SANE KƆ NSUO NE HONHOM ASƐMPA NO MU

Meda Onyankopɔn ase sɛ ɔdaa nokorɛ hann ne gyidie korɔgyenn a ɛnni Kristosom mu nnɛ ɛnam atorɔ nkyrɛkyerɛ ne honhom mu nnaadaa a wɔgye diiɛ, na ɛsiiɛ berɛ a Contastine de Milan Ahyɛdeɛ foforɔ baeɛ wɔ mfeɛ 313 mu wɔ yɛn Awurade wuo akyi.
Nwoma ɛyɛ “SANE KƆ NSUO NE HONHOM ASƐMPA NO MU” ma yɛn abakɔsɛm fa nnoɔma a ɛsisiiɛ a ɛtwee Akristokfoɔ pii no ara firii twerɛ kronkron mu gyidie a na Asuafoɔ a wɔdii kan baeɛ ne wɔn a na wɔwɔ Tete Asafo no mu wɔ bie no ho. Nwoma no da sɛdeɛ Kristosom ayera hann no na ɛde ne ho akɔhyɛ nnaadaa ne gyidie a adwene nni mu, a ama kristosom asafokuo ahodoɔ ne wɔn akyidifoɔ akɔgye nnaadaa asɛmpa adie.
Mekenkanee nwoma yi wieeɛ no, me honhom ani buee maa metee honhom mu twetiatwa ase yie wɔ nokorɛm, a ɛba mu berɛ a wɔtwa bɔne a Yesu kaa ho asɛm wɔ Marko 7:20-23 no firi yɛn akomam, a ɛnam yɛn gyidie wɔ asubɔ a Yesu nyaeɛ wɔ Yordan Asubɔntene mu firii Yohane Suboni hɔ no so ma yɛbɛyɛ nnipa a bɔne biara nni wɔn ho (Mateo 3:15-17). Yɛn AWURADE nyaa asubɔ wɔ nsagusoɔ kwan so sɛdeɛ ɛbɛyɛ na ɔbɛhyɛ nkɔmhyɛ a ɛwɔ Lewiticus 16:21 ma a ɛhia yie paa ma yɛn daa daa nkwagyeɛ. Nanso, wɔayi saa nokorɛ yi afiri Kristosom gyidie mu. Na ne saa nti, tumi biara nni mu a ɛno nti wɔntumi nwo pii no ara foforɔ wɔ nokorɛm.
Twerɛsɛm no kyerɛ yɛn sɛ, ɛkwan bi wɔ hɔ a ɛtene wɔ onipa ani soɔ, nanso n`awieeɛ yɛ owuo akwan (Mmebusɛm 14:12). Deɛ ɛka ho bio nso, Onyankopɔn ka kyerɛɛ yɛn sɛ, yɛmmisa tete atempɔn no, deɛ ɔkwan pa no wɔ no (Yeremia 6:16-20). Ne saa nti, megye di yie paa sɛ ɛyɛ Onyankopɔn na ɔkaa Rev Paul C Jong maa no twerɛɛ nwoma a ɛyɛ “SANE KƆ NSUO NE HONHOM ASƐMPA NO MU” sɛdeɛ ɛbɛyɛ na yɛbɛhunu ɔkwan pa no, na yɛgye nokorɛ asɛmpa a na ɛwɔ hɔ dada a Asuafoɔ a wɔdii kan baeɛ gyidiiɛ no.
Metu Okristoni biara fo sɛ ɔbɛkenkan nwoma yi anya gyidie nsakyeraeɛ a ɛyɛ nokorɛ wɔ Kristo nsuo ne Honhom asɛmpa no mu. Nwoma yi a mekenkaneeɛ no ama mayɛ nhyira.