Проповеди

مضمون 10: مُکاشفہ(مُکاشفہ دی کتاب اُتے تفسیر)

[11-2باب] (مُکاشفہ ۱۱:۱۔۱۹) اسرائیلؔ دے لوکاں دی مکتی

)مُکاشفہ ۱۱:۱۔۱۹(
خُدا کیوں اسرائیل  دے لوکاں لئی دو نبیاں نوں  گھلے گا ؟ خدا خاص کر کے اسرائیل دے لوکاں نوں بچاؤن لئی اِنج کرے گا ۔ ایہہ خاص حوالہ سانوں دسدااے پئی خُدا اپنے دو گواہواں کولوں اک ہزار دو سو سٹھ دناں تیکر نبُوّت کروائے گا ۔ ایہہ اسرائیلیاں نوں اخیری ویلے اُتے بچاؤنا اے ۔ یعنی ایس طرح خُدا اسرائیل دے لوکاں نوں بچاوے گا دا ایہہ وی مطلب ہیگا اے پئی دنیا دے مکن دا ویلا آن اپڑیا اے ۔
آیت ۲ فرماندی اے، ” تے اوس ویہڑے نُوں جیہڑا ہیکل دے باہر اے اوہنوں چھڈ دے تے اوہنوں نا کچّھ کیوں جو اوہ غیر قوماں نُوں دِتّا گیا ہے۔ اوہ پاک شہر نُوں بتالی مِہنے پیراں ہیٹھ لتاڑن گِیاں۔ “  ایہدا مطلب اے  پئی جد برباد کرن والیاں آفتاں اوپریاں قوماں اُتے آؤن گیاں ، جد وڈے دکھ جرن دا ست ورہیاں دا ویلا شروع ہوندا اے تے ہولی ہولی بوہت چوکھی پریشانی تے آفتاں نوں لیاؤندا اے ، جد اوپریاں قوماں وچکار ایہو جیہے لوک جیہڑے خوشخبری نوں سُن چُکے تے اوہدے اُتے ایمان لیا چُکے نیں شہید ہون گے ، خُدا اسرائیل دے لوکاں لئی دو نبیاں نوں کھلارے گا ،تے اوہناں توں گواہی دلاوے گا پئی یسوع خُدا تے مکتی داتا اے ، تے اِنج اسرائیلیاں نوں مکتی دیوے گا ۔ ایہہ نوِشتہ سانوں دسدا اے پئی ایہہ خُدا دے  آؤن والے کم نیں ۔
سانوں ایہہ کلام لازمی اوہناں نوں سکھانا چاہی دا اے جیہڑے ، شیطان دے ہتھوں دھوکہ کھا کے ، دعویٰ کردے نیں پئی اوہناں دیاں فرقیاں دے آگُو اخیری زمانے دے زیتون دے دوبُوٹےنیں ، یا یعنی ، اوہناں دے فرقے دا بانی پیشین گوئی وچ فرمایا گیا اخیری زمانے دا ایلیاہ اے۔ جد کدی دنیاوی کلیسیاواں مُکاشفہ دے بارے بولدیاں نیں ، اوہ زیتون  دے دو بُوٹیاں اُتے  ایس حوالے نوں سب توں بوہتا برباد کر دیاں نیں ۔ بدعتی تعلیم توں دھوکہ کھان والے سارے لوک جنہاں نوں میَں  ،ہُن تیکر اپنے ایمان دی زندگی وچ مل چُکیا ہاں ، کدی ایہہ بے تُکا دعویٰ کرن وچ ناکام نئیں ہوئے پئی اوہناں دی بدعت دا آگُو ایتھے وکھائے گئے زیتون دے دوبُوٹیاں  وچوں اک اے ۔ ہر بدعتی جنہوں  میَں  جان  دا  ہاں   اخیریں
ایہو جیہا دعویٰ کر چُکیا اے  ۔
پر مُکاشفہ دے زیتون دے دو بُوٹےتے دو چراغ دان اوہ نئیں ہیگے جیہڑے ایہہ بدعتی ہون دا دعویٰ  کردے نیں ۔ اصل وچ ، ایہہ زیتون دےبُوٹے اصل وچ اوہناں دو نبیاں بارے دسدے نیں جنہاں نوں خُدا اسرائیلیاں وچوں اوہناں نوں بچاؤن لئی  اُٹھا کھلارے گا ۔
باب یاراں سانوں تفصیل نال دسدا اے پئی کویں خُدا اسرائیل  دے لوکاں نوں    بچاوے گا ۔ رومیوں دے خط  وانگر ، مُکاشفہ دی کتاب دا ہر باب اپنا خاص مطلب رکھدا اے ۔ صرف ایس سرناویں نوں جانن دے سببوں اسیں سمجھ سکدے آں پئی ایہہ ساراباب  کیہڑی گل دے بارے ہیگا اے ۔ پڑھ کے پئی اوپریاں قوماں بیالی مہینیاں تیکر پاک شہر نوں اپنے پیراں ہیٹھ لتاڑن گیاں ، کئی لوک ، یعنی ایس سرناویں نوں جانیوں اڈ ، دعویٰ کردے نیں پئی اوپریاں قوماں دا زمانہ مک جاوے گا ، ایہدی بجائے اسرائیلیاں دی مکتی دا زمانہ شروع ہووے گا ، تے اوس توں اگانہہ صرف  اسرائیلی مکتی یافتہ ہون گے ۔
پر ایہہ سچیائی توں بوہت دُور اے ، سانوں باب ست دسدا اے پئی اوپریاں قوماں وچوں وی بوہت چوکھی بھیڑ دکھ جرن وچوں  مکتی یافتہ ہووے گی ایس لئی دونویں اوپریاں قوماں تے اسرائیلی لوک، صرف اسرائیلی نئیں،سگوں سارے مکتی یافتہ ہون گے ۔ ایسے طرح ، با ب یاراں سانوں کیہ دسدااے ایہہ اے پئی خُدا اخیری دناں وچ اسرائیلیاں نوں بچاؤن لئی ایس طرح دو نبیاں نوں گھلے گا ، پر ایہدا ایہہ مطلب نئیں ہیگا پئی اوپریاں قوماں   ہور مکتی یافتہ نئیں ہون گیاں ۔
فیر ، کئی جواب وچ پچھن گے ، ”کیہ پہلوں ای اک لکھ چوالی ہزاراسرائیلی  مکتی یافتہ نئیں ہوئے ، جویں باب ست سانوں دسدا اے پئی ایہہ خُدا ولوں مہر کیتے گئے اسرائیلیاں دی گنتری سی ؟“ مہر کیتے جانا مکتی یافتہ ہون وانگر نئیں اے ۔ کوئی بندہ ایہو جیہا نئیں ہیگا  جیہڑا یسوع مسیح وچوں ، لنگھیوں اڈ مکتی یافتہ ہو سکدا اے ۔ مکتی صرف ایمان لیاؤن دے سببوں ملدی اے پئی یسوع مسیح ایس زمین  اُتے آؤن ، ساڈے سارے پاپ مکاؤن لئی بپتسمہ لین ، دنیا دے ایہناں سارے پاپاں نوں سولی تیکر لے  جان تے ایہدے اُتے مرن ، تے فیر مویاں وچوں جیوں اُٹھن دے سببوں ساڈا مکتی داتا بن گیا ۔
بھاویں اسیں جان دے آں پئی اسیں اپنی موت تیکر پاپ دے قیدی آں ، پر اسیں ایمان رکھن دے سببوں مکتی یافتہ ہوئے سن پئی یسوع مسیح نے کامل طریقے نال  ساڈے پاپ  مکا دتے تے ایس طرح ساڈا  مکتی داتابن گیا ۔ جد اک لکھ چوالی ہزاراسرائیلی مہر کیتے جان گے ، خُدا اپنے دو نبیاں نوں وی گھلے گا ، تے اوہناں دے سببوں ایہناں اسرائیلیاں وچ اپنی خوشخبری دی منادی کرے گا ۔دوجے اکھراں وچ ، کلام سانوں دسدا اے ایہہ پئی دونویں نبی  اسرائیلیاں وچوں خوشخبری دی منادی کرن گے ، تے ایس طرح اوہناں وچوں  اک لکھ چوالی ہزار مکتی یافتہ ہون گے ۔
پاک کلام کدی بے انصاف یا اکو پاسے نئیں ہیگا ۔ کوئی ایہو جیہا بندہ نئیں ہیگا جیہڑا یسوع مسیح وچوں لنگھیوں اڈ مکتی یافتہ ہو سکدا اے ۔ خُدا یسوع مسیح وچوں  لنگھیوں اڈ کدی نئیں آکھدا ، ”تُسیں تاں مکتی یافتہ ہیگے او ، پر تُسیں مکتی یافتہ نئیں ہیگے او ۔  “
دو نبی ، جیہڑے خاص حوالے وچ وکھائے گئے نیں زیتون دے دو بُوٹے نیں ، اوس تھاں اُتے قتل کیتے جان گے جیہڑی گُلگتا اکھواؤندی اے ۔ اوہناں دے موئے ہوئے بدن دفنائیوں اڈ کھلی فضا وچ پئے رہن گے ، تے اوہ جیہڑے نا یسوع اُتے ایمان رکھدے نیں نا ای یسوع  نوں قبول کردے نیں اوہناں دے مرن اُتے خوش ہون گے تے اک دوجے نوں تحفے گھلن گے ۔پر آیتاں یاراں تے باراں سانوں دسدیاں نیں ،  ” تے ساڈھے تَرے دِناں پِچّھوں خُدا ولّوں اوہناں وِچ زِندگی دی رُوح آئی تے اوہ اپنے پیراں اُتّے کھلو گئے تے اوہناں دے ویکھن والیاں نُوں بڑا ڈر لگّا۔تے اوہناں نُوں اسمان اُتّوں اِک زور دی اواز سُنائی دِتّی۔ پئی ایتھے اُتّے آ جاؤ۔ تے اوہ بدّلاں اُتّے سوار ہو کے اسمان اُتّے چڑھ گئے تے اوہناں دے وَیری اوہناں نُوں ویکھدے پئے سن۔“
ایہہ حوالہ سانوں سدھے سادے طور اُتے دسدااے پئی اسیں ایہہ ہے ، تُسیں تے میَں جیہڑے اوپری قوم توں آں جد ویلاآوے گا وی ایمان دے سببوں شہید ہوواں گے ، تے یعنی ساڈی شہادت دے تھوڑے چر بعدوں ساڈا جیوں اُٹھنا تے چُکیا جانا واقع ہووے گا ۔ مُکاشفہ دی ساری کتاب وچ ایہہ سرنانواں اپنے ظاہر ہون نوں جاری رکھدا اے ۔ ایہو جیہے وی حوالے نیں جیہڑے سانوں دسدے نیں پئی جد ست پیالیاں دیاں آفتاں ایس زمین اُتے ڈوہلیاں جان گیاں ، چُکے جان وَالے پاک لوک وَا وچ خُدا دی وڈیائی کردے پئے ہون گے ۔
باب چوداں وی اک لکھ چوالی ہزار مکتی یافتہ لوکاں  بارے فرماندااے ، جیہڑے اک گیت نال خُدا دی وڈیائی کردے نیں جنہوں کوئی دوجا نئیں سگوں مکتی دے پہلے پھل ای گا سکدے نیں ۔ ایہہ سانوں کیہ دسدا اے  اِنج اے پئی جد اسرائیل دے  لوک مکتی یافتہ ہون گے ، اوہ ہر تھاں اُتے شہید ہون گے ، تے اوہناں دی شہادے دے تھوڑے چر بعدوں اوہناں دی جیوں اُٹھنا تے چُکیاجانا واقع ہووے گا ۔
ایہو ای گل اوپریاں قوماں اُتے لاگُو ہوندی اے ۔ اخیری زمانےوچ ، تُسیں تے میَں ست تُریاں دیاں آفتاں دے بوہت چوکھے دکھاں وچوں لنگھاں گے ، پر خُدا سانوں فیر وی ایہناں دکھاں توں بچاوےگا ۔ جد ست ورہیاں دے وڈے دکھ جرنا پہلے ساڈھے تِن ورہیاں دے لنگھن دے بعدوں بوہت ودھ جاوےگا ، پاک لوکاں دا دکھ جرنا وی بوہت چوکھا ہوجاوے گا۔ پر ایہہ ڈاہڈے دکھ جرنا صرف تھوڑے چر لئی باقی رہوےگا۔ بوہت سارے  پاک لوک تے خُدا دے خادم تھوڑے چر بعد وں شہید ہون گے ، تے اوہناں دی شہادت دے  بعدوں چھیتی نال اوہناں دا چُکیا جانا واقع ہووے گا ۔
کیوں ؟ ایس لئی پئی مُکاشفہ کھڑی مُڑی لکھدا اے پئی اوس ویلے جد ست پیالیاں دیاں آفتاں ایس زمین اُتے گھلیاں جان گیاں، پاک لوک پہلوں ای خُدا دی وڈیائی کردے ہوئے اسمان اُتے ہون گے ۔ کلام ایہنوں بوہت چنگے طریقے نال دسدااے ۔
 مُکاشفہ ۱۰:۷ آکھدااے ، ” سگوں ستویں فرِشتے دی اواز دین دے سَمے وِچ جد اوہ تُرہی پُھوکن لگّے گا۔ تے خُدا دا بھیت اوس خُوشخبری دے سببّوں جیہڑی اوس اپنے بندیاں نبیاں نُوں دِتّی سی پُورا ہوئے گا۔“  ایہہ  خُدا ولوں لکا کے رکھیا گیا بھیت ، چُکے جان دے علاوہ کسے دوجی شے نوں  بیان نئیں کردا ۔ ۱۔ تھسلنیکیوں ۴:۱۶ وچ ، پولُسؔ رسول وی سانوں دسدا اے ،  ” کیوں جو خُداوند آپ اسمانوں اُتر آوے گا۔ اوس ویلے بڑی پُکار تے سردار فرِشتے دی اواز سُنائی دیوے گی۔ تے خُدا دی تُرہی وَجائی جائے گی۔ “
یعنی خُداوند اسمانوں اُتر آوے گا ، دا پر ایہہ مطلب نئیں ہیگا پئی اوہ ایس زمین اُتے چھیتی نال اُتر آوے گا ۔ اوہ اسمانوں وَاوچ اُتر آوے گا ، تے جد پہلا جیوں اُٹھنا جیہڑا مویاں نوں جواؤندا اے تے نویں سریوں جمے ہوئے جیوندے لوکاں نوں بدلدا اے واقع ہووے گا ، تاں چُکیا جانا جیہدے نال پاک لوک وَا وچ خُداوند نال ملن گے بالکل اوس ویلے واقع ہووے گا ۔ وَا وچ   لیلے دے ویاہ دا جشن شروع ہون تے ایس زمین اُتے ایس دنیا دے باقی ست پیالیاں دیاں ساریاں آفتاں دے آؤن دے سببوں سارے دی ساری برباد ہون دے بعدوں ، خُداوندساڈے نال نویں زمین اُتے اُتر آوے گا تے اوہناں دے ساہمنے اپنی شکل وکھاوے گا  جیہڑے اوس ویلے تیکر زندہ ہون گے ۔
 کسے دا اپنے دلی  اکلے مشوریاں اُتے بنایا گیا مُکاشفہ دے کلام تے پاک کتاب دی تشریح کرنا بربادی دی راہ اُتے پینا اے ۔ کئی خُدائی تعلیم دے  ماہراں  دے  بنائے  ہوئے صرف  دلی  خیال اُتے  ایسے طرح
ایمان رکھنا تے کلام نوں چنگے طریقے نال جانیوں اڈ ایہناں دعویاں دی وکالت کرنا بالکل غلط اے ۔
خُدائی تعلیم دے ماہراں وچکار جیہڑے بوہت عزت تے وڈیائی پاؤندے نیں تے پُرانیاں خیالاں نوں پسند کرن والے مسیحی لوکاں وچ مشہور نیں ، کئی عالماں ، مثال طور اُتے ایل۔برک ہوف تے ابرہام کیوپر نےہزار ورہیاں دی بادشاہی دے انکار دی حمایت کیتی اے ۔ دکھ جرن توں پہلوں چُکے جان ،دکھ جرن توں بعدوں چُکے جان ، تے ہزار ورہیاں دی بادشاہی دے انکار دے نظریاں وچوں ، ایس اخیری ہزار ورہیاں دی بادشاہی دے انکار دے نظریے اُتے ایمان رکھنا بالکل پاک کلام اُتے اپنے آپ ایمان نارکھن وانگر اے ۔
ویلا جد لوک دکھ جرن توں بعدوں چُکے جان دے نظریے  اُتے ایمان رکھدے سن ہُن لنگھ گیا اے ، تے ایہناں دناں وچ لگ بھگ ہر کوئی دکھ جرن توں پہلوں چُکے جان دےنظریےاُتے ایمان رکھدا اے  ۔ پر ایہہ نظریہ، وی پاک کلام دے مطابق پکا نئیں ہیگا ۔ پر لوک حالے تیکر ایہنوں بوہت چوکھا پسندے کردے نیں جد کدی اوہناں نوں دکھ جرن توں پہلوں چُکے جان دے بارے وچ دسیا جاندااے ۔ کیوں ؟ ایس لئی پئی دکھ جرن توں پہلوں چُکے جان دے ایس نظریے مطابق ، مسیحیاں نوں ست ورہیاں دے وڈے دکھ جرن بارے وچ بالکل پریشان ہون دی لوڑ نئیں ہیگی ۔   
ایسے طرح ، ایمانداراں لئی  ایمان دی ایہو جیہی زندگی بسر کرنا قابلِ قبول بن جاندی اے جیہڑی نا گرم اے نا ای ٹھنڈی ، تے کلیسیاواں نوں صرف اپنے لوکاں دی گنتی ودھاؤن دے بارے فکر کرنی اے ۔ ایس طرح لوکاں دا ایمان سُست بن جاندااے ۔ایس لئی پئی اوہ سوچدے نیں پئی اوہناں نوں دکھ جرن وچوں لنگھن بارے پریشان ہون دی کوئی لوڑ نئیں ہیگی ، اوہناں دا ایمان سارا حوصلہ ودھاؤن والا تے سُست بن جاندا اےصرف جد پئی اوہناں دا ایمان اصل وچ لازمی اخیری ویلے دے نیڑے آن دے نال نال پکا ہو جانا چاہی دا اے ۔ لوک بوہت چر پہلوں ہزارورہیاں دی بادشاہی دے انکار اُتے ایمان رکھدے ہوندے سن ، تےفیر تھوڑے چر لئی دکھ جرن دے بعدوں چُکےجان دے نظریےاُتے ، تے ہُن  اوہ دکھ جرن توں پہلوں چُکے جان دے نظریےاُتے ایمان رکھدے نیں ۔
1830ءوچ ، ریورنڈ سکو فیلڈ،موڈی بائبل انسٹیٹیوٹ دے اک پروفیسر نے ، اپنی ریفرنس بائبل لکھنی شروع کیتی ۔ سکو فیلڈاک عالمگیر خُدائی تعلیم دے ماہر جیہدا ناں ڈرابی سی کولوں بوہت متاثر سی ۔
ڈرابی،سکو فیلڈدا روحانی ہدایت کرن والا ، جیہڑا پہلوں  کیتھولک  کاہن  ہوندا سی ۔  بوہت  ذہین
تے بوہتی تعلیم سکھیا ہویا بندہ سی ۔ اوہنے کیتھولک کلیسیا نوں ایہدی جھوٹیاں  تعلیماں دا احساس کرن دے بعد وں چھڈ دتا ، تے اک نکی جیہی مسیحی تنظیم وچ چلا گیا ، تے اوہدا آگُو بن گیا ۔ بھاویں ڈرابی نے لگاتار پاک کلام نوں پڑھیا تے اوہدا مطالعہ کیتا ، اوہ مُکاشفہ دی کتاب وچوں نتیجہ کڈھ نا سکیا پئی چُکیا جانا وڈے دکھ توں پہلوں یا بعد وچ واقع ہووے گا ۔ ایس لئی اوہ ایس معاملے اُتے بوہتے وڈے ثبوتاں دی تلاش وچ اک سفر اُتے ٹُر پیا ۔
ایس سفر وچکار اوہ اک نو جوان کُڑی نوں ملیا جیہڑی روحانی علم دی آگُو سی ۔ایس کُڑی نے اپنے سفنے دے راہیں ایہہ ویکھن دا دعویٰ کیتا پئی چُکیا جانا وڈے دکھ جرن توں پہلوں واقع ہووے گا ۔ ایہہ ایمان رکھدے ہویاں اوہنے اوہنوں کیہ دسیا تے تسلی دتی پئی چُکیا جانا وڈے دکھ جرن توں پہلوں واقع ہووے گا ، ڈرابی نے اپنے پاک کلام دی پڑھائی دا نتیجہ وڈے دکھ جرن توں پہلوں چُکے جان دے نظریے نال کڈھ لیا ۔
پر ، ایس لئی پئی اوہناں دناں دے لوک سب توں بوہتا دکھ جرن توں بعدوں چُکے جان دے نظریے اُتے ایمان رکھدے سن ، ڈرابی دا دکھ جرن توں پہلوں چُکے جان دا نظریہ بوہت چوکھا مشہور نا ہویا ۔
ڈرابی نے دعویٰ کیتا پئی مُکاشفہ دی کتاب وچ جو لکھیا ہویا اے اوہ اسرائیل دے لوکاں دی مکتی بارے وچ اے ، تے یعنی کہ ایہدا اوپریاں قوماں دی مکتی  نال کوئی کم نئیں سی ۔تے ایس آیت دے راہیں ” تینُوں فیر نبُوّت کرنی ضرُور پَوے گی۔“ (مُکاشفہ ۱۰ : ۱۱)۔ اوہنے تفسیر کیتی پئی ایہہ پانی تے رُوح دی خوشخبری دی منادی کرن وانگر نئیں اے ، سگوں بادشاہی دی خوشخبری دے بارے وچ اے جیہڑی اپنی چھیتی آمد بارے اعلان کردی اے ۔
سکوفیلڈ ، جنہے ڈرابی دے ایسے خیال نوں قبول کر لیا نے سارا تے دکھ جرن توں پہلوں چُکے جان دے ایس نظریے نوں اپنی ریفرنس بائبل وچ رلا دتا ، یعنی اوہنے ستاں زمانیاں اُتے اپنے دلی خیال بنا لَئے ۔ سکو فیلڈدے ایہو جیہے دعویاں نیں اوہدےزمانے دے مطالبیاں نوں پورا کیتا تے ایہدی بجائے اوہدے پس منظر اُتے پورے لتھے ،تے ساری دنیا دے دینی آگُواں وچکار وڈی تحریک دا سبب بنے تے بوہت چوکھے قبول کر لَئے گئے ۔
پر خُدا پاک کلام وچ کیہ فرماندا اے ؟ پاک کلام وچ اسیں ویکھدے آں یسوع لیندا پیا تے خُدا دے تخت دے اگےست مہراں نال مہر لائے گئے طومار نوں کھولدا پیا اے ، جیہڑا ست مہراں نال تاریخ نوں اپنے ست زمانیاں وچ ونڈ چُکیا اے ۔
پہلا زمانہ چٹے گھوڑے دا زمانہ اے ۔ایہہ مکتی دا زمانہ اے ، ایہو جیہا زمانہ جیہدے وچ خُدا نے سانوں اوسے ویلے توں بچاؤن دا فیصلہ کیتا جویں ای اوہنے ایس کائنات نوں تے بندیاں نوں پیدا کیتاسی ، تے بناں شک ایسے دے مطابق سانوں بچا چُکیا اے ۔ جویں مُکاشفہ ۶ : ۲ سانوں دسدااے ، ” تے مَیں دھیان کِیتا تے کِیہ ویکھنا آں پئی اِک چِٹّا گھوڑا اے تے اوہدے سوار کول اِک کمان اے تے اوہنوں اِک تاج دِتّا گیا تے اوہ فتح کر دا ہویا نِکلیا۔ پئی ہور وی فتح کرے۔ “ خُداوند فتح پا چُکیا اے تے فتح پاؤندا رہوے گا ۔ ایتھوں تیکر پئی دنیابناؤن توں پہلوں ، خوشخبری پہلوں ای ہیگی سی تے مکتی پہلوں ای شروع ہوگئی سی ۔
دوجا زمانہ لال گھوڑے دا ، یعنی شیطان دا زمانہ اے ۔ ایہہ ابلیس دا  زمانہ اے جیہدے وچ اوہ  سارے لوکاں کولوں ، اوہناں نوں اک دوجے دے خلاف لڑائی لڑن ، اک دوجے توں نفرت کرن ، تے دینی جھگڑیاں وچ مصروف رکھن دے راہیں سلامتی کھوہ لوے گا ۔
تیجا زمانہ کالے گھوڑے دا زمانہ اے ، جیہڑا رُوحانی تے بدنی کال دا زمانہ اے ،تے چوتھا زمانہ پیلے گھوڑے دا زمانہ اے ، یعنی ایہہ شہادت دا زمانہ اے ۔ پنجواں زمانہ چُکے جان دا زمانہ اے خُدا پاک لوکاں دے چُکے جان نوں اپنے زمانیاں وچوں اک وانگر مقرر کر چُکیا اے ۔ چھیواں زمانہ ست پیالیاں دا زمانہ اے ، ایس دنیا دی بربادی لیاؤن والا ،تے اخیری زمانہ ہزارورہیاں دی بادشاہی تے نویں اسمان تے نویں زمین دا زمانہ اے ۔ ایس طرح خُدا ایہناں ستاں زمانیاں وچوں دنیا دے ایس ویلے نوں ، ست مہراں دے راہیں مہر لائے گئے طورمار وچ مقرر کر چُکیا اے ۔
ستاں زمانیاں وچ سکوفیلڈ دی ویلے دی ونڈ اوہدی اپنی مرضی دی ونڈ سی ۔ مقابلے وچ ، ست زمانے جنہا ں دی خُدا دے ہاتھ و چ پھڑیاں ہویاں طومار دیاں ست مہراں دے سببوں مُکاشفہ باب ۶ وچ نبُوّت کیتی گئی اے اپنے آپ خُدا دے ہتھوں مقرر کیتے گئے نیں ۔ پر لوک بندیاں دے بنائے ہوئے دکھ جرن توں پہلوں چُکے جان دےنظریے دے بارے وچ بولدے نیں ، تے بوہت سارے جنہاں نیں ایہدے اُتے ایمان رکھیا نتیجہ کڈھدے نیں پئی اوہناں نوں صاف دلوں خُداوند اُتے ایمان رکھن دی کوئی لوڑ نئیں اے۔
اوہ اپنے دلاں وچ فیصلہ کر چُکے نیں ، ”ایس لئی پئی اسیں وڈے دکھ جرن توں پہلوں چُک لے جاواں گے ، اسیں پہلوں ای خُدا دی حضوری وچ ہوواں گے جد ست ورہیاں دےزمانے دےوڈے دکھ جرنے پین گے ۔ ایس لئی سانوں پریشان ہون دی کوئی لوڑنئیں ! “جے خُدا دا کلام سانوں فرما چُکیا ہوندا پئی سانوں دکھ جرن توں پہلوں چُکیا جانا سی ، بناں شک اپنے ایمان نوں پکیا ں کرن دی کوئی لوڑ نئیں ہووے گی ، تے سال وچ اک یا دو وار گرجے جانا ای کافی ہووے گا ۔ پر ایہہ اوہ نئیں ہیگا جیہڑا خُدا سانوں فرما چُکیا اے ۔
” اوہ ترپڑ اُتّے لے کے اِک ہزار دو سَو سَٹّھ دِن نبُوّت کرن گے۔ “ ” اوہ پاک شہر نُوں بتالی مِہنے پیراں ہیٹھ لتاڑن گِیاں۔“ خُدا دا ایہو جیہا کلام سانوں دسدا اے پئی اوپریاں قوماں ، وی ، وڈے دکھ جرن دے دناں وچ مکتی یافتہ ہون گیاں ۔ خُدا اپنے دو نبیاں نوں پانی تے رُوح دی خوشخبری ودھاؤن لئی اُٹھا کھلارے گا ۔ کوئی اک بندہ نئیں ہیگا جیہڑا خُدا دے اگے اوہدے ولوں مقرر کیتے گئے وڈے دکھ جرن دے ستاں ورہیاں دے زمانے وچوں ، جد دکھاں دا زمانہ آوے گا پہلے ساڈھے تِن ورہیاں وچوں لنگھیوں اڈ کھلو سکدا اے ۔خُدا سانوں ایہہ وی دسدا اے پئی بوہت سارے شہید ایس زمانے دے دکھ جرن وچوں زندہ ہون گے ۔
یسوع اُتے ٹھیک طریقے نال ایمان رکھن لئی ، کسے بندے نوں لازمی ٹھیک طریقے نال پاک کلام نوں سکھنا چاہی دا تے ایمان رکھنا چاہی اے پئی بالکل ٹھیک کیہ اے ۔ جے لوک پاک کلام دا ہر اک ورقہ احتیاط کر کے پڑھن توں اڈ اپنی دلی منادی کردے تے ایمان رکھدے نیں ، اوہ بدعتیاں وانگر مک جان گے ۔ ایس لئی پئی ایس دنیا وچ بے گنت فرقے ہیگے نیں ایس سچیائی دے سببوں وی اے پئی بوہت سارےلوک اپنے ایمان دی نیہ پاک کلام دے بارے وچ اپنی دلی تشریح اُتے رکھدے نیں ۔
یعنی اسرائیل دے لوک مکتی  یافتہ ہون گے سانوں دسدا اے پئی خُدا دا ارادہ اوہدے وعدے دے کلام دے ٹھیک مطابق پورا ہووے گا ۔ ایہہ سانوں ایہہ وی دسدا اے پئی خُدا کدی سانوں فرمایا گیا اپنے وعدے دا کلام نئیں توڑے گا سگوں اوہناں ساریاں نوں پورا کرے گا ۔ ایس لئی اسیں اینی وڈی آس رکھدے آں ۔
اسرائیل دے دو نبی اپنی موت دے ساڈھے تِن دناں بعدوں زند ہ ہون گے تے اسمان اُتے چڑھ جان گے ۔ ایہہ چُکیا جانا اے ۔ ایہہ سانوں نمونہ دیندا اے کویں وڈے دکھ جرن والے شہید چُکےجان گے ، تے سانوں ساڈے ذاتی چُکے جان لئی اگیتریاں وانگر وکھاگیا اے ۔ پاک کلام سانوں دسدااے پئی ستویں تُرہی دے پھوکن دے بعدوں، ایہہ زمین مسیح دی بادشاہی  بن جاوے گی تے اوہ ایس اُتے سدا تیکر  بادشاہی کرے گا ۔ ایس لئی ، اوہ وی ،  جیہڑے  یسوع مسیح  اُتے  بھروسہ کر  چُکے نیں  اوہدے نال  بادشاہی کرن گے ۔
خُدا پاک لوکاں نوں چُکن دے بعدوں ایس زمین نوں ساری دی ساری برباد کرے گا ۔ اسیں نئیں جان دےپئی کیہ بربادی ساری دی ساری ہووے گی ، جویں ایہہ تفصیل پاک کلام وچ نئیں لکھی اے ، پر خُدا سانوں مُکاشفہ ۱۱ : ۱۸ وچ دسدا اے ،  ” تے قوماں نُوں غُصّہ آیا تے تیرا غضب اُتر آیا۔ تے اوہ ویلا آ گیا پئی مُردیاں دی عدالت کِیتی جائے تے تیرے بندیاں نبیاں تے پاک لوکاں تے اوہناں نِکّے وڈّیاں نُوں جیہڑے تیرے ناں توں ڈردے نیں بدلہ دِتّا جائے تے زمین دے برباد کرن والیاں نُوں برباد کِیتا جائے۔ “
چُکیا جانا لازمی واقع ہووے گا جویں ای وڈے دکھ جرن دے ساڈھے تِن ورہے دی انتہا لنگھ دی اےپہلے ساڈھے تِن ورہےدے بالکل مکن تیکر نئیں، سگوں ایس دے تھوڑے جیہے لنگھن دے بعد وں ہووے گا ۔ ستاں ورہیاں دے زمانے دا وچکار اوس ویلے ہیگا اے جد وڈے دکھ جرنا اپنی انتہا نوں پوہنچ جاوے  گا ۔ ایہہ اوہ ویلا اے جد اسرائیل دے لوکاں وچوں پاک لوک شہید ہون گے ، تے ایہدے تھوڑے چر بعدوں چُکیا جانا واقع ہووے گا ۔ جد چُکیا جانا واقع ہوندا اے ، اسیں سارے وَا وچ  لیلے دے ویاہ دے جشن وچ رل جاواں گے ۔ 
جد اسیں وَا وچ  لیلے دے ویاہ دے جشن وچ رَلدےہوواں گے ، جویں متّی ۲۵ سانوں دسدا اے پئی اسیں شامل ہوواں گے ، ست پیالیاں دیاں آفتاں ایس زمین اُتے آؤن گیاں ۔ وَا وچ خُدا دی وڈیائی کردے ہویاں تے ساریاں شیواں نوں ویکھدے ہویاں جیہڑیاں ایس زمین اُتے واقع ہوندیاں ہون گیاں ، اسیں خُدا دا اوہدے فضل لئی سب توں بوہتا شکر ادا کراں گے ۔
میَں آس رکھداتے دعا منگدا ہاں پئی تُسیں مُکاشفہ دے کلام دے سببوں ، ویلے نوں پچھانن دے لائق ہوو گے جد اخیری دن آؤن گے ، کلام اُتے ٹھیک ٹھیک ایمان رکھو گے ، اپنی زندگی ایمان دے سببوں سچے دلوں بسر کروگے ، تے آؤن والے دناں لئی تیار ہووگے ۔ خُداوند دی  وڈیائی ، عزت تے بھگتی کرن لئی ، جویں ای تُسیں اوہدے نال   لیلے دے ویاہ دے جشن وچ شامل ہوندے ہوووگے ، تہانوں لازمی اپنا ایمان پکاکرنا چاہی دا اے ۔
میَں آس رکھدا ہاں پئی مُکاشفہ دا کلام آؤن والے دناں وچ تہاڈے لئی وڈی اگوائی ثابت ہووے گا ، اک واری فیرتہاڈے دل نوں یاد کراؤندے ہویاں پئی تہانوں لازمی پانی تے  رُوح  دی  خوشخبری  اُتے
اپنے ایمان دےراہیں سچے دلوں تے وفاداری نال زندہ رہنا چاہی دا اے ۔