خطبے

مضمون 9: رومیوں (رومیوں دی کتاب اُتے تفسیر)

[8-1 باب] باب ۸دا تعارف

باب ۸نوں  رومیوں دے خط دے بوہت خاص باب وانگردسیا جا سکدااے۔بوہت سارے موضوعات دےراہیں جیہڑے ایس باب وچ ہیگے نیں ، پولُس  سانوں کھول کے دسدا اے خُداوند دی راستبازی داکم صرف  بوہت اوّلاہیگااے ۔
پہلاموضوع ایہہ ہیگااے : ” ایس لئی ہُن جیہڑے مسیح یسوع و چ ہیگے نیں اوہناں اُتےسزا دا حکم نئیں ہیگا  اے۔ “(رومیوں ۸:۱)۔ ایہدا مطلب ایہہ ہیگاہے پئی ایس توں ہٹ کے، ساڈے بدن خورے کنے ذلیل تےگئےگواتے ہو سکدےنیں  ، خُدا دی راستباز سانوں ساڈے سارے پاپاں توں چھڈاچُکی اے ۔
دوجا موضوع ایہہ ہیگااے : ”ایس لئی پئی جیہڑا کم شریعت جسم دے سبب سے ماڑیاں  ہوکےنہ کر سکی ا وہ خُدا نےکیتا۔“ (رومیوں ۸: ۳)۔ایہدامطلب ایہہ ہیگااے ،ایس لئی پئی  لوک اپنے بدن وچ خُدا دی دتی ہُوئی شریعت دا آکھا نئیں من دے سن ،یسوع مسیح نے ،اپنے بپتسمے تے صلیب اُتے اپنی موت دے نال  اپنے آپ اُتےاُوہناں  دے سارے پاپاں نوں  چُکن دے راہیں ،اوہناں نوں اوہناں دے پاپاں تے سزاتوں بچایااے ۔ ایس لئی پئی  یسوع ایس جگ وچ آیا تے یوحنا کولوں اپنے بپتسمے نال  اکو ای وار سارے لوکاں دے پاپاں نوں چُک لیا جیہڑ اجگ دے سارےپاپاں نوں اپنی سولی اُتے لے جاسکدا سی  ،اوہدےاُتے مر سکدا سی ،تے اوہناں  ساریاں نوں  بچاؤن لئی مویا ں وچوں جیوں سکدا سی جیہڑےایس سچیائی اُتے ایمان رکھدے نیں۔ ساڈے خداوند دے ایہہ سارے کم پاپیاں نوں  اوہناں  دے پاپاں توں  بچاؤن لئی ہیگے نیں ، ساڈے خُدا باپ دی مرضی دی فرمانبرداری وچ خُدا دی راستبازی پوری کرن دا مطلب رکھدے سن۔
تیجاموضوع ایہہ ہیگااے: ” ایس لئی  جیہڑے جسمانی ہیگےنیں اوہ جسمانی گلاں دے خیال وچ رہندےنیں پر جیہڑے رُوحانی ہیگےنیں اوہ رُوحانی گلاں دے خیال وچ رہندے نیں۔“ (رومیوں ۸ :۵)۔ایہدا  مطلب ہیگا اےپئی جدوں اسیں خُداوند اُتےایمان رکھن دافیصلہ کردے آں،سانو ں اپنے دلی  خیالاں پچھے چلن دے راہیں  اوہدے اُتے ایمان نئیں رکھنا  چاہی   دا  اے، سگوں    خُدا
دے کلام  پچھے چلن دے راہیں  ایمان رکھنا چاہی دااے ۔
چوتھاموضوع ایہہ ہیگااے: ”پر تسیں جسمانی نئیں سگوں  رُوحانی ہیگےاو ،پرشرط ہیگی اے پئی  خُدادا رُوح تہاڈے  وچ  وسیا ہویا اے “ (رومیوں۸: ۹)۔اوہ جیہڑے خُدا دی راستبازی اُتے ایمان رکھدے نیں اپنے دل وچ پاک رُوح پا چُکے نیں تے خُدا دے پُتر بن گئے نیں۔ ایہداایہہ وی  مطلب  ہیگااے پئی تسیں خُدا دے  پُترنئیں بن سکدےصرف ایس لئی پئی تسیں شوق نال گِرجے جاندے او۔
پنجواں موضوع ایہہ اے: ”ایس لئی اے بھراوو!اسیں قرضدارتا ں ہیگےآں پر بدن دے نئیں پئی بدن  دے مطابق جندڑی گزاریے۔“ (رومیوں ۸: ۱۲)۔ایہہ موضوع سانوں دسدا اے پئی  اوہ جیہڑے ساڈے خُداوند دی خوشخبری اُتےایمان رکھن دے راہیں اپنے سارے  پاپاں توں نجات یافتہ ہوگئے نیں جنہے  خُدا دی راستبازی پوری کیتی اے ،اپنے بدن دے قرضدار تے اوہناں دے قیدی نہیں ہو سکدے ۔
چھیواں موضوع ایہہ ہیگااے: ” ایس لئی پئی  تہانوں   قیدیاں والی  رُوح نہیں ملی جیہدے نال فیر ڈرپیدا ہووے سگوں لےَ کے  پالے ہویاں والی رُوح  ملی اے  جیہدے نال اسیں   اَبّا مطلب اے باپ آکھ کے بلاؤندے آں ۔“ (رومیوں ۸:  ۱۵)۔ ایس لئی پئی اوہ جیہڑےخُدااُتے ایمان رکھدے نیں ،اوہناں نیں پاک رُوح پالیا اے، اوہ خُدا نوں باپ ، ”اَبّامطلب اے باپ“ آکھدے نیں ۔
ستواں موضوع ایہہ ہیگااے: ” رُوح آپ  ساڈی رُوح نال  مل کے گواہی دیندا اے پئی اسیں خُدا دےپُتر ہیگے آں ۔ تے جےپُترہیگے آں تاں وارِث وی  ہیگے آں  مطلب اے  خُدا دے وارِث تے  مسیح نال مالکی وچ حصے دار۔“  (رومیوں۸ : ۱۶۔ ۱۷)۔اوہ جیہڑے خُدا دی راستبازی اُتے ایمان رکھدے نیں اوہ ہیگے نیں جیہڑےپاک  رُوح پاچُکے نیں ،تےا وہ جیہڑے پاک رُوح پا چُکے نیں اوہ ہیگے نیں جیہڑے مسیح نال رَل کے ، اوہدی   اَسمانی بادشاہی دے وارِث بن جان گے  ۔
اَٹھواں موضوع ایہہ ہیگااے: ” ایس لئی پئی سانوں پتہ ہیگا اے پئی ،ساری مخلوق رَل کے  حالے تیک ہاڑے پاؤندی اے تے بچہ جمن والی پیڑ وچ  تڑفدی اے ۔“ (رومیوں ۸ :۲۲)۔ایہہ سانوں دسدا اے پئی خُدا دی راستبازی اُتے ایمان رکھن والے ،ایس پاپی جگ وچ ، دوجیاں ساریاں  مخلوقاں دےنال نال  ،دُکھ جر دے نیں،پرایہہ سانوں ایہہ وی دسدا اے پئی  اوہناں دے اگلےجگ وچ ا وتھے  نہ ہاڑے پاؤنا ایں ،نہ ای پیڑاں ہون گئیاں ۔
نوواں موضوع ایہہ ہیگااے: ”تے جنہاں نوں  اوہنے پہلاں توں  تیار کیتا اوہناں نوں  بُلایاوی تے جنہاں نوں  بُلایا اوہناں نوں  راستباز وی بنایا تے جنہاں نوں   راستباز بنایا اوہناں نوں  جلال وی دتا۔“ (رومیوں  ۸: ۳۰)۔ایہہ سانوں دسدا اے پئی خُداوند اپنے پُتریسوع مسیح وچ  پاپیاں نوں بُلا چُکیا اے ،مطلب اے اپنی راستبازی نال اکوای وار اوہناں  دے سارے  پاپاں نوں  چُکن دے راہیں اوہناں نوں  اپنے پُتر بنا چُکیا اے ۔
اخیر وچ،دسواں  اخیری موضوع ایہہ ہیگااے: ” خُدا دے لاڈلیاں داکون گلا کرے گا ؟خُداا وہ  ہیگااے جیہڑا اوہناں  نوں  راستبازبناؤندا اے ۔“ (رومیوں ۸ : ۳۳)۔کوئی بندہ خُدا دے پُتراں دا نصاف  نئیں کر سکدا جیہڑے خُدا دی راستبازی اُتے ایمان رکھن دے راہیں پاپ توں اپنےچھٹکارےلئی انعام وانگرپاک رُوح پا چُکے نیں۔
ایس لئی  ایہہ ۱۰ موضوعات رومیوں باب ۸ دا بنیادی خاکہ ہیگےنیں ۔ ہن اسیں  اپنی خاص گل  بات دے نال تفصیل نال  اوہناں  دا معائنہ کرن ول جاواں گے ۔