説教集

مضمون 10: مُکاشفہ(مُکاشفہ دی کتاب اُتے تفسیر)

[2-5باب] (مُکاشفہ ۲: ۸- ۱۱) پاپ توں کیہڑابچایاگیااے؟

)مُکاشفہ ۲: ۸- ۱۱(
 
ایہہ عبارت ایشیاکوچک وچ سمُرنا دی کلیسیا نوں خُداوند دا خط اے ، ایہہ کلیسیا جیہڑی پیسے دھیلے ولوں غریب سی ، پر ایہدے ہوندیاں رُوحانی طور اُتے ایمان ولوں مالامال سی ۔ ایہدے پاک لوکاں تے خُدا دے خاد م نے یہودیاں ولوں ستائے جان دے باوجود اپنے ایمان دی راکھی کیتی ،تے ایتھوں تیک پئی موت والے دُکھاں وچ وی ، اوہناں نیں خُداوند تے اوہدی پانی تے رُوح دی خوشخبری توں انکار نئیں کیتا ۔ خُدا دے کلام اُتے ایمان رکھ کے اوہ لڑے تے جِت گئے ۔
خُداوند نے سمُرنا دی کلیسیا دے پاک لوکاں نوں دسیا پئی اوہ آؤن والیاں دُکھاں توں نہ ڈرن ، سگوں موت تیکر وفادار رہن ،مطلب اےاوہناں نال حیاتی دے تاج دا وعدہ کردے ہوئیاں۔
خُدا نے اپنے لوکاں نوں اوہناں دے جھوٹیاں عقیدیاں نال لڑن تے اوہناں اُتے فتح پاؤن لئی آکھیا جیہڑے اپنے آپ نوں نبی آکھدے نیں ۔ سانوں ایہہ پتہ ہونا چاہی دا اے پئی ساڈے سارے پاپاں توں مکتی پاؤن لئی کویں دے ایمان دی لوڑ اے۔ سانوں ایہہ جاننا چاہی دا اے پئی پانی تے رُوح دی خوشخبری ای اصل خوشخبری اے ، تے ایسے ایمان نال سانوں ایہناں جھوٹیاں عقیدیاں تے جھوٹیاں دے خلاف لڑنا تے اوہناں اُتے فتح پاؤنی ہووے گی جیہڑے اج دے مسیحی لوکاں نوں دُکھی کردے پئے نیں ۔ جدوں سارےجگ نےشیطان ہتھوں دھوکہ کھاہدا سی تاں ، خُدا نے ساڈے خُداوند نوں پانی تے رُوح دی خوشخبری نوں پورا کرن لئی گھلیا ۔ اوہنے اوہناں ساریاں نوں وی جیہڑے ایہدے اُتے ایمان رکھدے نیں اوہناں نوں اوہناں دے سارے پاپاں توں بچایا ۔ سانوں ایس سچیائی نوں جانناتے ایہدے اُتے ایمان رکھنا چاہی دا اے ۔
 اوہ کیہڑے لو ک نیں جیہڑے خُدا دے اگے اپنے سارے پاپاں توں مکتی پاچُکے نیں ؟ اوہ تگڑے پِنڈے یاں پکے حوصلے والے لوک نئیں ہیگے ، سگو ں اوہ لوک نیں جیہڑے صرف پانی تے رُوح دی خوشخبری اُتے ایمان رکھ کے اپنے سارے پاپاں توں مکتی پا چُکے نیں ۔ ایہہ اوہ لوک نیں جیہڑے پانی تے رُوح دی خوشخبری نوں جان دے تے ایہدے اُتے ایمان رکھدے ہویاں جھوٹیاں عقیدیاں تے جھوٹ نال لڑے تے فتح پائی اے۔ جیہڑے لوک ایس خوشخبری اُتے ایمان رکھدے نیں تے جھوٹے عقیدیاں اُتے فتح پاؤندے نیں ، خُدا اوہناں نوں دوجی موت توں بچن دی برکت دیوے گا ۔
 
 
 خُدا دی مکتی فتح پاؤن والیاں نوں دتی گئی اے
 
جویں پئی مُکاشفہ دا کلام سانوں دسدا اے ، جیہڑا جتے اوہنوں دُوجی مَوت توں نُقصان نا پہنچے گا۔ صرف جِتن والیاں نوں خُدا اک نویں زِندگی تے اپنی نویں بادشاہی دیوے گا ۔ جویں پئی ساڈے دو کن نیں ، اسیں دو وکھ وکھ کہانیاں سُن دے آں مطلب اے ،اسیں اکو ویلے سچ تے جھوٹ دونواں نوں سُن دے آں ۔ خُدا دے کلام تے شیطان دے کلام وچکار ساڈے لیکھ دا پک ایس گل نال ہوندا اے پئی اسیں کیہدے کلام نوں من لیندے آں تے کیہدے کلام نوں ردّ کردے آں ۔
ایہو ای سبب ہیگا اے پئی سانوں ساریاں نوں پانی تے رُوح دی خوشخبری اُتے ایمان رکھنا چاہی دااے ، تے ، ایس سچیائی دے کلام تے ایہدے اُتے اپنے ایمان نال ، جھوٹیاں تعلیماں دا مقابلہ کرنا تے اوہناں اُتے فتح پاؤنی چاہی دی اے ۔ ایس لئی پئی ایس جگ وچ ہر بندہ پاپ دےبھار ہیٹھاں دُکھ جردا پیا اے ، سانوں پڑھنا تے پانی تے رُوح دی خوشخبری نوں لبھنا چاہی دا اے جیہڑی سانوں ساڈے پاپاں توں پوری طرحاں مکتی دے سکدی اے ۔ پر بوہت سارےایہو جیہے وی نیں جیہڑے اوس جھوٹ دے سبب جیہڑا اوہ جھوٹے اُستاداں کولوں پہلوں ای سُن چُکے نیں سچیائی نوں قبول نئیں کر سکدے ۔ ایہناں جھوٹیاں نبیاں دےراہیں منادی کیتی گئی خیالی مکتی ایس دعوے اُتے بھروسہ کردی اے پئی جے تُسیں پاپ نئیں کردے تاں تہانوں برکت ملے گی ۔
پر اسیں ، اپنے اندر ، پاپ دے لیکھ رکھدے آں ؛ پاپ کرنا ساڈی لوڑی دی عادت اے ، تے ایس طرحاں اسیں صرف ایس جگ دے پاپاں وچ پھسے رہ سکدے آں ۔ جے پاپیاں دے دلاں نوں ایس طرحاں جھوٹیاں نبیاں دےراہیں جگ دے پاپاں وچ پھسایا جاندا اے تاں، اوہ کویں کدی خُدا اُتے یقین کرن گے تے اپنے پاپاں توں مکتی پاسکدے نیں؟ اوہناں نوں خُدادی کلیسیا ول واپس پرتنا چاہی دا اے ، پانی تے رُوح دی خوشخبری دا کلام سُننا چاہی دا اے ،تے اپنے پاپاں توں معافی دے راہیں اپنے دلاں نوں صاف کرنا چاہی دا اے ۔ ایس جگ وچ بوہت سارےلوک خُدا دی کھری کلیسیا نوں لبھدے نیں تے اپنی مکتی لئی ترس دے پئے نیں ، پر اوہناں وچوں بوہتے ایہنوں لبھن وچ ناکام رہندے نیں تے ایہدی تھاں اُتے شریعت دی کلیسیا وچ ای مُک جاندے نیں تے ایہو ای سبب ہیگا اے پئی اوہ دوزخ دے حقدار نیں ۔
 فیر ، خُدادی کلیسیا کویں دی کلیسیا اے ، جیہدی پاپیاں نوں سچ مُچ لوڑی ہیگی اے ؟ خُدادی کلیسیا جیہدی ہر پاپی نو ں لوڑ ہیگی اے اوہو ای اے جیہڑی پانی تے رُوح دی خوشخبری دی منادی کردی اے ۔ بائبل وچ خُدا دی کلیسیا دے بارے وچ گل کیتی اے جیہڑی یسوع دے بپتسمے تے سولی اُتے اوہدے لہو دی منادی کردی اے ۔ خُدادی کھری کلیسیابالکل ٹھیک تے کھول کے ایہہ سکھاؤندی اے پئی یسوع نے جگ سارے پاپاں نوں کویں اپنے اُتے چُک لیا تے اوہنے اوہناں نوں کویں مکا دتا ، ایہہ سارےپانی تے رُوح دی خوشخبری وچ نیں ۔ ہر پاپی نوں جیہڑا اپنے پاپاں توں مکتی پا چُکیا اے اوہ ایمان دے راہیں اِنج ای کردا اے جیہڑا خُدادی کلیسیا دے راہیں پانی تے رُوح دی خوشخبری سُن کے آیا اے ۔
فیر وی ایس لئی پئی بوہت سارے مسیحی پانی تے رُوح دی خوشخبری دے بارے وچ نہ تاں سُن چُکے نیں تے نہ ای اوہدے نال اوہناں دا تعلق اے ، اوہ اپنے سارے پاپاں توں مکتی پاؤن دے لائق نئیں ہوسکے ۔ پر خُدا سانوں دسدا اے پئی اوہ اوہناں لوکاں نوں پاپ توں مکتی دیوے گا جیہڑے پانی تے رُوح دی خوشخبری اُتے ایمان رکھدے نیں تے جیہڑے جھوٹیاں خوشخبریاں دے خلاف لڑدے تے اوہناں اُتے فتح پاؤندےنیں ۔ خُدا نے ساڈے نال وعدہ کیتا اے پئی اوہ جیہڑے فتح پاؤن گے اوہناں نوں دوجی موت توں دُکھ نئیں ملن گے ۔
پاپ توں اصلی مکتی صرف اوہناں لوکاں نوں دتی گئی اے جیہڑے جھوٹے استاداں دے خلاف کھلوندے تے اوہنا ں اُتے فتح پاؤندے نیں ۔ ایس لئی پئی اسیں پاپیاں وانگر جمے آں ، جے اسیں غلط تعلیماں اُتے فتح نئیں پا سکدے تاں اسیں ، شیطان دے قیدی بن کے مُک جاواں گے ،مطلب اے پاپ دے عادی تے اخیریں دوزخ دے حقدار ہوواں گے ۔ ایہو وی سبب ہیگا اے پئی خُدا نے سانوں ساڈی مکتی دی رُوحانی جنگ وچ ویریاں اُتے فتح پاؤن لئی آکھیا اے ۔
آکھیا جاندا اے پئی کجھ پسُو جویں شیر یاں چیتے ، جان پچھان کے اپنے نیانیاں نوں اک پہاڑی توں
ہیٹھاں دھکا ما رکےاوہناں نوں اپنے آپ اُتاں چڑھن دا ول سکھاؤندے نیں ۔ صرف اوہو ای بچے جیہڑے پہاڑی ول واپس اُتے آؤندے نیں قدر پاؤن گے ۔ ایسے طرحاں ، خُدا نے سانوں پانی تے رُوح دی خوشخبری دتی اے ، تے صرف اوہناں لوکاں نوں جیہڑے ایس خوشخبری راہیں جھوٹیاں تعلیماں نال لڑدے تے اوہناں اُتے فتح پاؤندے نیں خُدا اوہناں لئی اسمان نوں کھولے گا ۔
سانوں مکتی ساڈے اپنےلہو تے ماس نال نئیں ملدی ۔ اسیں صرف پانی تے رُوح دی خوشخبری اُتے ایمان رکھ کے ای پاپ توں مکتی پاسکدے آں ۔ اصلی مکتی یسوع دے بپتسمے تے اوہدے صلیبی لہو اُتے ایمان رکھن نال ملدی اے ۔ جدوں ساڈے دل بپتسمے تے خُدا دے پُتر دے لہو وگاؤن اُتے ایمان رکھدے نیں جنہے جگ دے پاپاں نوں مکایا اے ، تاں اسیں اپنے سارے پاپاں توں چھڈائے جاواں گے تے اپنی ڈاہڈی بربادی توں مکتی پاواں گے ۔ جیہڑا وی اسمان وچ جاند ا اے اوہ پانی تے رُوح دی خوشخبری اُتے ایمان رکھ کے اِنج کردا اے ، تے جیہڑا وی دوزخ وچ برباد ہوندااے اوہ ایس خوشخبری اُتے ایمان نہ رکھ کے اِنج کردا اے ۔ایہو ای سبب ہیگا اے پئی سانوں ساریاں نوں پانی تے رُوح دی خوشخبری اُتے ایمان رکھنا چاہی دا اے تے جھوٹیاں خوشخبریاں نوں ردّ کرنا چاہی دا اے ۔
جھوٹیاں تعلیماں تے جھوٹ نوں ودھاؤندے ہوئیاں ، شیطان پانی تے رُوح دی خوشخبری اُتے ایمان رکھ کے لوکاں نوں مکتی پاؤن توں روکن دی کوشش کردا اے ۔ فیر ایہہ کیہڑیا ں جھوٹیاں تعلیماں نیں ؟ جھوٹیاں خوشخبریاں اوہ نیں جیہڑیاں ایہہ سکھاؤندیاں نیں پئی یسوع نے جگ دے سارے پاپاں نوں اپنے بپتسمے نال نئیں چُکیا ۔ اوہ ایہہ سکھاؤندے نیں جد پئی یسوع نے ساڈا مڈھلا پاپ چُکا لیا ، تاں ساڈے ہر دیہاڑے دے پاپاں نوں ساڈیاں توبہ دیاں ہر دیہاڑے دیاں دعاواں نال مکاؤنا چاہی دا اے ۔ خورے ایہناں تعلیماں دا دینی مثالا ں وچ کوئی مطلب ہووے ، پر ایہناں نوں جدوں پانی تے رُوح دی اصل خوشخبری وچوں ویکھیا جاوے تاں ایہہ بالکل غلط نیں ۔
پانی تے رُوح دی خوشخبری اُتے ایمان رکھن نال ہر کسے نوں مکتی ملدی اے ؛ جھوٹیاں خوشخبریاں سانوں کدی وی پاپ توں مکتی نئیں دین گئیاں ۔ ایس لئی سانوں ایہناں جھوٹیاں تعلیماں نال لڑنا تے ایہناں اُتے فتح پاؤنی ہووے گی ۔ شیطان دے خلاف لڑن دا مطلب اے جھوٹ دے خلاف کھلونا ۔ سانوں لازمی ایہہ فیصلہ کرنا چاہی دا اے پئی کیہ اسیں پانی تے رُوح دی خوشخبری اُتے بھروسہ کراں گے یاں جھوٹیاں خوشخبریاں اُتے ، تے اپنا فیصلہ کرن دے بعدوں، سانوں دوجے دے خلاف لڑنا پوے گا ۔ ایتھو ں تیکر پئی جیہڑےلوک پانی تے رُوح دی خوشخبری اُتے ایمان رکھدے نیں اوہ شیطان اُتے فتح نئیں پا سکدے جے اوہناں دا ایمان صرف کوسارہندا اے ۔
بوہت سارے لوک جیہڑے بچائے گئے نیں اوہ پہلوں خُدا دے کلام تے شیطان دےکلام وچکار بحث کردے سن ۔ اوہناں دے پاپاں نوں صرف اوس ویلے ای معاف کیتا گیا سی جدوں اوہناں نیں پانی تے رُوح دی خوش خبری اُتے ایمان رکھن دا فیصلہ کیتا ۔ ہر کوئی جنہے مکتی پائی اے ، جگ دے بناؤن توں پہلوں توں لَے کے ہُن تیک ، اوہ اک ہیگا جیہڑا جھوٹیاں خوشخبریاں نال لڑیا تے اوہناں اُتے فتح پائی ۔ سانوں ساریا ں نوں لازمی پانی تے رُوح دی خوشخبری نوں لبھنا چاہی دا اے ، جھوٹیاں خوشخبریاں نوں رد ّکرنا چاہی دا اے ، تے ایمان دے راہیں اپنے سارے پاپاں توں مکتی پاؤنی چاہی دی اے ۔
 
 
جھوٹیاں خوشخبریاں کیہ نیں ؟
 
آؤ فرض کرئیے پئی ،وضاحت کرن لئی ، اک ایہو جیہاپِنڈ اے جتھے ایہدے وچ رہن والے ہر بندے دی صرف اکو ای اکھ ہوندی اے ، تے ایہہ پئی ایس پِنڈ وچ دو اکھاں والا اک پروہنا ملن لئی آؤندا اے ۔ پِنڈ دے لوک ایس دو اکھاں والے پروہنے نوں ”اوّلا “،”نقص والا “، ”بوہت وکھرا“، یاں خورے ”بدعتی “آکھ کے سدن گے ۔ کیہ سبب اے اوہ پروہنے دی عدالت بدعتی وانگر کردے نیں ایس لئی پئی اوہ اوہناں توں وکھ اے، جیہڑے ، ایس معاملے وچ ،گنتی وچ بوہتے نیں ۔ ایسے طرحاں ، ایس جگ وچ اک وکھریواں ہیگا اے جتھے، ”گنتی وچ بوہتے ہون والے لوک راج کردے نیں۔ “ یاں ، ایہنوں وکھ طریقے نال دسدیاں ہویاں ، جتھے ، ” گنتی وچ بوہتے ہون والے لوک سچے سمجھے جاندے نیں۔ “پر سانوں ایہہ سمجھنا چاہی دا اے پئی عدالت تے نتیجے کڈھن لئی ایس طرحاں دیاں برابریاں بالکل غلط نیں ۔
ہمیش دے جگ وچ ، سچیائی دا فیصلہ بوہتے لوکاں دے ہون اُتے نئیں ہوندا ، سگوں آزاد ، خاص برابریاں اُتے ہوندااے ۔فیر ، ایہہ سچیائی کتھوں لبھ سکدی اے ؟ ایہہ پاپاں دی مکتی تے بربادی توں اوہناں دے چھڈاؤن وچ مل سکدی اے ۔ اوہ سارے جیہڑے راستباز بنے نیں اوہ اپنے پاپاں توں مکتی یافتہ ہو کے اِنج دے بن دے نیں اوہناں دے اپنے کناں توں ، پانی تے رُوح دی خوشخبری دی سچیائی
نوں سنن دے بعدوں ، تے ایس خوشخبری اُتے سچے دلوں ایمان لیائے نیں ۔
پر ایس لئی پئی لمے چِر توں بوہت سارےلوک جھوٹی خوشخبری وچ پھس گئے نیں ، جدوں اوہناں دے اگے اصل سچیائی ظاہر ہوندی اے ، تاں اوہ اوہنوں اوّلی ، ایتھوں تیک پئی بدعت وی آکھدے نیں ، تے ایہنوں ردّ کردیندے نیں ۔ پر پانی تے رُوح دی خوشخبری جنہاں اوہناں نیں رد ّکیتا اوہ سچیائی دی خوشخبری اے جیہدے اُتے آپ رسولاں نیں ایمان رکھیا ، ظاہر کیتا ، تے ایہدی منادی کیتی سی ، اسیں ہر طریقے نال رسولاں د ے زمانے تیک پچھے جاندے ہوئیاں ویکھ سکدے آں ۔ خُدا دے اگے صرف پانی تے رُوح دی خوشخبری اُتے ایمان رکھن دے راہیں ای پاپ دے مسئلے نوں حل کیتا جا سکدا اے ۔
یسوع ،ساڈی سچیائی ، نے ہارون دی پیڑھی وچوں ، یوحنا دے راہیں بپتسمہ لَے کے جگ دے پاپاں نوں اکو ای وار اپنے اُتے چُک لیا ،تے ساڈے لئی سولی اُتے اپنالہو وگایا ۔ خُدا دا کلام گواہی دیندا اے پئی یسوع نے جگ سارے پاپاں نوں اپنے بپتسمے نال چُکیا ۔ فیر اوہ سولی اُتے مرگیا ، مویاں وچوں جیوں اُٹھیا، تے خُدا دے سجےہتھ اُتے بیٹھن لئی اسمان اُتے چڑھ گیا ۔ ایہہ سچیائی دو ہزار ورہےپہلوں پوری ہوئی سی ، جدوں یسوع اپنے بپتسمے تے سولی اُتے اپنے لہونال جگ دے سارے پاپاں نوں مکا کے سچیائی دا خُداوند بن گیا سی ۔
فیر وی جیہڑے لوک جھوٹ دے راہیں دھوکے وچ نیں اوہناں نوں نئیں پتہ پئی یسوع اُتے اوہناں دے ایمان نال ای اوہناں نوں پاپ توں کامل مکتی ملدی اے؛ بوہت بھیڑی گل ایہہ ہیگی اے پئی ،اج دے مسیحی جگ وچ بوہت سارے لوک جھوٹیاں خوشخبریاں وچ پھس کے پاپ وچ گواچ گئے نیں ۔ ایہو ای سبب ہیگا اے پئی جیہڑے لوک پانی تے رُوح دی خوشخبری اُتے ایمان رکھدے نیں اوہناں نوں لازمی ایس خوشخبری دی منادی ایتھوں تیک پئی ہور بوہتی کرنی چاہی دی اے ۔ صرف ایس کھری خوشخبری نوں سُن کے ای لوکاں نوں اوہناں دے پاپاں توں مکتی مل سکدی اے ۔
بائبل وچ نظر آؤن والی سچیائی پانی تے رُوح دی خوشخبری اے (متی ۳: ۱۳۔۱۷ ، اِفسیوں ۱: ۱۳)۔ اُتے لکھی ہوئی عبارت وچ ، خُدا نے سمُرنا دی کلیسیا دی تعریف کیتی، ایہہ آکھدے ہویاں پئی اوہناں دی پیسے دھیلے ولوں غریبی دے ہوندیاں ہویاں ، اوہناں کول ایمان دی دولت ہیگی اے ۔ پر اوہنے یہودیاں نوں شیطان دے خادم آکھیا ، ایس لئی پئی بھاویں اوہناں نیں خُدا اُتے ایمان رکھن دا دعویٰ کیتا ، پر فیر وی اوہناں نیں اوہدی مکتی دی خوشخبری نوں اپنے دلاں وچ منن توں انکار کیتا ۔ اوہ یسوع اُتے خُدا دے پُتر تے اوہناں دے مکتی داتا وانگر ایمان نئیں رکھدے سن ، بھاویں ساڈے خُداوند نے اوہناں دے سارے پاپاں نوں پانی تے رُوح دی خوشخبری نال مکا دتا سی ۔ ایس لئی پئی اوہناں نیں فیر وی ایس سچیائی نوں قبول نئیں کیتا پئی یسوع نے اوہناں دے پاپاں نوں مکا دتا سی ، ایتھوں تیک پئی اوہ یہوواہ خُدا اُتے ایمان رکھن دا دعویٰ کردیاں ہوئیاں ، اپنے دلا ں وچ پاپ کردے رہندے نیں ۔
ایہو جیہے لوک اپنیاں جیبھاں نال دعویٰ کردے نیں پئی اوہ خُدا اُتے ایمان رکھدے نیں، پر اصل وچ اوہ ” شیطان دے لوک “نیں جیہڑے اوہدے اُتے ایمان نئیں رکھدے ۔ اوہ لوک ،ایتھوں تیک پئی اوہ یسوع اُتے ایمان رکھن دا دعویٰ کردے نیں ، حالے تیک اپنے دلاں وچ اوہدے فدیہ نوں قبول نئیں کیتا اے اوہ وی شیطان دے ایہناں لوکاں نال تعلق رکھدے نیں۔
ایس جگ وچ دو طرحاں دے لوک ہیگے نیں : اک شیطان دے ، تے دوجے خُدا دے لوک ، جدوں خُداوند واپس آجاوے گا تاں شیطان دے لوک ہمیش لئی مُک جان گے ، تےخُدا دے لوک ہمیش لئی برکت پاؤن گے ۔ خُدا ،دوجے اکھراں وچ ، صاف طریقے نال راستبازاں نوں پاپیاں توں وکھ کرے گا ۔ ہر کوئی جیہڑا یسوع اُتے اپنےمکتی داتا وانگر ایمان رکھدا اے اسمان وچ نئیں جاوے گا ۔
متّی ۷: ۲۱-۲۳ وچ یسوع نے سانوں جو کجھ دسیا ایہدے وچ ایہہ صاف ظاہر ہوندااے : ”نا ہر کوئی جیہڑا مَینُوں خُداوند خُداوند آکھدا اے اسمان دی بادشاہی وِچ وڑے گا پر اوہ جیہڑا میرے باپ دی جو اسمان اُتّے اے مرضی پُوری کر دا اے۔اوس دِہاڑے بتھیرے مَینُوں آکھن گے خُداوندا خُداوندا تیرا ناں لے کے نبُوّتاں اساں نئیں سن کِیتیاں؟ تے تیرا ناں لے کے بدرُوحاں نئیں کڈِھیاں؟ تے تیرا ناں لے کے ڈھیر سارِیاں کراماتاں نئیں وکھائیاں؟تے مَیں اوہناں نُوں تَد صاف آکھاں گا پئی مَیں کدی تُہانوں نئیں جانیا۔ اَے شریعت توڑن والیو مَیتھوں دُراڈے ہو جاؤ۔
دوجے اکھراں وچ ، اسیں ایہہ نئیں آکھ سکدے پئی بہشت ہر کسے نوں لازمی طور اُتے ملدی اے جیہڑے یسوع اُتے ایمان رکھن دا دعویٰ کردے نیں تے اوہدے نام نوں پکاردے نیں ۔ ایتھوں تیک پئی جے او ہ یسوع نوں اپنا مکتی داتا من دے نیں ، جے اوہ پانی تے رُوح دی خوشخبری اُتے ایمان نئیں رکھدے تاں، اوہ اخیریں شیطان دے خادم نیں ، جیہڑے اخیریں دوزخ جان دے حقدار نیں ۔ ایس لئی پئی اوہ جھوٹیاں خوشخبریاں پچھے چلدے نیں ایتھوں تیک پئی جویں اوہ یسوع اُتے ایمان رکھن دا دعویٰ کردے نیں ، ایہہ صرف جائز تے ٹھیک ہیگا اے پئی اوہناں نوں دوزخ وچ سُٹیا جاوے گا ۔
اوہ جیہڑے پاپ رکھدے نیں تے ایس لئی اوہ شیطان دے بندے نیں اوہ دوزخ دے حقدار نیں ۔ پر ساڈے وچوں اوہ جیہڑے پانی تے رُوح دی خوشخبری اُتے ایمان رکھ کے اپنے سارے پاپاں توں معافی پا چُکے نیں اوہناں لئی بہشت دے بوہے کھول دتے جان گے ۔ ہر کوئی جیہڑا یسوع اُتے ایمان رکھدا اےاوہنوں پانی تے رُوح دی خوشخبری اُتے ایمان رکھ کے پاک تھاں وچ جانا چاہی دا اے ۔
جگ دے پاپاں توں مکتی پاؤن لئی ،سانوں نہ صرف اپنے پاپاں دی خاص پچھان ہونی چاہی دی اے ، سگوں دلوں جھوٹ نوں پچھانن دا رُوحانی گُن وی ہونے چاہی دے نیں ۔ اِنج کرن لئی ، سانوں خُدا دے لکھے ہوئے کلام وچ رہنا چاہی دا اے تے ایہدے مطابق ایمان رکھنا چاہی دا اے ۔ جے تُسیں اگ دے دریا وچ سُٹے جانانئیں چاؤندے او تاں ، تہانوں لازمی طور اُتے ایمان رکھ کے جھوٹیاں خوشخبریاں نوں ردّ کرنا پوے گا ۔ تہانوں لازمی طور اُتے جھوٹیاں خوشخبریاں دے خلاف اپنی جنگ وچ کامیاب ہونا پوے گی ۔ تے اپنے ایمان دی فتح دی راکھی کرن لئی ، تہانوں ایہہ جان لینا چاہی دا اے پئی پانی تے رُوح دی خوشخبری کیہ اے ۔ صرف فیر ای تُسیں دوجی موت توں بچ سکدے او ، تے صرف فیر ای تُسیں خُدادی بہشت وچ جاسکدے او ۔
۲ یوحنا ۱: ۷ سانوں دسدااے ، کیوں جو کئی بدراہ کرن والے دُنیا وِچ آگئے نیں جیہڑے یِسُوع مسِیح دے اوتاری ہو کے آؤناں نئیں مَن دے۔ دھوکھا دین والا تے مسِیح دا وَیری ایہو ای اے۔ ایتھے راہوں بھٹکاؤن والیاں دا مطلب اوہ لوک نیں جیہڑے ایس گل توں مکردے نیں پئی یسوع مسیح ایس جگ وچ جسم وچ آیا سی ۔ وکھ طریقے نال دسدیا ں ہویاں ، ایہہ ہیگا اے اوہ جیہدے توں مکر دے نیں پئی خُداوند جیہڑا بدن وچ آیا سی او ہ خُدا دا پُتر ہیگا اے ، پئی اوہنے یردن دے دریا وچ اپنے بپتسمے نال جگ دے سارے پاپاں نوں اپنے اُتے چُک لیا ، تے ایہہ پئی ساڈی تھاں اُتے ساڈے پاپاں لئی اوہنے اپناصلیبی لہو وگا کے دُکھ جرے سن ۔
جیہڑے لوک ایہہ سچیائیاں نئیں من دے پئی اوہنے ساڈے پاپاں دی ساری سزا نوں ساڈے اُتوں مکا دتا ، اوہ راہوں بھٹکاؤن والے تے شیطان دے خادم نیں ۔ ایہہ لوک خُدا دے ویری تے شیطان دے وفادار خادم نیں ۔ اوہ اپنیاں جھوٹیاں خوشخبریاں دی تعلیم سکھاؤن تے ودھاؤن تے پانی تے رُوح
دی خوشخبری دے خلاف کھلو کے بوہت سارےلوکاں نوں پھسا کے بربادی ول لَے جاندے نیں ۔
اوہ لوک جیہڑے پانی تے رُوح دی خوشخبری اُتے ایمان رکھن دا دعویٰ کردے نیں تے فیر وی شیطان دی جھوٹی خوشخبری دے خلاف رُوحانی جنگ نئیں لڑدے اوہ اخیریں خُدا دی بادشاہی تے اوہدے لوکاں دے ویری بن کے مُک جان گے ۔ ایہو جیہے لوکاں نوں ایہدی پرواہ نئیں ہیگی پئی اوہناں پچھے چلن والے پانی تے رُوح دی خوشخبری اُتے ایمان رکھدے نیں یاں نئیں ۔ اوہ سارا کجھ جیہدی اوہناں نوں پرواہ اے صرف اوہناں دی اپنی شان تے رُعب تے پیسہ دھیلا اے ۔ ایہہ اوہ جھوٹے خاد م نیں جیہڑے صرف اپنا ٹِہڈ بھرن دی آس رکھدےنیں ۔ اوہ مختصر طور تے، اوہ لوک نیں جیہڑے مخالفِ مسیح نال تعلق رکھدے نیں جیہدے بارے وچ بائبل دسدی اے ۔
 
 
بدعتیاں دے مکر
 
حزقی ایل ۱۳: ۱۷-۱۸ آکھدا اے ، ”تے اے لوکو تُسیں اپنی قوم دیاں دھئیاں ولوں جیہڑیاں اپنے دلوں گل بنا کے نبوت کردیاں نیں دھیان کر کے اوہناں دے خلاف نبوت کرو ۔ تے آکھ خُداوند خُدا اِنج آکھدا اے پئی افسو س تہاڈے اُتے جیہڑیاں ساریاں کہنیاں دے ہیٹھاں دیاں گدی سیوندیاں جے تے ہر اک قد دے مطابق سر لئی بُرکھا بناؤندیاں جے پئی لوکاں دا شکار کرو ا! کیہ تُسیں میریاں لوکاں دیاں جاناں دا شکار کر و گئیاں تے اپنی جان بچاو گئیاں ؟ “ایس عبارت وچ اسیں ویکھ سکدے آں پئی کویں شیطان دے خادم لوکاں دیاں جاناں کھوہن لئی لبھدے نیں ۔
ایہہ عبارت سانوں دسدی اے پئی شیطان دے خادم لوکاں دیاں کہنیاں دیاں ہیٹھاں دیاں گدیاں سیوندے نیں ۔ کنگ جیمز ورژن وچ، اسی حوالے دا ترجمہ ایس طرحاں ہویا اے ۔ ” اوہناں زنانیاں اُتے افسو س جیہڑیاں ساریاں کہنیاں دے ہیٹھاں دی گدی سیوندیاں نیں ۔“ تہاڈی کہنیاں دے ہیٹھاں دی گدی سیونا بوہت بے چجا تے آرام خراب کرن والا ہووے گا ، تے ایہہ دوجیاں نوں کِناں بھیڑا لگے گا ؟ اوہ جیہڑے پانی تے رُوح دی خوشخبری نوں نا تاں جان دے نیں تے نہ ای ایہدے اُتے ایمان رکھدے نیں ، کلیسیا وچ آگُووانگر نیں ، بالکل ایسے طرحاں نیں : آرام خراب کرن والے ، بے چجے تے بوہت بھیڑے ۔ کاہدے لئی؟ ایس لئی پئی اوہ کلیسیا وچ ایہناں رُتبیاں دے لائق نئیں ہیگے ۔ بھاویں اوہناں نوں پتہ ہیگا اے پئی اوہ سچے یاں نویں سریوں نئیں جمے نیں ، ایس لئی پئی اوہ حالے تیک پانی تے رُوح دی خوش خبری اُتے ایمان نئیں رکھدے ۔
فیر ، اوہ کدی خُداوند لئی کویں کم کر سکدے نیں؟ خُدا دے کم کرن لئی ، ایس لئی ، سب توں پہلوں تہانوں پانی تے رُوح دی خوشخبری اُتے ایمان رکھ کے اپنےپاپاں توں مکتی پاؤنی چاہی دے ، فیر ایس گل دا پتہ لاوو پئی پاک رُوح تہاڈے دل وچ رہندا اے ، تے فیر کلیسیا وچ کوئی وی رُتبہ لین توں پہلوں خُدا دے کلام تے اوہدی سچیائی اُتے بوہت چوکھی تعلیم سکھنی چاہی دی اے ۔
بائبل دے راہیں خُدا سانوں، اپنے لوکاں نوں آکھدا اے پئی ، سانوں اوہدی سچیائی اُتے ایمان رکھ کے جھوٹیاں نبیاں نال لڑنا تے اوہناں اُتے فتح پاؤنی چاہی دی اے ۔ پانی تے رُوح دی خوشخبری اُتے ایمان رکھ کے نویں سریوں جمنا کجھ وی ناکر کے نئیں ملدا اے ۔ ایہہ پانی تے رُوح دی خوشخبری اُتے ایمان رکھ کے خُدا دی راستبازی جِت کے ملد ااے ۔ متّی ۱۱: ۱۲ دسدااے ، تے یُوحنّا بپتِسمہ دین والے دیاں دِناں توں لے کے ہُن تِیکر اسمان دی بادشاہی اُتّے زوراوری ہوندی اے تے زوراور لوک اوہنوں زبردستی مَل لَیندے نیں۔اوہ جیہڑے زوراور نیں خُدا دی بادشاہی وچ جاندے نیں زوراور، مطلب اے ، جھوٹ دے خلاف اوہناں دی لڑائی ۔ تہانوں چیتا رکھنا چاہی دا اے پئی صرف پانی تے رُوح دی خوشخبری نوں اپنے دل وچ قبول کرن تے جھوٹیاں تعلیماں اُتے فتح پا کے ای تہانوں کامل مکتی مل سکدی اے ، تے صرف فیر ای پاک رُوح تہاڈے دل وچ رہ سکدا اے ۔
کسے نوں کامل مکتی تیک اپڑن لئی ، ہر کوئی جیہڑا اوی ا یس دھرتی اُتے جمیا اے ، اوہنوں خُدا دے کلام نال لڑنا تے فتح پاؤنی چاہی دی اے ۔ ایہہ جگ سچیائی دیاں فوجاں تے جھوٹ دیاں فوجاں وچکار جنگ دا میدان اے، مطلب اےاوہناں لوکاں وچکار جیہڑے نویں سریوں جمے نیں تے جیہڑے نئیں جمے ۔ ایہہ جگ خُدا تے شیطان وچکار جنگ دا میدان بن گیااے ایس لئی پئی آدم تے حوا، بھاویں خُدا دے راہیں حیاتی پاؤندے نیں ، خُدا دے کلام دے مقابلے شیطان دے جھوٹ اُتے بوہتا ایمان رکھدے ہوئیاں مُک گئے ۔
اج دا زمانہ خاص کر کے بوہتا خطریاں والا اے ، ایس لئی پئی شیطان نوں پتہ ہیگا اے پئی اوہدے
دیہاڑے تھوڑے نیں ، اوہ لوکاں نوں جھوٹیاں نبیاں وچ پھسا کے ، اوہناں نوں جھوٹے معجزیاں نال دھوکہ دے کے ، تے پاک رُوح والے کماں دے لیڑے پا کے اپنیاں جھوٹیاں کماں نال اوہناں نوں پُٹھی راہے پاؤندیاں ہویاں ، پانی تے رُوح دی خوشخبری اُتے ایمان رکھن توں روکن دی کوشش کردا پیا اے ۔ تے کُجھ عجب نئیں۔ کیوں جو شیطان وی اپنے آپ نُوں نُورانی فرِشتے جِہیا بناندا اے۔ (۲کرنتھیوں ۱۱: ۱۴)۔ خاص طرحاں دے دیناں اُتے فتح پاؤن دے بعدوں، شیطان پاک لوکاں دے خلاف کھلوتا اے ۔ بھاویں ہُن اے ایہو جیہا زمانہ اے جتھے جھوٹ سچیائی نوں کج دے پئے نیں ، پر اوہ جیہڑے پانی تے رُوح دی خوشخبری اُتے ایمان رکھدے نیں اخیریں اوہناں ساریاں جھوٹیاں توں چھُٹ جان گے تے اخیریں اوہناں اُتے فتح پاؤن گے ۔
اپنے سارے پاپاں توں مکتی پاؤن لئی ،سانوں پانی تے رُوح دی خوشخبری اُتے ایمان رکھنا چاہی دا اے ، تے ایہو جیہاں جھوٹیاں تعلیماں توں وکھ رہنا چاہی دا اے جیہڑیاں ایہہ دعویٰ کردیاں نیں پئی سانوں اپنے پاپاں توں معافی پاؤن لئی ہر دیہاڑے توبہ کرن دی لوڑ اے ۔ خُدا نے ساڈے نال وعدہ کیتا اے پئی جیہڑے لوک اوہدی سچیائی وچ ایس طرحاں دے جھوٹ اُتے فتح پاؤن گے اوہناں نوں دوجی موت توں گھاٹا نہ ہووے گا ۔آؤ، اسیں سمُرنا دی کلیسیا دے پا ک لوکاں وانگر کوشش کرئیے ، خُدا دے اگے اپنے ایمان دی راکھی کرئیے ، تاں پئی اسیں وی ، خُداوند نال وفاداری کر کے اوہدے ولوں پسندکیتے جائیے ۔