خطبے

مضمون 10: مُکاشفہ(مُکاشفہ دی کتاب اُتے تفسیر)

[19-2باب] (مُکاشفہ ۱۹: ۱۔۲۱) صرف راستباز آس رکھ کےمسیح دے واپس آؤن دی اُڈیک ر کھ سکدےنیں

(مُکاشفہ ۱۹: ۱۔۲۱)
 
پچھلے باب وچ اسیں ویکھیا پئی کویں خُدا جگ اُتے اپنی ڈراؤن والیاں آفتاں گھلے گا ۔ ایس باب وچ ، ہُن اسیں مسیح تے اوہدی جلالی فوج نوں مُخا لفِ مسیح دی فوج دے خلاف لڑدے تے فتح پاؤندے ، حیوان تے اوہدے نوکراں نوں جیوندے اگ دے دریا وچ سُٹ دے ہویاں ، خُدا وند دے مونہوں نکلن والی کلام دی تلوار نال مُخا لفِ مسیح دی باقی فوج نوں ماردے ہویاں ، تے ایس طرح اخیریں شیطان دے خلاف اپنی ساری جنگ نوں مکاؤندے ہویاں ویکھدے آں ۔
ایس باب دا جوہر تِن خاص سرناویاں وچ ونڈیا جا سکدا اے : ۱) چُکے گئے پاک لوکاں دی ایس جگ اُتے وڈیاں آفتاں دی سزا لیاؤن لئی خُدا دی وڈیائی ؛ ۲ ) لیلے دے ہون والے ویا ہ دے میل لئی اعلان ؛ تے ۳ ) خُداونددا یسوع مسیح دی فوج نال اسمانوں اُترنا ۔
سانوں ساریاں نوں لازمی سوچنا چاہی دا اے پئی خُدا بالکل لازمی طریقے نال تے چھیتی نال تے چھیتی نال ہر شے نوں پورا کرے گا جیہڑی اوہ ساڈے نال مُکاشفہ دی کتاب دے سبب فرما چُکیا اے ۔
 
 
خُدا دی عدالت!
 
اوہ جیہڑے پانی تے رُوح دی خوشخبری اُتے ایمان رکھدے نیں تے اِنج ایمان دے سبب خُدا دے لوک بن گئے نیں ، اوہ اوہناں نوں جگ دے سارے پاپاں توں بچاؤن لئی اوہدی وڈیائی کردے ہون گے ۔ آؤ اسیں آیتاں ۳۔ ۵ ول دھیان کرئیے : ” فیر دُوجی وار اوہناں آکھیا ہلَّلُویاہ۔ تے اوہدے سڑن دا دُھوں سدا تِیکر اُٹھدا رہے گا۔تے چَووی بزُرگاں تے چَوہاں جانداراں ڈِگّ کے خُدا نُوں سجدہ کِیتا جیہڑا تخت اُتّے بَیٹھا ہویا سی۔ تے ایہہ آکھیا پئی آمِین ہلَّلُویاہ۔تے تخت وِچوں ایہہ اواز آئی پئی اوہدے توں ڈرن والیو بندیو نِکّے ہو بھانویں وڈّے تُسی سارے ساڈے خُدا دی وڈیائی کرو۔ “
عبرانیوں ۹:۲۷ سانوں دسدااے ”تے جویں بندیاں نُوں اِک وار مرنا ہونداے تے مگروں عدالت ہوندی اے “بندے دی خُدا دے اگے اک وار عدالت ہونی اے ، پر ایس عدالت دا حکم اخیری اے تے بدلیا نا جاوے گا ۔دوجے اکھراں وچ ، اپنی ہر کسے دی اوہدے پاپاں لئی اک وار عدالت نال ، خُدا پاپیاں نوں اگ وچ سُٹن دے راہیں ہمیش دی عدالت کرے گا جیہڑی سدا لئی بلدی رہوے گی ۔ ایس لئی پاک کلام سانوں دسدا اے پئی ” اوہدے سڑن دا دُھوں سدا تِیکر اُٹھدا رہے گا “
کئی لوک سوچ سکدے تے آکھدسکدے نیں ، ”اک واری تُسی مردے او ، تاں ایہو ای اخیر اے ۔“ پر ایہہ بندے دی اپنی سوچ اے ، خُدا دی سوچ نئیں اے۔ ایس لئی پئی ہر کوئی دونویں اک بدن تے اک رُوح رکھدا اے ، چاہےلوک خُدا اُتے ایمان رکھدے نیں یا نئیں ، اوہ سارے قدرتی طریقے نال جان دے نیں پئی خُدا وجود رکھدا اے ، تے یعنی چھیتی نال یا بعد وچ اوہ سارے اوہدے اگے اپنے پاپاں دے سبب پرکھے جان گے ۔
جویں لوکاں دیاں رُوحاں دا جہان وجود رکھدا اے ، اوہناں نوں پتہ اے پئی خُدا ، بھاویں اوہناں دیاں اکھاں توں لُکیا اے ، فیر وی وجود رکھدا اے ۔ ایہہ زمانہ جیہڑا بدنی اکھاں نال ویکھیا جا سکدا اے سدا تیکر قیم نئیں رہوے گا ،سگوں سچیائی دا ہمیش دا زمانہ ،ساڈیاں اکھاں دا نا نظر آؤن والا ہمیش دا وجود رکھدا اے ۔ ایس زمین اُتے پیسے دھیلے دی خوشحالی جد پئی صرف پیسیاں دے بارے وچ سوچنا تے صرف پیسے دا لالچ کرنا لوکاں دے وجود دا سبب نئیں ہو سکدا ؛ ایہدا سچامقصد خُدا ، یعنی ساری جگ نوں بناؤن والے خالق ، نوں جانن دے سبب ، تے اوہدے سبب نال دتی گئی پانی تے رُوح دی خوشخبری نوں جانن تے ایہدے اُتے ایمان رکھن دے سبب برکت دے ہمیش دے جہان وچ جانا اے ۔
نا صرف سانوں لازمی جاننا چاہی دا اے خُدا نے کیہ دسیا اے ، سگوں سانوں لازمی ایہدے اُتے ایمان وی رکھنا چاہی دا اے ۔ سانوں لازمی صرف اپنے دلی خیالاں اُتے صرف ایمان رکھن تے یقین رکھن دے سبب دوزخ وچ مک جانا نئیں چاہی دا اے ۔ اپنے پاپاں دے بدلے ابدی دکھ جرن توں پہلوں ، سانوں لازمی اپنے سارے پاپاں توں معافی پاؤنی چاہی دی اے تےہُن جد پئی ایس زمین اُتے ہیگے آں ، یعنی یسوع مسیح دے سبب دتی گئی پانی تے رُوح دی خوشخبری اُتے ایمان رکھن دے سبب ہمیش دی زندگی پاؤنی چاہی دی اے ۔
ہر کسے کول ، ایس زمین اُتے زندگی بوہت تھوڑی اے ۔ جویں ہر روز سورج نکلدا تے ڈُب جاندا اے ، اِنج ساڈیاں زندگیاں دا تھوڑا ویلا چھیتی نال ، بے پھل تے بے معنی ای مُک جاندا اے ۔ جویں پئی اسیں اک پیر والی چکی اُتے گاہلڑ وانگر نس دے پئے ساں ۔ ایتھوں تیکر پئی جے تہانوں سو ورہے تیکر زندہ رہنا سی ، تاں وی تُسیں سچ مُچ نئیں آکھ سکدے پئی تُسیں بوہت لمی عمر بسر کر چُکے او ۔
جے تُسیں اپنی ہر دیہاڑے دی زندگی دے معمولی کماں نوں کڈھ دے او ، مثال طور نال اِنج بسر کیتا گیا ویلا جویں پئی سونا ، کھانا ، غسل خانے وچ جانا ، تے ایہو جیہے دوجے دنیا دے کم کرنا وغیرہ ، یعنی اپنی ساری زندگی دے چکر توں ، تہاڈے کول اصل وچ بوہت تھوڑا ویلا بچدا اے ۔ جد پئی تُسیں ایہو جیہاں شیواں ویکھدے او جیہڑیاں تُسیں پہلوں ای اپنے جمن ویلے توں ویکھ چُکے سو ، تے جد پئی تُسیں لوکاں نال ملدے او جنہاں نوں تُسیں پہلوں ای مل چُکے سو ، تہاڈے وال سارے چٹے ہو گئے نیں ، تے بالکل اچانک تُسیں اپنے آپ دی اخیر ہوندیاں ہویاں ویکھدے او ۔
اکو سبب جویں کیوں ساڈی زندگی ، پاک لوکاں وانگر بے معنی نئیں ہیگی ایہہ ہے پئی اسیں ایس دنیا وچ پیدا ہون دے بعدوں ، خُداوند نال مل چُکے آں جیہڑا پانی تے رُوح دے سبب ساڈے کول آ چُکیا اے ،اوہدے اُتے ایمان رکھیا ، تے اِنج اپنے سارے پاپاں توں معافی پالئی ، کنے لیکھاں والے تے شکر گزار اسیں آں ! جے خُداوند نا ہوندا جیہڑے ساڈے کول پانی تے رُوح دے سبب آیا ، تاں اسیں سارے ہمیش دے اگ وچ جان تے اوس وچ سڑن دے حقدار ہوندے ۔
جد کدی میَں ایس گل بارے سوچدا ہاں ، تاں ہُن وی میَں چونک جاندا ہاں ، تے میَں اک واری فیر خُداوند دا شکر ادا کردا ہاں ۔ دوزخ ، جیہڑی شیطان دے سبب بنی اے ، بوہت ڈراؤنی تھاں اے ، جتھے دکھ اینے ڈاہڈے نیں پئی کوئی بندہ مرن دی آس کرے گا ، پر اِنج کرن دے لائق نئیں ہووے گا ۔ ایہہ ایہو جیہی تھاں اے جتھے اگ تے گندھک ہمیش تیکر بلدیاں نیں۔
یسوع ولوں دتی گئی پانی تے رُوح دی خوشخبری نوں ٹھیک طریقے نال جانن ، تے انج پاک رُوح
پاؤن لئی ، کسے بندے نوں لازمی پہلوں خُدا دے خادماں نال ملنا چاہی دا اے جیہڑے پہلوں ای پانی تے رُوح دی ایس خوشخبری نوں پا چُکے نیں تے جیہڑے پہلوں ای نویں سریوں جم پئے نیں ۔ اک مسیحی وانگر جیوندے ہویاں ، جیہڑا وی پانی تے رُوح نال جمن تے پا ک روح نوں پاؤن دے سوال دا جواب لبھنا چاؤہندا اے اوہ پانی تے رُوح دی خوشخبری اُتے ایمان رکھن دے سبب ہر مسئلے نوں حل کر سکدا اے ۔
پاک کلام سانوں دسدااے پئی خُدا دا رُوح اوہناں ساریاں نوں انعام وانگر دتا جاندا اے جیہڑے پانی تے رُوح دی خوشخبری اُتے ایمان رکھن دے سبب پاپ توں معافی پاؤندے نیں(اعمال ۲:۳۸)۔صرف اوہ جیہڑے اپنے دلاں وچ پانی تے رُوح دی خوشخبری اُتے اپنے ایمان دے سبب اپنے سارے پاپاں توں معاف ہون دے راہیں پاک روح رکھدے نیں یسوع اُتے ٹھیک ایمان رکھن والے آکھے جا سکدے نیں ، تے صرف اوہ ایس ایمان نال خُدا دی ہمیش دی بادشاہی وچ جا سکدے نیں(یوحنا ۳:۵)۔کیہ کوئی بندہ برکت یافتہ یا لعنت یافتہ ہیگا اے ایس گل توں پتہ لگدا اے کیہ اوہ بندہ پانی تے رُوح دی خوشخبری اُتے ایمان رکھن دے سبب پاپ توں معافی پا چُکیا اے یا نئیں ۔
 
 
مہین کتانی ، صاف تے چمکیلے ، کپڑیاں وچ
 
اوہ جیہڑےاپنے آؤن والے دناں بارے سوچدے نیں تے اپنے پاپاں دی معافی دا موجودہ مسئلہ حل کرنا چاہندے نیں ایہو جیہے لوک نیں جیہڑے سیانے تے برکت والے نیں ۔ بھاویں کوئی بندہ غلطیاں نال بھری ہوئی چورس زندگی بسر کر سکدا اے ، جے اوہ پانی تے رُوح دی خوشخبری اُتے ایمان رکھ چُکیا اے تے پاپ توں معافی تے دل وچ پاک رُوح پا چُکیا اے ، فیر اوہ بندہ سب توں بوہتی کامیاب زندگی بسرکرچُکیا اے ۔
مُکاشفہ ۱۹:۴۔۵ فرماندا اے، ” تے چَووی بزُرگاں تے چَوہاں جانداراں ڈِگّ کے خُدا نُوں سجدہ کِیتا جیہڑا تخت اُتّے بَیٹھا ہویا سی۔ تے ایہہ آکھیا پئی آمِین ہلَّلُویاہ۔تے تخت وِچوں ایہہ اواز آئی پئی اوہدے توں ڈرن والیو بندیو نِکّے ہو بھانویں وڈّے تُسی سارے ساڈے خُدا دی وڈیائی کرو۔ “
ایتھے ،جملہ ، ” اوہدے توں ڈرن والیو بندیو “ دا مطلب کسے بندے دا دل وچ ، یسوع مسیح دا کلام قبول کرنا تے اوہدی اگوائی دےمطابق زندہ رہنا اے ۔ صرف اوہ جیہڑے اپنے پاپاں توں معافی پا چُکے نیں ویکھ سکدے نیں تے اسمانی بادشا ہی وچ خُدا دی وڈیائی کر سکدے نیں ۔ پر اوہ جیہڑے ایس طرح اپنے پاپاں دی معافی پا نئیں چُکےدوزخ دی بلدی اگ وچ دکھ جرن گے تے خُدا نوں بُرا بھلا آکھن گے ۔
 آؤ اسیں آیتاں ۶۔۹نال حوالے نوں جاری رکھیے : ” فیر مَیں وڈّی جماعت جِہی اواز تے زور دے پانی جِہی اواز تے بدّلاں دے گجّن جِہی اواز سُنی پئی ہلَّلُویاہ! ایس لئی پئی خُداوند ساڈا خُدا قادرِ مُطلق بادشاہی کر دا اے۔آؤ اسی خُوشی کریئے۔ تے بڑے خُوش ہویئے تے اوہدی وڈیائی کریئے۔ ایس لئی پئی لیلے دا ویاہ آگیا۔ تے اوہدی وَوہٹی اپنے آپ نُوں تیار کر لیا اے۔تے اوہنوں چمکن والے تے صاف مہِین کتانی کپڑے پان دا اختیار دِتّا گیا اے کیوں جو سُچے کتانی کپڑیاں توں پاک لوکاں دی راستبازی دے کمّ مُراد نیں۔ “
ایتھے ایہہ حوالہ فرمانداے پئی یوحنا رسول نے ، وڈی جماعت وانگر اواز ، وڈے پانیاں وانگر اواز ، تے ڈاہڈیاں گرجاں دی اواز یعنی وڈیائی دی اواز سُنی ۔ ایہہ اواز اوہناں دی اواز توں علاوہ کوئی دوجی نئیں سی جیہڑے اکٹھےہوکے پاپ دی معافی پا چُکے نیں تے خُدا دی وڈیائی کردے پئے نیں ۔ ایہہ وڈیائی دا گیت ، سب توں پہلوں ، خُدا دی وڈیائی وچ اوہناں نوں قادرِ مطلق خُدا دی بادشاہی دے ہیٹھ آؤن دی اجازت دین ، اوہدے سببوں بادشاہی کرن ، تے جلال وچ اوہدے نال زندہ رہن اُتے مشتمل سی ۔ ایہہ ساریاں گلاں پاک لوکاں نوں خوشی تے شادمانی نال بھر چُکیا ں نیں تے خُدا نوں بوہت جلال دیندیاں نیں ۔ ایس پئی ، اوہ رہ نئیں سکدے سگوں اوہدی وڈیائی کردے نیں ، اِنج رولا پاؤندے نیں ، ” آؤ اسی خُوشی کریئے۔ تے بڑے خُوش ہویئے تے اوہدی وڈیائی کریئے۔ “
دوجا ، پاک لوک اپنی وڈیائی نوں جاری رکھدے نیں : ” ایس لئی پئی لیلے دا ویاہ آگیا۔ تے اوہدی وَوہٹی اپنے آپ نُوں تیار کر لیا اے۔تے اوہنوں چمکن والے تے صاف مہِین کتانی کپڑے پان دا اختیار دِتّا گیا اے کیوں جو سُچے کتانی کپڑیاں توں پاک لوکاں دی راستبازی دے کمّ مُراد نیں۔ “ ایہدا کیہ مطلب اے ؟ ایہدا مطلب ہیگا اے پئی جویں اوہ لوکاں نال وعدہ کر چُکیا اے ،یسوع ایس زمین اُتے واپس آوے گا ، اوہناں نال ویاہ کرےگا جیہڑے اوہدے اُتے ایمان رکھن دے سبب تے نویں سریوں جمن دے سبب پاک روح پا چُکے نیں ، تے اوہناں نال ہمیش تیکر زندہ رہوے گا تے وسے گا ۔
ویاہ لاڑھے تےاوہدی ووہٹی دا اکٹھ اے ۔جدیسوع ایس زمین اُتے واپس آوے گا ، دوجے اکھراں وچ ، اوہ صرف اوہناں نوں قبول کرے گا تے اوہناں نال جیوندا رہوے گا جیہڑے پانی تے رُوح نا ل نویں سریوں جم پئے نیں ۔ تے ایہدا مطلب ہیگا اے پئی اوہ اپنی ہزار ورہیاں دی بادشاہی تے نویں اسمان تے نویں زمین نوں پاک لوکاں نال سدا زندہ رہن لئی بناوے گا ۔ ایس لاڑھے نال ووہٹی دا زندہ رہن دا جلال ایناں وڈا اے پئی ایہہ دسیا نئیں جاندا ۔ صرف ایہدے بارے وچ سوچن دے سبب ای ساڈے دل خوشی نال بھر جاندے نیں ۔
جد دنیا جتھے یسوع مسیح راج کرے گا آوے گی ، اوہدی ووہٹی بوہت خوش ہووے گی ، یعنی دسیا نئیں جاسکدا پئی اوہ کیہ بول سکدی اے ۔ اوہ لوک کنے خوش ہون گے جد اوہ چنگے ایالی دے راج ہیٹھ ہون گے ؟ ایس لئی پئی یسوع مسیح حتمی بھلیائی دا لاڑا اے ، ایسے طرح اوہدا راج بالکل بھلیائی تے کاملیت نال ہووے گا ۔ اوہ اسمانی تخت اُتے راج کرے گا ۔
 
 
اک، تے اکو خوشخبری جیہڑی تہانوں اسمان دے لائق بناوے گی
 
کسے بندے نوں پاک رُوح پاؤن تے اسمان اُتے جان لئی ، لازمی صرف یسوع دے بپتسمے تے لہو اُتے ایمان رکھنا چاہی دا اے ۔ ایس لئی پئی ساڈا خُداوند ایس دنیا وچ ساریاں پاپیاں نوں لوکاں دے ایہو جیہے سارے پاپ اپنے آپ اُتے چُکن دے سبب اوہناں نوں سارے پاپاں توں بچاؤن لئی آیا ، اوہنے یوحنا کولوں بپتسمہ لیا سی ۔ ایس طرح اپنا بپتسمہ لین دے بعد وں، یسوع اپنے آپ فیر ساڈی تھاں اُتے سولی اُتے چڑھ کے مریا ، ساڈے سارے پاپاں دی سزا جری، فیر مویاں وچوں جیوں اُٹھیا ، تے اوہناں دا سدا دا مکتی دا خُداوند بن گیا جیہڑے ایمان رکھدے نیں ۔
ایہو ای خُداوند ہُن زمین اُتے واپس آوے گا ، اپنے لوکاں نوں سینے لاوے گا جیہڑے ایمان دے سبب اوہدی ووہٹی بن گئے نیں ، تے اوہناں نال ہمیش تیکر زندہ رہوے گا ۔ اوہ جیہڑے اوہدی ووہٹی بن گئے نیں ہُن اک نویں زمین اُتے خُداوند نال زندہ رہن گے ، ایہہ ووہٹی لئی اک جلالی تے وڈیائی دی برکت اے ۔ خُدا دے مکتی یافتہ پُتر اِنج اوہدی سدا تیکر وڈیائی کرن دے سبب یسوع مسیح نوں جلال دین گے ۔ ایہہ لوک جنہاں نیں خُدا دی بادشاہی ہیٹھ رہنا اے دلی خوشی نال رج جان گے ۔ تے ایس خوشی لئی ، اوہ سارا جلال لاڑے نوں دین گے ۔
سارے لوک ایس واقعے لئی ، اپنے اصل بنن دے دن توں اڈیکدے پئے نیں ۔ایہہ واقعہ پورا ہووے گا جد یسوع واپس آوے گا ، اوہناں نوں چُکے گا جنہاں نیں پاک رُوح پا لیا اے ، تے اوہناں نال زندہ رہوے گا ۔ خُدا لوکاں لئی اک نویں دنیا بنا چُکیا اے تے سانوں اڈیکدا پیا اے ۔ اسیں ایہدے سبب توں جیوندے آں ، تے اسیں ایہدے لئی ایس دنیا وچ پیدا ہوئے آں ۔
جویں ایہہ حوالہ سانوں دسدا اے ، ” تے اوہدی وَوہٹی اپنے آپ نُوں تیار کر لیا اے۔تے اوہنوں چمکن والے تے صاف مہِین کتانی کپڑے پان دا اختیار دِتّا گیا اے “ خُدا اوہناں نوں صاف ، مہین کتانی کپڑے پوا چُکیا اے جیہڑے یسوع مسیح اُتے ایمان رکھدے نیں ۔ دوجے اکھراں وچ ،اوہ جیہڑے ایس کلام اُتے ایمان رکھد ے نیں پاپ دی معافی پا چُکے نیں تے اوہناں دے دل برف وانگر چٹے ہو گئے نیں ۔
ایسے طرح ، یسوع مسیح دی ووہٹی پہلوں ای شروع توں پانی تے رُوح دی خوشخبری نال تیار ہو گئی اے ۔ جدپئی ایس زمین اُتے پانی تے رُوح دی خوشخبری نوں سُنن تے ایہدے اُتے ایمان رکھن دےسبب ، کوئی بندہ یسوع مسیح دی ووہٹی وانگر نویں سریوں جم سکدا اے ۔ ایہہ ایمان اے جیہڑا تہانوں مسیح دی ووہٹی بناؤندا اے ، تے ایہو ای ایمان اے جیہڑا تہانوں اسمان اُتے جان دے لائق بناؤندااے ۔
 
 
اوہ جیہڑے آس رکھ کے اڈیکدے نیں
 
ایہہ خاص حوالہ سانوں دسدا اے ، ” مُبارک نیں اوہ جیہڑے لیلے دے ویاہ دے میل وِچ سَدّے گئے نیں۔ “ اوہناں نوں جیہڑے اپنے پاپاں توں معافی پاچُکے نیں کس طرح دے ایمان نال زندہ رہنا چاہی دا اے ؟ ووہٹی جیہڑی اپنے لاڑے یسوع نال مل چُکی اے تے جلال وچ زندہ رہندی پئی اے نوں لازمی ایمان تے آس نال ، یعنی اپنے لاڑے نال اپنے میل دے دن ول اگے ویکھدے ہویاں اپنی زندگی بسر کرنی چاہی دی اے ۔
جویں دنیا بوہت ہنیر ہوندی جاندی اے ، فیر وی مکتی یافتہ ووہٹی لئی آس باقی اے ۔ ایہہ آس اوس دن دی اڈیک کرن توں علاوہ نئیں اے جدیسوع مسیح نویں اسمان تے زمین نوں اپنی ووہٹی لئی تیار کرن دےبعدوں ، اوہنوں لین لئی واپس آوے گا ۔ لاڑا اپنی ووہٹی نوں فیر زندہ کرے گا ، تے اوہنوں ہمیش دی زندگی دیوے گا ۔ دنیا جیہدے وچ لاڑے تے ووہٹی نوں ہمیش لئی زندہ رہنا اے ایہو جیہی تھاں اے جیہڑی بدی توں پاک اے ،کوئی پاپ نئیں رکھدی ، تے کوئی گھاٹا نئیں رکھدی ۔ ووہٹی صرف اوس دن نوں اڈیکدی اے ۔ ایہہ ہےکیوں ساڈے وچوں اوہ جیہڑے اپنے سارے پاپاں توں معافی پا چُکے نیں ایہو جیہے ایمان تے آس نال زندہ رہندے نیں ۔
ووہٹی جیہڑی اج دے دناں وچ زندگی بسر کردی اے ، خاص کر کے ، بدنی بوہت ساریاں کمیاں وی رکھدی اے ۔ پر جویں ۱۔ کرنتھیوں ۱۳:۱۳ سانوں دسدا اے ، ”سو ایمان اُمید محبت تِنّے سدارہن والیاں نیں پر اوہناں وچوں وَدّھیا مُحبت اے ۔“ ایس لئی پئی لاڑا ایس طرح اپنی ووہٹی نال محبت کر چُکیا اے ، اوہنے اپنے بپتسمے نال اوہدے سارے پاپاں نوں پاک کیتا تے اوہنوں اپنی کامل ووہٹی وانگر قبول کردا اے ۔
ایہہ دنیا اپنے مکن ول نسی جاندی اے تے ایہدے وچ کوئی آس باقی نئیں ہیگی ۔ پر ایتھوں تیکر جویں ہر شے سدا بربادی ول جاندی پئی اے ، ووہٹی نوں لازمی اپنی زندگی اپنی خاص آس نال بسر کرنی چاہی دی اے ۔ ایس آس دے پورے ہون دا ویلا ، ہُن ساڈے نیڑے ہیگا اے ۔ ہُن ساری دنیا بھنچالاں نال ٹوٹے ٹوٹے ہون دے خطرے وچ اے ۔ ہر کسے دا ایس دنیا وچوں پرانیاں ویلیاں دےوڈے ڈائنوسارز وانگر غائب ہون دا ویلا نیڑے آگیا اے ۔ بالکل اچانک ، ایہہ دُنیا چھیتی نال ڈِگ پوے گی ۔
ہر ووہٹی ، ایتھوں تیکر پئی آس رکھدی اے ، ایس لئی پئی جد ویلا آوےگا ، لاڑے دی ووہٹی کامل بدن وچ بدل جاوے گی ، تے اوہ خُداوند نال زندہ رہوے گی ، جیہڑا ہمیش تیکر اوہناں دا لاڑا بن گیا اے ۔ ایس لئی ، ووہٹی نوں لازمی ایس ایہناں دناں دے جگ دے لوکاں تیکر بوہت وفاداری نال پانی تے رُوح دی خوش خبری دی منادی کرنی چاہی دی اے۔
  
 
آؤ اسیں خُدا دے سچے کلام اُتے ایمان رکھیے !
 
یسوع ہمیں یوحنا ۳:۵ وچ دسدا اے ، ” میَں تینوں سچ سچ آکھناآں جے کوئی پانی تے رُوح تھوں نا جمّے اوہ خُدا دی بادشاہی وچ وڑ نئیں سکدا “ فیر ، پانی تے رُوح دی خوشخبری کیہ اے ؟ سب توں پہلوں ، پاک کلام سانوں دسدا اے پئی ”پانی “ صاف طور اُتے یسوع دے بپتسمے بارے دسدا اے ، تے مکتی وانگر اے (۱۔پطرس ۳:۲۱)۔
جد یسوع ترِی ورہیاں دا ہو گیا ، اوہ یوحنا کول گیا ، جیہڑا اسرائیلی لوکاں نوں یردن دے دریااُتے بپتسمہ دیندا پیا سی ۔ یسوع سانوں دسدا اے پئی یوحنا بپتسمہ دین والا سارے لوکاں دا نمائندہ تے پُرانے عہد نامے دا اخیری وڈا کاہن سی ۔ ایس یوحنا نال مل کے ، یسوع نے اوہد ے کولوں اپنا بپتسمہ لیا ، جنہے خُدا دی ساری راستبازی پوری کر دتی (متّی ۳:۱۵، ۱۱:۱۱۔۱۴)۔ بپتسمہ جیہڑا یسوع نے ایس طرح لیا ہمیش دی قربانی سی جیہدے سبب جگ دے سارے پاپ آپ مسیح اُتے لدے گئے سن ۔
یسوع دا پاک رُوح دے سبب ، بدن وچ جمنا ، اوہدا بپتسمہ ، اوہد ا لہو تے سولی اُتے مرنا ، تے اوہدا جیوں اُٹھنا تے اسمان اُتے چڑھنا ایہہ ساریاں شیواں پاک رُوح دے کم سن ۔ جد کوئی ایمان رکھدا اے پئی یسوع ایس زمین اُتے آیا تے ، پانی تے رُوح دے سبب ، اوہدے سارے پاپاں نوں اکو ای وار چھیتی نال مکا دتا ، فیر اوہ اک راستباز بندہ ، پاپ توں چھٹیا ، تے مسیح دی ووہٹی بن سکدا اے ۔ ایہہ کوئی ایہو جیہی شے نئیں ہیگی جیہڑی بندے دے خیالاں نال مکمل ہوئی سی ، سگوں ایہہ اپنے آپ خُدا دے خیالاں نال ملدی اے ۔
سچی گل ایہہ ہیگی اے پئی پانی ،لہو تے پا ک رُوح لوکاں دی پاپ توں مکتی لئی تِن خاص شیواں نیں ، تے اوہناں وچوں اک وی کدی بالکل غیر حاضر نئیں ہو سکدی ۔ پاک کلام ایہدی خاص کر کے تے بالکل ٹھیک یوحنا دے پہلے خط دے پنجویں باب وچ وضاحت کردا اے ۔ایہہ باب سانوں دسدا اے پئی پانی ،لہو تے پاک رُوح ایہہ تِنے شیواں ساریاں اک نیں ، تے یعنی ساڈی پاپ توں مکتی کامل تےپکی نئیں ہوسکدی جے ایہناں وچوں کوئی اک وی موجود نئیں اے ۔
جد اسیں جان دے تے ایس سچیائی اُتے ایمان رکھدے آں ، پئی کامل مکتی ایہناں تِناںیعنی پئی پانی ،لہو تے پا ک رُوح اُتے ایمان رکھنا اے فیر اسیں سوچ سکدے تے یسوع دی محبت نوں قبول کر سکدے آں جنہے سانوں بچایا اے ، تے اِنج ساڈے دل اصل وچ سارے دے سارے بے پاپ بن سکدے نیں ۔ پاک کلام ساڈے نال اعمال ۲:۳۸ وچ وعدہ کردا اے ، ”توبہ کرو ۔تے تہاڈے وچوں ہر اک اپنے گناہاں دی معافی لئی یسوع مسیح دے ناں اُتے بپتسمہ لے لَئے۔تاں پاک رُوح تہانوں انعام وِچ ملے گا ۔ “
فیر ، اوہ کلام کیہ اے جیہڑا سانوں پا ک رُوح پاؤن دے لائق بناؤندا اے ؟ ایہہ یسوع دے بپتسمے (پانی )، سولی اُتے اوہدی موت (لہو)،تے اوہدے خُدا ہون ، جیوں اُٹھن تے اسمان اُتے چڑھن(پا ک رُوح) دے کلام دے علاوہ کوئی دوجا کلام نئیں ہیگا ۔ مکتی دے ایس کلام دی اصل وچ موسیٰ تے دوجے پُرانے عہد نامے دے نبیاں دیاں کتاباں وچ پیشین گوئی ہوئی سی ، تے نویں عہد نامے دیاں ساریاں چاراں انجیلاں وچ پوری کیتی گئی تے گواہی دتی گئی اے ۔ ایسے طرح ، ”اکو ای وار کفارے دی ہمیش دی مکتی پوری ہوئی ، “ جیہڑی عبرانیوں دے خط وچ کھول کے دسی گئی اے ، ایہہ خط باربار خُدا دی راستبازی دی گواہی دیندا اے ، جیہڑی اسیں اپنے ایمان دے سبب پا چُکے آں ۔
بھاویں ہر کوئی ایس پاپی سنسار وچ بدنی زندگی بسرکردا پیا اے جیہڑی خُدا دے اگے بوہت ماڑی پے جاندی اے ، اوہنوں لازمی خُدا ولوں دتی گئی پاپ دی معافی پاؤنی چاہی دی اے، تے ہر کسے نوں اپنی زندگی اسمان اُتے اپنی آس رکھن دے سبب بسر کرنی چاہی دی اے۔ ایہہ خُدا دا انعام اے جیہڑا اوہ لوکاں نوں دے چُکیا اے ۔ سانوں ساریاں نوں لازمی سانوں مفت دتے گئے فضل نوں پاؤنا چاہی دا اے ۔ کلام اُتے ایمان رکھنا یعنی ساڈا خُداوند واپس آوے گا ، اوہدی نویں بادشاہی نوں بناؤندا اے، تے اوہدے وچ سانوں زندہ رہن دی اجازت دینا ای ساڈی اصل آس اے ۔ سانوں لازمی ایہہ آس رکھ کے زندہ رہنا چاہی دا اے ، تے ایہہ ہے میَں سب توں بوہت چوکھا کیہ ایمان رکھدا ہاں ۔
کیہ تہانوں پتہ اے ایس دنیا وچ پاپ کناں بوہتا ودھیا ہویا اے ؟ نوح دے طوفان دے زمانے دا مقابلہ کردے ہویاں ، ایہناں دناں دے پاپ اوہدے توں بوہت چوکھے ودھ گئے نیں ۔ نوح دے زمانے وچ ، ویکھدے ہوئیاں پئی بندیاں دے خیال سدا بھیڑے سن ، خُدا پہلی دنیا نوں طوفان نال فنا ہ کرن دا فیصلہ کر چُکیا سی ، نوح نوں اک کشتی بناؤن دا حکم دتا ،تے اوہناں نوں بچایا جیہڑے اوہدے کلام اُتے ایمان رکھن دے سبب اوس کشتی وچ جا وڑے ۔
بھاویں خُدا نے آکھیا سی پئی اوہ بالکل یقینی طور اُتے پانی نال دنیا دی عدالت کرے گا ، صرف
نوح دے خنوادے دے اٹھ بندیاں نیں اوہدے کلام اُتے ایمان رکھیا ۔ اِنج اوہناں نیں سو ورہیاں دے ویلے وچ کشتی بنائی ، تے اوہدے وچ سیلاب توں بچن لئی وڑ گئے ۔ جد اوہناں نیں اِنج کیتا ، خُدا نے پہلی دنیا اُتے اپنی سزا شروع کردتی ۔ اچانک سارا اسمان ہنیرا ہوگیا ، تے سیلابی مینہ وسن لگ پیا ۔ خورے صرف اک گھنٹے وچ ، پانی ایناں اُچا چڑھ گیا جنی تریجی منزل ہوندی اے ۔ سو ،چالیاں دناں تیکر ، یعنی ساری دنیا نوں پانی دے ہیٹھ ڈبوندیاں ہویاں مینہ ورہیا ۔
بالکل جویں نوح تے اوہدا خنوادہ ایمان رکھ کے کشتی وچ وڑ گئے سن پئی اک نویں دنیا تقریباً کھلن والی اے ، تہانوں تے مینوں لازمی ایسے طرح ایہناں دناں وچ آس رکھ کے زندہ رہنا چاہی دا اے ۔ بالکل جویں اوہ اک سو ورہے تیکر کشتی بنا سکے ایس لئی پئی اوہ خُدا اُتے ایمان رکھ چُکے سن ، میَں ایمان رکھدا ہاں پئی سانوں ، وی ، لازمی ڈٹ کے رہنا چاہی دا اے تے خوشخبری دی منادی کرنی چاہی دی اے ۔خُدا نے نوح نوں فرمایا ، ” تُوں گوپھر دی لکڑ دی اک کشتی اپنے لئی بنا۔“ (پیدائش ۶:۱۴)۔ایہہ کلام سانوں دسدا اے پئی ’سانوں اپنے دلی ایمان دی راکھی کرن لئی ،‘ لازمی پہلوں اپنے آپ نوں خُداوندتے خوشخبری دی منادی لئی وقف کرنا چاہی دا اے ۔
بھاویں نویں سریوں جمے ہوئےلوک آس رکھدے نیں ، پر اوہناں لئی کوئی آس نئیں ہیگی جیہڑے خوش خبری اُتے ایمان نئیں رکھدے ۔ ایہناں خوش خبری اُتے ایمان نا رکھن والیاں لئی صرف مایوسی اے ۔ایہدے علاوہ بھاویں لوک پانی تے رُوح دی خوش خبری اُتے ایمان رکھدے نیں یا نئیں ،سانوں لازمی فیر وی اوہناں دے اگے ایمان نال منادی کرنی چاہی دی اے ۔ اَج دے دیہاڑے ایہو جیہے نیں جد لوکاں نوں لازمی اینی چھیتی جنی چھیتی ہو سکدا اے ایس سچی خوشخبری اُتے ایمان رکھناچاہی دااے ۔اوہ جیہڑے خوشخبری اُتے ایمان رکھدے نیں جیہدی اسیں منادی کردے آں خوشی پاؤن گے ، تے اوہ جیہڑے ایہدے اُتے ایمان نئیں رکھدے صرف لعنت لین گے ۔مؤخر الذکر یعنی ، اوہ جیہڑے خوشخبری اُتے ایمان نئیں رکھدے کملے نیں جیہڑے خُدا دی ہمیش دی سزا پاؤن گے تے دوزخ وچ سُٹ دتے جان گے ۔
اپنی آس نا گواؤ ۔ جے راستبازاں نیں کدی اپنی آس گواؤنی سی ، اوہناں نوں صرف موت اڈیکے گی ۔ جے اسیں کوئی آس نا رکھدے ، اسیں نا تمنا ، نا ای دلچسپی ، نا ای ہور زندہ رہن دا سبب رکھدے ۔ ایس لئی ، آؤ اسیں ،آس رکھ کے زندہ رہیے ۔
اج دے دناں وچ ، اوہ جیہڑے یسوع اُتے ایمان رکھدے نیں تے اِنج نویں سریوں جم پئے نیں سچ مُچ خوش لوک نیں ۔ سارے لوکاں لئی ، ایہناں دی اکو بچی ہوئی آس پا پ توں معافی پاؤنا اے یعنی ، کوئی دوجی آس نئیں ہیگی سگوں پاک رُوح پاؤنا اے ۔ جد لوک اپنے سارے پاپاں توں معافی پاؤندے نیں ، اوہ آس پا سکدے نیں تے ہمیش تیکر خوش رہ سکدے نیں ، پر جے اوہ نئیں ہوندے ، صرف بربادی اوہناں نوں اُڈیکے گی ، ایس لئی پئی اوہ پاک رُوح نئیں پا چُکے ہون گے ۔
ایہہ ہے ایس لئی پئی میَں اپنے سارے پاپاں توں معافی پا چُکیا ہاں تاں میَں اج دی دنیا وچ آس رکھ کے زندہ رہ سکدا ہاں ۔ ایہو ای میری آس تے دعا اے پئی تُسیں ، وی ، ایہہ آس رکھ کے اپنی زندگی گزاروگے ۔ میَں دعا منگدا ہاں پئی تسیں دنیا دیاں فضول سوچاں نال اپنے آپ نوں نئیں بنھو گے ، سگوں ایہدی بجائے اپنی زندگی سیانی ووہٹی وانگر ، اپنے نال رلویں راستباز بھراواں تے بھیناں نال محبت کردیاں ہویاں ، اوہناں دی مسیح وچ پکیاں ہوکے کھلون لئی مدد کردے ہویاں ، اپنا ایمان نا گواؤندے ہویاں ، لاڑے نوں اڈیکدیاں ہویاں ، تے اوس نال ملدیاں ہویاں گزاروگے جد اوہ اخیریں تہانوں لین لئی آوے گا ۔
میَں خُدا ونداپنے خُداداسانوں اپنے جلال وچ زندہ رہن دے لائق بناؤن لئی شکر کردا ہاں۔