ကိုဗစ်-၁၉ကပ်ရောဂါနှင့်အပြည်ပြည်ဆိုင်ရာစာပို့လုပ်ငန်းဝန်ဆောင်မှုများပျက်ပြားခြင်းကြောင့်ကျွန်ုပ်တို့၏ 'အခမဲ့ပုံနှိပ်စာအုပ်ဝန်ဆောင်မှု' ကိုယာယီရပ်ဆိုင်းလိုက်သည်။
ဤအခြေအနေ၏အခြေအနေအရကျွန်ုပ်တို့သည်ယခုအချိန်တွင်သင့်အားစာအုပ်များမပို့နိုင်သေးပေ။
ဤကပ်ရောဂါသည်မကြာမီကုန်ဆုံးပြီးစာတိုက်လုပ်ငန်းပြန်လည်စတင်ရန်ဆုတောင်းပါ။
ကျမ်းစာဝေါဟာရစကားလုံးအချို့ဖြေရှင်းချက်အတို
ရေနှင့်ဝိညာဥ်တော်သတင်းကောင်းနှင့်ပူပေါင်းဒွန်တွဲခြင်း
-
1. တန်ဖိုးပေးရွေးနှုတ်ခြင်းသတ်မှတ်ထားသောအဖိုးအခကို ပြန်ပေး၍ ပစ္စည်း သို့မဟုတ် လူတစ်ဉီးကို ရွေးနှုတ်ခြင်း ဖြစ်သည်။ လွှတ်မြောက်ရန်တွက် တန်ဖိုး သို့မဟုတ် ငွေးကြေးအဖိုးအခတောင်းခံခြင်း သို့မဟုတ်ပေးဆပ်ခြင်း ဖြစ်သည်။ ရွေးနှုတ်ခြင်းအကောင်းမြင်ကိုယ်စားပြုအဖြစ်အ များအား ဖြင့် အသက်အသုံးပြုသည် (ထွက် ၂၁း၃၀၊ ‘ငွေကြေး’ တောလည် ၃၅း၃၁-၃၂၊ ဟေရှာယ ၄၃း၃, ‘တန်ဖိုးပေးရွေးနှုတ်ခြင်း’)။ ဓမ္မသစ် ကျမ်းတွင် မဿဲ ၂၀း၂၈နှင့် မာကု ၁၀း၄၅တို့က “ငွေကြေးပေး လျော်ခြင်း’အဖြစ် တန်ဖိုးပေးရွေးနှုတ်ခြင်းကို အဖော်ပြထားသည်။
-
2. အပြစ်ဖြေခြင်း၊ ပြစ်ကြွေးဆပ်ခြင်းလူသားများ၏အပြစ်များအားလုံးကို သခင်ယေရှုအပေါ်သို့ လွှဲ ပြောင်းသောဝတ်ပြုခြင်း ဖြစ်သည်။ ဓမ္မဟောင်းကျမ်းတွင် အပြစ်ဖြေ ခြင်းမှာ ယဇ်ကောင်၏ခေါင်းပေါ်တွင် လက်များတင်ခြင်းအားဖြင့် အပြစ်လွှဲပြောင်းခြင်း ပူဇော်သက္ကာပြုခြင်း ဖြစ်သည်။ ဓမ္မသစ်ကျမ်း တွင် ဗတ္တိဇံယောဟန်ထံမှ သခင်ယေရှု၏ ဗတ္တိဇံကို ဆိုလိုသည်။ ဟေဗြဲနှင့်ဂရိတွင် ဤစကားလုံးသည် သခင် ယေရှုခရစ်တော်အပေါ် သို့ အပြစ်လွှဲပြောင်းခြင်းကို ဆိုလိုသောကြောင့် အပြစ်သားများသည် ဘုရားသခင်နှင့်မိတ်သဟာယဖွဲ့ရသောအခွင့် ရရှိကြသည်။ ဓမ္မသစ် ကမ်းသည် အပြစ်ဖြေခြင်းအတွက် ယဇ်ပူဇော်သက္ကာကို ဖော်ပြထား ၍ ၎င်းမျာ သခင်ယေရှု၏ဗတ္တိဇံနှင့် ကားတိုင်ပေါ်တွင် အသေခံခြင်း ဖြစ်သည်။
ဓမ္မဟောင်းကျမ်းတွင်- ‘အပြစ်ဖြေခြင်း’စကားလုံးကို ဓမ္မ ဟောင်းကျမ်းတွင် အကြိမ် ၁၀၀ ခန့်အသုံးပြုခဲ့၍ ဟေဗြဲဘာသာ စကားအားဖြင့် kaphar’ (‘အပြစ်ဖြေခြင်း’ အဖြစ်ရေးထားသည်) (ဥ ပမာအားဖြင့် ဝတ်ပြု ၂၃း၂၇၊ ၂၅း၉၊ တောလည် ၅း၈)အဖြစ် ဖော်ပြ ထားခဲ့သည်။ အပြစ်ဖြေခြင်းသည် ဟေဗြဲဘာသာတစ်လုံး၏အနက် ဖွင့်ချက်ဖြစ်၍ အသက်ရှင်သောဆိတ်တစ်ကောင်၏ခေါင်းပေါ်တွင် လက်များတင်၍ အပြစ်များလွှဲပြောင်းခြင်းနှင့် ဣသရေလလူမျိုးများ ၏အပြစ်များအားလုံးကို ၎င်းပေါ်တွင် ဝန်ချခြင်းကို အထူးပြုသည်။
ဓမ္မသစ်ကျမ်းတွင် - အပြစ်ဖြေခြင်းမှာ ဖုံးအုပ်ခြင်းဟု ဆိုလို သော အာရဗိဘာသာစကားအားဖြင့် kpr’ နှင့်ဆက်နွယ်သည်။ ဤ အရာက ဓမ္မသစ်ကျမ်းတွင် သခင်ယေရှု၏ရွေးနှုတ်ကယ်တင်ခြင်း ဗတ္တိဇံကို ဆိုလိုသည်။ သခင်ယေရှုသည် ဤလောကသို့ ကြွဆင်း တော်မူခဲ့၍ လူသားများအားလုံး၏ကယ်တင်ခြင်းကို ပြည့်စုံစေတော် မူရန် အသက် ၃၀ နှစ်တွင် ဗတ္တိဇံကို ခံယူတော်မူခဲ့သည်။ -
3. ကျမ်းစာအရအပြစ်ဖြေခြင်း(က) ဓမ္မဟောင်းကျမ်းတွင် တိ ရစ္ဆာန်တစ်ကောင်း၏ယဇ်ပူ ဇော်ခြင်းအားဖြင့် အပြစ်ဖြေခြင်းကို ပြုလေ့ရှိသည် (ဥပမာအားဖြင့်၊ ထွက် ၃၀း၁၀၊ ဝတ်ပြု ၁း၃-၅၊ ၄း၂၀-၂၁၊ ၁၆း၆-၂၂)။
(ခ) ဓမ္မသစ်ကျမ်းတွင် ဓမ္မဟောင်းကျမ်း၏အပြစ်ဖြေရာယဇ်ခံ ယူချက်ကို အခြေခံကျစွာဖြင့် ပြဌာန်းထားသော်လည်း ဘုရားသခင် ၏သားတော်၊ သခင်ယေရှုခရစ်တော်၏ကိုယ်ခန္ဂာစတေးတော်မူခြင်း အားဖြင့်သာ လူသားများအားလုံး၏ရွေးနှုတ်ခြင်းကို ပြည့်စုံနိုင်ခဲ့ သည်။ တမန်တော်ရှင်ပေါလုက သခင်ယေရှုသည် ကျွန်ုပ်တို့အပြစ် များအတွက် အသေခံတော်မူခဲ့သည်ဟု ပြောခဲ့သည် (၁ကော ၁၅း၃)။
အပြစ်ဖြေခြင်းစကားလုံးမှာ ပြစ်ကြွေးပေးဆပ်ရန် ခရစ်တော် ၏အသေခံခြင်းကိုသာ ရည်ညွှန်းခြင်းမဟုတ်ဘဲ လူသားများအားလုံး ၏အပြစ်များအားလုံးကို ယူဆောင်သွားတော်မူရန် ဖြစ်သည်။ လော ကအပြစ်များကို သခင်ယေရှုအပေါ်သို့ လွှဲပြောင်းခြင်းဗတ္တိဇံပြီး နောက် (မဿဲ ၃း၁၅) ကိုယ်တော်သည် ကားတိုင်ပေါ်တွင် အသွေး တော်သွန်းလောင်းတော်မူခြင်းအားဖြင့် ကယ်တင်တော်မူခဲ့သည် (ဝတ်ပြု ၁း၁-၅၊ ယောဟန် ၁၉း၃၀)။
တမန်တော်ရှင်ပေါလုက ၂ ကော ၅း၁၄ တွင် ‘အား လုံးအတွက် လူတစ်ဉီးအသေခံခဲ့သည်’ဟု ရှင်းပြ၍ အခန်းငယ် ၂၁ တွင် ‘ကျွန်ုပ်တို့ အတွက်’ဟု ဖော်ပြထားကာ ဂလာတိ ၃း၁၃ တွင် ‘ကျွန်ုပ်တို့အတွက် ကျိန်ခြင်းခံတော်မူခဲ့သည်’ဟု တဖန်ဖော်ပြခဲ့သည်။ ဓမ္မသစ်ကျမ်း၌ ကျမ်းပိုဒ်အနည်းငယ်ကသာသခင်ယေရှု၏အသေခံတော်မူခြင်း (ဉပ မာ ဧဖက် ၅း၂၊ ယောဟန် ၁း၂၉၊ ၃၆ (‘သိုးသငယ်’-ဗတ္တိဇံယောဟန်) နှင့် ၁ ကော ၆း၇ (‘ကျွန်ုပ်တို့ပသခါ-တမန်တော်ရှင်ပေါလု)ကို ရည်ညွှန်းသည်။ သို့သော် ယောဒန်မြစ်၌ သခင်ယေရှု၏ဗတ္တိဇံမှာ လောကအပြစ်များ အားလုံးအတွက် အပြစ်ဖြေခြင်းဖြစ်သည်ဟု ရှင်ပေါလုက အထူးပြုခဲ့သည်။ ရောမ ၆ တွင် လောကအပြစ်များ အားလုံးကို ဗတ္တိဇံယောဟန်ထံမှ ဗတ္တိဇံအားဖြင့် သခင်ယေရှုအပေါ် သို့ လွှဲပြောင်းခဲ့သည်ဟု သူကဖော်ပြထားသည်။ သခင်ယေရှု၏အ သေခံတော်မူခြင်းမှာ အပြစ်အတွက် တရားစီရင်ခြင်းနှင့်အပြစ် ကြွေးလျော်ပေးခြင်းဖြစ်သည်ကို လည်းကောင်း အပြစ်ဖြေရာယဇ်မှာ လူသားအားလုံး၏ဝိညာဉ်များအတွက် ပူဇော်ခြင်းဖြစ်သည်ဟု သူက ဆက်လက်ဖော်ပြထားသည်။
သခင်ယေရှု၏အသေခံတော်မူခြင်းမှာ ဘုရားသခင်၏အကြံအ စည်တော်ထင်ရှားခြင်း၊ ဓမ္မဟောင်းကျမ်း၌ အပြစ်ဖြေရာယဇ်ကို ရည် ညွှန်းသည်။ ဓမ္မဟောင်းကျမ်း၌ လက်များတင်ခြင်းနှင့် ဓမ္မသစ်ကျမ်း ၌ သခင်ယေရှု၏ဗတ္တိဇံတို့မှာ ဘုရားသခင်၏ပညတ်တော်နှင့်ညီ ညွတ်သည် (ဟေရှာယ ၅၃း၁၀၊ မဿဲ ၃း၁၃-၁၇၊ ဟေဗြဲ ၇း၁-၁၀၊ ၁၈, ၁ ပေ ၃း၂၁)။ ဓမ္မသစ်ကျမ်းသည် သခင်ယေရှု၏ဗတ္တိဇံနှင့်အသေ ခံခြင်းဖြင့် အဆုံးမသတ်ဘဲ ဇာတိဟောင်းကို ကိုယ်တော်နှင့်အတူ သေစေသော ခရစ်တော်၌ ဗတ္တိဇံခံခြင်းသည်လည်း ကယ်တင်ခြင်း ပြည့်စုံခြင်းဖြစ်သည်ဟု ကျွန်ုပ်တို့အား ဆက်လက်ပြောကြားသည် (ရောမ ၆း၃-၇၊ ဂလာ တိ ၂း၁၉-၂၀)။ သခင်ယေရှုခရစ်တော်သည် လောကအပြစ်များအားလုံးကိုယူဆောင်သွားတော်မူရန်ဗတ္တိဇံယောဟန်သည်ဗတ္တိဇံပေးခဲ့သည်ကိုလည်းကောင်း၊ ထိုကြောင့် ကိုယ်တော် သည် အသေခံတော်မူခဲ့သည်ကိုလည်းကောင်း ၎င်းကပြေထားသည်။ သခင်ယေရှုခရစ်တော်သည် ဗတ္တိဇံနှင့်အသွေးတော်အားဖြင့် လော ကအပြစ်များကို ဆေးကြောသည်သာမက စာတန်၏တန်ခိုးမှ ကျွန်ုပ် တို့ကို ကယ်တင်တော်မူခဲ့၍ လူသားများကိုယ်စားပြစ် ဒဏ်ခံခြင်း နှင့်နာကျင်မှခံရခြင်းအားဖြင့် ဘုရားသခင်၏တန်ခိုးတော်သို့ ကျွန်ုပ် တို့ကို ပြန်လှည့်စေခဲ့သည်။
ထိုကြောင့် သခင်ယေရှု၏ရွေးနှုတ်ကယ်တင်ြခင်းသည် လူသား များအား ဘုရားသခင်နှင့်နီးကပ်ရန်တားဆီးပိတ်ပင်သောအပြစ်ပြ ဿနာကိုဖြေရှင်းပေးခဲ့သည်။ဤအရေးကြီးသောဖြစ်ရပ်မှာ ထိုအချိန် တွင် ငြိမ်သက်ခြင်းနှင့် လူသားများနှင့်ဘုရားတို့အကြားသင့်မြတ်မှု၊ ကယ်တင်ခြင်း၊ ဝမ်းမြောက်ခြင်း (ရောမ ၅း၁၁)၊ အသက် (ရောမ ၅း၁၇-၁၈)၊ နှင့် ရွေးနှုတ်ခြင်း (မဿဲ ၃း၁၅၊ ယော ဟန် ၁း၂၉၊ ဟေဗြဲ ၁၀း၁-၂၀၊ ဧဖက် ၁း၇၊ ကောလောသဲ ၁း၁၄)။ -
4. အပြစ်ဖြေရာနေ့ဟေဗြဲသြဝါဒစာ၌ ဤခံယူချက်မှာ ‘ဖုံးအပ်ခြင်း’ သို့မဟုတ် ‘ပြန်လည်သင့်မြတ်ခြင်း’ နေ့ကို ဆိုလိုသည်။ ယုဒလူမျိုးများအတွက် အရေးကြီးဆုံးသောနေ့မှာ ခုနစ်လ ဆယ်ရက် နေ့၌ အပြစ်ဖြေရှာနေ့ ဖြစ်သည် (ဝတ်ပြု ၂၃း၂၇၊ ၂၅း၉)။ ယဇ်ပရောဟတ်များပင်လျှင် ထို နေ့၌ အထူးပွဲလမ်းသဘင်အတွက်ကလွှဲ၍ အသန့်ရှင်းဆုံးသောနေရာ သို့ မဝင်ရောက်နိုင်ပေဟု ဝတ်ပြုရာကျမ်း ၁၆ တွင် ကျွန်ုပ်တို့ တွေ့နိုင်ကြသည်။ အသန့်ရှင်းဆုံးနေရာသည် အပြစ်ဖြေရာနှင့် ဣသ ရေလလူမျိုးများအတွက် လိုအပ်သောကြောင့် ယဇ်ပရောဟိတ်သည် ယဇ်ကောင်၏ဉီးခေါင်းပေါ်တွင် လက်များတင်ခြင်းအားဖြင့် အပြစ် များလွှဲပြောင်းနိုင်ရန် ယဇ်ပူဇော်သက္ကာကို ဆက်ကပ်ရမည် ဖြစ် သည်။ ဣသရေလလူမျိုးများသည် အပြစ်ဖြေရာနေ့၌ ဘုရားသခင်၏ စင်ကြယ်ခြင်းနှင့် သူတို့၏အပြစ်များ အကြောင်းကို တွေးတောခဲ့ သည်။
ထိုအချိန်တွင် ယဇ်ပူဇော်သက္ကာ ၁၅ ကောင်(လွှတ်သောဆိတ်၊ ၁၂ကောင် မီးရှို့ရာယဇ်များနှင့် ၃ ကောင် အပြစ်ဖြေရာယဇ် များပါဝင်) များကို ဘုရားသခင်ထံ ယဇ်ပူဇော်ရသည် (ဝတ်ပြု ၁၆း ၅-၂၉၊ တောလည် ၂၉း၇-၁၁)။ ကျွန်ုပ်တို့သည် တောလည် ၂၈း၂ တွင် ဖော်ပြထား သော ‘အခြားသိုးများ’ ရေတွက်လျှင် မီးရှို့ရာယဇ်များ ၁၃၊ အပြစ်ဖြေရာယဇ်များ ၄ ရှိသည်။ ဣသရေလလူမျိုးများသည် နှစ်စဉ်အပြစ်များအတွက် အပြစ်ဖြေရန် အသုံးပြုခဲ့သောနေ့မှာ ခုနစ် လဆယ်ရက်နေ့ ဖြစ်သည်။ ထိုနည်းတူ တစ်ကမ္ဘာလုံးအတွက် အ ပြစ်ဖြေရာယဇ်မှာ ဗတ္တိဇံယောဟန်ထံမှ သခင်ယေရှုဗတ္တိဇံခံယူတော် မူခဲ့သောနေ့ဖြစ်သည်။ ၎င်းသည် လူသားများအားလုံးအတွက် အပြစ် ဖြေရာယဇ်ဖြစ်ခဲ့သည်။ ထိုနေ့မှာ ဘုရားသခင်သည် လောကအပြစ် များအားလုံးကို ဆေးကြောပေးသောနေ့ ဖြစ်သည် (မဿဲ ၃း၁၃ -၁၇)။ ထိုနေ့သည် ဘုရားသခင်က “ထိုကြောင့်... ဖြောင့် မတ်ခြင်း အားလုံးပြည့်စုံခဲ့သည်”ဟု မိန့်တော်မူသော အပြစ်ဖြေရာ နေ့ရက် ဖြစ်သည်။ -
5. အပြစ်ဖြေရာယဇ်ပူဇော်သက္ကာဓမ္မဟောင်းကျမ်းတွင်- အခြားသောယဇ်ပူဇော်သက္ကာ များကဲ့သို့ ဣသရေလလူမျိုးများအားလုံးအတွက် သန့်ရှင်းစင်ကြယ် ခြင်းယဇ် ပူဇော်သက္ကာမှာ တဲတော်၌ ပူဇော်ခဲ့သည်။ ယဇ်ပရောဟိတ်သည် မိမိ ကိုယ်ကို ကိုယ်ဆေးကြော၍ သူသည် ဝတ်လေ့ဝတ်ထရှိသော ဘာသာရေး ပွဲလမ်းဝတ်လုံကို ဝတ်မည့်အစား သန့်ရှင်းသောပိတ် ချောဝတ်လုံကို ဝတ်၍ အပြစ်ဖြေရာယဇ်အတွက် နွားသငယ်တစ် ကောင်ကို ရွေးချယ် ခဲ့၍ မိမိအတွက်နှင့်အိမ်သူအိမ်သားများအတွက် မီးရှို့ရာယဇ်အဖြစ် သိုးထီးတစ်ကောင်းကို ရွေးခဲ့သည်(ဝတ်ပြု ၁၆း၃ -၄)။ ယဇ်ပရောဟိတ်သည် မိမိလူများ၏နှစ်စဉ်အပြစ်များကို လွှဲ ပြောင်းရန် ယဇ်ကောင်များ၏ဉီးခေါင်းပေါ်တွင် လက်များတင်ခဲ့ကြ သည်။
လက်များတင်ခြင်းမှာ အပြစ်ဖြေရာနေ့၏အလွန်အရေးကြီး သောကဏ္ဌဖြစ်ခဲ့သည်။၎င်းကို မပြုလုပ်ခဲ့လျှင် အပြစ်အတွက် အပြစ် ဖြေခြင်းမှာ အပြစ်ဖြေရာယဇ်ကောင်အပေါ် ဣသရေလလူမျိုး များ ၏နှစ်စဉ်အပြစ်များလွှဲပြောင်းပေရန် လက်တင်ခြင်းမပါဘဲ မပြည့်စုံ နိုင်သဖြင့် ယဇ်ပူဇော်သက္ကာသည် ပြည့်စုံနိုင်လိမ့်မည် မဟုတ်ပေ။
ဝတ်ပြု ၁၆း၂၁ တွင် “အာရုန်သည် မိမိလက်နှစ်ဖက်ကို အ သက်ရှင်သောဆိတ်သငယ်၏ခေါင်းပေါ်၌ တင်၍ အစ္စ ရေးအမျိုးသားတို့၏ဒုစရိုက်ရှိသမျှ၊သူတို့ကျူးလွန်သောအပြစ်ရှိသမျှတို့ကို ဖော်ပြ ဝန်ခံရမည်။ ထိုအပြစ်တို့ကို ဆိတ်သငယ်၏ခေါင်းပေါ်၌တင်ထားပြီး ထိုဆိတ်သငယ်ကို တာဝန်ရှိသူမှတစ်ဆင့် တောကန္တာရထဲသို့ လွှတ် လိုက်ရမည်”ဟု ဖော်ပြထားသည်။
သူသည်လူများထံမှအပြစ်ယဇ်ပူဇော်ခြင်းများအတွက် ဆိတ်ထီး နှစ်ကောင်ကို ယူခဲ့၍ မီးရှို့ရာယဇ်အတွက် သိုးထီးနှစ်ကောင်ကို ယူခဲ့ သည်။ ထိုနောက် သူသည် တဲတော်တံ ခါး၌ ကိုယ်တော့်ရှေ့မှာ ဆိတ်ထီးနှစ်ကောင်းကို တင်ပြခဲ့၍ ‘သခင်’ အတွက် တစ်ကောင်နှင့် ‘လွှတ်သောဆိတ်ထီး’ ဖြစ်ရန် အခြားတစ်ကောင်ကို စာရေးတံချ ခဲ့သည်။ ကိုယ်တော်အတွက်တစ်ကောင်မှာ အပြစ်ပူဇော်ရာအဖြစ် ပူဇော်သက္ကာပြု၍ အခြားလွှတ်သောတစ်ကောင်မှာ ဣသရေလ လူမျိုးများ၏နှစ်စဉ်အပြစ်များအတွက် အပြစ်ဖြေရန် ကိုယ်တော့်ရှေ့ ၌ အသက်ရှင်ပူဇော်သက္ကာပြုပြီးနောက် ၎င်းကို တောကန္တာရ၌ လွှတ်ထားခဲ့သည် (ဝတ်ပြု ၁၆း၇-၁၀)။
ဣသရေလလူမျိုးများ၏အပြစ်များကို ယဇ်ပရောဟိတ်၏လက် များတင်ခြင်းအားဖြင့် လွှတ်ထားသောဆိတ်ပေါ်သို့ လွှဲပြောင်းပေးခဲ့ သည်။ ထိုနောက် ဣသရေလလူမျိုးများ၏အပြစ်များအားလုံးကို မိမိအပေါ်သို့ ယူဆောင်ခဲ့သောလွှတ်သောဆိတ်ကို လူများနှင့်ဘုရား အကြားပြန်လည်သင့်မြတ်ရန်အတွက် တောကန္တာရသို့ စေလွှတ်ခဲ့ သည်။ ထိုကြောင့် ဣသရေလူလူမျိုးများ၏အပြစ်များကို ဆေးကြော ပေးခဲ့သည်။
ဓမ္မသစ်ကျမ်းတွင်-ထိုနည်းတူသခင်ယေရှုခရစ်တော်သည်ဗတ္တိဇံယောဟန်အားဖြင့် ဗတ္တိဇံ(ဓမ္မဟောင်းကျမ်း၌ လက်များတင်ခြင်း)ခံ ယူတော်မူ၍ ဘုရားသခင်၏ကယ်တင်ခြင်းပြည့်စုံစေတော်မူရန် ယဇ် ကောင်သိုးသငယ်အဖြစ်လောကအပြစ်များအားလုံးကို ယူဆောင် သွား တော်မူခဲ့သည် (ဝတ်ပြု ၂၀း၂၂၊ မဿဲ ၃း၁၅၊ ယောဟန် ၁း၂၉၊ ၃၆)။ ဓမ္မဟောင်းကျမ်းတွင် အာရုန်သည် စာရေးတံမချမှီ မိမိနှင့်အိမ် သူအိမ်သားများအတွက် အပြစ်ဖြေရာယဇ်ပလ္လင်အဖြစ် နွားထီးတစ် ကောင်ကို သတ်ခဲ့သည် (ဝတ်ပြု ၁၆း၁၁)။ ထိုနောက် သူသည် အမွှေးရနံ့ နှင့်ပြည့်စုံသောလက်များဖြင့် ဘုရားရှေ့တော်၌ ပလ္လင်မှ လောင် ကျွမ်းသောမီးခဲအပြည့်အင်တုံကို ယူဆောင်၍ ထုချေ၍ ကု လားကာ အပြင်ဘက်သို့ ယူဆောင်ခဲ့သည်။
ထိုနောက် သူသည် ဘုရားရှေ့တော်၌ မီးပေါ်တွင် အမွှေးထားခဲ့ သောကြောင့် အမွှေးအခိုးအငွေ့သည် ကျေးဇူးပလ္လင်ပေါ်တွင် ပျံ့နှံ့ သွားနိုင်သည်။ သူသည် နွားသူငယ်၏အသွေးအချို့တို့ကိုလည်းယူ၍ ဂရုဏာပလ္လင်ပေါ်နှင့် ရှေ့တွင် မိမိလက်ညှိုးဖြင့် ထိုအသွေးကို ခုနစ် ကြိမ်ပက်ဖြန်းခဲ့သည် (ဝတ်ပြု ၁၆း၁၂-၁၉)။
အပြစ်ဖြေရာနေ့တွင် ယဇ်ကောင်၏ခေါင်းပေါ်သို့ အာရုန်၏ လက်များတင်ခြင်းကို မချန်ထားနိုင်ပေ။ အာရုန်သည် ဆိတ်၏ခေါင်း ပေါ်တွင် လက်များကို တင်၍ ဣသရေလလူမျိုးများ၏အပြစ်များနှင့် ဒုစရိုက်များအားလုံးကို လွှဲပြောင်းခဲ့သည်။ ထိုနောက် သင့်တော် သောလူတစ်ဉီးသည် ဆိတ်ကို တောထဲသို့ ခေါ်ဆောင်ခဲ့၍ လွှတ်ခဲ့ သည်။ ဆိတ်ထီးမှာ ဣသရေလလူမျိုးများ၏အပြစ်များဖြင့် တောထဲ သို့ လှည့်လည်ခဲ့၍ နောက်ဆုံးတွင် သူတို့အတွက် အသေခံခဲ့ရသည်။ ဤအရာသည် ဓမ္မဟောင်းကျမ်းတွင် အပြစ်ဖြေရာယဇ်အမျိုးအစား ဖြစ်သည်။
ထိုနည်းတူ ဓမ္မသစ်ကျမ်းတွင် ဆိတ်ကို ဗတ္တိဇံအားဖြင့် မိမိအ ပေါ်သို့ လောကအပြစ်များအားလုံးကို ယူဆောင်သွားတော်မူခဲ့ကာ အသွေးတော်သွန်းလောင်း၍ ကျွန်ုပ်တို့အားလုံးအတွက် ကားတိုင် ပေါ်တွင် အသေခံတော်မူခဲ့သူသခင်ယရှုခရစ်တော်က အစားထိုး တော်မူခဲ့သည်။
ထိုကြောင့် ယခုတွင် အပြစ်များအားလုံးမှ ကယ်တင်ခြင်းကို ကောင်းကင်ယဇ်ပရောဟိတ် သခင်ယေရှုခရစ်တော်၏ ဗတ္တိဇံနှင့်အ သေခံတော်မူခြင်းမပါဘဲ မယူဆောင်နိုင်ပေ။ ဤအရာသည် ရေနှင့်ဝိ ညာဉ်တော် ဒုတိယမွေးဖွားခြင်း၏ကယ်တင်ခြင်း ပြည့်စုံခြင်း ဖြစ်သည်။ -
6. လက်များတင်ခြင်း၊ ဘိသိက်ခြင်းဤအရာသည် ဓမ္မဟောင်းကျမ်း၌ အပြစ်ဖြေရာယဇ်ကောင် အပေါ်သို့ အပြစ်များလွှဲပြောင်းရန်အတွက် ဘုရားသခင်ချပေးတော်မူ ခဲ့သော နည်းဗျူဟာ ဖြစ်သည် (ဝတ်ပြု ၄း၂၉၊ ၁၆း၂၁)။ ဓမ္မ ဟောင်းကျမ်းခေတ်ကာလတွင် ဘုရားသခင်သည် တဲတော်အတွင် အပြစ်ဖြေရာယဇ်ကောင်၏ဉီးခေါင်းများပေါ်တွင် လက်များတင်ခြင်း အားဖြင့် သူတို့အပြစ်များအတွက် အပြစ်ဖြေရန် လူများကို ခွင့်ပြု တော်မူခဲ့သည်။ ၎င်းသည် ဓမ္မသစ်ကျမ်း၌ကြွလာမည့်သခင်ယေရှု၏ ဗတ္တိဇံကို ထင်ရှားစေရန်အတွက် ဖြစ်သည်။
-
7. ဗတ္တိဇံဗတ္တိဇံဟူသည်မှာ (၁) ဆေးကြောခြင်း၊ (၂) သင်္ဂြိုဟ်ခြင်း(ရေ ထဲ၌ နှစ်မြှုပ်ခြင်း)နှင့် ဝိညာဉ်ရေးရာအဓိပ္ပါယ်၌၊ (၃) ဓမ္မဟောင်း ကျမ်း၌ အမှုတော်ဆောင်ခြင်းအဖြစ် လက်များတင်ခြင်းအားဖြင့် အ ပြစ်ကို လွှဲပြောင်းခြင်း ဖြစ်သည်။
ဓမ္မသစ်ကျမ်းတွင် ဗတ္တိဇံယောဟန်ထံမှ သခင်ယေရှု၏ဗတ္တိဇံ မှာလောကအပြစ်များအားလုံးကို ဆေးကြောပေးခြင်း ဖြစ်သည်။ ‘သခင်ယေရှု၏ဗတ္တိဇံ’သည်လူသားအားလုံးအပြစ်များယူဆောင်သွား ခြင်း၊လောကအပြစ်များကိုဆေးကြောပေးခြင်း၏အဓိပ္ပါယ်ဖြစ်သည်။ သခင်ယေရှုသည် လူသားများအားလုံး၏ကိုယ်စားနှင့် အာရုန်အမျိုး အနွယ်၏ယဇ်ပရောဟိတ် ဗတ္တိဇံယောဟန်ထံမှ ဗတ္တိဇံကို ခံယူတော် မူခဲ့၍ လောကအပြစ်များအားလုံးကို မိမိအပေါ်သို့ ယူဆောင်သွား တော်မူခဲ့သည်။ ဤအရာမှာ ကိုယ်တော်၏ဗတ္တိဇံ၏ရည်ရွယ်ချက် ဖြစ်သည်။
‘ဗတ္တိဇံ’စကားလုံး၏ဝိညာဉ်ရေးရာအဓိပ္ပါယ်မှာ ‘လွှဲပြောင်းခြင်း၊ သင်္ဂြိုဟ်ခြင်း’ ဖြစ်သည်။ ထိုကြောင့် “သခင်ယေရှု၏ဗတ္တိဇံ” မှာ သခင်ယေရှုအပေါ်သို့ အပြစ်များအားလုံးလွှဲပြောင်းခြင်းနှင့် ကိုယ် တော်သည် ကျွန်ုပ်တို့ကိုယ်စား တရားစီရင်ခြင်းခံယူတော်မူခြင်းကို ဆိုလိုသည်။ သခင်ယေရှုသည် လူသားများကို ကယ်တင်တော်မူရန် အတွက် ကိုယ်တော်သည် ဗတ္တိဇံနှင့်၎င်းတို့အတွက် အသေခံတော်မူ ခြင်းအားဖြင့် ကျွန်ုပ်တို့အပြစ်များအားလုံးကို ယူဆောင်သွားရမည် ဖြစ်သည်။
ထိုကြောင့် ကိုယ်တော်၏အသေခံခြင်းမှာ သင်နှင့် ကျွန်တော်၊ လောကအပြစ်သားများအားလုံး၏သေခြင်းဖြစ်၍ ကိုယ် တော်၏ရှင် ပြန်ထမြောက်ခြင်းမှာ လူသားအားလုံး၏ရှင်ပြန်ထမြောက်ခြင်း ဖြစ် သည်။ ကိုယ်တော်၏ယဇ်ပူဇော်ခြင်းမှာ အပြစ်သား များ၏ကယ်တင် ခြင်းဖြစ်၍ ကိုယ်တော်၏ဗတ္တိဇံမှာ လူသားများ၏ အပြစ်များအားလုံး ဆေးကြောရန် သက်သေဖြစ်သည်။
သမ္မကျမ်းစာက “ဤအရာသည် ယခုသင်တို့ကိုကယ်တင်သော ဗတ္တိဇံကိုပုံဆောင်၏” (၁ ပေ ၃း၂၁)ဟု ပြောသည်။ သခင် ယေရှု၏ဗတ္တိဇံမှာ ကျွန်ုပ်တို့အပြစ်များ ဆေးကြောခြင်းအားဖြင့် လူ သားအားလုံးကိုကယ်တင်သောဖြောင့်မတ်ခြင်း နည်းလမ်းဖြစ်သည်။ -
8. အပြစ်ဘုရားသခင်နှင့် ဆန့်ကျင်ဘက်ဖြစ်သောအရာအားလုံးသည် အပြစ် ဖြစ်သည်။ ဤအရာသည် ကျွန်ုပ်တို့ဘဝတစ်လျှောက် ကျူး လွန်ကြသော ဗီဇအပြစ်နှင့် ဒုစရိုက်အပြစ်များအပါအဝင် အပြစ်များ အားလုံးကို ရည်ညွှန်းသည်။ အပြစ်သည် ဂရိဘာသာစကား အားဖြင့် ‘αμαρτία (hamartia)’ ဖြစ်သည်။ ထိုစကားလုံး၏ဖွဲ့စည်းပုံမှာ hamartano,’ ဖြစ်၍ ‘ပစ်မှတ်လွှဲခြင်း’ အဓိပ္ပါယ်ရသည်။ ထိုကြောင့် အပြစ်များအားလံးမှ အပြင်းထန်ဆုံးသောအပြစ်မှာ သခင်ယေရှုကို မှန်ကန်စွာ မယုံကြည်ခြင်းဖြစ်၍ ကယ်တင်ခြင်းခံရရန် အစွမ်းအစ လျော့နည်းခြင်း ဖြစ်သည်။ သမ္မာတရားကို မသိ၊ မယုံကြည်ခြင်း မှာ နာမခံခြင်းအပြစ်နှင့် ဘုရားသခင်ကို ဆန့်ကျင်သောအပြစ်ကျူး လွန်ခြင်း ဖြစ်သည်။ ကျွန်ုပ်တို့သည် ဘုရားရှေ့တော်၌ ဤသို့သောအ ပြစ်ကို မကျူးလွန်လိုလျှင် သခင်ယေရှုသည် ကျွန်ုပ်တို့၏ကယ်တင် ရှင်ဖြစ်တော်မူသည်ဟူသော ကိုယ်တော်၏နှုတ်ကပတ်တော်ကို မှန် ကန်စွာ နားလည်သဘောပေါက်၍ သမ္မာတရားကို နားလည်သ ဘောပေါက်ရကြမည် ဖြစ်သည်။ ကျွန်ုပ်တို့သည် သခင် ယေရှု၏ဗတ္တိ ဇံနှင့် ကားတိုင်ကို ဘုရားသခင်၏နှုတ်ကပတ်တော် အားဖြင့် ယုံ ကြည်သင့်ကြသည်။ ဘုရားသခင်၏နှုတ်ကပတ်တော်ကို မလက်ခံ ခြင်း၊ သမ္မာတရားမှသွေဖယ်ခြင်းနှင့် မိစ္ဆာသီအိုလော်ဂျီခံယူချက်များ ကို ယုံကြည်ခြင်းမှာ အပြစ် ဖြစ်သည်။
အကြီးလေးဆုံးသောအပြစ်မှာ ‘သေခြင်းသို့ ပို့ဆောင်သော အပြစ်’(၁ယော ၅း၁၆)သည် ဘုရားသခင်သည် လောကအပြစ်များ အားလုံးကို ဆေးကြောပေးတော်မူခဲ့သည်ဟု မယုံကြည်ခြင်း ဖြစ် သည်ဟုသမ္မာကျမ်းစာကပြောထားသည်။ ကျွန်ုပ်တို့သည် သခင်ယေ ရှု၏ဖွားမြင်တော်မူခြင်း၊ကိုယ်တော်၏ဗတ္တိဇံအားဖြင့် အပြစ်ကို ကိုယ် တော်ဆေးကြောပေးတော်မူခြင်းနှင့် ကားတိုင်ပေါ်တွင် အသွေး တော်ဖြင့် ကျွန်ုပ်တို့အတွက် မိမိအသက်ကို စတေးတော်မူခြင်းတို့ကို ယုံကြည်ရကြမည်ဖြစ်သည်။လူတစ်ဉီးသည်သခင်ယေရှုသည်ကျွန်ုပ်တို့ အပြစ်များအားလုံးမှ ကယ်တင်တော်မူရန် ဗတ္တိဇံခံယူတော်မူ ခြင်း၊ ကားတိုင်ပေါ်တွင် အသေခံတော်မူခြင်းနှင့် ရှင်ပြန်ထမြောက် တော်မူခြင်း နှုတ်ကပတ်တော်ကို မယုံကြည်လျှင် အပြစ် ဖြစ်သည်။ -
9. နောင်တရခြင်းဘုရားသခင်ထံတော်မှဝေးကွာသောသူတစ်ဉီးသည် မိမိအပြစ် ကို နားလည်သဘောပေါက်၍ အပြစ်များဆေးကြောခြင်းအတွက် သခင်ယေရှုကိုကျေးဇူးတင်ကာဘုရားသခင်ထံတော်သို့ပြန်လှည့်လာ သောအခါ ဤအရာကို နောင်တရခြင်းဟု ခေါ်သည်။ ကျွန်ုပ်တို့အား လုံးသည် အပြစ်အစုလိုက်အပုံလိုက်ရှိကြသည်။ စစ်မှန်သော နောင် တရခြင်းမှာ အောက်ပါသမ္မာတရားများကို ဝန်ခံခြင်းဖြစ်၍ ကျွန်ုပ် တို့သည် ဘုရားရှေ့တော်၌ အပြစ်သားများဖြစ်ကြသည်ကို လည်း ကောင်း၊ကျွန်ုပ်တို့သည် ဘဝတစ်လျှောက် အပြစ်ကျူးလွန်၍ သေကြ သောအခါ အပ္ပါယ်ငရဲသို့ သွားရကြမည်ကိုလည်းကောင်း၊ ကိုယ် တော်သည် ကျွန်ုပ်တို့ကဲ့သို့သောအပြစ်သားများကို ကယ်တင် တော် မူရန် ဤလောကသို့ ကြွလာတော်မူခဲ့သည်ဟု ယုံကြည်ခြင်းအားဖြင့် သခင်ယေရှုသည် ကျွန်ုပ်တို့၏ကယ်တင်ရှင်အဖြစ် လက်ခံရ ကြမည် ကိုလည်းကောင်း၊ ကိုယ်တော်သည် အပြစ်များအားလုံးယူ ဆောင် သွားတော်မူသည်ကိုလည်းကောင်း(ဗတ္တိဇံခံယူခြင်းအားဖြင့်)၊ ကိုယ် တော်သည်ကျွန်ုပ်တို့အားကယ်တင်တော်မူရန် အသေခံ၍ သေခြင်းမှ ရှင်ပြန်ထမြောက်တော်မူခဲ့သည်ကိုလည်းကောင်း ယုံ ကြည်ရကြ မည် ဖြစ်သည်။ စစ်မှန်သောနောင်တရခြင်းမှာ ကျွန်ုပ်တို့၏အတွေး များကို စွန့်ပစ်၍ ဘုရားသခင်ထံတော်သို့ ပြန်လှည့်ခြင်း ဖြစ်သည် (တမန် ၂း၃၈)။
နောင်တရခြင်းမှာ ကျွန်ုပ်တို့အပြစ်များကို ဝန်ချ၍ ဘုရားသခင် ၏နှုတ်ကပတ်တော်သို့ပြန် လှည့်ကာရေနှင့်ဝိညာဉ်တော်အားဖြင့် ကယ်တင်ခြင်းကို နှလုံးသားအကြွင်းမဲ့လက်ခံခြင်း ဖြစ်သည် (၁ ယော ၅း၆)။
စစ်မှန်သောနောင်တရခြင်းမှာ မိမိကိုယ်ကိုကိုယ် အပြစ်သား များအဖြစ် ဝန်ခံခြင်းနှင့် ဘုရားသခင်၏သားတော်၊ သခင်ယေရှုကို ကျွန်ုပ်တို့အား အပြစ်များအားလုံးမှ ကယ်တင်တော်မူခဲ့သော ကယ် တင်ရှင်အဖြစ် ယုံကြည်ခြင်း ဖြစ်သည်။ ကျွန်ုပ်တို့သည် အပြစ်များ အားလုံးမှ ကယ်တင်ခြင်းခံရ၍ အပြစ်များအားလုံးဆေးကြောခြင်းခံရ ရန်အတွက် မိမိအကျင့်များအားဖြင့် စင်ကြယ်ခြင်းခံရရန် ကြိုးစား ခြင်းကို ရပ်တန့်၍ ကျွန်ုပ်တို့သည် ဘုရားနှင့်ကိုယ်တော်၏ပညတ် တော်ရှေ့၌ အပြစ်သားများ ဖြစ်ကြသည်ဟု ဝန်ခံခြင်း ဖြစ်သည်။ ထိုနောက် ကျွန်ုပ်တို့သည် ကယ်တင်ခြင်းသမ္မာတရား၊ ဗတ္တိဇံနှင့်အ သွေးအားဖြင့် သခင်ယေရှုသည် ကျွန်ုပ်တို့အား ပေးအပ်တော်မူခဲ့ သော ရေနှင့်ဝိညာဉ်တော်သတင်းကောင်းကို လက်ခံရကြမည် ဖြစ် သည်။ အပြစ်သားတစ်ဉီးသည် မိမိအတွေးများနှင့်ဆန္ဒများကို စွန့် လွှတ်၍ သခင်ယေရှုထံသို့ လုံးဝပြန်လှည့်ရ ကြမည် ဖြစ်သည်။ သခင် ယေရှု၏ဗတ္တိဇံမှာ ကျွန်ုပ်တို့အပြစ်များအားလုံးကို ကိုယ်တော့်အ ပေါ်သို့ ယူဆောင်သွားတော်မူရန် ဖြစ်သည်ဟု ကျွန်ုပ်တို့ယုံကြည်ကြ သောအခါ ကျွန်ုပ်တို့သည် ကယ်တင်ခြင်းခံရ ကြလိမ့်မည်။
တစ်နည်းအားဖြင့် သခင်ယေရှု၏ဗတ္တိဇံ၊ အသေခံတော်မူခြင်း နှင့် ရှင်ပြန်ထမြောက်တော်မူခြင်းသည် ဘုရား ခသင်၏ဖြောင့်မတ် ခြင်း၊ အပြစ်သားများအားလုံး၏ကယ်တင်ခြင်းကို ပြည့်စုံခဲ့သည်။ သခင်ယေရှုသည် လူ့ဇာတိကိုခံယူတော်မူ၍ ကျွန်ုပ်တို့အပြစ်များအား လုံးကို ဆေးကြောပေးတော်မူရန် ဗတ္တိဇံခံယူ၍ ကားစင်တင်အသေခံ တော်မူခဲ့သည်။ ဤအရာများအားလုံးကို လုံးဝယုံကြည်ခြင်းနှင့် သခင်ယေရှုသည် ကိုယ်တော်ကို ယုံကြည်သူများအားလုံး၏ကယ် တင်ရှင် ဖြစ်တော်မူရန် သေခြင်းမှရှင်ပြန်ထမြောက်တော်မူခဲ့သည် ဟု ယုံကြည်ခြင်းသည် စစ်မှန်သောနောင်တရခြင်းနှင့် စစ်မှန်သော ယုံကြည်ခြင်း ဖြစ်သည်။ -
10. ကယ်တင်ခြင်းခရစ်ယာန်ဘာသာ၌ ကယ်တင်ခြင်းမှာ ‘အပြစ်၏တန်ခိုး သို့မ ဟုတ် ပြစ်ဒဏ်ခံခြင်းမှ လွှတ်မြောက်ခြင်း’ ဟု အဓိပ္ပါယ်ရသည်။ ကျွန်ုပ်တို့သည် အပြစ်များအတွက် အပ္ပါယ်ငရဲသို့ သွားရမည် ဖြစ် သည်ကိုလည်းကောင်း၊ သခင်ယေရှုသည် မွေးဖွားခြင်း၊ ဗတ္တိဇံခံ ယူခြင်းနှင့် ကားတိုင်ပေါ်တွင် အသေခံတော်မူခြင်းအားဖြင့် ကျွန်ုပ်တို့ ကို ကယ်တင်တော်မူခဲ့သည်ကိုလည်းကောင်း ကျွန်ုပ်တို့ယုံကြည်ကြ သောအခါ ကျွန်ုပ်တို့သည် ကယ်တင် ခြင်းခံရကြသည်။ သခင် ယေရှု၏ကယ်တင်ခြင်း၊ သခင်ယေရှု၏ဗတ္တိဇံနှင့်အသွေးတော်ကို ယုံ ကြည်ခြင်းအားဖြင့် အပြစ်ကင်းစင်သူများကို ‘ကယ်တင်ခြင်းခံရသော သူများ၊ ဒုတိယ မွေးဖွားခြင်းခံရသောသူများနှင့် ဖြောင့်မတ်သူများ’ ဟုမှည့်ခေါ်သည်။
‘ကယ်တင်ခြင်း’စကားလုံးမှာ သခင်ယေရှုကို ယုံကြည်ခြင်း အားဖြင့် ဗီဇအပြစ်များနှင့်နေ့ စဉ်ကျူးလွန်သောအပြစ်များအပါအ ဝင် သူတို့အပြစ်များအားလုံးမှ ကယ်တင်ခြင်းခံရသောသူများအ တွက် ကျွန်ုပ်တို့အသုံးချနိုင်ကြသည်။ ရေနစ်သူတစ်ဉီးသည် ကယ် တင်ခြင်းခံရသကဲ့သို့ လောကအပြစ်၌ နစ်မြှုပ်သူတစ်ဉီးသည် သခင် ယေရှုကို ကယ်တင်ရှင်အဖြစ်ယုံကြည်ခြင်း၊ ကိုယ်တော်၏ ဗတ္တိဇံနှင့် အသွေးတော်၊ ဝိညာဉ်ရေးရာသမ္မာတရား၏နှုတ်ကပတ်တော်များကို ယုံကြည်ခြင်းအားဖြင့် ကယ်တင်ခြင်းခံရနိုင်သည်။ -
11. ဒုတိယမွေးဖွားခြင်း၎င်းသည် ‘ဒုတိယအကြိမ်မွေးဖွားခြင်း’ကို ဆိုလိုသည်။ အပြစ် သားတစ်ဉီးသည် သခင်ယေရှု၏ဗတ္တိဇံနှင့်ကားတိုင်ကို ယုံကြည်ခြင်း အားဖြင့် ဝိညာဉ်ရေးရာ ကယ်တင်ခြင်းခံရသောအခါ ဒုတိယမွေးဖွား ခြင်း ခံရ၍ ဖြောင့်မတ်သူဖြစ်လာသည်။
ကျွန်ုပ်တို့သည်သခင်ယေရှု၏ဗတ္တိဇံနှင့်အသွေးတော်ကို ယုံကြည် ခြင်းအားဖြင့် ဝိညာဉ်ရေးရာ၌ ဒုတိယမွေးဖွားခြင်းခံရနိုင်ကြသည်။ ဒု တိယမွေးဖွားခြင်းခံရသောသူများသည် သူတို့အပြစ်များအားလုံးကို ဆေးကြောခြင်းခံရသောသူများဖြစ်၍ “အပြစ်များကိုဆောင်ယူသွားရန် မိမိကိုယ်ကိုတစ်ကြိမ်တည်းပူဇော်ပြီးမှ ဒုတိယအကြိမ်၌ကား အပြစ်အတွက်မဟုတ်ဘဲ မိမိကိုစောင့်မျှော်နေသောသူများ” (ဟေဗြဲ ၉း၂၈) ဖြစ်ကြသည်။ -
12. အပြစ်များဖြေလွှတ်ခြင်းဤအရေးကြီးသောခံယူချက်မှာ အပြစ်များ ဖြေလွှတ်ခြင်း အဖြစ် သိရသည်။ ကျွန်ုပ်တို့သည် ရေနှင့်ဝိ ညာဉ်တော်သတင်း ကောင်းအားဖြင့် အပြစ်များအားလုံးတစ်ကြိမ် တည်းဆေးကြောခြင်း ခံရသောအခါ အပြစ်များဖြေလွှတ်ခြင်းခံရကြသည်။ ရေနှင့်ဝိညာဉ် တော်သတင်းကောင်းကို ယုံကြည်ခြင်းမှာ သမ္မာတရားများအစိတ်အ ပိုင်းတစ်ခုကိုယုံကြည်ခြင်း၊သခင်ယေရှုခရစ်တော်၏ဘုရားဖြစ်တော် မူခြင်း၊ဘုရားသခင်၏သားတော်၏လူ့ဇာတိခံယူတော်မူခြင်း၊ကျွန်ုပ် တို့ အားလုံး၏ကယ်တင်ခြင်းအတွက် ကိုယ်တော်၏ဗတ္တိဇံနှင့် အသေ ခံတော်မူခြင်းနှင့် ရှင်ပြန်ထမြောက်တော်မူခြင်းတို့ကို ယုံကြည်ခြင်း ဖြစ်သည်။
သခင်ယေရှုပေးအပ်တော်မူခဲ့ သောရွေးနှုတ်ကယ်တင်ခြင်းမှာ ကိုယ်တော်၏ဗတ္တိဇံနှင့်အသွေး တော်အားဖြင့် ကျွန်ုပ်တို့ပိုင်ဆိုင်နိုင် ကြသည်။ဓမ္မဟောင်းကျမ်း၌ပရောဖက်ပြုထားသည့်အတိုင်း သခင် ယေရှုသည် လူသားများအားလုံးအား အပြစ်မှ ကယ်တင်တော်မူခဲ့ သည်။ သမ္မာကျမ်းစာ၌ ရွေးနှုတ်ကယ်တင်ခြင်းသည် သခင်ယေရှု၏ ဗတ္တိဇံနှင့်အသွေးတော်ကို ယုံကြည်ခြင်းအားဖြင့် အပြစ်များ ဆေး ကြောခြင်းကို ရည်ညွှန်းသည်။ အပြစ်များအားလုံးကို သခင်ယေရှုအ ပေါ်သို့ လွှဲပြောင်းခဲ့သောကြောင့် လူသားများ၏နှလုံးသားများ၌ အပြစ်တစ်စုံတစ်ခုမျှ မရှိတော့ပေ။
ကိုယ်တော်၏ဗတ္တိဇံကို ယုံကြည်ခြင်းအားဖြင့် သခင် ယေရှုအ ပေါ်သို့ ကျွန်ုပ်တို့အပြစ်များအားလုံးလွှဲပြောင်းခဲ့ပြီးမှသာ ကျွန်ုပ်တို့ သည်မိမိကိုယ်ကိုကိုယ်ကယ်တင်ခြင်းခံရသောသူများနှင့် ဖြောင့်မတ် သူများအဖြစ် မှည့်ခေါ်နိုင်ကြသည်။ -
13. သခင်ယေရှုခရစ်တော်သခင်ယေရှု- ‘လူသားအားလုံးကို အပြစ်များမှ ကယ်တင်တော် မူ၍ ထိုအပြစ်များအတွက် ပြစ် ဒဏ်ခံတော်မူသောကယ်တင်ရှင် ဖြစ်သည်။’ သခင်ယေရှုသည် လူသားများအားလုံးကို အပြစ်များမှ ကယ်တင်တော မူခဲ့သောအရှင်၊ ကယ်တင်ရှင်ကို ရည်ညွှန်းသည်။
ခရစ်တော်- ‘ဘိသိက်ခြင်းခံရသောသူ’ ဘုရားရှေ့တော်၌ ဘိ သိက်ခြင်းခံရသောသူ တစ်ဉီး၏ရာထူးများ၌ ပုဂ္ဂိုလ်သုံးမျိုးသုံးစားရှိ၍ ၎င်းတို့မှာ (၁) ရှင်ဘုရင်များ၊ (၂) ပရောဖက်များနှင့် (၃) ယဇ်ပုရော ဟိတ်များဖြစ်ကြသည်။ သခင်ယေရှုသည် ၎င်းတို့အားလုံးကို ပြည့်စုံ စေတော်မူခဲ့သည်။ သခင် ယေရှုခရစ်တော်သည် ဤအရာအားလုံးကို လုပ်ဆောင်တော်မူခဲ့သည်။ ကျွန်ုပ်တို့သည် သခင်ယေရှုကို ရွေးနှုတ် ခြင်းနှင့်ကယ်တင်ခြင်းကို ကျွန်ုပ်တို့ထံ ယူဆောင်တော်မူခဲ့သော ရှင် ဘုရင်၊ပရောဖက်နှင့် ယဇ်ပုရောဟိတ် ဖြစ်တော်မူသည်ဟု ယုံကြည်ရ ကြမည် ဖြစ်သည်။ ထိုကြောင့် ကျွန်ုပ်တို့သည် ‘သခင်ယေရှုခရစ် တော်’ဟု မှည့်ခေါ်ခြင်း ဖြစ်သည်။ ကိုယ်တော်သည် ဗတ္တိဇံနှင့် အသွေးတော်အားဖြင့် လောကအပြစ်များအားလုံးမှ ကျွန်ုပ်တို့ကို ကယ်တင်ပေးတော်မူခဲ့သော ကောင်းကင်ဆိုင်ရာ ယဇ်ပုရောဟိတ် ဖြစ်တော်မူသည်။
ထိုကြောင့် ကိုယ်တောသ်ည် ယုံကြည်သူအားလုံး၏ရှင်ဘုရင် ဖြစ်တော်မူသည်။ ကျွန်ုပ်တို့သည် ကိုယ်တော့်ရှေ့တော်သို့ တိုးဝင်ကြ သောအခါ ကျွန်ုပ်တို့အပြစ်များကို ကိုယ်တော်သည် နားလည်သ ဘောပေါက်စေတော်မူသည်။ ကျွန်ုပ်တို့သည် ဘိုးဘေးများအချိန် မှစ၍ အပြစ်သားများဖြစ်ကြသည်ကိုလည်းကောင်း၊ အပြစ်များ၏မျိုး ဆက်များအဖြစ်ကျွန်ုပ်တို့မွေးဖွားခဲ့ကြသည်ကိုလည်းကောင်း၊ ဘုရား သခင်၏တရားစီရင်ခြင်းအောက်၌ နေရကြသည်ကိုလည်းကောင်း ကိုယ်တော်သည် ကျွန်ုပ်တို့ကို သွန်သင်တော်မူခဲ့သည်။
ကျွန်ုပ်တို့သည် ကိုယ်တော်၏ဗတ္တိဇံနှင့်အသွေးတော်အားဖြင့် ကွန်ုပ်တို့အပြစ်များဆေးကြောခြင်းခံရကြသည်ဟု ကိုယ်တော်သည် ကျွန်ုပ်တို့အား သွန်သင်တော်မူခဲ့သည်။ ကိုယ်တော်သည် အပြစ်သား ကျွန်ုပ်တို့အတွက် ဤအမှုများအားလုံးကို ပြုတော်မူခဲ့သည်။ -
14. ဘုရားသခင်၏ပညတ်တော်-ပညတ်တော်ဆယ်ပါးနေ့စဉ်ဘဝနှင့်ပတ်သက်၍ ဘုရားသခင်၏ပညတ်တော်၌ အထုံးအဖွဲ့ပေါင်း ၆၁၃ ပိုဒ်ရှိသည်။ သို့သော် ကျွန်ုပ်တို့သည် ဘုရား ရှေ့တော်၌ စောင့်ရှောက်ရမည့်ပညတ်တော်အနှစ်ချုပ်အားဖြင့်ပ ညတ်တော်ဆယ်ပါး ဖြစ်သည်။ “လုပ်ရန်” နှင့် “ရှောင်ရန်”ဟူ၍ ဆောင်ရန်များနှင့် ရှောင်ရန်များရှိကြသည်။ ဤအရာများသည် ဘဝ လမ်းညွှန်များဖြစ်၍ ဘုရားသခင်၏ပညတ်တော်များကို ကျွန်ုပ်တို့ထံ ပေးဆပ်ခဲ့သောကြောင့် ကျွန်ုပ်တို့သည် မိမိအပြစ်များကို နားလည် သဘောပေါက်နိုင်ကြသည်။ ကျွန်ုပ်တို့သည် ဘုရားသခင်၏ပညတ် တော်များအားဖြင့် ကိုယ်တော်ကို မည်မျှ နာမခံခဲ့ကြသည်ကို အသိ အမှတ်ပြုနိုင်ကြသည်။
ဘုရားသခင်သည် ကျွန်ုပ်တို့အား ပညတ်တော်များပေးအပ် တော်မူခဲ့ခြင်းအကြောင်းမှာ ကျွန်ုပ်တို့အပြစ်များကို နားလည်သ ဘောပေါက်ရန် ဖြစ်သည်။ ကျွန်ုပ်တို့သည် ဘုရားသခင်၏ပညတ် တော်များကိုအကုန်အစင်မစောင့်ရှောက်နိုင်ကြသောကြောင့် ကျွန်ုပ် တို့သည် သခင်ယေရှုကို မယုံကြည်မီ အပြစ်သားများဖြစ်ကြသည်ဟူ သောအချက်ကို နှိမ့်ချစွာ လက်ခံရကြမည် ဖြစ်သည်။ ကျွန်ုပ်တို့အား လုံးသည် အပြစ်သားများဖြစ်ကြ၍ ကျွန်ုပ်တို့သည် ကိုယ်တော်၏ပ ညတ်တော်နှင့်အညီ အသက်မရှင်နိုင်ကြသည်ကို ဘုရားသိတော်မူ သည်။ ထိုကြောင့် ကိုယ်တော်သည် လူသားတစ်ဉီးအဖြစ် ဤလော ကသို့ ကြွဆင်းတော်မူခဲ့၍ ဗတ္တိဇံခံကာ ကားတိုင်ပေါ်တွင် တရားစီ ရင်ခြင်းခံတော်မူခဲ့သည်။ ကိုယ်တော်၏ပညတ်တော်များအားဖြင့် အသက်ရှင်ရန် ကြိုးစားခြင်းမှာ လျစ်လျူရှုခြင်းအပြစ် ဖြစ်သည်။ ကျွန်ုပ်တို့သည် ထိုသို့ မပြုသင့်ကြပေ။
ဘုရားသခင်သည် မည်မျှပြည့်စုံ၍ သန့်ရှင်းသောဘုရားဖြစ် တော်မူသည်ကိုလည်းကောင်း၊ ကျွန်ုပ်တို့လူသားများသည် မည်မျှ အားနည်းကြသည်ကို လည်းကောင်း ပညတ်တော်က ပြသသည်။ တစ်နည်းအားဖြင့်၊ ဘုရားသခင်၏သန့်ရှင်းခြင်းနှင့် ပြည့်စုံခြင်းတို့ သည် ဘုရားသခင်၏ပညတ်တော်၌ ထင်ရှားခဲ့သည်။ -
15. သခင်ယေရှုဗတ္တိဇံခံခဲ့သောနေရာ၊ ယောဒန်မြစ်ယောဒန်မြစ်သည် ပင်လယ်သေထဲသို့ လျှင်မြန်စွာ စီးဆင်း သည်။ ပင်လယ်သေ၏မျက်နှာပြင်မှာ ပင်လယ်မျက်နှာပြင်ထက် ၄၀၀ မီတာခန့် နိမ့်သည်။ ထိုကြောင့် ပင်လယ်သေ၌ ရေသည် အခြား နေရာသို့မစီးဆင်းနိုင်ဘဲပင်လယ်သေ၌သာ ပိတ်ဆိုခဲ့သည်။ ပင်လယ် သေ၏ဆားငန်မှာ အခြားသာမန်ပင် လယ်များထက် ၁၀ ဆပို၍မြှင့် မား၍ အခြားသက်ရှိသတ္တဝါများထိုနေရာတွင် အသက်မရှင်နိုင်ကြ ပေ။ ထိုကြောင့် ၎င်းကို ပင်လယ်သေဟု မှည့်ခေါ်ခြင်း ဖြစ်သည်။ သခင်ယေရှုသည် သေခြင်းမြစ်(ယောဒန်မြစ်)၌ ဗတ္တိဇံယောဟန်အား ဖြင့် ဗတ္တိဇံခံယူတော်မူခဲ့သည်။ လူသားများအားလုံး၊ နှလုံးသား၌အ ပြစ်မရှိသောသူများသည် နောက်ဆုံးတွင် သူတို့အပြစ်များအတွက် ထာဝရပြစ်ဒဏ်ရင်ဆိုင်ရမည်ကို ဤအရာက တင်ပြထားသည်။
ထိုကြောင့် ယောဒန်မြစ် သည် အပြစ်များဆေးကြောသောမြစ်၊ အပြစ်သားများသေသောမြစ် ဖြစ်သည်။ အကျဉ်းအားဖြင့် ထိုမြစ်မှာ ဗတ္တိဇံအားဖြင့် လောကအပြစ်များအားလုံးဆေးကြောပေးနိုင်၍ သ ခင်ယေရှုအပေါ်သို့ အပြစ်များ လွှဲပြောင်းပေးသော နေရာရွေးနှုတ် ခြင်းမြစ် ဖြစ်သည်။
Copyright © 2021 by The New Life Mission