی دا اے تے مسیح دے نال اپنے دلاں نوں جوڑنا چاہی دا اے ۔ ایمان جیہڑا مسیح دی راستبازی نال جُڑیا ہویا اے ، سوہنا ہیگا اے ۔ پولُس باب ۷ وچ اخیریں کیہ آکھدااے ، ایہہ پئی سانوں خُداوند نال رضامندی وچ رُوحانی حیاتیاں بسرکرنیاں چاہی دیاں نیں ۔
کیہ تسیں کدی کسے نوں ویکھیا اے جیہڑا اوہدی راستبازی نال اپنے دل نوں جوڑن توں بغیر خُدا دا خادم بنیا ہووے ؟ کوئی اک وی نئیں !کیہ تسیں کسے نوں ویکھیا اے جیہڑا خُدا دی راستبازی نال جُڑن توں اَڈ پاپاں توں معافی لئی پانی تے رُوح دی خوشخبری نوں ضروری شرط وانگر من دا اے ؟ کوئی اک وی نئیں ہیگا اے ۔ اسیں پاک کتاب بارے کناں جان دے آں ،سب بے فائدہ ہیگا اے ،ساڈا ایمان بے فائدہ ہووے گا جدوں تیک اسیں خُدا دی راستبازی وچ رَل نئیں جاندے تے ایمان نئیں رکھدے  پئی یسوع دے بپتسمے تے اوہدے صلیبی لہو اُتے ایمان رکھن دے راہیں ، اسیں اپنے سارے پاپاں توں چھُٹ سکدے آں ۔
ایتھوں تیک پئی جے اسیں اِک واری پاپاں توں معافی پائی اے تے گرجے جاندے آں ،بھاویں اوہدی راستباز ی نال نئیں جُڑے ، اسیں پاپی ہیگے آں جیہڑے خُدا دے منصوبے توں باہر ہیگے نیں ۔ بھاویں اسیں آکھدے آں پئی اسیں خُدا اُتے ایمان رکھدے آں ،اسیں خُداوند توں وکھرے ہوجاواں گے جے اسیں اوہدی راستبازی نال جُڑے نئیں ساں ۔ سانوں لازمی طور اُتے خُدا دی راستبازی نال جُڑنا چاہی دا اے ،جے سانوں مسیح دے راہیں تسلی ، مدد تے راہنمائی پاؤنی ایں ۔
کیہ تسیں پانی تے رُوح دی خوشخبری اُتے ایمان رکھن دے راہیں خُدا دی راستبازی تے اپنے سارے پاپاں توں معافی پائی اے ؟ کیہ تسیں خدمت کردے او ، بالکل جویں پولُس نے کیتی ، اپنے دل نال خُدا دی شریعت دی جد پئی تہاڈا بدن ہر دیہاڑے پاپ دی شریعت خدمت کردااے ؟ سانوں لازمی طور اُتے ہر ویلے خُدا دی راستبازی نال جُڑنا چاہی دااے ۔ کیہ ہووے گا جے اسیں اپنے آپ نوں خُدا دی راستبازی نال نئیں جوڑدے آں؟اسں برباد ہوجاواں گے ۔ پر اوہ جیہڑے خُدا دی راستبازی نال جُڑے ہوئے نیں ایہو جیہاں حیاتیاں بسرکرن گے جیہڑیاں خُدا دی کلیسیا نال جُڑیاں ہوئیاں نیں ۔
خُدا دی راستبازی اُتے ایمان رکھن دا مطلب ہیگا اے، کلیسیا تے خُدا دے خادماں نال  رَلنا اے ۔ اسیں ایمان دے راہیں جیوندے رہ سکدے آں ،صرف جدوں اسیں ہر دیہاڑے خُدا دی راستبازی نال جُڑدے آں ۔ اوہ جیہڑے اوہدی راستبازی اُتے ایمان رکھن دے راہیں اپنے پاپاں توں معاف ہو گئے نیں ، اوہناں نوں لازمی طور اُتے ہر دیہاڑے خُدا دی کلیسیا نال جُڑنا چاہی دا اے ۔ ایس لئی پئی بدن ہمیشہ پاپ دی شریعت دی خدمت کرنا چاؤہندااے ، سانوں لازمی طور اُتے خُدادی شریعت اُتے ہمیشہ دھیان تے فکرکرنا چاہی دا اے تے ایمان دے راہیں جیوندے رہنا چاہی داا ے ۔اسیں خُداوند نال اکٹھے ہو سکدے آں جے اسیں خُدا دی راستبازی اُتے دھیان تے فکر کردے تے اکٹھیاں ہوندے رہندے آں ۔
اسیں جیہڑے خُدا دی راستبازی اُتے ایمان رکھدے آں ، ہر دیہاڑے سانوں خُدا دی کلیسیا تے خادماں نال اکٹھے ہونا چاہی دا اے ۔ اِنج کرن لئی ، سانوں ہمیشہ خُدا دی راستبازی نوں یاد رکھنا چاہی دا اے ۔ سانوں اوہدے بارے وچ سوچنا تے ہر دیہاڑے خُدا دی کلیسیا نال رَلنا چاہی دا اے ۔ سانوں لازمی طور اُتے سچیائی بارے دھیان تے فکر کرنا چاہی دا اے پئی خُدا وند نے ساڈی تھاں اُتے ساڈےسارے پاپاں نوں چُکن لئی بپتسمہ لیاسی ۔جدوں اسیں ایس ایمان وچ تے خُدا دی راستبازی وچ اکٹھے ہوندے آں ،اسیں خُداولوں سلامتی پاواں گے تے تسیں اوہدے راہیں ، ہرے بھرے ، برکت والے تے طاقت والے ہو جاووگے ۔
اپنے آپ نوں خُدا دی راستبازی وچ کم کرن دیوو۔ فیر تسیں بوہتی طاقت پاووگے ۔ ہُنے خُدا دی راستبازی وچ یسوع مسیح دے بپتسمے نال اکٹھے ہووو۔ تہاڈے سارے پاپ مک جان گے ۔ سولی اُتے مسیح دی موت نال اپنے دل جوڑو ۔ تسیں وی اوہدے نال مرجاووگے ۔ اوہدے جی اُٹھن نال اکٹھے ہوجاوو ۔ تسیں وی جیوندے ہو جاووگے ۔ نکی گل ، جدوں تسیں اپنے دل وچ مسیح نال اکٹھے ہوندے او ،تسیں مر جاووگے تے مسیح نال جی اُٹھو گے ۔ تے اِنج اپنے سارے پاپاں توں چھُٹ جاووگے ۔
 کیہ ہووے گا ،جے اسیں مسیح نال اکٹھے نئیں ہوندے آں؟ اسیں خورے پریشان ہو سکدے تے پُچھ سکدےآں ، ” یسوع کیوں بپتسمہ لیا سی ؟ پُرانے عہدنامے تے نویں عہد نامے وچکار اکلا فرق ایہہ ہیگا اے پئی پہلا  ’ہتھ رکھے جان ‘ دے بارے وچ بولدااے تے اخیریں بپتسمے بارے گل کردا اے ۔ایس لئی ،ایہدے وچ کیہ وڈی گل ہیگی اے ؟ “نویں طریقے دی تعلیم یاں خیالی ایمان اصل ایمان نئیں ہیگا اے۔ تے ایہہ اخیریں ایمانداراں نوں خُدا توں وکھ کر دیندا اے ۔
اوہ جیہڑے ایس بارے ایمان رکھدے نیں ، اوس تعلیم سکھن والے وانگر ہیگے نیں جیہڑے صرف اپنے اُستاداں دی ای تعلیم نوں من دے نیں ۔ جے تعلیم سکھن والا سچ مُچ اپنے اُستاداں دی عزت کردا سی ،اوہنوں اوہناں دے نیک کماں ،اَگوائی یاں چنگیاں عادتاں توں وی سکھنا چاہی دا اے ۔سانوں صرف خُدا دے کلام نوں بالکل کسے دوجے علم دے حصیاں وانگر قبول نئیں کرنا چاہی دا اے ،سگوں خُدا دی عادت ، محبت ، فضل تے انصاف نوں دلوں سکھنا چاہی دا اے ۔سانوں اوہدے کلام نوں صرف تعلیم وانگر سکھن دی ہمت کرن دے خیال توں چھُٹ جانا چاہی دا اے ،پر اوہد ی راستبازی نال اکٹھے ہونا چاہی دا اے ۔خُدا دی راستبازی نال جُڑنا ایمانداراں لئی اصل حیاتی پاؤن وچ اَگوائی کردا اے ۔ خُداوند نال اکٹھے ہووو! اک خیالی تے نویں طریقے دی تعلیم دا ایمان اکٹھا ایمان نئیں ہیگا اے ، سگوں سکھنا ایمان ہیگا اے ۔
”خُدا دا فضل “ جویں ایہہ اک گیت وچ گایا جاندااے ، ” اک خُدائی سمندر ، بے قابو تے بوہت ڈوہنگا ہڑ ہیگا اے ۔ “ جدوں ساڈے دل خُدا دی راستبازی نال جُڑے ہوئے  نیں ، تاں ایس  طرحاں  بے
 
قابو تے بوہت ڈوہنگی سلامتی ہووے گی جویں خُدا دا فضل ہیگا اے جنہے سانوں اپنی راستبازی دتی اے ۔ پر خیالی تے نویں طریقے دا ایمان جیہڑا خُدا نال جُڑیا نئیں ہیگا سکھنے پانی وانگر ہیگا اے ۔ جے سمندر سکھنا ہیگا اے ،ایہہ آسانی نال جھگ بناؤندااے ،پر نیلیاں چھلاں دا چوکھا وگنا ،جتھے  کنڈھے دا پانی بوہت ڈوہنگا ہیگا اے ، اوہ دسیا نئیں جاندااے ۔ پر سکھنے پانی وچ ، جدوں چھلاں کنڈھے نال وجدیاں نیں ،اوہ جم جاندیاں ، ٹُٹدیاں ، جھگ بناؤندیاں تے اک وڈے ڈھیر وچ رَل مل جاندیاں نیں ،اوہناں دا ایمان جیہڑا خُدا دی راستبازی نال نئیں جُڑے ہوئے ،سکھنے پانی وچ اوہناں چھلاں وانگر ہیگا اے ۔
اوہناں دے دل جیہڑے خُدا دے کلام نال جُڑے ہوئے نیں سارےحالاتاںوچ ڈوہنگے ، خُداوند دے دوالے رہن والے ، تگڑے تے پکے ہیگے نیں ۔ اوہناں دے دل قادرِ مطلق ول ٹُردے نیں ۔ پر اوہ جنہاں دے دل اوہدی راستبازی نال جُڑے ہوئے نئیں ہیگے ،نکی جیہی مصیبت ویلے وی ، آسانی نال تِھڑک جاندے نیں ۔
سانوں لازمی طور اُتے ایمان رکھنا چاہی دا اے جیہڑے خُداوند نال جُڑے ہوئے آں ۔ سانوں لازمی طور اُتے خُدا دے کلام نال جُڑنا چاہی دا اے ۔سانوں لازمی طور اُتے نکیاں معاملیاں وچ نئیں ہلنا چاہی دا اے ۔اوہ جیہڑے خُداوند نال جُڑے ہوئے نیں اوہناں مسیح نال بپتسمہ لَے لیا اے ، اوہ مسیح نال مر گئے نیں تے مسیح نال فیر مویاں وچوں جیوں اُٹھے نیں ۔ ایس لئی پئی اسیں ہور جگ نال تعلق نئیں رکھدے ، سانوں لازمی طور اُتے اوہنوں خوش کرن لئی خُدا دی راست بازی نال جُڑنا چاہی دا اے ، جیہڑا سانوں راستبازی دے خادماں وانگر قبول کر چُکیا اے ۔
جے اسیں خُدا دی راستبازی نال جُڑدے آں ، اسیں ہمیشہ سلامتی ، خوشی تے طاقت نال بھرے رہواں گے ایس لئی پئی خُداوند دی طاقت ساڈی طاقت بن جاوے گی ، اوہدی طاقت تے برکتاں ساڈیاں بن جان نال ،اسیں وڈیاں برکتاں نال جیوندے رہواں گے ۔ جے اسیں ایمان دے راہیں یسوع دے بپتسمہ تے سولی اُتے اوہدی موت وچ اکٹھے ہیگے آں ،اوہدی ساری طاقت ساڈی اپنی طاقت بن جاوےگی ۔
اپنے دل نوں خُداوند نال جوڑئیے۔ جے تسیں خُداوند نال جُڑ دے او ، تسیں خُدا دی کلیسیا نال جُڑ جاوو گے تے اوہ جیہڑے خُدا نال جُڑے ہوئے نیں اک دوجے نال رَل جان گے ، ایہہ کم کرکے ، اپنے میل وچ ، اوہدے کم تے کلام وچ اپنے ایمان وچ اکٹھے ودھن گے ۔
پر جے اسیں مسیح نال اپنے دلاں نوں نئیں جوڑدے ، اسیں سب کُجھ گوا لواں گے ۔ایتھوں تیک پئی جے ساڈا ایمان اینا ں نکا ہیگا اے جناں رائی دا دانہ ، خُداوند ساڈے پاپاں نوں پہلاں ای ہمیش لئی معاف کر چُکیا اے ۔سانوں اپنیاں کمیاں دے ہوندیاں ہوئیاں ہر دیہاڑے ایس سچیائی نال جُڑنا چاہی دااے ۔ صرف اک پکا ایمان تہانوں جیوندے رہن دی اجازت دیوے گا تے یسوع مسیح دے راہیں خُدا دا شکر ادا کرے گا ۔
جدوں اسیں خُدا دی راستبازی نال جُڑدے آں ، اسیں نویں طاقت پاؤندے آں تے ساڈے دل پکے ہو جاندے نیں ۔ ساڈے دل سکون پاؤندے نیں ،جدوں اسیں خُدا نال جُڑدے آں ۔ اپنے دلی خیالاں پچھے ٹُرن دے راہیں خُداوند دی خدمت کرن دے پکے ارادے نوں پاؤنا، کدی نئیں ہو سکدااے ۔ جدوں اسیں یسوع دے بپتسمے ،تے اوہدی سولی تے جی اُٹھن نال رضامند ہوندے آں ،ساڈا ایمان ودھے گا تے خُدا دے کلام اُتے پکا ہوکے کھلوتا رہوے گا ۔
سانوں لازمی طور اُتے خُداوند نال اپنے دلاں نوں جوڑنا چاہی دا اے ۔ صرف اوہ ایمان جیہڑا اوہدے نال جُڑیا ہویا اے سچا ایمان ہیگا اے ؛ مطلب اے جیہڑا اوہدے نال جُڑیا ہویا نئیں ہیگا اوہ اک جھوٹا  ایمان ہیگا اے ۔
اسیں سانوں  یسوع دا بپتسمے تے اوہدا صلیبی لہو دین دے راہیں ،خُداوند نال ، ساڈے ایمان نوں جُڑن دی اجازت دین لئی ، خُدا دا شکر ادا کردے آں ۔سانوں لازمی طور اُتے ایس دن توں لَے کے ،مرن  دیہاڑےتیک ،اوہدے نال اپنے دلاں نوں جوڑنا چاہی دا اے ، جدوں اسیں فیر خُداوند نال ملاں گے ۔ آؤ اسیں اوہدے نال اکٹھے ہوئیے ۔
سانوں خُدا نال اپنے دل جوڑن دی لوڑہیگی اے ایس لئی پئی اسیں اوہدے اگے ماڑے ہیگے آں ۔ پولُس وی خُدا نال جُڑیا ہویا سی تے اپنے پاپاں توں چھُٹیا سی ۔ اوہ خُدا دا خاص خادم بن گیا سی، جنہے ، یسوع مسیح ، خُدا دی راستبازی دے راہیں دتی گئی پانی تے رُوح دی خوشخبری نوں جانن تے ایمان رکھن دے راہیں  سارے جگ وچ خوشخبری دی منادی کیتی ۔ ایس لئی پئی اسیں ماڑے ہیگے آں ، اپنے ذہناں نال خُدا دی شریعت دی خدمت کردے پئے آں پر اپنے بدن نال پاپ دی شریعت دے سبب ،اسیں صرف خُداوند نال جُڑن دے راہیں جیوندے رہ سکدے آں۔
کیہ ہُن تسیں ایمان دے بارے سِکھ چُکے او جیہڑا یسوع دی راستبازی نال  جوڑ دا  اے ؟  کیہ تہاڈا
ایمان یسوع دے بپتسمے نال جُڑیا ہویا اے؟ ہُن تہاڈے کول اک اکٹھے ہون والا ایمان پاؤن دا ویلا ہیگا اے جیہڑا بپتسمے تے یسوع دے لہو اُتے ایمان رکھدا اے ۔ تہاڈے وچوں اوہ جنہاں دا ایمان خُدا دی راستبازی دےنال میل نئیں رکھدا اے اپنے ایمان وچ ،اپنی مکتی وچ تے اپنی حیاتیاں وچ ناکام ہوگئے نیں۔
ایس لئی ، خُدا ونددی راستبازی تہاڈے چھڈاؤن لئی بوہت ضروری شرط ہیگی اے ۔ خُداوند نال جُڑنا ایہو جیہی برکت ہیگی اے جیہڑی ساڈی ساریاں دی پاپاں توں معافی پاؤن وچ تے خُدا دے پُتر بنن وچ اَگوائی کردی اے ۔ اوہدی راستبازی نال اپنے آپ نوں جوڑن تے ایمان رکھن دے راہیں خُدا دی راستبازی پاوو۔ فیر خُدا دی راستبازی تہاڈی ہو جاوے گی تے خُدا دی برکت ہمیشہ تہاڈے نال رہوے گی ۔
 
 
یسوع مسیح لئی خُدا دا شکر ہووے !
 
پولُس رسول نے آکھیا پئی اوہنے یسوع مسیح ساڈے خُداوند دے راہیں خُدا دا شکر ادا کیتا۔ اوہنے یسوع مسیح دے راہیں ایمان دے سبب پائی ہوئی خُدا دی راستبازی لئی شکر ادا کیتا ۔ ایتھوں تیک پئی پولُس دے خُدا دی راستبازی اُتے ایمان رکھن دے بعدوں، اوہ بچ نہ سکیا سگوں اپنے ذہن نال خُدا دی شریعت دی تے اپنے بدن نال پاپ دی شریعت دی خدمت کیتی ۔ پر ایس لئی پئی اوہنے سچے دل نال خُدا دی راستبازی اُتے ایمان رکھیا ،اوہدے دل وچ کوئی پاپ نئیں ہیگا سی ۔
پولُس نے منیا پئی اوہ پہلوں ای یسوع مسیح وچ شریعت دےراہیں لعنتی ثابت ہویا سی تے خُدا دی راستبازی دے سبب ایمان دے راہیں پاپ توں مکتی پائی سی۔اوہنے ایہہ وی آکھیا پئی اوہ جیہڑے خُدا دا عذاب تے اوہدی شریعت دی سزا پاؤندے سَن  اپنے دلاں وچ  خُدا دی راستبازی  اُتے ایمان رکھن دے راہیں مکتی دے پھل پیداکرن دے فیر لائق ہون گے ۔نویں سریوں جمے ہوئے لوکاں دے دلاں وچ پاک رُوح دیاں آساں ، ایسے طرحاں بدنی آساں وی ہیگیاں نیں ۔ پر اک بندہ جیہڑا نویں سریوں نئیں جمیا ، صرف بدنی آساں رکھدااے ، ایس لئی ، پاپی صرف پاپ دی آس رکھدے نیں  ہور کیہ بوہتا  بھیڑا ہیگا اے ، اپنیاں عادتاں دے طریقیاں نال ، اوہ دوجیاں دیاں اکھاں اگے اپنے پاپاں نوں سوہنے بناؤن دی ہمت کردے نیں ۔
ڈیکن تے ایلڈر جیہڑے نویں سریوں نئیں جمے،بوہتا آکھدے نیں ،  ” میَں پرہیز گاری وچ جیونا چاؤہندا ہاں ،پر مینوں نئیں پتہ پئی کیوں ایہہ اینا اوکھا ہیگا اے ۔“سانوں لازمی طور اُتے دھیان کرنا چاہی دا اے پئی اوہ کیوں نئیں بچ سکدے سگوں اِنج ای حیاتی بسر کردے نیں ۔ ایس لئی پئی اوہ پاپی ہیگے نیں جنہاں نیں خُدا دی راستبازی اُتے ایمان رکھن دے راہیں مکتی نئیں پائی اے ۔ اوہناں دے دلاں وچ پاپ ہیگا اے ایس لئی اوہناں وچ خُدا دی راستبازی نئیں ہیگی اے ۔ پر نویں سریوں جمے ہوئے لوکاں دے دلاں وچ خُدا دی راستبازی تے پاک رُوح ہیگے نیں ،پر کوئی پاپ نئیں ہیگا اے ۔
جدوں پولُس دے دل وچ پاپ ہیگا سی ،اوہ پچھتایا سی ،  ” ایس لئی جیہڑی نیکی دا ارادہ کردا ہاں اوہ تاں نئیں کردا پر جیہڑی بدی دا ارادہ نئیں کردا ،اوہ کر لینداواں۔ہائے میَں بوہت لیکھاں ماریا بندہ ہیگا واں! ایس موت دے بدن توں مینوں کون چھڈاوےگا؟  “ پر پولُس نے چھیتی نال گل ودھائی ،    ” اپنے خُداوند یسوع مسیح دے راہیں خُدا دا شکر کرداہاں ۔ “ (رومیوں ۷ : ۲۵)۔ایہدا مطلب ہیگا اے پئی اوہنے یسوع مسیح اُتے ایمان رکھن دے راہیں اپنے سارے پاپاں توں مکتی پائی ، جنہے خُدا دی راستبازی پوری کیتی سی ۔
پولُس باب ۷ وچ کیہ آکھن دی ہمت کردا پیا سی ،ایہہ پئی پہلوں،جدوں اوہ نویں سریوں جمن  دے اَڈ دینی ہیگا سی ،اوہنوں نئیں پتہ ہیگا سی پئی شریعت دا کم کیہ ہیگا سی  ۔پر اوہنے آکھیا پئی اکلا جنہے اوہنوں بے نصیبی دی حالت توں چھڈایا ،جیہڑی پاپ نال پیدا ہوئی سی ، یسوع مسیح ہیگا سی ، جنہے خُدا دی راستبازی پوری کیتی سی ۔ جیہڑا ایمان رکھدا اے پئی یسوع مسیح نے سانوں چھڈاؤن لئی خُدا دی راستبازی نوں پورا کیتا مکتی یافتہ ہو جاوےگا ۔
اوہ جیہڑے خُدا دی راستبازی اُتے ایمان رکھدے نیں ، اپنے ذہن نال خُدا دی شریعت دی خدمت کردے نیں پر بدن نال پاپ دی شریعت دی خدمت کردے نیں ۔ اوہناں دا بدن حالے تیک پاپ ول جھک دا اے  ایس لئی پئی ایہہ حالے تیک نئیں بدلیا اے ، بھاویں اوہ نویں سریوں جمے نیں ۔بدن پاپ دی آس رکھدا اے ،پر ذہن جیہڑا خُدا دی راستبازی اُتے ایمان رکھدا اے ، خُدا دی راستبازی پچھے چلنا چاؤہندااے ۔ دوجے پاسے ، اوہ جنہاں نیں پاپاں توں معافی نئیں پائی اے ،دونواں ، اپنے ذہن تے بدن دے راہیں صرف پاپ کرن دی اَگوائی پاؤن گے ،ایس لئی پئی اوہناں دے دلاں دیاں نیاں وچ پاپ ہیگے نیں۔ پر جیہڑے خُدا دی راستبازی نوں جان دے تے ایمان رکھدے نیں ، اوہدی  راستبازی اُتے عمل کر
دے نیں ۔
اسیں یسوع مسیح دے راہیں خُدا دا شکر ادا کردے آں ،ایس لئی پئی مسیح نے خُدا دی ساری راستبازی پوری کیتی اے ۔ سانوں اپنی راستبازی دین تے اوہدے اُتے ایمان رکھن وچ ساڈی اَگوائی کرن واسطے ، خُداوند دا شکر ہووے۔