Bài giảng

مضمون 10: مُکاشفہ(مُکاشفہ دی کتاب اُتے تفسیر)

[13-1باب] (مُکاشفہ۱۳: ۱۔ ۱۸) مُخالفِ مسیح دااُبھرنا

(مُکاشفہ۱۳: ۱۔ ۱۸)
” تے سمُندر دی ریت اُتّے جا کھلوتا۔ فیر مَیں اِک پشُو نُوں سمُندر وِچوں نِکلدیاں ویکھیا اوہدے دَس سِنگ تے سَتّ سِر سن تے اوہدیاں سِنگاں اُتّے دَس تاج تے اوہدیاں سِراں اُتّے کُفر دے ناں  لِکھے ہوئے سن۔تے جیہڑا پشُو مَیں ویکھیا سی اوہدی شکل چِیتے وانگر سی تے پَیر رِچھ وانگر تے مُنھ شیرببر وانگر۔ تے اوس ناگ اپنی قُدرت تے اپنا تخت تے بڑا اختیار اوہنوں دے دِتّا۔تے مَیں اوہدے سِراں وِچوں اِک نُوں جیویں مَوت دا چمرس لگّا ہویا ویکھیا پر اوہدا مَوت دا چمرس ولّ ہوگیا۔ تے ساری دُنیا تعجُّب کر کے اوس پشُو دے پِچّھے پِچّھے ٹُر پئی۔تے ایس واسطے پئی اوس ناگ اپنا اختیار اوس بیابانی نُوں دے دِتّا سی ایس لئی اوہناں لوکاں ناگ دی پُوجا کِیتی تے اوس پشُو دی وی ایہہ آکھ کے پُوجا کِیتی۔ پئی ایس پشُو وانگر کون اے؟ تے کون اوہدے نال بِھڑ سکدا اے؟تے اوہنوں اِک مُنھ دِتّا گیا۔ جیہڑا بڑے بول بولدا سی تے کُفر آکھدا سی۔ تے اوہنوں بتالی مہینے تیکر کمّ کرن دا اختیار دِتّا گیا۔تے اوس خُدا دے بارے کُفر بکن لئی مُنھ کھولیا پئی اوہدے ناں تے اوہدے خیمے دے بارے یعنی اسمان دے رہن والیاں دے بارے کُفر بکے۔تے اوہنوں ایہہ اختیار دِتّا گیا پئی پاک لوکاں نال لڑے تے اوہناں نُوں جِت لَئے تے اوہنوں ہر اِک گھرانے تے اُمّت تے قوم اُتّے اختیار دِتّا گیا۔تے زمین دے اوہ سارے رہن والے اوہدی پُوجا کرن گے جِنہاں دے ناں اوس   لیلے دی حیاتی دی کتاب وِچ   لِکھے نئیں سن گئے جیہڑا دُنیا دے مُڈھ توں پہلاں ہلال ہویا ہویا اے۔جِہدے کنّ ہون اوہ سُنے۔جِہنُوں قید ہون والی اے اوہ قید وِچ پَوے گا۔ جیہڑا تلوار نال قتل کرے گا اوہ ضرُور تلوار نال قتل کِیتا جائے گا۔ پاک لوکاں دے صبر تے اِیمان دا ایہو ویلا اے۔فیر مَیں اِک ہور پشُو نُوں زمین وِچوں نِکلدیاں ویکھیا اوہدے   لیلے وانگُوں دو سِنگ سن تے ناگ وانگر بولدا سی۔تے ایہہ پہلے پشُو دا سارا اختیار اوہدے سامھنے کمّ وِچ لیاؤندا سی تے زمین تے اوہدے رہن والیاں توں اوس پہلے جنَور دی پُوجا کراندا سی جِہدا مَوت دا چمرس ولّ ہوگیا سی۔تے اوہ وڈّے وڈّے نِشان وکھاؤندا سی ایتھوں تیکر پئی بندیاں دے سامھنے اسمان توں اَگ وَرھاندا سی۔تے زمین دے رہن والیاں نُوں اوہناں نشاناں دے نال جیہڑے اوس پشُو دے سامھنے وکھان دا اوہنوں اختیار دِتّا گیا سی ایس طرح بدراہ کر دیندا سی پئی زمین دے رہن والیاں نُوں آکھدا سی پئی جِس پشُو نُوں تلوار لگّی سی تے اوہ جِیوپیا اے اوہدا بُت بناؤ۔تے اوہنوں اوس پشُو دے بُت وِچ رُوح پُھوکن دا اختیار دِتّا گیا۔ تاں جو اوس پشُو دا بُت بولے وی۔ تے جنے لوک اوس پشُو دے بُت دی پُوجا نا کرن قتل کِیتے جان۔تے اوس ساریاں نِکّیاں وڈّیاں دَولت منداں تے غرِیباں اَزاداں تے غلاماں دے سجے ہتّھ یا اوہناں دیاں متّھیاں اُتّے ٹھپّہ لوایا۔پئی اوہدے بِناں جِہدے اُتّے ٹھپّہ یعنی اوس پشُو دا ناں یا اوہدے ناں دی گنتری ہوئے ہور کوئی بیوپار نا کر سکے۔ایہہ حِکمت دی گلّ اے جِہدے وِچ سمجھ اے اوہ پشُو دی گنتری جوڑ لَئے۔ کیوں جو اوہ بندے دی گنتری اے تے اوہدی گنتری چھ سَو چھیاٹھ اے۔“
 
 
تفسیر
 
آیت ۱: تے سمُندر دی ریت اُتّے جا کھلوتا۔ فیر مَیں اِک پشُو نُوں سمُندر وِچوں نِکلدیاں ویکھیا اوہدے دَس سِنگ تے سَتّ سِر سن تے اوہدیاں سِنگاں اُتّے دَس تاج تے اوہدیاں سِراں اُتّے کُفر دے ناں  لِکھے ہوئے سن۔
یوحنا رسول نے اک  پشُو نوں سمندروچوں نکلدے ہویاں ویکھیا ۔ایس پشُودے سبب جیہڑا یوحنا نے ویکھیا ، خُدا سانوں وکھاؤندا اے مخالفِ مسیح کیہ کرے گا جد اوہ ایس  زمین اُتے  نکلے گا ۔ خُدا نے یوحنا نوں ایہہ پشُو ست سراں تے دس سِنگاں نال سانوں ایہہ دسن لئی نئیں وکھایا پئی ایسے شکل دا اک پشُو اصل وچ نکلے گا تے ایس دنیا  وچ کم کرے گا ، سگوں سانوں ایہہ دسن لئی پئی اک بندہ اختیار تے  ایس پشُو دی طاقت نال نکلے گا، پاک لوکاں نوں ستائے گا تے اوہناں نوں شہید کرے گا ۔
فیر کیہ ایہدا مطلب اے پئی ہر شے جیہڑی مُکاشفہ وچ  دِسدی اے  صرف نشانی طور اُتے ہیگی اے؟ نئیں بالکل نئیں ! صرف اخیری زمانے وچ مخالفِ مسیح  دا مُنھ متھا تے کم وکھاؤن لئی ، خُدا نے نئیں کیتا سگوں ایہو جِہیاں رویاواں دے راہیں کلام کردا اے ۔ ایہہ دانائی تے طاقت اے جِہدے نال اکلا خُدا کلام کرسکدا اے ۔ مُکاشفہ باب   ۱۳ دے کلام دے  راہیں ، سانوں اخیری زمانے دی لازمی خاص تصویر ویکھن دے لائق ہونا چاہی دا اے ۔
یوحنا نے پہلوں کیہ  ویکھیا اک پشُو دی شکل سی جیہڑا سمندر وچوں نکلیا سی ۔ پشُو دے ست سِر تے دس سِنگ  ایتھے مخالفِ مسیح   دے اختیار نوں ایس زمین اُتے جیہڑا آؤن والااے  دسدے نیں ۔ جملہ ، ” اوہدے دَس سِنگ تے سَتّ سِر سن تے اوہدیاں سِنگاں اُتّے دَس تاج تے اوہدیاں سِراں اُتّے کُفر دے ناں  لِکھے ہوئے سن۔“ دا مطلب ہیگا اے پئی مخالفِ مسیح  دنیا دیاں  قوماں نوں اکٹھیاں کرے گا تے خُدا دے خلاف کھلوئے گا۔ ایہہ حوالہ سانوں ایہہ وی دسدا اے پئی اوہ دنیا دے سارے راجیاں اُتے راج کرے گا ۔ دس تاج اوہناں دی فتح بارے دسدے نیں، تے پشُو دے سر اُتے کفر دے ناں اوہناں دے گھمنڈ بارے دسدے نیں ۔
آؤن والے دناں وچ ، دنیا اُتے قوماں دے اکٹھے بدن دے راہیں راج کیتا جائے گا ، جیہڑا ایہو جیہا حکومتی نظام والا ہوئے گا جیہڑا اِنج اکٹھیاں ریاستاں دیاں بوہتیاں  ضرورتاں نوں پورا کرے گا ۔ ایہہ اکٹھی سُپر پاور ، اک وڈی فوق الفطرت طاقت ، اپنے اختیار نوں ودھائے گی تے دنیا دیاں ساریاں قوماں اُتے راج کرے گی ، تے ایہہ اخیریں مُخالفِ مسیح دا کم کرے گی جد اوہ خاص کر کے ایس زمین اُتے اپنے آپ نوں پیش کرے گا ۔ اوہ خُدا دا ویری اے ، اک ایہو جیہا بندہ جیہڑا شیطانی طاقت والے لیڑے پا کے کم کردا اے ، ایہو ای ابلیس دا نوکر اے ۔
 
آیت  ۲: تے جیہڑا پشُو مَیں ویکھیا سی اوہدی شکل چِیتے وانگر سی تے پَیر رِچھ وانگر تے مُنھ شیرببر وانگر۔ تے اوس ناگ اپنی قُدرت تے اپنا تخت تے بڑا اختیار اوہنوں دے دِتّا۔
ایہہ کلام سانوں دسدا اے  مُخالفِ مسیح تے دنیا دے لوک  اوہدے ظاہر ہون نال ، پاک لوکاں نال کیہ کرن گے ۔ آؤن والا مُخالفِ مسیح پاک لوکاں نال ایہو جیہے  ظالم کم کرے گا ایس لئی پئی اوہ شیطان کولوں ایہو جیہے کم  کرن دا اختیار تے طاقت لَے چُکیا ہوئے گا ۔ایہہ ساڈے اُتے ظاہر کردا اے مُخالفِ مسیح کِنی بے دردی نال پاک لوکاں نال پیش آئے گا جد اوہ  اپنا مُنھ متھا وکھائے گا ، ایہہ اشارہ کردے ہویاں پاک لوک مُخالفِ مسیح ولوں کیہڑی قِسم دا دکھ اپنی شہادت نال جرن گے ۔
ایہہ کلام سانوں وکھاؤندا اےمُخالفِ مسیح کِناں ظالم اے ۔ جملہ ،  ”پَیر رِچھ وانگر “ ظاہر کردا اے اوہدا اختیارکِناں برباد کرن والا اے ۔ ”ناگ“ ایتھے اصل طریقے نال خُدا ولوں بنایا گیا اک فرشتہ سی ، جیہڑا اوہنوں اوہدے تخت لئی للکار چُکیا سی ۔پشُو جیہڑا یس باب وچ ظاہر ہوندا اے اوہدے بارے دسدا اے جنہے ناگ کولوں اختیار لیا تے جیہڑا خُدا دے تے اوہدے پاک لوکاں دے خلاف کھلون دا کم کردا اے ۔
شیطان ، اک ایہو جیہا فرشتہ  جیہڑا  اسمانوں کڈھیا گیا سی ، اک بندے نوں اپنی طاقت  تے اختیار دیوے گا جیہڑا خُدا دے خلاف کھلوئے گا،تے خُدا تے اوہدے پاک لوکاں دے خلاف  لڑن دے سبب اوہنوں اوہدی موت تیکر پوہنچائے گا۔ مخالفِ مسیح ، شیطان دے اختیار دے لیڑے پا کے بے درد ہو کے خُدا دے لوکاں اُتے  تے آؤن والے دناں   وِچ سارے لوکاں اُتے ظلم کرے گا۔
آیت۳: تے مَیں اوہدے سِراں وِچوں اِک نُوں جیویں مَوت دا چمرس لگّا ہویا ویکھیا پر اوہدا مَوت دا چمرس ولّ ہوگیا۔ تے ساری دُنیا تعجُّب کر کے اوس پشُو دے پِچّھے پِچّھے ٹُر پئی۔
ایہہ آیت سانوں دسدی اے پئی مخالفِ مسیح ستاں راجیاں وچوں  اک وانگر نکلے گا ۔ مُخالفِ مسیح پشُو وانگر اکھواؤندا اے ایس لئی پئی اوہ  پاک لوکاں نال  ڈنگراں والیاں حرکتاں کرے گا ۔
ایتھے ، خُدا تے پاک لوکاں دا ویری ایہو جیہے بندے وانگر ظاہر ہوئے گا جیہڑا ایتھوں تیکر پئی اخیری زمانے وچ موت دا مسئلہ حل کرن دے لائق ہوئے گا۔ ایسے طرح ، اخیری زمانے دے بوہت  سارے لوک اوہدے اُتے ساریاں مسئلیاں نوں حل کرن والے دی طاقت رکھن والے وانگر ایمان رکھن گے جیہڑے زمین اُتے دکھاں مارے ہوندے نیں ۔ پر اوہ خُدا دا ویری اے ۔ بھاویں اوہ دنیا دے لوکاں نوں  اوہدے ساہمنے نوائے گا ، اوہ اخیر وچ خُدا تے اوہدے پاک لوکاں دے خلاف  کھلون دے سبب برباد ہو جاوے گا ۔
آیت  ۴: تے ایس واسطے پئی اوس ناگ اپنا اختیار اوس بیابانی نُوں دے دِتّا سی ایس لئی اوہناں لوکاں ناگ دی پُوجا کِیتی تے اوس پشُو دی وی ایہہ آکھ کے پُوجا کِیتی۔ پئی ایس پشُو وانگر کون اے؟ تے کون اوہدے نال بِھڑ سکدا اے؟
ایہہ حوالہ سانوں دسدااے پئی ناگ اپنا سارا اختیار اوہنوں دے دیوے گا  جیہڑا ڈنگراں  والا  کم
کردا اے ،جنہوں اوہ اپنا نوکر بنا چُکیا اے ۔ ایس سببوں ، ایس دنیا دے سارے لوک  ناگ دے بارے وچ خُداوانگر سوچن گے ، ڈر کے کمبن گے، تے اوہدی پوجا کرن گے  ۔
ایس لئی پئی ایس ویلے ایس زمین اُتے کوئی راجا ایس طرح دا اختیار نئیں رکھے گا جویں پشُو کردا اے ، کوئی بندہ اوہنوں اپنے آپ خُداوانگر دعویٰ کرن  تے اوہدی  پوجا کرن توں اوہنوں  روکن دے لائق  نئیں ہوئے گا ۔
جویں ای  ناگ  پشُو نوں وڈااختیار دیوے گا ، ہر کوئی ناگ  تے پشُو دی وڈیائی کرے گا تے مؤخر الذکر دی اپنے خُدا وانگر پوجا کرے گا۔ جد مُخالفِ مسیح ایہناں وڈا اختیار رکھدے ہویاں  ظاہر ہوندا اے ، اوہ جیہڑے نور توں بوہتی ہنیرے نال محبت کردے نیں  اوہدے پچھے چلن گے ، اپنے خُداوانگر اوہدی پوجا کرن گے ، تے اوہنوں  اُچیاں کرن گے ۔
آیت  ۵: تے اوہنوں اِک مُنھ دِتّا گیا۔ جیہڑا بڑے بول بولدا سی تے کُفر آکھدا سی۔ تے اوہنوں بتالی مہینے تیکر کمّ کرن دا اختیار دِتّا گیا۔
  پشُو ناگ کولوں اوہدا گھمنڈی دل تے اوہدا اختیار ساڈھے تِن ورہے (بتالی  مہینیاں تیکر )وڈیاں وڈیاں گلاں کرن لئی لوے گا ۔  اِنج  پشُو پاک لوکاں  تے ایس دنیا دے لوکاں نوں ایہناں  ساڈھے تِن ورہیاں تیکر نقصان پوہنچاؤن دا اختیار لوے گا ۔
پشُو، جیہڑا مُخالفِ مسیح اے ، گلاں کرن دا اختیار لوے گا جیہڑیاں خُدا دے خلاف نیں تے ساڈھے تِن ورہیاں تیکر اوہدی کلیسیا اُتے کفربکے گا۔ سارے پاپی ، اِنج ایس پشُو نوں پوج دیاں ہویاں مک جان گے تے  اخیریں پشُو نال رَل کے اپنے آپ برباد ہو جان گے ۔  
آیت  ۶: تے اوس خُدا دے بارے کُفر بکن لئی مُنھ کھولیا پئی اوہدے ناں تے اوہدے خیمے دے بارے یعنی اسمان دے رہن والیاں دے بارے کُفر بکے۔
پشُو ، ناگ کولوں اختیار لین دے بعدوں، خُدا دے خلاف ، اوہدے ساریاں فرشتیاں تے پاک لوکاں دے  خلاف ساڈھے تِن ورہیاں تیکر ، لعنت کرن تے اوہناں نوں بھیڑا چنگا  آکھدے ہویاں کفربولے گا ۔ ایہہ ساریاں شیواں اوہدے مطابق ہون گئیاں ناگ اوہنوں  کیہ کرن لئی آکھدا اے ۔ ایتھے ، سانوں لازمی احساس کرنا تے ایمان رکھنا چاہی دا اے پئی شیطان دا ایہہ عملیعنی ، پشُو نوں  ساڈھے تِن ورہیاں تیکر خُدا دے خلاف اپنا اختیار دینا صرف خُدا دی  اجازت دے سبب ممکن ہو وے گا ۔
بنیادی طورتے، مُخالفِ مسیح خُدا تے اوہدے لوکاں دے خلاف کفر بولن واسطے وجود رکھدا اے ۔ نا گ کولوں اختیار لین دے بعدوں ، مُخالفِ مسیح وڈے دکھاں دے  پہلے ساڈھے تِن ورہیاں تیکر خُدا دے ناں تے اوہدے لوکاں اُتے کفر بولے گا ۔
آیت  ۷: تے اوہنوں ایہہ اختیار دِتّا گیا پئی پاک لوکاں نال لڑے تے اوہناں نُوں جِت لَئے تے اوہنوں ہر اِک گھرانے تے اُمّت تے قوم اُتّے اختیار دِتّا گیا۔
پشُو ،  ناگ کولوں پاک لوکاں نوں قتل کرن دا اختیار لوے گا تے پاک لوکاں نوں شہید کرے گا ۔ تے اوہ ساری دنیا اُتے ، ہر کسے نوں ایس دنیا وچ اپنے راج ہیٹھاں  حکم چلاؤن دا اختیار لین دے بعدوں راج وی کرے گا ۔
مُخالفِ مسیح پاک لوکاں نوں قتل کرے گا ، ایس لئی پئی اوہدے کول ایس دنیا اُتے راج کرن دا اکو راہ پاک لوکاں دے  خلاف لڑنا تے اوہناں اُتے فتح پاؤنا ہوئے گا ۔ مُخالفِ مسیح دی  واگ کھچن والا ابلیس اے ، جیہڑا اصل وچ اوہ راہوں بھٹکیا فرشتہ اے جیہڑا خُدا وانگر  بھگتی کراؤنا چاہندا اے ۔تے پاک لوکاں نوں قتل کرن دے سبب اوہ اوہناں دے ہتھوں ایسے طرح  وڈیایا جائے گا جیہڑے نویں سریوں نئیں جمے ۔ دکھ جرن دے ایس زمانے وچ، سارے پاک لوک ستائے جان گے تے مُخالفِ مسیح دے ہتھوں شہید ہون گے ۔
آیت ۸: تے زمین دے اوہ سارے رہن والے اوہدی پُوجا کرن گے جِنہاں دے ناں اوس  لیلے دی حیاتی دی کتاب وِچ  لِکھے نئیں سن گئے جیہڑا دُنیا دے مُڈھ توں پہلاں ہلال ہویا ہویا اے۔
جد مُخالفِ مسیح ایس زمین اُتے فتح پائے گا ، ہر کوئی اوہناں توں علاوہ جیہڑے پانی تےروح دی خوشخبری اُتے ایمان رکھن دے سبب نویں سریوں جم پئے نیں یعنی ، اوہ سارے جیہڑے دوجے پاسے نویں سریوں نئیں جمے اوہدی اپنے خُدا وانگر پوجا کرن گے ۔ پر مُخالفِ مسیح دی پوجا صرف پاپیاں دے راہیں ہوئے گی جنہاں دے ناں حیاتی دی کتاب وچ لکھے ہوئے نئیں ہیگے ۔
آیت ۹: جِہدے کنّ ہون اوہ سُنے۔
ایہہ حوالہ سانوں دسدا اے پئی  جیہڑا وی خُدا دےلوکاں نال میل جول رکھدا اے اوہنوں  لازمی شہید ہون لئی  اپنا ایمان پکا کرنا چاہی دا اے ، ایس لئی پئی ایہہ ساریاں  شیواں بالکل اوسے طرح  جویں پاک کتاب وچ لکھیاں ہویاں نیں پوریاں ہون گیِاں ۔
آیت  ۱۰: جِہنُوں قید ہون والی اے اوہ قید وِچ پَوے گا۔ جیہڑا تلوار نال قتل کرے گا اوہ ضرُور تلوار نال قتل کِیتا جائے گا۔ پاک لوکاں دے صبر تے اِیمان دا ایہو ویلا اے۔
خُدا ایتھے  فرماندا اے پئی اوہ اوہناں اُتے اوہو ای موت تے دکھ گھلے گا جیہڑے اخیری زمانے وچ نویں سریوں جمے ہوئے پاک لوکاں نوں قتل کردے نیں ۔ پاک لوک جویں ای  دکھ جرن دے پہلے ساڈھے تِن ورہے لنگھدے نیں مُخالفِ مسیح تے اوہدے پچھے چلن والیاں دے ہتھوں قتل ہون گے ۔ پر اوہناں ساریاں نوں   جیہڑے اِنج  پاک لوکاں نوں قتل کر چُکے نیں ،  خُدا ایتھوں تیکر پئی  بوہت وڈے دکھاں تے مصیبتاں نال واپسی جواب دیوے گا ۔ ایسے طرح سارے پاک لوکاں نوں لازمی اپنے دل پکے کرنے چاہی دے نیں ، ایس  اوکھے دکھاں اُتے خُداوند دے کلام اُتے اپنے ایمان نال فتح پاؤنی چاہی دی اے ، تے اپنی شہادت  نوں قبول کرن دے سبب  خُدا نوں جلال دینا چاہی دا اے ۔
آیت  ۱۱: فیر مَیں اِک ہور پشُو نُوں زمین وِچوں نِکلدیاں ویکھیا اوہدے لیلے وانگُوں دو سِنگ سن تے ناگ وانگر بولدا سی۔
ایتھے اسیں پہلاں پشُو نئیں ، سگوں دوجا پشُو ویکھدے آں ۔ دوجا پشُو ، وی ، ناگ وانگر سوچدا تے بولدا اے ، ناصرف اوہ سوچدا اے پئی اوہ ناگ وانگر اے ،سگوں ایس  عقیدے اُتے اپنے کماں دا یقین کردے ہویاں ، اوہ ایتھوں تیکر پئی بوہت بے دردی نال  پاک لوکاں نوں  ستائے گا ۔ ایہہ پشُومُخالفِ مسیح دا نبی اے ۔
آیت  ۱۲: تے ایہہ پہلے پشُو دا سارا اختیار اوہدے سامھنے کمّ وِچ لیاؤندا سی تے زمین تے اوہدے رہن والیاں توں اوس پہلے جنَور دی پُوجا کراندا سی جِہدا مَوت دا چمرس ولّ ہوگیا سی۔
دوجا پشُو ، پہلے پشُو توں اختیار پا کے ، پہلے پشُو دی پوجا کرےگا تےہر کسے توں وی  جیہڑا ہُن تیکر ایس زمین اُتے باقی ہوئے گا پوجا کروائے گا ۔ اوہدا کم  پہلے پشُو دی بُت پرستی کروانا ہوئے گا تے ہر کسے توں خُدا وانگر اوہدی  پوجا کرواؤنا ہوئے گا۔ایس کم دے سبب ، پہلا پشُو تے اوہ خُدا وانگر لوکاں دی ساری پوجا  دا نشان بن جان گے ۔ ایہہ اوہدی اصلیت اے تے شیطان دی اصل شکل اے ۔
آیت  ۱۳: تے اوہ وڈّے وڈّے نِشان وکھاؤندا سی ایتھوں تیکر پئی بندیاں دے سامھنے اسمان توں اَگ وَرھاندا سی۔
جویں ای   شیطان ایس زمین اُتے بندیاں دے ساہمنے وڈے وڈے معجزے  کرے گا ، اوہ  بوہت سارے لوکاں نوں دھوکہ دین لائق ہوئے گا ۔ اوہ ایتھوں تیکر پئی اسمانوں زمین اُتے  اگ ورساؤن دا اختیار رکھے گا ۔
آیت ۱۴: تے زمین دے رہن والیاں نُوں اوہناں نشاناں دے نال جیہڑے اوس پشُو دے سامھنے وکھان دا اوہنوں اختیار دِتّا گیا سی ایس طرح بدراہ کر دیندا سی پئی زمین دے رہن والیاں نُوں آکھدا سی پئی جِس پشُو نُوں تلوار لگّی سی تے اوہ جِیوپیا اے اوہدا بُت بناؤ۔
پرشیطان چھیتی نال اپنے اصل رنگاں نوں ظاہر کرے گا ۔اوہ کیہ کراؤنا چاہندا اے  لوکاں دے دلاں وچوں خُدا اُتوں اوہناں دا ایمان کھونا تے ایہدی بجائے اوہناں توں اپنی   پوجا کراؤنا اے ۔ ایہہ پاؤن لئی ، اوہ بندیاں دے ساہمنے بوہت چوکھے معجزے کرے گا تے خُدا دے لوکاں نوں  قتل کرے گا ۔ اپنا حتمی مقصد پورا کرن لئییعنی ، خُدا وانگر بننا فیر اوہ خُدا دی تھاں اُتے چڑھن دی  کوشش کرے گا ۔ اِنج اوہ  پہلے پشُو دا  بُت بنائے گا تے خُداوانگر لوکاں توں ایہدی پوجا کروائے گا ۔
آیت  ۱۵: تے اوہنوں اوس پشُو دے بُت وِچ رُوح پُھوکن دا اختیار دِتّا گیا۔ تاں جو اوس پشُو دا بُت بولے وی۔ تے جنے لوک اوس پشُو دے بُت دی پُوجا نا کرن قتل کِیتے جان۔
جویں اپنے آپ نوں خُدا بناؤن وچ سب توں وڈی رکاوٹ  خُدا دے لوک ہون گے ،  شیطان اوہناں کولوں جان چھڈؤن لئی بوہت کوشش کرے گا ۔ اِنج اوہ اوہناں ساریاں نوں قتل کرے گا جیہڑے پشُو دے بُت دی پوجا نئیں کردے ، کوئی معنی نئیں رکھدا کنے سارے اوہ ہو سکدے نیں ۔ پر   پاک لوک ایس پشُو دے ساہمنے نئیں جھکن گے ۔ ایس طرح ، گنتریوں باہر پاک لوک  ایس ویلے اُتے اپنے ایمان دی  خاطر اپنی شہادت خوشی نال ،یعنی اپنی بعد والی زندگی ول ویکھدے ہویاں قبول کرن گے ۔ جویں ای  مُخالفِ مسیح پاک لوکاں اُتے  وڈیاں مصیبتاں لیا چُکیا ہوئے گا، خُدا وی اوہدے لئی  ست پیالیاں دیاں آفتاں تےسدا تیکر بلن والی دوزخ دی سزا تیار کر چُکیا ہوئے گا ۔
آیتاں  ۱۶ ۔ ۱۷:تے اوس ساریاں نِکّیاں وڈّیاں دَولت منداں تے غرِیباں اَزاداں تے غلاماں دے سجے ہتّھ یا اوہناں دیاں متّھیاں اُتّے ٹھپّہ لوایا۔پئی اوہدے بِناں جِہدے اُتّے ٹھپّہ یعنی اوس پشُو دا ناں یا اوہدے ناں دی گنتری ہوئے ہور کوئی بیوپار نا کر سکے۔
دکھاں دے جوبن اُتے ، مُخالفِ مسیح ساریاں کولوں اوہناں دے سجے ہتھ یا اوہناں دے متھے اُتے ، ایہہ پک کرن  دے سلسلے وچ  پئی ہر کوئی اوہدے اختیار ہیٹھاں آجائے  ٹھپہ  لواؤن بارے آکھے گا ۔ ایہہ ٹھپہ پشُودا ٹھپہ اے۔ ہر کسے نوں اپنا قیدی بناؤن لئی  مُخالفِ مسیح  لوکاں نوں اپنا ٹھپہ  لواؤن بارے مجبور کرے گا ۔
اپنے نال دیاں وانگر لوکاں دیاں زندگیاں اپنے ہتھ لیندے ہویاں ، فیر مُخالفِ مسیح  اپنیاں سیاسی چالاں وچ اگانہہ ودھے گا ۔ اِنج اوہ ہر کسے لئی جیہڑا اوس پشُو دا ٹھپہ  ، اوہدے نال  ،اوس نال میل جول دا ثبوت نئیں رکھدا ، کسے وی طرح کوئی شے خریدنا یا ویچنا ناممکن بنائے گا۔ ایہہ ٹھپہ پشُو دا ناں ، یا اوہدا عدد اے ۔ جد پشُو آؤن والے دناں وچ دنیاوچ آئے گا ، ہر کسے نوں اوہدا ٹھپہ   لین بارے آکھیا جائے گا ، جیہڑا اوہدے ناں یا عدد نال بنیا ہوئے گا ۔ ایس لئی سانوں لازمی اپنے آپ نوں  خُدا دی ہدایت یاد کراؤنی چاہی دی اے پئی اوہ  سارے  جیہڑے ایہہ ٹھپہ   لواؤن گے اگ تے گندھک دی جھیل وچ سُٹ دتے جان گے ۔
آیت ۱۸: ایہہ حِکمت دی گلّ اے جِہدے وِچ سمجھ اے اوہ پشُو دی گنتری جوڑ لَئے۔ کیوں جو اوہ بندے دی گنتری اے تے اوہدی گنتری چھ سَو چھیاٹھ اے۔
پشُو دا عدد چھ سو چھیاٹھ اے ۔ مختصر، ایہدا مطلب ہیگا اے پئی  پشُو خُدا دے نال برابر ہون بارے ضد کردا اے ۔ کیہ کوئی عدد ہیگا اے جیہڑا ظاہر کردا اے پئی  ”بندہ خُدا اے ؟“ ایہو جیہا مطلب رکھن والا عدد  مخالفِ مسیح دا عدد اے ۔ ایس طرح ، پاک لوک ایہہ ٹھپہ  لوا نئیں سکدے ، ایس لئی پئی صرف خُدائے ثالوث ساڈے لئی سچا خُدا اے ۔ پاک لوکاں نوں  لازمی شیطان اُتے  اپنے ایمان نال فتح پاؤنی چاہی دی اے تے خُدا نوں جلال دینا چاہی دا اے ۔ ایہہ  ودھیا ایمان تے بھگتی اے جیہدے نال پاک لوک خُداوند نوں سارا جلال دے سکدے نیں۔آؤ اسیں اپنے ایمان نال جتیے۔
 
 
خاص اصطلاحاں دی وضاحت
 
باب  ۱۳ دا موضوع مُخالفِ مسیح تے شیطان دا ظہور اے ۔ اوہدے ظہوردے نال ، پاک لوک اک رُوحانی جنگ وچ مصروف  ہون گے ، جیہدے وچ اوہ کوئی  چارہ نئیں رکھن گے  سگوں مُخالفِ مسیح دے ہتھوں شہید ہون گے ۔ مُخالفِ مسیح شیطان دا نوکر اے ، اوہو ای اصل جیہڑا پاک لوکاں نوں ستائے گا تے اوہناں نوں شہید کروائے گا  ۔
ایس موجود زمانے وچ رہندے ہویاں ،  اکو جیہے سارے مسیحیاں تے ایس دنیا دے غیر مسیحیاں نوں لازمی مُکاشفہ دا کلام جاننا چاہی دا اے  ۔ مُکاشفہ دا باب  ۱۳ نبُوّت کردا اے پئی اک  ویلا آئے گا  جد شیطان مُخالفِ مسیح دی خُدا وانگر بُت پرستی کرائے گا۔ شیطان دنیا دے  سیاسی طریقے نال تگڑے آگُواں وچوں اک نوں وڈا اختیار دیوے گا تے اوہنوں خُدا تے اوہدے  پاک لوکاں دے خلاف کھلارے گا ۔ خاص کر کے ، مُخالفِ مسیح اپنے آپ  خُداوانگر بُت بنوائے گا تے اوہدا سامنا کرے گا ۔
ہر کوئی ، خُدا دے لوک شامل کردے ہویاں ، بھیڑی طرح حیوانی مُخالفِ مسیح  دے لیا ئے ہوئے دکھاں تے مصیبتاں جرن گے ۔ ایہہ خاص حوالہ  ساڈے اُتے ظاہر کردا اے پئی مُخالفِ مسیح دا بُت ، شیطان دی زندگی دا ساہ حاصل کرن  دے بعدوں ، ایس طرح بولے گا جویں پئی اوہ جیوندا سی ، ایسے طرح لوکاں نوں  نقصان پوہنچاؤن دا اختیار رکھے گا ۔ اوہ  جیہڑے نویں سریوں نئیں جمے ایس طرح اوہدے ساہمنے جھکن گے تے اوہدے نوکر بن جان گے ۔ اوہ سارے جیہڑے شیطان دے بنائے ہوئے بُت دی پوجا نئیں کردے ، دوجے پاسے ، قتل کیتے جان گے ، کوئی معنی نئیں رکھدا اوہ کِنے سارے ہو سکدے نیں  ۔ شیطان ساریاں نوں اپنے سجے ہتھاں یا متھیاں اُتے اوہدا ٹھپہ یا اوہداعدد لین لئی وی مجبور کرے گا ۔ 
سانوں ساریاں نوں لازمی پہلوں اپنا ایمان پکا کرنا چاہی دا تے لڑنا چاہی دا اے تے پہلوں  مُکاشفہ  ۱۳ وچ لکھے گئے ایس کلام دے مطلب نوں  سمجھن تے ایمان رکھن دے سبب  آؤن والے دناں وچ اپنے ایمان نال  شیطان اُتے  فتح پاؤنی چاہی دی اے ۔ اج دے خُدا دے لوکاں نوں لازمی مُکاشفہ دے ایس کلام اُتے ایمان رکھن تے ایہنوں سکھن دے سبب خُداوند نوں جلال دینا چاہی دا اے تے اِنج مخالف ِ مسیح دے خلاف ڈٹ کے کھلونا  تے فتح نال  اوہدے توں  جِتنا چاہی دا اے ۔
 
 
دوزخ دا شروع
 
سانوں لازمی  پہلوں جاننا چاہی دا اے کیوں دوزخ لازمی ہونی چاہی دی اے تے ایہہ کیوں بنائی گئی ۔ دوزخ ایہو جیہی تھاں اے جیہڑی شیطان لئی بنائی گئی سی ۔ پاک کلام سانوں دسدا اے  پئی اوہ شروع توں شیطان نئیں سی ، سگوں خُدا ولوں پیدا کیتے گئے بوہت سارے فرشتیاں وچوں  اک سی ۔ پر اپنے  گھمنڈ نال خُدا نوں للکارن دے سبب ، ایہہ فرشتہ  اپنے پاپ دی سزا بدلے  شیطان بن گیا ،تے دوزخ ایہو جیہی تھاں اے  جیہڑی خُدا نے اوہنوں قید رکھن لئی  بنائی ۔ خُدا نے دوزخ شیطان تے اوہدے ساتھیاں نوں سزا دین لئی  یعنی اوہناں نوں جیہڑے اوہدے خلاف کھلون دے سبب  حقدار نیں بنائی سی ۔
یسعیاہ ۱۴ :۱۲۔۱۵ وضاحت کردا اے کویں ایہہ فرشتہ شیطان  بن کے مکن تیکر اپڑیا:  ”اے سرگی دے چمکدے تارے تُوں کاہدے لئی اسمانوں ڈِگ پیا ! اے قوماں نوں  نیواں کرن والیا تُوں کاہدے لئی زمین اُتے سُٹیا گیا ! تُوں تاں اپنے دل وچ آکھدا سی میَں اسمان اُتے چڑھ جاواں گا ۔میَں اپنے تخت نوں  خُدا دے تاریاں توں وی اُچا کراں گا تے میَں شمالی پاسیاں وچ لوکاں دے  پہاڑاُتے بیٹھاں گا ۔ میَں بدلاں توں وی  اُچا چڑھ جاواں گا۔ میَں خُدا
تعالیٰ وانگر ہوواں گا ۔ پر تُوں  دوزخ وچ کھڈے دی تہہ وچ  سُٹیا جاویں گا ۔ “
ایس فرشتے نے جیہڑا اسماں اُتے خُدا دے خلاف کھلوتاسی خُدا دے تخت دا لالچ کیتا  ۔ ایہہ ویکھ کے پئی  صرف خُدا اوس توں اُتے سی ، اوہنے اوہنوں کڈھنا چاہیا تے اوہدے تخت اُتے بیٹھنا چاہیا  ،تے ایس ناکام اَڑی دے نتیجے دے طور تے ، اوہ اپنے آپ خُدا دے ہتھوں  اسمانوں کڈھیا گیا تے شیطان بن کے مک گیا ۔ پاک کلام اوہناں فرشتیاں بارے وی دسدا اے جیہڑے ایس اَڑی وچ بدروحاں وانگر شیطان پچھے چلے ۔
سارے  لوکاں نوں اپنے انصاف دی سزادین لئی جیہڑے اوہدے خلاف ہوگئے سن ، خُدا نے ایس تھاں نوں جیہڑی ”دوزخ“ اکھواؤندی اے بنایا۔ بھاویں شیطان نامکن والے طریقے نال خُدا نوں للکارن والا  نظر آسکدا اے تے اوہدے کماں بارے کفر بکدااے ، جد ساریاں لوکاں  تیکر پانی تے رُوح دی خوشخبری دی منادی  کیتی جائے گی ، اوہ اخیریں ہزار ورہیاں تیکر اتھاہ کھڈھے وچ قید ہو جائے گا ۔
ایس لئی پئی شیطان بنیادی طورتےخُدا دے خلاف ہون دے اپنے پاپ توں توبہ نئیں کرے گا ، اوہ اپنے  آپ نوں خُدا وانگر  اُچیاں کردا رہوے گا ، تے ہمیش تیکر دوزخ  دی ڈراؤنی سزا پا کے مک جائے گا ۔ اپنے اصل اخیر تیکر ، شیطان  خُدا تے راستبازاں دے خلاف  لوکاں کولوں اپنی بُت پرستی کراؤن دے سبب  لڑدا  رہوے گا ۔پاک کلام ایس راہوں بھٹکے فرشتے نوں ،جیہڑا خُدا تے اوہدے پاک لوکاں دے خلاف  کفر بولدا اے ،شیطان یا ابلیس ،تے ناگ یا اوہو ای پرانا سَپّ فرماندا اے (مُکاشفہ ۱۲ :۹)۔
 
 
۶۶۶ ، پشُو دی گنتری
 
خُدا اخیریں شیطان نوں اپنی قید وچ بنھے گا ۔ پر اوہدے دوزخ وچ قیدہون توں پہلوں ، شیطان لوکاں نوں چھ سو چھیاٹھ دا نشان ، یعنی اوہناں دے سجے ہتھاں یاں  متھیاں  اُتے لوائے گا ، جیہڑا اوہدا ناں تے عدد اے ۔ اوہ ہر کسے نوں جیہڑا ایہہ ٹھپہ نئیں لواؤندا یعنی خریدن یا کوئی وی شے ویچن  توں منع کرے گا ۔
ست دا عدد کاملیت دا عدد اے ،  جیہڑا خُدااُتے لاگُو ہوندا اے ۔ دوجے پاسے ، چھ  دا  عدد  بندے
اُتےلاگُو ہوندا اے ، ایس لئی پئی خُدا نے بندے نوں اپنے آپ دی شبیہ تے اپنی  صورت دے  مطابق چھیویں دن پیدا کیتا سی ۔ ایتھے پشُو دا عدد ، چھ سو چھیاٹھ،بندے دے گھمنڈ نوں  خُدائے ثالوث وانگر  بنن دی کوشش کردے ہویاں وکھالی دیندا اے ۔ بوہت چھیتی آؤن والے دناں وچ ، ایس دنیا اُتے  اوہ زمانہ آئے گا جد لوک چھ سو چھیاٹھ دا ایہہ ٹھپہ  لواؤن گے ۔
مُکاشفہ۱۳ :۱ سانوں دسدااے پئی ست راجے دس قوماں وچوں نکلن گے ۔ اوہناں وچوں ، اوہ جیہڑا بوہتی طاقت والا اے ، تے شیطان کولوں اختیار لے چُکیا اے ، ایس دنیا  نوں اپنے راج ہیٹھاں مغلوب کرے گا ۔ ایہو جیہے معجزے مثال طور  اپنے چم رس نوں ٹھیک کرنا تے اسمانوں  اگ  نازل کرنا وکھا کے ، اوہ ساری دنیا دے لوکاں کولوں اپنی پوجا کرائے گا ۔
دوجے اکھراں وچ ، جویں ای شیطان  لوکاں نوں  اوہدی خُدا توں بوہتی پوجا کرن لئی مجبور کرے گا ، بوہت سارے لوک خُدا وانگر اوہدی بھگتی کردے ہویاں  مک جان گے ۔ جویں ہیرو اوکھے ویلے اُتے وکھالی دیندے نیں ، مخالفِ مسیح ، شیطان  کولوں وڈااختیار لین دے بعد وں، اوکھے سیاسی ، معاشی مسئلیاں نوں  جنہاں وچ دنیا اودوں   پھسی ہوئے گی حل کرن دے سبب ہر کسے کولوں خُداوانگر اپنے پچھے چلاؤن دی تمنا کرے گا ۔ اخیریں ، شیطان اخیری زمانے وچ  سدھا خُدا نوں للکارن دی کوشش  کرن دے سبب  اپنے اصل رنگ وکھائے گا ۔
جویں اسیں دانی ایل دی کتاب وچوں  ویکھ سکدے آں ،  وڈے دکھ بوہت ڈاہڈے ہو جان گے ۔ جد ایہہ پہلے  ادھے حصے دے مکن اُتے اپڑ جان گے ۔ ایہہ پہلا ادھا حصہ ساڈھے تِن ورہیاں   اُتے مکدیاں ہویاں ، ڈراؤنیاں آفتاں تے شیطان دےتگڑے راج دازمانہ اے ۔ پر جد ایہہ ساڈھے تِن ورہے  مک جان گے  ، کیہ واقع ہوئے گا ایتھوں تیکر پئی  دکھاں دا بوہت وڈا طوفان آئے گا ۔ ایس ویلے ، شیطان  نوں دنیا دے لوکاں وچکار  اپنے کم کرن دا اختیار دتا جائے گا ، ہر کسے نوں قتل کرنا جیہڑا اوہدی نئیں سُن دا ، اپنے معجزیاں نال اوہناں نوں دھوکہ دینا یعنی اسمانوں اگ ورہاؤنا ، اپنے آپ دا بُت بنواؤنا تے اوہناں نوں خُدا دے خلاف کفر بولن دے کم بارے مجبور کرنا اے ۔
اوسے ویلے ، مخالفِ مسیح ، شیطان کولوں سارا اختیار لین دے بعدوں ، پاک لوکاں دے خلاف کفر بولے گا تے سارے پاک لوکاں نوں قتل کرے گا جیہڑے اوہدا آکھا نئیں  من دے ۔ جویں آیتاں  ۷ ۔ ۸ سانوں دسدیاں نیں ، ” تے اوہنوں ایہہ اختیار دِتّا گیا پئی پاک لوکاں نال لڑے تے اوہناں نُوں جِت لَئے تے اوہنوں ہر اِک گھرانے تے اُمّت تے قوم اُتّے اختیار دِتّا گیا۔تے زمین دے اوہ سارے رہن والے اوہدی پُوجا کرن گے جِنہاں دے ناں اوس  لیلے دی حیاتی دی کتاب وِچ  لِکھے نئیں سن گئے جیہڑا دُنیا دے مُڈھ توں پہلاں ہلال ہویا ہویا اے۔ “ پر ، اوہ لوک  موجودنیں جیہڑے ایس ویلے پشُو دی پوجا کرن توں انکار کرن گے ، تے ایہہ خُدا دے  نویں سریوں جمے ہوئے لوکاں توں  علاوہ کوئی دوجے نئیں ہیگے  جنہاں دے ناں  لیلے دی  حیاتی دی کتاب وچ  لکھے گئے نیں ۔
 
 
شہادت دا واقعہ
 
شہادت ایہو جیہا واقعہ اے جیہڑا اودوں ہوئے گا جد   پاک لوک جیہڑے پانی تے رُوح دی خوشخبری اُتے ایمان  رکھن دے سبب نویں سریوں جم پئے نیں خُداوند اُتے اپنے ایمان دی یعنی شیطان دا ٹھپہ ردّ کرن دے سببوں راکھی کردے نیں۔  وکھ طریقے نال ویکھدے ہویاں ،  وڈے دکھ بوہت چوکھے ہوجان گے جویں ای ایہناں دے  پہلے  ساڈھے تِن ورہیاں دے مک جان دا  ویلا نیڑے آؤندا اے ۔ ایس ویلے ، راستبازاں دے ایمان نوں لازمی  اپنی شہادت لئی تیار ہونا چاہی دا اے ۔  
پر، اوہ جیہڑے ، بھاویں یسوع اُتے اپنے مکتی داتا وانگر ایمان رکھدے ہویاں ، پانی تے رُوح دی خوشخبری اُتے ایمان نئیں رکھ چُکے ، تے اِنج اپنے پاپاں دی معافی  نئیں پا چُکے تے ہُن تیکر اپنے دل وچ پاپ رکھدے نیں ، شیطان نال  کھلوندے ہویاں مک جان گے تے اخیریں اوہدے اگے سِر نوان گے ۔ ایس لئی پئی مسیحی جیہڑے یسوع اُتے ایمان رکھدے نیں پر نویں سریوں  نئیں جمے اپنے دلاں وچ  کوئی پا ک رُوح نئیں رکھدے ، جد ہلاؤن والا دبا پوے گا ، اوہ شیطان دے اگے گوڈے  نواں لین گے ، اپنے سجے ہتھاں یا متھیاں اُتے اوہدا ٹھپہ لواؤن گے ، تے اخیری  خُداوانگر اوہدی بھگتی کرن گے ۔
سانوں لازمی خاص کر کے جاننا چاہی دا اے اوہ جیہڑے اوس ویلے  شیطان دی پوجا نئیں کرن گے صرف اوہو لوک ہون گے جیہڑے اپنے پاپاں دی معافی پا چُکے نیں ۔  سانوں  لازمی ایہہ وی احساس کرنا چاہی دا اے پئی خُدا سانوں خاص کر کے دس چُکیا اے پئی اوہ ، شیطان دے نال نال ، اوہناں ساریاں نوں جیہڑے پشُو دے اگے جھکدے نیں اگ تے گندھک دی جھیل وچ  سُٹ دیوے گا ۔
آیتاں  ۹۔۱۰ سانوں دسدیاں نیں ، ” جِہدے کنّ ہون اوہ سُنے۔جِہنُوں قید ہون والی اے اوہ قید وِچ پَوے گا۔ جیہڑا تلوار نال قتل کرے گا اوہ ضرُور تلوار نال قتل کِیتا جائے گا۔ پاک لوکاں دے صبر تے اِیمان دا ایہو ویلا اے۔ “  ایس ویلے ، مُخالفِ مسیح تے اوہدے  ساتھی ، راستبازاں اُتے بوہت وڈے دکھ لیاؤن گے ، اوہناں نوں ویچن گے تے اوہناں  نوں اپنیاں تلواراں نال  موت دے حوالے کرن  گے ۔ پر، سانوں لازمی ایتھے خاص کر کے کیہ احساس کرنا چاہی دا اے ایہہ ہیگا اے پئی خُدا باکل لازمی طور نال ساڈے ویریاں توں  ساڈا بدلہ  لوے گا جیہڑے راستبازاں نوں ستاؤندے تے قتل کردے نیں۔
ایسے طرح ، پاک لوکاں نوں لازمی خُدا دے وعدیاں اُتے  ایمان رکھن دے سبب اپنی  دکھاں تے موت وچوں ہس کے لنگھنا چاہی دا اے ۔ جے خُدا نے  ساڈے ویریاں کولوں  بدلہ نئیں لینا سی ، کویں اسیں کدی انصاف دے مایوس کرن والے شعور  وچ  اپنیاں اکھاں بند کر سکدے ساں ؟ پر جویں  خُدا ساڈےویریاں کولوں ساڈا بدلہ لین دا وعدہ  کر چُکیا اے  جیہڑے سانوں دکھ دیندے نیں ، ساڈی موت بے فائدہ نئیں ہوئے گی ۔ خُدا لازمی خاص کر کے  اوہناں کولوں  بدلہ لوے گا جیہڑے راستبازاں نوں تنگ کردے تے دکھ دیندے نیں ،تے راستبازاں دی اوہناں دے جیوں اٹھن ،چُکے جان ، تے  لیلے دے ویاہ دے جشن لئی اگوائی کرے گا ، اوہناں نوں  خُداوند نال ہزار ورہے تیکر راج کرن تے سدا تیکر اوہدے نال زندہ رہن دے لائق  کرے گا ۔ اسیں سارے ایس اُتے ایمان رکھدے آں تے ایہدی  آس رکھدے آں ، ایس لئی ، ساڈا خُداوند ودھیا خُدا اے جیہڑا ساڈیاں ساریاں آساں پوریاں کرےگا ۔