Search
ភាសាខ្មែរ
ភាសាខ្មែរ
ដោយសារការរាតត្បាតនៃជម្ងឺកូវីឌ១៩ និងការរំខានដល់សេវាកម្មប្រៃសណីយអន្តរជាតិ យើងបានផ្អាកជាបណ្តោះអាសន្ននូវ "សេវាកម្មសៀវភៅបោះពុម្ពដោយឥតគិតថ្លៃ" របស់យើង។
នៅក្នុងស្ថានភាពបែបនេះ យើងមិនអាចផ្ញើសៀវភៅទៅកាន់លោកអ្នកបានឡើយ។
សូមអធិស្ឋានសម្រាប់ការរលាយបាត់យ៉ាងឆាប់រហ័សនូវជម្ងឺរាតត្បាតនេះ និងការដំណើរការឡើងវិញនូវសេវាកម្មប្រៃសណីយ។

សំណួរញឹកញាប់អំពីសេចក្តីជំនឿរបស់គ្រីស្ទបរិស័ទ

ប្រធានបទទី១៖ ការបានកើតជាថ្មី ដោយទឹក និងព្រះវិញ្ញាណ

1-17. ហេតុអ្វីព្រះយេស៊ូវត្រូវសុគតនៅលើឈើឆ្កាង?

ការសុគតរបស់ព្រះយេស៊ូវ គឺជាការសងថ្លៃសម្រាប់អំពើបាបទាំងអស់របស់លោកិយនេះ ដែលបុណ្យជ្រមុជរបស់ព្រះយេស៊ូវបានដោះចេញ។ មនុស្សប្រឈមនឹងសេចក្តីស្លាប់អស់កល្បជានិច្ចនៅក្នុងបឹងភ្លើងសម្រាប់អំពើបាបរបស់ពួកគេ ប៉ុន្តែដោយសារព្រះយេស៊ូវបានស្រឡាញ់យើង ទ្រង់បានទទួលបុណ្យជ្រមុជ ដែលបានផ្ទេរអំពើបាបទាំងអស់របស់យើងទៅលើទ្រង់ ហើយទ្រង់បានសុគតនៅលើឈើឆ្កាង ដើម្បីសង្រ្គោះយើង។ 
ទ្រង់ បានថ្វាយអង្គទ្រង់ ដើម្បីសង្រ្គោះយើងចេញពិបាប និង បណ្តាសានៃស្ថាននរក។ ការសុគតរបស់ព្រះយេស៊ូវ គឺជាការសងថ្លៃសម្រាប់អំពើបាបទាំងអស់របស់មនុស្សជាតិ។ ទ្រង់បានទទួលបុណ្យជ្រមុជ ដើម្បីដោះអំពើបាបទាំងអស់របស់លោកិយនេះចេញ ហើយបូជាអង្គទ្រង់នៅលើឈើឆ្កាងសម្រាប់ការកាត់ទោស ដើម្បីសង្រ្គោះយើងចេញពីបាប សេចក្តីស្លាប់ ការថ្កោលទោស និងការជំនុំជម្រះ។
ការសុគតរបស់ព្រះយេស៊ូវ គឺសម្រាប់អំពើបាបរបស់លោកិយដែលទ្រង់បានទទួលយកដាក់លើអង្គទ្រង់ នៅទន្លេយ័រដាន់ ដើម្បីទ្រង់អាចទទួលយកការកាត់ទោសសម្រាប់អំពើបាបរបស់មនុស្ស។ ទ្រង់បានសុគតនៅលើឈើឆ្កាង ហើយមានព្រះជន្មរស់ឡើងវិញ ដើម្បីឲ្យយើងបានកើតជាថ្មី ហើយរស់នៅជាមនុស្សសុចរិត។