Le`jo Rusidi ria drile `i
Idoka
LEJO RUNZEDI RI `I 3
1. Rubanga amadri emu`di Le Agape dri risi ri `i (1 Yohana 3:1-8)
2. Enzi ovi kole duba amide Rubanga a andraga ku rii ingo `i? (1 Yohana 3:9-16)
3. Ma`di Cara Rubanga dri ria ta ni mba`di rii kolu Rubanga ni a (1 Yohana 3:17-24)
LEJO RUNZEDI RI `I 4
1. Anyama Endri cidru ni a ca ndrejoadru di enga Rubanga dri ya `i (1 Yohana 4:1-6)
2. Kole dria amolu ingoni ngajo driaru yajo andraga `i? (1 Yohana 4:7-13)
3. Kole oluki Le Rubanga dri ri `ia (1 Yohana 4:16-21)
LEJO RUNZEDI RI `I 5
1. Anda ama ayu`di enzi amadri ri `ia si rii ingo `i? (1 Yohana 5:1-4)
2. Ma`di Rubanga a tile ni rii a`di `i? (1 Yohana 5:4-8)
3. Amigeni a`duta au? (1 Yohana 5:1-11)
4. Anda layu hwe`di amani enzi cidru ama idele ri `ia si rii ingo `i? (1 Yohana 5:1-12)
5. Ta ce rere lari hwe`di amani enzi cidru amadri ri `ia si ri `i (1 Yohana 5:8-13)
6. Jo adrupi ide enzi drajo rii ku ri, anyizi Rubanga ni kohwedru anini lidri (1 Yohana 5:16-19)
7. Ani Rubanga loku ri `i vua Lidri olure tadru ri `i (1 Yohana 5:20)
8. Tee saa cidru si ta ama lele ri kolu amadri iyo sa, le Rubanga dri loku ri ka amani layu hwe enzi cidru vudri dia ri `ia si ra (1 Yohana 5:1-21)
Jo gba nyi Kristo `ba loku ri `i, kole nyini ta le Rubanga dri ri idri nza rere. `Ba Yesu ni nika ote vua ani igenika aini Aridipi dru ra ri `bati kole koniki ta le Rubanga dri ri idri ote vua koraki ta a lebe aia enzi dri e`bu ekodi ofu loso eyidri vua Endri dri risi ri idri. Anyiba engwiki a`i `ba anda ofu loso loku di `bati dri ri `i ausini a`diki lini esu le Rubanga dri ri idri duwi. Ofu loso loku di `ia, le Rubanga dri ri ite`deru tau pelere. Jo oniki ta Rubanga nidri ote vua oniki ani le ni ote ri, kole ta ama nile ote rii kenga le okpo tro Rubanga dri rite`de`di amani ofu loso eyidri vua Endri dri risi ri iga. Jo dini ku ri ama hwa alusa `bazi `bati ria dri ni se le loku Rubanga dri ri iga kpe.
Majugo Yoana ohwe sadini ojo Yesu Kristo ni, emu`di eyisi, ari si, vua Endri Ole risi rii, Aridipi `i vua ani anangasi Rubanga. Sadini Yoana a hwele ri ka ta driba nze lebe enzi dri esule, eyisi, ari si, vua Endri Ole risi ri idri.
Kendre ana rusika le`jo Rubanga dri ri `ia ra ri ani, eyi di ka ta driba nze batisimu Yesu dri ana esule Yoana ni batisimu hwe`di ridri ri idri, vua ari driaru ri ka ta driba nze lamgba ana esule Kuruce dri enzi amadri risi ri idri. Ziniga idi, anda ama lari dri ri ite`deru tau rii Endri Ole risi, eyi si vua ari si (1 Yohana 5:8). Ebu eyidri, ari dri, vua Endri Ole ridri rii Rubanga ide ni layu hwejo enzi `ba cidru ni enzi aia idele risi.
ပိုများသော