خیمۂ اِجتماع داپہلا چھاڑ اسمانی ، ارغوانی تے لال دھاگے تے باریک وٹے ھوئے کتان اُتے کروبیاں دی فنی صورتاں بنا کے پردے اُنن دے راھیں بنایا گیا سی ۔ ایہہ ظاھر کردا اے پئی مسیحا اسمانی ، ارغوانی تے لال دھاگے تے باریک وٹے ھوئے کتان دے راھیں آوے گا تے ایس طرحاں اوھناں ساریاں نوں اوھناں دے پاپاں تے سزا توں بچاوے گا جیہڑے اوھدے اُتے ایمان رکھدے نیں ۔

خیمۂ اِجتماع دا دوجا چھاڑ بکریاں دی اُنّ نال بنیا ھویا سی ۔ ایہہ سانوں دسدا اے پئی آؤن والا مسیحا ساریاں لوکاں نوں اوھناں دے پاپاں تے ایناں پاپاں دی سزا توں چھڈا کے راستباز بناوے گا ۔

خیمۂ اِجتماع دا تیجا چھاڑ میمنیاں دی لال رنگیاں ھویاں کھلاں نال بنایا گیا سی ۔ ایہہ ظاھر کردا اے پئی مسیحا ایس دھرتی اُتے آوے گا ، بپتسمہ لین دے راھیں جگ دے پاپاں نوں چُکے گا ، سولی اُتے مرے گا ، تے ایس طرحاں اپنے لوکاں دے پاپاں لئی قربانی دا میمنا بن جاوے گا ۔

خیمۂ اِجتماع  دا چوتھا چھاڑ تخس دیاں کھلاں دا بنیا ھویا سی ۔ تخس دی کھل سانوں یسوع مسیح دا خاکہ وکھاؤندی اے  جنہے اپنے آپ نوں سارے لوکاں دی حد تیک سانوں جگ دے پاپاں توں بچاؤن دے سلسلے وچ ھر طرحاں توں ھیٹھاں سُٹ لیا ۔