خطبے

مضمون 10: مُکاشفہ(مُکاشفہ دی کتاب اُتے تفسیر)

[22-1باب] (مُکاشفہ ۲۲:۱۔۲۱) نواں اسمان تےنویں زمین جِتھے حیاتی دا پانی وگدااے

(مُکاشفہ ۲۲:۱۔۲۱)
” فیر اوس مَینُوں بلّور وانگر چمکدا ہویا حیاتی دے پانی دا اِک دریا وکھایا جیہڑا خُدا تے لیلے دے تخت وِچوں نِکل کے اوس شہر دی سڑک دے وِچ پیا وگدا سی۔تے دریا دے پرلے وار حیاتی دا بُوٹا سی۔ اوہنوں باراں قِسماں دے پَھل لگدے سن تے ہر مہینے پَھلدا سی۔ تے اوس بُوٹے دے پَتّراں توں قوماں نُوں شفا مِلدی سی۔تے فیر لعنت نا ہوئے گی تے خُدا تے لیلے دا تخت اوس شہر وِچ ہوئے گا۔ تے اوہدے بندے اوہدی بندگی کرن گے۔تے اوہ اوہدا مُنھ ویکھن گے تے اوہدا ناں اوہناں دیاں متّھیاں اُتّے لِکھیا ہویا ہوئے گا۔تے فیر رات نا ہوئے گی۔ تے اوہناں نُوں دِیوے تے سُورج دی روشنی دی لوڑ نئیں ہوئے گی۔ کیوں جو خُداوند خُدا اوہناں نُوں روشن کرے گا۔ تے اوہ ہمیشہ تیکر بادشاہی کرن گے۔فیر اوس مَینُوں آکھیا پئی ایہہ گلّاں سَچ تے برحق نیں تے خُداوند نے جیہڑا نبیاں دِیاں رُوحاں دا خُدا اے اپنے فرِشتے نُوں ایس لئی گھلّیا پئی اپنیاں بندیاں نُوں اوہ گلّاں وکھائے جیہڑیاں ضرُور چھیتی ہونیاں نیں۔تے ویکھ مَیں چھیتی آؤن والا آں۔ مُبارک اوہ اے جیہڑا ایس کتاب دی نبُوّت دِیاں گلّاں اُتّے عمل کر دا اے۔مَیں اوہ ای یُوحنّا آں جیہڑا ایہناں گلّاں نُوں سُندا تے ویکھدا ساں۔ تے جد مَیں سُنیاں تے ویکھیاں تَد جیہڑے فرِشتے مَینُوں ایہہ گلّاں وکھائیاں مَیں اوہدیاں پیراں اُتّے سجدہ کرن لئی ڈِگّ پیا۔اوس مَینُوں آکھیا خبردار ایہہ نا کر مَیں تیرے نال دا تے تیرے بھراواں نبیاں دے نال دا تے ایس کتاب دِیاں گلّاں اُتّے عمل کرن والیاں دے نال دا بندہ آں۔ خُدا نُوں ای سجدہ کر۔فیر اوس مَینُوں آکھیا ایس کتاب دی نبُوّت دِیاں گلّاں اُتّے مُہر نا لا۔ کیوں جو ویلا نیڑے آگیا اے۔جیہڑا بُرائی کر دا اے۔ بُرائی ای کر دا رہے۔ تے جیہڑا پلِیت اے پلِیت ای روے۔ تے جیہڑا راستباز اے اوہ راستبازی ای کر دا رہے تے جیہڑا پاک اے۔ پاک ای ہوندا رہے۔ویکھ مَیں چھیتی آؤن والا آں تے ہر اِک دے کمّاں دے سببّوں بدلہ دینا میرے کول اے۔مَیں الفا تے اومیگا اوّل تے اخِیر۔ شُروع تے چھیکڑ آں۔مُبارک نیں اوہ جیہڑے اپنے کپڑے دھوندے نیں۔ کیوں جو زِندگی دے بُوٹے کول آؤن دا اختیار پان گے تے اوہناں پھاٹکاں توں شہر وِچ داخل ہون گے۔پر کُتّے تے جادُوگر تے حرامکار تے خُونی تے بُت پرست تے جُھوٹھی گلّ دا ہر اِک پسند کرن تے گھڑن والا باہر رہوے گا۔مَیں یِسُوع اپنا فرِشتہ ایس لئی گھلّیا۔ پئی کلِیسیاواں دی بابت تُہاڈے اگّے ایہناں گلّاں دی گواہی دے۔ مَیں داؤد دی اصل تے نسل تے صُبح دا چمکدا ہویا تارا ہاں۔رُوح تے وَوہٹی آکھدے نیں پئی آ تے سُنن والا وی آکھے آ تے جیہڑا تریہایا اے آوے تے جیہڑا چاہے حیاتی دا پانی مُفت لے لَئے۔مَیں ہر اِک بندے اگّے جیہڑا ایس کتاب دی نبُوّت دِیاں گلّاں سُندا اے گواہی دینا آں۔ پئی جے کوئی بندہ ایہناں وِچ کُجھ وَدھائے تے خُدا ایس کتاب وِچ لِکھیاں ہوئیاں آفتاں اوہدے اُتّے وَدھائے گا۔تے جے کوئی ایس کتاب دی نبُوّت دِیاں گلّاں وِچوں کُجھ کڈھے تے خُدا اوس زِندگی دے بُوٹے تے پاک شہر وِچوں جِنہاں دا ایس کتاب وِچ ذِکر ہویا اے اوہدا حِصّہ کڈھ چھڈے گا۔جیہڑا ایہناں گلّاں دی گواہی دیندا اے۔ اوہ ایہہ آکھدا اے۔ پئی بے شک مَیں چھیتی آؤن والا آں۔آمِین اَے خُداوند یِسُوع آ۔خُداوند یِسُوع دا فضل پاک لوکاں دے نال رہے۔ آمِین۔“
 
 
تفسیر
 
آیت ۱: فیر اوس مَینُوں بلّور وانگر چمکدا ہویا حیاتی دے پانی دا اِک دریا وکھایا جیہڑا خُدا تے لیلے دے تخت وِچوں نِکل کے اوس شہر دی سڑک دے وِچ پیا وگدا سی۔
ایتھے ایہہ آیت فرماندی اے پئی یوحنا نوں ” بلّور وانگر چمکدا ہویا حیاتی دے پانی دا اِک دریا “ وکھایا گیا سی ۔ اکھرپانی ایس دنیا وچ زندگی د ے مترادف وانگر ورتیا جاندا اے ۔ ایہہ آیت سانوں ایتھے دسدی اے پئی ایہہ حیاتی دا پانی نویں اسمان تے نویں زمین اُتے وگدا اے جتھے پا ک لوک ہمیش تیکر زندہ رہن گے ۔ لیلے دے تخت وچوں وگدا ہویا ، حیاتی دے پانی دا دریا اسمانی بادشاہی نوں تر کردا اے تے ساریاں شیواں نوں نواں بناؤندا اے ۔ جملہ، ” لیلے دے تخت “ وچ، ”لیلا“ یسوع مسیح بارے دسدا اے ، جیہڑا جد پئی ایس زمین اُتے پانی تےروح دی خوشخبری نال سارے لوکاں نوں بچا چُکیا اے ۔
نویں اسمان تے نویں زمین اُتے جیہڑے خُدا اپنے پاک لوکاں نوں دے چُکیا اے ، حیاتی دا پانی وگدا
اے ۔ ایس لئی پئی ایہہ باغ ایناں صاف تے شفاف اے جنی اک سوہنی رنگلی پانی دی تصویر ہوندی اے ، ایہہ صرف خیالی منظر وانگر دسیا جا سکدا اے ۔ حیاتی دا پانی جیہڑاخُدا سانوں دے چُکیا اے صرف اک عام دریا نئیں ہیگا ، سگوں ایہہ اوہ پانی اےجیہڑا اوتھے ساریاں جیوندیاں شیواں نوں زندگی دے چُکیا اے ۔ ایسے طرح ، ہر شے وچ زندگی ودھدی اے جیہڑی ایس زندگی دے دریانال چھوجاندی اے ۔ پاک لوک جنہاں نوں حیاتی دے پانی دے ایس دریا دے کنارے اُتے رہنا اے ایہدا پانی پین گے ، ہمیش دی زندگی داسواد لین گے تے ہمیش تیکر زندہ رہن گے ۔
حیاتی دے پانی دا دریا خُدا تے لیلے دے تخت وچوں وگدا اے ۔ پاک لوک رہ نئیں سکدے سگوں اسمان دی نویں بادشاہت وچ خُدا تے لیلے دے تخت دی وڈیائی کردے نیں ، ایس لئی پئی خُدا اوہناں اُتے اپنی زندگی دا فضل ڈوہل چُکیا اے ۔ میَں شکر گزار ہاں پئی ایس نویں زندگی دا سارا فضل خُداوند دے تخت وچوں وگدا اے ۔
 
آیت ۲: تے دریا دے پرلے وار حیاتی دا بُوٹا سی۔ اوہنوں باراں قِسماں دے پَھل لگدے سن تے ہر مہینے پَھلدا سی۔ تے اوس بُوٹے دے پَتّراں توں قوماں نُوں شفا مِلدی سی۔
اپنے پاک لوکاں اُتے خُداوند دیاں حیران کرن والیاں برکتاں دی نمائش اسمان اُتے جاری اے ۔ ایس لئی کلام سانوں ایتھے دسدا اے پئی خُداوند سانوں دریا دےوار پار زندگی دا درخت دیوے گا تے سانوں اوہدا پھل کھان دی اجازت دیوے گا ۔ زندگی دا درخت جیہدے وچ باراں قِسماں دے پھل پیدا ہوندے نیں، ہر مہینےاپنا نواں پھل، نویں زندگی دی طاقت لیاؤند ے ہویاں پیدا کردا اے ۔ ایتھے ایہہ وی آکھیا گیا اے پئی ایہدے پتے قوماں دی شفا لئی نیں ۔
ایس لئی پئی فضل جیہڑا خُداوند اپنے پاک لوکاں اُتے ڈوہل چُکیا اے ایناں وڈا تے احسان مند اے ، سارا کجھ جیہڑا اسیں کر سکدے آں صرف اوہدی تے خُدا باپ دی وڈیائی کرنا اے ۔ ہُن، سارا کُجھ جیہڑا پاک لوکاں نوں کرنا چاہی دا اے اپنے آپ دی کوشش نال خُداوند لئی کُجھ ودھیا کم کرن دی تمنا نئیں کرنی چاہی دی ، سگوں ایہدی بجائے اوہناں نوں نواں اسمان تے نویں زمین تے نویں زندگی دین لئی اپنے شکرگزار دلاں نال ، خُدا دی وڈیائی کرنی چاہی دی اے ۔ میَں خُداوند دی پاک لوکاں دےدلاں نو ں صرف ایہہ آکھن دے لائق کرن لئی وڈیائی کردا ہاں ،”اے خُداوند،تیراشکر ہوئے ! ہیلیلویاہ !“
آیت ۳: تے فیر لعنت نا ہوئے گی تے خُدا تے لیلے دا تخت اوس شہر وِچ ہوئے گا۔ تے اوہدے بندے اوہدی بندگی کرن گے۔
اسمانی بادشاہی وچ رہن والے پاک لوکاں اُتے ، خُدا سدا لئی لعنت نوں وڈن دی برکت دے چُکیا اے ۔ یعنی خُدا تے لیلے دا تخت پاک لوکاں دے وچکار اے سانوں وکھاؤندا اے پئی پاک لوک جیہڑےاسمانی بادشاہت وچ رہندے نیں لیلے نوں اپنے دلاں وچکار رکھدے نیں ۔ ایس لئی ، پاک لوکاں دے دل سدا خوبصورتی تے سچیائی نال بھرے ہوئے نیں ،اوہناں دیاں زندگیاں خوشی نال بھریاں ہویاں نیں ۔
ایس جملے نال پئی ، ” اوہدے بندے اوہدی بندگی کرن گے۔ “ اسیں ویکھدے آں پئی پاک لوکاں اسمانی بادشاہت وچ رہندے ہویاں ، اوہدے بوہت نیڑے ہوکے خُداونددی سیوا کرن دے جلال دے کپڑے پائے ہوئے نیں ۔ اسمانی بادشاہت ، جتھے ساڈا خُداوند رہند ا اے بوہت سوہنی تے شان والی بادشاہت اے ۔
ایسے طرح ، اوہدے پاک لوک جیہڑے اوہدی سیوا کردے نیں خُداوند دے بالکل اگے نیڑے ہو کے ، اوہدے سارے جلال نال شادمان ہو سکدے نیں ۔ ایہہ حوالہ سانوں دسدا اے پئی اسمانی بادشاہی وچ وی ، خُداوند دے خادم موجود ہون گے ۔اکھر خادم ایہو جیہا اکھر اے جیہڑا اپنے آپ دے انکار بارے دسدا اے ، پر خادم جیہڑے ساڈے جلالی خُداوند دی ، اوہدے نیڑے ہو کے سیوا کر سکدے نیں اوہ اسمانی بادشاہی وچ بوہت مبارک لوک وی نیں ، ایس لئی پئی اوہناں ایہو جیہی نا دسی جان والی وڈی شان و شوکت دے کپڑے پائے ہوئے نیں ۔ اوہ جیہڑے اسمانی بادشاہی وچ تے ایس زمین اُتے خُداوند دے خادم بن گئے نیں اوہ لوک نیں جیہڑے اسمان دے سارے جلال دے کپڑے پان گے تے جیہڑے سب توں بوہتے چنگے لیکھاں والے نیں ۔
 
آیت ۴: تے اوہ اوہدا مُنھ ویکھن گے تے اوہدا ناں اوہناں دیاں متّھیاں اُتّے لِکھیا ہویا ہوئے گا۔
خُداونددے پاک لوک تے خادم سارے کیہدے نال میل جول رکھدے نیں ؟ اوہ خُداوندنال میل جول رکھدے نیں ۔ اوہ خُداونددے لوک تے خُدا دے پُتر نیں ۔ ایس لئی اوہ جیہڑے اسمانی بادشاہی وچ خُداوند دی سیوا کردے نیں ، اپنے متھیاں اُتے خُداونددا لکھیا ہویا ناں رکھدے نیں ۔ خُداوند سدا اوہناں دی راکھی کردا تے برکت دیندا اے ، ایس لئی پئی اوہ اوہدے اپنے بن گئے نیں ۔ یعنی پاک لوک اوہدے بن گئے نیں دا مطلب اے پئی اوہ اک بوہت خوش تے جلالی شان تے شوکت دے کپڑے پا چُکے نیں ۔ اوہ جیہڑے اوہدے بنن توں شرمندہ تے خُداونددے خادم نیں اوہ نیں جیہڑے اپنی شان و شوکت نوں نئیں جان دے ، تے اوہ کدی اسمانی شہری نئیں بن سکدے ۔
اسمان اُتے رہن والے پاک لوکاں دے متھیاں اُتے ، خُداونددا ناں لکھیا ہویا اے ۔ ایہہ خُداوند ولوں گھلی گئی اک برکت اے ۔ ہُن توں اگانہہ ، پاک لوک اوہدے بن گئے نیں ۔ ایسے طرح ، ایتھوں تیکر پئی شیطان پاک لوکاں نوں نقصان نئیں پوہنچا سکدا جیہڑے خُداونددے بن گئے نیں ۔ پاک لوکاں تے خُداوند نوں اسمانی ساری شان وشوکت وچ ہمیش تیکر زندہ رہنا اے ۔ یعنی پاک لوک ہر روز خُداوند دا جلالی چہرہ ویکھن گے دا مطلب ہیگا اے پئی اوہ اوہدی محبت تے حیران کرن والیاں برکتاں وچ سدا لئی ہمیش تیکر زندہ رہن گے ۔
اک ہور شے اے جیہڑی پاک لوکاں نوں جاننی چاہی دی اے : خُداوندیسوع دے نال نال ، خُدا باپ تے پاک رُوح وی اوہناں دے نال اوہناں دے خنوادے وانگر ہون گے ۔ سانوں لازمی نئیں بھلنا چاہی دا پئی اسمانی بادشاہی وچ ، خُدا باپ،اوہداپُتر یسوع ، پاک رُوح، پاک لوک تے فرشتے تے ساریاں شیواں اک خنوادے وانگر تے کامل سلامتی نال رَل مِل کے رہن گے ۔ میَں خُداوند دی سانوں اپنے بنان لئی وڈیائی کردا ہاں ۔
 
آیت ۵: تے فیر رات نا ہوئے گی۔ تے اوہناں نُوں دِیوے تے سُورج دی روشنی دی لوڑ نئیں ہوئے گی۔ کیوں جو خُداوند خُدا اوہناں نُوں روشن کرے گا۔ تے اوہ ہمیشہ تیکر بادشاہی کرن گے۔
جویں پئی پاک کلا م سانوں ایتھے دسدا اے ، پئی پاک لوک خُداوندنال نویں اسمان تے نویں زمین اُتے بادشاہی کرن گے ۔ اوہ جیہڑے پانی تے رُوح دی خوشخبری اُتے ایمان رکھن دے راہیں اوہدے پاک لوک بن گئے نیں مکتی پاچُکے نیں جیہڑی اوہناں نوں خُداوند نال اسمان اُتے بادشاہی کرن تے اوہدی دولت ، شان وشوکت تے اختیار وچ سدا تیکر زندہ رہن دے لائق بنائے گی ۔ اک واری فیر اسیں ایس خوشخبری
توں حیران ہوندے آں ، ایس لئی پئی کنی اچرج قدرت تے برکت دی خوشخبری ساڈے کول اے !
میَں اپنے تثلیث دے خُدا دی ایہناں ساریاں برکتاں تے جلال لئی وڈیائی کردا ہاں ۔ پاک لوک جنہاں نیں جد پئی ایس زمین اُتے پانی تے رُوح دی خوشخبری اُتے ایمان رکھیا اسمانی بادشاہت وچ بادشاہی کرن گے ۔ ایہہ برکت کنی ودھیا اے ! اسیں رہ نئیں سکدے سگوں خُداوند دی وڈیائی کردے آں ۔ ایہہ صرف بوہت ٹھیک تے جائز اے پئی اوہناں نوں ایس طرح خُدا دی وڈیائی کرنی چاہی دی اے۔
نویں اسمان تے نویں زمین اُتے جتھے پاک لوک رہندے پئے نیں ، دیوا، بجلی دے بلب یاں سورج دی ضرورت نئیں ہیگی ۔ کیوں ؟ ایس لئی پئی آپ خُدا نویں اسمان تے نویں زمین دی روشنی بن گیا اے ، تے اوتھے کوئی رات نا ہوئےگی ۔ خُدا پاک لوکاں نوں اوتھے اپنے پُتراں وانگر سدا تیکر بادشاہی کرن دی اجازت دے چُکیا اے ۔ ایہہ برکت سانوں اک واری فیر یاد دلاؤندی اے صرف کناں وڈا فضل اے جیہڑا پاک لوک خُداوند کولوں لَے چُکے نیں ۔
سانوں پاک لوکاں نوں لازمی احساس کرنا چاہی دا اے ساڈی مکتی دے بعدوں ساڈے ول گھلیاں گئیاں اسمانی برکتاں کنیاں وڈیاں نیں ۔ فضل جیہڑاساڈا خُداونداپنے پاک لوکاں اُتے گھل چُکیا اے اسمانوں اُچا تے وڈا اے ۔ پاک لوکاں نوں لازمی ایس حیران کرن والی برکت نوں جیہڑی خُداوند اوہناں نوں دے چُکیا اے اوہناں توں دُور جان دی اجازت نئیں دینی چاہی دی ۔ پاک لوک صرف خُداوندنوں اوہدی وڈیائی ، جلال تے برکت لئی سدا دی شکر گزاری تے وڈیائی پیش کرسکدے نیں جیہڑیاں اوہ اوہناں اُتے گھل چُکیا اے ، تے دولت تے شان و شوکت نال سدا تیکر زندہ رہ سکدے نیں ۔آمین ! ہیلیلویاہ!میَں اپنے خُدا دی وڈیائی کردا ہاں!
 
آیت ۶: فیر اوس مَینُوں آکھیا پئی ایہہ گلّاں سَچ تے برحق نیں تے خُداوند نے جیہڑا نبیاں دِیاں رُوحاں دا خُدا اے اپنے فرِشتے نُوں ایس لئی گھلّیا پئی اپنیاں بندیاں نُوں اوہ گلّاں وکھائے جیہڑیاں ضرُور چھیتی ہونیاں نیں۔
” ایہہ گلّاں سَچ تے برحق نیں۔ “ خُداوند لازمی اپنے سارے وعدے پورے کرے گا جیہڑے اوہ مُکاشفہ دے راہیں پاک لوکاں اُتے ظاہر کر چُکیا اے ۔ ایس لئی پئی ساڈا خُداوند،خُدا دے خادماں دے راہیں پاک رُوح وانگر بولدیاں ہویاں پہلوں ای اپنے سارے پاک لوکاں نوں ہر شے دس چُکیا اے ۔ مُکاشفہ دی کتاب وچ بوہت مبارک کلام کیہ اے؟ مُکاشفہ وچ بوہت چوکھے مبارک کلمے موجود نیں ، پر سب توں بوہتا مبارک کلام ایہہ ہیگا اے پئی خُدا پاک لوکاں نوں خُداوند نال نویں اسمان تے نویں زمین اُتے بادشاہی کرن تے اختیار تے جلال نال زندہ رہن دی اجازت دیوے گا ۔
ایس لئی پئی خُدا بالکل پک نال چھیتی ایہہ کم پورا کرے گا ، پاک لوک کدی اپنے ایمان نوں دُور ڈِگن یا پریشانی دے جال وچ پھسن دی اجازت نئیں سکدے ۔ پاک لوکاں نوں لازمی اپنے ایمان دی آس نال ساریاں ازمائشاں تے دکھاں اُتے غالب آؤنا چاہی دا اے ۔ ساڈاخُداوند اپنیاں ساریاں پیشین گوئیاں تے وعدیاں نوں جیہڑے پاک لوکاں تے خُدا دی کلیسیا نال کیتے گئے نیں سچ بنان وچ ناکام نئیں ہوئے گا ۔ ساڈے خُداوند نے ایس زمین اُتے اپنے خادما ں نوں گھلیا تے اوہناں نوں نبُوّتی کلام آکھن دے لائق کیتا ، تاں پئی اوہ اپنے پاک لوکاں تے کلیسیا نوں ایہناں ساریاں برکتاں بارے وچ دس سکے ۔
 
آیت ۷: تے ویکھ مَیں چھیتی آؤن والا آں۔ مُبارک اوہ اے جیہڑا ایس کتاب دی نبُوّت دِیاں گلّاں اُتّے عمل کر دا اے۔
 ایس لئی پئی مُکاشفہ دی ایس کتاب دا نبُوّتی کلام ، سانوں پاک لوکاں دی آؤن والے دناں دی شہادت بارے دسدا اے ، ایہہ ساڈے اُتے ظاہر کردااے پئی اوہ زمانہ آئے گا جد پاک لوک مخالفِ مسیح دے ہتھوں ستائے جان گے تے اوہناں نوں موت تیکر اپنے ایمان دی راکھی کرنی ہوئے گی ۔ ایس لئی پئی ایہہ خُدا دی مرضی اے ،پاک لوکاں نوں لازمی اپنی شہادت نوں قبول کرنا چاہی دا اے ۔ فیر اوہ اپنے جیوں اُٹھن تے چُکے جان وچ شامل ہون گے ، آؤن والے ہزار ورہیاں تیکر مسیح دی بادشاہت وچ بادشاہی کرن گے ، تے فیر نویں اسمان تے نویں زمین اُتے سدا تیکر زندہ رہن گے ۔ ایسے طرح ، پاک لوکاں نوں لازمی خُدا دے سارے کلام اُتے یقین رکھنا چاہی دا اے جیہڑا ساڈا خُداوند اوہناں نوں فرما چُکیا ا ے تے اپنا ایمان قیم رکھنا چاہی دا اے ۔ اخیری زمانے دے بوہت مبارک لوک اوہ نیں جیہڑے ساڈے خُداونددے کلام اُتے ایمان رکھدے تے ایمان دے راہیں زندہ رہندے نیں ۔
خُدا اپنے پاک لوکاں نوں دس چُکیا اے پئی اوہ بوہت چھیتی آجائے گا ۔ خُداوندساڈے کول ہور کسے دیر توں بغیر آجائے گا ۔ پانی تے رُوح دےکلام توں وگدیاں ہوئیاں خُدا دیاں ساریاں برکتاں ، یعنی کلام جیہڑا پاک لوکاں نوں پاپ توں اوہناں دی مکتی تیکر لیاؤندا اے پوراکرن لئی ،ساڈا خُداوند ایس زمین
اُتے بوہت چھیتی آجائے گا ۔
مکتی یافتہ ہون دے بعدوں، پاک لوکاں نوں لازمی اوہناں نال وعدہ کیتے گئے خُداونددی برکتاں دے کلام نوں پکیائی نال پھڑنا چاہی دا اے تے اپنا ایمان قیم رکھنا چاہی دا اے ۔جے اوہناں دے دل کدی خُداوند دے کلام اُتے اپنا ایمان گواؤندے نیں ، اوہ ہر شے گوا لین گے ، تے ایس لئی اوہناں نوں لازمی خُداونددے کلام اُتے اپنے ایمان دی راکھی کرنی چاہی دی اے ۔ دوجے اکھراں وچ ، خُدا پاک لوکاں نوں خُداوند اُتے اپنے ایمان نوں قیم رکھن دا حکم دیندا اے ۔
 
آیت ۸: مَیں اوہ ای یُوحنّا آں جیہڑا ایہناں گلّاں نُوں سُندا تے ویکھدا ساں۔ تے جد مَیں سُنیاں تے ویکھیاں تَد جیہڑے فرِشتے مَینُوں ایہہ گلّاں وکھائیاں مَیں اوہدیاں پیراں اُتّے سجدہ کرن لئی ڈِگّ پیا۔ 
ایہہ نبی تے پاک لوک نیں جیہڑے خُدا دا نبُوّتی کلام ودھاندے نیں ۔ ایس لئی سانوں لازمی خُدا دی وڈیائی کرنی چاہی دی اے جیہڑا اوسے طرح کم کردا اےجویں اوہ اوہناں نوں فرما چُکیا اے ،تے سانوں لازمی صرف اوہنوں سجدہ کرنا چاہی دا اے ۔ کئی واری کُجھ لوک اپنے آپ نوں خُداوانگر اُتاں چُکن تے ایسے طرح پیش آن دی کوشش کردے نیں ۔ اوہ اِنج کردے نیں جویں پئی اوہ دھوکے باز یاجھوٹھے نبی نیں ۔ صرف خُدا ساری وڈیائی ، پوجا ، جلال تے سیوا کراؤن دے لائق اے ۔
 
آیت ۹: اوس مَینُوں آکھیا خبردار ایہہ نا کر مَیں تیرے نال دا تے تیرے بھراواں نبیاں دے نال دا تے ایس کتاب دِیاں گلّاں اُتّے عمل کرن والیاں دے نال دا بندہ آں۔ خُدا نُوں ای سجدہ کر۔
سانوں خُدا دے سچے نبی بنن لئی لازمی کیہ کرنا چاہی دا اے ؟ پہلوں سانوں لازمی خُداونددے راہیں دتی گئی پانی تے رُوح دی خوشخبری دے بھیت اُتے ایمان رکھنا چاہی دا اے ۔ فیر سانوں اک دوجے لئی خُدا دے لوک ، پاک لوک تے بھراتے بھیناں بننا چاہی دا اے ۔ صرف ایہدے بعدوں خُدا اوہناں توں اپنے کم کروا سکدا اے ۔ اوہناں نو ں جیہڑے خُداونددے خادم بن گئے نیں وی لازمی اوہدے کلام اُتے ایمان رکھنا چاہی دا اے تے ایہنوں اپنے ایمان نال قیم رکھنا چاہی دا اے ۔ ایہہ اوہ لوک نیں جیہڑے سارے جلال نوں اپنے آپ لئی رکھن دی بجائے خُدا نوں دیندے نیں ۔ ساڈا خُداوند ایس دنیا وچ ہر کسے توں ساری پوجا تے جلال لین دے لائق اے ۔ ہیلیلویاہ !
 
آیت ۱۰: فیر اوس مَینُوں آکھیا ایس کتاب دی نبُوّت دِیاں گلّاں اُتّے مُہر نا لا۔ کیوں جو ویلا نیڑے آگیا اے۔
مُکاشفہ وچ لکھے گئے وعدے دے کلام نوں لازمی لُکا کے نئیں رکھیا جانا چاہی دا اے ۔ ایس لئی پئی ایہہ چھیتی نال پورا ہون والا اے ، ایہدی لازمی ہر کسے دے اگے گواہی دتی جانی چاہی دی اے ۔ آمین ! آؤ اسیں سارے مُکاشفہ دی کتاب دے نبُوّتی کلام اُتے ایمان رکھیے تے ایہدی منادی کرئیے ۔
 
آیت ۱۱: جیہڑا بُرائی کر دا اے۔ بُرائی ای کر دا رہے۔ تے جیہڑا پلِیت اے پلِیت ای روے۔ تے جیہڑا راستباز اے اوہ راستبازی ای کر دا رہے تے جیہڑا پاک اے۔ پاک ای ہوندا رہے۔
جد خُداونددی واپسی دا دن نیڑے آئے گا ، اوہ اوہناں نوں جیہڑے پاپ دے پِچھے چلدے نیں پاپ دے پِچھے چلن دی اجازت دیوے گا ،اوہ جیہڑے پاک نیں پاک ہوندے رہن گے ، تے اوہ جیہڑے پلیت نیں پلیت ہوندے رہن گے ۔ جد اخیری زمانہ آئے گا ، اوہ جنہاں دے دل خُداوند دی پانی تے رُوح دی خوش خبری اُتے ایمان رکھن دے راہیں بے پاپ بن گئے نیں ہُن تیکر ایس زمین اُتے خوشخبری دی سیوا کرن گے ، تے اوہ جیہڑے خُداوند ولوں دتی گئی اپنی پاکیزگی نوں قیم رکھ چُکے نیں تے ایمان نال اپنیاں زندگیاں بسر کر چُکے نیں ایسے طرح زندہ رہنا جاری رکھن گے ۔ ساڈا خُداوندسانوں ایمان نوں قیم رکھن دی ہدایت کردا اے جیہڑا ہُن ساڈے کول اے ۔
 
آیت ۱۲: ویکھ مَیں چھیتی آؤن والا آں تے ہر اِک دے کمّاں دے سببّوں بدلہ دینا میرے کول اے۔
دوجے اکھراں وچ ، ساڈا خُداوندچھیتی آئے گا تے پاک لوکاں نوں زمین اُتے ،اوہناں دیاں قربانیاں دا اوہناں نوں انعام دین لئی بہشت تے نواں اسمان تے نویں زمین دیوے گا جیہڑے پانی تے رُوح دی خوش خبری ودھاؤن لئی سیوا کر چُکے نیں تے محنت کر چُکے نیں ۔ جد پاک لوک مُکاشفہ دے نبُوّتی کلام اُتے ایمان رکھدے نیں ،اوہ اپنے ایمان دی بالکل اخیرتیکر راکھی کرن دے لائق ہون گے ایس لئی پئی اوہ اپنی آس خُداونداُتےرکھ چُکے ہون گے۔ سانوں لازمی احساس کرنا تے ایمان رکھنا چاہی دا اے پئی خُداوند بوہت چوکھیاں وڈیاں برکتاں نال پاک لوکاں دی تنگی دا انعام دیوے گا ،ایس لئی پئی ساڈا خُداوند جلالی تے رحم کرن والا اے ۔
 
آیت ۱۳: مَیں الفا تے اومیگا اوّل تے اخِیر۔ شُروع تے چھیکڑ آں۔
ساڈا خُداوند ہر شے دا مُڈھ تے اخیر اے ۔ اوہ ساڈا مکتی داتا تے آپ خود خُدا اے ، جیہڑاسانوں مکتی دی کاملیت دیوے گا جیہڑا صرف سانوں اوہو ای دے سکدا اے ۔ ساری دنیا دی ساری تاریخ ، دونویں اسمان تے زمین دی تاریخ ، خُداوندتوں شروع ہوئی سی تے اوسے دے راہیں مُکے گی ۔
 
آیت ۱۴: مُبارک نیں اوہ جیہڑے اپنے کپڑے دھوندے نیں۔ کیوں جو زِندگی دے بُوٹے کول آؤن دا اختیار پان گے تے اوہناں پھاٹکاں توں شہر وِچ داخل ہون گے۔                        
ایس لئی پئی ساڈا خُداوند سانوں کیہ فرما چُکیا اے سب زندگی اے ، پاک لوک اوہدے کلام اُتے ایمان رکھدے نیں ،منادی کردے نیں تے اوہدی راکھی کردے نیں ۔ اوہ اِنج کردے نیں ایس لئی پئی کلام جیہڑاساڈا خُداوند اپنے پاک لوکاں نوں تے دنیا وچ ہر شے نوں فرما چُکیا اے سارا سچا اے ۔ ایس لئی پاک لوک تے خُدا دے خادم اپنے دلاں وچ خُداونددا کلام قیم رکھدے نیں ۔ اوہ اپنے ایمان دی ایتھوں تیکر پئی بوہت پکیائی نال خُدا دے کلام اُتے ایمان رکھن دے راہیں راکھی کردے نیں ، تاں پئی اوہ نویں اسمان تے نویں زمین اُتے لگے ہوئے زندگی دے بوٹے دا پھل کھان دے حقدار ہون ۔
پاک لوک جیہڑے خُداوند ولوں دتی گئی پانی تے رُوح دی خوشخبری اُتے ایمان رکھن دے راہیں بے پاپ بن گئے نیں اپنے ایمان دی راکھی دی کوشش کردے نیں ، ایس لئی پئی اوہ اسمان اُتے زندگی دے اوس بوٹے دا پھل کھان دا اختیار رکھدے نیں ۔
 
آیت ۱۵: پر کُتّے تے جادُوگر تے حرامکار تے خُونی تے بُت پرست تے جُھوٹھی گلّ دا ہر اِک پسند کرن تے گھڑن والا باہر رہوے گا۔
اوہ جیہڑے اُتلے حوالے وچ وکھائے گئے نیں اوہ لوک نیں جیہڑے پانی تے رُوح دی خوشخبری اُتے ایمان نئیں رکھدے ، تےا ِنج ایتھوں تیکر پئی اخیری زمانے تیکر نویں سریوں نئیں جمے ۔ مُخالفِ مسیح تے اوہدے ساتھی ، لوکاں دی اپنے نشاناں تے معجزیاں نال اگوائی کردے ہویاں ، اوہناں نوں ویلے کویلےجھوٹھیاں دعویاں دے راہیں دھوکہ چُکے نیں پئی مُخالفِ مسیح مکتی داتا اے ۔ اوہ لوکاں دی اوہناں دی اپنی بربادی تیکر اوہناں کولوں مُخالفِ مسیح دے بُت دی پوجا کروان دے راہیں اگوائی کر چُکے نیں ۔ ساڈا خُداوند ایہو جیہےلوکاں نوں پاک شہر دے پھاٹکاں توں باہر رکھے گا ، تاں پئی اوہ کدی نویں اسمان تے نویں زمین اُتے نا جا سکن ۔ خُداونددا شہر صرف پاک لوکاں لئی کھلیا اے جیہڑے اپنے ایمان دی راکھی کر چُکے نیں تےپانی تے رُوح دی خوشخبری اُتے ایمان رکھدے نیں ۔
 
آیت ۱۶: مَیں یِسُوع اپنا فرِشتہ ایس لئی گھلّیا۔ پئی کلِیسیاواں دی بابت تُہاڈے اگّے ایہناں گلّاں دی گواہی دے۔ مَیں داؤد دی اصل تے نسل تے صُبح دا چمکدا ہویا تارا ہاں۔
خُدا دی کلیسیا تے پاک لوکاں دی خاطر ، ساڈا خُداوندساڈے کول خُدا دے خادماں نوں گھل چُکیا اے ،تے اوہ اوہناں نوں ساریاں شیواں دی گواہی دین دے لائق کر چُکیا اے جیہڑیاں واقع ہون گئیاں ۔ اِکو جنہے اوہناں نوں ایہناں گلاں دے لائق کیتا یسوع مسیح ، آپ خُدا اے جیہڑاپاک لوکاں دا مکتی داتا بن گیا اے ۔
 
آیت ۱۷: رُوح تے وَوہٹی آکھدے نیں پئی آ تے سُنن والا وی آکھے آ تے جیہڑا تریہایا اے آوے تے جیہڑا چاہے حیاتی دا پانی مُفت لے لَئے۔
ایس زمین اُتے ساریاں نوں جیہڑے خُدا دی راستبازی دے بھُکھے تے تریہیائے نیں ، ساڈا خُداونداوہناں نوں حیاتی دے کلام دی دعوت دے چُکیا اے ۔ ہر کوئی جیہڑا خُدا دی راستبازی دا بھُکھاتے تریہیایا اے خُداونددے کول آن دی ، اوہدے ولوں دتی گئی پانی تے رُوح دی خوشخبری اُتے ایمان رکھن دی ، تے اِنج حیاتی دا پانی پین دی برکت پا چُکیا اے ۔ ایس لئی ساڈا خُداوند ہر کسے نوں یسوع مسیح دے کول آن دی دعوت دیندا اے ۔ ہر کوئی پانی تے رُوح دی سچیائی مفت پا سکدا اے ۔ پر حیاتی دا پانی اوہناں لئی بند اے جیہڑے ایہد ی تمنا نئیں رکھدے ۔ جے تُسیں تمنا رکھدے او ، تُسیں وی ، پانی تے رُوح دی خوشخبری
اُتے ایمان رکھن دے راہیں خُداوند ولوں دتا گیا حیاتی دا پانی پی سکدے او ۔
 
آیت ۱۸: مَیں ہر اِک بندے اگّے جیہڑا ایس کتاب دی نبُوّت دِیاں گلّاں سُندا اے گواہی دینا آں۔ پئی جے کوئی بندہ ایہناں وِچ کُجھ وَدھائے تے خُدا ایس کتاب وِچ لِکھیاں ہوئیاں آفتاں اوہدے اُتّے وَدھائے گا۔
ایہہ صحیفہ خُدا دا کلام اے ۔ ایسے طرح ، جد اسیں ایس کلام اُتے ایمان رکھدے آں ، اسیں ایس وچ نا کُجھ وَدھا سکدے آں نا ای کُجھ کڈھ سکدے آں ۔ ایہہ آیت سانوں دسدی اے ایس لئی پئی صحیفے دا کلام خُدا دا کلام اے ، کوئی بندہ لکھے ہوئے سچیائی دے کلام وچ ودھان یا گھٹان دے راہیں ایہدے اُتے ایمان نئیں رکھ سکدا ، نا ای لکھی ہوئی سچیائی نوں چھڈن دے راہیں ایمان رکھ سکدا اے ۔ ایس لئی سانوں لازمی احتیاط کرنی چاہی دی اے ۔ خُدا ولوں فرمایا گیا ہر کلمہ خاص اے ؛ کدی کوئی کلمہ غیر ضروری وانگر چھڈیا نئیں جا سکدا ۔
پر لوک ہُن تیکر خُداوند ولوں دتی گئی پانی تے رُوح دی خوشخبری نوں ردّ کردے رہندے نیں ۔ ایس لئی اوہناں نوں ہُن تیکر اپنے پاپاں توں چھُٹنااے ۔ کیوں اوہ ہُن تیکر پاپی نیں ، تے کیوں اپنے آپ دی بربادی ول جاندے پئے نیں ایتھوں تیکر پئی بھاویں اوہ یسوع اُتے اپنے مکتی داتاوانگر ایمان رکھن دا دعویٰ کردے نیں ۔ پاپیاں نوں پاپ توں بچان لئی ، ساڈا خُداوند اوہناں نوں اپنا پانی تے لہو دے چُکیا اے (۱۔یوحنا۵ :۴۔۵؛ یوحنا ۳:۳۔۷)۔پر بوہت سارے لوک صرف یسوع دے صلیبی لہو دا خاص ہونا دسدے نیں ؛ ایسے طرح ، اوہ حالے تیکر اپنے پاپاں توں مکت نئیں ہوئے ، تے اِنج مُکاشفہ دی کتاب وچ لکھیاں ہویاں ساریاں آفتاں جرن گے ۔
اوہ جیہڑے یسوع اُتے ایمان رکھن دا دعویٰ کردے نیں تے ہُن تیکر سچیائی نوں ردّ کردے رہندے نیں یعنی مسیح نے یوحنا کولوں اپنے بپتسمے نال دنیا دے سارے پاپاں دی فکرکیتی ایتھوں تیکر پئی بوہت ڈراؤنی دوزخ دی سزا پاؤن گے ۔ کیوں ؟ ایس لئی پئی اوہ پانی تے رُوح دی خوشخبری اُتے ایمان نئیں رکھدے جیہڑی خُداوند اوہناں نوں دے چُکیا اے، تے ایس لئی ہُن تیکر نویں سریوں نئیں جمے ۔ جیہڑا وی خُداوند ولوں دتی گئی پانی تے رُوح دی خوشخبری نوں ردّ کردا اے ہمیش تیکر بلن والی اگ دی جھیل وچ جائے گا تے تے ہمیش دے دکھ جرے گا ایہو جیہے لوکاں اُتے پچھتاوے دا دن لازمی طور نال آئے گا ۔
آیت ۱۹: تے جے کوئی ایس کتاب دی نبُوّت دِیاں گلّاں وِچوں کُجھ کڈھے تے خُدا اوس زِندگی دے بُوٹے تے پاک شہر وِچوں جِنہاں دا ایس کتاب وِچ ذِکر ہویا اے اوہدا حِصّہ کڈھ چھڈے گا۔
کیہ ساڈے وچکار کوئی ہیگا اے جیہدا مسیحی ایمان سچیائی دے کلام نوں کڈھدا اے ، یعنی یسوع نے یوحنا کولوں بپتسمہ لین دے راہیں اپنے آپ اُتے لوکاں دے سارے پاپاں نوں چُک لیا تے یعنی اکو ای وار اوہنے سولی اُتے مرن دے راہیں سارے پاپاں نوں دھو دتا ؟ جے اِنج اے ، ایہو جیہے لوک لازمی طور نال سارے خُدا دے پاک شہر وچ جان دا حق گوا لین گے ، ایس لئی پئی اوہ بپتسمے اُتے ایمان نئیں رکھدے جیہڑا ساڈے خُداوند نے اکو ای وار اپنے آپ اُتے لوکاں دے پاپ چُکن لئی یوحنا کولوں لیا سی ۔ اوہ اخیریں خُداوند ولوں دتی گئی پانی تے رُوح دی خوشخبری نوں ردّ کرن دا پاپ کردے پئے نیں ۔
ایسے طرح ، مسیحیاں نوں لازمی اپنے دلاں وچ سچیائی لینی چاہی دی اے پئی یسوع نے یوحنا کولوں لَئےگئے اپنے بپتسمے نال لوکاں دے پاپاں نوں چُک لیا ۔ جد تیکر اوہ اِنج نئیں کردے ، اوہ سارے خُداوند ولوں دتے گئے پاک شہر وچ جان دے جلال توں کڈھےجان گے ۔ جے تُسیں ایمان رکھدے او پئی یسوع تہاڈا مکتی داتا اے ، فیر تہانوں لازمی سچے دلوں ایمان دے راہیں اپنے سارے پاپاں توں پاک ہونا چاہی دا اے پئی یسوع ایس زمین اُتے آیا ، یردن دے دریا اُتے یوحنا کولوں سارے لوکاں نوں دنیا دے پاپاں توں سارے دے سارے بچان لئی بپتسمہ لیا ، تے یعنی اوہنے اِنج لوکاں ولوں کیتے گئے سارے پاپاں نوں یعنی اِنج اپنے آپ اُتے اوہناں نوں لین دے راہیں دھو دتا ۔ چشمہ جتھوں تُسیں اپنی ساری گندگی توں پاک ہو سکدے او بپتسمہ اے جیہڑا ساڈے خُداوند نے لیا سی ۔ اِنج اپنے آپ اُتے ساڈے دنیا دے پاپاں نوں چُکن دے بعدوں ، ساڈےخُداوند نے اپنا لہو وگایا تے اپنے آپ دی موت نال ساڈے سارے پاپاں دا مُل اُتارن لئی سولی اُتے مر گیا ۔
بپتسمہ جیہڑا یسوع نے یوحنا کولوں لیا پاپ توں ساڈی مکتی دا واضح ثبوت اے ۔ ۱۔پطرس۳ :۲۱ سانوں دسدا اے،”تے ٹھیک اوسے پانی وانگر بپتسمہ وی یسوع مسیح دے جی اُٹھن دی راہیں ہُن تہانوں بچاندا اے ۔ اوہدے توں جسم دی میل دُور کرنا نئیں پر چنگی نیت نال خُدا دا طالب ہونا مُراد اے ۔ “ سانوں لازمی احساس کرنا چاہی دا اے پئی یسوع سولی اُتے دنیا دے پاپاں نوں چُک کے لَے گیا تے سارا کجھ ساڈی خاطر ، اپنے آپ دی موت نال لوکاں دے پاپاں دا مُل اُتارن دے سلسلے وچ
اپنا لہو وگادِتا ۔
ایس لئی خُدا اک واری فیر آیت ۱۹ وچ سارے لوکاں نوں اپنا ہدایت دا کلام دیندا پیا اے ۔ سانوں لازمی پانی تے رُوح دی خوشخبری دے کلام اُتے جویں ایہہ ہیگا اے ، یعنی ایس وچ کُجھ ودھاؤن یا گھٹ کرن دے بغیر ایمان رکھنا چاہی دا اے ۔
 
آیت ۲۰: جیہڑا ایہناں گلّاں دی گواہی دیندا اے۔ اوہ ایہہ آکھدا اے۔ پئی بے شک مَیں چھیتی آؤن والا آں۔ آمِین اَے خُداوند یِسُوع آ۔
ساڈا خُداوند چھیتی نال دوبارہ ایس دنیا وچ آئے گا تے پاک لوک ، جیہڑے خُداونداُتے ایمان رکھن دے راہیں اپنے پاپاں دی معافی پا چُکے نیں تے اسمان دے جلال دے کپڑے پائے ہوئے نیں ، جوش و خروش نال خُداوند دی دوجی آمد نوں اُڈیکدے پئے نیں ۔ ایس لئی پئی اوہ جیہڑے پانی تے رُوح دی خوشخبری اُتے ایمان رکھدے نیں ایتھوں تیکر پئی ہُن آؤن والے خُداوند نوں ملن لئی سارے تیار نیں ، اوہ خُداوند دے واپس آ ؤن تے پاک لوکاں نال وعدہ کیتیاں گئیاں اوہدیاں برکتاں نال اوہناں نوں کجن دی اُڈیک رکھدے پئے نیں ۔ ایسے طرح پاک لوک جوش تے خروش نال ایمان تے شکرگزاری نال خُداوند دی دوجی آمد دی آس رکھدے پئے نیں ۔
 
آیت ۲۱: خُداوند یِسُوع دا فضل پاک لوکاں دے نال رہے۔ آمِین۔
یوحنا رسول مُکاشفہ دی کتاب دا اخیرساڈے خُداوند یسوع مسیح دے فضل دا اوہناں دے نال رہن لئی خیردی دعا نال کردا اے جیہڑے خُدا ولوں دتے گئے پاک شہر وچ جان دی تمنا رکھدے نیں ۔ آؤ اسیں ، وی ، پا ک لوک بن جائیے جیہڑے ناکامی دے بغیر ایمان دے راہیں یسوع مسیح دے ولوں دتےگئے پا ک شہر وچ جاواں گے ۔