Проповіді

مضمون 7: تقدیر دے نظریےتےخُدائی چناؤوچ غلطی

[7-1 باب] <رومیوں ۸: ۲۸ ۔۳۰> غلطی جیہڑی تقدیردے خیال تے اِلٰہی چناؤ  وِچ پائی جاندی اے

>رومیوں ۸: ۲۸ ۔۳۰>
”تے سانوں پتہ اے پئی ساریاں شیواں مل کے خُدانال محبت رکھن والیاں لئی بھلائی پیدا کردیاں نیں یعنی اوہناں لئی جیہڑے خُدا دے ارادہ دے موافق بلائے گئے ۔ کیوں جے جنہاں نُوں اوہنے پہلاں تو جانیا ،اوہناں نُوں پہلاں تو مقرروی کیتا پئی اوہدے پُتر دے ہم شکل ہون ،تاں جے اوہ بوہت سارے بھراواں وچوں پہلوٹھا ٹھہرے ۔ تے جنہاں نُوں اوہنے پہلاں توں مقرر کیِتااوہناں نُوں بلایا وی تے جنہاں نُوں بلایا اوہناں نُوں راستباز وی ٹھہرایا تے جنہاں نوں راستباز ٹھہرایا اوہناں نُوں جلال وی بخشیا۔“
 
 
کیہ خُدا سچی مُچی ساڈے وِچوں کُجھ تھوڑیاں نُوں چُن دا اے ؟
نئیں ۔اوہنے سانُوں ساریاں نُوں یسوع مسیح وِچ چُنیااے۔
 
تقدیرتے اِلٰہی چناؤ دااِلٰہیاتی نظریہ ،جیہڑا بنیادی اِلٰہی نظریات وچوں اِی اے جیہڑا مسیحی مذہبی تعلیم نُوں کوئی شکل دیندااے ،بوہت ساریاں دی خُدا دے کلام نُوں سمجھن وِچ پُٹھی راہنمائی  کر چُکیا اے جیہڑے یسوع اُتے ایمان رکھنا چاہندے نیں ۔
ایہہ پُٹھا نظریہ بوہت زیادہ پریشانی داسبب بن چُکیا اے ۔ تقدیر دے بارے وِچ جھوٹے اِلٰہی نظریے کیہ  کہندے نیں اوہ ایہہ پئی خُدا نے لوکاں نُوں چُن لیا جنہاں نال اوہ محبت رکھدا اے ۔جد کہ اوہناں نُوں سزا دیندا اے جنہاں نُوں اوہ ناپسند کردا اے ۔ ایہدا مطلب اے پئی جیہڑے چُنے گئے سَن پانی تے رُوح نال نویں سِریوں جم پئی نیں تے آسمان اُتے قبول کیتے گئے جد پئی دوجے جیہڑے چُنے نئیں گئے جہنم وِچ سڑن دا مقدررکھدے نیں ۔
جے خُدا ساڈے وِچوں صرف تھوڑیاں نُوں چُن دا اے ،اَسیں بچ نہیں سکدے سگوں ایس سوال نال رُوحانی اَذیّت پاواں گے ، ” کیہ میَں مکتی لئی چُنیا گیا ساں ؟ “جے اَسیں چُنےنئیں گئے ساں ،ساڈے لئی یسوُع اُتے ایمان رکھنا بے فائدہ ہوئے گا ۔ ایس طرحاں ایہہ نظریہ بوہت سارے لوکاں نُوں بوہت زیادہ پریشان کر چُکیا اے ،کیہ ااوہ خُدا دی معرفت اپنے آپ ایمان دی بجائے چُنے گئے سَن ۔
جے اَسیں ایہدے اُتے ایمان رکھدے آں ،اَسیں کویں شکاں تو آزاد ہو سکدے آں تے صرف خُدا اُتے ایمان رکھ سکدے آں؟ اَسیں کویں پک کراں گے پئی خُدا نے سانُوں سچی مُچی چُنیا اے ؟ اوہ صرف اوہناں چُنیاں ہوئیاں دا خُدا ہووے گا،ایتھوں تیک پئی اوہ ایہہ آکھدا اے ، ” کیہ خُدا صرف یہودیاں داای اے ،غیر قوماں دا نئیں؟بےشک غیر قوماں دا وی اے “(رومیوں۳ : ۲۹)۔
کیوں جے بوہت سارے لوک تقدیر تے اِلٰہی چناؤ دے مطلب نُوں پُٹھیاں سمجھدے  نیں ۔ اوہ ڈردے نیں پئی اوہ برباد ہو جان گے بھانویں اوہ یسوُع اُتے ایمان رکھدے نیں۔
افسیوں ۱ : ۳ ۔ ۵ آکھدااے ، ” ساڈے خُداوند یسوع مسیح دے خُدا تے پیودی حمد ہووے ،جنہے سانوں مسیح وچ آسمانی تھاواں اُتے ہر طرحاں دی رُوحانی برکت بخشی ۔ ایتھوں تیک پئی اوہنے سانوں دُنیا بناؤن توں پہلا ں اوہدے وچ چُن لیا ،تاں جےاسی اوہدے نیڑے محبت وچ پاک تے بے عیب ہوئیے ۔تے اوہنے اپنی مرضی دے نیک ارادہ دے موافق سانوں اپنے لئی مُڈھوں مقرر کیتا پئی یسوع مسیح دے وسیلے نال اوہدے لے کے پالے ہُوئے پُتر ہوئیے ۔“
ایس لئی سانوں تقدیر تے اِلٰہی چناؤدے اِلٰہی نظریے دا فیر توں جائزہ لینا چاہی دا اے ۔پہلے سانوں سمجھنا چاہی دا اے پاک کتاب تقدیر تے اِلٰہی چناؤدے بارے وچ کیہ آکھدی اے تے مکتی وچ ساڈے عقیدے نُوں پانی تے رُوح دے وسیلےپکیاں کردی اے ۔
رومیوں دا خط سانُوں کیہ دسدااے ؟کئی خُدا دے عِلم دے ماہراں نے  ” بغیر شرط دے چناؤ  “ دا بے بنیاد نظریہ قائم کیتا ۔ تے کیہ خُدا دا عِلم خُدا اے ؟ خُدا دا عِلم اپنے آپ خُدا نئیں اے ۔
ایتھوں تیک پئی دُنیا بناؤن توں پہلاں ، خُدا نے ساری اِنسانی نسل نُوں یسوع مسیح وچ چُنیا تے اوہنے سانوں راستباز بناؤن دے وسیلے نال سانوں ساریاں نُوں مکتی دین دا اپنا ارادہ بنایا ۔ یسوع سانوں بغیر کسے شرط دے محبت کردااے ۔اوہنوں کوئی فرق رکھن والا خُدا نہ بناؤ ۔ پاپی اپنے   آپ   دے خیالاں   اُتے
ایمان رکھدے نیں،پر ایماندار اپنے ایمان دی بنیاد خُدا دے لکھے ہوئے کلام اُتے رکھدے نیں۔
 
 
پُرا نےعہد نامہ وِچ اِلٰہی چناؤ
 
کیہ بغیر شرط چناؤ دا نظریہ سچ اے ؟
نئیں ۔ساڈا خُداوند ایہو جیہا تنگ ذہن رکھن والا خُدا
نئیں اے۔خُدا نے یسوع وچ سارے پاپیاں نُوں چُنیا ،
صرف کئی اِک نوں نئیں چُنیا ۔
 
پیدائش ۲۵ : ۲۱ ۔۲۶ ،اَسیں اضحاق دے دو پُتراں ،عیسو تے یعقوب دے بارے وچ پڑھدے آں ۔خُدا نے یعقوب نُوں چُنیا ،جد پئی اضحاق دے دونویں پُتر اوس ویلے اپنی ماں دی کُکھ وچ سَن ۔
اوہ جیہڑے خُدا دے کلام نُوں غلط سمجھدے نیں بغیر شرط دے چناؤ دے نظریے دی بنیاد دے طور تے ایہنوں لیندے نیں ۔ ایہہ تقدیر دے دیوتا نوں مسیحیت وچ ملاوٹ کرن دے وانگر اے ۔
جے اَسیں ایمان رکھدے آں پئی خُدا سانوں ” بغیر شرط دے چناؤ “ دی بنیاد اُتے چُن دا اے تے یسوع مسیح وِچ نئیں ، تے ایہہ اِنج اے جویں اَسیں تقدیر دے دیوتا تے بُتاں دی پُوجا کردے آں۔ خُدا تقدیر دا دیوتا نئیں اے ۔ جے اَسیں تقدیر دےدیوتا اُتے ایمان رکھنا سی ، اَسیں اپنے لئی خُدا دےمنصوبے دا انکار کررہے آں تے شیطان دے جال وچ پَھس رہے آں۔
جے لوک خُدا دی مرضی پِچھے نہیں چلدے ،تے فیر اوہ پسوُآں توں ودھ کے کُجھ نئیں جیہڑے ہلاک ہون دا مقدر رکھدے نیں۔ کیوں جے اَسیں ایماندار پسوُ نئیں آں ،سانوں سچے ایماندار بننا چاہی دا اے جیہڑے پاک کتاب وچ  لِکھے ہوئے سچ نُوں پڑھدے تے ایمان رکھدے نیں۔ ایہہ پہلاں مت سوچوپئی پاک کتاب وچ لِکھیا ہویا سچ کسے نُوں شیطان توں چھڈاؤندا اے ۔
سچا ایمان رکھن لئی ، سانوں پہلا ں پاک کتاب وچ  لِکھے  ہوئے سچ دے بارے وِچ سوچنا چاہی دا اے تے اوہناں دے ایمان دے پِچھے ٹُرنا چاہی دااے جیہڑے مسیح وچ نویں سِریوں جم پئے نیں۔
کیلون فِرقہ کسے حد تیک پاپاں دی معافی اُتے زور دیندااے ۔ایہہ لاگُو کردا اے پئی خُدا دی محبت تے خُدا وند دی مکتی کئیاں اُتے نافذ نئیں ہوندی ۔کیہ ایہہ سچ ہو سکدا اے ؟
پاک کتاب دَسدی اے ، ” اوہ چاہنداا ے پئی سارے آدمی مکتی پاؤن “ (۱ ۔ تیمتھیس۲:۴)۔ جے مکتی دی برکت صرف تھوڑیاں اُتے لاگُو ہُندی تےبوہت سارے ایماندر یسوع اُتے ایمان رکھنا چھڈ دین دے ۔ آخر کار ، کون ایہو جیہے تنگ ذہن خُدا اُتے ایمان رکھنا چاہے گا  ؟
سانوں ایمان رکھنا ایں پئی ساڈا خُدا تنگ ذہن نیں اے ۔ اوہ سچیائی ، محبت تے انصاف داخُدا اے ۔ سانوں یسوع اُتے تے پانی تے رُوح نال نویں سِریوں پیدا ہون دی خوشخبری اُتے ایمان رکھنا اے ۔ یسوع اوہناں ساریاں دا مکتی داتا اے جیہڑے پانی تے رُوح نال نویں سِریوں پیدا ہُندے نیں ۔
کیلون فِرقہ دے مطابق، جے ۱۰ لوک موجود ہون ، اوہناں وچوں کئی خُدا دے راہیں بچائے جان گے ،جد پئی دوجے جہنم دے انگیاریاں وچ سڑن لئی چھڈ دِتے جان گے ۔ ایہہ جھوٹ اے ۔
اِنج آکھن وچ کوئی دانائی نئیں پئی خُدا کئیاں نال محبت رکھدا اے تے دوجیاں نُوں کڈھ دیندا اے ۔ خیال کرو پئی خُدا اَج ایتھے ساڈے کول اے ۔ تے جے اوہ اوہناں نُوں چُنن دا ارادہ کردا جیہڑے سجے ہتھ بیٹھے نیں ،جد پئی اوہناں نُوں جہنم وچ ساڑن دا ارادہ کر رہیا اے جیہڑے کھبے ہتھ بیٹھے ہوئے نیں۔ کیہ اَسیں اوہدے نال  خُدا دے طور تے پیش آواں گے ؟
کیہ اوہ جیہڑے کڈھے گئے احتجاج وچ اپنیاں آوازاں اُچیاں نئیں کرن گے ؟ساری مخلوق رولا پائے گی ، ”  خُدا کیویں ایناں پاپی ہو سکدا اے ؟ “ شرط دے بغیر چناؤ جھوٹا اے، کیوں جے خُدا نے اِنسانی پیڑھی نُوں یسوع مسیح وچ چُنیا۔
ایس لئی کوئی وی جیہڑا خُدا دے راہیں مسیح وچ بلایاجاندااے ،چُنیا ہویا اے ۔ فیر خُدا اوہدے کول کِناں نُوں بلاؤندااے ؟اوہ پاپیاں نُوں بلاؤندااے ،راستبازاں نُوں نئیں۔ خُدا اوہناں نُوں نئیں بلاؤندا جیہڑے اپنے آپ نُوں راستباز دے وانگر خیال کردے نیں۔
خُدا دی مکتی دی برکت صرف پاپیاں لئی اے تے اوہ جیہڑے جہنم دے سزاوار نیں ۔ چُنن دا مطلب اے ،خُدا اوہناں نُوں اپنے راستباز پُتر بناؤن دے سلسلے وچ پاپیاں نُوں بلاؤندا اے ۔
 
 
خُدا عادل اے
 
کیہ خُدا صرف تھوڑے جیہے چُنے ہویاں نال
محبت رکھدااے؟
نئیں ۔ خُداوند ایناں تھوڑا ذہن رکھن والا نئیں
اے ۔ خُدا عادل اے
 
خُدا عادل اے ۔ا وہ ایہو جیہا خُدا نئیں جیہڑاصرف بغیر کسے شرط دے چُنیاں ہویاں نال محبت رکھدا اے ۔اوہنے پاپیاں نُوں مسیح دے ناں وچ بلایا۔ یسوع مسیح دی مکتی تے اوہدی پاپاں دی معافی دے راہیں چھڈاؤن دے اَڈ،کویں اَسیں خُدا دی محبت تے مکتی نوں جان سکدے ساں ۔ کدی اوہنوں اِنصاف توں اَڈ خُدا نہ بناؤ۔
لبن دی کوشش کرو پئی کیہ گواچ رہیا اے۔جدوں تُسیں اِفسیوں ۱ : ۳ ۔۵ پڑھدے او  ، ” ساڈے خُداوند یسوع مسیح دے خُدا تے پیو دی حمد ہووے جنہے سانوں مسیح وچ آسمانی تھانواں اُتے ہر طرحاں دی رُوحانی برکت بخشی ۔ ایس لئی اوہنے سانوں دُنیا بناؤن توں پہلاں اوہدے وچ چُن لیا تاں جے اَسیں اوہدے نیڑے محبت وچ پاک تے عیب دے اَڈ ہوئیے۔ تے اوہنے اپنی مرضی دے نیک ارادہ دے موافق سانوں اپنے لئی مُڈھوں مقررکیتا پئی یسوع مسیح دے وسیلے دے نال اوہدے لے کے پالے ہوئے پُترہوئیے ۔“کیہ گھٹ رہیا اے ؟ گھٹ ہون والا اَکھر” یسوع مسیح وچ “ اے ۔
کیلون فرقے وچ شرط دے اَڈ چناؤ پاک کتاب وچ لکھیاں ہوئیاں گلاں دے نال کوئی میل جوڑ نئیں رکھدا۔ پاک کتاب کہندی اے ، ” اوہنے سانوں دُنیا بناؤن توں پہلاں یسوع مسیح وچ چُن لیا۔“
خُدا نے ساری اِنسانی پیڑھی نُوں مسیح وچ پانی تے رُوح دے راہیں نویں سِریوں جمن لئی چُنیا ۔ا وہ جیہڑےبچ نہیں سکدے سگوں پاپی جمے نیں ،پاپ توں مکتی پاسکدے نیں تے اوہدے پُتر بن سکدےنیں ۔اوہنے ساری اِنسانی پیڑھی نُوں اوہناں دی ترتیب وچ مکتی یافتہ ہون تے یسوع مسیح وچ چُنن لئی شامل کیتا ۔
کیوں جے بوہت سارے خُدا دے عِلم دے ماہر جیہڑے  شرط   دے  ا َڈ   چناؤ   اُتے  زور دیندے
نیں ، کہندے نیں پئی صرف تھوڑے جیہے چُنے ہوئے نیں ۔بوہت سارے لوک مکمل طور تے ،عقلوں اَڈ مذہبی تعلیم دے عقیدے دی بے ترتیبی وچ پھسے ہوئے نیں ۔ ایہہ جھوٹے خُدا بارے علم دے ماہر کہندے نیں پئی خُدا کسے شرط دے اَڈ چناؤ دے راہیں کئیاں نوں چُن دا اے تے دوجیاں نُوں کڈھ دیندا اے ۔ جد پئی  اوہدے کلام دا سچ اے پئی خُدا نے سارے پاپیاں نوں یسوع وچ چُنیا ۔ بوہت سارے لوک اپنے شکی عقیدیاں دی وجہ توں جھوٹی مذہبی تعلیم دا شکار ہو جاندے نیں۔
پچھانو پئی جے اَسیں پچھان دے آں پئی خُدا نے ساری انسانی پیڑھی نُوں یسوع وچ بچاؤن دا فیصلہ کیتا تے ایتھوں تیک پئی پاپ دی معافی ہر بشر اُتے لاگُو ہوندی اے جیہڑا یسوع اُتے ایمان رکھدااے ۔ اِنج کرن نال اَسیں اپنے سارے پاپاں توں مکتی پا سکدے آں ، خُدا دے پتر بن سکدے آں ، راستباز لوک بن سکدے آں ، ہمیشہ دی حیاتی رکھ سکدے آں تے ایمان رکھ سکدے آں پئی خُدا اِنصاف کرن والا اے ۔
 
 
یعقوب تے عیسو دی کہانی وچ اِلٰہی چناؤ
 
خُدا نے کنوں چُنیا؟
صرف چُنے ہوئیاں نوں ؟
نئیں۔ خُدا نے ساری اِنسانی پیڑھی نُوں مسیح وچ چُنیا۔ تے،
جیہڑا وی مسیح اُتے ایمان رکھدا اے تے یسوع دے بپتسمہ
دے راہیں کوئی پاپ نہیں رکھدا ،چُنیا ہویا اے
 
پیدائش ۲۵ : ۱۹ ۔۲۸ وِچ عیسو تے یعقوب اپنی ماں رِبقہ دے ٹِڈھ وِچ آپس وِچ جھگڑرہے سَن ۔خُدا نے پیدائش ۲۵ : ۲۳ وِچ آکھیا ، ” خُداوند نے اوہنوں آکھیا دو قوماں تیرے ٹِڈھ وِچ نیں تے دو کُنبے تیری کُکھ وِچوں نکلدیاں ای وکھ وکھ ہو جان گے تے اِک کُنبہ دوجے کُنبے نالوں زور والا ہوئے گا تے وڈا نِکّے دی سیوا کرےگا۔“
پاپیاں نے ایناں اَکھراں نُوں خُدا ولوں لیکھ تے خُداولوں چناؤ دے  نظریے   وِچ   بدلیا ۔ بوہت
ساریاں نُوں جیہڑےیسوع اُتے ایمان رکھدے نیں کیہ وہ چُنے ہوئے سَن یاں نئیں دے طور اُتے پریشان چھڈیا !جدوں اوہ اپنے آپ نُوں چُنے ہوئے خیال  کردے نیں ،اوہ سوچ دے نیں پئی اوہ  مکتی پائے ہوئے نیں تے پانی تے رُوح نال نویں سِریوں جمن دی ریجھ نوں گوا لیندے نیں ۔
شرط توں اَڈ چناؤ دا نظریہ (خیال)بوہت سارے لوکاں نُوں پاپاں دی مکتی توں دُورلےجاچُکیا اے تے اوہناں نُوں جہنم دے سزاوار ٹھہراچُکیا اے جنہاں نیں یسوع اُتے ایمان رکھیا سی ۔ایہہ خُدا نُوں بےاِنصاف وی ظاہر کرچُکیا اے ۔
کیوں جے بوہت سارے خُدا دی تعلیم دے ماہر جھوٹی مذہبی تعلیم سکھاؤندے نیں جیہڑ ی اوہناں دے اپنے دلی خیالاں وِچوں اُگدی اے ، بوہت سارے جیہڑے یسوع اُتے ایمان رکھدے نیں غیر محفوظ بن جاندے نیں تے حیران ہوندے نیں ،جے اوہ چُنے ہوئے ہوندے ،یاں کیہ اوہناں دے پاپاں دی معافی دا مقصد مُڈھوں ای سی ۔
یعقوب تے عیسو وِچوں ،کنوں خُدا نے چُنیا ۔اوہنے یسوع مسیح وِچ یعقوب نُوں چُنیا۔رومیوں ۹ : ۱۰ ۔ ۱۱ وِچ ،ایہہ آکھیا گیا اے پئی خُدا نے اوہدے بھرا دی تھاں اُتے یعقوب نُوں سدیا،ایتھوں تیک وی پئی اوہ اِکوای آدمی دی اَولاد سَن ،یعنی اودوں تیک جمے نئیں سَن ،تے کُجھ وی چنگا یاں مندا نہیں کر چُکے سَن ۔
خُدا دا یعقوب نُوں چُنن دا مقصد ،اوہدے کماں دی وجہ توں نئیں سی ،سگوں اپنے چناؤ دی وجہ توں سی ۔ پاک کتاب سانوں دَسدی اے پئی یسوع پاپیاں نُوں سَدن لئی آیا ،نہ صرف اوہناں نُوں جیہڑے رنگ برنگیاں حیاتیاں مان چُکے نیں۔
سارے لوک،آدم دی نسل ہوندیاں ہویاں ،پاپی جم دے نیں ۔داؤد نیں آکھیا پئی اوہ اپنی ماں دی کُکھ توں ای اِک پاپی سی تے وہ بدکاری وِچ جمیا سی ۔” ویکھ!میَں بدی وِچ اِک شکل لئی تے میَں پاپ دی حالت وِچ ماں دے ٹِڈھ وِچ پیا۔“ (زبور ۵۱ : ۵)۔
سارے لوک اپنے پیودادیاں دے پاپاں دے راہیں پاپیاں وانگوں پیدا ہوندے نیں ۔ایس لئی ہر کوئی جیہڑا ایس دُنیا وِچ جم دا اے بےعقل ہوندیاں ہویاں اِک پاپی بن جاندااے ،اِک پاپی وانگوں کم کردا تے پاپ دے پھل جم دااے ۔
اِک نیاناں جنہے ہُن تیک کوئی پاپ نئیں کیتا پہلاں توں ای پاپی اے ،کیوں جے اوہ پاپ دے تخم نال جمیا اے تے اوہ اپنے دل وِچ بھیڑے خیال، زناکاریاں ،حرامکاریاں خونی ریزیاں رکھدااے۔اوہ اپنے پیودادیاں دے پاپاں دے نال جمیا سی ۔ ایتھوں تیک پئی سارے لوک اپنے جمن توں پہلاں پاپی سَن ۔
خُدا نے سانوں ماڑے بنایا ایہدی وجہ ایہہ اے ۔اِنسانی پیڑھی نُوں خدا نے بنایا اے ،پرخُداوند سانوں پاپاں توں بچاؤن دے راہیں ،سانوں اپنے پُتر بناؤن دے منصوبے رکھدا سی ۔ ایہو ای وجہ اے پئی اوہنے آدم نوں پاپ کرن دی ڈِھل دِتی ۔
نتیجے دے طور تے ،جدوں اَسیں پاپی بن گئے ،خُدا نے ایس دُنیا وِچ یسوع نُوں گھلیا ،اپنے کلے کارے پُتر نُوں بپتسمہ دے راہیں اِنسانی پیڑھی دے سارے پاپاں نُوں چُکن دا حکم دِتا ۔
خُدا دا ارادہ اِنسانی پیڑھی نوں یسوع دے بپتسمہ تے اوہدے صلیبی خون دے راہیں چھڈاؤن دا سی ۔ تے اوہناں نُوں یسوع اُتے ایمان رکھن دے راہیں اپنے پُتر بنن دی طاقت دین دا سی ۔ اوہنے آدم نُوں مسیح وِچ سارے پاپ دھون دے وعدے دے نال پاپ کرن دی ڈھِل دتی ۔
پاپی جیہڑے جھوٹی خُدادی تعلیم اُتے ایمان رکھدے نیں، آکھدے نئیں ، ”  یعقوب تے عیسو ول ویکھو ۔اوہنے شرط دے اَڈ طریقے نال اِک نُوں چُنیا تے دُوجے نوں کڈھ دِتا ۔“ خُدا نے سانوں شرط دے اَڈ طریقے نال نئیں چُنیا ،سگوں سانوں یسوع مسیح وِچ چُنیا ۔ سانوں صرف پاک کتاب وِچ لِکھے ہوئے کلام ول دیکھنا ایں ۔ رومیوں ۹ : ۱۰ ۔۱۲ آکھدا اے ، ”تے صرف ایہو ای نئیں سگوں رِبقہ وی اِک شخص یعنی ساڈے پیو اضحاق توں حاملہ سی ۔تے اجے تیک نہ تے مُنڈے جمے سَن تے نہ اوہناں نے نیکی یاں بدی کیتی سی پئی اوہنوں آکھیا گیا پئی وڈا نِکّے دی سیواکرے گا ۔تاں جے خُدا دا ارادہ جیہڑا چُنے جان اُتے قائم سی کماں دی بنیاد اُتے نہ ٹھہرے سگوں بلان والے اُتے۔“
خُدا نے یعقوب  نُوں یسوع وِچ چُنیا ۔یعقوب پاپیاں دا اِک نمونہ سی جیہڑے بے قدر نیں تے اپنی راستبازی تواَڈ نیں۔ اِفسیوں ۱ : ۴ آکھدا اے ،خُدا نے سانوں اوس وِچ چُنیا ۔
خُدا نے کنوں بلایا ؟ اوہنے یعقوب نوں بلایا کیوں جے اوہ جان دا سی پئی اوہ پاپ نال بھریا تے خُدا دے اَگے بدکارسی تے اوہنے خُدا اُتے یقین کیتا۔اوہنے یعقوب نوں اپنے ذاتی پُتر یسوع دے ناں وِچ بلایا تے اوہنوں اپنا پُتر بنان لئی پانی تے خون دی خوشخبری دے نال اوہنوں چھڈایا ۔ ایس لئی خُدا نے یعقوب نوں بلایا تے پاپاں دی معافی دے نال اوہنوں برکت دِتی ۔
اوہنے پاپیاں نُوں یسوع وِچ مکتی دے راہیں اوہناں نُوں راستباز بنان لئی بلایا۔ایہہ خُدا دا منصوبہ اے ۔
                            
 
شرط دے اَڈ چناؤ دی جھوٹی خُدا دی تعلیم
 
خُدا نے  یعقوب نال کیوں محبت رکھی ؟
کیوں جے یعقوب اپنی بدکاری نوں جان دا سی
 
تھوڑا چِر پہلاں ،میَں شرط دے اَڈ چناؤ دے بارے اِک کتاب پڑھی ۔ایک بندے نے سُفنا  ویکھیا پئی اِک بُڈھی مائی سُفنے وِچ آئی تے گبھرو بندے نوں ایک بھروسے والی تھاں اُتے آن لئی آکھیا ،تے اوہ چلا گیا ۔فیر بُڈھی مائی نے دسیا پئی اوہ خُدا دے راہیں چُنیا ہویا سی ۔
اوہنے بُڈھی مائی نوں پُچھیا ،خُدا اوہنوں کویں چُن سکداسی ،جد پئی اوہ ایتھوں تیک پئی خُدا اُتے ایمان نئیں رکھدا؟اوہنے اوہنوں دسیا پئی خُدا نے اوہدی وفاداری دے باوجود اوہنوں شرط دے اَڈ وانگوں چُن لیا ۔
ایہہ جھوٹ اے ۔کویں خُدا ظالماں وانگر دوزخ دی سزا دے سکدا اے تے دوجیاں نوں مکتی دین لئی چُن سکدا اے ؟ خُدا نے یسوع وِچ ہر کسے نُوں چُنیا ۔
خُدا دے چناؤ دا ایہہ نظریہ جیہڑا یسوع نوں باہر کڈھدااے ۔ ایہہ جھوٹ اے ۔ پر بوہت سارے خُدا دی تعلیم دے ماہر زور دیندے نیں پئی خُدا نے ساڈے وچوں صرف تھوڑیاں نُوں چُنیا اے ۔ ایہہ سچ نہیں اے ۔ خدا ہر کسے نوں یسوع وِچ مکتی دینا چاہندااے ۔ صرف اوہ جیہڑے یسوع وِچ پانی تے رُوح دی مکتی اُتے ایمان نئیں رکھدے،مکتی یافتہ نئیں ہون گے ۔
خُدا نے ساری اِنسانی پیڑھی نُوں مکتی دین لئی اپنے پُتر یسوع دے وسیلے نال مقرر کیتا تے سانوں ایتھوں تیک پئی اوہنے دُنیا نوں بناؤن توں پہلاں اپنے پُتر بناؤن دا ارادہ کیتا ۔ اوہنے  اِنسانی پیڑھی نوں یسوع مسیح دی مکتی دے وسیلے نال دنیا دے سارے پاپاں توں بچاؤن دا منصوبہ بنایا ۔ایہہ سچ اے جویں ایہہ پاک کتاب وِچ لِکھیا ہویا اے ۔
راستبازجیہڑے مسیح وِچ نویں سِریوں جمے نیں ،چُنے ہوئے نیں ۔ پر خُدا دی تعلیم دے ماہر زور دیندے نیں پئی خُدا صرف ساڈے وِچوں کئیاں نُوں چُن دا اے ۔ مثال دے طورتے ،وہ کہندے نیں پئی بُدھ مت دے راہنما اوہناں وِچوں نیں جنہاں نُوں خُدا نیں نئیں ،پر  خُدا   نے  اوہناں   نُوں   وی یسوع
وِچ چُنیا ۔
جے خُدا نے کئیاں نُوں یسوع دے اَڈ شرط دے اَڈ طریقے نال چُنیا ،سانوں خوشخبری دی منادی دی لوڑ نئیں ہوئے گی ۔جے خُدا کسے نوں یسوع دے اَڈ چُنن دا منصوبہ بنا چُکیا سی ،پاپیاں نُوں یسوع اُتےایمان رکھن دی لوڑ نئیں ہوئے گی ۔ تے فیر کویں اوہدی محبت ،حق تے آزادی دا کلام پورا ہو سکدا سی ؟
کیہ دُنیا وِچ خُدا دے خادماں لئی خوشخبری دی منادی کرن دی کوئی وجہ موجود ہوئے گی ؟کیہ ایہہ کوئی سیانف رکھدا اے پئی خُدا چھڈائے ہوئیاں تے مجرماں نوں پہلاں ای شرط دے اَڈ طریقے اُتے یسوع دے اَڈ چُن چکیا اے؟
ایس وجہ تو ں خُدانے یعقوب نوں یسوع وِچ چُنیا ،ایس وجہ تو ں اوہنے یعقوب نال محبت کیتی تے عیسو نال نفرت کیتی ،سبب ایہہ ہے پئی اوہ اوہناں دے جمن توں پہلاں ای جان دا سی پئی یعقوب یسوع اُتے ایمان رکھے گا اور عیسو اوہدے اُتے ایمان نئیں رکھےگا ۔
ایس دُنیا وِچ بوہت سارے پاپی موجود نیں جیہڑے یسوع اُتے ایمان رکھدے نیں۔ اوہناں وِچوں کئی عیسو ورگے نیں تے دوجے یعقوب ورگے نیں۔
خُدا نے کیوں یعقوب نال محبت رکھی ؟یعقوب بدکارسی تے اپنی بےقدری نوں جان دا سی ۔ ایس لئی اوہنے منیا ں پئی اوہ خُدا دے اَگے اِک پاپی سی تے اوہدا فضل منگیا ۔ ایہو ای وجہ اے ،خُدا نے کیوں یعقوب نوں بچایا ۔
 پر عیسو نے خُداوند دی جگہ اُتے اپنے آپ اُتے بوہتا فخر کیتا تے خُدا دے فضل لئی بھُکھا نہ ہویا۔ ایس لئی خُدا نے آکھیا ،اوہنے یعقوب نال محبت رکھی تے عیسو نال نفرت کیتی ۔ایہہ حق دا کلام اے ۔
خُدا نےسانوں ساریاں نُوں یسوع وِچ مکتی لئی مقررکیتا ۔سارے پاپیاں نوں جو کرنا اے ،اوہ ایہہ ہے پئی یسوع اُتے ایمان رکھنا اے۔فیر خُدا دا حق تے اِنصاف اوہناں دے دِلاں وِچ بیٹھ جائے گا ۔ اَسیں پاپی کجھ نئیں کر سکدے پر اپنے پورے دلاں دے نال یسوع دے وسیلے نال مکتی یافتہ ہون لئی ایمان رکھدے آں  ۔سانوں ساریاں نو ں جوکرنا اےپاپاں دی معافی لئی یسوع اُتے ایمان رکھنا اے ۔
 
 
ہولی ہولی پاک ہون دا جھوٹا خیال
 
کیہ ایہہ سچ اے پئی اِک پاپی ہولی ہولی راستباز بن سکدااے؟
نئیں ۔ ایہہ نا ممکن اے ۔ خُدا نے اِکو ای وار ہمیشہ دے لئی ،
پاپیاں نوں اوہدے بپتسمہ تے اوہدی صلیبی موت دی مکتی
دے وسیلے دے نال راستباز تے بےعیب بنا دِتا۔
 
شیطان پاپیاں نُوں ہولی ہولی پاک ہون دے خیال دے نال دھوکہ دیندا اے ،اِنج اوہ اپنے پاپاں توں مکتی یافتہ نئیں ہو سکدے ۔ ہولی ہولی پاک ہون دا مطلب اے پئی پاپی یسوع اُتے ایمان رکھن دے بعد ہولی ہولی پاک ہو جاندے نیں ۔
ایہہ خیال اِنج کہندااے ۔پاپی اِکو ای وار ہمیشہ لئی راستباز نئیں بن سکدے سگوں جد اوہ یسوع اُتے ایمان رکھدے نیں ،صرف خاندانی پاپ توں مکتی یافتہ ہوندے نیں ۔اصلی پاپ روزانہ دی توبہ دی دُعاواں دے وسیلے نال دھوئے جاندے نیں۔ تے لوک ہولی ہولی پاک بن جاندے نیں ۔
ایس خیا ل داایمان ہولی ہولی پاک ہونا ایں ۔ انج لگدا اے پئی کوئی یسوع اُتے ایمان رکھ سکدا اے تے ہولی ہولی اِک پاک مسیحی بن سکدا اے ۔ایہہ خیال بوہت ورہیاں تو ں بوہت سارے مسیحیاں نُوں اوہناں نُوں حفاظت محسوس کرواندے ہوئیاں ،دھوکہ دے چُکیا اے ۔ایہو ای وجہ اے پئی مسیحیت وِچ بوہت سارے تُہاڈے نالوں– بوہتے–  پاک مسیحی موجود نیں۔
اوہ سوچدے نیں پئی اک دن اوہ بڑے سوکھے طریقے نال بدل جان گے تے اگانہہ ہور پاپ نئیں کرن گے۔ پر اوہ اپنی حیاتیاں پاپیاں وانگر بسرکردے نیں تے اوہناں دے مرن دے بعد خُدا دے اَگے پاپیاں وانگر اوہناں دی عدالت ہوئے گی ۔  
پاک کتاب وِچوں سچا کلام پڑھیے۔رومیوں۸: ۳۰ وِچ لکھیا اے پئی ، ”تے جنہاں نُوں اوہنے پہلاں توں مقرر کیتا اوہناں نُوں سدیا وی تے جنہاں نوں سدیااوہناں نُوں راستبازوی ٹھہرایا تے جنہاں نُوں راستباز ٹھہرایا اوہناں نُوں جلال وی بخشیا۔“
تے ۲۹ آیت وِچ لکھیا اے پئی ،”  کیوں جے جنہاں نُوں اوہنے پہلاں توں جانیا  اوہناں
نُوں پہلاں تو مقرر وی کیتا پئی اوہدے پُتر دے ہمشکل ہون تاں جے اوہ بوہت سارے بھراواں وِچ پہلوٹھا ٹھہرے ۔“ پہلی نظر وِچ اِنج نظر آؤندا اے پئی راستباز بنن لئی کم موجود نیں ۔ پر کلام سانوں دَسدااے پئی راستبازی اِکو وار ہمیشہ لئی بخشی گئی سی ۔
” جنہاں نوں سدیااوہناں نُوں راستبازوی ٹھہرایا “ یسوع نے پاپیاں نوں سدیا تے اوہناں نُوں یردن اُتے اپنے بپتسمہ تے صلیب اُتے اپنی موت دے وسیلے نال راستباز ٹھہرایا ۔
اِیس لئی جیہڑا وی یسوع وِچ پاپاں دی معافی اُتے ایمان رکھدا اے ،خُدا داٹھہرایا ہویا راستباز پُتر بن جاندااے ۔ایہہ خُدا دا فضل اے پئی پاپیاں نُوں مکتی دیوے تے اوہناں نُوں ایس ناں وِچ جلال دیوے ۔
ایہہ گل خُدا سانوں دسدا اے ۔پر کئی مسیحی سانوں رومیوں ۸ : ۳۰ نُوں ویکھن لئی آکھدے نیں ۔  ” پاک ہون لئی کم موجود نیں ۔کیہ ایہدا ایہہ مطلب نئیں پئی اَسیں ہولی ہولی تبدیل ہوندے آں ؟“ ایس طرح کویں اوہ دھوکہ دیندے نیں۔ اوہ لوکاں نُوں فعل حال مستقبل وِچ دسدے نیں پئی اک پاپی ویلہ گزرن  دے نال راستباز بن جائے گا ۔
پر پاک کتاب سانوں فعل حال مستقبل وِچ نئیں دسدی ،سگوں فعل حال ماضی بعید وِچ پئی اَسیں اِکو ای وار ہمیشہ لئی راستباز بنائے گئے آں۔ مستقبل دے خیال تے ماضی بعید دے خیال دے وچکار ایک یقینی فرق موجود اے ۔
سانوں پاک کتاب اُتے مکمل طور تے ایمان رکھنے چاہی دااے ۔اوہدے مطابق کیہ لکھیا ہویا اے ،اَسیں اِکو وار تے ہمیشہ لئی خُدا دے پُتر بن سکدے آں ۔ ایہہ ہولی ہولی پاک ہون دے خیال توں مکمل طور تے مختلف اے ۔
ہولی ہولی پاک ہون دا خیال آکھدا اے پئی جدوں اِسیں یسوع اُتے ایمان رکھدے آں صرف مُڈھلی پاپ معاف ہوندااے ۔ ایہہ ویروا کڈھدا اے پئی سانوں اِک راستباز حیاتی بسرکرنی چاہی دی اے تے روزانہ اپنے پاپاں لئی توبہ کرنی چاہی دی اے یعنی جدوں اَسیں خُدا دے اَگے کھڑے ہوواں گے ،اَسیں راستباز بن جانواں گے۔
کیوں جے بوہت سارے لوک ایس خیال اُتے ایمان رکھدے نیں ،اوہ ہُن تیک پئی یسوع اُتے ایمان نُوں شروع کرن دے بعد وی پاپی ای نیں ۔ ایہو وجہ اے پئی ہولی ہولی پاک ہون دا خیال جھوٹا اے ۔
پاک کتاب  سانوں صاف طور تے دسدی اے پئی اَسیں ایمان دے راہیں راستباز تے خُدا دے پُتر بن جاندے آں ۔بالکل جویں نیانے دُنیا وِچ آؤندے نیں ۔ خُدا دے پُتر وی پاک بن جاندے نیں ،جنی چھیتی اوسوچدے نیں تے یسوع دی مکتی اُتے ایمان رکھدے نیں ۔ ہولی ہولی پاک ہون داجھوٹاخیال جھوٹیاں وچوں پھُٹ دااے
 
 
سارے پاپاں توں مکمل چھُٹکارہ
 
سانوں مکمل طورتے پاک ہون لئی کیہ کرنا ایں؟
سانوں پانی تے رُوح دی مکتی اُتے ایمان رکھنا ایں۔
 
رومیوں ۸ : ۱ ۔ ۲ آکھدا اے ، ” ایس لئی ہُن جیہڑے مسیح یسوع وِچ نیں اوہناں اُتے سزا دا حکم نئیں ۔کیوں جے حیاتی دے رُوح دی شریعت نے مسیح یسوع وِچ مینوں پاپ تے موت دی شریعت توں آزاد کر دِتا  “ ایہہ آیت سانوں دسدی اے پئی خُدا نے سارے پاپیاں نُوں راستباز بنایا تے ساریاں نُوں مکتی دِتی جیہڑے پاپ تے موت دی شریعت توں یسوع کول آئے ۔
پاک کتاب سانوں مکمل پاپاں دی معافی دے بارے وِچ عبرانیوں ۹ : ۱۲ وِچ دسدی اے ۔ ”تے بکریاں تے وچھیاں دا لہو لے کے نئیں سگوں اپنا ای لہو لے کے پاک مکان وِچ اِکو ای وار داخل ہو گیا تے ہمیش دی مکتی کروائی ۔“ ایہدا مطلب اےایہہ ہے پئی اَسیں جیہڑے یسوع اُتے ایمان رکھدے آں چھُڈائے جاندےآں تے اَسمان اُتے قبول کیتے جاندے  آں۔
اَسیں سُنیا تے یسوع مسیح وِچ پانی تے رُوح دی خوشخبری اُتے ایمان رکھیا تے اپنے سارے پاپاں توں معاف کیتے گئے آں ۔ پرپاپی جیہڑے ایمان رکھدے نیں پئی اوہ صرف نسلی پاپ دے لئی بخشے گئے اصل وِچ مکتی یافتہ نئیں ہو سکدے ۔پاپاں تو ں پاک ہون دے سلسلے وِچ  یعنی اوہ جیہڑے یسوع اُتے ایمان رکھن دے بعد کیتے ،اوہ محسوس کردے نیں پئی اوہناں نُوں ہر دیہاڑے توبہ کرنی ایں ۔
ایہہ غلط ایما ن اوہناں نُوں دوزخ ول لے جاندااے ۔اوہناں دے غلط ایمان ایس طرحاں اپنے آپ نوں اپنی ساری بدکاریاں توں آزاد کرن دے وانگر اوہناں لئی ہر دیہاڑے توبہ کرن دا  سبب  بن دے
نیں ۔ ایہہ سچا ایمان نئیں جیہڑا سانوں دوزخ توں بچاؤندا اے۔
جے اوہ یسوع اُتے ایمان رکھ چُکے سَن تے اوہ ہمیشہ لئی اِکو ای واری چھُڈائے گئے سَن ، اوہ راستباز تے خُدا دے پُتر بن گئے ۔ اصلی مکتی ایمانداراں نُوں راستباز بناؤندی اے تے اوہناں نُوں اِکو ای واری تے ہمیشہ لئی خُدا دے پُتراں وِچ تبدیل کردی اے ۔
ایتھوں تیک پئی ایماندار دُنیا دے سارے پاپاں توں آزاد کیتے جاندے نیں ،اوہناں دا جُثہ اوہناں دے مرن دیہاڑے تیک نئیں بدلدا ۔ پر اوہناں دے دل خُدا دی راستبازی نال تر بتر ہو جاندے نیں ۔ سانوں بڑے ایمان نال ایس سچ نُوں کدی وی غلط نئیں سمجھنا چاہی دا ۔
پاک کتاب سانوں دسدی اے پئی اَسیں پاک ہوندے آں تے راستباز بن جاندے آں جدوں اَسیں  خوشخبری اُتے ایمان رکھدے آں ۔
آؤ اَسیں سچی خوشخبری نُوں سمجھ لین لئی عبرانیوں ۱۰ : ۹ ۔ ۱۴ نوں ویکھیے ۔” تےفیر ایہہ آکھدا اے پئی ویکھ میَں آیا واں تاں جے تیری مرضی پوری کراں ۔ایس لئی اوہ پہلے نُوں ختم کردا اے تاں جے دوجے نُوں قائم کرے ۔ اوسے مرضی دے سبب اَسیں یسوع مسیح دے جثے دے اِکو ای واری قربان ہون دے وسیلے نال پاک کیتے گئے آں۔تے ہر اِک کاہن تے کھڑا ہوکے روزانہ عبادت کردااے تے اِکو ای طرحاں دیاں قربانیاں ہر واری چڑھانداے جیہڑیاں کدی وی پاپاں نُوں دُور نئیں کر سکدیاں ۔ پر ایہہ شخص ہمیشہ لئی پاپاں دے واسطے اِکو ای واری قربانی چڑھا کے خُدا دے سجے پاسے جا کے بیٹھ گیا ۔ تے اوسے ویلے توں انتظار کر رہیا اے پئی اوہدے ویری اوہدے پیراں تھلے دی پیڑھی بنن۔ کیوں جے اوہنے اِکو ای واری قربانی چڑھاؤن نال اوہناں نوں ہمیشہ لئی کامل کر دِتا اے جیہڑے پاک کیتے جاندے نیں۔“
” اوسے مرضی دے سبب اَسیں یسوع مسیح دے جثے دے اِکو ای واری قربان ہون دے وسیلے نال پاک کیتے گئے آں “ دھیان کرو پئی ایہہ فعل حال مکمل وِچ لکھیا ہویا اے تے فعل حال مستقبل وِچ نئیں۔
مکمل طورتے پاک ہون لئی ، سانوں ساریاں نُوں پانی تے رُوح دی مکتی اُتے ایمان رکھنا ایں جیہڑی یسوع نے سانوں دِتی ۔
 
 
یسوع نے اِکو ای واری تے ہمیشہ لئی ہمیش دی مکتی بخشی
 
کیوں اِک بندے نُوں ہرویلے خوش رہن دا حق
دِتا گیااے ؟ (۱۔ تھسلُنیِکیوں ۵ : ۱۶)
کیوں جے یسوع نے اوہدے سارے پاپاں نُوں چُک لیا،
اوہ کُجھ نئیں کر سکد ا سگوں اوہدے اَگے نماناں بنے تے
اوہدے فضل دے لئی شکر اداکرے۔
 
جےاَسیں یسوع دی ہمیش تیک رہن والی مکتی اُتے ایمان رکھدے آں،اَسیں سارے اِکو ای واری راستباز بن جاندے آں ۔ پاک کتاب آکھدی اے پئی ، ” ہر ویلے خوش رہوو ۔ناغے دے اَڈ دُعاکرو۔ہر اک گل وِچ شکرگزاری کرو۔ “ (۱ ۔ تھسلُنیکیوں ۵ : ۱۶ ۔۱۸)۔
ہر ویلے خوش رہوو۔اَسیں کویں ہر ویلے خوش رہ سکدے آں؟اوہ  جیہڑے اِکو ای واری ہمیشہ لئی ہمیش دی مکتی حاصل کر دے نیں،نہ مُکن والیاں خوشیاں مان سکدے نیں۔ کیو ں جے اوہ پاپاں توں مکت نیں  ،اوہ علم ایس دی حفاظت وِچ نیں پئی یسوع نے یردن اُتے اوہناں دے سارے پاپ چُک لئے سَن ۔ اوہ اوہدے اَگے نمانے بن جاندے نیں تے اوہدے فضل لئی شکر گزارتے اِنج اوہ رُکیوں بغیر خوش رہ سکدے نیں۔
” پئی مبارک اوہ نیں جنہاں دِیاں بدکاریاں معاف ہوئیاں تے جنہاں دے پاپ ڈھکے گئے ۔“ (رومیوں ۴ : ۷)۔ایہدا ایہہ مطلب نئیں اےپئی ساڈے پاپ ڈھکے گئے تے ایس حقیقت دے ہوندیاں ہوئیاں اوہ ساڈے دل وِچ ہُن تک وجود رکھدے نیں۔ ساڈے دل صاف کیتے گئے نیں۔ یسوع نے ساڈے سارے پاپ سِرے توں لے کے دھودِتے ،تےسانوں اِکو ای واری ہمیشہ لئی بچالیا ۔
ایہہ ہمیش دی مکتی نویں عہد نامے وِچ بیان کیتی گئی اے ۔ جدوں یسوع نے بپتسمہ لیا اوہنے آکھیا ، ” ہُن تُوں ہون ای دے کیوں جے سانوں ایسے طرحاں ساری راستبازی پوری کرنا مناسب اے ۔“ (متی ۳ : ۱۵)۔
بالکل جویں پُرانے عہد نامے وِچ بکریاں یا ں بھیڈاں نے ہتھاں   دے  رکھے  جان دے  راہیں لوکاں دے پاپاں نُوں چُکیا ۔ یسوع نےدُنیا دے سارےپاپاں نُوں چُک لیا تے انسانی پیڑھی نوں بڑے چنگے تے صحیح طریقے نال پاک کیتا ۔
یسوع نے آکھیا، ” سانوں ایسے طرحاں ساری راستبازی پوری کرنا مناسب اے ، “یسوع نے بڑے چنگے طریقے نال بپتسمہ لیا تے اِنسانی پیڑھی دے سارے پاپاں نُوں اپنے اُتے چک لیا ،یعنی اِنج سانوں بچا لیا ۔  
متی ۳ : ۱۵ وچ لکھیا ہویا اے پئی یسوع نے دُنیا دے سارے پاپاں نُوں چُک لیا ۔خُدا دی عدالت مکمل سی ۔ سانوں ایس ہمیش دی مکتی نُوں سمجھ لین دی کوشش کرنی چاہی دی اے ۔سانوں ایہنوں اوہدے مکتی دے کلام وانگر لینا چاہی دا اے ۔ ” برکت والا اے اوہ جیہدی خطا بخشی گئی اے تے جیہدا پاپ کجیا گیا ۔“ (زبور ۳۲ : ۱)۔
دل تے جثے دے سارے پاپاں نُوں یسوع نے دھو دِتا جدوں اوہنے دریائے یردن اُتے یوحنا اِصطباغی کولوں بپتسمہ لیا۔ اوہ پاپاں لئی پرکھیا گیا جیہڑے اَسیں ایس بدکار تے بھیڑی دُنیا وِچ کردے آں ۔ ساڈے سارے پاپ چُک لین دے بعد ،اوہ سولی اُتے مرگیا ۔
کوئی وی جیہڑا پاپ دی ایس مکتی اُتے ایمان رکھدا اے اِکو ای وار ی تے ہمیشہ لئی راستباز تے بِن پاپ بن سکدااے ۔ کیوں جے یسوع ہمیش تیک جیوندا رہوے گا ،کوئی وی جیہڑا مسیح دی مکتی اُتے ایمان رکھدااے راستباز بنیا رہوے گا ۔
ہُن اَسیں خُدا دے اَگے بڑے ایمان دے نال کھڑے ہو سکدے آں تے آکھ سکدے آں،”اے خُداوند تُسیں کس طرحاں دے او؟میَں تیرے کلے کارے پُتر ،یسوع مسیح اُتے ایمان رکھداواں تے میَں وی تیرا پُتر آں۔اے پیو تیرا شکر ہووے ۔  مینوں اپنے پُتروانگر قبول کرن لئی تیرا شکر ہووے ۔ ایہہ میرے کماں دے راہیں نئیں ،پر صرف میرے پانی تے رُوح نال نویں سِرے توں جمن لئی یسوع اُتے ایمان دے وسیلےاے۔توں مینوں ایس دُنیا دے سارے پاپاں توں مکتی دِتی ۔میَں ایمان رکھدا ہاں پئی تُو ں ایہہ آکھیا ، ” سانوں ایسے طرحاں ساری راستبازی پوری کرنا مناسب اے (متی ۳: ۱۵)۔یسوع دے بپتسمہ تے اوہدی سولی دے راہیں ،میَں تیرا پُتر بن گیا ہاں ۔ ایہدے لئی میَں تیرا شکر گزار ہاں ۔“
کیہ تُسیں اپنے سارے پاپ یسوع اُتے لد چُکے او؟کیہ تہاڈے سارے  پاپ   اوہدے   وسیلے  چُکے
گئے ؟پاک کتاب سانوں دسدی اے پئی یسوع دے بپتسمہ تے سولی اُتے اوہدی موت داشکر ہووے ،  پاپی صرف اوہناں اُتے ایمان رکھن دے وسیلے پاک ہو سکدے نیں۔
 
 
یسوع دے بپتسمہ تے مکتی دے وچکار تعلق
 
یسوع دے بپتسمہ تے مکتی دے وچکار کیہ تعلق اے؟
یسوع دا بپتسمہ  مکتی دے وانگر اے جیہدی پُرانے عہد نامے
وچ ہتھاں دے رکھے جان دے راہیں پیشنگوئی کیتی گئی سی ۔
 
فرض کرواِک بندہ جیہڑا اِک پاپی وانگر رہندااے ایتھوں تیک پئی اوہ یسوع اُتے وی ایمان رکھدا اے ،گرجے وچ دُعاکردا اے ، ” سوہنے خُدایا ،مہربانی نال مینوں پاپاں دی معافی دے دے جیہڑے میَں پچھلے ہفتے کیتے سَن ۔مینوں پچھلے ایناں تِناں دِناں دے پاپاں دی معافی دے دے ۔ یاخُدایا ،مینوں اَج دے پاپاں دی معافی دے دے ۔ میَں یسوع اُتے ایمان رکھدا ہاں۔“
آؤفرض کریے پئی ایہہ بندہ اوس دعا دے وسیلے نال اپنے ہر دیہاڑے دے پاپاں توں معاف کیتا جاندا اے ۔پر بعدوِچ اوہ اپنے ہر دیہاڑے دی زندگی وچ واپس جاندااے تے فیر پاپ کردا اے ۔ تے اوہ فیر اِک پاپی بن جائے گا ۔
یسوع خُدا دا میمنا(لیلا)بن گیا تے اپنے بپتسمہ دے وسیلےنال سارے پاپیاں دے پاپاں نُوں چُک لیا تے اوہناں نُوں صلیب اُتے جان دین دے وسیلے چھُڈالیا ۔چھُڈائے جان دے سلسلے وچ ،پاپیاں نُوں مکتی پاؤن لئی تھلے دِتیاں گلاں اُتے ایمان رکھنا چاہی دااے ۔
سارا پاپ یسوع دے وسیلے نال چُکیا گیا ،جد اوہنے یوحنا اِصطباغی کولوں بپتسمہ لیا، ایس طرحاں خُدا دی راستبازی پوری کیتی ۔ دُنیا دے سارے پاپ دھو دِتے گئے جیہڑا وی ایس سچ اُتے ایمان رکھدا اے ،آزاد ہو جاندا اے ۔ جویں ایہہ متی ۳ : ۱۳ ۔۱۷ وچ لکھیا ہویا اے ، ” اِیسے طرحاں  “ یسوع نے یوحنا اصطباغی کولوں بپتسمہ لیا تے سارے ایمانداراں دا مکتی داتا بن گیا ۔
خوشخبری دا سچ سانوں دسدااے پئی یسوع نے اِکو ای واری تے ہمیش لئی دُنیا دے پاپاں نوں چُک
لیا ۔پرجھوٹے خُدائی خیال سانوں دسدے نیں پئی اَسیں ہر دیہاڑے معاف کیتے جاندے آں ۔ کدے اُتے ایمان رکھنا چاہی دا اے ؟کیہ اَسیں اِکو ای واری تے ہمیش لئی معاف کیتے جاندے آں ، یاں کیہ اَسیں ہردیہاڑے معاف کیتے جاندے آں؟
ایہہ صاف ظاہر اے پئی یسوع نے سانوں اِکو ای واری تے ہمیش لئی مکتی دِتی اے ۔ سچا ایمان اِکو ای واری تے ہمیش لئی پانی تے رُوح دی پاپاں دی معافی اُتے ایمان رکھنا ایں ۔ اوہ جیہڑے ایمان رکھدے نیں پئی سانوں بڑے یقین نال ہر دیہاڑے معاف کیتا جانا چاہی دا اے کدی وی مکتی نئیں پاؤن گے ۔
اوہناں نوں جاننا چاہی دا اے پئی سچی پاپاں دی معافی ایمان رکھن نال ملدی اے پئی یسوع نے سانوں اِکو ای واری تے ہمیش لئی اپنے بپتسمہ تے سولی اُتے مرن دے وسیلے نال مکتی دِتی اے ۔ سانوں ساریاں نوں جو کرنا ایں ،خُدا دا شکر ادا کرنا ایں تے ایس سچی خوشخبری اُتے ایمان رکھنا ایں۔
پر اوہ جیہڑے جھوٹے ایمان دے نیں ،آکھدے نیں پئی اَسیں صرف نسلی پاپ تو ں مکتی پاؤندے  آں ،یعنی سانوں ہر دیہاڑے اصل پاپاں توں مکتی ملنی چاہی دی اے ،تے پئی اَسیں  ” ہولی ہولی “ راستباز بن سکدے آں ،ایہہ جھوٹ اے ۔
یسوع دے بپتسمہ تے اوہدی سولی اُتے موت نال اِکو ای واری تے ہمیش لئی پاپ دی مکتی مکمل ہوئی ۔ایہہ سچ اے ۔ساڈے پاپاں نُوں یوحنا اصطباغی دے وسیلے نال یسوع اُتے لدیا جانا سی تے یسوع نُوں سانوں مکتی دین دے سلسلے وچ سولی اُتے مرناسی ۔
ساڈا ، پاپ کرن دے بعد ایہہ آکھنا ، ” مینوں معاف کردے “ خُدا دی عدالت وچ چنگانئیں لگدا ۔خُدا دی شریعت آکھدی اے پئی پاپ دی مزدوری موت اے ۔ سانوں جاننا چاہی دا اے پئی خُدا عدل کرن والا تے پاک اے ۔
اوہ جیہڑے خُدا دا پاپ کرنے دے بعد دعا منگدے نیں ، ” میَں معافی منگداہاں ،مہربانی نال مینوں معاف کردے “  خُدا دے عدل نُوں نئیں جان دے ۔اوہ معافی لئی دُعامنگدے نیں ،پر صرف اپنے اندر دے ضمیرنُوں مٹھا کرن لئی ۔کیہ ایہہ ٹھیک اے پئی کوئی ہردیہاڑے پاپ کردا اے تے ہر واری اپنی بھیڑیاں کرتُوتاں لئی توبہ کرن دے وسیلے نال اپنے اندر نُوں تسلی دیندا اے؟پاپاں توں مکتی پاؤن دا اِکو رستہ یسوع دا بپتسمہ تے اوہدے صلیبی خون اُتے ایمان رکھن دے وسیلے نال اے ۔ سانوں ایہدے اُتے اپنے دلاں وچ ایمان رکھنا چاہی دا اے ۔ ایہو اِکو رستہ اے جیہدے  نال  اَسیں  خُدا دی عدالت
توں بچ سکدے آں ۔
آؤ اَسیں پاپ توں مکتی دے بارے وچ زیادہ سوچئے ۔عبرانیوں ۹ : ۲۲ آکھدا اے ، ” تے تقریباًساریاں شیواں شریعت دے مطابق لہو نال پاک کیتیاں جاندیاں نیں تے لہو وگان دے اَڈ معافی نہیں ہوندی ۔“
خُدا دی عدل کرن والی شریعت دےمطابق،پاپاں نُوں لہونال صاف کیتا جانا چاہی دااے ۔تے لہو وگان دے اَڈ پاپاں دی معافی موجود نئیں ہیگی ۔ ایہہ خُدا دی عدل کرن والی شریعت اے ۔ پاپ دی مزدوری اداکیتیوں اَڈ ،پاپ دی معافی نئیں مل سکدی ۔
خُدا دی شریعت عدل کرن والی اے۔یسوع نے یوحنا اصطباغی کولوں بپتسمہ لیا تے سانوں پاپیاں نُوں مکتی دین لئی سولی اُتے لہو وگایا ۔ اوہنے اپنے بپتسمہ دے وسیلے نال ساڈی ساریاں پاپی اڑیاں نُوں چُک لیا تے ساڈے سارے پاپاں دامُل تارن لئی سولی اُتے لہو وگایا ۔ اوہنے ساڈے لئی پاپ دا مُل تاریا۔
 
کیہ پاپاں دی معافی اِکو ای واری تے سدالئی ،یاں
ہر دیہاڑے دِتی جاندی اے ؟
اِکو ای واری تے سدالئی،یسوع نے اپنے بپتسمہ
دے وسیلے نال ساڈے سارے پاپاں نُوں چُک لیا ۔
 
متی ۳ : ۱۵ وِچ جدوں یسوع نے بڑے چنگے طریقے نال بپتسمہ لیا ، اوہنے اپنے بپتسمہ دے وسیلے نال سارے پاپ دھودِتے ،تے سانوں جگ دے سارے پاپاں توں مکتی دین لئی سولی اُتے مرگیا ۔
ہردیہاڑے پاپاں دی معافی منگنا اوسے طرحاں ہووے گا پئی جویں اوہنوں ساڈے پاپ چُکن تے فیر ہر دیہاڑے مرن لئی آکھنا۔سانوں اصل وچ خُدا دی عدل کرن والی شریعت نُوں سمجھنا چاہی دا اے ۔ یسوع نُوں سانوں ساڈے پاپاں توں مکتی دین لئی ہردیہاڑے نئیں مرنا ایں۔
خُدا اوہنا ں لئی اینوں بڑی بُری بدتمیزی سمجھدا اے ۔ جیہڑے یسوع اُتے اصلی پاپاں دی مکتی لئی ہر دیہاڑے معافی منگن اُتے ایمان رکھدے نیں۔ ” ایہہ بدتمیز بے عقلے ! اوہ میرے پُتر یسوع نُوں آکھدے نیں ،پئی دوجی واری بپتسمہ لوے تے فیر سولی اُتے مرے!اوہ یسوع وچ پاپاں دی معافی اُتے ایمان رکھدے نیں تے ہُن تیکر اپنے آپ نُوں پاپی آکھدے نیں !میَں اپنی عدل کرن والی شریعت نال اوہناں نُوں سزادیواں گا تے اوہناں ساریاں نُوں دوزخ دے بلدے ہوئے ڈوہنگے ٹوئے وچ  سُٹاں گا ۔کیہ تُسیں اپنے کلے کارے پُتر نُوں دوجی واری مارن دا ارادہ رکھدے او؟تُسیں مینوں اپنے اصل پاپاں دی وجہ توں میرے پُتر نُوں مارن لئی آکھدے او۔میَں پہلاں ای تہانُوں جگ دے سارے پاپاں توں اِکو ای واری بچاؤن لئی اپنے ذاتی پُتر نُوں مار چُکا واں۔ ایس لئی اپنے اصلی پاپاں دی معافی گھڑی مُڑی میرے کولوں منگن دے وسیلے نال میرے غصے نُوں نہ ودھاؤ ،صرف پانی تے رُوح دی مکتی دی خوشخبری اُتے ایمان رکھو۔“
یسوع اوہناں نُوں دسدااے جیہڑے پاپی ای نیں پئی اوہناں نُوں گرجے وچ جانا چاہی دا اے جتھے سچی خوشخبری دی منادی کیتی جاندی اے ،جھوٹے عقیدے نُوں چھڈ دین تے ایمان دے نال جھوٹ اُتے غالب آؤن دے وسیلے نال پاپاں دی معافی حاصل کرن۔
ہُن تہاڈے لئی اپنے دل وچ ایمان رکھن دے وسیلے نال مکتی یافتہ ہون دا ویلہ اے۔کیہ تُسیں  ایمان رکھدے او؟
 
 
ایمان دا نتیجہ سچیائی اُتے نئیں ،سگوں کماں اُتے ہیگااے
 
کیوں بوہتے مسیحی اِک پکی وفادار حیاتی بسرکرن
وچ ناکام ہو جاندےنیں؟
کیوں جے اوہ اپنے ذاتی کماں اُتے انحصار کردے نیں ۔
 
ایتھوں تیک پئی اوہ پاپی جیہڑے یسوع اُتے ایمان رکھدےنیں ،پر مکتی یافتہ نئیں ہیگے ،۳ ۔۵ سال تیک لشکاں تے چمکارے مارسکدے نیں ۔اوہ شروع و چ جوشیلے ہُندے نیں ،پر ویلا لنگھن دے نال اوہنا ں دا ایمان گھٹ جاندااے ۔جے تُسیں اپنے کماں دے وسیلے نال یسوع اُتے ایمان رکھدے او ،تُہاڈا جوش وی بڑی چھیتی غائب ہو جاوے گا ۔
انھے ویکھ نئیں سکدے ۔ایس لئی اوہ اپنے دوجے اَنگاں نال محسوس کرن اُتے انحصار کر دے نیں
تے ایس طریقے نال اوہ اپنے علم وچ وادھا کردے نیں ۔جدوں اوہ ہنجوآں دا کھوہ بھردیاں ہویاں محسوس کردے نیں ،اوہ اینوں پاپاں دی معافی دے اِک نشان وانگر غلط سمجھدے نیں ۔ پاپاں دی سچی معافی اِک احساس نئیں ہیگا ۔
رُوحانی انھے بے فائدہ جاگدے رہن دیاں عبادتاں وچ حصہ لین دے وسیلے نال اپنی پہلی محبت نُوں دوبارہ حاصل کرن دی کوشش کردےنیں، پر اوہ گواچے ہوئے احساس نُوں دوبارہ نئیں حاصل کر سکدے ۔اِنج پاپاں دی معافی حاصل کرنا کدی نئیں ہو سکدا ۔ جے اوہناں نے شروع وچ ای ٹھیک طریقے نال ایمان رکھ لیا سی ۔ ویلا لنگھن دے نال پاپاں دی معافی تے اوہد افضل بوہتا چمکارے تے لشکارے نال چمکنا سی ۔
پر پاپاں دی جھوٹی معافی صرف شروع وچ چمکدی اے تے اوہدے بعدوں اوہدی چمک گواچ جاندی اے ۔جوش تے جذبے دے لشکارے بڑی چھیتی غائب ہو جاندےنیں کیوں جے رُوحانی طور تے انھے شروع توں اصل خوشخبری نوں سُنن وچ ناکام ہو گئے ۔
فریبی یہودی وکیل تے فریسی اپنی کَچھ ہیٹھاں پاک کتاب نُوں لے جاندے نیں، خُداوند دی دُعا تے رسولاں دا عقیدہ یاد کردے نیں تے ہر ویلے دُعاکردے رہندے نیں ۔ اوہ کلیسیا وچ ترقی حاصل کردے نیں تےجذباتی طور تے کامیاب ہُندے نیں ،پر اوہناں دے پاپ اکٹھے ہُندے رہندے نیں تے اخیر وچ خُدا دے وسیلے نال کڈھ دِتے جاندے نیں۔ باہروں او ہ مذہبی جوش دے چٹے پلستر دے نال کجے ہوئے نیں ،پراندروں اوہناں دے ذہن پاپ نال گل سڑ رہے نیں۔ ایہہ سچ دی بنیاد اُتے ایمان دا نئیں سگوں کماں دی بنیاد اُتے اِک مذہب دا نتیجہ اے ۔
 
 
اَسیں ایمان دے راہیں راستباز بن دے آں
 
کیہ ساری جگ دی مکتی پہلوں ای ایس جگ
وچ پوری ہو گئی اے؟
آہو ،ایہہ یسوع دے بپتسمہ تے اوہدے سولی
اُتے مرن نال پوری ہُوئی سی ۔
 
آؤ اَسیں ہُن عبرانیوں ۱۰ : ۱۶ ۔۱۸ پڑھیے۔ ” خُداوند فرماؤندااے جیہڑا عہد میَں اوہناں دِناں دے بعدوں اوہنا ں نال بنھاں گا اوہ ایہہ ہے پئی میَں اپنے قانون اوہناں دے دلاں اُتے لکھاں گا تے اوہناں دے ذہناں وچ پاواں گا ۔ فیر اوہ ایہہ آکھدااے پئی اوہناں دے پاپاں تے بے دینیاں نُوں فیر کدی یاد نئیں کراں گا ۔تے جدوں اوہناں دی معافی ہوئی اے تے فیر پاپ دا چڑھاوا نئیں رہیا ۔ “
ہُن اَسیں یسوع دے بپتسمہ تے اوہدے سولی اُتے لہو دے راہیں چھڈائے گئے آں، سانوں ہور پاپ دا کفارہ دین دی لوڑ نئیں ہیگی ۔ایہہ گل شاید انوکھی لگے جدوں تُسیں پہلی واری اینوں سُنو، پر ایہہ گل پاک کتاب نال رَلدی اے ۔کیہ ایہہ اِنسانی پیڑھی دے کلمے نیں ؟پاک کتاب ہر شے نُوں مِنن لئی وکیل دی کرسی دا نشان تے شاتُول دی ڈوری اے ۔
”  جیہڑا عہد میَں اوہناں دِناں دے بعدوں اوہنا ں نال بنھاں گا اوہ ایہہ ہے پئی میَں اپنے قانون اوہناں دے دلاں اُتے لکھاں گا تے اوہناں دے ذہناں وچ پاواں گا ۔“ (عبرانیوں ۱۰: ۱۶) چھڈائے جان دے بعدوں تُسیں کیہ محسوس کردے او؟یعنی ہُن تُہاڈا دل پاپ توں رہا ہو گیا اے ،تُسیں تراوت محسوس کردے او ۔ تُسیں اِک راستباز بن گئے او ،تے روشنی وچ جی سکدے او ۔
تے خُداوند عبرانیوں ۱۰ : ۱۷ وچ دسدا اے ، ” اوہناں دے پاپاں تے بے دینیاں نُوں فیر کدی یاد نئیں کراں گا ۔ “ اوہ سانوں دسدا اے پئی اوہ چھڈائے ہوئیاں دے پاپاں تے بے دینیاں نُوں یاد نئیں کرےگا۔کیوں؟کیوں جے یسوع نے  بڑے  ودھیا  طریقے  نال  ” ایسے طرحاں “
بپتسمہ لیا ۔ سارے پاپ چُکن دے بعد وں ، یسوع نے اوہناں دی تھاں تے اپنی جان  دِتی  جیہڑے اوہدے اُتے ایمان رکھدے نیں۔
یعنی ہُن اوہ ساڈے سارے پاپاں دا مُل تار چُکیااے،اَسیں خورے اوہناں نُوں یادکریے پر سانوں اوہناں دےبارے وچ جُرم دا احساس کرن دی کوئی لوڑ نئیں ہیگی ۔ سانوں اگانہہ ہور اپنے پاپاں لئی نئیں مرنا ایں ،کیوں جے یسوع نے سارے پاپاں نُوں دھودِتا تے ساڈے لئی سولی اُتے لہووگایا ۔
عبرانیوں۱۰ : ۱۸ آکھدا اے ، ” تے جدوں اوہناں دی معافی ہوئی اے تے فیر پاپ دا چڑھاوا نئیں رہیا ۔“ ایہدا مطلب ہیگا اے پئی اوہنے جگ دے سارے پاپاں نُوں مکا دِتا ۔ایہدا ایہہ وی مطلب ہیگا اے پئی اوہ جیہڑے یسوع وچ نویں سِریوں جمے نیں ،اوہناں نُوں ہور پاپ لئی کوئی چڑھاوا چڑھاؤن دی  لوڑ نئیں ہیگی ۔
” یا خُدا یا ،مہربانی نال مینوں معاف کردے ۔میَں یسوع اُتے ایمان رکھدا ہاں تے ہُن تیک پاپ دی تنگی وچ جیوندے رہن دی وجہ ایہہ ہے پئی میَں ہُن تیک چھڈایا نئیں گیا ۔ میَں اِک مسیحی ہاں ،پر میرا ذہن سارے دا سارا پاپ دے نال گندہ اے ۔“ سانوں ایس طرحاں دُعامنگن دی کوئی لوڑ نئیں ہیگی ۔
پاپی ایہنوں ایس طرح پچھانیوں اَڈ پاپ کردے نیں۔ اوہ نئیں جان دے پئی پاپ کیہ اے کیوں جے اوہ خُدادی سچیائی  دی شریعت نُوں نئیں جان دے۔ اوہ صرف جان دے نیں پئی اوہناں نوں اپنے دل وچ پاپ نئیں کرنا چاہی دا۔ پر اوہ نئیں جان دے پئی خُدا دے اَگے پاپ کیہ اے ۔ خُدا نے ساڈے اُتے کھولیا پئی یسوع اُتے ایمان نہ رکھنا اِک پاپ اے ۔
یوحنا ۱۶ : ۹ وچ اوہ آکھدا اے ،خُدادے اَگے پاپ کیہ اے ۔ ” پاپ دے بارے وچ ایس لئی پئی اوہ میرے اُتے ایمان نئیں  لیاؤندے۔“ خُدادے اَگے اوہدے اُتے ایمان نہ رکھنا اِک پاپ اے ۔یوحنا ۱۶ : ۱۰ آکھدا اے پئی راستبازی کیہ اے ۔ ” راستبازی دے بارے وچ ایس لئی پئی میَں پیو کول جاندا ہاں تے تُسیں مینوں فیر نہ ویکھو گے۔“ دوجے لفظاں وچ یسوع ایس جگ نُوں پہلاں ای سارے پاپ توں رہا کر چکیا اے ،تے ایس طرحاں اوہنوں فیرسانوں دوجی واری بپتسمہ تے سولی اُتے مرن دےنال رہاکرن دی لوڑ نئیں ہیگی ۔
اوہ اوہناں نُوں بلاؤندا اے جیہڑے صاف ہون لئی پاپاں دی معافی اُتے ایمان رکھدے نیں تے اوہناں نُوں راستباز بناؤندا اے ۔ ایس جگ وچ پاپاں دی معافی اوہدے بپتسمہ تے سولی اُتے مرن دے راہیں پوری ہوگئی سی ۔پاپیاں نُوں رہائی دین لئی کسے دوجی مکتی دی لوڑ نئیں ہیگی۔
”  کیوں جے اَسمان دے تھلے بندیاں نُوں کوئی دوجا ، ناں نئیں بخشیا گیا ،جیہدے  راہیں
اَسیں مکتی پا سکیے۔“ (اعمال ۴ : ۱۲)۔یسو ع ایس دھرتی اُتے اُتر آیا ،یوحنا اصطباغی کولوں بپتسمہ لیا ،تے سارے پاپیاں نُوں مکتی دین لئی سولی اُتے لہو وگایا ۔ اپنے دل وچ اوہدے اُتے ایمان رکھو تے مکتی یافتہ ہو جاوو۔یسوع نے تُہانُوں پانی تے رُوح نال پاک کیتا ۔
یسوع نے پانی تے رُوح دے راہیں ساڈے جثے وچوں سارے پاپاں نُوں صاف کردِتا ۔ اَسیں ایمان دے نال مکتی یافتہ ہُندے آں ۔جے اَسیں سچیائی اُتے ایمان رکھدے آں ،جے اَسیں یسوع مسیح دے راہیں خوشخبری اُتے ایمان رکھدے آں ، اَسیں اِکو ای واری تے ہمیشہ لئی راستباز بن جاندے آں ۔ یسوع دا بپتسمہ تے سولی اُتے اوہدی موت ؛ایہہ دو شیواں اصل سچیائی نُوں مقررکردے نیں۔
 
 
آیتاں جیہڑیاں پاپی اپنی پناہ گاہ دے طور تے ورتدے نیں
 
کیہ سچی مُچی اَسیں اپنے پاپاں دے اقرار دے راہیں رہا
ہو سکدے آں، یاں کیہ اَسیں پہلاں ایں مکتی پا لئی اے ؟
خُدا نے پاپ توں مکتی اِکو ای واری تے ہمیشہ لئی عطاکر دِتی ۔
 
۱۔ یوحنا ۱ : ۹ آکھدا اے ، ”جے اپنے پاپاں داا قرار کریے تو اوہ ساڈے پاپاں نُوں معاف کرن تے سانُوں ساری بدی تو ں صاف کرن وچ سچا تے عدل کرن والا اے ۔“
ایہہ بڑا چنگا ہُندا جے سانوں مکتی پاؤن لئی صرف اپنے پاپاں دا اقرار کرن دی لوڑ ہُندی ۔ذہن وچ ایہدے نال ،کئی خُدا دی تعلیم سکھاؤن دے ماہر اِک نویں خُدا دی تعلیم لئی اک وڈے خیال نال آئے۔ اوہ ایس گل اُتے زور دیندے نیں پئی ہر ویلے جے کوئی اپنے پاپاں دا اقرارکردا اے ،اوہ مکتی پاسکدا اے ۔ کیہ ایہہ چنگا نئیں ہیگا ؟پریسوع نے کدی نئیں آکھیا پئی اَسیں ہرویلے معاف کیتے گئے،جدوں اَسیں خُدا دے اَگے اپنے آپ دا قرار کیتا ۔
کیہ اَسیں سچ مُچ صرف اپنے پاپاں دا اقرار کرن دے راہیں معاف ہو سکدے آں ،یاں کیہ  اَسیں
پہلاں ای چھڈائے گئے آں ؟ تُسیں کیہڑی گل اُتے ایمان رکھدے او؟ اوہ لوک جیہڑے جھوٹی تعلیم وِچ لوکاں نُوں پاؤندے نیں ،ایہہ ایمان رکھدےنیں پئی اوہ ہر ویلے معاف کیتے جاندے نیں ،جدوں وی اوہ اپنے پاپاں نُوں مَن لیندے نیں ،پر اصل وچ ،پاپ اوہناں دے دلاں وچ قائم رہندے نیں ،کیوں جے اوہ مکتی دے سچے کلام نُوں نئیں جان دے ۔ ایہدا کوئی مطلب نئیں پئی پاپی جیہڑے یسوع اُتے ایمان رکھدے نیں بخشے جاندے نیں ،جدوں وی کدی اوہ پاپاں دی مکتی لئی سچی دُعا منگدے نیں۔
ایس وجہ توں ،اوہدے مکتی دے کلام اُتے دھیان دینا چاہی دا اے تے سچ تے جھوٹ دے وچکار ،ایس توں اَڈ پئی سانوں کیہ دسیا گیا اے ،فرق کڈھنا چاہی دا اے ۔
پاپی ۱ ۔ یوحنا ۱ : ۹ نُوں غلط سمجھدےنیں ۔اوہ غلطی نال سوچدے نیں پئی ایہہ ہر دیہاڑے دے پاپاں دی مکتی نال تعلق رکھدا اے ۔آؤ اَسیں ایہہ تعلیم بڑے دھیان نال پڑھیے ، ”جے اپنے پاپاں دا اقرار کریے تو اوہ ساڈے پاپاں نُوں معاف کرن تے سانُوں ساری  بدی تو ں صاف کرن وچ سچا تے عدل کرن والا اے۔“ کیہ تُسیں سوچدے او پئی اَسیں صرف نسلی پاپ توں مکتی یافتہ ہُندے آں تے سانوں اوہدے اَگے یقیناًسارےپاپاں دا اقرار کرنا چاہی دا اے کیونکہ جے اوہ سچا تےعدل کرن والا اے تے اوہناں نُوں معاف کردا اے ؟ایہہ صرف پُٹھے خیال نیں جیہڑے ساڈے جثے دے ماڑے ہون دی وجہ توں نیں۔
جدوں اَسیں یسوع دے بپتسمہ تے لہو اُتے ایمان رکھدے آں ،اَسیں احساس کردے آں پئی ایہہ سچ نئیں ہیگا ۔سارے پاپ پہلاں ای اوہدے بپتسمہ تے سولی والے لہو دے نال بوہت بوہت چِر پہلاں دھوئے گئے سَن۔
رُوح دے مطابق ایمان رکھنا تے پُٹھے خیالاں مطابق ایمان رکھنا بالکل دو وکھ وکھ شیواں نیں ۔ اوہ جیہڑے اپنے دلی خیالاں دے مطابق ایمان رکھدے نیں،محسوس کردے نیں پئی اوہناں نُوں اپنے پاپاں نُوں ہردیہاڑے دھون دی لوڑ اے،پر اوہ جیہڑے پانی تے لہو دی مکتی اُتے ایمان رکھدے نیں ، جان دے نیں پئی اوہ اِکو ای واری تے سدا لئی یسوع مسیح دے بپتسمہ تے لہو دے راہیں چھڈائے گئے سَن۔
اوہ جیہڑے ایمان رکھدے نیں پئی اوہناں نُوں نویں سِریوں چھڈان لئی ہر دیہاڑے اقرار کرنا چاہی دا اے ،اصل وچ یسوع دے بپتسمہ تے لہو دے وسیلے نال مکتی اُتے ایمان نہ رکھن دا پاپ کررہے نیں ۔
کیہ تُسیں یسوع دے بپتسمہ تے لہو دے وسیلے نال اِکو ای واری تے سدا لئی چھڈائے گئے او؟ اوہ جیہڑے چھڈائے نئیں گئے ہر دیہاڑے اپنےپاپاں دےاقرار دے راہیں مکتی  پاؤن  دی  کوشش کر دے
نیں ۔ ایہہ ہُن تیک مسئلے نُوں چھڈدااے پئی اصل پاپاں دے بارے وچ کیہ کرنا   اے   جیہڑے اوہ آؤن والے ویلے وچ کرن گے ۔
اوہ خورے پہلا ں ای اپنے اگانہہ دے پاپاں لئی اقرار کرن دی کوشش کر سکدے نیں۔پر اِنج کرن نال اوہ یسوع اُتے ایمان دی اِک تھوڑ وکھاؤندے نیں۔ ایہہ لوک مکتی دی خوشخبری لئی انھے نیں ۔یسوع نے سانوں اپنے بپتسمہ تے لہو نال ،اپنے اُتے سزانُوں چُک کے پاپ توں اِکو ای وار ی تے سدا لئی رہا کر دِتا ۔ اَسیں صرف اوہدے اُتے ایمان رکھن دے راہیں مکتی پاؤندے آں ۔
جے تُسیں سوچدے او پئی تُہانوں مکتی پاؤن لئی ایتھوں تیک پئی اپنے اگانہہ دے پاپاں دااقرار کرنا چاہی دا اے ،تُسیں غیر ایمانداراں توں فرق نئیں جے جیہڑے پانی تے رُوح دے راہیں نویں سِریوں جمن دے بارے وچ کُجھ نئیں جان دے ۔پاپی اقرار کرن دے راہیں چھڈائے نئیں جاسکدے ۔
ایس لئی جے تُسیں ایمانداری نال اقرارکردے او ، ”  میَں اِک پاپی آں جیہڑاہُن تیک رہا نئیں کیتا گیا ۔“تے فیرجے تُسیں سُن دے او تے اوہدے بپتسمہ تے صلیبی موت دی خوشخبری اُتے ایمان رکھدے او،خُدا تہانوں تہاڈے سارے پاپاں توں مکتی دیوے گا ۔
پر جے تُسیں مکتی دی خوشخبری اُتے ایمان نئیں رکھدے تےصرف توبہ دی دعا دے تھلے لُکدے نیں،تُسیں بڑی ڈراؤنی سزا پاؤگے ،جدوں یسوع ایس جگ اُتے اِنصاف کرنے والے وکیل وانگر دوبارہ آئے گا ۔
اوہ جیہڑے پانی تے رُوح دی مکتی دی خوشخبری اُتے ایمان نئیں رکھدے ،سزاپاؤن گے ۔ جے اوہ اپنے اقراراں دے پِچھے لُکدے نیں ،اوہ سزا پاؤن گے ۔ ایس لئی سزا والے دن نُوں نہ اُڈیکو ۔اجے پانی تے رُوح دی برکت والی خوشخبری اُتے ایمان رکھو ۔
 
 
چنگا اِقرار تے سچا ایمان
 
اِک پاپی لئی چنگا اِقرار کیہ اے؟
اِقرار کرنا پئی اوہ ہُن تیک پاپ رکھدا اے تے دوزخ
 وچ جاوےگا ،جدتیک اوہ اصل خوشخبری
اُتے ایمان نئیں رکھدا
 
خُدا نے سانوں اِکو ای وار تے سدا لئی مکتی دِتی اے ۔ ایتھے سمجھاؤن لئی اِک اصل حیاتی دی مثال موجود اے پئی میَں کیہ آکھن دی کوشش کر رہیا ہاں ۔آؤاَسیں فرض کریے پئی اِک شمالی کوریا دا جاسُوس جنوبی کوریا ول آیا ۔اوہ ویکھدا اے پئی اَسیں کنے خوشحال آں ،احساس کردا اے پئی اوہ دھوکہ کھا چُکیا اے تے اپنے آپ ملک چھڈن دا فیصلہ کردااے
اوہدے بوہت نیڑے تھانے جان دے بعد ،اوہ ایہہ آکھدیاں ہویاں ،ایس طرحاں اِقرارکر سکدا سی ، ” میَں شمالی کوریا دا اِک جاسوُس ہاں “ یاں میَں جنوبی کوریا وِچ اِنج اِنج خون خرابہ کرن لئی آیا ساں ، تے ایہنوں تے اوہنوں تباہ کیتا تے میَں پہلاں ای ایہنوں تبا ہ کر چُکیا ہاں ،پر ہُن میَں اپنے  آپ نُوں  چھڈ رہیاہاں ۔ ایس لئی میَں اصل وِچ اگانہہ اِک جاسُوس نئیں آں ۔
کیہ ایہہ اِک چنگا اِقرار اے؟ جے اوہ سچ مُچ اِقراررکرنا چاہنداسی ،اوہنے جو کُجھ آکھنا ایں اوہ ایہہ آ ” میَں  اِک جاسوُس ہاں“ ایہہ سِدھا بیان ہرشے اُتے لاگُو ہُندااے :پئی اوہ اِک بھیڑا بندہ اے تے اوہنوں سزا ملنی ایں ۔ایس سدھے بیان نال ،مقصد توں اَڈ جیہڑااوہنوں دِتا گیا سی ،اوہ بخشیا جاوے گا ۔
بالکل ایسے طرحاں ،جے اِک پاپی خُدا دے اَگے اِقرار کردا اے ، ” میَں اِک پاپی آں جیہڑا ہُن تیک رہا نئیں ہویا ۔میرا لیکھ دوزخ وِچ سُٹیا جانا تے سزا پاؤنا اے ۔مہربانی نال مینوں بچا لے “تے یسوع اُتے ایمان رکھدا اے ، تو اوہ رہاکیتا جاوےگا ۔یسوع نے ساڈے لئی بپتسمہ لیا تے لہو وگایا  تے سانُوں ساریاں نُوں جو کُجھ کرنا ایں ، مکتی یافتہ ہون لئی ،اوہدے وسیلے نال مکتی اُتے ایمان رکھنا ایں ۔
مکاشفہ ۲ : ۱۷ آکھدا اے ، ” تے اِک چِٹا پتھر دیواں گا ۔اوس پتھر اُتے اِک نواں ناں لکھیا ہویا ہووے گا جنہو ں اوہدے پاؤن والے توں اَڈ کوئی نہ جانے گا۔“پاک کتاب آکھدی اے پئی صرف اوہ جیہڑا سچی خوشخبری نُوں حاصل کرداا ے یسوع دا ناں جانے گا ، صرف اوہ جیہڑا
اِکو ای واری سدالئی مکتی پاؤندااے راستبازبنن دے بھیت نُوں جان دا اے
اوہ جیہڑے ایہنوں نئیں جان دے ہر دیہاڑے دی توبہ دیاں دُعاواں دے باوجود ہُن تیک پاپی ای نیں ۔اِقرار کرنے دا مطلب ہر دیہاڑے معافی لئی دُعا منگنانئیں ہیگا ۔ ایتھوں تیک پئی جے کوئی ۱۰ سال لئی اِک مسیحی رہ چُکیاسی اوہ ہُن تیک اِک پاپی ای ہووےگا جے اوہ ہر دیہاڑے خُدا کولوں معافی منگداسی ۔ اوہ ہُن تیک خُدا دا پُتر نئیں ہووےگا۔
مکتی یافتہ ہون لئی اوہناں نُوں اِقرار کرنا پوے گا پئی اوہ پاپی نیں تے یسوع دی مکتی اُتے ایمان نیں ۔ ایہہ سچا ایمان اے ۔
 
 
سادگی نال کسے دا اپنے پاپاں دی ترتیب بنانا اوہ نئیں اے جیہڑا سانوں ۱ ۔ یوحنا ۱ : ۹ اِقرار دے بارے وچ دسدااے ۔
 
کیہ سانوں ہر دیہاڑے اپنے پاپاں دا اِقرار کرنا ایں ،
یاں صرف مکتی یافتہ ہون لئی اِکو ای واری ؟
صرف اِکو ای واری
 
کیہ اِک چور تے اِک خونی اپنے کماں دا اِقرار کرسکدے نیں تے مکتی پاسکدے نیں ؟ پاپی صرف اپنے پاپاں دے اِقرار دے وسیلے نال مکتی نئیں پا سکدے ۔ اوہ صرف یسوع وچ پانی تے رُوح دی نویں سِریوں جمن دی برکت والی خوشخبری دے راہیں مکتی پا سکدے نیں ۔
کئی بھٹکے ہوئے مسیحی ایس طرح اِقرار کردے نیں۔” سوہنے خُدایا،میَں اَج فیر کسے نال جھگڑا کیتا۔میَں پاپ کیتا ۔میَں کسے نُوں دھوکہ دِتا ۔میَں چوری کیتی ۔  “
 جے اوہ اِنج جاری رکھدے نیں خُدا آکھے گا ، ” چُپ ہو جاؤ،تُسیں پاپی !اِنج کیتا؟ “
” مہربانی نال مینوں سُننا جاری رکھو۔ اَے خُدا یا ،تُوں سانوں ساڈے پاپاں دا اِقرار  کرن دا دسیا ۔میَں تیرافضل منگنا واں ۔“
ایہہ اوس قِسم دی دُعا نئیں ہیگی جیہڑی خُدا سُننا چاہندا اے ۔اوہ اوہناں دی دُعاواں سُننا چاہندا اے جیہڑے پانی تے رُوح دی خوشخبری اُتے ایمان رکھدے نیں:اوہ جیہڑے اپنے پاپاں نُوں من لیندے نیں تے سچ مُچ نویں سِریوں جمن دی خوشخبری اُتے ایمان رکھدے نیں۔
اگسٹین نے آکھیا ،اوہنے اپنی ماں دی چھاتیاں اُتے دُودھ پین تیک توبہ کیتی ۔ اوہنے سوچیا پئی ایس قِسم دا اِقرار اوہنوں اَسمان دی بادشاہی وَل لے جاوے گا ۔ اَسیں صرف اوہدے اُتے ہس سکدےآں۔صرف کسے دا اپنے پاپاں دا اِقرار کرنا کُجھ نئیں کرےگا۔
خُدا آکھدا اے ، ” چُپ ہو جاؤتے صرف مینوں ایناں دسو جے تُسیں پاپ کرچُکے او ۔جے تُسیں کر چُکے او ،فیر ایہدے بارے وِچ گل کرنا بندکرو۔تُسیں ہُن تیک غلط طور تے ایمان رکھ چُکے او،ایس لئی اِک گرجے وِچ جاؤ جتھے سچی تعلیم دِتی جاندی اے ۔چنگے طریقے نال مکتی دی خوشخبری اُتے ایمان رکھو تے آزاد ہو جاوو۔ جے نئیں ،میَں آواں گا تے تہاڈی سزا دیواں گا ۔ “
معافی لئی توبہ دیاں دُعاواں تے اِقرار دے راہیں مکتی یافتہ ہون دی کوئی دوجیاں کوششاں  کرنا غلط تے جھوٹے ایمان نُوں ظاہر کردیاں نیں۔
۱۔ یوحنا ۱ : ۹ وچ لکھیا ہویا اے پئی جدوں اَسیں اپنے سارے پاپاں نُوں من دے آں، پانی تے لہو دی خوشخبری سانوں سارے پاپ تُوں مکتی دیوے گی ۔
 
 
”میرے کولوں چلےجاوو “
 
بدکاری کردے رہن دا کیہ مطلب اے؟
ایہدا مطلب اے پئی اپنے دل وِچ پاپ رکھدیاں
ہویاں یسوع اُتے ایمان رکھنا ۔
 
مسیحی پاپی یسوع دے اَگے بدکاری کردیاں ہویاں ،غلط ایمان رکھدے نیں۔ ” اوس دِن بتھیرے مینوں آکھن گے یا خُدایا ،یا خُدایا !کیہ اَسیں تیرے ناں نال نبُوت نئیں کیتی تے تیرے ناں نال بدرُوحاں نُوں نئیں کڈھیا تے تیرے ناں نال بوہت سارے معجزے نئیں وکھائے ؟ اوس ویلے میَں اوہناں نُوں صاف آکھ دیاں گا پئی میری کدی تُہاڈے نال واقفیت نئیں سی ۔اَے بدکارو میرے کولوں چلے جاوو۔“ (متی ۷ : ۲۲ ۔ ۲۳)۔
ایہہ سوچو پئی کوئی بندہ جیہڑا جھوٹ اُتے ایمان رکھدا اے ،مردااے ، خُدا دے اَگے کھڑا ہون لئی آؤندا اے تے آکھدا اے ، ” یا خُداوندا،تُسیں کیہو جیہے او؟تُسیں بوہت سوہنے نظر آئے جدوں میَں تھلے اوتھے تُہاڈے بارے وِچ سوچ رہیا ساں،پرتُسیں ایتھے اُتےایتھوں تیک پئی بوہتےسوہنے نظرآؤندے او۔یا خُداوندا ،تیرا شکر ہووے ۔تُوں مکتی دِتی ۔ میَں ایمان رکھدا ہاں پئی تُسیں مینوں بے پاپ دے وانگر ویکھدے او ،ایتھوں تیک بھانویں میَں اپنے دِل وِچ پاپ رکھداہاں ۔میَں ایتھے آیا ایس لئی پئی تُسیں مینوں اَسمان اُتے لے جان دا وعدہ کیِتا سی ۔ ہُن میَں  اوتھے جاواں گا جتھے پھُل پورے کھِڑے ہوئے نیں ۔رب راکھا تے میَں تُہانُوں ہرپاسے ویکھن دی اُمیدکرداہاں ۔“
اوہ باغ وَل ٹُرنا شروع کردا اے ،پر یسوع اوہنوں روکدا اے ۔” اُڈیک رکھو !آؤ آپاں ویکھیے جے ایہہ بندہ اپنے دل وِچ پاپ رکھدا اے ۔کیہ تُسیں پاپی او؟ “
” بناں شک میَں پاپ رکھداہاں۔ پر کیہ میَں تُہاڈےاُتے ایمان نئیں رکھیا؟  “
” کیہ تُسیں پاپ رکھدے او ،ایتھوں تیکر پئی تُسیں میرے اُتے وی ایمان رکھدے او؟ “
” یقیناً ،میَں ایمان رکھدا ہاں۔“
” کیہ؟تُسیں پاپ رکھدے او؟میرے کول حیاتی دی کتاب لیاؤ۔تے کماں دی کتاب ،وی لیاؤ ۔ایہدا ناں ویکھو ۔ویکھو ایہدا ناں ایس کتاب وِچ ہیگا اے ۔“
یقین کرن لئی ،اوہدا ناں کماں دی کتاب وِچ ہیگا اے۔
” ہُن ،اپنے پاپاں نُوں منو جیہڑے تسیں دھرتی اُتے کر چُکے او۔“
بندہ کوشش نئیں کردا ،پر خُدا اوہناں نُوں اپنا مُنہ کھولن تے اپنے پاپاں نُوں منن لئی مجبورکردا اے ۔
” آہو،میَں ایہہ تے ایہہ پاپ کیتے ۔۔۔“
اوہ سارے داسارا پریشان اے تے اپنے مُنہ نُوں بند نئیں رکھ سکدا ۔
”  ٹھیک اے ،ایہہ بوہتا اے !اوہ دوزخ وِچ جان لئی بوہت کُجھ کرچُکیا اے ۔اوہ اوتھے جان تو ں بوہتاکرچُکیا اے !اوہنوں اوتھے بلدی ہوئی تھاں اُتے گھل دیوو “
اوہ اوس تھاں اُتے نئیں گھلیا جاندا جتھے پھُل کھِڑے ہوئے نیں ،پر اوس تھا ں اُتے جیہڑی اَگ تے گندھک نال بھری ہوئی اے ۔اوہ اپنے دَندپیسدااے جدوں دوزخ گھلیا جاندا اے ۔
” میَں تیرے اُتے ایمان رکھیا ،تیرے ناں دے راہیں نبوُت کیتی ،تیرے ناں دی منادی کیتی ، تیری خدمت لئی اپنا گھر ویچیا ،یتیماں دی مدد کیتی ،تیرے ناں اُتے ایناں کُجھ برداشت کیتا ،صبح سویرے دُعا منگی ،بیماراں دی ویکھ بھال کیتی ۔ ۔ ۔میَں اَسمان اُتے جان دا حقدارہاں ۔“
اوہ اپنے دَند اینے پیسدااے پئی اوہناں نُوں فائدے دے اَڈ کھاجاندااے ۔ جدوں اوہ دوزخ وِچ پہنچدااے ، اوہ سارے مسیحیاں نُوں ویکھدا اے جیہڑے یسوع وِچ مکتی دے اصل مطلب نُوں نئیں جان  دے ۔اوہ جیہڑے مکتی دی خوشخبری نُوں غلط سمجھدے نیں ،اوہدے راہیں کڈھ دِتے جاندے نیں ۔
 
 
جھوٹے ایمانداراں دے پاپ کماں دی کتاب وِچ لکھے جاندے نیں
 
سارے پاپیاں دے پاپ کِتھے لکھے جاندے نیں ؟
اوہ اوہناں دے دِلاں اُتےتے کماں دی کتاب وِچ
لکھے جاندے نیں۔
 
کیہ اَسیں یسوع اُتے ایمان رکھدے آں یاں نئیں ،خُدا اوہناں نُوں تباہ کردا اے جیہڑے اپنے دِلاں وِچ پاپ رکھدے نیں ۔ جے اوہ ایتھو ں تیک پئی پاپ دا اِک نشان وی کسے دے دِل وِچ موجود اے ،اوس بندے نُوں حشردیہاڑے دوزخ دی سزادِتی جاووے گی ۔ خُدا پاپیاں نُوں جے اوہ مکتی پاؤن دی آس رکھ دے نیں اِقرار کرن لئی مجبور کردااے ،جیہڑے ہُن تیک چھڈائے نئیں گئے یعنی جیہڑے رہا نئیں کیتے گئے ۔
اِک پاپی دے پاپ اوہدے دل اُتے لکھے جاندے نیں ۔اوہ جیہڑے پانی تے رُوح نال نویں سِریوں جمے نیں ،خورے اپنے پاپ یادکرسکدے نیں ،پرایہہ اوہناں دے دِلاں وِچوں مکا دِتے گئے نیں۔اوہ راستباز نیں۔
پر اوہ جیہڑے نویں سِریوں نئیں جمے اپنے دِلاں وِچ پاپ رکھدے نیں ،ایس لئی اوہ خُدا دے اَگے پاپ نیں ۔ جدوں کدی اوہ دُعا کرن لئی گوڈے ٹیکدے نیں ،اوہناں دے پاپ اوہناں نُوں خُدا توں وَکھ کردے نیں تے اوہنوں اوہناں دیاں دُعاواں سُنن توں روکدے نیں ۔ تے اوہدے اَگے دُعاکردےنیں ،پراوہناں دے پاپ کدی نئیں مُکدے ۔ اوہ اپنے پاپاں دا اِقرار کردے ہویاں ،۱۰ سال ،۱۱ سال پہلاں ،ایتھوں تیک پئی ۲۰ سال پہلاں دیاں بھیڑیاں کرتُوتاں لئی توبہ کردے ہویاں مُک جاندے نیں ۔
کیہ اوہناں نُوں سچ مُچ اپنیاں دُعاواں وِچ گھڑی مُڑی توبہ کرنی ایں ؟اوہ ایہہ کیوں کردے نیں۔ اوہ اِنج کرنا نئیں چاہندے ،پرجدوں کدی اوہ دُعا شروع کردے نیں ، اوہ یاد کردے نیں ،اوہ خُدا دے اَگے سزاوار نیں ۔ایس لئی اوہ محسوس کردے نیں پئی دِلوں دُعا کرن توں پہلاں اوہناں نُوں پاپاں لئی لہووگانا ایں ۔
خُدا نے اوہناں دے پاپاں نُوں لوہے دے قلم نال اوہناں دے دِلاں دیاں تختیاں اُتے لکھیا ،ایس طرحاں اوہناں دے پاپ کدی وی مکائے نئیں جا سکدے ۔ نتیجے دے طور تے ،اوہ محسوس کردے نیں پئی اوہناں نُوں اپنے پاپاں دا اِقرار ہرویلے کرنا ایں ،جدوں اوہ خُدا دے اَگے آؤندے نیں ۔ایس لئی اوہ جیہڑے صرف یسوع دی اَدھی مکمل خوشخبری اُتے ایمان رکھدے نیں ، اوہناں نُوں پاپیاں وانگر وچاریاں جیہا رہنا ایں تے دوزخ وِچ مُک جانا ایں ۔
یرمیاہ ۱۷ : ۱  وِچ ایہہ لکھیا ہویا اے ،  ” یہوداہ دا پاپ  لوہے دی قلم تے ہیرے دی چنُج نال لکھیا گیا اے ۔اوہناں دے دِل دی تختی اُتے تے اوہناں دے چڑھاویاں دے سِنگاں اُتے چھاپیا گیا اے ۔“
یہوداہ اِسرائیل دے لوکاں دے شاہی قبیلے داناں ایں ۔ پاک کتاب ساری اِنسانی پیڑھی دی نمائندگی کرن لئی یہوداہ نُوں قائم رکھدی اے ، ایس طرحاں یہوداہ دا مطلب اے ،سارے لوک ۔
یہوداہ دا پاپ  لوہے دی قلم دےنال لکھیا گیا اےتے ہیرے دی چُنج دےنال لکھیا گیا اے جیہڑا لوہے نُوں کٹ سکدا اے ۔ ہیرا جگ وِچ بوہت طاقت والا مادہ اے ۔ لوہے دے قلم دےنال ،ہیرے دی چُنج دےنال ساڈے پاپ  لکھے جاندے نیں ۔
اِک واری اوہ چھاپے جاندے نیں ،اوہ مٹائے نئیں جاسکدے ۔ اوہ مٹائے نئیں جان گے جدوں تیک اَسیں پانی تے رُوح دی سچیائی اُتے ایمان نئیں رکھدے ۔
اوہناں دا سوچاں وِچ آزاد ہونا ،مسیحی خُدا دی تعلیماں اُتے ایمان رکھنا ،خُدا دے عِلم نُوں یاد کرن تے اپنے آپ نُوں کلیسیا لئی بان بنن دا کوئی فائدہ نئیں ہیگا جے پاپ اوہناں دے دِلاں وِچ موجود رہندے نیں ۔
جِویں اوہناں دے پاپ کدی وی یسوع دے بپتسمہ دے اَڈ مکائے نئیں جا سکدے ، پاپی جدوں کدی دُعا کردے نیں ،ایہہ آکھدے ہویاں یادرکھناچالُو رکھدے نیں ، ” یاخُدایا ، میَں اِک پاپ  آں ۔“ اوہ ہُن تیک اپنے دِلاں وِچ پاپ رکھدے نیں ،فیر وی اوہ خُدا دے نال ،کلیسیا وِچ بوہت ساری ذمہ داری اپنے اُتے لیندے ہویاں تے خُدا دے عِلم تے خُدا دی تعلیم نُوں سِکھدے ہویاں یاری رکھن دی بوہتی کوشش کرسکدے نیں ۔
ایس لئی اوہ پہاڑاں اُتے جاندے نیں تے بے فائدہ پرائیاں بولیاں وِچ بولن دی کوشش کردے نیں تے بلدے ہوئے انگاریاں دے سُفنے لبھدے نیں ،پرایہہ سب بے فائدہ اے ۔  جے پاپ   تُہاڈے
دِل وِچ قائم رہندا اے ،تُسیں کدی وی تسلی وِچ نہیں ہوووگے۔
ساڈا پاپ ،جویں یرمیاہ ۱۷ : ۱  وِچ لکھیاہویا اے ،ساڈے چڑھاویاں دے سینگاں اُتے کڈھائی کیتا جاندا اے ۔ اَسمان اُتے ،حیاتی والی کتاب تے کماں والی کتاب موجود اے ۔ پاپیاں دے پاپ کماں والی کتاب وِچ لکھے جاندے نیں تے ایسا طرحاں لوک کدی وی اپنے جُرماں دی اَڑاؤنی توں بچ نئیں سکدے۔ خُدا اوہناں نُوں کماں دی کتاب تے ساڈے دِلاں دی تختیاں اُتے لِکھدااے تے سانُوں ایہہ اپنی شریعت دے وسیلے نال وکھاؤندااے ۔
سانُوں ایہناں لکھائیاں نُوں یسوع دے بپتسمہ تے ساڈے لئی اوہدے وگائے گئے لہو دے راہیں صاف مکاؤنا چاہی دااے تے مکتی یافتہ ہونا چاہی دااے ۔فیر اَسیں ہمیش دی حیاتی لئی تیار ہوواں گے تے ساڈے ناں حیاتی والی کتاب وِچ لکھے جان گے۔
 
 
کیہ تُہاڈا ناں حیاتی والی کتاب وِچ ہیگا اے؟
 
کیہڑے لوکاں دے ناں حیاتی دی کتاب وِچ
لکھے ہوئے نیں ؟
اوہناں لوکاں دے ناں جیہڑے اپنے دِل وِچ کوئی
پاپ نئیں رکھدے اوتھے لکھے ہوئے نیں ۔
 
تُہاڈا ناں حیاتی والی کتاب دی ترتیب وِچ ہونا بوہت ضروری اے ۔جے تُہاڈاناں اوہدے وِچ نہیں لکھیا ہویا،یسوع اُتے ایمان رکھن دا کیہ فائدہ اے؟ سچ مُچ آزاد ہون لئی ،تُہانُوں پانی تے رُوح دے وسیلے نال نویں سِریوں جمن اُتے ایمان رکھنا ایں۔
یسوع ایس جگ وِچ آیا ،جگ دے سارے پاپاں نُوں دھون لئی جدوں اوہ ۳۰ ورہیاں دا سی ، بپتسمہ لیا تے سانوں مکتی دین لئی سُولی اُتے مرگیا ۔ جویں متی ۳ : ۱۵ وِچ لکھیا ہویا اے،یسوع نے ، ”  ایسے طرحاں“ بپتسمہ لیا تے سُولی اُتے مرگیا ۔ سانُوں اپنے ناں حیاتی دی  کتاب  وِچ   لکھوان  لئی  ایہدے  اُتے
ایمان رکھنا ایں۔
جدوں لوک مردے نیں تے خُدا دے اَگے کھڑے ہُندے نیں ،خُدا آکھدااے ، ” ویکھو جے ایس بندے داناں حیاتی والی کتاب وِچ ہیگااے۔“
” ایہہ ہے ، خُداوند۔“
” آہو،تُسیں دُکھڑے جرچُکے اوتے میرے لئی دھرتی اُتےہنجو وگاچُکے او ،ہُن میَں اینوں ایس طرحاں بناواں گا پئی تُہانُوں فیر کدی ایس طرح نئیں کرنا پوے گا۔“
خُدا ایس قِسم دے بندے لئی اَجر دے طور تے راستبازی دا اِک تاج داتحفہ دیندااے ۔
”یاخُداوندا،تیراشکر ہووے۔میَں سداتیک شکرگزار ہاں ۔“
” فرشتے اوس بندے اُتے اِک تاج رکھدےنیں۔“
” یا خُداوندا،ایہہ ضرورت توں بوہتا اے پئی تُوں مینوں مکتی دے چُکیا ایں۔تاج میرےلئی ضرورت توں بوہت زیادہ ہووےگا۔تیرا شکرہووے ۔ میَں بوہت شکرگزار ہاں پئی تُوں مینوں مکتی دِتی ۔
میَں صرف تیرے اَگے جیوندارہن لئی بوہت زیادہ تسلی وِچ آں ۔ “
” فرشتیو،گوڈے ٹیکو تے میرے ایس ۱۰ ہزارویں پُتر نُوں اپنی کنڈ اُتے چُکو۔“
فرشتے جواب دیندے نیں، ” جی ہاں ،جناب۔“
” مہربانی کرکے میری کنڈ اُتے سوار ہو جاؤ۔“
” ایہہ بوہت سکھالی اے۔کیہ میَں ایہہ صحیح کررہیا ہاں؟آؤ اَسیں چلیے۔“
فرشتہ سنبھل کے پیرچُکدا اے ۔
” کیہ تُسیں سیر لئی جانا پسند کروگے؟ “
”واہ،ایتھے بوہت خوبصورتی اے ۔ایہہ تھاں کِنی وڈی اے ؟ “
” میَں ساری تھاں اُتے کئی کروڑ سالاں لئی جارہیا ہاں ،پرمینوں ہُن تیک ایس دا اخیر لبھنا ایں ۔ “
” کیہ ایہہ سچ اے ؟ میَں یقیناً تُہاڈے لئی بھار بن رہیاہاں ۔تُسیں ہُن مینوں تھلے لا سکدے او۔“
” اَسیں ایتھے کدی وی طاقت نال نئیں چلدے۔“
”  تُہاڈا شکریہ پر میَں اَسمان دی بادشاہی دی دھرتی اُتے کھڑاہونا چاہندا ہاں ۔ہُن اوہ سارے راستباز کِتھے نیں جیہڑے میرے توں پہلاں اَپڑے؟ “
” اوہ اوتھے موجود نیں۔“
” آؤ آپاں اوتھے چلیے۔“
ہیلیلویاہ ! اوہ اِک دُوجے نال گلے لگدے تے ہسدے نیں تے بعدوِچ سداتیک خوشی نال رہندے نیں ۔
ہُن خیال کرو،جیہڑا یسوع اُتے ایمان رکھدا اے پر اَجے تیک اِک پاپی اے ،مردااےتے خُدا دے اَگے کھڑا ہُندا اے ۔اوہ وی آکھدا اے پئی اوہ یسوع اُتے ایمان رکھدا اے تے مَن دا اے پئی اوہ اِک پاپی اے ۔
خُداآکھدا اے  ” ویکھو جے ایس بندے دا ناں حیاتی دی کتاب وِچ لکھیا ہویا اے ۔ “
” یا خُداوندا،ایہہ کتاب وِچ نئیں ہیگا۔“
”  فیر کماں دی کتاب وِچ ویکھو۔“
” اوہدا ناں تے اوہدے پاپ ایتھے نیں ۔“
”  فیر ایس بندےنُوں اوس تھاں گھلو جتھے ایہنوں بالن دے مُل دےبارے وِچ  کدی  پریشانی
نئیں ہووے گی تے ایہنوں اوتھے سداتیک رہن دی اجازت دیوو۔“
” ہائے ،یا خُداوندا،ایہہ ناانصافی اے۔۔۔“
اوہ آکھدا اے ایہہ ناانصافی اے ۔ کیوں اوہنوں دوزخ وِچ گھلنا چاہی دا اے ،ایتھوں تیک پئی بھانویں اوہنے بڑے دھوم دھڑکے نال یسوع اُتے ایمان رکھیاسی؟
وجہ ایہہ ہیگی اے پئی اوہنے شیطان کولوں دھوکہ کھاہدا تے اوہنے صرف خوشخبری دے اَدھے سچ نُوں سُنیا ۔جے اَسیں یسوع دی مکتی دےسچے مطلب نُوں جھوٹ سمجھدے آں ،اَسیں وی دوزخ وِچ مر جاواں گے ۔
اوس بندے نیں یسوع اُتے ایمان رکھیا پر اوہنے شیطان توں دھوکہ کھاہدا تے سوچیا پئی اوہ اِک پاپی سی ۔جے اوہ سچی خوشخبری سُن چُکیا سی ، اوہنوں احساس ہویاہووےگا پئی اوہدا ایمان غلط سی ۔ پر اوہ اپنے ذاتی غلط  عقیدے نال اپنی اَنکھ پرستی دےنال نال ہون دی وجہ توں ایمان رکھن وِچ پِچھے رہ گیا ۔
جے تُسیں اَسمان دی بادشاہی وِچ جانا چاہندے او، تُہانُوں بڑے یقین نال پانی تے رُوح دے راہیں نویں سِریوں جمن اُتے ایمان رکھنا چاہی دااے ۔ جویں ایہہ متی ۳ : ۱۵ وِچ لکھیا ہویا اے ،  ” ایسے طرحاں“ یسوع نے جگ دے سارے پاپ چُکے لیے۔ تُہانُوں بڑے یقین نال پانی تے لہو دی مکتی اُتے ایمان رکھنا چاہی دااے ۔
 
کِنا ں دے ناں کماں دی کتاب وِچ لکھے جاندے نیں ؟
اوہناں دے ناں جیہڑے اپنے دِل وِچ پاپ رکھدے
نیں اوتھے لکھے جاندے نیں ۔
 
جے تُسیں کسے شے اُتے ایمان رکھدے او،مثال طور تے اِک چنگی عادت والا بندہ جیہڑاکدی دوجے دی منت توں مُکردانئیں ،تُسیں خورے دوزخ وِچ مرجاوو۔ دوزخ وِچ بوہت سارے چنگی عادت والے لوک موجود نیں ،پر اَسمان اُتے ،سچے جنگی بندے موجود نیں جیہڑے اوہدے لئی لڑے جیہدے اُتے اوہ ایمان رکھدے نیں ۔
اوہ جیہڑے اَسمان اُتے نیں ،اوہناں نے من لیا پئی اوہ پاپی سَن ،جِنہاں دی قِسمت دوزخ وِچ جانا سی ۔تے شکرگزاری نال ایمان رکھیا پئی اوہناں دے پاپ یسوع دے بپتسمہ تے لہو دے راہیں دھوئے گئے سَن ۔
ایہہ آکھیا جاندا اے پئی اَسمان اُتے کناں تے مونہاں دے ٹِلے موجود نیں ۔ کیوں جے بوہت سارے لوک یسوع دی مکتی اُتے صرف اپنے مونہاں یاں کناں دے نال ایمان رکھدے نیں،خُدا اوہناں دے باقی دھڑ گندھک دے بلدے انگاریاں وِچ سُٹ دیندا اے ۔
خیال کرو پئی کوئی جیہڑا یسوع اُتے ایمان رکھدا اے پر اپنے دِل وِچ پاپ رکھدا اے خُدا دے اَگے کھڑ ا ہُندا اے تے آکھدا اے ، ” یا خُداوندا،لوکاں نے مینوں راستباز آکھیا ایس لئی پئی میَں یسوع اُتے ایمان رکھیا، ایتھوں تیک پئی بھانویں میَں اپنے دِل وِچ ہُن تیک پاپ رکھدا ساں ۔میَں ایمان رکھیا پئی تُوں مینون وی بےپاپ وانگر ویکھیں گا ۔ایہہ ہے جیہڑا میَں سکھیا تے میَں کیہ ایمان رکھیا۔میَں صرف ایمان رکھیا ،جویں بوہت سارے لوک کردے نیں ۔ایہہ سب توں بوہتا اوکھیائی نال قبول کیتا جان والا عقیدہ سی ،جِتھوں میَں آیا ہاں ۔ “
خُداوند جواب دیندااے ۔” میَں اوہناں نُوں معاف نئیں کر سکدا جیہڑے اپنے دِلاں وِچ پاپ رکھدے نیں۔ میَں تُہاڈے سارے پاپ پانی تے رُوح دے وسیلے نال نویں سِریوں جمن دی برکت دے نال دھودِتے ۔ پرتُسیں ایہدے اُتے ایمان رکھن توں انکار کیتا۔فرشتیو!ایس گستاخی کرنے والے بندے نُوں دوزخ دے اَنگاریاں وِچ سُٹ دیوو۔“
کوئی وی جیہڑا یسوع اُتے ایمان رکھدا اے ،پر ہُن تیک سوچدا اے ،اوہ اپنے دِل وِچ پاپ رکھدا اے ،دوزخ وِچ مک جاوے گا ۔مکتی دی سچی خوشخبری نُوں سُنو تے سارے پاپ تو آزاد ہو جاوو۔ نئیں تے ،تُسیں دوزخ وِچ سڑوگے ۔
آکھنا پئی تُسیں بےپاپ او،جدوں تُسیں اپنے دِل وِچ پاپ رکھدے او،خُدا نُوں دھوکہ دینا اے۔ اَسیں ویکھ سکدے آں پئی اخیر وِچ پاپیاں تے راستبازاں دے وچکار کِناں فرق ہُندا  اے ۔ تُسیں احسا س کرو گے پئی کیوں میَں تُہاڈی ،تُہاڈے آزاد ہون لئی ترلا منت کیتی ۔
جدوں تُسیں اَسمان تے دوزخ دےاَخیری اٹل فیصلے دے ویلے اُتے کھلووگے ،تُسیں اوہناں دے وِچکار فرق ویکھو گے جیہڑا مکمل مکتی (یسوع دے بپتسمہ تے اوہدی سُولی اُتے موت)اُتے ایمان رکھدے نیں تے اوہ جیہڑے نئیں رکھدے ۔ ایہہ اِک بوہت وڈا فرق بناوے گا ۔ کئی اَسمان دی بادشاہی وِچ داخل ہون گے پر دُوجے دوزخ وِچ جان گے ۔
کیہ تُسیں یسوع اُتے ایمان رکھدے او،پرہُن تیک اِک پاپی ای او؟ فیر تُہانُوں احساس کرنا چاہی دا اے پئی تُہانُوں پانی تے رُوح دے راہیں نویں سِریوں جمنا چاہی دا اے ۔ خُدا اوہناں نُوں جیہڑے اپنے دِلاں وِچ پاپ رکھدے نیں ،دوزخ وِچ گھلدااے ۔صرف اوہ جیہڑے پاپ دی مکمل معافی اُتے ایمان رکھدے نیں ،خُدا کی بادشاہی وِچ جاسکدے نیں۔
ایہنوں ہُنے کرو۔ جے تُسیں ایہنوں ٹالدے او،تے خورے بوہت دیر ہوجاوے ۔پہلاں ای تیاری پھڑ لوو۔ دوزخ وِچ مرن توں پہلا ں ،پانی تے رُوح دی مکتی اُتے ایمان رکھو تے صاف بن جاوو۔
ساڈے خُداوند یسوع دی وڈیائی ہووے!سانُوں پاپیاں نُوں راستباز بناؤن لئی اَسیں اوہدی وڈیائی لئی اوہدا شکر ادا کردے آں ۔ ہیلیلویاہ !
 
 
یسوع : راستباز دا مددکرن والا
 
کیہ ساڈے پاپ توبہ دی دُعا دے
وسیلے مکائے جاسکدےنیں؟
نئیں ۔ایہہ کدی نئیں ہو سکدا ۔ایہہ اوہناں
طریقیاں وِچوں اِک اے ،جنہاں نال شیطان
سانُوں دھوکہ دیندااے ۔
 
آؤاَسیں ۱ ۔ یوحنا ۲ : ۱ ۔۲ پڑھیے ، ” اَے میرے بچیو!ایہہ گلاں میَں تُہانُوں ایس لئی لکھدا ہاں پئی تُسیں پاپ نہ کرو تے جے کوئی پاپ کرے تے پیو دےکول ساڈا اِک مددکرن والا موجود اے یعنی یسوع مسیح راستباز۔تے اوہو ای ساڈے پاپاں دا کفارہ اے تے نہ صرف ساڈے ہی پاپاں دا سگوں سارے جگ دے پاپاں دا وی ۔“
کیہ تُسں ویکھ سکدے او،ایتھے کیہ لکھیا ہویا اے؟ کیہ اوتھے کوئی موجود اے جیہڑا ایمان رکھدا اے پر ہُن تیک اپنے دِل وِچ پاپ رکھدا اے ؟ جے تُسیں اپنے دِل وِچ پاپ رکھدے او ،پر خُدا نُوں دسدے او پئی تُسی نئیں رکھدے ، تُسیں اوہنوں دھوکہ دے رہے اوتے اپنے آپ نُوں وی دھوکہ دے رہے او۔
پرجےتُسیں سچ مُچ یسوع نُوں سمجھدے او تے ایمان رکھدے او ،اوہنے یردن اُتے سارے پاپ دھون لئی کیہ کیتا ،تُسیں سارے دے سارے پاپ تُوں رہا ہو ووگے۔ تے فیر تُسیں آکھ سکدے او،”یا خُداوندا ،میَں تیرے وِچ پانی تے رُوح دے نال نویں سِریوں جمیا ساں ۔ میَں کوئی پاپ نئیں رکھدا۔ میَں تیرے اَگے شرم دے اَڈ کھڑاہوسکداہاں ۔ “
فیر خُداوند جواب دیوے گا ۔ ” آہو،تُسیں ٹھیک  او۔جویں ابرہام نے میرے اُتے ایمان رکھیا تے اپنے آپ دے راستباز ہون اُتے ایمان رکھیا ، تُسیں وی راستباز جے ،کیوں جے میَں تُہاڈے سارے پاپ دھودِتے سَن ۔ “
پر اِک بندے اُتے دھیان کروجیہڑا اپنے دِل وِچ ہُن تیک پاپ رکھدا اے ، ایتھوں تیک  پئی اوہ
یسوع اُتے ایمان رکھدا اے ، وہ آکھدا اے ،  ”  کیوں جے میَں یسوع اُتے ایمان رکھدا ہاں ، میَں اَسمان اُتے جاواں گا ،ایتھوں تیک پئی جے میَں اپنے دِل وِچ تھوڑا بوہت پاپ رکھدا ہاں۔ “
اوہ اَسمان اُتے شامل ہون نُوں ایناں چاؤندا اے پئی اوہ اَڑن دی کوشش کردا اے ۔ جدپئی اِنصاف دے تخت دے اَگے کھڑا ہورہیا اے، پر اوہ فیر دوزخ وِچ مُک جاووے گا۔کیوں؟ اوہنے پانی تے رُوح دی نویں سِریوں جمن دی برکت والی خوشخبری نُوں نہ جانیا۔
ہر کسے نُوں اِقرار کرنا چاہی دا اے پئی اوہ دھرتی اُتے اپنے دِناں دے وِچ اِک پاپی اے ۔ ” میَں اِک پاپی آں ۔میَں دوزخ وِچ جاواں گا ۔ مہربانی نال مینوں بچا ۔ “ اِک پاپی توبہ دی دُعاواں نال رہا نئیں کیتا جاندا سگوں اوہنوں مننا ایں پئی اوہ اِک پاپی اے تے رہا ہون لئی پانی تے رُوح دی مکتی نُوں قبول کردا اے ۔ اوہ صِرف پانی تے رُوح دی مکتی دے راہیں راستباز بن سکدا اے ۔
ایہہ زور دینا جھوٹی خوشخبری اے پئی یسوع وِچ صرف نسلی پاپ معاف کیتا جاندا اے تے سانُوں مکتی پاؤن لئی ساڈے اصل پاپاں تو ں توبہ کرنی چاہی دی اے ۔ ایہہ سانُوں سِدھا دوزخ لے جاندا اے  ۔ بوہت سارے ایماندار ایس جھوٹی خوشخبری اُتے ایمان رکھنے دے راہیں اپنے آپ نُوں دوزخ دا لیکھ بناؤندے نیں تے ایہہ جھکاؤ ایناں دِناں وِچ  ایتھوں تیک پئی بوہتا رواج کرگیا اے ۔
کیہ تُسیں ایہنوں جانوگے جے تُسیں جھوٹی منادی وِچ ڈِگ پئے سو؟ کیہ تُسیں ہُن تیک اِک قرضدار ہو سکدے او ،ایتھوں تیک پئی اپنے سارے قرضے اُتاردین دے بعد وی ؟ایہدے بارے وِچ سوچو۔ جے تُسیں اپنے آپ نُوں ہُن تیک پاپی سمجھدے او ،جد پئی یسوع اُتے ایمان رکھدے او ، کیہ ایہہ آکھیا جاسکدا اے پئی تُسیں اوہدے اُتے چنگی طرحاں ایمان رکھدے او؟ کیہ تُسیں اِک ایماندار تے پاپی او
، یاں کیہ تُسیں اِک ایماندار تے اِک راستباز آدمی جے؟
تُسیں اپنے آپ لئی چُن سکدے او۔ کیہ تُسیں ایمان رکھ سکدے او پئی تُہاڈے سارے پاپ بخشے گئے نیں یاں تُسیں ایمان رکھ سکدے او پئی تُہانُوں تُہاڈی تقصیر اں لئی ہر دیہاڑے توبہ کرنی چاہی دی اے ۔تُہاڈی چناؤتی پکیا ں کرے گی ،کیہ تُسیں اَسمان اُتے یا دوزخ وِچ جاندے او ۔ تُہانُوں مناد اُتے دھیان دینا چاہی دا اے جیہڑا تُہانُوں منادی کردا اے ۔
اوہ جیہڑے جھوٹی منادی اُتے ایمان رکھدے نیں ہُن تیک ہر صبح سویرے دی عبادت ،ہر بُدھ دی عبادت ،اِک حکم اُتے ہر جمعے دی ساری رات دی عبادت وِچ اپنے پاپاں نُوں دھونے لئی پاپاں دی معافی لئی دُعا کردے نیں ۔
” یا خُداوندا، میَں پاپ کر چُکیا ہاں ۔ اوہ آکھدے نیں ، میَں ایس ہفتے پاپ کیتا۔“ فیر اوہ ورہیاں پہلاں دے پاپاں نُوں یاد کردے نیں تے فیر اپنی معافی لئی دُعا منگدے نیں۔ ایہہ پانی تے رُوح دے راہیں نویں سِریوں جمن دی برکت والی منادی دی نافرمانی کرنا ایں ۔
ساڈے پاپاں دے مُل نُوں یقیناً لہو دے نال تاریا جانا چاہی دا اے ۔ عبرانیوں ۹ : ۲۲آکھدا اے ، ” لہووگائیوں اَڈ معافی نئیں ہُندی ۔“ جے تُسیں سوچدے او پئی تُسیں پاپ رکھدے او، فیر کیہ تُسیں اپنے لئی اوہنوں اوہدا لہو وگاؤن لئی دوبارہ آکھ رہے او؟ اوہ جیہڑے مکمل مکتی اُتے ایمان نئیں رکھدے ،یسوع دی مکتی نوں اِک جھوٹ وِچ بدلن دی غلطی کردے نیں۔ اوہ اصل وِچ زور دے رہے نیں پئی یسوع نے سانوں اِکو ای واری تے سدا لئی رہا نئیں کیتا تے پئی اوہ اِک جھوٹا اے ۔
یسوع وِچ چھڈائےجان لئی ،تُہانُوں پانی تے رُوح دی مکتی دے سچ اُتے ایمان رکھنا ایں۔ کیہ تُسیں سچی مُچی پاپاں لئی سینکڑے،ہزاراں ،کروڑاں دُعاواں دے راہیں معاف ہو سکدے او؟ سچی منادی سانُوں اِکو ای واری تے سدا لئی رہا کردی اے ۔ راستباز بنو۔اَسمان دی بادشاہی وِچ جاؤ تے سدا لئی اِک راستباز دی حیاتی مانو۔
میَں یسوع وِچ اِک نویں حیاتی جیوندا ہاں ۔ ماضی ختم ہوگیا تے میَں اِک نویں مخلوق بن چُکیا ہاں ۔ نکما ماضی ختم ہوگیا اے ۔ آہو ، یسوع میری اصل حیاتی اے ۔میَں یسوع وِچ اِک نویں حیاتی جیوندا ہاں۔
تُسیں یسوع وِچ اِک نویں حیاتی جیوندے او۔ایہدے علاوہ کیہ تُسیں اینے سوہنے  نظر نئیں آؤندے جنے تُسیں ہو سکدے او ۔ کیہ تُسیں بوہت چھوٹے او ،یاں کُجھ وِچکاروں آل دوالیوں بوہت موٹے او ۔ اوہ جیہڑے پانی تے رُوح دی نویں سِریوں جمن دی منادی دے نال برکت پا چُکے نیں اِک خوش حیاتی مان دے نیں ۔ایہدا کیہ مطلب رکھدااے پئی تُہاڈی نک دی شکل چنگی نئیں ہیگی ،یاں تُسیں کُجھ گِٹھے او ؟ ایس لئی پئی اَسیں کامل نئیں ہیگے ،اَسیں یسوع وِچ پانی تے رُوح دے راہیں  نویں سِریوں جمن اُتے ایمان رکھن وسیلے نال مکتی یافتہ ہُندے آں ۔ پر اوہ جیہڑے دھوکہ کھاندے نیں دوزخ وِچ مُک جان گے ۔
یا خُداوندا ،تیرا شکر ہووے ۔میَں سدا خُداوند دا شکر اداکردا ہاں ۔کیوں جے اَسیں پانی تے رُوح دےراہیں نویں سِریوں جمن اُتے ایمان رکھدے ہاں ، سانُوں اَسمان اُتے جی آیا ں نُوں وی آکھیا جاوےگا ۔
 
 
جھُوٹ سانُوں دوزخ وَل لے جاندا اے
 
اخیر وِچ کیہڑا راستبازی دا تاج پاوےگا؟
اوہ جیہڑا جھُوٹ اُتے ویہر جاندا اے
 
جھُوٹ سانُوں دسدا اے پئی سانُوں معافی پاؤن لئی ہر دیہاڑے توبہ کرنی ایں ، پر پانی تے رُوح دی منادی دسدی اے پئی اَسیں پہلاں ای مکمل طورتے معاف کیتے گئےآں تے سانُوں جوسب کُجھ کرنا ایں ،ایہدے اُتے ایمان رکھنا ایں  ۔
کیہڑا سچ اے؟ کیہ سانُوں ہردیہاڑے توبہ کرنی ایں ؟ کیہ ایہہ ایمان رکھنا ٹھیک اے پئی یسوع نے سانُوں رہا کیتا جدوں اوہنے ساڈے لئی سارے پاپاں نُوں چُکن لئی بوہت چنگے طریقے نال بپتسمہ لیا ؟سچ ایہہ ہے پئی یسوع نے اِکو ای واری تے سدا لئی ساڈے پاپ چُک لئے تے ایس بوہت چنگے طریقے نال سانُوں مکتی پیش کیتی ۔
سانُوں رُوحانی جنگ وِچ جھُوٹ دی کنڈ لاؤنی ایں ۔ بوہت سارے لوک جھوٹ دے پِچھے ٹُردے نیں ۔ ” تے پرگمن دی کلیسیا دے فرشتے نُوں ایہہ لکھ پئی جیہد ے کول دودھاری تلوار اے اوہ فرماؤندااے پئی  ۔میَں ایہہ تے جان دا ہاں پئی تُوں شیطان دی تخت گاہ وِچ آرام کردا ایں تے میرے ناں اُتے قائم رہندا ایں تے جیہڑیاں دِناں وِچ میرا وفادار شہیدانتپاس تُہاڈے وِچوں اوس تھاں اُتے قتل ہُویا سی جتھے شیطان رہندا اے ،اوہناں دِناں وِچ وی تُوں میرے اُتے ایمان رکھن توں مُنکر نہیں ہویا ۔“ (مکاشفہ ۲ : ۱۲ ۔۱۳)۔
” جیہدے کَن ہون اوہ سُنے پئی رُوح کلیسیاواں نُوں کیہ فرماؤندا اے ۔جیہڑا فتح پائے میَں اوہنوں لکُے ہوئے مَن وِچوں دیواں گا تے اِک چِٹا پتھردیواں گا ۔اوس پتھر اُتے اِک نواں ناں لکھیاہویاہووے گا جنہوں اوہدے پاؤن والے توں اَڈ کوئی نہ جانےگا ۔ “ (مکاشفہ ۲ : ۱۷)۔
جتھے گِنتیوں اَڈ بدرُوحاں رہندیاں نیں تے جھوٹ ،سچ بنن لئی بہانہ کردے ہویاں کھڑاہُندا اے ، شیطان ظاہر ہُندا اے جویں پئی اوہ اِک نورانی فرشتہ سی ۔ خُدا کسے دی مدد نئیں کر سکدا جیہڑا پانی تے رُوح دی مکتی دے سچ نُوں تے سُن دا تے جان دا اے ،پر ایہدے اُتے ایمان نئیں رکھدا ۔ایہو جیہا بندہ  یقیناً دوزخ
وِچ مُک جاوے گا ۔
ہر کسے نُوں اپنے لئی فیصلہ کرنا ایں یسوع دی مکتی اُتے ایمان رکھنا ایں۔ کوئی تُہاڈے اَگے گوڈے نئیں ٹیکدا ،تُہاڈے کولوں بھیک منگدیاں ہویاں پئی ایمان رکھوتے مکتی پاجاوو۔
جے تُسیں پاپ توں مکتی یافتہ ہونا چاہندے او، فیر پانی تے رُوح دی مکتی اُتے ایمان رکھو۔جے تُسیں مکتی وِچ اوہدی محبت لئی شکرگزاری تے ساڈے بچان وِچ اوہدا فضل محسوس کردے او،  فیر اوہدے اُتے ایمان رکھو۔جے تُسیں دوزخ جان دا لیکھ رکھن والے اِک پاپی او، فیر پانی تے رُوح اُتے ایمان رکھو،یعنی یسوع دے بپتسمہ تے اوہدے سُولی والے لہُو اُتے ۔
جے تُسیں سوچدے او پئی تُسیں اِک پاپی نئیں جے ، تُہانُوں یسوع اُتے رکھن دے راہیں رہائی پاؤن دی لوڑ نئیں ہیگی۔ صرف پاپی ای پانی تے رُوح دی نویں سِریوں جمن دی منادی اُتے ایمان رکھن دے راہیں سارے پاپاں توں رہا کیتے جا سکدے نیں ۔ یسوع پاپیاں دا مکتی داتا تے دُکھاں دے ماریاں نُوں تسلی دین والا اے ۔ اوہ پیدا کرن والا اے ، اوہ محبت دا مالک اے۔
میَں تُہانُوں پورے دِل نال پانی تے رُوح دی  خوشخبری اُتےنویں سِریوں جمن دی منادی اُتے ایمان رکھن لئی زور دیندا ہاں ۔ایہدے اُتے ایمان رکھو۔ تُسیں بھروسہ رکھ سکدے او پئی یسوع تُہاڈا مکتی داتا ، یار ،چارُو،تے خُدا ہووےگا ۔پاپیاں نُوں یسوع اُتے ایمان رکھنا چاہی دا اے ۔ جے تُسیں دوزخ وِچ مرنا نئیں چاہندے ،تُہانُوں بڑی آس رکھدے  ہویاں اوہدے اُتے ایمان رکھنا چاہی دا اے ۔خُدا ساڈے توں مکتی دی منادی اُتے ایمان رکھن لئی بھیک نئیں منگدا۔
کیہ تُسیں اَسمان اُتے قبول کیتے جانا چاہندے او؟ فیر پانی تے رُوح دی نویں سِریوں جمن دی  منادی
اُتے ایمان رکھو ۔یسوع آکھدا اے ، ” رستہ ،سچ تے حیاتی میَں ہاں ۔ میرے اُتے ایمان رکھو۔“  کیہ آکھدے او پئی تُہانُوں دوزخ وِچ سُٹ دِتا جانا چاہی دااے ؟فیر ایمان نہ رکھو۔اوہ آکھدا اے پئی اوہ پہلاں ای تُہاڈے لئی دوزخ وِچ اِک تھاں تیار کرچُکیا اے ۔
خُدا بھیک نئیں منگدا ۔ اِک بپاری بولی وِچ انھے واہ اپنامال ویچن لئی لوکاں نُوں جی آیاں نُوں آکھدا اے ،پر خُدا اسمان دی بادشاہی صرف اوہناں نُوں بغیر مُل دے دیندا اے جیہڑے چھڈائے ہوئے نیں ۔ خُدا انصاف کرن والا اے ۔
لوک آکھدے نیں پئی جگ دا اخیر نیڑے ہے، آہو ، میَں وی اِنج ای سوچدا ہاں ۔تے پانی تے رُوح دی نویں سِریوں جمن دی منادی اُتے ایمان نہ رکھنا عقل دا گھاٹا اے۔
پانی تے رُوح دی نویں سِریوں جمن دی برکت بھری منادی دی مکتی اُتے ایمان رکھو ۔ آؤ اَسیں رَل کے اَسمان دی بادشاہی وِچ جائیے ۔ کیہ تُسیں میرے نال یسوع دے رہن دی تھاں اُتے نئیں جاووگے؟
 
کیہ تُسیں اِک پاپی یاں اِک رب دے بندے او؟
رب دا بندہ اوہ اے جیہڑا اپنے دِل وِچ کوئی پاپ نئیں رکھدا ۔
 
آؤ اَسیں رومیوں ۸ : ۱ ۔۲  توں پڑھیے۔ ” ایس لئی ہُن جیہڑے مسیح یسوع وِچ نیں اوہناں اُتے سزا دا حکم نئیں۔کیوں جے حیاتی دے رُوح دی شریعت نے مسیح یسوع وِچ مینوں پاپ تے موت دی شریعت تو مکت کردِتا۔“
یسوع نے اپنے بپتسمہ تے سُولی اُتے اپنی موت دے راہیں ساڈے سارے پاپاں نُوں چُک لیا ۔ اوہنے اوہناں سارے پاپیاں نُوں مکتی دِتی ،جنہاں نُوں اوہناں دے پاپاں دی سزا ملنی سی ۔
خُدا دی مکتی دو شیواں دے وِچ  مِلدی اے۔اِک شریعت تے دوجی اوہدی محبت اے ۔ شریعت سانُوں سکھاؤندی اے پئی اَسیں پاپی آں ۔ شریعت دے مطابق ،پاپ دی دیہاڑی موت اے ۔ اَسیں شریعت دے راہیں مکتی یافتہ نئیں ہو سکدے ۔ ایہہ صرف سانُوں ساڈی پاپی عادت تے لیکھ بارے سکھاؤندی اے ۔ ایہہ سانُوں جانن دی اجازت دیندی اے پئی اَسیں پاپی آں ۔
پاپ دی دیہاڑی دامُل تارن لئی ،یسوع ایس جگ وِچ آیا ،ساڈے سارے پاپ چُک لئے تے سانُوں سزا توں بچان لئی اپنی حیاتی دے نال اوہناں دا مُل تاریا ۔ایہہ خُدا دی محبت اے ،جنہیں سانُوں سارے پاپ توں مکتی دِتی ۔
سانُوں یقیناًجھوٹ اُتے فتح پاؤنی چاہی دا اے ۔خُدا اوہناں نُوں پانی تے رُوح نال نویں سِریوں جمن دی برکت دیندا اے جیہڑے جھوٹ اُتے فتح پاؤندے نیں۔
اَسیں یسوع اُتے ایمان رکھن دے راہیں مکتی یافتہ ہوئے آں ۔اوہدیاں گلاں اُتے ایمان رکھن دے راہیں ، اَسیں راستبازی حاصل کردے آں تے سچ نُوں سمجھدے آں ۔اپنے دِلا ں وِچ پانی تے رُوح دی نویں سِریوں جمن دے سچ اُتے ایمان رکھیے تے اپنی مکتی پائیے۔