会幕研究

圣经研究
会幕研究

سونے دا شمع دان

سونے دا شمع دان اک قنطار کھرے سونے نال بنیا ھویا سی۔ ایہدی ڈندی اک قنطار کھرے سونے دے اکو ٹوٹے نوں کُٹ کے ، ایہدے دونواں پاسیاں وچوں ھر اک وچوں نکلدیاں ھوئیاں تِن تِن شاخاں نال بنائی گئی سی ، تے ست چراغ ڈنڈی دے سرے تے ایہدیاں چھ شاخاں اُتے رکھے ھوئے سَن۔ جویں سونے دا شمع دان اک قنطار کھرے سونے نال بنایا گیا سی ، ایہہ دل نوں ورچاؤن والی شان تے ویکھن لئی سوھنا نظارہ سی ۔

سونے دے شمع دان دے اُتے ، تیل پاؤن لئی ست چراغ دان سی ، جیہڑے ھر ویلے پاک جگہ نوں روشن کرن لئی بالے جاندے سَن ۔

جویں پاک جگہ دے اندر سونے دا شمع دان ہمیش اپنی تابندہ روشنی چمکاؤندا سی ، ایسے طرحاں اوہ وی جیہڑے پانی تے رُوح دی خوشخبری اُتے ایمان رکھن دے راھیں خُدا دے پُتر بن جاندے نیں مکتی دے نُور نال ایس جگ نوں روشن کر سکدے نیں جیہڑی لوکاں نوں اوھناں دے پاپاں توں بچاؤندی اے۔ دوجے اکھراں وچ ، صرف اوہ جیہڑے پانی تے رُوح دی خوشخبری دے سبب پاپ دی معافی پا چُکے نیں شمع دان دا کم پورا کر سکدے نیں جیہڑا مکتی دا نُور دیندا اے ، تاں پئی دوجے وی ایس سچیائی نوں جان سکن تے اپنے پاپاں دی معافی پا سکن ۔

سونے دا شمع دان پُھل ، لاٹو، تے پیالیاں رکھدا سی ۔ جویں خُدا نے حکم دتا پئی ست چراغ شمع دان اُتے رکھے جانے چاھی دے نیں، جدوں شمع دان بلدا سی ، تاں ھر ویلے ھنیرا پاک جگہ توں مُکدا سی ۔ ایہدا مطلب اے پئی راستباز جیہڑے پانی تے رُوح دی خوشخبری اُتے ایمان رکھن دے راھیں اپنے پاپاں توں پاک ھوگئے نیں سارے اکٹھے ھون گے ، خُدا دی کلیسیا بناؤن گے ، تے ایس جگ نوں روشن کردین گے ۔ شمع دان دی روشنی جیہڑی پاک جگہ اُتے چمکدی سی پانی تے رُوح دی خوشخبری اے ، جیہڑی ایس جگ دے ھنیرے نوں مکاؤندی اے ۔

相关的布道

· سونے دا شمعدان <خروج ۲۵:۳۱۔۴۰>