خطبے

مضمون 10: مُکاشفہ(مُکاشفہ دی کتاب اُتے تفسیر)

[15-2باب] (مُکا شفہ۱۵: ۱۔۸) ہمیش دی تقدیر دی  ونڈ پاؤن والا نکتہ

(مُکا شفہ۱۵: ۱۔۸)
با ب ۱۵ ست پیالیاں دیاں آفتاں بارے دسدا اے ، جیہڑیاں اوہناں اُتے بالکل پاک لوکاں دے چُکے جان دے بعد وں ڈوہلیاں جان گیاں جیہڑے ، خُدا دے ویریاں وانگر ،اوہدے خلاف کھلو چُکے نیں ۔عدد  ”ست“  جیہڑا عام طور نال مُکاشفہ وچ ظاہر ہوندا اے ، مثال طور نال ست مہراں ، ست تُرہیاں تے ست پیالے ، ایہہ خُدا دی کاملیت تے اوہدی قادر ِمُطلق قدرت نوں ظاہر کردا اے ۔ یسوع مسیح ہر تھاں ہیگا اے تے قادر ِمُطلق خُدااے ۔یعنی یسوع ہرتھاں ہیگا تے ساڈے واسطے قادر ِمُطلق خُدا ہیگا اے دا مطلب اے پئی ساڈا خُداوند بوہت وڈا خُدا اے جیہدے لئی کجھ اوکھا نئیں ہیگا ۔ ساڈا خُداوند اپنے آپ خُدا اے جیہڑا ساریاں شیواں دا ارادہ کر چُکیا اے تے جیہڑا اوہناں ساریاں نوں پورا کرن دی قدرت رکھدا اے ۔
پاک لوکاں نوں ، ایسے طرح ، لازمی اوہدی ہر تھاں موجود گی تے  قا درِ مُطلق عزت تے قدرت تے ست پیالیاں دیاں آفتاں دے سبب وکھائی گئی طاقت لئی جیہڑیاں اوہ ایس زمین اُتے ڈوہلے گاخُداونددی وڈیائی کرنی چاہی دی اے ۔ اسیں ایس سچیائی لئی اپنے خُدا ونددا شکر ادا کردے آں پئی ایہو جیہی کچہری اوہدی ہر تھاں موجودگی تے قادرِ مطلق طاقت دے سبب ممکن بنی اے ۔ یعنی خُدا وند ست پیالیاں دیاں آفتاں  نال  اپنیاں وریریاں توں دوزخ دی ہمیش دے سزا نال اپنا بدلہ لوے گا تے ،ایہہ پاک لوکاں لئی ، ایہو جیہی شے اے یعنی اوہ  صرف شکرگزار ہو سکدے نیں تے ایہہ سب توں بوہتا مناسب اے ۔ ایس طرح پاک لوک بچ نئیں سکدے سگوں خُدا وند دی وڈیائی کردے نیں ۔ ہیلیلویاہ!
ست پیالیاں دیاں آفتاں وڈے دکھ جرن دے ست ورہیاں دے زمانے دے پہلے ساڈھے تِن ورہے دے  تھوڑا جیہا لنگھن اُتے پاک لوکاں دے چُکے جان دے بعدوں واقع  ہون گیاں ۔ایہناں ست پیالیاں دیاں آفتاں دے سبب ، خُدا دے ویریاں دے دل دکھی ہوجان  گے، تے  جویں ای اوہناں نوں
پتہ لگے گا ، پئی ساڈا خُدا وند قادرِ مطلق خُدا اے اوہ اوس توں ڈرن گے ۔
پہلی آیت وچ دسیا گیا ، ” اسمان اُتّے اِک ہور وَڈا تے اچرج نِشان “ اخیری آفتاں بارے دسدا اے جیہڑیاں ایس زمین اُتے ڈوہلیاں جان گیاں یعنی ، ست پیالیاں دیاں آفتاں۔ دوجے پاسے جملہ ”وڈا تے اچرج“سانوں جو دسدا اے اوہ تِن رُخی گل اے: پہلا ، نبُوّت دے کلام دے سبب ، پاک لوک پہلوں ای آفتاں دے بارے وچ  سارا جان دے نیں جیہڑیاں ایس زمین اُتے آؤن گیاں ؛ دوجا، پاک لوک ست پیالیاں دیاں آفتاں توں بچے رہن گے؛ تے تریجا ،  خُدا وند ولوں گھلیاں گیاں ست پیالیاں دیاں ایہناں آفتاں دی  طاقت سارے زمانے وچ  تے جانوں مارن لئی برباد کرن والی ہووے گی ۔
دوجےپاسے ، چھڈائے گئے تے چُکے گئے پاک لوک وَاوچ ، ”موسیٰ ، خُدا دے خادم داگیت تے لیلے دا گیت “ گاؤن گے ۔ ایس گیت دا پس منظر ، جویں خروج  ۱۵ : ۱ ۔ ۸ وچ ویکھیا جا سکدا اے ، ایہہ اسرائیلیاں دا گیت اے ، جنہاں نیں مُوسیٰ دے پچھے قلزم دے سمندر نوں پار کرن دے بعدوں اوہدی قدرت تے اختیار لئی خُدا ونددی وڈیائی کیتی ۔
ایسے طرح ، نویں عہد نامے دے پاک لوک بچ نئیں سکدے سگوں اپنی ہمیش دی مکتی  لئی خُدا ونددی وڈیائی کردے نیں ، جیہڑی بپتسمے توں جیہڑا یسوع نے یوحنا کولوں لیا تے اوہدے صلیبی لہو دے سبب  کامل ہوئی پاپ دی معافی دے سبب ملی سی ۔ جد اخیری ویلا آوے گا ، خُدا دے لوک اک واری فیر خُدا ونددی وڈیائی کرن گے ، اپنی شہادت ، جیوں اُٹھن ،چُکے جان تے ہمیش دے زندگی لئی اوہداشکر کرن گے ، سارا یسوع دے سبب ممکن ہویا جنہے اوہناں نوں اوہناں دیاں ویریاں تے اوہناں دے سارے پاپاں توں چھڈایا اے ۔
ہور اگانہہ، ایس گیت دا خاص مقصد ایہہ ہیگا اے پئی ایہہ خُدا ونددی قادرِ مطلق طاقت ، وڈیائی تے راستبازی دی وڈیائی کردا اے ۔شہید بچ نئیں سکدے سگوں اوہدی قدرت ، پاپ توں اپنی مکتی دے فضل ،تے ہمیش دی زندگی  دی برکت لئی خُدا ونددی وڈیائی کردے نیں ۔
آیت ۵ وچ  ”شہادت دےخیمےدی ہیکل “  خیمۂاِجتماع بارے دسدی اے جیہدی خُدا نے اسرائیلیاں نوں جد اوہناں نیں مصرنوں چھڈیا  ایس طرح اوہناں نوں خُدا وند نال رہن دے برکت دین دی اجازت دتی سی ۔
آیت ۶ وچ ،  ”چمکیلے لیڑے“ خُدا دی راستباز ی  بارے دسدے نیں ۔ ایہہ آیت سانوں دسدی اے پئی  فرشتے خُدا دی راستباز ی   دے لیڑے پاؤن گے تےاوہدے کولوں عدالت وانگر کم کرن لئی اختیار
پاؤن گے جنہوں کدی کوئی ویری ردّ نئیں کر سکدا ۔
آیت ۸ فرماندی اے ،  ” تے خُدا دے جلال تے اوہدی قُدرت دے سببّوں ہیکل دُھوں نال بھر گئی تے جد تِیکر اوہناں ستّاں فرِشتیاں دِیاں سَتّے آفتاں مُک نا گِئیاں کوئی اوس ہیکل وِچ وڑ نا سکیا۔ “ایتھے سانوں تِن مطلب مل سکدے نیں ۔  پہلا،ایہہ آیت وکھاؤندی اے پئی  اپنے ویریاں اُتے خُدا دا غصہ  صرف کناں جامع اے ۔   
دوجا، ایہہ آیت سانوں دسدی اے پئی کوئی وی یسوع مسیح دے بپتسمے تے اوہدے لہو اُتے ایمان رکھیوں اڈ خُداونددی ہیکل وچ وڑ نئیں سکدا ، ایس لئی پئی خُداونددی پاپیاں دی مکتی بوہت کامل اے ۔
تریجا ، ایہہ آیت وکھاؤندی اے پئی کوئی بندیاں دی نیکی کد ی کسے نوں خُدا دی سچی کچہری توں بچن دے لائق نئیں کر سکدی ،تے یعنی صرف یسوع مسیح دے بپتسمے تے اوہدے صلیبی  لہو اُتے ایمان رکھن دے سبب کوئی بندہ پاپیاں اُتے ڈوہلے گئے خُدا دے غصے توں بچ سکدا ۔
ایس لئی پاک لوکاں نوں لازمی  خوشخبری اُتے پکیاں ہوکے  چلنا چاہی دا اے تے ایہدی اخیری ویلے تیکرمنادی کرنی چاہی دی اے ۔ تے اوہ جیہڑے حالے تیکر اپنےپاپاں دی معافی پا نئیں چُکے اوہناں نوں لازمی سوچنا چاہی دا اے پئی اوہ خُدا دی سچی عدالت نوں جرن دے حقدار نیں  ، تے اوہناں نوں لازمی ،جنی وی چھیتی سوکھا ہو وے ، خُداوند ولوں دتی گئی پانی تے روح دی خوشخبری ول پرتنا چاہی دا اے ۔ ایہہ حوالہ سانوں  وکھاؤندا اے پئی ، جویں عدالت جیہڑی خُدا ست پیالیاں دیاں آفتاں نال اپنے ویریاں اُتے گھلے گا ساریاں اکھاں دے ویکھن دےساہمنے ، کامل اے ، کوئی وی کدی ایہنوں روکن دے لائق نئیں ہووے گا جد تیکرپاپ دی ایہہ ساری سزا پوری نئیں ہو جاندی ۔
مُکاشفہ  ۱۵ باب سانوں دسدااے پئی  مخالفِ مسیح ، شیطان ، بدرُوحاں ، تے اوہ سارے جیہڑے ویری نیں  تے پانی تے روح دی خوشخبری اُتے ،جیہڑی مسیح دی محبت دے سبب ساڈے لئی دتی گئی اے ایمان نئیں رکھدے  ،ساڈے خُداوند دے ویری نیں ۔ میَں خُداونددا خُدا دا ایہناں ویریاں اُتے اوہدیاں آفتاں گھلن لئی  یعنی اوہناں نوں سزا دین لئی اوہدی وڈیائی تے شکر کردا ہاں ۔ ایہہ صرف پاک لوکاں لئی خُدا دے بندے موسیٰ دے گیت تے  لیلے دے گیت نال ، خُداونددی وڈیائی کرنا مناسب اے ۔
کوئی بندہ ساڈی، خُداونددی راستبازی ، قدرت، عزت تے سچیائی دی وڈیائی نوں روک نئیں سکدا ۔ سانوں  ایہو جیہاں برکتاں دین لئی میَں خُداونددی وڈیائی کردا ہاں ۔ ہیلیلویاہ!