ስብከቶች፤

مضمون 10: مُکاشفہ(مُکاشفہ دی کتاب اُتے تفسیر)

[22-2باب] (مُکاشفہ ۲۲:۱۔۲۱) جلال دی آس نال شادمان تے تگڑے ہو جاؤ

(مُکاشفہ ۲۲:۱۔۲۱)
 
مُکاشفہ ۲۲:۶۔۲۱ ساڈےاُتےاسمانی آس ظاہر کردا اے ۔ باب ۲۲، مُکاشفہ دی کتاب دا اخیری باب ، پاک کتاب دیاں پیشین گوئیاں دی سچیائی دا پک تے خُدا دے نویں یروشلیم دے دعوت نامے نو ں پیش کردا اے ۔ ایہہ باب سانوں دسدا اے پئی نواں یروشلیم پاک لوکاں نوں دتا گیا خُدا دا اک انعام اے جیہڑے پانی تے رُوح دی خوشخبری اُتے ایمان رکھن دے سبب نویں سریوں جم پئے نیں ۔
خُدانے نویں سریوں جمے ہوئے پاک لوکاں نوں خُدا دے گھر وچ اوہدی وڈیائی دے لائق بنایا ۔ ایس سببوں ، میَں دلوں خُدا وند دا شکر گزار آں ۔ اکھراں نال دسیا نئیں جا سکدا سانوں پاک لوک بنن دی اجازت دین لئی اسیں کنے شکرگزار آں جیہڑے، پانی تے رُوح دی خوشخبری اُتے ایمان رکھن دے سبب ، خُداوند دے اگے اپنے سارے پاپاں توں معاف ہو گئے آں ۔ کیہڑا ایس زمین اُتے کدی اودے کولوں وڈی برکت لوے گا یعنی جیہڑی اسیں لے چُکے آں ؟ کوئی نئیں ہیگا!
اج دا خاص حوالہ مُکاشفہ دا اخیری باب اے ۔ پیدا ئش دی کتاب وچ ، اسیں خُدا نوں سارے لوکاں دی ساری ظاہریت نوں بناؤندے ہویاں ویکھدے آں ، تے مُکاشفہ دی کتاب وچ ، اسیں اپنے خُداوند نوں ایہناں ساریاں ارادیاں نوں پورا کردے ہویاں ویکھدے آں ۔ مُکاشفہ دے کلام نوں خُدا دے خاکے دے مطابق سارے لوکاں لئی خُدا دے سارے کم نوں مکمل کرن دے سلسلے وچ ، ایس دنیا نوں برباد کرن دے کم وانگر دسیا جا سکدا اے ۔ مُکاشفہ دے کلام دے سبب ،اسیں خُدا دے راہیں پہلوں وکھائی گئی اسمانی بادشاہی نوں ویکھ سکدے آں ۔
 
 
خُدا دے شہر دی شکل تے ایہدا باغ
 
باب ۲۱ خُد ادے شہر دے بارے فرماندا اے۔ آیتاں ۱۷۔۲۱ سانوں دسدیا نیں : ” تے اوس اوہدی چوفیری کندھ نُوں بندے دے یعنی فرِشتے دی کاچھ دے سببّوں کچھّیا تے اوہ اِک سَو چتالی ہتّھ ہوئی۔تے اوہدی چوفیر کندھ وی اُساری یشب دی سی۔ تے شہر اجیہے سُچے سونے دا سی۔ جیہڑا سُچے شیشے وانگر ہوئے۔تے اوس شہر دی چوفیری کندھ دِیاں نِیہیاں ہر طرح دے جواہر نال شنگارِیاں ہویاں سن۔ پہلی نِیہہ یشب دی سی دُوجی نیلّم دی ترِیجی شب چراغ دی۔ چَوتھی زمُرّد دی۔پن جیویں عقِیق دی چھیویں لعل دی ستویں سُنہلے پتّھر دی اٹھویں فیروزے دی نَوِیں زبرجد دی دسویں یمنی دی یاروِیں سنگِ سُنبلی دی۔ بارویں یاقُوت دی۔تے باراں پھاٹک باراں موتِیاں دے سن۔ اِک اِک پھاٹک اِک اِک موتی دا سی۔ تے شہر دی سڑک شفاف شیشے وانگر سُچے سونے دی سی۔ “
مُکاشفہ دا ایہہ کلام نویں یروشلیم بارے گل کردا اے جیہڑا خُدا نویں سریوں جمے ہوئے پاک لوکاں نوں دیوے گا ۔ اسمان اُتے ایہہ یروشلیم دا شہر ، سانوں دسیا گیا اے ، پئی باراں وکھ وکھ قِسماں دے مہنگیاں پتھراں نال تے باراں موتیاں دے بوہیاں نال بنایا گیا اے ۔
فیر باب ۲۲ یروشلیم دے شہر دے باغ وچ لبھن والی قدرت دے بارے فرماندا اے ۔ آیت ۱ فرماندی اے ، ” فیر اوس مَینُوں بلّور وانگر چمکدا ہویا حیاتی دے پانی دا اِک دریا وکھایا جیہڑا خُدا تے لیلے دے تخت وِچوں نِکل کے اوس شہر دی سڑک دے وِچ پیا وگدا سی۔ “ خُدا دے شہر وچ ، اک چمکدا ہویا دریا ایس باغ وچوں وگدا اے ، بالکل جویں خُدا نے چا ردریاواں نوں شروع وچ عدن دےباغ وچ وگایا سی ۔ خُدا سانوں دسدا اے پئی ایہہ اوہ باغ اے جیہدے توں راستباز آؤن والے دناں وچ خوش ہون گے ۔
ایہو ای خاص حوالہ سانوں ایہہ وی دسدا اے پئی زندگی دا بُوٹا ایس باغ وچ لگیا ہویا اے ؛ یعنی ایہہ باراں قِسماں دے پھل، ہر مہینے اپنا پھل پیدا کردے ہویاں پیدا کردا اے ؛ تے یعنی ایہدے پتے قوماں دی شفا لئی نیں ۔ مینوں لگدا اے پئی اسمانی قدرت ایہو جیہی اے پئی نا صرف ایہدے پھل ،سگوں ایہدے پتے وی کھادے جاندے نیں ، ایس لئی پئی پتے شفا والی قدرت رکھدے نیں
 
 
راستبازاں نوں ملیاں ہویاں برکتاں !
            
پاک کلام سانوں دسدا اے پئی خُدا دے شہر وچ ، ” تے فیر لعنت نا ہوئے گی تے خُدا تے لیلے دا تخت اوس شہر وِچ ہوئے گا۔ تے اوہدے بندے اوہدی بندگی کرن گے۔تے اوہ اوہدا مُنھ ویکھن گے تے اوہدا ناں اوہناں دیاں متّھیاں اُتّے لِکھیا ہویا ہوئے گا۔ “ ایہہ آیت سانوں دسدی اے پئی ساڈے وچوں اوہ جیہڑے اپنے پاپاں توں معاف ہوگئے نیں خُدا نال سدا تیکر بادشاہی کرن گے جیہڑا سانوں بچاچُکیا اے ۔
اوہ جنہاں دے پاپ پانی تے رُوح دی خوشخبری اُتے ایمان رکھن دے سبب جد پئی ایس زمین اُتے رہندیاں ہویاں مکائے گئے نیں نا صرف اپنے سارے پاپاں دے غائب ہون دی برکت پاؤن گے ، سگوں اوہ خُدا دے پُتر وی ہون گے ، اوہناں دی سیوا کرن لئی بوہت سارے فرشتے ہون گے جد اوہ بادشاہی وچ جان گے تے خُداوند دے نا ل سدا تیکر بادشاہی کرن گے ۔ ایہہ حوالہ سانوں دسدا اے پئی راستباز خُدا کولوں ایہو جیہاں سدا دیاں برکتاں پاؤن گے جویں زندگی دے دریا اُتے لگیا ہویا بُوٹا تے زندگی دا پھل کھان دی برکت ، تے یعنی ایہناں برکتاں دے حصے وانگر اوتھے کوئی ہور بیماری نا ہووے گی ۔
ایہہ حوالہ سانوں ایہہ وی دسدا اے پئی اوہناں نوں ایس زمین دی روشنی نا ای سورج دی لوڑ ہووے گی ، ایس لئی پئی خُدا دی جلال بادشاہی وچ اوہ خُدا نال سدا تیکر زندہ رہن گے ،جیہڑا آپ ایہدا نور اے ۔ خُدا دے پُتر جیہڑے پانی تے رُوح دی خوشخبری دے سبب اپنے پاپاں توں معافی پا چُکے نیں ، دوجے اکھراں وچ ، خُدا وانگر زندہ رہن گے ۔ ایہہ راستبازاں نوں ملی ہوئی برکت اے ۔
یوحنا رسول نے ، یسوع دے باراں چیلیاں وچوں اک نے جنہے مُکاشفہ دی کتاب لکھی ، اوہنے یوحنا دی انجیل تے نویں عہد نامے دے تِن خط وی لکھےیعنی پہلا، دوجا تے تریجا یوحنا دا خط لکھیا ۔ اوہنوں رومی راجے نوں خُداوانگر منن دے انکار دے سبب پتمس دے جزیرے اُتے دیسوں کڈھ دتا گیا سی ۔ ایس دیسوں کڈھے جان وچکار ، خُدا نے یوحنا کول اپنا فرشتہ گھلیا تے اوہنوں وکھایا ایس زمین اُتے کیہ واقع ہووے گا ، اوہدے اُتے دنیا دی بربادی تے تھاں ظاہر کیتی کتھے پاک لوک اخیریں جان گے تے زندہ رہن گے ۔
جے اسیں پیدائش دی کتاب نوں تخلیق دے نقشے وانگر دسنا سی ، اسیں مُکاشفہ دی کتاب نوں
نقشے دی مکمل تصویر وانگر بیان کر سکدے آں ۔ ایس لئی پئی چار ہزار ورہے پہلوں ، ساڈا خُداوند لوکاں نوں فرما چُکیا اے پئی اوہ یسوع مسیح دے سبب اوہناں دے سارے پاپاں نوں مکائے گا ۔تے نویں عہد نامے دے زمانےوچ ، جد ویلا آیا ، خُدا نے اپنے سارے وعدہ پورے کر دتے پئی اوہ یسوع ، مکتی داتا نوں ایس زمین اُتے گھلے گا ، یعنی اوہ یسوع نوں یوحنا کولوں بپتسمہ دواوے گا تے یعنی اوہ دنیا دے پاپاں نوں سولی اُتے مسیح دے لہو دے سبب مکائے گا ۔
جد لوکاں شیطان کولوں دھوکا کھاداتے اوہناں دے پاپ دے سبب اپنی بربادی وچ پھس گئے ، ساڈے خُداوند نے وعدہ کیتا پئی اوہ ایہنوں ایہدے پاپاں توں چھڈائے گا ۔ فیر اوہنے یسوع مسیح نوں گھلیا ، اوہنوں بپتسمہ دوایا تے اوہد ا لہو وگایا ، تے اِنج لوکاں نوں کامل طریقے نال اوہناں دے پاپاں توں بچالیا ۔
مُکاشفہ دے کلام دے سبب ، خُدا کھول کے بیان کر چُکیا اے کِنج دا جلال اوہناں نوں اڈیکدا اے جیہڑے اپنے پاپاں دی معافی پا چُکے نیں ، تے دوجے پاسے کس طرح دی سزاپاپیاں نوں اڈیکدی اے ۔ دوجے اکھراں وچ ، خُدا سانوں دسدا اے پئی بوہت سارے لوک نیں جیہڑے دوزخ وچ مُک جان گے بھاویں اوہ اوہدے اُتے دلوں ایمان رکھن دا دعویٰ کر چُکے نیں (متّی ۷:۲۱۔۲۳)۔
ساڈا خُداوند پاپیاں نوں اوہناں دے پاپاں توں بچا چُکیا اے ، تے اوہ برکتاں والے کلام نوں لکا کے نا رکھن دا سانوں حکم دے چُکیا اے جیہڑا اوہ راستبازاں لئی تیار کر چُکیا اے ۔
 
 
کیہڑے بھیڑے تے پلیت نیں ؟
 
آیت ۱۱ دسدی اے ، ” جیہڑا بُرائی کر دا اے۔ بُرائی ای کر دا رہے۔ تے جیہڑا پلِیت اے پلِیت ای روے۔ تے جیہڑا راستباز اے اوہ راستبازی ای کر دا رہے تے جیہڑا پاک اے۔ پاک ای ہوندا رہے۔ “ایتھے ”بُرائی کرن والے“ کیہڑے نیں ؟ برائی کر ن والے اوہناں دے علاوہ کوئی دوجے نیں ہیگے جیہڑے خُداوند دے راہیں دتی گئی پانی تے رُوح دی خوشخبری دی محبت اُتے ایمان نئیں رکھدے ۔ ایس لئی پئی لوک ہر ویلے پاپ کردے نیں، اوہناں نوں لازمی پانی تے رُوح دی خوشخبری اُتے ایمان رکھنا چاہی دا اے جیہڑی خُداوند اوہناں نوں دے چُکیا اے تے اِنج اپنیاں زندگیاں خُدا نوں جلال دیندے ہویاں بسر کرنیاں چاہی دیاں نیں ۔ایس لئی پئی صرف خُدا اکو اے جنہوں لوکاں کولوں وڈیائی کراؤنی اے،تے کیوں جوصرف اوہ اکو اے جیہڑا سانوں اپنی مکتی دے فضل دے کپڑے پوا چُکیا اے ، سانوں ساریاں نوں لازمی ایہو جیہی زندگی گزارنی چاہی دی اے جیہڑی خُدا نوں سارا جلال دیندی اے ۔ اوہ جیہڑے خُدا دی نافرمانی کردے نیں پلیت نیں ، ایس لئی پئی اوہ سدا اوہدے کلام اُتے ایمان نئیں رکھدے ۔
متی ۷ : ۲۳ وچ ، ساڈے خُداوند نے دین پرستاں نوں دسیا کیہڑے صرف جیبھ نال اوہدے اُتے ایمان رکھن دا اقرار کردے نیں ، ”میَں کدی تہانوں نئیں جانیا ۔اے شریعت توڑن والیو میَتھوں دُراڈے ہو جاؤ۔“ساڈا خُداوند اوہناں نوں ”اے شریعت توڑن والیو “ آکھدا اے ۔ اوہ اوہناں نوں جھڑکدا اے ایس لئی پئی ایہہ لوک یسوع اُتے صر ف اپنے بولاں نال ، یعنی سچے دلوں پانی تے رُوح دی خوشخبری والا ایمان رکھن توں ہٹ کے ایمان رکھدے نیں ۔ بدکاری پاپ اے تے خُدا دے کلام اُتے اپنے سچے دلوں ایمان نا رکھنا وی پاپ اے ۔ ایس لئی ، جد لوک خُدا دے اگے بدکاری کردے نیں ، ایہدا مطلب ہیگا اے پئی اوہ محبت تے پانی تے رُوح دی مکتی اُتے ایمان نئیں رکھدے جیہڑی خُدا اوہناں نوں دے چُکیا اے ۔ بدکاری کسے دے دلی خیال مطابق خُدا دے کلام نوں بدلن توں علاوہ کجھ ہور نئیں ہیگی تے ایہدے اُتے انھے وا ایمان رکھنایعنی جیہڑےوی طریقے نال اوہ بندہ محسوس کردا اے ۔
اوہ جیہڑے سچ مُچ یسوع اُتے ایمان رکھدے نیں نوں لازمی قبول کرنا چاہی دا جو کجھ خُدا قیم کرچُکیا اے جویں ایہہ ہیگا اے ۔اسیں یسوع اُتے ایمان رکھدے آں، پر ایہہ کسے طرح سانوں خُدا دے ارادے تے اوہدی مکتی دے پورے ہون نوں بدلن دی اجازت نئیں دیندا ۔ خاص حوالے دا پیغام ایہہ ہیگا اے پئی خُدا اوہناں نوں سدا دی زندگی دیوے گا جیہڑے اوہدی مکتی اُتے ایمان رکھدے نیں جویں اوہ اوہدی خُدائی ذات اُتے قیم نیں ، پر اوہناں نوں دوزخ وچ سُٹے گا جیہڑے خُدا دےاصول نوں جیہڑے وی طریقےنال یعنی اوہناں نوں دلی سواد نال چنگا لگدا اے بدلد ے تے ایمان رکھدے نیں۔
” جیہڑا بُرائی کر دا اے۔ بُرائی ای کر دا رہے۔ “ ایہہ حوالہ سانوں دسدا اے پئی ایہو جیہے لوک ، ڈھیٹ پن وچ ، خُدا ولوں تیار کیتی گئی مکتی اُتے ایمان نئیں رکھدے ۔ اوہ بُرائی کرن والے نیں ۔ تے ایس لئی پاپی سدا بُرائی کردے نیں ۔
ایہہ حوالہ گل نوں جاری رکھدا اے ، ” تے جیہڑا پلِیت اے پلِیت ای روے۔ “ ایہہ اوہناں بارے دسدا اے جیہڑے ،بھاو یں اوہ پاپی نیں ، تے سچیائی دے باوجود پئی یسوع پانی تے لہو نال اوہناں دے پاپاں نوں مکا چُکیا اے ، کوئی دھیان نئیں دیندے جو کجھ اوہناں دے پاپاں نوں پاک کرن لئی ایمان نال موجود اے ۔ ایسے طرح ، خُدا ایہناں بے ایمان لوکاں نوں کلا چھڈ دیوے گا جویں اوہ نیں، تے فیر اوہناں دی عدالت کرے گا ۔ لوکاں نوں ضمیر دین دے سبب ، خُدا اوہناں لئی واضح طریقے نال اوہناں دے دلاں وچ پاپ نوں پچھاننا سوکھا کر چُکیا ا ے ۔ تے فیر وی اوہ حالے تیکر اپنے دلاں وچ پاپاں نوں معاف کرن دا ، نا ای پانی تے رُوح دی خوشخبری نوں جانن دا ارادہ رکھدے نیں ۔ خُدا سانوں دسدا اے پئی اوہ ایہناں لوکاں نوں اِنج ای رہن دی اجازت دیوے گا جویں اوہ نیں ۔
امثال دی کتاب ۳۰ : ۱۲ فرماندی اے ، ”اک نسل ایہو جیہی اے جیہڑی اپنی خیال وچ پا ک اے پر اوہدی گندگی اوہدے توں دھوئی نئیں گئی ۔“ اج دین پرست مسیحی ایہو جیہے لوک نیں جیہڑے بھاویں اپنے پاپاں توں پاک ہونا نئیں چاؤہندے ۔ پر ، یسوع جیہڑا آپ ای خُدا اے ایس زمین اُتے پاپیاں نوں بچاؤن لئی آیا ، اوہناں دے سارے پاپاں نوں اکو ای وار اپنے آپ اُتے لوکاں دے پاپاں نوں لین دے سبب اپنے بپتسمے نال پاک کر دتا ، ایہناں سارے پاپاں لئی سولی اُتے چڑھن دے سبب اکو ای وار سزا پائی ،تے اِنج بناں شک ساڈے وچوں اوہناں نوں پاپ توں بچا چُکیا اے جیہڑے ایمان رکھدے نیں ۔
جیہڑا وی جان دا تے پانی تے رُوح دی خوشخبری دے کلام اُتے ایمان رکھدا اے جیہد ے نال یسوع مسیح پاپیاں نوں بچا چُکیا اے ، ساڈا خُداونداوس بندے نوں اوہدے سارے پاپاں توں معاف ہون دی اجازت دےچُکیا اے ،ایہدے توں ہٹ کے پئی کس قِسم دا پاپی او ہوسکدااے۔تے فیر وی ہُن تیکر لوک موجود ہیگے نیں جیہڑے ایمان دے راہیں پاپ دی ایہہ معافی حاصل نئیں کر چُکے۔ ایہہ اوہ لوک نیں جیہڑے اپنے آپ توں ایتھوں تیکر اپنے پاپاں توں چھٹ جان دی کوشش نا کرن دا یعنی پاک نا ہون دا پکا ارادہ کر چُکے نیں ۔ خُدا اوہناں نوں اِنج ای رہن دیوے گا جویں اوہ ہیگے نیں ۔
ایہہ خُدا دا انصاف نوں پورا کرنا اے ۔ ایہہ ظاہر کردا اے پئی خُداانصاف کرن والا خُدا اے ۔ ایہہ لوک گندھک دی اگ وچ سُٹے جان گے جیہڑی سدا تیکر بلدی رہوے گی ۔ فیر اوہ سوچن گے سچ مُچ کیہڑا انصاف دا خُدا اے ۔ بھاویں اوہ یسوع دا اپنے مکتی داتا وانگر اقرار کردے نیں ، اوہ ناصرف اپنے آپ نوں دھوکہ دیندے پئے نیں ،سگوں اوہ دوجیاں دے دلاں نوں وی پلیت کردے پئے نیں ۔ ایس لئی پئی او پانی تے رُوح دی خوشخبری نوں ردّ کر چُکے نیں ، خُدا اوہناں نوں اوہدے مطابق مُنھ بھنن والا جواب دیوے گا پئی اوہ کیہ کرچُکےنیں ۔ جد اوہ دیہاڑا آوے گا ، خُدا اپنا غصہ اوہناں اُتے گھلے گا جیہڑے اوہدے غصے دے حقدار نیں ۔
 
 
ہر کسے نوں اوہدے کم مطابق صلہ دیوو
 
ایس زمین اُتے دو قِسماں دے لوک نیں: اوہ جیہڑے خُداوند نوں مل چُکے نیں تے اوہ جیہڑےنئیں مل چُکے ۔ ساڈاخُداونداوہدے کم مطابق ہر کسے نوں بدلہ دیوے گا ۔ کوئی اپنے آپ وچ راستباز نئیں ٹھہر سکدا ، سگوں راستبازی یسوع توں ملدی اے ۔ اوہنے سارے لوکاں دے سارے پاپاں نوں اکو ای وار اپنے بپتسمے نال اپنے آپ اُتے چُک لیا ، دنیا دے پاپاں نوں سولی اُتے لَے گیا ، تے سولی اُتے پاپ دی ساری سزا نوں جریا جنہوں لوکاں نوں آپ جرنا چاہی دا اے ۔ لوک ایس سچیائی اُتے ایمان رکھن دےسبب راستباز بن سکدے نیں ۔اوہ جیہڑے ایس سچیائی اُتے ایمان رکھدے نیں اوہ لوک نیں جیہڑے خُداوندنوں قبول کر چُکے نیں ۔
خُدا اوہناں نوں جیہڑے بے پاپ نیں ، جیہڑے جان دے تے ایس سچیائی اُتے ایمان رکھدے نیں ، ایس زمین اُتے خوشخبری دی منادی کرن تے اوہدے پاک کلام نوں قیم رکھن لئی آکھدا اے جویں اوہ زندگی نوں جاری رکھدے نیں ۔ خُدافرماندااے، ” تے جیہڑا پاک اے۔ پاک ای ہوندا رہے۔ “سانوں لازمی ایہہ حکم اپنے دل وچ رکھنا چاہی دا اے ، اپنے پاک ایمان دی راکھی کرنی چاہی دی اے تے سدا کامل خوشخبری دی منادی کرنی چاہی دی اے ۔ کیوں ؟ ایس لئی پئی ایس دنیا و چ بوہت سارے لوک ایس کھری خوشخبری نوں نئیں جان دے تےنتیجے طور اُتے اوہناں دا ایمان سارا غلط اے ۔
ایس زمین اُتے اوہ لوک نیں جیہڑے کسے شرط توں اڈ ہولی ہولی پاکیزگی دے خُدائی نظریے دی حمایت کر دے نیں ۔ بھاویں ساڈا خُداوندپہلوں ای لوکاں دے پاپاں نوں مکاچُکیا اے ، ایہہ لوک فیر وی اپنے ہر دیہاڑے دے پاپاں دی معافی لئی دعا منگدے نیں ، ایتھوں تیکر پئی جویں ہُن نیں ۔ ہر دیہاڑے دے مطابق اپنیاں توبہ دیاں دعاواں پیش کردے ہویاں ، اوہ اپنے پاپاں نوں پاک کرن دی کوشش کردے نیں ، یعنی ہولی ہولی پاک ہون لئی تاں پئی اوہ اخیریں راستباز بن جان جیہڑے بعدوں کوئی پاپ
نئیں کرن گے ،تے اِنج یسوع دے مزاج والے بن جان ۔ پر یسوع مسیح ، خُدا دا پُتر ، بادشاہ ، نبی تے وڈاکاہن اے ۔
خُدا دے سچے خادم نا صرف اپنے یقین نوں پکیاں کردے رہندے نیں پئی ہر کوئی سچ مُچ پاپ توں معاف اے ، سگوں اوہ ہر کسے دی سچیائی تیکر یعنی خُدا دے تعاون کرن والے خادماں وانگر اگوائی وی کردے نیں ۔ خُدا دے خادم اوہ لوک نیں جیہڑے ، لکھے ہوئے کلام دے سبب ، گلاں دی ٹھیک تعلیم رکھدے نیں جیہڑیاں آؤن والے دناں وچ ہون گئیاں ۔
آیت ۱۲۔۱۳ فرماؤندیاں نیں، ” ویکھ مَیں چھیتی آؤن والا آں تے ہر اِک دے کمّاں دے سببّوں بدلہ دینا میرے کول اے۔ مَیں الفا تے اومیگا اوّل تے اخِیر۔ شُروع تے چھیکڑ آں۔ “ ساڈا خُداوند بناں شک الفا تے اومیگا اوّل تے اخیر ، شروع تے چھیکڑ اے ۔سانوں لازمی ڈر کے ہر گل اُتے ایمان رکھنا چاہی دا اے جیہڑی خُداوند سانوں فرما چُکیا اے ۔
ساڈاخُداوند پا ک لوکاں نوں اوہناں برکتاں دا انعام دیوے گا جیہڑیاں اوہناں دے کماں توں بوہت وڈیاں نیں ، ایس لئی پئی اوہ جلال والا تے رحم کرن والا اے ۔ اوہ رحم کرن والا تے ترس کھان والا اکو خُدا اے جیہڑا سانوں ساڈے سارے پاپاں توں بچا چُکیا اے، تے جویں مُکاشفہ دا کلام سانوں دسدا اے ،پئی اوہ قدرت تے انصاف والا خُدا اے جیہڑ ا اپنے مکتی دے کم نوں مکمل کرے گا ۔ تے ایہہ مکتی دا کامل ہونا ، جیہڑی چھیتی پوری ہون والی اے ، نویں یروشلیم دے شہر وچ پاک لوکاں دے جلالی داخلے نوں اجازت دین دی اے ، یعنی اوہناں کماں مطابق ساڈے خُداوند دا کھلے دل نال تے چوکھا انعام اے ۔
 
 
مبارک نیں اوہ جیہڑے اوہدے حکماں اُتے عمل کردے نیں
 
آیت ۱۴ نوں جاری رکھدے ہویاں ، خاص حوالہ سانوں دسدا اے ، ”مبارک نیں اوہ جیہڑے اپنے کپڑے دھوندے نیں [جیہڑے اوہدے حکماں اُتے عمل کردے نیں] کیوں جو زِندگی دے بُوٹے کول آؤن دا اختیار پان گے تے اوہناں پھاٹکاں توں شہر وِچ داخل ہون گے ۔“ بوہت سارے لوک ہیگے نیں جیہڑے ، ایس آیت اُتے خاص کر کے ، ایہہ دعویٰ کر دے نیں پئی مکتی
کماں نال ملدی اے دوجے اکھراں وچ ، اوہدے حکماں اُتے عمل کرن دے سبب ملدی اے ۔
پر اصل وچ ، ” اوہدے حکماں اُتے عمل کرن “دا مطلب ایمان رکھنا تے ایمان نال خُدا دے سارے لکھے ہوئے کلام اُتے قیم رہنا اے ۔ یوحنا رسول نے لکھیا ،” اوہدا حکم ایہہ اے پئی اسی اوہدے پُتر یسوع مسیح دے ناں اُتے ایمان لیاوے تے جیہااو س سانوں حکم دتا اے تیہا اک دوجے نال محبت کرئیے “(۱۔ یوحنا۳ : ۲۳)۔ ایس لئی ، جد اسیں پانی تے رُوح دی سچی خوشخبری اُتے ایمان رکھدے آں تے اپنےآ پ نوں ساری دنیاوچ سارے گواچے ہوئے لوکاں نوں بچاؤن لئی خوشخبری دی منادی واسطے وقف کردے آں ، اسیں او ہدے اگے اوہدے حکماں اُتے عمل کردے پئے آں ۔
سچائی ایہہ ہیگی ا ے پئی سارے پاپ جیہڑے اسیں اپنی ساری زندگیاں وچ کردے آں پہلوں ای بپتسمہ دے سبب مکائے گئے نیں جیہڑا یسوع نے یوحنا بپتسمہ دین والے کولوں لیا ۔ ایس بپتسمے دے بعدوں ، ساڈے خُداوند دا صلیبی لہو ، اوہدا جیوں اُٹھنا ، تے اوہدا اسمان اُتے چڑھنا سانوں نویں سریوں جم چُکیا اے تے سانوں اوہدی سچیائی وچ نویں زندگی بسر کرن دی اجازت دے چُکیا اے ۔
جد کدی اسیں نویں سریوں جمن دے بعدوں پاپ وچ ڈگ پیند ے آں ، سانوں لازمی سچیائی دے کلام ول پرتنا چاہی دا اے جیہڑا ساڈے سارے پاپاں نوں ساڈے توں پا ک کر چُکیا اے: سوچو پئی ساڈیاں جڑیاں اِنج دیاں نیں پئی اسیں بچ نئیں سکدے سگوں پاپ کردےآں؛ تے، یردن دے دریادے ایمان ول اک واری فیر مُڑدیاں ہویاں جتھے ساڈے خُداوند نے ساڈیاں ساریاں کمیاں ، غلطیاں تے پاپاں نوں چُک لیا ، یسوع دے بپتسمے نال بپتسمہ لِیئے تے مسیح نال رل کے دفن ہوئیے جیہڑا سولی اُتے مرگیا ۔ جد اسیں اِنج کردے آں ، اسیں اخیر نویں سریوں جمن دے بعدوں اپنے کیتے ہوئے پاپاں توں چھُٹ سکدے آں تے دُھل کے پاک ہو سکدے آں ۔ یعنی اپنے فدیہ دی سدا دی مکتی دی دوبارہ تصدیق کرن تے اوہدی پکی تے کامل مکتی لئی اوہدا شکر کرن دے سبب ، خُدا دی راستبازی نوں پکیاں ہوکے پھڑ کے رکھیے ۔
یسوع پہلوں ای ایس دنیا دے سارے پاپاں نوں دھو چُکیا اے ۔ مسئلہ ساڈے دل وچ ہیگا اے ۔ بھاویں ساڈا خُداوند پہلوں ای اپنے بپتسمے نال دنیا دے پاپاں دی فکر کر چُکیا اے ، ایس لئی پئی اسیں لوک سوچدے نئیں پئی خُداوند اِنج اپنے بپتسمےتے سولی اُتے مرن نال ساڈے سارے پاپاں نوں پاک کر چُکیا اے ، ساڈے دل پاپیاں وانگر دکھ وچ رہندے نیں ۔ ایس لئی اسیں اِنج سوچن بارے ٹھیک آں پئی اسیں حالے تیکر اپنے اندر پاپ باقی رکھدے آں ، جد پئی اصل وچ سارا کجھ جیہڑا اسیں کرنا اے صرف ایمان رکھنااے پئی ساڈے سارے پاپ اصل وچ پہلوں ای یسوع مسیح دے راہیں دتی گئی پانی تے رُوح دی خوش خبری دے سبب دھوتے گئے نیں ۔
ساڈے دل پاپاں دے سبب چھاننی ہو گئے نیں ، جنہاں توں سچیائی فیر ایہناں پاپاں دے پھٹاں نوں شفا دے سکدی اے ؟
ایہہ پھٹ وی سارے پانی تے رُوح دی خوشخبری اُتے ایمان رکھن دے سبب چنگے ہو سکدے نیںیعنی ایمان رکھن دے سبب پئی ساڈے خُداوند نے یردن دے دریا اُتے یوحنا کولوں بپتسمہ لین دے سبب اپنے آپ اُتے دنیا دے سارے پاپاں نوں چُک لیا تے یعنی اوہنے ایہناں ساریاں پاپاں نوں کلوری دی سولی اُتے لَے جان تے ایہدے اُتے اپنا لہو وگان دے سبب مکا دتا ۔ دوجے اکھراں وچ ، ساڈیاں کرتوتاں دے پاپ جیہڑے اسیں پاپ دی معافی پاؤن دے بعد وں کردے آں وی دُھل سکدے نیں جد اسیں اک واری فیر خوشخبری اُتے اپنے ایمان نال پک کردے آں پئی یسوع مسیح پہلوں ای ساڈے پاپاں نوں ، بشمول ساڈے کماں دے ایہناں پاپاں نوں ، پاک کر چُکیا اے ۔
ایس دنیا دے پاپ اکو ای واری سارے دھوتے گئے جد یسوع مسیح نے اپنا بپتسمہ لیا تے سولی اُتے چڑھ کے مویا۔ ایسے طرح ، نا دنیا دے پاپ نوں نا ای ساڈے اپنے پاپاں نوں دوجی یا تریجی واری دُھلن دی لوڑ اے ، جویں بھاویں اوہناں نوں لگاتار دھلنا چاہی دا اے ۔جے کوئی سکھاؤندا اے پئی پاپ توں معافی تھوڑی تھوڑی کر کے مل جاندی اے ، فیر خوشخبری جیہدی اوہ منادی کردا پیا اے اک جھوٹی خوشخبری اے ۔
خُدا دنیا دے پاپاں نوں اکو ای وار مکا چُکیا اے ۔ عبرانیوں ۹ : ۲۷ سانوں دسدا اے ، ”تے جویں بندیاں نوں اک وار مرنا ہوندا اے تے مگروں عدالت ہوندی اے ۔“ جویں اسیں پاپ دے سبب اک واری مردے آں ، ایہہ خُدا دی مرضی اے پئی سانوں اکو ای وار پاپ د ی معافی وی ملنی چاہی دی اے ۔ ایس زمین اُتے آکے یسوع مسیح نے اکو ای وار اپنے آپ اُتے ساڈے سارے پاپاں نوں چُک لیا ، اکو ای وار مر گیا ، تے ساڈی تھاں اُتے ایسے طرح اکو ای وار سزا جری ۔ اوہنے ایہہ کم بوہت واری نئیں کیتے ۔
جد اسیں اپنے دلوں یسوع مسیح اُتے ایمان رکھن دے سبب پاپ دی معافی پاؤندے آں ، فیر ، ساڈے لئی سارا اکو ای وار ایمان رکھنا تے سارے پاپاں دی سدا دی مکتی پاؤنا وی ٹھیک اے ۔ ایس لئی پئی پاپ جیہڑے اسیں اودوں توں کردے آں ویلے کویلے ساڈے دلاں نوں پھٹ لاؤندے نیں ، سارا کجھ جیہڑا سانوں کرنا اے مکتی دے ایس کلام اگے جانا اے ، یعنی ساڈا خُدا سارے اکو ای وار ساڈے پاپاں نوں دھو چُکیا اے تے ساڈے داغی دلاں نوں پاک کردا تے ایمان رکھن نال چنگا کر دا اے : ” اے خُداوند ، میَں بوہت چوکھیاں کمیاں نال بھریا ہویا ہاں ۔ مَیں فیر پاپ کر چُکیا ہاں ۔ مَیں تیری مرضی مطابق اک کامل زندگی گزارن دے لائق نئیں ساں ۔ پر جد تُسی یردن دے دریا اُتے یوحناکولوں بپتسمہ لیا تے سولی اُتے لہو وگایا ، کیہ تُسی میرے ایہناں ساریاں پاپاں دی فکر نئیں کیتی سی ؟ ہیلیلویاہ ! اے خُداوند ، مَیں تیری وڈیائی کردا ہاں ! “
ایہو جیہے ایمان نال ، اک واری فیر اسیں اپنی پا پ دی معافی دی تصدیق کر سکدے تے سدا خُداوند دا شکر کر سکدے آں ۔ مُکاشفہ دا ایہہ اخیری باب سانوں دسدا اے پئی یسوع مسیح دے اگے جان دے سبب ، جیہڑا زندگی دا بوٹا اے ، تے ایمان دے سبب پئی خُداوند پہلوں ای دنیا دے سارے پاپاں نوں دھو چُکیا اے ، اوہ جیہڑے پاپ دی معافی پاچُکے نیں ، خُدا دی بادشاہت ، یعنی پاک شہر وچ ، اپنے ایمان دے سبب جان دے حقدار ہو گئے نیں ۔
جیہڑا وی خُدا دےشہر وچ جانا چاہندا اےاوہنوں لازمی ایمان رکھنا چاہی دا اے پئی یسوع مسیح نے اکو ای وار اپنا بپتسمہ لین تے اپنا لہو وگان دے سبب سدا لئی سارے لوکاں دا فدیہ دتا ۔ بھاویں اسیں کمیاں والے بوہتے چوکھے کم کردے آں ،اپنے مکتی داتا یسوع مسیح دے بپتسمہ تے لہو اُتے ایمان رکھن دے سبب ، ساڈا ایمان خُداولوں سچ وانگر منظور ہوسکدا اے ، تے اسیں سارے زندگی دے بوٹے کول جا سکدے آں ۔
صرف مسیح دے بپتسمہ تے لہو اُتے ایمان رکھن دے سبب اسیں نویں یروشلیم دے شہر وچ وگن والے حیاتی دے پانی نوں پین تے زندگی دے بوٹے دے پھل نوں کھان دے حقدار ہو سکدے آں ۔ ایس لئی پئی نویں اسمان تے نویں زمین اُتے جان دی اہلیت، جیہدی کدی کسے کولوں کھو لین دی اجازت نئیں ہوسکدی ، صرف پانی تے رُوح دی خوشخبری کولوں ملدی اے ، سانوں لازمی اپنے ایمان دی راکھی کرنی چاہی دی اے تے ایہدی بوہت سارے دوجیاں لوکاں تیکر منادی وی کرنی چاہی دی اے ۔ ایسے طرح ، جملہ ”اوہدے حکماں اُتے عمل کردے آں“ دا ساڈے لئی مطلب ایمان دے سبب دنیا اُتے فتح پاؤنا اے یعنی ، ایمان رکھناتے پانی تے رُوح دی خوشخبری اُتے عمل کرنا ، تے ساری دنیا وچ اپنے آپ نوں کھری خوشخبری دی منادی لئی وقف کرنا اے ۔
یسوع سانوں متی ۲۲ باب وچ ، ”ویاہ دے میل دی تمثیل“ دسدااے ۔ ایس تمثیل دے وچوں جیہڑی گل لبھدی اے اوہ ایہہ ہیگی اے پئی اوہناں نوں جنہاں اپنے ویاہ دے کپڑے نئیں پائے ہوئے باہر ہنیرے وچ سُٹ دینا چاہی دا اے (متی ۲۲: ۱۱ ۔۱۳)۔ کویں اسیں لیلے دےویاہ دے میل وچ جان لئی ویاہ دے کپڑے پا سکدے آں، تے ویاہ دے کپڑے کیہ نیں ؟ ویاہ دے کپڑے جیہڑے سانوں لیلے دےویاہ دے میل وچ جان دے لائق بناؤندے نیں پانی تے رُوح دی خوشخبری دے سبب سانوں دتی گئی خُدا دی راستبازی اے ۔ کیہ تُسی پانی تے رُوح دی خوشخبری اُتے ایمان رکھدے او ؟ جے اِنج اے ، فیر تُسی خوب صورتی نال اوہدی راستبازی دے کپڑے پائے نیں ، اِنج تُسی اسمان اُتے پُتر دی بے داغ ووہٹی وانگر جا سکدے او ۔
اسیں ، نویں سریوں جمے ہوئے لوک وی ، ہر روز پاپ کردے آں ، پر فیروی ، صرف اوہ راستباز جیہڑے خُدا دے اگے اپنے پاپاں تو ں معاف ہو گئے نیں ایمان رکھ کے راستبازی دے کپڑیاں نال اپنے ہر دیہاڑے دے پاپاں نوں دھون دے لائق نیں۔ ایس لئی پئی اوہ جنہاں دے پاپ معاف نئیں ہوئے اپنے پاپ دھون دے لائق نئیں ہیگے ، اوہ کدی اپنیاں ہردیہاڑے دی توبہ دیاں دعاواں نال اپنے آپ نوں اپنے پاپاں توں پاک کرن دے لائق نئیں ہون گے ۔ یعنی اسیں خُداوند اُتے ایمان رکھن دے سبب دنیا دے پاپاں توں مکتی پا چُکے آں ، ایہہ سب جانن تے ایمان رکھن دے سبب ممکن ہویا سی پئی خُداوند ایس زمین اُتے آؤن ، بپتسمہ لین تے اپنا لہو وگان دے سبب دنیا دے ساڈے سارے پاپ دھو چُکیا اے ۔
دوجے اکھراں وچ ، اسیں بھروسہ کرسکدے آں پئی ساڈے ہر دیہاڑے دے پاپ پہلوں ای اوہدی کھری خوشخبری نال دھوئے گئےنیں ۔ اوہ جیہڑے پانی تے لہو دے کلام دے سبب خُداوند کولوں پاپ دی معافی پا چُکے نیں ،وی پاپ توں اپنی مکتی اُتے ایمان رکھ سکدے نیں جیہڑے اوہ اوسے طرح اپنی زندگیاں جاری رکھدے نیں ، کردے رہندے نیں ۔
ایس لئی پئی ساڈا خُداوند اکو ای وار ساڈے پاپاں نوں مکا چُکیا اے یعنی اسیں اوہناں پاپاں توں وی جیہڑے اسی اپنے ذاتی کماں نال کردے آں سدا دے فدیہ دی ایس مکتی اُتے ایمان رکھن دے سبب دُھل سکدے آں ۔دوجے اکھراں وچ ، جے اِنج نئیں سی ، جے ساڈا خُداوند اکو ای وار ساڈے سارے پاپ نئیں دھو چُکیا سی ، تاں کویں اسیں کدی بے پاپ بن سکدے ساں ؟
کویں اسیں کدی اسمانی پاک شہر وچ جا سکدے ساں؟ کویں اسیں کدی یسوع مسیح ، یعنی زندگی دے بوٹے اگے جا سکدے ساں؟ اپنے خُداونداُتے ایمان رکھن دے سبب جیہڑا ساڈے سارے پاپاں نوں مکا چُکیا اے ، اسیں پاک تے بے داغ لوکاں وانگر اسمانی بادشاہی وچ جا سکدے آں؛ تے جد کدی اسیں اپنیاں زندگیاں وچ پاپ کردے آں،اپنے خُداوند اگے جان تے تصدیق کرن دے سبب پئی اوہ ایہناں پاپاں نوں وی مکا چُکیا اے ، اسیں سارے اِنج پاپاں توں چھُٹ سکدے آں ۔ ایس لئی میَں تہانوں دسدا ہاں پئی صرف نویں سریوں جمے ہوئے لوک ایمان دے سبب اپنے ہر دیہاڑے دے پاپاں توں معاف ہون دے حقدار نیں ۔
خُدا دے اگے داؤد بادشاہ نے وڈا پاپ کیتا ، بھاویں اوہ خُدا دا خادم سی ۔ اوہنے وہیاہی وری زنانی نال زناکاری کیتی ، تے اوہدے گھر والے نوں جانوں مروایا جیہڑا اوہدا وفادار سپاہی سی ۔ پر فیر وی ، اوہنے خدا دی ترس بھری معافی لئی ایس طرح وڈیائی کیتی:
”مبارک اے اوہ جیہدی غلطی معافی کیتی گئی تے جیہدا پاپ کجیا گیا ۔
مبارک اے اوہ بندہ جیہدی بدکاری دا خُداوندکھاتہ نئیں لکھدا
تے جیہدے دل وچ فریب نئیں ۔“(زبور ۳۲ : ۱ ۔ ۲)۔
کیہڑے ایس دنیا وچ تے خُدا دے اگے بوہت مبارک لوک نیں؟ مبارک لوک ساڈے وچوں اوہناں دے علاوہ کوئی دوجے نئیں ہیگے جیہڑے نویں سریوں جم پئے آں ؛ جیہڑےمکتی یافتہ ہو گئے آں؛ تے جیہڑے جد کدی ساڈیاں زندگیاں وچ پاپ ہو جاندااے ، سچیائی ول ویکھدے آں پئی خُداوند ساڈے سارے پاپاں نوں مکا چُکیا اے ، ہر دیہاڑے زندگی دے چشمے کول جاندے آں ، تے اپنے داغی دلاں نوں ہر دیہاڑے دھوندے آں ۔ ایہہ اپنی مکتی اُتے غور فکر کرنا تے اپنے خُداوند دی مکتی دے وڈے فضل دی تصدیق کرنا اے ۔
صرف راستباز ، اپنیاں ساریاں کمیاں نوں پورا کردیاں ہویاں پاپ توں معافی پا چُکے نیں ۔ اوہناں دے کم کامل نیں ،تے ایسےطرح اوہناں دے دل وی کامل نیں ۔ اِنج بے داغ راستباز بنن دے بعدوں ،اسیں بادشاہی وچ جا سکدے آں جیہڑی خُدا ساڈے لئی ، اسمانی بادشاہی تیار کر چُکیا اے ۔ جے اسیں صرف قبول کرئیے یسوع مسیح ، مکتی دا بوہا تے زندگی دا بوٹا ، ساڈے لئی کیہ کر چُکیا اے ، تاں اوہدی قدرت ظاہر ہووے گی ، تے ایس سبب توں اسیں پاپ دی ساری معافی پاواں گے تے اسمان اُتے جاواں گے ۔
 
 
اوہ جیہڑے زندگی دے بوٹے کول جاندے نیں
 
ایس لئی ساڈے وچوں اوہ جیہڑے پاپ دی معافی پا چُکے نیں خُداوند کول سدا جاندے نیں ایہہ تصدیق کرنا اے پئی ساڈا خُداوند ساڈے سارے پاپاں نوں مکا چُکیا اے ، اک واری فیر مکتی دے فضل اُتے سوچ وچار کرنا ، ایہنوں یاد رکھنا ،تے ایہدے لئی خُدا دی وڈیائی کرنا اے ، تاں پئی اسیں اوہدی بادشاہی وچ جان دے بوہت چوکھے لائق ہوسکیے۔ ایس لئی اسیں خوشخبری دی منادی کردے آں ۔
مسیحیاں دی نا گنی جان والی تعداد ، خُدادے اوہناں خادماں نال ملن دے لائق نئیں جیہڑے اوہناں دی پاک کلام دی ٹھیک تعلیم دے سبب اگوائی کرسکدے نیں ، تے اوہ اپنی کلام دی غلط سوچ تے بھٹکیاں عقیدیاں وچ پھسے ہوئے نیں ۔ ایتھوں تیکر پئی ہُن ،ایہو جیہے لوک نیں جیہڑے اپنے چنگے کماں دے جال وچ پھسے ہوئے نیں ، ہر صبح تے ساری رات توبہ دیاں دعاواں منگدے نیں ۔ اوہ کیوں ایہو جیہا کم کردے نیں ؟ ایس لئی پئی اوہ ایمان رکھدےنیں پئی اِنج کر کے اوہناں دے پاپ معاف ہو جان گے ۔ تے اوہ اِنج دا ایمان ایس لئی رکھدے نیں ایس لئی پئی اوہناں نیں غلط خُدا ئی تعلیم سکھی اے ۔ پر ایہہ خُدا دے اگے غلط کم نیں ۔ ایہو جیہے لوک وچارے لوک نیں جیہڑے نا خُدادی راستبازی نوں نا ای اوہدی شرطوں اڈ محبت نوں جان دے نیں ۔
پاک کلام ایہو جیہا نئیں ہیگا جیہڑا فضول ای اے ، جس طرح گو ہر کوئی ایہدی جیہڑے وی طریقے نال چاؤہندا اے تشریح کر سکدا اے ۔ تے فیر وی ایس لئی پئی لوک ایہدی اِنج دی تشریح کر چُکے نیں ، ایہو جیہی تعلیم دے چُکے نیں ،تے ایہدے اُتے اپنے دلی انسانی خیالاں دی نیہہ اُتے ایمان رکھ چُکے نیں ، نتیجہ اُتلی صورتِ حال وانگر اے یعنی ، اوہ خُدا دی راستبازی تے محبت نوں نئیں جان دے ۔ پاک کلام دا ہر حوالہ بالکل ٹھیک مطلب والا اے ، تے ایہدی صرف خُدا دے اوہناں نبیاں ولوں ٹھیک تشریح ہو سکدی اے جیہڑے پاپاں دی معافی پا چُکے نیں ۔
زندگی دے بوٹے اگے جانا ساڈے لئی جد پئی ایس زمین اُتےخُداوند اُتے ایمان رکھنا ، ہر دیہاڑے یاد رکھنا اے پئی ساڈا خُداوند ساڈے پاپاں نوں مکا چُکیا اے ، اوہدی وڈیائی کرنا ، تے ایس خوشخبری دی منادی کرنا اے ۔سانوں ، نویں سریوں جمیاں نوں وی ،پئی اوہنے اپنے آپ اُتے ساڈے پاپاں نوں چُک لیا ، ہر روزایس سچیائی دی تصدیق کرن ، شکرگزاری دی خوشی نال اوہدی بھگتی کرن، تے اپنے خُداوند کول جان نوں یاد رکھنا اے ۔
پر ، ایہہ کہنا حد توں ودھ کے بولنا نئیں ہیگا پئی ساری دنیاوچ مسیحی ایس حوالے دی غلط تشریح کر چُکے نیں تے غلطی نا ل ایمان رکھدے نیں پئی اوہ خُدا دی بادشاہی وچ ہر دیہاڑے دی نیہہ اُتے بنائیاں گئیاں توبہ دیاں دعاواں نال اپنے پاپاں نوں دھون دے راہیں داخل ہو سکدے نیں ۔پر ایہہ اوہ نئیں ہیگا جیہڑا ایس حوالے دا مطلب اے ۔
پاپ دی معافی پاؤن دے بعدوں، ساڈے دل تصدیق کرن دے سبب سکون نال رہ سکدے نیں پئی ساڈا خُداوند سارے پاپاں نوں مکا چُکیا اے جیہڑے اسیں اپنیاں کرتوتاں نال کردے آں ۔ اپنے سارے پاپ دی معافی دی تصدیق کرن دے راہیں ،اسیں ہور پاپ دے قیدی نئیں ہیگے آں ۔ ایہہ اسمان اُتے زندگی دے بوٹے کول جان دا راہ اے ۔
پاک کلام بندے دے خیال توں بالکل وکھ معنی رکھدا اے ۔ ایسے طرح ، سچیائی نوں جانن لئی ،سانوں لازمی پہلوں سکھنا تے خُدا دے نویں سریوں جمے ہوئے خادماں کولوں سچیائی نوں سُننا چاہی دا اے ۔
 
 
اوہ جیہڑے پاک شہر توں باہر نیں
 
آیت ۱۵ فرماندی اے ، ” پر کُتّے تے جادُوگر تے حرامکار تے خُونی تے بُت پرست تے جُھوٹھی گلّ دا ہر اِک پسند کرن تے گھڑن والا باہر رہوے گا۔ “ ایہہ کلام اخیری دناں دے اوہناں ساریاں لوکا ں بارے دسدا اے جیہڑے نویں سریوں نئیں جمے ۔ ایہہ سادگی نال حیران کرن والااےپئی ساڈا خُداوند ایہناں لوکاں نوں اینے ٹھیک طریقے نال پیش کرے گا ۔
کُتیاں دی اک عادت ایہہ ہیگی ا ے پئی اوہ کھادا پیتا باہر کڈھ دیندے نیں یعنی، اوہ سُٹ
دیندے نیں اوہناں کیہ کھادا سی ، ایہنوں فیر کھاندے نیں تے فیر سُٹ دیندے نیں ، تے فیر اک وار فیر اوہناں نیں ہُنے کیہ اُلٹی کیتی سی کھا لیندے نیں ۔ ساڈا خُداوند ایتھے فرماندااے پئی ایہہ ”کُتے“پاک شہر وچ جان دے لائق نئیں ہون گے ۔
فیر ایہہ کُتے کنہاں بارے دسدے نیں ؟ ایہہ اوہ لوک نیں جیہڑے رولا پاؤندے نیں ، ”اے خُداوند، میَں پاپی آں؛ مہربانی کر کے میرے پاپاں نوں دھو ،“تے فیر گاؤندےہویاں خُدا دی وڈیائی کردے نیں ، ”میَں معاف ہو گیا واں، تُسی معاف ہو گئے او ، اسیں سارے معاف ہوگئے آں !“پر اگلے ای ویلے ، ایہہ لوک اک واری فیر رولا پاؤندے نیں ، ” اَے خُداوند،میَں پاپی آں؛جے تُسی مینوں صرف اک ہور واری معاف کرو گے ، میَں فیر کدی پاپ نئیں کراں گا ۔“ فیر اوہ دوبارہ گاؤندے نیں ، ”میَں کلوری دے لہو دے سبب معاف ہو گیا واں!“
ایہہ لوک واپس جاندے نیں تے ایہناں بوہتا اگانہہ ودھدے نیں پئی کوئی یقین بھریاں نئیں ہیگا کیہ اوہ ٹھیک طریقے نال معاف ہوگئے سن یا نئیں ۔ ایہناں لوکاں توں علاوہ کوئی دوجے ایس قِسم دے لوک ”کُتے“ نئیں ہیگے جنہاں دے بارے وچ پاک کلام فرماندا اے ۔
کُتے ہر روز بھونکدے نیں ۔ اوہ صبح بھونکدے نیں،اوہ فیر دوپہر نوں بھونکدے نیں تے اوہ رات نوں بھونکدے نیں۔ایہہ لوک بالکل ایسے طریقے نال نئیں بھوندکدے، سگوں اوہ رولا پاؤندے نیں پئی اوہ پاپی نیں ،ایتھوں تیکر بھاویں اوہ اپنے پاپاں توں معاف ہو گئے نیں ۔ اوہ اک منٹ وچ راستباز بن جاندے نیں ، اوہ اگلے ای منٹ وچ پاپی بن جاندے نیں ۔
ایسے طریقے نال ، اوہ کُتّیاں وانگر نیں پئی اُلٹی کردے نیں پئی اندر کیہ اے تے ایہنوں فیر کھا لیندے نیں ، تے فیر دوبارہ ایہنوں صرف اک واری ہور کھان لئی اُلٹی کردے نیں ۔ مختصر، پاک کلام اوہناں مسیحیاں نوں جیہڑے حالے تیکر اپنے دلاں وچ پاپ رکھدے نیں ” کُتّیاں“وانگردسدا اے ۔ ایہہ کُتّے کدی اسمان اُتے جانئیں سکدے ، سگوں ایہناں نوں لازمی پاک شہر توں باہر رہنا چاہی دا اے ۔
اگلا، ”جادوگر“ کون نیں ؟ ایہہ اوہ لوک نیں جیہڑے ، معصوم گرجے جان والے لوکاں دے جذباتاں دا فائدہ اُٹھاندے ہویاں ، اپنیاں مٹھیاں گلاں نال اوہناں دے پیسیاں نوں اوہناں توں کھوندے نیں ، تے اوہ لوک نیں جیہڑے جھوٹھیاں نشاناں تے معجزیاں نال اوہناں دے روگاں توں شفا دا دعویٰ کردیاں ہویاں لوکاں نوں دھوکہ دیندے نیں ۔ ایس لئی پئی اوہ سارے خُدا دا ناں بے فائدہ لیندے نیں
، ایس لئی اوہ پاک شہر وچ جا نئیں سکدے ۔
ایسے طرح حرامکار ، خونی ،بُت پرست تے جیہڑا وی جھوٹ نال محبت کردا تے ایہدے اُتے عمل کردا اے پاک شہر وچ جا نئیں سکدا ۔ جد اخیری ویلا آوے گا ، کُتّے تے جادوگر لوکاں نوں دھوکہ دین گے تے مُخالفِ مسیح نکلے گا ۔ مُخالفِ مسیح جیہڑا بوہت ساریاں لوکاں نوں جھوٹے معجزیاں تے نشاناں نال دھوکہ دیندا ، اوہناں دیاں زندگیاں نوں کھوندا ، خُدا دے خلاف کھلوندا ، تے اپنے آپ نوں خُدا توں بوہتا اُچا جانن تے پوجا کراؤن لئی لبھدا اے تے اوہدے سارے منن والے کدی پاک شہر وچ جان دے لائق نئیں ہون گے ۔
ایسے طرح ، جے اسیں اوہناں دے دھوکے وچ ڈگ پیندے آں جیہڑے دعویٰ کردے نیں اسیں حالے تیکر پاپ رکھدے آں ، یاں جے اسیں نشاناں یا معجزیاں دے فریب وچ آؤندے آں جیہڑے ساڈے جذبیاں نوں اگاں لاؤندے نیں ، اسیں سارے مُخالفِ مسیح تے شیطان دے نال نال ، روندے ہوئے تے دند پیسدے ہوئے ، جویں کلام سانوں خبردار کردا اے پاک شہر توں باہر مُک جاواں گے ۔
آیتاں ۱۶۔۱۷ فرماندیاں نیں، ” مَیں یِسُوع اپنا فرِشتہ ایس لئی گھلّیا۔ پئی کلِیسیاواں دی بابت تُہاڈے اگّے ایہناں گلّاں دی گواہی دے۔ مَیں داؤد دی اصل تے نسل تے صُبح دا چمکدا ہویا تارا ہاں۔ رُوح تے وَوہٹی آکھدے نیں پئی آ تے سُنن والا وی آکھے آ تے جیہڑا تریہایا اے آوے تے جیہڑا چاہے حیاتی دا پانی مُفت لے لَئے۔ “
کیہ تُسیں اپنے پاپ دی معافی مفت پا چُکے او ؟ پاک رُوح تے خُدا دی کلیسیا دے سبب ، ساڈا خُداوند سانوں پانی تے رُوح دی خوشخبری دے چُکیا اے جیہڑی سانوں حیاتی دا پانی پین دے لائق کردی اے ۔ جیہڑا وی خُدا دی راستبازی لئی بُھکا اے ، جیہڑا وی سچیائی دے کلام لئی تریہیا اے ،تے جیہڑا وی دلوں پاپ دی معافی پاؤنا چاؤہندا اے ایہو جیہے سارے لوکاں لئی ، خُدا اوہناں نوں اپنے فضل دے کپڑے پاؤن دی پیش کش کر چُکیا اے تے اپنے کلام ، یعنی اپنی مکتی دے حیاتی دے پانی دا دعوت نامہ گھل چُکیا اے ۔ پاپ دی معافی پاؤنا صرف نویں اسمان تے نویں زمین لئی ایس دعوت نامے دا جواب دین دا طریقہ اے جتھے حیاتی دا پانی وگدا اے ۔
 
 
آمین ، اَے خُداوند یسوع آ!
 
آیت ۱۹ فرماندی اے،” تے جے کوئی ایس کتاب دی نبُوّت دِیاں گلّاں وِچوں کُجھ کڈھے تے خُدا اوس زِندگی دے بُوٹے تے پاک شہر وِچوں جِنہاں دا ایس کتاب وِچ ذِکر ہویا اے اوہدا حِصّہ کڈھ چھڈے گا۔“ خُدا دے اگے ، اسیں ایمان نئیں رکھ سکدے جیہڑے وی طریقے نال اسیں اپنے دلی خیالاں نال بھری آس رکھدے آں ۔ جے ایہہ خُدا دے کلام وچ لکھیا ہویا اے ، سارا کجھ جیہڑا اسیں آکھ سکدے آں صرف ”ہاں“ اے ۔ جے کسے نوں کلام لئی ”ناں “آکھنا سی ، ساڈا خُداوند وی اوہنوں ، ایہہ آکھدے ہویاں ، پراں سُٹ دیوے گا ، ”تُسی میرے پُتر نئیں ہیگے۔“ایس لئی سانوں لازمی کلام دے مطابق اوہدے اُتے ایمان رکھنا چاہی دا اے ۔اسیں خُدا دے کلام وچوں نا ای ودھا سکدے آں نا ای کجھ گھٹ کر سکدے آں ، سگوں سانوں لازمی ایہدے اُتے ایمان رکھنا چاہی دا اے جویں ایہہ لکھیا ہویا اے ۔
خُدا دے خادماں نوں پھڑنا تے ایمان رکھنا اے پئی پاک رُوح خُدا دی کلیسیا دے سبب کیہ فرماندا اے ایہہ ہے اصل ایمان سارا کیہ اے ۔ پر بوہت سارے لوک ، جویں اوہ اپنے ایمان وچوں پانی تے روح دی خوشخبری کڈھ چُکے نیں، حالے تیکر اپنے دلاں وچ پاپ باقی رکھدے نیں ۔ ایتھوں تیکر پئی جد کلام بوہت وار اوہناں نوں دسدا اے پئی صرف اوہ جیہڑے بے پاپ نیں خُدا دے پاک شہر وچ جا سکدے نیں ، اوہ فیر وی اپنے ایمان وچوں یسوع دا بپتسمہ کڈھدے نیں تے ایہدی تھاں اُتے ایمان وچ اپنی ضد نال ایہو جیہے کم مثلاً توبہ دیاں دعاواں تے پیسے دھیلے دیاں شیواں پیش کرنا شامل کردے نیں ۔
اوہناں نوں جیہڑے یسوع اُتےاپنے مکتی داتاوا نگر ایمان رکھدے نیں لازمی ایمان نال اقرار کرن دے لائق ہونا چاہی دا اے پئی لوکاں دے سارے پاپ بپتسمہ دے سبب یسوع اُتے لدے گئے سن جیہڑا یسوع نے یردن دے دریا اُتے یوحنا بپتسمہ دین والے کولوں لیا سی ۔ جے تُسیں یسوع دے بپتسمہ نوں کڈھ دیندے او تاں تُسیں لازمی اپنے ذاتی ایمان نوں چھڈ دے پئے او ۔ دوجے اکھراں وچ، جے تُسیں پانی تے روح دی خوشخبری اُتے ایمان نئیں رکھدے ، تاں ایتھوں تیکر پئی صلیبی لہو بے مقصد اے ، تے مسیح دا جیوں اٹھناوی تہاڈے لئی مناسب نئیں ہیگا ۔ صرف اوہ جیہڑے ایمان رکھدے نیں پئی خُدا اوہناں دے سارے پاپاں نوں مفت مکا چُکیا اے یسوع دے جیوں اُٹھن لئی مناسب نیں ،تے صرف اوہ خُداوند
یسوع دے آؤن لئی اُچی اواز نال پکار سکدے نیں ، جویں یوحنا رسول آیت ۲۰ وچ پکاردا اے ۔
آیت ۲۰ فرماندی اے ، ” جیہڑا ایہناں گلّاں دی گواہی دیندا اے۔ اوہ ایہہ آکھدا اے۔ پئی بے شک مَیں چھیتی آؤن والا آں۔آمِین اَے خُداوند یِسُوع آ۔ “ صرف راستباز ایہہ آکھ سکدے نیں ۔ ساڈا خُداوند چھیتی نال ای ایس زمین اُتے ، راستبازاں دیاں دعاواں مطابق واپس آوے گا ۔ صرف راستباز ،جیہڑے پانی تے روح دی خوشخبری اُتے ایمان رکھن دے سبب پاپ دی کامل معافی پا چُکے نیں ، بوہت خوش ہون گے تے خُداوند دے چھیتی مُڑ کے آؤن دے جوش و خروش نال اڈیک رکھن گے ۔ ایس لئی پئی اوہ جیہڑے خُداوند نوں ملن لئی تیار نیں صرف اوہ نیں جنہاں پانی تے روح دی خوشخبری دے کپڑے پائے ہوئے نیں یعنی ، جیہڑے بے پاپ نیں ۔
ساڈا خُدا اوس دن دی اڈیک رکھداپیا اے جد اوہ راستبازاں دی اڈیک دا جواب دیوے گا ،یعنی اوس دن دا جد اوہ ایس زمین اُتے آوے گا ۔ اوہ سانوں ہزار ورہیاں دی بادشاہی دا انعام دیوے گا ، تے سانوں جیہڑے راستباز آں ، نویں اسمان تے نویں زمین اُتے جان دی اپنی وڈی برکت دے کپڑے پواوے گا جتھے حیاتی دا پانی وگدا اے ۔ ساڈا خُداوند دی ایہہ اڈیک ہُن لمی نئیں ہیگی ۔ ایسے طرح ، سارا کجھ جیہڑا اسیں کر سکدے آں صرف ایہہ آکھنا اے ، ” آمین ۔ایتھوں تیکر پئی ایسے طرح ، آ،اے خُداوند یسوع آ! “تے ایمان تے شکرگزاری نال ، اسیں دلوں خُداونددے پرت کے آؤن دی آس رکھ سکدے آں ۔
اخیری طور اُتے ، آیت ۲۱ فرماندی اے ، ” خُداوند یِسُوع دا فضل پاک لوکاں دے نال رہے۔ آمِین۔ “ یوحنا رسول نے ہر کسے لئی مُکاشفہ دی کتاب دی اخیراپنی اخیری برکت دی دعا نا ل کیتی ۔ اوہنے اخیر وچ ، ہر کسے لئی اپنے دلوں یسوع اُتے ایمان رکھن ، مکتی یافتہ ہون ، تے خُدا دے شہر وچ جان دی آس رکھدے ہویاں اپنی برکت دی دعا پیش کیتی ۔
میرے سوہنے پاک لوکو، یعنی اسیں خُدا ولوں مکتی یافتہ ہو گئے آں دا مطلب ہیگا اے پئی اوہ ساڈے نال محبت کر چُکیا اے ، سانوں ساڈے سارے پاپاں توں چھڈا چُکیا اے تے سانوں اپنے لوک بناچُکیا اے ۔ ایس لئی ایہہ سوکھے طریقے نال حیران کرن والا تے شکر اے پئی خُدا سانوں راستباز بنا چُکیا اے تاں پئی اسیں اوہدی بادشاہی وچ جا سکیے ۔
ایہہ خاص گل اے پاک کلام سانوں کیہ فرماندا اے ۔ سانوں اپنی بادشاہی وچ سداتیکر زندہ رہن دے لائق بناؤن لئی ، خُدا تہانوں تے مینوں ایس کھری خوشخبری نوں سُنن دے راہیں نویں سریوں جمن دی اجازت دے چُکیااے ، تے اوہ سانوں ساڈے پاپاں تے عدالت توں چھڈا چُکیا اے ۔ میَں اوہدی مکتی لئی اپنے خُداونددی وڈیائی تے شکر کردا ہاں ۔
ایہہ کنی خوش نصیبی اے پئی اسیں اپنے پاپاں دی معافی سوکھے طریقے نال پا چُکے آں ۔ اسیں سارے اوہ لوک آں جیہڑے خُداوند ولوں وڈی برکت پا چُکے آں ۔ تے اسیں اوہدے نبی آں ۔ ایسے طرح ، سانوں لازمی اوہناں سارے لوکاں تیکر پاپ دی معافی دی خوشخبری ودھاؤنی چاہی دی اے جنہاں نے حالے ایس خوشخبری نوں سُننا اے ، تے او ہناں تیکر مُکاشفہ دے کلام دی ،یعنی خوشخبری نوں پورا کرن دی منادی وی کرنی چاہی دی اے ۔
میَں آس رکھدا تے دعا منگدا ہاں پئی ہر کوئی یسوع اُتے ایمان رکھے گا ، جیہڑا بناؤن والا ، مکتی داتا تے مُنصف اے ،تے، جد اخیری ویلا آوےگا ، اِنج خُداوند ولوں دتے گئے نویں اسمان تے نویں زمین دی پاک تھاں اُتے جاوے گا ۔ ساڈے خُداوند یسوع دا فضل تہاڈے ساریاں دے نال رہوے ۔