خطبے

مضمون 10: مُکاشفہ(مُکاشفہ دی کتاب اُتے تفسیر)

[3-2باب] (مُکاشفہ۳:۱۔۶) اوہ لوک جِنہاں نیں اپنے  چٹے کپڑےپلیت نئیں کیتے

)مُکاشفہ۳:۱۔۶(
ایتھے حوالہ ایہہ دسدااے ، ” بے شک سردِیس وِچ تیری تھاں تھوڑے اجیہے بندے نیں۔ جِنہاں اپنے کپڑے پلِیت نئیں کِیتے۔ اوہ چِٹّی پوشاک پا کے میرے نال سَیر کرن گے۔ کیوں جو اوہ ایسے لائق نیں۔“ ” چِٹّی پوشاک “ پا کے سَیر کرن دا مطلب ایہہ ہیگا اے پئی اوہناں نیں خُدا دی راستبازی وچ اپنے ایمان دی راکھی کیتی اے ۔
خُدا اوہناں لوکاں نال سَیر کردا اے جیہڑے اپنے ایمان دی پاکیزگی نوں جاری رکھدے نیں ۔ اوہ کدی وی اوہناں نوں کلیاں نئیں چھڈدا ، سگوں سدا اوہناں دے نال ہوندا اے تے اوہناں نوں برکت دیندا اے  ۔
ایس دھرتی اُتے راستباز لوک ہیگے نیں جیہڑے پاک رُوح نال چلدے نیں ۔ خُدا نے اوہناں دے نام حیاتی دی کتاب وچ لکھے ہوئے نیں تے اوہناں نوں جیوندیاں رکھن لئی سدا دی زندگی دی اجازت دتی اے ۔ راستباز لوکاں نوں چِٹّی پوشاک پاؤن تے سدا لئی اوہناں نال رہ کے ، خُدا نے اوہناں لئی اوہناں دے ہتھ پیر مارن وچ ہمیش لئی شیطان اُتے فتح پاؤنا سوکھا بنایااے ۔
 
 
شیطان اُتے فتح پاؤن والیاں وچوں اک بنو
 
شیطان اُتے فتح پاؤن والے بنن لئی ، سانوں پہلوں  مکتی دے کلام اُتے ایمان رکھنا چاہی دا اے جیہڑا خُداوند نے سانوں دتا اے ۔ ایس طرحاں ، آؤ کلام ول پرتیے تے ویکھیے پئی خُداوند  نے  سانوں  پانی
تے رُوح دی خوشخبری نال کِیویں بچایااے۔
آؤ لوقا ۱۰: ۲۵-۳۵ نوں ویکھدے ہوئیاں شروع کردے آں ۔ ” تے ویکھو اِک شریعت دا سکھالن والا اُٹھیا تے ایہہ آکھ کے اوہدی ازمایش کِیتی پئی اَے اُستاد مَیں کِیہ کراں۔ پئی ہمیشہ دی زِندگی دا وارث ہوواں؟ اوس اوہنوں آکھیا۔ توریت وِچ کِیہ لِکھیا ہویا اے تُوں کِیویں پڑھنا ایں؟اوس جواب دِتّا پئی تُوں خُداوند نُوں جیہڑا تیرا خُدا اے اپنے سارے دِل تے اپنی ساری جان تے اپنے سارے زور تے اپنی ساری عقل نال پیار کر۔ تے اپنے گوانڈھی نُوں اپنے جِہیا۔اوس اوہنوں آکھیا۔ تُوں ٹھیک جواب دِتّا ایہو کر تے جیویں گا۔پر اوس ایس مطلب نال پئی اپنے آپ نُوں سَچّا ٹھہراوے۔ یِسُوع نُوں آکھیا۔ فیر میرا گوانڈھی کیہڑا ہویا۔یِسُوع آکھیا اِک بندہ یرُوشلیِموں یرِیحُو نُوں پیا جاندا سی تے ڈاکُوؤاں وِچ جا پیا۔ اوہناں اوہنوں ننگا کر کے مارکُٹ کِیتی تے ادھ موئیا چھڈ کے ٹُر گئے۔سبّب نال اِک کاہِن اوسے راہ لگا جاندا سی تے اوہنوں ویکھ کے پریوں دی لنگھ گیا۔ تے ایسے طرح اِک لاوی وی اوس تھاں آیا تے اوہ وی اوہنوں ویکھ کے پریوں لنگھ گیا۔پر اِک سامری راہی اوسے تھاں آیا تے اوہنوں ویکھ کے ترس کھادا۔تے اوہدے کول گیا تے اوہدے زخماں نُوں تیل تے رَس پا کے بَدّھا۔ تے اپنے جنَور اُتّے بہا کے اوہنوں سَراں وِچ لے گیا تے اوہدی خبرداری کِیتی۔تے اگلے دیہاڑے دو دینار کڈھ کے بھٹیاری نُوں دِتّے۔ تے آکھیا تُوں ایہدی خبر رکھّیں۔ تے جو کُجھ تیرا ہور لگّے مَیں مُڑ دا ہویا تینُوں دے دیاں گا۔ 
ایس حوالے وچ اسیں دوخاص بندیاں نوں ویکھدے آں : یسوع تے اک شرع دا عالم ۔ ایس شرع دے عالم نے ،شریعت نال اپنی وفاداری اُتے گھمنڈ کرن لئی ، یسوع کولوں پچھیا :” اَے اُستاد مَیں کِیہ کراں۔ پئی ہمیشہ دی زِندگی دا وارث ہوواں؟ “ ایس سوال توں تہانوں کویں دا اثر لبھدااے ؟  
ایس سوال وچ شرع دے عالم نے غلطی کرکے سوچیا پئی اوہ شریعت پچھے چل کے ایہدے اُتے اکھر و اکھری قائم رہ سکدا اے ۔ پر خُدا نے سارے لوکاں نوں اپنی شریعت دتی تاں پئی لوک اپنے دلاں دے پاپاں نوں پچھانن دے لائق ہوسکن ۔ خُدا دی شریعت اوہناں پاپاں بارے دسدی اے تے اوہناں اُتوں پردہ چُکدی اے جیہڑے لوکاں دے دلاں وچ خاص کر کے ہیگے نیں۔ اوہناں دے دلاں وچ بھیڑے خیال ، بد اخلاق ذہن ، خون کرن والا ذہن، چوری کرن والا ذہن، جھوٹی گواہی دین والا ذہن، کملیاں والے ذہن تے بوہت کجھ ہیگا اے ۔ ایس لئی ، شرع دے اُستاد دے دلی پاپاں نوں وکھاؤن لئی ، ساڈے خُداوند نے بدلے وچ اوہنوں پچھیا ، ” توریت وچ کیہ لکھیا ہویا اے؟ تُوں کیویں پڑھنا ایں ؟ “  
ساڈا خُداوند چاہندا سی پئی شرع دا اُستاد اپنے دل وچ پاپ دی خاص جڑ نوں من لوے ۔ پر اوہنے یسوع کولوں جوش بھرے طریقے نال پچھیا ” میَں کیہ کراں ۔ پئی ہمیش دی زندگی دا وارث ہوواں ؟ “شرع دےاُستادنے ایہدے تھاں اُتے اپنی راستبازی اُتے گھمنڈ کیتا ۔ اوہدے بولاں توں ، اسیں ویکھ سکدے آں پئی شرع دےاُستادنے کیہ سوچیا : ”میَں حالے تیک شریعت اُتے چنگے طریقے نال چلدا ہاں ،تے میرا بھروسہ اے پئی اخیری ساہ تیک میَں ایہدے اُتے چل سکدا ہاں ۔ “
پرسانوں ایہہ سمجھنا چاہی دا اے پئی خُدا ولوں دتی گئی شریعت نوں صرف خُدا آپ قائم رکھ سکدا اے ، تے ایہہ پئی کوئی دوجا نئیں رکھ سکدا ، ایتھوں تیک پئی اک بندہ وی نئیں ، جیہڑا مکمل طریقے نال اوہدی شریعت اُتے چل سکدا اے ۔ ایس لئی ، ایک بندے لئی خُدا دی شریعت اُتے چلدے رہن دی کوشش کرنا خُداوند دے اگے صرف کملیاں وانگر اڑی تے گھمنڈوکھاؤنااے ، سانوں صرف ایہہ پتہ ہونا چاہی دا اے پئی اسیں پاپی آں جیہڑے کدی وی خُدا دی شریعت اُتے نئیں چل سکدے آں ۔
ساڈے ساریاں لئی ، اسیں خُدا دے کلا م نوں کویں پڑھدے آں ایہہ بوہت خاص اے ۔ جدوں اسیں خُدا دے کلا  م نوں پڑھدے آں تاں ، سانوں ایس مقصد بارے خبردار ہو کے پڑھنا چاہی دا اے جویں خُدا نے ساڈے لئی ارادہ بنایا اے ۔ جے اسیں بائبل نوں خُدا ونددے ارادے ولوں خبرداری توں اڈ پڑھدے آں تاں ساڈا ایمان اوہدی مرضی دے خلاف   راہ اُتے بھٹک سکدا اے ۔ ایس لئی پئی بوہت سارے وکھ وکھ فرقے ہیگے نیں ، تے جنہاں لوکاں دا ایمان خُدا نال اکٹھااے اوہناں نوں اکثرکیوں چھڈ دتا جاندااے ۔
جدوں اوہ جیہڑے پانی تے رُوح دی خوشخبری اُتے ایمان رکھدے نیں بائبل نوں پڑھدے نیں تاں ، اوہ بالکل سمجھ سکدے نیں پئی خُدا دا ارادہ کیہ اے ۔ پر جدوں کوئی خُدا ولوں دتی گئی  پانی تے رُوح دی خوشخبری اُتےایمان رکھیوں اڈ بائبل نوں پڑھدا اے ، تاں ایہہ صرف وڈی غلط سوچاں دا سبب بن سکدا اے ، تے ایہو جیہا بندہ کدی وی بائبل دےمطابق پکا ایمان نئیں رکھ سکدابھاویں او ہ بوہت پکے ایمان نال  بائبل نوں پڑھے ۔
 
 
شریعت کیہ آکھدی اے ؟
 
اسیں لوقا دے حوالے مطابق گل چالو رکھدے آں : ” اوس اوہنوں آکھیا۔ توریت وِچ کِیہ لِکھیا ہویا اے تُوں کِیویں پڑھنا ایں؟اوس جواب دِتّا پئی تُوں خُداوند نُوں جیہڑا تیرا خُدا اے اپنے سارے دِل تے اپنی ساری جان تے اپنے سارے زور تے اپنی ساری عقل نال پیار کر۔ تے اپنے گوانڈھی نُوں اپنے جِہیا۔ “
رومیوں ۳: ۲۰ دسدااے ،  ”ایس لئی پئی شریعت نال ای گناہ دی پچھان اے ۔“بائبل سانوں ایہہ وی  دسدی اے ، ”کیوں جو جنے شریعت دیاں کماں اُتے بھروسہ رکھدے نیں ۔ اوہ سارے لعنت دے ہیٹھ نیں “(گلتیوں ۳ : ۱۰)۔
شریعت نا صرف سانوں ، جیہڑے پہلوں ای پاپیاں وانگر جمے ساں ، ہور وی بوہتے پاپی بناؤندی اے ، سگوں ایہہ ساڈے کماں دیاں خطاواں نوں وی ظاہر کردی اے  ۔ ایس لئی پئی ” جنے شریعت دیاں کماں اُتے بھروسہ رکھدے نیں ۔ اوہ سارے لعنت دے ہیٹھ نیں ۔“
کئی لوک آکھدے نیں پئی جے کوئی خُدا اُتے ایمان رکھدا اے تے شریعت اُتے ٹھیک طرح چلدا اے تاں اوہ اسمان وچ جا سکدا اے ، تے ایہہ پئی اوہنوں شریعت اُتے چلن لئی پوری کوشش کرنی پوے گی ۔ ایس لئی ایہہ لوک ، بھاویں اوہ یسوع اُتے ایمان رکھدے نیں ، اپنی ساری زندگی شریعت اُتے چلن دی کوشش کردے رہندے نیں ۔ پراصل وچ اوہ شریعت دی لعنت ہیٹھ نیں ۔ اوہ جیہڑے اپنے گناہواں توں نئیں چھڈائے گئے بھاویں اوہ یسوع اُتے ایمان رکھدے نیں اوہ اپنے عقیدے دی قید توں بچ نئیں سکدے جیہڑا شریعت اُتے چلن دی فضول کوشش کردا اے ۔ اوہ یسوع اُتے ایمان رکھ سکدے نیں ، پر اوہ خُدا دے اگے گنہگاراں وانگر رہن گے ، تے خُدا دے اگے گنہگارصرف برباد کرن والی سزا جر سکدے نیں ۔ ایس لئی پئی یسوع ، جیہڑا خُدا اے ، ساڈے مکتی داتا وانگر ساڈے کول آیا تے گنہگاراں دا مکتی داتا بن گیا ۔ ہور وضاحت کرن لئی ، دوجے اکھراں وچ، یسوع نے یردن دے دریاوچ بپتسمہ لے کے ساڈے سارے گناہواں دی فکر کیتی ۔
کیہ تہانوں پتہ ہیگا اے پئی بپتسمہ مکتی دا نشان اے جیہڑا ساڈے سارے پاپاں نوں پاک کردا اے ؟ یسوع دا بپتسمہ ای اکلا طریقہ سی جیہڑ ا خُدا نے ساڈے سارے پاپاں نوں پاک کرن لئی بنایا سی ۔
بائبل متّی ۳: ۱۵ وچ سانوں دسدی اے ، ”حالی تے ہون دے کیوں جو سانوں چاہیدا اے پئی ایسے طرح ساری راستبازی نوں پورا کرئیے ۔  “ایتھے اکھر ” ایسے طرح “دا مطلب ، اپنی اصل لکھائی وچ ، ”بوہت جائز “یاں ”بالکل ٹھیک “اے۔ دوجے اکھراں وچ ، ایہہ بوہت جائز تے بالکل ٹھیک سی پئی یسوع یوحنا دے راہیں اپنے بپتسمےنال ساڈے سارے پاپاں نوں  اپنے اُتے چُکے گا ۔ یسوع مسیح دے بپتسمے نے ، خاص کر کے ، ساڈے سارے پاپاں دی فکر کیتی ۔ یسوع مسیح نے بپتسمہ لین تے سولی اُتے مرن دے راہیں سانوں ساڈے پاپاں توں مکتی دتی ۔ جدوں لوک ایس خاص سچیائی نوں جان دے نیں تے جھوٹ دا مقابلہ کردے نیں تاں، خُدا اوہناں نوں فتح پاؤن والیاں وانگر بلاؤندااے ۔
 
 
کیہدے خلاف نویں سریوں جمن والیاں نوں لڑنا پوے گا؟
 
نویں سریوں جمن والے بندیاں نوں شریعت پچھے چلن والیاں دے خلاف لڑنا تے اوہناں اُتے فتح پاؤنی پوے گی ۔ دینی مطلب وچ ، شریعت دے آگُو ظاہری طور اُتے چنگے لگدے نیں ، پر اپنی ڈونگھیائی وچ اوہ خُدا دے خلاف للکارن والے نیں ۔ ایسے طرح اوہناں دے بول ، بھاویں چنگے نظر آسکدے نیں ۔ ایہہ اصل وچ شیطان دیاں گلاں نیں جیہڑیاں اپنے پچھے چلن والیاں نوں پاپ دی لعنت دے ہیٹھ قیم رکھدیاں نیں ۔ ایس لئی پاک لوکاں نوں ایہناں دین پرستاں نال لڑنا تے ایہناں اُتے فتح پاؤنی پوے گی ۔
دین پرست ایہہ دعویٰ کردے نیں پئی یسوع اُتے ایمان رکھ کے مکتی ملدی اے ، پر اوہ ایہہ وی دعویٰ کردے نیں پئی جدوں کوئی شریعت دے اگے اک نیک زندگی بسر کرے گا تاں اوہ اسمان وچ  وڑ سکدا اے ۔ کیہ ایہو جیہے عقیدے نوں اوہ ایمان آکھیا جا سکدا اے جیہڑا کسے نوں مکتی دلواؤن دا سبب بن جاوے ؟ بالکل نئیں!
ایس لئی خُداوند نے ایس معاملے توں شریعت پچھے چلن والیاں تے سانوں خبردار کرن لئی اک مثال نوں ورتیا ۔ کہانی کجھ ایس طرح اے : اک ایہو جیہے بندے اُتے جیہڑا یروشلیم ولوں یریحو ول جاندا پیا سی ڈاکوآں نیں حملہ کیتا اوہناں نیں اوہنوں ماریاتے ادھ مویا چھڈ گئے ۔ اک کاہن وی اچانک یروشلیم توں یریحو جاندیاں ہویاں ایس کُٹے مارے ہوئے بندے کول آیا ۔ پر کاہن نے اوہدی مدد نئیں کیتی ،تے ایہدی تھاں اُتے دوجے پاسیوں لنگھ گیا ۔ اک ہور بندہ ، ایس واری اک لاوی ، کُٹے ہوئے بندے کول آیا ، پر اوہنے وی ، غریب بندے دی مدد دی فریاد نہ سُنن دا بہانا کیتا تے اوہدے کولوں چلا گیا ۔
فیر، اک تیجا بندہ اوس تھاں اُتے آیا ، ایس واری اک سامری ۔  کاہن یاں لاوی توں ہٹ کے ، سامری نے اصل وچ ایہدیاں زخماں نوں ، تیل تے مَے لا کے بنھیا ، ایہنوں اپنےجنَور اُتے اک سرائے وچ لے گیا تے ایہدی ویکھ بھال کیتی ۔ ایتھوں تیک پئی اوہنے بھٹیارے نوں ایہہ آکھدیاں ہوئیاں پیسے وی دتے پئی ، ”ایہدی ویکھ بھال کریں ۔ میَں پرت کے آؤن ویلے ایتھے کھلو جانواں گا ؛ جے تُوں ایس توں بوہتے پیسے لاؤندا ایں جیہڑےمیَں تینوں ایہنوں چنگیاں ہون لئی دتے نیں تاں ، میَں فیر آکے  تینوں دے دیواں گا ۔ ایس لئی ایس بندے دی مدد لئی جو کجھ وی کر سکداایں اوہ کر۔ “
ایہناں تِناں وچوں کیہڑا چنگا اے ؟بناں شک ، سامری ، ایہہ سامری یسوع ول  اشارہ اے ۔ جیہڑی شے نے ساڈے جیہے پاپیاں نوں بچایا اے ااوہ نہ تاں خُدا دی شریعت اے ، نہ ایہدے استاد تے نہ ای ایہدے آگُو ۔ ساڈی اپنی طاقت ، کوشش تے توبہ دیاں دعاواں بوہت تھوڑیاں نیں ۔ صرف یسوع ای جیہڑا ساڈے پاپاں نوں دھون لئی ایس دھرتی اُتے آیا سی اوہو ای اصل مکتی داتا اے ۔ یسوع نے  ”ایسے طرحاں (متی ۳ : ۱۵)“ساریاں پاپیاں نوں مکتی دتی اے ۔ یسوع دا بپتسمہ تے اوہدا صلیبی لہو پاپیاں دی مکتی دا نشان اے  (۱۔پطرس۳ : ۲۱)۔ یسوع دے بپتسمہ تے سولی دے راہیں ایس جگ دے سارے پاپی  بچ گئے نیں ۔ اوہ جیہڑے یردن دے دریا وچ یسوع دے بپتسمہ تے سولی اُتے اوہدے لہو اُتے ایمان رکھدے نیں ایس لئی پئی اوہناں دی مکتی کامل تے ٹھیک اے اپنے سارے پاپاں توں مکتی پا چُکے نیں ۔
یسوع نے سانوں جھوٹ دیاں غلط تعلیماں دے خلاف لڑن تے اوہناں اُتے فتح پاؤن دی طاقت دتی اے ۔ جدوں لوک ایہہ دعویٰ کردے نیں پئی ، ”اسیں یسوع اُتے ایمان رکھدے آں ، پر جے تُسیں خُدا دی شریعت اُتے چلدے او تے تہاڈے کم چنگے نیں ، تاں فیر تہانوں تہاڈے سارے پاپاں توں مکتی ملے گی ، “ اوہ صرف اپنی اڑی وکھاؤندے پئے نیں تے جھوٹ نوں ودھاؤندے پئے نیں ۔ جے تُسیں یسوع دے راہیں اپنی مکتی دی سچیائی وچ کسے وی شے نوں وچ رلاؤندے یاں گھٹ کر دیندے او تاں ، ہُن ایہہ سچیائی نئیں رہوے گی ۔ یسوع نے سانوں جھوٹ دیاں ایہو جیہاں جھوٹیاں تعلیماں نال لڑن تے ایہناں اُتے فتح پاؤن دی طاقت دتی اے ۔
اج دے شریعت دے آگُو لوکاں دے اگے بوہت اُچی گل کر دے  نیں، جِیویں  اوہ  شریعت
اُتے چنگے طریقے نال چلدے ہون ۔ پر اسیں بوہتی وار دھیان کردے آں پئی اوہ اپنے بولاں وانگر نئیں چل سکدے جدوں اوہناں نوں کسے ایہو جیہے حال وچوں لنگھنا پیندا اے جتھے ، تنگی ہووے ، ایہدے ہوندیاں ہوئیاں اوہناں نوں دھیان کرنا چاہی دا اے پئی شریعت اوہناں توں کیہ چاؤہندی اے ۔ اوہ اپنے آپ وچ سوچ سکدے نیں پئی بھاویں اوہ اپنے دلاں وچ نیکی دے کم کرنا چاؤہندے نیں ، پر اوہ اپنی بدنی کمی دے سبب ایہہ کم نئیں کرسکدے ۔ اپنیاں کمیاں نوں لُکا کے تے دینی رسماں تے ریتاں وچ اپنے آپ نوں کج کے ، اوہ دوجیاں نوں دھوکہ دیندے نیں تے ایسے بھار ہیٹھاں اوہناں نوں دب دیندے نیں ۔  
جویں کاہن تے لاوی نے اُتے دسے حوالے وچ کیتا ۔ اج دے شریعت پچھے چلن والے وی جدوں کدی اوہناں دا پکیاں ہو کے چلنا اوہناں کولوں قربانی منگدا اے تاں اوہ صرف دوجیاں راہواں توں لنگھن دا دوہرا معیار رکھدے نیں ۔ ایہہ خُدا دی شریعت اگے بندے دا وچارا ہونا اے ۔ لوک ایہنوں دین نامی اک سوہنی پوشاک وچ روپ وٹاؤندے ہوئیاں لکاؤندے نیں ۔ پر اوہ سارے جیہڑے خُدا دے اگے اپنے آپ نوں لکاؤندے نیں اوہ مکتی نئیں پا سکدے ۔ صرف اوہو ای لوک جیہڑے شریعت دے ناپ نال اپنے کھرے نفس نوں وکھا کے اپنیاں غلطیاں نوں پچھان دے نیں اوہ پانی تے رُوح دی سچیائی دے کلام دے راہیں اپنے سارے پاپاں توں مکتی پا سکدے نیں ۔
صرف یسوع مردے ہوئیاں پاپیاں دے کولوں لنگھ نئیں جاندا تے اوہ صرف اوہناں نوں لبھ کے تے اوہناں نال مل کے اوہناں نوں بچاؤندا اے ۔ اوہنے شخصی طور اُتے بپتسمہ لے کے ساڈے سارے پاپاں نوں اپنے اُتے لد لیا ، تے اوہنے مردے ہوئیاں پاپیاں نوں اپنی بدنی قربانی نال اوہناں دا  مُل اُتاردیاں ہوئیاں اوہناں دے پاپاں توں مکتی دتی ۔ ایس طرحاں یسوع سارے پاپیاں لئی مکتی داتا بن گیا اے ۔
 
 
فتح پاؤن والے چٹےکپڑے پاؤن گے
 
حوالہ ایتھے سانوں دسدااے پئی اوہ جیہڑے  فتح پاؤن گے اوہ چٹے کپڑے پاؤن گے ۔ ایہدا مطلب ایہہ ہیگا اے پئی سانوں مسیحی لوکاں وچکار جھوٹیاں نال لڑنا تے اوہناں اُتے فتح پاؤنی ہووے گی ۔ ایتھوں تیک پئی جویں ہُن اسیں بولدے آں ، ایہہ جھوٹیاں لوکاں  نوں یسوع اُتے ایمان رکھن تے بھلیائی نال رہن دی تعلیم سکھاؤندے پئےنیں ۔ بھلیائی وچ رہنا ، لازمی طور اُتے ، ٹھیک کم اے ۔ پر خاص کر کے ، لوکاں دے دل ہر طرح دیاں گندیاں شیواں نال بھرے ہوئے نیں ، خون کرن توں لے کے بدکاری ، چوری تے سڑن تیکر ؛ تے ایس طرحاں ایہناں لوکاں نوں  بھلیائی نال زندگی بسر کرن لئی آکھنا ، بھاویں ایہہ نصیحت اپنے آپ ٹھیک اے ، پر ایہہ صرف اک دین دی قید وچ رہن تے اوہناں دی مرن تیکرساہ گھٹن  دے برابر اے ۔ اوہناں لوکاں نوں ایہہ دسنا جنہاں دے پاپ اوہناں دے گلےتیک ودھے ہوئے نیں پئی ، ” بھلیائی نال جیوندے رہن“اوہناں نوں آپ اپنی شرمندگی وچ دھکنا اے ۔
ایس طرحاں ، اوہناں نوں خاص کر کے جیہڑی شے دی لوڑ اے اوہ ایہہ ہیگی اے پئی اسیں اوہناں نوں پانی تے رُوح دی سچیائی سکھاؤندے ہوئیاں اوہناں دی سارے پاپاں توں مکتی پاؤن وچ مدد کرئیے جیہڑی اوہناں نوں اوہناں دے ڈاہڈے پاپاں توں بچا سکدی اے ۔ ایہہ ٹھیک سبق اے ، تے ایہدی تعلیم دے بعدوں خُدا وچ بھلیائی دی زندگی بسر کرن دی نصیحت آؤندی ا  ے ۔ ایہنوں دوجے اکھراں وچ دسدے ہوئیاں ، پاپیاں وانگر مسیح توں باہر کھلون والیاں لئی سب توں چھیتی کرن والی شے ایہہ ہیگی اے پئی پہلوں اوہناں اگے پانی تے رُوح دی خوشخبری دی منادی  کر کے راستباز بنائیے ۔
 
 
مسیحیت دا اک جگ دے دِین وچ گھاٹا
 
سانوں جگ دے دیناں راہیں دھوکہ نئیں کھانا چاہی دا ۔ جدوں اسیں جھوٹ ودھاؤن والے جگ دے دیناں نال لڑاں گے تے اوہناں اُتے فتح پاواں گے فیر ای اسیں اسمان وچ وڑ سکدے آں ۔ ایس لئی پئی اسیں خُدا دی شریعت اُتے چلن دےقابل نئیں ہیگے ، سانوں مکتی دے فضل دی لوڑ اے جیہڑا یسوع نے سانوں دتا اے ، تے صرف ایس فضل اُتے ایمان رکھ کے ای  اسیں خُداوند نال مل سکدے آں ۔
پرمسیحیت وچ بوہت سارے ، بھاویں اوہ یسوع اُتے ایمان رکھدے نیں ، جھوٹ ودھاؤن والیاں دے راہیں اوہناں دے دھوکا دین تے راہوں بھٹکاؤن دے سبب ، دوزخ وچ سُٹے جاندے نیں ۔ اوہ ایس بھٹکاؤن والی سوچ توں دھوکہ کھاندے پئے نیں پئی لوک چنگے بن سکدے نیں تے اوہناں نوں چنگیاں بننا چاہی دا اے ۔ پر ایس لئی پئی اسیں خاص کر کے پاپ نال جمے آں ، اسیں کدی وی چنگے نئیں  بن سکدے بھاویں اسیں بوہت  چوکھی ساری کوشش کر لئیے ۔ ایس طرحاں، اسیں صرف ایس سچیائی دی خوشخبری اُتے ایمان رکھ کے ای مکتی پا سکدے آں پئی یسوع نے پانی تے رُوح دے راہیں سانوں بچایا اے ۔ اسیں اک نویں زندگی اوسے ویلے بسر کر سکدےآں جدوں اسیں ایہہ پچھان لئیے پئی اسیں ایس سچیائی اُتے ایمان رکھ کے بے پاپ بن گئے آں ۔
بائبل دے فریسی تے اج دے بوہتے مسیحی جیہڑے پانی تے رُوح دی خوشخبری اُتے ایمان نہ رکھدے ہوئیاں اپنے پاپاں توں بچائے نئیں گئے ، اوہ سارے اکو جیہے نیں اوہ سارے بدعتی نیں ۔ فریسی خُدا اُتے ایمان رکھدے سن ، رُوحاں دے جیوں اُٹھن ، تے ایہدے بعدوں دی زندگی اُتے جیہڑی پاک کتاب وچ لکھی ہوئی اے ۔ پر اوہ یسوع اُتے اپنے مسیحا وانگر ایمان نئیں رکھدے سن ۔ ہور ایہہ پئی ، اوہناں نیں مسیح دے بپتسمے تے اوہدے صلیبی لہو نو ں برباد کیتا تے گیا گواتا کیتا ۔
اج ،بوہت سارےمسیحی نیں جیہڑے بالکل اوہناں فریسیاں وانگر نیں۔ اوہ بائبل توں بوہتا مسیحی خیالاں نوں منن ول نیوندے نیں ۔ ایس لئی پئی اج کل بوہت سارے بدعتی عقیدے پھُٹ پئے نیں ۔ طِطس ۳: ۱۰۔۱۱ وچ، خُدا بدعتاں دے بارے وچ ایہہ آکھدیاں ہوئیاں سانوں دسدا اے پئی ، ”اک دو واری  نصیحت کرکے بدعتی بندےتوں و کھرا ہوجا  ۔ ایہہ جان کے پئی ایہو جیہا بد راہ ہو  گیا اے تے اپنے آپ نوں مجرم ٹھہرا کے گناہ  کردا رہندا اے ۔ “اوہ لوک جیہڑے بدعتی عقیدیاں نال میل جول رکھدے نیں بائبل دے مقابلے وچ اپنے دینی آگُوآں اُتے بوہتا بھروسہ رکھدے نیں ، اوہناں اُتے یقین رکھدے نیں تے اوہناں پچھے چلدے نیں ، تے ایہدے نتیجے وچ ، اوہ سارے فناہ کر دتے جان گے ۔
ہُن پہلوں توں وی بوہتے ، ایس جگ وچ بوہت سارےجھوٹے نبی ودھدے پئے نیں ۔ خاص حوالے دے کلام دے راہیں ، خُدا نے ایس طرحاں سانوں دسیا پئی ہر کسے نوں لڑنا چاہی دا اے تے اوہناں جھوٹیاں نبیاں اُتے فتح پاؤنی چاہی دی اے ۔ اوہنے ایہہ وی آکھیا پئی صرف فتح پاؤن والے راستبازی دا جوڑا پاؤن گے  ۔
لوقا ۱۸باب وچ  ”فریسی تے محصول لین والے دی مثال “ملدی اے ۔ اک فریسی ہیکل وچ گیا ، اپنے ہتھ چُکے ، تے گھمنڈ نال دعا کیتی : ”اے خُدا ، میَں تے ہفتے وچ دو واری روزہ رکھنا آں میَں اپنی ساری کمائی دا دسواں حصہ دینا آں۔ “ایس توں ہٹ کے ، محصول لین والے نے ، جدوں اوہنے دعا کیتی تاں اپنی اکھ وی نہ چُک سکیا: ”اے خُدا ،میَں نئیں کر سکدا جو کجھ اوہ کردا اے ۔ میَں بوہت ساریاں غلطیاں والا اک پاپی آں ، جیہڑا ہفتے وچ دوواری روزہ نئیں رکھ سکدا تے جو جیہڑا تینوں دسواں حصہ وی نئیں دے سکدا ۔ صرف ایہو ای نئیں ، میَں لوکاں نوں دھوکہ وی دتا اے ، اوہناں دی چوری وی کیتی ، تے ہور وی بوہت ساریاں بدیاں کیتیاں ۔ میَں اک بے کار بندہ آں ۔ اے خُدا میرے اُتے ترس کھا ، ترس کھا تے مہربانی کر کے  مینوں بچا۔ “
بائبل سانوں دسدی اے پئی فریسی دی تھاں اُتے ایہہ محصول لین والا سی جنہوں خُدا نے راستبازٹھہرایا سی ۔ ایس سوال وچ ایہہ گل چنگی طرح وکھائی گئی اے ، ”  کنہوں سوکھے طریقے نال پاپ توں معافی مل سکدی اے ؟  “ ایہہ اوہناں توں ہٹ کے کوئی دوجے نئیں ہیگے جیہڑے اپنیاں کمیاں بارے سوچدے نیں ۔ اوہ لوک جیہڑے جان دے نیں پئی اوہ پاپی نیں ، اوہ رُوحاں جیہڑیاں پچھان دیاں نیں پئی اوہ بے شک دوزخ دیاں حقدا ر نیں ، تاں کیہ اوہناں اُتے شریعت یاں خُدا دا سچا انصاف لگنا سی ایہو ای او ہ لوک نیں جیہڑے یسوع دے سبب چھٹ جان دی مکتی پاؤندے نیں ۔
متّی ۳ :۱۵ وچ لکھیا گیا اے پئی یسوع نے بپتسمہ لین توں بوہت چھیتی کیہ آکھیا سی ۔ ایس آیت وچ ”ایسے طرح “دا مطلب ایہہ ہیگا اے پئی پاپیاں نوں بچاؤن لئی یسوع دا بپتسمہ  سب توں جائز طریقہ سی مطلب اے ، اوہناں دے پاپاں نوں یسوع دے بپتسمے نال  مکا کے اوہناں نوں بچاؤنا ، جنہے سارے پاپاں نوں اوہدے حوالے کردتا ۔
کیہ تُسیں ایس سچیائی اُتے ایمان رکھدے او پئی یسوع نے تہانوں تہاڈے پاپاں توں ”ایسے طرح“بچایا اے ؟ خُداوند نے تہاڈے سارے پاپاں نوں اپنے اُتے لَے لیا جدوں اوہنے ، ”ایسے طرح “بپتسمہ لیا ۔ ایہدے بعدوں اوہ جگ دے سارے پاپاں نوں سولی تیک لَے گیا تے اپنے ای لہو نال اوہناں سارے پاپاں دا مُل اُتاریا ۔ اپنی رُوح نوں جیوندا رکھن لئی تہانوں ایہدے اُتے ایمان رکھنا چاہی دا اے ۔ جدوں تُسیں ایہدے اُتے ایمان رکھدے او تاں ، تہاڈی رُوح دا فدیہ ہوجاندا اے   ، تے تُسیں خُدا دے پُتر وانگر نویں سریوں جم دے او ۔
فیر وی ایس جگ وچ بوہت سارے لوک ہیگے نیں جیہڑے مکتی دی خوشخبری ، پانی تے رُوح دی ایس سچیائی نوں رد ّ کردیندے نیں ۔ ایس لئی سانوں رُوحانی لڑائیاں لڑنیاں چاہی دیاں نیں ۔ میَں ایہہ نئیں آکھدا پیا پئی  سانوں اپنے پاپ نوں پچھانن لئی بوہتے بوہتے غلط کم کرنے چاہی دے نیں ، سگوں ایہہ پئی سانوں اپنے آپ نوں کسے ایہو جیہے بندے وانگر پچھان کے خُدا دے فضل دے لیڑے پاؤنے چاہی دے نیں جیہڑا خاص کر کے پاپ دا پابند اے تے رُوحانی طور اُتے اوہناں دی عدالت کیتی جاوے گا ۔ تہانوں ایس سچیائی نوں مننا پوے گا پئی یسوع تہاڈا مکتی داتا اے ۔ ہر کوئی جیہڑا مکتی پاؤنا چاؤہندا اے اوہنوں یسوع دے کفارے اُتے ایمان رکھنا چاہی دا اے جنہے ساڈے سارے پاپاں نوں  اپنے اُتے لد لیا تے ساڈی تھا ں اُتے اوہنے سزا جری ۔ صرف فیر ای ہُن کسے دے دل وچ کوئی پاپ باقی نئیں رہ سکدا اے ۔
کیہ حالےتیک تہاڈے دل وچ پاپ ہیگا اے ؟ جیہڑے لوک ایہہ سوچدے نیں پئی اوہناں دے دلاں وچ پاپ ہیگا اے اوہ پہلوں خُدا دی شریعت  نوں جان لین۔ خُدا دی شریعت دے راہیں ، پاپ دا پھل موت اے ۔ جے تہاڈے وچ پاپ ہیگا اے ، تاں تہانوں لازمی مرنا پوے گا ۔ جے تُسیں اپنے پاپاں دا فدیہ دتیوں اڈ ای مر جاندے او تاں، تہاڈا انصاف کیتا جاوے گا تے تہانوں دوزخ وچ سُٹیا جاوے گا ۔ ایس لئی پئی ایس جگ وچ ہر کوئی پاپ توں ہٹ کے ہور کجھ نئیں کر سکدا ، ہر کوئی بچ نئیں سکدا سگوں خُدا دی شریعت دے اگے دوزخ وچ سُٹ دتا جاوے گا ۔ ایس لئی خُدا نے ، ساڈے اُتے ترس کیتا ، اپنے اکلے پُتر یسوع مسیح  نوں ایس دھرتی اُتے گھل کے ، سانوں ”ایسے طرح متّی ۳: ۱۵ “مکتی دتی ، تے یردن دے دریا وچ اپنے بپتسمے نال جگ دے سارے  پاپاں نوں اپنے اُتے چُک لیا ، تے ساڈی لئی سولی اُتے اوہنے دکھ جرےاوہنے ایہہ سارا کجھ کیتا تاں پئی اوہ سانوں بہشت وچ گھل سکے ۔
ساڈے چنگے کماں دے سبب اسیں مکتی نئیں پا سکدے ۔ لوکاں وچ فریب دیاں وکھ وکھ حدا ں ہو سکدیاں نیں ، پر ہرکوئی ایہدے ہوندیاں وی فریبی ای اے ،تے کوئی وی کامل طریقے نال بھلیائی تیک نئیں اپڑ سکدا ۔ ایس لئی ،لوکاں نوں اوہناں دے سارے پاپاں توں کامل طریقے نال صرف اوس ویلے ای مکتی مل سکدی اے جدوں اوہ مسیح دے فدیہ دی مکتی اُتے ایمان رکھدیاں ہویاں اپنے سارے پاپاں توں معافی پاؤندے نیں ۔ ایہہ بائبل دی خاص سچیائی اے ۔
خُداوند نال ملن توں پہلوں اوہ کس طرح دا سی ، ایہدے بارے دسدیاں ہوئیاں ، پولُو س نے اقرار کیتا ، ” پئی جیہڑی بھلیائی میَں چاہناں آں میَں نئیں کردا ۔پر بھیَڑے  کم جیہڑےمیَں نئیں چاہندا اوہی میَں کرنا آں۔ “ (رومیوں ۷: ۱۹)۔ پولُوس ایہو جیہا کیوں سی ؟ ایس لئی پئی سارے لوک سوکھے طریقے نال کوئی وی بھلیائی کرن توں پچھے نیں ۔ ہر کسے نوں پتہ ہیگا اے پئی بھلیائی کرنا ٹھیک کم اے ، پر کوئی وی خاص کر کے اِنج کرن دے لائق نئیں ہیگا ۔ ایہہ بدنی آساں نال پورے طریقے نال حداں تے چوڑائیاں وچ وکھ اے جیہڑیاں ایتھوں تیک پئی راستباز لوک وی رکھدے نیں ۔ ایس لئی لوک صرف سچیائی دی خوشخبری اُتے ایمان رکھدے ہوئیاں بچائے جاندے نیں جیہڑی خُداوند نے اوہناں نوں دتی اے۔
راستباز تے بے پاپ خُدا نے ساڈے ورگے پلیت تے گندے لوکاں نوں کِیویں قبول کیتا ؟ خُدا نے ساڈے خُداوند یسوع دے سبب سانوں بچایا تے سینے نال لا لیا ۔ اوہنے یُوحنا بپتسمہ دین والے ، سارے لوکاں دے وڈے کاہن ، کولوں اپنے بپتسمے نال سارے لوکاں دے سارے پاپاں نوں اپنے اُتے چُک لیا ، اوہناں پاپاں نوں سولی اُتے لَے گیا ، تے ساڈی تھا ں اُتے اوہنے دکھ جرے ۔ کیہ تُسیں یسوع اُتے ایمان رکھدے او ؟ یسوع اُتے ایمان اوہدے اُتے ایمان رکھنا اے جیہڑا اوہنے ساڈے لئی کیتا اے  ۔    
 
 
خدا دے اگے قیم رہن دا راہ
 
قائن تے ہابل آدم تے حوّا وچوں جمے ، جیہڑے سارے لوکاں دے پہلے ماپے سن ۔ جدوں آدم تے حوّا نے پاپ کیتا تاں ، خُدا نے اوہناں دی تھاں اُتے اک جنَور نوں ماریا تے اوہدے چمڑے دے لیڑے اوہناں نوں پوائے ۔ ایہہ سارے لوکاں نوں خُدا دیاں دو شریعتاں دی تعلیم سکھاؤندا اے ۔ اک خُدا دے انصاف دی شریعت ، جتھے  ”پاپ دا پھل موت اے “، تے دوجی اوہدی محبت دی شریعت اے ، جتھے قربانیاں نوں پاپیاں دے شرم ناک پاپاں اُتے پردہ پاؤن لئی ورتیا جاندا اے ۔ آدم تے حوّا نے ، شیطان دے فریب وچ آکے ، خُدا دے خلاف پاپ کیتا ۔ ایس تو ں ہٹ کے پئی اوہناں نیں کِیویں پاپ کرنا ختم کیتا ، اوہناں نوں مار دینا پیا، ایس لئی پئی خُدا دی شریعت دے اگے پاپ دا پھل موت ہیگا اے ۔ پر خُدا نے اوہناں دی تھاں اُتے اک جنَور نوں مار دتا تے اوہناں نوں اوہدے چمڑے دے لیڑے پوائے ۔ ایہہ آؤن والے فدیہ دی قربانی دی پیشن گوئی دا نشان سی ۔
اپنے پاپ کرن دے بعدوں ، آدم تے حوّا نے انجیردیاں پتیاں نوں جوڑ کے سیوں لیا سی تے ایہدے نال اپنے آپ نوں کج لیا سی ۔ پر انجیر دے ایہہ پتے بوہتےچر تیک قیم نئیں رہ سکدے سن، ایس لئی پئی اوہ دُھپ وچ سُک گئے سن تے اوہناں دے ٹُرن پھرن دے نال ای ٹُٹن تے ڈِگن لگے ، تے ایس طرح اوہ اپنے پاپ نوں کجن وچ ناکام رہے ۔ ایس لئی آدم تے حوّاولوں جنہاں نے اپنی شرمندگی نوں فضول ای انجیر دیاں پتیاں نال کجن دی کوشش کیتی سی ، خُدا نے اک جنَور نوں ماریا ، چمڑے دے لمے کپڑےبنائے، تے اوہناں نوں پوائے ۔ فدیہ دی قربانی نوں پیش کرن دے سبب ، دوجے اکھراں وچ ، خُدا نے پاپیاں دی ساری شرمندگی نوں کج لیا اے  ۔
ایہہ ساڈے لئی خُدا دی محبت تے اوہدی سچی مکتی دی گل کردا اے ۔ آدم تے حوّا نوں پتہ لگیا پئی خُدا نے اوہناں دی تھاں اُتے جنَور نوں مار دتا ، تے ایہہ پئی اوہ آپ اوہناں دی ساری شرمندگی نوں کج کے اوہناں نوں بچاؤندا اے ۔ ایہدے بعدوں اوہناں نیں ایہہ ایمان اپنے بچیاں تیک پہنچایا ۔
آدم دے دو پُتر ، قائن تے ہابل سن ۔ پہلاپُتر قائن  ،نے اپنے ہدیے دی تھاں اُتے خُدا نوں اپنی کوشش تے طاقت دی پیداوار پیش کیتی ، جد پئی ہابل دا ہدیہ خُدا دے فدیہ دی شریعت دے مطابق اک ذبح کیتا ہویا برّہ سی ۔ خُدا نے کیہڑا ہدیہ پسند کیتا ؟ ایہہ دو ہدیے پُرانے عہد نامے دے بوہت خاص واقعات وچوں اک سن جنہاں نیں ایمان دے ہدیےتے بندیاں دے خیالاں دے ہدیے وچکار فرق وکھایا ۔ خُدا نے ہابل دے ہدیے نوں پسند کیتا ۔ بائبل سانوں دسدی اے پئی خُدا نے قائن دی دھرتی دے پھل تے اوہدے پسینے تے محنت دے ہدیے نوں پسند نئیں کیتا ، سگوں ایہدی تھاں اُتے ہابل دے اِجڑ وچوں پلیٹھی والے دی قربانی تے اوہدی چربی دے ہدیے نوں پسند کیتا۔
بائبل فرماؤندی اے ”تے ہابل وی اپنیاں بھیڈاں بکریاں دے کجھ پلیٹھی دے بچیاں دا تے کجھ اوہناں دی چربی دا ہدیہ لیایا تے خُداوند نے ہابل نوں تے اوہدے ہدیے نوں پسند کیتا ۔“خُدا نے ہابل دے ہدیے تے اوہدی خوشی دی قربانی نو ں پسند کیتا ۔ ایس توں ،  سانوں لازمی طور اُتے ایہہ پڑھن دے لائق ہونا چاہی دا اے پئی خُدا دا دل ساڈے کولوں کیہ چاؤہندااے  ۔
خُدا سانوں کِیویں پسند کرے گا؟ ہر دیہاڑے اسیں اوہدے اگے بوہت تھوڑے چر لئی آؤندے آں ؛ اسیں کدی وی خُدا دے اگے کِیویں قیم رہ سکدے آں ؟ صرف اکو ای راہ اے جیہدے راہیں اسیں خُدا دے کول جا سکدے آں ، صرف اکو ای راہ جیہڑا خُدا نے ساڈے لئی تیار کیتا اے ۔ ایہہ ” ہدیے “توں ہٹ کے کوئی دوجا نئیں ہیگا ساڈے ” کماں“ دا ہدیہ نئیں سگوں ساڈے ”ایمان“دا ہدیہ اے ۔ ایہہ ہیگا اے جیہڑا خُداپسند کردا اے ۔
آدم تے حوّا نے اپنے بچیاں نوں کیہو جیہا ایمان اپنے ولوں دتا ؟ ایہہ ایمان  ” چمڑے  دے لمے
کپڑیاں “دا ایمان سی ۔ دوجے اکھراں وچ دسدے ہوئیاں ، ایہہ اوہو ای ایمان سی جیہڑا قربانی دے ہدیے دے راہیں فدیہ دین اُتے ایمان رکھدا سی ۔ اج ، ایہہ یسوع دے پانی تے لہو دی خوشخبری اُتے ایمان رکھنا اے: ”میَں یقین رکھدا ہاں پئی میرے سارے پاپ یسوع دے بپتسمے تے لہو دے راہیں چُک لَے گئے سن ، تے ایہہ پئی میری تھاں اُتے اوہنے دکھ جرے سن ۔ میَں اپنے ہدیے وانگر ایہہ ایمان دیندا ہاں ۔ میرا ایمان ہیگا اے پئی جدوں اوہنے بپتسمہ لیا سی تاں خُداوند نے میرے سارے پاپاں نوں چُک لیا سی ۔ میرا ایمان ہیگا اے پئی میرے سارے پاپ یسوع اُتے لدے گئے سن ۔ جویں پئی خُدا نے پُرانے عہد نامے وچ وعدہ کیتا سی ، یسوع  مسیح نے قربانی دا برّہ بن کے تے میرے لئی مر کے مینوں بے پاپ بنا دتا اے ۔ مینوں ایس مکتی اُتے یقین ہیگا اے  ۔  “
جدوں اسیں خُدا دے اگے کھلو جاندے آں ، ایس گل اُتے ایمان رکھدے آں پئی خُداوند نے ایسے طرح سانوں بچایااے ، خُدا ایس ایمان دے ہدیے نوں پسند کردا اے تے سانوں سینے نال لاؤندا اے ۔ کاہدے لئی ؟ ایس لئی پئی صرف یسوع دی ”قربانی دے ہدیے“دے سبب ہور کسے شے نال نئیں ، اسیں خُدا دے اگے بے پاپ تے راستباز بن گئے آں ۔
خُدا نے سانوں قبول کیتا اے ایس لئی پئی اسیں اوہنوں اپنےایمان دا  ہدیہ دتا جیہڑا یسوع نوں ساڈے مکتی داتا وانگر من دا اے ۔ جدوں خُدا نے یسوع دی قربانی نوں قبول کیتا ، دوجے اکھراں وچ  ، اوہنے مسیح وچ سانوں وی قبول کیتا اے ۔ ایہدا سبب ایہہ ہیگا اے پئی ساڈے سارے پاپ قربانی اُتے لدے گئے سن ۔ ایس لئی پئی ساڈے پاپاں دا انصاف ایس قربانی دے حوالے کر دتا گیا ، اسیں بے پاپ بن گئے آں ۔ ایہہ خُدا دا انصاف تے اوہدی راستبازی اے ۔ ایہہ خُدا دی محبت تے اوہدی کامل مکتی وی اے ۔  
 
 
اسیں ، وی ، ہابل ورگا ایمان پیش کردے آں
 
بائبل سانوں دسدی اے پئی خُدا نے  ہابل دے ایمان دے ہدیے نوں خوشی نال قبول کیتا ۔ فیر ، ایمان دا ہدیہ کیہ اے جیہڑا خُدا اج ساڈے ولوں قبول کرے گا ؟ جدوں اسیں اپنے سچےدلوں ایمان رکھدے آں پئی یسوع ساڈا مکتی داتا اے ، تے ایہہ پئی اوہنے ساڈے سارے پاپاں دی فکر کیتی ، تے ساڈے لئی اوہنے دکھ جرے ، تے جدوں اسیں خُدا نوں ایہہ ایمان دیندے آں تاں ، خُدا ایس ایمان دے ہدیے دے راہیں سانوں  قبول کردا اے ۔ ایس توں ہٹ  کے پئی ساڈے کم بوہتے ای گھٹ ہو گئے نیں ، ایس لئی پئی ساڈے سارے پاپ یسوع اُتے لدے گئے سن ، تے ایس لئی پئی یسوع نے ساڈی تھاں اُتے دکھ جرے سن ، خُدا باپ نے ساڈے پاپاں  نوں اپنے پُتر وچ ویکھیا، ساڈے وچ نئیں ۔ خُدا نے ایس طرح ساڈے سارے پاپاں  نوں اپنے پُتر اُتے لدیا ، ساڈی تھاں اُتے اوہنوں دکھ دتے ، اوہنوں تیجے دیہاڑے مویاں وچوں جوایا ، تے اوہنے اپنے سجے ہتھ بٹھا لیا ۔
خُدا نے اوہناں ساریاں نوں جیہڑے اوہدے اُتے ایمان رکھدے نیں بچا لیا اے ۔ اوہنے ساڈے ایمان دے ہدیے نوں قبول کیتااے ۔ یسوع مسیح توں اڈ ، اسیں کدی وی خُدا دے اگے کھلو نئیں سکدے ۔ پر ایس لئی پئی یسوع ساڈا خاص مکتی داتا بن گیا اے ، ایس لئی اسیں ایس ایمان دے ہدیے نال خُدا کول جا سکدے آں ، تے ایس ہدیے دے سبب ، خُدا سانوں قبول کر سکدا اے ۔ کیہ ایس سچیائی اُتے ساڈا کامل ایمان ہیگا اے ؟ بالکل ایہہ ہیگا اے !
ہُن اسیں اصل وچ بے پاپ بن گئے آں ۔ ایس لئی پئی ساڈے پاپاں نوں یسوع اُتے لدیا گیا سی ، ایس لئی خُدا نے سانوں چٹےکپڑےپوائےنیں، اسیں جیہڑے بے پاپ بن گئے آں ، اوہنے سانوں راستباز بنایا اے ۔ جویں پئی ساڈے خُداوند نے وعدہ کیتا اے ، ” جیہڑا جتے اوہنوں ایسے طرح چِٹّے کپڑے پوائے جان گے تے مَیں اوہدا ناں زِندگی دی کتاب وِچوں کدی نا کٹّاں گا ،“اوہ اپنے فرشتیاں دے اگے ساڈے نانواں دا اقرار کرے گا ۔
خُدا دی سردیس دی کلیسیا وچ ، کجھ ای ایہو جیہے سن جیہڑے چٹے کپڑیاں وچ خُداوند نال چلدے سن ۔ کوئی ہور نئیں ایہہ خُدا دے خادم، اوہدے پُتر تے پاک لوک سن ۔
خُدانے ہابل دے ہدیے نوں قبول کیتا ۔ تے اوہنے ہابل نوں وی قبول کیتا ۔ پر خُدا ایہو جیہے ہدیاں نوں قبول نئیں کردا جیہڑے کامل نئیں ہیگے ۔ خُدا نے ایس طرح قائن تے اوہدے ہدیے نوں قبول نئیں کیتا ۔ خُدا نے قائن تے اوہدے ہدیے نوں کیوں  قبول نئیں کیتا سی ؟ اوہنے اوہناں نوں قبول نئیں کیتا ایس لئی پئی قائن دے ہدیے فدیے دے لہو نال تیار کیتے گئے زندگی دے ہدیے نئیں سن ۔ بائبل سانوں دسدی اے پئی قائن نے اپنے ہدیاں وانگر دھرتی دا پھل ، اوہدی اپنی ہمت دی پیداوار دتا ۔ سوکھے اکھراں وچ ،اوہنے اپنیاں فصلاں دے ہدیے دتے ۔ ایہہ ہدوانہ ، مکئی یاں آلُو یاں کجھ ہور وی ہو سکدا اے ، ایہدے وچ کوئی شک نئیں پئی ساراکجھ صاف تے چنگی طرح تیار سی ۔ پر خُدا نے ایس طرح دے ہدیاں نوں قبول نئیں کیتا ۔
قائن دا ہدیہ اک خاص مطلب رکھدا اے جیہڑا اج  دے مسیحیاں نوں مکتی پاؤن لئی  سارا سمجھنا چاہی دا اے ۔ پر اج دے لوکاں وچ سچ مُچ خُدا دے دل نوں تھوڑے ای لوک جان دے نیں ، ایس لئی پئی ایہناں وچوں بوہتے کوئی سوچ نئیں رکھدے ، ایتھوں تیک پئی اوہناں نیں سوچیا وی نئیں پئی اوہ اصل وچ خُدا اگے قائن وانگر ہدیے پیش کردے پئے نیں ۔
جدوں کوئی خُدا دے اگے کھلوندا اے، تاں اوہنوں اپنے پاپاں دے سبب پہلوں اپنے آپ نوں موت   تے دوزخ دا حقدار سمجھنا چاہی دا اے ۔ کیہ تُسیں خُدا دے اگے ایہہ پچھان دے او ، پئی تُسیں اپنے پاپاں دے سبب فناہ ہون تے دوزخ دے حقدار جے ؟ جے تُسیں ایہنوں نئیں من دے تاں ، فیر تہانوں یسوع اُتے ایمان لیاؤن دی لوڑ نئیں ہیگی ، ایس لئی پئی یسوع پاپاں دا مکتی داتا اے ۔ خُداوندنے سانوں دسیا ، ”جیہڑے تگڑے نیں اوہناں نوں ڈاکٹر دی لوڑ نئیں ہیگی ، سگوں اوہ جیہڑے بیمار نیں اوہناں نوں لوڑ اے۔ “ ساڈے خُداوندنوں  اوہناں لوکاں دی لوڑ اے جیہڑے پاپاں دے بھار ہیٹھاں دبے ہوئے نیں، اوہناں دی نئیں جنہاں نوں اپنے پاپاں دی فکر ای نئیں تے اوہ بےپاپ ہون دا دعویٰ کردے نیں جد پئی اوہناں نوں حالے نویں سریوں جمنا اے ۔
ہر کوئی خاص کر کے پاپی اے ۔ ایس لئی خُدا نےلوکاں دا انصاف کرنا اے ، تے سارے لوک خُدا دے غصے دی سزا  نوں جرن دے حقدار نیں ۔دوجے اکھراں وچ  ، تُسیں تے میَں ، سارے فناہ ہون دالیکھ رکھدے آں ۔ پر سانوں بربادی دے ایس دوزخ وچ گھلن توں بچاؤن لئی ، خُداوند نے یردن دے دریاں وچ اپنے بپتسمے نال ساڈے سارے پاپاں نوں چُک لیا تے ساڈی تھاں اُتے خُدا دی عدالت نوں پسند کیتا ۔ ایس سبب توں خُداوند خُدا دے اگے سانوں ساریاں نوں مکمل طور اُتے بچا سکدا اے ۔ ایس لئی ، صرف اوہو ای لوک جیہڑے سچ مُچ خُدا دے اگے پاپ کردے نیں تے اپنے آ پ نوں پاپی من لیندے نیں اوہناں نوں خُدا اُتے ایمان رکھن دی لوڑ اے ، تے اوہناں لئی ای خُدا مکتی داتا بن گیا اے ۔
 
 
اوہ ایمان جیہڑا سانوں مکتی دے چٹےکپڑے پواؤندا اے
 
جویں پئی بائبل سانوں دسدی اے ،”ایس لئی پئی بدن دی جان لہو وچ اے، “اک بندے دی جان وی اوہدے لہو وچ اے ۔ ساڈےپاپاں دے سبب ، سانوں لازمی مرنا چاہی دا اے ۔ فیر ،کاہدے لئی یسوع سولی اُتے مویا؟ اوہ سولی اُتے ایس لئی مویا پئی اوہنے ساڈے سارے پاپ اپنے اُتے چُک لَے سن ، تے ،ایس لئی پئی پاپ دا پھل موت اے ، یسوع نے پاپ دا مُل اُتارن لئی  اپنے بدن دا لہو وگایا تے ساڈی تھاں اُتے مر گیا ۔ ایس سچیائی دی گواہی دین لئی ، اوہ سولی اُتے چاڑھیاگیا ، لہو وگایا تے ساڈی تھاں اُتے سولی اُتے مر گیا ۔
جویں پئی بائبل سانوں دسدی اے ، ”ایتھوں تیکر پئی اوہ ساڈیاں غلطیاں دے سبب زخمی کیتا گیا تے ساڈیاں بھیڑیاں کماں دے سبب لتاڑیا گیا ،“یسوع سچ مُچ ساڈیاں غلطیاں تے بھیڑیاں کماں دے سبب مریا سی ۔ ایس لئی ، اوہدی موت ساڈی موت اے ، تے اوہدا جیوں اُٹھنا ساڈا جیوں اُٹھنااے ۔ کیہ تُسیں ایہدے اُتے ایمان رکھدے او ؟
یسوع سانوں بچاؤن لئی ایس دھرتی اُتے آیا سی تے ساڈے پاپاں نوں مکاؤن لئی بپتسمہ لیا سی ۔ یسوع نوں سولی اُتے وی چاڑھیا گیا سی ۔ لوکاں نیں اوہنوں فضول جانیا ، اوہناں نیں اوہد ے لیڑے کھو ہ لَے ، اوہدے اُتے تُھکیا ، تے اوہدے مکھ اُتے چنڈاں ماریاں گئیاں ۔ یسوع ،جیہڑا خُدا اے ، اوہنوں چنڈاں کھان تے تُھکے جان دی ایہہ بے عزتی کیوں کراؤنی پئی سی ؟ ساڈا خُداوند ساڈے پاپاں دے سبب بے عزت ہویا سی ۔
خُداوند دی موت تے اوہد ا جیوں اُٹھنا، ایس لئی ، ساڈے ساریاں دی موت تے جیوں اُٹھنا اے ۔ جگ دے کسے وی دینی آگُو نے ساڈے پاپاں دی فکر نئیں کیتی ۔ نہ او س نبی نے ، نہ بُدّھا، نہ ای ایس جگ وچ کسے ہور نے ساڈے پاپاں لئی اپنی جان دتی ۔
پر یسوع مسیح ، خُدا دا پُتر ، ایس دھرتی اُتے آیا تے یردن دے دریا وچ اپنے بپتسمے نال ساڈے پاپاں نوں چُکیا تے سانوں بے پاپ بنا دتا ۔ تے سانوں اپنی موت ، سزا ، بربادی تے لعنت توں مکتی دلواؤن لئی ، اوہنے اپنی جان قربان کردتی ۔
ایس لئی ، جویں پئی بائبل سانوں دسدی اے ،  ” تے  تُساں  ساریاں  بندیاں مسِیح  وِچ بپتِسمہ
لیا۔ مسِیح نُوں پہن لیا۔ “ساڈے ایمان نوں راستبازی دا جوڑا پاؤنا چاہی دا اے ، ساڈے پاپاں دا فدیہ دتا گیا اے ، یسوع دے بپتسمہ اُتے ایمان رکھ کے جنہے ساڈے سارے پاپاں نوں ساڈے توں وکھ کیتا اے ۔ یسوع دے بپتسمے اُتے اِنج دےایمان وچ ساڈا مرن تے جیوں اُٹھن اُتے ایمان وی نال ای اے ۔
خُدا نے اپنے پُتر اُتے ایمان رکھن والے ساڈے ایس ایمان نوں ویکھ کے سانوں اپنی اولاد بنایااے۔ ایہہ قبول کرنا اے ۔ خُدا ساڈے ایمان دے ہدیاں نوں ویکھ کے سانوں قبول کردا اے جیہڑے اسیں اوہدے اگے لیاؤندے آں۔ اوہ ساڈے کماں نوں ویکھ کے سانوں قبول نئیں کردا ، سگوں اوہ سانوں ساڈے خُدا دے پُتر اُتےاپنے مکتی داتا وانگر ایمان نوں وکھ کے اپنے پُتر من لیندااے ، جنہے ساڈے پاپاں  نوں جریا اے ، ساڈے بدلے اوہنے سزا جری ، تے فیر اوہ مویاں وچوں جیوں اُٹھیا۔
ایہہ ،میرے سوہنے بھراوو تے بھینو، اصل ایمان اے ۔ اسیں اپنے کماں نال نئیں مکتی پائی ، سگوں اسیں یسوع مسیح دے کماں دے راہیں چٹے کپڑے پائے نیں ۔ کسے وی بندے دے کم سارے دے سارے پاک نئیں ہو سکدے ۔ ساڈے دلاں نوں غلطیوں پاک بناؤن لئی ، سانوں اپنیاں فضول کوششاں نوں چھڈ دینا چاہی دا اے ،تے ایہدی تھاں اُتے صرف خُداوند نوں اپنا مکتی داتا مننا اے ۔ ایہدے تے صرف ایہدے اُتے ای ایمان رکھ کے اسیں چٹا جوڑا پا سکدے آں ۔
ایہدے بعدوں ساڈے نام حیاتی دی کتاب وچ لکھے جان گے ، تے اسیں فرشتیاں اگے خُدا ولوں پسند کیتے جاواں گے ۔ یسوع آپ سانوں خُدا دے پُتراں وانگر پچھانے گا ، ایہہ آکھدے ہوئیاں ، ”میَں تہانوں بچایا اے ؛ تُسیں راستباز ہیگے او ایس لئی پئی میَں تہاڈے سارے پاپاں نوں مکا دتا اے ۔ “ایہہ مُکاشفہ دے خاص حوالےدا ٹھیک مطلب اے ۔ جیہدے بارے اسیں حالے تیکر بحث کردے رہے آں ۔ ساڈا فدیہ اوس ویلے ای دتا جا سکدا اے جدوں اسیں خُدا دی کلیسیا وچ آؤندے آں ، تے فدیہ صرف اوہدی کلیسیا وچ ہیگا اے  ۔
خُدا باپ نے اپنے پُتراُتے ساڈے ایمان نوں ویکھ کے سانوں قبول کیتا اے ۔ بھاویں ساڈیاں کمیاں تے غلطیاں وچ اسیں ہر دیہاڑے راہوں بھٹکن تے لگاتار کمیاں وچ ڈِگن توں ہٹ کے کجھ نئیں کرسکدے ، خُدا اپنے پُتر اُتے ساڈے ایمان نوں ویکھدا اے ، تے ایسے ایمان دے سبب اوہنے سانوں اوسے طرح قبول کیتا اے جویں اوہنے اپنے پُتر نوں قبول کیتا ۔ ساڈےخُداوند نےسانوں بچایا اے ۔
تے اوہنے سانوں چٹا جوڑا پوایا اے ۔ ساڈے دلاں دی بے گناہی اُتے  ایمان  ای ،  ساڈے  چٹے
جوڑے پاؤن دا ثبوت اے ۔ خُداوند نے ساڈے نال وعدہ کیتا اے پئی ، جدوں  اسیں پہلوں چٹے جوڑے پا کے اپنے سچے دلوں اوہدے اگے کھلوواں گے ، تاں اوہ ساڈے بدناں نوں جلالی بدن بنادیوے گا ۔
ایس جگ وچ، خُدا دیاں کلیسیاواں ہیگیاں نیں جتھے راستباز تے خُدا دے خادم ہیگے نیں ۔ ایہہ اوہ لوک نیں جنہاں نیں  ایہناں کلیسیاواں وچ چٹے جوڑے پائے ہوئے نیں، تے خُدا اپنی کلیسیاواں تے اپنے خادماں دے راہیں کم کردا اے ۔   
آؤ اک واری فیر مُکاشفہ۳ :۵ ول پرتیے” جیہڑا جتے اوہنوں ایسے طرح چِٹّے کپڑے پوائے جان گے تے مَیں اوہدا ناں زِندگی دی کتاب وِچوں کدی نا کٹّاں گا۔ سگوں اپنے باپ تے اوہدے فرِشتیاں اگّے اوہدے ناں دا اِقرار کراں گا۔ “
اِکو شرط جیہڑی خُدا نے سانوں ہیٹھاں لکھے ہوئے حوالے وچ دتی اے اوہ ایہہ ہیگی اے پئی اوہ صرف اوہناں نوں چِٹّے کپڑے پوائے گا ”جیہڑے جِتن گے ۔“ سانوں لازمی جِتنا چاہی دا اے ۔ پر اوہ ، جیہڑے بھاویں  یسوع  اُتے ایمان رکھدے نیں ، تے ایہہ وی ایمان رکھدے نیں پئی اوہناں دیاں ہر دیہاڑے دیاں توبہ دیاں دعاواں دے راہیں اوہناں دے ہر دیہاڑے دے پاپاں نوں معاف کرنا ضروری اے ، اوہ اوہناں وچوں نئیں ہیگے جیہڑے شیطان دے خلاف اپنی لڑائی وچ اوہدے اُتے جِت جاندے نیں ، سگوں ایہہ اوہ نیں جیہڑے ہار گئے سن ۔ ایہو جیہے ایمان والے لوک کدی وی چِٹّے لیڑے نئیں پا سکدے ۔ اوہ کدی وی راستباز نئیں بن سکدے ۔
صرف اوہو ای جیہڑے جِت دے نیں اوہ خُداوند دی کامل مکتی دے کم اُتے ایمان رکھدے نیں ۔ خُداوند تہانوں پہلوں ای ایہہ ایمان دے چُکیا اے جیہڑا ایہو جیہاں جھوٹیاں تعلیماں اُتے فتح پا سکدا اے جویں پاک  کرنا یاں جائز کرن دےنظریے۔ خُدا نے سانوں اپنی اصل خوشخبری ، بپتسمہ تے لہو دی خوشخبری نال بچایا اے ، تا ں پئی اسیں اوہناں جھوٹیاں خوشخبریاں نال لڑئیے تے اوہناں اُتے فتح پا سکیے جیہڑیاں سانوں کامل مکتی نئیں دیندیاں تے شیطان توں چھُٹ سکدے آں ۔
سانوں صرف ایمان رکھ کے اپنے پاپاں نوں اوہدے حوالے کرنا چاہی دا اے ، اپنے سچے دلوں ایہہ من دے ہوئیاں پئی ساڈے سارے پاپ لازمی طور اُتے یسوع اُتے لدے گئے نیں ۔ تے سانوں ایہہ ایمان رکھنا چاہی دا اے پئی جدوں یسوع مریا سی فیر اسی وی مرگئے ساں ، تے ایہہ پئی اوہدی موت ساڈی تھاں اُتے نمائندگی کردی سی ۔ سانوں ایہہ وی ایمان رکھنا چاہی دا اے پئی یسوع مویاں وچوں جیوں اُٹھیا اے تاں پئی سانوں دوبارہ جیوندا کرے ۔جدوں ساڈے کول سچیائی دا ایہہ پکا ایمان اے تاں ، خُدا ، ساڈے ایمان نوں ویکھدیاں ہوئیاں ، سانوں راستبازاں وانگرقبول کر دا اے ۔
ایس کلام نوں ، دوجے اکھراں وچ دسدیاں ہوئیاں ، مطلب اے ، ”پر جِنّیاں اوہنوں قبول کیتا اوس اوہناں نوں حق دتا پئی خُدا دے پُتر بن جان یعنی اوہناں نوں جیہڑے اوہدے ناں اُتے ایمان  لیاؤندے نیں ۔“(یوحنا ۱: ۱۲)۔لوک صرف اپنیاں جیبھاں نال ایہہ آکھدیاں ہویاں خُدا دے پُتر نئیں بن دے ،  ”میَں یسوع اُتے ایمان رکھدا ہاں ۔“جدوں اصل وچ اوہناں نوں یسوع دے بارے وچ بالکل پتہ ای نئیں ہیگااے ۔
خُدا دے کلام نوں جاری رکھدیاں ہوئیاں ، ” اوہ نا لہو توں نا بدن دی چاہ توں نا اِنسان دی چاہ توں پر خُدا توں پَیدا ہوئے سن۔ “ایہہ ٹھیک ہیگا اے ۔ خُدا دے پُتر بننا صرف ایمان  نال ای سوکھا اے ۔ ایہدے لئی ، سانوں جھوٹیاں نال لڑنا تے اوہناں توں جِتنا ہووے گا ۔ جیہڑیاں لوکاں نےایس طرح جھوٹیاں توں جِت کے پاپ توں معافی پا لئی اے اوہناں نوں لازمی اپنیاں بدنی آساں توں جِت کے خُدا نال ٹُرنا چاہی دا اے ۔ اوہناں نوں خُدا دی مرضی دے مطابق دوجے اکھراں وچ جیوندے رہنا چاہی دا اے ۔
فیر، خُدا دی مرضی کیہ اے ؟ خُدا دی مرضی اوہناں لوکاں لئی اے جیہڑے چِٹّے لیڑے پا کے اکٹھے ہوندے نیں تے اوہدی خوشخبری دی سیوا کردے نیں ۔ اوہدی مرضی راستباز لوکاں لئی اے ، ایتھوں تیک پئی اوہ اک دوجے کولوں وکھ ہو سکدے نیں ، پر اوہ خُدا دی بھگتی ، سیوا تے وڈیائی کرن لئی اکٹھے نیں تے پاپیاں وچ خوشخبری دی منادی کردے نیں تاں پئی اوہ ،وی ، چِّٹا جوڑا پا سکن ۔ لوکاں نوں بچاؤن لئی کم کرن دی ایہہ زندگی خُدا دے لوکاں دی زندگی ، اوہدے خادماں دی زندگی اے  ۔
جدوں اسیں ایہو جیہی زندگی بسر کردے آں تاں ، خُدا نہ صرف سانوں اپنی ”راستبازی “دے لیڑے پواندا اے ، سگوں اوہ سانوں دونویں نعمتاں ایس دھرتی اُتے ترقی تے اسمانی رُوحانی برکتاں وی دیندااے ۔ ساڈے آلے دوالے دےلوکاں نوں ایس خوشخبری دی منادی کرن دے راہیں،اوہ اوہناں لوکاں نوں وی چِٹا جوڑا پواندا اے ۔ خُدا نے سارے راستباز لوکاں تے اوہناں دے آلے دوالے دے لوکاں نوں چِٹا جوڑا پوایا اے ۔ خُدا نے سچیائی دے کلام اُتے ایمان رکھن دے سبب سانوں جھوٹیاں دے خلاف اپنی لڑائی وچ جِتن دی اجازت دتی اے ۔ تے اوہنے راستباز لوکاں نوں چِٹے جوڑے پاؤن دی نعمت دتی اے جیہڑے ایس رُوحانی لڑائی وچ جِت دےنیں ۔ خُداوند دی وڈیائی ہووے !