Sermoni

مضمون 10: مُکاشفہ(مُکاشفہ دی کتاب اُتے تفسیر)

[20-2باب] (مُکاشفہ ۲۰:۱۔۱۵) کویں اسیں موت توں لنگھ کے حیاتی تیکر آ سکدے آں؟

(مُکاشفہ ۲۰:۱۔۱۵)
 
خُداسانوں دسدا اے پئی جد اوہ ایس دنیا نوں مکائے گا تے سانوں ایہدی تھاں اُتےنواں اسمان تے نویں زمین دیوے گا ، اوہ ہر پاپی نوں جیہڑا ایس زمین اُتے پہلوں رہ چُکیا سی تے اپنی قبر وچ سُتا پیا سی زندہ کرے گا ۔ آیت ۱۳ ایتھے فرماندی اے ، ” تے سمُندر اپنے وِچلے مُردے دے دِتّے۔ تے مَوت تے پاتال نیں اپنے وِچلے مُردے دے دِتّے۔ تے اوہناں وِچوں ہر اِک دے کمّاں پِچّھے اوہدا انصاف کِیتا گیا۔ “ بندے دے بدن نوں جیہڑا پانی وچ ڈُب جاندا اے تقریباً بوہتیاں مچھیاں کھا جان گئیاں ، جد پئی یعنی اوس بندے دی جیہڑا سڑ کے مردا اے بدنی طور نال ہور پچھانن دی کوئی شکل باقی نا رہوے گی ۔ پر پاک کلام سانوں ایتھے دسدا اے پئی جد اخیری ویلا آوے گا ، خُدا ساریاں نوں واپس جیوندا کرے گا تے اوہنا ں نوں اسمان یا دوزخ وچ گھلن لئی اوہناں دی عدالت کرے گا ، ایس توں علاوہ اوہ شیطان نیں کھا لیے ، پاتال نے مار دتے یا سڑ کے مر گئے سن ۔
خُدا کول پہلوں حیاتی دی کتاب اے ، جیہدے وچ اوہناں دے ناں جیہڑے اسمانی بادشاہی وچ وڑن گے لکھے ہوئے نیں ۔ کماں دیاں وی کتاباں نیں ، جیہڑیاں ناں تے اوہناں ساریاں دے پاپ لکھدیاں نیں جیہڑے دوزخ وچ سُٹے جان گے ۔ کماں دیاں ایہناں کتاباں وچ سارے پاپ لکھے ہوئے نیں جیہڑے اک بندے نے جد پئی ایس زمین اُتے رہندے ہویاں کیتے سن ۔ ایہہ ساریاں شیواں اپنی دُور اندیشی وچ ، خُدا دے سببوں مقرر ہو گئیاں نیں ۔
 
 
خُداوند دے کول دو قِسماں دیاں کتاباں نیں
 
خُدا پہلوں ای لوکاں نوں اپنی دلی ٹھیک پرکھ دے اصول دے مطابق دو اکٹھیاں خاص سرناویاں وچ ونڈ چُکیا اے ۔ ایہہ خُدا دے سببوں تیار ہو گیا اے پئی سارے مُردے زندہ کیتے جان گے ، تےفیر اوہدیاں دوکتاباں اگے کھلون گے تے انصاف ہووے گا ۔ حیاتی دی کتاب وچ صرف اوہناں دے ناں لکھے ہوئے نیں جیہڑے یسوع اُتے جد پئی ایس زمین اُتے ایمان رکھ چُکے نیں ، اپنے پاپاں توں معافی پا چُکے نیں ،تے اِنج اسمان اُتے جان لئی مقرر ہو گئے نیں ۔ایس لئی خُدا دی حتمی عدالت انحصار کردی اے ایہناں دو کتاباں وچوں کیہدے وچ ، کسے بندے دا ناں لکھیا ہویا اے ۔ دوجے اکھراں وچ ، خُدا پہلوں ای مقرر کر چُکیا اے ، کیہڑےاسمان اُتے جان گے تے کیہڑے دوزخ وچ سُٹے جان گے۔
ایس لئی خُدا ساریاں مُردیا ں نوں فیر زندہ کرے گا ، اپنیاں کتاباں کھولے گا ، تے ویکھے گا دو کتاباں وچوں کیہدے وچ اوہناں دے ناں لکھے ہوئے نیں ۔فیر اوہ اوہناں نوں جنہاں دے ناں حیاتی دی کتاب وچ لکھےہوئے نیں اسمان اُتے گھلے گا ، پر ، ایہدے اُلٹ اوہناں نوں جنہاں دے ناں ایس حیاتی دی کتاب وچ نئیں لکھے گئے ، ایہدی بجائے دوزخ وچ سُٹ دیوے گا ۔ سانوں لازمی یقین نال جاننا چاہی دا اے تے خُدا ولوں مقرر کیتے گئے تے ایہناں بالکل سچیاں گلاں اُتے ایمان رکھنا چاہی دا اے۔
فیصلہ کرن لئی کیہڑا اسمان اُتے گھلیا جاوے گا تے کیہڑا دوزخ وچ سُٹیا جاوے گا ، خُدا ساریاں مُردیاں نوں زندہ کرے گا تے اوہناں دا انصاف کرے گا ۔ ایہہ خُدا دے ہتھوں فیصلہ ہو گیا اے پئی اوہ ایہدے مطابق اوہناں دا انصاف کرے گاکیہ اوہناں دے ناں حیاتی دی کتاب وچ یاں کماں دی کتاباں (عدالت دیاں کتاباں) وچ لکھے ہوئے نیں ۔
خُدا ساریاں لئی پہلوں توں تیار کیتیاں گئیاں دو تھاواں رکھدا اے جیہڑے اوہدے اگے کھلون گے ۔ اوہ اسمان تے دوزخ دے علاوہ کوئی دوجیاں نئیں ہیگیاں ۔ دوزخ اگ دا دریا اےجتھے انگارے تے گندھک بلدے پئے نیں ۔ خُدا مقرر کر چُکیا اے پئی اوہ جنہاں دے ناں حیاتی دی کتاب وچ لکھے ہوئے نئیں ہیگے اگ دے دریاوچ سُٹے جان گے ، جدپئی اوہ جنہاں دے ناں ایس حیاتی دی کتاب وچ لکھے ہوئے نیں اسمان اُتے جی آیاں نوں آکھے جان گے ۔
اسمان اُتے ، حیاتی دابُوٹا زندگی دے پانی دے دریانال ، ہر موسم دےمطابق باراں وکھ وکھ پھل
پیدا کردے ہویاں لگیا ہویا اے ۔ ایس سوہنے اسمان اُتے ، پاک لوک نا روگ نا ای پیڑ رکھن گے ، سگوں خوشی نال خُدا نال ہمیش تیکر زندہ رہن گے ۔ سانوں لازمی ایس سچیائی اُتے ایمان رکھنا چاہی دا اے پئی خُدا پاک لوکاں لئی ایس اسمان نوں دین دا فیصلہ کر چُکیا اے ۔
دوجے پاسے ، اوہ جیہڑے یسوع اُتے ایمان نئیں رکھدے ،اوہناں دے ناں کماں دیاں کتاباں وچ لکھے ہوئے نیں ۔ ایس لئی پئی سارے کم جیہڑے پاپی جد پئی ایس زمین اُتے کر چُکے سن ایہناں کتاباں وچ لکھے ہوئے نیں ، خُدا سانوں دسدااے پئی اوہ اوہناں ساریاں نوں ، اوہناں نوں اوہناں دے پاپاں دے سبب جیہڑے ایہناں کتاباں وچ لکھے ہوئے نیں سزا دین ، تے یسوع اُتے ایمان نا رکھن دے پاپ دے سبب اگ دے دریا وچ سُٹ دیوے گا ۔ ایتھے بوہت خاص جیہڑی گل اے ایہہ ہیگی اے پئی کیہڑی کتاب وچ تہاڈے تے میرے ناں لکھے ہوئے نیں ۔
جد پئی ایس زمین اُتے رہندے ہویاں ، سانوں لازمی سوچنا چاہی دا اے پئی ایس زمین اُتے زندگی سارا کجھ نئیں ہیگی جیہڑی اوتھے اے ۔ جویں زبور۹۰: ۱۰ سانوں دسدا اے ، ”ساڈی عمر دی معیاد ستّر ورہے ہیگی اے ۔ یا طاقت ہووے تاں اَسّی ورہے ۔ تاں وی اوہناں دی رونق صرف تنگی تے غم اے ایس لئی پئی اوہ چھیتی نال مک جاندی اے تے اسیں اُڈ جاندے آں ۔ “ ایتھوں تیکر پئی جے سانوں ایس زمین اُتے ستّر ورہےیا بھاویں اَسّی ورہے تیکر زندہ رہناسی ، چھیتی ای یا بعد وچ اسیں سارے خُدا دے اگے کھلوواں گے ۔ تے جد اِنج اسیں اخیریں اپنے خُداوند دے اگے کھلوندے آں ، سارا جیہڑا معنی رکھدا اے کیہڑی کتاب وچ ،کیہ حیاتی دی کتاب وچ یا کماں دی کتاب (عدالت دی کتاب )وچ ساڈے ناں لکھے ہوئے نیں ، ایس لئی پئی ایہو ای مقرر کرے گا پئی اسیں اسمان اُتے جی آیاں نوں آکھے جاندے آں یا اگ دے دریاوچ سُٹے جاندے آں ۔ سانوں لازمی اخیر تیکر پچھاننا چاہی دا اے پئی ایس زمین دی زندگی ہر شے نئیں ہیگی ۔
 
 
اوہ لوک جنہاں دے ناں حیاتی دی کتاب وچ لکھے ہوئے نیں
 
آؤ اسیں لوقا ۱۶:۱۹۔۲۶ اُتے دھیان کر ئیے ، ” اِک دَولت مند بندہ سی جیہڑا لال
رنگ دے تے چنگے سُوتی کپڑے پاندا تے روز شان شوکت نال عَیش کر دا سی۔ تے لعزر ناں دا اِک غرِیب بندہ پھوڑیاں دا بھریا ہویا اوہدے بُوہے اُتّے رکھیا جاندا سی۔تے اوہدی چاہ سی پئی مَیں اوہناں بھوریاں نال اپنا ڈِھڈ بھراں جیہڑے دَولت مند دے میز اوتھوں ڈِگّدے نیں۔ سگوں کُتّے وی آ کے اوہدے پھوڑیاں نُوں چَٹدے سن۔تے اِنج ہویا پئی اوہ غرِیب مر گیا۔ تے فرِشتیاں اوہنوں ابرہام دی کُچھّڑ وِچ لے جا رکھیا۔ تے دَولت مند وی مویا تے دَبّیا گیا۔تے پاتال وِچ ڈاڈھے عذاب وِچ پَے کے اوس اَکھّیاں چُکیاں۔ تے ابرہام نُوں دُوروں ویکھیا تے اوہدی کُچھّڑ لعزر نُوں۔تے اوس اواز مار کے آکھیا۔ اَے پئیو ابرہام میرے اُتّے رَحم کر تے لعزر نُوں گھل پئی اپنی اُنگلی دا پوٹا پانی نال بھیوں کے میری جِیبھ ٹھنڈی کرے کیوں جو مَیں ایس اَگ وِچ تڑپنا آں۔ تَد ابرہام آکھیا پُتر یاد کر پئی جِیوندیاں جی تینُوں چَنگیاں شیواں مِلیاں تے ایسے طرح لعزر نُوں مَندِیاں شیواں مِلیاں سو ہُن اوہنوں ایتھے تسلّی مِلدی اے تے تُوں تڑپنا ایں۔تے ایہناں سارِیاں گلّاں دے بِناں ساڈے تُہاڈے وِچ اِک وڈّی کھڈ پئی ہوئی اے پئی اوہ جیہڑے ایتھوں تُہاڈے ولّ لنگھناں چاہن اوہ نا لنگھ سکن۔ تے نا اودھروں کوئی ساڈے ولّ اُراں آوے۔ “
ایس حوالے نال ، یسوع سانوں سکھاندا اے پئی اسمان تے دوزخ سچ مُچ ہیگے نیں ۔ ایس حوالے وچ دولت مند بندے وانگر ، بوہت سارے لوک اسمان تے دوزخ دے وجود اُتے ایمان نئیں رکھدے ۔ ابرہام ایمان دا پیئو اے ۔ جد ایتھے فرمایا جاندا پئی غریب لعزر ابرہام دی کُچھّڑ وچ پچایا گیا ،ایہدا مطلب ہیگا اے پئی ، بالکل جویں ابرہام نے خُدا دے کلام اُتے ایمان رکھیا ، لعزرنے وی یسوع اُتے اپنے مکتی داتا وانگر ایمان رکھیا ، اپنے پاپاں دی معافی پائی ، تے اِنج اسمان اُتے چلا گیا ۔ ایس دنیا وچ رہندے ہویاں ،سانوں ساریاں نوں لعزر تے دولت مند بندے دے اخیر اُتے سوچ وچار تے غور تے فکر کرن دی لوڑ اے ۔
خُدا سانوں دسدااے پئی ایس دنیا وچ ہر کسے لئی ، ایس زمین اُتے زندگی بالکل ہر شے نئیں ہیگی ۔ کوئی معنی نئیں رکھداکنی تنگی نال کوئی بندہ ایس زمین اُتے زندہ رہندا اے ، نا صرف اوہ بوہتے توں بوہتا ستّر یا اَسّی ورہے تیکر زندہ رہن دے لائق ہووے گا ، سگوں سارا جیہڑا اخیر وچ اوہدے لئی باقی بچے گا صرف تنگی تے غم اے ۔
 ایس لئی ، اپنیاں زندگیاں گزاردیاں ہویاں ، سانوں ساریاں نوں لازمی اپنی بعد والی زندگی لئی
تیارہونا چاہی دا اے ۔ تے سانوں لازمی اپنے ایمان نوں اپنے بچیاں دے حوالے وی کرنا چاہی دا اے ، تاں پئی اوہ ،وی ، چنگی تھا ں اُتے جان دے لائق ہو سکن ۔ ایہہ کنی دکھ بھری گل ہووے گی پئی اک بندہ ، ایس زمین اُتے رہن دے بعدوں ، اخیریں اوہدے راہیں صرف سزا پاؤن تے اگ دے دریا وچ سُٹے جان لئی ، خُدا دے اگے کھلووے گا ؟
کوئی بندہ بدل نئیں سکدا پئی خُدا ولوں کیہ فیصلہ ہوگیا اے ، یعنی اوہ سارے جنہاں دے ناں کماں دے کتاب وچ لکھے ہوئے نیں اگ دے دریا وچ سُٹے جان گے۔تد صرف ساڈے کول اگ دے دریا توں بچن دا اکلا راہ ایہہ ہے، تے ایہہ پک کرنا ایں پئی ساڈے ناں حیاتی دی کتاب وچ لکھے ہوئے نیں۔ اگ دے دریا توں بچن لئی ، کوئی دوجا راہ نئیں ہیگا سگوں اپنے ناں حیاتی دی کتاب وچ لکھاؤنے نیں ۔
فیر ساڈے ناں ایس حیاتی دی کتاب وچ کویں لکھے جا سکدے نیں ؟ بالکل جویں لعزر نوں ابرہام دی کُچھّڑ وچ پچایا گیا ، ایسے طرح لازمی سانوں اپنے پاپاں دی معافی ، اوہدے کلام دے سبب خُدا دے ٹھیک کم (رومیوں ۵:۱۸) نوں جانن تے ایمان رکھن دے سبب پاؤنی چاہی دی اے ۔ صرف فیر اسیں اسمان اُتے جا سکدے آں ۔ اپنے ناں حیاتی دی کتاب وچ لکھاؤن لئی ، سانوں لازمی یسوع اُتے ایمان رکھنا چاہی دا اے ۔ یسوع آپ خُدا تے ساڈا مسیحا اے ۔ مسیحا دا مطلب اوہ اکو اے جیہڑا اوہناں نوں بچاؤندا اے جیہڑے پاپ وچ ڈگ پئے سن ۔ صرف یسوع سانوں جیہڑے ، اپنے پاپ دے سبب، نئیں تاں خُدا ولوں سزاپاؤن تے اگ دے دریا وچ سُٹے جان دے لائق آں ، بچا سکدا اے ۔
ایس زمین اُتے کیہڑا کدی خُدا دے اگے کوئی پاپ نئیں کر سکدا ، تے کیہڑا ساڈے وچکار کماں وچ سارے دا سارا پاک اے ؟ کوئی وی نئیں ! سانوں لازمی سوچنا چاہی دا اے پئی ایس لئی پئی اسیں سارے غلطیاں نال بھرے ہوئے آں ، اسیں بچ نئیں سکدے سگوں پاپ وچ ڈگدے آں ، تے ساڈے ایہناں پاپاں دے سبب اسیں سارے دوزخ دی اگ وچ سُٹے جان دے لائق آں ۔
پر خُدا نے ایس زمین اُتے سانوں بچاؤن لئی یسوع نوں گھلیا ، جیہڑے بچ نئیں سکدے ساں سگوں اپنے پاپاں دے سبب اگ دے دریاوچ سُٹے جان والے ساں۔ ’ یسوع ‘ ناں دا مطلب ’اوہ بندہ اے جیہڑا اپنے لوکاں نوں اوہناں دے پاپاں توں بچاوے گا ‘(متی ۱:۲۱)۔ ایس لئی ، اسیں اسمان اُتے جا سکد ے آں صرف جد اسیں سچیائی اُتے ایمان رکھدے آں پئی یسوع ایس زمین اُتے آیا تے سانوں اپنے راستباز
کم نال ساڈے سارے پاپاں توں بچا لیا ۔
 
 
فیر کیہڑے اگ دے دریاوچ سُٹے جان گے ؟
 
مُکاشفہ ۲۱: ۸سانوں دسدا اے پئی کیہڑے اگ دے دریا وچ سُٹے جان گے : ” پر ڈرپوکاں تے بے اِیماناں تے پلِیت لوکاں تے خُونِیاں تے حرامکاراں تے جادُوگراں تے بُت پرستاں تے سارے جُھوٹھیاں دا حِصّہ اَگ تے گندھک دی بلن والی جِھیل وِچ ہوئے گا ایہہ دُوجی مَوت اے۔ “
سب توں پہلوں ، پاک کلام اکھر”ڈرپوکاں“دے راہیں کناں بارے گل کردا اے ؟ ایہہ اوہناں ناں دے مسیحیاں بارے گل کردا اے جیہڑے پانی تے رُوح دی خوشخبری دے سبب اپنے سارے پاپاں دی معافی پاؤن وچ ناکام ہو گئے نیں ، تے ایس لئی اوہ خُدا دے اگے ڈردے نیں ایتھوں تیکر پئی بھاویں اوہ کسے نا کسے طرح یسوع اُتے ایمان رکھدے نیں ۔ خُدا فیصلہ کر چُکیا اے پئی ایہو جیہے لوک اگ دی جھیل وچ سُٹے جان گے ۔ خُدا ایہہ وی پکا ارادہ کر چُکیا اے پئی اوہ جیہڑے بے ایمان، پلیت خونی،حرامکار،جادوگر، بُت پرست تے جھوٹے لوک نیں سارے دوزخ وچ سُٹے جان گے ۔
روائتی طوراُتے، کوریا وچ بوہت چوکھے بت پرست ہیگے نیں ۔ ایتھوں تیکر پئی ہُن ، لوکاں دااپنیاں بنائیاں ہویاں شیواں دے بُتاں اگے جھکنا تے اوہناں اگے دعاواں منگدیاں ویکھنا اچرج گل نئیں اے ۔ لوک اِنج ایس لئی کردے نیں ایس لئی پئی اوہ جاہل تے کملے نیں ۔خُدا ایس توں جد لوک مویاں بُتاں دی پوجا کردے نیں نفرت کردا اے جویں پئی ایہہ خُدائی ہستیاں سن ۔
خُدا نے اپنے آپ دے رُوپ وانگر بندے نوں بنایا (پیدائش ۱:۲۷)۔انسان ساری مخلوق دے مالک وی نیں ۔ ایس لئی سانوں لازمی خُدا اُتے ایمان رکھنا چاہی دا اے ۔ ایس لئی پئی اسیں خُدا دے اپنے رُوپ وانگر بنائے گئے آں ، اسیں ہمیش تیکر وجود رکھدے آں ، بالکل جویں خُدا آپ ہمیش تیکر وجود رکھدا اے ۔ ساڈی موت دے بعد وں ساڈے لئی ہمیش دی دنیا ہیگی اے ۔ ایس لئی خُدا سانوں اوہدی ، اکو ہمیش دے خُدا دی بھگتی کرن دا حکم دے چُکیا اے ۔ فیر ، کیہ ہووے گا جد اسیں اوہدے اگے جھکدے آں جیہڑے صرف خُدا دی اپنی مخلوق نیں ؟ اسیں خُدا دے خلاف وڈا پاپ کردے پئے ہوواں گے ، ایس لئی پئی اسیں اوہ کم کردے ہوواں گے جیہدے توں خُدا سب توں بوہتی: یعنی بتاں دی پوجا توں نفرت کردا اے ۔ لوک اینے کملے اینے بیوقوف ہوسکدے نیں ۔ خُدا نے فیصلہ کر لیا اے ، سانوں لازمی سوچنا چاہی
دا اے ، یعنی اوہ جیہڑے ایس طرح دا کچا ایمان رکھدے نیں سارے اگ دی جھیل وچ سُٹے جان گے ۔
لوک جیہڑے دوزخ وچ سُٹے جان گے دو واری مرن گے ۔ ایہہ ہے خُدا آپ کیہ مقرر کر چُکیا اے ۔ پہلی موت ایس زمین اُتے اوہناں دی دکھاں بھریاں زندگیاں دے مکن ویلے ، ایس بے زار دنیا وچ چلن دے بعدوں آؤندی اے ۔ بوہتی واری ایہہ آکھیا جاندا اے پئی اوہ لوک جیہڑے پہلوں چونہہ پیراں اُتے زندہ رہندے نیں ، فیر دو پیراں اُتے ، فیر اخیریں تِن پیراں اُتے ، صرف اخیریں مر جاندے نیں ، اپنے آپ انساناں توں علاوہ کوئی دوجے نئیں ہیگے ۔
ایس طریقے نال اک واری مرن دے بعد وں، جد لوک خُدا دے اگے پاپیاں وانگر کھلوندے نیں ، اوہ سارے اپنی عدالت دا سامنا کرن گے ، تے ایہہ اوس ویلے ہووے گا جد دوجی موت ، ایہو جیہی موت جیہڑی کدی نا مکے گی سگوں ہمیش رہوے گی ،یعنی اگ دی جھیل وچ سُٹے جان وانگر ، اوہنوں نوں ملے گی ۔ جے اوہناں نیں صرف اگ دی ایس جھیل وچ مرنا سی ، اوہ کم از کم ایس دےدکھ توں چھٹ جان گے ۔ پر ایس تھاں اُتے ، بھاویں اوہ مرن دی بوہت تمنا کرن گے ، پر موت اوہناں اگے نسے گی ۔
ہر کوئی ہمیش تیکر زندہ رہن دی ، کدی موت نوں نا جرن دی تمنا رکھدا اے ۔ اصل وچ ، بندے دا وجود ، سچ مُچ ہمیش دا اے ، بالکل جویں لوک تمنا رکھدے نیں ۔ ایس لئی پاک کلام ، جد کوئی مردا اے ، ایہنوں مرن وانگر نئیں دسدا ، سگوں سون وانگر دسدا اے ۔ ایس لئی سانوں ساریاں نوں لازمی دوجی موت توں بچنا چاہی دا اے جیہڑی سانوں اگ دی جھیل وچ سُٹ دیوے گی ۔ سانوں ساریاں نوں لازمی سوچنا چاہی دا اے صرف ایہہ کیہ اے جیہڑا سانوں حیاتی دی کتاب وچ اپنے ناں لکھواؤن دے بارے وچ کرنا اے ۔ تے اپنے ناں حیاتی دی کتاب وچ لکھواؤن لئی ، سانوں لازمی یسوع اُتے ٹھیک طریقے نال ایمان رکھنا چاہی دا اے ۔
لوک بوہت وار سوچدے تے آکھدے نیں پئی یسوع ، بُدھا ، کنفیوشس تے محمد صرف سارے بندے نیں، یعنی صرف اک نیک بندے وانگر زندہ رہنا ٹھیک اے ۔ ایس لئی اوہ نئیں سمجھ سکدے کیوں اسیں دیندے آں پئی اوہناں نوں صرف یسوع اُتے ایمان رکھنا چاہی دا اے ۔ پر ایہہ سارے غلط خیال نیں ۔ تُسیں تے میَں ، ایسے طرح دنیا وچ ہر دوجا بندہ ، کجھ نئیں ہیگا سگوں خُدا دے اگے صرف مخلوق تے بندے آں ۔ پر جد اسیں یسوع دے جمن اُتے تے اوہ جد پئی ایس زمین اُتے کیہ مکمل کر چُکیا سی دھیان کردے آں، اسیں سارے سوچ سکدے آں پئی اوہ باقی تِن سیانیاں وانگر صرف ا ک بندہ نئیں ہیگا ۔ اوہ اپنے آپ خُدا اے جیہڑا ، سارے لوکاں نوں بچاؤن لئی ، اک بندے دے روپ وچ ایس زمین اُتے آیا ، اپنے بپتسمے دے سبب ساڈے سارے پاپاں نوں چُک لیا ، ساڈی تھاں اُتے ساڈے پاپاں دی ساری سزا لے لئی ، تے اِنج لوکاں نوں پاپ توں چھڈاؤن دا کم پورا کر دتا ۔
مسیح دا جمنا دوجیاں لوکاں دے جمن توں وکھ سی ۔ بچے اک بندے تے زنانی دے ملاپ نال جم دے نیں ۔ ایس طرح ہر کوئی ایس دنیا وچ جم دا اے ۔ پر یسوع اک کواری وچوں جمیا سی جیہڑی بندے نوں کدی نئیں ملی سی ۔سانوں لوکاں نوں بچاؤن لئی ، تے یسعیاہ نبی دے راہیں ست سو ورہے پہلوں نبوّتی کلام دی پیشین گوئی دے پورے ہون لئی ، یسوع ، جیہڑا آپ خُدا اے ، اک بندے دے بدن وچ ، یعنی اک کواری دے بدن دے سبب زمین اُتے جمیا (یسعیاہ ۷:۱۴)۔ تے جد پئی ایس زمین اُتے نا صرف اوہنے مویاں نوں زندہ کیتا تے روگیاں تے ،مفلوجاں نوں شفا دتی ، سگوں اوہنے جگ دے سارے پاپاں نوں وی مکا دتا ۔
خُدا ، مخلوق دا خُداو ند جنہے سارے جگ نوں بنایا ،ایس زمین اُتے آیا تے تھوڑے چر لئی ، سارے لوکاں نوں اوہناں دے پاپاں توں بچاؤن لئی آپ بندہ بن گیا ۔ ایس لئی سانوں لازمی یسوع اُتے ایمان رکھنا چاہی دا اے ، سب توں پہلوں ، ایس لئی پئی اوہ آپ خُدا اے ۔ دوجا ، ایس لئی پئی اوہنے ساڈے سارے پاپاں نوں چُک لیا ، تاں پئی ساڈے ناں حیاتی دی کتاب وچ لکھے جان ، تے سانوں خُدا دے بے پاپ پُتر بنا لیا ۔ اک وار ایس زمین اُتے جمن دے بعدوں ، اسیں ساریاں نیں لازمی اک وار مرنا اے ، تے ساڈی موت دے بعدوں لازمی ساڈے ساریاں دی عدالت ہونی اے ۔
پر یسوع ایس زمین اُتے آیا ، یوحنا کولوں لَئے گئے اپنے بپتسمے نال ساڈے سارے پاپاں نوں چُک لیا ، ساڈے بدلے سولی اُتے دکھ جرے ، تے اِنج ساڈے وچوں اوہناں نوں جیہڑے اوہدے اُتے ایمان رکھدے نیں اسمانی ہمیش دی بادشاہی وچ سدا لئی اوہدے نال زندہ رہن دے لائق بنایا ۔دوجے اکھراں وچ ، سانوں ساڈے پاپاں دی سزا توں بچاؤن لئی خُدا نے آپ ساڈے سارے پاپاں نوں ساڈے توں وکھ کیتا ۔ ایس لئی سانوں ساریاں نوں لازمی یسوع اُتے ، اکو اک اُتے جیہڑا مکتی داتا بن گیا اےایمان رکھناچاہی دا اے۔
یسوع صرف اک بندہ نئیں ہیگا ، ایس لئی پئی خُدا نے لوکاں ناں وعدہ کیتا پئی اوہ اوہناں نوں بچاوے گا،تے ایس وعدے نوں پورا کرن دے سبب اوہ اک کواری دے بدن دے راہیں بندے دے بدن وچ ایس زمین اُتے آیا ، تے ایس لئی پئی اوہنے بناں شک ساریاں نوں اوہناں دے پاپاں توں بچایا ، سانوں ساریاں نوں لازمی یسوع اُتے ایمان رکھنا چاہی دا اے ، جیہڑا آپ خود خُدا اے ۔ جد اسیں ٹھیک طریقے نال یسوع اُتے ایمان رکھدے آں ، ساڈے ناں حیاتی دی کتاب وچ لکھے جاندے نیں ۔ خُدا نے سانوں دسیا پئی صرف پانی تے رُوح نال نویں سریوں جمن دے سبب اک بندہ اسمانی بادشاہی نوں ویکھ سکدا تے اوہدے وچ جا سکدا اے ۔ سانوں ساریاں نوں لازمی یسوع اُتے ایمان رکھنا چاہی دا اے ۔
 
 
یسوع جیہڑا اسمانی راہ بن گیا
 
فیر ، سانوں لازمی جاننا چاہی دا اے کویں ٹھیک طریقے نال یسوع ساڈے سارے پاپاں نوں مکاچُکیا اے ۔ ایس زمین اُتے آکے ، یسوع نے یردن دے دریااُتے یوحنا کولوں بپتسمہ لیا (متی۳ :۱۳ ۔۱۷)۔ اوہنے اپنا بپتسمہ یوحنا کولوں لیا تاں پئی اوہ سارے لوکاں دے سارے پاپا ں نوں (تہاڈے تے میرے سارے پاپ رلاؤندے ہویاں ) چُک سکے ۔ یوحنابپتسمہ دین والے ،سارے لوکاں دے نمائندے د ے ہتھاں دے سبب سارے لوکاں دا ہر اک پاپ یسوع اُتے لدیا گیا سی ۔اِنج یوحنا دے راہیں اپنے آپ اُتے جگ دے سارے پاپاں نوں چُکن دے بعدوں ، فیر یسوع نے سولی اُتے اپنے لہو وگایا تے ایہدے اُتے مر گیا ۔ فیر اوہ تریجے دیہاڑے مویاں وچوں جیوں اُٹھیا ۔
ساڈا خُداوند وعدہ کر چُکیا اے پئی جیہڑ اوی اوہدے اُتے ایمان رکھے گا سدا دی زندگی پاوے گا ۔ خُدا مقرر کر چُکیا اے پئی جیہڑا وی سچیائی اُتے ایمان رکھدا اے پئی یسوع نے اپنے آپ اُتے اوہدے سارے پاپ چُک لَئے تے سولی اُتے ایہناں پاپاں دی ساری سزا لَئے لئی اگ دی جھیل وچ سُٹیا نئیں جاوے گا ، سگوں ایہدی بجائے اوہدا ناں حیاتی دی کتاب وچ لکھیا جاوے گا ۔
یسوع یوحنا ۱۴ : ۶ وچ فرماندا اے ، ” مَیں ای راہ تے سچیائی تے زِندگی آں۔ میرے بِناں کوئی باپ دے کول نئیں آؤندا۔ “ سارے لوکاں نوں لازمی یسوع اُتے ایمان رکھنا چاہی دا اے جیہڑا اسمانی راہ بن گیا اے ۔ یسوع ساڈا مکتی داتا اے ۔ یسوع ساڈا خُدااے ۔ یسوع ایس دنیا وچ اکو تے اکلی اصل سچیائی اے ۔ تے یسوع زندگی دا خُداوند اے ۔ پکا یقین کرن لئی پئی ساڈے ناں حیاتی دی کتاب وچ لکھے ہوئے نیں تے یعنی اِنج اسیں اسمانی بادشاہی وچ جی آیاں نوں آکھے جاواں گے ، سانوں ساریاں نوں لازمی
یسوع اُتے ایمان رکھناچاہی دا اے ۔
ایس لئی پئی یسوع نے اصل وچ یردن دے دریااُتے یوحنا بپتسمہ دین والے کولوں اپنا بپتسمہ لین دے سبب اپنے آپ اُتے ساڈے سارے پاپ چُک لَئے ، سانوں لازمی اوہدے اُتے ایمان رکھنا چاہی دا اے ، یعنی اکو جیہڑا فدیہ دین والا مکتی داتا بن گیا اے ۔ تے ایس لئی پئی یسوع نے ساڈی ساری مکتی نوں سولی اُتے قربان ہون تے ساڈے پاپاں دی سزادے وانگر سولی اُتے اپنا لہو وگاؤن دے سبب کامل کر دتا یعنی تُسیں تے میَں ہُن اسمان اُتے جا سکدے آں ۔
یسوع نے فیصلہ کر لیا اے پئی کیہڑے اگ دی جھیل وچ سُٹے جان گے ۔ اوہ جیہڑے ایمان نئیں رکھدے تے جیہڑے ڈرپوک نیں سارے اگ دی جھیل وچ سُٹے جان گے ۔نا صرف اوہ آپ اپنے گھٹ ایمان دے سبب اگ دی جھیل وچ سُٹے جان گے ،سگوں ایسےطرح اوہناں دی اولاد تے آؤن والیاں نسلاں وی سُٹیاں جان گئیاں ۔ کسے بندے نوں رُوحانی تے بدنی بھلیائی تیکر اپڑن لئی ، ہر کسے نوں لازمی بنا ں شک تے حتمی طور اُتے یسوع اُتے ایمان رکھنا چاہی دا اے ۔
 
 
کیہ ہوندا جے یسوع نے اپنا بپتسمہ نا لیا ہوندا ؟
 
خُدا اکو ہستی اے جیہڑا ہربندے نوں اپنیاں برکتاں یا لعنتاں دیندا اے ۔ایس لئی سانوں لازمی اوہدے اُتے ایمان رکھنا چاہی دا اے ۔ کیہ تُسیں جان دے او کیو ں بوہت سارے لوکاں دیاں زندگیاں اینیاں وچاریاں نیں ، کیوں ایس زمین دیاں قوماں ڈگدیاں نیں ؟ اِنج ہوندا اے ایس لئی پئی خُدا نے فرما یا اے پئی اوہ اوہناں اُتے آؤن والیاں تِن چار نسلاں تیکر لعنت کرے جیہڑے اوس توں نفرت کردے نیں تے بُتاں دی پوجا کردے نیں ۔ پر اوہنے ایہہ وی فرمایا پئی اوہ اوہناں دیاں آؤن والیاں ہزار نسلاں نوں برکت دیوے گا جیہڑے خُدا دی سیوا کردے تے محبت کردے تے اوہدے حکماں اُتے عمل کردے نیں
(خروج ۲۰:۵۔۶)۔
ایہدا ایہہ مطلب نئیں ہیگا پئی جےکوئی کسے طرح یسوع اُتے ایمان رکھدا اے اوہ شرطوں اڈ طریقے نال برکت یافتہ ہووے گا ۔ کسے نوں لازمی اوہدے بارے وچ ٹھیک تعلیم نال یسوع اُتے ایمان رکھنا چاہی دا اے ۔ دوجے اکھراں وچ ، جے لوک ایمان رکھدے نیں پئی یسوع آپ ای خُدا اے جیہڑاایس زمین اُتے آیا ، یعنی اوہنے اپنے بپتسمے نال اپنے آپ اُتے ایہناں پاپاں نوں لین دے سبب اوہناں دے سارے پاپاں نوں پاک کر دتا ، تے یعنی اوہناں دی تھاں اُتے سولی اُتے مرن دے سبب اوہناں دا اصلی مکتی داتا بن گیا اے ۔ مختصر ، جے اوہ ایمان رکھدے نیں ، یعنی یسوع اوہناں دا اپنا خُدا تے اوہناں دا اپنا مکتی داتا اے تاں خُدا نے فرمایا پئی اوہ فیر اوہناں نوں جیہڑے ایمان رکھدے نیں ایس طرح آؤن والیاں ہزار نسلاں تیکر برکت دیوے گا ۔
پر اوسے ویلے ، خُدا ساڈے نال ایہہ وی وعدہ کر چُکیا اے پئی اوہ اوہناں دیاں آؤن والیاں تِن ، چار نسلاں اُتے لعنت کرے گا جیہڑے یسوع اُتے ایمان نئیں رکھدے ۔ ایس لئی ہرکسے نوں ،کوئی معنی نئیں رکھدا اوہ کیہڑا ہو سکدا اے ، لازمی یسوع اُتے ایمان رکھناچاہی دا اے ، تے ہر کسے نوں لازمی جاننا تے پانی تے رُوح دی نویں سریوں جمن دی سچیائی اُتے ایمان رکھنا چاہی دا اے ۔ اوہ جیہڑے اِنج دا ایمان رکھدے نیں اپنے سارے پاپاں توں معاف ہون گے ، سدا دی زندگی پاؤن گے ، اسمان اُتے جان گے ، ایسے طرح ، جد پئی ایس زمین اُتے ، ساریاں برکتاں پاؤن گے جیہڑیاں خُدا پہلوں ابرہام نوں دے چُکیا سی ۔
سانوں ساریاں نوں لازمی اوہدے کلام اُتے زندہ رہنا چاہی دا اےجیہڑا خُدا ساڈے لئی مقرر کر چُکیا اے ، تے ساڈا ایمان لازمی خاص کر کے کلام دے مطابق جویں ایہہ لکھیا ہویا اے ہونا چاہی دا اے ۔ سانوں لازمی سوچنا تے سچیائی اُتے ایمان رکھنا چاہی دا اے پئی اوہ جیہڑے خُدا اُتے ایمان نئیں رکھدے اگ دی جھیل وچ سُٹے جان گے ، پر یعنی اوہ جیہڑے ایمان رکھدے نیں ، ایہدے اُلٹ ، اوہناں دے ناں حیاتی دی کتاب وچ لکھے جان گے تے نویں اسمان تے نویں زمین اُتے جی آیاں نوں آکھے جان گے ۔ تے سانوں لازمی ایہہ وی ایمان رکھنا چاہی دا اے پئی ساڈے وچوں اوہ جیہڑے ایمان رکھدے نیں فیر زندہ ہون گے ۔ یعنی اسیں نویں سریوں جم دے آں ممکن طریقے نال صرف پانی تے رُوح دی خوشخبری دے سبب ہوندا اے ۔
جویں کوئی پانی دے بغیر زندہ نئیں رہ سکدا ، پانی دی خوشخبری ، لہو دی خوشخبری دے نال نال ، ساڈی
مکتی لئی بوہت اہم اے ۔ جدیسوع نے بپتسمہ لیا ،اوہنے اپنے آپ اُتے ساڈے سارے پاپاں نوں چُک لیا ۔ تے اوہنے پانی وچ غوطہ لیا تے فیر پانی توں اُتے آیا ۔ ایہدا مطلب سولی اُتے اوہدی موت تے اوہداجیوں اُٹھنا سی ۔ دوجے اکھراں وچ ، ساڈا خُداوند ساڈی تھاں اُتے ساڈے سارے پاپاں لئی پرکھیا گیا ۔ تے خُداوند دا پانی توں باہر آؤنا اوہدے جیوں اُٹھن نوں ظاہر کردا اے ۔ ایہدا مطلب ساڈا اپنا جیوں اٹھنا وی اے ، یعنی ساڈے وچوں اوہناں دا جیوں اٹھنا جیہڑے ایمان رکھدے نیں ۔
اسیں کامل طریقے نال ایمان رکھدے آں پئی یسوع نے اپنے بپتسمے نال ساڈے پاپاں نوں چُک لیا ۔ جے یسوع نے اپنا بپتسمہ نا لیا ہوندا ، ساڈے نال کیہ واقع ہوندا؟ ساڈے لئی اگ دی جھیل توں بچن دا کوئی راہ نا ہوندا ۔ بالکل جویں مینہ دے بغیر کوئی ایس دنیا وچ زندہ نئیں رہ سکدا ، زمین دا سیارہ پانی دے سببوں وجود رکھدااے ۔ ایسے طرح ، یسوع دا بپتسمہ ساڈے لئی اہم اے ۔ سولی اُتے اوہدی موت وی ، برابر طریقے نال اہم اے ،ایس لئی پئی ایہدا مطلب سی پئی اوہ ساڈی تھاں اُتے ساڈے پاپاں دے بدلے پرکھیا گیا سی۔ جے اسیں خُدا دی لعنت تے سزاتوں چھُٹنا چاؤہندے آں ، سانوں لازمی خاص کر کے یسوع اُتے ایمان رکھنا چاہی دا اے ، تے جے اسیں اپنے پاپاں توں پاک ہونا چاؤہندے آں ، سانوں لازمی ایمان رکھنا چاہی دا اے پئی ساڈے سارے پاپ یسوع اُتے لدے گئے سن جد اوہنے بپتسمہ لیا سی۔
مسیحی ایمان کدی ایس قِسم دا دین نئیں ہیگا جیہدے توں لوک ڈر کے کمبدے نیں ۔ ہر کسے نوں لازمی یسوع اُتے ایمان رکھنا چاہی دا اے۔ نویں سریوں جمیاں نوں لازمی نویں سریوں جمی ہوئی کلیسیا وچ آنا چاہی دا اے تے ایمان نال پرورش پاؤن لئی کلام نوں سُننا چاہی دا اے ۔
کئی لوک دعویٰ کردے نیں کسے نوں لازمی یسوع اُتے ایمان رکھنا چاہی دا اے تے مکتی یافتہ ہون تے برکتاں پاؤن لئی چنگے کم کرنے چاہی دے نیں ، پر ایہہ سارے جھوٹے لوکاں دا صرف فریب بازی دا دعویٰ اے ۔ بناں شک ، سانوں لازمی پرہیزگار مسیحیاں وانگر چنگے کم کردے ہویاں زندہ رہنا چاہی دا اے ، پر جتھوں تیکر ساڈی مکتی دے بنیادی مسئلے دا تعلق اے ، ساڈی عادت اینی بھیڑی اے پئی ساڈے وچوں اک وی بندہ کدی اپنی بدنی زندگی سوفیصد کامل ہوکے نئیں بسر کر سکدا ۔ ایس لئی اوہ لوک جیہڑے دعویٰ کردے نیں پئی کسے بندے نوں لازمی چنگیاں کماں دے سبب بچنا چاہی دا اے ، سارے جھوٹے نیں جیہڑے پانی تے رُوح دی خوشخبری نوں نئیں جان دے تے اوہ لوکاں نوں دھوکہ دیندے نیں ۔
جد اسیں اپنے آپ نوں پچھان دے آں یعنی اسیں مُڈھلےطوراُتے پاپ کرن دا لیکھ رکھدے
آں ،جد اسیں بپتسمہ اُتے جیہڑا یسوع مسیح نے لیا تے سولی ول دھیان دیندے آں جیہڑی اوس نے خُدا دے لکھے ہوئے کلام دے مطابق ساڈے لئی چُکی ، تے جد اسیں ایہناں ساریاں شیواں نوں قبول کردے آں ، صرف فیر اسیں راستباز بن سکدے آں ، جنہاں دے دل بے پاپ نیں ، تے اسمان اُتے جان دے لائق نیں ۔ پاک رُوح دے ساڈے وچ وسن تے ساڈی اگوائی کرن توں پہلوں ، ساڈے وچوں کوئی وی کدی نیک نئیں ہوسکدا ،کوئی معنی نئیں رکھدا کنی بوہت کوشش اسیں کر سکدے آں ۔
خُدا نے ساڈے سارے پاپ مکاؤن دے سبب سانوں بچایا ۔ سانوں سدا تیکر بلن والی اگ دی جھیل وچ سُٹن دے بجائے ، اوہ ساڈے ناں حیاتی دی کتاب وچ لکھ چُکیا اے ،سانوں نواں اسمان تے نویں زمین دے چُکیا اے ،تے ،جویں ووہٹیاں لاڑے لئی اپنے آپ نوں تیار کر چُکیاں نیں ،اوہ ، وی ، سانوں بوہت پاک تے بوہت سوہنے گھر ، باغ ، تے پھُل دے چُکیا اے ۔تے اوہ ساڈے توں سارے روگاں نوں وی لَے لَے گا ، تے اپنی بادشاہی وچ سدا تیکر ساڈے نال زندہ رہوے گا ۔ سانوں لازمی اپنی بعد دی زندگی لئی یسوع اُتے ایمان رکھنا چاہی دا اے، پر سانوں لازمی اپنی موجودہ زندگیاں لئی وی اوہدے اُتے ایمان رکھنا چاہی دا اے ۔اپنے بچیاں لئی ، وی ، سانوں لازمی ایمان رکھنا چاہی دا اے۔
کیہ تُسیں اسمان اُتے اپنے آپ نوں جی آیاں نوں اکھواؤنا چاؤہندےاو، یا کیہ تُسیں اگ دی جھیل وچ جانا چاؤہندے او ؟ کس طرح دی وراثت تُسیں اپنے بچیاں نوں دیووگے ؟ ایتھوں تیکر پئی جےتُسیں یسوع اُتے ایمان دے سببوں کسےتنگی یاں دکھ داسامناکردے او ، تہانوں لازمی فیر وی اوہدے اُتے ایمان رکھنا چاہی دا اے، اِنج کرن نال دونواں تہانوں تے تہاڈے بچیاں نوں وڈیاں برکتاں ملن گئیاں ۔
میرے سوہنے پاک لوکو، اپنے کلام دے سبب ، خُدا سانوں سبب دس چُکیا اے کیوں سانوں لازمی پانی تے رُوح دی خوشخبری دی منادی کرنی چاہی دی اے ، تے سبب کیوں ساڈے خنوادیاں نوں وی لازمی مکتی یافتہ ہونا چاہی دااے ۔ میَں اپنے خُداوند دا شکر ادا کردا ہاں۔