Search
اردو
اردو
کورونا وائرس اور بین الاقوامی ڈاک سروس میں رکاوٹ کی وجہ سے ، ہم نے اپنی ’مُفت چھپی ہوئی کتاب کی سروس‘ کو عارضی طور پر معطّل کردیا ہے۔
اِس صورتحال کی روشنی میں ہم اِس وقت آپ کو کتابیں بھیجنے کے قابل نہیں ہیں۔
دُعا ہے کہ یہ وبائی بیماری جلد ہی ختم ہوجائے اور ڈاک سروس بحال ہو جائے۔

خطبات

مضمون 10: مُکاشفہ(مُکاشفہ کی کتاب پر تفسیر)

[باب1-2] ہمیں سات اَدوار کا علم ہو نا چاہئے <مُکاشفہ ۱:۱۔۲۰>

ہمیں سات اَدوار کا علم ہو نا چاہئے
<مُکاشفہ ۱:۱۔۲۰>
 
مَیں خُداوند کا شکر ادا کرتا ہوں جو ہمیں اِس تاریک دور میں اُمید عطا کرتا ہے۔ ہماری اُمید یہ ہے کہ مُکاشفہ کی کتاب میں لکھاہوا سب کچھ سامنے آجائے گا ، اور اِس ایمان کے ساتھ انتظار کریں گے کہ نبوت کا سارا کلام پورا ہوگا۔
مُکاشفہ کی کتاب پر بہت کچھ لکھا جا چکا ہے۔ اگرچہ علمائے کرام کے نظریات اور تشریحات بکثرت ہیں ، اب بھی کسی ایسی تفسیر کو جاننا مشکل ہے جو بالکل کتاب مقدس کے عہد کے مطابق ہو۔ یہ صرف خدا کا فضل ہےکہ ، مَیں مُکاشفہ کےکلام کا مطالعہ اور تحقیق کرنے میں اَن گنت وقت گزارنےکے بعد ، اِس کتاب کو لکھنے کے قابل ہوا۔ یہاں تک کہ جیسے میں ابھی بولتا ہوں ، میرا دل مُکاشفہ کی سچائی سے بھر گیا ہے۔اِس کتا ب پر تبصرے اور خطبات تیا ر کرنے کے دوران بھی رُوح القدس نے مجھے معمورکِیا ہے ۔
پھر ، یہ حیرت کی بات ہے کہ، میرا دل آسمان کی اُمید اور ہزار سالہ بادشاہی کے جلال سے کثرت سےبھر جائے گا۔ مجھے یہ بھی احساس ہوا ہے کہ ہمارے خداوند کے لئے مقدسین کی شہادتیں کس قدر جلالی ہیں۔ اب ، مَیں آپ کے ساتھ حکمت کا کلام جو خدا نے مجھ پر ظاہر کِیاہے ، اور آپ کو اِس کو سمجھنے میں مدد کرنے کے لئے تیار ہوں۔
جب مَیں مُکاشفہ پر یہ کتاب لکھتا ہوں ، خدا کا جلال میرے دل کو ہمیشہ معمور کرتا ہے۔ بالکل صاف گوئی میں ، مجھے واقعی میں یہ احساس نہیں تھا کہ مُکاشفہ کاکلام کتنا عظیم ہے۔
خُدا نے یوحنا کویسوع مسیح کی دُنیا دِیکھائی۔ ابتدائی الفاظ ، "یسوع مسیح کا مکاشفہ" سے کیا مراد ہے؟ لفظ مُکاشفہ کے لغوی معنی ہیں کہ الٰہی سچائیوں کو ظاہر کرنے یا بیان کرنے کا ایک فعل ہے۔ یسوع مسیح کے مُکاشفہ سے مراد یہ ہے کہ یسوع مسیح کے وسیلہ مستقبل میں کیا ظاہر ہوگا۔ خُدا نے یسوع مسیح کے خادم یوحنا پر سب کچھ الگ ظاہر کردیا ، جو آخری وقت میں واقع ہو گا۔
مُکاشفہ کے کلام پر تحقیق کرنے سے پہلے ، ایک چیز ہے جس کے بارے میں ہمیں پہلے ہی یقین
کرلیناچاہئے —یعنی ، ہمیں یہ معلوم کرنا چاہیے کہ آیا مُکاشفہ کا لکھا ہوا نبوت کا کلام علامتی ہے یا حقیقی ۔ مُکاشفہ کی کتاب میں جو کچھ بھی لکھا گیا ہے وہ یقیناً حقیقی ہے ، جیسا کہ اُن رویاؤں کے ذریعہ جو یوحنا کو دیکھائی دیں خدا نے ہم پر تفصیل سے ظاہر کِیا ہے کہ اِس دنیا میں کیا ہوگا۔
یہ سچ ہے کہ بہت سارے علماء نے مُکاشفہ کی نبوتوں کو مختلف الہیات کےنظریات اور تشریحات کے ذریعے پیش کیا ہے۔ یہ بھی سچ ہے کہ اِن علماؤں نے اپنی بہترین صلاحیتوں سے مُکاشفہ کی سچائیوں سے پردہ اٹھانے کی کوشش کی ۔ لیکن اِس طرح کی منافقانہ تجویزات نے مسیحیت کو زیادہ نقصان پہنچایا ہے ، کیونکہ یہ بائبل کی سچائی کے مطابق نہیں تھیں اور صرف اُلجھنیں پیدا کر رہی ہیں۔ مثال کے طور پر ، بہت سے تنگ نظر علماء نے نام نہاد ’ہزار سالہ بادشاہی کی مخالفت ‘ (amillennialism) کی تائید کی ہے—یعنی ، اِن کا دعویٰ ہے کہ کوئی ہزار سالہ بادشاہت نہیں ہوگی۔ لیکن ایسی تجویزیں بائبل کی سچائیوں سے بہت دور ہیں۔
ہزار سالہ بادشاہی حقیقی طور پر مُکاشفہ کے باب ۲۰ میں درج ہے ، جہاں یہ لکھا ہے کہ مقدسین نہ صرف اِس بادشاہی پرراج کریں گے بلکہ ،ایک ہزار سال تک مسیح کے ساتھ بھی رہیں گے۔ دوسری طرف ، باب ۲۱ ، ہمیں بتاتا ہے کہ ہزار سالہ بادشاہی کے بعد ، مقدسین نئے آسمان اور زمین کے وارث ہوں گے اور مسیح کے ساتھ ہمیشہ کے لئے زندگی گزاریں گےاور راج کریں گے۔ یہ سب حقائق ہیں۔ بائبل ہمیں بتاتی ہے کہ یہ سارے حقائق مقدسین کے دلوں میں ایک علامتی تکمیل کے طور پر نہیں ، بلکہ تاریخ کی حقیقی تکمیل کے طور پر محسوس ہوں گے۔
لیکن آج کے مسیحیوں کو دیکھتے ہوئے ، ہمیں معلوم ہوتا ہے کہ اِن میں سے بہت سے لوگوں کے پاس ہزار سالہ بادشاہی کے لئے بہت کم اُمید ہے۔ اگر اُن کے اِنکار کے دعوے سچ تھے تو ،کیا اِس کا مطلب یہ نہیں ہوگا کہ خدا کے مقدسین سے وعدےصرف خالی الفاظ ہی ہوں گے؟ اگر یہاں کوئی ہزار سالہ بادشاہی مقدسین کی منتظر نہیں تھی، اور نہ ہی نیا آسمان اور زمین ، تو پھر اُن لوگوں کا ایمان بیکار ہو جائے گا جو یسوع کو اپنا نجات دہندہ ماننے پر ایمان رکھ کر نجات حاصل کر چکے ہیں۔
ایک متعلقہ مضمون پر ، آج بہت سے علم الہٰیات کے ماہرین اور خادمین دعویٰ کرتے ہیں کہ مُکاشفہ میں ۶۶۶کےنشان کی نبوت صرف علامتی ہے۔ لیکن کوئی غلطی نہ کریں: جب اِس نبوت کی تکمیل کا دن آئے گا ، تو اُن بدقسمت رُوحوں کا ایمان جو اِس طرح کے جھوٹے دعووں پر ایمان رکھتی ہیں وہ ایک ہی وقت میں ریت پر بنے ہوئے مکان کی طرح ہو گا۔
وہ جو محض یسوع کے نام پر ایمان رکھتے ہیں اور بائبل میں اُن پر ظاہر کی گئی سچائیوں پر یقین نہیں رکھتے ہیں تو ، خُدا اُن کے ساتھ بے دینوں جیسا سلوک کرے گا۔ اِس کا صرف یہ مطلب ہوسکتا ہے کہ وہ نہ صرف خدا کی طرف سے دی گئی پانی اور رُوح کی خوشخبری کو جانتے ہیں ، بلکہ یہ کہ رُوح القدس بھی اُن کے دلوں میں سکونت نہیں کرتاہے۔ یہی وجہ ہے کہ اُن کے دل ہزار سالہ بادشاہی یا نئے آسمان اور زمین سے کوئی اُمید نہیں رکھتےہیں جس کا خدا نے ہم سے وعدہ کِیا ہے۔ یہاں تک کہ اگر وہ یسوع پر اِیمان رکھتے تھے ، تب بھی اُن کا ایمان خدا کے کلام کی تحریری سچائی کے مطابق نہیں تھا۔ مُکاشفہ میں جو کچھ لکھا گیا ہے وہ خدا کا کلام ہے جو ہم پر ظاہر کرتا ہے کہ بالکل اور جلد ہی اِس دنیا میں کیا ہونے والا ہے۔
مُکاشفہ کے باب ۲ اور ۳ میں آسیہ کی سات کلیسیاؤں کو نصیحت کا لفظ درج ہے۔ اُن میں سات کلیسیاؤں کے لئے خدا کی تعریف اور ملامت دونوں پایا جاتا ہے۔ خاص طور پر ، خدا نے وعدہ کیا کہ زندگی کا تاج اُن لوگوں کو دیا جائے گا جو اپنی وفاداری پر قائم رہیں گےاور اپنی مصیبتوں پر غالب آئیں گے۔ اِس کا مطلب یہ ہے کہ یقینی شہادت آخری وقت کے تمام مقدسین کی منتظر ہوگی۔
مُکاشفہ کاکلام مقدسین کی شہادت ، اُن کے جی اُٹھنے اور اُٹھائے جانے، اور ہزار سالہ بادشاہی اور نئے آسمان اور زمین کے وعدے کے بارے میں ہے جو خدا نے اُن سے کیا تھا۔ مُکاشفہ کا کلام اُن لوگوں کے لئے ایک عظیم راحت اور نعمت ہوسکتی ہے جو اپنی یقینی شہادت پر ایمان رکھتے ہیں ، لیکن اِس کے پاس اُن لوگوں کے لئے پیش کرنے کے لئے بہت کم ہے جو اِس پر ایمان نہیں رکھتے ہیں۔ لہذا ہم آخری وقت پر مُکاشفہ اور اِس کے سچائی کے کلام میں لکھے گئے وعدے کے کلام پر اپنے مستحکم ایمان پر ثابت قدمی کے ساتھ رہ سکتے ہیں۔
مُکاشفہ کےکلام کے سب سے اہم سمجھے جانے والے مضمون ، مقدسین کی شہادت ، جی اُٹھنا اور اُٹھایا جانا ، اور ہزار سالہ بادشاہی اور نیا آسمان اور زمین ہیں۔ ابتدائی کلیسیا کے لئے خدا کا مقصد اور خواہش یہی تھی کہ مقدسین اپنی شہادت کے ساتھ اپنے ایمان کا آخر تک دفاع کریں۔ یہ اِس لئے ہے کہ خدا نے ان سب چیزوں کا منصوبہ بنایا تھا کہ اُس نے تمام مقدسین سے شہادت کی بات کی تھی۔ خدا نے دوسرے لفظوں میں ہمیں بتایا ہے کہ ، تمام مقدسین آخری وقت میں اپنی شہادت کے ذریعہ مخالفِ مسیح
پر غالب آئیں گے۔
مُکاشفہ کی پوری کتاب کو سمجھنے کے لئے ابواب ۱-۶ کی مکمل تفہیم ضروری ہے۔ باب ۱ کو تعارف کے طور پر بیان کیا جاسکتا ہے ، جبکہ باب ۲ اور ۳ ابتدائی کلیسیا کے مقدسین کی شہادت کی بات کرتے ہیں۔ باب ۴ خدا کے تخت پر مسیح کے بیٹھنے کے بارے میں بتاتا ہے۔ باب ۵ ہمیں یسوع مسیح کا اُس کتاب کو کھولنےکے باپ کے منصوبے اور اُس کی تکمیل کے بارے میں بتاتاہے ، اور باب ۶میں اُن سات ادوارکا ذکر کیا گیا ہے جو خدا نے بنی نوع انسان کے لئے تیار کیےہیں۔ باب ۶ کو سمجھنا خاص طور پر اہم ہے ، کیونکہ یہ آپ کے لئے پورے مکاشفہ کی تفہیم کا دروازہ کھول دے گا۔
باب ۶ کو ان سات ادوار کے پختہ نقشہ کے طور پر بیان کیا جاسکتا ہے جن کا خدا باپ نے یسوع مسیح میں انسانیت کے لئے منصوبہ بنایا ہے۔ خدا کی اِس پختہ نقشے میں سات ادوارکے لئے الہی عاقبت اندیشی ملتی ہےجو خُدانسلِ انسانی پر لانے والا ہے۔ جب ہم جانتے اور سمجھتے ہیں کہ یہ سات ادوار کیا ہیں ، تو ہم یہ سمجھنے کے قابل ہوں گے کہ اب ہم اِن میں سے کس دور میں رہ رہے ہیں۔ ہم یہ بھی جان سکیں گے کہ زرد گھوڑے کا دور ، مخالفِ مسیح کے آنے والے دور کے خلاف جدوجہد کرنے اور اس پر غالب آنےکے لئے ہمیں کس طرح کے ایمان کی ضرورت ہے۔
جیسا کہ مکاشفہ ۶ میں بیان کیا گیا ہے ، جب پہلی مہر کھولی گئی تو ایک سفید گھوڑا نکلا۔ اُس کا سوار کمان لئےہوئے ہے ، اُسے ایک تاج دیا گیا ، اور وہ فتح کرتا ہوا نکلاتاکہ اَور بھی فتح کرے۔ یہاں سفید گھوڑے پر سوار سے مراد یسوع مسیح ہے ، جبکہ اس حقیقت کا اُس کے پاس کمان تھا کا مطلب یہ ہے کہ وہ شیطان سے مقابلہ کرتا رہے گا اور فتح حاصل کرتا رہے گا۔ مختلف الفاظ میں ، سفید گھوڑے کا دورپانی اور رُوح کی خوشخبری کی فتح کا دور ہے جس کی خدا نے زمین پر اجازت دی ہے ، اور یہ دور اُس وقت تک جاری رہے گا جب تک کہ خدا کے تمام مقاصد پورے نہیں ہوں گے۔
دوسرا دور لال گھوڑے کا دور ہے۔ اِس سے مراد شیطان کےدور کی آمد ہے ، جس میں شیطان لوگوں کے دلوں کو دھوکہ دے گا کہ وہ جنگیں کریں ، زمین سے امن اُٹھا لےگا اور مقدسین کو ستائےگا۔
لال گھوڑے کے دور کے بعد کالےگھوڑے کا دور آئے گا ، جب قحط لوگوں کی رُوحوں اور جسموں پر حملہ کرے گا۔ اب آپ اور مَیں روحانی اور جسمانی قحط کے اِس دور میں جی رہے ہیں۔ جب مستقبل قریب میں زرد گھوڑے کے دور کے ساتھ اِس کا خاتمہ ہوگا تو مخالفِ مسیح اُٹھے گا اور اس کے
ظہور کے ساتھ ہی دنیا مہلک آفات میں گِرجائے گی۔
زردگھوڑے کا دور چوتھا دور ہے۔ اِس دور میں ، دنیا سات نرسنگوں کی آفتوں کی زد میں آجائے گی ، جہاں جنگل کا ایک تہائی حصہ جل جائے گا ، سمندر کا ایک تہائی حصہ خون میں بدل جائے گا ، صاف پانی کا ایک تہائی حصہ بھی خون میں بدل جائے گا ، اور سورج اور چاند کا ایک تہائی حصہ ، صدمے کے باعث ،
تاریکی میں بدل جائے گا۔
پانچواں دور مقدسین کے جی اُٹھنے اور اُٹھائے جانے کا دور ہے۔ جیسا کہ مکاشفہ ۶: ۹-۱۰ میں درج ہے ، " اور جب اُس نے پانچوِیں مُہر کھولی تو مَیں نے قُربان گاہ کے نِیچے اُن کی رُوحیں دیکھیں جو خُدا کے کلام کے سبب سے اور گواہی پر قائِم رہنے کے باعِث مارے گئے تھے۔اور وہ بڑی آواز سے چِلاّ کر بولِیں کہ اَے مالِک! اَے قدُّوس و برحق! تُو کب تک اِنصاف نہ کرے گا اور زمِین کے رہنے والوں سے ہمارے خُون کا بدلہ نہ لے گا؟"
چھٹا دور پہلی دنیا کی تباہی ہے۔ مکاشفہ ۶: ۱۲۔۱۷ کے مطابق ، "اور جب اُس نے چھٹی مُہر کھولی تو مَیں نے دیکھا کہ ایک بڑا بَھونچال آیا اور سُورج کَمّل کی مانِند کالا اور سارا چاند خُون سا ہو گیا۔اور آسمان کے سِتارے اِس طرح زمِین پر گِر پڑے جِس طرح زور کی آندھی سے ہِل کر انجِیرکے درخت میں سے کچّے پَھل گِر پڑتے ہیں۔ اور آسمان اِس طرح سَرک گیا جِس طرح مکتُوب لپیٹنے سے سَرک جاتا ہے اور ہر ایک پہاڑ اور ٹاپُو اپنی جگہ سے ٹل گیا۔اور زمِین کے بادشاہ اور امِیراور فَوجی سردار اور مال دار اور زور آور اور تمام غُلام اور آزاد پہاڑوں کے غاروں اور چٹانوں میں جا چُھپے۔اور پہاڑوں اور چٹانوں سے کہنے لگے کہ ہم پر گِر پڑو اور ہمیں اُس کی نظر سے جو تخت پر بَیٹھا ہُؤا ہے اور برّہ کے غضب سے چُھپا لو۔ کیونکہ اُن کے غضب کا روزِ عظِیم آ پُہنچا ۔ اب کَون ٹھہر سکتا ہے؟"
پھر ، ساتویں دور میں کیا ہوگا جو خدا نے ہمارے لئے تیار کِیا ہے؟ اس آخری دور میں ، خدا مقدسین کو اپنی ہزار سالہ بادشاہت اور نیا آسمان اور زمین عطا کرے گا۔
تو ، اب ہم اِن سات ادوار میں سے کون سے دور میں رہے ہیں؟ لال گھوڑے کا دور گزر چکا ہے ، جس کے دوران دُنیا کو بہت سی جنگوں نے تباہ کردیا تھا ، ہم کالےگھوڑے کے دور میں جی رہے ہیں۔
مُکاشفہ کا ساراکلام منفی طور پر نہیں، بلکہ مقدسین کے لئے ایک مثبت رُوح میں لکھا گیا ہے۔ خُدا
نے فرمایا کہ وہ نہ صرف یہ چاہتا ہے کہ وہ آخری وقت کے ماننے والوں کو اپنی ہزار سالہ بادشاہت کی اُمید دے ، بلکہ یہ بھی کہ وہ اُن کو دنیا میں یتیم نہیں چھوڑے گا۔
تاہم ، مُکاشفہ میں ظاہر کی گئی حقیقت کا ادراک کرنے کے لئے، ہمیں پہلے ایسی جھوٹی تعلیمات کو نظرانداز کرنا چاہئے جیسے ایذارسانی سے پہلے اُٹھائے جانے ، ہزار سالہ بادشاہی کی مخالفت کرنے والے، اور ایذا رسانی کے بعداُٹھائے جانے کے نظریات ، اور صحائف کی جانب رجوع لانا چاہئے۔
خُدا نے یسوع مسیح میں ہمارے لئے سات ادوار مقررکیے ہیں۔ یہ ساتوں دور خدا کی تخلیق کے آغاز ہی میں یسوع مسیح میں مقدسین کے لئے بنائے گئے تھے۔ پھر بھی چونکہ بہت سارے علماء ، خدا کی طرف سے مقرر کردہ ان سات ادوار سے لاعلم رہتے ہیں ، انہوں نے مُکاشفہ کے کلام پر صرف اپنی ہی تشریحات اور بے بنیاد مفروضے پیش کیے ہیں ، لوگ اِس سے بھی زیادہ اُلجھ چکے ہیں۔ لیکن ہم سب کو خدا کے مقرر کردہ سات ادوار کو پہچاننا چاہئے ، اور اِس سچائی پر علم اور ایمان کے ساتھ ، اُس نےجو کام ہمارے لئے کِیےہیں اُس کا شکر ادا کرنا اور جلال دینا چاہیے۔ مقدسین کے لئے خُدا کے تمام منصوبے اِن سات ادوار کے اندر مقرر اور پورے ہوئے ہیں۔
مَیں اُمید کرتا ہوں کہ اب تک میری گفتگو نے آپ کو مُکاشفہ کے تعارفی حوالہ کی کچھ بنیادی تفہیم دی ہے۔ مُکاشفہ کی کتاب کے ذریعہ ، ہم یہ پاتے ہیں کہ خدا کی مخلوق نے ان سات ادوار کا آغاز کِیا جو اُس نے یسوع مسیح میں پانی اور رُوح کی خوشخبری کے ساتھ مقررکیےتھے۔ اِن سات ادوار کو جاننے سے ، ہمارا ایمان اَور مضبوط ہوگا۔ اور اِن کو جاننے سے ، ہم سمجھیں گے کہ کالے گھوڑے کے دور میں رہتے ہوئے کس قسم کی آزمائشیں ہماری منتظر ہیں ، اور اِس احساس کے ساتھ ہی ، ہم ایمان کے ذریعہ زندگی گزار نے کےقابل ہوں گے۔
مقدسین—یعنی مجھے اور آپ کو شامل کرتے ہوئے—خُدا کے ذریعہ مقرر کردہ سات ادوار میں سے ایک جب زردگھوڑے کا دور آئے گاتو شہید ہوں گے۔ جب مقدسین کو اِس کا احساس ہو گا تو ،اُن کے دل اُمید سے بھر جائیں گے اور اُن کی آنکھیں وہ دیکھیں گی جو انھوں نے پہلے نہیں دیکھا۔ جب خُدا کے بندوں اورمقدسین کو شہادت کے دور کی جلد آمد کا احساس ہوجائے گا ، تو اُن کی زندگیاں تمام گندگی سے صاف ہوجائیں گی ، کیونکہ جیسے ہی انہیں احساس ہوگا کہ وہ زرد گھوڑے کے دور میں شہید ہوجائیں گے ، اُن کے دل تیار ہوجائیں گے حتیٰ کہ جب اُنہیں فی الحال اِس کا احساس نہیں ہوتاہے۔
ہم سب اِسی طرح شہید ہوں گے جس طرح ابتدائی کلیسیا کے مقدسین کو شہید کیا گیا تھا۔ آپ کو یہ احساس ہونا چاہئے کہ جب زرد گھوڑے کا دور آجائے گا ، شہادت سچے مقدسین کے لئے ناگزیر حقیقت بن جائے گی ، اُن کی شہادت کے فورا ًبعد ہی اُن کا جی اُٹھنا ہوگا۔
شہادت کے بعد جی اُٹھنا ہوگا ، اور جی اُٹھنےکےبعد اُٹھایا جانا، اور اُٹھائے جانے کے ساتھ آسمان پر خُداوند کے ساتھ ہماری ملاقات ہو گی۔مقدسین کی شہادت کے بعد ، ہمارا خُداوند مقدسین کو موت سے زندہ کرے گا اور اُن کو اُٹھائے جانے کے ساتھ آسمان میں شادی کی ضیافت میں شریک کرے گا۔
جب مقدسین کےاُٹھائے جانے کا وقت آئے گاتو ،زمین مکمل طور پر تباہ ہوچکی ہوگی کہ یہ عملی طور پر رہنے کے قابل نہیں ہوگی۔ جنگلات کا ایک تہائی حصہ جل چکا ہوگا۔ سمندر ، ندیاں اور یہاں تک کہ چشمے خون میں بدل جائیں گے۔ کیا آپ ایسی دُنیا میں مزید رہنا چاہیں گے جیسی آپ کو بالکل ضرورت تھی؟ مقدسین کے پاس شہادت میں شامل ہونے کی اور بھی وجہ ہوگی ، جیسا کہ دُنیا کے لئے کوئی اُمید باقی نہیں رہے گی۔
کیا آپ خوف سے کانپتی ہوئی ایسی ویران دُنیا میں رہنا چاہتے ہیں؟ یقیناً نہیں! آخر ی وقت مقدسین کی شہادت ہے ، اور اِس کے بعد اِن کاجی اُٹھنا اور اُٹھایا جانا ، اور اُن کے جی اُٹھنے اور اُٹھائے جانے کے ساتھ ہزارسالہ بادشاہی اور نئےآسمان اور زمین میں خدا کے ساتھ ہمیشہ رہنے کا جلال ہے۔
بائبل ہمیں واضح طور پر بتاتی ہے کہ عظیم ایذارسانیوں کے وسط کے بعد — یعنی ،سات سالہ دور کےساڑھے تین سال —مقدسین اپنے ایمان کے ساتھ مخالفِ مسیح کے خلاف کھڑے ہونے پر شہید کیےجائیں گے ، اور اِس کے بعد اُن کا جی اُٹھنا اور اُٹھایا جانا اور مسیح کی آمدِ ثانی ہوگی۔ دوسرے لفظوں میں ، مسیح کی واپسی اور مقدسین کا جی اُٹھنااور اُٹھایا جانا عظیم ایذارسانیوں کے دوران اُن کی شہادت کے بعد ہونے والی ہیں۔ اب وقت آگیا ہے کہ آپ ایسے موضوعات پر زیادہ سنجیدہ سوچ رکھیں۔
کیا ہم اُس وقت بھی شہید ہوسکتے ہیں حتیٰ کہ جب خدا کے مقرر کردہ زرد گھوڑے کا دور ابھی نہیں آیا؟ یقیناً نہیں۔ لیکن "ایذارسانیوں سے پہلے اُٹھائے جانے کا نظریہ" یہ سکھاتا ہے کہ تمام مقدسین کو عظیم ایذارسانیوں کے آغاز سے پہلے ہی خُدا کی طرف سےاُٹھالیا جائے گا ، اور وہ اِس طرح سات سالہ ایذارسانیوں میں سے کسی ایک سے بھی گزر نہیں پائیں گے۔ یہ نظریہ دعویٰ کرتاہے کہ کوئی شہادت نہیں ہے ، اور یہ یقین نہیں رکھتا کہ زردگھوڑے کا دور مقدسین کے پاس آئے گا۔
اگر یہ "ایذارسانیوں سے پہلے اُٹھائے جانے کا نظریہ " سچ ہے تو ، پھر ، مُکاشفہ کے باب ۱۳ میں بیان کی جانے والی مقدسین کی شہادت کا کیا مطلب ہے؟ یہاں یہ بات بالکل واضح طور پر بیان کی گئی ہے کہ مقدسین کو شہید کیا جائے گا کیونکہ وہ ، جن کے نام خدا کی زندگی کی کتاب میں لکھے گئے ہیں ، وہ شیطان کے سامنے ہتھیار نہیں ڈالیں گے۔
جو لوگ "ایذارسانیوں کےبعد اُٹھائے جانے کا نظریہ" پڑھاتے ہیں اُن میں بھی زرد گھوڑے کے دور ، اور مقدسین کی شہادت ،جی اُٹھنےاور اُٹھائے جانے کے بارے میں صحیح فہم کا فقدان ہے۔ اِس مفروضے کے مطابق ، مقدسین ساتوں آفتوں کے نرسنگے بجنے تک اِس زمین پر اُس وقت تک موجود رہیں گے۔ لیکن مُکاشفہ ہمیں واضح طور پر بتاتا ہے کہ مقدسین کاجی اُٹھنا اور اُٹھایا جانا اس وقت پیش آئے گی جب آخری فرشتہ نرسنگا پھونکےگا—اِس سے پہلے ، دوسرے لفظوں میں ، خدا کے غضب کے سات پیالے اُنڈیلے جائیں۔ یہی وجہ ہے کہ مُکاشفہ پانی اور رُوح کی خوشخبری پر ایمان رکھنے والوں کے لئے عظیم راحت اور برکت کا کلام ہے۔
"ہزار سالہ بادشاہی کی مخالفت کرنے والے" لوگوں تک صرف مایوسیوں اور اُلجھنوں کو لائے ہیں ، اور یہ حقیقت نہیں ہے۔ ہمارے خُداوندنے اپنے شاگردوں سے جو وعدہ کِیا تھا —کہ مقدسین کو پانچ یا دس شہروں پر حکومت کرنے کا اختیار دیا جائے گا —یہ ہے کیا ہزار سالہ بادشاہی میں واقعی ہوگا۔
آپ کو یہ یاد رکھنا چاہئے کہ ایذا رسانی سے پہلے اُٹھائے جانے، ایذارسانی کے بعد اُٹھائے جانے ، اور ہزار سالہ بادشاہی کی مخالفت کرنے جیسے نظریاتی تصورات بے بنیاد دعوے ہیں جو صرف ایمانداروں کے لئےشک اور اُلجھن کا باعث بنتے ہیں۔
پھر ، خُدا نے ہمیں مُکاشفہ کی کتاب کیوں دی؟ اُس نے سات ادوار کے وسیلے سے ہمیں اپنی عاقبت اندیشی ظاہر کرنے اور یسوع کے شاگرد بننے والوں کو آسمان کی حقیقی اُمید دلانے کےلئے مُکاشفہ کا کلام دیا۔
حتیٰ کہ اب بھی ، سب کچھ خدا کے منصوبے کے مطابق ہو رہا ہے۔ ہم جس دورمیں اب رہ رہے ہیں وہ کالے گھوڑے کادورہے۔ مستقبل قریب میں ، کالےگھوڑے کا یہ دور جلد گزر جائے گا اور زردگھوڑے کا دور آجائے گا۔ اور زرد گھوڑے کےدور کے ساتھ ہی مخالفِ مسیح کے عروج کے ساتھ مقدسین کی شہادت کا آغاز ہوگا۔ یہ دور وہ دور ہے جس میں پوری دُنیا مخالفِ مسیح کے واحد اختیار کے تحت یکجا اور متحد ہوجائے گی۔ یسوع کے شاگردوں کو لازمی طور پر ابھی تیاری کرنی چاہئے اور اپنے ایمان کے ساتھ زرد گھوڑے کے دور کی جلد آمد کے ساتھ مقابلہ کرنے کے لئے تیار رہنا چاہئے۔