خطبے

مضمون 10: مُکاشفہ(مُکاشفہ دی کتاب اُتے تفسیر)

[18-2باب] )مُکاشفہ ۱۸:۱۔۲۴) ”اَے میرے لوکو،اوہدے وچوں نکل آؤ،تاں پئی اوہدیاں آفتوں وچوں کوئی تہاڈے اُتے نا آجاوے“

)مُکاشفہ ۱۸:۱۔۲۴)
                
خُد ا، باب ۱۸وچ سانوں دسدا اے پئی اوہ وڈے شہر بابل نوں اپنیاں وڈیاں آفتاں نال برباد کردیوے گا۔ ایس لئی پئی اخیری دناں وچ ایہہ دنیا خُدا دیاں اکھاں اگے بوہت گندی تے پاپن ہو چُکی ہووے گی ، تے ایس لئی پئی ایس طرح خُدا کوئی دوجا انتخاب نئیں کرے گا سگوں ایہنوں آپ پیدا کرن دے باوجود برباد کرن دا انتخاب کرے گا ، اوہ ، یوحناراہیں خُدا ولوں ہون والیاں وڈیاں آفتاں دی جیہڑیاں زمین نوں برباد کر دین گئیاں دسن دی اجازت دیوے گا ۔ ایس لئی ایہہ دنیا کھنڈراں وانگر ہو جاوے گی جد تیکر ایہہ ساری دی ساری برباد نئیں ہو جاندی ۔
اصل سبب کیوں خُدا دنیا نوں برباد کرے گا ایہہ ہیگا اے ایس لئی پئی اوہ اپنے نبیاں تے پاک لوکاں دا لہو ویکھ چُکیا ہووے گا ۔ تے ایس لئی پئی ایہہ دنیا ساریاں شیواں نال جیہڑیاں خُدا نے ایہنوں دتیاں سن بوہت سارے تے بوہت وڈے پاپ کر چُکی ہووے گی ، ایہہ خُدا دے جرن توں باہر بوہت چوکھی گندی بن گئی ہووے گی ۔ بوہت سوہنا سیارہ جیہڑا خُدا نے بنایا اے اوہ زمین اے ۔ ایہہ ایس سبب توں اے ایس لئی پئی خُدا نے اپنے آپ ایس زمین اُتے بوہت دلوں کم کیتا ، تے ایس لئی پئی ایہہ اوہ تھاں وی اے جتھے خُدا دے ارادے تے یسوع مسیح وچ پاپیاں نوں بچاؤن دا اوہدا کم پو را ہو گیا اے ۔
پر ، خُدا پہلوں ای ارادہ کر چُکیا اے کویں اوہ ایس دنیا نوں برباد کرے گا تے کویں اوہ مسیح دے راج نو ں لیاوے گا ۔ جد ایہہ دنیا ہر طرح دی گندگی نال بھر جاوے گی ، خُدا ایہنوں اپنے فرشتیاں دے راہیں ست پیالیاں دیاں آفتاں نال برباد کرے گا ۔ فیر اوہ ساریاں شیواں نوں نواں کرے گا تے اپنے پاک لوکاں نوں اپنی نویں دنیا وچ راج دیوے گا ۔
 
 
بابل دا ڈِگیا ہویا شہر!
 
 زمین دے راجے دنیا دیاں شیواں نال حرامکاری کر چُکے نیں تے ایہدی عیش پرستی وچ زندگی گزار چُکے نیں ، جد پئی سارے بپاری ، وی ہر شے نوں ویچن تے خریدن وچ لگے ہوئے نیں جیہڑی خُدا نے اوہناں نوں دتی اے ، یعنی اوہ دلی لالچ پچھے خُدا نوں اپنے آپ گوا چُکے نیں ۔ خُدا ہر شے نوں تے ساریاں نوں برباد کر دیوے گا یعنی عمارتاں ، دین ، مال بپار جیہڑے دیناں وچ ہیگے نیں ، اوہ لوک جیہڑے اپنے آپ نوں دین ، راجیاں ، سیاست داناں دے راہیں امیر کر چُکے نیں ، تے اوہ لوک جیہڑے دنیا دیاں جائیداداں وچ پھس گئے سن ، تے ہور ایہہ سارے خُدا دے ہتھوں برباد کیتے جان گے ۔
خُدا ایس زمین اُتے ہر عمارت نوں ہلاوے گا تے کسے عمارت نوں کھلوتیاں نئیں چھڈے گا ، اوہ ساریاں شیواں نوں ، لوکاں توں لے کے جنگلاں تے رُکھاں تیکر ، نوں اپنی اگ نال برباد تے فناہ کردیوے گا ۔ جد اِنج ایس دنیا وچ ہر شے ڈِگ پوے گی ، لوک پچھتاؤن گے تے رون گے ۔ خاص کر کے ،خُدا اوہناں ساریاں نوں برباد کرن دا پکا ارادہ کرے گا جیہڑے اپنے آپ نوں دین دے راہیں امیر کر چُکے سن ۔ ایہہ ساڈے لئی پہلوں جاننا تے سچیائی اُتے ایمان رکھنا بوہت ضروری اےپئی خُدا ایس طرح ایس سوہنی دنیا نوں برباد کرے گا جیہڑی اوہنے آپ بنائی سی ۔
ایس ویلے ، خُدا نویں سریوں جمے ہوئے پاک لوکاں نوں جیہڑے یسوع مسیح دی پہلی قیامت وچ شامل ہوئے سن ایس زمین اُتے اک ہزار ورہے تیکر راج کرن دی اجازت دیوے گا ۔ خُداوند دے راج نال ، اوہ پاک لوکاں نوں پانی تے رُوح دی خوشخبری دی سیوا کرن تے جد پئی ایس زمین اُتے اپنے ایمان نوں بچاؤندیاں ہویاں شہید ہون دا انعام دیوے گا ۔ خُدا اوہناں نوں دس شہراں ، پنج شہراں،تے دو شہراں اُتے راج دیوے گا تے اوہناں نوں ہزار ورہیاں تیکر راج کرن دی اجازت دیوے گا ، تے ایہدے بعد ، اوہ اوہناں نوں ہمیش تیکر زندہ رہن لئی نواں اسمان تے نویں زمین وی دیوے گا ۔
فیر ، کیوں خُدا دنیا نوں برباد کرن والا اے ، جیہڑی ساریاں شیواں وچوں بوہت سوہنا سیارہ اے ؟ ایہہ صرف ایس دھرتی اُتے ہیگا اے پئی مچھیاں دریا وچ تر سکدیاں نیں ، جنگلی جنَور جنگلاں وچ پھرسکدے نیں ، تے سارے لوک زندہ رہ سکدے نیں ۔ پر ایس لئی پئی خُدا ایہو جیہی دنیا نوں جرن دے ہور لائق نئیں ہووے گا جتھے پاپ ایناں حدوں دونا ہو گیا اے ، اوہ ایس دنیا نوں اپنیاں آفتاں نال ایہنوں ساری دی
ساری نوں کھنڈر بنادیوے گا ۔ خُدادنیا نوں برباد کرن دا فیصلہ کر چُکیااے ۔
ایس زمین اُتے زندہ رہن والے سارے ، اوہناں دے سوا جنہاں نیں مکتی پا لئی اے ، ست پیالیاں دیاں آفتاں دے سبب برباد ہو جان گے ۔ ایس لئی پئی اخیری زمانے دے سارے راستباز شہید ہون گے ، تے ستائے جان گے تے ایس جگ دے ہتھوں دکھ جرن گے ، خُدا آپ جگ نوں ایس بھیڑے کماں دے سبب پیراں ہیٹھ لتاڑے گا ۔ جد ایہہ ویلا آوے گا ، دینی آگُو تے بپاری جیہڑے لوکاں دیاں جاناں دا سودا کر چُکے سن سارے فناہ تے برباد ہو جان گے ۔ خُدا نا صرف اوہناں ساریاں نوں مارے گا جنہاں نیں نویں سریوں جمن دے اڈ دینی آگُواں وانگر کم کیتے ، سگوں اوہ اوہناں نوں شیطان نال ، اگ تے گندھک دے دریاوچ وی سُٹ دیوے گا ۔
خُدا بالکل لازمی طور نال ایس جگ نوں برباد کردیوے گا ۔ ایس طرح ، اسیں بوہتا سوچدے تے حدوں دونا ایمان رکھدےآں پئی ایہہ جگ برباد ہون والا اے ۔ خُداسارے بپاریاں نوں مار دیوے گا جیہڑے ساریاں وڈیاں شیواں دا گھمنڈ کردے نیں تے اپنے دیناں نال لوکاں دیاں جاناں دا بپار کردے نیں ۔ تے فیر وی ، ایتھوں تیکر پئی جویں خُدا دیاں آفتاں بوہت چھیتی آؤن والیاں نیں ، لوک حالے تیکر اپنے یقین نوں پسند کردے نیں ۔ صرف ایس جگ دے دینی آگُواں ول اک نظر کرو۔ کیہ اوہ سارے گھمنڈی نئیں ہیگے ، جویں پئی اوہ خُدا دے اگے چنگے کم کردے پئے سن ؟ کیہ خُدا سچ مُچ ثابت کرے گا پئی ایہو جیہےلوک کیہ کردے نیں؟
جے خُدا نے آکھیا پئی اوہ ایس جگ نوں ایہناں لوکاں دے پاپاں دے سبب برباد کرے گا ، فیر سانوں لازمی ایسے طرح ایمان رکھنا چاہی دا اے ، ایس لئی پئی سارے کم بالکل اوسے طرح واقع ہون گے جویں خُدا نے فرمایا پئی اوہ ہون گے ۔تے سانوں لازمی اپنے ایمان دی راکھی کرنی چاہی دی اے ۔ میَں ایہہ نئیں آکھدا پیا جویں صرف اوہناں وچوں کوئی دوجا بدعت دا آگُو اے جیہڑا اپنے دلی جھوٹے خُدائی نظریے بناؤندا اے تے اوہناں دے خُدائی ہون دے بارے دسدا اے ، سگوں میَں ایہہ آکھدا پیاہاں پئی سانوں لازمی ایمان رکھنا چاہی دا اے پئی خُدا پاک کلام وچ کیہ فرما چُکیا اے یعنی ، زندہ خُدا بالکل لازمی طور نال ست پیالیاں دیاں وڈیاں آفتاں نال ایس جگ نوں برباد کرے گا ۔
 
 
سانوں لازمی ایس جگ نال اپنے آپ نوں رلاؤنا نئیں چاہی دا جیہڑا بوہت چھیتی برباد ہوجاوے گا
 
ایسے طرح ، سانوں لازمی ایس جگ دیاں پیسے دھیلے دیاں جائیداداں اکٹھیاں کرن وچ لگیاں نئیں رہنا چاہی دا جیہڑیاں چھیتی نال برباد ہو ن والیاں نیں ۔ سانوں لازمی تسلی وچ ہونا چاہی دا اے پئی خُدا سانوں کیہ دے چُکیا اے ،تے اوہناں نوں ورتیے تے اوہناں نوں ونڈئیے جویں خُدا خوش ہوندا اے ۔ جگ دیاں پیسے دھیلے دیاں شیواں صرف خُدا دی سیوا لئی ضروری نیں ۔ سانوں لازمی وفادار خادماں وانگر زندہ رہنا چاہی دا اے جیہڑے انتظام کردے نیں پئی خُدا اوہناں نوں خوشخبری دی منادی کرن لئی کیہ دے چُکیا اے ۔ سانوں لازمی جگ دیاں پیسے دھیلے دیاں شیواں دے سبب پریشان نئیں ہونا چاہی دا ، ایس لئی پئی اسیں ایمان رکھدے آں پئی خُدا ایس جگ نوں برباد کر دیوے گا ۔
سانوں لازمی اپنے آپ نوں اِنج سوچدیاں ہویاں فریب نئیں دینا چاہی دا پئی دولت تے ایس جگ دی عزت ہمیشہ قیم رہوے گی ۔ جان دے ہویاں پئی خُدا سارے دینی آگُواں تے اوہناں پچھے چلن والیاں نوں ایسے طرح پیراں ہیٹھ لتاڑے گا ، سانوں لازمی خُداوند دے واپس مُڑن دے دن دی اڈیک رکھنی چاہی دی اے ۔ جے نئیں ، تاں اسیں جگ وچ ڈگدے ہویاں مک جاواں گے ، یعنی ایہو جیہی دُنیا جیہڑی تھوڑے چر وچ برباد ہوجاوے گی ۔ ایسے طرح ، اک دُنیا وچ جیہڑی اپنے آپ دی بربادی ویکھدی پئی اے ، نا ڈگن لئی سانوں لازمی ایمان رکھنا چاہی دا اے پئی ایہہ زمین دا سیارہ بناں شک برباد ہوجاوے گا ۔
خُدا ایس ویلے وی زندہ اے ، تے جد ویلا آوے گا ، اوہ سارا پورا کرے گا جیہڑے اوہنے آکھیا اے ۔ جد پئی ایہہ سچ ہیگا اے پئی ایتھوں تیکر پئی نویں سریوں جمن والیاں وچکار اوہ لوک ہیگے نیں جنہاں دا ایمان حالے پکا ہونا اے ، پر سانوں ساریاں نوں لازمی کسے شک توں اڈ ایمان رکھنا چاہی دا اے ۔ تے سانوں ساریاں نوں اک واری فیر جاگنا چاہی دا ۔ سانوں لازمی کدی ایس جگ لئی اپنے دل نئیں ڈھاؤنا چاہی دے جیہڑا چھیتی نال برباد ہوجاوے گا ، سگوں ایہدی بجائے خُدا دے کلام اُتے اپنا نا ڈکو ڈولے کھان والا تے نا ہلن والا ایمان رکھن دےسبب اپنیاں زندگیاں بسر کرنیاں چاہی دیاں نیں ۔ ساڈے دل کئی ویلے ماڑے ہو سکدے نیں ، پر سانوں لازمی فیر وی پکے ایمان نال زندہ رہنا چاہی دا اے ۔
یعنی خُدا ایس جگ نال ، ایہہ سارا کجھ کرے گا ساڈے لئی حیرانی والی گل اے ، جے خُدا نوں ایہہ
دُنیا برباد نئیں کرنی تے ایہدی تھاں اُتے مسیح دی نویں بادشاہی تعمیر نئیں کرنی سی، تاں راستباز ڈاہڈے مایوس ہون گے۔ایہہ ہے کیوں خُدا دا منصوبہ اینا حیران کرن والا اے، تے کیوں ایہہ راستباز پاک لوکاں نوں تسلی دیندا اے ۔
جے ایمان نا رکھن والیاں نے اپنی من مرضی نال رہنا سی تے حالے تیکر اوہ چنگی طرح اپنی خوشی نال جیوندے نیں جد پئی ایس زمین اُتے ہیگے نیں تے ایتھوں تیکر پئی ایہدے بعد وں ساڈے نال اسمان وچ جاندے نیں ، ایہہ ساڈے لئی بوہت بے انصافی ہووے گی یعنی خُدا کدی ایس طرح ہون دی اجازت نئیں دیوے گا ۔ خُدا دا وعدہ اے ، پئی اوہ اوہناں ساریاں نوں جیہڑے راستبازاں نوں ستاؤندے ،اوہناں نوں اپنے جھوٹا ں نال دکھ دیندے ،تے پاک لوکاں دا لہو وگاؤندے نیں ، سزادیوے گا تے فناہ کرے گا ، ایہہ صرف سچ تے ٹھیک اے ۔
جے ایس جگ دے پاپیاں اُتے خُدا دی کوئی عدالت نئیں ، تاں کیہ ایہہ راستبازاں لئی بوہت وڈی بے انصافی نئیں ہووے گی جیہڑے ہر طرح دیاں مصیبتاں تے دکھاں نوں جرن دے باوجود ڈٹ کے خُداوند لئی اپنیاں ساریاں زندگیاں بسر کرچُکے نیں ؟ ایس لئی صرف ایہو ای ٹھیک اے پئی خُدا ایس جگ دی عدالت کرے ۔ جد ایہہ جگ نوح دے زمانے دے لوکاں وانگر بن جاوے گا ، خُدا بالکل لازمی طور نال سارے جگ نوں مُوہدیاں کر دیوے گا تے ایہنوں برباد کر دیوے گا ۔
ایس لئی پئی اسیں خُداوند اُتے ایمان رکھدے آں ، اسیں بالکل جگ دے لوکاں توں نئیں سڑدے ۔ ایس لئی پئی خُداوندنے فرمایا اے پئی اوہ ایس جگ دا انصاف کرے گا تے شیطان ، مخالفِ مسیح تے اوہدے چیلیاں نوں دوزخ دی اگ وچ سُٹے گا ، اسیں سارے قیم رہ سکدے تے اُڈیک سکدے آں ۔
ایہہ جگ ،یعنی خُدا دے کلام دیاں پیشین گوئیاں دے ٹھیک مطابق برباد ہون توں اک منٹ دُوراے ۔ ساری زمین اُتے ، اسیں پہلوں ای اخیری دناں دیاں آفتاں دےچھیتی آؤن بارے اشارہ کردیاں ہوئیاں بوہتے چوکھیاں نشانیاں ویکھ چُکے آں ۔
موسماں دا بھیڑا ہونا مثال طور ایل نینو (El Niño) دی غیر معمولی نویں صورت ِ حال تے ایہو جیہاں بیماریاں مثال طور پاگل گاں دی بیماری(Mad Cow Disease) اج دی دنیا اُتے پتھر وَسّاندیاں پئیاں نیں۔نا ٹھیک ہون والیاں بیماریاں جنہاں نال انسان نبڑن لئی بےبس نیں جگ نوں کھاندیاں پئیاں نیں، جویں اوہ اِنج بوہت چوکھیاں نیں ، لنگھیاں ہویاں سمجھوں باہر بربادیاں مثال طور
نال وڈے کال تے جانوں مار دین والے برباد کرن والے بھنچال ساری دھرتی نال ٹکراؤندے پئے نیں ۔
جد ایہہ سارے کم ہوندے پئے نیں ، سانوں لازمی ایمان رکھنا چاہی دا اے پئی خُدا وجود رکھدا اے ، تے ایہہ جان دیاں ہویاں اپنیاں زندگیاں بسر کرنیاں چاہیاں دیاں نیں پئی خُدا انصاف کرے گا تے اوہناں نوں نیواں کرے گا جیہڑے صرف اپنیاں آساں پوریاں کرن لئی اپنی دولت اکٹھی کردیاں ہویاں جد پئی ایس زمین اُتے زندہ چُکے سن ۔ پاپ اج دے جگ وچ بوہت بے قابو ہو گیا اے ۔ ایہہ جگ اپنی عیش پرستی لئی بوہت خرچے کردا اے ۔ اج لوک ویاہ کرن ، کھان تے پین تے اپنے گھر بنان وچ یعنی اپنی رُوحانی فائدے تے بھلیائی ول کوئی دھیان دتیوں اڈ بوہت مصروف نیں ۔ اج دی دُنیا ایہو جیہی دُنیا اے جتھے اک بندہ دوجے بندے نال بدکاری کردا اے ،تے کجھ زنانیاں نئیں ہیگیاں جیہڑیاں اک دوجی نال اپنی شہوت وچ سڑ دیاں نیں (رومیوں۱:۲۷)۔
کیہ نوح دے زمانے وچ لوک ایہو جیہے نئیں سن ؟ خورے تُسیں اکھر سوڈومائٹ یعنی ’ لونڈے بازی‘ نوں چنگی طرح جان دے او ۔ جد صدوم تے عمورہ برباد ہوئے سن ، اوہناں دی تہذیب بالکل اج دے لوکاں دی تہذیب وانگر بن گئی سی جیہدے وچ ہُن اسیں زندہ رہندے آں ۔ ایہہ دنیا بوہت گندی تے پاپی بن گئی اے ، ایس حد تیکر پئی خُدا اگ گھلے گا تے ایہنو ں ساڑ کے سوا ہ کردیوے گا ، تے ایہہ دنیا بدروحاں دے قبضے وچ ساری دی ساری پئی ہوئی اک دنیا وانگر ہوگئی اے ۔
 
 
جھوٹے نبیاں نوں موت دے حوالے کرناایں
 
جھوٹے نبی سدا جگ دیاں جائیداداں نوں لبھدے نیں تے غلط طریقے نال ، اپنے دینی اداریاں نوں ودھاؤندے ہویاں ، متعلقہ اختیار پچھے لُکدیاں ہویاں دولت نوں اکٹھیاں کردے نیں ۔”جے تُسیں یسوع اُتے ایمان رکھدے او ، تُسیں امیر ہووگے ، چنگی زندگی گزارو گے ، تے اپنے روگاں توں آرام پاووگے ۔“ تہانوں لازمی احساس کرنا چاہی دا اے ہر ایہو جیہے جھوٹ دے پچھے ، پیسے دھیلے کھوہن دا لُکیا ہویا مقصدہمیش موجود رہندا اے۔
کوریاوچ ، وی ، بوہت چر ہوگیا اے جدوں توں مسیحیت اپنا بنیادی ایمان گوا چُکی اے تے ، یعنی
یسوع دے ناں اُتے وسوں باہر ہوندیاں ہویاں شیطانی طاقتاں دیاں ساریاں قِسماں نال گندی ہو گئی اے ۔ ایہو ای اج دی مسیحیت دا سچ اے ۔ پر جھوٹے نبیاں نوں جیہڑےجگ دیاں پیسے دھیلے دیاں شیواں نال ایمان نوں ناپ دے نیں تے خُدا دے کلام نال جادوگری کردے نیں ، اوہدی ڈراؤن والی دوزخ دی سزا تے ست پیالیاں دیاں وڈیاں آفتاں اڈیکدیاں پئیاں نیں ۔
خُدا سانوں دسدا اے پئی دونویں اوہ لوک جیہڑے لوکاں نوں دھوکہ دیندے نیں تے اوہ جیہڑے جھوٹے نبیاں کولوں دھوکا کھاندے نیں اکو جیہی سزا پاؤن گے ۔ سانوں لازمی ایس جگ ول نئیں ویکھنا تے ایہدے پچھے نئیں چلنا چاہی دا ۔ ایہدی بجائے سانوں لازمی ایمان رکھنا چاہی دا اے پئی ایس لئی پئی خُدا زندہ اے ، اوہ جیہڑے ، یسوع اُتے ایمان نا رکھدے ہویاں ، اوہدے خلاف کھلوندے نیں تے راستبازاں نوں ستاؤندے نیں سارے سزا پاؤن گے تے ہمیش دی موت لئی لعنتی ٹھہرن گے ۔ تے سانوں لازمی ایہہ وی ایمان رکھنا چاہی دا اے پئی ایس طرح جگ دا انصاف کرن دے بعدوں ، خُدا بالکل لازمی طور نال مسیح دے ناں دی خاطر جرن والے پاک لوکاں نوں اوہناں دے سارے دکھاں تے پیڑاں دا انعام دیوے گا ۔