Проповеди

مضمون 10: مُکاشفہ(مُکاشفہ دی کتاب اُتے تفسیر)

[12-2باب] (مُکاشفہ ۱۲:۱۔۱۷) دلیر ایمان نال اپنی  شہادت نوں قبول کرو

)مُکاشفہ ۱۲:۱۔۱۷ (
باب ۱۲ سانوں وکھاؤندا اے کویں خُدا دی کلیسیا اپنے اخیری دناں دے دکھ جرے گی ۔ آیت  ۱  فرماندی اے ، ” فیر اسمان اُتّے اِک وَڈا سارا نِشان دِسّیا۔ یعنی اِک زنانی نظر آئی۔ جِس سُورج نُوں کپڑے وانگر اُتّے لیا ہویا سی تے چَنّ اوہدے پیراں ہیٹھ سی۔ تے باراں تاریاں دا تاج اوہدے سِر اُتّے سی “ ” زنانی نے سُورج نُوں کپڑے وانگر اُتّے لیا ہویا سی “  ایہہ نوِشتہ ایتھے زمین اُتے خُدا دی کلیسیابارےدسدا اے ، تے جملہ  ” چَنّ اوہدے پیراں ہیٹھ سی “ دا مطلب ہیگا اے پئی خُدا دی کلیسیا حالے تیکر دنیا دے اختیار ہیٹھاں اے ۔ ایہہ حوالہ سانوں دسدااے پئی زمین اُتے خُدا دی کلیسیاتے پا ک لوک جیہڑے ایہدے نال تعلق رکھدے نیں ، شہید ہون دے سبب خُدا نوں جلال دین گے ۔
جملہ ،  ” باراں تاریاں دا تاج اوہدے سِر اُتّے سی “  ظاہر کردا اے پئی کلیسیا اخیری دناں وچ شیطان دے خلاف لڑائی کرے گی تے ایمان دے سبب شہید ہووے گی ۔ جویں خُدا دا کلام سانوں دسدا اے ،  خُدا دی کلیسیا بناں شک فتح یاب ہووے گی ۔ بھاویں شیطان نے   ،ساڈے ایمان نوں برباد کرنا ، ساریاں طریقیاں نال سانوں ڈراؤنا دھمکاؤنا ، سانوں دکھ دینا ، سانوں نقصان دینا ، تے اخیریں ایتھوں تیکر پئی ساڈیاں زندگیاں دا مطالبہ کرنا اے ، اسیں فیر وی اپنے ایمان دی راکھی کراں گے تے راستبازی وچ شہید ہوواں گے ۔ ایہہ ایمان دی فتح اے ۔
مڈھلی کلیسیا دے دناں وچ ، بوہت سارے پاک لوک جیہڑے ساڈے اگے چلےاوہ وی شہید ہوئے سن ۔ ایہہ شہادت ساڈیاں اپنیاں بانہواں دے زور نا ل نئیں ، سگوں پاک رُوح دے سبب جیہڑے ساڈے دلاں وچ رہندا اے اوہدے کولوں ملدی اے ۔
ایس جملے توں، ” زنانی نے سُورج نُوں کپڑے وانگر اُتّے لیا ہویا سی “ ایتھے ”زنانی “ خُدا دی کلیسیا بارے دسدی اے ، تے یعنی اوہنے ،  ” سُورج نُوں کپڑے وانگر اُتّے لیا ہویا سی “ دا مطلب ہیگا اے پئی کلیسیا بھیڑے طریقے نال ستائی جاوے گی ۔ ایتھوں تیکر پئی ڈاہڈے دکھ جرن تے اخیری دناں دیاں آفتاں وچکار پاک لوک بوہت طاقت نال اپنے ایمان دی راکھی کرن گے تے کدی شیطان دے اگے نئیں جھکن گے ۔ کیوں ؟ ایس لئی پئی اوہناں دے دلاں وچ پاک رُوح اوہناں نوں شیطان دے خلاف  کھلون تے لڑائی کرن دے لائق بناوے گا ، تے اوہناں نوں ایمان دیوے گا جیہڑا کسے دھمکی یا دکھ جرن دے اگے ایتھوں تیکر پئی اوہناں دی زندگی دے خطرے وچ وی کدی نئیں جھکدا ۔
ایس لئی پئی اوہ وی ، جیہڑے اسمانی بادشاہی اُتے اپنی آس رکھ چُکے نیں خُدا دے کلام اُتے ایمان رکھدے نیں جیہڑا اوہناں نوں دسدا اے پئی ست تُرہیاں دیاں آفتاں چھیتی مک جان گیاں تے اوہناں دے بعدوں ست پیالیاں دیاں آفتاں آؤن گیاں جیہڑیاں زمین نوں برباد کر دین گیاں ، اوہ کدی شیطان دے اگے ہتھیار نئیں سُٹن گے ۔
اوہ جیہڑے جان دے تے ایمان رکھدے نیں پئی اک ودھیا دنیا اوہناں نوں نئیں اڈیکدی جے اوہناں نیں شیطان اگے جھکنا سی تاں اوہ کدی اوہدے اگے جھک نئیں سکدے ۔ ست پیالیاں دیاں آفتاں جیہڑیاں مخالفِ مسیح تے اوہنوں منن والیاں اُتے گھلیاں جان گیاں اوہناں نوں اکو واری تے بے ترسی نال کھا جان گیاں ۔ پاک لوک جیہڑے سارے ایہو جیہاں آفتاں دے بارے وچ جان دے نیں، اوہناں وچوں سو فیصد ، اپنے ایمان نوں کدی دھمکیاں دے سبب نئیں چھڈن گے ، ایس لئی پئی پاک رُوح  اوہناں دے دلاں وچ کم کرے گا ۔ پاک رُوح جیہڑا ساڈے وچ وسدا اےسانوں شیطان دے خلاف کھلون ، اوہدے اُتے فتح پاؤن تے شہید ہون دی طاقت دیوے گا ۔
جد چوتھی تُرہی دی آفت لنگھے گی تے پنجویں تے چھیویں تُرہی دیاں آفتاں آؤن گیاں ، تاں ساڈے اُتے ”شہادت “آوے گی ۔ اوہ جیہڑے اپنے ایمان دی راکھی کردے تےشہید ہوندے نیں صرف اوہ نیں جیہڑے پانی تے رُوح دے سبب نویں سریوں جمے نیں ۔ جد ست تُرہیاں دیاں آفتاں آؤن گیاں ، مخالف ِ مسیح خُدا ولوں عارضی طور نال دتا گیا دُنیا اُتے راج کرے گا ۔
ایہہ جان دے ہویاں پئی اوہدا راج صرف تھوڑے چر لئی باقی رہوے گا ، شیطان دا نوکر ، مخالف ِ مسیح، اوہناں نوں ستاوے گا جیہڑے یسوع مسیح دی اپنے خُداوند وانگر سیوا کردے نیں ، تاں پئی اوہ اینے لوکاں نوں اپنے نال دوزخ وچ لَے جا سکے جنے وی ہو سکدے نیں ۔ پر اوہ جیہڑے اوہدے بپتسمے دے سبب یسوع اُتے اپنے سارے پاپاں نوں لد چُکے نیں مخالف ِ مسیح دے دکھ دین دے اگے نئیں جھکن گے ،سگوں طاقت نا ل یسوع مسیح دے راہیں دتی گئی خوشخبری دی راکھی کرن گے تے شہید ہو جان گے ۔
ایسے طرح ، شہادت ایمان دا ثبوت اے ۔ اوہ جیہڑے ایہہ ثبوت رکھدے نیں خُداوند ولوں تیار کیتی گئی ہزار ورہیاں دی بادشاہی تے نویں اسمان تے نویں زمین پاؤن گے ۔ایہہ اوہناں ساریاں اُتے لاگُو ہوندا اے جیہڑے ساری دنیا وچ ودھے ہوئے ، پانی تے رُوح دی خوشخبری اُتے ایمان رکھدے نیں ۔ پاک کلام سانوں دسدا اے پئی تقریباً سارے نویں سریوں جمے ہوئے پاک لوک ایہناں اخیری دناں وچکار شہید ہون گے ۔
پر اوہ جیہڑے ، شہادت توں بچن دے سلسلے وچ ، پانی تے رُوح اُتے اپنا ایمان چھڈدے ، مخالف ِ مسیح ول کھلوندے ،تے اوہدی خُداوانگر سیوا تے بھگتی کردے نیں ۔ ست پیالیاں دیاں آفتاں دے سبب مارے جان گے تے اپنے آپ مخالف ِ مسیح دے ہتھوں وی قتل ہون گے ۔ اوہناں دی موت کدی شہادت نئیں گنی جاوے گی ، سگوں صرف فضول وچ بے آس موت ہووے گی ۔ جد شیطان تے مخالف ِ مسیح دوزخ وچ سُٹے جان گے ، ایہہ لوک وی ایس وچ اکٹھے ڈگن گے ۔  
شہادت توں بچن لئی یسوع مسیح دا انکار کرنا تے دکھ جرن دیاں مصیبتاں نوں ایتھوں تیکر پئی تھوڑا جیہا وی گھٹ کرنا عملی طور نال کملیاں والا معاملہ ہووے گا ۔ جد ست تُرہیاں دیاں آفتاں مکدیاں نیں تے اوہ جیہڑے اپنے ایمان دی راکھی کر چُکے نیں شہید ہون گے ، ست پیالیاں دیاں آفتاں چھیتی نال ایس ساری زمین اُتے آ جان گیاں ، صرف تھوڑے باقی بچن گے ۔ ایتھے کیہ واضح اے ایہہ ہیگا اے پئی اوہ جیہڑے پاپ دی معافی پا چُکے نیں بالکل لازمی شہید ہون گے ، تے یعنی ساڈے لئی شہادت دے ایس ویلے اُتے اپنے خُداوند دا انکار نا کرن لئی ، سانوں لازمی اخیری دناں دی جائز تعلیم تے کلام دی ٹھیک دانائی نال ایمان رکھن دے سبب ہُن اپنے ایمان نوں پکیاں کر لینا چاہی دا اے ۔
اسیں اپنے پاپاں دی معافی پا چُکے آں ، تے جد اسیں شہید ہوواں گے ، اسیں اک خوشی دا تجربہ کراں گے جیہڑی ساڈے لئی ایس توں پہلوں اوپری سی ، جد خُدا سانوں پکیاں کرے گا ۔ آؤ اپنے ایمان نوں واضح طور نال اپنے دلاں وچ پکیاں ہون دی اجازت دیئے یعنی تُسیں تے میَں خُداوند لئی شہید ہون دا نصیب رکھدے آں۔ جد شہادت دا ایہہ ویلا لنگھ جاوے گا ، تاں خُدا بالکل لازمی سانوں ساڈے جیوں اُٹھن تے چُکے جان دی عزت دیوے گا ، سانوں ہزار ورہیاں دی بادشاہی وچ جلال پاؤن دی اجازت دیوے گا ، سانوں اپنا سدا دا  نواں اسمان تے نویں زمین دیوے گا تے سانوں بادشاہی دیوے گا ، تے سانوں ہمیش تیکر دولت وچ زندہ رہن دی اجازت دیوے گاجے اسیں سچے دلوں ایہناں ساریاں گلا ں اُتے ایمان رکھدے آں ، ساڈے دکھ اپنے آپ ساڈی خوشی وچ بدل جان گے ۔
پولُس رسو ل نے آکھیا ، ” کیوں جو میری سمجھ وِچ ایس ویلے دے دُکھ دَرد اوس جلال دے اگّے کُجھ وی نئیں جیہڑا ساڈے اُتّے ظاہر ہوئے گا۔ “(رومیوں ۸ : ۱۸)۔جد پئی خوشخبری دی منادی کردے ہویاں ،  پولُس نے ڈاہڈا دکھ جریا سی ، کئی واری بوہت چوکھا مرن دے بوہت نیڑے تیکر ماریا کُٹیا گیا سی ۔ پر ایس طرح ایمان رکھن دے سبب ایہہ دُکھ خُدا دے جلال لئی سی ، یعنی پولُس دی پیڑ اوہدی بوہت چوکھی خوشی بن گئی ۔ تے تاریخی گواہیاں تے لوک کہانیاں مطابق ، تقریباً سارے رسول ، اوہناں وچ پولُس وی شامل اے ، شہید ہوئے سن ۔ پطرس دے بارے آکھیا جاندا اے پئی اوہ ویٹیکن پہاڑی اُتے پُٹھا سولی چاڑھیا گیا اے ۔ تے مڈھلی کلیسیا دے آگُو ، پولی کارپ سمیت ، تے بوہتیاں دوجیاں پاک لوکاں نیں خُدا دی وڈیائی کیتی ایتھوں تیکر پئی جد اوہ اخیرتیکر موت دے مونہہ وچ سُٹے گئے سن ۔ ایہو جیہے کم کدی نئیں ہونے سی جے خُدا نےاپنے پاک لوکاں نوں طاقت نا دتی ہوندی ۔
ایتھوں تیکر پئی جویں اوس ویلے اینے وفادار پاک لوک ہیگے سن ، ایہو جیہے وی ہیگے سن جنہاں نیں اپنے ایمان دا انکار کیتا ۔ اورِیجن ، اک خُدا ئی تعلیم دا ماہر جیہڑا اج دے خُدائی تعلیم دے ماہراں ہتھوں بوہت چوکھا پسند کیتا جاندا اے ، ایہو جیہا بند ہ سی جنہے سدھی سدھی رسولاں کولوں خوشخبری سُنی سی ۔ پرجد اوہدی شہادت دا ویلا آیا ، اوہ ایس توں نس گیا ، ایس طرح اوہدی جان بچ گئی ایتھوں تیکر پئی جد اوہدے نال دے پاک لوک شہید ہو گئے سن ۔ ایہہ کدی نہ ہوندا جے اوہ ہر شے دا انکار نا کرچُکیاہونداجو  یسوع اوہدے لئی کرچُکیاسی ۔ ایس طرح اورِیجن اوہناں دا آگُوسی جنہاں نیں یسوع دے خُدا ہون دا انکار کیتا ۔ پر اوہدی بے وفائی دے ہوندیاں ہویاں ، اج دے خُدائی تعلیم دے ماہر اوہنوں بوہت مشہور خُدائی تعلیم دے ماہراں وچکار بوہت اُچی تھاں اُتے رکھدے نیں ۔
کیوں اورِیجن شہادت توں نسیا جد پئی دوجے پاک لوکاں نیں اوہنوں قبول کیتا ؟ ایہہ ایس سبب توں نئیں سی پئی اورِیجن اندروں ماڑا سی جد پئی یعنی دوجے شہید ہون والے پاک لوک اندروں تگڑے سن ۔ پاک لوک جیہڑے جد پئی خُدا دی بھگتی کردے ہویاں شہید ہوئے اوہناں نیں اِنج ایس لئی کیتا ایس لئی پئی اوہناں نیں ایمان رکھیا پئی پولُس نے کیہ فرمایا سی یعنی ، ایہدے اُتے ، ” ایس ویلے دے دُکھ دَرد اوس جلال دے اگّے کُجھ وی نئیں جیہڑا ساڈے اُتّے ظاہر ہوئے گا۔ “  دوجے اکھراں وچ ، اوہ اپنے ایس ویلے دے دکھ جر سکدے سن ، ایس لئی پئی اوہناں نیں خُدا دے وعدے دے کلام اُتے ایمان رکھیا پئی اوہ اوہناں نوں زندہ کرے گا تے چُک لوے گا ، تے اوہناں نوں اپنی ہزار ورہیاں دی بادشاہی دیوے گا ۔
سانوں لازمی خاص کر کے احساس کرنا چاہی دا اے پئی ساڈے اُتے شہادت دا ویلا آوے گا ۔ اوہ جیہڑے ایس سچیائی دی خاص تعلیم وچ اپنی ایمان دیاں زندگیاں بسر کردے نیں باقیاں توں بالکل وکھرے نیں ۔ اوہ جیہڑے ایمان رکھدے نیں پئی مڈھلی کلیسیا دے دناں دے شہید پاک لوکاں دی تصویر اوہناں دی اپنی تصویر اے ایمان دی ایہو جیہی زندگی رکھ سکدے نیں جیہڑی تگڑی ، عزت والی تے بہادر اے ، ایس لئی پئی پاک کتا ب دا سارا کلام فیر اوہناں دی اپنی کہانی بن جاوے گا ۔ اوہ سدا اوس ایمان وچ زندہ رہندے نیں جیہڑا شہادت نوں قبول کر سکدا اے ایس لئی اوہ سدا ایمان رکھن دے سبب  زندہ رہندے نیں پئی اپنی شہادت دے بعدوں ، خُدا اوہناں نوں اوہناں دا جیوں اُٹھنا تے چُکیا جانا ، تے نویں اسمان تے نویں زمین جیہدا اوہنے ارادہ بنایا تے پہلوں توں اوہناں لئی تیار کیتا ،دیوے گا ۔
اوہ جیہڑے ایس گل اُتے  ایمان رکھدے نیں سدا ایمان دی دلیری والی زندگی بسر کردے نیں ، ایس لئی پئی اوہ جان دے نیں پئی اوہناں دا ایمان اوہناں نوں اوہناں دے اخیر لئی تیار کردا اے ، جد اوہ خُدا دی وڈیائی کردے ہویاں مرن دے لائق ہون گے ۔ تے ایس لئی پئی ایہہ خُدا ئی تعلیم دا صرف سدھا معاملہ نئیں ہیگا ، سگوں  اصل ایمان دا معاملہ اے ، اوہ جیہڑے ایس کلام اُتے تے خوشخبری اُتے سچے دلوں ایمان نئیں رکھدے مخالفِ مسیح دے ہتھاں وچ سانوں ویچن والے پہلے لوک ہون گے ۔ ایس لئی پئی اک واری تُسیں تے میَں احساس کردے آں پئی سانوں شہید ہونا اے ، خُدا دی کلیسیاوچ ساڈے بھرا تے بھیناں ، جیہڑے ساڈے وانگر اوہو ای ایمان رکھدے نیں تے ہمیش تیکر ساڈے نال اکٹھے ہون گے ، ساڈے لئی بوہت خاص نیں ۔ خُدا دے خادم ، اوہدے لوک ، تے اوہدی کلیسیا ایہہ سارے ساڈے لئی ایسے طرح مہنگے نیں ۔
مڈھلی کلیسیا دے دناں دے پاک لوک ایمان رکھدے سن جیہڑا ساڈے توں بوہت چوکھا ایتھوں تیکر پئی خلوص بھریا تے کامل  سی جیہڑےہُن اخیری دناں وچ  زندہ آں ۔ اوہناں نیں اپنی شہادت اُتے ایمان رکھیا ، اوہدے پچھے چلدے ہویاں اپنے جیوں اُٹھن تے چُکے جان اُتے ، تے ہزار ورہیاں دی بادشاہی تے نویں اسمان تے نویں زمین اُتے ایمان رکھیا ۔ ایس لئی پئی اوہناں نیں اپنی  ایمان والیاں زندگیاں بسر کیتیاں ،جویں بھاویں اوہ وڈے دکھ جرن دے اصل زمانے وچ جیوندے پئے سن ، جویں پئی خُداوند دی دوجی آمد بوہت چھیتی سی ۔ ایس لئی اسیں جیہڑے دکھ جرن دے دناں دی بوہت چھیتی آمد دے ویلے زندہ رہندے آں جد اوہناں دے بارے وچ پڑھدے آں ، اوہناں دیاں کہانیاں سانوں اصل تے عملی طور وچ پُرکشش کردیاں نیں ، ایس لئی پئی اوہ ، وی ، جان دے سن تے دکھ جرن بارے خُدا دے سارے کلام اُتے ، تے اپنی شہادت ، جیوں اُٹھن تے چُکے جان اُتے ایمان رکھدے سن ۔
ایس لئی پئی اسیں خاص کر اپنیاں زندگیاں بالکل اپنیاں اکھاں ساہمنے اخیری دناں دے نیڑے  آؤندیاں ہویاں بسر کردے پئے آں سانوں لازمی ایمان نال اپنے دلاں وچ اپنے شہادت دے ایمان نوں پکا کرنا چاہی دا اے ۔ شیطان اوہناں نوں  جیہڑا وی مسیح دے پانی تے لہو اُتے  ایمان رکھدا اے ، یعنی  اوہناں دے ایمان نوں ہراؤن د ی کوشش کردے ہویاں چیلنج کرے گا ۔ شیطان ولوں ایس چیلنج دے اگے نا جھکن لئی ، سانوں لازمی اپنے دلاں وچ پانی تے رُوح دی خوشخبری  نوں بنھنا چاہی دا اے ، اک واری فیر نویں اسمان  تے نویں زمین لئی اپنی آس نال ایہدے اُتے پکڑ ول دھیان کرنا چاہی دا اے ، تے بھروسہ کرنا چاہی دا اے پئی ساڈا ایہہ ایمان کچا نئیں ہیگا جد تیکر ساڈی شہادت دا ٹھیک ویلا نئیں آجاندا ۔
ایس لئی مڈھلی کلیسیا دے دناں دے پاک لوکاں نیں آس رکھ کے اپنے ایمان دی راکھی کیتی وجہ ایہہ ہیگی اے ایس لئی پئی اوہناں نوں ایہہ وی پتہ سی تے دکھ جرن دے بارے وچ نوِشتیاں دے کلام اُتے ، تے اپنی شہادت ، جیوں اُٹھن تے چُکے جان اُتے ایمان رکھدے سن ۔ تُسیں تے میَں ،وی ، شہید ہوواں گے ۔ میَں مر جاواں گا ،تے ایسے طرح تُسیں وی اسیں سارے اپنے ایمان دی راکھی لئی مر جاواں گے ۔ خورے گھسیٹیا جان والا تے مرن والا میَں پہلاں بندہ ہوواں گا ۔ ایہہ اپنے آپ خورے برباد کرن والے ویلے وانگر نظر آسکدا اے ، پر اخیر وچ ، ڈرن دی کوئی گل نئیں ہیگی ، ایس لئی پئی شہادت توں بچن دامنطقی نتیجہ اپنے ایمان دا انکار ہووے گا ، یعنی ایہو جیہا کم جیہڑا اسیں بالکل نئیں کر سکدے ۔
  اخیریں ،خُدا نوں ساڈی شہادت دے سبب جلال ملنا اے ، تے اوہ ایہنوں ساڈے مقدر وانگر مقرر کر چُکیا اے ۔ ایس لئی ایہہ ایہو جیہی گل اے جیہدے وچوں سانوں لازمی گھٹوگھٹ اک وار لنگھنا چاہی دا اے ۔ ایس لئی پئی اسیں نا بچ سکدے آں تے نا ای ایہدے وچوں لنگھن توں نس سکدے آں ، آؤ اسیں ایہدی بجائے ایہدے وچ ساری طاقت نال نسیے تے بہادری نال ایہدے اُتوں چھال ماریے ۔ اسیں بادشاہ وانگر اختیار رکھدے آں جیہڑا کوئی دوجا نئیں رکھدا ، تے اسیں ہمیش دیاں برکتاں دی اپنی آس وی رکھدے آں ۔ایسے طرح ، اسیں سدا اپنے آپ نوں پکیاں کرن لئی خُدا اگے دعا منگ سکدے آں ، تے ایتھوں تیکر پئی اوہنوں بوہتا جلال دے سکدے آں ۔ اپنی شہادت اُتےڈریوں اڈ ایمان رکھن دے سبب ، اسیں بوہت وڈی ہمیش دی خوشی پا سکاں گے ۔ ایہہ خُدا لئی بوہت وڈا جلال اے ، تے ساڈے لئی بوہت وڈی برکت اے ۔
خُدا نے مُکاشفہ دی کتاب سانوں پاک لوکاں دی شہادت ، جیوں اُٹھن تے چُکے جان ، ہزارورہیاں دی بادشاہی ، تے نویں اسمان تے نویں زمین بارے وچ کلام فرماؤن لئی لکھی ۔ ایس لئی ، جے تُسیں مُکاشفہ دے کلام دی ٹھیک تعلیم رکھدے او تاں ، تُسیں ایس برباد ہون والی دنیا وچ اپنے ایمان نوں زندہ رکھ سکدے او ۔ نویں اسمان تے نویں زمین دے راہ اُتے جیہڑا مُکاشفہ وچ لکھیا ہویا اے ، پانی تے رُوح دی خوشخبری دے اڈ نئیں جایا جا سکدا ۔ تے ایہہ ایمان شہادت وچوں لنگھیوں اڈ پورا نئیں ہو سکدا ۔ ایس لئی ، میَں آس رکھدا تے دعا منگدا ہاں پئی تُسیں اپنے ایمان نوں اپنے دل وچ پکیاں کر کے بنھو گے ، ایمان رکھدے ہویاں پئی تُسیں خوشخبری دا انکار نئیں کروگے سگوں شہید ہوووگے جد ویلا آوے گا ، تے اپنے ایمان نال اگے ویکھو گے ۔ تہاڈی ایمان دی زندگی فیر ایسے خاص ویلے  توں طاقت وچ بدل جاوے گی ۔
اسیں فضول ای ، شیطان دے جالاں وچ پھس کے نئیں مراں گے ۔ اپنے دلاں وچ پاک رُوح د ے کم پچھے چلدیاں ہویاں ، اسیں اپنے ایمان دی راکھی لئی مر جانواں گے ۔ ایہو ای اصل شہادت اے ، ساڈی شہادت دا دن لازمی آوے گا ۔ پر اسیں ایہدے توں نئیں ڈردے ،ایس لئی پئی اسیں جان دے آں پئی بھاویں ساڈے بدن شیطان دے ہتھوں قتل ہو جان گے ، خُدا بوہت چھیتی سانوں ساڈے نویں ، جلالی بدناں وچ فیر زندہ کرے گا ۔ اسیں ایہہ وی جان دے آں پئی ساڈی شہادت دے تھوڑے چر بعد وں ساڈا جیوں اُٹھنا تے چُکیا جانا واقع ہووے گا ، تے یعنی سارا جیہڑا اوس ویلے توں ساڈی اُڈیک رکھدا اے ہزار ورہیاں دی بادشاہت وچ بادشاہی کرن دی برکت تے ساڈااسمان اُتے سدا دا شاہی راج اے ۔
بوہت چر پہلوں ، رومی راجے نیرو نے  روم نوں دوبارہ بناؤن لئی اگ لا دتی ۔ جد رومی شہریاں نے  ایہدے اُتے ہاڑے پائے ، اوہنے مسیحیاں اُتے اگ لاؤن دا توہمت لایا تے اوہناں نوں انھے وا قتل کر دتا ۔ ایسے طرح ، جد قدرتی بربادیاں وڈے دکھ جرن وچکار دنیا نال ٹکراؤن گئیاں، مُخالفِ مسیح ساڈے پاک لوکاں  اُتے ساریاں آفتاں دے سبب توہمت لائے گا ، ساڈے اُتے جھوٹی توہمت لائے گا ، تے سانوں قتل کر دیوے گا ۔
ایس لئی ، سانوں ہُن توں اگے ، لازمی خُدا اگے دعا منگنی چاہی دی اے ، پئی سانوں شہادت والا ایمان دیوے ،ایہو جیہا ایمان جیہدے نال اسیں مر سکدے آں ۔ جے اسیں اپنے ایمان نوں نئیں چھڈ دے تے شہید ہوندے آں ، خُدا دا جلال ظاہر ہووے گا ۔پر جے اسیں اپنے ایمان نوں چھڈکے،مُخالفِ مسیح دے اگے جھکدے تے اوہنوں خُدا وانگر قبول کردے آں ، اسیں ہمیش دی اگ وچ سُٹ دتے جاواں گے ۔جے اسیں ایمان لئی خُدا اگے دعا منگدے آں جیہدے نال اسیں مخالفِ مسیح اُتے فتح پاسکدے آں ، دوجے اکھراں وچ ، ساڈا خُداوند سانوں قوت تے  طاقت دیوے گا ، پر جے اسیں اپنے دلاں  نوں پکیاں ہوکے قیم نئیں رکھدے تے اپنے ایمان دا انکار کردے آں ، اوہدے کول سانوں دین لئی صرف دوزخ ای ہووے گی۔
مینوں تہانوں کوریادی جنگ دی اک نکی جیہی کہانی دسن دی اجازت دیوو۔ شمالی کوریادے فوجی دستے جنوبی ملک وچ اک گرجے وچ آئے ، جتھے چوڈال بے ناں دااک ڈیکن ایہدی ویکھ بھال کرداپیا سی ۔ ویکھدے ہویاں پئی گرجے دا برانڈہ گندہ سی ، اک حملہ آور سپاہی نے ڈیکن نوں ایہنوں صاف کرن دا حکم دتا ۔ پر ایس ڈیکن نے اِنج کرن توں انکار کردتا ، ایہہ آکھدے ہویاں پئی اوہنوں خُداوند دے دن نوں پاک مننا سی ۔سپاہیاں نیں ، بے صبرے ہوندیاں ہویاں ، اوہنوں سارے لوکاں دے اگے قتل کرن دی دھمکی دتی جے اوہ برانڈے دی صفائی نئیں کرے گا ۔ پر ڈیکن نے حکم منن توں انکار کر دتا ، ایہہ آکھدے ہویاں پئی  اوہنے اپنے ایمان دی راکھی کرنی سی ، تے اخیریں قتل کر دتا گیا ۔ بعدوچ ، کئی مسیحی لوکاں نے اوہدی موت نوں شہادت دا اعزاز  دتا، پر ایہہ شہادت نئیں اے ۔کیوں ؟ ایس لئی پئی شہادت راستباز کم لئی مرنایعنی خُدا دے جلال نوں ظاہر کرنا اے ۔ کسے بندے دا خُدا دے سہارے ہیٹھ اڑی نال مرنا شہادت نوں تشکیل دین  توں بوہت دُور اے ۔
کیہ اسیں مکتی دی محبت  نوں سُٹ سکدے آں جیہڑ ی خُدا نے سانوں دتی اے ؟ ساڈے عیباں تے پاپاں دے سبب ، یسوع مسیح نے اپنے بپتسمے نال اپنے آپ اُتے ساڈے سارے پاپاں نوں چُک لیا تے مرن لئی سولی اُتے چڑھ گیا ۔ جے اسیں موت تیکر اپنے خُداوند دی ایس محبت دی خاطر اپنے بھرویں جذبے نوں چھڈ نئیں سکدے ، کدھرے گھٹ اسیں خوشخبری نوں چھڈ سکدے آں جیہڑی سانوں بدن دی خاطر نواں اسمان تے نویں زمین دیندی اے یعنی اوہ سوکھے طریقے نال  ساڈی موت نال مک جائے گی ۔ اسیں ایس دنیا وچ  مکتی یافتہ ہون دے  مقدر نال ،ایس زمین اُتے ہر کسے دے اگے مکتی دی خوشخبری دی منادی کرن ، تے مرن لئی جد پئی منادی کردے ہویاں پیدا ہوئے سن ۔ کدی نا بھلو پئی پاک لوکاں دی قسمت جیہڑے پاپ دی معافی پا چُکے نیں ، ایہہ ہیگی اے ، اپنی ذاتی قسمت  توں ایمان دے سبب زندہ رہنا تے جلال دی خاطر  شیطان دے ایمان دے چیلنج اُتے فتح پاؤن لئی شہید ہونا اے جیہڑا خُدا سانوں دیوے گا ۔
اسیں اینیاں ساریاں  غلطیاں رکھدے آں تے عیباں نال اینے بھرے ہوئے آں پئی اسیں کسے شے نال خُدا نوں جلال نئیں دے سکدے ۔ ایہو جیہے لوکاں نوں خُدا جویں اسیں آں ، خُداوند نوں بوہتا جلال دین لئی موقع دے چُکیا اے ، تے ایہہ شہادت دے علاوہ کوئی دوجا موقع نئیں اے ۔ ایس توں کدی نا نسو ۔ آؤ اسیں خُدا اُتے ایمان رکھیے جیہڑا دکھ جرن دے ویلے نوں گھٹ کرے گا جے اسیں اوس کولوں منگدے آں ، تے نویں اسمان تے نویں زمین دی مالکی لئی اپنی آس نوں پکیاں کرن دے سبب ، آؤ اسیں اپنے تھوڑے چر دے دکھ اُتے فتح پائیے جیہڑا چھیتی مک جاوے گا ۔آؤ اسیں ایمان رکھن دے سبب  جیوندے رہیے پئی خُداوند اوہناں اُتے بوہت وڈے دکھ دی اجازت نئیں دیوے گا جیہڑےاوہدے لئی وفاداری نال زندہ رہ چُکے نیں ، نا ای اوہناں اُتے کسے شے دی اجازت دیوے گا جیہڑی اوہناں توں اوہناں دے ایمان دا انکار کروائے گی ، سگوں یعنی اوہ اوہناں دی راکھی کرے گا تے ایتھوں تیکر پئی بوہت چوکھے فضل نال اوہناں اُتے کرم کرے گا ۔
احساس کردے ہویاں پئی اسیں شہید ہوواں گے ،سانوں مصیبت جرن دا تجربہ کرن ، دکھ وچ ڈٹ کے رہن ،تے خُداوند لئی مشقت کرن دی لوڑ اے ۔ ایہو جیہاں شیواں دے سبب ، اسیں خُداوند نال چلن دے تجربے دے سبب اپنے ایمان نوں ودھاواں گے، تے جد اخیری ویلا آوے گا ، اسیں خُداوند ولوں دتی گئی طاقت نال اپنی شہادت نوں جرن دے لائق ہوواں گے ۔ جے اسیں خُداوندلئی کسے  دکھ  دے تجربے نوں پائیوں بغیر ، اوہدے لئی جذبے ، یا مشقت تے اوہدے لئی قربانی توں بغیر زندہ رہندے آں، تاں جد وڈے دکھ جرن دے آون دے نال ساڈی شہادت دا ویلا آوے گا ڈر ساڈے اُتے چھا جاوے گا ۔ صرف اوہ جیہڑے دکھ جر چُکے نیں تے پہلی پیڑ اُتے فتح پاؤندے نیں اپنے دکھ نوں اک وار ی فیر ہرا سکدے نیں ۔
میَں خُدا اگے دعا منگداہاں پئی تہاڈی ایمان دی زندگی ، خُداوند لئی یعنی  دکھ  دی  زندگی  ہووے
تے ایس اُتے فتح دی زندگی ہووے ، تے یعنی جد شہادت داویلا آوے گا ،تاں تُسیں وی ، اوہناں وفادار لوکاں دے وچکار ہوو گے جیہڑے اپنے دل وچ یاد رکھ سکدے تے اپنے لباں نال اقرار کر سکدے نیں پئی ایہہ ساریاں شیواں جنہاں دی خُدا دی برکت تے فضل دے سبب توں اوہناں اُتے اجازت دتی گئی ، اوہناں دے اپنے جلال دے سبب نیں ۔
جے تُسیں آس نال اسمانی بادشاہی اپنے ایمان نال لینا چاؤہندے او ، تاں نواں اسمان تے نویں زمین لازمی تہاڈی ہووے گی ۔ خُدا چاؤہندا اے سارے بندے مکتی یافتہ ہون تے سچیائی دی تعلیم تیکر اپڑن (۱۔تیمتھیس ۲:۴)۔