خطبے

مضمون 9: رومیوں (رومیوں دی کتاب اُتے تفسیر)

[8-4 باب] <رومیوں ۸: ۴۔۱۱> بدنی  ذہن رکھنا موت ہیگی اے ، پر رُوحانی ذہن رکھنا حیاتی تے سلامتی اے

>رومیوں ۸: ۴۔۱۱<
”تاں پئی شریعت دی لوڑ ساڈے وچوں پوری ہووے جیہڑے بدن دے مطابق نئیں سگوں رُوح دے  مطابق چلدے آں ۔ کیوں جے جیہڑے بدنی نیں اوہ بدنی گلاں دے خیال وچ رہندے نیں پر جیہڑے رُوحانی نیں اوہ رُوحانی  گلاں دے خیال وچ رہندے نیں ۔ تے بدنی نیت موت ہیگی اے پر رُوحانی  نیت حیاتی تے سکون اے ۔ ایس لئی پئی بدنی نیت خُدا نال ویر اے ایس لئی پئی نہ تاں خُدا دی شریعت دی تابع ہیگی اے نہ ہو سکدی اے۔ تے جیہڑے بدنی نیں اوہ خُدا نوں خوش نئیں کر سکدے ۔ پر تُسیں بدنی نئیں سگوں رُوحانی جے پر شرط ایہہ ہیگی اے پئی خُدا دا رُوح تہاڈے وچ وسیا ہویا اے ۔ پر جیہدے وچ مسیح دا رُوح نئیں اوہ اوہدانئیں۔ تے جے مسیح تہاڈے وچ اے تاں بدن تاں پاپ دے سبب مویا اے پر رُوح راستبازی دے سبب جیوندی اے ۔ تے جے اوسے دا رُوح تہاڈے وچ وسیا ہویا اے جنہے یسوع نوں مویاں وچوں جوایا تاں جنہے مسیح یسوع نوں مویاں وچوں جوایا اوہ تہاڈے برباد ہون والے بدناں نوں وی اپنے اوس رُوح دے راہیں جیوندا کرے گا جیہڑا تہاڈے وچ وسیا ہویا اے۔ “
 
 
باہر دے مُلکاں وچ سیوا اثر کردی اے جدوں کتاباں دے راہیں کیتی جاندی اے ۔ جویں اسیں ہُن کردے پئے آں ۔ اسیں برکت پاؤندے آں جدوں اسیں خُدا دا کلام پڑھدے آں تے ساڈا ایمان ودھدااے ایس لئی پئی اسیں اوہدے کلام اُتے ایمان رکھدے آں۔
لوکی پچھلیاں پنج صدیاں توں دُکھڑے سہندے پئے نیں ، خُدائی خیال مثال طور اُتے ہولی ہولی پاکیزگی دا خُدائی خیال ، توجیہ دے خُدائی خیال ورگیاں جھوٹیاں تعلیماں توں دھوکہ کھاندیاں ہوئیاں ، تے دوجے جیہڑے دعویٰ کردے نیں پئی پاپاں دی معافی توبہ دیاں دعاواں دے راہیں مل سکدی اے ۔
رومیوں ۸: ۳  دسدا اے پئی خُدا نے اوہ کیتا جیہڑا شریعت نئیں کر سکدی سی مطلب اے ایہہ بدن دے راہیں ماڑی سی ۔ خُدا نے اپنے سکے پُتر نوں پاپ بھرے بدن وانگر گھلیا ، اوہدے بدن وچ  پاپ نوں سزا دتی، تے سانوں ساڈے سارے پاپاں توں چھڈاؤن لئی اوہدی عدالت کیتی ۔
اج ، اسیں خُدا دی سچیائی لئی ، رومیوں ۸: ۴ ۔۱۱  ول دھیان دیندے آں۔ رومیوں ۸ : ۳ ۔ ۴ آکھدا اے ، ” ایس لئی جیہڑا کم شریعت بدن دے سبب توں ماڑی ہوندیاں ہوئیاں نہ کر سکی اوہ خُدا نے کیتا مطلب اے اپنے پُتر نوں  پاپ بھرے بدن وانگر تے پاپ دی قربانی لئی گھل کے بدن وچ پاپ دی سزا دا حکم دتا ۔تاں پئی شریعت دی لوڑ ساڈے وچوں پوری ہووے جیہڑے بدن دے مطابق نئیں سگوں رُوح دے  مطابق چلدے آں “ بنا شک ، سوال ایہہ ہیگا اے : ایہدا کیہ مطلب اے ؟
 
 
پہلاں، بدن دے مطابق جیوندے نہ رہن دا کیہ مطلب اے؟
 
ایہدا مطلب  بدن دے فائدے نہ لبھنا اے ، ایہہ رُوح دیاں آساں تے بدن دیاں آساں وچکار فرق کرنا اے ، تے اوہناں توں دور رہنا اے جیہڑے خُدا دے کلام دا آکھا نئیں من دے ۔ آیت ۵ دسدی اے ،  ” ایس لئی جیہڑے بدنی نیں اوہ بدنی گلاں دے خیال وچ رہندے نیں ۔“  ”بدنی گلاں“ دا کیہ مطلب اے ؟ ایہدا مطلب ہیگا اے پئی اوہ موجود ہیگیاں نیں جیہڑےایتھوں تیک پئی جویں اوہ گرجے جا کے اکٹھے ہوندے نیں ، اپنیاں ذاتی آساں وی لبھدے نیں ۔
اینوں سوکھے طریقے نال ویکھن لئی ، جگ وچ مسیحیاں نوں منافع دین والے کم کار دے ارادے لئی گرجے نئیں جانا چاہی دا ۔ ایہہ بدن دے مطابق جیوندے رہنا اے ۔ ایہو جیہے لوک گرجیاں وچ وڈے جھُنڈاں نال اپنے کم کار بارے دسن تے مشہوری دین لئی ، باقاعدہ تے پکے گاہک بناؤن دی آس رکھ کے جاندے نیں ۔ اوہ گرجے جاندے نیں تے یسوع اُتے اپنے ذاتی بدن لئی ایمان رکھد ے نیں ۔
دوجے وی موجودہیگے نیں ۔ اوہ جیہڑے مسیحی جھُنڈ وچ فرقے بناؤن دی تعلیم دیندے نیں، تے اوہ جیہڑے اپنے پچھے چلن والیاں نوں صرف بدنی برکتاں پاؤن دی تعلیم دیندے نیں ،ایہو جیہے لوک نیں
جیہڑے بدن وچ جیوندے نیں تے جیہڑے اپنے ذہناں نوں بدنی گلاں اُتے لا چُکے نیں ۔
 اسیں بوھت سوکھے طریقے نال اپنے مسیحی جھُنڈ وچ فرقہ پرستی نال مل سکدے آں۔فیر ایہہ فرقہ پرست کون نیں ؟ ایہہ اوہ لوک ہیگے نیں جیہڑے اپنے فرقے نوں ودھاؤندے ہوئیاں اپنے غلط ایمان نال اپنے آپ نوں دھوکہ دیندے نیں ۔ اوہ آکھدے نیں پئی اوہناں دا فرقہ ایس طرحاں تے ایس طرحاں بنیا سی ، مطلب اے اوہ ایہو ایہو جیہے خُدائی تعلیماں دے ماہر رکھدے نیں، مطلب اوہ اینے وڈے نیں تے بوھتی گنتی وچ جگ وچ مشہور نیں تے ایہہ پکے روایتی نیں تے وغیرہ وغیرہ ۔ ایہہ ساریاں شیخیاں ایہو جیہاں نیں جنہاں نال ایناں دے گھمنڈ بن دے نیں تے اوہناں دا دلی ایمان بناؤندیاں نیں ۔ ایس جگ وچ ایہو جیہے ایمان نال بوھتے لوک ہیگے نیں۔
 فرقہ پرست یسوع اُتے اپنے بدنی فائدیاں لئی ایمان رکھدے نیں۔ اوہ جیہڑے حالے تیک بدن دے مطابق جیوندے نیں اپنے گرجیاں اُتے تے اپنے وڈے گرجیاں وچ جان نال بدنی طور اُتے برکت پاؤن والے ھون اُتے گھمنڈ کردے نیں ۔ کئی گرجے ایہو جیہے بوھتے طبقاتی ارادے رکھدے نیں مثال طور اُتے  ”اپنی گھروالی نال محبت کرو۔ “پر ایہہ ہیگا اے ، ”اوہ جیہڑے بدن مطابق جیوندے نیں “ دا کیہ مطلب اے ؟ کیہ گرجیاں نوں کسے دے گھروالیاں نال محبت کرن اُتے اپنے ارادے دے مطابق اکھاں لاؤنیاں چاہی دیاں نیں ؟ اوہناں نوں انج نئیں کرنا چاہی دا ۔ فیر کیہ میَں آکھدا پیا واں پئی سانوں اپنی گھروالیاں نال محبت نئیں کرنی چاہی دی؟ بنا شک نئیں ! پر ایہو جیہے ارادے ، جیہڑےبھاویں چنگے تے سوہنے نیں ، ساڈی کلیسیا دا بنیادی ارادہ نئیں ہو سکدے ۔
اوہ جیہڑے بدن مطابق جیوندے نیں بدنی گلاں لئی اپنے خیالاں وچ رہندے نیں ۔ بوھتے خادم اج اپنے آپ نوں جیہڑے صرف اپنی کلیسیا دی گنتی ، ہدیے تے عمارت نوں وڈیاں کرن وچ ریجھ رکھن دے راہیں ایہو جیہیاں لوکاں وچ تبدیل کر چُکے نیں—  ایہہ ہُن اوہناں دے ایمان دے خاص کم بن گئے نیں ۔ اک وڈا ، اُچاتے کھُلا گرجا بناؤنا اوہناں دا بوہت وڈا مقصد بن گیا اے ۔ ایتھوں تیک پئی بھاویں اوہ وکھالے طور اُتے آکھدے نیں پئی بوہتے پچھے لاؤن والیاں نوں اکٹھیاں کرنا ایں ، اوہناں نوں اسماں اُتے لَے جانا اے تے دوجیاں نوں ایہو جیہے بہانے پیش کردے نیں، اوہناں دا خاص مقصدوڈےگرجےبناؤن دے سلسلےوچ بوھتے پیسے اکٹھے کرنا اے ۔
اپنی کلیسیاواں نوں بدنی گلاں پچھے لاؤن  دے  لائق  بناؤن  لئی ،  اوہناں  نوں  اپنے  پچھے  لاؤن
والیاں نوں دینی جھلیاں وانگر بناؤنا  اے ۔ کئی پادری اپنی کامیابی نوں اپنے اکٹھ نوں کملے  ہونا  ، ادھا پاگل ہونا ، فریبی تے خاص طور اُتے بھٹکا ؤن وچ بدل کے اپنے گُن اُتے قائم کر چُکے نیں ۔
 
 
اوہ جیہڑے خُدا دے رُوح دے مطابق جیوندے نیں
 
پر ، اوہ موجودہیگے نیں جیہڑے مسیحیاں وچکار خُدا دے رُوح دے مطابق سچ مُچ جیوندے نیں۔ اوہ جیہڑے رُوح دے مطابق جیوندے نیں خُدا دے کلام دے مطابق جیوندے نیں ، ایمان رکھدے نیں  پاک کتاب وچ کیہ لکھیا اے جد پئی اپنے دلی خیالاں توں مُکردے ہوئیاں ، اوہ کردے نیں جیہدے توں خُدا خوش ہوندا اے ، تے پانی تے رُوح دی  خوشخبری دی منادی کردے نیں ۔
پاک کتاب دسدی اے پئی اوہ جیہڑے رُوح دے مطابق جیوندے نیں اپنے ذہن نوں رُوح دیاں گلا ں اُتے لاؤندے نیں ۔ جے اسیں خُدا دی راستبازی اُتے ایمان رکھن دے راہیں اپنے سارے پاپاں توں معاف ہوگئے آں ، سانوں سوچیوں اڈ نئیں رہنا چاہی دا ، سگوں رُوح  دے کم اُتے غور تے فکر کردے ہوئیاں جیوندے رہنا چاہی دا اے ۔ اوہ  جیہڑے رُوح دے مطابق جیوندے نیں رُوحانی طور اُتے سوچدے نیں تے ایمان دے راہیں رُوح دے کم کرن لئی تیار ہوندے نیں۔ لیکھاں والے نیں اوہ جیہڑے رُوح دے کم پچھے چلدے نیں ۔ ایہہ اوہ لوک نیں جیہڑے خُدا نوں خوش کردے ، دوجیاں نوں جگ دے پاپاں توں بچاؤندے ، تے ایمان دے راہیں جیوندے نیں ۔ اسیں اپنے پاپاں توں معاف ہوگئے آں تے ایس لئی سانوں لازمی طور اُتے رُوح دے کماں اُتے دل لاؤنا چاہی دا اے تے اوہدے مطابق جیوندے رہنا چاہی دا اے ۔
ساڈیاں حیاتیاں دا مقصد رُوح دے کم نوں پورا کرنا اے، جیہڑا پانی تے رُوح دی خوشخبری دی منادی کردا اے ۔ سانوں رُوح دیاں گلاں اُتے اپنے دل لاؤنے چاہی دے نیں  ۔ تُسیں کناں بوھتا اپنا دل رُوح دیاں گلا ں اُتے لا چُکے او ؟  اسیں اک رُوحانی جنگ لڑدے پئے آں تے لازمی طور اُتے خُدا دی راستبازی اُتے ایمان رکھن تے ایہدی منادی کرن دے راہیں رُوح دے کماں دی مشق کرنی چاہی دی اے ۔ سانوں لازمی طور اُتے سدا سوچنا چاہی دا اے پئی خُدا نوں کیہ خوش کردا اے تے خُدا دے کم اُتے اپنا دل تیار کرن دے راہیں رُوح دے کم دا چیلنج لیناچاہی دا اے ، بھاویں اسیں ماڑے تے غلطیاں بھرے ہو سکدے آں۔ جدوں کوئی خاص کم ہوندا اے ، سانوں لازمی طور اُتے فیر وی بوھتے کم لئی ہتھ پیر مارنے چاہی دے نیں جیہڑا خُدا نوں خوش کرے گا ۔
 ہُن اسیں کتاباں دے راہیں سارے جگ وچ پانی تے رُوح دی خوشخبری دی منادی کردے پئے آں۔ گھٹوگھٹ ۲۰۰ توں ۳۰۰   تیک لوک ہر دیہاڑے ساڈیاں مفت مسیحی کتاباں تے بجلی والیاں کتاباں ساڈی ویب سائٹ کھولن دے راہیں لیندے نیں ۔ پانی تے رُوح دی خوشخبری دی منادی لئی ایمان نال ہتھ پیر مارن دے راہیں جگ دے ہر ملک وچ ہر کسے لئی ، اسیں تہاڈے نال اوہدی کلیسیا وچ خوشخبری دی سیواکردے پئے آں ۔ جے اسیں اپنے دلاں نوں رُو ح دے کماں اُتے نئیں لایا سی ، سانوں رُوح دے ایہہ پھل نئیں  دتے جانے سَن ۔ سانوں اوہدا کم اک اک کر کے رُوح دے کماں لئی تیار اپنے دلاں نال مکمل کرنا چاہی دا اے ۔ فیر اسیں اپنے رُوحانی لاڑھے ، یسوع مسیح نوں خوش کراں گے ، اوہدی چنگی گھروالی وانگر جیہڑی امثال باب  ۳۱  وچ  ملدی اے ۔
۸ آیت  دسدی اے ،  ” تے جیہڑے بدنی نیں اوہ خُدا نوں خوش نئیں کر سکدے ۔“ ایہہ اوہناں بارے دسدی اے جیہڑے پاپاں دی معافی نئیں پا چُکے نیں ۔ ” ایس لئی پئی بدنی نیت خُدا نال ویر اے کیوں جے نہ تاں خُدا دی شریعت دی تابع ہیگی اے نہ ہو سکدی اے۔ تے جیہڑے بدنی نیں اوہ خُدا نوں خوش نئیں کر سکدے ۔“ (رومیوں ۸ : ۷ ۔ ۸)۔ ایسے طرحاں ، پاپی جیہڑے اوہناں وچ رُوح نئیں رکھدے نہ خُدا دا کم کر سکدے نیں نہ ای اوہنوں خوش کر سکدے نیں ۔
 پاپی اپنے آپ نوں خُدا دی شریعت دے آکھے نئیں لاؤندے ۔ نہ ای خُدا دی راستبازی دے  آکھے لاؤندے نیں ۔ اوہ خُدا نوں خوش نئیں کر سکدے ۔ ایس لئی پئی اوہ نئیں سمجھ سکدے پئی خُدا دی مرضی کیہ اے ، جویں پاک رُوح اوہناں وچ نئیں وسدا ۔ خُدا نوں جیہڑا خوش کردا اے پانی تے رُوح دی خوشخبری نال سارے لوکاں دے سارے پاپاں نوں معاف کرنا اے ۔ اوہ پاپیاں دی وڈیائی تے عبادت نال خوش نئیں ہوندا ۔
خُدا خوش نئیں ہوندا جدوں پاپی اوہدی وڈیائی کردے نیں ۔ سب فضول اے پئی کنے بوھتے پاپی اوہدی وڈیائی لئی اپنے ہتھ چُکدے نیں تے عبادت وچ روندے نیں ، اوہ اوہنوں خوش نئیں کر سکدے ۔ پاپی مسیحی جوش نال مست ہو کے خُدا نوں خوش کرن دی ہمت کردے نیں ۔ او ہ خُدا نوں خوش نئیں کر سکدے ۔ اوہ جیہڑے پاپ دے  نال نیں  خُدا نوں خوش نئیں کر سکدے ایس لئی پئی اوہ پاپی نیں۔ سب فضول اے اوہ کنی ہمت کردے نیں ، پاپی کدی خُدا نوں خوش نئیں کر سکدے۔ ایہہ ایہو جیہا معاملہ نئیں ہیگا اے پئی اوہ خُدا نوں خوش کرن لئی  کنے تیار نیں؛ ایہہ ایہو جیہا معاملہ اے پئی اوہناں لئی اوہنوں خوش کرنا ، ہو ای نئیں سکدا ۔
کیہ خُدا خوش ہووے گا جے لوک وڈے گرجے بناؤن ۔ اوہ خوش نئیں ہووے گا ۔ جے وڈے گرجے وچ چلے جانا ضروری اے ، ہر طریقے نال وڈا گرجا بناؤنا چاہی دا اے ۔ پر وڈا گرجا صرف وڈیاں کرن لئی بناؤنا، ایہہ خُدا نوں بالکل خوش نئیں کردا ۔
مثال دے طور اُتے، میرے پنڈ وچ اک گرجے نے، تھوڑا چِر پہلوں ای اک نواں گرجا بناؤن لئی ۳۰ لکھ ڈالر توں بوھتے ورتے، ایتھوں تیک پئی جدوں پرانا گرجا اوہدے بالکل نال ای سی تے حالے تیک ودھیا رنگ روپ تے ٹھہرن دی جگہ رکھدا اے ۔ جدوں اکٹھیاں ہو ن دی جسامت  صرف ۲۰۰ توں ۳۰۰ تیک سی ، کیہ سچ مُچ ایہو جیہا وڈا گرجا بناؤنا ضروری سی ؟ خُدا د ی کلیسیا اِٹاں نال نئیں بن دی ۔ خُدا سانوں دسدا اے پئی اسیں خُدا دی ہیکل آں تے خُدا دا رُوح راستبازاں دے دلاں وچ وسدااے ۔
لوڑ ویلے وڈا گرجا بناؤنا ٹھیک اے، پر کیہ اپنے آپ وڈے گرجے بناؤنا خُدانوں جلال دیندااے ؟ نئیں  ، ایہہ جلال نئیں دیندا۔ کیہ گرجے وچ بوھتے لوک اکٹھے کرنا خُدا نوں بوھتا جلال دیندا اے؟ نئیں ، تُسیں صرف اِنج کر کے خُدا نوں خوش نئیں کرسکدے ۔ اوہ جیہڑے بدنی نیں خُدا نوں خوش نئیں کر سکدے ۔
کئی واری، ایتھوں تیک پئی ایہو جیہے راستباز لوک ہوندے نیں جیہڑے صرف بدنی فائدہ لبھدے نیں ۔ ایہہ لوک خُدا نوں خوش نئیں کر سکدے ۔  راستبازاں دے وچکار ، کئی ہیگے نیں جیہڑے حالے تیک پاپیاں وانگر اپنے بدنی خیالاں وچ قید نیں ۔ ایہہ لوک خُدا نوں خوش نئیں کر سکدے ۔ اصل وچ اوہ کلیسیا وچ ایمان دی چنگی صحت رکھن والی حیاتی رکھن دے لائق نئیں ہیگے ۔ اوہ شکایت کردے تے خدا دی کلیسیا توں ناراض ہوندے نیں تے اخیریں کلیسیا نوں چھڈ جاندے نیں ۔
ایس لئی ، اسیں جیہڑے راستباز ہیگے آں، سانوں ایہو جیہی حیاتی بسر کرنی چاہی دی اے جیہڑی راستباز اے تے خُدا نوں خوش کردی اے، ایہو جیہی حیاتی نئیں جیہڑی صرف بدنی فائدے لبھدی اے ۔ سانوں خُدا دے کماں بارے سوچنا چاہی دا اے تے اوہدی راستبازی اُتے، اوہدی راستبازی دے کماں دی سیوا کرنی چاہی دی اے تے اپنے بدناں ، دلاں تے جائیداد نوں خُدا دی راستبازی دے کماں لئی  ورتنا چاہی دا اے ۔ سانوں ایہو جیہی حیاتی بسر کرنی چاہی دی اے جیہڑی خُدا نوں خوش کردی اے۔
 
 
اوہ جیہڑے مسیح دے رُوح وچ نیں
 
آؤ اسیں رَل کے آیت ۹ پڑھئیے” پر تُسیں بدنی نئیں سگوں رُوحانی جے پر شرط ایہہ ہیگی اے پئی خُدا دا رُوح تہاڈے وچ وسیا ہویا اے ۔ پر جیہدے وچ مسیح دا رُوح نئیں اوہ اوہدانئیں۔ “
 ایہہ  حوالہ پولُس دے مطابق ایہہ مطلب دسدا اے پئی جے اسیں پانی تے رُوح دی خوشخبری اُتے ایمان رکھدے آں— دوجے اکھراں وچ، جے اسیں خُدا دی راستبازی اُتے ایمان رکھدے آں—تے اپنے پاپاں توں چھڈائے گئے آں، اسیں ہور بدن وچ نئیں سگوں رُوح وچ ہیگے آں ۔ جے کوئی اپنے دل وچ رُوح رکھدا اے ،اوہ بندہ مسیح وچ اے ۔ تے جے کوئی مسیح دا رُوح نئیں رکھدا، اوہ بندہ اوہدا نئیں ہیگا اے ۔
 ایس لئی اسیں  بدن وچ نئیں سگوں رُوح وچ ہیگے آں۔ اسیں جیہڑے رُوح وچ ہیگے آں تے پانی تے رُوح دی خوشخبری دے راہیں پا پ توں چھڈائے گئے آں، سانوں نئیں بھُلنا چاہی دا پئی اسیں راستبازی دے سپاہی ہیگے آں جیہڑے مسیح وچ راستبازاں وانگر خُدا نوں خوش کرن دی ہمت رکھدے آں ۔ سانوں اپنی بدنی کمزوری توں پریشان نئیں ہونا چاہی دا ، سگوں ایمان نال خُدا نوں خو ش کرنا چاہی دا اے پئی ، بھاویں اسیں ماڑے آں ، اسیں اوہدے آں تے اسیں اوہدے وچ آں ، تے ایس لئی اسیں اوہدے خادم آں ۔
سانوں لازمی طور اُتے جاننا چاہی دا اے پئی ساڈے نویں سریوں جمن دے بعد وں سانوں صرف اپنے بدنی فائدے لبھن دی اجازت نئیں اے ۔ سانوں ایہہ جان دے ہوئیاں جیوندے رہنا چاہی دا اے پئی راستباز صرف خُدا دی راستبازی لئی جیوندے رہن لئی تیار کیتے گئے نیں۔ آیت ۱۰ سانوں وکھاؤندی اے پئی کویں مسیحیاں نوں جیوندے رہنا چاہی دا اے : ” تے جے مسیح تہاڈے وچ اے تاں بدن تاں پاپ دے سبب مویا اے پر رُوح راستبازی دے سبب جیوندا اے “
اصل وچ اسیں اپنے بدن تے پاپاں دےسبب یسوع مسیح دے نال سولی اُتے چڑھے تے مر گئے ساں ۔ اسیں خُدا دے راستبازی دے کم دے راہیں اپنے سارے پاپاں توں بچائے گئے آں۔ ایس  راستبازی  دے سبب ، اِنج راستبازاں دیاں رُوحاں ہمیش دی حیاتی رکھدیاں نیں ۔ ہمیش د ی حیاتی ! سانوں پتہ ہونا چاہی دا اے پئی اوہ جیہڑے  راستباز بنائے گئے نیں ، اوہناں نوں ہور اپنے آپ دے بدن لئی صرف جیوندے رہن دی اجاز ت نئیں اے ۔ اوہ جیہڑے نویں سریوں جمن دے بعدوں خُدا دی راستبازی لئی جیوندے نئیں رہندے ، اوہدیاں برکتاں توں بوھت دُور نیں ۔
اسیں خُدا دی راستبازی وچ جیوندے رہن لئی تیار ساں ،  خورے تہاڈے وچوں کئیاں ، پانی تے رُوح نال نویں سریو ں جمن دے بعدوں مایوسی وچ سوچدے ہون ، ”پاک کتاب آکھدی اے پئی اوہ جیہڑے بدنی نیں خُدا نوں خوش نئیں کرسکدے۔ مینوں لازمی طور اُتے اوہناں وچوں اک ہونا چاہی دا اے ۔ “ پر ایہہ سچ نئیں اے ۔ خُدا نے سانوں اوہدی راستبازی دے سپاہیاں وانگر جیوندے رہن لئی دوبارہ پیدا کیتا اے ۔
کئی لوک اِنج سوچد ے نیں پئی خورے ایس لئی پئی اوہ پاک کتاب نوں غلط سمجھ چُکے نیں ۔ ایتھوں تیک پئی جے راستبازاں وچوں کئی سوچدے نیں پئی اوہ خُدا دے مطابق جیوندے نئیں رہ سکدے کیوں جے اوہناں دے پِنڈے بدن مطابق جیوندے نیں تے ایس لئی  پئی اوہ ماڑے نیں ، سچیائی ایہہ ہیگی اے پئی اوہ جیہڑے اوہناں وچوں پاک رُوح رکھدے نیں ، خُدا دے کم کرکے خوش ہوندے نیں ۔ خُدا دے کم کرنا اوہناں نوں خوشی ، شاد تے چنگا کردا اے۔ دوجے پاسے ، خُدا دے کم کرن توں اڈ حیاتی ہدف تے مقصد توں اڈ ،مطلب اے لعنتی حیاتی اے ۔
 ساڈے پانی تے رُوح دی خوشخبری نوں قبول کرن دے بعدوں تے خُدا دی راستبازی وچ وسن دے بعدوں ، پاک رُوح ساڈے وچ وسدا اے ۔ پاک رُوح آؤندا اے تے ہر کسے وچ وسدااے ۔جیہڑا مکتی پاچُکیا اے ۔ اوہناں توں کیہ واقع ہوندااے جنہاں وچ پاک رُوح وسدا اے؟ اوہ خُدا دی راستبازی دی سیوا کرن تے اوہدا راستباز کم کرن لئی تیار نیں ۔
مختصر ، اوہ جیہڑے پاپاں توں معافی پا چُکے نیں تے راستباز بنائے گئے نیں ، اوہناں نوں ، صرف ایمان دے راہیں جیوندے رہنا چاہی دا اے ۔ راستبازاپنا ایمان قائم کر سکدے نیں صرف جدوں اوہ ایمان دے راہیں جیوندے رہندے نیں تے خُدا دے کم کردے نیں ۔ جے تُسیں سوچدے او پئی تُسیں ایس جگ وچ اپنے بدن دے مطابق راستباز بنائے جان دے باوجود جیوندے رہووگے ، پر تہانوں نئیں پتہ پئی تُسیں پاپاں توں معافی پا چُکے او تے تہاڈی منزل پہلوں ای بدل گئی اے ۔
راستبازاں دی منزل بدل گئی اے اوہناں دے نویں سریوں جمن توں پہلوں ، اوہ جگ لئی تے اپنے دلی کماں لئی جیوندے رہ چُکے سَن ، تے جد پئی اوہ اپنی بدنی آس لئی جیوندے رہندے ہوئیاں خوش سَن۔ پر ، نویں سریوں جمن دے بعدوں ، فیر اوسے طرحاں جیوندے رہنا اوکھا اے ۔ اسیں پاپاں دی معافی پا چُکے آں۔ کیہ اسیں خوش ہوندے بھاویں اسیں لکھاں دی کمائی کردے ؟ جدوں سانوں ایس جگ دے دوجیاں لوکاں نوں چھڈاؤن لئی اپنے آپ نوں وقف کرنا اے ، کویں اسیں صرف جگ دیاں شیواں نال تسلی پا سکدے ساں ؟
دوجے اکھراں وچ، میَں تہانوں بدنی تے اوہناں وچوں رُوح دیاں شیواں دے بارے وچ سختی نال سوچن لئی آکھد پیا واں ۔ تہانوں اوہناں نوں جانن دے بارے وچ  ایناں کماں نوں نئیں کرنا اے؛ سارا کُجھ جیہڑا تُسیں کرنا اے، ایس معاملے اُتے کُجھ سنجیدہ سوچ نوں ویلا دینا اے ۔
میَں حالے تیک رومیوں باب ۱ توں لے کے ۶ تیک اپنی پچھلی رومیوں دے خط اُتے واعظ دی کتاب اُتے ، تے باب ۷ توں لے کے ۱۶ تیک ایس کتاب وچ منادی کر چُکیا واں ۔ ایہہ دو واعظ دیاں کتاباں ، میریاں مسیحی کتاباں دی لڑی دی پنجویں تے چھیویں جلداں، جگ دے مسیحیاں نوں اوہناں دے پڑھن لئی گھلیاں جان گئیاں ۔ میَں آس رکھدا ہاں پئی سارے لوک میری مسیحی کتاباں دی لڑی دے راہیں خُدا دی راستبازی نوں جانن گے ۔ میریاں پچھلیاں تِن واعظ دیاں کتاباں دے راہیں، جنہاں وچوں ، میَں خُدا دی مکتی اُتے خاص تعلیماں دے بارے گل کر چُکیا ہاں ۔ پہلی جلد نے خوشخبری دے بارے وچ گل کیتی ، دوجی جلد نے خُدائی کماں بارے گل بات کیتی تے تیجی جلد پاک رُوح اُتے سی تے رُوح پاؤن دے ٹھیک طریقہ کیہ ہیگا اے ۔ تے ایہہ پنجویں تے چھیویں جلد رومیوں دے خط بارے ڈوہنگی گل کردی اے ، بوھت سارے خُدائی خیال غلط نیں ، کیوں پاپ مُک دے نئیں ایتھوں تیک پئی جدوں مسیحی یسوع اُتے ایمان  رکھدے نیں ، تے کویں پانی تے رُوح دی خوشخبری خُدا دی راستبازی وانگر ظاہر ہوندی اے ۔
 میَں ایمان رکھداہاں پئی ایس کتاب دے راہیں خوشخبری سارے جگ وچ بوھت چوکھی ودھے گی ۔خوشخبری دی منادی وچ تعریف کرن دے لائق ترقی ہوئی اے جدوں اسیں ویلے دے مطابق تیجی جلد چھاپی، جدوں اسیں پہلیاں دو جلداں چھاپیاں ۔ ہُن تیجی جلد دے  بعدوں ، بوھتے  توں بوھتے   لوک
میریاں مسیحی کتاباں دی لڑی دیاں جلداں وچوں  پہلی تے دوجی جلدمنگدے پئے نیں۔
ایناں دو کتاباں دے چھپن دے بعدوں سانوں پتہ لگے گا پئی پانی تے رُوح دی خوشخبری دی طاقت کنی وڈی اے ۔ میَں دعا منگدا ہاں پئی بوھتیاں برکتاں اوہناں اُتے خُداولوں چوکھیا ں ساریاں گھلیاں جان گئیاں جیہڑے اوہدی راستباز ی نوں جانن لئی آؤندے نیں ۔ اوہناں نوں پتہ لگے گا پئی کویں رومیوں دا خط سمجھنا اے، مطلب اے ایہہ خوشخبری اُتے ایمان دے راہیں سمجھیاجانا اے جیہڑی خُدا دی    راستباز ی وچ ہیگی اے ۔
اسیں سارے خوشخبری لئی رَل کے کم کردے پئے آں ۔ کیہ تُسیں وی خُدا دا کم نئیں کردے پئے او؟ تُسیں پاپیاں نوں اوہناں دے پاپاں توں بچاؤن لئی خوشخبری دی  منادی کرن دی سیوا وچ مدد کردے پئے او ۔ جدوں اسیں اپنیاں اپنیاں تھاواں اُتے وفادار ہیگے آں تے خوشخبری دی سیوا کردے آں ، سارے جگ وچ بوھت سارے لوک اپنے سارے پاپاں توں چھُٹ جان گے ۔ فیر ، کویں اسیں ایس مہنگے کم نوں جگ دے کم دے بدلے چھڈ سکدے آں ؟
میَں تہاڈے اُتے ایہہ گل کھولنا چاہندا ہاں پئی اسیں، راستباز ، ہور صرف اپنے آپ دے بدن لئی مقرر نئیں ہیگے آں۔ ہُن ساڈا ٹکانہ خُدا دی راستبازی نوں پوریاں کرن، روحاں نوں بچاؤن تے ایس راستبازی لئی جیوندے رہن دے واسطے تیار ہو گیااے ۔ تہانوں لازمی طور اُتے اینوں جاننا چاہی دا اےتے اپنی باقی حیاتیاں خُدا لئی ، اصل خوشخبری لئی تے پاپ وچ گواچے ہوئے لوکاں دی مکتی لئی بسر کرنیاں چاہی دیاں نیں ۔
ایہہ ہے کیہ رومیوں دا خط ایس حصے وچ  کیہدے بارے وچ گل کردا پیا اے ۔ آؤ اسیں آیتاں  ۱۰ تے ۱۱ اُتے دھیان کریے۔ ” تے جے مسیح تہاڈے وچ اے تاں بدن تاں پاپ دے سبب مویا اے پر رُوح راستبازی دے سبب جیوندا اے ۔ تے جے اوسے دا رُوح تہاڈے وچ وسیا ہویا اے جنہے یسوع نوں مویاں وچوں جوایا تاں جنہے مسیح یسوع نوں مویاں وچوں جوایا اوہ تہاڈے برباد ہون والے بدناں نوں وی اپنے اوس رُوح  دے راہیں جیوندا کرے گا جیہڑا تہاڈے وچ وسیا ہویا اے۔ “
اُتلے حوالے دا مطلب اے پئی  اسیں، ساڈے بدن ، ساڈے پاپاں دے سبب بوھتے چِر توں موئے ہوئے نیں ۔ پر ساڈیاں رُوحاں خُدا دی راستبازی تے ایمان دے سبب جیوندیاں نیں ۔ جے کوئی راستبازی اُتے ایمان رکھدا اے،   اوہ نویں حیاتی پاوے گا ۔ اسیں خُدا دی راستبازی اُتے ایمان رکھن  دے
راہیں نویاں حیاتیا ں پا چُکے آں۔
آیت یاراں آکھدی اے ، ” تے جے اوسے دا رُوح تہاڈے وچ وسیا ہویا اے جنہے یسوع نوں مویاں وچوں جوایا تاں جنہے مسیح یسوع نوں مویاں وچوں جوایا اوہ تہاڈے برباد ہون والے بدناں نوں وی اپنے اوس رُوح دے راہیں جیوندا کرے گا جیہڑا تہاڈے وچ وسیا ہویا اے۔ “ ایہدا مطلب ہیگا اے پئی اوہ سانوں جگ دے اخیر اُتے جیوندا  کرے گا ۔حیاتی جیہدے نال اسیں صرف اپنے بدن تے پاپ  لئی بوھت چِر تیک جیوندے رہ چُکے ساں، ہُن مر گئی اے تے ساڈا ٹکانہ خُدا تے اوہدی راستبازی لئی اپنیاں باقی حیاتاں بسر کرن لئی بدل گیا اے۔
تُسیں خورے راستبازاں دیاں حیاتیاں توں اَک سکدے او ، ایہہ سوچدے ہوئیاں ، ”بنا شک راستبازبوھتا آکھن لئی اوہ کیہ آکھدے نیں اکٹھےہون گے۔“ پر ، ایتھوں تیک پئی نویں سریوں جمے ہوئے ایماندار دی جیہڑا تہاڈے توں اگے بیٹھا ہویا اےباسی سُننا ، یاں ایتھوں تیک پئی اوہناں دی عبادت تے آوازاں نوں سُننا تہاڈے دلاں نوں تازہ کر دیوے گا جے تُسیں کلیسیا وچ قائم رہندے او ۔ ایس لئی پئی پاک رُوح خُدا دی کلیسیا وچ تے ایمانداراں دے دلاں وچ کم کردا اے ۔ تہاڈا دل نواں بن جاوے گا تے تُسیں اپنے دل وچ نویں طاقت پاووگے ، حیاتی دی رُوحانی روٹی نال رجو گے ، تے باہر جان تے روحانی کم کرن لئی روحانی ذمہ داری پاووگے ۔
تُسیں ایمانداراں دے اکٹھیاں ہون اُتے دلوں خوش ہو سکدے او ۔ اصل گل ہیگی اے پئی تُسیں جگ توں وکھرے ہوگئے او ۔ نظر آؤندا اے پئی تہاڈا ٹکانہ بدل گیا اے ۔ ایس لئی پئی اوہ جیہڑے بدن وچ جیوندے نیں ، بدنی گلاں اُتے اپنے دل لا چکے نیں ، پر اوہ جیہڑے رُوح وچ جیوندے نیں ، رُوح دیاں گلاں اُتے لگے ہوئے نیں۔ اسیں ، ہُن جیہڑے راستباز بنائے گئے آں ، بدن وچ ہور نئیں جیوندے آں ۔ راستباز ہور پاپ دے قیدی رہنا نئیں چاؤہندے ۔ اسیں بوہتا بوہتا رُوح وچ جیوندے رہنا چاؤہندے آں تے رُوح دے کماں اُتے اپنے دل لاؤنا چاؤہندے آں ۔ راستباز رُوح دا کم ، مطلب اے مسیح لئی رُوحاں نوں جتن دا کم کردے نیں۔
سانوں لازمی طور اُتے خُدا دے کم لئی بوھت محنت کرنی چاہی دی اے ۔ اوہناں لئی اپنے ذاتی خیالاں دا انکار کرنا چاہی دا اے ، تے اوہناں اُتے اپنے دل مقرر کرنے چاہی دے نیں ۔ سانوں  لازمی طور اُتے ہُن اپنیاں باقی حیاتیاں ایس طریقے نال بسر کرنیاں چاہی دیاں نیں ۔ تہاڈا ٹکانہ صرف خُدا دی راستبازی لئی جیوندے رہن وچ بدل گیا اے ، ایس لئی پئی تُسیں پانی تے رُوح دی خوشخبری اُتے ایمان رکھن دے راہیں مکتی پا چُکے او ۔ میَں آس رکھدا ہاں پئی تُسیں ایہہ سچیائی جان دے او ۔
مینوں منکھ اے ، پر تُسیں ہور جگ ول نئیں مُڑ سکدے تے ہور پاپ دے قیدی نئیں بن سکدے ۔ جے تُسیں ہُن جگ ول مُڑدے او ، ایہہ تہاڈی ذاتی موت ہووے گی ۔ بدنی دل رکھنا موت اے ۔ تہاڈی رُوح مر جاوے گی، تہاڈا دل مر جاوے گا ،تے تہاڈا بدن مر جاوے گا ۔ جے تُسیں حالے تیک اپنیاں بدنی آساں پچھے چلدے او ۔ اسرائیلی مصر وچوں اپنے نکل جان دے بعدوں واپس نئیں مُڑے ؛ تے نہ ای قلزم دا سمندر پار کرن دے بعدوں کسے مصری نوں مل کے خُوش ہو سکدے سَن ، ایسے طرحاں ، اسیں جیہڑے راستباز بن گئے آں، مصر ول ہور نئیں جاسکدے ، نہ ای کسے مصری نوں مل کے خُوش ہو سکدے آں۔
جے کوئی راستباز ، نویں سریوں جمیا ہویا بندہ جگ ول مُڑ سکدا اے تے جگ دے پاپیاں نال رہ سکدا اے ، اوہ خُدادی کلیسیا ول واپس مُڑن دی ریجھ وچ کملا ہو جاوے گا ۔ اوہ خُدا دی کلیسیا نوں گوا لوےگا۔ ایس لئی آؤ اسیں اپنے دل نوں رُوح دے کماں لئی تیار کر کے جیوندے رہیے۔
خُدا دے رُوح دے کماں دا کیہ مطلب اے؟ کیہ اوہ خُدا دے کم نئیں ہیگے ؟ کیہ وہ خُدا دی خوشخبری دی سیوا کرن دے کم نئیں ہیگے؟ تے حالے تیک کیہ اسیں ماڑے تے ادھورے نئیں آں؟ تُسیں ماڑے او تے ایسے طرحاں میَں وی ماڑا ہاں ۔ پر کیہ تُسیں پاپاں توں معافی پا نئیں چُکے او ایتھوں تیک پئی جدوں تُسیں ماڑے تے ادھورے سو؟ بنا شک تُسیں پا چُکے او ! فیر کیہ پاک رُوح تہاڈے وچ وسیا ہویا اے ؟ جواب اک بوہت اُچی ہاں اے !
فیر ،کیہ  اسیں رُوح دے کماں اُتے اپنے دل لاؤن دے لائق ہیگے آں یاں نئیں؟ بنا شک اسیں ہیگے آں—  اسیں سارے رُوح دے کماں اُتے اپنے دل تیار کرن دے لائق ہیگے آں ۔ کیہ  تہانوں پتہ ہیگا اے پئی خُدا نے تہاڈا ٹکانہ بدل دتا اے تاں پئی تُسیں رُوح دے کم کرو؟ کیہ تُسیں ایہدے اُتے ایمان رکھدے او؟
ساڈے ذہن ہُن بدل گئے نیں ۔ جے تہانوں نئیں پتہ پئی تہاڈا ذہن بدل گیا اے جدپئی ایہہ اصل وچ ہو گیا اے ، تاں ایہہ صرف تہاڈے لئی دُکھ بناؤندااے ۔ تہانوں لازمی طور اُتے اپنے دل پکیائی نال خُدا دی راستبازی اُتے لاؤنے چاہی دے نیں ۔فیر خُدا دی کلیسیا تہاڈا گھر ہووے گی  ، تہاڈے بیلی ایماندار تہاڈے بھرا، بھیناں ، ماپے—  تہاڈا خنوادہ ، دوجے اکھراں وچ—  اوسے رُوح وچ ہون گے ۔ تہاڈی کلیسیا وچ ہر اک بندہ تہاڈا خنوادہ بن جاوے گا ۔ جے تُسیں اِنج پہلوں نئیں سوچیا ، ہُن اویس تعلیم ول دھیان دینا تے کُجھ سنجیدہ سوچ رکھن دا ویلا اے۔
ایہہ نہ سوچو پئی صرف بدن تے لہو دا خنوادہ ای تہاڈا خنوادہ اے ۔ ایتھے تہاڈاگھر ہیگا اے تے ہر نویں سریوں جمے ہوئے بندے دا گھر ہیگا اے ۔ تُسیں سارے خُدا دے خنوادے دا حصہ جے ۔ ایس لئی سانوں لازمی طور اُتے رُوح وچ جیوندے رہنا چاہی دا اے ۔ سانوں لازمی طور اُتے خُدا لئی جیوندے رہنا چاہی دا اے ، ایس لئی پئی رُوحانی ذہن رکھنا سلامتی پاؤنا اے ۔