Aufgrund von COVID-19 und der Unterbrechung des internationalen
Postdienstes haben wir unseren "kostenlosen Druckbuch-Service" vorübergehend eingestellt.
Postdienstes haben wir unseren "kostenlosen Druckbuch-Service" vorübergehend eingestellt.
Angesichts dieser Situation können wir Ihnen die Bücher derzeit nicht zusenden.
Beten Sie, dass diese Pandemie bald endet und der Postdienst wieder aufgenommen wird.
Beten Sie, dass diese Pandemie bald endet und der Postdienst wieder aufgenommen wird.
Thema 2: Der Heilige Geist
2-6. کیہ اوپریاں بولیاں بولنا پاک رُوح دی بھرپوری دا ثبوت نئیں ہیگا اے ؟ نئیں تے کویں سانوں پتہ لگدااے پئی اوہ ساڈے وچ رہندااے ؟
سانوں پکا یقین نئیں ہوسکدا پئی کسے بندے نے پاک رُوح دی بھرپوری پا لئی اے ، صرف ایس لئی پئی اوہ اوپریاں بولیاں بولدااے ۔ ایتھوں تیک پئی بدرُوحاں بھرے لوک اوپریاں بولیاں بول سکدے نیں ۔تہانوں پتہ ہونا چاہی دااے پئی شیطان لوکاں نوں یسوع مسیح دے ناں ہیٹھاں روانی نال اوّلی اوپریاں بولیاں وچ بولن دے لائق کرسکدااے ۔
جے اسیں آکھدے آں پئی اوپریاں بولیاں بولنا پاک رُوح دی بھرپوری دا ثبوت اے ، فیر ایہہ مکمل طور اُتے پاک کتا ب دے خیال توں غلط اے ۔ تے سانوں پاک رُوح دے خلاف کفر بکن دے پاپ وچ سُٹ دا اے ۔۱۔ کرنتھیوں ۱۲:۳۰ آکھدااے ، ” کیہ ساریاں نوں شفا دین دی طاقت ملی؟ کیہ سارے وکھ وکھ بولیاں بولدےنیں ؟ کیہ سارے ترجمہ کردے نیں ؟ “ کیوں جے پاک رُوح خُدا دا رُوح ہیگا اے ، اوہ کسے وی طرحاں پاپی نال نئیں ہوسکدااے تے نہ ای اوہ کسے اوس بندے وچ رہ سکدااے جیہڑ اپنے دل وچ پاپ رکھدااے ۔
سانوں اِنج داایمان رکھن دی نئیں لوڑ ہیگی اوس بندے نے پاک رُوح پالیا اے ،صرف ایس لئی پئی اوہ اوپریاں بولیاں بولدااے ، سگوں غور نال ویکھنا چاہی دااے ،کیہ اوس بندے نے پانی تے رُوح دی خوشخبری اُتے ایمان لیا کے پاپاں توں معافی پائی اے۔جے کوئی بندہ سوچدااے پئی اوہ پاک رُوح پا چُکیا اے ایس لئی پئی اوہ کئی خاص طرحاں دے تجربے رکھدااے ،مثال طوراُتے اوپریاں بولیاں بولنا ہوسکدااے ،پئی اوہ شیطان دے اک فریبی دھوکے وچ پھس گیا اے (۲ ۔ تھسلنیکیوں ۲ : ۱۰)۔ پاک رُوح اک انعام ہیگا اے جیہڑا خُدا ولوں لوکاں نوں دتا جاندااے جیہڑے اوہدے کلام دے راہیں اپنے پاپاں توں معافی پا چُکے نیں ۔
دوجے سوال وچ ، پاک رُوح آپ خُدا تے سچیائی دا رُوح ہیگا اے ۔ ایس لئی اوہ پانی تے رُوح دی خوشخبری نال رَل کے کم کردااے ۔ اوہ بندیاں دی مرضی وچ کم نئیں کردا۔ اوہ پاپیاں دی پانی تے رُوح دی خوشخبری اُتے ایمان لیاؤن وچ اَگوائی کردااے ،راستبازاں نوں سچیائی سکھاؤندا اے ،تے چُپ کیتیاں خوشخبری دی منادی وی کردااے جیہڑی اوہناں نال رَل کے ،خُدا دی مرضی ہیگی اے ۔ اوہ بندیاں اُتے اَگ وانگر خیالاں نال یاں بدناں دی نہ ہلائی جان والی کمبنی نال نئیں اُتردااے ۔ خُدانےراستبازاں نوں پاک رُوح دتا اے ،جنہاں دے پاپ پانی تے رُوح دی سچی خوشخبری نوں منن نال مکائے گئے سَن ۔اوہنے اوہناں نوں سکھایا پئی اوہ خُدا دے پُتر بن گئے نیں پاک رُوح راستبازاں دے دلاں وچ گواہی دیندااے پئی پانی تے رُوح دی خوشخبری دے راہیں بےپاپ تے کامل طور اُتے راستباز بن گئے نیں ۔
ایس لئی ،جے کوئی بندہ اوپریاں بولیاں بولدااے ،پر حالے تیک اپنے دل وچ پاپ رکھدااے ، اوہدے وچ رُوح لازمی طور اُتے پاک رُوح نئیں ہیگااے ،سگوں شیطان دا رُوح ہیگااے ۔ جے تسیں اپنے دل وچ پاک رُوح دی بھرپوری رکھنا چاؤہندے او ، تہانوں پانی تے رُوح دی خوشخبری اُتے ایمان لیاؤنا چاہی دااے ۔ فیر خُداوند تہانوں پاک رُوح دی بھرپوری دی برکت دیوے گا۔
Copyright © 2021 by The New Life Mission
